■​ဆောင်းပါး

ယူကရိန်းရဲ့အိုလက်ရှ်ကီမြို့လေးမှာ စတင်လာတဲ့ ငတ်မွတ်ခေါင်းပါးမှု

• ရုရှားကျူးကျော်စစ်ရဲ့ နာကျင်မှုနဲ့ ဒဏ်ရာများ

-ခါကာဘို ရေးသားသည်။

စစ်ပွဲတစ်ခုရဲ့ အကြီးမားဆုံး ဆိုးကျိုးတွေကို မကြာခဏဆိုသလို ရှေ့တန်းစစ်မြေပြင်မှာ မြင်တွေ့ရပါတယ်။ ဒါပေမဲ့ တချို့ဒေသတွေမှာတော့ စစ်ပွဲရဲ့ အကျိုးဆက်ဟာ လက်နက်သံတွေလို ဆူညံမနေတဲ့၊ ပြင်းထန်နာကျင်စရာ နောက်တမျိုးအနေနဲ့ ပေါ်လာတတ်ပါတယ်။ ဒီအထဲမှာ အစားအစာမရှိတော့တဲ့ မြို့ရွာတွေ၊ ဆေးဝါးမရှိတော့တဲ့ ဆေးရုံနဲ့ မနက်
ဖြန်အတွက် မျှော်လင့်ချက် မရှိတော့တဲ့ လူတွေရဲ့ ဘဝတွေပါဝင်ပါတယ်။

ယူကရိန်းနိုင်ငံခဲဆွန် (Kherson)ဒေသတောင်ပိုင်းကအိုလက်ရှ်ကီ (Oleshky)မြို့လေးက
တော့ အခုလိုအခြေအနေကို ရင်ဆိုင်နေရပါပြီ။ ရုရှားသိမ်းပိုက်ထားတဲ့ ဒီမြို့လေးဆီကို ပြီးခဲ့တဲ့မေလကတည်းက စားနပ်ရိက္ခာ ထောက်ပံ့မှုတွေ ပြတ်တောက်နေခဲ့ပါတယ်။ ယူကရိန်းဘက်ကတော့ မြို့ထဲမှာ ကျန်ရှိနေတဲ့အရပ်သားတွေကိုဘေးလွတ်ရာရွှေ့
ပြောင်းပေးနိုင်ဖို့ မော်စကိုနဲ့ ဆွေးနွေးဖို့ ကြိုး
စားခဲ့ပေမဲ့ အခုအချိန်အထိ အောင်မြင်မှု မရရှိသေးပါဘူး။

အိုလက်ရှ်ကီမြို့ရဲ့ လက်ရှိအခြေအနေကို ပြသနေတဲ့ ပုံရိပ်တစ်ခုကတော့ ဒေသခံတစ်ဦး ပို့ပေးခဲ့တဲ့ “အိုလက်ရှ်ကီဘော်ရှ်” ဟင်းသီး
ဟင်းရွက်စွပ်ပြုတ်ပုံလေးပဲ ဖြစ်ပါတယ်။ အဲဒီပုံထဲမှာ လက်ကျန် ဟင်းသီးဟင်းရွက်တွေနဲ့ ချက်ထားတဲ့ စွပ်ပြုတ်တစ်ခွက်ကို တွေ့ရပြီး ဗိုက်ပိုဝအောင် ပြောင်းဆန်နဲ့ ကြက်ဥနှစ်လုံး ထည့်ချက်ထားတယ်လို့ ဆိုပါတယ်။

“ဒီနေ့တော့တို့ဟင်းချိုထဲမှာ အကောင်းစား
ကြီး ပါတာပေါ့။ မေမေက သကြား ၂.၅ ကီလိုနဲ့ ကြက်ဥ ၁၀ လုံး သွားလဲလာတာ”လို့ အိုလက်ရှ်ကီမြို့ စစ်ဘက်ဆိုင်ရာ အုပ်ချုပ်ရေးမှူး တက်တီယာနာ ဟာဆန်နန်ကို ထံ ပေးပို့တဲ့စာမှာ ရေးထားပါတယ်။ “မုန်လာထုပ်တော့ မပါဘူး၊ ဒါပေမဲ့ ကညွှတ်တော့ ပါတယ်”လို့လည်း စာထဲမှာ ထပ်ရေးထားပါတယ်။

သာမန်အချိန်မှာ ဟာသလို ထင်ရနိုင်တဲ့ ဒီစကားတွေဟာ အခုအချိန်မှာတော့ လူတွေရဲ့ ရှင်သန်ဖို့ ကြိုးစားနေရတဲ့ အခြေအနေကို ဖော်ပြနေပါတယ်။ ဟာဆန်နန်ကိုက ဒီလို သ
တင်းပို့စာတွေကို မကြာခဏ လက်ခံရရှိနေပြီလို့ DW သတင်းဌာနကို ပြောပါတယ်။

“လူတွေက မျှော်လင့်ချက်ကလေး ရလိုရငြား စာပို့ကြတာပါ။ဒါပေမဲ့ ဘာမျှော်လင့်ချက်မှ
မရှိပါဘူး” လို့ သူမက ဆိုပါတယ်။

မြို့ထဲကို စားနပ်ရိက္ခာ နောက်ဆုံးဝင်လာခဲ့တာ မေလကုန်ပိုင်းမှာ ဖြစ်ပြီး “အခြေအနေက တကယ်ကို စိုးရိမ်ရပါတယ်။ ဒါကို အစား
အစာပြတ်လပ်မှုတင် မကတော့ဘဲ ငတ်မွတ်
ခေါင်းပါးမှုလို့ ခေါ်လို့ရနေပြီ” လို့ သတိပေးခဲ့ပါတယ်။

အိုလက်ရှ်ကီမြို့ဟာ နီပရိုမြစ် ရဲ့ ဘယ်ဘက်ကမ်းမှာ တည်ရှိပြီး ၂၀၂၂ ခုနှစ် ဖေဖော်ဝါ
ရီလ ရုရှားရဲ့ အပြည့်အဝ ကျူးကျော်စစ် စတင်ချိန်ကတည်းက သိမ်းပိုက်ခံထားရတာ ဖြစ်ပါတယ်။၂၀၂၃ ခုနှစ်ဇွန်လမှာလည်း ကာခေါ့ဗ်ကာ ရေအားလျှပ်စစ်စက်ရုံနဲ့ ရေကာ
တာ ကျိုးပေါက်ခဲ့တာကြောင့် မြို့တစ်ခုလုံးနီးပါး ရေမြှုပ်ခဲ့ရပါတယ်။ စစ်ပွဲနဲ့ ရေဘေးဒဏ်တွေပေါင်းစပ်လာပြီးနောက် အခြေအနေတွေ ပိုမိုဆိုးရွားလာခဲ့ပါတယ်။

လက်ရှိမှာ ကလေး ၁၈၀ အပါအဝင် လူဦးရေ ၆,၀၀၀ ခန့် ကျန်ရှိနေဆဲ ဖြစ်ပါတယ်။ သူတို့ဟာ မီးမရှိ၊ ဓာတ်ငွေ့မရှိတဲ့ဘဝနဲ့ ရေတွင်းတွေကနေ ရေခပ်သုံးရင်း နေထိုင်နေကြရပြီး နောက်ထပ် ခက်ခဲမယ့် ဆောင်းရာသီတစ်ခုကို ဘယ်လိုကျော်ဖြတ်မလဲဆိုတဲ့ စိုးရိမ်မှုနဲ့ ရင်ဆိုင်နေရပြန်ပါတယ်။

အိုလက်ရှ်ကီမြို့သားတွေအတွက် အခုအချိန်မှာ စားနပ်ရိက္ခာဟာ နေ့စဉ်အသက်ရှင်ရေးအတွက် အကြီးမားဆုံး စိန်ခေါ်မှု ဖြစ်လာပါတယ်။ဒေသခံမဟာလီနာ(လုံခြုံရေးအရ အ
မည်လွှဲထားသူ)ကသူမတို့ရဲ့လက်ရှိဘဝအ
ခြေအနေကိုDWကိုဖုန်းနဲ့ ပြောပြခဲ့ပါတယ်။

“အမှန်အတိုင်း ပြောရရင် ဒီနေ့ နေ့လယ်အထိ ဘာမှ မစားရသေးဘူး”လို့သူမကဆိုပါတယ်။ “ဒီနေ့အတွက် အကောင်းဆုံး စားစရာဆိုလို့ ရေနဲ့ ဂျုံမှုန့်နယ်ပြီး ဖုတ်ထားတဲ့ မုန့်ပြားပဲ ရှိတယ်။ အဲဒီပေါ်မှာ ပန်းသီးယို သုတ်ပြီး သ
ကြားမပါတဲ့ လက်ဖက်ရည်နဲ့ သောက်ရတာပါပဲ” လို့ ပြောပါတယ်။

မြို့သားတွေဟာ လုံခြုံရေးအခြေအနေကြောင့် မနက် ၇ နာရီနဲ့ ၉ နာရီကြားလောက်မှာသာ အပြင်ထွက်ကြပြီး ဈေးဘက်မှာ စုဝေးကာ သတင်းနားထောင်တာ၊ ကိုယ့်မှာရှိတဲ့ စားနပ်ရိက္ခာနဲ့ စိုက်ခင်းထွက်ပစ္စည်းတွေကို လဲလှယ်တာ၊ ရောင်းချတာတွေ လုပ်နေကြရပါတယ်။

“ဒီနေ့တော့ ဇူးကီးနီး အနည်းငယ်ကို တစ်ကီလို ရူးဘယ် ၁,၀၀၀ နဲ့ ရောင်းနေတာတွေ့တယ်။ ဂျုံမှုန့်အိတ်ကြီးတစ်အိတ်ကိုတော့ ရူးဘယ် ၂၀၀,၀၀၀ နဲ့ ရောင်းနေတာတွေ့ခဲ့တယ်။ အဲဒီလူက မြို့ကနေ ထွက်သွားဖို့ ကြိုးစားနေတာမို့ ဒီလောက်ဈေးတင်ရောင်းတာ ဖြစ်မယ်” လို့ မဟာလီနာက ပြောပါတယ်။

အရင်က အိုလက်ရှ်ကီကနေ စကတ်ဒေါ့ဗ်စခ်၊ အဲဒီကနေတစ်ဆင့် ခရိုင်းမီးယား ဒါမှမဟုတ် ရုရှားဘက်ကို မီနီဘတ်စ်ကားတွေ သွားလာပြီး စားနပ်ရိက္ခာတွေ သယ်ယူရောင်းချနိုင်ခဲ့ပါတယ်။

ဒါပေမဲ့ ပစ်ခတ်တိုက်ခိုက်မှုတွေ ဖြစ်ပွားလာပြီးနောက် အဲဒီသွားလာမှုတွေ ရပ်တန့်သွားခဲ့ပါတယ်။ လူနာတင်ယာဉ် နှစ်စီးကို အစားထိုးအသုံးပြုပြီး အစားအစာသယ်ယူခဲ့ပေမဲ့ လွန်ခဲ့တဲ့ တစ်လခွဲခန့်က ယာဉ်မောင်းတစ်ဦး သေ
ဆုံးခဲ့တာကြောင့် အဲဒီယာဉ်တွေပါ မပြေးဆွဲတော့ဘူးလို့ ဆိုပါတယ်။

အခုဆိုရင် မြို့သားတွေဟာ တောင်ဘက် ကီလိုမီတာ ၂၀ (၁၂.၄ မိုင်) အကွာမှာရှိတဲ့ ရာဒန့်စခ် ကျေးရွာဆီကို ခြေလျင်ဖြစ်စေ၊ စက်
ဘီးနဲ့ဖြစ်စေ သွားပြီး ရိက္ခာဝယ်ယူနေကြရပါတယ်။

မြို့ကနေ ထွက်ခွာလိုသူတွေအတွက်လည်း လမ်းခရီးက အသက်အန္တရာယ်ရှိနေပါတယ်။ သူတို့ဟာ နောက်ထပ် ကီလိုမီတာ ၂၀ ဝေးတဲ့ တာရာဆီးဗ်ကာ ကျေးရွာအထိ သွားရပြီး အဲဒီကမှ စကတ်ဒေါ့ဗ်စခ်ကို မီနီဘတ်စ်ကား ဒါမှမဟုတ် ကားကြုံစီးပြီး ထွက်ခွာကြရပါတယ်။ ဒါပေမဲ့ လမ်းတစ်လျှောက်မှာ မိုင်းတွေ အများအပြား ထောင်ထားတာကြောင့် ထွက်ခွာဖို့ ကြိုးစားခြင်းဟာလည်း အန္တရာယ်ကြီးမားပါတယ်။

“ထွက်သွားရင်လမ်းမှာတင်သေသွားနိုင်တယ်”လို့ မဟာလီနာက ပြောပါတယ်။

အစားအစာရှာဖို့ ကြိုးစားခဲ့တဲ့ အမျိုးသမီးနှစ်ဦးလည်း မိုင်းနင်းမိပြီး သေဆုံးခဲ့ရပါတယ်။ အိုလက်ရှ်ကီမှာ မိုင်းနဲ့ ပေါက်ကွဲပစ္စည်းတွေကြောင့် ဒဏ်ရာရသူတွေ အများအပြားရှိပေမဲ့ လိုအပ်တဲ့ ဆေးကုသမှု မရရှိကြပါဘူး။

“ခြေထောက်ပြတ်သွားရင်တော့ သေပြီလို့သာ မှတ်လိုက်တော့။ ဆေးရုံမှာ ခွဲစိတ်ဆရာဝန် ရှိပေမဲ့ မေ့ဆေးဆရာဝန်ရော၊ ဆေးဝါးပါ မရှိဘူး” လို့ မဟာလီနာက ဆိုပါတယ်။ ဆေးရုံတက်နေရသူတွေရဲ့ အခြေအနေကလည်း ပိုမိုဆိုးရွားလာနေပါတယ်။

“ပြီးခဲ့တဲ့ ဆောင်းရာသီက ဟင်းချိုနဲ့ မုန့်နှစ်တုံး ရသေးတယ်။ အခုတော့ ရေနဲ့ကျိုထားတဲ့ ဂျုံပြုတ် တစ်ဇွန်းခွဲနဲ့ လက်ဖက်ရည်အေးပဲ ရတော့တယ်” လို့ သူမက ပြောပါတယ်။ အစားအစာနဲ့ ဆေးဝါး ပြတ်လပ်မှုအပြင် မြို့သားတွေအတွက် နောက်ထပ် အခက်အခဲတစ်ခုကတော့ ထွက်ခွာနိုင်ရေး ဖြစ်ပါတယ်။ နိုင်ငံကူးလက်မှတ် (ရုရှား သို့မဟုတ် ယူကရိန်း) မရှိခြင်းနဲ့ ငွေသားမရှိခြင်း တွေကြောင့်လည်း ဘေးလွတ်ရာကို ထွက်ခွာဖို့ ပိုမိုခက်ခဲနေပါတယ်။

ဒီလိုအခြေအနေတွေကြားမှာ အိုလက်ရှ်ကီမြို့သားတွေဟာ စစ်ပွဲရဲ့ ရှေ့တန်းမှာ တိုက်ပွဲဝင်နေသူတွေ မဟုတ်ပေမဲ့ စစ်ပွဲရဲ့အပြင်းထန်ဆုံး ဒဏ်ရာတွေကို ခံစားနေရသူတွေ ဖြစ်လာပါတယ်။ အကြီးမားဆုံး ပြဿနာကတော့ လူတွေဟာ အန္တရာယ်ထဲမှာ ပိတ်မိနေပြီး ထွက်ခွာနိုင်မယ့် လမ်းကို မတွေ့နိုင်တော့တာ ဖြစ်ပါတယ်။

မြို့သားတွေကို ဘေးလွတ်ရာ ရွှေ့ပြောင်းပေးနိုင်ဖို့ တစ်ခုတည်းသော နည်းလမ်းကတော့ လူသားချင်းစာနာမှုဆိုင်ရာ စမတ်လမ်း
ကြောင်း (Green Corridor) ဖွင့်ပေးဖို့ ဖြစ်တယ်လို့ အိုလက်ရှ်ကီမြို့ စစ်ဘက်ဆိုင်ရာ အုပ်ချုပ်ရေးမှူး တက်တီယာနာ ဟာဆန်နန်ကို က ပြောပါတယ်။

“အုပ်ချုပ်သူဘက်က လူတွေကို စစ်ဘေးနဲ့ ဝေးရာဆီ ရွှေ့ပေးရမယ်” လို့ သူမက ဆိုပါတယ်။

အိုလက်ရှ်ကီက အရပ်သားတွေ ရွှေ့ပြောင်းရေးအတွက် ပြီးခဲ့တဲ့နွေဦးကတည်းက ဆွေး
နွေးမှုတွေ စတင်ခဲ့ပါတယ်။ယူကရိန်း လွှတ်
တော် လူ့အခွင့်အရေး ကော်မရှင်နာ ဒီမီထရို လူဘီနက်စ် ရဲ့ ဦးဆောင်မှုနဲ့ ထွက်ခွာလိုသူတွေရဲ့ စာရင်းကိုလည်း ပြုစုခဲ့ပါတယ်။

“လူ ၃၅၈ ယောက်ကို အရေးပေါ် ရွှေ့ပြောင်းပေးဖို့ လိုအပ်နေပါတယ်” လို့ လူဘီနက်စ်က လူမှုကွန်ရက်မှာ ရေးသားခဲ့ပါတယ်။ ဒါပေမဲ့ အဲဒီစာရင်းဟာ လက်ရှိ သိရှိထားတဲ့ အရေ
အတွက်သာ ဖြစ်ပြီး မြို့ထဲမှာ လူ ၆,၀၀၀ ခန့် ကျန်ရှိနေသေးတယ်လို့ သူက ဆိုပါတယ်။

“ဒီမြို့ဟာ သေတွင်းကြီး ဖြစ်နေပါတယ်။ သူတို့ကိုအမြန်ဆုံးကယ်ထုတ်ဖို့လိုအပ်ပါတယ်” လို့ လူဘီနက်စ်က သတိပေးခဲ့ပါတယ်။ယူကရိန်းနဲ့ ရုရှားကြားမှာ ကနဦး သဘောတူညီချက်အချို့ ရရှိခဲ့ပြီး ယူကရိန်းတပ်ဖွဲ့တွေက အပစ်အခတ် ရပ်စဲပေးကာ အပြည်ပြည်ဆိုင်
ရာ ကြက်ခြေနီကော်မတီ (ICRC) က ကူညီပေးဖို့ စီစဉ်ခဲ့ပါတယ်။

ဒါပေမဲ့ ရုရှားဘက်ကတော့ ရွှေ့ပြောင်းရေးလုပ်ငန်းကို အမှန်တကယ် ဆောင်ရွက်လိုတဲ့ ဆန္ဒရှိကြောင်း အတည်မပြုဘဲ အချိန်ဆွဲနေခဲ့တယ်လို့ လူဘီနက်စ်က ပြောပါတယ်။ အဲဒီအတောအတွင်း အိုလက်ရှ်ကီမြို့သားတွေရဲ့ မျှော်လင့်ချက်တွေဟာတဖြည်းဖြည်း ပျောက်
ဆုံးလာနေပါတယ်။

“သူတို့က ရွှေ့ပြောင်းရေး ချက်ချင်းစတော့မယ်လို့ မျှော်လင့်ခဲ့ကြတာပါ။ အခုတော့ သူတို့ကို ဘာမျှော်လင့်ချက်မှ မပေးနိုင်တော့ဘူး” လို့ ဟာဆန်နန်ကိုက ဝမ်းနည်းစွာ ပြောပါတယ်။

အိုလက်ရှ်ကီမြို့ရဲ့ လက်ရှိအခြေအနေဟာ သမိုင်းတစ်လျှောက် အကြိမ်ကြိမ်တွေ့မြင်ခဲ့ရတဲ့ စစ်ပွဲတွေရဲ့ အကြီးမားဆုံး ပေးဆပ်ရသူတွေဟာ လက်နက်ကိုင်ထားသူတွေချည်းသာ မဟုတ်ဘဲ၊ ငြိမ်းချမ်းစွာနေထိုင်လိုတဲ့ သာမန်ပြည်သူတွေပါဖြစ်ကြောင်းပြသနေပါတယ်။

ကိုးကား - DW
ဓါတ်ပုံ-AP ၊ ရိုက်တာ ၊ Anadolu Agency

#ယူကရိန်းကျူးကျော်စစ်ပွဲ #ရုရှား
#အိုလက်ရှ်ကီမြို့ #အငတ်ဘေး
#peoplesspring #ludunwayoo

မြန်မာနိုင်ငံအကျဉ်းထောင်တွေထဲမှာ နိုင်ငံ
ရေးအကျဉ်းသူတွေ ကြုံတွေ့နေရတဲ့ လိင်ပိုင်းဆိုင်ရာ စော်ကားခံရမှုတွေ၊ လူ့ဂုဏ်သိက္ခာကို ထိခိုက်စေတဲ့ခန္ဒာကိုယ်စစ်ဆေးမှုတွေ၊ အ
သက်အန္တရာယ် တွေ့နိုင်သည်အထိ ဆေးကုသခွင့် ငြင်းပယ်ခံရမှုတွေ အပြင် ကိုယ်ဝန်
ဆောင်မိခင်တွေနဲ့ ကလေးတွေရဲ့ နာကျင်ဖွယ် အခြေအနေတွေကို အောက်ပါ ကိုယ်တွေ့မှတ်တမ်းတွေအပေါ် အခြေခံပြီး လူ့အခွင့်
အရေး စောင့်ကြည့်လေ့လာရေးအဖွဲ့ (Human Rights Watch) က စက်တင်ဘာ ၂၂ ရက်မှာ အစီရင်ခံစာတစ်ရပ် ထုတ်ပြန်ခဲ့ပါတယ်။

အဲဒီအစီရင်ခံစာအရ အာဏာသိမ်းပြီးချိန်ကစပြီး ဖမ်းဆီးခံခဲ့ရတဲ့ နိုင်ငံရေးအကျဉ်းသား ၃၀,၀၀၀ ကျော်ထဲမှာ လူထုခေါင်းဆောင် ဒေါ်အောင်ဆန်းစုကြည် အပါအဝင် အမျိုးသမီး ၆,၆၀၀ ကျော်နဲ့ ကလေးသူငယ် ၆၄၀ ဦး ပါ
ဝင်နေတယ်လို့ ဖော်ပြထားပါတယ်။

၂၀၂၅ ခုနှစ်နဲ့ ၂၀၂၆ ခုနှစ်အတွင်း Human Rights Watch က နိုင်ငံရေးအကျဉ်းသူဟောင်း ၁၇ ဦး၊ မိသားစုဝင် ၃ ဦး၊ ရှေ့နေနဲ့ ကူညီစောင့်ရှောက်သူ ၄ ဦးတို့ကို တွေ့ဆုံမေးမြန်းခဲ့ပါတယ်။ဖမ်းဆီးခံရချိန်ကတက်ကြွလှုပ်ရှားသူတွေ၊ သတင်းထောက်တွေ၊ ကျန်းမာရေးဝန်ထမ်းတွေနဲ့ကူညီကယ်ဆယ်ရေးဝန်ထမ်းတွေ ဖြစ်ခဲ့ကြတဲ့ဒီအကျဉ်းသူဟောင်းတွေဟာ ၂၀၂၁ ခုနှစ် စစ်အာဏာ
သိမ်းပြီးနောက်ပိုင်း စစ်ကြောရေးစခန်းတွေနဲ့ အကျဉ်းထောင် ၁၁ ခုမှာ ထိန်းသိမ်းခံခဲ့ရ သူတွေ ဖြစ်ခဲ့ကြပြီး၊ သူတို့ ကြုံတွေ့ခဲ့ရတဲ့ ကိုယ်တွေ့ အတွေ့အကြုံတွေကို အောက်ပါအတိုင်း ပြောပြကြပါတယ်။”

လိင်ပိုင်းဆိုင်ရာနဲ့ Gender (ကျား၊ မ ဆိုင်ရာ ဖြစ်တည်မှု) အပေါ် အခြေခံတဲ့ အကြမ်းဖက်မှုတွေဟာ ထိန်းသိမ်းခံထားရသူတွေအပေါ် ပြုလုပ်တဲ့ ပုံမှန် ညှဉ်းပန်းနှိပ်စက်မှုပုံစံတစ်မျိုး ဖြစ်ပြီး၊ မုဒိမ်းကျင့်မှု၊ လိင်ပိုင်းဆိုင်ရာ အရှက်ခွဲမှု၊ စော်ကားတဲ့ပုံစံနဲ့ ခန္ဓာကိုယ်အတွင်းထိ စစ်ဆေးမှုတွေနဲ့ စောင့်ကြည့်မှုတွေ ပါဝင်ပါတယ်။

နိုင်ငံရေးအကျဉ်းသားများ အဖွဲ့အစည်းရဲ့ ကိုယ်စားလှယ်တစ်ဦးက စစ်ကြောရေးအတွင်း မုဒိမ်းကျင့်ခံရမှုနဲ့ လိင်ပိုင်းဆိုင်ရာ အကြမ်းဖက်ခံရမှုတွေကို မှတ်တမ်းတင်ထားနိုင်ခဲ့ကြောင်း ပြောပြပါတယ်။ ၂၀၂၁ ခုနှစ်နဲ့ ၂၀၂၃ ခုနှစ်ကြား အင်းစိန်နဲ့ ဒိုက်ဦးထောင်တွေမှာ ထိန်းသိမ်းခံခဲ့ရတဲ့ အမျိုးသမီးတစ်ဦးရဲ့ ပြောကြားချက်အရ ထောင်ဝန်ထမ်းတွေဟာ ဆေးဝါး ဒါမှမဟုတ် အခြား လိုအပ်ချက်တွေနဲ့ လဲလှယ်ပြီး အကျဉ်းသူအချို့ကို လိင်ပိုင်းဆိုင်ရာအမြတ်ထုတ်မှုကိုလက်ခံဖို့ စည်းရုံးဆွဲဆောင်ခဲ့တယ်လို့ ဆိုပါတယ်။

အင်းစိန်အကျဉ်းထောင်က အမျိုးသမီးတွေဟာ တရားရုံးကနေ ပြန်လာတဲ့အချိန်နဲ့ အပြင်မထွက်ခင် မူးယစ်ဆေး ဒါမှမဟုတ် ထောင်တွင်းမှ စာတွေပါ၊မပါ ရှာဖွေစစ်ဆေးတယ်ဆိုတဲ့ အကြောင်းပြချက်နဲ့ ဂုဏ်သိက္ခာကို ထိ
ခိုက်စေတဲ့ ခန္ဓာကိုယ်စစ်ဆေးမှုတွေ ပြုလုပ်ခံခဲ့ရကြောင်း ပြောပြကြပါတယ်။

“တရားရုံးကနေ ထောင်အတွင်းကို ပြန်လာတိုင်း အမျိုးသမီးဝန်ထမ်းတွေက ခန္ဓာကိုယ်စစ်ဆေးမှု လုပ်ကြတယ်။ ပြင်ပကို စာတွေ မပေးလိုက်အောင်ဆိုပြီး ကျွန်မတို့ ခန္ဓာကိုယ်ထဲကို သူတို့ လက်ချောင်းတွေ ထည့်စစ်တာ။ အဲဒါက ပုံမှန်လုပ်ထုံးလုပ်နည်းပဲ။ ရာသီလာနေတဲ့ အမျိုးသမီးတွေ ဆိုရင် လစဉ်သုံးဂွမ်းကတ်ကို အတွင်းခံကနေ ခွာပြီး ပြရတယ်” လို့ ခိုင်ဇာက ပြောပါတယ်။

အကျဉ်းထောင် ငါးခုမှာ ထိန်းသိမ်းခံခဲ့ရတဲ့ အမျိုးသမီးတွေက ရေချိုးချိန် ဒါမှမဟုတ် အဝတ်အစား လဲချိန်တွေမှာ တိုက်ရိုက်ဖြစ်စေ၊ CCTV ကင်မရာတွေကတစ်ဆင့်ဖြစ်စေ စောင့်ကြည့်ခံခဲ့ရကြောင်းဖော်ပြကြပါတယ်။

“မျှော်စင်ပေါ်က ရဲတွေက စိုက်ကြည့်နေတော့ ရေချိုးရတာ လုံခြုံမှု မရှိဘူး” လို့ ၂၀၂၄ ခုနှစ်နဲ့ ၂၀၂၅ ခုနှစ်ကြား ပြည်အကျဉ်းထောင်မှာ ထိန်းသိမ်းခံခဲ့ရသူ မချိုချိုဝင်း (၂၁ နှစ်) က ပြောပါတယ်။

“CCTV တွေက အဝတ်အစားလဲခန်းအပါအ
ဝင် နေရာတိုင်းမှာ ရှိတယ်။ CCTV စောင့်ကြည့်တဲ့ သူတွေက အမျိုးသားတွေဖြစ်လို့ လုံခြုံမှု မရှိကြဘူး။ အချို့ အမျိုးသမီးတွေဆို ရေကို မချိုးရဲ ကြ‌တော့ဘူး” လို့ သူက ပြောပါတယ်။

မြန်မာနိုင်ငံဆိုင်ရာ ကုလသမဂ္ဂ လွတ်လပ်သော စုံစမ်းစစ်ဆေးမှု ယန္တရား (IIMM) ရဲ့ ၂၀၂၅ ခုနှစ်တွေ့ရှိချက်မှာလည်း “ထိန်းသိမ်းရေးစခန်းတွေမှာ အသက်အရွယ်မျိုးစုံနဲ့ လိင်အမျိုးအစား မျိုးစုံရှိသူတွေအပေါ် လိင်ပိုင်းဆိုင်ရာနဲ့ ကျား၊ မ ဆိုင်ရာ ဖြစ်တည်မှု အခြေ
ပြု ရာဇဝတ်မှုတွေကို စနစ်တကျ ကျူးလွန်နေတယ်လို့ ဆိုပါတယ်။

ဒီရာဇဝတ်မှုတွေထဲမှာ မုဒိမ်းကျင့်မှု (အုပ်စုလိုက် မုဒိမ်းကျင့်မှုနဲ့ အကြိမ်ကြိမ် မုဒိမ်းကျင့်မှု)၊ စအိုနဲ့ မိန်းမကိုယ်အပေါက်တွေအတွင်း ပစ္စည်းတွေ ထည့်သွင်းခြင်း၊ ဆန္ဒမပါဘဲ လိင်ပိုင်းဆိုင်ရာ အတင်းအကျပ်စေခိုင်းခြင်း၊ လိင်အင်္ဂါတွေကို ဆေးလိပ် ဒါမှမဟုတ် မီးရှို့ထားတဲ့ ပစ္စည်းတွေနဲ့ ထိုးမီးရှို့ခြင်း၊ လိင်ပိုင်းဆိုင်
ရာ ကိုင်တွယ်ခြင်း ဒါမှမဟုတ် အဝတ်အစားတွေကို အပြည့်အဝဖြစ်စေ၊တစ်စိတ်တစ်ပိုင်းဖြစ်စေ အဓမ္မ ချွတ်ခိုင်းခြင်း၊ အရှက်ရစေဖို့ ရည်ရွယ်တဲ့ ခန္ဓာကိုယ်အတွင်းထိ စစ်ဆေးခြင်း၊ အမျိုးသမီးတွေနဲ့ လိင်တူချစ်သူတွေကို စော်ကားတဲ့ ဆဲဆိုမှုတွေ၊ လိင်ပိုင်းဆိုင်ရာ အ

ကြမ်းဖက်မယ်လို့ ခြိမ်းခြောက်မှုတွေ၊ လိင်နဲ့ လိင်စိတ်တိမ်းညွတ်မှုအပေါ် အခြေခံတဲ့ အ
ကြမ်းဖက်မှုတွေနဲ့ မျိုးဆက်ပွားဆိုင်ရာ အ
ကြမ်းဖက်မှုတွေ(အထူးသဖြင့် အမျိုးသမီး
တွေနဲ့ မိန်းကလေးငယ်တွေအပေါ်) ပါ ဝင်ပါတယ်။”


https://www.ludunwayoo.com/feature-mm/2026/09/25/169191/

ကချင်ဒေသစစ်ပွဲတွေမှာ အထိနာတဲ့ စစ်တပ်နဲ့ ပြည်သူ့စစ်က လူငယ်တွေကို စစ်သားစုဆောင်းဖို့ ကြိုးပမ်းနေ

▪️ပူတာအိုဒေသမှာ စစ်တပ်နဲ့ ပြည်သူ့စစ်က စစ်မှုထမ်းလူ ၂၅၀၀ ပြည့်မီအောင် နည်းမျိုးစုံနဲ့ စုဆောင်းဖို့ လုပ်နေဟုဆို

စက်တင်ဘာ ၂၅၊ ၂၀၂၆။ ထားမြတ်/People’s Spring

ကချင်ပြည်နယ်အတွင်းတိုက်ပွဲတွေမှာ အထိနာနေတဲ့ စစ်တပ်နဲ့ ပြည်သူ့စစ်အဖွဲ့တွေဟာ
ပူတာအို၊ မချမ်းဘော၊ နောင်မွန်း၊ မြစ်ကြီးနားစတဲ့​ဒေသ​တွေမှာ လူငယ်အများအပြားကို စစ်သားစုဆောင်းဖို့ ကြိုးစားနေကြောင်း ကချင်စစ်ရေး သတင်းရင်းမြစ်အချို့ကပြောကြားသလို ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနကလည်း သတင်းဖော်ပြပါတယ်။

ပြီးခဲ့တဲ့ တပတ်အတွင်း KIAသတင်းပြန်ကြားရေးဌာနရဲ့ ဖော်ပြချက်တွေအရ အာဏာသိမ်း စစ်တပ်နဲ့ ပြည်သူ့စစ်တွေဟာပူတာအို၊ မချမ်းဘော၊ နောင်မွန်း၊ မြစ်ကြီးနား၊ မိုးကောင်း၊ နမ္မတီးမြို့ စတဲ့ ကချင်ဒေသ အများအပြားမှာ စစ်သားစုဆောင်းတာ၊လူငယ်တွေစစ်မှုထမ်းဖို့ အမည်စာရင်းသွင်းခိုင်းတာတွေရှိတယ်လို့ သိရပါတယ်။

ခေါင်လန်ဖူးမြို့နယ်တိုက်ပွဲမှာ အထိနာခဲ့တဲ့ စစ်တပ်ဟာ အဲဒီဒေသကိုစစ်အင်အားဖြည့်
တင်းဖို့ ပူတာအို ၊ မချမ်းဘော၊ နောင်မွန်းနဲ့ အနီးတ၀ိုက်ရွာတွေက လူငယ် ၁၉၀ ကျော်ကို အဓမ္မစုဆောင်းရေးခေါ်ဆောင်သွားသလို ပစ္စည်သယ်​ပေးဖို့ ရွာတိုင်းမှာ ပေါ်တာဆွဲနေတယ်လို့ KIAက အသိပေးထားပါတယ်။

ဒါ့အပြင် မြစ်ကြီးနားမြို့မှာလည်းစစ်တပ်က လူငယ်တွေကို စစ်မှုထမ်းခိုင်းဖို့အမည်စာရင်းတွေထပ်မံတောင်းဆိုနေကြောင်းလည်း ဖော်ပြထားပါတယ်။စက်တင်ဘာ ၁၆ရက်နေ့မှာ အမည်စာရင်းသွင်းရမယ်လို့စစ်တပ်က အမိန့်ထုတ်ထားပေမဲ့ စာရင်းပေးသွင်းသူမရှိလို့ စက်တင်ဘာ ၁၈ရက်မှာထပ်မံ ညွှန်ကြားခဲ့တယ်လို့ ဆိုပါတယ်။

ဒါ့အပြင် စက်တင်ဘာ ၁ ရက်ကလည်း နမ္မတီးနဲ့ မိုးကောင်းမြို့တွေမှာ လူငယ် စာရင်းတွေ တင်ပြဖို့ စစ်တပ်ကညွှန်ကြားထားတာရှိတယ်လို့လည်း ဖော်ပြထားပါတယ်။

အလားတူ ပူတာအိုမှာလည်း စစ်တပ်နဲ့ ခေါင်လန်ဖူး ပြည်သူ့စစ်တွေကလူဦးရေထောင်ချီ စစ်သားစုဆောင်းဖို့ ကြိုးပမ်းနေလို့ ပူတာအိုဒေသခံများ သတိပြုနေထိုင်ဖို့ ရဝမ်မဟာမိတ်အဖွဲ့ (Rvwang Alliance) ကထုတ်ပြန်ပါတယ်။ စစ်တပ်နဲ့ ခေါင်လန်ဖူး ပြည်သူ့စစ်အဖွဲ့များအတွက် လူဦးရေ ၂,၅၀၀ ပြည့်မီအောင် နည်းလမ်းမျိုးစုံဖြင့်လူစုဆောင်းရန်တောင်းဆိုထားကြောင်း သတင်းရရှိထားတာလို့ ​ဖော်ပြထားပါတယ်။

လက်ရှိမှာလည်းလူငယ်မရှိတဲ့အိမ်ထောင်စုတစ်စုလျှင်ကျပ် ၅၀,၀၀၀ ထည့်ဝင်ရန်
တောင်းခံနေသလို လူငယ်​တွေကို အထမ်းသမားအဖြစ် စုဆောင်းတာ၊ ဖမ်းဆီးခေါ်ဆောင်တာ​တွေ ရှိနေတယ်လို့ ဖော်ပြထားပါတယ်။ အချို့လူငယ်​တွေဟာ ငွေကျပ်သိန်း ၂၀၀ အထိပေးပြီး​တော့ ပြန်လည်ရွေးယူရတဲ့ အခြေအနေရှိကြောင်းလည်း Rvwang Allianceက ထုတ်ပြန်ပါတယ်။

စစ်တပ်ဟာနိုင်ငံတဝန်းမှာ နည်းမျိုးစုံနဲ့ စစ်သားသစ်စု​ဆောင်းနေသလို တဖက်မှာလည်း ပြန်ပေးဆွဲသလို လူငယ်တွေကို ဖမ်းဆီးပြီး ငွေနဲ့ ရွှေးခိုင်းနေတာတွေ လုပ်​နေပါတယ်။

ပူတာအိုဒေသ လူစုဆောင်းရေးအစီအစဉ်ကို ရဝမ်ရိုးရာယဉ်ကျေးမှု ခေါင်းဆောင်​တွေက ဦးဆောင်နေကြောင်း ဖော်ပြထားတဲ့ စာရွက်စာတမ်းတွေအရ သိရတာလို့ ဆိုပါတယ်။

စုဆောင်းရတဲ့လူငယ်တွေကိုမြန်မာနိုင်ငံအောက်ပိုင်းဒေသများမှာစစ်ရေးတာဝန်များ ထမ်းဆောင်ဖို့ လေယာဉ်ဖြင့် ပို့ဆောင်နေသလိုခေါင်လန်ဖူးဒေသရှိ တိုက်ပွဲ​တွေမှာအသုံးပြုဖို့လည်း ဖြစ်ကြောင်း သတင်းရရှိတယ်လို့ Rvwang Alliance ကထုတ်ပြန်ပါတယ်။

ပူတာအိုနဲ့ ခေါင်လန်ဖူးဒေသ မှာ စစ်တပ်နဲ့ ပြည်သူ့စစ်က စစ်သားသစ် ၂၅၀၀ ရဖို့စု
ဆောင်းနေတာဟာ စစ်တပ်ကတိုက်ပွဲတွေမှာ အထိနာနေတာကြောင့်ဖြစ်တယ်လို့ ကချင်စစ်ရေးသတင်းရင်းမြစ်က ပြောကြားပါတယ်။

(၂၀၂၅ အောက်တိုဘာ ၇ရက်က ပူတာအိုဒေသမှာ စစ်တပ်လက်အောက်ခံ ပြည်သူ့စစ်တွေက ဦးဆောင်ကာ KIA PDFကို ကန့်ကွက်ဆန္ဒပြနေကြစဉ်။ ဓာတ်ပုံ - N Gun Madun sumla)

စက်သုံးဆီဈေး တစ်လီတာ ကျပ် ၆၀၀ကျော်အထိ မြင့်တက်

စက်တင်ဘာ-၂၅၊၂၀၂၆။ဇော်ဝင်း၊ရောင်နီ/People's Spring

ရန်ကုန်မြို့ စက်သုံးဆီ ဈေးကွက်မှာ အမျိုးအစားအလိုက် တစ်လီတာကို ကျပ် ၆၀၀ ကျော်မြင့်တက်ခဲ့ပြီး ဓာတ်ဆီဈေးတွေ လေးထောင်ကျော်ကို ပြန်လည်ရောက်ရှိခဲ့တယ်လို့ ယာဉ်ပိုင်ရှင်တွေကပြောပါတယ်။

ဒီ‌နေ့(စက်တင်ဘာ၂၅) ထုတ်ပြန်တဲ့ စစ်တပ်ရဲ့ စက်သုံးဆီရည်ညွှန်းဈေးတွေအရ ရန်ကုန်မြို့မှာ ဓာတ်‌ဆီ ၉၂ တစ်လီတာ ၄၄၅၀ ကျပ် ၊ ဓာတ်‌ဆီ ၉၅ တစ်လီတာ ၄၆၀၀ ကျပ် ၊ ဒီဇယ်တစ်လီတာ ၄၇၉၀ ကျပ်နဲ့ ပရီမီယံဒီဇယ်တစ်လီတာ ၅၇၉၅ ကျပ် သတ်မှတ်ထားပါတယ်။

အဲဒီဈေးနှုန်းတွေက ပြီးခဲ့တဲ့တစ်ပတ်ဈေးနှုန်းတွေနဲ့ယှဉ်ရင် ဓာတ်‌ဆီ ၉၂ တစ်လီတာ ၆၂၅ ကျပ် ၊ ဓာတ်‌ဆီ ၉၅ တစ်လီတာ ၆၅၀ ကျပ် ၊ ဒီဇယ်တစ်လီတာ ၆၄၀ ကျပ်နဲ့ ပရီမီယံဒီဇယ်တစ်လီတာ ၇၄၅ ကျပ် မြင့်တက်လာခဲ့တာပါ။

"ပြည်တွင်းဈေးနဲ့ပြောရရင်တစ်လီတာ ဈေးအတော်အတက်ကြမ်းတယ်ပြောရမယ်။အရှေ့အလယ်ပိုင်း စစ်ရေးနဲ့အရေးယူမှုတွေကြောင့်လည်းကမ္ဘာ့ရေနံစိမ်းလည်း အတက်ပြနေတဲ့ အခြေအနေရှိတယ်။မြန်မာ ယူနေရတဲ့ စင်ကာပူ ရေနံဈေးကွက်မှာလည်း ဓာတ်ဆီ ဈေးတွေ တက်နေတယ်"လို့ ရေနံစည်ဈေးကွက်ကို လေ့လာသူတစ်ဦးက ပြောပါတယ်။

စက်သုံးဆီဈေးတွေက ပြီးခဲ့တဲ့ ဖေဖော်ဝါရီလကုန်ပိုင်းက အမေရိကန်-အီရန် ပဋိပက္ခတွေကြောင့် တရှိန်ထိုးတတ်ခဲ့ပြီး ဧပြီလအထိ တစ်လကျော်အတွင်းမှာ စက်သုံးဆီအမျိုးအစားအလိုက် တစ်လီတာကို ငွေကျပ် နှစ်ထောင်ကျော် ကနေ ငါးထောင်အထိ တက်ခဲ့တာပါ။ ပရီမီယံဒီဇယ်ဆိုရင် ရန်ကုန်ဈေးကွက်မှာ သမိုင်းတစ်လျှောက် အမြင့်ဆုံးဈေးဖြစ်တဲ့ တစ်လီတာ ၇,၇၅၅ ကျပ်အထိ မြင့်တတ်ခဲ့တာပါ။

အဲဒီနောက် ဧပြီလလယ်ကစတင်ပြီး စက်သုံးဆီဈေးတွေ ပြန်လည်ကျဆင်းလာခဲ့ပေမယ့် ဖေဖော်ဝါရီက ရည်ညွန်းဈေးအထိတော့ ရောက်ရှိလာခြင်းမရှိသေးပါဘူး။

ဧပြီလလယ်ကနေ ဇူလိုင်လလယ်အထိသုံးလအတွင်း ကျဆင်းလာတဲ့ စက်သုံးဆီဈေးက ပြီးခဲ့တဲ့ ဇူလိုင်လကုန်ပိုင်းမှာ ဈေးပြန်တက်လာခဲ့ပြီး စက်တင်ဘာအထိ အတက်အကျအနည်းငယ်သာအပြောင်းအလဲရှိခဲ့တာပါ။

"ဈေးကတက်ရင် ရာနဲ့ ထောင်နဲ့ချီတယ်။ ကျရင်တော့ ဆယ်ဂဏန်းတောင် ခပ်လှုပ်လှုပ်ရယ်" လို့ ယာဉ်မောင်းတစ်ဦးက ပြောပါတယ်။

(စစ်တပ်မြို့တော် ပြင်ဦးလွင်မြို့မှာစက်သုံးဆီဝယ်ဖို့တန်းစီ​နေသူ​တွေကို ၂၀၂၆ မတ်လဒုတိယပတ်က တွေ့ရစဥ်။ ဓါတ်ပုံ-CJ)

လိုင်ဇာမြို့ကို စစ်တပ်က လေယာဉ် ၂ရက်ဆက် ပျံဝဲလို့ တရုတ်က မီးကျည်ပစ်ခတ် သတိပေး၊ ပြည်သူတွေ ထိတ်လန့် ပုန်းခိုခဲ့ရဟု KIA ပြော

▪️စစ်ရှုံးမှုများလာတဲ့ စစ်တပ်ဟာ ဗန်းမော်၊ ရွှေကူ၊ ဖားကန့်ဒေသတွေ ဗုံးကြဲ

စက်တင်ဘာ ၂၅။ ထားမြတ်/People’s Spring

ကချင်လွတ်လပ်ရေးအဖွဲ့/ကချင်လွတ်လပ်ရေးတပ်မတော်(KIO/KIA) ဌာနချုပ် လိုင်ဇာမြို့ကို အာဏာသိမ်းစစ်တပ်က ၂ရက်ဆက် လေယာဉ်ပျံဝွဲခဲ့လို့ လေယာဉ်ပျံဝဲချိန် တရုတ်အစိုးရက မီးကျည်ပစ်ခတ် သတိပေးမှု ပြုလုပ်ခဲ့ကြောင်း KIO/KIA သတင်းပြန်ကြားရေးဌာနက ဖော်ပြပါတယ်။

စစ်တပ်က စက်တင်ဘာ ၂၃ရက်နဲ့ ၂၄ရက်တွေမှာ Y12 လေယာဉ်နဲ့ လိုင်ဇာအပါအဝင် မြန်မာ-တရုတ်နယ်စပ်တကြော ပျံဝဲခဲ့တာပါ။

စစ်တပ်လေယာဉ် ပျံဝဲတာကြောင့် ပြည်သူတွေ ထိတ်လန့်ခဲ့ပြီး ကတုတ်ကျင်း အတွင်း ပုန်းခိုခဲ့ရတဲ့ ပြည်သူတွေ ရှိခဲ့ကြောင်း KIAက ဖော်ပြပါတယ်။

ကချင်စစ်ရေးသတင်းရင်းမြစ်ရဲ့ ပြောပြချက် အရ စက်တင်ဘာ ၂၃ရက်မှာ စစ်တပ်လေယာဉ် လာရောက်စဉ် တရုတ်ဘက်ကလည်း တရုတ်ဘက်ခြမ်း နယ်စပ်တလျှောက် လေယာဉ်ပျံဝဲခဲ့တယ်လို့ ဆိုပါတယ်။

စစ်တပ်ဟာ ကချင်ပြည်နယ်ကို ကုန်းလမ်းရေလမ်းများနဲ့ စစ်အင်အား၊ လက်နက်ရိက္ခာ ဖြည့်တင်းဖို့ ကြိုးစားပေမဲ့ စစ်ရှုံးမှုများလာလို့ တိုက်လေယာဉ်တွေကို အဓိက အားပြုပြီး မြို့ရွာတွေကို ဗုံးကြဲတိုက်ခိုက်နေကြောင်းလည်း KIAက ဖော်ပြပါတယ်။

စက်တင်ဘာ ၂၄ရက်မှာ ဗန်းမော်မြို့နယ် စင်းခန်းအနီး လေယာဉ်ဗုံးကြဲတာရှိခဲ့ပြီး ထိခိုက်မှုရှိမရှိ စုံစမ်းနေတယ်လို့ KIAက အသိပေးပါတယ်။

ဒါ့အပြင် KIA အမှတ်(၁၁)နယ်မြေ အမှတ်(၁၂) တပ်ရင်း ရွှေကူနယ်ကို စစ်တပ်က စက်တင်ဘာ ၂၄ရက်မှာ လေယာဉ်ဗုံးကြဲရာ ပြည်သူ ၄ဦး ထိခိုက်ခဲ့ဟု ဆိုပါတယ်။

ရွှေကူမြို့နယ်ကို စစ်တပ်က ဂျက်ဗိုက်တာနဲ့ ဗုံး ၄လုံး၊ Y12လေယာဉ်နဲ့ ဗုံး၂၈လုံး ကြဲချတိုက်ခိုက်ခဲ့တာလို့ ဖော်ပြပါတယ်။

ဒါ့အပြင် ဖားကန့်မြို့နယ် တပ်မဟာ(၉) နယ်မြေမှာလည်း စက်တင်ဘာ ၂၄ရက်မှာ ဂျက်ဖိုက်တာ သုံးစီးနဲ့ ဗုံး ၆လုံး၊ Y12နဲ့ ဗုံး ၂၁ လုံး ကြဲချခဲ့ကြောင်း ထုတ်ပြန်ပါတယ်။ အဲဒီတိုက်ခိုက်မှုမှာတော့ ပြည်သူများနဲ့ ပြည်သူ့နေအိမ်တွေထိခိုက်မှုမရှိခဲ့ဘူးလို့ အသိပေးပါတယ်။

စစ်တပ်ဟာ ကချင်ပြည်နယ်ကို လေကြောင်းတိုက်ခိုက်တာတွေ စစ်ရေးလှုပ်ရှားတာတွေ ဆက်တိုက်ပြုလုပ်နေတယ်လို့လည်း ဖော်ပြထားပါတယ်။

KIO ဗဟို အုပ်ချုပ်ရေးရုံးကလည်း စစ်တပ်လေကြောင်းရန် အထူးသတိပေးချက်ကို စက်တင်ဘာ ၂၂ရက်နေ့စွဲနဲ့ ထုတ်ပြန်ခဲ့ပြီး လူစုလူဝေး မလုပ်ဖို့၊ အရေးကြီးကိစ္စမရှိဘဲ ခရီးဝေးမသွားဖို့၊ လေကြောင်းသတင်းတွေ အချင်းချင်း သတိပေးဖို့၊ နေအိမ်တိုင်း ကတုတ်ကျင်းတူးထားဖို့ တိုက်တွန်းထားပါတယ်။


ရုပ်သံ - Naw Tu Awng/FB

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA #လိုင်ဇာလေကြောင်းကင်းထောက်မှု #တရုတ်မီးကျည်ပစ်ခတ်သတိပေးမှု #KIOဌာနချုပ်လိုင်ဇာ #တရုတ်မြန်မာနယ်စပ် #မြန်မာ့စစ်ရေးသတင်း #LaizaReconnaissance #ChinaWarningFlares #KIOHQ #ChinaMyanmarBorder #KachinConflict #MyanmarConflict #MyanmarNews

မြောက်ဒဂုံမှာ ဆိုင်ကယ်ကယ်ရီသမားတစ်ဦး နေအိမ်ရှေ့တင် ပျောက်ဆုံး

စက်တင်ဘာ ၂၅၊ ၂၀၂၆။ မေရီ/People's Spring

ရန်ကုန်မြို့၊ မြောက်ဒဂုံမြို့နယ်မှာ အသက်(၃၁) နှစ်အရွယ် ဆိုင်ကယ်ကယ်ရီသမားတစ်ဦး နေအိမ်ရှေ့တင် ပျောက်ဆုံးသွားကြောင်း သတင်းရရှိပါတယ်။

စက်တင်ဘာ ၂၁ ရက် ညနေ ၄ နာရီခန့် ဒဂုံမြို့သစ်မြောက်ပိုင်း၊ အမှတ်(၅၁)ရပ်ကွက်၊ ရာဇသင်္ကြန်လမ်း၊ မြောက်ဒဂုံကြိုးတံတားအနီးနေ ဆိုင်ကယ်ကယ်ရီဆွဲတဲ့ ကိုချမ်းမင်းပိုင်ဆိုသူဟာ နေအိမ်ရှေ့ ခေတ္တထွက်နေစဥ် ပျောက်ဆုံးသွားလို့ ၎င်းမိသားစုဝင်တွေက မကွေးကျောင်းဆရာတော် ဦးပါမောက္ခထံ သွားရောက်အကူညီတောင်းခံခဲ့ပါတယ်။

မိသားစုဝင်တွေဟာ မြောက်ဒဂုံရဲစခန်းမှာလည်း လူပျောက်တိုင်ကြားထားကြောင်း၊ မိသားစုဝင်တွေဟာ စိတ်ဆင်းရဲကိုယ်ဆင်းရဲ ဖြစ်နေရတာကြောင့် သက်ဆိုင်သူတွေအနေနဲ့ အမြန်ဆုံးဆက်သွယ်ပေးဖို့ မကွေးကျောင်းဆရာတော်က မေတ္တာရပ်ခံထားပါတယ်။

ရန်ကုန်မြို့က လှိုင်သာယာ၊ ရွှေပြည်သာ၊ အင်းစိန်၊ လှည်းကူး၊ မင်္ဂလာတောင်ညွန့်၊ သာကေတ၊ တောင်ဒဂုံ၊ သင်္ဃန်းကျွန်း၊ ဒေါပုံ၊ စမ်းချောင်းစတဲ့ မြို့နယ် ၁၀ ခုမှာ သြဂုတ်လအတွင်း ဖမ်းဆီးခံရသူ ၃၀ ထက်မနည်း ရှိခဲ့တယ်လို့ ရန်ကုန်တိုင်းက မြေပြင်ကင်းထောက်သတင်းတွေ ဖြန့်ဝေပေးနေတဲ့ Rangoon Scout Network - RSN ရဲ့ ထုတ်ပြန်ချက်တွေမှာ ဖော်ပြထားတယ်။ အဲဒီဖမ်းဆီးခံရသူတွေထဲမှာ လူမြင်သူမြင် ကားလမ်းမဘေးရှိနေချိန်၊ သွားလာနေချိန် အဖမ်းခံရသူက ၂၆ ဦးတောင် ရှိခဲ့ပါတယ်။ ပြီးခဲ့တဲ့ ဇူလိုင်လထဲမှာလည်း ရန်ကုန်တိုင်းအတွင်း ဖမ်းဆီးခံရမှုဟာ လူ ၉၀ ထက်မနည်း ရှိခဲ့တယ်လို့ RSN က ဖော်ပြပါတယ်။

အလားတူ စက်တင်ဘာ ၁ ရက်ကနေ ၁၀ ရက်အတွင်းမှာလည်း တရား ဖမ်းဆီးခံခဲ့ရသူအများအပြားရှိခဲ့ပြီး မြို့နယ် ၁၀ မြို့နယ် မှ လူ ၃၈ ဦးရှိခဲ့တယ်လို့ RSN ရဲ့ ထုတ်ပြန်ချက်အရ သိရပါတယ်။

ရန်ကုန်မြို့မှာ လူငယ်တွေကို ဖမ်းဆီးနေတဲ့အဖွဲ့တွေ သောင်းကျန်းနေတာကို ရွှေပြည်သာမြို့နယ်၊ ဘိုရှည်ကုန်းကျေးရွာက စစ်ကောင်စီခန့်အုပ်ချုပ်ရေးမှူး ဝင်းဇော်က ဝန်ခံခဲ့ပါတယ်။ ရန်ကုန်မြို့၊ လှိုင်သာယာနဲ့ ရွှေပြည်သာမြို့နယ်တွေမှာ လူဖမ်းပြီး စစ်မှုထမ်းရောင်းစားသူတွေ ဆိုးရွားနေပြီး စက်တင်ဘာ ၄ ရက်နေ့ကပဲ ၎င်းရပ်ကွက်ထဲက လူငယ်တစ်ဦး ဖမ်းဆီးခံလိုက်​ရကြောင်း ၎င်းအုပ်ကြီးက ပြောပါတယ်။

ဖမ်းဆီးခံရတဲ့စာရင်းတွေပြုစုထားတဲ့ RSNက စစ်တပ်ရဲ့စစ်မှုထမ်းသင်တန်း အမှတ်စဉ်သစ် စခါနီးကာလတွေမှာ ၎င်းတို့သတ်မှတ်လူစာရင်း အရေအတွက်ပြည့်မှီဖို့အတွက် လူစုဆောင်းပေးနေသူတွေက နည်းလမ်းမျိုးစုံနဲ့လူလိုက်ဆွဲနေလို့ အဲဒီကာလတွေဟာ ဖမ်းဆီးတာပိုများတယ်လို့ ဆိုပါတယ်။

အာဏာသိမ်းစစ်တပ်ဟာ လာမယ့်အောက်တိုဘာမှာ စစ်မှုထမ်းအပတ်စဥ် (၂၉)ကို စတင်နိုင်ဖို့အတွက် ဒေသအသီးသီးမှာ စစ်မှုထမ်းဆင့်ခေါ်တာ၊ ပေါ်တာဆွဲတာတွေ ဆက်တိုက်ပြုလုပ်နေပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA #မြောက်ဒဂုံဆိုင်ကယ်ကယ်ရီပျောက်ဆုံးမှု #ဆိုင်ကယ်ကယ်ရီသမားပျောက်ဆုံး #မြောက်ဒဂုံမြို့နယ် #ရန်ကုန်မြို့ပြသတင်း #NorthDagonMissingPerson #BikeTaxiDriverMissing #NorthDagonTownship #YangonUrbanNews #MyanmarNews

ကောလင်းမြို့နယ်ကိုစစ်တပ် ဗုံးကြဲ သုံးဦးသေဆုံး ရှစ်ဦး ဒဏ်ရာရ

■အင်းတော်ဗုံးကြဲခံရမှုသေဆုံးသူငါးဦးရှိလာ

စက်တင်ဘာ-၂၅၊၂၀၂၆။ဇော်ရမ်း၊ကတ်သရင်း/People's Spring

အာဏာသိမ်းစစ်တပ်က စစ်ကိုင်းတိုင်း၊​ကောလင်းမြို့နယ်အတွင်း စစ်​ဘေး​ရှောင်ပြည်သူ​တွေနေထိုင်ရာတွေကို ယမန်​နေ့ည​နေပိုင်းမှာ လေကြောင်းကနေ ဗုံးကြဲခဲ့တာ​ကြောင့် ဒေသ
ခံပြည်သူ သုံးဦးသေဆုံးပြီး ခြောက်ဦးဒဏ်
ရာရခဲ့တယ်လို့ ဒေသခံတွေက ပြောပါတယ်။

ကောလင်းမြို့နယ်၊ကိုက္ကိုကုန်းရွာကို စက်
တင်ဘာလ ၂၄ရက်ညနေ ၅နာရီ၂၀မိနစ်မှာ စစ်တပ်က ဂျက်ဖိုက်တာနဲ့ ဗုံးကြဲတာလို့သိရ ပါတယ်။

"ဖိုက်တာနဲ့ ပေါင် ၃၀၀၊ပေါင် ၅၀၀ဗုံးတွေကြဲတာပါ။ ဒဏ်ရာရတဲ့အထဲမှာ ခြေလက်ဖြတ်တောက်ရမယ့်သူတွေပါတယ်။ ‌သေဆုံးသူတွေထဲမှာကျမဦး‌လေးပါတယ်"လို့ ကောလင်းမြို့ခံတစ်ဦးကပြောပါတယ်။

လေကြောင်းတိုက်ခိုက်မှုကြောင့် သေဆုံးသူသုံးဦးဟာ အသက်၆၀အရွယ်နဲ့ အသက်၂၀ ကျော်အရွယ်အမျိုးသား တွေဖြစ်တယ်လို့ ဒေသခံတွေကပြောပါတယ်။

"ဒီရွာကကောလင်းမြို့ကစစ်ရှောင်တွေပါနေတဲ့ရွာလေ။စစ်ရှောင်တွေ ရှိတဲ့ဘက်ကို သက်
သက်ဗုံးကြဲသွားတာ။ရော့ကတ်တွေနဲ့ပါချသွားတယ်။ဒဏ်ရာရတဲ့သူ တွေထဲမှာ ဒဏ်ရာပြင်းထန်တဲ့သူ တွေလည်းပါတယ်"လို့ဒေသခံတဦးက ပြောပါတယ်။

စစ်တပ်ရဲ့တံတားဦးလေတပ်က A-5 Bomder
အမျိုးအစား ဂျက်ဖိုက်တာနဲ့ ၂ကြိမ်တိုင်ဗုံး
ကြဲခဲ့တာဖြစ်ပြီး နေအိမ်၁၀လုံးခန့်လည်း ပျက်စီးခဲ့တယ်လို့ ​ဒေသခံ​တွေက​ပြောပါတယ်။

လေကြောင်းတိုက်ခိုက်ခံရပြီး ညနေပိုင်းမှာ ပြည်သူတွေ ထိတ်လန့်ကာ ရွာအတွင်းမ​နေရဲ​တော့ဘဲ တိမ်းရှောင်ခဲ့ကြရတာ တွေလည်းရှိတယ်လို့ ‌ ဒေသခံ တွေကပြောပါတယ်။

စစ်တပ်က စစ်ကိုင်းတိုင်းထဲကမြို့နယ်တွေကို အခုရက်ပိုင်းမကြာခဏဗုံးကြဲနေပါတယ်။ စက်တင်ဘာ၂၃ ရက်မနက်ကလည်း အင်းတော်မြို့နယ်ထဲက ဆီကားတန်းကို တိုက်​လေယာဥ်အုပ်နဲ့ဗုံးကြဲခဲ့တာကြောင့်ဒဏ်ရာရသူ တွေအနက် သုံးဦးထပ်မံသေဆုံးခဲ့ပြီး စုစု
ပေါင်းသေဆုံးသူငါးဦးရှိလာတယ်လို့​ဒေသခံအချို့က​ပြောပါတယ်။ အဲဒီဗုံးကြဲတဲ့ဖြစ်စဉ်မှာ ယာဉ်မောင်း၊ ယာဉ်နောက်လိုက်နဲ့ကုန်
သည် တွေအပါအဝင်ငါးဦးသေဆုံးပြီး အမျိုး
သမီးတစ်ဦးအပါအဝင်ရှစ်ဦးဒဏ်ရာရခဲ့တယ်လို့ အင်းတော်မြို့နယ်ပြည်သူကာကွယ်ရေးအဖွဲ့ကသတင်းထုတ်ပြန်ထားပါတယ်။

စစ်တပ်က အရပ်သားပြည်သူ​တွေကိုဦးတည်ပြီးတိုက်ခိုက်တဲ့ စစ်ရာဇဝတ်မှု​တွေဆက်
တိုက်ကျူးလွန် ​နေတာ​ကြောင်ပြင်းပြင်းထန်
ထန်ပြန်လည်တိုက်ခိုက်သွားမယ်လို့ အင်းတော်မြို့နယ်ပြည်သူကာကွယ်ရေးအဖွဲ့ကစက်တင်ဘာလ၂၅ရက်နေ့မှာ သတင်းထုတ်ပြန်ထားပါတယ်

ဒါ့အပြင် စစ်တပ်က စက်တင်ဘာလ၂၃ရက်နေ့ညနေမှာပဲ ကသာမြို့နယ်ထဲကိုဗုံးကြဲလို့ သီလရှင်တစ်ဦးကွယ်လွန်ခဲ့ပါတယ်။ ဟုမ္မလင်းမြို့နယ်၊ရွှေပြည်အေးမြို့ကိုလည်းစစ်
တပ်က ဗုံးကြဲခဲ့ပါ​သေးတယ်။​ရွှေပြည်​အေး
မြို့ကို PDF ၊ပကဖ ​နဲ့​တော်လှန်​ရေးတပ်​တွေ သိမ်းပိုက်ထိန်းချုပ်ထားတာဖြစ်ပါတယ် ။

စစ်တပ်ကလေကြောင်းကနေ ဗုံးကြဲလာနိုင်တဲ့အတွက် လုံခြုံရေးသတိပြုကြဖို့ စစ်ကိုင်း
တိုင်းထဲက တော်လှန်ရေးအင်အားစုတွေကသတိပေးနေကြပါတယ်။



#ကောလင်းမြို့နယ် #ကိုက္ကိုကုန်းရွာ
#ဗုံးကြဲခံရ #စစ်ရှောင်ပြည်သူ
#peoplesspring #ps

ဗုံးကြဲခံရပြီး​နောက် မြင်ကွင်း။ ဓါတ်ပုံ-​CJ

ကျောက်မဲမြို့မှာ ရွှေဆိုင် ထပ်မံ ဓားပြတိုက်ခံရ

စက်တင်ဘာ-၂၅၊၂၀၂၆။ဇော်ရမ်း/People's Spring

စစ်တပ်ထိန်းချုပ်ထားတဲ့ ရှမ်းပြည်နယ်မြောက်ပိုင်း၊ ကျောက်မဲမြို့ပေါ်က ရွှေဆိုင်တစ်ဆိုင် ဒီနေ့စက်တင်ဘာ ၂၅ရက် မနက်ပိုင်းမှာ ဓားပြတိုက်ခံရမှု ဖြစ်ခဲ့ပါတယ်။

ဒီကနေ့ မနက်၁၁နာရီခန့်မှာ ကျောက်မဲမြို့၊ရိုးမဘဏ်အနီးက ရွှေဆိုင်ကို အမျိုးသား ၂ဦးက ဓားပြတိုက်ပြီး ထွက်ပြေးသွားတာလို့ မြို့ခံတစ်ဦးကပြောပါတယ်။

"ကျောက်မဲကဓားပြမှုမကြာခဏဖြစ်နေတယ်။ ခဏခဏကြီးဖြစ်နေတာ။ တကယ်တော့ မြို့က စစ်ရေးအခြေအနေမထူးပေမယ့် နေလို့ထိုင်လို့မကောင်းဘူး"လို့ မြို့ခံတစ်ဦးကပြောပါတယ်။

ပြီးခဲ့တဲ့ စက်တင်ဘာ ၁၂ရက် မနက်ပိုင်းကလည်း ကျောက်မဲမြို့ဈေးအတွင်းက ရွှေဆိုင်တစ်ဆိုင်ဟာ ဓားပြတိုက်ခံခဲ့ရပါတယ်။ အဲဒီဖြစ်စဉ်မှာ ဓားပြတိုက်ချိန်ဝင်ရောက်တားဆီးတဲ့သူတွေ‌ သေနတ်နဲ့ပစ်ခံခဲ့ရပြီး ၂ ဦးဒဏ်ရာရခဲ့ပါတယ်။ ညနေပိုင်းမှာတော့ ဓားပြတိုက်သူ ၃ဦးစလုံးကို ဖမ်းမိခဲ့တယ်လို့သိရပါတယ်။

ဒီနေ့မနက်ဖြစ်ပွားတဲ့ ဓားပြတိုက်မှုနဲ့ပတ်သက်လို့အသေးစိတ်အခြေအနေကိုဆက်လက်မေးမြန်းနေဆဲဖြစ်ပါတယ်။

ကျောက်မဲမြို့ဟာ ၂၀၂၃ အောက်တိုဘာ၂၇ရက်ကစတင်ခဲ့တဲ့ ၁၀၂၇ စစ်ဆင်ရေးနဲ့အတူ တအာင်းအမျိုးသားလွတ်မြောက်ရေးတပ်မတော်((TNLA)က သိမ်းယူခဲ့ပြီး ‌၂၀၂၅ အောက်တိုဘာမှာ စစ်တပ်ကပြန်လည်ထိန်းချုပ်သွားတဲ့ မြို့ဖြစ်ပါတယ်။‌ လက်ရှိအချိန်အထိ စစ်တပ်က မြို့ပေါ်မှာပဲ တပ်စွဲထားနိုင်သလို တရားဥပဒေစိုးမိုးရေးလည်း မလုပ်နိုင်ဘူးလို့ ဒေသခံတွေက ပြောပါတယ်။

ဓာတ်ပုံ - Shannews

ကျောက်တော်မြို့ကိုစစ်တပ်ဗုံးကြဲ၊ ရိုဟင်ဂျာကလေးငယ်တွေအပါအဝင် ၈ ဦး ဒဏ်ရာရ

■သုံးပတ်အတွင်းစစ်တပ်ကြောင့် ရခိုင်မှာ​ပြည်သူ ၉ဦး​ သေဆုံးပြီး ၁၇ ဦးဒဏ်ရာရ

စက်တင်ဘာ-၂၅၊၂၀၂၆။ခိုင်မြတ်/People's Spring

စစ်တပ်စခန်းတွေဆက်တိုက်ဆုံးရှုံး​နေတဲ့ အာ
ဏာသိမ်းစစ်တပ်ဟာ ရခိုင်ပြည်နယ် ကျောက်တော်မြို့ပေါ်နဲ့ အနီးဝန်းကျင်တွေကို Y12 ​လေယာဥ်နဲ့ ဗုံးအလုံးရေ ၃၀ ဝန်းကျင်ကြဲချတိုက်ခိုက်ခဲ့တာကြောင့် ရိုဟင်ဂျာကလေးငယ်​တွေအပါအဝင် အရပ်သား ၈ ဦးထက်မနည်းဒဏ်ရာရခဲ့ပါတယ်။

စက်တင်ဘာလ ၂၅ ရက်နေ့ မနက်အစောပိုင်း ၂ နာရီကျော်အချိန်မှာ ကျောက်တော်မြို့ပေါ် ပြည်တော်သာရပ်ကွက်၊ကျောက်တော်မြို့အ
နီး ပီစီ(ပိုက်သည်)ရွာ၊ ၀ကင်း၊ နိဒင်၊ ဒုံးရွာတို့ကိုစစ်တပ်က ဗုံးကြဲခဲ့တာဖြစ်ပါတယ်။

“ပြည်တော်သာမှာ တလုံးကျတယ်။ ပိုက်
သည်ရပ်(ပိစီရွာ)မှာ သုံးလုံးကျတယ်။ တခြားရွာတွေမှာလည်းအများကြီးကျတယ်။မိုးလင်း
တဲ့ထိမအိပ်လိုက်ရဘူး။ဒီလောက်ထိချသွားတာ ဆက်မအိပ်ရဲတော့ဘူးလေ” လို့ ကျောက်တော် မြို့မှ ပြည်တော်သာရပ်ကွက်မှအမျိုး
သမီးတဦးက ပြောပါတယ်။

စစ်တပ်ဟာပြီးခဲ့တဲ့ရက်ပိုင်းကလည်းကျောက်တော်မြို့ပေါ်နဲ့ အနီးဝန်းကျင်တွေကို ဒရုန်းနဲ့ ကင်းထောက်နေခဲ့ပြီးမှ အခုလို အရပ်
သားတွေ နေထိုင်ရာနေရာကို ဗုံးလာကြဲတာဖြစ်ပါတယ်။ “ဒဏ်ရာရတာ အကုန်လုံး အရပ်
သားတွေပဲ၊ မွတ်ဆလင်တွေ ပိုများတယ်။ ကင်းထောက်ထားပြီးတာတောင် အရပ်သားနေရာမှန်းသိရဲ့နဲ့ တမင်တကာကို ကြဲတာဆို တော့ ပြောဖို့စကားတောင် မရှိဘူး” လို့ ကျောက်တော်မြို့ခံလူငယ်တဦးကပြောပါတယ်။

ဗုံးကြဲမှုကြောင့် ပီစီရွာ(ပိုက်သည်ရပ်)မှ အ
သက် ၃၅ နှစ်အရွယ် အဘူကလမ်၊ နိဒင်ရွာမှ ၁ နှစ်အရွယ် ဘီဘီဆာနေးယား၊ ၈ နှစ်အရွယ် ဘီဘီဆာခါရာ၊ ၁၈ နှစ်အရွယ် ဆော်လိမ်း၊ ၃၇ နှစ်အရွယ် ရိုစိမာကာတူ၊ ၄၃ နှစ်အရွယ် ဂျာဘဲလ်၊ ပြည်တော်သာရပ်ကွက်မှ ၅၆ နှစ်အရွယ် ဦးသန်းစိန်နဲ့ ဦးသန်းစိန်ရဲ့ ဇနီး ၅၆ နှစ်အရွယ် ဒေါ်ရွှေရီတို့ ဒဏ်ရာ ရခဲ့ပါတယ်။

“ပိုက်သည်ရပ်ကဆိုရင်မူဆလင်တွေမိသား
စုလိုက် ဒဏ်ရာရကြတာ။ ဗုံးက တစုတည်းမှာ ကျတယ်” လို့ ကျောက် တော်မြို့ခံ လူငယ်က ပြောပါတယ်။

အာဏာသိမ်းစစ်တပ်ဟာ စစ်တွေမြို့နယ်အတွင်းက တိုက်ပွဲမှာ ဆက်တိုက်အထိနာနေပြီးစက်တင်ဘာ ၂၄ ရက်နေ့မှာလည်း ကာကင်းစခန်းတခုထပ်မံဆုံးရှုံးရကာ ထိခိုက်၊ သေဆံးသူ ဆယ်ချီရှီခဲ့ပါတယ်။ အဲဒီလိုတိုက်ပွဲမှာ အထိနာနေချိန် စစ်တွေမြို့နယ်နဲ့အစပ် ပုဏ္ဏားကျွန်း၊ ရသေ့တောင်မြို့နယ်တို့အတွင်းက လူနေကျေးရွာတွေကို ဗုံး ကြဲသလို အခုအခါ ကျောက်တော်မြို့နယ်ကိုပါ ဗုံးလာကြဲတာဖြစ်ပါတယ်။

၄၉၂၆ စစ်ဆင်ရေးလို့ ကြွေးကြော်ပြီး ရခိုင်ထိုးစစ်အတွင်း ရှေ့တန်းစစ်မျက်နှာတွေမှာ စစ်တပ်ဘက်က နေ့စဉ်ဆယ် ချီသေဆုံးမှုရှိနေတဲ့ စစ်တပ်ဟာ အရပ်သားလူ နေကျေးရွာတွေကိုလည်း လေကြောင်း၊ လက်နက်ကြီးတွေနဲ့ ဆက် တိုက်ပစ်ခတ်နေတာဖြစ်ပါတယ်။

လူထုနွေဦးက ကောက်ယူပြုစုထားတဲ့အချက်
အလက်တွေအရ စစ်တပ်ရဲ့ စစ်ဆင်ရေးစတဲ့ စက်တင်ဘာ ၄ ရက်နေ့ ကနေ ဒီနေ့ ၂၅ ရက်နေ့ထိ ၂၂ ရက်တာကာလအတွင်း စစ်တပ်ကဗုံးကြဲလို့ လက်နက်ကြီးနဲ့ပစ်ခတ်တာကြောင့် သေဆုံးရတဲ့ အရပ်သားပြည်သူ ၉ ဦးနဲ့ ထိ
ခိုက်ဏ်ရာရသူ ၁၇ ဦးထက်မနည်း ရှိ​နေပြီဖြစ်ပါတယ်။



#ကျောက်တော်ဗုံးကြဲခံရ #စစ်တပ်
#ပြည်တော်သာရပ်ကွက် #လူထုနွေဦး
#ပိုက်သည်ရပ်ပိစီရွာ #ရိုဟင်ဂျာ
#peoplespring