“ဒီနေ့ဘာဖြစ်ခဲ့လဲ”

ဒီနေ့(စက်တင်ဘာ ၂၄ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️ဘကကျောင်းကို စစ်တပ် လက်နက်ကြီးနဲ့ပစ်လို့ ကလေးငယ် ၁ဦး သေဆုံး

မန္တလေးတိုင်း၊ မြင်းခြံမြို့အခြေစိုက် စစ်တပ်ရဲ့ ခမရ(၁၅)က ဘုန်းတော်ကြီးသင်ပညာရေးကျောင်း-ဘကကျောင်းကို လက်နက်ကြီးနဲ့ ပစ်ခတ်ခဲ့တာကြောင့် KG တန်း ကလေးငယ် ၁ဦး သေဆုံးပြီး ကျောင်းသား၂ဦး ထိခိုက်ဒဏ်ရာရခဲ့တယ်လို့ မြင်းခြံမြို့နယ် ပြည်သူ့ကာကွယ်‌ရေးအဖွဲ့ (ပကဖ)က ပြောပါတယ်။ စက်တင်ဘာ ၂၃ရက် မနေ့က မြင်းခြံမြို့ အရှေ့ မြောက်ဘက်အထွက်မှာရှိတဲ့ ခမရ(၁၅)ဟာ မြင်းခြံမြို့ရဲ့ အနောက်တောင်ဘက်မှာရှိတဲ့ ဒါးကျွန်းရွာက ဘုန်းတော်ကြီးသင် ပညာရေးကျောင်းကို လက်နက်ကြီးနဲ့ ပစ်ခတ်ခဲ့တာမို့ အသက် ၇နှစ်အရွယ် KG တန်းကလေးငယ် သေဆုံးခဲ့တာလို့ သိရပါတယ်။ ဒါ့အပြင် အသက် ၁၅နှစ်အရွယ် ကျောင်းသူ ၁ဦး ပေါင်ကျိုးသွားသလို အသက် ၈နှစ်အရွယ် ဒုတိယတန်း ကလေးငယ် ၁ဦးလည်း ပေါင်ထိသွားပါတယ်။ အသက် ၁၅နှစ်ရွယ်ကျောင်းသူရဲ့ ဒဏ်ရာပြင်းထန်တယ်လို့ သိရပါတယ်။ စစ်တပ်ဟာ လေကြောင်းကနေ ဒရုန်းတွေ၊ Mi-35 တွေနဲ့ တိုက်ခိုက်သလို မြေပြင်ကလည်း စစ်ကြောင်းထိုးနေတယ်လို့ မြင်းခြံ မြို့နယ်ပကဖ သတင်းပြန်ကြားရေးတာဝန်ခံက ပြောပါတယ်။ အခုတလော အခြေအနေ တော်တော်ဆိုးနေတယ်လို့လည်း သူက ဆိုပါတယ်။

◾️ကန့်ဘလူက ပျူစခန်းတစ်ခုကို ​တော်လှန်​ရေးတပ်​တွေ တိုက်ခိုက်သိမ်းပိုက်

စစ်ကိုင်းတိုင်း၊ ကန့်ဘလူမြို့နယ် ပျဉ်းတော်ကျေးရွာက အာဏာသိမ်းစစ်တပ်ရဲ့ကြံစိုက်ပျိုးရေးတပ်ကို ကာပေးထားတဲ့ ပျူစောထီးကာကင်းစခန်းကို တော်လှန်ရေးတပ်တွေက စက်တင်ဘာ ၂၄ရက် ဒီ​နေ့ မနက်အစောပိုင်းမှာ ဝင်တိုက်ခဲ့တယ်လို့ သိရပါတယ်။ အဲဒီပျူစခန်းဝင်တိုက်မှုအတွင်း ပျူစောထီး ၇ ဦး ‌​သေဆုံးပြီး လက်နက်တွေ သိမ်းဆည်းနိုင်ခဲ့တယ်လို့ ဇီးကုန်းတိုက်နယ် ပကဖ တာဝန်ရှိသူက ပြောပါတယ်။ စက်တင်ဘာ၂၄ ရက် မနက် ၂နာရီလောက်မှာ ပျဉ်းတော်ရွာရဲ့ မြောက်ဘက်က ပျူစောထီး​တွေရဲ့ကာကင်းကို တော်လှန်ရေးတပ်တွေက တိုက်ခိုက်သိမ်းပိုက်ခဲ့တာဖြစ်ပြီး ပျူစောထီးနဲ့ လက်နက်တချို့သိမ်းယူနိုင်ခဲ့တာပါ။ စစ်တပ်ရဲ့ ဇီးကုန်းအမှတ်(၁)သကြားစက်ရုံကို ကာပေးထားတဲ့ ပျူစခန်းတစ်ခုဖြစ်ပြီး အရေးပါတဲ့ကာကင်းတစ်ခုဖြစ်တယ်လို့လည်း ဇီးကုန်းတိုက်နယ်ပကဖ တာဝန်ခံက ပြောပါတယ်။ ပျဉ်းတော်ရွာမှာ စစ်တပ်လက်​အောက်ခံ ပျူစောထီး​​အဖြစ် ရွာသား ၅၀ ဦး ရှိတယ်လို့ ​တော်လှန်​ရေးတပ်ဖွဲ့ဝင်​​တွေက​ ပြောပါတယ်။

◾️ကသာမြို့ကို စစ်တပ်ဗုံးကြဲ၊ သီလရှင် ၁ပါး ကွယ်လွန်

စစ်ကိုင်းတိုင်း၊ အင်းတော်မြို့ကို စစ်တပ်က လေကြောင်းကနေ ထပ်မံဗုံးကြဲနေတဲ့အပြင် ကသာမြို့မှာလည်း ဗုံးကြဲလို့ သီလရှင်တစ်ပါး ကွယ်လွန်ခဲ့ပါတယ်။ မြစ်ကြီးနား-ရွှေဘိုလမ်းပိုင်းနဲ့ဆက်စပ်တဲ့ အင်းတော်မြို့နယ်က မဲဇာ၊ စက်တောကုန်း၊ နန့်သဲ၊ သံဘိုနဲ့ နောင်မိုးကျေးရွာတွေကို စက်တင်ဘာ ၂၃ရက် မနက် ၁၁နာရီခွဲခန့်မှာ စစ်‌တပ်က Y-12နဲ့ ဗုံးကြဲပြီး ညနေမှာလည်း တံခွန်တိုင်ကျေးရွာသစ်ကို ထပ်မံ ဗုံးကြဲခဲ့ပါတယ်။ အင်းတော်ကို ညနေပိုင်းဗုံးကြဲတဲ့လေယာဥ်ကပဲ ကသာကို ထပ်မံဗုံးကြဲခဲ့တာကြောင့် သီလရှင်တစ်ပါးကွယ်လွန်ခဲ့တာ ကသာမြို့ခံတစ်ဦးက ပြောပါတယ်။ ဒီနေ့ မနက်ပိုင်းမှာလည်း ကသာမြို့ပေါ်ကို လေယာဥ်ပျံဝဲမှု ရှိတယ်လို့ ဒေသခံက ဆိုပါတယ်။ မနေ့ မနက်ပိုင်းက အင်းတော်မြို့နယ်ကို ဗုံးကြဲတဲ့ ဖြစ်စဉ်မှာ အရပ်သား ၂ဦးသေဆုံးပြီး ၁၀ဦး ဒဏ်ရာအပြင်းအထန်ရခဲ့တယ်လို့ သိရပါတယ်။ ဒေသခံတွေ ပိုင်ဆိုင်တဲ့ စက်သုံးဆီဆိုင်တွေပေါ် ကြဲချလို့ ဆီကားတချို့ မီးလောင်ခဲ့သလို သေဆုံးသူ ၂ဦးက ယာဉ်မောင်းနဲ့ ယာဥ်နောက်လိုက်ဖြစ်တယ်လို့ ဒေသခံတွေက ပြောပါတယ်။

◾️ဟုမ္မလင်းမှာ တိုက်ပွဲဖြစ်ပြီး ရွှေပြည်အေးကို စစ်တပ် ဗုံးကြဲ

စစ်ကိုင်းတိုင်း၊ ဟုမ္မလင်းမြို့နယ်မှာ ပြည်သူ့ကာကွယ်ရေးတပ်တွေနဲ့ စစ်တပ်လက်အောက်ခံရှမ်းနီတပ်(SNA)တို့ တိုက်ပွဲဖြစ်ပြီးနောက် စစ်ရေးတင်းမာနေပြီး ရွှေပြည်အေးမြို့ကိုလည်း စစ်တပ်က လေကြောင်းကနေ ဗုံးကြဲတိုက်ခိုက်ခဲ့တယ်လို့ သိရပါတယ်။ စက်တင်ဘာ ၂၀ရက်က ဟုမ္မလင်းမြို့နယ် တနေရာမှာ တိုက်ပွဲဖြစ်ခဲ့တာပါ။ SNA ဘက်မှာလည်း ထိခိုက်သေဆုံးမှုတွေရှိသလို ပြည်သူ့ကာကွယ်ရေးပူးပေါင်းတပ်တွေဘက်မှာလည်း ထိခိုက်မှုတွေရှိတယ်လို့ ဒေသခံသတင်းရင်းမြစ်ကပြောပါတယ်။ တိုက်ပွဲဖြစ်ပြီးနောက်ပိုင်း စစ်တပ်က ဟုမ္မလင်းမှာ လေယာဉ်တွေနဲ့ နေ့တိုင်းကင်းထောက်တယ်လို့ သတင်းရင်းမြစ်က ပြောပါတယ်။ စက်တင်ဘာ ၂၃ရက် မနေ့ကတော့ ရွှေပြည်အေးမြို့ကို ဗုံးကြဲသွားတယ်လို့ ဆိုပါတယ်။ စစ်တပ်ရဲ့ ဗုံးကြဲမှုက လူမထိပေမယ့် အဆောက်အအုံတွေပျက်စီးတယ်လို့ ဒေသခံသတင်းရင်းမြစ်က ဆက်ပြောပါတယ်။ ရွှေပြည်အေးမြို့ကို ဟုမ္မလင်းလေဆိပ်ကနေတက်လာတဲ့ Gyrocopter ၂စီးနဲ့ ဗုံး ၄လုံးကြဲသွားတာလို့ သိရပါတယ်။

◾️ဖားကန့်ကို စစ်တပ်က ဗုံးအလုံး ၂၀ကျော် ကြဲ

ကချင်ပြည်နယ်အတွင်း လေကြောင်းအန္တရာယ်သတိပြုဖို့ တော်လှန်ရေးအင်အားစုတွေက သတိပေးထားစဉ်မှာပဲ ဖားကန့်မြို့နယ်ကို စစ်တပ်က Y12လေယာဉ်နဲ့ ဗုံးအလုံး၂၀ကျော်ကြဲချသွားတယ်လို့ ဒေသခံတွေက ပြောပါတယ်။ ဖားကန့်မြို့နယ်၊ ဆည်ဇင်းကျေးရွာဘက်ကို ဒီနေ့ စက်တင်ဘာ၂၄ရက်ညနေ ၃နာရီခန့်မှာ ဗုံးကြဲသွားတာလို့ သိရပါတယ်။ မြေပြင်မှာ လူထိခိုက်မှုမရှိဘူးလို့ သတင်းရင်းမြစ်ကပြောပေမယ့် အသေးစိတ်အခြေအနေကို မသိရသေးပါဘူး။ စစ်တပ်က ဒီရက်ပိုင်းမှာ စစ်ကိုင်းတိုင်းနဲ့ ကချင်ပြည်နယ်က မြို့နယ်အချို့ကို လေကြောင်းကင်းထောက်မှုတွေအပြင် ဗုံးကြဲတာတွေလည်း ပြုလုပ်နေပါတယ်။

◾️KIA ဌာနချုပ်လိုင်ဇာကို စစ်တပ်လေယာဉ် ထပ်မံကင်းထောက်

ကချင်ပြည်နယ်၊ လိုင်ဇာမြို့အပါအဝင် နယ်စပ်တကြောကို အာဏာသိမ်းစစ်တပ်က ဒီနေ့ စက်တင်ဘာ ၂၄ရက်နေ့လယ်ပိုင်းမှာ လေယာဉ်နဲ့ ကင်းထောက်မှု ဆက်လက်ပြုလုပ်ခဲ့တယ်လို့ ကချင်စစ်ရေးသတင်းရင်းမြစ်က ပြောပါတယ်။ စက်တင်ဘာ ၂၃ရက်မှာ စစ်တပ်က ကင်းထောက်လေယာဉ်နဲ့ ၂ကြိမ်တိုင် လိုင်ဇာအပါအဝင် နယ်စပ်တကြောကို ကင်းထောက်ခဲ့ပြီးနောက် ဒီနေ့ ထပ်မံပြုလုပ်လာတာပါ။ အဲဒီစစ်တပ်လေယာဥ်တွေ ကင်းထောက်ပျံသန်းပြီးနောက် တရုတ်နိုင်ငံဘက်က သတိပေးပစ်ခတ်တဲ့အခြေအနေရှိခဲ့တယ်လို့ သတင်းရင်းမြစ်က ပြောပါတယ်။ စက်တင်ဘာ ၂၃ရက် မနေ့ကလည်း စစ်တပ် လေယာဉ်တွေ နယ်စပ်တကြော ကင်းထောက်စဉ် တရုတ်ဘက်က လေယာဉ်ပျံတက်ခဲ့သေးတယ်လို့ သတင်းရင်းမြစ်က ပြောပါတယ်။ အရင်ကလည်း စစ်တပ်လေယာဉ်တွေ နယ်စပ်ကိုလာတာ၊ လေကြောင်း တိုက်ခိုက်တာတွေ လုပ်ရင် တရုတ်ဘက်က သတိပေး ပစ်ခတ်တာ ဒါမှမဟုတ် တရုတ်ဘက်ခြမ်းမှာ လေယာဉ်ပျံသန်းတာတွေ ပြုလုပ်လေ့ရှိတယ်လို့ ဆိုပါတယ်။

◾️ခေါင်လန်ဖူးမှာ စစ်တပ် ထိုးစစ်ဆင်လို့ တိုက်ပွဲပြင်းထန်နေ

ကချင်ပြည်နယ်၊ ခေါင်လန်ဖူးမြို့နယ်မှာ အာဏာသိမ်းစစ်တပ် ပူးပေါင်းတပ်နဲ့ တိုက်ပွဲတွေ ဆက်လက်ပြင်းထန်နေတယ်လို့ ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနက ဖော်ပြပါတယ်။ ပူတာအိုခရိုင် ခေါင်လန်ဖူးမြို့နယ်အတွင်းရှိ နယ်ခြားမှတ်တိုင် ၃၀ အနီးရှိ စစ်တပ်ရဲ့ ရဟတ်ယာဉ်ကွင်း လုံခြုံရေးတပ်စခန်းတွေ တိုက်ခိုက်သိမ်းပိုက်ခံရပြီးနောက် စစ်တပ်ဘက်က ပြန်ထိုးစစ်ဆင်လာလို့ တိုက်ပွဲတွေ ပြန်လည်ပြင်းထန်နေတာလို့ KIA သတင်းပြန်ကြားရေးက စက်တင်ဘာ ၂၃ရက် မနေ့ ညပိုင်းက ဖော်ပြပါတယ်။ မြန်မာ-တရုတ်နယ်စပ် နယ်ခြားမှတ်တိုင် (၃၀) ဒေသအတွက် အရေးပါတဲ့ ရဟတ်ယာဉ်ကွင်းပါ စစ်တပ်၊ ပြည်သူ့စစ် ပူးပေါင်းစခန်းကို KIAက ပြီးခဲ့တဲ့ စက်တင်ဘာ ၁၈ရက်မှာ သိမ်းပိုက်ခဲ့တာပါ။ အဲဒီလို သိမ်းပိုက်ခံရပြီးနောက် စစ်တပ်နဲ့ ပြည်သူ့စစ်တွေက တပ်နေရာ ပြန်ရဖို့ တန်ပြန်ထိုးစစ်ဆင်လာလို့ တိုက်ပွဲပြင်းထန်လာတာဖြစ်တယ်လို့ KIAက အသိပေးပါတယ်။

◾️ကျိုက်ထိုမှာ စစ်တပ် လက်နက်ကြီးနဲပစ်ခတ်လို့ ရာဘာခြံလုပ်သား ၁ဦး သေဆုံး

မွန်ပြည်နယ်၊ ကျိုက်ထိုမြို့နယ်မှာ စစ်တပ်က လက်နက်ကြီးနဲ့ ပစ်ခတ်လို့ ရာဘာခြံလုပ်သား ၁ဦး အသက်ဆုံးရှုံးခဲ့ရသလို ၁ဦး ဒဏ်ရာရခဲ့တယ်လို့ ကရင်အမျိုးသားအစည်းအရုံး(KNU) သထုံခရိုင် သတင်းရင်းမြစ်က ပြောပါတယ်။ KNU သထုံခရိုင် တပ်မဟာ(၁)နယ်မြေ ကျိုက်ထိုမြို့နယ် ပလိုခီး(ဇီးပြောင်း)ကျေးရွာ အုပ်စုအတွင်းကို စစ်တပ်က စက်တင်ဘာ ၂၂ရက်မှာ တိုက်ပွဲမရှိဘဲ လက်နက်ကြီးနဲ့ပစ်ခတ်ခဲ့တာလို့ ဆိုပါတယ်။ စစ်တပ်ရဲ့ တပ်မ(၄၄) လက်အောက်ခံ ခမရ(၂၀၇)နဲ့ အမြောက်တပ်(၃၁၀) တပ်ရင်းတို့က အရပ်သား ပြည်သူနေထိုင်ရာတွေကို ပစ်မှတ်ထားပြီး လက်နက်ကြီး ၁၂ လုံး ပစ်ခတ်ခဲ့ရာ ဇီးပြောင်းကျေးရွာ အုပ်စု ကညင်အိုင်ရွာအနီးဝန်းကျင်နဲ့ ဝက်ဝန်တောင်ကြိုးတိုင်း အတွင်း ပြည်သူလူထု လုပ်ငန်းခွင်နေရာတွေကို ကျရောက်ပေါက်ကွဲခဲ့တာလို့ ဆိုပါတယ်။ အဲဒီလို လက်နက်ကြီး ကျရောက်ပေါက်ကွဲမှုကြောင့် ရာဘာခြံလုပ်သား ၁ဦးဖြစ်တဲ့ အသက် ၄၅နှစ်အရွယ် အမျိုးသား ၁ဦးသေဆုံးခဲ့သလို အသက် ၅၂နှစ်အရွယ် အမျိုးသား ၁ဦး ကျည်စထိမှန်ဒဏ်ရာရခဲ့ကြောင်း KNU သတင်းရင်းမြစ်က ပြောပါတယ်။

◾️မြစ်ခြေမြို့ကို စစ်တပ်က ၂ပတ်နီးပါးကြာ ဗုံးကြဲ

ရှေးဟောင်းမြို့တော် ပုဂံမြို့တဖက်ကမ်းက မကွေးတိုင်း၊ ပခုက္ကူခရိုင်က မြစ်ခြေမြို့ကို စစ်တပ်က ၂ပတ်နီးပါးကြာ လေကြောင်းကနေ ဗုံးကြဲတိုက်ခိုက်နေပြီး ပြည်သူ ၇ဦးခန့် ဒဏ်ရာရရာကာ နေအိမ်ပျက်စီးမှုတွေ ဆက်တိုက်ဖြစ်နေတယ်လို့ ဒေသခံတွေက ပြောပါတယ်။ စက်တင်ဘာ ၁၄ ရက်က အသေခံဒရုန်းတွေနဲ့ စတင်ကာ နေအိမ်အဆောက်အဦး ၁ခုကို စစ်တပ်က တိုက်ခိုက်လာပြီးနောက် Gyrocopter၊ Mi-35၊ ဂျက်ဖိုက်တာတွေနဲ့ ဆက်တိုက်လေကြောင်းတိုက်ခိုက်မှုတွေ ပြုလုပ်နေတာလို့ သိရပါတယ်။ စစ်တပ်ရဲ့ အဲဒီလို ဆက်တိုက်လေကြောင်းတိုက်ခိုက်မှုတွေကြောင့် ဒေသခံပြည်သူတချို့ ထိခိုက်ဒဏ်ရာရမှုတွေ ရှိတယ်လို့ သိရပါတယ်။ စစ်တပ်က နေ့စဉ်နီးပါးဗုံးကြဲနေပြီး ည ၁နာရီ‌အချိန်တွေမှာလည်း ဂျက်ဖိုက်တာတွေနဲ့ ဆက်တိုက်ဗုံးကြဲနေတယ်လို့ ဆိုပါတယ်။ စက်တင်ဘာ ၂၂ ရက် ညပိုင်းမှာလည်း စစ်တပ် ဗုံးကြဲမှုကြောင့် နေအိမ် ၃လုံး မီးလောင်ခဲ့တယ်လို့ သိရပါတယ်။

◾️ကလေးထောင်မှာ နိုင်ကျဥ်း ၅၀ ဦး အရေးပေါ် ဆေးရုံတက်ကုသဖို့ လိုအပ်နေ

ကလေးအကျဥ်းထောင်မှာ နိုင်ငံရေးအကျဉ်းသား ၅၀ အပါအဝင် ၈၀ ခန့်ဟာ အရေးပေါ် ဆေးရုံတက်ကုသဖို့ လိုအပ်နေကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM)က ဒီနေ့ သတင်းထုတ်ပြန်ပါတယ်။ ​ကလေးအကျဉ်းထောင်မှာ အရေးပေါ် ပြင်ပဆေးရုံတက် ကုသဖို့လိုအပ်နေတဲ့ နိုင်ငံရေးအကျဉ်းသား ၅၀ အပါအဝင် အကျဉ်းသား ၈၀ နီးပါး ရှိနေပေမယ့် ထောင်အာဏာပိုင်တွေရဲ့ ခွဲခြားဆက်ဆံမှုနဲ့ လာဘ်ပေးလာဘ်ယူမှုတွေကြောင့် ဆေးကုသခွင့် မရဘဲ အသက်အန္တရာယ်နဲ့ ရင်ဆိုင်နေရတယ်လို့ PPNMက စက်တင်ဘာ ၂၄ ရက်မှာ ထုတ်ပြန်လိုက်ပါတယ်။ ​ပြီးခဲ့တဲ့ဇူလိုင်၂၂ ရက်ကလည်း ကလေး
မြို့၊ ဆေးရုံကြီးက ပါရဂူအထူးကု ဆရာဝန်တွေ ထောင်အတွင်းလာစစ်စဉ် အရေးပေါ် ဆေးရုံတက်ရမယ်လို့ အတည်ပြုထားတဲ့အထဲမှာ အကျဥ်းသား ၈ဝဦးအနက် နိုင်ငံရေးအကျဉ်းသား ၅၀ အထိ ပါဝင်ခဲ့တာပါ။ ဒါပေမဲ့ လက်ရှိအချိန်ထိ ၉ ဦးပဲ ပြင်ပဆေးရုံ တက်ခွင့်ရခဲ့ပြီး အဲဒီအထဲမှာ နိုင်ကျဉ်း ၄ဦးပဲ ပါဝင်ခဲ့တယ်လို့ သိရပါတယ်။

◾️မင်းအောင်လှိုင်ကို ဖိတ်ခေါ်တွေ့ဆုံရေးအစီအစဥ်ကို မလေးရှားရောက် မြန်မာတွေ ကန့်ကွက်ဆန္ဒပြ

မလေးရှားနိုင်ငံရောက် မြန်မာတိုင်းရင်းသားညွန့်ပေါင်းအဖွဲ့ COBEM နဲ့ NGO အဖွဲ့တွေ၊ လူ့အခွင့်အရေး တက်ကြွလှုပ်ရှားသူတွေ ပူးပေါင်းပြီး မြန်မာဒုက္ခသည်တွေကို နေရပ်ပြန်ပို့မယ့်အစီအစဉ်နဲ့ မလေးရှားဝန်ကြီးချုပ်က အာဏာသိမ်းစစ်ခေါင်းဆောင် မင်းအောင်လှိုင်ကို ဖိတ်ခေါ်တွေ့ဆုံမယ့် အစီအစဉ်တွေကို ဒီနေ့ ကန့်ကွက်ဆန္ဒပြခဲ့ကြပါတယ်။ အဲဒီဆန္ဒပြပွဲကို မလေးရှားနိုင်ငံ Putrajaya မြို့မှာရှိတဲ့ နိုင်ငံတော်လုံခြုံရေးကောင်စီနဲ့ ပြည်ထဲရေးဝန်ကြီးဌာနရုံးရှေ့မှာ ငြိမ်းချမ်းစွာ ပြုလုပ်ခဲ့တာ ဖြစ်ပါတယ်။ ဆန္ဒပြ​သူတွေက လုံခြုံမှုမရှိသေးတဲ့ မြန်မာနိုင်ငံကို ဒုက္ခသည်တွေ ပြန်ပို့မယ့်အစီအစဉ်ကို ရပ်တန့်ပေးဖို့၊ ဒုက္ခသည်တွေရဲ့ လုံခြုံရေးနဲ့ လူ့အခွင့်အရေးတွေကို အကာအကွယ်ပေးဖို့ တောင်းဆိုခဲ့ကြပါတယ်။ ဒါ့အပြင် မလေးရှားဝန်ကြီးချုပ် Anwar Ibrahim က မင်းအောင်လှိုင်ကို ဖိတ်ခေါ်တွေ့ဆုံမယ့်အစီအစဉ်ကိုလည်း ကန့်ကွက်ကြောင်း ဆန္ဒထုတ်ဖော်ပြသခဲ့ပါတယ်။

AAက စစ်တွေတိုက်ပွဲမှာ စစ်စခန်းနှစ်ခုထပ်သိမ်း

■စစ်​တွေမြို့နဲ့ တိုက်ပွဲ​တွေပိုနီးလာလို့​ငွေ​ကြေးတတ်နိုင်သူ​တွေ ရန်ကုန်​သို့ပြောင်း​ရွေ့

စက်တင်ဘာ -၂၄၊၂၀၂၆။ခိုင်မြတ်/ People's Spring

စစ်တွေတိုက်ပွဲအတွင်း အာရက္ခတပ်တော်
(AA)က စစ်တွေမြို့နယ်တောကန် နဲ့ ဝါဘိုရွာအနီးဝန်းကျင်က အာဏာသိမ်းစစ်တပ်ရဲ့ စခန်းနှစ်ခုကို ဒီရက်ပိုင်းမှာ ထပ်မံသိမ်းပိုက်ခဲ့တယ်လို့ AA နဲ့ နီးစပ်တဲ့ မြေပြင်သတင်းရင်းမြစ်တွေက ပြောပါတယ်။

စစ်တပ်ရဲ့ ကျားမသောက်တပ်ရင်း နဲ့ ဒေသကွပ်ကဲမှုစစ်ဌာနချုပ်(ဒကစ စစ်တွေ)ရဲ့ အဓိ
ကကာကင်းတွေဖြစ်တဲ့တောကန်ရွာဝန်းကျင်
ရှိ ကာကင်းစခန်းတခု နဲ့ ဝါဘိုကျွန်း၊ ဝါဘိုရွာဝန်းကျင်က စခန်းတခုတို့ကို ဆက်တိုက် သိမ်းပိုက်ရရှိတာ ဖြစ်ပါတယ်။

“တိုက်ပွဲပြင်းနေတာကတော့လေးရက်လောက်ရှိပြီ။စခန်းရတာကမနေ့ကနဲ့ ဒီနေ့ (စက်တင်ဘာ ၂၄) ရတာ။စခန်းကြီးတွေတော့ မဟုတ်ဘူး။အလောင်းတွေကတော့ရတာများတယ်။ လက်နက်တွေ၊ ဒရုန်းတွေလည်း ရတယ်” လို့ AA သတင်းရင်းမြစ်ကပြောပါတယ်။

ဒေသကွပ်ကဲမှုစစ်ဌာနချုပ်(ဒကစ-စစ်တွေ)နဲ့ နှစ်မိုင်ဝန်းကျင်သာ ကွာဝေးတဲ့ တောကန်ရွာအနီးက တပ်စခန်းကိုစက်တင်ဘာ ၂၄ ရက်မှာ သိမ်းပိုက်ရရှိခဲ့တာဖြစ်ပြီး ဝါဘိုကျွန်းက စခန်းကို စက်တင်ဘာ ၂၃ ရက်မှာ AA ကသိမ်းပိုက်ရရှိခဲ့တာဖြစ်ပါတယ်။

ဒါ့အပြင်စစ်တွေမြို့နယ်နဲ့ထိစပ်နေတဲ့ ပုဏ္ဏားကျွန်းမြို့နယ်ဘက်ခြမ်း ရွှေမင်းဂံရေတပ်စခန်းတဖက်ကမ်း ရဲရိုးပြင် ရွာဝန်းကျင်နဲ့ ကွမ်းတောင်ရွာဘက်မှာလည်း တိုက်ပွဲပြင်း
ထန်နေပြီး စစ်တပ်ဘက်က အထိနာနေတယ်လို့ မြေပြင် သတင်းရင်းမြစ်တွေက ပြောပါတယ်။

“ရဲရိုးပြင်ကကောင်တွေလည်းဆုတ်ပြေးနေကြတယ်။ကွမ်းတောင်နားကကောင်တွေလည်းဝါဘိုကျွန်းဘက်၊ င တောက်တက်(စစ်တွေမြို့နယ်)ဘက်တွေကို ဆုတ်ပြေးကြတယ်။ ကမန်းကတမ်းနဲ့ အကုန်ပတ်ပြေးနေကြလို့ဖမ်းမိတဲ့ကောင်တွေလည်းအများကြီး။ ပစတွေပေ့ါ၊ ဆေးကြောင်နေတဲ့ကောင်တွေ” လို့ အခြားမြေပြင်သတင်းရင်း မြစ်တဦးက ပြောပါတယ်။

စစ်တပ်ဟာ AA ထိန်းချုပ်ရာ ပုဏ္ဏားကျွန်းမြို့နယ်ဘက်ခြမ်းကို တန်ပြန်ထိုးစစ်ဆင်ခဲ့တဲ့ စက်တင်ဘာ ၄ ရက်မှာပဲ အမြင့်ကျွန်းတံတားဝန်းကျင်က တပ်စခန်း ၁ ခု လက်လွှတ်ခဲ့ရပြီး စစ်တွေမြို့နယ် ကံ့ကော်ကျွန်းရွာဝန်း ကျင်က ကာကင်းစခန်း ၂ ခု၊ ပုဏ္ဏားကျွန်းမြို့နယ် စပါးထား၊ ဆားပို့တောင်၊ ခမောင်းတော၊ ရဲရိုးပြင်ရွာဝန်းကျင် တို့က ခြေ ကုတ်နေရာ ၄ ခုတို့ကိုလည်း လက်လွှတ်ထားရပါတယ်။

ဒီရက်တည်းစခန်း၂ခုထပ်သိမ်းရတာ​ကြောင့် စစ်တွေမြို့နယ်နဲ့ ဆက်စပ်တိုက်ပွဲတွေအ
တွင်း စစ်တပ်ရဲ့ ကာကင်းစခန်းတွေနဲ့ ခြေကုတ်နေရာ ၉ ခု ထက် မနည်းကို AA က သိမ်းပိုက်ရရှိထားပြီဖြစ်ပါတယ်။

အဲဒီလို တပ်စခန်းတွေ လက်လွှတ်နေရတဲ့ စစ်တပ်ဟာလေယာဉ်သုံးစီးထက်မနည်းနဲ့ စစ်တွေ၊ ပုဏ္ဏားကျွန်းမြို့ နယ်တို့ကိုဆက်တိုက် ဗုံးကြဲနေတယ်လို့ ဒေသခံတွေက ပြောပါတယ်။ “တိုက်ပွဲနဲ့ ဆက်စပ်နေရာတွေကိုကြဲနေတယ်။ ဒီနေ့လည်း ကြဲသွားတယ်။ အရပ်သားအထိအခိုက်ကတော့ ရှိမှာပဲ။ သိတော့မသိရသေး” လို့ ပုဏ္ဏားကျွန်းမြို့နယ်မှ ဒေသခံတဦးက စက်တင်ဘာ ၂၄ ရက်ညနေပိုင်းမှာလူထု​နွေဦးကိုပြောပါတယ်။

လက်ရှိမှာ စစ်တွေမြို့နယ် ရွှေမင်းဂံရေတပ်ရဲ့ အဓိကရှေ့ထွက်ကာကင်းတွေဖြစ်တဲ့ ဇော်မတက်၊ကံ့ကော်ကျွန်းဝန်းကျင်၊ကျားမသောက်
တပ်ရင်း၊ ဒေသကွပ်ကဲမှုစစ်ဌာနချုပ်(ဒကစ စစ်တွေ)တို့ရဲ့ ရှေ့တန်းကာကင်းတွေရှိရာ တော ကန်ရွာဝန်းကျင်တို့နဲ့ ပုဏ္ဏားကျွန်းမြို့နယ်ဘက်ခြမ်း ရဲရိုးပြင်ရွာဝန်းကျင်တို့မှာ တိုက်ပွဲတွေ နေ့စဉ်ရှိနေပါတယ်။

“တိုက်ပွဲက နေ့တိုင်းဖြစ်တယ်။တရက်ထက်တရက် အသံတွေပိုကျယ်လာသလို ခံစားရတယ်။ကျားမသောက်အနားကိုတောင် ရောက်နေပြီ၊ ကျားမသောက်ကိုလည်း သိမ်းတော့မယ်ဆိုပြီး သတင်းထွက်နေတယ်။ မြို့ထဲက ပိုက် ဆံရှိတဲ့သူတွေဆိုရင် ရန်ကုန်ကို သွားကြပြီ”လို့ စစ်တွေမြို့ထဲမှာနေထိုင်သူတဦးက ပြောပါတယ်။

စစ်တပ်ဝါဒဖြန့်လူမှုကွန်ယက်​တွေက ၄၉၂၆ စစ်ဆင်ရေးလို့​ဝါဒဖြန့်နေကြတဲ့စက်တင်ဘာ ၄ ရက်ကပြန်စတဲ့ တန်ပြန်ထိုးစစ်မှာစစ်တွေမြို့နယ်ဘက်ကနေ AA ထိန်းချုပ်ရာ ပုဏ္ဏားကျွန်းမြို့ နယ်ဘက်ဆီ ထိုးစစ်ဆင်ခဲ့​ပေမယ့် AA ရဲ့တိုက်ခိုက်မှု​ကြောင့်စစ်ကြောင်းတွေ နောက်ပြန်ဆုတ်ပြေးနေရပါတယ်။ ဒါ့အပြင်စစ်တပ်စခန်းတွေပါ လက်လွှတ်နေရတာဖြစ်တယ်လို့ ​မြေပြင်စစ်​ရေးရင်းမြစ်နဲ့​ဒေသခံ​တွေက​ပြောပါတယ်။စစ်တပ်က စစ်တွေမြို့နယ် အမြင့်ကျွန်းတံတားနဲ့ ရွှေမင်းဂံရေတပ်စခန်းတို့ကနေ ပုဏ္ဏားကျွန်းမြို့နယ်ဘက်ဆီ အင်
အားထောင်ချီသုံးပြီးမြေပြင်ထိုးစစ်ဆင်ခဲ့တာဖြစ်ပါတယ်။

စစ်တွေအပြင်ကျောက်ဖြူ၊ ရခိုင်ပြည်ဝင်
ပေါက် မကွေးတိုင်း ပဒါန်း၊ မင်းတုန်း၊ ပဲခူး
တိုင်း ပန်းတောင်၊ ဧရာ၀တီတိုင်း ရေကြည်၊ သာပေါင်းမြို့နယ်တို့ရှိ AA ထိန်းချုပ်ရာ နေ
ရာ တွေကို စက်တင်ဘာ ၄ ရက်နေ့ကစပြီး
တပြိုင်တည်း ထိုးစစ်ဆင်ဖို့ ကြိုးစားနေခဲ့တာဖြစ်ပါတယ်။

အဲဒီလို လေကြောင်း၊ ရေကြောင်းပစ်ကူပေးပြီး မြေပြင်က အင်အားအလုံးအရင်းနဲ့ ထိုး

စစ်ဆင်ဖို့ ကြိုးစားပေမယ့် လက်တွေ့မှာတော့ အထိနာနောက်ပြန်ဆုတ်ရပြီး စစ်ဆင်ရေးစခဲ့တဲ့ စက်တင်ဘာ ၄ ရက်ကနေစက်တင်ဘာ ၂၄ ရက်ထိ သုံးပတ်တာကာလအတွင်း စစ်
တပ်ဘက်က သေဆုံးသူ ရာချီရှိပြီး လက်နက်ခဲယမ်းအများအပြားဆုံးရှုံးခဲ့တယ်လို့ AA နဲ့ နီးစပ်တဲ့ဒေသခံစစ်ရေးလေ့လာသူတွေက ပြောပါတယ်။


#စစ်တွေတိုက်ပွဲ #စစ်တပ်စခန်း၂ခုထပ်သိမ်း
#ကျားမသောက်တပ်ရင်း #ဒကစစစ်တွေ
#Peoplesapring #လူထုနွေဦး

စစ်တွေ-ပုဏ္ဏားကျွန်းမြို့အစပ်တိုက်ပွဲ​တွေအတွင်းစစ်တပ်ထံမှ အာရက္ခတပ်တော် သိမ်းဆည်းရရှိခဲ့တဲ့ လက်နက်ခဲယမ်း​တွေ။
ဓါတ်ပုံ-AA Info Desk)

■​ဆောင်းပါး

စစ်ဦးကျိုးသွားတဲ့ ၄၉၂၆ စစ်ဆင်​ရေး

ခိုင်မြတ်/ People's Spring

ရခိုင်ပြည်နယ်မှာ ၁၄ မြို့နယ်ဆုံးရှုံးထားတဲ့စစ်တပ်က အင်အားအများအပြားသုံးပြီးတန်ပြန်ထိုးစစ်ဆင်တာ သုံးပါတ်ရှိပါပြီ။သုံးပါတ်တိုင်ကြာလာပေမယ့် အာဏာသိမ်း စစ်
တပ်က စခန်းတစ်ခုမှပြန်သိမ်းနိုင်တာမရှိဘဲ
စစ်တပ်ရဲ့ကာကင်စခန်းနဲ့ ​ခြေကုတ်​စခန်း​တွေကိုသာ AA ကပြန်သိမ်းသွားပါတယ် ။

စစ်တွေနဲ့ ပုဏ္ဏားကျွန်းမြို့နယ်အစပ် စစ်မျက်
နှာမှာဆိုရင်စစ်တပ်ထိုးစစ်စတဲ့ စက်တင်ဘာ
လ ၄ ရက်ကနေ စက်တင်ဘာ ၂၄ ရက်နေ့ထိ သုံးပါတ်အတွင်းစစ်တပ်ရဲ့ကာ ကင်းစခန်းနဲ့ ခြေကုတ်နေရာ ၉ ခုထက်မနည်း AA လက်ထဲ ထပ်ရောက်သွားခဲ့ပြီဖြစ်ပါတယ်။

အာရက္ခတပ်​တော်က စစ်တွေတိုက်ပွဲအတွင်း စက်တင်ဘာ ၂၄ ရက်နေ့မှာ တပ်စခန်းတခုနဲ့ စက်တင်ဘာ ၂၃ ရက်မှာ တပ်စခန်းတခုတို့ကိုပါထပ်မံသိမ်းပိုက်ခဲ့တာ ဖြစ်ပါတယ်။

ဒါ့အပြင် ကျောက်ဖြူစစ်မျက်နှာမှာ စခန်းငယ်တခု၊ ရခိုင်ပြည်ဝင်ပေါက် ရိုးမအရှေ့ဘက်ခြမ်း ပဲခူးတိုင်း ပန်းတောင်း မြို့နယ်အတွင်းက စစ်မျက်နှာမှာ ရှေ့တန်းထောက်ပို့ကာကင်းစခန်းတခုနဲ့ မကွေးတိုင်း မင်းတုန်းစစ်မျက်နှာက စခန်းကြီးတခုတို့ကိုလည်း AA ကသိမ်းပိုက်နိုင်ခဲ့တယ်လို့ စုံစမ်းသိရပါတယ်။

ဒါ့ကြောင့် စစ်တပ်ဟာ ၄၉၂၆ စစ်ဆင်ရေး ၂၁ ရက်(သုံးပတ်)အတွင်း တပ်စခန်းနဲ့ ခြေကုတ်နေရာ ၁၂ ခုထက်မနည်းကို လက်လွှတ်ခဲ့ရတာကြောင့် တပါတ်မှာ စစ်စခန်း‌ ၄ ခုနှုန်း AA လက်ထဲ ရောက်နေတာဖြစ်ပါတယ်။

စစ်တပ်က စစ်ဆင်​ရေးအမည်မ​ကြေညာ​ပေ
မယ့် စစ်တပ်ဝါဒဖြန့် တယ်လီဂရန်ချန်နယ်လ်​တွေ ၊​ဖေစ်ဘွခ်​ပေချ်​တွေ၊အ​ကောင့်​တွေ ၊တစ်​တော့​တွေစတဲ့ လူမှုကွန်ယက်​​တွေမှာ​တော့ ၄၉၂၆ လို့အမည်တပ်ထားပါတယ်။စစ်ဆင်​ရေးက ​နေ့တိုင်း​​အောင်ပွဲတွေရ​နေတယ်လို့ပဲစစ်တပ်​ဝါဒဖြန့်​ လူမှုကွန်ယက်​တွေက​ရေးနေကြပါတယ် ။စက်တင်ဘာ ၂၄ ရက် ညဦးပိုင်းမှာဆိုရင် စစ်တပ်က ပုဏ္ဏားကျွန်းမြို့နယ်ကို​တောင် ပြန်ထိန်းချုပ်လိုက်ပြီလို့ မျိုးမင်းဦး အမည်နဲ့ စစ်တပ်ဝါဒဖြန့်သတင်း​တွေပုံမှန်​​ရေးသား​နေတဲ့ ​ဖေစ်ဘွခ့်ကောင့်က သတင်းအမှားဖြန့်​နေပါတယ် ။

“အသံသာရှိပြီးတော့ အဆံမရှိတဲ့ သင်္ကြန်အမြှောက်နဲ့တူပါတယ်။ အွန်လိုင်းမှာတော့ တော်တော်အသံအကျယ်ကြီး နဲ့ ၄၉၂၆ ရခိုင်ပြည်ကို ဘာဖြစ်တယ်၊ ညာဖြစ်တယ်ဆိုတဲ့ပုံစံမျိုးနဲ့ အသံအကျယ်ကြီးနဲ့ လော်ဘီလုပ်တာလောက် ပဲရှိတယ်။ ရခိုင်ပြည်သူတွေကိုခြောက်လှန့်တဲ့ အဆင့်လောက်ဘဲရှိတယ်။
တကယ့်မြေပြင်မှာကျတော့သူတို့ တလက်မ၊ တဖဝါးတောင်မှ အာရက္ခတပ်တော်ရဲ့ထိန်း
ချုပ်ထားတဲ့နယ်မြေတွေကို တိုးလို့မရောက်တာတောင်မက သူ တို့ထိန်းချုပ်ထားတဲ့အထဲက တချို့စခန်းတွေကိုတောင်မှ အာရက္ခတပ်တော်က သိမ်းပိုက်နိုင်တာတွေရှိတယ်”လို့
ရခိုင်ပြည်နယ်မှာ​နေထိုင်ပြီး စစ်​ဘေး​ရှောင်​တွေကိုကူညီ​ပေး​နေသလို ၊စစ်ရေးအ​ခြေအ​နေကို​စောင့်ကြည့်လေ့လာ​နေတဲ့ ကိုဝေဟင်အောင်က ပြောပါတယ်။

မြို့နယ်​ပေါင်း ၁၇ မြို့နယ်ရှိတဲ့ ရခိုင်ပြည်နယ်မှာ စစ်​တွေ၊​ကျောက်ဖြူ ၊မာန်​​အောင်သုံးမြို့ကိုပဲထိန်းချုပ်နိုင်​တော့တဲ့စစ်တပ်ဟာ AA ကိုတန်ပြန်ထိုးစစ်ဆင်​ဖို့ ကြိုးစားခဲ့တာဟာ ၂၀၂၅ နှစ်ဆန်းပိုင်းကတည်းကပါ ။ဒါ​ပေ
မယ့်စစ်တပ်တန်ပြန်ထိုးစစ်​​တွေအကြိမ်ကြိမ် စစ်ဦးကျိုး ပြန်ဆုတ်ခဲ့ရတာ​ကြောင့် စက်
တင်ဘာ ၄ ရက်မှာမှ တန်ပြန်ထိုးစစ် စသလိုဝါဒဖြန့်ပြီးအင်အား​ထောင်ချီသုံးကာ AA ကိုထပ်မံ အကဲစမ်းလာတာဖြစ်ပါတယ် ။

ဒီတစ်ကြိမ်မှာရခိုင်ပြည်နယ်မှာ စစ်တွေ ၊ ကျောက်ဖြူစစ်မျက်နှာ နဲ့ ရခိုင်ဝင်ပေါက် ရိုးမအရှေ့ဘက်ခြမ်း ပဲခူးတိုင်း ပန်းတောင်း၊ မကွေးတိုင်း ပဒါန်း၊ မင်းတုန်း၊ ဧရာ၀တီတိုင်း သာပေါင်း၊ ရေကြည်မြို့နယ်တို့ကနေလည်း စစ်မျက်နှာတခုစီမှာအင်အားနှစ်ထောင် ဝန်း
ကျင်ထိ အသုံးပြုကာ တန်ပြန်ထိုးစစ်ဆင်ခဲ့တာဖြစ်ပါတယ်။

●စစ်တွေစစ်မျက်နှာ

စစ်တွေမြို့နယ်မှာလည်း စစ်တပ်ဟာ အခြားစစ်မျက်နှာတွေနဲ့တပြိုင်တည်း စက်တင်ဘာ
လ ၄ ရက်နေ့မှာပဲ ထိုးစစ် စခဲ့တာဖြစ်ပြီး စစ်တွေနဲ့ ထိစပ်နေတဲ့ AA ထိန်းချုပ်ရာ ပုဏ္ဏားကျွန်းမြို့နယ်ဘက်က နယ်မြေတွေကို သိမ်း
ပိုက်နိုင်ဖို့ ကြိုးစားခဲ့တာဖြစ်ပါတယ်။

စစ်တွေမြို့နယ်အတွင်းက ဝါဘိုကျွန်းနဲ့ ဝန်း
ကျင်နေရာအချို့ကလွှဲပြီးကျန်နယ်မြေအား
လုံးကို ထိန်းချုပ်ထားတဲ့ စစ်တပ်ဟာ စစ်တွေမြို့နယ်ကနေ ပုဏ္ဏားကျွန်းမြို့နယ်ဘက်ကို စစ်တွေ - ပုဏ္ဏားကျွန်းကားလမ်းမ အမြင့်ကျွန်းတံတား ကနေ စစ်ကြောင်းတခု၊ ရွှေမင်းဂံရေတပ်စခန်းကနေ စစ်ကြောင်းတခုတို့နဲ့ ထိုးစစ်စခဲ့တာဖြစ်ပါတယ်။

စစ်ကြောင်းတခုမှာ အင်အားငါးရာဝန်းကျင်နဲ့ မြေပြင်ထိုးစစ်စခဲ့တာဖြစ်ပေမယ့် အမြင့်ကျွန်းတံတားကနေ ထိုးခဲ့တဲ့ စစ်ကြောင်းဟာ ထိုးစစ်စတဲ့ စက်တင်ဘာလ ၄ ရက်နေ့မှာပဲ အကျအဆုံး ဆယ်ချီနဲ့ အမြင့်ကျွန်းရွာထိ တပ်ပြန်ဆုတ် ခဲ့ရပြီး စစ်ဆင်ရေးမစခင်ကတည်းက စစ်တပ်အထိုင်ချခဲ့တဲ့ အမြင့်ကျွန်းတံတားကင်းစခန်းကိုလည်း AA က သိမ်း ပိုက်ရခဲ့ပါတယ်။

“(စစ်တပ်က) အမြင့်ကျွန်းဘက်မှာ စုစုပေါင်း ငါးဆယ်လောက် သေတယ်။ ကွမ်းတောင်နားထိ ရောက်လာခဲ့သေးတယ်။ အထိနာလို့ ပြန်ဆုတ်သွားကြတာ” လို့ မြေပြင်မှာရှိနေတဲ့ AA နဲ့ နီးစပ်သူသတင်းရင်းမြစ်တဦးက ပြောပါ တယ်။

ရွှေမင်းဂံ(ချောင်းနွယ်)ရေတပ်စခန်းကနေ ထိုးစစ်ဆင်တဲ့စစ်ကြောင်းကတော့ ချောင်းတဖက်ကမ်း ပုဏ္ဏားကျွန်းမြို့ နယ် ရဲရိုးပြင်၊
ခမောင်းတော၊ အောင်မြေကုန်း၊ ဆားပို့တောင်၊ စပါးထားရွာနားတွေထိ ရောက်သွားခဲ့ပါတယ်။ ဒါပေ မယ့် အခုအခါမှာတော့ AA ရဲ့ တန်ပြန်ထိုးစစ်ဆင်မှုကြောင့်စပါးထား၊အောင်မြေကုန်း၊ ခမောင်းတောရွာတို့ကနေ တပ်ဆုတ်ပြေးလာရပြီး ဆားပို့တောင်နဲ့ ရဲရိုးပြင်ရွာနားတွေမှာပဲ စုခံနေရတဲ့အနေအထားလို့ ဆိုပါတယ်။

အဲဒီတိုက်ပွဲအတွင်းမှာလည်း စစ်တပ်ခြေကုတ်နေရာ ၄ ခုထက်မနည်းကို AA က သိမ်း
ပိုက်ရရှိခဲ့ပြီး စစ်တပ်ဘက်က ထိခိုက်၊ သေ
ဆုံးသူ တရာကျော်ထိ ရှိကာ ထွက်ပြေးသူတွေနဲ့ အလင်းဝင်သူတွေလည်း ရှိတယ်လို့ မြေပြင်သတင်း ရင်းမြစ်တွေက ပြောပါတယ်။

“ပြည်သူ့စစ်တွေများတယ်။အမိန့်နာခံမှုလည်း သိပ်မရှိဘူး။လွတ်ရာထွက်ပြေးတဲ့ကောင်တွေအများကြီး၊ အလင်း ဝင်တဲ့သူတချို့လည်း ရှိတယ်” လို့ မြေပြင်သတင်းရင်းမြစ်က ပြောပါတယ်။

စစ်​တွေနဲ့ ပုဏ္ဏားကျွန်းအစပ်တိုက်ပွဲ​တွေမှာဖမ်းဆီးရမိတဲ့ စစ်သုံ့ပန်း​တွေရဲ့ထွက်ဆိုချက်​တွေကိုလည်းAA ကစက်တင်ဘာ ၂၀ မှာထုတ်ပြန်ပါတယ် ။ကွမ်း​တောင်ရွာ နဲ့ အမြင့်ကျွန်းရွာ ကြားတိုက်ပွဲမှာဖမ်းမိတဲ့​ တပ်မ(၁၀၁)လက်​အောက်ခံတပ်ရင်းနှစ်ခုက အောင်ပြည့်စုံ နဲ့ မိုက်ကယ်တို့က​တော့ စစ်တပ်ဟာ ​ရှေ့တန်းမှာ​တွေ့သမျှ က​လေး၊လူကြီးမ​​ရှောင်ပစ်ခတ်သတ်ဖြတ်ဖို့အမိန့်​ပေးထားတယ်လို့ထွက်ဆိုပေးကြပါတယ်။စစ်တပ်အရာရှိ​တွေကအဲလိုအမိန့်​ပေးပြီး တိုက်ပွဲ​တွေမှာ​တော့ အရာရှိ​တွေကအရင်ထွက်​ပြေးကြတယ်လို့ဆိုကြပါတယ် ။

မင်း​ချောင်းတံတားအနီးဖမ်းမိတဲ့ တပ်သားရန်ငြိမ်း​အောင်က​လည်း စစ်တပ်က ဒဏ်ရာရစစ်သား​တွေကို ​ဆေးကုလို့မရနိုင်ရင် AA ဆီအဖမ်းမခံရ​အောင် ပစ်သတ်ခဲ့ဖို့​တောင်အမိန့်​ပေးထားတယ်လို့ဆိုပါတယ် ။

စစ်​တွေနဲ့ပုဏ္ဏားကျွန်းကြားတိုက်ပွဲ​တွေမှာ AA က စစ်တပ်ဆီကလက်နက်ခဲယမ်းအများအပြားနဲ့ စစ်သားအ​​လောင်း​တွေသိမ်းဆည်းရတာကိုလည်းသတင်းဓါတ်ပုံ​တွေနဲ့တကွထုတ်ပြန်ပါတယ် ။သတင်းဓါတ်ပုံ​တွေအရ စစ်တပ်စစ်​ကြောင်း​တွေ ​သေဆုံး ဒဏ်ရာရသူများပြားခဲ့တာ​တွေ့ရပါတယ် ။

ဒါ့အပြင်ရွှေမင်းဂံချောင်းတဖက်ကမ်းရောက်
နေတဲ့ စစ်တပ်ရဲ့လက်ကျန်စစ်ကြောင်းဟာပိတ်မိတဲ့အနေအထားဖြစ်နေတယ်လို့လည်း သူကဆက်​ပြောပါတယ်။

“ရွှေမင်းဂံဘက်ကိုပြေးရင်လည်းသေမှာ။ ဒီဘက်မှာ စုခံရင်လည်း သေမှာပဲ။ လေယာဉ်တခုနဲ့ပဲ ခြိမ်းခြောက်နေ တာ” လို့ မြေပြင်သတင်းရင်းမြစ်က ပြောပါတယ်။

အာရက္ခတပ်တော်က စစ်တပ်ရဲ့ ထိုးစစ်စစ်
ကြောင်းတွေကို တန်ပြန်တိုက်​နေသလိုရွှေ
မင်းဂံရေတပ်ရဲ့ရှေ့ထွက်ကာကင်း၊ ကံ့ကော်ကျွန်းအနီးဝန်းကျင်ရှိ စစ် တပ်စခန်းတွေကိုလည်း လမ်းကြောင်းသစ်နဲ့ ထိုးဖောက်ကာထိုးစစ်ဆင်တိုက်ခိုက်ခဲ့ပြီး စက်တင်ဘာ ဒုတိ
ယပါတ်မှာ ကာကင်းစခန်းနှစ်ခု ထပ်မံသိမ်း
ပိုက်ခဲ့ပါတယ်။

အလားတူပဲ စစ်တွေ-ပုဏ္ဏားကျွန်းကားလမ်းအနီး စစ်တပ်ရဲ့ ကျားမသောက်တပ်ရင်း နဲ့ ဒေသကွပ်ကဲမှုစစ်ဌာနချုပ်(ဒကစ စစ်တွေ)ရဲ့ အဓိ ကကာကင်းတွေဖြစ်တဲ့တော ကန်ရွာဝန်း
ကျင်ရှိ ကာကင်းစခန်းတခု နဲ့ ဝါဘိုကျွန်း၊ ဝါဘိုရွာဝန်းကျင်က စခန်းတခုတို့ကိုထပ်မံသိမ်း
ပိုက်နိုင်ခဲ့ပါတယ်။

ဒကစ-စစ်တွေ နဲ့ နှစ်မိုင်ဝန်းကျင်သာ ကွာ
ဝေးတဲ့ တောကန်ရွာအနီးက တပ်စခန်းကိုစက်တင်ဘာ ၂၄ ရက်မှာ သိမ်းပိုက်နိုင်ခဲ့ပြီး ဝါဘိုကျွန်းက စခန်းကို စက်တင်ဘာ ၂၃ ရက်မှာ AA ကသိမ်းပိုက်ရရှိခဲ့တာဖြစ်ပါတယ်။

စစ်တွေမြို့နယ်နဲ့ထိစပ်နေတဲ့ ပုဏ္ဏားကျွန်းမြို့နယ်ဘက်ခြမ်း ရွှေမင်းဂံရေတပ်စခန်းတ
ဖက်ကမ်းရဲရိုးပြင်ရွာဝန်းကျင်နဲ့ကွမ်းတောင်ရွာဘက်မှာလည်း တိုက်ပွဲပြင်းထန်နေပြီး
စစ်တပ်ဘက်က အထိနာနေပါတယ်။

“ရဲရိုးပြင်ကကောင်တွေလည်းဆုတ်ပြေးနေကြတယ်။ကွမ်းတောင်နားကကောင်တွေလည်းဝါဘိုကျွန်းဘက်၊ ငတောက်တက်(စစ်တွေမြို့နယ်)ဘက်တွေကို ဆုတ်ပြေးကြတယ်။ ကမန်းကတမ်းနဲ့ အကုန်ပတ်ပြေးနေကြလို့ဖမ်းမိတဲ့ကောင်တွေလည်းအများကြီး။ ပစတွေပေ့ါ၊ ဆေးကြောင်နေတဲ့ကောင်တွေ” လို့ အခြားမြေပြင်သတင်းရင်း မြစ်တဦးက ပြောပါတယ်။

ရွှေမင်းဂံရေတပ်ရဲ့ အဓိကရှေ့ထွက်ကာကင်းတွေဖြစ်တဲ့ဇော်မတက်၊ကံ့ကော်ကျွန်းဝန်း
ကျင် ၊ကျားမသောက်တပ်ရင်း၊ဒကစ (စစ်တွေ)တို့ရဲ့ ရှေ့တန်းကာကင်းတွေရှိရာ တော ကန်ရွာဝန်းကျင်တို့နဲ့ ပုဏ္ဏားကျွန်းမြို့နယ်ဘက်ခြမ်း ရဲရိုးပြင်ရွာဝန်းကျင်တို့မှာစက်
တင်ဘာ ၂၄ ရက်အထိ တိုက်ပွဲတွေ ဆက်
တိုက်ပြင်းထန်နေပါတယ်။

“တိုက်ပွဲက နေ့တိုင်းဖြစ်တယ်။တရက်ထက်တရက် အသံတွေပိုကျယ်လာသလို ခံစားရတယ်။ကျားမသောက်အနားကိုတောင် ရောက်နေပြီ၊ ကျားမသောက်ကိုလည်း သိမ်းတော့မယ်ဆိုပြီး သတင်းထွက်နေတယ်။ မြို့ထဲက ပိုက် ဆံရှိတဲ့သူတွေဆိုရင် ရန်ကုန်ကို သွားကြပြီ”လို့ စစ်တွေမြို့ထဲမှာနေထိုင်သူတဦးကလူထု​နွေဦးကိုစက်တင်ဘာ ၂၄ ရက်မှာ ပြောပါတယ်။

အထိနာ​နေတဲ့ စစ်တပ်ဟာ စစ်တွေစစ်မျက်နှာမှာအတင်းအဓမ္မဖမ်းဆီးစစ်သင်တန်းပေး
ထားတဲ့ ဒေသခံရိုဟင်ဂျာတွေကိုပါ အသုံးပြုတိုက်ခိုင်းနေတာတွေ့ရတယ်လို့ မြေပြင်သ
တင်းရင်းမြစ်တွေနဲ့ ဒေသခံရိုဟင်ဂျာတွေက ပြောပါတယ်။

ဒါ့အပြင်စစ်တွေမြို့ထဲဌာနချုပ်အခြေစိုက်နေထိုင်ပြီး စစ်တပ်ဩဇာခံ ဒေါ်စောမြရာဇာလင်းဦးဆောင်တဲ့ ရခိုင်ပြည်လွတ် မြောက်ရေးတပ်မတော်(ALP) တပ်ဖွဲ့ဝင်တွေကိုလည်း ရှေ့တန်းစစ်မျက်နှာတွေမှာ အသုံးပြု၊ တိုက်
ခိုက်စေဖို့ ဖိအား ပေးထားတယ်လို့လည်း စစ်တွေဒေသခံသတင်းရင်းမြစ်တွေဆီကစုံစမ်းသိရပါတယ်။

လက်ရှိမှာလည်း စစ်တပ်နဲ့ AA တို့ဟာ စစ်တွေမြို့နယ်အတွင်း တိုက်ပွဲပြင်းထန်နေဆဲဖြစ်ပါတယ်။ “ဒီတခေါက် တိုက်ပွဲအားရဖို့ကောင်းတယ်။ ဗိုလ်ချုပ်(ဗိုလ်ချုပ် ထွန်းမြတ်နိုင်)ပြောထားတဲ့အတိုင်း စစ်တွေကို ၂၀၂၇ထဲမှာ သိမ်းနိုင်ရင်ကောင်းမယ်။ သိမ်း မယ် လို့လည်းထင်တယ်” လို့ ပေါက်တောမြို့နယ်မှာ နေထိုင်တဲ့ စစ်တွေမြို့မှ စစ်ဘေးရှောင်တဦးက ပြောပါတယ်။

စစ်တွေမြို့မှာ စစ်တပ်ရဲ့ ဒကစ စစ်တွေ၊ လက်ရုံးတပ်တွေအပါအဝင် အခြေစိုက်တပ်
ရင်းပေါင်း တစ်ဆယ်ဝန်းကျင်ရှိပါတယ်။

●ကျောက်ဖြူ စစ်မျက်နှာ

ကျောက်ဖြူမြို့ပေါ်တပ်ရင်းတွေ၊ ရေတပ်စခန်းနဲ့ နယ်မြေအနည်းငယ်ကိုသာ ထိန်းချုပ်နိုင်တော့ပြီးရမ်းဗြဲမြို့နယ်နဲ့ ထိစပ်နေတဲ့ မြို့
နယ်တောင်ပိုင်းနေရာအများစုကိုလက်လွှတ်
ထားရပြီဖြစ်တဲ့ စစ်တပ်ဟာ သူတို့လက်လွှတ်ထားရ တဲ့ AA နယ်မြေတွေကို ပြီးခဲ့တဲ့ ၂၀၂၅ နှစ်ကုန်ပိုင်းလောက်ကတည်းက တန်ပြန်
ထိုးစစ်ဆင်ခဲ့တာဖြစ်ပါတယ်။

ဒါပေမယ့် အကျအဆုံးတွေနဲ့ နောက်ပြန်လှည့်ရတာတွေသာ ရှိခဲ့တာကြောင့် အခု စက်တင်
ဘာလ ၄ ရက်နေ့မှာ တော့ လေကြောင်း၊ ရေကြောင်းပစ်ကူပေးပြီး အင်အားအလုံးအ
ရင်းနဲ့ ထပ်မံထိုးစစ်ဆင်လာခဲ့ပါတယ်။ အခုတကြိမ် မှာ အရင်ကတည်းက တပ်ဦးကျိုးနောက်ပြန်လှည့်ခဲ့ရတဲ့ တောင်မော်ဦးရေတပ်စခန်းကနေ ကျောက်ဖြူ - ရမ်းဗြဲ လမ်းဆုံ စနဲမြို့ဘက်ဆီ အင်အားအလုံးအရင်းနဲ့ ထိုးစစ်ဆင်ခဲ့တာပါ။

ဒါပေမယ့် စနဲမြို့နားထိ​တောင် မရောက်ခဲ့ဘဲ အဝတောင်ရွာဝန်းကျင်မှာပဲ AA ရဲ့ ပိတ်ဆို့၊ ဖြတ်တိုက်တာခံရပြီး တပ်လန်နောက်ဆုတ်​ပြေးခဲ့ရပြန်ပါတယ်။ ဒါ့အပြင် အ၀တောင်ရွာဝန်းကျင်က တပ်စခန်းငယ်တခုကိုပါ လက်
လွှတ်ခဲ့ရတယ်လို့ မြေပြင်သ တင်းရင်းမြစ်တွေက ပြောထားပါတယ်။တောင်မော်ဦးဘက်စစ်ကြောင်း အထိနာပြန်ဆုတ်ရသလို ဓည၀တီရေတပ်စခန်းအနီးဝန်းကျင် ကာကင်းစခန်းတွေ ဟာလည်း AA ရဲ့ တိုက်ခိုက်ခြင်းကို ခံနေရပါတယ်။

“ကျောက်ဖြူမှာကတော့ အ၀တောင်မှာ နာသွားကတည်း ရှေ့မတိုးတော့ဘူး။ မင်းပြင်၊ သိုင်းချောင်းဘက်ကကောင်တွေလည်း ငြိမ်နေတယ်။ ရှေ့မတိုးဘူး။ ဓည၀တီရေတပ်ကိုတော့ ကိုယ့်လူတွေ ဝိုင်းထားတယ်” လို့ AA နဲ့ နီးစပ်တဲ့ ကျောက်ဖြူဒေသခံတဦးက ဒေသတွင်း အခြေအနေကို ပြောပါတယ်။

ကျောက်ဖြူမှာမြို့အနီးဝန်းကျင်ရှိ ခလရ(၃၄)
၊ ခမရ (၅၄၂)၊ ခမရ(၅၄၃)၊ ပြိုင်းစေ့ကေရွာအနီးရှိ အမှတ် (၃၂) ရဲ တပ်ရင်း၊ ဓည၀တီရေတပ်ဌာနချုပ်၊ တောင်မော်ဦးရေတပ်၊ အုန်းကျွိန်ရေတပ်တို့ရှိပြီး အဲဒီတပ်ရင်းတွေနဲ့ ကာကင်းစ ခန်းအချို့ကိုသာ စစ်တပ်က ထိန်း
ချုပ်နိုင်တော့ကာ ကျန်နယ်မြေအားလုံးဟာ AA လက်အောက်သို့ ရောက်နေပြီ ဖြစ်ပါတယ်။

စစ်တပ်ရဲ့ထိန်းချုပ်ထားဆဲ တပ်ရင်း၊ တပ်စခန်းတွေထဲမှာလည်း တောင်မော်ဦးရေတပ်၊ ဓည၀တီရေတပ်နဲ့ အုန်း ကျွိန်စခန်းတို့ဟာ မြို့ပေါ်တပ်ရင်းတွေနဲ့ ကုန်းကြောင်းဆက်သွယ်ရေးပြတ်တောက်နေပြီး ရေလမ်းကနေပဲ အင် အားဖြည့်နေရတဲ့ အခြေအနေဖြစ်ပါတယ်။

“ဒီမှာက တရုတ်စီမံကိန်းတွေ ရှိနေလို့ပဲကြာနေတာ။မဟုတ်ရင်ကျောက်ဖြူသိမ်းဖို့က AA အတွက်ဘာမှမခက်ဘူး။ထောက်ပို့လမ်း
ကြောင်းတွေအကုန် ဖြတ်ထားတာ” လို့ ကျောက်ဖြူဒေသခံ နောက်တဦးက ပြောပါတယ်။

●ရိုးမအရှေ့ဘက်ခြမ်း အခြေအနေ

ရခိုင်ပြည်ဝင်ပေါက် ရိုးမအရှေ့ဘက်ခြမ်းစစ်
မျက်နှာတွေမှာလည်းစစ်တပ်ကအင်အားအ
များအပြားသုံးပေမယ့် ရှေ့မတိုးနိုင်ဘဲအထိ
နာနေတယ်လို့ မြေပြင်သတင်းရင်းမြစ်တွေက ပြောပါတယ်။

စစ်တပ်ဟာ ပဲခူးတိုင်း ပန်းတောင်းမြို့နယ်မှာဆိုရင်ကာကွယ်ရေးပစ္စည်းထုတ်စက်ရုံ
(ကပစ ၁၆)ကနေAAသိမ်းထားတဲ့ပွိုင့် ၆၆၆ ကုန်းဘက်ကို ထိုးစစ်ဆင်နေခဲ့ပြီး အဲဒီနားက ထောက်ပို့စခန်းတခု ထပ်မံလက်လွှတ်လိုက်ရပါတယ်။ဒါ့အပြင် ကပစ ၆ ကနေ AA သိမ်း
ထားတဲ့ ညောင်ကျိုးစခန်းဘက်ကိုလည်း ထိုးစစ်လုပ်နေပြီး AA ရဲ့ တန်ပြန်တိုက် ခိုက်မှုကြောင့် ရှေ့မတိုးနိုင်ဖြစ်နေတယ်လို့ ဆိုပါတယ်။

မကွေးတိုင်းမှာဆိုရင်လည်း နတ်ရေကန်ဗျူ
ဟာကုန်းနဲ့ သုံးမိုင်ဝန်းကျင်အကွာပဇီကျေးရွာကနေ စစ်ကြောင်းထွက်၊ ထိုးစစ်လုပ်နေပေမယ့် စစ်တပ်ထိန်းချုပ်ထားဆဲ နတ်ရေကန်ဗျူဟာကုန်းနားထိ မရောက်ဘဲ အထိနာကာ ထိုးစစ် တန့်နေရတယ်လို့ စစ်ရေးသတင်းရင်းမြစ်တွေက ပြောပါတယ်။

“စစ်တပ်က နတ်ရေကန်ကို တက်ဖို့ လမ်း
ကြောင်းမရှိပါဘူး။ နတ်ရေကန်ကို စစ်ကူပို့ဖို့၊ လမ်းဖောက်ဖို့ဆိုတာ မဖြစ် နိုင်တော့ဘူး။ တနှစ်ကျော်ပြီလေ။ ထိုးဖောက်လို့မှ မရတာ” လို့ AA သတင်းရင်းမြစ်က ပြောပါတယ်။

မကွေးတိုင်းမင်းတုန်းမြို့နယ်နဲ့ ဧရာ၀တီတိုင်းစစ်မျက်နှာတို့မှာလည်းစစ်တပ်ဘက်က အ
ထိနာပြီး လေကြောင်း၊ လက်နက်ကြီး သုံးကာ ခုခံနေရတယ်လို့ သိရပါတယ်။

ရက္ခိုင်-မကွေးအစပ် မင်းတုန်း၊ သဖန်ရောင်တိုက်ပွဲ​တွေ နဲ့ မင်းတုန်းမြို့နယ်၊ ကံကြိုးရွာအနီး၊ ပွိုင့် (၉၄၈) ကုန်းမှာ စက်တင်ဘာ၂၀
နဲ့ ၂၁ရက်တိုက်ပွဲ​တွေမှာ တက်လာတဲ့စစ်တပ်စစ်ကြောင်းပျက်သွားပါတယ် ။ စစ်တပ်ထံမှသိမ်းဆည်းရရှိတဲ့ လက်နက်ခဲယမ်း၊ စစ်အ
သုံးအဆောင်ပစ္စည်း​တွေနဲ့ စစ်သားအလောင်း​
တွေကို AAက စက်တင်ဘာ ၂၂ မှထပ်မံထုတ်ပြန်ပါတယ်။

● တိုက်ပွဲအထိနာရင် လေကြောင်းက​နေပြည်သူကိုဗုံးပိုကြဲ

စစ်တပ်ဟာရခိုင်ကိုထိုးစစ်ဆင်တဲ့မြေပြင်တိုက်ပွဲတွေမှာ အထိနာတပ်ပြန်ဆုတ်နေရတာကြောင့်လေယာဉ်အုပ်လိုက်သုံးပြီးပစ်ခတ်တိုက်ခိုက်တာ၊အခြေစိုက်တပ်ရင်းတွေနဲ့ စစ်
သင်္ဘောတွေကနေ လက်နက်ကြီးပစ်ကူပေးတာ တွေ ဆက်တိုက်လုပ်နေရပါတယ်။

စစ်တပ်ရဲ့၄၉၂၆စစ်ဆင်ရေးစပြီးနောက်ပိုင်း
ရခိုင်ပြည်နယ်စစ်တွေ၊ ပုဏ္ဏားကျွန်း၊ပေါက်တောမြို့နယ်တို့ကို နေ့ စဉ်နီးပါးဗုံးကြဲနေပြီး ပြည်နယ်တောင်ပိုင်း သံတွဲ၊ တောင်ကုတ်မြို့
နယ်တွေရှိ အရပ်သားလူနေကျေးရွာတွေကို လည်း မကြာခဏ ဗုံးကြဲတာတွေ ရှိပါတယ်။

လူထုနွေဦးက ပြုစုထားတဲ့ အချက်အလက်တွေအရ စစ်တပ်ရဲ့စစ်ဆင်ရေးစခဲ့ပြီးနောက် နှစ်ပတ်ကျော် စက်တင်ဘာ ၂၁ ရက်နေ့ထိ ရခိုင်မှာ လေကြောင်းပစ်ခတ်မှုကြောင့် ပုဏ္ဏားကျွန်းမြို့နယ်မှာ သေဆုံးသူ ၅ ဦး၊ ဒဏ်ရာရသူ ၄ ဦး၊ ပေါက်တောမြို့နယ်မှာ သေဆုံးသူ ၁ ဦး၊ ဒဏ်ရာရသူ ၁ ဦး၊ ရသေ့တောင်မြို့နယ်မှာ သေဆုံးသူ ၂ ဦး၊ တောင်ကုတ်မြို့နယ်မှာ သေဆုံးသူ ၁ ဦး၊ ဒဏ်ရာရသူ ၁ ဦး၊ သံတွဲမြို့နယ်မှာ ဒဏ်ရာသူ ၁ ဦး၊ ဂွမြို့နယ်မှာ ဒဏ်ရာရသူ ၂ ဦး၊ စုစုပေါင်း သေ
ဆုံးသူ ၉ ဦး၊ ဒဏ်ရာရသူ ၉ ဦး ရှိခဲ့ပြီဖြစ်ပါတယ်။

ဒါဟာ တိုက်ပွဲမှာ အထိနာတိုင်း အာဏာသိမ်းစစ်တပ်ရဲ့ လုပ်လေ့ရှိတဲ့ လုပ်ရပ်ဖြစ်ပြီး စစ်ရာဇဝတ်မှုတွေကို ပြောင် ပြောင်တင်းတင်းချိုးဖောက်ရာရောက်တယ်လို့ ရခိုင်ဒေသခံ လူ့အခွင့်အရေးတက်ကြွလှုပ်ရှားသူတဦးက ပြောပါ တယ်။

“မင်းအောင်လှိုင်အနေနဲ့ စစ်ကိုစစ်နဲ့တူအောင် တိုက်ဖို့လိုတယ်။တိုက်ပွဲမှာ နာနေတော့ ပြည်သူတွေကိုသတ်နေတယ်။ဒါကလူ့အခွင့်အ
ရေးကိုရော စစ်ရာဇဝတ်မှုကိုရော ချိုးဖောက်ရာ ရောက်တယ်လို့ ပြောချင်တယ်။ အခုစစ် ဆင်ရေးက AA ကို တိုက်တာထက် ပြည်သူကို ဒုက္ခပေးတဲ့ စစ်ဆင်ရေးပဲ ဖြစ်နေပါတယ်” လို့ သူက ဆိုပါတယ်။

ရခိုင်မြို့နယ်တွေကိုပြန်သိမ်းမယ်ဆိုတဲ့ကြွေး
ကြော်ချက်နဲ့အတူ စခဲ့တဲ့ စစ်တပ်ရဲ့ ၄၉၂၆ စစ်ဆင်ရေးကတော့ စစ်တွေ၊ ပုဏ္ဏားကျွန်း၊ ဧရာ၀တီ၊ ပဲခူး၊ မကွေးအစပ်နေရာတွေအား
လုံးမှာ အရှုံးနဲ့ ကြုံနေရတယ်လို့ မြေပြင်စစ်ရေးသတင်းရင်းမြစ်တွေနဲ့ စစ်ရေးလေ့လာသူတွေက ပြောပါတယ်။

“ပွင့်ပွင့်လင်းလင်းပြောမယ်ဆိုရင် သူတို့ အရှုံးနဲ့ရင်ဆိုင်နေရတယ်။ တပ်ဦးလည်းလန်သွားတယ်၊ စစ်ဦးလည်းကျိုးသွားတယ်”လို့ ကိုဝေဟင်အောင် ကစစ်တပ်ထိုးစစ်အ​ပေါ်သုံးသပ်ပြောကြားလိုက်ပါတယ်။ ။


#စစ်တွေတိုက်ပွဲ #၄၉၂၆စစ်ဆင်ရေး
#စစ်ဦးကျိုး #ဒကစစစ်တွေ
#Peoplesapring #လူထုနွေဦး