စတဲ့စံချိန်​တွေ​ရေးထိုးခဲ့ပါတယ်။ဒါဟာ သိုင်းပေါင်းစုံပြိုင်ပွဲမှာ ကမ္ဘာပေါ်မှာ နာမည်အကျော်ကြားဆုံး ၊အကြမ်းဆုံးပြိုင်ပွဲဖြစ်တဲ့ UFC မှာ မြန်မာဖိုက်တာတစ်ဦးရဲ့ အိပ်
မက်ဆန်ဆန် ​​အောင်မြင်မှု​တွေပဲဖြစ်ပါတယ်။








ပြိုင်ဘက်​တွေကို အကြောက်အလန့်ကင်းတဲ့ ဖိုက်တာအဖြစ်နာမည်ကြီးတဲ့ ဗန်ဟာအခါ​တော့မြန်မာသာမက အာရှတိုက်နဲ့ ကမ္ဘာတစ်ဝန်းက သိုင်း​ပေါင်းစုံပြိုင်ပွဲ​တွေကို ဝါသ
နာပါသူ​တွေရဲ့ ​လေးစားအားကျရသူဖြစ်လာပါတယ်။ အာရှတိုက်မှာ ဂျပန် ၊​တောင်ကိုရီးယား၊တရုတ်စတဲ့ ချမ်းသာတဲ့နိုင်ငံ​တွေက
ဖိုက်တာ​တွေကလည်း UFC မှာချန်ပီယံဖြစ်ဖို့ ကြိုးစားခဲ့ကြ​ပေမယ့် အခုထိမ​အောင်မြင်​သေးပါဘူး ။

မြန်မာနိုင်ငံကို ကမ္ဘာစင်မြင့်ပေါ် မိတ်ဆက်ပြချင်တဲ့ဗန်ဟာ နိုင်ငံအလံကို UFC ကြိုးဝိုင်းပေါ် တင်ဖို့ နည်းမျိုးစုံကြိုးစားခဲ့ပါတယ်။ မြန်မာနိုင်ငံမို့လို့ အလံသယ်ဖို့ ငြင်းပယ်ကြတဲ့ ပွဲစီစဉ်သူတွေကို ဗန်က နိုင်ပွဲတွေဆက်တိုက်ထိုးပြပြီး သိမ်းသွင်းနိုင်ခဲ့ပါတယ်။မွေးရပ်ဇာတိနိုင်ငံကိုကမ္ဘာကြီးနဲ့ မိတ်ဆက်ပေးဖို့ ဗန်က တိုက်ပွဲတစ်ခုလိုတိုက်ယူခဲ့ပါတယ်။

"မြန်မာအလံခြုံနိုင်ဖို့ ကျွန်တော်တိုက်ယူခဲ့ရတာ။ ဒါက လွယ်ကူတဲ့အလုပ်တော့ မဟုတ်ခဲ့ပါဘူး"လို့ ဗန်က BBC နဲ့ အင်တာဗျူးမှာ ထုတ်ပြောခဲ့ပါတယ်။

ဗန်ဟာသံ​လှောင်အိမ်အတွင်းမှာပဲအကြောက်
အလန့်ကင်းတာတင်မဟုတ်ပါဘူး။လက်​တွေ့ဘဝမှာလည်းသူယုံကြည်ရာကို​ပြောဖို့မတွန့်ဆုတ်သူပါ ။ မြန်မာနိုင်ငံမှာစစ်တပ်အာဏာ
သိမ်းပြီး အ​ခြေအ​နေ​တွေကို ကမ္ဘာကြီးကအမှန်အတိုင်းသိ​အောင် ​ပြောဖို့ သူမတွန့်ဆုတ်ခဲ့ပါဘူး ။ဒါဟာ အာဏာသိမ်းစစ်တပ်ကို အကြမ်းမဖက်အာဏာဖိဆန်တဲ့(CDM လုပ်တဲ့) အားကစားသမား​တွေမှာပဲ​တွေ့ရတဲ့ ရှားပါးတဲ့ သတ္တိ​ကောင်းသူ​တွေသာလုပ်နိုင်တဲ့အလုပ်ဖြစ်ပါတယ် ။

မြန်မာနိုင်ငံမှာ စစ်တပ်အာဏာသိမ်းမှုဟာအရာအားလုံးကို ပျက်စီးကိန်းကြုံစေခဲ့ပေမဲ့ မြန်မာပြည်သူတွေဟာ ဆက်ပြီး တိုက်ပွဲဝင်
နေပြီးအောင်ပွဲရတဲ့ထိ ဆက်ပြီးတိုက်ခိုက်နေမှာဖြစ်တယ်လို့ ဗန်က​စင်ကာပူအ​ခြေစိုက် Straits Times သတင်းဌာနနဲ့ ၂၀၂၅ ဇွန်လဆန်းအင်တာဗျူးမှာပြောကြားခဲ့ပါတယ်။

“အဲ့ဒါက(စစ်အာဏာသိမ်းတာက)ကျွန်တော်တို့အားလုံးအတွက် အရာအားလုံးကို ဖျက်
ဆီးပစ်ခဲ့တယ်။ ဒါပေမယ့် ကျွန်တော်တို့ တိုက်နေဆဲပဲ… ပြီးတော့ ကျွန်တော်တို့ အောင်
ပွဲရတဲ့အထိ တိုက်ပွဲဝင်သွားမယ်”လို့ဗန်က​ပြောခဲ့ပါတယ် ။

မြန်မာပြည်သူ​တွေရဲ့အဲဒီရုန်းကန် ကြိုးစားမှုမှာ သူဟာ ဥပမာတစ်ခုလို့ သတ်မှတ်နိုင်ပြီး သူ့အနေနဲ့ ရှုံးခဲ့တဲ့တိုင် ပြန်ရုန်းထပြီး ရှေ့
ဆက်ခဲ့ကြောင်းလည်း ဗန်ကဆက်ပြောခဲ့ပါတယ်။

စစ်တပ်အာဏာသိမ်းယူမှု မခံရခင်ထိ မြန်မာဟာ အားကောင်းပြီးလွတ်လပ်တဲ့နိုင်ငံတစ်ခုအဖြစ် ရပ်တည်ခဲ့တယ် ဆိုတာကို လူတွေသိစေချင်ကြောင်း လည်းသူကဖွင့်ဟပါတယ်။

အခုအခါမှာUFC ဖလိုင်းဝိတ်တန်းမှာ ကမ္ဘာမှာနာမည်အကြီးဆုံး ချန်ပီယံဗန်ကို ပြိုင်ဖက်တွေကအကဲစမ်းဖို့အမြဲတမ်း ချောင်းမြောင်း
နေကြပါတယ်။စိန်​ခေါ်သူ​တွေကိုအနိုင်ယူ
ရင်း ဗန့်ရင်ထဲမှာ ကိန်းအောင်းနေခဲ့တဲ့ ဇာတိရွာလေးဆီအလွမ်းက ပိုနက်ရှိုင်းလာပါတယ်။ ပန်တိုဂျာကိုအနိုင်ယူပြီးလအနည်းငယ်အကြာမှာ စိန်​ခေါ်သူဂျပန်ဖိုက်တာ တတ်ဆူရိုကိုအလဲထိုးပြီး ကမ္ဘာ့ချန်ပီယံခါးပတ်ကိုကာကွယ်လိုက်ပြီးတဲ့အခါ ဇာတိရွာနဲ့အနီးဆုံးနေရာကို ပြန်ရောက်ဖို့အကြောင်းဖန်လာပါတယ်။

၂၀၂၆ မေလ ၉ ရက်နေ့က အမေရိကန်မှာ ကျင်းပခဲ့တဲ့ UFC 328 ပွဲစဉ်မှာ တတ်ဆူရိုကို အနိုင်ယူခဲ့တာဖြစ်ပြီးပွဲအပြီးမှာတော့ ဗန်နဲ့အတူ မြန်မာကို ကမ္ဘာကြီးက ပိုသိလာပါပြီ။
UFC ပြိုင်ပွဲမှာ ၁၁ ပွဲထိုးသတ်ပြီး ၁၀ ပွဲနိုင် ၊၁ ပွဲရှုံးစံချိန် နဲ့ ​နောက်ဆုံးယှဥ်ပြိုင်တဲ့ ၇ ပွဲဆက်ပြိုင်ဘက်​တွေကိုအနိုင်ယူထားတာဖြစ်ပါတယ်။

ဂျပန်ဖိုက်တာတက်ဆူရိုကိုအလဲထိုးပြီးတစ်
ပါတ်ခန့်အကြာမှာပဲ အာရှခရီးစဉ်ကို စတင်ခဲ့ပါတယ်။ ဗန်ငယ်စဉ်ကနေခဲ့ဖူးတဲ့ မလေးရှားနဲ့ အိန္ဒိယနိုင်ငံက ဒုက္ခသည်စခန်းတွေဆီကို ပြန်လာခဲ့တာပါ။ ဒါဟာဗန် အမေရိကကို ထွက်သွားပြီးနောက်ပိုင်းဇာတိရွာနဲ့အနီးဆုံးနေရာကို ပထမဆုံးအကြိမ်ပြန်လာနိုင်ခဲ့တာပါ။

မေလရဲ့ မိုးရေစက်တွေအောက်မှာ ဇာတိရွာနဲ့ အနီးဆုံးနေရာအထိ ရောက်နိုင်သမျှရောက်အောင်ဗန်ကြိုးစားခဲ့ပါတယ်။မလေးရှားနိုင်ငံက​နေ ‌အိန္ဒိယနိုင်ငံ၊ အိုက်ဇောမြို့အထိ ဗန်အရောက်လာခဲ့ပါတယ်။ အိုက်ဇောမြို့ဆိုတာ ချင်းပြည်နယ် ရိခေါန်ဒန်မြို့နဲ့ ဆက်စပ်နေတာပါ။ ဗန်ရောက်လာတဲ့ စစ်ရှောင်စခန်းကနေ ချင်းပြည်နယ်၊ နယ်စပ်ကို ကားနဲ့နေ့ချင်းပြန်သွားလို့ရပါတယ်။ ဒါပေမယ့် ဗန်တစ်ယောက် ချင်းပြည်နယ်ထဲကို ​တော့ ရောက်မလာနိုင်ခဲ့​သေးပါဘူး။

နယ်စပ်မှာ မတည်ငြိမ်တဲ့အတွက်အိန္ဒိယအစိုး
ရကမြန်မာနဲ့နယ်စပ်ကိုProtect Area လို့သတ်
မှတ်ထားပြီး နိုင်ငံခြားသားတွေအဝင်အထွက်
ကိုကန့်သတ်ထားပါတယ်။ချင်းပြည်နယ်က မြို့နယ်အများစုကို ချင်းကာကွယ်ရေးတပ်ဖွဲ့တွေကထိန်းချုပ်ထားပြီး စစ်ကောင်စီရဲ့ လေကြောင်းတိုက်ခိုက်မှုတွေနဲ့အတူ တိုက်ပွဲတွေလည်း ဆက်ရှိနေပါတယ်။ တိုက်ပွဲတွေအတွင်း ဗန့်ဇာတိရွာထဲအထိ လက်နက်ကြီးကျရောက်ပေါက်ကွဲခဲ့ဖူးပါတယ်။ပြီးခဲ့တဲ့ဇန်နဝါရီလဆန်းမှာ ဟားခါးမြို့နယ်ထဲက တောင်ပေါ်ရွာနှစ်ရွာကို အာဏာသိမ်းစစ်တပ်ကဗုံးကြဲလို က‌လေးနှစ်ဦးအပါအဝင်

လေးဦး သေဆုံးခဲ့ပါတယ်။ ဗန့်ရဲ့ ဇာတိမြို့ဟာ ယမ်းငွေ့တွေ ဝေနေပါတယ်။ ဗန်က အဝေးကနေ လွမ်းယုံသာ တတ်နိုင်ခဲ့ပါတယ်။

ဗန်ကတော့ သူ့အနေနဲ့ မြန်မာနိုင်ငံကိုပြန်လာချင်တယ်လို့ သတင်းမီဒီယာတွေကနေတဆင့် မကြာခဏရင်ဖွင့်ပါတယ်။ မြန်မာနိုင်ငံအလံကို ကမ္ဘာကြီးနဲ့ မိတ်ဆက်ပေးဖို့ တစိုက်မတ်
မတ်ကြိုးပမ်းခဲ့တဲ့ ဗန်ဟာ မြန်မာနိုင်ငံမှာဖြစ်
ပွားနေတဲ့အခြေအနေတွေကိုလည်း မျက်ခြေမပြတ်ခဲ့ပါဘူး။ မြန်မာနိုင်ငံမှာ တကယ်ဖြစ်နေတဲ့အခြေအနေတွေကို ကမ္ဘာကသိစေချင်တယ်လို့ ထုတ်ပြောခဲ့ပါတယ်။သူဟာ မြန်မာနိုင်ငံသားတွေနဲ့အတူတူ အမြဲရပ်တည်နေပြီး အမြဲဆုတောင်းပေး‌နေတယ်လို့ ဆိုပါတယ်။မြန်မာပြည်သူတွေအနေနဲ့ ကိုယ့်ရဲ့ရဲစွမ်းသတ္တိတွေမဆုံးရှုံးစေဘဲသတ္တိရှိရှိ ကျော်ဖြတ်ဖို့လည်း ဗန်ကအားပေးစကားပြောပါ
တယ်။ ဒါကြောင့်လည်း မြန်မာလူထုက ဗန်ကို ချစ်ကြပါတယ်။

ဗန်တစ်ယောက် ဇာတိရွာကိုပြန်မလာနိုင်သေးခြင်းအကြောင်းအရာတွေထဲမှာ မြန်မာနိုင်ငံရေးကအဓိကကျပါတယ်။၂၀၂၁ ခုနှစ်မှာ စစ်တပ်က လက်နက်အားကိုးနဲ့အာဏာလုယူခဲ့ပြီး ငြိမ်းချမ်းစွာဆန္ဒပြတဲ့ ပြည်သူ​တွေကိုပစ်ခတ်သတ်ဖြတ်တာ​ကြောင့် နိုင်ငံအနှံ့ ပြည်သူလူထုရဲ့ခုခံတိုက်ပွဲတွေဟာ လက်ရှိအချိန်အထိ အရှိန်ရနေပါတယ်။ စစ်တပ်ကလူထု​ခေါင်း​ဆောင်ဒေါ်အောင်ဆန်းစုကြည်အပါအဝင် နိုင်ငံရေးသမားတွေ၊ ဆန့်ကျင်
သူတွေကို မတရားဖမ်းဆီးထားပါတယ်။ ကုလသမဂ္ဂရဲ့တရားဝင်စာရင်းတွေအရလူဦးရေ​လေးသန်းနီးပါး နေရပ်ကိုစွန့်ခွာထွက်ပြေးနေရပါတယ်။

အရပ်သားတွေကိုနေ့စဉ်သတ်ဖြတ်နေပါတယ်။ဒီလိုအာဏာရှင်ကို ဖြုတ်ချဖို့အတွက် လူထုခုခံစစ်ပွဲတွေ အစောဆုံး ဖော်ဆောင်ခဲ့ကြတဲ့အထဲမှာ ချင်းတောင်တန်းသားတွေ ရှေ့ဆုံးကပါခဲ့ကြပါတယ်။အမှန်တရားဘက်
ကိုရပ်တည်တဲ့ ဒေသခံလူထုဟာ အာဏာရှင်ကို တော်လှန်ရင်း အောက်ချင်းငှက်ရဲ့ သစ္စာတရားကို ဆက်လက်သက်သေထူနေကြပါတယ်။

ဒေါ်အောင်ဆန်းစုကြည်အပါအဝင် စစ်တပ်ကမတရားဖမ်းဆီးထားသူတွေ ပြန်လွတ်
မြောက်ရေးနဲ့ နေရပ်ကိုစွန့်ခွာထွက်ပြေးနေရတဲ့ သန်းနဲ့ချီတဲ့ မြန်မာနိုင်ငံသားတွေ အိမ်ပြန်လာခွင့်ရဖို့၊ စစ်ကောင်စီကျူးလွန်တဲ့စစ်ရာဇဝတ်မှုတွေကို ဖော်ထုတ်ရေးယူနိုင်ဖို့က လူထုတော်လှန်ရေးအောင်နိုင်ဖို့လိုနေသလို ဗန်ရဲ့အိမ်ပြန်ခရီးကလည်း မြန်မာ့နိုင်ငံရေးပေါ်မှာ လုံးဝမူတည်နေတယ်လို့ ချင်းတိုင်း
ရင်းသားတစ်ဦးကဆိုပါတယ်။

"ဗန်လည်း ပြန်လာချင်မှာ ကျတော်တို့သိတယ်။ဒါပေမယ့် မဖြစ်နိုင်သေးဘူး"လို့ ချင်းတိုင်းရင်းသား တော်လှန်ရေးရဲဘော်တစ်ဦးက တစ်ဦးကပြောပါတယ်။

ဗန်အတွက် မြန်မာအချိန်နဲ့ဆိုရင် စက်တင်
ဘာ ၂၀ ရက်မနက်ခင်း( အ​မေရီကန်အချိန်စက်တင်ဘာ ၁၉ ည​နေ) ဟာအ​ရေးကြီးမှတ်
တိုင်စိုက်ထူရမယ့်​နေဖြစ်လာပြန်ပါပြီ။ချန်ပီယံ​ဟောင်း ဘရာဇီးဖိုက်တာပန်တိုဂျာက မ​ကျေပွဲစိန်​ခေါ်တာ​ကြောင့် UFC 331 မှာ အဓိကပွဲစဥ်အဖြစ် ဗန်ကချန်ပီယံခါးပါတ်ကာ ကွယ်ပွဲယှဥ်ပြိုင်ရမှာဖြစ်ပါတယ် ။


နာဘွာလ်းရွာလေးကတော့ ဗန်ရှိခဲ့စဉ် လွန်ခဲ့တဲ့နှစ်၂၀ကျော်ကအတိုင်း ဘာမှ မပြောင်းလဲသေးပါဘူး။ ချယ်ရီပန်းနဲ့ ထင်းရှုးပင်တွေ ဝိုင်းရံထားတဲ့ ခြံဝင်းလေးထဲက ဗန်နေခဲ့တဲ့ အိမ်လေးကလည်း ယခင်အတိုင်းရှိနေဆဲဖြစ်ပါတယ်။ ဗန်တစ်ယောက် ကြိုးဝိုင်းထဲမှာထိုးသတ်တဲ့နေ့တွေဆိုရင်တော့နာဘွာလ်းရွာလေး
ဟာ အခြား နေ့တွေနဲ့မတူဘဲ ပိုပြီး လှုပ်လှုပ်
ရှားရှားရှိတတ်ပါတယ်။ က‌လေး၊လူကြီးအ
ရွယ်စုံကို ဗန်ကိုရုပ်သံကတဆင့် အားပေးကြပါတယ်။စက်တင်ဘာ ၂၀ ရက်မနက်ခင်းမှာ
လည်းနာဘွာလ်းရွာသား​တွေဟာဗန်ကိုအား​ပေးဖို့ စိတ်လှုပ်ရှား​နေကြပါပြီ ။

နာဘွာလ်းရွာသားတစ်ဦးကတော့သူ့မျှော်
လင့်ချက်ကို အခုလိုပြောပြပါတယ်။
"ဗန်ကိုကျနော်တို့ အမြဲအားပေးနေတယ်။သူ ပြန်လာဖို့ကတော့ တော်တော်ခက်မှာ။ ဖြစ်နိုင်ရင်​တော့ မနက်ဖြန်သဘက်ခါမှာတောင်ရောက်လာစေချင်တယ်"။ဗန်က ပြိုင်ဘက်​တွေကိုအနိုင်ယူသလို ​တော်လှန်​ရေးအင်
အားစု​တွေ စစ်အာဏာရှင်ကိုအနိုင်ယူပြီး ပြည်သူ့အစိုးရ စစ်စစ် နဲ့ ဒီမိုက​ရေစီ ရနံ့တွေသင်းပျံ့တဲ့ တ​နေ့မှာ​တော့ ဗန်တစ်​ယောက်
ချစ်လှတဲ့ ဇာတိရွာ​လေးဆီ အ​​ရောက်ပြန်လာမှာကို နာဘွာလ်းရွာသား​တွေယုံကြည်​နေပါတယ်။ ။


#ဂျော့ရှုအာဗန် #ဗန် #နာဘွာလ်းရွာ
#UFC #ချင်းတောင် #Peoplesspring

ရှီကျင့်ဖျင် ကျန်းမာရေး ဆိုးရွားနေပြီလား

●BRICS ထိပ်သီးအစည်းအဝေးမှ ပေကျင်း အရေးပေါ်ဆေးရုံအထိ မေးခွန်းထုတ်စရာ သတင်းများ

- ဥဂ္ဂါ ရေးသားသည်။

တရုတ်သမ္မတရှီကျင့်ဖျင်ဟာအိန္ဒိယနိုင်ငံ၊
နယူးဒေလီမြို့မှာ ၂၀၂၆ ခုနှစ်၊စက်တင်ဘာ
လ ၁၂ ရက်ကနေ ၁၃ ရက်နေ့အထိ ကျင်းပခဲ့တဲ့ ၁၈ ကြိမ်မြောက် ဘရစ်ခ်စ် (BRICS) ထိပ်
သီးအစည်းအဝေးကနေ ပြန်လည်ရောက်ရှိခဲ့ရပြီးနောက်ပေကျင်းမြို့ အမှတ် ၃၀၁ တပ်မ
တော်ဆေးရုံသို့ အရေးပေါ် ပို့ဆောင်ခဲ့ရတယ်ဆိုတဲ့ သတင်း၊ သူ့ရဲ့ ကျန်းမာရေးအခြေအ
နေဟာ အလွန်ဆိုးရွားနေပြီဆိုတဲ့ သတင်းဟာ အင်တာနက် လူမှုကွန်ရက်တွေမှာ အရှိန်အ
ဟုန်နဲ့ ပျံ့နှံ့နေပါတယ်။

ဒီလို ဟိုးလေးတကျော်ကျော် ဖြစ်သွားရခြင်းဟာ တရုတ် ဒီမိုကရေစီပါတီရဲ့ ဥက္ကဋ္ဌ ဝမ်ဂျွန်ရှီး (Wanjun Xie) ရဲ့ လူမှုကွန်ရက် X/Twitter စာမျက်နှာပေါ်မှရေးသားချက်တွေကနေ စ
တင်ခဲ့တာ ဖြစ်ပါတယ်။ ဝမ်ဂျွန်ရှီးရဲ့ ရေးသားချက်အရ ရှီကျင့်ဖျင် နယူးဒေလီမှာ ကျင်းပတဲ့ ထိပ်သီးအစည်းအဝေးကနေ ပေကျင်းမြို့ လေဆိပ်သို့ ပြန်လည်ရောက်ရှိချိန်မှာ စစ်တပ်ဟယ်လီကော်ပတာတစ်စီးနဲ့ လေယာဉ်ပေါ်ကနေ တိုက်ရိုက်ခေါ်ဆောင်သွားခြင်း ခံခဲ့ရပြီး အရေးပေါ် ကုသမှုခံယူဖို့ အမှတ် ၃၀၁ ဆေးရုံကြီးဆီအမြန်ဆုံးပို့ဆောင်ခြင်းခံခဲ့ရတယ်လို့ ဆိုပါတယ်။

အမှန်တော့ဝမ်ဂျွန်ရှီးဟာ အမေရိကန်မှာ အ
ခြေစိုက်ပြီး တရုတ်အစိုးရကို ဆန့်ကျင်နေတဲ့ အတိုက်အခံ ခေါင်းဆောင်တစ်ဦး ဖြစ်သလို၊ အခြားတစ်ဖက်မှာလည်း ပေကျင်းအာဏာ
ပိုင်တွေဘက်က ဒီလို ဆေးရုံတင်ထားရတယ်ဆိုတဲ့ အချက်အလက်နဲ့ ပတ်သက်လို့ တရား
ဝင် အတည်ပြုထုတ်ပြန်ထားတာ မရှိသေး
တာကြောင့် ဒီလို စွပ်စွဲချက်တွေကို လုံးဝဥ
ဿုံ မယုံကြည်ဘဲ ချင့်ချိန်ပြီး စောင့်ကြည့်ရမှာ ဖြစ်ပါတယ်။

ဒါပေမဲ့လည်း ရှီကျင့်ဖျင် ပေကျင်းလေဆိပ်ဆီ ပြန်လည်ရောက်ရှိချိန်မှာ ပုံမှန်ပြုလုပ်လေ့ရှိတဲ့အကြီးအကဲများစွာပါဝင်တဲ့ခန်းနားထည်
ဝါသည့် ကြိုဆိုပွဲ အခမ်းအနားများ၊ အခြံအရံ ယာဉ်တန်းကြီးများနှင့် လမ်းများပိတ်ဆို့ရှင်း
လင်းပစ်လေ့ရှိသည့် အစီအစဉ်များ လုံးဝမရှိဘဲ ပျောက်ကွယ်နေခြင်းက အဆိုပါ သတင်းလွင့်ပျံ့မှုများကို ပိုမို အရှိန်ရစေခဲ့တာ ဖြစ်ပါတယ်။

အခြေအနေတွေကို နယူးဒေလီမှာ ဘာဖြစ်ခဲ့လဲဆိုတာကို ပြန်ကြည့်ရင် ပိုပြီးတော့တောင် စိတ်ဝင်စားစရာကောင်းပါတယ်။ဘရစ်ခ်စ် ထိပ်သီးအစည်းအဝေးမိန့်ခွန်းပြောကြားနေစဉ် အိန္ဒိယဝန်ကြီးချုပ် နရင်ဒရာ မိုဒီဟာ ရှီကျင့်ဖျင် သက်တောင့်သက်သာမရှိဘဲ အဆင်မပြေ ဖြစ်နေတာကို သတိပြုမိသွားပုံရပြီး သူ့ရဲ့ မိန့်ခွန်းကို ခဏရပ်တန့်ခဲ့ပါတယ်။ မိုဒီဟာ တရုတ်သမ္မတရဲ့ စကားပြန်ဆီ လှည့်ကြည့်ကာ "အဆင်ပြေရဲ့လား" လို့ မေးမြန်းခဲ့သလို၊ အဲဒီမေးခွန်းကိုပဲ ဒုတိယအကြိမ် ထပ်မံမေး
မြန်းခဲ့ပါတယ်။ ရှီကျင့်ဖျင်က ခေါင်းငြိမ့်ပြပြီးနောက်မှသာ ဝန်ကြီးချုပ် မိုဒီက မိန့်ခွန်းကို ဆက်လက်ပြောကြားခဲ့တာပါ။

အဲဒီ ရုပ်သံဖိုင်တိုကို ပြန်ကြည့်လိုက်ရအောင်။"
(ရုပ်သံဖိုင်ထဲမှ ဝန်ကြီးချုပ် မိုဒီ -)
"အဆင်ပြေရဲ့လား..."
"အဆင်ပြေရဲ့လား..."
"အဆင်ပြေပါတယ်..."
"မင်္ဂလာပါ..."
သတင်းတင်ဆက်သူ -

ဒီအ​ပေါ်မှာ အချက်အလက်စစ်​ဆေးတဲ့သတင်းဌာနအချို့က​တော့အသံဖမ်းစက်​ကောင်း၊မ​ကောင်းစမ်းသပ်တာဖြစ်တယ်လို့
​ဖော်ပြကြတာလည်းရှိပါတယ် ။

အဲဒီနေ့ ညနေပိုင်းမှာ ပြုလုပ်ခဲ့တဲ့ မိုဒီရဲ့ ဂုဏ်ပြုညစာစားပွဲကိုလည်း ရှီကျင့်ဖျင်တက်ရောက်ခဲ့ခြင်း မရှိပါဘူး။

ဒီလို စက္ကန့်ပိုင်းမျှသာကြာတဲ့ ရုပ်သံဖိုင်၊ ညစာ
စားပွဲ ပျက်ကွက်ခဲ့တာနဲ့ စစ်တပ်ဟယ်လီကော်ပတာ အသုံးပြုခဲ့တယ်ဆိုတဲ့ အတည်မပြုနိုင်သေးတဲ့ ပြောဆိုချက်တွေ ပေါင်းစပ်လာတာကြောင့် ရှီကျင့်ဖျင်ရဲ့ ကျန်းမာရေးအခြေအနေအပေါ် ကောလာဟလတွေ ကျယ်ကျယ်ပြန့်ပြန့် ထွက်ပေါ်လာခဲ့တာ ဖြစ်ပါတယ်။ သို့သော် လက်ရှိအချိန်အထိ အဆိုပါပြောဆိုချက်တွေကို တရုတ်အစိုးရဘက်က အတည်ပြုထားခြင်း မရှိသေးသလို၊ သီးခြားလွတ်လပ်တဲ့ အတည်ပြုချက်တွေလည်း မတွေ့ရသေးပါဘူး။

ကိုးကား-The Times of India
ဓါတ်ပုံ-Getty

#ရှီကျင့်ဖျင် #တရုတ်သမ္မတ #မိုဒီ
#BRICSထိပ်သီးအစည်းအဝေး
#peoplesspring #ludunwayoo

ရေကြည်မြို့ - အသုတ်လမ်းပိုင်း ကားတိုက်မှု လူ ၅ဦး ဒဏ်ရာရ

စက်တင်ဘာ၁၈၊၂၀၂၆။မိထက်/People's Spring

ဧရာဝတီတိုင်း၊ ရေကြည်မြို့နဲ့ အသုတ်မြို့လမ်းပိုင်းမှာ ခရီးသည်တင်ကားနဲ့ ဆိုင်ကယ်၊ သုံးဘီးဆိုင်ကယ်တို့ ဆင့်တိုက်မိလို့ လူ ၅ဦး ဒဏ်ရာရသွားပါတယ်။

ဒီနေ့ စက်တင်ဘာ ၁၈ရက်နေ့လယ်ပိုင်းမှာ ရေကြည်မြို့ နဲ့ အသုတ်မြို့ကြား ချင်းကုန်းကျေးရွာအနီးမှာ ဖြစ်ပွားခဲ့တာလို့ ဒေသခံတစ်ဦးက ပြောပါတယ်။

" ထိတာတွေက ဆိုင်ကယ်၊ သုံးဘီးကားဘက်က ထိတာ။ ငါးယောက်မှာ တစ်ယောက်ကတော့စိုးရိမ်ရတယ်။ လမ်းတွေက ရေမြုပ်ထားတော့ ပျက်စီးနေတာများတယ်။ လမ်းကကျဉ်းလည်းကျဉ်းတယ်"လို့ အသုတ်မြို့ခံတစ်ဦးက ပြောပါတယ်။

ခရီးသည်တင်ကားက ရန်ကုန်နဲ့ ဧရာဝတီတိုင်းအတွင်းမြို့နယ်တွေ ပြေးဆွဲနေတဲ့ကားဖြစ်တယ်လို့ သိရပါတယ်။

ရေကြည်မြို့ နဲ့ အသုတ်မြို့ဟာ သြဂုတ် ၃၀ရက်က ကျိုးကျခဲ့တဲ့ လေးမျက်နှာရေကာတာကြောင့် ရေကြည်နစ်မြုပ်တဲ့ဒေသတွေထဲမှာ ပါဝင်ပါတယ်။ ရေကြည်မြို့က ရေဘေးပိုမိုဆိုးရွားခဲ့ပြီး ဒေသတွင်းအဝေးပြေးကာလမ်းမတွေပေါ်မှာပါ ရေကျော်ခဲ့ပါတယ်။ ယခုတော့ ရေပြန်ကျသွားပြီဖြစ်ပါတယ်။

" ဧရာဝတီတိုင်းထဲမှာလမ်းတွေပျက်စီးနေတာအများကြီးပဲ။ ထိထိရောက်ရောက်ပြင်ဆင်တယ်ဆိုတာမရှိပါဘူး"လို့ ရေကြည်မြို့ခံတစ်ဦးက ပြောပါတယ်။

ပြီးခဲ့တဲ့ မတ်လ၃ရက်ကလည်း ရန်ကုန် - ဟင်္သာတအဝေးပြေးလမ်းရဲ့ ဟင်္သာတ-ဇလွန်လမ်းပိုင်းမှာ သုံးဘီးကားနဲ့ လိုက်ထရပ်ကား မျက်နှာချင်းဆိုင်တိုက်မိလို့ ၃ဦးသေဆုံးပြီး ၄ဦး ဒဏ်ရာရခဲ့ပါတယ်။

(ယာဉ်တိုက်မှုဖြစ်ပြီးနောက် ပျက်စီးသွားတဲ့ သုံးဘီးဆိုင်ကယ်ကို တွေ့ရစဉ်။ ဓာတ်ပုံ - CJ)

စစ်တပ်ရဲ့ အဓမ္မစစ်သားစုဆောင်းခံရတဲ့စစ်မှုထမ်းများ ပြည်သူနဲ့ပူးပေါင်းပြီး ဆန့်ကျင်တိုက်ဖျက်ရမယ့် အချိန်ရောက်နေပြီဟု NUGကာကွယ်ရေး တိုက်တွန်း

၂နှစ်တာအတွင်း သေဆုံး စစ်ကောင်စီတပ်သား ၂သောင်းကျော်အနက် သေဆုံသူအများစုဟာ ပစများဖြစ်ဟုဆို

စက်တင်ဘာ-၁၈၊ ၂၀၂၆။ထားမြတ်၊ ဟာနာဆန်/People’s Spring

အာဏာသိမ်းစစ်တပ်ရဲ့ အဓမ္မစစ်သားစုဆောင်းမှု အစီအစဥ်ကို ဆန့်ကျင်တိုက်ဖျက်ကြဖို့ အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက စက်တင်ဘာ ၁၈ရက်မှာ ကြေညာချက် ထုတ်ပြန်ခဲ့ပြီး အဓမ္မ စစ်သားစုဆောင်းခံရတဲ့ ပြည်သူ့စစ်မှုထမ်း(ပစ)တွေ အနေနဲ့ အကြမ်းဖက် စစ်တပ်ကို အမြန်စွန့်ခွာပြီး တော်လှန်ရေးအဖွဲ့အစည်းများနဲ့ ပူးပေါင်းဖို့ တိုက်တွန်းနှိုးဆော်ထားပါတယ်။

စစ်တပ်ဟာ ၂၀၂၁ ကနေ ၂၀၂၄ အတွင်း သူတို့ရဲ့ အမာခံ တိုက်ခိုက်ရေးအင်အား အများစု ချေမှုန်းခံရပြီးနောက် ၂၀၂၄ ဖေဖော်ဝါရီကစတင်ကာ ပြည်သူ့စစ်မှုထမ်း ဥပဒေ (ခေါ်) အဓမ္မစစ်သား စုဆောင်းတဲ့ အစီအစဉ်ကို အကောင်အထည်ဖော်ခဲ့ရာ အရပ်သား လူငယ်များ အဓမ္မ စစ်သားစုဆောင်းခံခဲ့ရပြီး ထိခိုက်သေဆုံးမှုများပြားခဲ့တဲ့ အခြေအနေကို ကာကွယ်ရေးဝန်ကြီးဌာနရဲ့ ဒီကနေ့ ကြေညာချက်မှာ ဖော်ပြခဲ့ပါတယ်။

စစ်တပ်ဟာ အရပ်သားလူငယ်များရဲ့ အသက်နဲ့ သူ့ရဲ့ စစ်အာဏာကို အသက်ဆက်ဖို့ ကြိုးစားအားထုတ်နေတာဖြစ်လို့ အဓမ္မစစ်သားစုဆောင်းခံရတဲ့ ပြည်သူ့စစ်မှုထမ်း(ပစ)များအနေနဲ့ မိမိတို့ရဲ့ အသက် သွေးချွေးဖြင့် စစ်အာဏာရှင် သက်ဆိုးရှည်ရေး အလုပ်အကျွေးပြုနေရတဲ့ အခြေအနေက ရုန်းထွက်နိုင်ဖို့ အတွက် အကြမ်းဖက်စစ်တပ်ကို အမြန်ဆုံးစွန့်ခွာကြရန် NUG ကာကွယ်ရေးဝန်ကြီးဌာနက တိုက်တွန်းကာ ပြည်သူ့တော်လှန်ရေး အဖွဲ့အစည်း များနဲ့ ဆက်သွယ်ပူးပေါင်းကြဖို့ နှိုးဆော်ခဲ့ပါတယ်။

အာဏာသိမ်း စစ်တပ်ဟာ စစ်မှုထမ်း ဥပဒေမျိုး ပြဋ္ဌာန်းခွင့် ကျင့်သုံးပိုင်ခွင့်မရှိဘဲ ပြဋ္ဌာန်းကျင့်သုံးနေတာဟာ ပြည်သူအပေါ် အဓမ္မ စစ်ကျွန်ပြုတဲ့ လုပ်ရပ်ဖြစ်ကြောင်း ကာကွယ်ရေးဝန်ကြီးဌာနက ဖော်ပြပါတယ်။

စစ်တပ်ဟာ ၂၀၂၄ကနေ ၂၀၂၆ ဩဂုတ်အထိ စစ်မှုထမ်း အပတ်စဉ်(၂၇)ခု ဖွင့်လှစ်ကာ အင်အား ၁၃၅၀၀၀ ကျော်ကို အဓမ္မ စုစည်းကာ အဲဒီ အင်အားတွေ အသုံးချ လူလှိုင်းစစ်ဆင်ရေးတွေနဲ့ နိုင်ငံအနှံ့ ထိုးစစ်ဆင် တိုက်ခိုက်နေတာဖြစ်တယ်လို့ ဆိုပါတယ်။

စစ်တပ်ရဲ့ စစ်ကြောင်းတွေမှာ ပြည်သူ့စစ်မှုထမ်း အင်အား ၈၀ ရာခိုင်နှုန်းခန့်အထိ ပါဝင်နေတာ တွေ့ရပြီး ပစ အင်အား သိန်းချီ အလောင်းအစားပြုကာ ကမူးရှုးထိုး ထိုးစစ်ဆင်နေပေမဲ့ စစ်မျက်နှာတိုင်းမှာ လိုရာမရောက်ဘဲ တော်လှန်ရေးအဖွဲ့တွေရဲ့ တိုက်ခိုက်ချေမှုန်းမှုကြောင့် ဆုံးရှုံးထိခိုက်များပြားနေကြောင်း NUG ကာကွယ်ရေးက ထုတ်ပြန်ပါတယ်။

၂နှစ်တာ ကာလအတွင်း စစ်တပ်က သေဆုံးသူ ၂သောင်းကျော်(၂၀၃၈၃ ဦး)၊ ဒဏ်ရာရသူ ၉၇၀၀ ကျော် ရှိခဲ့သလို ပြည်သူ့ရင်ခွင်ခိုလှုံသူ ၃,၈၀၀ ကျော်၊ မိမိအစီအစဥ်ဖြင့် အကြမ်းဖက်စစ်တပ်ကို စွန့်ခွာထွက်ပြေးသူ(တပ်ပြေး) နှစ်သောင်းခန့် ရှိခဲ့ကြောင်း ကာကွယ်ရေးဝန်ကြီးဌာနက ထုတ်ပြန်ပါတယ်။

စစ်တပ်ရဲ့ ထိခိုက်ဆုံးရှုံးမှုတွေအနက် အများစုဟာ အဓမ္မစစ်သားစုဆောင်းခံရသူ ပြည်သူ့စစ်မှုထမ်း(ပစ)တွေ ဖြစ်တာ တွေ့ရတယ်လို့ ဖော်ပြပါတယ်။ ဒါ့အပြင် ကာကွယ်ရေးဝန်ကြီးဌာနက ဖမ်းမိထားတဲ့ စစ်သုံ့ပန်း (၅၃၆) ဦးရှိတယ်လို့ ဆိုပါတယ်။

အဓမ္မစစ်သားစုဆောင်းပြီး လူငယ်တို့ရဲ့ အသက်ကို စတေးနေတဲ့ အစီအစဥ်ဟာ စစ်အုပ်စုရဲ့ အဓိက အသက်ရှုပေါက်ဖြစ်လျက်ရှိသလို လက်ရှိအချိန်မှာ အမျိုးသားများသာမက အမျိုးသမီးငယ်များကိုပါ ပစ်မှတ်ထားလျက်ရှိလို့ အဲဒီ အစီအစဉ်ကိုပြည်သူလူထုရဲ့ ပူးပေါင်းပါဝင်မှုဖြင့် ဆန့်ကျင်တိုက်ဖျက်ကြရမယ်လို့လည်း NUG ကာကွယ်ရေးက ထုတ်ပြန်ပါတယ်။

ပြည်သူ့ကာကွယ်ရေးတပ်မတော်အနေဖြင့် စစ်မြေပြင်မှာ ရန်သူကို ပြတ်သားစွာ တိုက်ခိုက် ချေမှုန်းသွားမည်ဖြစ်‌သော်လည်း ရန်သူ့တပ်ကို စွန့်ခွာထွက်ပြေးလာတဲ့ ပြည်သူ့စစ်မှုထမ်း (ပစ) များကိုမူ လိုအပ်သော ချိတ်ဆက်မှုနဲ့ ကူညီစောင့်ရှောက်မှုများ ဆောင်ရွက်သွားမယ်လို့ အသိပေးပါတယ်။

လက်နက်နဲ့ တကွ လာရောက်ပူးပေါင်းသူများအား ထိုက်တန်တဲ့ ဆုကြေးငွေ ပေးအပ်ချီးမြှင့် သွားမည်ဖြစ်ပြီး နိုင်ငံရပ်ခြားသို့ ထွက်ခွာလိုသော ကြိုတင် ချိတ်ဆက်လာသူများအားလည်း ဖြစ်နိုင် သော ကူညီစောင့်ရှောက်မှုပေးနိုင်ဖို့ စီစဉ်ဆောင်ရွက်သွားမယ်လို့ ဆိုပါတယ်။

အရွယ်ရောက်ပြီး လူငယ်များ အနေနဲ့ လည်း စစ်တပ်ရဲ့ အဓမ္မစစ်သားစုဆောင်းခံရမည့်အရေးကို နည်းလမ်းစုံသုံး ရှောင်ရှားကြဖို့ လိုအပ်ကြောင်း ဖော်ပြပါတယ်။

အရွယ်ရောက်ပြီး လူငယ်များအနေနဲ့ အဓမ္မစစ်သားစုဆောင်းခံရမည့်အခြေအနေရှိလျှင် တော်လှန်ရေးနယ်မြေများသို့ ဖြစ်စေ၊ နိုင်ငံရပ်ခြားသို့ဖြစ်စေ အမြန်ဆုံးထွက်ခွာကြဖို့ တိုက်တွန်းထားပါတယ်။

ဒါ့အပြင် ပေါ်တာဆွဲဖမ်းဆီးခံရမည့်အရေးကို ရှောင်လွှဲနိုင်ရန်အတွက် တဦးတည်းသွားလာခြင်း၊ ညဘက် အပြင်ထွက်ခြင်းများကို အတတ်နိုင်ဆုံး ရှောင်ကြဥ်ကြဖို့ ဖော်ပြပါတယ်။

မလွှဲမရှောင်သာလို့ အဓမ္မစစ်သားစုဆောင်းခံရလျှင် အခွင့်သာတာနဲ့ အကြမ်းဖက် စစ်တပ်ကို စွန့်ခွာထွက်ပြေးကြဖို့နဲ့ အခြေအနေပေးပါက လက်နက်ပါ တပါတည်းယူဆောင်လာဖို့ NUG ကာကွယ်ရေးက ထုတ်ပြန်ပါတယ်။

ဒီလိုဆောင်ရွက်ရာမှာ တော်လှန်ရေးအဖွဲ့အစည်းများဖြစ်သော ပြည်သူ့ကာကွယ်ရေး တပ်မတော် (PDF) စစ်ရုံးချုပ်နဲ့ တပ်ရင်း၊ တပ်ဖွဲ့များ၊ ပြည်သူ့ကာကွယ်ရေးအဖွဲ့ (ပကဖ-ရုံးချုပ်)နဲ့ တိုင်း၊ ခရိုင်၊ မြို့နယ် ပကဖများ၊ ပြည်သူ့အုပ်ချုပ်ရေးအဖွဲ့ (ပအဖ) များ၊ ပြည်သူ့ လုံခြုံရေးအဖွဲ့ (ပလဖ) များ၊ ပြည်သူ့ရင်ခွင် ခိုလှုံရေးအစီအစဥ်နဲ့ တိုင်းရင်းသား တော်လှန်ရေးအဖွဲ့ (EROs)များအား ဆက်သွယ်ပြီး လိုအပ်သော အကူအညီ ရယူဆောင်ရွက်ကြဖို့လည်း တိုက်တွန်းထားပါတယ်။

ဒါ့အပြင် ရပ်ရွာလူထုအနေဖြင့် မိမိတို့မျက်မှောက်တွင် လူပေါ်တာဆွဲ ဖမ်းဆီးခြင်းများ ကြုံတွေ့ရပါက မျက်ကွယ်ပြုမနေဘဲ လူထုအားဖြင့် ဆန့်ကျင်တားဆီးကြဖို့ တိုက်တွန်းထားပါတယ်။

မိဘများ၊ ဇနီးမယားများအနေဖြင့်လည်း မိမိတို့ရဲ့ သားသမီးနဲ့ ခင်ပွန်းသည်များရဲ့ လုံခြုံရေး အတွက် အထူးသတိဝီရိယစိုက်၍ ကူညီစောင့်ရှောက်ကြဖို့လည်း တိုက်တွန်းထားပါတယ်။

တော်လှန်ရေးနယ်မြေများသို့ ရောက်ရှိလာသော လူငယ်များအနေဖြင့် တဦးချင်းရဲ့ ကျွမ်းကျင်မှုနဲ့ စိတ်ဝင်စားရာအလိုက် ပညာရေး၊ ကျန်းမာရေး၊ စစ်ဘေးရှောင်ကူညီရေး၊ ဒေသဖွံ့ဖြိုးရေး၊ ကုန်ထုတ်လုပ်မှု စသော လူထုဝန်ဆောင်မှု လုပ်ငန်းများတွင် ပါဝင်ခွင့်ရရှိမည်ဖြစ်သလို တိုက်ခိုက် ရေးတာဝန် ထမ်းဆောင်လိုသူများအနေနဲ့လည်း သတ်မှတ်ထားသော အရည်အချင်းနဲ့ ပြည့်မီပါက ပြည်သူ့ ကာကွယ်ရေးတပ်မတော်(PDF)၊ ပြည်သူ့ကာကွယ်ရေးအဖွဲ့(ပကဖ)သို့ ဝင်ရောက်ခွင့် ရရှိမယ်လို့လည်း အသိပေးထားပါတယ်။

ပညာဆက်လက် သင်ယူလိုသော လူငယ်များအနေနဲ့လည်း ပညာသင်ယူ ခွင့်ရရှိအောင် စီမံ ဆောင်ရွက် ပေးသွားမှာ ဖြစ်ကြောင်း NUG ကာကွယ်ရေးက ထုတ်ပြန်ခဲ့ပြီး တော်လှန်ရေးနယ်မြေသို့ ရောက်ရှိလာသော လူငယ်များ အနေဖြင့် တော်လှန်ရေးရဲဘော်များ၊ တော်လှန်ပြည်သူများနဲ့ အတူတကွ ရပ်တည် ရုန်းကန်ရှင်သန် ရမည်ဖြစ်ကြောင်း၊ ဒါပေမဲ့ မိမိတို့ရဲ့လူ့ဂုဏ်သိက္ခာနဲ့ လုံခြုံမှုကို ရရှိခံစားနိုင်မှာဖြစ်ကြောင်း ထုတ်ပြန်ပါတယ်။

စစ်တပ်ရဲ့ အဓမ္မ စစ်သားစုဆောင်းမှုကို ပြည်သူလူထုပူးပေါင်းပါဝင်မှုနဲ့ ဆန့်ကျင်တိုက်ဖျက်ရမယ့် အချိန်ရောက်ပြီလို့ NUG
ကာကွယ်ရေးဝန်ကြီးဌာန​ကြေညာ

စက်တင်ဘာ-၁၈၊၂၀၂၆။ဟာနာဆန်/People's Spring

အာဏာသိမ်းစစ်တပ်ရဲ့အဓမ္မ စစ်သားစု
ဆောင်းမှုကိုပြည်သူလူထုရဲ့ ပူးပေါင်းပါဝင်မှုနဲ့ ဆန့်ကျင်တိုက်ဖျက်ကြရမယ့်အချိန်ရောက်
နေပြီဖြစ်ကြောင်း အမျိုးသားညီညွတ်ရေးအစိုးရ NUG ရဲ့ကာကွယ်ရေးဝန်ကြီးဌာနက ဒီက​နေ့ ထုတ်ပြန်ကြေညာလိုက်ပါတယ်။

အာဏာသိမ်းစစ်တပ်ရဲ့ အဓမ္မ စစ်သားသစ်(ပစ)စုဆောင်းမှုနဲ့ပတ်သက်ပြီး အမျိုး
သားညီညွတ်ရေးအစိုးရ NUG ရဲ့ကာကွယ်
ရေးဝန်ကြီးဌာနက ဒီကနေ့ စက်တင်ဘာ ၁၈ ရက်မှာ ထုတ်ပြန်ပါတယ်။

တရားဝင်ပြည်သူ့အစိုးရထံကနေ အဓမ္မအာ
ဏာသိမ်းယူထားတဲ့ စစ်အုပ်စုအနေနဲ့ ပြည်သူ့ စစ်မှုထမ်း ဥပဒေကဲ့သို့ ပြည်သူအပေါ်သက်
ရောက်မှုကြီးမားတဲ့ ဥပဒေမျိုးကို ပြဋ္ဌာန်းခွင့်နဲ့ ကျင့်သုံးပိုင်ခွင့် မရှိဘဲနဲ့ ပြဋ္ဌာန်းကျင့်သုံးနေတာဟာ ပြည်သူအပေါ် အဓမ္မစစ်ကျွန်ပြုတဲ့ လုပ်ရပ်သာဖြစ်ကြောင်း ထုတ်ပြန်ချက်မှာ ဖော်ပြပါတယ်။

အာဏာသိမ်း စစ်တပ်ဟာ ၂၀၂၄ ခုနှစ်၊ ဇူ
လိုင်လမှ၂၀၂၆ သြဂုတ်လအထိပြည်သူ့စစ်မှုထမ်း(ပစ) အပတ်စဥ် (၂၇) ခု ဖွင့်လှစ်ခဲ့ပြီး အင်အား (၁၃၅,၀၈၀) ခန့်ကို အဓမ္မစုစည်းခဲ့ကြောင်း၊ ယခုအခါ ၎င်းအင်အားကို အသုံးချပြီး လူလှိုင်းစစ်ဆင်ရေးတွေနဲ့ နိုင်ငံအနှံ့ထိုး
စစ်ဆင် တိုက်ခိုက်နေပြီး စစ်တပ်ရဲ့ စစ်
ကြောင်းတွေမှာ ပြည်သူ့စစ်မှုထမ်း(ပစ) အင်
အား (၈၀) ရာခိုင်နှုန်းခန့်အထိ ပါဝင်နေတာကို တွေ့ရတယ်လို့ ထုတ်ပြန်ချက်မှာ အသိ​​ပေးပါတယ်။

စစ်အုပ်စုရဲ့ ထိုးစစ်အခြေအနေကိုကြည့်ရင် ပြည်သူ့စစ်မှုထမ်း(ပစ) သိန်းချီ အင်အားကို အလောင်းအစားပြုပြီးကမူးရှုးထိုး ထိုးစစ်ဆင် ဆောင်ရွက်နေပေမဲ့ ဘယ်စစ်မျက်နှာမှာမှ လိုရာမရောက်ဘဲ ပြည်သူ့တော်လှန်ရေးအဖွဲ့အစည်းတွေရဲ့ ထိရောက်တဲ့တိုက်ခိုက်ချေမှုန်းမှုတွေကြောင့် ထိခိုက်ဆုံးရှုံးမှု အလွန်များပြားနေတာကို တွေ့ရတယ်လို့ NUG ရဲ့ ကာကွယ်ရေးဝန်ကြီးဌာနက ဆိုပါတယ်။

၂၀၂၄ ခုနှစ်၊ ဇူလိုင်လမှ၂၀၂၆ ခုနှစ်၊သြဂုတ်လအထိ (၂) နှစ်တာ ကာလအတွင်းစစ်တပ်မှ သေဆုံး(၂၀,၃၈၃)ဦး၊ထိခိုက်ဒဏ်ရာရ (၉,၇၉၂) ဦး၊ ပြည်သူ့ရင်ခွင်ခိုလှုံသူ (၃,၈၇၄) ဦး၊ မိမိအစီအစဥ်နဲ့ စစ်တပ်ကို စွန့်ခွာထွက်
ပြေးသူ(တပ်ပြေး) (၂၀,၀၀၀) ဦးခန့် ရှိခဲ့တယ်လို့ NUG ကာကွယ်ရေးဝန်ကြီးဌာနရဲ့ မှတ်တမ်း​တွေကဆိုပါတယ်။

၎င်းထိခိုက်ဆုံးရှုံးမှုတွေအနက် အများစုမှာ အဓမ္မစစ်သားစုဆောင်းခံရသူ ပြည်သူ့စစ်မှုထမ်း(ပစ)များဖြစ်တာကိုလည်းတွေ့ရပြီး ကာကွယ်ရေးဝန်ကြီးဌာနကပဲ ဖမ်းဆီးထိန်း
သိမ်းထားတဲ့ စစ်သုံ့ပန်း (၅၃၆) ဦး ထိ ရှိနေကြောင်း ထုတ်ပြန်ချက်မှာ အသိပေးပါတယ်။

စစ်အုပ်စုထိန်းချုပ်ထားတဲ့ မြို့ပြတွေမှာပျူစောထီးတွေ၊လူဆိုးလူမိုက်တွေ၊ ရပ်/ကျေး အုပ်ချုပ်ရေးအဖွဲ့တွေပူးပေါင်းပြီး ရာဇဝတ်ဂိုဏ်းတွေအဖြစ် နေ့စဥ်နဲ့အမျှ လူပြန်ပေးဆွဲတာ၊ လူမှောင်ခို ရောင်းဝယ်တာ ငွေညှစ်တာတွေကို ပြောင်ပြောင်တင်းတင်း လုပ်ဆောင်နေပြီး လူငယ်တွေရဲ့ လုံခြုံရေးအပေါ် အကြီး
အကျယ် ခြိမ်းခြောက်နေကြောင်း၊ အဲဒီ လူပြန်ပေးဆွဲ မှောင်ခိုရောင်းဝယ်မှု လုပ်ငန်းဟာ ၎င်းရာဇဝတ်ဂိုဏ်းတွေအတွက် အရေးကြီးတဲ့ ဝင်ငွေရလမ်းဖြစ်နေတာကိုတွေ့ရကြောင်း
ကာကွယ်ရေးဝန်ကြီးဌာနက အသိပေးပါတယ်။

အဓမ္မစစ်သားစုဆောင်းပြီး လူငယ်တွေရဲ့ အသက်ကို စတေးနေတဲ့ အစီအစဥ်ဟာ စစ်အုပ်စုရဲ့ အဓိကအသက်ရှုပေါက်ဖြစ်ပြီး ယခုအခါအမျိုးသားတွေသာမကအမျိုးသမီးငယ်
တွေကိုပါ ပစ်မှတ်ထားနေရာ အဲဒီအစီအစဥ်ကို ပြည်သူလူထုရဲ့ ပူးပေါင်းပါဝင်မှုနဲ့ ဆန့်ကျင်တိုက်ဖျက်ကြရမည့် အချိန်ဖြစ်ကြောင်း ကာကွယ်ရေးဝန်ကြီးဌာနက သတိပေးပါတယ်။

အရွယ်ရောက်ပြီး လူငယ်တွေ အနေနဲ့လည်း စစ်အုပ်စုရဲ့ အဓမ္မစစ်သားစုဆောင်းခံရမယ့်အရေးကို နည်းလမ်းစုံသုံးပြီး ရှောင်ရှားကြဖို့ လိုအပ်ပြီး အရွယ်ရောက်ပြီး လူငယ်တွေအနေနဲ့

(၁) အဓမ္မစစ်သားစုဆောင်းခံရမယ့် အခြေ
အနေရှိရင် တော်လှန်ရေးနယ်မြေတွေကို ဖြစ်စေ၊ နိုင်ငံရပ်ခြားသို့ဖြစ်စေ အမြန်ဆုံးထွက်ခွာကြဖို့

( ၂) ပေါ်တာဆွဲဖမ်းဆီးခံရမယ့်အရေးကို ရှောင်လွှဲနိုင်ဖို့အတွက် တဦးတည်းသွားလာတာ၊ ညဘက် အပြင်ထွက်တာတွေကို အတတ်နိုင်ဆုံး ရှောင်ကြဥ်ကြဖို့

( ၃) မလွှဲမရှောင်သာလို့ အဓမ္မစစ်သားစုဆောင်းခံရရင် အခွင့်သာတာနဲ့ စစ်တပ်ကို စွန့်ခွာထွက်ပြေးကြဖို့နဲ့ အခြေအနေပေးပါက လက်နက်ပါ တပါတည်း ယူဆောင်လာဖို့ အကြံပြုထားပါတယ်။

အဲဒီလို ဆောင်ရွက်ရာမှာ တော်လှန်ရေးအဖွဲ့အစည်းများဖြစ်တဲ့ ပြည်သူ့ကာကွယ်ရေး တပ်မတော် (PDF) စစ်ရုံးချုပ်နဲ့တပ်ရင်း၊ တပ်ဖွဲ့တွေ၊ ပြည်သူ့ကာကွယ်ရေးအဖွဲ့ (ပကဖ-ရုံးချုပ်)နဲ့ တိုင်း၊ ခရိုင်၊ မြို့နယ် ပကဖတွေ၊ ပြည်သူ့အုပ်ချုပ်ရေးအဖွဲ့ (ပအဖ)တွေ၊ ပြည်သူ့ လုံခြုံရေးအဖွဲ့ (ပလဖ)တွေ၊ ပြည်သူ့ရင်ခွင် ခိုလှုံရေးအစီအစဥ်နဲ့တိုင်းရင်းသား တော်လှန်ရေးအဖွဲ့ (EROs)တွေကို ဆက်သွယ်ပြီး လိုအပ်တဲ့ အကူအညီ ရယူဆောင်ရွက်ကြဖို့ တိုက်တွန်းထားပါတယ်။

ရပ်ရွာလူထုအနေနဲ့ မိမိတို့ရှေ့မှာလူပေါ်တာဆွဲ ဖမ်းဆီးတာတွေ ကြုံတွေ့ရပါက မျက်ကွယ်ပြုမနေဘဲ လူထုအားနဲ့ ဆန့်ကျင်တားဆီးကြဖို့၊ မိဘတွေ၊ ဇနီးမယားတွေအနေနဲ့လည်း မိမိတို့ရဲ့ သားသမီးနဲ့ ခင်ပွန်းသည်တွေရဲ့ လုံခြုံ
ရေး အတွက် အထူးသတိဝီရိယစိုက်ပြီး ကူညီစောင့်ရှောက်ဖို့ထပ်မံတိုက်တွန်းထားပါတယ်။

တော်လှန်ရေးနယ်မြေတွေကို ရောက်ရှိလာတဲ့ လူငယ်တွေအနေနဲ့ တဦးချင်းရဲ့ ကျွမ်းကျင်မှုနဲ့ စိတ်ဝင်စားရာအလိုက် ပညာရေး၊ ကျန်းမာ
ရေး၊ စစ်ဘေးရှောင်ကူညီရေး၊ ဒေသဖွံ့ဖြိုးရေး၊ ကုန်ထုတ်လုပ်မှု စတဲ့ လူထုဝန်ဆောင်မှု လုပ်ငန်းတွေမှာ ပါဝင်ခွင့်ရရှိမှာဖြစ်ကြောင်း၊ တိုက်ခိုက် ရေးတာဝန် ထမ်းဆောင်လိုသူတွေဟာ သတ်မှတ်ထားတဲ့ အရည်အချင်းနဲ့ ပြည့်မီပါကပြည်သူ့ကာကွယ်ရေးတပ်မတော်
(PDF)၊ ပြည်သူ့ကာကွယ်ရေးအဖွဲ့(ပကဖ)သို့ ဝင်ရောက်ခွင့် ရရှိမှာဖြစ်ကြောင်း ကာ
ကွယ်ရေးဝန်ကြီးဌာနက အသိပေးပါတယ်။

ပညာဆက်သင်လိုတဲ့ လူငယ်တွေအနေနဲ့လည်းပညာသင်ယူ ခွင့်ရရှိအောင်စီမံ ဆောင်
ရွက် ပေးသွားမှာဖြစ်ကြောင်း၊ တော်လှန်ရေးနယ်မြေသို့ ရောက်ရှိလာတဲ့ လူငယ်တွေ အနေနဲ့ တော်လှန်ရေးရဲဘော်တွေ၊ တော်လှန်ပြည်သူတွေနဲ့ အတူတကွ ရပ်တည် ရုန်းကန်ရှင်
သန် ရမှာဖြစ်သော်လည်း မိမိတို့ရဲ့ လူ့ဂုဏ်
သိက္ခာနဲ့ လုံခြုံမှုကိုရရှိခံစားနိုင်မှဖြစ်ကြောင်း
ကာကွယ်ရေးဝန်ကြီးဌာန ကြေညာပါတယ်။

ပြည်သူ့ကာကွယ်ရေးတပ်မတော်အနေနဲ့ စစ်မြေပြင်မှာ ရန်သူကို ပြတ်သားစွာ တိုက်
ခိုက် ချေမှုန်းသွားမှာဖြစ်‌ပေမဲ့ ရန်သူ့တပ်ကို စွန့်ခွာထွက်ပြေးလာတဲ့ပြည်သူ့စစ်မှုထမ်း (ပစ)
တွေကိုတော့ လိုအပ်တဲ့ ချိတ်ဆက်မှုနဲ့ ကူညီစောင့်ရှောက်မှုတွေ ဆောင်ရွက်သွားမှာ ဖြစ်
ကြောင်း သိရပါတယ်။

လက်နက်နဲ့တကွ လာရောက်ပူးပေါင်းသူတွေကို ထိုက်တန်တဲ့ ဆုကြေးငွေ ပေးအပ်ချီးမြှင့် သွားမှာဖြစ်ပြီး နိုင်ငံရပ်ခြားသို့ ထွက်ခွာလိုတဲ့ ကြိုတင် ချိတ်ဆက်လာသူတွေကိုလည်း ဖြစ်နိုင်တဲ့ ကူညီစောင့်ရှောက်မှုပေးနိုင်ဖို့ စီစဥ်ဆောင်ရွက်သွားမှာဖြစ်ကြောင်း ထုတ်ပြန်ချက်မှာ ဖော်ပြပါတယ်။

အဓမ္မစစ်သားစုဆောင်းခံရတဲ့ ပြည်သူ့စစ်မှုထမ်း(ပစ)တွေအနေနဲ့ မိမိတို့ရဲ့ အသက် သွေးချွေးနဲ့စစ်အာဏာရှင်သက်ဆိုးရှည်ရေး အ
လုပ်အကျွေးပြုနေရတဲ့ အခြေအနေကနေ ရုန်းထွက် နိုင်ဖို့အတွက် စစ်တပ်ကို အမြန်ဆုံးစွန့်ခွာကြဖို့နဲ့ ပြည်သူ့တော်လှန်ရေးအဖွဲ့အ
စည်းတွေနဲ့ဆက်သွယ်ပူးပေါင်းကြဖို့နှိုးဆော်ထားပါတယ်။

ဒါအပြင် ဆက်သွယ်ရမယ့် ပြည်သူ့လုံခြုံ​ရေးအဖွဲ့ (စစ်ရုံးချုပ်) ၊ပကဖ ရုံးချုပ် ၊ပြည်သူ့ရင်ခွင်ခိုလှုံ​ရေးအစီအစဥ်တို့ရဲ့ တယ်လီဂရန်(telegram) ၊ဆစ်ဂနယ်လ်(Signal) ၊ဗိုက်ဘာ(Viber) QR code ​တွေကိုလည်းပူးတွဲထုတ်ပြန်ထားပါတယ် ။

တော်လှန်​ရေးတပ်​တွေထံစစ်သုံ့ပန်းအဖြစ်အဖမ်းခံရတဲ့ ၊အလင်းဝင်တဲ့ ၊လက်နက်ချတဲ့စစ်သားများ ။အများစုမှာစစ်သားသစ်(ပစ)​တွေဖြစ်ပါတယ်