“ဒီနေ့ဘာဖြစ်ခဲ့လဲ”

ဒီနေ့(စက်တင်ဘာ ၁၅ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️အာရှ-ပစိဖိတ်ဒေသ အလှည့်ကျဥက္ကဋ္ဌအဖြစ် သံအမတ်ကြီးဦးကျော်မိုးထွန်း ကုလညီလာခံတက်ရောက်

ကုလသမဂ္ဂဆိုင်ရာမြန်မအမြဲတမ်းကိုယ်စားလှယ်သံအမတ်ကြီး ဦးကျော်မိုးထွန်းဟာ အဖွဲ့ဝင် ၅၅ နိုင်ငံပါဝင်တဲ့ အာရှ-ပစိဖိတ်ဒေသအုပ်စုရဲ့ အလှည့်ကျဥက္ကဋ္ဌအဖြစ် စက်တင်ဘာ ၁၄ရက်မှာ ကျင်းပတဲ့ ကုလသမဂ္ဂအထွေထွေညီလာခံကို တက်ရောက်မိန့်ခွန်းပြောကြားခဲ့ပါတယ်။ အာဏာသိမ်းစစ်တပ်က သံအမတ်ကြီးဦးကျော်မိုးထွန်းရဲ့ လုပ်ဆောင်ချက်တွေဟာ တရားမဝင်ဘူးလို့ ထုတ်ပြန်အပြီး တစ်ရက်အကြာ မနေ့က တနင်္လာနေ့မှာ မြန်မာနိုင်ငံက အလှည့်ကျဥက္ကဋ္ဌအဖြစ် တာဝန်ယူလျက်ရှိတဲ့ အာရှ-ပစိဖိတ်ဒေသအုပ်စုကိုယ်စား သံအမတ်ကြီးက တက်ရောက်မိန့်ခွန်းပြောကြားခဲ့တာဖြစ်ပါတယ်။ နော်ဝေဘုရင် ပဉ္စမမြောက်ဟာရဲလ်ဒ် ကွယ်လွန် နတ်ရွာစံခြင်းအတွက် သူ့ကိုအောက်မေ့လွမ်းဆွတ်တဲ့ အခမ်းအနားကို မနေ့ မနက်ပိုင်းက ကုလသမဂ္ဂ အထွေထွေညီလာခံမှာ ကျင်းပခဲ့တယ်လို့ သိရပါတယ်။ အခမ်းအနားကို (၈၁) ကြိမ်မြောက် ကုလသမဂ္ဂ အထွေထွေ ညီလာခံ သဘာပတိက ဖွင့်လှစ်ပေးခဲ့ပြီး ကုလသမဂ္ဂ အတွင်းရေးမှူးချုပ်၊ အမှုဆောင်ရုံး ထိပ်တန်းတာဝန်ရှိသူက ကုလသမဂ္ဂအတွင်းရေးမှူးချုပ်ကိုယ်စား တက်ရောက်ကာ အောက်မေ့ဖွယ်စကား ပြောကြားခဲ့ကြတယ်လို့ ဆိုပါတယ်။ အလားတူ ကုလသမဂ္ဂရှိ သက်ဆိုင်ရာ ဒေသအုပ်စုများရဲ့ အလှည့်ကျဥက္ကဋ္ဌများကလည်း ပါဝင်တက်ရောက်ကာ အမှတ်တရ အောက်မေ့ဖွယ်စကားများ ပြောကြားခဲ့ကြတယ်လို့ မြန်မာအမြဲတမ်းကိုယ်စားလှယ်ရုံးက ထုတ်ပြန်ပါတယ်။

◾️စစ်တပ်ရဲ့လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေနဲ့ ဆက်စပ်ပြီး Telenor စစ်ဆေးခံနေရ

မြန်မာနိုင်ငံမှာ စစ်အာဏာသိမ်းမှု ဖြစ်ပွားပြီးတဲ့နောက် လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေမှာအားပေးအားမြှောက် ပါဝင်ပတ်သက်ခဲ့သလား ဆိုတာနဲ့ ပတ်သက်ပြီး ဆက်သွယ်ရေး နည်းပညာ လုပ်ငန်းစုကြီး Telenorကို စုံစမ်း စစ်ဆေးနေကြောင်း နော်ဝေးရဲတပ်ဖွဲ့က ပြောပါတယ်။ နော်ဝေအခြေစိုက်Telenorကုမ္ပဏီဟာ မြန်မာနိုင်ငံရဲ့ မိုဘိုင်းဆက်သွယ်ရေး စျေးကွက်မှာ ပါဝင်ခဲ့ဖူးပေမယ့် ၂၀၂၁ ခုနှစ် စစ်အာဏာသိမ်းမှု အပြီးမှာတော့ မြန်မာလုပ်ငန်းခွဲ ရှယ်ယာတွေကို ရောင်းချပြီး မြန်မာနိုင်ငံကနေ ထွက်ခွာသွားပါတယ်။ ဒါပေမဲ့ အာဏာသိမ်းမှုနောက်ပိုင်း မြန်မာစစ်တပ်က လူသားမျိုးနွယ်အပေါ် ရာဇဝတ်မှုတွေ ကျူးလွန်ရာမှာ Telenorက အားပေးကူညီခဲ့သလားဆိုတဲ့ သံသယ အခြေအနေတွေအတွက် အခုအခါ နော်ဝေ ရဲတပ်ဖွဲ့က စုံစမ်းစစ်ဆေးနေတာပါ။ အဓိက သံသယရှိတဲ့ အချက်တွေထဲမှာတော့ ပိတ်ဆို့အရေးယူမှုဆိုင်ရာဥပဒေတွေကိုပါ Telenorက ချိုးဖောက်ခဲ့သလားဆိုတာမျိုးတွေလည်းပါဝင်ပါတယ်။ စက်တင်ဘာ ၁၅ ရက် ဒီနေ့မှာ အော့စလိုမြို့တော်မှာ ရှိနေတဲ့ Telenor ဌာနချုပ်ကို ရဲတွေနဲ့ စုံထောက်တွေက ဝင်ရောက်စစ်ဆေး ရှာဖွေခဲ့ပါတယ်။ မြန်မာစစ်တပ်က အရပ်သား ပြည်သူတွေအပေါ် လူ့အခွင့်အရေးချိုးဖောက်မှုတွေ ကျယ်ကျယ်ပြန့်ပြန့် ကျူးလွန်နေတဲ့အချိန်မှာ Telenorရဲ့ မြန်မာလုပ်ငန်းခွဲဟာ သုံးစွဲသူတွေဆီက ရရှိထားတဲ့ အချက်အလက်တွေကို စစ်တပ် အာဏာပိုင်တွေဆီ အကြိမ်ကြိမ် လွှဲပြောင်းပေးခဲ့တယ်လို့ နော်ဝေ ရဲတပ်ဖွဲ့က ပြောပါတယ်။ Telenorကတော့ စုံစမ်းစစ်ဆေးရေး အရာရှိတွေနဲ့ အနီးကပ်ပူးပေါင်းပြီး အခြေအနေတွေကို ရှင်းရှင်းလင်းလင်းဖြစ်လာအောင် အစွမ်းကုန် ကူညီမယ်လို့ ပြောပါတယ်။

◾️ဗေဒင်ဟောပြီး၂လုံးဂဏန်းရောင်းတဲ့ ဗိုလ်မှူးကပစ(၁၆)အနီးတိုက်ပွဲမှာ သေဆုံး

ဗေဒင်ဟောပြီး နှစ်လုံးထီဂဏန်း​တွေ​ ရောင်းပေးနေတဲ့ ဗိုလ်မှူးတစ်ဦးဟာ ပဲခူးတိုင်း၊ ပန်း‌တောင်းမြို့က ကပစ(၁၆)အနီး တိုက်ပွဲမှာ အာရက္ခတပ်တော်(AA)နဲ့ ပူးပေါင်းတပ်တွေ တိုက်ခိုက်လို့ သေဆုံးသွားတယ်လို့ စစ်တပ်သတင်းရင်းမြစ်က ပြောပါတယ်။ အာဏာသိမ်းစစ်တပ်အသိုင်းဝိုင်းမှာ ဗေဒင်ဆရာဝေကမ္ဘာစိုးလို့လူသိများတဲ့ ဗိုလ်မှူးဝေကမ္ဘာစိုးဟာ စက်တင်ဘာ ၁၅ရက်မနက်ပိုင်းမှာ စနိုက်ဘာထိပြီး သေဆုံးတာလို့ သူနဲ့အဆက်အသွယ်ရှိတဲ့ ဗေဒင်ဆရာမတစ်ဦးက ပြောပါတယ်။ ဗိုလ်မှူးဝေကမ္ဘာစိုးဟာ အသက် ၃၆ နှစ်အရွယ်ရှ်ိပြီး ဝေကမ္ဘာစိုးအမည်နဲ့ ဖေ့ဘွတ်အကောင့် နှစ်ခုထက်မနည်း အသုံးပြုနေပါတယ်။ သူ မသေဆုံးခင်ရက်အနည်းငယ်မှာလည်း ဖေ့ဘွတ်လူမှုကွန်ရက်စာမျက်နှာမှာ နှစ်လုံးထီဂဏန်းတွေ ရေးတင်ထားတာကို တွေ့ရပါတယ်။ ဒါ့အပြင် တယ်လီဂရန်ဂရုဖွဲ့ထားပြီး တစ်ဦးကို တစ်ပတ် ၁၅,၀၀၀ ကျပ်ယူပြီး ဗေဒင်ဟောတာတွေ၊ နှစ်လုံးထီဂဏန်းပေးတာတွေ လုပ်နေတယ်လို့ သူ့ရဲ့မိတ်ဆွေတစ်ဦးက ပြောပါတယ်။

◾️လေးလကြာတဲ့အထိ ဖာပွန်ဆီ စစ်တပ်စစ်ကြောင်း မထိုးဖောက်နိုင်

ကရင်ပြည်နယ်၊ ကမမောင်းမြို့ကနေ ဖာပွန်ဒေသဆီ စစ်ကြောင်းထိုးနေတဲ့ အာဏာသိမ်းစစ်တပ်ဟာ စစ်ဆင်ရေးကာလ လေးလကျော်လာတဲ့အထိ ဖာပွန်ဆီ မရောက်နိုင်ဘဲ အထိအခိုက်အကျအဆုံးများနေတယ်လို့ KNU တပ်မဟာ(၅) ဖာပွန်ခရိုင်က ထုတ်ပြန်ပါတယ်။ ကမမောင်းမြို့နဲ့ ဖာပွန်မြို့ဟာ ၅၆ မိုင်သာဝေးပြီး သာမာန်အခြေအနေမှာ ကားနဲ့ဆိုရင် နှစ်နာရီနီးပါးသာမောင်းရတာပါ။ အာဏာသိမ်းစစ်တပ်ဟာ လက်လွှတ်ထားရတဲ့ ဖာပွန်နယ်မြေကို ပြန်ရဖို့ ပြီးခဲ့တဲ့ မေလ ပထမပတ်ကစတင်ပြီး ကမမောင်းမြို့ကနေ ဖာပွန်ဆီ ဦးတည်ပြီး စစ်ကြောင်းထိုးခဲ့တာပါ။ လေးလကျော်ကြာချိန် အခုလ စက်တင်ဘာဒုတိယပတ်မှာတော့ ဖာပွန်ဆီမရောက်ဘဲ ကမမောင်း-ဖာပွန်လမ်းပိုင်းပေါ်က ဖားလုံကြီးရွာမှာ စစ်တပ်စစ်ကြောင်းရောက်ရှိနေတယ်လို့ ကရင်စစ်ရေးသတင်းရင်းမြစ်ဆီက သိရပါတယ်။

◾️စစ်မှုထမ်းတပ်သားသစ်တွေ ယူနီဖောင်းချွတ် ထွက်ပြေးနေ

ချင်းပြည်နယ်တောင်ပိုင်းကို စစ်ကူပို့မယ့် စစ်မှုထမ်းတပ်သားသစ်တွေဟာ ယူနီဖောင်းတွေချွတ်ပြီး ထွက်ပြေးနေတယ်လို့ မြေပြင်စစ်ရေးသတင်းရင်းမြစ်တချို့က ‌ပြောပါတယ်။ လောင်းရှည်မြို့ကနေ ဆောမြို့ကို ဦးတည်လာနေတဲ့ အင်အား ၃၀၀ ပါတဲ့ စစ်တပ်စစ်ကြောင်းက စစ်မှုထမ်းတပ်သား ၆ဦးထက်မနည်းဟာ လောင်းရှည်-တောင်ဘို့ကြီးရွာကြားမှာ ထွက်ပြေးခဲ့တာလို့ ဆိုပါတယ်။ မနေ့က လမ်းကြောင်း၀င်ရှင်းတော့ တပ်မ(၉၉) ဘတ်တံဆိပ်နဲ့ အ၀တ်အထည်တွေ တွေ့ရတာကြောင့် ယူနီဖောင်းပါချွတ်ပြီး ထွက်ပြေးကြတယ်လို့ ပြောလို့ရကြောင်း ဆောမြို့နယ် တော်လှန်ရေးတပ်တွေနဲ့နီးစပ်သူတစ်ဦးက ‌ပြောပါတယ်။ ဒါပေမဲ့ လက်ရှိစစ်တပ်စစ်ကြောင်းက လောင်းရှည်နဲ့ ဆောမြို့လမ်းပိုင်းပေါ်က သီးကုန်းကျေးရွာကနေ ဆောမြို့ကို တချို့၀င်ရောက်နေပြီလို့ သူက အသိပေးပါတယ်။

◾️စစ်မှန်တဲ့ လွတ်လပ်မှုအတွက်ကြိုးပမ်းဖို့ SCEF ခေါင်းဆောင်တွေ တိုက်တွန်း

စစ်မှန်တဲ့ လွတ်လပ်မှုနဲ့ ရေရှည်တည်တံ့တဲ့ ငြိမ်းချမ်းရေး ဖြစ်ပေါ်လာရေးအတွက် ဖက်ဒရယ်ဒီမိုကရေစီပြည်ထောင်စုနိုင်ငံ ပေါ်ထွန်းရေး ကြိုးပမ်းနေချိန်ဖြစ်လို့ ညီညွတ်စွာ ဝိုင်းဝန်းကြိုးပမ်းကြဖို့ ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ(SCEF) ခေါင်းဆောင်တွေက တိုက်တွန်းပြောကြားလိုက်ပါတယ်။ ဒီနေ့ စက်တင်ဘာ ၁၅ရက်မှာ ကျင်းပတဲ့ နိုင်ငံတကာဒီမိုကရေစီနေ့ အခမ်းအနားမှာ SCEF ခေါင်းဆောင်တွေဖြစ်တဲ့ အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်း၊ SCEF အလှည့်ကျသဘာပတိ ခူဦးရယ်တို့က မိန့်ခွန်းပြောကြားခဲ့ပါတယ်။ ခေါင်းဆောင်တွေက ဖက်ဒရယ်ဒီမိုကရေစီပြည်ထောင်စုပေါ်ထွန်းရေးနဲ့ စစ်အာဏာရှင်စနစ် ချုပ်ငြိမ်းရေး ဆောင်ရွက်ဖို့ လိုအပ်တဲ့ အခြေအနေတွေကို ရှင်းလင်းပြောကြားခဲ့ကြပါတယ်။ ဒီကနေ့ အားလုံး ဖြတ်သန်းချီတက်နေတဲ့ နွေဦးတော်လှန်ရေးဟာ ဖက်ဒရယ်ဒီမိုကရေစီစနစ်နဲ့ တိုင်းသစ်ပြည်သစ်တည်ထောင်ဖို့အတွက် ကြိုးစားနေကြတဲ့ ရုန်းကန်မှုကြီးဖြစ်တယ်လို့လည်း ယာယီသမ္မတက ပြောပါတယ်။ အခုဆိုရင် SCEFလို့ ခေါ်တဲ့ တပ်ပေါင်းစုံ သဏ္ဍန်တော်လှန်ရေးတပ်ဦးတစ်ခုကို အတူတကွ ဖော်ဆောင်နေကြပြီး ဒါဟာ ဖက်ဒရယ်ဒီမိုကရေစီနိုင်ငံသစ် ထူထောင်ရေးအတွက်ဖြစ်တယ်လို့ အသိပေးပါတယ်။

◾️စစ်တပ်လေတပ်စခန်း ဒရုန်းနဲ့ တိုက်ခိုက်ခဲ့တဲ့ PDF၊ ပကဖ ပူးပေါင်းတပ်တွေကို NUG ယာယီသမ္မတနဲ့ ပြည်ထောင်စုဝန်ကြီးချုပ် ဂုဏ်ပြု

အာဏာသိမ်းစစ်တပ်ရဲ့ တံတားဦးလေတပ်စခန်းကို တိုက်ခိုက်ခဲ့တဲ့ ပြည်သူ့ကာကွယ်ရေးတပ်မတော်(PDF)နဲ့ ပြည်သူ့ကာကွယ်ရေးအဖွဲ့(ကပဖ)ပူးပေါင်းအဖွဲ့တွေကို အမျိုးသားညီညွတ်ရေးအစိုးရ(NUG) ယာယီသမ္မတဒူဝါလရှီးလနဲ့ ပြည်ထောင်စုဝန်ကြီးချုပ် မန်းဝင်းခိုင်သန်းတို့က စက်တင်ဘာ ၁၄ရက်နေ့ရက်စွဲနဲ့ ဂုဏ်ပြုသဝဏ်လွှာပေးပို့ခဲ့ပါတယ်။ ပြည်သူလူထုအပေါ် လေကြောင်းကနေ နေ့စဉ်ရက်ဆက် ဗုံးကြဲတိုက်ခိုက်သတ်ဖြတ်မှုများ ပြုလုပ်နေတဲ့ မန္တလေးတိုင်း၊ ကျောက်ဆည်ခရိုင်၊ တံတားဦးမြို့နယ်ရှိ စစ်တပ်ရဲ့ ပင်မစစ်ဘက်သုံး လေတပ်စခန်းကို စက်တင်ဘာ (၁၀)ရက်မှာ PDF ပူးပေါင်းတပ်က ဒရုန်းတွေနဲ့ တိုက်ခိုက်ခဲ့တာဖြစ်ပါတယ်။ အဲဒီလို ဒရုန်းစစ်ဆင်ရေး အောင်မြင်စွာ ဖော်ဆောင် တိုက်ခိုက်နိုင်ခဲ့တဲ့အတွက် အသိအမှတ်ထား ဂုဏ်ပြုကြောင်း သဝဏ်လွှာမှာ ဖော်ပြထားပြီးတော်လှန်ရေး ရဲဘော်များရဲ့ ညီညွတ်မှုကို အသိမှတ်ပြု မှတ်တမ်းတင်ကြောင်း ပါရှိပါတယ်။ ကျဆုံးရဲဘော်တွေရဲ့ ကျန်ရစ်သူ မိသားစုဝင်များနဲ့အတူ ထပ်တူထပ်မျှ ဝမ်းနည်းကြေကွဲရကြောင်းလည်း NUGက ဖော်ပြပါတယ်။

◾️မြင်းမူမြို့နယ်က တိုက်နယ်ပကဖ တာဝန်ခံစစ်အုပ်စုနဲ့ပေါင်းပြီးနောက် အခွန်ဂိတ်နေရာတွေကို စစ်တပ်ဗုံးကြဲ

စစ်ကိုင်းတိုင်း၊ မြင်းမူမြို့နယ်၊ ဂုံညင်းဆိပ်တိုက်နယ်ပကဖတာဝန်ခံ မြတ်စိုးနဲ့ဇနီးဖြစ်သူတို့ စစ်အုပ်စုနဲ့ ပူးပေါင်းသွားပြီးနောက် တော်လှန်ရေးတပ်တွေရဲ့အခွန်ဂိတ်တွေကို စစ်တပ်က‌ လေကြောင်းကနေ ဗုံးကြဲတာ​ကြောင့် ကျေးရွာ ၇ရွာခန့်က ပြည်သူတွေ ရှောင်တိမ်းနေကြရတယ်လို့ဒေသခံတွေက ပြောပါတယ်။ ဂုံညင်းဆိပ်တိုက်နယ်ပကဖ တာဝန်ခံ မြတ်စိုးဟာ လောင်းကစားဝိုင်း၊ တရားမဝင်လူပြန်ပေးဆွဲမှု၊ လာဘ်စားမှုတွေကြောင့် တော်လှန်ရေးတပ်တွေက အရေးယူဖို့ လုပ်ချိန်မှာ လက်နက်၁၀ လက်ကျော် ၊ငွေသား၊ကားနဲ့ အတူ စက်တင်ဘာ ၁၃ ရက်က ဇနီးဖြစ်သူနဲ့အတူ စစ်အုပ်စုဆီ ပူးပေါင်းသွားခဲ့တယ်လို့ ​​​တော်လှန်​ရေးတပ်​တွေက​ ပြောပါတယ်။ အဲဒီလို စစ်အုပ်စုနဲ့ ပူးပေါင်းပြီးတဲ့နောက် မြင်းမူမြိုနယ်၊ အရှေ့မြောက်ခြမ်းက အခွန်ဂိတ်‌ ၃နေရာကို စစ်အုပ်စုက Gyrocopter ၃စီးနဲ့ စက်တင်ဘာ ၁၄ ရက်မှာ သုံးကြိမ်တိုင်ဗုံးကြဲခဲ့တယ်လို့ ​ဒေသခံ​တွေက​ ပြောပါတယ်။

◾️ပုလဲမြို့အနီး စစ်တပ် ဗုံးကြဲမှု အရပ်သားထိခိုက်မှုရှိ

စစ်ကိုင်းတိုင်း၊ ပုလဲမြို့နယ် ကံပေါက်ရွာကို အာဏာသိမ်းစစ်တပ်က Gyrocopter ၃ စီးနဲ့ ဗုံးကြဲသွားတာကြောင့် အရပ်သားထိခိုက်သေဆုံးမှုတွေရှိတယ်လို့ သတင်းရရှိပါတယ်။ ကံပေါက်ရွာကို ဒီနေ့ စက်တင်ဘာ ၁၅ ရက် နေ့လယ် ၁၂နာရီ ၂၀ မိနစ်မှာ Gyrocopter ၃ စီးနဲ့ ဗုံးကြဲချတာလို့ မြို့ခံတစ်ဦးက ပြောပါတယ်။ လက်ရှိမှာ တိုက်ပွဲဖြစ်ပွားခြင်းမရှိဘဲ စစ်တပ်က လေကြောင်းကနေ လာပြီးဗုံးကြဲတာလို့ တော်လှန်ရေးရဲဘော်တစ်ဦးက ပြောပါတယ်။ ဒီနေ့ နေ့လယ်ပိုင်းဗုံးကြဲမှုကြောင့် ထိခိုက်မှုအခြေအနေကို အသေးစ်ိတ်မသိရသေးပါဘူး။

◾️ဒီးမော့ဆိုအနောက်ခြမ်းကို စစ်တပ် ဗုံးကြဲတိုက်ခိုက်နေ

ကရင်နီပြည်နယ်၊ ဒီးမော့ဆိုမြို့နယ်အနောက်ခြမ်းကို အာဏာသိမ်းစစ်တပ်က လေကြောင်း၊လက်နက်ကြီးနဲ့ ဗုံးကြဲတိုက်ခိုက်နေတယ်လို့ ကရင်နီစစ်ရေးသတင်းရင်းမြစ်တွေက ပြောပါတယ်။ ဒီနေ့ စက်တင်ဘာ ၁၅ရက် မနက်ပိုင်း ၉ နာရီခွဲ၀န်းကျင်မှာ ဒီးမော့ဆိုမြို့နယ်က ပဆေးလာရွာဘက်ခြမ်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတာအပြင် လက်နက်ကြီးနဲ့ပါ ပစ်ခတ်နေတာလို့ ဆိုပါတယ်။ မြေပြင်အခြေအနေအရ ထိခိုက်ပျက်စီးမှု အသေးစိတ်ကို မသိရသေးဘဲ စစ်ဘေးရှောင်ကလေးငယ်တွေရဲ့ ကျောင်းတွေ ပိတ်ထားဖို့နဲ့ ဒေသခံပြည်သူတွေ ဗုံးခိုကျင်းတွေမှာ နေထိုင်ဖို့ ကရင်နီစစ်ရှောင်အရေးကူညီသူတွေက တိုက်တွန်းပါတယ်။

◾️စစ်တပ်ဆီက လက်နက်မျိုးစုံနဲ့ ကျည်ခဲယမ်းတွေ KIA ပူးပေါင်းတပ် သိမ်းရ

ကချင်ပြည်နယ်၊ ဗန်းမော်မြို့နယ် ကောင်ဂျာယန်တိုက်ပွဲမှာ စစ်တပ်အထိနာခဲ့ပြီး သေဆုံးထိခိုက်များခဲ့သလို လက်နက်ခဲယမ်းအများအပြား သိမ်းရခဲ့ကြောင်း ကချင်စစ်ရေးသတင်းရင်းမြစ်က ပြောပါတယ်။ စစ်တပ်က ကောင်ဂျာယန်ကျေးရွာဘက် ထိုးစစ်ဆင်လာလို့ ကချင်လွတ်လပ်ရေးတပ်မတော်(KIA) ပူးပေါင်းတပ်က တိုက်ခိုက်ခဲ့ရာ စက်တင်ဘာ ၁၂ရက် ညနေပိုင်းကနေ စက်တင်ဘာ ၁၄ရက်အထိ တိုက်ပွဲတွေဖြစ်ပွားခဲ့တယ်လို့ ဆိုပါတယ်။ အဲဒီတိုက်ပွဲမှာ စစ်တပ်က သေဆုံးသူ ၄၀ကျော်ရှိသလို တပ်ဖွဲ့ဝင် ၃၀ ကျော်ကိုလည်း အရှင်ဖမ်းမိခဲ့ကာ စစ်တပ်စစ်ကြောင်းတစ်ခုလုံးပြုတ်သွားကြောင်း ကချင်စစ်ရေးသတင်းရင်းမြစ်က ပြောပါတယ်။ ဒါ့အပြင် စစ်တပ်ဆီက လက်နက်ကြီးငယ်မျိုးစုံ အလက် ၅၀ခန့်နဲ့ လက်ပစ်ဗုံးတွေ၊ ကျည်တွေ၊ အီနာဂါဗုံးသီးတွေ၊ ကျည်ဘောက်တွေ၊ လက်နက်ကြီးကျည်တွေ၊ RPG ဗုံးသီးတွေ၊ ဒရုန်းဂျန်ဘာနဲ့ ဆက်စပ်ပစ္စည်းတွေ သိမ်းရထားတာကို တွေ့ရပါတယ်။

◾️မောင်တောမှာ ၂ နှစ်ကျော်အရွယ်ကလေးငယ်ကို အဓမ္မပြုကျင့်၊ သတ်ဖြတ်ခဲ့သူကို ထောင် ၁၀ နှစ် ချ

ရခိုင်ပြည်နယ် မောင်တောမြို့နယ် အောင်သုခကျေးရွာမှာ ၂ နှစ်ကျော်အရွယ် မိန်းကလေးငယ်ကို အဓမ္မပြုကျင့်၊ သတ်ဖြတ်ခဲ့တဲ့ အသက် ၁၆ နှစ်အရွယ် မောင်ပေါက်စချေဆိုသူကို သက်ငယ်မုဒိမ်းမှု၊ လူသတ်မှုတို့နဲ့ အာရက္ခတပ်တော်(AA)ရဲ့ မောင်တောခရိုင်တရားရုံးက ထောင်ဒဏ် ၁၀နှစ်ချမှတ်လိုက်ပါတယ်။ ပြီးခဲ့တဲ့ မတ်လ ၁၆ ရက်မှာ အောင်သုခရွာမှ မောင်ပေါက်စချေဟာ အိမ်နီးချင်းဖြစ်တဲ့ မိန်းကလေးငယ်ကို အဓမ္မပြုကျင့်၊ သတ်ဖြတ်၊ အလောင်းဖျောက်ခဲ့တာဖြစ်ပြီး အဲဒီအမှုကို ငါးလဝန်းကျင်ကြာ စစ်ဆေးပြီးနောက် စက်တင်ဘာ ၄ ရက်မှာ အခုလို ပြစ်ဒဏ်ချမှတ်ခဲ့တာပါ။ အဲဒီလိုပြစ်မှုကျူးလွန်တဲ့ မောင်ပေါက်စချေဟာ အသက် ၁၆ သာရှိသေးပြီး အသက်မပြည့်သေးတာကြောင့် ကလေးသူငယ်အခွင့်အရေးဆိုင်ရာဥပဒေပြဌာန်းချက်တွေအရ အရွယ်ရောက်ပြီးသူတွေအပေါ် ချမှတ်နိုင်တဲ့ ပြစ်ဒဏ်တွေအတိုင်း ချမှတ်နိုင်ခြင်းမရှိဘဲ ထောင်ဒဏ် ၁၀ နှစ်သာ ချမှတ်တာလို့ သိရပါတယ်။ အဓမ္မပြုကျင့်၊ သတ်ဖြတ်ပြီးနောက် အလောင်းဖျောက်ဖျက်ရာမှာ ကြံရာပါအဖြစ် ပူးပေါင်းပါဝင်ခဲ့တယ်လို့ ဒေသခံတွေနဲ့ မိသားစုဝင်တွေပြောထားတဲ့ မောင်ပေါက်စချေရဲ့ မိခင်ကိုတော့ ရဲစခန်းကရော တရားရုံးကပါ ပြန်လွှတ်ပေးခဲ့ပါတယ်။ အဲဒီလိုကျူးလွန်သူရဲ့မိခင်ကို ပြန်လွှတ်ပေးလိုက်တဲ့အပေါ် အဆင့်မြင့်တရားရေးဌာနကို ဆက်လက်တိုင်ကြားသွားမယ်လို့ တရားလိုမိသားစုဝင်တွေနဲ့ နီးစပ်သူတွေက ပြောကြပါတယ်။ မောင်ပေါက်စချေနဲ့ မိခင်တို့ဟာ အဓမ္မပြုကျင့်၊ သတ်ဖြတ်ထားတဲ့ ကလေးငယ်ကို အိတ်နဲ့ထုတ်ပိုးကာ အလောင်းဖျောက်ခဲ့တာလို့ မိသားစုဝင်တွေက ဆိုထားပါတယ်။

◾️မြေမြှုပ်မိုင်းက ရှမ်းမြောက်ဒေသခံတွေကို အကြီးမားဆုံးခြိမ်းခြောက်နေတယ်လို့ တအာင်းအမျိုးသမီးအဖွဲ့အစည်း ထုတ်ပြန်

ရှမ်းပြည်နယ်မြောက်ပိုင်းမှာ မြေမြှုပ်မိုင်းပြဿနာက ဒေသခံတွေရဲ့ ‌နေ့စဉ်ဘဝအတွက် ကြီးမားတဲ့ ခြိမ်းခြောက်မှုဖြစ်နေပြီး နောင်ချိုမြို့ဟာ မိုင်းကြောင့်ထိခိုက်မှုအများဆုံးဖြစ်တယ်လို့ တအာင်းအမျိုးသမီးအဖွဲ့အစည်း(TWO)က ထုတ်ပြန်ပါတယ်။ ရှမ်းပြည်နယ်မြောက်ပိုင်းမှာ မြေမြှုပ်မိုင်းနဲ့ စစ်ကျန်လက်နက် ပေါက်ကွဲမှုတွေကြောင့် အရပ်သားတွေထိခိုက်မှုနဲ့ပတ်သက်ပြီး TWOက ဒီနေ့ စက်တင်ဘာ ၁၅ရက်မှာ ထုတ်ပြန်တာဖြစ်ပါတယ်။ ၂၀၂၆ ဇန်နဝါရီကနေ သြဂုတ်အထိ ရှမ်းပြည်နယ်မြောက်ပိုင်းမှာ အသုံးပြုပြီး မပေါက်ကွဲသေးတဲ့ စစ်လက်နက်ကြွင်းကျန်ပစ္စည်းတွေနဲ့ မြေမြုပ်မိုင်း ပေါက်ကွဲမှု ၄၅ ကြိမ်ဖြစ်ခဲ့ပြီး ကလေး ၃ဦးအပါအဝင် ၇ ဦးသေဆုံးကာ၄၂ဦးဒဏ်ရာရခဲ့တယ်လို့ ထုတ်ပြန်ထားပါတယ်။ မိုးမိတ်၊ နောင်ချို၊ ကျောက်မဲ၊ လားရှိုး၊ တန့်ယန်း၊ သိန္နီ၊ ကွတ်ခိုင်၊ ‌မူဆယ်နဲ့နမ့်ခမ်းမြို့နယ်တွေမှာလက်လှမ်းမှီသလောက် ကောက်ယူထားတဲ့အချက်အလက်တွေဖြစ်တယ်လို့TWOက အသိပေးထားပါတယ်။

◾️KNPP အထွေထွေအတွင်းရေးမှူးနဲ့ အတွင်းရေးမှူး နေရာ အစားထိုးခန့်အပ်

ကရင်နီအမျိုးသားတိုးတက်ရေးပါတီ (KNPP)ဗဟိုကော်မတီ အရေးပေါ်အစည်းအဝေးကျင်းပပြီး အထွေထွေအတွင်းရေးမှူးနဲ့ အတွင်းရေးမှူး ၂နေရာအတွက် အစားထိုးခန့်အပ်ခဲ့တယ်လို့ KNPPက ထုတ်ပြန်ပါတယ်။ စက်တင်ဘာ ၁၀ ရက်က ပြုလုပ်ခဲ့တဲ့ ပါတီ ဗဟိုကော်မတီအရေးပေါ်အစည်းအဝေးမှာ အထွေထွေ အတွင်းရေးမှူး ရာထူးနေရာကို ပြန်လည်ရွေးချယ်တာနဲ့ ကရင်နီပြည်အတိုင်ပင်ခံကောင်စီ (KSCC) တွင် လစ်လပ် သွားသော KNPPရဲ့ကိုယ်စားပြုမှုကို အစားထိုး ခန့်အပ်တာတွေ ဆောင်ရွက်ခဲတယ်လို့ ဆိုပါတယ်။ ပါတီအထွေထွေအတွင်းရေးမှူး ရာထူးနေရာမှာ လက်ရှိ ပါတီအတွင်းရေးမှူး (၁)ဖြစ်သူ ရဲဘော်ပလူးရယ် နဲ့ ပါတီအတွင်းရေးမှူး(၁) ရာထူးနေရာမှာ လက်ရှိ ပါတီအတွင်းရေးမှူး(၂) ဖြစ်သူ ရဲဘော်နဲနယ်ပလိုးကို ပါတီလုပ်ထုံးလုပ်နည်းတွေနဲ့ အညီ ရာထူးတာဝန်လွှဲပြောင်း ခန့်အပ်ခဲ့တယ်လို့ KNPP က ထုတ်ပြန်ပါတယ်။ ရာထူးတာဝန်အလွှဲအပြောင်းတွေကြောင့် လစ်လပ်သွားတဲ့ အတွင်းရေးမှူး(၂) ရာထူးနေရာ အတွက် အမြဲတမ်းပါတီဗဟိုကော်မတီဝင်တွေနဲ့ ပါတီဗဟိုကော်မတီဝင်တွေ အကြား ပါတီအခြေခံမူ လမ်းစဉ်၊ဖွဲ့စည်းပုံဥပဒေ နဲ့အညီ လျှို့ဝှက်မဲစနစ်နဲ့ ရွေးချယ်တင်မြောက်ခဲ့ရာ ရဲဘော်သဲမာ က ပါတီအတွင်းရေးမှူး(၂) အဖြစ်မဲအရေအတွက် အများဆုံးရရှိခဲ့တာ‌ကြောင့် အတည်ပြုခန့်အပ်ခဲ့တယ်လို့ သိရပါတယ်။ ဒါ့အပြင် ကရင်နီပြည်အတိုင်ပင်ခံကောင်စီ (KSCC) မှာလစ်လပ်သွားတဲ့ ကရင်နီအမျိုးသား တိုးတက်ရေးပါတီ (KNPP) ကိုယ်စားလှယ်နေရာမှာ ပါတီဒုတိယဥက္ကဌ ရဲဘော်ခူးထဲဘူးကို ရွေးချယ်စေလွှတ်ခဲ့တယ်လို့လည်း KNPPက ထုတ်ပြန်ပါတယ်။

◾️စစ်မှူထမ်းတာဟာ ဂုဏ်ယူစရာဟု​မြေးနှစ်ဦးနိုင်ငံခြားပို့ထားတဲ့ဒါရိုက်တာ ပန်းချီစိုးမိုးပြော

​မြေးနှစ်ဦးကို နိုင်ငံခြားပို့ထားတဲ့ ရုပ်ရှင်ဒါရိုက်တာပန်းချီစိုးမိုးက အာဏာသိမ်းစစ်တပ်က လူငယ်တွေကို အဓမ္မစစ်မှုထမ်းခိုင်းနေချိန် စစ်မှုထမ်းတာဟာ ဂုဏ်ယူစရာကောင်းကြောင်း ပြောပါတယ်။ စက်တင်ဘာ ၁၁ ရက်က ရန်ကုန်မြို့၊ မြဝတီစင်တာမှာပြုလုပ်တဲ့ အာဏာသိမ်းစစ်တပ်ကနေ စီစဥ်ရိုက်ကူးတဲ့ စစ်မှုထမ်း ဝါဒဖြန့်ချိရေး ဇာတ်ကား ပရက်ရှိုးမှာ ဒါရိုက်တာ ပန်းချီစိုးမိုးက ပြောဆိုခဲ့တာပါ။ စစ်မှုထမ်းကို ကြောက်အောင်လှုံဆော်နေကြသူ​တွေကြောင့် ကြောက်နေကြတာသာဖြစ်ပြီး စစ်မှုထမ်းခြင်းဟာ ဂုဏ်ယူစရာကောင်းကြောင်း ဒါရိုက်တာ ပန်းချီစိုးမိုးက ပြောပါတယ်။ စစ်မှုထမ်းခိုင်းတာ ဂုဏ်ယူစရာဆိုရင် သူ့မြေးတွေအရင်ထမ်းခိုင်းသင့်ပြီး သူ့မြေး၂ဦးကိုတော့ နိုင်ငံခြားလွှတ်ထားတာလို့ ရုပ်ရှင်​လောကသားတစ်ဦးက ပြောပါတယ်။ ပန်းချီစိုးမိုးမှာ ​မြေးအမျိုးသားတစ်ဦး ၊အမျိုးသမီးတဦးရှိပြီးသူတို့ကို​တော့ စစ်မှုမထမ်းခိုင်းဘဲ နိုင်ငံခြားပို့ထားတာဖြစ်ပါတယ်။

စက်တင်ဘာ ၁၅ ရက်ရန်ကုန်မြို့ရဲ့ကုန်​ဈေးနှုန်း နဲ့ စစ်တပ်အာဏာမသိမ်းခင်
၂၀၂၁ ​ဇန်နဝါရီ ၃၁ ရက်ကုန်​ဈေးနှုန်း

#ကုန်ဈေးနှုန်း #ရန်ကုန် #peoplesspring
#စစ်တပ်အာဏာမသိမ်းခင်ဈေးနှုန်း

"Junta is desperate", says Myanmar’s UN representative

By People's Spring

U Kyaw Moe Tun, Permanent Representative of Myanmar to the United Nations (UN), said the junta’s Foreign Ministry statement about his position was a clear sign of how desperate the junta had become.

After the junta staged its coup in 2021,
U Kyaw Moe Tun chose to align himself with pro-democracy resistance forces rather than pledge allegiance to the generals in Naypyidaw.Over the past five years, the junta has made various attempts to remove him as Myanmar’s representative to the UN. Most recently, on September 13, the junta’s Foreign Ministry issued a statement claiming that U Kyaw Moe Tun had illegally seized his position.

U Kyaw Moe Tun said the junta had hired individuals to assassinate him. After the attempt failed, the junta continued to pursue various efforts and schemes aimed at removing him from Myanmar’s seat at the United Nations.

“The junta has tried different ways, including lawsuits, to put pressure on me and stop my office from operating. I’ve already spoken about that. I also briefly answered questions before about the spending needed to keep my office running, so I don’t have anything more to add. But if you look at what it is doing now, it clearly shows just how desperate the junta is,” he told People’s Spring.

U Kyaw Moe Tun was appointed Permanent Representative of Myanmar to the UN in 2020 under the civilian government led by Daw Aung San Suu Kyi, which had been elected in accordance with Myanmar’s democratic system. Following the 2021 coup, he publicly condemned the military’s seizure of power in a speech at the UN, embarrassing the junta, and declared his support for the people of Myanmar.

Over the past five years, Ambassador U Kyaw Moe Tun has used the UN General Assembly (UNGA) and related meetings to draw international attention to the situation in Myanmar, the junta’s brutal attacks and human rights abuses against the people since the coup, its inhumane acts, and the numerous crimes it has committed under international law while enjoying impunity.He has also highlighted
the perils faced by the people of
Myanmar.

Last week, the UN held the opening ceremony and first plenary meeting of the 81st session of the UNGA at its headquarters in New York, with the Myanmar delegation led by U Kyaw Moe Tun attending. On the same day, the UN established its Credentials Committee to review the credentials of representatives from member states.

At around the same time the UN established the Credentials Committee, the coup regime’s Foreign Ministry announced that U Kyaw Moe Tun had already been removed from his position as Permanent Representative of Myanmar to the UN. The junta also said he had been charged with high treason against the state and rebellion and that an arrest warrant had been issued for him.

The junta further threatened that it is working through diplomatic channels and has contacted the International Criminal Police Organization (INTERPOL) and the United States National Central Bureau (USNCB) in an effort to arrest U Kyaw Moe Tun, whom it labelled a fugitive.

The junta also alleged that U Kyaw Moe Tun has been directly communicating with and representing the resistance-run National Unity Government (NUG) and Committee Representing Pyidaungsu Hluttaw (CRPH), both of which it has designated as terrorist organizations. The junta added that U Kyaw Moe Tun was abusing the seat he holds at the UN and acting as a direct accomplice in acts of terrorism.

In connection with these alleged acts, the junta has charged U Kyaw Moe Tun under Section 122(2) of the Penal Code for high treason against the State, Section 17(1) of the Unlawful Associations Act, Section 6(1) of the Public Property Protection Act, Section 124-A of the Penal Code, the Counter-Terrorism Law and Section 66(d) of the Telecommunications Law. The offenses are punishable by the death penalty or life imprisonment.

After U Kyaw Moe Tun publicly declared at the UN on February 26, 2021, that he completely rejected and condemned the coup, a junta-aligned arms broker approached a member of his security team and attempted to arrange his assassination.

However, in August of that year, the U.S. Federal Bureau of Investigation (FBI) foiled the assassination plot, and both conspirators were arrested.

#ukyawmoetun
#Myanmar’s UN representative
#Junta #peoplesspring #ludunwayoo