နိုင်ငံတကာရှိ Pwc ရုံးအ​ဆောက်အအုံတစ်ခုနဲ့ Pwc မြန်မာရဲ့​ကြေညာချက်

သစ်ကြီးတောရွာဟာကိုယ့်အိမ်မှာတင် အမွှေးတိုင်လုပ်တဲ့ နေ့စားလက်လုပ်လက်စားသမား​လေးတွေလည်း အများအပြား ရှိပါတယ်။ နိုင်ငံရေးအရတော့ ပြည်ခိုင်ဖြိုးထောက်ခံတဲ့သူတွေ များတဲ့ရွာဆိုပြီးလူသိများတယ်။ သစ်ကြီးတောရွာဟာ၂၀၁၅ ခုနှစ်ရွေးကောက်ပွဲ
တုန်းကရော ၂၀၂၀ ပြည့်နှစ် ရွေးကောက်ပွဲတုန်းကပါ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက အနိုင်ရခဲ့တဲ့ ရွာကြီးပါ။

သစ်ကြီးတောရွာဟာ ၂၀၁၈ ခုနှစ် မတ်လဆန်းက မီးအကြီးအကျယ်လောင်ပါတယ်။ ပေါ့ဆမီးကြောင့်လောင်တာ အိမ်ခြေ ၁၅၃ လုံး မီးလောင်ဆုံးရှုံးခဲ့ရတယ်။ ရွာသူရွာသားတွေ မျက်ရည်လည်ရွှဲ ဖြစ်ခဲ့ရတယ်။ သူတို့ရွာ မီးလောင်တဲ့သတင်းကို သတင်းမီဒီယာတွေက ကျယ်ကျယ်ပြန့်ပြန့် ဖော်ပြကြတော့ လူသိများသွားပြီး လာလှူကြတာ မနည်းမနောပဲ။

​ရွေး​ကောက်ခံအရပ်သားအစိုးရ NLDအုပ်
ချုပ်နေပေမယ့် ဒီရွာဟာ အစိမ်းထောက်ခံတဲ့ရွာဆိုတဲ့သဘောထားမျိုး ဘယ်သူဘယ်ဝါမှ စိတ်ထဲ မရှိခဲ့ကြဘူး။ အဲဒီအချိန်က မီးဘေးသင့်အိမ်တွေကို NLD အစိုးရရဲ့ လူကယ်ပြန်ကနေ ပစ္စည်း ၁၆ မျိုးပါ အိတ်တွေနဲ့ အိမ်
ထောင်တစ်စုကိုငွေသားတစ်သိန်းစီ ထောက်
ပံ့တယ်။ ဒါ့အပြင် အမျိုးသားဒီမိုကရေစီအဖွဲ့ချုပ်ဗဟို ကနေလည်း ဆန်အိတ်တစ်ရာကျော် လာလှူတယ်။ တခြားပြည်တွင်းပြည်ပက အလှူရှင်တွေကလည်း လာလှူလိုက်ကြတာ မနည်းမနောပဲ။ မီးလောင်တဲ့အိမ်တစ်အိမ်ကို ဆန်အိတ်အပိုင်းတွေ ဆယ်ချီရကြတယ်။ ငွေသားသက်သက်ကိုက မီးလောင်တဲ့အိမ်တစ်အိမ်ကို သိန်း ၅၀ ကျော်စီ ရကြတယ်။ မီးလောင်ပြီး သူဋ္ဌေးဖြစ်သွားတဲ့ရွာလို့တောင် ကျီစယ်ကြတယ်။

ဒါပေမယ့် ၂၀၂၁ ခုနှစ် စစ်တပ်အာဏာသိမ်းပြီးနောက်ပိုင်း ၂၀၂၂ ခုနှစ် ဇွန်လအတွင်းက အာဏာသိမ်းစစ်တပ်ရဲ့ စစ်ကြောင်းက သစ်ကြီးတောရွာကို မီးဝင်ရှို့လို့ နေအိမ် ၇၀ ကျော် မီးလောင်ဆုံးရှုံးခဲ့ရဖူးတယ်။ အာဏာသိမ်းစစ်တပ်က မီးဝင်ရှို့သွားလို့ PDF တွေ ထွက်တဲ့ရွာလားဆိုတော့ မဟုတ်ပါဘူး။

တော်လှန်ရေးအဖွဲ့တွေ ခိုအောင်းတဲ့ရွာလားဆိုတော့လည်း မဟုတ်ပြန်ပါဘူး။ နဂိုကမှ ပြည်ခိုင်ဖြိုးထောက်ခံတဲ့သူတွေ များတဲ့ရွာ။ “အဲရွာမှာလည်း ဘာမှမရှိဘူး။ နေလို့လည်းအဆင်မပြေဘူး။ တစ်ရွာလုံးက အဲရွာတွေဆိုတော့။ ကျွန်တော်တို့စိုးမိုးလို့သာ ပျူရွာမဖြစ်တာ အဲရွာတွေက”လို့ ရေစကြိုနယ်က PDF ရဲဘော်တစ်ဦးက ပြောပါတယ်။

၂၀၂၂ ခုနှစ်တုန်းကလိုပဲ အာဏာသိမ်းစစ်
တပ်ဟာ သစ်ကြီးတောရွာကို အံ့အားသင့်စရာ အပြုအမူတစ်ခု ထပ်လုပ်ပြန်ပါတယ်။

၂၀၂၆ အောက်တိုဘာလ ၁၆ ရက်နေ့၊မွန်းလွဲ ၂ နာရီခန့်က သစ်ကြီးတောရွာလယ်လောက်က စတားလင့်အင်တာနက်ဆိုင်ကို လေ
ကြောင်းတိုက်ခိုက်မှုတွေ ရက်ရက်စက်စက် ပြုလုပ်သွားခဲ့တာပါ။

ပခုက္ကူအခြေစိုက် တပ်မ ၁၀၁ ကနေ စတင်ထွက်ပေါ်လာတဲ့ အသေခံဒရုန်းနှစ်စီး၊ ညောင်ဦးနဲ့ မကွေးဘက်ကနေ ရောက်ရှိလာတဲ့ MI-35 တိုက်ခိုက်​ရေးရဟတ်ယာဥ် ၂ စီး၊ ဂျက်ဖိုက်တာ ၂ စီးအပြင် ဒရုန်း​တွေ နဲ့ သစ်ကြီးတောရွာ၊ ပိတ်သင်းကပ်ကျေးရွာနဲ့ သစ်
ကောက်ဆိပ်ကျေးရွာတွေဆီကို ဦးတည်ကာ မိုးပေါ်ကနေဗုံးမိုးတွေ ရွာချခဲ့ကြပါတယ်။

“နေ့လယ် ၂ ချက်ထိုးလောက်မှာ တပ်မ ၁၀၁ ကနေတက်လာတဲ့ အသေခံဒရုန်း ၂ စီးနဲ့ အရင်လာတယ်။ ပြီးတော့ ညောင်ဦးက တက်လာတဲ့ MI 35 နဲ့ ပစ်တယ်။မကွေးကနေ တက်လာတဲ့ ဂျက်ဖိုက်တာနဲ့လည်း လာကြဲတယ်။ သစ်ကြီးတော ရွာလယ်ခေါင်လောက်ကျမှာပေါ့။ စတားလင့်ဆိုင်ရှေ့ ကျတာပေါ့။ ဘေးရွာပတ်ပတ်လည်တွေလည်း ပတ်ပြီးပစ်သွားတယ်” လို့ ရေစကြိုပကဖအဖွဲ့ ပြန်ကြားရေးတာဝန်ခံက ဖြစ်စဉ်ကို ရှင်းပြပါတယ်။

ဗုံးတွေဟာ သစ်ကြီးတောရွာလယ်ခေါင်၊ လူစည်ကားရာ စတားလင့်ဆိုင်ရှေ့လမ်းမပေါ်ကို ဗုံးသီး ကျရောက်ပေါက်ကွဲခဲ့တာ ဖြစ်ပါတယ်။ ပေါင် ၅၀၀ လို့ ယူဆရတဲ့ ဗုံးသီးဒဏ်ကြောင့် လမ်းပေါ်မှာ ကျင်းကြီး၊ ချိုင့်ကြီးတွေ ဖြစ်သွားခဲ့ရုံသာမက လမ်းသွားလမ်းလာတွေ၊ ကျောင်းကအပြန် ခဏရပ်နားကြသူတွေနဲ့ ဆိုင်ထဲမှာ ရှိနေသူတွေပါ တစ်ပြိုင်နက်တည်းလို ထိခိုက် သေဆုံးခဲ့ကြရပါတယ်။

“စတားလင့်ဆိုင်ရှေ့က လမ်းပေါ်ကိုကျတာ။ လမ်းပေါ်ကျတော့ လမ်းသွားလမ်းလာတွေရော၊ကျောင်းသွားတဲ့၁၀နှစ်လောက် ကလေး
တစ်ယောက်လည်း သေဆုံးတယ်။ ၈ လ ၉ လသား ကလေးတစ်ယောက်လည်း ပါသေးတယ်။ သူ့အုပ်ထိန်းသူကော သေတယ်” လို့ ဒေသခံတစ်ဦးက ပြောပြပါတယ်။

​အဲဒီ တိုက်ခိုက်မှုကြောင့် လက်ပွေ့အရွယ် ၇ လ၊ ၈ လသာရှိသေးတဲ့ ရင်သွေးငယ်၊ ၁၀ နှစ်ဝန်းကျင် ကလေးငယ်တွေကစလို့ အသက် ၅၀ ကျော်အရွယ် အမျိုးသမီးတွေအထိ အရပ်သားပြည်သူ ၁၂ ဦး ထက်မနည်း သေ
ဆုံးခဲ့ရပါတယ်။သစ်ကြီးတောရွာမှာ၁၁ဦးနဲ့ ပိတ်သင်းကပ်ကျေးရွာမှာ၁ ဦးစုစုပေါင်းအပြစ်မဲ့ပြည်သူ ၁၂ ဦး အသက်ဆုံးရှုံးခဲ့ရပြီး စတားလင့်ဆိုင်အပါအဝင်အနီးနားက နေအိမ် ၇လုံး၊၈လုံးခန့်လည်းထိခိုက်ပျက်စီးခဲ့ပါတယ်။ထပ်မံရရှိတဲ့ သတင်း​တွေအရ ၃ ရက်အကြာမှာ သေဆုံးသူ ၁၅ ဦး အထိ ရှိလာပြီလို့ သိရပါတယ်။


https://www.ludunwayoo.com/feature-mm/2026/10/20/171229/

ရေစကြို သစ်ကြီးတော လေကြောင်းတိုက်ခိုက်မှု သေဆုံးသူ ၁၂ ဦးရဲ့ အချက်အလက်တွေထုတ် ပြန်၊ (၁)နှစ်ခွဲကလေးငယ်ကနေ (၈၀)အရွယ် အဘွားအိုအထိ ပါဝင်

အောက်တိုဘာ ၂၀၊ ၂၀၂၆။ ဟာနာဆန်/People's Spring

မကွေးတိုင်း၊ ရေစကြိုမြို့နယ်၊ သစ်ကြီးတောရွာ လေကြောင်းတိုက်ခိုက်မှုမှာ အသက် တစ်နှစ်ခွဲကလေးငယ်ကနေ အသက် ၈၀ အရွယ် အဘွားအိုအထိ ပါဝင်ပြီး သေဆုံးခဲ့သူ ၁၂ ဦးရဲ့ အချက်အလက်တွေကို ရေစကြိုသတင်းအချက်အလက်ကော်မတီက ထုတ်ပြန်လိုက်ပါတယ်။

အောက်တိုဘာ ၁၆ ရက် နေ့လယ်ပိုင်း ရေစကြိုမြို့နယ်၊ သစ်ကြီးတောရွာကို စစ်တပ်က လေကြောင်းတိုက်ခိုက်ခဲ့လို့ ကလေးငယ် (၂) ဦး၊ သက်ကြီးရွယ်အို (၃) ဦး၊ အမျိုးသမီးငယ်တွေအပါအဝင် အရပ်သားပြည်သူ (၁၂)ဦး သေဆုံးခဲ့ရကြောင်း ရေစကြိုသတင်းအချက်အလက်ကော်မတီက အသိပေးပါတယ်။

သေဆုံးသူတွေဟာ
(၁) မောင်အောင်ဖုန်းခန့် (၂၃ နှစ်)
(၂) ဒေါ်ညို (၈၀ နှစ်)
(၃) ဒေါ်ကြည်ဝင်း (၇၀ နှစ်)
(၄) ကိုသန်းလင်း (၃၀ နှစ်)
(၅) မအေးမြတ်သူ (၂၉ နှစ်)
(၆) မောင်ဆန်းလင်းအောင် (၂၅ နှစ်)
(၇) မအိသက်လျာမင်း (၁၈ နှစ်)
(၈) မအေးသန်းကြွယ်ရဲ့ကလေး ( ၁ နှစ် ၆ လ)
(၉) ကိုဖိုးချွန် (၃၅ နှစ်)
(၁၀) မောင်ရဲလင်းသူရိန် (၇ နှစ်)
(၁၁) ဒေါ်အေးသန်းကြွယ် (၃၉ နှစ်)
(၁၂) ဦးအောင်ဌေး (၆၅ နှစ်) (ပိတ်သင်းကပ်ရွာ)

တို့ဖြစ်ကြောင်း အထက်ပါကော်မတီက ထုတ်ပြန်ပါတယ်။

နံပါတ် စဥ်(၁၁)က ဒေါ်အေးသန်းကြွယ်ဟာ (၁)နှစ်ခွဲကလေးရဲ့မိခင်ဖြစ်ပြီး သားအမိ ၂ဦးလုံး သေဆုံးခဲ့ရတာဖြစ်ပါတယ်။

အဲဒီစာရင်းဟာ ဒီကနေ့အချိန်အထိ အတည်ပြုရရှိထားတဲ့ သစ်ကြီးတောရွာမှ (၁၁) ဦး၊ ပိတ်သင်းကပ်ရွာမှ (၁) ဦးတို့ရဲ့ ဒေသခံသေဆုံးသူစာရင်းတွေဖြစ်ကြောင်း၊ ထိခိုက်ဒဏ်ရာရရှိသူတွေ၊ ပြင်းထန်ဒဏ်ရာရသူတွေနဲ့ဆေးကုသဖို့ အခက်အခဲမျိုးစုံကြုံတွေ့နေရပြီး၊ အခင်းဖြစ်ပွါးတဲ့နေ့က အပိုင်းပိုင်းပြတ်ထွက်ပြီး အသားစတွေကိုသာ သင်္ဂြိလ်ပေးခဲ့ရသူတွေလည်းရှိကြောင်း ရေစကြိုသတင်းအချက်အလက်ကော်မတီက ထပ်မံအသိပေးပါတယ်။

အခြားသတင်းရင်းမြစ်တွေ ပြောကြားချက်အရ သေဆုံးသူ (၁၅) ဦး အထိ ရှိလာပြီလို့လည်း သိရပါတယ်။

"ဟုတ်ပါတယ်၊ အတည်မပြုနိုင်လို့ပါ။ ဈေးလာရောင်းတဲ့သူတွေ၊ ခရီးသွာဧည့်သည်တွေဆို မသိနိုင်ကြဘူး၊ အခုဟာက ရွာခံတွေ စာရင်းကောက်ယူလို့ရတာ အတည်ပြုနိုင်တာပါ"လို့ ရေစကြိုသတင်းအချက်အလက်ကော်မတီရဲ့တာဝန်ရှိသူက ပြောပါတယ်။

အာဏာသိမ်းစစ်တပ်ဟာ ပခုက္ကူအခြေစိုက် တပ်မ (၁၀၁) ကနေ အသေခံဒရုန်းနှစ်စီး၊ ညောင်ဦးနဲ့ မကွေးဘက်ကနေ ရောက်ရှိလာတဲ့ MI-35 ရဟတ်ယာဉ်တွေ၊ Jetfighter တွေဟာ သစ်ကြီးတောရွာက စတားလင့် အင်တာနက်ဆိုင်အပါအဝင် ပိတ်သင်းကပ်ကျေးရွာနဲ့ သစ်ကောက်ဆိပ်ကျေးရွာတွေဆီကို ဦးတည်ကာ လေကြောင်းတိုက်ခိုက်ခဲ့တာ ဖြစ်ပါတယ်။

သေဆုံးသူတွေထဲမှာ National University of Computer Studies (NUCS)မှာ ပညာသင်ကြားလနေတဲ့ BATCH-2 မှ ကျောင်းသား Kiyotaka ဆိုသူလည်း အသက်ဆုံးရှုံးခဲ့ရကြောင်း Student Representative Committee (NUCS) အလုပ်အမှုဆောင်အဖွဲ့က အသိပေးပါတယ်။

အောက်တိုဘာ ၁၈ရက်မှာလည်း စစ်တပ်က သစ်ကောက်ဆိပ်ရွာကို အသေခံဒရုန်းနှစ်စီးနဲ့ လေကြောင်းကနေ ထပ်မံတိုက်ခိုက်ခဲ့တာကြောင့် နေအိမ်တစ်လုံး ပျက်စီးခဲ့ကြောင်း ဒေသခံတွေက ပြောပါတယ်။

ဒါ့အပြင်အာဏာသိမ်းစစ်တပ်ဟာအောက်တိုဘာ ၁၈ရက် နေ့လယ်ပိုင်းက ပခုက္ကူမြို့နယ်၊ အုန်းတောရွာကို လေကြောင်းတိုက်ခိုက်ခဲ့ပြန်တာကြောင့် အမျိုးသမီး (၄)ဦးနဲ့ အမျိုးသား (၁) ဦး၊ စုစုပေါင်း (၅) ဦး သေဆုံးခဲ့ပြန်ပါတယ်။ သေဆုံးသူ အမျိုးသမီး (၄) ဦးထဲမှာ အသက် (၈) နှစ်အရွယ် ကလေးမလေးတစ်ဦးလည်း ပါဝင်တယ်လို့ သိရပါတယ်။

ဒါ​ကြောင့် သုံးရက်အတွင်း ​ရေစကြိုနဲ့ ပခုက္ကူမြို့နယ်တို့ကို စစ်တပ်ကဗုံးကြဲလို့ပြည်သူ(၂၀)ဦးထက်မနည်း​သေဆုံးခဲ့ပါတယ်။

ရေစကြိုနယ်ဗုံးကြဲခံရမှု​ကြောင့် သစ်ကြီးတောရွာအပါအဝင် ဝက္ကတော၊ ပိတ်သင်းကပ် နဲ့ သစ်ခေါက်ဆိပ်ရွာတို့က ဒေသခံပြည်သူ​တွေဟာ ဘေးလွတ်ရာကိုထွက်ပြေးတိမ်းရှောင်နေကြရပါတယ် ။ ဒါ့အပြင်စိုက်ပျိုးရေးနဲ့ ဝမ်းစာအတွက်အားထားရတဲ့ကျွဲနွားတိရစ္ဆာန်​တွေလည်း ဗုံးဆံကြောင့် ဒဏ်ရာပြင်းထန်စွာရပြီးသေဆုံးခဲ့ကြရတာရှိပါတယ် ။

ဒါဟာ စစ်ရေးပစ်မှတ်မဟုတ်တဲ့ အရပ်သားပြည်သူ​တွေနဲ့ သူတို့ရဲ့ လူမှုစီးပွားဘဝကို ပြာကျ​အောင်လုပ်တဲ့ လူသားချင်းစာနာမှု ကင်းမဲ့တဲ့ စစ်ရာဇဝတ်မှု (War Crime) ကို ဗြောင်ကျကျ ကျူးလွန်လိုက်တာပဲဖြစ်တယ်လို့အမျိုးသားညီညွတ်​ရေးအစိုးရက​ဖော်ပြထားပါတယ်။

(သစ်ကြီးတောရွာ လေကြောင်းတိုက်ခိုက်ခံရပြီးနောက် တွေ့ရစဥ်။ ဓါတ်ပုံံ - U Pyay)

မူဆယ်မြို့ မီးလောင်မှု တရုတ်ဘက်က လာငြှိမ်းသတ်ပေးရ

အောက်တိုဘာ-၂၀၊၂၀၂၆။မိထက်/People's Spring

ရှမ်းပြည်နယ်မြောက်ပိုင်း၊ မူဆယ်မြို့ စွမ်စော်ရပ်ကွက်မှာ စက်သုံးဆီဆိုင်မီးလောင်မှုကို မြို့ခံမီးသတ်တပ်ဖွဲ့က မနိုင်တဲ့အတွက် တရုတ်နိုင်ငံ မီးသတ်က လာ‌ရောက် ငြှိမ်းသတ်ပေးရတယ်လို့ မြို့ခံတွေကပြောပါတယ်။

စက်သုံးဆီဆိုင်ရဲ့ ဆီ‌သိုလှောင်ကန်ဟာ ဒီကနေ့ အောက်တိုဘာ ၂၀ ရက် မနက်၁၁ နာရီခန့်မှာ မီးလောင်ကျွမ်းခဲ့တာပါ။

" မူဆယ်က မီးသတ်ကားတွေလာတယ်။ ဒါပေမယ့် မီးမနိုင်တော့ တရုတ်မီးသတ်ကားတွေ နယ်စပ်ပေါက်ကနေဝင်လာပြီး မီးငြှိမ်းပေးတာ။ မီးသာ ဆက်များရင် မလွယ်ဘူးလေ"လို့ မြို့ခံတစ်ဦးက ပြောပါတယ်။

မူဆယ်နဲ့ နယ်စပ်ဖြစ်တဲ့ တရုတ်နိုင်ငံ၊ ရွှေလီမြို့ကနေ ရှေ့ပြေးယာဥ် ၂စီး၊ မီးသတ်ကား ၅ စီးလာရောက်ကူညီငြိမ်းသတ်ခဲ့တယ်လို့ ဒေသခံတွေက ပြောပါတယ်။

ဒီကနေ့ မွန်းလွဲပိုင်းမှာတော့ မီးငြှိမ်းသတ်နိုင်ပြီလို့ သိရပါတယ်။

စစ်ကောင်စီဟာ နိုင်ငံရေးအရ တရုတ်အစိုးရကိုမှီခိုနေရသလို မူဆယ်မြို့အပါအဝင် နယ်စပ်ဒေသတွေမှာ တရုတ်နိုင်ငံနဲ့ ကုန်သွယ်ရေးကဏ္ဍ၊‌ ဒေသတွင်းတရားဥပဒေစိုးမိုးရေးကဏ္ဍတွေမှာလည်း တရုတ်ဘက်ကို မှီခိုနေရပါတယ်။


(မူဆယ်မြို့ မီးလောင်မှု ငြှိမ်းသတ်နေစဉ်။ ရုပ်သံ - Royal Kachin)

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA#မူဆယ်မြို့ #မီးလောင်မှု #တရုတ်နိုင်ငံ #နယ်စပ်ဒေသ #မြန်မာ့သတင်း #MuseTownship #FireIncident #China #BorderArea #MyanmarNews

စဉ့်ကူး-မတ္တရာနယ်‌ ဒေသခံတွေ ထပ်မံ နေရပ်စွန့်ခွာရ

အောက်တိုဘာ-၂၀၊ ၂၀၂‌၆။ ကတ်သရင်း/People's Spring

မန္တလေးတိုင်းနဲ့ စစ်ကိုင်းတိုင်းအစပ်က ရေလည်ကျွန်းကျေးရွာတွေဟာ အရေးပေါ်ပြောင်းရွှေ့မှုတွေပြုလုပ်နေရတယ်လို့ ဒေသခံတွေက ပြောပါတယ်။

အဲဒီရွာတွေဟာ မန္တလေးမြို့နဲ့ သိပ်မဝေးသလို မြို့နယ်ချင်းထိစပ်နေတဲ့ မတ္တရာမြို့နယ်နဲ့ စဉ့်ကူးမြို့နယ်က ကျေးရွာတွေဖြစ်ပါတယ်။

မတ္တရာမြို့နယ်မှာ ရေလည်ကျွန်းရွာနဲ့ မြစ်ကမ်းဘေး ကျေးရွာတွေဖြစ်တဲ့ မိုးကြိုးရွာ၊ အိုင့်ဒိုင်ရွာတွေကို စစ်တပ်က ဂျက်ဖိုက်တာနဲ့ ဗုံးကြဲတိုက်ခိုက်ခဲ့တာကြောင့် အမျိုးသမီး ၂ဦး သေဆုံးပြီး ပြည်သူ ၇ဦး ထိခိုက်ဒဏ်ရာရခဲ့ပါတယ်။

အဲဒီကျေးရွာတွေဘက်မှာ တော်လှန်ရေးတပ်တွေ ဝင်ထွက်တာ၊ စစ်ရေး လှုပ်ရှားတာမျိုး မရှိဘဲ စစ်တပ်က အကြောင်းမဲ့လေကြောင်းတိုက်ခိုက်ခဲ့တာလို့ ဒေသခံတွေက ပြောပါတယ်။

"PDFရှိမယ်အထင်နဲ့ ကြဲတာ နေမှာပေါ့ဗျာ။ ပြည်သူတွေပဲထိတာပေါ့။ အဓိက,က အမျိုးသမီးတွေပဲ ထိတာ"လို့ ဒေသခံတစ်ဦးက ပြောပါတယ်။

ဒါ့အပြင် သဖန်းထောင့်ရွာ နဲ့သုံးဆယ်ပေကျေးရွာတွေကို စစ်တပ်က လက်နက်ကြီး၊ ဒရုန်းတွေနဲ့ ဗုံးကြဲတိုက်ခိုက်တာတွေလည်း ဆက်တိုက်ပြုလုပ်နေပါတယ်။

အလားတူပဲ မတ္တရာမြို့နယ်နဲ့ နယ်နိမိတ်ခြင်း ထိစပ်နေတဲ့ စဉ့်ကူးမြို့နယ် ဟင်္သာမအုပ်စုက ရွာတွေမှာလည်း စစ်တပ်က လေကြောင်းတိုက်ခိုက်မှုတွေပြုလုပ်နေတယ်လို့ ဒေသခံတွေက ပြောပါတယ်။

အောက်တိုဘာ ၁၆ ရက်က ဟင်္သာမရွာရဲ့ အနောက်ဘက်က စဉ့်အိုးကျွန်းရွာပေါ်ကို စစ်တပ်က ညနေ ၆နာရီလောက်မှာ ဒရုန်းနဲ့ ဗုံးကြဲခဲ့ပါတယ်။

‌ဗုံးကြဲခံရမှုမှာ စင်အောက်ကို ဝပ်နေတဲ့ ဒေသခံ အမျိုးသမီး၂ဦးနဲ့ အမျိုးသား ၁ဦး သေဆုံးပြီး ၁ဦးက ဒဏ်ရာပြင်းထန်ရခဲ့ပါတယ်။

နောက်ပြီး ထုံးကြီးရွာရဲ့ အနောက်ဘက် ဧရာဝတီမြစ်ကြောင်းက ဆင်ကျွန်း၊ မြေနုကျွန်းတွေပေါ်ကိုလည်း Y-12၊ Mi-35တို့နဲ့ စစ်တပ်က ဗုံးကြဲတိုက်ခိုက်ခဲ့ပါတယ်။

အဓိက လေကြောင်းတိုက်ခိုက်ခံနေရတဲ့ နေရာတွေဟာ စစ်ကိုင်းတိုင်းနဲ့ မန္တလေးတိုင်း ဆက်စပ်နေတဲ့ ဧရာဝတီမြစ်အတွင်းက ကျေးရွာတွေဖြစ်ပြီး ၂၀၂၁ခုနှစ်ကတည်းက စစ်ဒဏ်ကို ခံစားရတဲ့ ကျေးရွာတွေဖြစ်ပါတယ်။

မန္တလေးတိုင်း မြောက်ဘက်ခြမ်းကို စိုးမိုးနိုင်လာတဲ့ စစ်တပ်ဟာ စဥ့်ကူးနဲ့ မတ္တရာမြိုနယ်တို့ကို အလုံးစုံနယ်မြေစိုးမိုးနိုင်ပေမယ့် စစ်ကိုင်းမြို့နယ်နဲ့ ဝက်လက်မြို့နယ်တို့နဲ့ထိစပ်နေတဲ့ ကျေးရွာ ၃၀ လောက်ကိုတော့ စိုးမိုးနိုင်ခြင်းမရှိသေးပါဘူး။

အဲဒီရွာတွေကို စစ်တပ်က လာ‌ရောက် အထိုင်ချပြီး နယ်မြေ စိုးမိုးဖို့ ကြိုးစားချိန်မှာလည်း တော်လှန်ရေးတပ်တွေရဲ့ အကြိမ်ကြိမ်ဝင်တိုက်ခြင်း ခံခဲ့ရပါတယ်။

ပြီးခဲ့တဲ့ ဇွန်လ ၂၇ ရက် မနက် ၄နာရီမှာ စဉ့်ကူးမြို့နယ် သဲအင်းရွာကို တပ်စွဲထားတဲ့ စစ်တပ်နဲ့ မတ္တရာမြိုနယ် ရှင်လှရွာကို တပ်စွဲထားတဲ့ စစ်ကောင်စီတပ်တွေကို တော်လှန်ရေး ပူးပေါင်းတပ်တွေက တိုက်ခိုက်ခဲ့ပြီး စစ်သား ၄ဦးထက်မနည်း သေဆုံးခဲ့ပါတယ်။ ဩဂုတ်လအတွင်းကလည်း ကြိမ်တောရွာနဲ့ ကုန်းတန်းကြီး ရွာက စစ်တပ်အထိုင်စခန်းတွေ တိုက်ခိုက်ခံရပြီး စစ်သား ၆ဦး သေဆုံးကာ စစ်သုံ့ပန်းအရှင်ဖမ်း‌ဆီးရရှိမှုတွေလည်း ရှိခဲ့ပါတယ်။

အဲဒီလိုအထိနာမှုတွေနောက် စစ်တပ်ရဲ့ ဒေါသဟာ ဒေသခံပြည်သူတွေအပေါ်ပုံကျလာပြီး နေ့စဉ် လေကြောင်းတိုက်ခိုက်မှူနဲ့ လက်နက်ကြီး ပစ်ခတ်မှုတွေပြုလုပ်နေခဲ့တာလို့ ဒေသခံတွေက ပြောပါတယ်။

၂၀၂၆ ခုနှစ် ဩဂုတ်ကနေ အောက်တိုဘာ သုံးလအတွင်းမှာ စစ်တပ်ရဲ့ လေကြောင်းနဲ့ လက်နက်ကြီးပစ်ခတ်မှုကြောင့် မတ္တရာနဲ့ စဉ့်ကူးမြို့နယ် ရေလည်ကျွန်း ကျေးရွာတွေမှာ စစ်တပ်ရဲ့ ဒရုန်း၊ ရဟတ်ယာဉ်တို့နဲ့ လေကြောင်းတိုက်ခိုက်မှုတွေကြောင့် ပြည်သူ ၁၀ဦးထက်မနည်း သေဆုံးခဲ့ပြီး ၁၂ဦးကျော်ဒဏ်ရာတွေရခဲ့ပါတယ်။

ဒါ့အပြင် ဒီရက်ပိုင်းအတွင်း လူသေဆုံးမှုများတဲ့ လေကြောင်းတိုက်ခိုက်မှုတွေအပြီးမှာ စစ်တပ်က ဒီရွာတွေဘက် လူအရိပ်အယောင်တောင်မမြင်ချင်ဘူးလို့ ပြောကြောင်း ဒေသခံတွေက ပြောပါတယ်။ အဲဒါကြောင့်လည်း ဒေသခံတွေပြောင်းရွှေ့နေကြတာလို့ ဆိုပါတယ်။

ကျွန်းပေါ်ကျေးရွာတွေအားလုံးဟာ အခုအချိန်က စိုက်ပျိုးရာသီဖြစ်နေပြီး အားလုံး လယ်ယာစိုက်ပျိုးဖို့ ပြင်ဆင်နေကြချိန် စစ်တပ်က စိုက်ပျိုးခွင့် လုံးဝ မပေးတော့တာလည်းဖြစ်ပါတယ်။ ကျွန်း မြေပဲကို အဓိကထား စိုက်ပျိုးနေကြရတဲ့ ဒေသခံ တောင်သူတွေဟာ တနှစ်မှာ ဒီတရာသီပဲ စိုက်ပျိုးခွင့်ရကြတာလို့ သိရပါတယ်။

အခုတော့ နေ့စဥ် စစ်တပ်ရဲ့ ဒရုန်းနဲ့ လက်နက်ကြီးရန် ကြောင့် ဒေသခံတွေဟာ နေရပ် စွန့်ခွာထွက်ပြေးဖို့ ထပ်မံ ပြင်ဆင်နေကြတာဖြစ်ပါတယ်။

(စစ်တပ်ရဲ့လေကြောင်းနဲ့ လက်နက်ကြီးတိုက်ခိုက်မှုကြောင့် ထိခိုက်ခဲ့သူတချို့ကို တွေ့ရစဥ်။ ဓာတ်ပုံ - ဒေသခံ)

မူဆယ်မြို့ မီးလောင်မှု တရုတ်ဘက်က လာငြှိမ်းသတ်ပေးရ

အောက်တိုဘာ-၂၀၊၂၀၂၆။မိထက်/People's Spring

ရှမ်းပြည်နယ်မြောက်ပိုင်း၊ မူဆယ်မြို့ စွမ်စော်ရပ်ကွက်မှာ စက်သုံးဆီဆိုင်မီးလောင်မှုကို မြို့ခံမီးသတ်တပ်ဖွဲ့က မနိုင်တဲ့အတွက် တရုတ်နိုင်ငံ မီးသတ်က လာ‌ရောက် ငြှိမ်းသတ်ပေးရတယ်လို့ မြို့ခံတွေကပြောပါတယ်။

စက်သုံးဆီဆိုင်ရဲ့ ဆီ‌သိုလှောင်ကန်ဟာ ဒီကနေ့ အောက်တိုဘာ ၂၀ ရက် မနက်၁၁ နာရီခန့်မှာ မီးလောင်ကျွမ်းခဲ့တာပါ။

" မူဆယ်က မီးသတ်ကားတွေလာတယ်။ ဒါပေမယ့် မီးမနိုင်တော့ တရုတ်မီးသတ်ကားတွေ နယ်စပ်ပေါက်ကနေဝင်လာပြီး မီးငြှိမ်းပေးတာ။ မီးသာ ဆက်များရင် မလွယ်ဘူးလေ"လို့ မြို့ခံတစ်ဦးက ပြောပါတယ်။

မူဆယ်နဲ့ နယ်စပ်ဖြစ်တဲ့ တရုတ်နိုင်ငံ၊ ရွှေလီမြို့ကနေ ရှေ့ပြေးယာဥ် ၂စီး၊ မီးသတ်ကား ၅ စီးလာရောက်ကူညီငြိမ်းသတ်ခဲ့တယ်လို့ ဒေသခံတွေက ပြောပါတယ်။

ဒီကနေ့ မွန်းလွဲပိုင်းမှာတော့ မီးငြှိမ်းသတ်နိုင်ပြီလို့ သိရပါတယ်။

စစ်ကောင်စီဟာ နိုင်ငံရေးအရ တရုတ်အစိုးရကိုမှီခိုနေရသလို မူဆယ်မြို့အပါအဝင် နယ်စပ်ဒေသတွေမှာ တရုတ်နိုင်ငံနဲ့ ကုန်သွယ်ရေးကဏ္ဍ၊‌ ဒေသတွင်းတရားဥပဒေစိုးမိုးရေးကဏ္ဍတွေမှာလည်း တရုတ်ဘက်ကို မှီခိုနေရပါတယ်။

လားရှိုးမှာ ရွှေဆိုင်သိမ်းပြီးအပြန် သေနတ်ထောက်လုယက်ခံရ

ရှမ်းမြောက်က စစ်တပ်ထိန်းချုပ်မြို့တွေ တရားဥပဒေစိုးမိုးမှုလုံးဝမရှိဟု ဒေသခံတွေ ပြော

အောက်တိုဘာ-၂၀၊၂၀၂၆၊ဇော်ရမ်း/People's Spring

စစ်တပ်ထိန်းချုပ်ထားတဲ့ လားရှိုးမြို့ပေါ်မှာ ရွှေဆိုင်သိမ်းပြီး ပြန်လာတဲ့ပိုင်ရှင် သေနတ်ထောက်လုယက်ခံရမှု ယမန်နေ့ အောက်တိုဘာ ၁၉ရက် ညနေက ဖြစ်ပွားခဲ့ပါတယ်။

ရွှေဆိုင်ပိုင်ရှင်နဲ့မိသားစုဟာ ညနေပိုင်း ဈေးကနေဆိုင်ပိတ်ပြီး ပြန်လာစဉ် ဆိုင်ကယ်စီးသေနတ်သမား ၂ဦးက နောက်ကနေလိုက်လာပြီး လုယက်တာလို့ မြို့ခံတစ်ဦးက ပြောပါတယ်။

" ရွှေ ရောင်းရတဲ့ငွေတွေရော၊ ရွှေထည်တချို့ပါ ပါသွားတယ်။ တရားခံမမိပါ။ လွယ်လွယ်ကူကူလေးပဲလုပ်သွားတာပါ"လို့ မြို့ခံက ပြောပါတယ်။

လားရှိုးမြို့ဟာ ၁၀၂၇ စစ်ဆင်ရေးနဲ့အတူ ကိုးကန့်တပ်မတော် (MNDAA) က သိမ်းယူခဲ့တဲ့မြို့ဖြစ်ပြီး တရုတ်အစိုးရရဲ့ အကူအညီနဲ့ စစ်တပ်က ၂၀၂၅ ဧပြီမှာ ပြန်လည်ထိန်းချုပ်ထားပါတယ်။

အဲ့ဒီနောက်ပိုင်း လားရှိုးမြို့မှာ လုယက်မှုတွေ၊ ဓားပြမှုတွေ၊ ပြန်ပေးဆွဲမှုတွေနဲ့ ခိုးမှုတွေ မကြာခဏဖြစ်နေပါတယ်။ ပြီးခဲ့တဲ့ဇူလိုင်လ၁၉ရက်နေ့ညနေကလည်း လားရှိုးမြို့ရပ်ကွက်(၁‌၀)ထဲက စတိုးဆိုင်တစ်ဆိုင်ကို ဓားပြဝင်တိုက်သူတွေက ဆိုင်ရှင်အမျိုးသမီးနှစ်ဦးကိုသတ်ဖြတ်သွားခဲ့ပါတယ်။

စစ်တပ်ထိန်းချုပ်ထားတဲ့ ကျောက်မဲမြို့မှာလည်း ရွှေဆိုင်ဓားတိုက်ခံရမှုမကြာခဏဖြစ်ပွားနေသလို မူဆယ်မြို့မှာလည်း အိမ်စီးကားကိုဗုံးခွဲတိုက်ခိုက်မှုတစ်ခု အောက်တိုဘာလ၁၂ရက်နေ့ကဖြစ်ပွားခဲ့ပါတယ်။

ရှမ်းပြည်နယ်မြောက်ပိုင်းမှာ လားရှိုး၊ မူဆယ်၊ ကျောက်မဲ၊ သီပေါနဲ့ မိုးမိတ် မြို့တွေကို စစ်ကောင်စီကထိန်းချုပ်ထားပြီး ကျန်မြို့နယ်တွေကို မြန်မာအမျိုးသားဒီမိုကရက်တစ်မဟာမိတ်တပ်မတော်(MNDAA)နဲ့ တအာင်းအမျိုးသားလွတ်မြောက်ရေးတပ်မတော်(TNLA)တို့က ၁၀၂၇ စစ်ဆင်ရေးနဲ့အတူ သိမ်းပိုက်ထိန်းချုပ်ထားပါတယ်။ စစ်ကောင်စီထိန်းချုပ်ထားတဲ့ မြို့တွေမှာ တရားဥပဒေစိုးမိုးမှုမရှိတဲ့အခြေအနေက ကြောက်စရာကောင်းနေပြီလို့ ဒေသခံတွေကပြောပါတယ်။စစ်ကောင်စီနဲ့ နီးစပ်တဲ့ သူတွေကလည်း ဒေသတွင်းမှာ တရားဥပဒေစိုးမိုးမှုမရှိတဲ့အတွက် သတိနဲ့နေထိုင်ကြဖို့ လူမှုကွန်ရက်ပေါ်မှာရေးသားပြောဆိုနေကြပါတယ်။

(လားရှိုးမြို့မစျေးကြီးကို မြင်တွေ့ရစဉ်။ ဓာတ်ပုံ - Getty Images)

စစ်သင်တန်းအပြီး ကျောက်ဖြူစစ်မြေပြင်ချက်ချင်းပို့ခံရတဲ့ ပြည်သူ့စစ် ၂ဦး AAထံ အလင်းဝင်

“ကိုယ့်အသက်ကို မသေစေချင်ဘူး မိသားစုနဲ့ တွေ့ချင်တယ်ဆိုရင် AA ဘက်ကို အလင်းဝင်ကြပါ” အလင်းဝင်တပ်သား စိုးမင်းသိန်း

အောက်တိုဘာ ၂၀၊ ၂၀၂၆။ထားမြတ်/People’s Spring

အာဏာသိမ်းစစ်တပ်က စစ်သင်တန်းအပြီး ရက္ခိုင်စစ်မြေပြင်ကို ချက်ချင်းပို့ဆောင်ခဲ့တဲ့ တပ်သားတွေထဲက တပ်သား ၂ဦးဟာ စစ်မြေပြင်က ထွက်ပြေးပြီး အာရက္ခတပ်တော်(AA)ထံ အလင်းဝင်ခဲ့ကြောင်း ကာယကံရှင် တွေက ပြောပြပါတယ်။

တပ်မ(၁၁) လက်အောက်ခံ ခမရ(၂၁၈)တပ်ရင်းက တပ်သားအောင်ကျော်နိုင်နဲ့ တပ်သားစိုးမင်းသိန်းတို့ဟာ ၂၀၂၆ မေလမှာ စစ်ကောင်စီတပ်ရဲ့ အဓမ္မ စစ်သားစုဆောင်းခံရပြီး စစ်သင်တန်း သုံးလကျော်တက်ရောက်ခဲ့ပြီးနောက် ရက္ခိုင်ပြည်နယ် ကျောက်ဖြူ စစ်မျက်နှာကို ပို့ဆောင်ခံရစဉ် စစ်မြေပြင်ကနေ အတူတကွ ထွက်ပြေးခဲ့ကြရတာလို့ ဆိုပါတယ်။

တပ်သားအောင်ကျော်နိုင်ကတော့ မန္တလေးမှာ ဆိုင်ကယ်ကယ်ရီဆွဲတာဖြစ်ပြီး ၂၀၂၆ မေလမှာ ကယ်ရီဆွဲဖို့ ထွက်လာစဉ် စစ်တပ်ရဲ့ စစ်သားစုဆောင်းမှု ခံခဲ့ရတာလို့ ဆိုပါတယ်။

လားရှိုးမှာ သင်တန်း ၃လ တက်ရောက်ခဲ့ရ ၂၀၂၆ ဩဂုတ်လ ၁၅ရက်မှာ သင်တန်းဆင်းခဲ့ရာ ရန်ကုန်မှာ မွမ်းမံသင်တန်းထပ်မံ တပ်ခဲ့ရတယ်လို့ တပ်သားအောင်ကျော်နိုင်က ပြောပါတယ်။ အဲဒီနောက် ခမရ(၂၁၈)မှာ ၁၅ရက်နေခဲ့ရပြီး သင်္ဘောနဲ့ ကျောက်ဖြူကိုပို့ဆောင်ခံရကြောင်း ပြောပါတယ်။

သင်တန်းမှာ လူဦးရေ ၂၅၀ ကျော်ရှိပြီး သင်တန်းမတက်ချင်သူများကြောင်း တပ်သား အောင်ကျော်နိုင်က ပြောပါတယ်။ ဒါ့အပြင် သင်တန်းကာလမှာ တပ်သား အောင်ကျော်နိုင်လည်း သူငယ်ချင်း ၅ယောက်နဲ့အတူ ထွက်ပြေးခဲ့ပေမဲ့ သုံးဦးသာလွတ်မြောက်ခဲ့ပြီး တပ်သား အောင်ကျော်နိုင်အပါအဝင် ၂ဦး ပြန်ဖမ်းခံခဲ့ရတယ်လို့ ပြောပြပါတယ်။ ဖမ်းခံရပြီး ရိုက်နှက်နှိပ်စက်ချုပ်နှောင်ခံခဲ့ရပေမဲ့ သင်တန်းအပြီး ရက္ခိုင်စစ်မျက်နှာ ပို့ဆောင်ခံခဲ့ရတယ်လို့ ဆိုပါတယ်။

အဲဒီရောက်ပြီး မကြာခင်မှာပဲ တပ်သား စိုးမင်းသိန်းနဲ့အတူ ထွက်ပြေးရာ စစ်တပ်က မြင်ပြီး ပစ်ခတ်ခံရပေမဲ့ ဒဏ်ရာမရခဲ့ကြောင်း၊ ထွက်ပြေးစဉ် AA နဲ့ တွေ့လို့ အလံဖြူပြ အလင်းဝင်ခဲ့ကြောင်း ရှင်းပြပါတယ်။

တပ်သား စိုးမင်းသိန်းကတော့ ရန်ကုန် မှာ နေထိုင်သူဖြစ်ပြီး ၂၀၂၆ မေလမှာ အလုပ်က ပြန်လာစဉ် လမ်းမှာ စစ်သားစုဆောင်းခံရတာလို့ဆိုပါတယ်။

“ကျနော်တို့ကို ရုံးကို ခေါ်သွားတယ်။ ခေါ်သွားပြီးတော့ ကျနော်တို့ကို လက်ထဲကို မူးယစ်ဆေးဝါးတွေ တင်ပြီးတော့ ဓာတ်ပုံရိုက်တယ်။ ဓာတ်ပုံရိုက်ပြီးတော့ မင်းတို့ စစ်ထဲဝင်မလား ထောင်ချခံမလားလို့မေးတယ်။ ကျနော်တို့ ဘာလုပ်လို့လဲဆိုတော့ ကျနော်တို့ကို ဘာမှ မပြောဘူး ထပ်နှိပ်စက်တယ်ရိုက်တယ်။ ရိုက်တော့ ကျနော်တို့ စစ်ထဲဝင်မယ်လို့ ပြောတယ်။ ဒီပြင်ရုံးကို ဖုန်းဆက်ပြီးတော့ ခေါ်ခိုင်းတယ်။ လာခေါ်သွားတော့ ကျနော်တို့ကို အဲဒီရုံးမှာ နှစ်ညအိပ်ရတယ်။ နှစ်ညအိပ်တော့ထိပ်တုံးထဲထည့်ထားတယ်။ အဲဒီရုံးကနေ ကျနော်တို့ကို ဘုရင့်နောင်စစ်ကြောရေးကို ပို့တယ်။ ဘုရင့်နောင်စစ်ကြောရေးမှာလည်း နှစ်ညထပ်အိပ်ရတယ်။ ဘုရင့်နောင်စစ်ကြောရေးကနေ
မှော်ဘီတိုက်ကြီး အမှတ်(၂) တန်းမြင့်လေ့ကျင့်ရေး ကျောင်းကို ထပ်ပို့တာ။” ဟု တပ်သား စိုးမင်းသိန်း
က အဓမ္မစစ်သားစုဆောင်းခံရမှု အခြေအနေကို ပြောပြပါတယ်။

မှော်ဘီသင်တန်းကနေ မွန်းမံသင်တန်း ထပ်မံ တက်ရောက်ခဲ့ပြီးနောက် ကျောက်ဖြူသို့ ပို့ ဆောင်ခံခဲ့ရတယ်လို့ ဆိုပါတယ်။

ရှေ့တန်းအရောက် စစ်ကောင်စီတပ်သားတွေက ပစတွေကို နေ့တိုင်းလိုလို ဆဲဆိုကြိမ်းမောင်းတာ ကင်းကို အချိန်ကြာမြင့်စွာ စောင့်ခိုင်းတာတွေ ပြုလုပ်ခဲ့တယ်လို့ တပ်သားစိုးမင်းသိန်းက ပြောပါတယ်။

“သူတို့လူဟောင်းတွေ မစောင့်ရဘူး ကျနော်တို့ ပစတွေချည်းပဲ စောင့်ရတယ်။ ကျနော်တို့ ပစတွေပဲ လုပ်ရပါတယ်။ တော်တော်လေးလည်း ဒုက္ခရောက်ခဲ့ပါတယ်” လို့ သူက ပြောပါတယ်။
ပစအချို့ ကိုယ့်ကိုယ်ကိုယ် သက်သေတာရှိသလို တိုက်ပွဲမှာ ဒဏ်ရာရသူတွေကို ထမ်းစင်တွေနဲ့
ထမ်းလာတာတွေ့ခဲ့ရကြောင်းလည်း တပ်သား စိုးမင်းသိန်းက ပြောပါတယ်။

အဲဒါကြောင့် သူငယ်ချင်းနှစ်ယောက် တိုင်ပင်ထွက်ပြေးခဲ့ရာ နောက်ပိုင်းမှာ AAထံ အလင်းဝင်ခဲ့တာလို့ ဆိုပါတယ်။ AAက ကောင်းမွန်စွာ ဆက်ဆံပြီး လုံခြုံရာ ပို့ပေးခဲ့တယ်လို့ သူက ပြောပါတယ်။ ဒါ့အပြင် စစ်ကောင်စီတပ်ထဲက ပစတွေ အမြန်ဆုံးအလင်းဝင်ကြဖို့လည်း သူက တိုက်တွန်းပါတယ်။

“ကိုယ့်အသက်ကို မသေစေချင်ဘူး မိသားစုနဲ့ တွေ့ချင်တယ်ဆိုရင် AA ဘက်ကို အလင်းဝင်ကြပါ”လို့လည်း တပ်သားစိုးမင်းသန်းက တိုက်တွန်းပါတယ်။

ရုပ်သံ - AA

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #ကျောက်ဖြူမြို့နယ် #ရက္ခိုင့်တပ်တော် #AA #ပြည်သူ့စစ် #အလင်းဝင်ရောက်မှု #မြန်မာ့စစ်ရေးသတင်း #KyaukphyuTownship #ArakanArmy #PeoplesMilitia #Defection #MyanmarConflict #MyanmarNews

စစ်တပ်ကငပြီကျွန်းကို speedboat ​တွေနဲ့ကမ်းတက်ဖို့ထပ်မံကြိုးစား၊ကမ်းစပ်တိုက်ပွဲမှာစစ်​ကြောင်းပြုတ်သွား

■ကမ်းစပ်တိုက်ပွဲမှာစစ်သား၁၀ဦးကျော်သေပြီး၂၀ဦးဝန်းကျင်လက်နက်ချပြီးအလင်းဝင်

■AAက အမြင့်ကျွန်း၊ငတောက်တက်ရွာတို့ဘက်ကနေ ပါဒလိတ်တပ်ရင်းတွေကိုဝိုင်းတိုက်နေ

အောက်တိုဘာ-၂၀၊၂၀၂၆။ခိုင်မြတ်/ People's Spring

စစ်တွေတိုက်ပွဲ​တွေမှာ စစ်တပ်က ဒီနေ့ အမြန်​မော်​တော်​လှေ( speedboat)​တွေနဲ့ ကမ်းတက်ဖို့ ဆက်ကြိုးစားလာပြီး အာရက္ခတပ်​တော်ကတိုက်ခိုက်ရာ ကမ်းစပ်မှာ တိုက်ပွဲပြင်းထန်ပြီး စစ်သား ၁၀ ဦးကျော်သေဆုံးကာ ၂၀ ဦး ဝန်းကျင် လက်နက်ချခဲ့ကြတယ်လို့ မြေပြင်သတင်းရင်းမြစ်တွေကပြောပါတယ်။

စစ်တပ်က ငပြီကျွန်းပေါ်ကို ပြီးခဲ့တဲ့ အောက်
တိုဘာလ ၇ ရက်နေ့ကတည်းက ကမ်းတက်ခဲ့တာဖြစ်ပြီး လက်ရှိမှာကမ်းတက်နိုင်ခဲ့တဲ့စစ်
သားတွေထဲက အားလုံးနီးပါးသေဆုံးသွားခဲ့ပြီဖြစ်တာကြောင့် ပြီးခဲ့တဲ့ အောက်တိုဘာ ၁၇ ရက်ကစပြီး ဒုတိယအကြိမ်ကမ်းတက်ဖို့ ဆက်ကြိုးစား​နေတာဖြစ်တယ်လို့ စစ်​ရေးရင်းမြစ်​တွေက​ပြောပါတယ်။

“၁၇ ရက်နဲ့ ၁၈ ရက်နေ့မှာ နှစ်ရက်တိုက်ကမ်း
တက်ဖို့လုပ်တယ်။ မအောင်မြင်ဘူး။သူတို့သင်္ဘောပဲထိပြီးပြန်လှည့်ခဲ့ ရတယ်။ ဒီနေ့ကျတော့ မြစ်လယ်လောက်က Speedboat တွေနဲ့ကမ်းကပ်လာတာ၊ကမ်းစပ်မှာပဲကိုယ့်လူတွေ အလုပ်လုပ်ကြတော့ အလောင်း ၁၀ ကျော်ရတယ်။ ကျန်တဲ့ကောင်တွေအကုန် အလင်းဝင်တယ်။ ၂၀ လောက်ရှိမယ်” လို့ မြေပြင်မှာရှိနေတဲ့ AA နဲ့နီးစပ်သူသတင်းရင်းမြစ်က ပြောပါတယ်။

စစ်တပ်ဟာSpeedboatလေးစီး၊စစ်သားအင်
အားသုံးဆယ်ကျော်နဲ့ ငပြီကျွန်းကိုကမ်းတက်
ဖို့ကြိုးစားလာတာဖြစ်ပြီးကမ်းကပ်နိုင်ခဲ့ပေမယ့် အပေါ်မရောက်ဘဲ ကမ်းစပ်တိုက်ပွဲမှာပဲ စစ်ကြောင်းတခုလုံး ​သေဆုံးတာ၊လက်နက်ချတာနဲ့ ကုန်သွားခဲ့တာလို့ ဆိုပါတယ်။ အဲဒီတိုက်ပွဲအတွင်း ကုလားတန်မြစ်ပြင်ရှိ စစ်
သင်္ဘောတွေကနေ လက်နက်ကြီးတွေနဲ့ လှမ်းပစ်တာကြောင့် AA တပ်ဖွဲ့ဝင်အချို့ လည်း ထိခိုက်ခဲ့တာရှိတယ်လို့ အထက်ပါသတင်းရင်းမြစ်​​တွေကပြောပါတယ်။

“လက်နက်ကြီးပစ်တဲ့နေရာ ခြောက်ခုလောက်ရှိတယ်။စစ်တွေဘက်နေရာခြောက်ခုလောက်
ကနေ တောက်လျှောက်ပစ်နေတာ။ ငပြီကျွန်းကို သင်္ဘောတွေ ရံပြီးတော့ အမြဲတမ်းတက်ဖို့ ကြိုးစားနေကြတယ်။ ကိုယ့်လူတွေ ကလည်း ဒရုန်းတွေ၊ အမြောက်တွေနဲ့ လိုက်ချတယ်” လို့ ပေါက်တောမြို့နယ်မှ စစ်ရေးနဲ့နီးစပ်တဲ့ဒေသခံတဦးက ပြောပါတယ်။

စစ်တပ်ဟာ ပြီးခဲ့တဲ့ အောက်တိုဘာ ၁၇ ရက်နဲ့ ၁၈ ရက်နေ့မှာလည်း ငပြီကျွန်းပေါ် ကမ်း
တက်ဖို့ကြိုးစားခဲ့ပြီးAAပစ်ခတ်တဲ့ လက်
နက်ကြီးကျည်ထိမှန်ပြီးစစ်သေင်္ဘာတစီးထိမှန်ကာစစ်သား ၁၀ ကျော် သေဆုံးခဲ့ရပါတယ်။စစ်သင်္ဘောတွေလည်းကမ်းမကပ်နိုင်ခဲ့ပါဘူး။

“အခုနောက်ပိုင်းစစ်တပ်ကလေယာဉ်တွေသိပ်
မသုံးတော့ဘူး။ဆူဆိုက်ဒရုန်းတွေ အများကြီးသုံးလာတယ်။ဒရုန်း တွေဆိုရင် ခေါင်းပေါ်မှာ ဝဲနေတာ အချိန်ပြည့်ပဲ၊ တခါဝဲရင် နှစ်နာရီလောက်ထိ ကြာတယ်”လို့တိုက်ပွဲဧရိယာအနီး မှာ ရှိနေတဲ့ ပေါက်တောဒေသခံက ပြောပါတယ်။

အာရက္ခတပ်တော်(AA)ဟာ ငပြီကျွန်းပေါ် ကမ်းတက်ဖို့ကြိုးစားနေတဲ့ စစ်တပ်ကို ခုခံတိုက်ခိုက်နေသလို စစ်တွေမြို့ နယ်အတွင်းက စစ်တပ်ရဲ့ဒေသကွပ်ကဲမှုစစ်ဌာနချုပ်
(ဒကစ)စစ်တွေအပါအဝင်စစ်တပ်ရဲ့တပ်
ရင်းတပ်စခန်းတွေကိုအနောက်ဘက်၊ မြောက်ဘက်၊ အရှေ့ဘက်တို့ကနေ ဝန်းရံပိတ်ဆို့ပြီး တိုက်ခိုက်နေပါတယ်။

လက်ရှိမှာ စစ်တွေမြို့အနောက်ဘက် ရေချမ်းပြင်အနီးဝန်းကျင်၊မြောက်ဘက်အမြင့်ကျွန်း၊ တောကန်၊ ငတောက် တက်၊ ကျားမသောက်နဲ့ အရှေ့ဘက်ရွှေမင်းဂံရေတပ်စခန်းဝန်းကျင်တို့မှာ တိုက်ပွဲတွေဖြစ်နေပါတယ်။

“ပါဒလိတ်ဘက်မှာတိုက်ပွဲပိုပြင်းနေတယ်။ ပါဒလိတ်ပတ်လည်ပေ့ါ၊အမြင့်ကျွန်းဘက်ကရော၊ ငတောက်တက်ဘက်ကရောဝိုင်းပြီးတိုက်နေတယ်။အမြင့်ကျွန်းကလက်ကျန်စခန်းတွေကို ရှင်းနေတယ်။ အမြင့်ကျွန်းမှာလည်း ကိုယ့်ဘက်က အခြေအနေကောင်းတယ်” AA သတင်းရင်းမြစ်က ပြောပါတယ်။

ဒါ့အပြင် စစ်တွေ ဒကစ နဲ့ နှစ်မိုင်ဝန်းကျင်အကွာမှာရှိတဲ့ ကျားမသောက်တပ်ရင်းအနီးဝန်းကျင်ရှိ တောကန်၊ ရာတန်ကျေးရွာ တဝိုက် စစ်တပ်ကာကင်းစခန်းတွေကိုလည်း AA ကတိုက်ခိုက်နေပါတယ်။

ပါဒလိတ်ရွာမှာ စစ်တပ်ရဲ့ ခလရ ၂၃၂၊ ခမရ ၃၄၄၊ အမှတ်(၁၀)ပညာရေးသင်တန်းကျောင်းနဲ့ အမှတ်(၃၄၃) စစ်လက်နက်ပစ္စည်းတပ်ခွဲတို့ အခြေခိုက်ပြီး ကျားမသောက်ရွာမှာတော့ စစ်မြေပြင်အင်ဂျင်နီယာတပ်ရင်းအခြေစိုက်ပါတယ်။ ပုဏ္ဏားကျွန်းမြို့နယ်ဘက်ကနေ စစ်တွေမြို့ကို ကားလမ်းအတိုင်းလာရင် အမြင့်ကျွန်း၊ ပါဒလိတ်၊ ကျားမသောက်တို့ကို အရင်​ရောက်ပါတယ်။ အဲဒီကနေ ဆက်လာရင် ဒကစစစ်တွေနဲ့ ကပ်ရပ် နာရီကန်ရွာကို ရောက်ပါတယ်။

စစ်တပ်ကစစ်တွေမြို့အရှေ့ဘက်ရှိငပြီကျွန်း
ပေါ်ကို အင်အားအလုံးအရင်းသုံးကမ်းတက်ဖို့ ကြိုးစားနေချိန်မှာ AA ဟာ စစ်တွေမြို့ပတ်
လည်က အခြေစိုက်တပ်ရင်းတွေနဲ့ ဒကစတို့အနီးဆုံးထိ ချဥ်းကပ်ပြီး ထိုးစစ်အဟုန်မြှင့်လာခဲ့ တာဖြစ်ပါတယ်။

ရွှေမင်းဂံရေတပ်စခန်းရဲ့ အရှေ့ဘက် ကုလားတန်မြစ်လယ်ကျွန်း(ငပြီကျွန်း)ကို ထောက်ပို့လေယာဉ် Y12 ၊ တိုက် လေယာဉ် အစီး ၁၀ ကျော်၊ စစ်သင်္ဘော ၅ စီးခန့်နဲ့ ပစ်ကူပေးပြီး အောက်တိုဘာ ၇ ရက်နေ့ကစ ကမ်းတက် ခဲ့တာဖြစ်ပြီး ကမ်းပေါ် စစ်သားဆယ်ချီတက်နိုင်ခဲ့ ပါတယ်။

ငပြီကျွန်းပေါ် ကမ်းတက်နိုင်ခဲ့တဲ့စစ်သားတွေထဲကလည်းကျွန်းပေါ်မှာသေဆုံးသူ ၄၀ ဝန်းကျင်၊ အရှင်အဖမ်းခံ ရသူ ၂၀ ဝန်းကျင် ရှိကာ စစ်တပ်ခြေကုတ်နေခဲ့တဲ့ စခန်းတခုကိုလည်း AA က ပြန်သိမ်းနိုင်ခဲ့ပါတယ်။ ငပြီကျွန်းတိုက်ပွဲမှာ စစ်တပ်က အဓမ္မစု​ဆောင်းစစ်သင်တန်းပေးထားတဲ့ ရိုဟင်ဂျာတွေအ
များအပြားကို အသုံးပြုပြီး အသေခံတိုက်ခိုင်းနေ တယ်လို့ မြေပြင်သတင်းရင်းမြစ်တွေက ပြောပါတယ်။

စစ်တပ်က ကမ်းတက်ဖို့ ကြိုးစားနေတဲ့ ငပြီကျွန်းဟာ စစ်တွေမြို့ရဲ့ အဓိက ရေတပ်ထောက်ပို့ကာကင်းစခန်းကြီးရွှေမင်းဂံရေ
တပ်ရဲ့အရှေ့ဘက်တမိုင်ကျော်အကွာ၊ ပေါက်တောမြို့ရဲ့ အနောက်ဘက် ခြောက်မိုင်ကျော်အကွာမှာ တည်ရှိပါတယ်။ စတုရန်းဧကလေးထောင်ကျော်အကျယ်အဝန်းရှိတဲ့ ရေလယ်ကျွန်းတခုဖြစ်ပါတယ်။အဲဒီကျွန်းပေါ်မှာ လူနေကျေးရွာသုံးရွာ တည်ရှိပါတယ်။

စစ်တပ်ဟာ ရခိုင်ပြည်နယ် စစ်တွေအပြင် ကျောက်ဖြူ၊ ရခိုင်ရိုးမအရှေ့ဘက်ခြမ်း မကွေးတိုင်း ပဒါန်း၊ မင်းတုန်း၊ ပဲခူးတိုင်း ပန်းတောင်း၊ ဧရာ၀တီတိုင်း ရေကြည်၊ သာပေါင်းမြို့နယ်တို့ကနေ AA ထိန်းချုပ်ရာဒေသတွေကို ပြီးခဲ့တဲ့ စက် တင်ဘာ ၄ ရက်နေ့ကစကာ ၄၉၂၆ စစ်ဆင်ရေးလို့ကြွေးကြော်ပြီးတန်ပြန် ထိုးစစ်ဆင်နေခဲ့တာ တလခွဲကျော်ရှိလာပြီ ဖြစ်ပါတယ်။

စစ်တပ်ဝါဒဖြန့်လူမှုကွန်ယက်တွေမှာတော့ ရခိုင်တိုက်ပွဲတွေမှာ စစ်တပ်က အသာရနေပြီး AA အထိနာနေတယ်လို့ဝါဒဖြန့်နေတာတွေ့ရပါတယ်။ စစ်တပ်ဟာ စစ်ဆင်ရေးတလခွဲကျော်ကာလအတွင်း စစ်တွေမြို့ နယ်အတွင်းက စစ်တပ်စခန်း ၁၂ ခု၊ စစ်တွေအစပ် ပေါက်တောမြို့နယ်က ၁ ခု၊ ကျောက်ဖြူမြို့နယ်အတွင်းက ၂ ခု၊ မင်းတုန်းမြို့နယ်အ တွင်းက ၁ ခု ၊ စုစုပေါင်းတပ်စခန်း ၁၆ ခုထက်မနည်းကို လက်လွှတ်ခဲ့ရပြီး ဖြစ်ပြီး အကျအဆုံးတွေလည်းရာချီ ရှိနေပြီဖြစ်တယ်လို့မြေပြင် သတင်းရင်းမြစ်တွေက ပြောပါတယ်။

ငပလီကမ်း​ခြေနဲ့ သံတွဲမြို့ကိုသိမ်းပိုက်ခဲ့စဥ်က အာရက္ခတပ်​တော်(AA)တပ်ဖွဲ့ဝင်​တွေ/ စစ်​တွေမြို့အနီးဝန်းကျင် ​မြေပုံ။
ဓါတ်ပုံ-AA Info Desk

ဘုတလင်မှာ စစ်တပ်က လေကြောင်းတိုက်ခိုက်လို့ ကလေး ၂ ဦးအပါအဝင် အမျိုးသမီး ၆ ဦး သေဆုံး

အောက်တိုဘာ-၂၀၊ ၂၀၂၆။ဟာနာဆန်၊ဂျွန်/People's Spring

စစ်ကိုင်းတိုင်း၊ ဘုတလင်မြို့နယ်၊ ကွမ်းခြံကျေးရွာမှာ အာဏာသိမ်း စစ်တပ်က ဒီ​နေ့ လေကြောင်းတိုက်ခိုက်လို့ ကလေး ၂ ဦးအပါ
အဝင် ဒေသခံ အမျိုးသမီး ၆ ဦး သေဆုံးပြီး အမျိုးသမီးတစ်ဦး သေဆုံးခဲ့ပါတယ်။

အောက်တိုဘာ၂၀ ရက်နေ့လယ် ၂ နာရီခွဲခန့်က မုံရွာအနောက်မြောက်တိုင်းစစ်ဌာနချုပ်က တက်လာတဲ့ ဂျိုင်ရိုကော်ပတာတစ်စီးဟာ ဘုတလင်မြို့နယ်၊ ကွမ်းခြံကျေးရွာကို တိုက်ပွဲမရှိဘဲ ဗုံးကြဲခဲ့တာ​ကြောင့်ဒေသခံ အမျိုးသမီး ၆ဦးသေဆုံးသွားကြောင်းဒေသခံကိုဇင်မင်း
သန်းက ပြောပါတယ်။

"အိမ်က၄ယောက်သေဆုံးပြီး နောက်အိမ်တစ်အိမ်က၂ယောက်သေဆုံးပြီး ၁ယောက်ဒဏ်
ရာရတာပါ"လို့ ကိုဇင်မင်းသန်းကပြောပါတယ်။

ဒါ့အပြင် အမျိုးသမီး ၁ဦးလည်း ဒဏ်ရာရှိပြီးနေအိမ်၂လုံးလည်း ပျက်စီးသွားကြောင်း ဒေသခံတွေက ပြောပါတယ်။

သေဆုံးသူအမျိုးသမီးတွေဟာ ၄၁ နှစ်အရွယ် ၁ဦး၊ ၁၇နှစ်အရွယ် ၁ဦး၊ ၁၅နှစ်အရွယ် ၁ဦး၊ ၁၃နှစ်အရွယ် ၁ဦးတို့ဟာသားအမိ ၄ဦး မိ
သားစုလိုက် သေဆုံးခဲ့ရခြင်းဖြစ်ကြောင်း၊ အခြား ၂၂နှစ်အရွယ်နဲ့ ၁၇နှစ်အရွယ် အမျိုး
သမီး ၂ ဦးကလည်းညီအမ ၂ဦးဖြစ်ကြောင်း ဒေသခံ ကိုဇင်မင်းသန်းက ပြောပါတယ်။

အာဏာသိမ်းစစ်တပ်ဟာ ယခုအောက်တို
ဘာလအတွင်း စစ်ကိုင်း၊ မကွေး၊ မန္တလေး
တိုင်းတွေက ကျေးရွာတွေကို လေကြောင်းတိုက်ခိုက်မှုတွေ နေ့စဥ် ပြုလုပ်နေပြီး ပြည်သူအစုလိုက်၊ အပြုံလိုက် သေဆုံးတာတွေ ရှိနေပါတယ်။

အောက်တိုဘာ ၁၆ ရက် နေ့လယ်ပိုင်းကလည်း မကွေးတိုင်း၊ ရေစကြိုမြို့နယ်၊ သစ်ကြီးတောရွာကို စစ်တပ်က လေကြောင်းတိုက်ခိုက်ခဲ့လို့ ကလေးငယ် (၂) ဦး၊ သက်
ကြီးရွယ်အို (၃) ဦး၊ အမျိုးသမီးငယ်တွေအပါအဝင် အရပ်သားပြည်သူ (၁၂)ဦးထက်မနည်း သေဆုံးခဲ့ရကြောင်း သိရပါတယ်။

အောက်တိုဘာ ၅ ရက်က ကန့်ဘလူခရိုင်၊ ကျွန်းလှမြို့နယ် သဖန်းဆိပ်ဆည်အနီးက ရွှေမျောလုပ်နေတဲ့ ပြည်သူတွေကို စစ်တပ်က ဗုံးကြဲတိုက်ခိုက်ရာ ၃၀ ထက်မနည်း သေဆုံးပြီး အများအပြား ထိခိုက်ဒဏ်ရာ ရခဲ့ပါတယ်။