အင်အားလိုအပ်ချက်ကြောင့် စစ်တပ်က စစ်မှုထမ်းသင်တန်းကျောင်းအချို့ ထပ်တိုးဖွင့်

​စက်တင်ဘာ-၁၇၊ ၂၀၂၆။ ဟာနာဆန်/People's Spring

​စစ်မြေပြင်မှာ ထိခိုက်သေဆုံးမှုများပြားနေတဲ့ အာဏာသိမ်းစစ်တပ်ဟာ စစ်မှုထမ်းအင်အား လိုအပ်ချက်ကြောင့် အရင်က နယ်မြေအခြေအနေအရ ပိတ်ထားခဲ့ရတဲ့ စစ်သင်တန်းကျောင်းအချို့ကိုပါ ပြန်လည်ဖွင့်လှစ်ပြီးထပ်တိုးလက်ခံလေ့ကျင့်ပေးနေကြောင်း မြန်မာ့စစ်ဘက်ရေးရာနဲ့ လုံခြုံရေးဆိုင်ရာ လေ့လာရေးအဖွဲ့(Myanmar Defense & Security Institute-MDSI)က သတင်းထုတ်ပြန်ပါတယ်။

အာဏာသိမ်းစစ်တပ်ဟာ နိုင်ငံအနှံ့ တန်ပြန် ထိုးစစ်တွေမှာ ထိခိုက်ကျဆုံးမှု များပြားနေတာ​တွေနဲ့ စစ်မြေပြင်မှာ လူသားဒိုင်းတိုက်ခိုက်ရေးအင်အား လိုအပ်ချက် မြင့်မားနေတာတွေကြောင့် ပေါ်တာဆွဲကာ စစ်မှုထမ်းသင်တန်းတွေကို ဆက်လက်စုဆောင်းဖွင့်လှစ်နေမည်ဟု သုံးသပ်ရကြောင်း၊ လက်ရှိ စစ်မှုထမ်း အမှတ်စဉ် (၂၇)ကစတင်ကာ ကလေးမြို့အခြေစိုက်တန်းမြင့်သင်တန်းကျောင်း တတက (၁၀)နဲ့ သပိတ်ကျင်းမြို့နယ်အခြေစိုက် တတက (၁၃) တို့မှာသင်တန်းသားတွေ ပြန်လည်လက်ခံဖွင့်လှစ်နေကြောင်း MDSI က အသိပေးပါတယ်။

စစ်တပ်ဟာ စစ်မှုထမ်းသင်တန်းတွေအတွက် တစ်နိုင်ငံလုံးမှာ သင်တန်းကျောင်း ၂၇ ခုအထိ ရှိတဲ့အနက် လက်ရှိ သင်တန်းကျောင်း ၂၄ ခုမှာ ပုံမှန်လက်ခံလေ့ကျင့်ပေးနေတယ်လို့ MDSI ရဲ့ ထုတ်ပြန်ချက်အရ သိရပါတယ်။

စစ်မှုထမ်းသင်တန်းကျောင်းတွေ တိုးဖွင့်လာတာက လက်ရှိစစ်တပ်မှာ လူအင်အားလိုအပ်ချက် မြင့်မားလာတဲ့အတွက် စစ်မှုထမ်းခေါ်ယူမှုကို ပိုမိုကျယ်ပြန့်စွာလုပ်ဆောင်ဖို့ ပြင်ဆင်နေတာဖြစ်ကြောင်း မန္တလေးမြို့ မြေပြင်ကင်းထောက်အဖွဲ့ဖြစ်တဲ့ Voice Of Mandalay အဖွဲ့က တာဝန်ရှိသူက ပြောပါတယ်။

"သင်တန်းကျောင်းတိုးလာတာကို အဆောက်အဦးတိုးချဲ့တာလို့ပဲ မြင်လို့မရပါဘူး။ အဓိက လူအင်အားပိုမိုစုဆောင်းနိုင်ဖို့ ရည်ရွယ်ချက်ရှိရှိတည်ဆောက်နေကြတာပါ။ ဒါကြောင့် ရှေ့လျှောက် ပေါ်တာဆွဲတာတွေ စစ်မှုထမ်းခေါ်ယူမှုတွေ ပိုဆိုးလာပါလိမ့်မယ်။ ဟိုးအရင်က ပေါ်တာဆွဲရင် ငွေပေးပီးရွေးလို့ရတယ်ပေါ့နော်။ ခုနောက်ပိုင်း စစ်တပ်အသိုင်းဝိုင်းနဲ့ ဘောမကလွဲရင် သာမန်ပြည်သူတွေပေါ်တာဆွဲခံရရင် လုံးဝငွေပေးလို့မရဘဲ စုဆောင်းရေးထဲတခါတည်းဆွဲသွားတာပိုများလာတယ်"လို့ ပြောပါတယ်။

စစ်မှုထမ်းသင်တန်းကျောင်းတွေမှာ ထွက်ပြေးဖို့ ကြိုးပမ်းတဲ့ သင်တန်းသားတွေကို ပစ်ခတ်ဖမ်းဆီးတာ၊ ပြန်လည်ဖမ်းမိသူတွေကို အပြင်းအထန် နှိပ်စက်ရိုက်နှက်တာတွေကြောင့် အသက်သေဆုံးမှုတွေနဲ့ ကိုယ်လက်အင်္ဂါထိခိုက်မှုတွေ၊ လစာငွေကြေး ဖြတ်တောက်ခေါင်းပုံဖြတ်တာတွစတဲ့ လူ့အခွင့်အရေးချိုးဖောက် ကျူးလွန်မှုတွေ ရှိနေတယ်လို့ MDSI က ထောက်ပြပါတယ်။

စစ်မှုထမ်းသင်တန်းသား လိုအပ်ချက်ကြောင့် ပေါ်တာဆွဲဖမ်းဆီးမှုတွေ၊ လူငယ်လူရွယ် နေ့စဉ်သွားလာနေထိုင်မှုတွေကို စောင့်ကြည့်ပြီး ပစ်မှတ်ထား ဖမ်းဆီးစုဆောင်းတာတွေ၊ တောနယ်မြို့ရွာအနှံ့ နေအိမ်ပေါ်အထိ ဝင်ရောက်ဖမ်းဆီးတာတွေကို ပြောင်ပြောင်တင်းတင်း လုပ်ဆောင်လာနေကြောင်း MDSI က အသိပေးပါတယ်။

ဒါ့အပြင် စစ်မှုထမ်းအင်အား ပြည့်မီရေး အထက် ဌာနတွေရဲ့ ဖိအားပေးမှုနဲ့ အောက်ခြေအဆင့်ဆင့် လူအရောင်းအဝယ် အကျိုးအမြတ်တွေကြောင့် အဖွဲ့ပေါင်းစုံပါဝင်တဲ့စစ်မှုထမ်းလူမှောင်ခိုဂိုဏ်းတွေ ပေါ်ပေါက်လာနေကြောင်း၊ တချိန်တည်းမှာပင် ပေါ်တာဆွဲစစ်မှုထမ်းစာရင်း အချက်အလက် တွေ မှတ်တမ်းရေးသွင်းပြုစုပြီး ခွဲတမ်းစနစ် ဖမ်းဆီးစုဆောင်းတာကို ပေါင်းစပ်လုပ်ဆောင်နိုင်ရန် ပြင်ဆင်နေကြောင်း MDSI ရဲ့ ထုတ်ပြန်ချက်မှာ ဖော်ပြပါတယ်။

အလားတူ အာဏာသိမ်းစစ်ခေါင်းဆောင် မင်းအောင်လှိုင်ကလည်း ပေါ်တာဆွဲစစ်မှုထမ်းဥပဒေကို ဆက်လက်ကျင့်သုံးဖော်ဆောင်မည်ဟု ပြောဆိုထားကြောင်း MDSI ထုတ်ပြန်ချ​က်မှာ ရေးသားထားပါတယ်။

စစ်တပ်ရဲ့ အဓမ္မစစ်သားစုဆောင်းရေးဖြစ်တဲ့ ပစ အစီအစဉ်ကို တိုက်ဖျက်ရေးဟာ တော်လှန်ရေးအတွက် အရေးကြီးတဲ့ လုပ်ငန်းတရပ်ဖြစ်ပြီး ပြည်သူတွေနဲ့အရွယ်ရောက်ပြီး လူငယ်တွေ ပူးပေါင်းပါဝင်ဖို့ လိုအပ်ကြောင်း အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်က ပြောကြားထားပါတယ်။

အာဏာသိမ်းစစ်တပ်ဟာ ယခုစက်တင်ဘာမှာ စစ်မှုထမ်း အပတ်စဥ် (၂၈) စတင်ပြုလုပ်နေပြီဖြစ်ပေမဲ့ ရန်ကုန်၊ မန္တလေးမြို့အပါအဝင် ကျောက်ပန်းတောင်း၊ မြင်းခြံ၊ ညောင်ဦး၊ ဝမ်းတွင်း စတဲ့ဒေသတွေမှာပါ စစ်မှုထမ်းဆင့်ခေါ်တာ၊ ပေါ်တာဆွဲတာတွေ ဆက်တိုက်ပြုလုပ်နေဆဲဖြစ်ပါတယ်။

(စစ်မှုထမ်း အပတ်စဥ် ၂၈ ဖွင့်ပွဲတစ်ခုအား တွေ့ရစဥ် ဓါတ်ပုံံ-စကစ)

ရေဦးမှာ ပေါ်တာဆွဲခံထားရတဲ့လူငယ်တွေ အချုပ်ခန်းဖောက် ထွက်ပြေးလွတ်မြောက်

စက်တင်ဘာ ၁၇၊ ၂၀၂၆။ ဟာနာဆန်/People's Spring

စစ်ကိုင်းတိုင်း၊ ရွှေဘိုခရိုင်၊ ရေဦးမြို့မှာ စစ်မှုထမ်းဖို့ အဓမ္မပေါ်တာဆွဲဖမ်းဆီးခံထားရတဲ့လူငယ်တွေ အချုပ်ခန်းဖောက်ပြီး ထွက်ပြေးလွတ်မြောက်လာကြောင်း ရေဦးမြို့နယ်ပြည်သူ့ကာကွယ်ရေးအဖွဲ့(ပကဖ)ရဲ့ တာဝန်ရှိသူက ပြောပါတယ်။

ရေဦးမြို့၊ အထက (၂)စာသင်ကျောင်းအတွင်းမှာ စစ်မှုထမ်းဖို့အတွက် အာဏာသိမ်းစစ်တပ်ရဲ့ ဖမ်းဆီးခြင်းခံထားရတဲ့ လူငယ်တွေဟာ စက်တင်ဘာ ၁၆ ရက် ညနေ ၃ နာရီခန့်က အချုပ်ခန်းကနေ ထွက်ပြေးလွတ်မြောက်လာခဲ့တာဖြစ်ကြောင်း ရေဦးပကဖအဖွဲ့ တာဝန်ရှိသူက ပြောပါတယ်။

"အခုထိတော့ ၁၂ ယောက်။ လူတချို့ပျောက်နေသေးလို့ သတင်းအတိကျမရေးနိုင်သေးပါဘူး"လို့ အထက်ပါတာဝန်ရှိသူက ပြောပါတယ်။

အာဏာသိမ်းစစ်တပ်ဟာ ရေဦးမြို့ပေါ်က လူငယ်တွေကို စစ်မှုထမ်းဖို့အတွက် အထက (၂) စာသင်ကျောင်းအတွင်း ဖမ်းဆီးထားတာလို့ သိရပါတယ်။ လွတ်မြောက်လာတဲ့ လူငယ်တွေကို ရေဦးမြို့နယ်ပြည်သူ့ကာကွယ်ရေးအဖွဲ့က လွတ်မြောက်နယ်မြေမှာ ထိန်းသိမ်းစောင့်ရှောက်ထားကြောင်း အသိပေးထားပါတယ်။

​စစ်မြေပြင်မှာ ထိခိုက်သေဆုံးမှုများပြားနေတဲ့ အာဏာသိမ်းစစ်တပ်ဟာ စစ်မှုထမ်းအင်အား လိုအပ်ချက်ကြောင့် ယခင်က နယ်မြေအခြေအနေအရ ပိတ်ထားခဲ့ရတဲ့ စစ်သင်တန်းကျောင်းအချို့ကိုပါ ပြန်လည်ဖွင့်လှစ်ပြီးထပ်တိုးလက်ခံလေ့ကျင့်ပေးနေကြောင်း မြန်မာ့စစ်ဘက်ရေးရာနဲ့ လုံခြုံရေးဆိုင်ရာ လေ့လာရေးအဖွဲ့(Myanmar Defense & Security Institute-MDSI)က သတင်းထုတ်ပြန်ထားပါတယ်။

အာဏာသိမ်းစစ်တပ်ဟာ ယခုစက်တင်ဘာမှာ စစ်မှုထမ်းအပတ်စဥ် (၂၈) စတင်ပြုလုပ်နေပြီဖြစ်ပေမဲ့ ရန်ကုန်၊ မန္တလေးမြို့အပါအဝင် ကျောက်ပန်းတောင်း၊ မြင်းခြံ၊ ညောင်ဦး၊ ဝမ်းတွင်း စတဲ့ဒေသတွေမှာပါ စစ်မှုထမ်းဆင့်ခေါ်တာ၊ ပေါ်တာဆွဲတာတွေ ဆက်တိုက်ပြုလုပ်နေဆဲဖြစ်ပါတယ်။

■အ​တွေးအမြင်

နှလုံးမလှတဲ့ လူမိုက်ကြီးများသို့

ဝဇီရာ/People's Spring

အာဏာသိမ်းစစ်တပ်ရဲ့ စစ်မှုထမ်းဝါဒဖြန့် "တောစီးဖိနပ်လေးရဲ့ အိမ်ပြန်ချိန်" ဇာတ်လမ်းတို မိတ်ဆက်ပွဲမှာ ဒါရိုက်တာ ပန်းချီစိုးမိုးနဲ့ မင်းသားနေအောင်တို့ရဲ့ အင်တာဗျူးဖြေ
ကြားချက်​တွေအ​ပေါ် ပြည်သူ​တွေကလူမှုကွန်ရက်မှာ ပြင်းပြင်းထန်​ထန်ဝေဖန်နေကြပါတယ်။

မြေးဖြစ်သူကို နိုင်ငံခြားကိုကျောင်းသွားတက်
ခိုင်းထားတဲ့ ဒါရိုက်တာ ပန်းချီစိုးမိုးဟာ စစ်မှုထမ်းတာဟာ ဂုဏ်ယူစရာကောင်းတယ်လို့ ပြောတယ်။ "စစ်မှုထမ်းကို ကြောက်တာမဟုတ်ဘူး။ စစ်မှုထမ်းကိုကြောက်အောင် လှူံဆော်နေကြလို့ ကြောက်တာ။ မလိုလားသော ပုဂ္ဂိုလ်များပေါ့။ နိုင်ငံ့အတွက် စစ်မှုထမ်းတာသည် ဂုဏ်ယူစရာကောင်းတယ်လို့ မမြင်ကြဘူး။ မြင်သွားရင် ကြောက်စရာမှ မလိုဘဲနဲ့။ တစ်ကမ္ဘာလုံးမှာ စစ်မှုမထမ်းရတဲ့နိုင်ငံမရှိဘူး။ အမေရိကားမှာလည်း ထမ်းတာပဲ။ တရုတ်ပြည်မှာလည်း ထမ်းတာပဲ။ ရုရှားမှာလည်း ထမ်းတာပဲ။ အိန္ဒိယလည်း ထမ်းတာပဲ။ ကိုရီးယားနာမည်ကြီး မင်းသား မင်းသမီးတွေလည်း ထမ်းတာပဲ။..ဒါမထူးဆန်းဘူး။ ဒီဟာပေါ်မှာ ဂုဏ်ယူတတ်ရင် စစ်မှုထမ်းခြင်းသည် ဂုဏ်ယူစရာကောင်းတယ်"လို့ ပြောဆိုခဲ့တယ်။ ပန်းချီစိုးမိုးက အာဏာသိမ်းစစ်တပ်လက်​အောက်မှာ မင်း​အောင်လှိုင်မိသားစုကိုချဥ်းကပ်ပြီး စစ်တပ်အလိုကြဝါဒဖြန့်ချီ​ရေး​​တွေမှာတက်တက်ကြွကြွ လုပ်ရင်း ပ​ရောဂျက်များစွာရ​နေသူပါ ။

အလားတူ သရုပ်ဆောင် နေအောင်ကလည်း "လူတွေက မြန်မာတစ်ပြည်လုံးပေါ့။ ကြောက်လို့ပြေးကြနိုင်ငံခြားပြေးကြနဲ့ အများကြီးပဲ။ ကိုယ့်တိုင်းပြည်ကိုယ့်လူမျိုးအတွက် အသက်
မစွန့်ချင်ကြဘူးလား။ အသက်လည်း မစွန့်ခိုင်းပါဘူး။ ဒီမြေရယ်၊ ဒီရေရယ်၊ ဒီလေရယ်ရှုပြီး ဒီတိုင်းပြည်အတွက် ဘာမှအကျိုးမပြုရင် အဲဒီလူယောကျာ်း၊ အဲမိန်းမ ဘာဖြစ်သွားမှာတုန်း။ ကိုယ့်ဟာကို စဥ်းစားဖို့မေးတာနော်။ ကျွန်တော်မပြောဘူး။ ကျွန်တော်တို့ စစ်သား သားသမီး သတ်လည်းသေသွားမယ်။ စစ်
တပ်မှားတယ်မှန်တယ် ကျွန်တော်မသိဘူး။ ယူနီဖောင်းမြင်ရင်ကိုချစ်တာလေ။ ဝင်ချင်တယ်ညီကိုနှစ်ယောက်လုံး။ မာမီကပေးမဝင်ဘူး"လို့ ပြောပြန်ပါတယ်။ ​နေ​အောင်ကလည်း စစ်သားမိသားစုကကြီးပြင်းလာတာမို့ စစ်
တပ်​ကျေးဇူးဆပ်မကုန်ဆိုပြီး အာဏာလုအုပ်စုအတွက် တက်တက်ကြွကြွဝါဒဖြန့်​ပေးတဲ့ ဦး​လေကြီးမှာ အဲဒီစစ်တပ်က​ပေးတဲ့ ​ကြွေးတဲ့​ငွေ​တွေ၊ထမင်း​တွေဟာ ပြည်သူ့ဘဏ္ဍာ​တွေ ၊တိုင်းပြည်ရဲ့ရင်းမြစ်​တွေသာဖြစ်တယ်ဆိုတာထိကို မမြင်နိုင်ဘဲ စစ်တပ်ကိုပဲ
အစဥ်အမြဲ ကိုးကွယ်​နေသူပါ ။

ဦးလေးတို့ခင်ဗျာ။ စစ်မှုထမ်းတာဟာ ပုံမှန်အားဖြင့် နိုင်ငံတော်ကို ကာကွယ်ဖို့ဖြစ်ပေမဲ့ လက်ရှိ မြန်မာနိုင်ငံမှာ စစ်မှုထမ်းရတာက နိုင်ငံတော်အတွက် လုံးဝ မဟုတ်ပါဘူး။ အာ
ဏာသိမ်းစစ်တပ်ကို ကာကွယ်ဖို့ပါ။ နိုင်ငံ
တော်ကို ကာကွယ်တာနဲ့ မိဘပြည်သူကို ဒုက္ခပေးနေတဲ့ စစ်တပ်ကို ကာကွယ်ပေးတာ မတူပါဘူး။ နိုင်ငံအတွက် စစ်မှုထမ်းရတာ ဂုဏ်ယူစရာ ဖြစ်နိုင်ပေမဲ့ ပြည်သူကို ပြန်ပစ်နေတဲ့ တပ်ထဲမှာ စစ်မှုထမ်းရတာကတော့ ဂုဏ်ယူစရာ လုံးဝမဟုတ်ပါဘူး။

ပိုဆိုးတာက ဒီစစ်တပ်က ၁၉၆၂ အာဏာ
သိမ်းပြီးချိန်က​နေ အခုချိန်ထိ တိုင်းရင်းသားပြည်သူ​တွေအ​ပေါ် စစ်ရာဇဝတ်မှု​တွေအခါခါကျူးလွန်ထားတဲ့စစ်အုပ်စုဖြစ်တယ် ၊အထူးသဖြင့် ၂၀၂၁ အာဏာသိမ်းပြီး​နောက်ပိုင်း ငြိမ်းချမ်းစွာဆန္ဒပြခဲ့တဲ့ပြည်သူ​တွေကို ပစ်ခတ်သတ်ဖြတ်တာကစပြီး စာသင်​နေတဲ့​ကျောင်းသားငယ်​တွေ၊တရားစခန်းက သံဃာ​တော်​တွေ ၊စစ်​ရှောင်စခန်း​တွေက ကိုယ်ဝန်​ဆောင်သယ်​တွေ သက်ကြီးရွယ်ပါမ​ရှောင်အစုလိုက်အပြုံလိုက်သတ်ဖြတ်​နေတဲ့ ၊သတ်
ဖြတ်ခဲ့တဲ့ စစ်ရာဇဝတ်သား​တွေသာဖြစ်ပါတယ်။အခုလိုဘက်​ပေါင်းစုံအကြပ်အတည်းဆိုက်ပြီးကျရှုံးနိုင်ငံဖြစ်​အောင် စစ်အာဏာ
ရှင်​တွေခိုင်းတဲ့အတိုင်းလိုက်လုပ်တဲ့ တိုင်း
ပြည်ကို ဖျက်ဆီး​နေတဲ့စစ်ရာဇဝတ်သား​တွေသာဖြစ်ပါတယ် ။တိုင်းပြည်နဲ့ လူမျိုးကိုကာကွယ်​​တေသူ​တွေမဟုတ်ပါဘူး ။

ဦးလေးတို့နှစ်ယောက် အသက်က ၈၀ ပတ်
ချာလည်တွေ။ ကိုယ်တိုင်လည်း ရှေ့တန်းသွားရမယ့် အသက် မဟုတ်တော့သလို၊ ကိုယ့်သားသမီး မြေးတွေလည်း စစ်မှုမထမ်းဘဲ ဂုဏ်ယူစရာလို့ လွယ်လွယ်မပြောစေချင်ပါ။ တကယ် ဂုဏ်ယူစရာလို့ ထင်ရင် ကိုယ့်သား
သမီး၊ ကိုယ့်မြေးတွေကို အရင်ဆုံး စစ်တပ်ထဲ ပို့ပြစေချင်ပါတယ်။

ဦးစိုးမိုးက နိုင်ငံတကာက စစ်မှုထမ်းတာတွေ ထောက်ပြတယ်။ ဦးရေ။ ကိုရီးယားနဲ့ အမေရိကန်မှာ စစ်မှုထမ်းရင် သက်ဆိုင်ရာ နိုင်ငံက စစ်သည်တွေရဲ့ အသက်အန္တရာယ်၊ အခွင့်အ
ရေးနဲ့ ဂုဏ်သိက္ခာကို အပြည့်အဝ အာမခံပေးတယ်။ ပြီးတော့ သူတို့က ပြည်သူလူထုက ​ရွေးချယ်ပေးထားတဲ့အရပ်သားအစိုးရရဲ့ အုပ်ချုပ်မှု​အောက်မှာ တာဝန်ထမ်းတဲ့ လူ့အ
ခွင့်အ​ရေးနဲ့ဒီမိုက​ရေစီကို​လေးစားတဲ့ ပ​ရော်ဖက်ရှင်နယ်စစ်တပ် ။ ဒီမှာက စစ်တပ်က အာဏာသိမ်းထားတာ။စစ်အာဏာရှင်တစ်စုရဲ့အကျိုးစီးပွားအတွက် ကိုယ့်ပြည်သူကို​ပျော်​ပျော်ကြီးသတ်ဖြတ်​နေတဲ့စစ်တပ် ပါ။ ပြည်သူကိုကာကွယ်​နေတဲ့ စစ်တပ်​တွေနဲ့ ပြည်သူကို ပြန်သတ်​​နေတဲ့ မင်း​အောင်လှိုင်သစ်တပ်က နှိုင်းယှဥ်လို့​တောင်မရပါဘူး။

ပြီးတော့ စစ်မှုထမ်းတွေကို သက်ဆိုင်ရာမြို့နယ်တွေ ဒေသတွေမှာ လုံခြုံရေးသဘောလောက် ထားမယ်ဆိုပြီး ပြောထားပြီး အခုကျ သင်တန်းဆင်းတာနဲ့ ရှေ့တန်းပို့ပြီး အ​သေခံစစ်တိုက်ခိုင်း​နေတာပါ။ တခြားနိုင်ငံက စစ်မှုထမ်းတာနဲ့ ယှဥ်လို့မရပါဘူး။ ဒါကိုမယုံဘူးဆိုရင် အခု ဧရာဝတီမြစ်​ကြောင်းတိုက်ပွဲမှာ KIA ဖမ်းထားတဲ့ စစ်သုံ့ပန်း​တွေကိုသွားကြည့်ပါ ။ ၄၉၂၆ စစ်ဆင်​ရေးဆိုပြီး အာရက္ခတပ်​တော် ​ချေမှုန်းတာခံ​နေရတဲ့ စစ်တပ်ရဲ့ စစ်သုံ့ပန်း​တွေကို ကိုယ်တိုင်သွား​မေးကြည့်ကြပါ ။ ပြည်သူ့စစ်​တွေဘဝ ဘယ်​လောက်ဆိုးတယ်ဆိုတာ မင်း​အောင်လှိုင်နဲ့အတူ လူကြီးမင်းတို့ကိုပါ ကျိိန်စာတိုက်ပြီး ပြန်​ပြော​ပေးကြပါလိမ့်မယ် ။

အခုဆိုရင် စစ်တပ်ဟာ ရှေ့တန်းကို တစ်ရာပို့ရင် အကြမ်းဖျင်း ရှစ်ဆယ်လောက်က စစ်
မှုထမ်းတပ်သားသစ်တွေလို့ အမျိုးသားညီညွတ်​ရေးအစိုးရ ကာကွယ်​ရေးဝန်ကြီးဦးရည်မွန်က​ပြောပါတယ်။ လပိုင်းကလေး သင်တန်းဆင်းပြီး ရှေ့တန်းမှာ အသေခံခိုင်းနေတာပါ။ ပြီးတော့ တိုက်နေရတာကလည်း တိုင်းတပါးက ကျူးကျော်စစ်လည်းမဟုတ်။ ကိုယ့်ညီအကိုချင်း ပြန်တိုက်ခိုင်းတာတွေ။

ဦးလေးတို့နှစ်ယောက်မှာ ပန်းချီစိုးမိုးက အသက် ၈၀ ကျော်။ နေအောင်ဆို ၇၆ နှစ်။ အနုပညာသမား စိတ်နှလုံးသား လှရတယ်တဲ့။ နှစ်ပေါင်းများစွာ ဘယ်လို နှလုံးသားတွေနဲ့များ အနုပညာအလုပ်တွေ လုပ်ခဲ့ကြပါလိမ့်။

ပန်းချီစိုးမိုးရဲ့ ငါသူတစ်ပါးယောကျာ်းမိန်းမဇာတ်ကားဆိုရင် ပရိသတ်တွေကသံဝေဂတွေရတဲ့အထိ ကြိုက်ခဲ့ကြတာပါ။နေအောင်ဆိုလည်း ကိုငြိမ်းမောင်ဇာတ်ရုပ်နဲ့ ဒီနေ့အထိ ပရိသတ်က တွဲဲမြင်ခဲ့ကြတယ်။ ဒါ​ပေမယ့်အာဏာသိမ်းပြီး​နောက်ပိုင်းမှာ​တော့စစ်တပ်ခိုင်းတာလုပ်​ပေး​နေတဲ့ ခင်ဗျားကိုပရိတ်သတ်​
တွေက အ​တော်​လေးရွံရှာနေကြပါပြီ။

ပရိသတ်တွေဟာ ဦးလေးတို့အနုပညာတွေကို ခေတ်အဆက်ဆက် အဆင်မပြေတဲ့ကြားထဲကနေ အားပေးခဲ့ကြဖူးပါတယ်။ ပရိသတ်တွေအားပေးလို့ ဦးလေးတို့ အိမ်ကောင်းကောင်းနေနိုင်တယ်။ အစားကောင်းကောင်းစားနိုင်တယ်။ သားသမီးမြေးအထိ နိုင်ငံခြားပို့ စာသင်နိုင်တယ်။

အခု ဦး​​​လေးတို့ကို အားပေးခဲ့ဖူးတဲ့ ပရိသတ်တွေဟာ​နေ့​နေ့ညည ပူပင်သောကတွေနဲ့ ဖြတ်
သန်းနေရတာပါ။ မြန်မာနိုင်ငံ သက်တမ်းတလျှောက်လုံး အဆိုးရွားဆုံး အခြေအနေနဲ့ ရင်ဆိုင်နေကြရတာပါ။ ဦးစိုးမိုးရေ။ ဦးစိုးမိုးမြေးလေး နိုင်ငံခြားမှာ ရုပ်ရှင်ပညာ အေး
အေးလူလူသင်ခွင့်ရနေချိန် ကျနော်တို့တိုင်း
ပြည်မှာ ကျောင်းသွားတဲ့ကလေးကအစ ပေါ်တာဆွဲခံရသလို ၊စာသင်​နေရင်း ဗုံးကြဲခံရလို့​သေကြရတယ်ဗျာ။

ဦးနေအောင်ရေ။ သင်္ကြန်ရောက်တိုင်း ကိုငြိမ်းမောင်ကြီး မမထားနဲ့လွဲတာကို ခံစားနေတတ်တဲ့ အဒေါ်ကြီးလည်း သူ့သားပန်းရံလေး အလုပ်ကအပြန် ဖမ်းပြီးတပ်ထဲ ရောင်းစားခံရတယ်ဗျာ။ စိုင်းစိုင်းခမ်းလှိုင် သီချင်းတွေကို ကြိုက်ခဲ့တဲ့ အမျိုးသမီးတစ်ယောက် သူ့မောင်လေး အလုပ်ကအပြန် စစ်ကားပေါ် ခေါ်တင်ခံရတယ်ဗျာ။ သောကတွေများနေရတဲ့ အဲဒီပြည်သူတွေဟာ ဦးလေးတို့ရဲ့ ပရိသတ်တွေပါခင်ဗျာ။ ကိုယ့်ကိုထမင်းအိုးတည်ပေးခဲ့တဲ့ ပရိသတ်တွေမျက်နှာကိုလည်း တချက်​လေး ကြည့်ပေးကြပါဦး။

ဦးလေးတို့နှစ်ယောက် အိမ်မှာတပ်ထားတဲ့
မြန်မာ့ရုပ်မြင်သံကြားနဲ့ မြဝတီရုပ်သံကြည့်တာ၊ နေ့စဥ်လာပို့တဲ့ မြန်မာ့အလင်း၊ ကြေးမုံ၊မြဝတီ သတင်းစာ​တွေဖတ်တာတွေ လျှော့စေချင်တယ်။ ရုပ်ရှင်ဒါရိုက်တာမဟုတ်တဲ့ မီးပွားက ဦးလေးတို့အိမ်ပေါ် ကျလာတော့မှ သိမယ်ဆိုရင် အတော်လေးနောက်ကျသွားပါလိမ့်မယ်။

​လော​လောဆယ်​တော့ ကိုယ်အ​ခြေအ​နေသိ​အောင် ပြည်သူ​တွေရဲ့ ​တုံ့ပြန်မှုလေး​တွေကို
ခဏအချိန်​ပေးဖတ်ကြည့်လိုက်ကြပါဦ ။

"သေခါနီး ရိက္ခာယူသွားတာ ငါတို့လဲတုံးအ
ပါ့ ဒီလူကိုအားပေးခဲ့ပြီး သေခါနီးမှ လူမဟုတ်မှန်းသိခဲ့ရတာ"

"သေခါနီးသူတပါးပျက်စီးအောင် ပြောတာ"

"အသက်ကြီးပြီး လူစိတ်မရှိတဲ့ဟာပေါ့
သူမိသားစု ထိမှ ကိုယ်ချင်းစာစိတ် ပေါ်မဲ့ဟာကြီးပါ"

ဒါ​တွေက​တော့ စစ်မှုထမ်းရတာဂုဏ်ယူစရာ​ပြောတဲ့ ပန်းချီစိုးမိုးအတွက် ပြည်သူအချို့ရဲ့ ​သတင်းစကား​တွေပဲဖြစ်ပါတယ်။ ။

ကောင်ဂျာယန်တိုက်ပွဲ ထွက်ပြေးပုန်းအောင်းနေတဲ့စစ်သားတွေကို လိုက်လံရှင်းလင်းနေဟု KIA ပြော

စက်တင်ဘာ ၁၇၊ ၂၀၂၆။ ထားမြတ်/People’s Spring

ကချင်ပြည်နယ်၊ ဗန်းမော်မြို့နယ်နဲ့ မံစီမြို့နယ်ကြား ကောင်ဂျာယန်ဒေသမှာ ဖြစ်ပွားခဲ့တဲ့ တိုက်ပွဲအတွင်း စစ်တပ်က သေဆုံးထိခိုက်များခဲ့ပြီး စစ်သုံ့ပန်းတွေ ဖမ်းမိသလို ထွက်ပြေးစစ်သားတွေ ပုန်းအောင်းရာ နေရာတွေကို လိုက်လံရှင်းလင်းနေကြောင်း KIA သတင်းပြန်ကြားရေးဌာနက ဖော်ပြပါတယ်။

စက်တင်ဘာ ၁၃ရက်မှာ အင်အား ၁၀၀ ခန့်ပါ စစ်ကြောင်းကို ကောင်ဂျာယန်ကျေးရွာမှာ ကြားဖြတ်တိုက်ခိုက်ခဲ့တာဖြစ်ပြီး အလောင်းအများအပြားနဲ့ လက်နက်ခဲယမ်းများ သိမ်းရခဲ့ကြောင်း အသိပေးပါတယ်။ အဲဒီစစ်ကြောင်းဟာ ၂၀၂၅ ဇန်နဝါရီမှာ KIA ပူးပေါင်းတပ် သိမ်းထားတဲ့ မံစီမြို့နယ်က စစ်တပ်ရဲ့ ခမရ(၃၁၉)၊ ခမရ(၆၀၁)တပ်ရင်း စတဲ့ တပ်ဟောင်းနေရာတွေကို နေရာပြန်ဝင်ယူဖို့ ထိုးဝင်လာတာ ဖြစ်နိုင်ကြောင်း KIAက ဖော်ပြပါတယ်။

ကောင်ဂျာယန်တိုက်ပွဲမှာ အထိနာ ထွက်ပြေးသွားတဲ့ စစ်သားတွေဟာ ဒေသခံတွေ စစ်ရှောင်သွားတဲ့ အိမ်ဟောင်းများနဲ့ ခြုံတောတွေထဲ ပုန်းအောင်းနေနိုင်တာကြောင့် KIA တပ်ဖွဲ့က လိုက်လံရှင်းလင်းနေကြောင်းလည်း အသိပေးပါတယ်။

ဒါ့အပြင် အခု ရက်ပိုင်းမှာ ဗန်းမော်မြို့က စစ်တပ်တွေဟာ မြို့ပြင်ထွက်ပြီး စစ်ရေးလှုပ်ရှားမှု ခပ်စိပ်စိပ်ရှိလာသလို လေကြောင်းကနေ အပြင်းအထန် ဗုံးကြဲတိုက်ခိုက် လျက်ရှိကြောင်းလည်း ဖော်ပြထားပါတယ်။

ကချင်စစ်ရေးသတင်းရင်းမြစ်ကလည်း ကောင်ဂျာယန်တိုက်ပွဲမှာ ဖမ်းမိထားတဲ့ စစ်ကောင်စီတပ်ဖွဲ့ဝင်တွေရဲ့ ရုပ်သံမှတ်တမ်းကို ပြသပါတယ်။

အဲဒီ ရုပ်သံမှာ စစ်သားတွေကို တော်လှန်ရေးရဲဘော်တွေက ကြိုးတုပ်နေတာကို တွေ့ရရပြီး တော်လှန်ရေးရဲဘော် ၁ဦးက ဆေးကုသတက်တဲ့သူပါလားဟု မေးမြန်းရာ ဆေးမှူးက ထွက်ပြေးသွားတယ်လို့ စစ်သုံ့ပန်း တစ်ဦးက ပြောပါတယ်။

ကောင်ဂျာယန်တိုက်ပွဲမှာ စစ်တပ်ဘက်က သေဆုံးသူ ၄၀ကျော်ရှိကာ သုံ့ပန်း ၃၀ ကျော်ရှိတယ်လို့ စစ်ရေးသတင်းရင်းမြစ်က ပြောပါတယ်။

စစ်သုံ့ပန်းတွေ ဖမ်းမိထားတဲ့ ရုပ်သံမှာ တော်လှန်ရေးရဲဘော်တွေက မင်းတို့အဘတွေကို ဆဲရဲလားဟု မေးမြန်းရာ ဆဲရဲပါတယ်လို့ ပြောကြားပြီး ဖမ်းဆီးခံထားရတဲ့ စစ်တွေက မင်းအောင်လှိုင်ကို ဆဲဆိုခဲ့ကြသလို အသံကျယ်ကျယ်အော်ဆဲကြဖို့လည်း တော်လှန်ရေးရဲဘော်တွေက ပြောဆိုတာကို ကြားရပါတယ်။

စစ်တပ်ဟာ ဩဂုတ်လကုန်ပိုင်းနဲ့ စက်တင်ဘာလတွေမှာ ကချင်ပြည်နယ်အတွင်း မြေပြင်၊ ရေကြောင်း တိုက်ပွဲတွေမှာ အထိနာလျက်ရှိပါတယ်။ အထူးသဖြင့် ဗန်းမော်နဲ့ ရွှေကူမြို့နယ်မှာ မြေပြင်တိုက်ပွဲတွေ ပြင်းထန်ခဲ့သလို ဗန်းမော်ကို စစ်အင်အားဖြည့်ဖို့ တက်လာတဲ့ စစ်တပ် သင်္ဘောအုပ်စုဟာလည်း ရွှေကူ-ဗန်းမော်ကြား တိုက်ခိုက်ခံရပြီး သင်္ဘောမျိုးစုံ အစီး ၂၀ကျော်ကို KIA ပူးပေါင်းတပ်က ဖျက်ဆီးထားနိုင်ခဲ့ပါတယ်။


ရုပ်သံ - ပေးပို့

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #ကောင်ဂျာယန်တိုက်ပွဲ #စစ်ကောင်စီတပ်ဖွဲ့ဝင်များရှင်းလင်းမှု #KIAပြောကြားချက် #ကချင်စစ်ရေး

မူးယစ်ဆေးဝါးအဓိကထုတ်လုပ်ရာ၊သယ်ယူပို့ဆောင်ရာနိုင်ငံတွေ စာရင်းမှာ မြန်မာကို
အမေရိကန် ထည့်သွင်း

စက်တင်ဘာ-၁၇၊၂၀၂၆။People's Spring

အမေရိကန် သမ္မတရဲ့ ညွှန်ကြားချက်အရ မြန်မာ အပါအဝင်နိုင်ငံ​ပေါင်း ၂၃ ခုကို ၂၀၂၇ ဘဏ္ဍာရေးနှစ်အတွက် တရားမဝင် မူးယစ်ဆေးဝါးထုတ်လုပ်ရာ၊ ဖြတ်သန်းသယ်ယူ ပို့
ဆောင်ရာနိုင်ငံတွေအဖြစ်သတ်မှတ်ကြောင်း
အမေရိကန် နိုင်ငံခြားရေး ဝန်ကြီးဌာနက
စက်တင်ဘာ ၁၅ ရက်မှာထုတ်ပြန်ခဲ့ပါတယ်။

အဲဒီစာရင်းထဲမှာတော့ အာဖဂန်နစ္စတန်၊ ဘဟားမားစ်၊ ဘီလီဇ်၊ ဘိုလီးဗီးယား၊ မြန်မာ၊ တရုတ်၊ ကိုလံဘီယာ၊ ကော်စတာရီကာ၊ ဒိုမီနီကန်၊ အီကွေဒေါ၊ အယ်လ်ဆာဗေးဒိုး၊ ဂွာတီမာလာ၊ ဟေတီ၊ ဟွန်းဒူးရပ်စ်၊ အိန္ဒိယ၊ ဂျမေကာ၊ လာအို၊ မက္ကဆီကို၊ နီကာရာဂွါ၊ ပါကစ္စတန်၊ ပနားမား၊ ပီရူးနဲ့ ဗင်နီဇွဲလားတို့ ပါဝင်နေပါတယ်။

ဒီစာရင်းကို သတ်မှတ်ရာမှာ အဲဒီနိုင်ငံရဲ့ အစိုး
ရက မူးယစ်ဆေးဝါး တိုက်ဖျက်ရေးအတွက် လက်ရှိ ကြိုးပမ်းနေတာတွေ၊ ဒါမှမဟုတ် အမေရိကန် အစိုးရနဲ့ ပူးပေါင်းဆောင်ရွက်မှု အခြေအနေတွေကို ထည့်သွင်း စဉ်းစားမထားကြောင်းလည်း နိုင်ငံခြားရေး ဝန်ကြီးဌာနက ပြောပါတယ်။

သက်ဆိုင်ရာနိုင်ငံတွေရဲ့ပထဝီဝင်အနေအ
ထား၊ကုန်သွယ်ရေးနဲ့စီးပွားရေးဆိုင်ရာနောက်
ခံ အခြေအနေတွေကြောင့် မူးယစ်ဆေးဝါးတွေ တရားဝင် ထုတ်လုပ်တာ၊ ထုတ်လုပ်မှုအတွက် အသုံးပြုတဲ့ ဓာတုပစ္စည်းတွေ ဖြတ်
သန်းသယ်ယူတာ၊ ကိုယ်တိုင်ထုတ်လုပ်တာတွေ ရှိနိုင်ခြေကို အဓိကအခြေခံပြီးအခုစာရင်းကို ပြုစုထားတာ ဖြစ်ပါတယ်။

အဲဒီစာရင်းထဲမှာမှ မြန်မာ၊ အာဖဂန်နစ္စတန်၊ ဘိုလီးဗီးယားနဲ့ ကိုလံဘီယာတို့မှာတော့ သက်ဆိုင်ရာ နိုင်ငံတွေရဲ့ အစိုးရတွေ၊ အုပ်စိုးသူတွေဟာ ပြီးခဲ့တဲ့ ၁၂ လတာအတွင်း မူး
ယစ်ဆေးဝါး တိုက်ဖျက်ရေးဆိုင်ရာ နိုင်ငံတ
ကာ ကတိကဝတ်တွေကို သိသိသာသာ ပျက်
ကွက်ခဲ့တယ်လို့ဖော်ပြထားပါတယ်။

အဲဒီ ၄နိုင်ငံဟာနိုင်ငံတကာ မူးယစ်ဆေးဝါး တိုက်ဖျက်ရေး သဘောတူညီချက်တွေရော၊ အမေရိကန် ဥပဒေတွေအရလိုအပ်တဲ့ မူးယစ်
ဆေးဝါး တိုက်ဖျက်ရေး အားထုတ်မှုတွေကိုပါ လက်တွေ့ပြသဖို့ သိသိသာသာ ပျက်ကွက်ခဲ့တယ်လို့ ဆိုပါတယ်။

လွှတ်တော်ဆီ တင်ပြထားတဲ့ အဲဒီကြေညာ
ချက်ထဲမှာတော့ ဘိုလီးဗီးယား၊ မြန်မာနဲ့ ကိုလံဘီယာတို့မှာ သင့်တော်တဲ့ အကူအညီတွေ ပေးအပ်ဖို့ဟာအမေရိကန်ရဲ့အမျိုးသား အ
ကျိုးစီးပွားအတွက်အရေးကြီးတဲ့လိုအပ်ချက်
တွေ ဖြစ်နေဆဲလို့ အမေရိကန် သမ္မတက ယူ
ဆထားကြောင်းလည်း ဖော်ပြပါရှိပါတယ်။

အာဏာသိမ်း မြန်မာစစ်တပ်ဟာ မူးယစ်ဆေး
ဝါး အခြေပြု စီးပွားရေးကို ဖိနှိပ်ဖြိုခွင်းဖို့ ထင်ရှားမြင်သာတဲ့ အားထုတ်မှု နည်းနည်းလေးလောက်ပဲ လုပ်ဆောင်ခဲ့တယ်လို့ အမေရိကန်က ယူဆထားပါတယ်။ အခုဆိုရင် မြန်မာဟာ ကမ္ဘာပေါ်မှာ ဘိန်းစိုက်အများဆုံး နိုင်ငံဖြစ်လာသလို မက်သာဖက်တမင်း မူးယစ်ဆေးဝါး တင်ပို့မှု အများဆုံး နိုင်ငံတွေထဲက တစ်ခုဖြစ်လာနေတယ်လို့လည်းသိရပါတယ်။

အာဖဂန်မှာဆိုရင်လည်း တာလီဘန်အစိုးရက ဘိန်းစိုက်ပျိုးမှုကို တားမြစ်တယ်လို့ ကြေညာထားပေမယ့် အာဖဂန်ဟာ ကမ္ဘာ့မူးယစ်ဆေး
ဝါး စျေးကွက်ထဲမှာ အဓိက အကျဆုံး ရင်း
မြစ်နိုင်ငံတစ်ခုအဖြစ် ဆက်ရှိနေပြီး အဲဒီတရားမဝင် လုပ်ငန်းတွေကနေ ရရှိတဲ့ ဝင်ငွေတွေက အစွန်းရောက် အကြမ်းဖက်ဝါဒအ
တွက် ဘဏ္ဍာရေး အထောက်အပံ့တွေ ရရှိနေစေတယ်လို့ ယုံကြည်ရကြောင်း အမေရိကန်က သုံးသပ်ထားပါတယ်။

ထုတ်ပြန်ချက်ထဲမှာတော့တရုတ်ဟာ ဖန်တ
နိုင်းလ်၊ မက်သာဖက်တမင်းနဲ့ တခြားမူးယစ်ဆေးဝါးတွေ ထုတ်လုပ်ရာမှာ လိုအပ်တဲ့ အ
ခြေခံ ဓာတုပစ္စည်း ကုန်ကြမ်းတွေကို ကမ္ဘာပေါ်မှာ အများဆုံး ထုတ်လုပ်ပေးနေတဲ့ နိုင်ငံအဖြစ် ထောက်ပြထားပါတယ်။ ပြီးတော့ အဲဒီကုန်ကြမ်းတွေ ထုတ်လုပ်မှုနဲ့ ပတ်သက်ပြီး ပိုပြီး အာရုံစိုက် ထိန်းချုပ်ဖို့လည်းတရုတ်အစိုး
ရကို တိုက်တွန်းခဲ့ပါတယ်။

တခြားတစ်ဖက်မှာတော့မူးယစ်ဆေးဝါးတိုက်
ဖျက်ရေးအတွက် ပိုပြီး ထင်ထင်ရှားရှား အား
ထုတ် လုပ်ဆောင်လာမှုတွေအတွက် အိန္ဒိယ၊ ပီရူး၊ အာဂျင်တီးနား၊ အီကွေဒေါ၊ အယ်လ်ဆာဗေးဒိုးစတဲ့ နိုင်ငံတွေရဲ့ အစိုးရတွေကို အမေရိကန်က အသိအမှတ်ပြု ချီးကျူးထားပါတယ်။ အီကွေဒေါနဲ့ အယ်လ်ဆာဗေးဒိုးတို့ဟာ မူးယစ်ဆေးဝါးထုတ်လုပ်မှု၊သယ်ယူပို့ဆောင်
မှု အဓိက ၂၃ နိုင်ငံ စာရင်းထဲမှာ ပါဝင်ပေမယ့် သက်ဆိုင်ရာ နိုင်ငံတွေရဲ့ အစိုးရတွေကတော့ မူးယစ်ဆေးဝါး တိုက်ဖျက်ရေးအ
တွက် ခိုင်မာတဲ့မူဝါဒတွေ၊အားသွန်ခွန်စိုက်
အားထုတ်မှုတွေနဲ့ တုံ့ပြန်လုပ်ဆောင်နေကြောင်း အမေရိကန် နိုင်ငံခြားရေး ဝန်ကြီး
ဌာနက မှတ်ချက်ပေးသွားခဲ့ပါတယ်။

ကိုးကား- Department of States

#မူးယစ်ဆေးဝါး #စစ်တပ် #မြန်မာ
#အမေရိကန်နိုင်ငံခြားရေးဝန်ကြီး
#peoplesspring #ludunwayoo

အမေရိကန် စီးပွားရေးလုပ်ငန်းရှင်ကိုပြည်နှင်လိုက်ဟုအာဏာသိမ်းစစ်တပ်ဆို

စက်တင်ဘာ-၁၇၊၂၀၂၆။People's Spring

အမေရိကန် စီးပွားရေး လုပ်ငန်းရှင် တစ်ဦးကို ပြည်နှင်ဒဏ်​ပေးလိုက်ကြောင်း အာဏာသိမ်း စစ်တပ်က ထုတ်ပြန်ပါတယ်။

စက်တင်ဘာ ၁၇ ရက်နေ့က စစ်တပ် ထိန်း
ချုပ်ထားတဲ့ နိုင်ငံပိုင် သတင်းစာတွေမှာတော့ မြန်မာနိုင်ငံဆိုင်ရာ အမေရိကန် ကုန်သည်ကြီးများ အသင်း (AmCham Myanmar)ရဲ့ ဥက္ကဋ္ဌဟောင်း အဒမ်ကက်စတီလို ကိုစက်တင်ဘာ ၁၆ ရက်နေ့ ညနေပိုင်းက နေပြည်တော် နိုင်ငံ
တကာ လေဆိပ်ကနေ ထွက်ခွာသွားတဲ့အ
ကြောင်း ဖော်ပြထားပါတယ်။

ကက်စ်တီလိုဟာAmCham Myanmarဖွဲ့စည်း
ပုံ စည်းမျဉ်းပါ ကန့်သတ် ညွှန်ကြားချက်တွေကိုဖောက်ဖျက်ခဲ့​ကြောင်စွပ်စွဲချက်နဲ့ဇွန်လတုန်းကရန်ကုန်မှာအမှုဖွင့်အရေးယူခံခဲ့ရတာပါ။ဒါပေမဲ့ ၃ လကျော် အကြာမှာတော့ နှစ်နိုင်ငံ ချစ်ကြည်ရေးကို ရှေးရှုပြီး အမေရိကန် နိုင်ငံသားကို နယ်နှင်ဒဏ် ပေးလိုက်ကြောင်း စစ်တပ် အာဘော်သတင်းစာတွေကဆိုပါတယ်။

စစ်တပ်ထိန်းချုပ်ထားတဲ့ MRTV ရုပ်မြင်
သံကြား ဌာနကလည်း ကက်စ်တီလိုဟာ အသင်းအဖွဲ့ဆိုင်ရာ ကန့်သတ်ညွှန်ကြားချက်တွေကို ချိုးဖောက်တာ၊ ယုံကြည်အပ်နှံမှုကို ဖောက်ဖျက်တာတွေအတွက် တရားစွဲဆို ခံရကြောင်း ဖော်ပြခဲ့ပေမယ့် သူ့ကို တရားရုံးတင် စစ်ဆေးတာမျိုး ရှိသလား၊ နယ်နှင်တဲ့အချိန်မှာစွပ်စွဲချက်တွေကိုပယ်ဖျက်ပေးခဲ့သလား ဆိုတာတွေကိုတော့ ရှင်းရှင်းလင်းလင်း မသိရပါဘူး။

ပြည်ပနိုင်ငံတွေမှာမတရားဖမ်းဆီးထိန်းသိမ်း
ခံနေရတဲ့ အမေရိကန် နိုင်ငံသားတွေ နေရပ်ပြန်ခွင့်ရအောင် ကူညီပေးတဲ့ ဝါရှင်တန်ဒီစီ အခြေစိုက် Global Reach အဖွဲ့ဆီ ကက်စ်တီလိုရဲ့ မိသားစုက အကူအညီ တောင်းခံခဲ့ပြီးတဲ့နောက် အခုလိုမျိုး သူလွတ်မြောက်လာအောင် ညှိနှိုင်းနိုင်ခဲ့တာဖြစ်ပါတယ်။

အသက် ၄၀ အရွယ်ကက်စတီလိုကို စစ်တပ် အာဏာပိုင်တွေက အမေရိကန် အစိုးရ တာ
ဝန်ရှိသူတွေဆီ လွှဲပေးခဲ့ပြီးထိုင်းနိုင်ငံ၊ ဘန်
ကောက်မြို့တော်ဆီထွက်ခွာစေခဲ့ပါတယ်။ အဲဒီကနေတဆင့် သူဟာ အမေရိကန်ကို ပြန်
သွားမှာပါ။

ကက်စတီလိုဟာ မြန်မာနဲ့ အမေရိကန်ကြား ဆက်ဆံရေး တိုးတက်လာဖို့ အထူးမျှော်လင့်ခဲ့သူ ဖြစ်သလို နှစ်တွေ အများကြီး နေထိုင်ခဲ့တဲ့ မြန်မာနိုင်ငံရဲ့ ပြည်သူတွေအပေါ်လည်း လေးစားမှု ရှိတဲ့သူလို့ သူ့မိသားစုက ပြောပါတယ်။ ဇွန်လ ၁၁ ရက်နေ့တုန်းက မလေးရှားကနေ ရန်ကုန် အပြည်ပြည်ဆိုင်ရာ လေဆိပ်ဆီ ဆိုက်ရောက်လာချိန်မှာ သူ့ကို ရဲတွေက ဖမ်းဆီးခဲ့တာပါ။ အဲဒီတုန်းကတော့ စစ်တပ်ရဲ့ အာဏာပိုင်တွေက ကက်စတီလိုကို ဘာကြောင့် ဖမ်းဆီးသလဲ ဆိုတာကို အသေးစိတ် မထုတ်ပြန်ခဲ့ပါဘူး။

AmChamကတော့ ကက်စတီလိုဟာ ငွေကြေးဆိုင်ရာမသမာတဲ့၊မရိုးဖြောင့်တဲ့စီမံလုပ်
ဆောင်မှုတွေ ရှိခဲ့တယ်လို့ စွပ်စွဲထားပြီး ကာ
ယကံရှင်ကတော့ ငြင်းဆိုထားပါတယ်။

ကက်စတီလို အဖမ်းခံရမှုဟာ မြန်မာ့နိုင်ငံရေး အခြေအနေတွေနဲ့ ပတ်သက်လို့ သူရေးသားထားတဲ့ "Finding our Voice"စာအုပ်နဲ့လည်း ဆက်စပ်နိုင်ကြောင်းခန့်မှန်းမှုတွေ ရှိနေပါတယ်။အဲဒီစာအုပ်ထဲမှာတော့ အမေရိကန်ရဲ့ စီးပွားရေး ပိတ်ဆို့မှုတွေဟာစစ်တပ်က ကျော
ထောက်နောက်ခံ ပေးထားတဲ့ စီးပွားရေးလုပ်
ငန်းတွေထက်ပြည်သူလူထုကိုပိုပြီးထိခိုက်စေကြောင်း
ထောက်ပြခဲ့ပါတယ်။နောက်ပြီးအာဏာသိမ်း
စစ်တပ်နဲ့ AmCham ခေါင်းဆောင်ပိုင်းတွေကိုလည်း ဝေဖန်ထားခဲ့ပါတယ်။

ပြီးတော့ ထင်ရှားတဲ့ မြန်မာ့နိုင်ငံရေး အတိုက်
အခံ တစ်ဦးကို ပြည်တွင်းက ထွက်ခွာနိုင်စေဖို့ ကူညီခဲ့ပုံ အသေးစိတ်ကိုလည်း ဖော်ပြထားပါတယ်။ကက်စတီလိုဟာအဲဒီစာအုပ်မိတ်ဆက်
ပွဲအတွက် မလေးရှားကို သွားရောက်ခဲ့ပြီး မြန်
မာနိုင်ငံဆီပြန်လာချိန်မှာပဲအဖမ်းခံခဲ့ရတာ ဖြစ်ပါတယ်။

ကိုးကား-AP

(Finding our voice စာအုပ်အ​ကြောင်း​ပြောကြား​နေတဲ့ အဒမ်ကတ်စတီလို(စကား​ပြော​နေသူ)ဓါတ်ပုံ-Adam Castillo)

#အဒမ်ကက်စတီလို #AmChamMyanmar
#အမေရိကန်လုပ်ငန်းရှင် #ပြင်နှင်
#peoplesspring #ludunwayoo

စစ်တွေမှာအထိနာနေတဲ့ စစ်တပ်က ပုဏ္ဏားကျွန်းနဲ့ မြောက်ဦးကိုလေယာဉ်အုပ်လိုက်နဲ့ ဗုံးကြဲ

စက်တင်ဘာ-၁၇၊၂၀၂၆။ခိုင်မြတ်/People's Spring

စစ်​တွေတိုက်ပွဲမှာအထိနာနေတဲ့ အာဏာသိမ်းစစ်တပ်ဟာ ပုဏ္ဏားကျွန်းနဲ့ မြောက်ဦးမြို့နယ်တို့ကို တိုက်လေယာဉ်အုပ်လိုက်နဲ့ ဗုံးကြဲတဲ့အတွက်အထိအခိုက်တွေရှိနေတယ်လို့ ဒေသခံတွေက ပြောပါတယ်။

စက်တင်ဘာ ၁၇ ရက်နေ့ နေ့လယ်ပိုင်း ၁၂ နာရီကျော်အချိန်ကနေ ဂျက်ဖိုက်တာ ၃ စီးနဲ့ မြောက်ဦးမြို့အနီး ဝန်းကျင်တွေကို ဗုံးပတ်ကြဲနေတာလို့ သိရပါတယ်။

“အခုထိ ကြဲနေတုန်း၊ တအုန်းအုန်းနဲ့။ အခု ဗုံးတွင်းထဲက ပြောနေတာပါ၊ ဘယ်နားတွေကျမှန်း မသိရသေးဘူး။ အ ပြင်ထွက်လို့လည်း မရသေး” လို့ မြောက်ဦးမြို့မှာ နေထိုင်တဲ့ အမျိုးသမီးတဦးက စက်တင်ဘာ ၁၇ရက်နေ့နေ့လယ် ၁၂ နာရီ မိနစ် ၄၀ ဝန်းကျင်မှာ ပြောပါတယ်။

ဒါ့အပြင် စစ်တပ်ဟာ ဒီနေ့မနက်ပိုင်း ၇ နာရီကျော်နဲ့ ၉ နာရီကျော်အချိန်တို့မှာလည်း တိုက်ပွဲဖြစ်နေတဲ့ စစ်တွေမြို့ နယ်နဲ့အစပ် ပုဏ္ဏားကျွန်းမြို့နယ်ကွမ်းတောင်အပါအဝင် လူနေကျေးရွာတွေကို ဂျက်ဖိုက်တာ ၄ စီး၊ ထောက်ပိုလေ ယာဉ် Y 12 တစီးတို့နဲ့ ဗုံးကြဲခဲ့ပါသေးတယ်။

ဗုံးကြဲမှုကြောင့် လူနေအိမ်တွေအများအပြား ပျက်စီးခဲ့ပါတယ်။ဒါ​ပေမယ့် အရပ်သားထိခိုက်၊ သေဆုံးမှု ရှိ၊ မရှိကိုတော့ မသိရ သေးပါဘူး။

“ပုဏ္ဏားကျွန်းဘက်ကရွာတွေမှာအိမ် အ
ကောင်းတွေတောင်မကျန်တော့ဘူး။နေ့တိုင်းလိုလို လာကြဲ နေတယ်” လို့ ပုဏ္ဏားကျွန်းဒေသခံတဦးက ပြောပါတယ်။

လက်ရှိမှာ ရွှေမင်းဂံရေတပ်စခန်းနဲ့ကပ်ရပ် ပုဏ္ဏားကျွန်းမြို့နယ် ရဲရိုးပြင်ရွာအနီးဝန်း
ကျင်၊ စစ်တွေမြို့နယ် ဝါဘို ကျွန်း မြစ်နားရွာဝန်းကျင်၊ စစ်တွေမြို့နယ် အမြင့်ကျွန်း၊ တောကန်၊ ကံ့ကော်ကျွန်းဝန်းကျင်တို့မှာ စစ်တပ်နဲ့ အာရ က္ခတပ်တော်(AA)တို့ နှစ်ဖက်တိုက်ပွဲအပြင်းအထန်ဖြစ်ပွားနေပြီး တိုက်ပွဲတပတ်ကျော်အတွင်း စစ်တပ်ဘက်က သေဆုံးသူ နှစ်ရာကျော်ထိ ရှိခဲ့ပြီလို့ စစ်ရေးသတင်းရင်းမြစ်တွေက ပြောထားကြပါတယ်။

အဲဒီလို အထိနာနေတဲ့ စစ်တပ်ဟာ စစ်တွေမြို့နယ်နဲ့ အစပ် ပုဏ္ဏားကျွန်း၊ ပေါက်တောမြို့နယ်တို့ကို လေကြောင်း၊ လက်နက်ကြီးတွေနဲ့ နေစဉ်နီးပါး ပစ်ခတ်၊ ဗုံးကြဲနေတာဖြစ်ပါတယ်။

အာဏာသိမ်းစစ်တပ်ဟာပြီးခဲ့တဲ့စက်တင်ဘာ
၁၃ ရက်နေ့ကလည်း ပုဏ္ဏားကျွန်းမြို့နယ် ဦးရာဇ်တော်ဘုရား တောင်ခြေရင်းရှိ စေတီရင်းရွာနဲ့ အနီးဝန်းကျင်တွေကို ဗုံးကြဲတိုက်ခိုက်ခဲ့တာကြောင့် အရပ်သား ၂ ဦးသေဆုံးပြီး ၃ ဦးထက်မနည်း ဒဏ်ရာရခဲ့ပါတယ်။ဒါ့အပြငစက်တင်ဘာ ၁၀ ရက်နေ့ကလည်း ပုဏ္ဏားကျွန်းမြို့နယ် ကျောက်ဆိပ် ကျေးရွာကို ဒရုန်းနဲ့ဗုံးကြဲခဲ့တာကြောင့် သက် ကြီးအမျိုးသမီးသေဆုံးခဲ့ရပါတယ်။


𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA #စစ်တွေတိုက်ပွဲ #ပုဏ္ဏားကျွန်းလေကြောင်းတိုက်ခိုက်မှု #မြောက်ဦးလေကြောင်းတိုက်ခိုက်မှု #စစ်ကောင်စီလေကြောင်းတိုက်ခိုက်မှု #ရခိုင်စစ်ရေး #မြန်မာ့စစ်ရေးသတင်း #SittweConflict #PonnagyunAirstrikes #MraukUAirstrikes #JuntaAirstrikes #RakhineConflict #MyanmarConflict #MyanmarNews

မုံရွာမှာ အိမ်ခြံမြေပွဲစားတစ်ဦး ဓါးနဲ့ခုတ်သတ်ခံရ

စက်တင်ဘာ ၁၇၊၂၀၂၆။ ဟာနာဆန်/People's Spring

စစ်ကိုင်းတိုင်း၊ မုံရွာမြို့ပေါ်မှာ လူတစ်စုက အိမ်ခြံမြေပွဲစားတစ်ဦးကို အိမ်လိုက်ပြခိုင်းပြီး ဓါးနဲ့ခုတ်သတ်သွားကြောင်း မုံရွာမြို့နယ်သတင်းမှန်ပြန်ကြားရေးအဖွဲ့က ပြောပါတယ်။

မနေ့က စက်တင်ဘာ ၁၆ ရက် ညနေ ၅ နာရီခန့်က မုံရွာမြို့နယ်၊ အင်ရွာသစ်နေ အိမ်ခြံမြေပွဲစား ‌ဦးမောင်ဦးနဲ့အဖော်ဖြစ်သူတစ်ဦးတို့ကို အမျိုးသမီးတစ်ဦးအပါအဝင် အမျိုးသား ၄ ဦးက သုံးဘီးယာဥ်နဲ့ အိမ်ဝင်းလိုက်ပြဖို့ဆိုပြီး လာရောက် ခေါ်ဆောင်သွားခဲ့ကြောင်း မုံရွာမြို့နယ်သတင်းမှန်ပြန်ကြားရေးအဖွဲ့က ပြောပါတယ်။

၎င်းအဖွဲ့ဟာ အောင်တော်မှုကျောင်းအနီးသို့ ရောက်ရှိချိန်မှာ မြေပွဲစား ဦးမောင်ဦးကို ဓားနဲ့ ၅ ချက်ခန့် ခုတ်သတ်ခဲ့ပြီး ၎င်းနှင့်အတူ ပါလာတဲ့ အဖော်ဖြစ်သူကိုလည်း ဖမ်းဆီးခေါ်ဆောင်သွားကြောင်း မုံရွာမြို့နယ်သတင်းမှန်ပြန်ကြားရေးအဖွဲ့က ပြောပါတယ်။

"အိမ်ကြည့်ချင်တယ်ဆိုပြီး လာခေါ်သွားတာပြောတယ်။ မုံရွာမှာက ရိုးနေပြီဒါမျိုးတွေက"လို့ မုံရွာမြို့ခံတစ်ဦးက ပြောပါတယ်။

ဖြစ်စဉ်နဲ့ပတ်သက်ပြီး အသေးစိတ်အချက်အလက်တွေနဲ့ ဖမ်းဆီးခေါ်ဆောင်ခံရသူတွေရဲ့ အခြေအနေတွေကို ဆက်လက်စုံစမ်းနေဆဲဖြစ်ကြောင်း မုံရွာမြို့နယ်သတင်းမှန်ပြန်ကြားရေးအဖွဲ့က ထုတ်ပြန်ထားပါတယ်။

မုံရွာမြို့မှာ စစ်တပ်အာဏာသိမ်းကာလအတွင်း ငွေကြေးချမ်းသာသူတွေကို ပြန်ပေးဆွဲငွေညှစ်တာ၊ ဓါးပြတိုက်တာတွေ မကြာခဏ ဖြစ်ပွားလေ့ရှိကြောင်း ဒေသခံတွေက ပြောပါတယ်။ အာဏာသိမ်းစစ်တပ်ကလည်း ဖမ်းဆီးအရေးယူတာမျိုး မရှိဘဲ လူငယ်တွေကိုသာ စစ်မှုထမ်းဖို့ ပေါ်တာပတ်ဆွဲနေကြောင်း မြို့ခံတွေက ပြောပါတယ်။

KIA စစ်ရေးဦးဆောင်ခဲ့တဲ့ အမှတ်(၁)စစ်ဒေသ ဖွဲ့စည်းမှု ၅နှစ်အတွင်း စစ်ကောင်စီတပ်သား သောင်းချီချေမှုန်းနိုင်ခဲ့ဟု NUG ကာကွယ်ရေးပြော

စက်တင်ဘာ ၁၇၊ ၂၀၂၆။ထားမြတ်/People’s Spring

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ အမှတ် (၁) စစ်ဒေသ စတင်တည်ထောင်တဲ့ (၅) နှစ်ပြည့်မြောက် အထိမ်းအမှတ် အခမ်းအနားကို ဒီကနေ့ စက်တင်ဘာ ၁၇ရက်မှာ ကျင်းပခဲ့ကြောင်း အမှတ်(၁) စစ်ဒေသက သတင်းထုတ်ပြန်ပါတယ်။

အဲဒီအခမ်းအနားကို NUG ယာယီသမ္မတ ဒူဝါလရှီးလနဲ့ NUG ကာကွယ်ရေးဝန်ကြီးဌာနတို့ကလည်း ဂုဏ်ပြုသဝဏ်လွှာပေးပို့ခဲ့ကြပါတယ်။

အမှတ် (၁) စစ်ဒေသကို ကချင်လွတ်လပ်ရေးတပ်မတော်(KIA) စစ်ဦးစီးချုပ် ဒုဗိုလ်ချုပ်ကြီး ခေါင်လွမ်းက ဦးဆောင်ပြီး ၂၀၂၁ စက်တင်ဘာ ၁၇ရက်က တည်ထောင်ခဲ့ခြင်းဖြစ်ပါတယ်။ ဒုဗိုလ်ချုပ်ကြီး ခေါင်လွမ်းဟာ အမှတ်(၁) စစ်ဒေသမှုးအဖြစ် သူကွယ်လွန်ခဲ့ချိန် ၂၀၂၄ မေလအထိ တာဝန်ယူခဲ့တာဖြစ်ပါတယ်။ အမှတ် (၁) စစ်ဒေသအား ဗဟိုကွပ်ကဲရေးနဲ့ ပေါင်းစပ်ညှိနှိုင်းရေးကော်မတီ (C3C)ရဲ့ ကွပ်ကဲမှုဖြင့် PDF တိုင်းတာဝန်ခံများ ဦးစီးတဲ့စစ်ကိုင်းတိုင်း၊ မကွေးတိုင်း၊ မန္တလေးတိုင်းတို့ပါဝင် ဖွဲ့စည်းထားတာပါ။

NUG ကာကွယ်ရေးဝန်ကြီးဌာနရဲ့ အမှတ်(၁) စစ်ဒေသ ၅နှစ်ပြည့် အထိမ်းအမှတ်သို့ ပေးပို့တဲ့ သ၀င်္ဏလွှာမှာ အမှတ် (၁) စစ်ဒေသ ဖွဲ့စည်းမှု (၅) နှစ်တာကာလအတွင်း မဟာမိတ်တပ်ဖွဲ့များနဲ့အတူ လက်တွဲပြီး မြို့သိမ်းတိုက်ပွဲများ၊ စခန်းသိမ်းတိုက်ပွဲများအပါအဝင် စစ်ရေးအောင်ပွဲများစွာကို ဖော်ဆောင်နိုင်ခဲ့ပြီး ကြီးမားကျယ်ပြန့်တဲ့ လွတ်မြောက်နယ်မြေ ပေါ်ပေါက်လာစေရန် စွမ်းဆောင် နိုင်ခဲ့ကြောင်း ဖော်ပြထားပါတယ်။

“အဆိုပါကာလအတွင်း အကြမ်းဖက်စစ်ကောင်စီတပ်ဖွဲ့ဝင် သောင်းနှင့်ချီ၍ ချေမှုန်းနိုင်ခဲ့သလို ထောင်နှင့်ချီ၍ ဒဏ်ရာရရှိအောင် စွမ်းစွမ်းတမံ တိုက်ပွဲဝင်နိုင်ခဲ့ပါသည်” လို့လည်း NUG ကာကွယ်ရေးရဲ့ သဝဏ်လွှာမှာ ရေးသားထားပါတယ်။

ဒါ့အပြင် အမှတ် (၁) စစ်ဒေသ တပ်ဖွဲ့ဝင် ရာပေါင်းများစွာရဲ့ အသက်နဲ့ ကိုယ်အင်္ဂါများ စွန့်လွှတ်ပေးဆပ်ခဲ့ရမှုအပေါ် လေးလေး နက်နက် ဦးညွှတ်အသိအမှတ်ပြု မှတ်တမ်းတင်ကြောင်း သဝဏ်လွှာပေးပို့ပါတယ်။

စစ်ရေးအောင်ပွဲများအပြင် ကျယ်ပြန့်တဲ့ လွတ်မြောက်ဒေသ ပေါ်ထွန်းလာစေရေး စွမ်းစွမ်းတမံ ကြိုးပမ်းအားထုတ်ခဲ့မှုများကြောင့် အမျိုးသားညီညွတ်ရေးအစိုးရသည် အမှတ် (၁) စစ်ဒေသမှူးအဖြစ် တာဝန်ယူကွပ်ကဲခဲ့တဲ့ ဒုတိယဗိုလ်ချုပ်ကြီး R ခေါင်လွမ်း (ကွယ်လွန်) အား NUGက ပြည်သူ့တော်လှန်ရေးဂုဏ်ဆောင်ဘွဲ့ ချီးမြှင့်ခဲ့ပါတယ်။

အမှတ် (၁) စစ်ဒေသအနေနဲ့ ရန်သူချေမှုန်းရေးနဲ့ လွတ်မြောက်ဒေသ ထူထောင်ရေးတို့တွင် ထူးချွန်ပြောင်မြောက်တဲ့ စွမ်းရည်ကို သက်သေပြခဲ့ပြီးဖြစ်ရာ နောင်လာမည့်နှစ်များတွင် အောင်ပွဲများ ဆက်လက်ရယူပြီး စစ်အာဏာရှင်စနစ် ချုပ်ငြိမ်းရေးနဲ့ ဖက်ဒရယ်ဒီမိုကရေစီပြည်ထောင်စုတည်ထောင်ရေး တော်လှန်ရေးပန်းတိုင်အရောက် ချီတက်နိုင်ပါစေလို့လည်း ကာကွယ်ရေးဝန်ကြီးဌာနက သဝဏ်လွှာ ပေးပို့ပါတယ်။

NUG ယာယီသမ္မတရဲ့ သဝဏ်လွှာမှာလည်း (၅) နှစ်တာကာလအတွင်း အမှတ် (၁) စစ်ဒေသအနေဖြင့် စိန်ခေါ်မှုများစွာကို ရင်ဆိုင်ကျော်ဖြတ် ခဲ့ရပြီး ပထမဦးဆုံး စစ်ဒေသမှုးအဖြစ် တာဝန်ထမ်းဆောင်ခဲ့တဲ့ ဒုတိယဗိုလ်ချုပ်ကြီး ခေါင်းလွမ်း တာဝန်ထမ်းဆောင်နေစဉ် ကွယ်လွန်ခဲ့တာဟာ ဝမ်းနည်းဖွယ်ရာ ဆုံးရှုံးမှု ဖြစ်ကြောင်း ဖော်ပြက အသက်ခန္ဓာပေးဆပ်ခဲ့ကြတဲ့ ရဲဘော်ရဲဘက်များကို ဦးညွတ်ကြောင်း ပြောကြားပါတယ်။

" ရှေ့ဆက်ကာလတွင်လည်း စိန်ခေါ်မှုများ ဆက်လက်ရှိနိုင်သဖြင့် အခက်အခဲများကို သည်းခံကျော်ဖြတ်နိုင်သည့် စိတ်ဓာတ်၊ အချင်းချင်းယုံကြည်မှုနှင့် စည်းလုံးညီညွတ်မှုတို့ကို ဆက်လက်ခိုင်မာဖို့ လိုအပ်ပါသည်။ ထို့အပြင် ခေတ်နှင့်အညီ ပြောင်းလဲတိုးတက်နေသည့် နည်းပညာနှင့် စစ်ရေးဆိုင်ရာ စွမ်းရည်များကို အချိန်နှင့်တပြေးညီ လေ့လာသုံးသပ်ကာ လိုက်လျောညီထွေ ပြင်ဆင်နိုင်ရန် လိုအပ်ပါသည်။ အထူး သဖြင့် ဒရုန်းနှင့် ခေတ်မီနည်းပညာများ၏ အရေးပါမှုကို ထည့်သွင်းစဉ်းစား၍ သက်ဆိုင်ရာ ခေါင်းဆောင်များအနေဖြင့် ရေရှည်အမြင်ဖြင့် စွမ်းရည်မြှင့်တင်ရေးနှင့် စနစ်တကျ စီမံကိန်းရေးဆွဲ ရေးတို့ကို အလေးထားဆောင်ရွက်ကြစေလိုပါသည်” ယာယီသမ္မတက ပြောကြားခဲ့ပါတယ်။

ဒါ့အပြင် NUG အနေနဲ့လည်း တော်လှန်ရေးရဲ့ ရေရှည်လိုအပ်ချက်တွေနဲပ မဟာဗျူဟာကျတဲ့ စီမံကိန်းတွေအတွက် လိုအပ်တဲ့ အရင်းအမြစ်နဲ့ ရန်ပုံငွေတွေ တက်စွမ်းနိုင်သမျှ ဆက်လက်ပံ့ပိုးပေးမယ်လို့ အသိပေးပါတယ်။

ရှေ့ဆက်တာဝန်ထမ်းရာမှာ ပြည်သူလူထုရဲ့ အကျိုးစီးပွားနဲ့ အခွင့်အရေး များကို အစဉ်အမြဲ ကာကွယ်စောင့်ရှောက်ကြဖို့၊ ပြည်သူလူထုရဲ့ အသက်အိုးအိမ်နဲ့ လုံခြုံရေးကို မိမိတို့ ကိုယ်ပိုင်ပစ္စည်းကဲ့သို့ တန်ဖိုးထား ကာ ကာကွယ်စောင့်ရှောက်ကြဖို့ ယာယီသမ္မတက မှာကြားပါတယ်။

ဒါ့အပြင် လေးစားထိုက်သော အနာဂတ်တပ်မတော်ကို တည်ဆောက်နေကြတဲ့အလျောက် စည်းကမ်း လိုက်နာမှု၊ အမိန့်နာခံမှုနဲ့ တာဝန်သိစိတ်တို့ကို စံပြဖြစ်အောင် ကျင့်သုံးကြဖို့ မှာကြားပါတယ်။

တိုက်ရည်ခိုက်ရည်၊ စွမ်းရည်နဲ့ ကျွမ်းကျင်မှုများ တစ်နေ့ထက်တစ်နေ့ ပိုမိုမြင့်မားလာအောင် အမြဲလုံ့လဝီရိယစိုက်ထုတ်ကြိုးပမ်းလေ့ကျင့်ကြဖို့ ယာယီသမ္မတက ပြောကြားခဲ့သလို ပြောင်းလဲတိုးတက်နေတဲ့ နည်းပညာ၊ စီမံခန့်ခွဲမှုနဲ့ လုပ်ငန်းဆိုင်ရာ စွမ်းရည်များကို အမြဲမပြတ် လေ့လာမြှင့်တင်ပြီး ရေရှည်အတွက် လိုအပ်သည့် စွမ်းရည်များကို တည်ဆောက်ကြဖို့ ပြောပါတယ်။

ဒါ့အပြင် အသက်၊ ခန္ဓာကိုယ်နဲ့ အချိန်များကို ပေးဆပ်ခဲ့ကြတဲ့ ရဲဘော်ရဲဘက်များရဲ့ ပေးဆပ်မှုကို အမြဲအမှတ်ရလျက် မိမိတို့၏ တာဝန်များကို ပိုမိုတန်ဖိုးရှိစွာ ဆက်လက်ထမ်းဆောင်ကြဖို့ ယာယီသမ္မတက ပြောကြားပါတယ်။