ကျောက်တော်ဗုံးကြဲခံရမှု သေဆုံးသူ ၃၃ ဦး၊ ဒဏ်ရာရသူ ၃၆ ဦးထိရှိလာ

■မီးထဲပါသွားတဲ့အလောင်းတချို့ ဆွဲထုတ်မရနိုင်သေးတာမို့ သေဆုံးသူထပ်တိုးနိုင်သေး

စက်တင်ဘာ-၂၈၊၂၀၂၆။ခိုင်မြတ်/People’s Spring။

အာဏာသိမ်းစစ်တပ်က ကျောက်တော်မြို့ကိုဒီက​နေ့ ဗုံးကြဲတာကြောင့်သေဆုံးသူ ၃၃ ဦးနဲ့ ထိခိုက်ဒဏ်ရာရသူ ၃၆ ဦးထိ ရှိလာပြီးသေ
ဆုံးသူအရေအတွက် ထပ်တိုးလာနိုင်သေးတယ်လို့ AA နဲ့ ဒေသခံလူမှုကူညီရေးလုပ်နေသူတွေက ပြောပါတယ်။

စစ်တပ်က စက်တင်ဘာလ ၂၈ ရက် နေ့လယ် ၁၂ နာရီကျော်အချိန်မှာ ကျောက်တော်မြို့ထဲ က လူစည်ကားတဲ့ အိန္ဒိယစျေးနဲ့ ဂစ္ဆပနဒီတံတားပေါ်ကို ဂျက်ဖိုက်တာနဲ့ ဗုံးကြဲခဲ့တာဖြစ်ပါတယ်။

“၃၃ ယောက်၊ ဒီဟာက စာရင်းအတည်ပြုလို့ရတယ်။ဒဏ်ရာရတာ ၃၆ ယောက်၊ သေတဲ့လူက တိုးနိုင်သေးတယ်။ မီးထဲမှာ ပါသွားတဲ့အလောင်းတချို့ကို စာရင်းပြုစုလို့မရနိုင်သေး၊ ဆွဲထုတ်လို့ မရနိုင်သေးတာတွေ ရှိသေးတယ်” လို့ မြေပြင်မှာ ကူညီပေးနေတဲ့ စာရေးဆရာ ဝေဟင်အောင်က ပြောပါတယ်။

အခုလိုအရပ်သားလူနေရပ်ကွက်၊စျေးနဲ့ လူအသွားအလာများတဲ့တံတားတို့ကိုစစ်တပ်က တမင်ရည်ရွယ်ပြီး ဗုံးကြဲတာဟာ အလွန်ယုတ်
မာတဲ့ လုပ ရပ်ဖြစ်တယ်လို့လည်း သူကဆက်​ပြောပါတယ်။

“ဒီဟာကတော့ တကူးတက လာရောက်ဖျက်စီးတာဖြစ်တယ်။ ဆိုတော့ သူရဲဘောကြောင်တဲ့လုပ်ရပ်လည်းဖြစ်တယ်၊ ဒီဟာကဆိုရင် တော်တော်ကြီး ရက်စက်၊ ယုတ်မာတာလည်းဖြစ်တယ်လို့ မြင်မိတယ်” လို့ စာရေးဆရာ
ဝေဟင်အောင်က ပြောပါတယ်။

စစ်တပ်ဗုံးကြဲခဲ့တဲ့ အိန္ဒိယစျေးဟာ ကျောက်တော်မြို့ထဲမှာတည်ရှိပြီး လူအသွားအလာ၊ စျေးဝယ်သူတွေနဲ့ စည်း ကားတဲ့နေရာတခုဖြစ်ပါတယ် ။ ဂစ္ဆပနဒီတံတားဟာလည်း မြို့အဝင်က လူအသွားအလာများတဲ့တံတားတခုဖြစ်ပါတယ်။ဒါ​ကြောင့် စစ်တပ်က လူစည်ကားတဲ့​နေရာ​တွေကို ​​ရွေးပြီး ဗုံးကြဲသတ်ဖြတ်တာလို့ ​ဒေသခံ​တွေက​ပြောပါတယ်။

အာရက္ခတပ်​တော်(AA)ကလည်း ကျောက်တော်မြို့ဗုံးကြဲခံရမှုနောက်ဆက်တွဲသတင်းထုတ်ပြန်ရာလက်ရှိအချိန်ထိ​သေဆုံးသူ (၃၃) ဦးခန့်နဲ့ဒဏ်ရာရရှိသူ၃၆ ဦးအထိ ရှိလာပြီး
သေဆုံးသည့်အရေအတွက်ထပ်တိုးလာနိုင်ခြေရှိတယ်လို့​ဖော်ပြပါတယ်။

အာရက္ခဒေသအတွင်း စစ်တပ်အကြမ်းဖက်တိုက်ခိုက်တဲ့ ဖြစ်စဉ်​တွေထဲမှာ မြောက်ဦး ပြည်သူ့ဆေးရုံးကြီး တိုက်ခိုက်ခံရမှုနောက်
ယ​နေ့​ကျောက်​တော်မြို့ဗုံးကြဲခံရမှုမှာအရပ်
သားပြည်သူအစုလိုက်အပြုံလိုက် သေဆုံးမှု အများဆုံးဖြစ်စဉ်တစ်ခုဖြစ်တယ်လို့လည်း​ဖော်ပြထားပါတယ်။

“စျေးရောင်းနေတဲ့ မိသားစုတွေပါသွားတယ်။ အလောင်းတွေတောင် ရုပ်ပျက်ဆင်းပျက်သေချာရွေးရတယ် ပြောတယ်။ကမ္ဘာမှာ ဒီလောက်အောက်တန်းကျတာ မတွေ့ဖူးဘူး။ ကလေးငယ်ငယ်လေးတွေရောပါတယ်” လို့ စစ်တပ် ဗုံးကြဲမှုကြောင့် မိသားစုဝင်တွေ သေ
ဆုံးခဲ့ရတဲ့ စစ်တွေဒေသခံတဦးကပြောပါတယ်။

အာဏာသိမ်းစစ်တပ်က ဒီနေ့တရက်တည်းမှာ ကျောက်တော်မြို့အပြင် သံတွဲမြို့နယ်၊ မင်းပြားမြို့နယ် စွန်ရဲ၊ ကြောင်ရှည်ချောင်းရွာတို့ကိုလည်း ဗုံးကြဲခဲ့တာကြောင့် ၁ ဦး သေဆုံးကာ ၇ ဦးထက်မနည်း ဒဏ်ရာရခဲ့ပါတယ်။

ရခိုင်ပြည်နယ်မှာAAသိမ်းပိုက်ထိန်းချုပ်ထားတဲ့​ဒေသ​တွေထဲကအချို့ကိုစစ်တပ်က၄၉၂၆
စစ်ဆင်ရေးလို့ ကြွေးကြော်ပြီး တန်ပြန်
ထိုးစစ်ဆင်​ပေမယ့် ၃ ပါတ်​ကျော်တဲ့တိုင်စခန်းတစ်ခုမှမသိမ်းနိုင်ဘဲ စစ်တပ်အထိနာပြီးစခန်း​တွေလက်လွတ်ဆုံးရှုံး​နေပါတယ်။
စစ်တပ်ဘက်က နေ့စဉ်ဆယ် ချီသေဆုံးမှုရှိနေပြီး​​နောက် စစ်တပ်ကလူနေ မြို့ရွာတွေကိုပါ လေကြောင်း၊ လက်နက်ကြီးတွေနဲ့ ဆက် တိုက်ပစ်ခတ်နေတာဖြစ်ပါတယ်။

လက်ရှိမှာ စစ်တွေမြို့နယ်အတွင်း တိုက်ပွဲပြင်းထန်နေပြီး စစ်တပ်ဘက်က အကျအဆုံးများနေကာ တပ်စခန်းတွေ လည်း ဆက်တိုက်လက်လွှတ်နေရတယ်လို့ ဒေသခံတွေက ပြောပါတယ်။

လူထုနွေဦးက ကောက်ယူပြုစုထားတဲ့အချက်
အလက်တွေအရ စစ်တပ်ရဲ့ စစ်ဆင်ရေးစတဲ့ စက်တင်ဘာ ၄ ရက်နေ့ ကနေ စက်တင်ဘာ ၂၇ ရက်နေ့ထိ သုံးပတ်ကျော်ကာလအတွင်း စစ်တပ်လက်ချက်ကြောင့် သေဆုံးရတဲ့ ရခိုင်ဒေသခံ အရပ် သားပြည်သူ ၉ ဦးနဲ့ ထိခိုက်ဏ်ရာရသူ ၂၉ ဦးထက်မနည်း ရှိသွားခဲ့ပြီဖြစ်ပါတယ်။ဒီစာရင်းထဲမှာဒီ​နေ့ ဗုံးကြဲခံရတဲ့ကျောက်​တော် ၊သံတွဲ ၊မင်းပြားမြို့နယ်က​သေဆုံးထိခိုက်မှု​တွေမပါ​​သေးပါဘူး။

ဘုရားကျောင်းမှာ စစ်သင်တန်းလုပ်တဲ့ နမ့်မွန်းရွာက စစ်တပ်နဲ့ SNA ပူးပေါင်းတပ်စခန်းကို KIA သိမ်းပိုက်

စက်တင်ဘာ ၂၈၊ ၂၀၂၆။ ထားမြတ်/People’s Spring

ကချင်ပြည်နယ်၊ မိုးညှင်းမြို့နယ် နမ့်မွန်းကျေးရွာက စစ်တပ်နဲ့ ရှမ်းနီတပ် SNA တပ်စခန်း ၁ခုကို ကချင်လွတ်လပ်ရေးတပ်မတော်(KIA) ပူးပေါင်းတပ်က တိုက်ခိုက်သိမ်းပိုက်နိုင်ခဲ့ကြောင်း စစ်မြေပြင်နဲ့ နီးစပ်တဲ့ သတင်းရင်းမြစ်တစ်ဦးက ပြောပါတယ်။

စက်တင်ဘာ ၂၈ရက် မနက်မှာ နမ့်မွန်းကျေးရွာအနီးက စစ်တပ်နဲ့ SNA ပူးပေါင်းစခန်းကို KIA ပူးပေါင်းတပ်က တိုက်ခိုက်သိမ်းပိုက်နိုင်ခဲ့တာလို့ ဆိုပါတယ်။

အဲဒီ တပ်စခန်းဟာ အရင်က KIA ထိုင်ထားတဲ့ စခန်းဖြစ်ပြီး လက်လွှတ်ခဲ့ရတဲ့ အခြေအနေမှာ ဒီကနေ့ ပြန်သိမ်းပိုက်နိုင်ခဲ့တာလို့လည်း ပြောပါတယ်။

" SNA ဘက်ကတော့ တော်တော်အထိနာသွားကြပုံပါပဲ။ ထုံစံအတိုင်း တိုက်ပွဲမှာ လေယာဉ်နဲ့ ဗုံးအများကြီး လာကြဲသွားတယ်"လို့ သတင်းရင်းမြစ်က ပြောပါတယ်။

ပြီးခဲ့တဲ့ ရက်ပိုင်းကပဲ နမ့်မွန်းကျေးရွာမှာ စစ်တပ်လက်အောက်ခံ SNA တပ်ဟာ ကချင်နှစ်ခြင်းခရစ်ယာန် ဘုရားကျောင်းအတွင်း စစ်သင်တန်းဆင်းပွဲ ကျင်းပခဲ့ပါတယ်။

အင်အားအများအပြားနဲ့ ဘုရားကျောင်းဝင်းအတွင်း စစ်သင်တန်းဆင်းပွဲ ပြုလုပ်ခဲ့တာအပြင် ကျောင်းဝင်းအတွင်း ကခုန်တာတွေလည်း လုပ်ဆောင်ခဲ့ပါတယ်။

ဒီကနေ့ နမ့်မွန်းရွာတိုက်ပွဲမှာလည်း ဘုရားကျောင်းမှာ သင်တန်းဆင်းပွဲလုပ်ခဲ့တဲ့ တပ်ဖွဲ့ဝင် သင်တန်းဆင်းတပ်သားတွေ ပါဝင်ခဲ့တယ်လို့ သိရကြောင်းလည်း သတင်းရင်းမြစ်က ပြောပါတယ်။

" သင်တန်းဆင်းတပ်သားတွေနဲ့ နန့်မွန်းရွာက SNAတပ်ဖွဲ့ဝင်တွေ တိုက်ပွဲထဲမှာပါဝင်ခဲ့တယ်လို့ပဲ သိထားရပါတယ်ဗျ။ ဘုရားကျောင်းထဲ သင်တန်းလုပ်ခဲ့လို့ စစ်ဆင်ရေးအရ တိုက်ခိုက်တာလားတော့ မသိနိုင်ပါဘူး”လို့ သတင်းရင်းမြစ်က ပြောပါတယ်။

နမ့်မွန်းရွာ ဒီကနေ့ တိုက်ပွဲနဲ့ပတ်သက်ပြီး KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ ဆက်သွယ်မေးမြန်းထားဆဲဖြစ်ပါတယ်။

ဗိုလ်မှူးကြီးနော်ဘူရဲ့ ဒီကနေ့ မနက် People’s Spring သို့ဖြေကြားချက်မှာ ဘုရားကျောင်းအတွင်း SNA တပ်က စစ်သင်တန်းဆင်းပွဲ ကျင်းပတာဟာ လုံး၀ မလုပ်သင့်တဲ့ အရာလို ပြောကြားခဲ့ပါတယ်။ ဘုရားကျောင်းမှာ အခုလိုမျိုးလုပ်လိုက်တာဟာ ရှမ်းတိုင်းရင်းသားနဲ့ကချင်တိုင်းရင်းသားတွေ ကြားမှာ ဘာသာရေးပြဿနာတွေလည်းဖြစ်ပေါ်နိုင်တာမို မလုပ်သင့်တာဖြစ်ကြောင်းလည်း ဗိုလ်မှူးကြီးနော်ဘူက ပြောကြားခဲ့ပါတယ်။

နမ့်မွန်းရွာမှာ ကွင်းပြင်အလွတ်နေရာတွေ အများကြီးရှိပါလျက်နဲ့ ခရစ်ယာန်များ အထွဋ် အမြတ် ထားရာ ဘုရားကျောင်းမှာ သင်တန်းဆင်းပွဲ ကျင်းပခြင်းဟာ မလုပ်သင့်တဲ့ အပြုအမူဖြစ်တဲ့အပြင် ယုံကြည်မှု ဘာသာတရားကို စော်ကားရာရောက်ကြောင်းလည်း KIA သတင်းပြန်ကြားရေးဌာနက ဖော်ပြပါတယ်။

SNA ပြည်သူ့စစ်ဟာ နမ့်မွန်းခရစ်ယာန် ဘုရားကျောင်းဝင်းကို သင်တန်းကွင်းအဖြစ် အသုံးပြုနေတာ ၅နှစ်ခန့်ရှိပြီလို သိရကြောင်းလည်း ဖော်ပြထားပါတယ်။ ခရစ်ယာန်ဘာသာဝင်များ ဖြစ်ကြတဲ့ နမ့်မွန်းကျေးရွာနေ ကချင်ပြည်သူအများစုဟာ စစ်တပ်၊ SNA ပူးပေါင်းတပ်နဲ့ KIA တပ်များအကြား တိုက်ပွဲဖြစ်ပွားခဲ့လို စစ်ရှောင်နေကြရတာလို့ ဆိုပါတယ်။

(မိုးညှင်းမြို့နယ် နမ့်မွန်းကျေးရွာက ကချင်နှစ်ခြင်းခရစ်ယာန်ဘုရားကျောင်းမှာ စစ်တပ်လက်အောက်ခံ SNA တပ်က စစ်သင်တန်းဆင်းပွဲ လုပ်နေစဉ်။ ဓာတ်ပုံ - Kachin Soldiers)

မုန်တိုင်းငယ် ရန်ကုန်နဲ့ကျိုက်ထိုမြို့ကြားမှဖြတ်ကျော်တိုက်ခတ်နိုင်ပြီးမိုးဆက်ကြီးမယ်

■ဒေသငါးခုသဘာဝဘေးသတိပြုနေထိုင်ဖို့ NUGကသတိပေး

စက်တင်ဘာ-၂၈၊၂၀၂၆။အိမ်သွင်/People's Spring

မြန်မာနိုင်ငံကမ်းရိုးတန်းအနီးကမုန်တိုင်းငယ်ဟာဒီနေ့ ညနေပိုင်းမှာရန်ကုန်နဲ့ ကျိုက်ထိုမြို့ကြားကနေ ကမ်းရိုးတန်းကို ဖြတ်ကျော်ဝင်ရောက်နိုင်ပြီး မိုးကြီးနိုင်လို့ ဒေသငါးခု သဘာဝဘေးသတိပြုနေထိုင်ဖို့ အမျိုးသားညီညွတ်​ရေးအစိုးရ-NUGကသတိပေးချက်ထုတ်ပြန်ပါတယ်။

ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ်၊ ကရင်နီပြည်နယ်နဲ့ အနီးပတ်ဝန်းကျင်မှာမိုးသက်လေပြင်းကျရောက်နိုင်ပြီး လျှပ်စီးလက်တာ၊မိုးကြိုးပစ်တာ၊လေပြင်းတိုက်ခတ်တာနဲ့အတူရေလွှမ်းမိုးမှုတွေဖြစ်ပေါ်နိုင်တယ်လို့သတိပေးထားပါတယ်။

ထိုင်းနိုင်ငံဘက်ကလေဖိအားနည်းရပ်ဝန်းဟာ မြန်မာနိုင်ငံတောင်ပိုင်းကမ်းရိုးတန်းအနီးနဲ့ ကပ္ပလီပင်လယ်ပြင်မှာ ပိုမိုအားကောင်းလာပြီးမုန်တိုင်းငယ်အဆင့်ရောက်ရှိလာတာပါ။

ဒီနေ့ ညနေပိုင်းကနေ စက်တင်ဘာ ၂၉ ရက် ညနေပိုင်းအထိ လေတိုက် နှုန်း ၃၅ မိုင်မှ မိုင် ၄ဝ ခန့်အပြင် လေပြင်းတိုက်ခတ်ချိန်မှာတစ်နာရီလျှင် ၄၅ မိုင်အထိရှိနိုင်တယ်လို့ NUG ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA)က ထုတ်ပြန်ထားပါတယ်။

မိုးကြီးတဲ့ဒေသတွေမှာသက်ကြီးရွယ်အိုတွေ၊ ကလေးတွေနဲ့ မသန်စွမ်းသူတွေကိုရေဘေးအန္တရာယ်လွတ်ကင်းတဲ့နေရာတွေဆီ ကြိုတင်ပြောင်းရွှေ့နေရာချထားပေးသင့်တယ်လို့ MoSLHAက တိုက်တွန်းထားပါတယ်။

မုန်တိုင်းငယ်ဟာမြန်မာ့ကမ်းရိုးတန်းကို ဖြတ်ကျော်ပြီးနောက်လာမယ့်နှစ်ရက်အတွင်းမြန်မာနိုင်ငံအောက်ပိုင်း၊ ရခိုင်ကမ်းရိုးတန်း၊ ဘင်္ဂလားပင်လယ်အော်အလယ်ပိုင်းနဲ့ အရှေ့မြောက်ပိုင်းဒေသတွေကိုဖြတ်ပြီးဘင်္ဂလားဒေ့ရှ်နိုင်ငံဘက်ကိုရွေ့လျားနိုင်တယ်လို့ လည်းခန့်မှန်းထားပါတယ်။

လက်ရှိမှာဒေသများအပြားမိုးကြီးနေပြီး တနင်္သာရီတိုင်းမှာရေဘေးနဲ့ မြေပြိုမှုဘေးဆိုးရွားစွာရင်ဆိုင်နေရပါတယ်။ လောင်းလုံး၊ ထားဝယ်၊ သရက်ချောင်း၊ ရေဖြူ၊ မြိတ်မြို့နယ်တွေမှာရေဘေးကြုံတွေ့နေပြီး လောင်းလုံးနဲ့ သရက်ချောင်းမြို့ဟာ လက်ရှိမှာရေဘေးနဲ့ မြေပြိုမှုအဆိုးဆုံးကြုံတွေ့နေရပါတယ်။

ကယ်ဆယ်ရေးအကူအညီတွေ အရေး ပေါ်လိုအပ်နေတယ်လို့ ဒေသခံတွေနဲ့ ကယ်ဆယ်​ရေးလုပ်​နေသူ​တွေကပြောပါတယ်။

ဓာတ်ပုံ - Zoom Earth

#မုန်တိုင်းငယ် #ရန်ကုန် #ကျိုက်ထို
#လေဖိအားနည်းရပ်ဝန်း
#peoplesspring #လူထုနွေဦး

မြန်မာမှာ TikTok ကို VPN မပါဘဲ အသုံးပြုလို့မရတော့

စက်တင်ဘာ ၂၈၊ ၂၀၂၆။ ဟာနာဆန်/People's Spring

မြန်မာနိုင်ငံမှာ လူသုံးအများဆုံး ဆိုရှယ် Application ဖြစ်တဲ့ TikTok ကို VPN အသုံးပြုမှသာ ဝင်ရောက်နိုင်တော့ကြောင်း သုံးစွဲသူတွေက ပြောပါတယ်။

ဒီကနေ့ စက်တင်ဘာ ၂၈ ရက် နေ့လယ်ပိုင်းကစပြီး မြန်မာနိုင်ငံအတွင်းက TikTok သုံးစွဲသူတွေဟာ ဗွီဒီယိုတွေ ကြည့်လို့မရတော့တာအပါအဝင် TikTok လုပ်ဆောင်ချက်တွေ တစ်ခုမှ လုပ်ဆောင်လို့မရတော့ဘဲ VPN ခံမှသာ ပြန်လည်အသုံးပြုလို့ရကြောင်း သုံးစွဲသူတွေက ပြောပါတယ်။

"အခုနေ့လယ်ခင်းမှ ဖြစ်သွားတာ။ မနက်ကထိ vpnမခံလည်း ရတယ်"လို့ TikTok သုံးစွဲသူတစ်ဦးက ပြောပါတယ်။

စစ်ကောင်စီကတော့ TikTok app ဖြစ်စဥ်နဲ့ပတ်သက်ပြီး တစုံတရာ အသိပေးတာ မရှိသေးပါဘူး။

​အဲဒီ ကန့်သတ်ချက်ကြောင့် ပုံမှန်အသုံးပြုသူတွေ အဆင်မပြေမှုတွေ ရှိလာတဲ့အပြင် TikTok ကို အခြေပြုပြီး စီးပွားရေးလုပ်ကိုင်နေကြတဲ့ Content Creator တွေ၊ အွန်လိုင်းဈေးရောင်းသူတွေအတွက် ရိုက်ခတ်မှုတွေ ကြုံတွေ့နေရကြောင်း သိရပါတယ်။

အာဏာသိမ်း စစ်တပ်ဟာ အာဏာသိမ်းပြီးနောက်ပိုင်း Facebook အပါအဝင် လူမှုကွန်ရက် Application တွေ၊ သတင်းဌာနတွေရဲ့ Website တွေကို ပိတ်ပင်ခဲ့ပါတယ်။ အဲဒီနောက် VPN ခံစရာမလိုတဲ့ TikTok မှာ သုံးစွဲသူတွေ များပြားလာပြီးနောက် တော်လှန်ရေးသမားတွေ၊ သတင်းဌာနတွေပါ TikTok သုံးလာကြတဲ့အချိန် TikTok ကိုပါ ထပ်မံပိတ်ပင်လိုက်တာ ဖြစ်ပါတယ်။

ဒါ့အပြင် အာဏာသိမ်းစစ်တပ်ဟာ စစ်ကိုင်း၊ မကွေး၊ ချင်း၊ ကချင်၊ ကရင်၊ ရခိုင် စတဲ့ တော်လှန်ရေးအားကောင်းတဲ့ တိုင်းနဲ့ ပြည်နယ်အသီးသီးက မြို့နယ်တွေမှာ မိုဘိုင်းဒေတာနဲ့ အင်တာနက်လိုင်းတွေကိုပါ ကာလရှည်ကြာ ဖြတ်တောက်ထားဆဲ ဖြစ်ပါတယ်။

(ဖုန်းအသုံးပြုနေသူ ၂ဦးကို တွေ့ရစဉ်။ ဓာတ်ပုံ - Getty Images)

မိုးမိတ်မြို့က အရေးပါတဲ့စစ်တပ်စခန်းကို KIA ပူးပေါင်းတပ် သိမ်းပိုက်၊ လက်နက်ခဲယမ်းများသိမ်းရ

စက်တင်ဘာ ၂၈၊ ၂၀၂၆။ ထားမြတ်/People’s Spring

ရှမ်းပြည်နယ်မြောက်ပိုင်း မိုးမိတ်မြို့ရှိ စစ်တပ်ရဲ့ အရေးပါတဲ့ တပ်စခန်းကို ကချင်လွတ်လပ်ရေးတပ်မတော်(KIA) ပူးပေါင်းတပ်က ဒီကနေ့ သိမ်းပိုက်ရရှိခဲ့တယ်လို့ ကချင်စစ်ရေး သတင်းရင်းမြစ်တွေက ပြောပါတယ်။

စက်တင်ဘာ ၂၈ရက် မနက်ပိုင်းမှာ စစ်တပ် တပ်စွဲထားတဲ့ မိုးမိတ်မြို့ ရွှေမင်းတင်စေတီကုန်းက တပ်စခန်းကို သိမ်းပိုက်ခဲ့တာလို့ ဆိုပါတယ်။

“မိုးမိတ်က အရေးကြီးတဲ့ ဗျူဟာကျတဲ့ စခန်းကုန်းပေါ့။ အဲဒါ ရွှေမင်းတင် စေတီကုန်းလို့ခေါ်တယ်။ ရွှေမင်းတင်စေတီကုန်းက စခတွေ နေရာယူထားတာ အဲဒါကို ကျနော်တို့ ဒီမနက် ၇နာရီခွဲလောက်မှာ သိမ်းလိုက်တာ။ လက်နက်ခဲယမ်းတွေတော့ အများကြီးရတယ်လို့ ကြားတယ်။ဒါပေမဲ့ အတိအကျ စာရင်းတော့ မသိရသေးဘူး” လို့ ကချင်စစ်ရေး သတင်းရင်းမြစ်က ပြောပါတယ်။

KIA ပူးပေါင်းတပ်ဟာ ကချင်ပြည်နယ်၊ မိုးညှင်းမြို့နယ်နမ့်မွန်းဒေသက စစ်တပ်နဲ့ ရှမ်းနီ SNA တပ်စခန်း ၁ခုကိုလည်း ဒီကနေ့ စက်တင်ဘာ ၂၈ရက်မှာ တိုက်ခိုက်သိမ်းပိုက်ခဲ့တယ်လို့ စစ်မြေပြင်နဲ့ နီးစပ်တဲ့ သတင်းရင်းမြစ်တစ်ဦးက ပြောပါတယ်။

အဲဒီတိုက်ပွဲမှာ SNA ဘက်က အထိနာခဲ့တယ်လို့လည်း ပြောပါတယ်။

ဒါ့အပြင် ပြီးခဲ့တဲ့ရက်ပိုင်း ကချင်ပြည်နယ်၊ ဗန်းမော်မြို့နယ် တိုက်ပွဲမှာလည်း စစ်တပ် တပ်စွဲရာ နေရာအချို့ကို KIA ပူးပေါင်းတပ်က သိမ်းပိုက်နိုင်ခဲ့ကြောင်း KIAက အသိပေးထားပါတယ်။

" ဗန်းမော်ဘက်မှာတော့ ၂၅ရက်နေ့မှာ တိုက်ပွဲပြင်းထန်တဲ့ သတင်းရှိပါတယ်။ ကျနော်တို့ KIAနဲ့ ပူးပေါင်းတပ်တွေ ရန်သူရဲ့ လက်နက်ခဲယမ်းတချို့သိမ်းဆည်းရမိပြီးမှ စစ်သုံ့ပန်းလည်း တချို့ရရှိတယ်လို့ ကျနော်တို့ သတင်းရပါတယ်။”လို့ KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ဗန်းမော်စစ်ရေး အခြေအနေကို ဒီကနေ့ စက်တင်ဘာ ၂၈ရက်မနက်ပိုင်းမှာ ပြောပြပါတယ်။

ဗန်းမော်မြို့က စစ်တပ်ရဲ့ သံချပ်ကာယာဉ်အချို့ သိမ်းရတယ်ဆိုတဲ့ ဖြစ်စဉ်ကိုတော့ လတ်တလော အတည်ပြုပေးလို့ မရဘူးလို့ ပြောပါတယ်။

“ လိုင်းပေါ်မှာ ပြန့်နှံ့နေတဲ့ ပုံကတော့ အဲဒီ တိုက်ပွဲ(လတ်တလော ဗန်းမော်တိုက်ပွဲ)ထဲက ပုံဟုတ်မဟုတ်ကိုတော့ အတည်ပြုပေးလို့မရဘူး။ကျနော်တို့လည်း မေးမြန်းထားပါတယ်” လို့ ဗိုလ်မှူးကြီးနော်ဘူက ပြောပါတယ်။

မိုးမိတ်နဲ့ မိုးညှင်း ဒေသတိုက်ပွဲ အခြေအနေတွေ မေးမြန်းနိုင်ဖို့ ဗိုလ်မှူးကြီးနော်ဘူထံ ထပ်မံ ဆက်သွယ်နေဆဲဖြစ်ပြီး အဆက်အသွယ်မရသေးပါဘူး။

KIA ပူးပေါင်းတပ်ဟာ ဩဂုတ်နဲ့ စက်တင်ဘာမှာ ကချင်ပြည်နယ် ဗန်းမော်နဲ့ ရွှေကူမြို့နယ်အတွင်း တိုက်ပွဲတွေမှာ စစ်တပ်အထိနာအောင် တိုက်ခိုက်နိုင်ခဲ့သလို စက်တင်ဘာလကုန်ပိုင်းမှာ မိုးညှင်းနဲ့ မိုးမိတ်မှာ တိုက်ပွဲတွေ ထပ်မံ ဖော်ဆောင်လာတာလည်းဖြစ်ပါတယ်။

မိုးမိတ်မြို့ဟာ အရင်က တအာင်းတပ်မတော် (TNLA) သိမ်းပိုက်ထားတဲ့မြို့ဖြစ်ပြီး ၂၀၂၅ နှစ်ကုန်ပိုင်းမှာ TNLAနဲ့ စစ်တပ် အပစ်ရပ်ပြီးနောက် ပြန်လွှဲပေးထားတဲ့မြို့လည်းဖြစ်ပါတယ်။

အဲဒီဒေသမှာ KIA ပူးပေါင်းတပ်က အရင်ကတည်းက စစ်ရေးလှုပ်ရှား ဖော်ဆောင်မှုတွေ ရှိနေတာလည်းဖြစ်ပါတယ်။

(ရှေ့တန်းစစ်မြေပြင်တနေရာမှာ တွေ့ရတဲ့ KIA တပ်ဖွဲ့ဝင်များ။ ဓာတ်ပုံ - Screengrab)

ကျောက်တော်ဗုံးကြဲမှု စစ်တပ်နဲ့ ပါဝင်ပတ်
သက်သူတယောက်ချင်းစီကိုလက်တုံ့ပြန်မယ်လို့ AA ပြော

"ဒီအကြမ်းဖက်စစ်ရာဇဝတ်မှုအတွက်လည်းပဲ အကြမ်းဖက်စစ်ကောင်စီအနေနဲ့ တာဝန်ယူမှု၊ တာဝန်ခံမှု ရှိရမှာဖြစ်ပါတယ်"
-AA​ပြော​ရေးဆိုခွင့်ရှိသူ

စက်တင်ဘာ-၂၈၊၂၀၂၆။ခိုင်မြတ်/People’s Spring

ကျောက်တော်မြို့ဗုံးကြဲမှုမှာ ကျူးလွန်သူ အာ
ဏာသိမ်းစစ်တပ်နဲ့ ပါဝင်ပတ်သက်သူတယောက်ချင်းစီကို ဖော်ထုတ်ပြီးလက် တုံံ့ပြန်တိုက်ခိုက်သွားမယ်လို့ အာရက္ခတပ်တော်
(AA)ပြောရေးဆိုခွင့်ရှိသူ ဦးခိုင်သုခက ပြောကြားလိုက်ပါတယ်။

“ကျွန်တော်တို့ ULA/AAအနေနဲ့ကတော့ဒီဖြစ်
စဉ်မှာအသက်ပေးသွားခဲ့ကြတဲ့ကျွန်တော်
တို့ရဲ့အပြစ်မဲ့ပြည်သူတွေအတွက်တရားမျှ
တမှုရရှိဖို့၊ ဒီအကြမ်းဖက်တိုက်ခိုက်မှုမှာ ပါ
ဝင်ပက်သက်တဲ့ အကြမ်းဖက်မြန်မာ့တပ်မ
တော်နဲ့ ပါဝင်ပက်သက်သူတယောက်ချင်းစီကို ဖော်ထုတ်ပြီးတော့မှ လက်တုံံ့ပြန်တိုက်
ခိုက်သွားမှာဖြစ်ပါတယ်”လို့ ဦးခိုင်သုခက ပြောပါတယ်။

ဒါ့အပြင် အာဏာသိမ်းစစ်တပ်အနေနဲ့ အပြစ်မဲ့အရပ်သားပြည်သူတွေကိုပစ်မှတ်ထားတိုက်ခိုက်တာဟာ စစ်ရာဇဝတ်မှုကို ပြောင်
ပြောင်တင်းတင်း ကျူးလွန်တာဖြစ်တယ်လို့လည်း သူက ဆက်​ပြောပါတယ်။

“ဒီအကြမ်းဖက်စစ်ရာဇဝတ်မှုအတွက်လည်းပဲ အကြမ်းဖက်စစ်ကောင်စီအနေနဲ့ တာဝန်ယူမှု၊ တာဝန်ခံမှု ရှိရမှာဖြစ်ပါတယ်”လို့ ဦးခိုင်သုခက လူထု​နွေဦးကို​ပြောပါတယ်။

အာဏာသိမ်းစစ်တပ်က စက်တင်ဘာလ ၂၈ ရက် နေ့လယ် ၁၂ နာရီ ၁၀ မိနစ် နဲ့ ၁၂ နာရီ ၁၄ မိနစ်တို့မှာကျောက်တော်မြို့ပေါ် ရှိ
ကစ္ဆပနဒီတံတား အနီး နဲ့ အိန္ဒိယစျေးဝန်းကျင်
တို့ ကို ဂျက်ဖိုက်တာ နဲ့ ဗုံးကြဲခဲ့တာဖြစ်ပြီး ကလေးငယ်တွေအပါအဝင် အရပ်သား ၃၃ ဦး သေဆုံးပြီး၊ ၃၆ ဦးဒဏ်ရာရခဲ့ပါတယ်။ဒါ့အပြင် သေဆုံးဒဏ်ရာရသူတွေထပ်တိုးလာနိုင်သေးတယ်လို့လည်းဒေသခံတွေနဲ့ AA
က​ပြောပါတယ်။

"သေဆုံး၊ ဒဏ် ရာရတဲ့အရေအတွက်က ပဏာမသတင်းတက်လာတဲ့ဟာကို အခြေခံပြီး ပြောတာဖြစ်ပါတယ်။ ဒီထက်လည်းပဲ သေဆုံး၊ ဒဏ်ရာရတဲ့အရေအတွက်က ထပ်ပြီးတိုးလာနိုင်ခြေရှိပါတယ်” လို့ ဦခိုင်သုခက လည်းပြောပါတယ်။

ကျောက်တော်ဒေသခံတဦးက စက်တင်ဘာ
၂၈ ရက် ညနေ ၇ နာရီခန့်မှာရတဲ့သတင်းအရ သေဆုံးသူ ၄၀ ကျော်ထိရှိသွားပြီဖြစ်တယ်လို့ပြောပါတယ်။

အာဏာသိမ်းစစ်တပ်ဟာ ကျောက်တော်မြို့အပြင် နာရီပိုင်းသာခြားပြီး မင်းပြားမြို့နယ် စွန်ရဲ နဲ့ ကြောင်ရှည် ချောင်းရွာတို့ကိုလည်း
Y12 နဲ့ ဗုံးကြဲခဲ့တာကြောင့်ပြည်သူ ၁ ဦးသေဆုံးပြီး ၇ ဦးထက်မနည်း ဒဏ်ရာရ ခဲ့ပါသေးတယ်။

စစ်ကောင်စီဟာ စစ်မြေပြင်မှာ ရှုံးနိမ့်မှုတွေများလာတိုင်း အပြစ်မဲ့အရပ်သားပြည်သူတွေကို ပစ်မှတ်ထားတိုက်ခိုက်တဲ့ဖြစ်စဉ်မျိုးတွေ အရင်ကလည်းအများကြီးရှိခဲ့ပြီးအခုအကြိမ်မှာလည်း အဲဒီလိုမျိုး တိုက်ခိုက် တာဖြစ်တယ်လို့ သူကပြောပါတယ်။

“ရခိုင်ပြည်အနှံ့မှာ ဆိုလို့ရှိရင် မြောက်ဦးပြည်သူ့ဆေးရုံကြီးကို ကြည့်မလား၊ နောက်တခြားနေရာတွေမှာလည်းပဲ အဓိက သာသနိကအ
ဆောက်အဦးတွေ၊ ဆေးရုံ၊ ဆေးခန်းတွေ၊ စာ
သင်ကျောင်းတွေ နောက်ပြည်သူလူထု ထူ
ထပ် တဲ့နေရာတွေပေ့ါနော်၊ အဲဒီလို စျေးလိုနေရာမျိုးပေါ့၊ အဲဒီလိုနေရာမျိုးကို အဓိကပစ်မှတ်ထားပြီးတော့မှ အရပ်သား ပြည်သူတွေကို တိုက်ခိုက်သတ်ဖြတ်ပြီးတော့ စစ်ရာဇဝတ်မှုကို ကျူးလွန်နေတာ အကြိမ်ကြိမ်ရှိခဲ့ပါတယ်” လို့ ဆို ပါတယ်။

“အခုလည်းပဲ ရခိုင်စစ်မျက်နှာအပါအဝင်ပေါ့နော်၊ တခြားစစ်မျက်နှာတွေမှာ၊ စစ်မျက်နှာမျိုးစုံမှာ သူတို့ဘက်ကနေ ပြီးတော့ ထိခိုက်၊ ကျဆုံးမှုတွေများပြီးတော့ ရှုံးနိမ့်မှုတွေများလာတဲ့အတွက်ကြောင့်မို့လို့အခုလိုမျိုး အပြစ်မဲ့အရပ် သားပြည်သူတွေနေတဲ့နေရာတွေကို ဦးတည်တိုက်ခိုက်ပြီးတော့မှ စစ်ရာဇဝတ်မှုကိုကျူးလွန်နေတာဖြစ်တယ်လို့ ကျွန်တော်တို့ကတော့ အဲလိုမျိုးမြင်ပါတယ်”လို့ AA ​ပြော​ရေးဆိုခွင့်ရှိသုကဆက်ပြောပါတယ်။

စစ်တပ်ဟာ ၄၉၂၆ စစ်ဆင်ရေးလို့ ကြွေး
ကြော်ပြီး ရခိုင်ပြည်နယ် စစ်တွေ၊ ကျောက်
ဖြူနဲ့ ရခိုင်ရိုးမအရှေ့ဘက်ခြမ်း မကွေးတိုင်း ပဒါန်း၊ မင်းတုန်း၊ ပဲခူးတိုင်း ပန်းတောင်၊ ဧရာ၀တီတိုင်း ရေကြည်၊ သာပေါင်းမြို့နယ်တို့မှာ AA ထိန်း ချုပ်ရာနေရာတွေကို တန်
ပြန်ထိုးစစ်ဆင်ပေမယ့် ​မြေပြင်မှာ​သေဆုံးဒဏ်ရာရသူများပြီးအထိနာကာ စစ်စခန်း​တွေဆုံးရှုံး​နေတယ်လို့ မြေပြင်သတင်းရင်းမြစ်တွေက ပြောပါတယ်။

လူထုနွေဦးက ကောက်ယူပြုစုထားတဲ့အချက်
အလက်တွေအရ စစ်တပ်ရဲ့ စစ်ဆင်ရေးစတဲ့ စက်တင်ဘာ ၄ ရက်နေ့ ကနေ ဒီနေ့ ၂၈ ရက်နေ့ထိ သုံးပတ်ကျော်ကာလအတွင်း စစ်တပ်လက်ချက်ကြောင့် သေဆုံးရတဲ့ ရခိုင်ဒေသခံ အရပ် သားပြည်သူ အနည်းဆုံး ၄၃ ဦးနဲ့ ထိခိုက်ဏ်ရာရသူ ၇၂ ဦးထက်မနည်း ရှိသွားခဲ့ပြီဖြစ်ပါတယ်။

အာရက္ခတပ်​တော် တပ်ဖွဲ့ဝင်​​တွေ။
ဓါတ်ပုံ-AA Info Desk

စစ်တပ်ရဲ့ လေတပ် အုပ်မှူးတဦးဟာ တလကို ကျပ်သိန်း ထောင်ချီပြီးဝင် ငွေရပါတယ်။​လေတပ်မှာ​လေသူရဲ(ခေါ်)လေယာဉ်မောင်း
(ဗိုလ်ကြီး)တွေကို အဖွဲ့တွေခွဲထားပါတယ်။

ဒီအဖွဲ့ တွေဟာကိုယ့်​လေယာဥ်​မောင်းဗုံးကြဲရမယ့်​နေ့တွေမှာ လေယာဉ်​ပေါ်တက်ဖို့ အသင့်အနေအထား စောင့်နေရတာပါ။ဗုံးကြဲဖို့အမိန့်ကျလာရင် အလှည့်ကျဂျူတီထွက်ရပြီး အခုနောက်ပိုင်းဆိုရင် တကြိမ်ကို ၂စီး၊၃စီး လေတပ်စခန်းတခုတည်းက ထွက်သလို မိတ္ထီလာ၊တံတားဦး၊နေပြည်တော် ​အေလာလေတပ်စခန်းတွေကနေ ‌‌ချိတ်ဆက်ပြီး တပြိုင်တည်း ဗုံးကြဲစစ်ဆင် ရေးပြုလုပ်တာ တွေလည်းရှိတယ်လို့စုံစမ်းသိရပါတယ်။

သူတို့ရဲ့ဝင်ငွေဟာ လေယာဉ်ဆီ ရောင်းချမှု ခွဲတမ်းကနေရသလိုလေယာဉ်တက်တဲ့အခေါက် အရေအတွက်အတိုင်းလည်းရပါတယ်။တပတ်ကို အရာရှိငယ်တဦးဟာ‌ ငွေကျပ် ၄သိန်းကနေ ၆သိန်းကျပ်အထိရ​လေ့ရှိပြီး အပတ်စဉ် ကြီးတဲ့ဗိုလ်ကြီး တွေဟာကျပ် ၇သိန်းကနေ ၁၀သိန်း ကျော်အထိရတယ်လို့ စုံစမ်းသိရပါတယ်။

ဒါဟာ လေယာဉ်ထွက်ဗုံးကြဲရတာနည်းတဲ့မကွေး လေတပ်စခန်းကစာရင်းဖြစ်ပြီး ဗုံးပိုကြဲရတဲ့ တံတားဦး လေတပ်စခန်းက အရာရှိတွေရဲ့ ဝင်ငွေ ဟာဒီထက်ပိုများနိုင်ပါတယ်။

“လူအသေပျောက်များတဲ့အခါဆိုရင် ပစ်မှတ်
ထိတယ်ဆိုပြီးအပိုဆုကြေးတွေလည်းရတယ်။ချီးကျူးဂုဏ်ပြုဆိုလည်းလေတပ်က ကောင်တွေကပိုရလွယ်တယ်။စစ်သာမတိုက်တက်တာ လေပေါ်ကဗုံးကြဲရုံကို ရာထူးတက်ကြရင်လည်း ဒီကောင် တွေကပိုမြန်တယ်”လို့ ကြည်းတပ်အရာရှိတဦးက ပြောပြပါတယ်။

စစ်အုပ်စုအတွင်းချီးကျူးဂုဏ်ပြုတယ်ဆိုတာ ကာကွယ်ရေးဦးစီးချုပ်လက်မှတ်နဲ့ဂုဏ်ပြုမှတ်တမ်းဖြစ်ပြီး ဒီမှတ်တမ်းရထားသူ တွေဟာ ရာထူးတပ်ဖို့ပိုမြန်ပါတယ်။ဒီဝင်ငွေနဲ့ခံစားခွင့် တွေကြောင့် လေတပ်အရာရှိအများစုဟာ ပြည်သူ တွေကို ဗုံးကြဲသတ်ဖို့ လက်မရွံလူသတ်သမားအလုပ်ကို တက်တက်ကြွကြွလုပ်နေကြတာပါ။

စစ်အာဏာသိမ်းပြီးတဲ့နောက်ပိုင်းနိုင်ငံတစ်ဝန်းလူမျိုး ၊ဘာသာ ၊​ဒေသ မခွဲခြားဘဲပြည်သူ တွေကိုပစ်မှတ်ထားလေကြောင်းတိုက်ခိုက်မှု တွေကို စစ်တပ်က ဆက်တိုက်လုပ်ခဲ့၊ လုပ်​နေဆဲဖြစ်ပါတယ်။

စစ်တပ်ကအာဏာသိမ်းပြီး​နောက်ပိုင်း ၂၀၂၁ ခုနှစ်က​နေ ၂၀၂၆ ဇွန်လကုန်အထိ ​လေ​ကြောင်းတိုက်ခိုက်မှု​ပေါင်း ၁၂ ၈၉၆ကြိမ်ပြုလုပ်ခဲ့ပြီးပြည်သူ​ပေါင်း ၅၈၄၆ ဦး​သေဆုံးခဲ့တယ်လို့အမျိုးသားညီညွတ်​ရေးအစိုးရ(NUG) လူ့အခွင့်အ​ရေးဝန်ကြီးဌာနကပြီးခဲ့တဲ့ ဇူလိုင်လမှာထုတ်ပြန်ထားပါတယ် ။ကုလသမဂ္ဂလူ့အခွင့်အရေးဆိုင်ရာမဟာမင်းကြီးရုံး(OHCHR)ကလည်း ၂၀၂၅ တစ်နှစ်တည်းမှာပဲ စစ်တပ်ရဲ့ လေကြောင်းတိုက်ခိုက်မှု ကြောင့် ပြည်သူအနည်းဆုံး ၉၈၂ ဦးသေဆုံးခဲ့တယ်လို့ ထုတ်ပြန်ထားပါတယ်။သေဆုံးသူ​တွေထဲမှာအမျိုးသမီးနဲ့ ကလေးငယ်ပါဝင်မှုဟာ ၅၀ရာခိုင်နှုန်း ကျော်ရှိတယ်လို့ သိရပါတယ်။

ရက်စက်မှုမှာထင်ရှားဖြစ်ခဲ့တဲ့ ၂၀၂၂ခုနှစ်၊စက်တင်ဘာလ၁၆ ရက် နေ့ကဒီပဲယင်းမြို့နယ်၊လက်ယက်ကုန်းရွာစာသင် ကျောင်း ဗုံးကြဲခံရမှု၊၂၀၂၃ခုနှစ်၊ဧပြီလ၁၁ရက်နေ့ကပဇီကြီးရွာ လေကြောင်းတိုက်ခိုက်ခံရမှု၊၂၀၂၆ သြဂုတ်လ၂၁ ရက်မြောင်မြို့နယ်၊ဆွဲလွဲအိုရွာက တရားစခန်းဗုံးကြဲခံရမှု တွေဖြစ်ပါတယ်။

ဒီလိုစစ်ရာဇဝတ်ကျူးလွန်မှုမှာ ပူးပေါင်းပါဝင်သူအများအပြားရှိပါတယ်။လေတပ်အရာရှိကြီး တွေကစလို့ လေတပ်စခန်းရဲ့ စခန်းမှူး၊အုပ်မှူးကနေပိုင်းလော့(​လေသူရဲ)
ဗိုလ်ကြီးတွေအထိပါ။

ရုပ်ရှင်တွေထဲကကြေးစားလူသတ်သမား တွေဟာ ပစ်မှတ်တခုကိုပဲ လိုက်လံရှင်းလင်းခဲ့ပေမယ့် လေတပ်က စစ်ဗိုလ် တွေကတော့သံဃာနဲ့ကလေးငယ်၊​ကျောင်းသား၊သက်ကြီး​ရွယ်အို၊ကိုယ်ဝန်​ဆောင်တွေပါမချန်အစုလိုက်
အပြုံလိုက်သတ်ဖြတ်မှုတွေကိုကျူးလွန်နေကြတာပါ။


https://www.ludunwayoo.com/feature-mm/2026/09/17/168467/

မန္တလေး ကလေးဆေးရုံမှာ ကုသနေတဲ့ ကလေးငယ်တွေရဲ့ ဖခင်ဖြစ်သူ ၂ဦး ပေါ်တာဆွဲခံရ

စက်တင်ဘာ၂၈၊၂၀၂၆။နေ့သစ်/People's Spring

မန္တလေးမြို့က ကလေးဆေးရုံကြီးမှာ ဆေးရုံလာတက်တဲ့ ရွှေဘိုမြို့နယ်က ကလေးတွေရဲ့ဖခင် ဖြစ်သူ ၂ဦး ပေါ်တာဆွဲခံရလို့ ပျောက်ဆုံးနေတယ်လို့ နီးစပ်သူတွေက ပြောပါတယ်။

စက်တင်ဘာ ၂၆ ရက် နံနက်၉နာရီမှာ မန္တလေးမြို့ ၆၆လမ်း၂၇လမ်းနဲ့၂၈လမ်းကြား ၊လမ်းအနောက်ဘက်က ကလေးဆေးရုံကြီး ဖျားနာဆောင်မှာ ဆေးကုသမှုခံယူနေတဲ့ ၈နှစ်အရွယ် ကလေးငယ်ရဲ့ ဖခင်ဖြစ်သူ (၃၃)နှစ်အရွယ် ကိုဇော်မျိုးဦးဟာ သမီးဖြစ်သူအတွက် ဆေးထွက်ဝယ်တဲ့အချိန်မှာ ပျောက်သွားတာလို့ သိရပါတယ်။

ဒါ့အပြင် အဲဒီနေ့မှာပဲ (၄)နှစ်အရွယ်ကလေးငယ်ရဲ့ဖခင်ဖြစ်သူ (၃၅)နှစ်အရွယ် ကိုလှိုင်တင် ဆိုသူလည်း ပျောက်ဆုံးခဲ့တယ်လို့ သိရပါတယ်။

"၂ယောက်လုံး ပေါ်တာဆွဲခံရတယ်ဆိုတာ။ ရဲတွေကိုယ်တိုင်က အတည်ပြုထားတာ။ပြီးတော့ဘယ်သူဆွဲလဲဆိုတာ သူတို့လည်း မသိသေးဘူး။ဒါပေမယ့် ဒီလူတွေကိုဆွဲထားတော့ ဘယ်ရောက်မှာလဲ။ပုံမှန်‌ဆို ထွေအုပ်၊နန်းတွင်းနောက်ထပ်ရောက်ရင်အလွန်ဆုံးက မတ္တရာထီးတော်မိုး တပ်ပဲ။အခုသတင်းထွက်တော့ တခြားနယ်မှာ ရောင်းစားဖို့ပိုများသွားတာ‌ပေါ့။နေ့ခင်းကြီး ဒီနေရာမှာ ဘယ်သူလုပ်ရဲမှာလဲ"လို့ စစ်တပ်နဲ့ နီးစပ်သူတ‌စ်ဦးက ပြောပါတယ်။

အဲဒီကလေးဆေးရုံဟာ မန္တလေးမြို့လယ် လူစည်ကားရာမှာရှိတယ်လို့ မြို့ခံ တွေက ပြောပါတယ်။

ဆေးရုံရဲ့ရှေ့မှာ အိုးဝေသုံးဘီး တွေဂိတ်ရှိပြီး ဈေးသည်တချို့လည်းရှိတယ်လို့သိရပါတယ်။
ဒီဆေးရုံရဲ့ အရှေ့ဘက်မှာ ရဲအရာရှိသင်တန်းကျောင်း ရှိပြီး ၆၆လမ်း၊၂၈လမ်းမှာဆိုရင် ရဲအရာရှိအိမ်ယာက ရဲဂိတ် ‌‌‌‌‌‌‌‌‌‌‌‌‌‌‌‌‌‌‌‌‌‌တွေလည်းရှိတယ်လို့ သိရပါတယ်။ အဲဒီရဲဂိတ်ဟာ ဆေးရုံထွက်ပေါက်နဲ့လှမ်းမြင်နိုင်တဲ့ အနေအထားမှာရှိတယ်လို့ သိရပါတယ်။

ရွေးကောက်ပွဲအပြီးမှာ ဒီဂိတ်ကို ရဲတွေမထိုင်ပေမယ့် တံတားဦး လေတပ်တိုက်ခိုက်ခံရမှုအပြီးမှာ ရဲ၂ဦး ပုံမှန်လုံခြုံရေး စောင့်လေ့ရှိတယ်လို့ သိရပါတယ်။

ကလေးဆေးရုံကိုလာသူအများစု ဝယ်ယူလေ့ရှိတဲ့ ဆေးဆိုင်တွေဟာ ၆၆လမ်းနဲ့၂၇လမ်း ထောင့်က ဆေးဆိုင်မှာ ဝယ်ယူကြပါတယ်။ နယ်ကနေ ဆေးရုံတက်လာသူအများစုဟာ ဆေးရုံကနေလမ်းကူးပြီး အဲဒီဆေးဆိုင်တွေကို သွားရောက်ဝယ်ယူသူများတယ်လို့ ဆေးဝန်ထမ်းတချို့က ပြောပါတယ်။

စက်တင်ဘာလအတွင်းမှာ စစ်အုပ်စုကစစ်မှုအတွက် ပေါ်တာဆွဲထားတဲ့၊အဓမ္မစစ်သားစု​ဆောင်းထားပြီးနန်းတွင်းထဲမှာ ဖမ်းဆီးထားတဲ့ လူငယ်တွေကို ပုသိမ်ကြီးမြို့နယ်က စစ်မှုထမ်းသင်တန်း​တွေဆီပို့တာ ၃ ကြိမ်ရှိပြီ ဖြစ်ပါတယ် ။

စစ်တပ်နဲ့ ပျူစောထီးတွေပေါင်းပြီး လူငယ်တွေကို ပေါ်တာဆွဲဖမ်းဆီးတာအများစုဖြစ်ပြီး စစ်သားစုဆောင်းရေးတပ်ကို တစ်ဦး ကျပ်သိန်း ၈၀ က​နေ သိန်းရာဂဏန်းနဲ့ ပြန်ရောင်းစားတာဖြစ်တယ်လို့ စစ်တပ်ခန့်အုပ်ချုပ်​ရေးမှူးအချို့က ​ပြောပါတယ်။

စစ်တပ်က နိုင်ငံတစ်ဝန်းတိုက်ပွဲ​တွေမှာ အဓမ္မစု​ဆောင်းထားတဲ့စစ်သားသစ်​တွေနဲ့အဓိက​စေလွှတ်တိုက်ခိုက်​နေပြီး ​သေဆုံးဒဏ်ရာရတာ ၊ ထွက်​ပြေးတာ ၊​တော်လှန်​ရေးတပ်​တွေထံအလင်းဝင်သွားတာ​တွေများ​နေသလို ၊စစ်သားသစ်စု​ဆောင်းဖို့ ပိုခက်ခဲလာတဲ့အတွက် ​နည်းမျိုးစုံနဲ့ ​ပေါ်တာဆွဲတာ​တွေကိုပိုလုပ်လာတာဖြစ်တယ်လို့ ​တော်လှန်​ရေးအင်အားစု​တွေက ​ပြောပါတယ်။ ဒါ​ကြောင့် လူငယ်​တွေ ၊ပြည်သူ​တွေအ​နေနဲ့​ ပေါ်တာဆွဲမခံရ​​အောင်ပါးနပ်စွာ​နေထိုင်ကြဖို့ ​တော်လှန်​ရေးအင်အားစု​တွေက တိုက်တွန်း​ထားပါတယ်။

အာဏာသိမ်းစစ်တပ်ဟာ ယခု စက်တင်ဘာမှာ လုပ်မယ့် စစ်မှုထမ်းအပတ်စဥ်(၂၈)အတွက် စစ်မှုထမ်းဆင့် ခေါ်တာ၊ ပေါ်တာဆွဲတာတွေ ပြုလုပ်နေတာဖြစ်ပြီး သူတို့ထိန်းချုပ်ထားတဲ့ ​ဒေသ​တွေမှာ အခုလပိုင်းအတွင်း ပေါ်တာဆွဲတာ​တွေကို ဆက်တိုက်လုပ်နေတာဖြစ်ပါတယ်။

(မန္တလေးမြို့က ကလေးဆေးရုံကြီးကို တွေ့ရစဉ်။ ဓာတ်ပုံ - SKC)

တနင်္သာရီတိုင်းရေဘေး သေဆုံးသူ ထပ်တိုး၊ လောင်းလုံးမှာရုပ်အလောင်း၉ခုထပ်တွေ့

စက်တင်ဘာ-၂၈၊၂၀၂၆။အိမ်သွင်/People's Spring

တနင်္သာရီတိုင်းရေဘေးမှာ‌ဒေသတချို့ရေပြန်ကျစဉ် ရုပ်အလောင်းတွေပေါ်လာလို့ သေဆုံးသူအ​ရေအတွက်ထပ်တိုးလာ​နေပြီး လောင်းလုံးမြို့နယ်မှာဒီနေ့ညနေပိုင်းကရုပ်အလောင်း
၉ လောင်း ထပ်မံရှာဖွေတွေ့ရှိခဲ့ပါတယ်။

လောင်းလုံးမြို့နယ်၊ ကဒက်ငယ်ကျေးရွာမှာ ရုပ်အလောင်း ၇ လောင်းနဲ့ ကဒက်ကြီးကျေး
ရွာမှာ ၂ လောင်းတွေ့ရှိပြီး ပျောက်ဆုံးနေသူတွေလည်းရှိ​နေ​သေးတယ်လို့ ဒေသခံတဦးက ပြောပါတယ်။

"တောင်ခြေမှာက ဥယျာဉ်ခြံတွေများတယ်လေ။ပြိုကျနေတာတွေများတယ်။ရှာဖွေကယ်
ဆယ်ရေးက အခက်အခဲတွေများတယ်။သေ
ဆုံးသူဦးရေ သေချာပေါက်တိုးလာနိုင်တယ်"
လို့ ကူညီကယ်ဆယ်ရေးလုပ်ဆောင်နေသူတဦးကလည်း ပြောပါတယ်။

ထားဝယ်ဒေသတစ်ခုလုံး ကျေးရွာပေါင်း ၆၀ ကျော်မှာ ရေကြီးရေလျှံမှုနဲ့ တောင်ပြိုမှုဘေး ရင်ဆိုင်နေရပြီး ပျောက်ဆုံးနေသူ ၃၀ ဦးရှိသလို သေဆုံးသူအနည်းဆုံး ၁၇ ဦးရှိကြောင်းအတည်ပြုထားနိုင်တယ်လို့ ထားဝယ်အမျိုး
သားအဖွဲ့ချုပ်က ထုတ်ပြန်ထားပါတယ်။

လောင်းလုံးမြို့နယ်မှာ ၁၀ ဦး၊ ထားဝယ်မြို့နယ်မှာ ၂ ဦးနဲ့ သရက်ချောင်းမြို့နယ်မှာ ၁ဦး သေဆုံးခဲ့ကြောင်း အတည်ပြုနိုင်တယ်လို့ စက်တင်ဘာ ၂၈ ရက်မနက်ပိုင်းထုတ်ပြန်ထားပါတယ်။ ဒေသခံတွေဆီက‌နေ ဒီနေ့ညနေပိုင်းမှာ ထပ်မံသိရတဲ့သတင်းအချက်
အလက်တွေအရ လောင်းလုံးမြို့နယ်တစ်မြို့နယ်မှာမှာတင် ရုပ်အလောင်း ၁၂လောင်းအထိ ရှာဖွေတွေ့ရှိထားပြီလို့ သိရပါတယ်။

ဒေသအချို့မှာရေ ပြန်ကျနေပေမယ့်မိုးဆက်
လက်ရွာသွန်းမှုနဲ့အတူ တောင်မြေပြိုမှုတွေလည်းရှိနေလို့ အန္တရာယ်ရှိနိုင်တဲ့ နေရာတွေကနေအမြန်ဆုံးရွှေ့ပြောင်းနေထိုင်ကြဖို့လည်း တော်လှန်ရေးအင်အားစုတွေကတိုက်တွန်းထားပါတယ်။

လက်ရှိအခြေအနေမှာပျောက်ဆုံးသူတွေကို ရှာဖွေကယ်ဆယ်ရေး၊သဘာဝဘေးသင့်ပြည်သူတွေကို ရွှေ့ပြောင်းကယ်ဆယ်ရေးနဲ့ပျက်
စီးနေတဲ့ လမ်းတွေရှင်းလင်းနိုင်ရေးတို့အ
တွက်ထွယ်တာ (Tractor)၊ ဘက်ဟိုး၊ ဘူဒိုဇာ၊ ကရိန်းနဲ့ အခြားစက်ယန္တရားကြီးများ အရေးပေါ်လိုအပ်နေတယ်လို့ ထားဝယ်အမျိုးသားအဖွဲ့ချုပ်က ထုတ်ပြန်ထားပါတယ်။

သဘာဝဘေးဒဏ်သင့်ပြည်သူတွေအတွက် အမိုးအကာ၊ စားနပ်ရိက္ခာ၊ရေနဲ့ကျန်းမာရေးပြုစုစောင့်ရှောက်မှုတွေ လိုအပ်နေတယ်လို့ အသိပေးထားပါတယ်။

ထိုင်းနိုင်ငံဘက်က ရွေ့လျားလာတဲ့ လေဖိ
အားနည်းရပ်ဝန်းကြောင့် တနင်္သာရီတိုင်းမှာ စက်တင်လာလ၂၆ရက်နေ့ကစပြီး ရေဘေးနဲ့ မြေပြိုမှုဘေးရင်ဆိုင်နေရပါတယ်။ လောင်းလုံး၊ ထားဝယ်၊ သရက်ချောင်း၊ ရေဖြူ၊ မြိတ်မြို့နယ်တွေမှာရေဘေးကြုံတွေ့နေပြီးလောင်း
လုံးနဲ့ သရက်ချောင်းမြို့ဟာ လက်ရှိမှာရေ
ဘေးနဲ့ မြေပြိုမှုအဆိုးဆုံးကြုံတွေ့နေရပါတယ်။ကယ်ဆယ်ရေး အကူအညီတွေ အရေး ပေါ်လိုအပ်နေတယ်လို့ဒေသခံတွေ ပြောပါတယ်။

တနင်္သာရီတိုင်းမှာတ​ရက်တည်း၂၈၀ မီလီ
မီတာအထိစံချိန်တင်မိုးရွာသွန်းခဲ့မှုကြောင့် လောင်းလုံးမြို့နယ်မှာနေအိမ် ၈၀ ကျော် မြေပြိုနစ်မြုပ်ပြီး ပြည်သူ ၃ ဦး​သေဆုံးကာ ပျောက်ဆုံး​နေသူ ၁၂ ဦးကျော်ရှိ​နေသလိုဒေသခံ ၅၆၀ ကျော်​ရေ​ဘေးယာယီခိုလှုံနေရ
ပါတယ်။သရက်ချောင်းမြို့နယ်မှာလည်းပြည်သူ ၁၈,၀၀၀ ကျော် ရေဘေးသင့်​နေပါတယ်။

ရေဘေးသင့်ပြည်သူများထံအမျိုးသားညီ
ညွတ်ရေးအစိုးရ(NUG) လူမှုရေးရာ၊ အလုပ်
သမားနှင့် လူသားချင်းစာနာထောက်ထားရေး၀န်ကြီးဌာန(MoSLHA)ကအရေးပေါ် စားနပ်ရိက္ခာအထောက်အပံ့အဖြစ်ကျပ်သိန်း ၆၀ နဲ့ညီမျှတဲ့ ထိုင်းဘတ်ငွေ ၄၅,၀၀၀ ကို ကနဦး ထောက်ပံ့ထားပြီး မြေပြင်အချက်
အလက်များ ဆက်လက်ရယူကာ ထောက်ပံ့သွားမယ်လို့ထုတ်ပြန်ထားပါတယ်။

လေဖိအားနည်းရပ်ဝန်းဟာမြန်မာနိုင်ငံတောင်
ပိုင်းကမ်းရိုးတန်းအနီးနဲ့ ကပ္ပလီပင်လယ်ပြင်ဘက်မှာ ပိုမိုအားကောင်းလာပြီး မုန်တိုင်းငယ်အဆင့်ရောက်ရှိလာပါတယ်။ မုန်တိုင်းငယ်ဟာ ဒီနေ့ စက်တင်ဘာ ၂၈ ရက် ညနေပိုင်းမှာရန်ကုန်နဲ့ ကျိုက်ထိုမြို့ကြားကနေ ကမ်းရိုးတန်းကို ဖြတ်ကျော်ဝင်ရောက်ပြီး ရန်ကုန်တိုင်း၊ပဲခူးတိုင်း၊ မွန်ပြည်နယ်၊ ကရင်
ပြည်နယ်၊ ကရင်နီပြည်နယ်နဲ့ အနီးပတ်ဝန်း
ကျင်မှာမိုးဆက်ကြီးနိုင်လို့ သတိပြုနေထိုင်ဖို့အမျိုးသားညီညွတ်ရေးအစိုးရ(NUG)၊လူမှု
ရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA)က ထုတ်ပြန်ထားပါတယ်။

ဒီကနေ့ညပိုင်းမှာ မွန်ပြည်နယ်အတွင်း မိုးကြီးပြီး လေပြင်းတိုက်ခတ်​မှုကြောင့် ထိခိုက်ပျက်
စီးမှုတွေ ရှိနေတယ်လို့ သတင်းရရှိပါတယ်။