ကန်ပက်လက်တိုက်ပွဲ ဖမ်းမိစစ်သုံ့ပန်းတွေမှာ ဗိုလ်နဂါးရဲ့ BNRA တပ်ဖွဲ့ဝင်ဟောင်းအချို့ ပါဝင်

အောက်တိုဘာ ၂၂၊ ၂၀၂၆။ ထားမြတ်/People’s Spring

ချင်းပြည်နယ်တောင်ပိုင်း ကန်ပက်လက်မြို့နယ်တိုက်ပွဲ ဖမ်းမိတဲ့ စစ်သုံ့ပန်းတွေမှာ စစ်တပ်ထံ လက်နက်ချ အညံ့ခံသွားတဲ့ ဗိုလ်နဂါးရဲ့ BNRA တပ်ဖွဲ့ဝင်ဟောင်းအချို့ ပါဝင်ကြောင်း ဒေသခံ သတင်းရင်းမြစ်အချို့က အသိပေးပါတယ်။

စစ်တပ်က ကန်ပက်လက်မြို့နယ် ကျင်ဒွေးမြို့ကို စစ်ကြောင်းထိုးလာရာ ချင်းပြည်သူအစည်းအရုံး (CPU/CPA)နဲ့ မဟာမိတ်ပူးပေါင်းတပ်တွေက ခုခံတိုက်ခိုက်နေလို့ စက်တင်ဘာလကုန်ပိုင်းကနေ တိုက်ပွဲတွေဖြစ်ပွားလျက်ရှိရာ စစ်တပ်က အထိနာလျက်ရှိပါတယ်။

တိုက်ပွဲအတွင်း ဖမ်းမိ စစ်သုံ့ပန်းတွေမှာ BNRA တပ်ဖွဲ့ဝင်အချို့ကို တော်လှန်ရေးပူးပေါင်းတပ်က ဖမ်းမိထားကြောင်း ချင်း-မကွေးအစပ် ဒေသတွင်း သတင်းတွေ ပုံမှန် ဖော်ပြနေတဲ့ ယောအလင်းတန်းက ဒီကနေ့ ဖော်ပြခဲ့ရာ မင်းတပ်ဒေသခံ သတင်းရင်းမြစ်ကလည်း သုံ့ပန်းတွေထဲမှာ BNRA ရဲဘော်ဟောင်းတွေ ပါတယ်ဆိုတာ ကြားမိကြောင်း ဖြေကြားပါတယ်။

ဖမ်းမိသုံ့ပန်းအရေအတွက် ၊ BNRA တပ်ဖွဲ့ဝင်ဟောင်း အရေအတွက် အသေးစိတ်တော့ မသိရသေးဘူးလို့ သတင်းရင်းမြစ်က ပြောပါတယ်။

အဲဒီဖြစ်စဉ်နဲ့ပတ်သက်ပြီး ချင်းပြည်သူ့အစည်းအရုံး(CPU/CPA) ပြောရေးဆိုခွင့်ရှိသူထံ ဆက်သွယ်မေးမြန်းထားဆဲဖြစ်ပါတယ်။

ယောအလင်းတန်းရဲ့ ဖော်ပြချက်မှာတော့ အောက်တိုဘာ ၁၂ရက် ကျင်ဒွေးဒေသ မဆာတွီနဲ့ မောချောင်းကြား တိုက်ပွဲမှာ BNRA တပ်ဖွဲ့ဝင်ဟောင်းတွေအပါအဝင် စစ်သုံ့ပန်းတွေ လက်နက်နဲ့အတူ အရှင်ဖမ်းမိခဲ့တာလို့ ဆိုပါတယ်။

CPU/CPA အထွေထွေအတွင်းရေးမှူး ဆလိုင်းယောမာန်ကတော့ ချင်း-မကွေးအစပ် စစ်မျက်နှာ ၄ခုမှာ တိုက်ပွဲတွေဖြစ်ပွားခဲ့ပြီး စစ်တပ်အထိနာအောင် တိုက်ခိုက်ထားနိုင်ကြောင်း ပြီးခဲ့တဲ့ရက်ပိုင်းမှာ အသိပေးထားပါတယ်။

CPU/CPA မဟာမိတ်ပူးပေါင်းတပ်နဲ့ စစ်တပ်အကြား တိုက်ပွဲဖြစ်နေတဲ့ စစ်မျက်နှာတွေကတော့ ချင်းပြည်နယ် မင်းတပ်၊ ကန်ပက်လက်၊ ကျင်ဒွေးနဲ့ ချင်း-မကွေးအစပ် ထီးလင်းမြို့နယ် ရွှေအောင်သာ ဒေသ တွေဖြစ်တယ်လို့ ဆိုပါတယ်။ စစ်တပ်ရဲ့ ထိခိုက်ကျဆုံးနဲ့ သိမ်းဆည်းရမိလက်နက်တွေ၊ ဖမ်းဆီးရမိ သုံ့ပန်းတွေ၊ အလင်းဝင်လာတဲ့ စစ်ကောင်စီတပ်ဖွဲ့ဝင်တွေရဲ့ အခြေအနေတွေကို အခါအားလျော်စွာ သတင်းထုတ်ပြန်လျက်ရှိကြောင်း ဖော်ပြထားပြီး လတ်တလော အခြေအနေတွေကို ဖော်ပြတာမျိုးတော့ မရှိသေးပါဘူး။

( ဗိုလ်နဂါးနဲ့ BNRA တပ်ဖွဲ့ဝင်တချို့ကို စစ်တပ်ထံအညံ့မခံမီက တွေ့ရစဉ်။ ဓာတ်ပုံ - BNRA)

စက်ဆုပ်ဖွယ်အကောင်းဆုံးရာဇဝတ်သားအဖြစ် နာမည်ကြီးတဲ့ဂျက်ဖရီအက်ပ်စတိန်း (Jeffrey Epstein)က Little Saint James ကျွန်းမှာနေထိုင်ပြီး ထင်ရှားကျော်ကြားတဲ့ ပုဂ္ဂိုလ်တွေနဲ့အတူ မိန်းကလေးငယ်တွေကို ပွဲတော်တည်ခဲ့သူအဖြစ်ကမ္ဘာ့သတင်းတွေက ဖော်ပြပါတယ်။ကာရစ်ဘီယံပင်လယ်ထဲက Little Saint James ကျွန်းဟာ လူအဖွဲ့အ
စည်းနဲ့ ဝေးကွာရာအရပ်က ဆိတ်ကွယ်ရာနေရာဖြစ်ပါတယ်။

အညာဒေသတစ်နေရာမှာလည်း လူတစ်ယောက်က ရည်ရွယ်ချက်ရှိရှိ ဖန်တီးထားတဲ့ ဆိတ်ကွယ်ရာနေရာတစ်ခု ရှိနေပါတယ်။ ပုလဲမြို့ပေါ်နဲ့ မိုင်၂၀ ခန့်ဝေးတဲ့ တောတိုက်ထဲမှာလည်း သံသယဖြစ်စရာ မြေအောက်ခန်းတစ်ခုကို ဒေသခံတွေနဲ့ တော်လှန်ရေးတပ်တွေက ဖေဖော်ဝါရီလ ၁၈ရက်နေ့မနက်မှာ တွေ့ခဲ့ပါတယ်။ အဲဒီနေရာမှာ လိင်ပိုင်းဆိုင်ရာကျူး
လွန်မှုတွေ၊သတ်ဖြတ်မှုတွေရှိခဲ့တဲ့ အထောက်
အထားတွေ ရထားတယ်လို့ ဒေသခံတွေနဲ့ တော်လှန်ရေးတပ်တွေက ပြောပါတယ်။

သူ့ကိုယ်သူ တော်လှန်ရေးခေါင်းဆောင်အဖြစ်ကြွေးကြော်ပြီးစစ်တပ်နဲ့ပူး​ပေါင်းသွားခဲ့တဲ့ BNRAအဖွဲ့ခေါင်းဆောင်ဗိုလ်နဂါးကပုလဲမြို့နယ်နဲ့ယင်းမာပင်မြို့နယ်စပ်က ဂွေးပင်ရွာတောတိုက်ထဲမှာ မြေအောက်ခန်း‌ဆောက်ပြီး လုံခြုံရေးအစောင့်အရှောက်တွေ၊ အခြွေအရံတွေနဲ့အတူ ရာဇဝတ်မှုတွေ ကျူးလွန်ခဲ့တယ်လို့ ဒေသခံတွေနဲ့တော်လှန်ရေးအင်အားစုတွေကပြောပါတယ်။

Little Saint James ကျွန်းပေါ်က ဇာတ်လမ်းတွေမှာ ဇာတ်ဆောင်က ဂျက်ဖရီအက်ပ်စတိန်းဖြစ်ရင် ပုလဲနယ်က ရှားရှားပါးပါး မြေအောက်ခန်းထဲက အဖြစ်အပျက်တွေရဲ့ အဓိကဇာတ်ဆောင်က ဗိုလ်နဂါးဖြစ်တယ်လို့ ယုံကြည်နေကြပါတယ်။

●ဇာတ်လမ်းအစ

လူထုကိုအကြမ်းဖက်သတ်ဖြတ်နေတဲ့ အာ
ဏာသိမ်းစစ်ခေါင်းဆောင် မင်းအောင်လှိုင်ကို အသေရရ၊အရှင်ရရ တိုက်ခိုက်ရှင်းလင်းပြီး ဖြစ်နိုင်ရင် နေပြည်တော်အထိတက်ပြီးတိုက်မယ်လို့ကြွေးကြော်ခဲ့ပြီးမှ စစ်ကောင်စီထံ ထွက်ပြေးလက်နက်ချသွားတဲ့ ဗိုလ်နဂါးရဲ့ တော်လှန်ရေးကာလအစကိုပြန်ကြည့်ရအောင်ပါ။

စစ်တပ်အာဏာသိမ်းပြီးနောက် ဗိုလ်နဂါးကပုလဲမြို့နယ်မှာ အခြေစိုက်ပြီး မြန်မာ့တော်ဝင်နဂါးတပ်တော်(MRDA)ကို ဖွဲ့စည်းခဲ့ပါတယ်။၂၀၂၂ ခုနှစ်မှာ NUGကာကွယ်ရေးဝန်ကြီး
ဌာန(MOD) လက်အောက်ကို ယင်းမာပင်ခရိုင်တပ်ရင်းအမှတ် ၃၊၄၊၅၊၆ အဖြစ် ဝင်ရောက်ခဲ့ပါတယ်။ဒါပေမယ့် ဗိုလ်နဂါးက MODရဲ့ ညွန်ကြားချက်တွေကိုမလိုက်နာဘဲသီးခြားလှုပ်
ရှားနေတာကြောင့် အဲ့ဒီတပ်ရင်းလေးခုကို ၂၀၂၃ ဩဂုတ်လဆန်းမှာ MOD က ထုတ်
ပယ်ခဲ့ပါတယ်။

တပ်ရင်းမှူးတွေကတော့MODနဲ့ပူးပေါင်းခဲ့ပါတယ်။ထုတ်ပယ်ခံရပြီးနောက် ဗိုလ်နဂါးက MRDA အနေနဲ့မရပ်တည်တော့ဘဲ ဗမာအ
မျိုးသားတော်လှန်ရေးတပ်မတော်(BNRA) အဖြစ် အမည်ပြောင်းခဲ့ပါတယ်။

စစ်တပ်ထံ လက်နက်မချခင်အထိတော်လှန်
ရေးကာလတစ်လျှောက်လုံးမှာ စစ်အာဏာ
ရှင်ကို ရေဆုံးမြေဆုံးလိုက်ပြီး မြေလှန်မယ်လို့ လူမှုကွန်ရက်မှာမကြာခဏ Live လွှင့်ပြီး လူ
ထုကို စည်းရုံးခဲ့ပါတယ်။ လူထုသည်းခြေ
ကြိုက်စကား‌တွေ ပြောရင်း ဗိုလ်နဂါးက နာ
မည်ပိုကြီးကြီးလာပါတယ်။ တော်လှန်ရေးကာလအစမှာ NUG အစိုးရက ပေးခဲ့တဲ့ လက်နက် ၂၀၀အပြင် လူထုဆီက ငွေတွေနဲ့ ဝယ်ခဲ့တဲ့သေနတ်တွေကို တော်လှန်စိတ်ပြင်းထန်တဲ့ လူ

ငယ်တွေဆီ ဖြန့်ဝေပြီး အာဏာတည်ဆောက်ပါတယ်။သူဦးဆောင်တဲ့ BNRA အဖွဲ့ဟာ ဒေသတွင်းမှာ အတော်အသင့် အင်အားကြီး လက်နက်ကိုင်အဖွဲ့ဖြစ်လာပါတယ်။

၂၀၂၃ ဩဂုတ်လဆန်းမှာ MOD က ထုတ်
ပယ်ခံရပြီးနောက်ပိုင်း လူထုတော်လှန်ရေးအသိုင်းအဝိုင်းမှာ သင်းကွဲသွားတဲ့ ဗိုလ်နဂါးက ဂွေးပင်ရွာက ၁၀ ဧကဝန်းကျင်ကျယ်တဲ့ တောတိုက်ကို သူအခြေချမယ့်နေရာအဖြစ် ရွေးချယ်လိုက်ပါတယ်။ တောင်ယာပိုင်ရှင်ဒေသခံတွေကို ခွင့်မတောင်းဘဲ ​မြေဖိုး​မ​ပေးပဲ အပိုင်သိမ်းခဲ့တာဖြစ်ပါတယ်။ တောတိုက်ထဲကတစ်နေရာမှာ ပေ၂၀ ခန့်ကျယ်တဲ့ မြေ
အောက်ခန်းဆောက်လိုက်ပါတယ်။မြေ
အောက်ခန်းကို ကြွေပြားကပ်ပါတယ်။
ဆိုလာမီးဆင်ပါတယ်။

မိန်းကလေးငယ် အချို့ကိုလည်းခေါ်ထားပါတယ်။ အိပ်ယာကို မွေ့ရာထူထူခင်းပါတယ်။သူ့လုံခြုံရေးအဖွဲ့ကိုထားတဲ့ ဘားတိုက်ဟာ မြေအောက်ခန်းနေရာနဲ့ ပေ ၃၀၀ ခန့်အကွာမှာထားပါတယ်။ ​ဈေးကြီးလှတဲ့မြင်းတွေလည်း အ​ကောင်​ရေဆယ်နဲ့ချီ မွေးထားပါတယ်။ သူကသိန်း၃၀၀ ခန့်အထိ တန်ကြေးရှိတဲ့ မြင်းတွေကိုလည်း ဝယ်ယူထားတယ်လို့ ပုလဲမြို့နယ်နဲ့ဆက်စပ်နေတဲ့ ယောဒေသက နွားပွဲစားတစ်ဦးကပြောပါတယ်။ လူသူကင်းဝေးပြီး တောရိပ်တောင်ရိပ်အလယ်က မြေ
အောက်ခန်းမှာ ဗိုလ်နဂါးက ဘုရင်တစ်ပါးလို စံမြန်းနေခဲ့ပါတယ်။

လူမှုကွန်ရက်မှာ liveလွှင့်ပြီး လူထုကိုတော်
လှန်ရေးတရားဟောတဲ့အထဲ ဒီအကြောင်းတွေကိုလုံးဝထည့်မပြောပါဘူး။အမြဲတစေပွင့်ပွင့်လင်းလင်း​ပြောတက်တဲ့ ၊တိုက်ပွဲဝင်လိုတဲ့စစ်သူကြီးအဖြစ် သူ့ကိုယ်သူပုံဖော်ထားခဲ့ပါတယ်။

ဒါပေမယ့် ဖေဖော်ဝါရီလ၁၈ရက်နေ့က PDF နဲ့ ပကဖတွေ စီးနင်းခဲ့တဲ့ ဂွေးပင်ရွာက မြေ
အောက်ခန်းမြင်ကွင်းဟာ လူသူမသိတဲ့ ငရဲခန်းကို ဖွင့်ချလိုက်သလိုပဲလို့ ဒေသခံတွေကပြောပါတယ်။

●တောတိုက်ထဲကရာဇဝတ်မှုတွေ

၂၀၂၃ နှစ်လယ်ခန့်ကစပြီး ဗိုလ်နဂါးအခြေချခဲ့တဲ့ ဂွေးပင်ရွာကတောတိုက်ထဲမှာ လိင်ပိုင်းဆိုင်ရာကျူးလွန်မှုတွေ၊ရိုက်နှက်နှိပ်စက်မှုတွေ၊အကြောင်းရင်းမသိရဘဲပျောက်ဆုံးသွားသူတွေ ရှိခဲ့တယ်လို့ ကပဖနဲ့PDFတွေထိန်း
သိမ်းထားတဲ့ BNRAအဖွဲ့ဝင်တွေက ထုတ်ဖော်ဝန်ခံထားပါတယ်။ဗိုလ်နဂါးဟာ ပြည်သူ့တော်လှန်‌ရေးနဲ့ တရားဥပဒေ စိုးမိုး‌ရေးကို ဆန့်
ကျင်တဲ့ လုပ်ရပ်တွေ ကိုယ်တိုင် ကျူးလွန်တာ၊တပ်ဖွဲ့ဝင်တွေကို ကျူးလွန်ခိုင်းတာ၊ တပ်ဖွဲ့ဝင်တွေ ကျူးလွန်ခဲ့တဲ့ အမှု​တွေကို မျက်ကွယ်ပြုတာတွေကြောင့်အမှုဖွင့်အရေး
ယူထားတယ်လို့ အမျိုးသားညီညွတ်ရေးအစိုးရကာကွယ်ရေးဝန်ကြီးဌာန(MOD)က ထုတ်ပြန်ထားပါတယ်။

စစ်‌ကောင်စီထံဗိုလ်နဂါး လက်နက်ချပူးပေါင်းသွားပြီးနောက်ပိုင်း PDF နဲ့ ပကဖထံ လက်
နက်ချခဲ့တဲ့ခဲ့ BNRAအဖွဲ့ဝင် ၂၀၀ခန့် ရှိပြီး ဗိုလ်နဂါးနဲ့ အနီးကပ်‌ နေခဲ့သူတွေကို အမှတ်
(၁)စစ်ဒေသက စစ်ဆေးနေပါတယ်။

BNRAအဖွဲ့ဝင်တွေကြားထဲမှာ အကြောက်ဆုံးနဲ့ ပဟေဠိအဖြစ်ဆုံးက ဗိုလ်နဂါးနဲ့ အနီးကပ်နေခဲ့တဲ့ ကိုကာပြား ပျောက်ဆုံးသွားမှုပါ။၂၀၂၄ ခုနှစ် နိုဝင်ဘာလထဲမှာ ဗိုလ်နဂါးရဲ့ဆုံးဖြတ်ချက်နဲ့အတူ BNRAအဖွဲ့က ပုလဲမြို့သိမ်းတိုက်ပွဲဆိုပြီးတိုက်ခိုက်ခဲ့ပါတယ်။၄ ရက်အကြာမှာ ပြန်လည်ဆုတ်ခွာခဲ့ရပါတယ်။ နောက်ပိုင်းထွက်ပေါ်လာတဲ့သတင်းတွေမှာ ဗိုလ်နဂါးက သူ့စစ်ကြောင်းတွေဝင်လာမယ့်လမ်းကြောင်းကို စစ်ကောင်စီထံကြိုတင်ပေးပို့ခဲ့ပြီး တိုက်ပွဲအတုဖော်ဆောင်ခဲ့တယ်လို့ စွပ်စွဲမှုတွေရှိခဲ့ပါတယ်။

ဒီစစ်ဆင်ရေးနဲ့ပတ်သက်လို့ PDFနဲ့ပကဖတွေကို အသိမပေးခဲ့ပါဘူး။စစ်ကောင်စီရဲ့လေ
ကြောင်းတိုက်ခိုက်မှုတွေနဲ့မြေပြင်စစ်ကြောင်း
ဝင်လာတာတွေကြောင့် ဒေသခံတွေထိခိုက်မှုရှိလာချိန်မှာ PDFနဲ့ပကဖတွေကဖြတ်တောက်
ရေးတာဝန်ယူခဲ့ကြရပါတယ်။

BNRA တပ်ဖွဲ့ဝင်​တွေ စစ်ဦးကျိုးပြီး အထိနာခဲ့တဲ့အဲဒီစစ်ဆင်ရေးအပြီးမှာ ဗိုလ်နဂါးက လူ
ထုကိုလိမ်လည်သတင်းထုတ်ပြန်တာတွေ၊ သေဆုံးတဲ့ BNRA အဖွဲ့ဝင်တွေသတင်းကို မိဘတွေဆီ အသိမပေးဘဲထိန်ချန်ထားတာတွေနဲ့ပတ်သက်လို့ ကိုကာပြားက ဝေဖန်ခဲ့ပါတယ်။ အကြီးအကျယ်စကားများပြီး ဗိုလ်နဂါးက ကိုကာပြားကို ဖမ်းဆီးချုပ်နှောင်ခဲ့ပါတယ်။ ကိုကာပြားထွက်ပြေးလွတ်
မြောက်သွားပေမယ့် တောတိုက်တစ်နေရာမှာပဲ ပြန်လည်ဖမ်းဆီးခံရပါတယ်။ နောက်ဆုံးတော့ ကိုကာပြားသတင်းအစ ပျောက်သွားပါတယ်။ကိုကာပြားက ဧရာဝတီတိုင်းဘက်ကနေရောက်လာတဲ့ တော်လှန်ရေးရဲဘော်တဦးအနေနဲ့သာသိထားပြီး ကျန်တဲ့အသေးစိတ်အချက်အလက်တွေကို ဘယ်သူမှမသိကြပါဘူး။

“သတ်လိုက်တာလား၊ ဘာလာမသိပေမယ့် BNRA က ပြန်ဖမ်းမိပြီးနောက်ပိုင်း ကိုကာပြားပျောက်သွားဆုံးသွားတယ်။ ဒီနေ့အထိ
မတွေ့ရတော့ဘူး။ ဒါမျိုးကို BNRAထဲကလူငယ်တွေကအခုထိကြောက်နေကြတယ်” လို့ PDF ရဲဘော်တစ်ဦးကပြောပါတယ်။


https://www.ludunwayoo.com/feature-mm/2026/03/06/150358/

မင်္ဂလာတောင်ညွန့်မြို့နယ်မှာ ပစ္စည်းခိုးယူပြီးလူသတ်မှုကျူးလွန်သူတွေ ဖမ်းမိ

အောက်တိုဘာ-၂၂၊၂၀၂၆။သတိုး/People's Spring

ရန်ကုန်မြို့ မင်္ဂလာတောင်ညွန့်မြို့နယ်မှာ ဖြစ်ခဲ့တဲ့ ပစ္စည်းခိုးယူပြီး လူသတ်မှုကျူးလွန်သူတွေကို စစ်တပ်လက်အောက်ခံ ရဲတပ်ဖွဲ့က ဖမ်းမိခဲ့ပါတယ်။

အောက်တိုဘာ ၂၁ ရက် နံနက် ၁ နာရီကျော်မှာ မင်္ဂလာတောင်ညွန့်မြို့နယ် ပုသိမ်ညွှန့်ရပ်ကွက်က စတိုးဆိုင်ဖွင့်ထားတဲ့ နေအိမ်ကို ဝင်ခိုးတဲ့ အမျိုးသား ၃ဦးက အိမ်ရှင်တွေကို ဓားနဲ့တိုက်ခိုက်ခဲ့တာကြောင့် အသက် ၂၄ နှစ်အရွယ် လူငယ် ၁ဦးသေဆုံးကာ အသက် ၆၀ ကျော်အမျိုးသမီး အရေးပေါ်တင်ပို့ခဲ့ရတာဖြစ်ပါတယ်။

ကျူးလွန်သူတွေအနက် ၁ဦးကို နေ့ချင်းဖမ်းဆီးနိုင်ခဲ့ပြီး ကျန် ၂ဦးကို ဒီနေ့(အောက်တိုဘာ ၂၂) ဒဂုံမြို့သစ်တောင်ပိုင်း မြို့နယ်မှာဖမ်းမိခဲ့တာလို့ သိရပါတယ်။

ဖမ်းဆီးခံရသူတွေက အသက် ၂၀ ဝန်းကျင်လူငယ်‌ တွေဖြစ်ပြီး မင်္ဂလာတောင်ညွန့်မြို့နယ် ရဲစခန်းမှာ ရာဇသတ်ကြီးပုဒ်မ ၃၀၂ လူသတ်မှုပုဒ်မနဲ့ အရေးယူဆောင်ရွက်နေတယ်လို့ ဆိုပါတယ်။

သေဆုံးသူလူငယ်က ဂျပန်နိုင်ငံကိုသွားရောက်ဖို့ စောင့်ဆိုင်းနေသူဖြစ်ပြီး အရေးပေါ်ရောက်သွားတဲ့ အမျိုးသမီးက ဆေးကုသမှုခံယူနေဆဲဖြစ်ပါတယ်။

မနေ့က (အောက်တိုဘာ ၂၁) ညနေက EV ကားအားသွားသွင်းတဲ့ အမျိုးသမီးတစ်ဦးလည်း CCTV မှတ်တမ်းအရ လူငယ် ၃ဦးက ခေါ်ဆောင်သွားတယ်လို့ သိရပြီး အဆက်အသွယ်ပြတ်တောက်နေပါတယ်။

စစ်တပ်က အာဏာသိမ်းပြီးနောက်ပိုင်း ကုန်ဈေးနှုန်းတွေ အဆမတန် တက်ပြီး စီးပွားရေးကျပ်တည်းလာတာကြောင့် ခိုးဆိုးလုယက်မှုတွေ ပိုများလာတာလို့ ပြည်သူတွေက မှတ်ချက်ပေးထားကြပါတယ်။

ရန်ကုန်မြို့မှာ ဒီ‌နှစ်အတွင်း ပစ္စည်းလုယက် လူသတ်တာတွေ ဆက်တိုက်ဖြစ်နေပြီး ပြည်သူတွေအနေနဲ့ မလုံခြုံမှုကို ခံစားနေရတယ်လို့ ရင်ဖွင့်ထားကြပါတယ်။

(မင်္ဂလာတောင်ညွန့်မြို့နယ်မှာ ပစ္စည်းခိုးယူပြီးလူသတ်မှုကျူးလွန်သူ ၂ဦးကို ဖမ်းမိထားစဉ်။ ဓာတ်ပုံ - စစ်ကောင်စီ)

KNU ညောင်လေးပင်ခရိုင်က ကျေးရွာကို စစ်တပ် ဗုံးကြဲတိုက်ခိုက်လို့ အဘွားအို ၁ဦး သေဆုံး

အောက်တိုဘာ ၂၂၊ ၂၀၂၆။ ထားမြတ်/People’s Spring

ကရင်အမျိုးသားအစည်းအရုံး(KNU) တပ်မဟာ(၃)နယ်မြေ ညောင်လေးပင်ခရိုင်အတွင်းရှိ ကျေးရွာတစ်ရွာကို အာဏာသိမ်းစစ်တပ်က ဒရုန်းနဲ့ ဗုံးသီးချတိုက်ခိုက်လို့ အသက် ၇၈နှစ်အရွယ် အဘွားအို သေဆုံးကာ ဒဏ်ရာရသူအချို့ ရှိခဲ့တယ်လို့ KNU ဗဟိုက သတင်းထုတ်ပြန်ပါတယ်။

KNU ညောင်လေးပင်ခရိုင် မူး(မုန်း)မြို့နယ် ညောင်ခြေထောက်ကျေးရွာကို စစ်တပ်က အောက်တိုဘာ ၁၈ရက်မှာ ဒရုန်းနဲ့ ဗုံးသီး ၄လုံး ကြဲချတိုက်ခိုက်ခဲ့ရာ အဘွားအို ၁ဦးသေဆုံးကာ အမျိုးသမီးငယ်တဦး ဒဏ်ရာရရှိခဲ့တာလို့ ဆိုပါတယ်။

ဒါ့အပြင် စစ်တပ်ဟာ ညောင်လေးပင်ခရိုင် ရွှေကျင်(ဆောထိ)မြို့နယ်က ကျေးရွာအချို့ကိုလည်း ဒရုန်းနဲ့ တိုက်ခိုက်တာ ပြုလုပ်ခဲ့တယ်လို့ အသိပေးပါတယ်။

အောက်တိုဘာ ၁၃ရက်က ရွှေကျင်မြို့နယ် ထင်းကုန်းကျေးရွာကိုလည်း စစ်တပ်က အသေခံ ဒရုန်း ၂စီးနဲ့ တိုက်ခိုက်ခဲ့လို့ ပြည်သူ့နေအိမ်အချို့ ထိမှန် ပျက်စီးခဲ့ရတယ်လို့ ဖော်ပြထားပါတယ်။

အာဏာသိမ်းစစ်တပ်ဟာ နိုင်ငံတစ်၀န်းရှိ အပြစ်မဲ့ အရပ်သားပြည်သူများကို လေယာဉ်များ၊ ဒရုန်း၊ လက်နက်ကြီးတွေနဲ့ ပစ်မှတ်ထား တိုက်ခိုက်တာ၊ အရပ်သားတွေကို ဖမ်းဆီးသတ်ဖြတ်တာ စတဲ့ စစ်ရာဇဝတ်မှု ဆိုင်ရာတွေကို နေ့စဉ်နဲ့အမျှ ကျူးလွန်နေတယ်လို့လည်း KNUက ထုတ်ပြန်ပါတယ်။

(စစ်တပ် ဗုံးကြဲတိုက်ခိုက်တဲ့ ဒရုန်းကို တွေ့ရစဉ်။ ဓာတ်ပုံ - KNU)

ပြည်သူတွေပံ့ပိုးတဲ့ ကျည်ကာနဲ့ ဦးထုပ်တွေ တနင်္သာရီရှိ PDF တပ်ဖွဲ့တွေဆီ ရောက်ရှိ

အောက်တိုဘာ ၂၂၊ ၂၀၂၆။ ထားမြတ်/People’s Spring

ပြည်သူ့ကာကွယ်ရေးတပ်မတော်(PDF)အတွက် “ဆီသို့လှမ်းချီ တနင်္သာရီ ” ကမ်ပိန်းမှ ထောက်ပို့တဲ့ ကာကွယ်ရေးပစ္စည်းများ လက်ခံရရှိကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ တနင်္သာရီတိုင်းစစ်ဌာန ကွပ်ကဲမှုအောက်ရှိ တပ်ရင်း၊ တပ်ဖွဲ့များအတွက် “ဆီသို့လှမ်းချီ တနင်္သာရီ ” ကမ်ပိန်း မှ ထောက်ပို့ကူညီတဲ့ ကာကွယ်ရေးပစ္စည်းများဖြစ်တဲ့ ကျည်ကာများ၊ ဦးထုပ်များ မြေပြင်တပ်ရင်းတပ်ဖွဲ့များထံသို့ ရောက်ရှိပြီ ဖြစ်ကြောင်း မှတ်တမ်းဓာတ်ပုံတွေ ဖော်ပြ အသိပေးပါတယ်။

ဒီလို ကူညီထောက်ပို့မှုအတွက် “Forward Myanmar” ကမ်ပိန်း အဖွဲ့ နဲ့ တော်လှန်ပြည်သူများအား ကျေးဇူး အထူးတင်ရှိကြောင်း မှတ်တမ်းတင် ဂုဏ်ပြုအပ်ပါတယ်လို့ ဖော်ပြပါတယ်။ဆီသို့လှမ်းချီ တနင်္သာရီ ကမ်ပိန်းကို Forward Myanmar အဖွဲ့က လုပ်ဆောင်ခဲ့တာဖြစ်ပါတယ်။

ဆီသို့လှမ်းချီ တနင်္သာရီ ကမ်ပိန်းဟာ တိုက်ပွဲဝင် PDF ရဲဘော်တွေကို ကျည်ကာတွေ တပ်ဆင်ပေးနိုင်ဖို့ ဖြစ်ပြီး ဆီသို့လမ်းချီ တနင်္သာရီ ကမ်ပိန်းက အမေရိကန်ဒေါ်လာ ၁ သိန်း ၆ သောင်းကျော် ထောက်ပို့ကူညီခဲ့ကြောင်း အခုနှစ် ဧပြီလမှာ ကာကွယ်ရေးဝန်ကြီးဌာနက အသိပေးထုတ်ပြန်ထားဖူးပါတယ်။

အရင်ကလည်း ပြည်သူ့ကာကွယ်ရေးတပ်မတော်၊ မန္တလေးတိုင်းစစ်ဌာန ကွပ်ကဲမှုအောက်ရှိ တပ်ရင်း၊ တပ်ဖွဲ့များအတွက် ကမ်ပိန်းတခု ပြုလုပ်ခဲ့ပြီး ကမ်ပိန်းက ရတဲ့ငွေနဲ့ ကျည်ကာတွေနဲ့ ဦးထုပ်တွေ ဝယ်ယူကာ မြေပြင်တပ်ရင်းတပ်ဖွဲ့တွေဆီ ကို ပေးပို့ခဲ့ပါတယ်။ အဲဒီတုန်းက “Road to Mandalay-ထိုးစစ်ထောက်ပို့မန်းတိုင်းသို့”ကမ်ပိန်း အမည်နဲ့ ရန်ပုံငွေ ရှာဖွေခဲ့တာဖြစ်ပါတယ်။

ဒါ့အပြင် “စစ်ကိုင်းဆီသို့” ကမ်ပိန်းပြုလုပ်ပြီး မြေပြင် PDF တပ်ရင်းတပ်ဖွဲ့တွေဆီကို ကျည်ကာများ၊ ဦးထုပ်များ ပေးပို့ခဲ့ကြောင်း အသိပေးထားပါတယ်။

ပြည်သူ့ကာကွယ်ရေးတပ်မတော် တပ်ရင်း၊ တပ်ဖွဲ့များကို စစ်စည်းကမ်း၊ စစ်ဥပဒေ လိုက်နာသည့် တပ်၊ လက်နက်တပ်ဆင်မှု စနစ်ကျတဲ့ တပ် ဖြစ်လာစေဖို့ ကာကွယ်ရေးဝန်ကြီးဌာနက လေ့ကျင့် တပ်ဆင်လျက်ရှိကြောင်းလည်း ထုတ်ပြန်ခဲ့ပါတယ်။

ဓာတ်ပုံ - MOD

CI စင်တာတွေကိုရပ်ဆိုင်း​​​​ပေးဖို့ ၊ စစ်​ခေါင်း​ဆောင်မိသားစုနဲ့ဆက်နွှယ်သူတွေကအနိုင်
ကျင့်၊ ငွေညှစ်နေတာတွေကိုအမြန်ဆုံးရပ်တန့်ရေးကူညီ​ပေးဖို့ထိုင်းသတင်း​ထောက်ကထိုင်းအာဏာပိုင်​တွေကို​​တောင်းဆို

​အောက်တိုဘာ-၂၂၊၂၀၂၆။People's Spring

ထိုင်းနိုင်ငံရောက် မြန်မာအလုပ်သမားတွေအတွက်မည်သူမည်ဝါဖြစ်​ကြောင်းသက်​သေခံလက်မှတ် (CI) ထုတ်ပေးတဲ့စင်တာမှာ အာ
ဏာသိမ်း မြန်မာစစ်တပ်က ခန့်အပ်တဲ့ အာ
ဏာပိုင်တွေ ခြယ်လှယ် ကြီးစိုးနေသလို ၊စစ်​ခေါင်း​ဆောင်မိသားစုနဲ့ နီးစပ်သူ​တွေလုပ်ခွင့်ရထားကြောင်း ထိုင်းသတင်းထောက်တဦးကထပ်မံဖော်ထုတ်ရေးသားပါတယ်။

ထိုင်းအလွတ်တမ်းသတင်းထောက်တဦးဖြစ်တဲ့ ပေါ့ဒ် နာသက်ဟော့ဘ်ဟာ ဆမွတ်ပရာကန်မှာရှိတဲ့ CI စင်တာမှာ သတင်းရယူစဥ်မြန်မာစစ်တပ် အာဏာပိုင်ဆိုသူ တချို့က သူ့ကို ခြိမ်းခြောက် ဟန့်တားခဲ့တဲ့ ဖြစ်ရပ်ကို အောက်တိုဘာ၂၁ ရက်နေ့တုန်းကလူမှုကွန်
ရက်ပေါ် အကျယ်တဝင့် ရေးသားခဲ့ပါတယ်။ Facebookပေါ်မှာ ထိုင်းဘာသာနဲ့ ရေးသားထားတဲ့ပို့စ်ဟာလူအများရဲ့ အာရုံစိုက်မှုကို
ခံခဲ့ရသလို ထိုင်းပိုင်နက်ထဲမှာ ထိုင်းနိုင်ငံ
သား တစ်ယောက်ကို မြန်မာ အရာရှိတွေက ခြိမ်းခြောက်ခဲ့တဲ့အပေါ် ထိုင်းအာဏာပိုင်တွေက လက်ပိုက်ကြည့်နေသလားဆိုတဲ့ မေးခွန်းတွေပါ ထွက်ပေါ်လာပါတယ်။

အောက်တိုဘာ ၂၂ ရက်နေ့မှာတော့ ပေါ့ဒ်က သူ့ရဲ့စုံစမ်းမှု နောက်ဆက်တွဲ အချက်အလက်တွေကို ရေးသားဖော်ပြခဲ့ပါတယ်။ CI စင်တာတွေမှာ တာဝန်ထမ်းဆောင်ဖို့ ရောက်လာမယ့် မြန်မာဖက်က အရာရှိတွေအတွက် ဗီဇာရရှိအောင် ထိုင်းအလုပ်အကိုင် ဦးစီးဌာနက တာ
ဝန်ယူ ဆောင်ရွက်ပေးနေတာလို့ သူက ဆိုပါတယ်။ ထိုင်းမှာရှိတဲ့ CI စင်တာ ၅ ခုမှာ တာ
ဝန်ထမ်းဆောင်ဖို့ စစ်​ကောင်စီက​စေလွှတ်တဲ့အရာရှိ ၃၃ ဦးကို အလုပ်အကိုင်ဦးစီးဌာနက ဗီဇာရယူပေးခဲ့တယ်လို့ ယုံကြည်ရကြောင်း ပေါ့ဒ်က ရေးသားထားပါတယ်။

ဒီလုပ်ထုံးလုပ်နည်းနဲ့ ပတ်သက်လို့ ဌာနကို အပြစ်တင်စရာ မရှိကြောင်း၊ ဒါပေမဲ့ CI စင်တာထဲမှာ မြန်မာ စစ်တပ်က ခန့်အပ်တဲ့ အ
ရာရှိတွေကို စိတ်တိုင်းကျ ခြယ်လှယ် ကြီးစိုးခွင့် ပေးလိုက်တဲ့အခါ ဘယ်လို ဆိုးကျိုးတွေ ဖြစ်လာစေသလဲ ဆိုတာကိုတော့ ထိုင်းအာ
ဏာပိုင်တွေက သိဖို့လိုကြောင်း၊ မြန်မာစစ်
တပ်ဟာ နီးစပ်သူတွေ၊ဆွေမျိုးသားချင်းတွေ
ကို CI စင်တာတွေမှာ ကိုယ်ကျိုးရှာဖို့ ထိုင်း
ပိုင်နက်ထဲ ခေါ်သွင်းလာပြီး မာဖီးယားတွေလို ပြုမူနေကြောင်း ပေါ့ဒ်က ​ရေးသားထားပါတယ်။

CI စင်တာတွေထဲမှာ ဖြစ်ချင်တိုင်း ဖြစ်နေတာတွေကို စိစစ်ဖို့ ပျက်ကွက်တာ၊ လျစ်လျူရှုထားတာနဲ့ ပတ်သက်လို့ မှားယွင်းကြောင်း ထိုင်းအာဏာပိုင်တွေ အနေနဲ့ ကိုယ်တိုင် ဝန်ခံဖို့ လိုတယ်လို့လည်း သူက ပြောပါတယ်။ ပြီးတော့ ပွင့်လင်းမြင်သာမှုရှိရှိ လုပ်ငန်းလည်
ပတ်တယ် ဆိုတာ သေချာတဲ့ထိ CI စင်တာတွေကို ဆိုင်းငံ့ထားဖို့လည်း ပေါ့ဒ်က တောင်းဆိုခဲ့ပါတယ်။

ဆမွတ်ပရာကန်မှာရှိတဲ့CI စင်တာထဲမှာ သူ့ကို မြန်မာစစ်တပ်လက်​အောက်ခံဝန်ထမ်းတွေက ခြိမ်းခြောက်တဲ့ကိစ္စကို Facebookပေါ် ရေးတင်ခဲ့တဲ့နောက်အမည်မဖော်ဖို့ မေတ္တာရပ်ခံထားတဲ့ မြန်မာ အလုပ်သမား တစ်ဦးက သူ့ဆီ ဖုန်းဆက်ခဲ့ကြောင်း၊ CI စင်တာထဲမှာ မြန်မာလုပ်သားတွေဟာခံရခက်လောက်စရာ ခေါင်း
ပုံဖြတ်မှုတွေ ကြုံနေပေမယ့် ဘယ်သူ့ကိုမှ တိုင်ကြားလို့ မရဘဲ ဖြစ်နေတယ်လို့ အဲဒီ သ
တင်းရင်းမြစ်က ပြောပြခဲ့ကြောင်း ပေါ့ဒ်က ပြောပါတယ်။ဒါအပြင် အဲဒီ CI စင်တာမှာ ​အောက်တိုဘာ ၂၂ ရက်မှာပြင်ပက​နေ ​လေ့
လာခွင့်မပြု​တော့ဘူးလို့ ထပ်မံ သိရ​ကြောင်းသူက​ပြောပါတယ် ။

လုပ်သားတွေဟာမြန်မာအာဏာပိုင်တွေထုတ်
ပေးမယ့်ပြေစာရတဲ့ထိထမင်းစားဖို့ကိုတောင် စောင့်နေရလေ့ရှိပြီး CI စင်တာက စီစဉ်ပေးတဲ့ ထမင်းကိုသာ စားရတယ်လို့လည်း သူ့ရဲ့
ပို့စ်မှာဖော်ပြထားပါတယ်။

နောက်ထပ်ပို့စ်တစ်ခုမှာတော့ ပေါ့ဒ်က ဆမွတ်ပရာကန်က CI စင်တာကို ဦးဆောင်နေသူဟာ အာဏာသိမ်း မြန်မာ စစ်ခေါင်းဆောင် မင်းအောင်လှိုင်ရဲ့ ဆွေမျိုးတော်စပ်သူ ခင်မောင်ကျော်ဆိုတဲ့ ပုဂ္ဂိုလ်ဖြစ်ကြောင်း ရေးသားထားပါတယ်။ ပြီးတော့ ဂုဏ်ပြုမှတ်တမ်းလွှာ ပေးအပ်မှု အခမ်းအနား တစ်ခုမှာ ရိုက်ထားတဲ့ ခင်မောင်ကျော်ရဲ့ ဓာတ်ပုံကိုလည်းသူက ပို့စ်မှာ​ဖော်ပြထားပါတယ်။

ခင်​မောင်​ကျော်ဟာ United K.M.K ကုမ္ပဏီရဲ့ မန်နေးဂျင်းဒါရိုက်တာလည်းဖြစ်ပြီး အဲဒီကုမ္ပဏီကစင်တာတွေအတွင်း နည်းပညာပိုင်းဆိုင်ရာ အထောက်အပံ့ပေးသူအဖြစ် လုပ်
ကိုင်ခွင့်ရရှိထားတယ်လို့ သိရတယ်လို့ဆိုပါတယ်။ သူဟာမင်းအောင်လှိုင်ရဲ့ ဇနီး ဒေါ်ကြူကြူလှနဲ့ ဆွေမျိုးတော်စပ်ပြီး OTS အမှတ်စဉ် ၇၁ ကနေ သင်တန်းဆင်းခဲ့တဲ့ စစ်အရာရှိဟောင်းတစ်ဦးလည်း ဖြစ်တယ်လို့ လည်း ၂၀၂၃ ခုနှစ်မှာဧရာဝတီသတင်းဌာနကို ကိုးကားပြီးသူက​ရေးထားပါတယ်။

စီးပွား​​ရေးလုပ်ငန်းရှင်ဖြစ်သလို စစ်တပ်အတွက် လက်နက်နဲ့ စစ်ဘက်ဆိုင်ရာနည်းပညာ​တွေဝယ်​ပေး​နေသူဖြစ်ပြီး Dynasty International ကုမ္ပဏီအပါအဝင်စစ်တပ်အတွက်လက်နက်​တွေဝယ်​ပေးတဲ့ ကုမ္ပဏီ​တွေနဲ့ ဆက်စပ်လုပ်ကိုင်သူဖြစ်တယ်လို့​ရေးထားပါတယ် ။

ဒါ့အပြင်မင်းအောင်လှိုင်ရဲ့သားဖြစ်သူ အောင်ပြည့်စုံနဲ့ ဆက်စပ်တဲ့ နောက်ထပ်ကုမ္ပဏီတစ်ခုဟာလည်း CI စာရွက်စာတမ်းလုပ်ငန်းနဲ့ ဆက်နွှယ်နေနိုင်တယ်ဆိုတဲ့ အချက်အလက်တွေကို တွေ့ရှိထားတယ်လို့သူကဆိုပါတယ်။

နိုင်ငံတစ်ဝန်းရှိ CI စင်တာ ၅ ခုဖြစ်တဲ့ စမုဒ်ဆာခွန်၊ စမုဒ်ပရာကန်၊ ဆူရတ်ဌာနီ၊ ချင်းမိုင်နဲ့ ချွန်ဘူရီတို့ဟာ မြန်မာစစ်ခေါင်းဆောင်မိသားစုအတွက် မိသားစုစီးပွားရေးလုပ်ငန်းသစ်တွေ ဖြစ်လာနေပြီး ထိုင်းနိုင်ငံအတွင်းက ရွှေ့ပြောင်းအလုပ်သမားတွေကို အရှက်အ
ကြောက်မရှိ ခေါင်းပုံဖြတ်အမြတ်ထုတ်နေကြတာလို့ သူက​ရေးထားပါတယ်။

"ကျွန်တော့်အမြင်အရ ဒီကိစ္စမှာ လူ့အခွင့်အရေးလှုပ်ရှားသူဖြစ်စေ၊ ရှေးရိုးစွဲဝါဒီဖြစ်စေ၊ အမျိုးသားရေးဝါဒီဖြစ်စေ၊ ဘယ်လိုနိုင်ငံရေးအယူအဆရှိသူဖြစ်စေ အရေးမကြီးပါဘူး။ ထိုင်းနိုင်ငံသားတွေအနေနဲ့ ကိုယ့်နိုင်ငံအတွင်းမှာ နိုင်ငံတကာရဲ့ ပိတ်ဆို့အရေးယူမှုခံထားရပြီး ပွင့်လင်းမြင်သာမှုမရှိတဲ့ လူတွေက သူတို့ရဲ့ အလုပ်သမားတွေကို လာရောက်ခေါင်းပုံဖြတ်နေတဲ့အခြေအနေကို လက်မခံသင့်ပါဘူး"လို့လည်းသူကဆိုပါတယ်။

အနည်းဆုံးတော့ ဒီလိုလုပ်ရပ်တွေကို ဆန့်ကျင်ဖို့နဲ့ သွေးစွန်းနေတဲ့လက်တွေရှိသူတွေကို ထိုင်းနိုင်ငံကနေ ခြွင်းချက်မရှိ ထွက်ခွာသွားစေဖို့ တောင်းဆိုရာမှာ အားလုံး သဘောတူသင့်သလို ၊ကိုယ့်နိုင်ငံကို ဒီလိုလုပ်ငန်းတွေအတွက် အသုံးချခွင့် မပေးသင့်ဘူးလို့သူကတိုက်တွန်းထားပါတယ် ။

ထိုင်းအစိုးရက ဒီကိစ္စကို ဆက်လက်လျစ်
လျူရှုနေမယ်ဆိုရင်ဆွစ်ဇာလန်နိုင်ငံ၊ ဂျီနီဗာမြို့မှာ လာမယ်ြနိုဝင်ဘာ ၂၃ ရက်မှ ၂၅ ရက်၊ အထိ ကျင်းပမယ့် ကုလသမဂ္ဂ စီးပွားရေးလုပ်ငန်းများနှင့် လူ့အခွင့်အရေးဆိုင်ရာဖိုရမ် မှာ ဒီကိစ္စကို နိုင်ငံတကာရှေ့မှောက် တင်ပြလာမယ်ဆိုရင်နိုင်ငံအတွက် အတော်လေး အရှက်ရစရာဖြစ်လာနိုင်တယ်လို့သူကဆိုပါတယ် ။

ထိုင်းနိုင်ငံမှာအလုပ်သမားအုပ်စုနဲ့ပတ်သက်
တဲ့ အချက်အလက်တွေ ရှိပြီးသားဖြစ်ပြီး လူ
ဝင်မှုကြီးကြပ်ရေးဌာနက ကောက်ယူထားတဲ့ ကိုယ်ရေးအချက်အလက်နဲ့ ဇီဝအမှတ်အ
သားဆိုင်ရာ အချက်အလက်တွေ၊ ပြည်ထဲ
ရေးဝန်ကြီးဌာနက ထုတ်ပေးတဲ့ ထိုင်းနိုင်ငံ
သားမဟုတ်သူများအတွက် ပန်းရောင်ကတ်
(Pink Card) အချက်အလက်တွေနဲ့ ပြည်သူ့ကျန်းမာရေးဝန်ကြီးဌာနရဲ့ကျန်းမာရေးစစ်
ဆေးမှုမှတ်တမ်းတွေ ရှိနေပြီးသားဖြစ်တယ်။ဒါတွေကိုကြည့်ရင် ဒီအလုပ်သမားအုပ်စုကိုမှတ်ပုံတင်ပေးဖို့ထိုင်းနိုင်ငံရဲ့အချက်အလက်
စနစ်ဟာ မြန်မာစစ်အုပ်စုထက် ပိုမိုပြည့်စုံအဆင်သင့်ဖြစ်နေတယ်ဆိုတာ ထင်ရှား
တယ်လို့ဆိုတယ်။ ဒါပေမဲ့ ထိုင်းအစိုးရက ဒီလမ်းကို မရွေးချယ်ဘဲ ကိုယ့်အိမ်ထဲကို သူခိုးဝင်လာပြီး အလုပ်သမားတွေဆီ လာလုယက်ခွင့်ပေးထားသလို ဖြစ်နေတယ်လို့လည်းသူက​​ဝေဖန်ပါတယ်။

CIစင်တာတွေဟာ ထိုင်းနိုင်ငံရဲ့ ပိုင်နက်ထဲမှာ ရှိနေပြီး မြန်မာ အကျဉ်းထောင် မဟုတ်ဘူးလို့လည်း သူက ​ပြောပါတယ် ။

ဒါကြောင့် CI စင်တာတွေကို ရပ်ဆိုင်းပေးဖို့နဲ့
မြန်မာစစ်​ခေါင်း​ဆောင်နဲ့ပတ်သက် ဆက်နွှယ်သူတွေက ဗိုလ်ကျ အနိုင်ကျင့်၊ ငွေညှစ်နေတာတွေကို အမြန်ဆုံး ရပ်တန့်စေရေး ကူညီ ဆောင်ရွက်ပေးဖို့ ထိုင်းအာဏာပိုင်တွေကို တောင်းဆိုထားပါတယ်။

ကိုးကား: Pod Nathaphob Facebook

ထိုင်းအလွတ်တန်းသတင်း​ထောက်ပေါ့ဒ်နာသက်ဟော့ဘ် / United K.M.K ကုမ္ပဏီရဲ့ မန်နေးဂျင်းဒါရိုက်တာ ခင်​မောင်​ကျော်(တိုက်ပုံအမည်း) ကိုစစ်​ကောင်စီအလုပ်သမားဝန်ကြီးဌာနရဲ့ပွဲတစ်ခုမှာ​တွေ့ရစဥ်။
ဓါတ်ပုံ-Pod Nathaphob Facebook

သံအမတ်ကြီးဦးကျော်မိုးထွန်း ကုလမှာ ဆက်ရှိရေး ကနီမြို့နယ်မှာ ထောက်ခံတဲ့လှုပ်ရှားမှု ပြုလုပ်

အောက်တိုဘာ ၂၂၊၂၀၂၆။သုည/People's Spring

စစ်ကိုင်းတိုင်း ကနီမြို့နယ်မှာ သပိတ်အင်အားစုဝင်တွေက ဒေသခံတော်လှန်ပြည်သူတွေနဲ့ ပူးပေါင်းပြီးသံအမတ်ကြီးဦးကျော်မိုးထွန်း ကုလသမဂ္ဂမှာ ဆက်ရှိရေးအတွက် ထောက်ခံတဲ့လှုပ်ရှားမှုကို ဒီကနေ့ (အောက်တို့ဘာ ၂၂) မှာ ပြုလုပ်ခဲ့ကြပါတယ်။

တော်လှန်ပြည်သူတွေက "Our Ambassador. Our Voice. Our Representative"၊ "ငါတို့သံအမတ် ငါတို့အသံ" ဆိုတဲ့ စာသားပါ ဆိုင်းဘုတ်စိုက်ထူပြီး ကုလသမဂ္ဂသံအမတ်ကြီး ဦးကျော်မိုးထွန်း ဆက်လက်နေရာရရှိရေးအတွက် လူထုလှုပ်ရှားမှုပြုလုပ်ခဲ့ကြတာပါ။

ဦးကျော်မိုးထွန်းဟာ မြန်မာပြည်သူလူထုရဲ့ အသံဖြစ်ကြောင်း၊ လူထုအသံအစစ်အမှန်ကို ကမ္ဘာကြီးက သိနိုင်ဖို့ ဦးကျော်မိုးထွန်း ဆက်လက်နေရာရရှိရေးဟာ အရေးကြီးကြောင်းနဲ့ လူထုတရပ်လုံး မိမိတို့ရဲ့အသံ စစ်စစ်မှန်မှန်လွင့်ပျံနိုင်ဖို့ ဦးကျော်မိုးထွန်းနဲ့အတူ ရပ်တည်လှုပ်ရှားပေးကြဖို့ကိုလည်း ကနီမြို့နယ် သပိတ်အင်အားစုမှ တိုက်တွန်းခဲ့ပါတယ်။

ကုလသမဂ္ဂမှာ မြန်မာနိုင်ငံ ကိုယ်စားပြုအဖြစ် သံအမတ်ကြီး ဦးကျော်မိုးထွန်း ဆက်လက်ရှိနေ စေရေးအတွက် လူထုထောက်ခံပွဲတွေကို မြန်မာနိုင်ငံအပါအဝင် ကမ္ဘာ့နိုင်ငံအသီးသီးမှာ ပြုလုပ်နေကြတာ ဖြစ်ပါတယ်။

ရန်ကုန်မြို့ရဲ့ ​အောက်တိုဘာ ၂၂ ရက် အ​ခြေခံကုန်​ဈေးနှုန်း နဲ့ စစ်တပ်အာဏာမသိမ်းခင်
၂၀၂၁ ဇန်နဝါရီလ ၃၁ ရက်ကုန်​ဈေးနှုန်း

#ကုန်ဈေးနှုန်း #ရန်ကုန်ကုန်ဈေးနှုန်း
#စစ်တပ်အာဏာမသိမ်းခင်ကုန်ဈေးနှုန်း
#peoplesspring #ludunwayoo

“ဒီနေ့ဘာဖြစ်ခဲ့လဲ”

ဒီနေ့(အောက်တိုဘာ ၂၂ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️ဒေါ်အောင်ဆန်းစုကြည်နဲ့ သားဖြစ်သူ ၆နှစ်ခန့်အတွင်း ပထမဆုံးအကြိမ် ဖုန်းပြောခွင့်ရ

စစ်တပ်အာဏာသိမ်းချိန်ကတည်းက မတရားဖမ်းဆီးခံထားရတဲ့ မိခင် ဒေါ်အောင်ဆန်းစုကြည်နဲ့ စကားပြောခွင့်ရခဲ့တယ်လို့ သားဖြစ်သူ ကိုထိန်လင်း(ခ)ကင်မ်အဲရစ်က ပြောပါတယ်။ ငါးနှစ်ကျော်ကြာပြီးမှ သူ့မိခင် ဒေါ်အောင်ဆန်းစုကြည်နဲ့ စကားပြောခွင့် ဒီနေ့ ရခဲ့ပြီး သူ့မိခင်ရဲ့အသံကို ပြန်ကြားရတာ သူ့အတွက် စကားလုံးတွေနဲ့ ဖော်ပြလို့မရလောက်အောင် အဓိပ္ပာယ်ရှိတယ်လို့ ကင်မ်က အောက်တိုဘာ ၂၂ရက် ဒီနေ့ နေ့လယ်ပိုင်းမှာ အသိပေးထားပါတယ်။ သူ့မိခင်အတွက် သူနဲ့အတူ ရပ်တည်ပြီး အားပေးခဲ့ကြသူအားလုံးကို လှိုက်လှိုက်လှဲလှဲ ကျေးဇူးတင်ကြောင်းနဲ့ အားလုံးရဲ့တောင်းဆိုသံတွေကြောင့် ဒီအခွင့်အရေး ရလာခဲ့တာလို့ ယုံကြည်ကြောင်း ကင်မ်က ဆိုပါတယ်။ သူ့မိခင် လွတ်မြောက်တဲ့အထိ ဆက်လက်တောင်းဆိုပေးကြဖို့လည်း ကင်မ်က တောင်းဆိုထားပါတယ်။ လက်ရှိအချိန်အထိ အသက် ၈၁ နှစ်အရွယ် သူ့မိခင်က မတရားဖမ်းဆီးခံ‌နေရဆဲဖြစ်ပြီး မိခင်နဲ့တစ်ကြိမ်စကားပြောခွင့်ရတာ မိသားစုနဲ့ ပုံမှန် ဆက်သွယ်ခွင့်ရတာ မဟုတ်သလို မိသားစုနဲ့ဆက်သွယ်ခွင့် ရတာကလည်း လွတ်မြောက်ခြင်းမဟုတ်ဘူးလို့ ကင်မ်က ပြောထားပါတယ်။ သူ့မိခင်ကို ဓားစာခံအဖြစ် ဆက်လက်ထိန်းသိမ်းပြီး သံတမန်ရေး အသိအမှတ်ပြုမှု၊ ပိတ်ဆို့အရေးယူမှု လျှော့ပေါ့ပေးရေးနဲ့ နိုင်ငံရေးအမြတ်ထုတ်ဖို့အတွက် အပေးအယူလုပ်ရာမှာ အသုံးမချသင့်ဘူးလို့ ကင်မ်က ပြောပါတယ်။ အခြေခံလူ့အခွင့်အရေးတွေကို တရားဝင်အသိအမှတ်ပြုမှုနဲ့ အလဲအလှယ်မလုပ်ဖို့ ဗြိတိန်အစိုးရနဲ့ စစ်အာဏာရှင်တွေနဲ့ ဆက်ဆံနေတဲ့ အစိုးရအားလုံးကို ကင်မ်က မေတ္တာရပ်ခံထားပါတယ်။ သူ့မိခင်ဖြစ်သူ ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားအားလုံးကို ခြွင်းချက်မရှိ ချက်ချင်းလွှတ်ပေးရမယ်လို့ ကင်မ်က ထပ်မံတောင်းဆိုပါတယ်။ အာဏာသိမ်းစစ်အုပ်စုဟာ ဒေါ်အောင်ဆန်းစုကြည်နဲ့ သားဖြစ်သူ ကင်မ်တို့ကို ဖုန်းပြောခွင့် မပြုမီ ရက်ပိုင်းအလိုမှာ ဗြိတိန်ချားလ်ဘုရင်က ဒေါ်အောင်ဆန်းစုကြည်ဆီ ပေးပို့လိုက်တဲ့ စာအုပ်နဲ့ ပေးစာအချို့ကို လက်ရောက်ပေးအပ်ခဲ့ကြောင်း သတင်းထုတ်ပြန်ထားပါတယ်။ ကင်မ်ကတော့ ချားလ်စ်ဘုရင်ရဲ့ လက်ဆောင်ပေးပို့မှုကို အာဏာသိမ်းမြန်မာစစ်တပ်က ဝါဒဖြန့် ကရိယာ တစ်ခုအဖြစ် အသုံးချပြီး ဗြိတိန် အစိုးရက တရားဝင်မှု တရားဝင် ပေးအပ် အသိပြုထားသလို ပုံဖော်လာနိုင်တာကို ထောက်ပြခဲ့ပါတယ်။ လူထုခေါင်းဆောင်ဒေါ်အောင်ဆန်းစုကြည်ဟာ စစ်တပ်အာဏာသိမ်းတဲ့ ၂၀၂၁ ဖေဖော်ဝါရီ ၁ ရက်ကတည်းက မတရားဖမ်းဆီးခံခဲ့ရတာဖြစ်ပြီး ဒီနေ့ဆိုရင် ရက်ပေါင်း ၂၀၉၀ ရက်၊ ၅ နှစ် နဲ့ ၉ လနီးပါး ရှိပြီဖြစ်ပါတယ်။

◾️CI စင်တာတွေကို ရပ်ဆိုင်း​​​​ပေးဖို့ ထိုင်းသတင်း​ထောက် တောင်းဆို

ထိုင်းနိုင်ငံရောက် မြန်မာအလုပ်သမားတွေအတွက် မည်သူမည်ဝါဖြစ်​ကြောင်း သက်​သေခံလက်မှတ် (CI) ထုတ်ပေးတဲ့စင်တာမှာ အာဏာသိမ်း မြန်မာစစ်တပ်က ခန့်အပ်တဲ့ အာဏာပိုင်တွေ ခြယ်လှယ် ကြီးစိုးနေသလို၊ စစ်​ခေါင်း​ဆောင်မိသားစုနဲ့ နီးစပ်သူ​တွေလုပ်ခွင့်ရထားကြောင်း ထိုင်းသတင်းထောက်တစ်ဦးက ထပ်မံဖော်ထုတ်ရေးသားပါတယ်။ ထိုင်းအလွတ်တန်းသတင်းထောက်တစ်ဦးဖြစ်တဲ့ ပေါ့ဒ်နာသက်ဟော့ဘ်ဟာ ဆမွတ်ပရာကန်မှာရှိတဲ့ CI စင်တာမှာ သတင်းရယူစဥ် မြန်မာစစ်တပ် အာဏာပိုင်ဆိုသူ တချို့က သူ့ကို ခြိမ်းခြောက် ဟန့်တားခဲ့တဲ့ ဖြစ်ရပ်ကို အောက်တိုဘာ၂၁ ရက်က လူမှုကွန်ရက်ပေါ် အကျယ်တဝင့် ရေးသားခဲ့ပါတယ်။ Facebookပေါ်မှာ ထိုင်းဘာသာနဲ့ ရေးသားထားတဲ့ပို့စ်ဟာ လူအများရဲ့ အာရုံစိုက်မှုကို ခံခဲ့ရသလို ထိုင်းပိုင်နက်ထဲမှာ ထိုင်းနိုင်ငံသား တစ်ယောက်ကို မြန်မာ အရာရှိတွေက ခြိမ်းခြောက်ခဲ့တဲ့အပေါ် ထိုင်းအာဏာပိုင်တွေက လက်ပိုက်ကြည့်နေသလားဆိုတဲ့ မေးခွန်းတွေပါ ထွက်ပေါ်လာပါတယ်။ CI စင်တာထဲမှာ မြန်မာ စစ်တပ်က ခန့်အပ်တဲ့ အရာရှိတွေကို စိတ်တိုင်းကျ ခြယ်လှယ် ကြီးစိုးခွင့် ပေးလိုက်တဲ့အခါ ဘယ်လို ဆိုးကျိုးတွေ ဖြစ်လာစေသလဲ ဆိုတာကိုတော့ ထိုင်းအာဏာပိုင်တွေက သိဖို့လိုကြောင်း၊ မြန်မာစစ်တပ်ဟာ နီးစပ်သူတွေ၊ဆွေမျိုးသားချင်းတွေကို CI စင်တာတွေမှာ ကိုယ်ကျိုးရှာဖို့ ထိုင်းပိုင်နက်ထဲ ခေါ်သွင်းလာပြီး မာဖီးယားတွေလို ပြုမူနေကြောင်း ပေါ့ဒ်က ​ရေးသားထားပါတယ်။ CI စင်တာတွေထဲမှာ ဖြစ်ချင်တိုင်း ဖြစ်နေတာတွေကို စိစစ်ဖို့ ပျက်ကွက်တာ၊ လျစ်လျူရှုထားတာနဲ့ ပတ်သက်လို့ မှားယွင်းကြောင်း ထိုင်းအာဏာပိုင်တွေ အနေနဲ့ ကိုယ်တိုင် ဝန်ခံဖို့ လိုတယ်လို့လည်း သူက ပြောပါတယ်။ ပြီးတော့ ပွင့်လင်းမြင်သာမှုရှိရှိ လုပ်ငန်းလည်ပတ်တယ် ဆိုတာ သေချာတဲ့ထိ CI စင်တာတွေကို ဆိုင်းငံ့ထားဖို့လည်း ပေါ့ဒ်က တောင်းဆိုခဲ့ပါတယ်။ ပေါ့ဒ်က ဆမွတ်ပရာကန်က CI စင်တာကို ဦးဆောင်နေသူဟာ အာဏာသိမ်း မြန်မာ စစ်ခေါင်းဆောင် မင်းအောင်လှိုင်ရဲ့ ဆွေမျိုးတော်စပ်သူ ခင်မောင်ကျော်ဆိုတဲ့ ပုဂ္ဂိုလ်ဖြစ်ကြောင်း ရေးသားထားပါတယ်။ ပြီးတော့ ဂုဏ်ပြုမှတ်တမ်းလွှာ ပေးအပ်မှု အခမ်းအနား တစ်ခုမှာ ရိုက်ထားတဲ့ ခင်မောင်ကျော်ရဲ့ ဓာတ်ပုံကိုလည်း သူက ပို့စ်မှာ​ ဖော်ပြထားပါတယ်။ ခင်​မောင်​ကျော်ဟာ United K.M.K ကုမ္ပဏီရဲ့ မန်နေးဂျင်းဒါရိုက်တာလည်းဖြစ်ပြီး အဲဒီကုမ္ပဏီက စင်တာတွေအတွင်း နည်းပညာပိုင်းဆိုင်ရာ အထောက်အပံ့ပေးသူအဖြစ် လုပ်ကိုင်ခွင့်ရရှိထားတယ်လို့ သိရတယ်လို့ဆိုပါတယ်။ သူဟာ မင်းအောင်လှိုင်ရဲ့ ဇနီး ဒေါ်ကြူကြူလှနဲ့ ဆွေမျိုးတော်စပ်ပြီး OTS အမှတ်စဉ် ၇၁ ကနေ သင်တန်းဆင်းခဲ့တဲ့ စစ်အရာရှိဟောင်းတစ်ဦးလည်း ဖြစ်တယ်လို့ လည်း ၂၀၂၃ ခုနှစ်မှာဧရာဝတီသတင်းဌာနကို ကိုးကားပြီး သူက​ ရေးထားပါတယ်။ စီးပွား​​ရေးလုပ်ငန်းရှင်ဖြစ်သလို စစ်တပ်အတွက် လက်နက်နဲ့ စစ်ဘက်ဆိုင်ရာနည်းပညာ​တွေဝယ်​ပေး​နေသူဖြစ်ပြီး Dynasty International ကုမ္ပဏီအပါအဝင် စစ်တပ်အတွက် လက်နက်​တွေဝယ်​ပေးတဲ့ ကုမ္ပဏီ​တွေနဲ့ ဆက်စပ်လုပ်ကိုင်သူဖြစ်တယ်လို့​ ရေးထားပါတယ်။ ဒါ့အပြင် မင်းအောင်လှိုင်ရဲ့သားဖြစ်သူ အောင်ပြည့်စုံနဲ့ ဆက်စပ်တဲ့ နောက်ထပ်ကုမ္ပဏီတစ်ခုဟာလည်း CI စာရွက်စာတမ်းလုပ်ငန်းနဲ့ ဆက်နွှယ်နေနိုင်တယ်ဆိုတဲ့ အချက်အလက်တွေကို တွေ့ရှိထားတယ်လို့ သူက ဆိုပါတယ်။ နိုင်ငံတစ်ဝန်းရှိ CI စင်တာ ၅ ခုဖြစ်တဲ့ စမုဒ်ဆာခွန်၊ စမုဒ်ပရာကန်၊ ဆူရတ်ဌာနီ၊ ချင်းမိုင်နဲ့ ချွန်ဘူရီတို့ဟာ မြန်မာစစ်ခေါင်းဆောင်မိသားစုအတွက် မိသားစုစီးပွားရေးလုပ်ငန်းသစ်တွေ ဖြစ်လာနေပြီး ထိုင်းနိုင်ငံအတွင်းက ရွှေ့ပြောင်းအလုပ်သမားတွေကို အရှက်အကြောက်မရှိ ခေါင်းပုံဖြတ်အမြတ်ထုတ်နေကြတာလို့ သူက​ ရေးထားပါတယ်။

◾️ဗိုလ်မှူးကြီးတစ်ဦး ဖမ်းမိရာ ခုခံထွက်ပြေးဖို့ကြိုးစားလို့ ပစ်ခတ်

စစ်ကိုင်းမြို့ အုန်းတော ၆၀၀၅ တင့်ကားတပ်ကို စစ်ဆေးဖို့သွားတဲ့ ဗိုလ်မှူးကြီးဇော်မျိုးတင့်ကို ဖမ်းဆီးနိုင်ခဲ့ပြီးနောက် ခုခံထွက်ပြေးဖို့ကြိုးစားတာကြောင့် ပစ်ခတ်ခဲ့ရာမှာ သေဆုံးသွားတယ်လို့ စစ်ကိုင်းမြို့နယ်အခြေစိုက် လင်းယုန်ညီနောင်ပြောက်ကျားတပ်ဖွဲ့တာဝန်ရှိသူက ပြောပါတယ်။ ပြီးခဲ့တဲ့ အောက်တိုဘာ ၁၈ ရက်က မန္တလေး- မုံရွာလမ်းပိုင်း ဒေသအခေါ် နုံးတွင်းခြေတော်ရာအမြောက်တပ်ကနေ အုန်းတော ၆၀၀၅တပ်ကို လာ‌ရောက်စစ်ဆေးတဲ့ ဗိုလ်မှူးကြီးဇော်မျိုးတင့်ကို စစ်တပ်ဘက်ပူးပေါင်းသွားသူနဲ့ တပ်တွင်း ဖရဲသီး​တွေရဲ့သတင်းပေးချက်အရ ဖမ်းဆီးနိုင်ခဲ့တယ်လို့ သိရပါတယ်။ အောက်တိုဘာ ၁၈ ရက် ညနေ ၄ နာရီလောက်မှာ စစ်ကိုင်းမြို့ ကံတလူတိုးဂိတ်အနီးမှာ လက်ဝယ် ဖမ်းဆီးရမိခဲ့တာလို့ လင်းယုန်ညီနောင်ပြောက်ကျားတပ်ဖွဲ့ တာဝန်ရှိသူက ပြောပါတယ်။ အုန်းတော ၆၀၀၅ အမြောက်တပ်က တပ်ရင်းမှူးနဲ့ လက်အောက်ငယ်သားတွေ ဂိတ်ဖွင့်ပြီး ဆက်ကြေးကောက်‌ အကျင့်ပျက်ခြစားတယ်ဆိုပြီး တိုင်ခံရလို့ သူကိုယ်တိုင်သွားရောက် စစ်ဆေးပြီး အပြန်မှာ စောင့်ပြီး ဖမ်းဆီးခဲ့တာလို့ ဆိုပါတယ်။ ဖမ်းဆီးပြီးနောက် အောက်တိုဘာ ၁၉ ရက်မှာ သက်ဆိုင်ရာ ပကဖ၊ ပလဖတို့ဆီ လွှဲပြောင်းဖို့ လုပ်စဉ် စစ်တပ်က မြေပြင်စစ်ကြောင်းထိုးဖို့ ကျေးရွာတွေကို Mi-35နဲ့ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ပစ်ခတ်တိုက်ခိုက်တာတွေပြုလုပ်ခဲ့တယ်လို့ သိရပါတယ်။ အဲဒီအချိန် ဖမ်းဆီးခံထားရသူ ဗိုလ်မှူးကြီးဇော်မျိုးတင့်က ရဲဘော်ရဲ့သေနတ်ကို လုယူပြီး ခုခံထွက်ပြေးဖို့ ပြုလုပ်တာကြောင့် ပစ်ခတ်လိုက်ရတာလို့ လင်းယုန်ပြောက်ကျားတပ်ဖွဲ့တာဝန်ရှိသူက ဆိုပါတယ်။

◾️မိုးမိတ်တိုက်ပွဲ စစ်သားအချို့ KIA ပူးပေါင်းတပ်ဆီ အလင်းဝင်

ရှမ်းပြည်နယ်မြောက်ပိုင်း မိုးမိတ်မြို့နယ်မှာ ကချင်လွတ်လပ်ရေးတပ်မတော်(KIA) ပူးပေါင်းတပ်နဲ့ စစ်တပ်အကြား တိုက်ပွဲဆက်ဖြစ်နေပြီး စစ်သားအချို့ အလင်းဝင်လာတာရှိတယ်လို့ ကချင်စစ်ရေးသတင်းရင်းမြစ်က ပြောပါတယ်။ ပြီးခဲ့တဲ့ အောက်တိုဘာ ၁၆ရက် တိုက်ပွဲမှာ စစ်တပ်က အရာရှိ အပါအဝင် လက်နက်ချသူ ၂၀လောက်ရှိတယ်ဆိုတဲ့ သတင်းတွေနဲ့ပတ်သက်ပြီး ကချင်စစ်ရေးသတင်းရင်းမြစ်ကို မေးမြန်းရာ အလင်းဝင်ရောက်သူ ၃ဦး ရှိထားတယ်လို့ ပြောပါတယ်။ KIA သတင်းပြန်ကြားရေးဌာနရဲ့ အောက်တိုဘာ ၂၁ရက် သတင်းဖော်ပြချက်မှာလည်း မိုးမိတ်မှာ တိုက်ပွဲတွေ ဆက်ရှိနေကြောင်း အသိပေးထားပါတယ်။ KIA တပ်မဟာ(၄) တပ်ရင်း(၃၄) နယ်မြေ ဖြစ်တဲ့ မိုးမိတ်ဒေသမှာ KIAနဲ့ စစ်တပ်အကြား တိုက်ပွဲဖြစ်ပွားနေတာ တလနီးပါး ရှိပြီလို့ ဆိုပါတယ်။ အဲဒီ ဒေသကို စစ်တပ်က စစ်အင်အားတွေ ဖြည့်တင်းနေပြီး အောက်တိုဘာ ၁၉ရက်မှာ မိုးမိတ် ၇မိုင်၊ ၈မိုင်၊ ၉မိုင်ဒေသတွေမှာ တိုက်ပွဲဖြစ်ခဲ့ကြောင်း KIA ပြန်ကြားရေးဌာနက ဖော်ပြပါတယ်။

◾️ကနီမှာ စစ်တပ်က လေကြောင်းကနေ ဗုံးကြဲလို့ ဒေသခံ ၂ဦး သေဆုံး

စစ်ကိုင်းတိုင်း၊ ကနီမြို့နယ်မှာ ဒီနေ့ အောက်တိုဘာ၂၂ရက် နေ့လယ်ပိုင်းက အာဏာသိမ်းစစ်တပ်က လေကြောင်းကနေ ဗုံးကြဲလို့ ဒေသခံနှစ်ဦး သေဆုံးခဲ့ပါတယ်။ ကနီမြို့နယ်၊ နွားခြံကုန်းရွာနဲ့ နတ်လာပို့ရွာကို ဂျိုင်ရိုကော်ပတာနဲ့ ဗုံးကြဲတာလို့ ဒေသခံတွေက ပြောပါတယ်။ နွားခြံကုန်းရွာက လယ်ကွင်းထဲမှာ အလုပ်လုပ်နေတဲ့ အမျိုးသမီးတစ်ဦး၊ နတ်လာပို့ရွာက အမျိုးသားတစ်ဦးသေဆုံးတာလို့ သိရပါတယ်။ ယင်းမာပင်ခရိုင်ထဲက ကနီ၊ ယင်းမာပင်၊ ပုလဲ၊ ဆားလင်းကြီးမြို့နယ်တွေမှာ စစ်တပ် စစ်ကြောင်းတွေရှိနေပြီး မကြာခဏ ဗုံးကြဲတိုက်ခိုက်နေတဲ့အတွက် လေကြောင်းအန္တရာယ်သတိပြုကြဖို့ တော်လှန်ရေးတပ်ဖွဲ့တွေက သတိပေးထားပါတယ်။

◾️KNU ညောင်လေးပင်ခရိုင်က ကျေးရွာကို စစ်တပ် ဗုံးကြဲတိုက်ခိုက်လို့ အဘွားအို ၁ဦး သေဆုံး

ကရင်အမျိုးသားအစည်းအရုံး(KNU) တပ်မဟာ(၃)နယ်မြေ ညောင်လေးပင်ခရိုင်အတွင်းရှိ ကျေးရွာတစ်ရွာကို အာဏာသိမ်းစစ်တပ်က ဒရုန်းနဲ့ ဗုံးသီးချတိုက်ခိုက်လို့ အသက် ၇၈နှစ်အရွယ် အဘွားအို သေဆုံးကာ ဒဏ်ရာရသူအချို့ ရှိခဲ့တယ်လို့ KNU ဗဟိုက ထုတ်ပြန်ပါတယ်။ KNU ညောင်လေးပင်ခရိုင် မူး(မုန်း)မြို့နယ် ညောင်ခြေထောက်ကျေးရွာကို စစ်တပ်က အောက်တိုဘာ ၁၈ရက်မှာ ဒရုန်းနဲ့ ဗုံးသီး ၄လုံး ကြဲချတိုက်ခိုက်ခဲ့ရာ အဘွားအို ၁ဦးသေဆုံးကာ အမျိုးသမီးငယ် ၁ဦး ဒဏ်ရာရရှိခဲ့တာလို့ ဆိုပါတယ်။ ဒါ့အပြင် စစ်တပ်ဟာ ညောင်လေးပင်ခရိုင် ရွှေကျင်(ဆောထိ)မြို့နယ်က ကျေးရွာအချို့ကိုလည်း ဒရုန်းနဲ့ တိုက်ခိုက်တာ ပြုလုပ်ခဲ့တယ်လို့ အသိပေးပါတယ်။

◾️ဖားကန့်မှာ စစ်တပ်က လက်နက်ကြီးနဲ့ ပစ်ခတ်လို့ အရပ်သား ၄ဦး ထိမှန် ဒဏ်ရာရ