သဖန်းဆိပ်ဆည်ရေလွှတ်လို့ထိုင်းမှာရေမကြီးနိုင်ကြောင်းထိုင်းမိုးလေဝသဌာနရှင်းလင်း​နေရ

​အောက်တိုဘာ-၂၊၂၀၂၆။People's Spring

မြန်မာဖက်ကသဖန်းဆိပ်ဆည်ရေလွှတ်လို့ ထိုင်းဖက်ခြမ်းမှာရေကြီးမှာမဟုတ်ဘူးလို့ ထိုင်းမိုးလေဝဌာန(TMD)ကရှင်းလင်းထုတ်ပြန်ခဲ့ပါတယ်။

ထိုင်းနိုင်ငံဟာလောလောလတ်လတ် ရေကြီးမှုတွေနဲ့ ကြုံတွေ့ထားရပါတယ်။အိမ်နီးချင်း မြန်မာနိုင်ငံဖက်ကသဖန်းဆိပ်ဆည်ရေလွှတ်လိုက်တယ်ဆိုတဲ့ သတင်း​တချို့ကြောင့် ထိုင်းမှာရေကြီးမလားဆိုတဲ့စိုးရိမ်မှုတွေ ပေါ်ပေါက်
လာတာကြောင့် TMDက ပြန်လည် ဖြေရှင်းခဲ့တာဖြစ်ပါတယ်။

အောက်တိုဘာ ၁ ရက်နေ့က TMDရဲ့ ထုတ်ပြန်ချက်မှာတော့ သဖန်းဆိပ်ဆည်ဟာ ထိုင်းနိုင်ငံနဲ့ သီးခြားစီ တည်ရှိရာ မြစ်တစ်ခုပေါ်မှာ တည်ဆောက်ထားတာလို့ ဖော်ပြထားပါတယ်။ အဲဒီဆည်ဟာ စစ်ကိုင်းတိုင်း ဒေသကြီး၊ ကျွန်းလှမြို့နယ်ထဲက မူးမြစ်ပေါ်မှာ တည်ရှိပါတယ်။ ဆည်ရဲ့ အောက်ဖက်မှာ စီးဆင်းတဲ့ မူးမြစ်ဟာ နောက်ဆုံးမှာ ဧရာဝတီ မြစ်ထဲကို စီးဝင်သွားတာကြောင့် ထိုင်းနိုင်ငံနဲ့ ဘယ်လိုမှ ပတ်သက်မှု မရှိပါဘူးလို့ TMDက ရှင်းပြထားပါတယ်။

မြန်မာဖက်မှာ သဖန်းဆိပ်ဆည် ရေလွှတ်တဲ့ သတင်းကြောင့် ထိုင်းပြည်သူတွေ အနေနဲ့ စိုးရိမ်စရာ မလိုကြောင်း၊ ဆည်ရဲ့ တည်နေရာဟာ ထိုင်းနဲ့ ဘယ်လိုမှ ပတ်သက်ဆက်နွှယ်မှု မရှိကြောင်း TMDက ပြောပါတယ်။

တစ်ချိန်တည်းမှာပဲ ထိုင်းနိုင်ငံရဲ့ ရာသီဥတု အခြေအနေတွေက အချိန်နဲ့အမျှ အပြောင်း
အလဲတွေ ဖြစ်နေနိုင်ပြီး ပြည်တွင်းက မိုးရွာသွန်းမှု အခြေအနေတွေကိုတော့ အနီးကပ် ဆက်လက် စောင့်ကြည့်ဖို့လိုကြောင်း TMDက ထောက်ပြထားပါတယ်။

မိုးလေဝသ သတင်းတွေ၊ ရာသီဥတု အခြေ
အနေတွေနဲ့ ပတ်သက်ရင် ကောလာဟလတွေကြောင့် အထိတ်တလန့် ဖြစ်မယ့်အစား TMD
ရဲ့တရားဝင်ထုတ်ပြန်ချက်တွေကိုပဲယုံကြည်
ကြဖို့လည်းဌာနကတိုက်တွန်းထားခဲ့ပါတယ်။

ကိုးကား: The Nation

၂၀၂၆ သြဂုတ်လဆန်းမှာ သဖန်းဆိပ်ဆည်​ရေလွှတ်​နေစဥ် ။ဓါတ်ပုံ-File

ပူတာအိုရေခဲတောင်ဒေသမှာ ဆေးမြစ်ရှာတဲ့ အမျိုးသားသုံးဦး တောင်ပေါ်ကနေ ပြုတ်ကျသေဆုံး

​အောက်တိုဘာ-၂၊၂၀၂၆။ဇော်ရမ်း/People's Spring

ကချင်ပြည်နယ်၊ ပူတာအိုရေခဲတောင်ဒေသမှာဆေးမြစ်ရှာတဲ့ညီအစ်ကိုနှစ်ဦးအပါအဝင်သုံးဦးတောင်ပေါ်ကနေပြုတ်ကျပြီးသေဆုံးခဲ့တယ်လို့ ဒေသခံအချို့ကပြောပါတယ်။

ခနောင်မွန်မြို့နယ်၊မခွမ်ကျေးရွာကညီအစ်ကိုနှစ်ဦးနဲ့ ကဆန်ခူးကျေးရွာကအမျိုးသားတ
ဦးဟာ စက်တင်ဘာလ၂၉ရက်နေ့နဲ့ စက်တင်
ဘာလ၃၀ရက်နေ့မှာတောင်ပေါ်ကနေပြုတ်ကျသေဆုံးခဲ့တာလို့ သိရပါတယ်။

ဒေသခံတွေက ရုပ်အလောင်းလိုက်လံရှာဖွေခဲ့ကြပြီး ပြန်လည်တွေ့ရှိခဲ့တယ်လို့လည်း သေ
ဆုံးသူတွေရဲ့သူငယ်ချင်းအချို့ကပြောပါတယ်။

ပူတာအို ရေခဲတောင်ဒေသဟာဝေးလံခေါင်
ဖျားဒေသဖြစ်ပြီး လမ်းပန်းဆက်သွယ်ရေးအလွန်ခက်ခဲပါတယ်။ဒေသခံတွေဟာ အ
သက်​မွေးဝမ်း​ကြောင်းအတွက် တောင်ယာစိုက်ပျိုးခြင်းနဲ့ ‌ဆေးမြစ်ရှာဖွေခြင်းလုပ်ငန်းတွေလည်း လုပ်ဆောင်ကြပါတယ်။

ရှီးပဒီးအပါအဝင် ဆေးဖက်ဝင်အပင်တွေ၊ သဘာဝသစ်ဥသစ်ဖု ၊သစ်မြစ်တွေထွက်ရှိပြီး တောင်နံရံတွေမှာလိုက်ပြီး တူးဖော်ရှာဖွေတဲ့ လုပ်ငန်း တွင်ကျယ်ပါတယ်။တောင်ကမ်းပါး၊ချိုင့်ဝှမ်း၊တောင်ထိပ်လို အန္တရာယ်များတဲ့နေရာတွေထိလိုက်လံရှာဖွေရတာကြောင့် ပြုတ်ကျသေဆုံးတဲ့ ဖြစ်ရပ်တွေလည်း နှစ်
စဥ်ရှိနေပါတယ်။

●ပြင်ဆင်ချက် -
ကနဦး​ဖော်ပြချက်မှာ ရွာအမည်မှား​နေတဲ့အတွက် ပြန်လည်ပြင်ဆင်ထားပါတယ် ။

ပူတာအို ရေခဲ​တောင်မှာ ​ဆေးမြစ်ရှာ​ဖွေ​
​​​​နေသူတဦး ။ဓါတ်ပုံ-Synchang Zeng's FB

လေကြောင်းသတင်း ပြည်သူတွေအသိပေးဖို့ မြို့နယ် ၅၀မှာ လုပ်မယ့် ပြည်သူ့ရေဒါပရောဂျက်မှာ ပါဝင်ကြဖို့ ဝန်ကြီး ဒေါက်တာဇော်ဝေစိုး တိုက်တွန်း

အောက်တိုဘာ ၂၊ ၂၀၂၆။ ထားမြတ်/People’s Spring

အာဏာသိမ်းစစ်တပ်ရဲ့ လေကြောင်းတိုက်ခိုက်မှုမှ ပြည်သူတွေ ရှောင်ရှားနိုင်ရေး လေယာဉ်လာရာလမ်းကြောင်းတွေ၊ လေယာဉ်ရောက်ရှိရာနေရာတွေကို အသိပေးမယ့် ပြည်သူ့ရေဒါပရောဂျက်ကို မြို့နယ် ၅၀ ခုအတွက် လုပ်ဆောင်သွားဖို့ရှိလို့ ပြည်သူတွေ ပါဝင်ပေးကြဖို့ အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ်ရုံးဝန်ကြီး ဒေါက်တာဇော်ဝေစိုးက တိုက်တွန်းလိုက်ပါတယ်။

စစ်တပ်က အရပ်သား ပြည်သူတွေကို ပစ်မှတ်ထားတဲ့ လေကြောင်းတိုက်ခိုက်မှုတွေ ပိုတိုးလုပ်လာတဲ့ အခြေအနေမှာ တော်လှန်ရေးဘက်ကလည်း ပြည်သူတွေ လေကြောင်းတိုက်ခိုက်မှုကြောင့် ထိခိုက်မှု လျော့နည်းစေရေး ကြိုးပမ်းလျက်ရှိရာ ပြည်သူ့ရေဒါပရောဂျက်ရဲ့ အစီအစဉ်နဲ့ ဆက်သွယ်ရေးစခန်းတွေ ကို မြို့နယ် ၅ခုမှာ တည်ဆောက်ပြီး လူထုတွေကို လေကြောင်းသတင်း အချိန်နဲ့ တပြေးညီ အသိပေးနိုင်အောင် ကြိုးပမ်းနေတာဖြစ်ပါတယ်။


“လူမဆန်ရက်စက်ကြမ်းကြုတ်သတ်ဖြတ်မှုမှ အကာအကွယ်ပေးကြ” လို့ ဝန်ကြီး ဒေါက်တာ ဇော်ဝေစိုးကသူ့ရဲ့ ဖေ့စ်ဘွတ်ခ်ကတဆင့် ပြည်သူတွေ ပါဝင်ဖို့ တိုက်တွန်းနှိုးဆော်ထားပါတယ်။

ပြည်သူ့ရေဒါပရောဂျက်နဲ့ ပြည်သူတွေကို ကာကွယ်ကြဖို့၊ ပြည်သူ့ရေဒါပရောဂျက်မှာ ပါဝင်ခြင်းဖြင့် စစ်ရာဇဝတ်ကောင်များ ဖက်ဆစ်လေတပ်ရဲ့ လူမဆန် ရက်စက်ကြမ်းကြုတ်သတ်ဖြတ်မှုမှ အကာအကွယ်ပေးကြဖို့ ဝန်ကြီးက ရေးသားထားပါတယ်။

ပြည်သူ့ရေဒါစနစ်ကို ပြည်သူ့စွမ်းအားနဲ့ တည်ဆောက်ကြ ပြီး ရွာတိုင်း မြို့တိုင်း နေရာတိုင်းမှာ အချက်ပေး သံချောင်း၊ အချက်ပေး တုံးမောင်း၊ အချက်ပေး ခရာသံ ပေးနိုင်ဖို့ လူအင်အား ငွေအင်အား ပစ္စည်းအင်အားနဲ့ ပါဝင်ကြဖို့လိုအပ်တယ်လို့ ဝန်ကြီးက ပြောပါတယ်။

အခု ပရောဂျက်မှာ မြို့နယ် ၅၀ခုအတွက် တမြို့နယ်လျင် စက်သွယ်ရေးစခန်း ၅ခုတည်ဆောက်မှာ ဖြစ်တယ်လို့ ဆိုပါတယ်။ အဲဒီအတွက် အထိုင်စက်တလုံး ၂၀သိန်းကျပ်၊ လက်ကိုင်စက်တလုံး ၃သိန်းကျပ်၊ အော်ပရေတာ ၁ဦး တစ်လ ၁သိန်းကျပ် တစ်နေ့ လေးဦး စတဲ့ ကုန်ကျစရိတ်တွေရှိကြောင်း အသိပေးပါတယ်။

အဲဒီလို တည်ဆောက်ပြီးပါက စစ်တပ်လေယာဉ် တက်လာတာနဲ့ တပြိုင်နက်တည်း ပြည်သူကို အသိပေးကြမှာလို့ ဆိုပါတယ်။ စစ်တပ်လေယာဉ် ဘယ်မှာပျံနေလဲ ၊ ဖက်ဆစ်လေယာဉ်လာရာလမ်းကြောင်းနဲ့ လေယာဉ် အနီးအနား ရောက်ရှိနေမှု တို့ကို အသိပေးသွားမှာ လို့ ဝန်ကြီးဒေါက်တာဇော်ဝေစိုးက ရှင်းပြထားပါတယ်။

အာဏာသိမ်းစစ်တပ်ဟာ စစ်ရေးအရ ရှုံးနိမ့်မှုတွေ ကြုံရတဲ့အခါ အရပ်သားတွေကို ပိုမိုပစ်မှတ်ထားတဲ့ လေကြောင်းတိုက်ခိုက်မှုတွေလုပ်ဆောင်လျက်ရှိပြီးလတ်တလော ရခိုင်ပြည်နယ်မှာ စစ်တပ်လေကြောင်း တိုက်ခိုက်မှုကြောင့် ပြည်သူအစုလိုက်အပြုံလိုက် သေဆုံးထိခိုက်ခဲ့တဲ့ ဖြစ်စဉ်တွေ မကြာခဏ ဖြစ်ပေါ်လျက်ရှိပါတယ်။

စစ်တပ်ဟာ တိုက်ပွဲဖြစ်ပွားမှုမရှိတဲ့ ပြည်သူနေထိုင်ရာတွေသာမက သဘာ၀ဘေးကြုံနေရတဲ့ ဘေးသင့်ဒေသတွေကိုပါ မရှောင် လေကြောင်းဗုံးကြဲတာတွေ လတ်တလော လုပ်ဆောင်နေတာဖြစ်ပါတယ်။

(PDF ရဲဘော်တွေနဲ့အတူ တွေ့ရတဲ့ ဝန်ကြီး ဒေါက်တာဇော်ဝေစိုး။ ဓာတ်ပုံ - Zaw Wai Soe/Fb)

ဘောလခဲမြို့နယ်က စစ်တပ်စခန်း ၁ခုကို ကရင်နီတပ်ပေါင်းစု သိမ်းပိုက်

▪️လက်နက်ခဲယမ်းနဲ့ စစ်သုံ့ပန်းတချို့ ရဟုဆို

အောက်တိုဘာ-၂ ၊၂၀၂၆။ဇော်၀င်း /People's Spring

ကရင်နီပြည်နယ်၊ ဘောလခဲမြို့နယ်က အာဏာသိမ်းစစ်တပ်စခန်း ၁ခုကို ကရင်နီတပ်ပေါင်းစုက သိမ်းပိုက်ခဲ့ပြီး လက်နက်ခဲယမ်းတွေနဲ့ စစ်သုံ့ပန်းတချို့ ရရှိတယ်လို့ ကရင်နီစစ်ရေးသတင်းရင်းမြစ်တချို့က လူထုနွေဦးကို ပြောပါတယ်။

စက်တင်ဘာ နောက်ဆုံးပတ်ကသိမ်းနိုင်ခဲ့တဲ့ အဲဒီစခန်းဟာ ၀မ့်မလန်းကျေးရွာအနီးကဖြစ်ပြီး ကရင်နီတပ်ဖွဲ့တွေ ပူးပေါင်းထိုးစစ်ဆင်ရရှိခဲ့တာလို့ ဆိုပါတယ်။

"BPDF(ဘောလခဲမြို့နယ်ပြည်သူ့ကာကွယ်ရေးတပ်ဖွဲ့) အပါအဝင် တပ်ပေါင်းစုကနေ စစ်ကောင်စီရဲ့ စခန်း တစ်ခုကို သိမ်းတာပါ။လက်နက်ခဲယမ်း အချို့ သိမ်းဆည်းရမိပြီး သုံးပန့် ၃ယောက် မိတယ်"လို့ BPDF တာ၀န်ရှိသူက အတည်ပြုပါတယ်။

လက်ရှိစစ်ရေးအရလည်း ဖရူဆို-ထားလဲ - နန်းဖဲ-ဘောလခဲကို ဆက်သွယ်ထားတဲ့ လမ်းကြောင်းတစ်လျှောက် အခြေအနေတင်းမာမှုတွေရှိနေတယ်လို့ ကရင်နီစစ်ရေးသတင်းရင်းမြစ်တစ်ဦးက အသိပေးပါတယ်။

"ဒီရက်ပိုင်း ဖရူဆို ၊ဒီးမော့ဆို ၊ဘောလခဲ ဖက်တွေကို လေကြောင်း တိုက်ခိုက်မှုတွေ ရှိပါတယ်။ဖား ဆောင်း ဖက်မှာလဲ ဒီရက်ပိုင်း လက်နက်ကြီးနဲ့ ပစ်ခတ်နေတာတွေ ရှိတယ်"လို့ သူက ပြောပါတယ်။

ပြီးခဲ့တဲ့နှစ်က ဘောလခဲမြို့နယ်မှာရှိတဲ့ အာဏာသိမ်းစစ်တပ် ကာကင်းစခန်း ၅ခု ကို ကရင်နီတပ်ပေါင်းစုက သိမ်းပိုက်နိုင်ခဲ့ဖူးပါတယ်။

စစ်ဘက်သတင်းအချက်အလက်တွေအရ ဘောလခဲမြို့မှာ စစ်ကောင်စီရဲ့ အခြေချစစ်ဗျူဟာ ၊ခမရ (၄၂၉)၊ခမရ (၄၃၀) နဲ့ ခလရ (၃၃၇)တို့ရှိတဲ့ အပြင် ရှမ်းပြည်နယ်အခြေစိုက် စစ်ဆင်ရေးကွပ်ကဲမှုဌာနချုပ် စကခ (၂)လက် အောက်ခံတပ်ရင်းတချို့အားဖြည့်ထားတာရှိပါတယ်။

ဒါ့အပြင် ရှမ်းပြည်နယ် ခိုလမ်မြို့အခြေစိုက် အရှေ့အလယ်ပိုင်းတိုင်းစစ်ဌာနချုပ်ကို လွိုင်ကော်မြို့မှာ ပြောင်းလဲအခြေချလိုက်တာကြောင့် မကြာမီ ကာလတွေမှာ စစ်ရေးပြင်းထန်မှုတွေရှိလာနိုင်တယ်လို့ ဒေသခံစစ် ရေးသတင်ရင်းမြစ်နဲ့‌မြေပြင်တော်လှန်ရေးတပ်တာ၀န်ရှိသူတွေက လူထုနွေဦးကို ‌ပြောထားပါတယ်။

လက်ရှိ ကရင်နီပြည်နယ်နဲ့ ထိုင်းနယ်စပ် မယ်စဲ့၊ရှားတောမြို့နယ် နဲ့ သတ္တုထွက်ရှိရာ မော်ချီးဒေသတွေကို ကရင်နီပူးပေါင်းတပ်တွေက အလုံးစုံသိမ်းပိုက်ထားပြီး ဒီးမော့ဆို၊ ဖားဆောင်း၊ ဘောလခဲ ၊ဖရူဆိုနှင့် မိုးဗြဲမြို့အနီးတဝိုက်ကို ထိန်းချုပ်ထားဆဲလို့ သိရပါတယ်။

(ဘောလခဲ PDF တပ်ရင်းအမှတ်-1105 တပ်ရင်းက ရဲဘော်တွေကို တွေ့ရစဉ်။ ဓာတ်ပုံ - Bawlakhe PDF)

ဝက်လက်မှာ သံအမတ်ကြီး ဦးကျော်မိုးထွန်းကို ထောက်ခံကြောင်း ဆိုင်းဘုတ်တွေ စိုက်ထူ

အောက်တိုဘာ ၂၊၂၀၂၆။သုည/People's Spring

စစ်ကိုင်းတိုင်း ဝက်လက်မြို့နယ်အတွင်းက အဝေးပြေးလမ်းမကြီးတွေပေါ်မှာ သပိတ်တိုက်ပွဲဦးဆောင်ကော်မတီက ပြည်သူ့အသံနဲ့ ပြည်သူ့သဘောထားကို ဦးစားပေးရပ်တည်ပေးနေတဲ့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းရဲ့ ရုပ်ပုံပါ ဆိုင်းဘုတ်တွေ စိုက်ထူပြီး ဒီကနေ့ (အောက်တိုဘာ ၂) လှုပ်ရှားမှု ပြုလုပ်ခဲ့ကြပါတယ်။

မြန်မာပြည်သူတွေ ရင်ဆိုင်ကြုံတွေ့နေရတဲ့ အခက်အခဲတွေနဲ့ ပြည်သူတို့ရဲ့ အသံကို ကမ္ဘာက သိရှိအောင် ကိုယ်စားပြုဖော်ပြပေးနေတဲ့ သံအမတ်ကြီး ဦးကျော်မိုးထွန်းကို ကုလသမဂ္ဂ (UN) မှာ ဆက်လက်တာဝန်ထမ်းဆောင်ခွင့်ရရှိရေးအတွက် ပြည်သူ့ကိုယ်စား ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီက စိုက်ထူခဲ့တာ ဖြစ်ပါတယ်။

မြန်မာပြည်သူ​တွေရဲ့ အသံကို ကိုယ်စားပြုဖော်ပြနိုင်ဖို့ သံအမတ်ကြီး ဦးကျော်မိုးထွန်း ဆက်လက် ကိုယ်စားပြုခွင့်ရရှိရေးက အရေးကြီးသကဲ့သို့ ဆက်လက်တာဝန်ထမ်းဆောင်နိုင်ရန်အတွက် မြန်မာပြည်သူတွေရဲ့ ထောက်ခံတဲ့ အသံဟာလည်း အလွန်အရေးပါကြောင်း ဝက်လက်သပိတ်က အသိပေးခဲ့ပါတယ်။

ဒါ့အပြင် ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီက မြန်မာပြည်သူတွေရဲ့ အသံကို မတိတ်ဆိတ်စေရေး၊ သံအမတ်ကြီး ဦးကျော်မိုးထွန်းကို UN မှာ ဆက်လက် တာဝန်ထမ်းဆောင်ခွင့်ပြုရေး၊ မြန်မာပြည်သူတွေရဲ့ ဒီမိုကရေစီ ဆန္ဒကို လေးစားလိုက်နာပေးရေးနဲ့ "ဦးကျော်မိုးထွန်းသည်သာလျှင် ငါတို့၏ တရားဝင် သံအမတ်ဖြစ်သည်၊ ငါတို့ သံအမတ် - ငါတို့ အသံ" ဟု ကြွေးကြော်သံတွေနဲ့အတူ ဆန္ဒထုတ်ဖော်ခဲ့ပါတယ်။

“ဒီနေ့ဘာဖြစ်ခဲ့လဲ”

ဒီနေ့(အောက်တိုဘာ ၂ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️ဘောလခဲမြို့နယ်က စစ်တပ်စခန်း ၁ခုကို ကရင်နီတပ်ပေါင်းစု သိမ်းပိုက်

ကရင်နီပြည်နယ်၊ ဘောလခဲမြို့နယ်က အာဏာသိမ်းစစ်တပ်စခန်း ၁ခုကို ကရင်နီတပ်ပေါင်းစုက သိမ်းပိုက်ခဲ့ပြီး လက်နက်ခဲယမ်းတွေနဲ့ စစ်သုံ့ပန်းတချို့ ရရှိတယ်လို့ ကရင်နီစစ်ရေးသတင်းရင်းမြစ်တချို့က ပြောပါတယ်။ စက်တင်ဘာ နောက်ဆုံးပတ်က သိမ်းနိုင်ခဲ့တဲ့ အဲဒီစခန်းဟာ ၀မ့်မလန်းကျေးရွာအနီးက ဖြစ်ပြီး ကရင်နီတပ်ဖွဲ့တွေ ပူးပေါင်းထိုးစစ်ဆင်ရရှိခဲ့တာလို့ ဆိုပါတယ်။ BPDF(ဘောလခဲမြို့နယ်ပြည်သူ့ကာကွယ်ရေးတပ်ဖွဲ့) အပါအဝင် တပ်ပေါင်းစုကနေ စစ်ကောင်စီရဲ့ စခန်း တစ်ခုကို သိမ်းတာဖြစ်ပြီး လက်နက်ခဲယမ်း အချို့ သိမ်းဆည်းရမိကာ သုံးပန့် ၃ယောက် မိတယ်လို့ BPDF တာ၀န်ရှိသူက အတည်ပြုပါတယ်။ လက်ရှိစစ်ရေးအရလည်း ဖရူဆို-ထားလဲ-နန်းဖဲ-ဘောလခဲကို ဆက်သွယ်ထားတဲ့ လမ်းကြောင်းတစ်လျှောက် အခြေအနေတင်းမာမှုတွေရှိနေတယ်လို့ ကရင်နီစစ်ရေးသတင်းရင်းမြစ်တစ်ဦးက အသိပေးပါတယ်။

◾️ကျောက်တော်မြို့ကို စစ်တပ်က လေယာဉ် ၈စီးနဲ့ ထပ်မံ ဗုံးကြဲ

အာဏာသိမ်းစစ်တပ်က ရခိုင်ပြည်အနှံ့ စစ်ရေးပစ်မှတ်မဟုတ်တဲ့ နေရာတွေကို ဆက်တိုက်ဗုံးကြဲကာ စစ်ရာဇဝတ်မှုများကို ပြောင်ပြောင်တင်းတင်းဆက်လက်ကျူးလွန်နေလို့ သံဃာနဲ့ စစ်ရှောင်တွေအပါအဝင် ပြည်သူလူထု သေဆုံးထိခိုက်မှုများ ရှိခဲ့ကြောင်း အာရက္ခတပ်တော်(AA)က ထုတ်ပြန်ပါတယ်။ စက်တင်ဘာ ၂၈ရက်မှာ စစ်တပ်က ကျောက်တော်မြို့ကို လေကြောင်းကနေ ဗုံးကြဲခဲ့လို့ ပြည်သူ ၅၀ဦး သေဆုံးကာ ၅၇ ဦး ဒဏ်ရာရရှိခဲ့ရာ အဲဒီ ဖြစ်စဉ်အပြီးမှာ စစ်တပ်က ကျောက်တော်၊ ပုဏ္ဏားကျွန်း၊ သံတွဲ၊ ရသေ့တောင်၊ ပေါက်တော မြို့နယ်တွေကို လေကြောင်းဆက်လက် ဗုံးကြဲနေတဲ့ အခြေအနေကို အသိပေးခဲ့တာပါ။ စက်တင်ဘာ ၃၀ရက် ညပိုင်းက ပုဏ္ဏားကျွန်းမြို့ကို စစ်တပ် ဗုံးကြဲလို့ ၄နှစ်အရွယ် ကလေးငယ် အပါအဝင် စစ်ရှောင် ၃ဦး ဒဏ်ရာရရှိခဲ့သလို အဲဒီညမှာပဲ ရသေ့တောင်မြို့နယ် ကူတောင်ကျေးရွာအနီး လေကြောင်းဗုံးကြဲမှု ဖြစ်စဉ်မှာလည်း အမျိုးသား ၁ဦးသေဆုံးကာ သူ့ရဲ့ ဇနီး ဒဏ်ရာရရှိခဲ့ပါတယ်။ စက်တင်ဘာ ၃၀ရက် ညသန်းခေါင်မှာ စစ်တပ်က ပေါက်တောမြို့ပေါ်နဲ့ ကျေးရွာအချို့ကို Y12နဲ့ ဗုံး အလုံးရေ ၃၀ ခန့် ကြဲချတိုက်ခိုက်ခဲ့ရာ အမျိုးသမီး ၃ဦး ဒဏ်ရာရရှိကာ ဘုန်းကြီးကျောင်းနဲ့လူနေအိမ်တွေ ပျက်စီးခဲ့ကြောင်း AAက ထုတ်ပြန်ပါတယ်။ အောက်တိုဘာ ၁ရက်မှာလည်း စစ်တပ်ဟာ ကျောက်တော်ကို လေကြောင်းတိုက်ခိုက်မှု ထပ်မံ ပြုလုပ်ခဲ့ရာ သကြားစက်ကျေးရွာ ကျောင်းထိုင်ဆရာတော် ထိခိုက်ဒဏ်ရာရရှိပြီး ဘုန်းကြီးကျောင်းပျက်စီးခဲ့ရပါတယ်။ အောက်တိုဘာ ၁ရက်မှာပဲ စစ်တပ်ဟာ သံတွဲမြို၊ အမှတ် (၆) ရပ်ကွက်၊ ဗောဓိကုန်းဈေးအနီးကို တိုက်လေယာဉ်နဲ့ ဗုံးကြဲခဲ့ရာ ပြည်သူ ၂ဦး ဒဏ်ရာရရှိခဲ့ပါတယ်။ ဒီနေ့ အောက်တိုဘာ ၂ရက် မနက်အစောမှာလည်း စစ်တပ်က ပုဏ္ဏားကျွန်းမြို့နယ် အောင်ဖြူပြင်ကျေးရွာမှ ကားဝပ်ရှော့ကို တိုက်လေယာဉ်နဲ့ဗုံးကြဲခဲ့ရာ ကားဝပ်ရှော့ပိုင်ရှင်ရဲ့ ဇနီးနဲ့ လုပ်သားအချို့ အပါအဝင် ၃ဦး ဒဏ်ရာရရှိခဲ့ပါတယ်။

◾️ရေဘေးသင့်ထားဝယ်မှာ လူငယ်တွေကို စစ်တပ် ပေါ်တာဆွဲ

ရေဘေးနဲ့ ‌မြေပြိုဘေးကြုံနေတဲ့ ထားဝယ်မြို့နယ်မှာ စစ်တပ်က လူငယ်တွေကို ပစ်မှတ်ထားပြီး စစ်မှုထမ်းဖို့ ပေါ်တာဆွဲဖမ်းဆီးနေသလို ဒီ‌နေ့ အောက်တိုဘာ ၂ရက်မှာလည်း ကမြောကင်းတံတားဂိတ်မှာ လူငယ် နှစ်ဦးကို ဖမ်းဆီးထားတယ်လို့ မြို့ခံအချို့က ပြောပါတယ်။ ထားဝယ်မြို့အဝင်မှာ စစ်တပ် တပ်စွဲထားတဲ့ ကမြောကင်းတံတား စစ်ဆေးရေးဂိတ်ကို ဖြတ်သန်းသူတွေထဲက အသက် ၂၀ကျော်အရွယ် လူငယ် နှစ်ဦးကို ဖမ်းဆီးထားတာလို့ ဆိုပါတယ်။ မနက် ၇နာရီလောက်က အဖမ်းခံရတာဖြစ်ပြီး မြို့ထဲကို မဝင်ရဲလောက်အောင်ဖြစ်နေတယ်လို့ ထားဝယ်မြို့ခံတစ်ဦးက ပြောပါတယ်။ စက်တင်ဘာ၂၈ရက်ကလည်း စစ်တပ်က ထားဝယ်မြို့နယ် ကြက်စားပြင်ရပ်ကွက်မှာနေတဲ့ လူငယ်တစ်ဦးကို ပေါ်တာဆွဲဖမ်းဆီးသွားတယ်လို့ သိရပါတယ်။ ဖမ်းဆီးခံရတဲ့လူငယ်တွေနဲ့ပတ်သက်လို့ နောက်ဆက်တွဲ အခြေအနေကို မသိရသေးပါဘူး။ စစ်တပ်ရဲ့လုပ်ရပ်ကြောင့် လူငယ်တွေဟာ ရေဘေးကူညီကယ်ဆယ်ရေးကို မလိုက်ရဲအောင်ဖြစ်နေတယ်လို့ မြို့ခံတစ်ဦးက ပြောပါတယ်။ ဒါ့အပြင် လောင်းလုံးမြို့နယ် ကျောက်နီမော်ရွာကို သွားရောက်တဲ့ လူမှုကယ်ဆယ်ရေးအဖွဲ့တစ်ဖွဲ့ကို စစ်တပ်က ဖမ်းဆီးထားတယ်လို့ သိရပါတယ်။ စက်လှေနဲ့သွားရောက်တဲ့ ကူညီကယ်ဆယ်ရေးအဖွဲ့ကို ထားဝယ်မြစ်ဝနဲ့ဆက်စပ်တဲ့နေရာမှာ အောက်တိုဘာ ၂ရက် ဒီနေ့မနက် ၁၀နာရီခွဲခန့်က ဖမ်းဆီးသွားတာလို့ လောင်းလုံးမြို့ခံတစ်ဦးက ပြောပါတယ်။ ဖမ်းဆီးခံရတဲ့လူမှုရေးအဖွဲ့အမည်နဲ့ အရေအတွက်ကိုတော့ မသိရသေးပါဘူး။ တနင်္သာရီတိုင်းစစ်ဌာန နည်းဗျူဟာ(၃၃) ဗျူဟာမှုးစောဒါးကိုက ကျောက်နီ​မော်ဘက်​ လှေနဲ့သွားတဲ့ ကယ်ဆယ်​ရေးအဖွဲ့ကို​ ရေတပ်စစ်သ​​​င်္ဘောကနေပစ်ခတ်ပြီး ကယ်ဆယ်​ရေးအဖွဲ့ကို ဖမ်းဆီးထားတယ်လို့ သူ့ရဲ့လူမှုကွန်ရက်မှာ အသိပေးထားပါတယ်။

◾️မိုးမိတ်မြို့ခံတွေကို စစ်တပ်က မြို့ပြင်ထွက်ခွင့်မ​ပေးဘဲ ပိတ်ဆို့ထား

အာဏာသိမ်းစစ်တပ်က မိုးမိတ်မြို့ကို ပို့‌လိုက်တဲ့ စစ်မှုထမ်းသင်တန်းဆင်း စစ်သားသစ်တွေကို မြို့အနှံ့ နေရာချထားပြီး မြို့ခံတွေကို ထွက်ခွင့်မပေးဘဲ ပိတ်ဆို့ထားတယ်လို့ ​သိရပါတယ်။ မိုးမိတ်မြို့ပေါ် ရပ်ကွက်လေးခုနဲ့ ပတ်ဝန်းကျင်အနှံ့မှာ စစ်တပ်က ​အောက်တိုဘာ ၁ ရက်ညကစပြီး နေရာယူလိုက်တာဖြစ်တယ်လို့ စစ်ရှောင်နေရတဲ့ ဒေသခံတွေက ပြောပါတယ်။ လက်ရှိ မြို့ကို စစ်တပ်က ပိတ်ဆို့လိုက်ပြီး မြို့အထွက် မြစ်ဆုံသွားတဲ့ဘက်မှာ တိုက်ပွဲဖြစ်နေပြီလို့ ဒေသခံတစ်ဦးက ပြောပါတယ်။ မိုးမိတ်မြို့အနီးက အုန်းကြောရွာသစ်မှာ အောက်တိုဘာ ၂ရက် ဒီနေ့ မနက် ၉နာရီခန့်က စပြီး တိုက်ပွဲဖြစ်နေတာပါ။ ဒေသခံတွေကတော့ စစ်တပ်ဟာ မြို့ခံတွေကို ပိတ်ဆို့ထားပြီး လူသားတံတိုင်းလုပ်နေတဲ့လုပ်ရပ်က စစ်ရာဇဝတ်မှုမြောက်တယ်လို့ ပြောပါတယ်။ တိုက်ပွဲက ပိုမိုပြင်းထန်လာနေပြီး ဘာဆက်ဖြစ်မယ်မသိတဲ့အနေအထားမှာ ဒေသခံတွေ ရှောင်မရအောင် ပိတ်ချလိုက်တာလို့ မြို့ခံတစ်ဦးက ပြောပါတယ်။ စစ်တပ်ရဲ့ အဲဒီလုပ်ရပ်က အရပ်သားပြည်သူတွေကို အကာအကွယ်ယူပြီး ဓားစာခံလုပ်ထားတာလို့ အဲဒီမြို့ခံက ဆက်ပြောပါတယ်။

◾️ခေါင်လန်ဖူးတိုက်ပွဲ ပြည်သူ့စစ်တွေ သေဆုံးထိခိုက်များ

ကချင်ပြည်နယ်၊ ခေါင်လန်ဖူးမြို့နယ်မှာ တိုက်ပွဲတွေ ဆက်ဖြစ်နေပြီး အာဏာသိမ်းစစ်တပ်က သူ့လက်အေက်ခံ ပြည်သူ့စစ်တွေကို ရှေ့တန်းက တိုက်ခိုက်ခိုင်းနေလို့ ပြည်သူ့စစ်တွေ ထိခိုက်သေဆုံးများပြားနေကြောင်း ကချင်လွတ်လပ်ရေးတပ်မတော်(KIA)သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။ ပြီးခဲ့တဲ့စက်တင်ဘာက ခေါင်လန်ဖူးမြို့နယ် မြန်မာ-တရုတ်နယ်စပ် နယ်ခြားမှတ်တိုင် ၃၀ ဒေသရှိ စစ်တပ်နဲ့ ပြည်သူ့စစ်ပူးပေါင်းတပ်စခန်းကို KIA ပူးပေါင်းတပ်က သိမ်းရတာရှိပြီး အဲဒီနောက်ပိုင်းမှာလည်း တိုက်ပွဲတွေ ဆက်ရှိနေတာလို့ ဆိုပါတယ်။ လက်ရှိမှာ ခေါင်လန်ဖူးမြို့နယ်ထဲက အဲဒီနယ်မြေကို KIA က ထိန်းချုပ်ထားနိုင်တဲ့ အနေအထားဖြစ်ပြီး သေဆုံးထိခိုက်မှုက စစ်တပ် လက်အောက်ခံ ပြည်သူ့စစ်တွေ များတယ်လို့ ဗိုလ်မှူးကြီးနော်ဘူက ပြောပါတယ်။ ဗျူဟာမှူး၊ တပ်ရင်းမှူး အပါအဝင် စစ်တပ်ဟာ တိုက်ပွဲမှာ ရှေ့တန်းက မထွက်ဘဲ တိုင်းရင်းသား ပြည်သူ့စစ်အဖွဲ့တွေကိုပဲ ရှေ့တန်းထွက်ခိုင်းနေတာလို့လည်း ပြောပါတယ်။ ဒါကြောင့် ပြည်သူ့စစ်တွေ ထွက်ပြေးသွားတာလည်း အများကြီးလို့ ဗိုလ်မှူးကြီးနော်ဘူက ပြောပါတယ်။ ပူတာအိုတကြောလုံးမှာလည်း ပြည်သူ့စစ် စုဆောင်းတာတွေ၊ စားနပ်ရိက္ခာတွေ၊ လက်နက်ခဲယမ်းတွေ ထမ်းပို့နိုင်ဖို့အတွက် ပေါ်တာဆွဲတာတွေ အများကြီးလုပ်နေတယ်လို့ KIA သတင်းပြန်ကြားရေးဌာန တာဝန်ခံက ဆက်ပြောပါတယ်။ ဒေသခံလူမျိုးစုအဖွဲ့အချို့ကလည်း စစ်တပ်လက်အောက်ခံ ပြည်သူ့စစ်တွေဟာ ပူတာအို၊ ခေါင်လန်ဖူးဒေသမှာ အင်အားထောင်ချီ စစ်သားစုဆောင်းဖို့လုပ်ဆောင်နေတယ်လို့ ထုတ်ပြန်ထားပါတယ်။

◾️မိုးအကုန်မှာ ကရင်နီပြည်ကို စစ်တပ်ထိုးစစ် အရှိန်မြှင့်လာနိုင်

အာဏာသိမ်းစစ်တပ်ဟာ ကရင်နီပြည်နယ်ကို မိုးရာသီအကုန်မှာ ထိုးစစ်အရှိန်မြှင့်လာနိုင်တယ်လို့ ဒေသခံစစ်ရေးသတင်ရင်းမြစ်နဲ့‌ မြေပြင်တော်လှန်ရေးတပ်တာ၀န်ရှိသူတွေက သုံးသပ်ပါတယ်။ စစ်တပ်ဟာ ရှမ်းပြည်နယ် ခိုလမ်မြို့အခြေစိုက် အရှေ့အလယ်ပိုင်းတိုင်းစစ်ဌာနချုပ်(ရလခ)ကို ကရင်နီပြည်နယ်က လွိုင်ကော်မြို့မှာ ပြောင်းလဲအခြေချတော့မှာဖြစ်လို့ ကရင်နီပြည်နယ်ကို စစ်ထိုးအရှိန်မြှင့်လာနိုင်တယ်လို့ ဆိုပါတယ်။ လက်ရှိလည်း စစ်တပ်က လေယာဥ်၊ ဒရုန်း၊ လက်နက်ကြီးတွေ သုံးကာ တိုက်ခိုက်နေသလို အခုထက်ပိုပြီး အာရုံစိုက်လာမယ်လို့ ယူဆကြောင်း ကရင်နီတပ်မတော်တပ်ရင်း(၅)တာ၀န်ရှိသူက ပြောပါတယ်။ ကရင်နီပူးပေါင်းတပ်ဖွဲ့ တာ၀န်ရှိသူတစ်ဦးကလည်း ပွင့်လင်းရာသီ မိုးအကုန်မှာတော့ အာဏာသိမ်းစစ်တပ် စွန့်လွှတ်ထားရတဲ့ ဒေသတွေ အထူးသဖြင့် ကရင်နီအစပ်ဒေသတွေကို ထိုးစစ်ဆင်မယ့် အနေအထားမျိုးလို့ ခန့်မှန်းပါတယ်။

◾️စက်သုံးဆီဈေး ထပ်တက်

ပြည်တွင်း စက်သုံးဆီစျေးကွက်မှာ ဓာတ်ဆီနဲ့ ဒီဇယ်ဆီ ‌ဈေးတွေ ထပ်မံမြင့်တက်လာပါတယ်။ အာဏာသိမ်းစစ်တပ်က ဖွဲ့စည်းထားတဲ့ စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကော်မတီရဲ့ ဒီနေ့ သတ်မှတ်ဈေးအရ တစ်လီတာကို အနည်းဆုံး ၂၅ ကျပ်ကနေ ၁၃၀ ကျပ်အထိ ဈေးတက်လာပါတယ်။ ပြီးခဲ့တဲ့အပတ်ကတည်းက စက်သုံးဆီ အမျိုးအစားအလိုက် ရည်ညွှန်းဈေးက တစ်လီတာကို ကျပ် ၆၀၀ ကျော်မြင့်တက်ခဲ့ပါတယ်။ အောက်တိုဘာ ၂ရက် ဒီနေ့ထုတ်ပြန်တဲ့ စစ်တပ်ရဲ့ စက်သုံးဆီရည်ညွှန်းဈေးတွေအရ ရန်ကုန်မြို့မှာ ဓာတ်‌ဆီ 92 တစ်လီတာ ၄,၅၄၀ ကျပ် ၊ ဓာတ်‌ဆီ 95 တစ်လီတာ ၄,၇၃၀ ကျပ် ၊ ဒီဇယ်တစ်လီတာ ၄,၈၁၅ ကျပ်နဲ့ ပရီမီယံဒီဇယ်တစ်လီတာ ၅,၇၉၅ ကျပ် သတ်မှတ်ထားပါတယ်။ အဲဒီဈေးနှုန်းတွေအရ ရန်ကုန်မြို့ လက်လီဈေးဟာ ပြီးခဲ့တဲ့တစ်ပတ်ဈေးနှုန်းတွေနဲ့ယှဉ်ရင် ဓာတ်‌ဆီ 92 တစ်လီတာ ၉၀ ကျပ် ၊ ဓာတ်‌ဆီ 95 တစ်လီတာ ၁၃၀ ကျပ် နဲ့ ဒီဇယ်တစ်လီတာ ၂၅ ကျပ် အသီးသီးမြင့်တက်ခဲ့တာပါ။

◾️ရေဘေးကြုံနေရချိန် လေကြောင်းတိုက်ခိုက်တဲ့ စစ်တပ်လုပ်ရပ် တနင်္သာရီဖက်ဒရယ်ယူနစ်ဖော်ဆောင်ရေးကောင်စီ ရှုတ်ချ

သဘာဝဘေးအန္တရာယ်ထိခိုက်ခံစားနေရတဲ့ တနင်္သာရီတိုင်း၊ ထားဝယ်ခရိုင်အတွင်းရှိ မြို့နယ်များအား အာဏာသိမ်းစစ်တပ်က လေကြောင်း တိုက်ခိုက်မှု လုပ်ဆောင်တဲ့အပေါ် ကန့်ကွက်ရှုတ်ချကြောင်း တနင်္သာရီ ဖက်ဒရယ်ယူနစ်ဖော်ဆောင်ရေးကောင်စီက ထုတ်ပြန်ပါတယ်။ စက်တင်ဘာ နောက်ဆုံးပတ်မှာ ဖြစ်ခဲ့တဲ့ လေဖိအားနည်းရပ်ဝန်းကြောင့် သမိုင်းတလျှောက် အမြင့်ဆုံးမိုးရေချိန်ဖြင့် ပြင်းထန်စွာ မိုးရွာသွန်းမှုဖြစ်ခဲ့တဲ့ တနင်္သာရီတိုင်း ထားဝယ် ခရိုင်အတွင်းရှိ လောင်းလုံ၊ သရက်ချောင်းနဲ့ ထားဝယ်မြို့နယ်တွေမှာ ပြည်သူတွေအနေနဲ့ တောင်ပြို၊ မြေပြို၊ ရေဘေး စတဲ့ အန္တရာယ်တွေ ခံစားနေရချိန် စစ်တပ်က ကျေးရွာအချို့ကို လေကြောင်းဗုံးကြဲတိုက်ခိုက်လာတဲ့အပေါ် အခုလို ထုတ်ပြန် ခဲ့တာလည်းဖြစ်ပါတယ်။ အာဏာသိမ်းစစ်တပ်ဟာ ရေဘေးကြုံနေရတဲ့ဒေသတွေဖြစ်တဲ့ ထားဝယ်မြို့နယ်၊ ရေဝိုင်းကျေးရွာကို စက်တင်ဘာ ၃၀ရက်မှာ တိုက်လေယာဥ်နဲ့ ဗုံးကြဲခဲ့သလို အောက်တိုဘာ ၁ရက်မှာ သရက်ချောင်းမြို့နယ်ရှိ ပိတိုင်ကျေးရွာ၊ လဘကျေးရွာနဲ့ ဆင်ကျန်းကျေးရွာတို့ကို လေယာဉ်နဲ့ ဆက်လက် ဗုံးကြဲတာ စက်သေနတ်နဲ့ပါ ပစ်ခတ်ခဲ့ပါတယ်။ စစ်တပ် လေကြောင်းတိုက်ခိုက်မှုများကြောင့် လူထိခိုက်သေဆုံးမှု မရှိခဲ့ပေမဲ့ တိုက်ခိုက်ခံရတဲ့ နေရာတွေဟာ သဘာဝဘေးအန္တရာယ်ကြောင့် ထိခိုက်ပျက်စီး ခဲ့တဲ့ ဒေသများဖြစ်ပြီး ရှင်းလင်းရေး၊ ကယ်ဆယ်ရေးနဲ့ ပြန်လည် ထူထောင်ရေး လုပ်ငန်းများ စတင်ဆောင်ရွက်နေတဲ့နေရာတွေဖြစ်တယ်လို့ ဖော်ပြပါတယ်။

◾️ကျောက်တော်မြို့ စစ်တပ်ဗုံးကြဲမှု ပြည်သူတွေအစုလိုက်သေဆုံးမှုအပေါ် ဝမ်းနည်းကြောင်း ချင်းတပ် CNF ထုတ်ပြန်

ရခိုင်ပြည်နယ်၊ ကျောက်တော်မြို့ရှိ အရပ်သားပြည်သူများအပေါ် လေကြောင်းတိုက်ခိုက်ခဲ့တဲ့ အာဏာသိမ်းစစ်တပ်ရဲ့ လုပ်ရပ်ကို ကန့်ကွက်ရှုတ်ချကြောင်း ချင်းအမျိုးသားတပ်ဦး(CNF)က ထုတ်ပြန်ခဲ့ပြီး အသက်ဆုံးရှုံးခဲ့ရတဲ့ ပြည်သူများ၊ မိသားစုဝင်များနဲ့အတူ ဝမ်းနည်းကြေကွဲရကြောင်း ဖော်ပြပါတယ်။ စစ်တပ်က စက်တင်ဘာ ၂၈ရက်မှာ ကျောက်တော်မြို့ကို လေကြောင်းဗုံးကြဲခဲ့ရာ ပြည်သူ ၅၀ သေဆုံးကာ ၆၀ နီးပါး ဒဏ်ရာရခဲ့တာပါ။ သေဆုံးသူတွေထဲမှာ ကလေးငယ်တွေ ကိုယ်ဝန်ဆောင်မိခင်တွေလည်း ပါဝင်ခဲ့ပြီး စစ်တပ်ရဲ့ အခုလို အရပ်သား ပြည်သူအပေါ် ပစ်မှတ်ထား တိုက်ခိုက်မှုဟာ သူရဲဘောကြောင်တဲ့ လုပ်ရပ်ဖြစ်တဲ့အပြင် ရပ်စက်ကြမ်းကြုတ်တဲ့ စစ်ရာဇဝတ်မှုနဲ့ လူသားမျိုးနွယ်အပေါ် ကျူးလွန်တဲ့ အကြမ်းဖက်မှု လုပ်ရပ်ဖြစ်လို့ ပြင်းထန်စွာ ရှုတ်ချကြောင်း CNFက ထုတ်ပြန်ပါတယ်။ ချင်းအမျိုးသားတပ်ဦး(CNF)အနေနဲ့ စစ်အာဏာရှင်စနစ် အမြစ်ပြုတ်ရေးနဲ့ ဆင်နွှဲနေတဲ့ ပြည်သူ့တော်လှန်ရေး အောင်မြင်ရေးအတွက် ဘုံရည်မှန်းချက်တူတဲ့ တော်လှန်ရေးအင်အားစုတွေနဲ့ လက်တွဲပြီး ဆက်လက်တိုက်ပွဲဝင်သွားမယ်လို့ ထုတ်ပြန်ပါတယ်။

◾️မြန်မာဆီ ဒုက္ခသည်တွေပြန်ပို့တာ ရပ်ဆိုင်းပေးဖို့ မလေးရှားကို UNလူ့အခွင့်အရေးပညာရှင် တောင်းဆို

မြန်မာဆီ ဒုက္ခသည်တွေ ပြန်ပို့နေတာကို ရပ်တန့်ဖို့ မလေးရှားအစိုးရကို ကုလသမဂ္ဂ (UN)ရဲ့ လူ့အခွင့်အရေးဆိုင်ရာ ပညာရှင်တစ်ဦးလည်းဖြစ် ၊မြန်မာနိုင်ငံဆိုင်ရာ လူအခွင့်အရေး အခြေအနေ အထူးအစီရင်ခံစာကို တင်သွင်းရသူလည်းဖြစ်တဲ့ ကယ်လီအီးကာရီက တောင်းဆိုလိုက်ပါတယ်။ ရိုဟင်ဂျာတွေနဲ့ တခြားမြန်မာဒုက္ခသည်တွေ စုစုပေါင်း ၁၅၀၀ နီးပါးလောက်ကို မလေးရှားက အခုသီတင်းပတ်ထဲမှာ မြန်မာဆီ ပြန်ပို့ခဲ့တဲ့နောက် ကယ်လီကာရီက အဲဒီကိစ္စကို အမြန်ဆုံး ရပ်တန့်ထားဖို့ တိုက်တွန်းခဲ့ပါတယ်။ မလေးရှားဟာ မြန်မာဒုက္ခသည်တွေကြောင့် အကျပ်အတည်းတွေ ကြုံနေရင်လည်း UN အပါအဝင် သက်ဆိုင်ရာ အဖွဲ့အစည်းတွေနဲ့ ညှိနှိုင်းပြီးမှ ဖြေရှင်းသင့်တယ်လို့ ကာရီက တိုက်တွန်းပါတယ်။ မြန်မာနိုင်ငံဆိုင်ရာ လူ့အခွင့်အရေး အခြေအနေ အထူးအစီရင်ခံစာကို တင်သွင်းရသူလည်းဖြစ်တဲ့ ကာရီက မလေးရှားနဲ့ အာဏာသိမ်း မြန်မာစစ်တပ်ဟာ အမျိုးသမီးတွေနဲ့ ကလေးတွေ အပါအဝင် ဆန္ဒအလျောက် နေရပ်ပြန်မယ်လို့ ပြောဆိုထားသူ ၅,၀၀၀ လောက်ကို မြန်မာဖက် ပြန်ပို့မယ်ဆိုတဲ့ ကိစ္စအတွက် အထူးစိုးရိမ်မိကြောင်း ပြောပါတယ်။

◾️ဝက်လက်မှာ သံအမတ်ကြီး ဦးကျော်မိုးထွန်းကို ထောက်ခံကြောင်း ဆိုင်းဘုတ်တွေ စိုက်ထူ

စစ်ကိုင်းတိုင်း ဝက်လက်မြို့နယ်အတွင်းက အဝေးပြေးလမ်းမကြီးတွေပေါ်မှာ သပိတ်တိုက်ပွဲဦးဆောင်ကော်မတီက ပြည်သူ့အသံနဲ့ ပြည်သူ့သဘောထားကို ဦးစားပေးရပ်တည်ပေးနေတဲ့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းရဲ့ ရုပ်ပုံပါ ဆိုင်းဘုတ်တွေ စိုက်ထူပြီး ဒီနေ့ လှုပ်ရှားမှု ပြုလုပ်ခဲ့ကြပါတယ်။ မြန်မာပြည်သူတွေ ရင်ဆိုင်ကြုံတွေ့နေရတဲ့ အခက်အခဲတွေနဲ့ ပြည်သူတို့ရဲ့ အသံကို ကမ္ဘာက သိရှိအောင် ကိုယ်စားပြုဖော်ပြပေးနေတဲ့ သံအမတ်ကြီး ဦးကျော်မိုးထွန်းကို ကုလသမဂ္ဂ (UN) မှာ ဆက်လက်တာဝန်ထမ်းဆောင်ခွင့်ရရှိရေးအတွက် ပြည်သူ့ကိုယ်စား ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီက စိုက်ထူခဲ့တာ ဖြစ်ပါတယ်။ မြန်မာပြည်သူ​တွေရဲ့ အသံကို ကိုယ်စားပြုဖော်ပြနိုင်ဖို့ သံအမတ်ကြီး ဦးကျော်မိုးထွန်း ဆက်လက် ကိုယ်စားပြုခွင့်ရရှိရေးက အရေးကြီးသကဲ့သို့ ဆက်လက်တာဝန်ထမ်းဆောင်နိုင်ရန်အတွက် မြန်မာပြည်သူတွေရဲ့ ထောက်ခံတဲ့ အသံဟာလည်း အလွန်အရေးပါကြောင်း ဝက်လက်သပိတ်က အသိပေးခဲ့ပါတယ်။ ဒါ့အပြင် ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီက မြန်မာပြည်သူတွေရဲ့ အသံကို မတိတ်ဆိတ်စေရေး၊ သံအမတ်ကြီး ဦးကျော်မိုးထွန်းကို UN မှာ ဆက်လက် တာဝန်ထမ်းဆောင်ခွင့်ပြုရေး၊ မြန်မာပြည်သူတွေရဲ့ ဒီမိုကရေစီ ဆန္ဒကို လေးစားလိုက်နာပေးရေးနဲ့ "ဦးကျော်မိုးထွန်းသည်သာလျှင် ငါတို့၏ တရားဝင် သံအမတ်ဖြစ်သည်၊ ငါတို့ သံအမတ် - ငါတို့ အသံ" ဟု ကြွေးကြော်သံတွေနဲ့အတူ ဆန္ဒထုတ်ဖော်ခဲ့ပါတယ်။