ချင်းပြည်နယ်တောင်ပိုင်း စစ်ကူပို့မယ့် စစ်ကားတွေ ပကစ(၂၅)ရောက်နေ

စက်တင်ဘာ-၉၊၂၀၂၆။ဖိုးသား/People's Spring

ချင်းပြည်နယ်တောင်ပိုင်း စစ်ကူထပ်ပို့မယ့် စစ်တပ်ရဲ့ စစ်ကားတွေ အမှတ်(၂၅)ကာကွယ်ရေးပစ္စည်းစက်ရုံ(ကပစ-၂၅) ရောက်ရှိနေတယ်လို့ ဒေသခံသတင်းရင်းမြစ် တချို့က ပြောပါတယ်။

ဆောမြို့နယ်နဲ့ လောင်းရှည်မြို့မှာရှိတဲ့ ကပစ (၂၅) က စစ်ယာဉ်တန်းတွေ အတိုက်မခံရရေးအတွက် ဆော -လောင်းရှည်လမ်းပိုင်းမှာ အာဏာသိမ်းစစ်တပ်ရဲ့ ‌မြေပြင်စစ်ကြောင်းတွေ ရှိနေတယ်လို့ ဆိုပါတယ်။

"ပြီးခဲ့တဲ့တစ်ရက်(စက်တင်ဘာ ၇ ရက်)က ကပစ (၂၅)ကို စစ်ကား ၄စီးရောက်တယ်။အင်အား ၂၀၀ ၀န်းကျင်လောက်ပါမယ်လို့ ခန့်မှန်းတယ်။ဆိပ်ဖြူ ကပစ(၂၂)ကနေ ပို့တာ"လို့ ‌ဆောမြို့နယ်စစ်ရေးသတင်းရင်းမြစ်က ‌ပြောပါတယ်။

ဆော-လောင်းရှည်လမ်းပိုင်း အလယ်ဗဟိုချက်မှာရှိတဲ့ သီးကုန်းကျေးရွာက စစ်ကြောင်းကလည်း လောင်းရှည်မြို့ကို မနေ့က(စက်တင်ဘာ ၈ ရက်)ညနေ ပိုင်းမှာ ရောက်ရှိလာတယ်လို့ ဆောမြို့နယ်ပြည်သူ့ကာကွယ်ရေးအဖွဲ့က ဒီကနေ့ အသိပေးထားပါတယ်။

လမ်းကြောပေါ်က ကျေးရွာတွေနဲ့ အနီးပတ်ဝန်းကျင်တလျှောက်မှာ အင်အားတချို့ချန်ထားခြင်းရှိ၊မရှိကို ဆက်လက်စုံစမ်းဆဲလို့ ဆိုပါတယ်။

"ဆော-လောင်းရှည် လမ်းကြောင်းကို ရှင်းပြီး ကပစ (၂၅)က ကားတွေ လောင်း ရှည်မြို့ကတဆင့် ဆောမြို့ကို၀င်မယ်။အဲဒီကနေ ကန်ပက်လက်ကို ထပ်ပို့မယ့်အခြေအနေမျိူပေါ့"လို့ မကွေးတိုင်းအထက်ပိုင်း စစ်ရေးသတင်းရင်းမြစ်က သုံးသပ်ပါတယ်။

ဒါ့အပြင် လောင်းရှည်မြို့နဲ့ ကပ်လျက်ရှိနေတဲ့ ဆိပ်ဖြူ မြို့နယ်က ကပစ (၂၁)နဲ့ (၂၂)မှာလည်း အင်အား ၅၀၀ ၀န်းကျင်ကို စစ်တပ်က ထပ်မံဖြည့်တင်းထားတယ်လို့ အသိပေးပါတယ်။

လက်ရှိမှာ စစ်တပ်ဟာ ဆိပ်ဖြူနယ်က ပုသိမ်-မုံရွာ ၊ဆော-ဆိပ်ဖြူ နဲ့ ဆိပ်ဖြူ- ပေါက်လမ်းပိုင်းတွေကို ထိန်းချုပ်ဖို့ကြိုးပမ်းနေပါတယ်။

လက်ရှိ အာဏာသိမ်းစစ်တပ်က ဆောမြို့ကတဆင့် ကန်ပက်လက်၊ကျောက်ထုမြို့ကနေ မင်းတပ်မြို့ကို ထိုးစစ်ဆင်နေသလို ထီးလင်းမြို့နယ်က ချင်းတောင်ပိုင်းနယ်စပ်ကုန်သွယ်ရေးရှိရာနေရာကို ထိန်းချုပ်ဖို့ စစ်ကြောင်းထိုးနေတာရှိပါတယ်။

တော်လှန်ရေးတပ်တွေရဲ့ ထောက်လှမ်းမှုအရ ချင်းတောင် ထိုးစစ်ကို စစ်တပ်က တပ်မ ၅၅၊ ၈၈ ၊ ၉၉ နဲ့ ၁၀၁ က ထုတ်နှုတ်တပ်ရင်းတွေရဲ့ အင်အား နှစ်ထောင်၀န်းကျင်အထိ အသုံးပြုထားတယ်လို့ သိရပါတယ်။

(မင်းတပ်မှ မတူပီ ဦးတည်လာတဲ့ စစ်တပ် ယာဉ်တန်းကို ၂၀၂၂ ဇန်နဝါရီ ၁၁ရက်က တွေ့ရစဉ် ဓာတ်ပုံ-  CDF-Mindat)

စစ်တပ်လက်​အောက်မှာ ကုန်ဈေးနှုန်းကြီး
မြင့်တာ ၊ ကုန်ပစ္စည်း​တွေရှားပါးပြတ်လပ်တာ၊တရားဥပဒေစိုးမိုးမှုမရှိတာ၊ဖိနှိပ်မှု​ပေါင်း
စုံကြား ဘယ်သူမှအသက်အာမခံချက်မရှိတာ စတဲ့ ပြည်သူ​​တွေအတွက် အထွေထွေအကျပ်
အတည်းကြီး ရင်ဆိုင်နေရချိန်မှာ စစ်တပ်ရွေး
ကောက်ခံလွှတ်တော်အမတ်နဲ့ ရှမ်းပါတီဥက္ကဌတို့က သိန်းရာချီတန်တဲ့အရက်သောက်ပြပြီးတစ်နိုင်ငံလုံးသိ​အောင် ကြွားလုံးထုတ်ပြလိုက်ပါတယ်။

ရှမ်းပြည်နယ်တောင်ပိုင်း၊ နမ့်စန်ခရိုင်၊မိုးနဲမြို့နယ်က စစ်တပ်​ရွေး​ကောက်ပွဲက ​ပေါ်လာတဲ့လွှတ်​တော်အမတ် ဦးစိုင်းထွန်းလင်းက သူရဲ့မိခင်ပါတီဖြစ်တဲ့ ကျားဖြူပါတီဥက္ကဌ ဦးစိုင်းအိုင်ပေါင်း ဧည့်ခံတဲ့ ကျပ်သိန်း ၁၅၀ တန်ကြေးရှိအရက်ကိုသောက်ခွင့်ရကြောင်း စက်
တင်ဘာလ၆ရက်နေ့မှာ လူမှုကွန်ရက်ပေါ် တင်ပြီး ကြွားလုံးထုတ်ခဲ့တာပါ။ လူထု​နွေဦးက အာဏာသိမ်းစစ်အုပ်စုကလုပ်တဲ့​ရွေး​ကောက်ပွဲ ၊လွှတ်​တော်​တွေကို စစ်တပ်​ရွေး​ကောက်ပွဲ ၊စစ်တပ်လွှတ်​တော် ​တွေလို့ပဲ ​​ရေး
သားလို့ သူ့ကိုလည်း စစ်တပ်အမတ်လို့ပဲ​ရေးပါတယ် ။

“ကျားဖြူပါတီဥက္ကဌကြီးက လွှတ်တော်မစခင်လွှတ်တော်ကိုယ်စားလှယ်ကိုသိန်း ၁၅၀ ကျပ်တန် ၁၃ မင်းဆက်မြောက်ပြင်သစ်ဘုရင်လူးဝစ်အမည်ရအရက် နဲ့ ဒီညမှာဧည့်ခံခဲ့ပါတယ်။ ကျားဖြူပါတီဥက္ကကြီးရဲ့ကျေးဇူးကြောင့်သိန်း၁၅၀ကျပ်တန်အရက်ကိုသောက်ဘူးခဲ့ပါပြီ”လို့ အရက်ပုလင်းပုံနဲ့ဓာတ်ပုံတွေနဲ့အတူ ရေးသားထားပါတယ်။

အခုလို အရက်တိုက်တဲ့အတွက်လည်း ကျားဖြူပါတီဥက္ကဌကြီးကိုအထူးကျေးဇူးတင်ရှိကြောင်း နဲ့ ပြည်သူ့အကျိုးပြုလုပ်ငန်းတွေလုပ်ဆောင်သွားမယ်လို့လည်း ရေးသားထားပါတယ်။

ကျပ်သိန်းရာချီ တန်ကြေးရှိတဲ့အရက်ကိုသောက်နေကြောင်းကြွားလုံးထုတ်ခဲ့တဲ့ ဦးစိုင်းထွန်းလင်းနဲ့ အပေါင်းအပါတွေကို ဒေ
သခံတွေအပြင်လူမှုကွန်ရက်သုံးစွဲသူတွေက အပြင်းအထန်ဝေဖန်နေကြပါတယ်။

အရှက်ကင်းမဲ့တဲ့ လုပ်ရပ်အဖြစ်ဝေဖန်နေကြသလို”သိန်း ၁၅၀ တန်အရက်သောက်ဖို့ကျားဖြူပါတီကို ဝင်ကြစို့”လို့လည်း လှောင်ပြောင်ကြသူ​တွေလည်းရှိပါတယ်။

ရှမ်းပြည်နယ်တောင်ပိုင်း၊လွိုင်လင်မြို့ခံလူ
ငယ်တစ်ဦးကတော့”အခုကာလ အမတ်ဖြစ်နေတဲ့ကောင် တွေတစ်ကောင်မှ × သုံးမကျဘူး။ သူတို့သောက်နေတဲ့ အရက်ပုလင်းလောက်တောင် တန်ဖိုးမရှိတဲ့ကောင်တွေ”လို့ ‌ပြောပါတယ်။

ဒေသခံပြည်သူတွေဟာစစ်တပ်ရဲ့လေ
ကြောင်းအန္တရာယ်၊ကုန်စျေးနှုန်းကြီးမြင့်မှုနဲ့ တ‌ကျော့ပြန်တိုက်ပွဲတွေအချိန်မရွေးဖြစ်ပွားနိုင်တဲ့စိုးရိမ်မှုတွေ ရှိနေပါတယ်။ ရှမ်းပြည်
နယ် အရှေ့ပိုင်းနဲ့ တောင်ပိုင်းကမြို့နယ်တွေမှာလည်း တရားဥပဒေစိုးမိုးမှုလျော့ရဲနေပြီး ကျားဖြန့်လိမ်လည်တဲ့လုပ်ငန်းတွေရှိနေတဲ့အတွက် အခြေခံလူတန်းစားတွေဟာနေ့စဉ်စားဝတ်နေရေးအတွက် အထွေထွေအကြပ်အတည်းကိုရင်ဆိုင်နေရတယ်လို့ ဒေသခံတွေကပြောပါတယ်။

“ဝေးလံခေါင်ဖျားဒေသတွေမှာဆိုရင် အစာ
ရေစာငတ်မွတ်မှုတွေ၊ ဆေးကုသဖို့ခက်ခဲတာတွေကြောင့်သေဆုံးရတဲ့သူတွေတောင်ရှိတယ်။ စာသင်ကျောင်းမရှိတဲ့ရွာတွေလည်းအများကြီးပဲ။ ကုန်စျေးနှုန်းဆိုရင်လည်း ပြည်မထက်ကြီးတယ်။မသေရုံတမယ်ပဲရုန်း
ကန်နေကြရတာ”လို့ဦးစိုင်းထွန်းလင်းရဲ့ မဲဆန္ဒနယ်ဖြစ်တဲ့ မိုးနဲမြို့ခံတစ်ဦးကပြောပါတယ်။

တစ်နိုင်ငံလုံးအ​​ခြေအ​နေကိုလည်းတချက်ကြည့်ရ​​အောင်ပါ ။

စစ်တပ်အာဏာသိမ်းပြီး​နောက်ပိုင်း အခုအခါ မြန်မာနိုင်ငံမှာ လူ ၃ ဦးလျှင် ၁ ဦးနှုန်းနဲ့ စုစုပေါင်း လူဦးရေ ၁၆ ဒဿမ ၇ သန်းဟာ ဝမ်းရေးမဖူလုံမှု တနည်းအားဖြင့် ငတ်မွတ်မှုကို ရင်ဆိုင်နေရတာဖြစ်ပါတယ်။ကမ္ဘာ့​ပေါ်မှာ အငတ်​ဘေးကို အဆိုးဝါးဆုံးရင်ဆိုင်​နေရတဲ့ ၆ နိုင်ငံ​မြောက် ဖြစ်​နေပါတယ် ။ ၂၀၂၄ ခုနှစ်မှာဝမ်းရေးမဖူလုံသူ လူဦးရေ ၁၃ ဒဿမ ၃ သန်းကနေ သိသိသာသာ တိုးလာတာလို့ ကမ္ဘာ့စားနပ်ရိက္ခာအစီအစဥ်(WFP)ကဖော်ပြပါတယ်။ငွေ​ကြေး​ဖောင်းပွမှုကလည်းကမ္ဘာဘဏ်ရဲ့အဆိုအရ ၂၀၂၆ တစ်နှစ်တည်း ၂၅ ရာခိုင်နှုန်းရှိပါတယ်။

အလုပ်အကိုင်​တွေရှားပါးတဲ့အပြင် လူငယ်​တွေကိုစစ်တပ်က ​ပေါ်တာဆွဲပြီး စစ်သင်တန်း​ပေး​ရှေ့တန်းပို့စစ်တိုက်ခိုင်း​နေလို့ သိန်းနဲ့ချီတဲ့ လူငယ်​တွေ နိုင်ငံက​နေထွက်​ပြေး​နေကြရတဲ့အချိန်ကာလဖြစ်ပါတယ် ။ဒီအ​ခြေအ​နေမှာပြည်သူ့ကိုယ်စားလှယ်လို့ အမည်ခံထားသူက သိန်း ၁၅၀ ​ကျော်တန်အရက်​သောက်ရတယ်ဆိုပြီး ကြွားလုံးထုတ်​နေတာဖြစ်ပါတယ် ။

ဒေသခံရှမ်းတိုင်းရင်းသူတစ်ဦးက​
“ရှမ်းလူထုတွေကစီးပွားကရှာရခက်၊စစ်သားတွေကအဖွဲ့အသီးသီးကစုဆောင်းလို့သောကဝေ၊ကုန်စျေးနှုန်းကကြီး၊စစ်ရေးကမငြိမ်၊ဒေသတွင်းဖွံ့ဖြိုးရေးလုပ်ငန်းတွေကကောင်း
ကောင်းလုပ်ပေးတာမရှိ၊လူထုအတွက်ဘာတခုမှကောင်းတာမရှိနေတဲ့အချိန်မှာ ပြည်သူ့ကိုယ်စားပြုဆိုတဲ့လူတွေက တန်ဖိုးကြီးအ
ရက်တွေသောက်ပြနေတာမြင်လို့ကြားလို့မကောင်းပါဘူး။သူတို့ငွေချမ်းသာလို့သူတို့ငွေနဲ့ပဲဝယ်သောက်ဝယ်သောက်အခုလိုကြွားပြနေတာလုံးဝမဖြစ်သင့်ဘူး”လို့ သူမအမြင်ကိုပြောပါတယ်။



https://www.ludunwayoo.com/feature-mm/2026/09/09/167829/

ရွှေကူမှာ ကမ်းကပ်နားနေတဲ့ စစ်သင်္ဘောတွေ KIA ပူးပေါင်းတပ် တိုက်ခိုက်၊ သင်္ဘော ၂စီး မီးလောင်

စက်တင်ဘာ ၉၊ ၂၀၂၆။ ထားမြတ်/People’s Spring

ကချင်ပြည်နယ်၊ ရွှေကူမြို့နယ်မှာ ကမ်းကပ်နားနေတဲ့ စစ်သင်္ဘောတွေကို ကချင်လွတ်လပ်ရေးတပ်မတော်(KIA) ပူးပေါင်းတပ်က ဒီကနေ့ စက်တင်ဘာ ၉ရက်မနက်ပိုင်းမှာ တိုက်ခိုက်ခဲ့ရာ သင်္ဘော ၂စီး မီးလောင်ပျက်စီးခဲ့ကြောင်း ကချင်စစ်ရေး သတင်းရင်းမြစ်က ပြောပါတယ်။

ဗန်းမော်မြို့ကို စစ်အင်အားဖြည့်ဖို့ ထပ်မံ ဆန်တက်လာတဲ့ စစ်သင်္ဘောတွေဟာ စက်တင်ဘာ ၈ရက်မှာ ကသာကနေ ရွှေကူမြို့ကို ထွက်ခွာလာပြီး ညပိုင်းမှာ ရွှေကူမြို့နယ်မှာ ကမ်းကပ်ရပ်နားထားတာပါ။ ကသာကနေ ရွှေကူမြို့ကို ထွက်လာစဉ် တိုက်ခိုက်ခံရခြင်းမရှိပေမဲ့ ရွှေကူမှာ ကမ်းကပ်ထားချိန် တိုက်ခိုက်ခံရတာဖြစ်ပါတယ်။

“ဒီမနက်စောစောစီးစီး ကျနော်တို့ ဒရုန်းတွေနဲ့ တိုက်ခိုက်လိုက်တော့ သင်္ဘော ၂စီး မီးလောင်နေပြီ။ နှစ်စီးလုံး မီးလောင်ပျက်စီးသွားပြီ။” လို့ ကချင်စစ်ရေးသတင်းရင်းမြစ်က ပြောပါတယ်။

မီးလောင်ပျက်စီးနေတဲ့ စစ်သင်္ဘောတွေရဲ့ မှတ်တမ်းကိုလည်း ပြသပါတယ်။ စစ်တပ်ဟာ မနေ့က စစ်သင်္ဘောတွေအပါအဝင် ရေယာဉ် ၆စီး ကသာမြို့ကနေ ထွက်ခွာလာတာပါ။

“ကမ်းကပ်နားနေတဲ့အချိန် မနေ့ညက နားတာ ဒီမနက် ကျနော်တို့ ဒရုန်းတွေနဲ့ သွားတိုက်ခိုက်တာ။သင်္ဘောက အားလုံး ၅စီး၊ စက်လှေ ၁စီးနဲ့ဆို ၆စီးပေါ့ မနေ့က ကသာက တက်လာတာ” လို့ သတင်းရင်းမြစ်က ပြောပါတယ်။

စစ်တပ်ဟာ စက်တင်ဘာလဆန်းမှာလည်း ရွှေကူကနေ ဗန်းမော်မြို့ကို ဆန်တက်လာစဉ် သင်္ဘောတွေ တိုက်ခိုက်ခံရပြီး နစ်မြုပ်တာ၊ အချို့ မီးလောင်တာ၊ အချို့ ကမ်းကပ်လက်နက်ချတာရှိခဲ့ပါတယ်။ စစ်သင်္ဘောအုပ်စုက အလံဖြူထောင်လက်နက်ချလို့ စစ်သုံ့ပမ်း ၁၀၀ ကျော်ကို လက်နက်ခဲယမ်းတွေနဲ့အတူ ဖမ်းမိခဲ့ကြောင်း KIAက အသိပေးထားပါတယ်။ အဲဒီလို အထိနာခဲ့တာကြောင့် စစ်တပ်ဟာ ဗန်းမော်ကို စစ်အင်အားထပ်ဖြည့်ဖို့ သင်္ဘောတွေ ထပ်မံ ဆန်တက်လာစဉ် ထပ်မံ တိုက်ခိုက်ခံရတာလည်းဖြစ်ပါတယ်။

(ရွှေကူမှာ ကမ်းကပ်ထားတဲ့ သ‌င်္ဘောတွေ KIA တိုက်ခိုက်ခဲ့လို့ မီးလောင်နေစဉ်။ ဓာတ်ပုံ - ကချင်စစ်ရေးသတင်းရင်းမြစ်)

စင်းခန်းတံတားရပြီလို့ စစ်တပ်ဝါဒဖြန့်မှု ပြောင်းပြန်အခြေအနေဟု ကချင်စစ်ရေးသတင်းရင်းမြစ်ပြော
စက်တင်ဘာ-၉၊ ၂၀၂၆။ ထားမြတ်/People’s Spring
ကချင်ပြည်နယ်၊ ဗန်းမော်မြို့နယ် စင်းခန်းတံတား(ကားလမ်း၊ ရထားလမ်းပါ ဧရာ၀တီမြစ်ကူးတံတား)ကို စစ်တပ်က ပြန်လည်ထိန်းချုပ်နိုင်ပြီလို့ စစ်ကောင်စီ ဝါဒဖြန့်နေပေမဲ့ အခြေအနေဟာ ပြောင်းပြန် အနေအထားဖြစ်ပြီး ကချင်လွတ်လပ်ရေးတပ်မတော်(KIA) ပူးပေါင်းတပ်က ဆက်လက်စိုးမိုးထိန်းချုပ်ထားဆဲဖြစ်တယ်လို့ ကချင်စစ်ရေးသတင်းရင်းမြစ်က ပြောပါတယ်။
စစ်တပ်ဟာ စက်တင်ဘာ ပထမပတ်မှာ မြေပြင်စစ်ကြောင်းတွေနဲ့ စင်းခန်းတံတားကို ထိုးစစ်ဆင်တာ၊ ရေကြောင်းက စစ်အင်အားတွေဖြည့်တင်းတာ၊ လေကြောင်းဗုံးကြဲတိုက်ခိုက်တာတွေ ဆက်တိုက်လုပ်ဆောင်ခဲ့လို့ စင်းခန်း အပါအဝင် ဒေသတွင်းမှာ တိုက်ပွဲတွေ ပြင်းထန်ခဲ့ပါတယ်။ စက်တင်ဘာ ၅ရက်မှာ စစ်တပ်ဟာ စင်းခန်းတံတားကို ပစ်မှတ်ထား လေကြောင်းတိုက်ခိုက်ခဲ့လို့ တံတား ပျက်စီးမှုတွေ ဖြစ်ခဲ့ကြောင်း ကချင်သတင်းရင်းမြစ်တွေက ပြောပါတယ်။
ဒါပေမဲ့ စစ်တပ်ဝါဒဖြန့်သူအချို့က စင်းခန်းတံတားကို KIAက မိုင်းခွဲဖျက်ဆီးပြီး ထွက်ပြေးသွားလို့ စစ်တပ်က တံတားကို သိမ်းထားနိုင်ပြီလို့ စက်တင်ဘာ ၈ရက်မှာ ဝါဒဖြန့် ပြောဆိုမှုတွေရှိခဲ့ပါတယ်။
အဲဒီလို စစ်တပ်ဝါဒဖြန့်သူတွေရဲ့ ပြောကြားချက်နဲ့ပတ်သက်ပြီး ကချင်စစ်ရေးသတင်းရင်းမြစ်က “ပြောင်းပြန်” အခြေအနေဟု ပြောပါတယ်။
လက်ရှိမှာ စစ်တပ်က ဗန်းမော်ကို စစ်အင်အားဖြည့်တင်းဖို့ ဆက်လက်ကြိုးပမ်းနေပြီး မန္တလေးက ထပ်မံ ထွက်ခွာလာတဲ့ သင်္ဘော ၄စီး၊ တွန်းသင်္ဘော ၂စီးဟာ စက်တင်ဘာ ၈ရက်က ရွှေကူမြို့အကျော်မှာ ရပ်နားခဲ့တယ်လို့ အသိပေးပါတယ်။
အဲဒီ စစ်သင်္ဘောတွေ ဗန်းမော်မြို့ဘက်ကို ဆက်လက်ထွက်ခွာခြင်းမရှိသေးဘူးလို့လည်း ကချင်စစ်ရေးသတင်းရင်းမြစ်တွေက ပြောပါတယ်။
စစ်တပ်ဟာ ဗန်းမော်မြို့ကို အင်အားဖြည့်ဖို့ စက်တင်ဘာ ၂ရက်က ရွှေကူမြို့ကနေ သင်္ဘောတွေ ထွက်ခွာခဲ့ရာ KIA ရဲ့ တိုက်ခိုက်မှုကြောင့် စစ်သင်္ဘောတွေ နစ်မြုပ်တာ မီးလောင်တာ၊ ပျက်စီးတာတွေရှိခဲ့ပါတယ်။
အဲဒီတုန်းက သင်္ဘော ၇စီး ဗန်းမော်မြို့ကို ဆိုက်ကပ်နိုင်ခဲ့ပေမဲ့ စစ်တပ်က နောက်ထပ်သင်္ဘောတွေ စေလွှတ်လွှတ်ပြီး ကချင်ပြည်နယ်ကို စစ်အင်အားဖြည့်ဖို့ ထပ်မံ ကြိုးစားနေတာဖြစ်ပါတယ်။မြေပြင်မှာလည်း စစ်တပ်က တပ်ရင်း ၃ခုနဲ့ စင်းခန်းတံတားကို ပြန်ထိန်းချုပ်ဖို့ ထိုးစစ်ဆင်နေလို့ စက်တင်ဘာအတွင်း တိုက်ပွဲတွေ ပြင်းထန်နေတာပါ။
စင်းခန်းတံတားကို KIA ပူးပေါင်းတပ်က ၂၀၂၄ မေလကတည်းက သိမ်းပိုက်ခဲ့တာဖြစ်ပြီး စစ်တပ်ဝါဒဖြန့်သူတွေကတော့ စင်းခန်းတံတား ပြန်ရပြီဖြစ်ကြောင်း မကြာခဏ ဝါဒဖြန့်တာတွေရှိခဲ့ပါတယ်။
ရုပ်သံ - Lung Jung LA N

ရန်ကုန်မှာ လူငယ်တွေကို ဖမ်းဆီးနေတဲ့အဖွဲ့တွေ လာဖမ်းရင်ခုခံကြဖို့ စစ်တပ်ခန့်အုပ်ကြီး ပြော
စက်တင်ဘာ-၉၊ ၂၀၂၆။ဟာနာဆန်/People's Spring
ရန်ကုန်မြို့၊ ရွှေပြည်သာနဲ့ လှိုင်သာယာမြို့နယ်တွေမှာ လူငယ်တွေကို လိုက်လံဖမ်းဆီးနေတဲ့အဖွဲ့တွေ သောင်းကျန်းနေပြီး လာဖမ်းရင် အဖမ်းမခံဘဲ ခုခံကြဖို့ ရွှေပြည်သာမြို့နယ်၊ ဘိုရှည်ကုန်းကျေးရွာက စစ်တပ်ခန့်အုပ်ချုပ်ရေးမှူး ဝင်းဇော်က ပြောပါတယ်။
ရွှေပြည်သာမြို့နယ်၊ သာဓုကန် ဘိုရှည်ကုန်းကျေးရွာက စစ်တပ်ခန့်အုပ်ချုပ်ရေးမှူး ဝင်းဇော်(ခ) အငြိမ်းစားတပ်ကြပ်ကြီး လှမြင့်ဦးဆိုသူဟာ လှိုင်သာယာနဲ့ ရွှေပြည်သာမြို့နယ်တွေမှာ လူဖမ်းပြီး စစ်မှုထမ်းရောင်းစားသူတွေ ဆိုးရွားနေပြီး စက်တင်ဘာ ၄ ရက်ကပဲ ၎င်းရပ်ကွက်ထဲက လူငယ် ၁ဦး ဖမ်းဆီးခံလိုက်​ရကြောင်း ၎င်းက ပြောပါတယ်။
" ၄ ရက်နေ့က ကျွန်တော့်ဘေးနားက အဆောင်မှာနေတဲ့ ကလေးလေးပေါ့နော်။ သူ့မိန်းမလေးက မွေးပြီးခါစလေး ရှိသေးတယ်။ အဲဒါကို အလုပ်အပြန်မှာ အတင်းကားပေါ် ဆွဲတင်သွားတယ်တဲ့။ ကလေးလေးက နေပြည်တော်ရောက်သွားပြီလို့ ကြားတယ်။ မနေ့က သူ့မိသားစုက ဖုန်းဆက်ပြီး လာပြောတယ်။ အလုပ်အပြန်မှာ လာပြီးတော့ဆွဲတင်သွားတယ်"လို့ ၎င်း စစ်တပ်ခန့် အုပ်ချုပ်ရေးမှူးက ပြောပါတယ်။
လူဖမ်း​တဲ့အဖွဲ့တွေဟာ လူပြန်ပေးဆွဲဂိုဏ်းပုံစံဖြစ်လာနေပြီး တဖြည်းဖြည်းနဲ့ ဖောင်းပွပြီးတော့ လွန်လာပြီလို့ ၎င်းက ပြောပါတယ်။ ဒါ့ကြောင့် လူငယ်တွေအနေနဲ့ လာဖမ်းရင် အဖမ်းမခံဘဲ ခုခံကြဖို့ ၎င်းအုပ်ချုပ်ရေးမှူးက ရုပ်သံနဲ့တကွ နှစ်ကြိမ်တိုင် ပြောကြားထားပါတယ်။
"ငါ့ရပ်ကွက်ထဲ လူငယ်တွေ အကုန်မှာထားတယ်။ ခုခံ ချ"လို့ ပြောဆိုထားပြီး အခြားရုပ်သံတစ်ခုမှာလည်း "ဖမ်းဆီးလို့ရှိရင် အဖမ်းမခံနဲ့။..တက်နိုင်ရင် ခုခံပြေး"လို့ ၎င်းက ထပ်မံပြောထားပါတယ်။
အဲဒီလိုဖမ်းဆီးမှုတွေဟာ စစ်တပ်နဲ့ အောက်ခြေက ရပ်ကွက်အုပ်ချုပ်ရေးမှူးတွေ၊ ပြည်သူ့စစ်ခေါ် ပျူစောထီးတွေ မသိဘူးလို့ ၎င်း အုပ်ချုပ်ရေးမှူးက ငြင်းဆိုပါတယ်။
ဒါပေမယ့် အင်းစိန်မြို့နယ်မှာ အရံမီးသတ်အရာရှိ နေအိမ်မှာ အချုပ်ခန်းပြုလုပ်ပြီး လူငယ်တွေကို စစ်တပ်ဆီ ရောင်းစားဖို့ ချုပ်နှောင်ထားမှု ထွက်ပေါ်လာပြီး ဖမ်းဆီးခံလိုက်ရပါတယ်။ အောက်ခြေမှာ အုပ်ချုပ်ရေးမှူးနဲ့ ၎င်းတို့ အဝေမတည့်ရာက အချင်းချင်းပြန်တိုင်ရာကနေ ပေါ်ပေါ်လာတာဖြစ်ကြောင်း ဒေသခံတွေက ပြောပါတယ်။
"မင်းကတော့ မလုပ်ဘူး ပြောတာပဲ။ တချို့အုပ်ချူပ်ရေးမှူးတွေက ဇိုးတွေနဲ့ ပေါင်းပြီး လုပ်စားနေတာရော မင်းသိလား"လို့ Tiktok သုံးစွဲသူတစ်ဦးက ၎င်းအုပ်ကြီးရဲ့ ဗွီဒီယိုအောက်မှာ မှတ်ချက်ပြုပါတယ်။
အလားတူ အခြား Tiktok သုံးစွဲသူတစ်ဦးကလည်း ၎င်းဗွီဒီယို အောက်မှာပဲ "လျှောက်ပြောမနေနဲ့ ထွေအုပ် ပလကဖ ပသစ တွေလုပ်နေတာ ခရိုင်မြို့နယ် ဒကစ ကစသိတယ်။ ရူးချင်ယောင်ဆောင်နေကြ"လို့ မှတ်ချက်ပြုထားပါတယ်။
အာဏာသိမ်းစစ်တပ်ဟာ ယခုစက်တင်ဘာမှာ စစ်မှုထမ်း အပတ်စဥ် (၂၈) စတင်ပြုလုပ်နေပြီးဖြစ်ပေမဲ့ ရန်ကုန်၊ မန္တလေးအပါအဝင် မြို့ကြီးတွေ၊ ကျောက်ပန်းတောင်း၊ မြင်းခြံ၊ ညောင်ဦး၊ ဝမ်းတွင်း စတဲ့ဒေသတွေမှာပါ စစ်မှုထမ်းဆင့်ခေါ်တာ၊ ပေါ်တာဆွဲတာတွေ ဆက်တိုက်ပြုလုပ်နေဆဲဖြစ်ပါတယ်။ ရန်ကုန်မြို့မှာလည်း နေ့စဥ်ပေါ်တာဆွဲနေလို့ အသွားအလာနည်းပါးနေတယ်လို့ သိရပါတယ်။
𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
#ludunwayoo #ရန်ကုန်စစ်တပ်အုပ်ကြီး #လူငယ်ဖမ်းဆီးမှု #ပြန်လည်ခုခံဖို့ပြောဆိုချက် #ရန်ကုန်သတင်း

ထိုင်းမူကြိုကျောင်းမှာ ပစ်ခတ်မှုဖြစ်၊ ရဲတစ်ဦးက ဇနီးကို ပစ်သတ်ခဲ့တာလို့ဆို

စက်တင်ဘာ - ၉ ၊၂၀၂၆

ထိုင်းက မူကြိုကျောင်းတစ်ခုမှာ ပစ်ခတ်မှု ဖြစ်ပွားပြီး အမျိုးသမီးတစ်ဦး သေဆုံးသွားကြောင်း သိရပါတယ်။

ချွန်ဘူရီမှာရှိတဲ့ ဘန်လာမွန် ခရိုင်ထဲက မြူနီစီပယ် မူကြိုတစ်ခုမှာ စက်တင်ဘာ ၉ ရက် မွန်းမတည့်ခင် အချိန်လောက်က ပစ်ခတ်မှု ဖြစ်ပွားခဲ့တာပါ။

ထိုင်းမီဒီယာတွေက ကျူးလွန်သူဟာ ရဲအရာရှိ တစ်ဦးလို့ ယုံကြည်ရပြီး ဇနီးဖြစ်သူ ကျောင်းဆရာမကို ပစ်သတ်ပြီးတဲ့နောက် အခင်းဖြစ်တဲ့ နေရာကနေ ထွက်ပြေးသွားတယ်လို့ ဖော်ပြထားပါတယ်။

သံသယ တရားခံဖြစ်တဲ့ ဒုရဲအုပ် တက်ဆာပေါင် သွန်သက်ချ် ပုန်းအောင်းနေတဲ့ အိမ်ကို ရဲတွေက ရှာတွေ့ထားပြီး သူ့ကို လက်နက်ချဖို့ စည်းရုံးနားချနေဆဲလို့လည်း သိရပါတယ်။

မူကြိုကျောင်းက ကလေးတွေနဲ့ တခြား ဆရာဆရာမတွေ အားလုံးကတော့ ဘေးကင်းကြတယ်လို့လည်း ရဲတပ်ဖွဲ့က အတည်ပြုပါတယ်။ ကျောင်းမှာ ပစ်ခတ်မှု ဖြစ်ပွားကြောင်း သတင်းကြောင့် ရဲတွေက အလျင်အမြန် သွားရောက်ခဲ့တဲ့နောက် အသက် ၄၈ နှစ်အရွယ် ပိုင်လင် သွန်သက်ချ်ရဲ့ ရုပ်အလောင်းကို မုန့်စျေးတန်းထဲမှာ ရှာတွေ့ခဲ့ပါတယ်။

အမျိုးသမီးဟာ ဘယ်ဖက်နားထင်နားမှာ ကျည်ထိမှန် သေဆုံးထားပြီး အလောင်းနားမှာတော့ ၉ မမ ပစ္စတို ကျည်ခွံတစ်ခုကိုလည်း သိမ်းဆည်းရမိခဲ့ပါတယ်။ ပစ်ခတ်မှုကြောင့် ကလေးတချို့ကတော့ ကြောက်လန့်ပြီး ငိုယိုနေခဲ့ကြတယ်လို့ ဆိုပါတယ်။

ကျောင်းမှာရှိတဲ့ ကလေး ၄၄ ဦးစလုံးကို ဘေးကင်းတာ သေချာအောင် ရဲတွေက စီမံပေးပြီးတဲ့နောက် မိဘတွေဆီ ဆက်သွယ်ပြီး လာရောက် ခေါ်ဆောင်ခိုင်းခဲ့ပါတယ်။ ပြီးတော့ Honda ဆီဒင်ကား တစ်စီးကို မောင်းနှင်ပြီး ကျောင်းကနေ ထွက်ပြေးသွားတဲ့ သေနတ်သမားကို ရဲတွေက လိုက်ရှာခဲ့ကြပါတယ်။

မျက်မြင်တစ်ဦးရဲ့ အဆိုအရ အမျိုးသားတစ်ဦးဟာ ကျောင်းကို ကားမောင်းလာပြီး ပါကင်ထိုးခဲ့ကြောင်း၊ နောက်ပြီး အမျိုးသမီးနားကို ချဉ်းကပ်သွားပြီး စကားပြောဆိုခဲ့တဲ့နောက် သေနတ်သံ ထွက်ပေါ်လာကြောင်း သိရပါတယ်။ နောက်ပိုင်းမှာတော့ ရဲတွေက သေနတ်သမားနဲ့ သေဆုံးသူဟာ ဇနီးမောင်နှံတွေလို့ အတည်ပြုခဲ့ပါတယ်။

လောလောဆယ်မှာတော့ တရားခံကို ထိန်းသိမ်းနိုင်ရေးအတွက် ဦးစားပေး ဆောင်ရွက်နေပြီး အမှုနဲ့ ပတ်သက်လို့ အသေးစိတ် အချက်အလက်တွေကိုတော့ ရဲတွေက မထုတ်ပြန်သေးပါဘူး။

ကိုးကား - Thai PBS ၊ဓာတ်ပုံ -Thai Enquirer

ညောင်တုန်းရေကာတာပိတ်ဖို့ စစ်မှုထမ်းသင်တန်းဆင်းတွေ​​​ခေါ်လာပြီး ထွက်မ​ပြေး​​အောင် သေနတ်‌ထောက်ပြီးခိုင်းနေ

စက်တင်ဘာ-၉၊၂၀၂၆။မိထက်/People's Spring

ဧရာဝတီတိုင်း၊ ညောင်တုန်းမြို့နယ်ကရေကာ
တာပိတ်ဆို့တာမှာစစ်တပ်က စစ်မှုထမ်းသင်
တန်းဆင်း စစ်သားသစ်အများအပြားခေါ်လာပြီး ထွက်ပြေးမှာစိုးလို့ သေနတ်နဲ့ထောက်
ပြီး ခိုင်းစေနေတယ်ပါတယ်။

မအူပင်ခရိုင်၊ ညောင်တုန်းမြို့နယ်၊ ချောင်ဖျားကျေးရွာမှာရှိတဲ့ ညောင်တုန်းကျွန်းတာ
(ဧရာဝတီမြစ်ခွဲ) ဆည်မြောင်းရေကာတာဟာ ဩဂုတ်လ ၂၅ရက်နံနက်ပိုင်းမှာအိကျပြီး ကျိုးကျမယ့်အန္တရာယ်ကြောင့် လူအင်အားထောင်ချီသုံးပြီး အရေးပေါ် ပိတ်ဆို့နေကြတာဖြစ်ပါတယ်။

ကနဦးမှာ ဒေသခံတွေက လုပ်အားပေးကြ‌ရာကနေ အခြေအနေပိုဆိုးလာတဲ့နောက်ပိုင်း စစ်တပ်က စစ်မှုထမ်းသင်တန်းဆင်းစစ်သားတွေကို ကားတွေနဲ့ခေါ်လာပြီး ခိုင်းစေနေတာဖြစ်ပါတယ်။ စက်တင်ဘာလ ၄ရက်နေ့က ရန်ကုန်တိုင်း၊ လှိုင်သာယာမြို့နယ်ထဲက အမှတ်(၉) ရဲလေ့ကျင့်ရေးတပ်ကနေ စစ်ကား အစီးရေ ၂၀ ကျော်နဲ့ စစ်မှုထမ်းသင်တန်း
ဆင်းတွေခေါ်လာတာကို People's Spring က တွေ့ခဲ့ရပါတယ်။

"စစ်ကားတစ်ချို့ကို ညောင်တုန်းတာကိုပို့တယ်။တစ်ချို့က ဧရာဝတီတိုင်းထဲကတိုက်ပွဲဖြစ်တဲ့ဘက်တွေကိုဆက်ထွက်သွားတယ်"လို့ ရန်ကုန်-ညောင်တုန်းလမ်းပိုင်းပေါ်က ဆားမလောက်လမ်းဆုံမှာနေထိုင်တဲ့ဒေသခံသတင်းရင်းမြစ်ကပြောပါတယ်။

ညောင်တုန်းမြို့မှာထားခဲ့တဲ့စစ်မှုထမ်းသင်
တန်းဆင်းတွေကို ရေကာတာပိတ်ဆို့ရေးမှာ သေနတ်ထောက်ပြီးခိုင်းစေနေတာဖြစ်ပါတယ်။

"စိတ်မကောင်းစရာတွေပါဗျာ။စစ်သားတွေက သေနတ်တကားကားနဲ့။ လုပ်အားပေးရတာတောင် စိတ်မဖြောင့်ဘူး။စစ်မှုထမ်းဖို့ခေါ်ထားတဲ့ ကလေးတွေကိုလည်း မာန်မဲခိုင်းစေနေတာ။ ထွက်ပြေးမှာစိုးလို့လည်း လုံခြုံရေးတော်တော်တင်းကျပ်တယ်"လို့ ဒေသခံတစ်ဦးကပြောပါတယ်။

ညောင်တုန်းရေကာတာဟာစတင်အိကျစဉ်က အလျားပေ ၁၀၀ ခန့်ရှိပြီး လက်ရှိစက်တင်
ဘာလပထမလပတ်ထဲမှာ အလျားပေ ၃၀၀
ခန့်အထိ အိကျသွားပြီလို့သိရပါတယ်။မြစ်
ကမ်းပါးရေတိုက်စားမှုကြောင့်တာရဲ့ သုံးပုံနှစ်ပုံခန့် အိကျပြိုကျမှု ဖြစ်ပေါ်ခဲ့ပြီး အရေးပေါ်ပြင်ဆင်ရေးတွေလုပ်နေတယ်လို့ စစ်ကောင်စီလက်အောက်ခံဧရာဝတီတိုင်းအစိုးရကထုတ်ပြန်ထားပါတယ်။

လက်ရှိ အိကျနေတဲ့ တာကျိုးပေါက်ခဲ့ရင် ညောင်တုန်းမြို့နယ်၊ မအူပင်မြို့နယ်နဲ့ ရန်
ကုန်တိုင်း လှိုင်သာယာမြို့နယ်အထိ ရေဝင်ရောက်နိုင်တယ်လို့ဒေသခံတွေကပြောပါတယ်။ ရန်ကုန်- ဧရာဝတီတိုင်း ဆက်သွယ်ရေးကားလမ်းပေါ်လည်း ရေဝင်နိုင်ပါတယ်။

"တာအတွင်းမှာငါမွေးကန်တွေအများကြီးပဲ။ တာကျိုးကျရင်တော့ ဘဝပျက်သွားမယ့်ကန်ပိုင်ရှင်တွေ ရှိတယ်။ ရင်တမမနဲ့စောင့်ကြည့်နေကြရတယ်"လို့ ငါမွေးကန်ပိုင်ရှင်တစ်ဦးကပြောပါတယ်။

စစ်ကောင်စီက စစ်မှုထမ်းဥပဒေပြဌာန်းပြီး အတင်းအကြပ်ခေါ်ဆောင်ထားတဲ့ သင်
တန်းဆင်းတွေကို ရှေ့တန်းစစ်မြေပြင်တွေကိုပို့ပြီးစစ်တိုက်ခိုင်းနေလို့ သေဆုံးဒဏ်ရာရသူ၊ထွက်​ပြေးသူ ၊​တော်လှန်​ရေးတပ်ထံအ
လင်းဝင်သူဆက်တိုက်များပြားနေပါတယ်။စစ်မှုထမ်းအပတ်စဉ်တစ်ခုကို လူ၅၀၀၀ နှုန်းစုဆောင်းခဲ့​ပေမယ့် စစ်တပ်လိုတဲ့အ​ရေအ
တွက်မရတာ​ကြောင့် ​ပေါ်တာဆွဲတာ​တွေပိုဆိုးလာပါတယ်။

လက်ရှိမှာ စစ်မှုထမ်းအပတ်စဉ်၂၈အထိရောက်ရှိလာပြီဖြစ်ပါတယ်။ဒါ့အပြင် ရန်ကုန်နဲ့မန္တလေးမြို့အပါအဝင်မြို့ကြီးတွေမှာ လူ
ငယ်နဲ့လူလတ်ပိုင်းအမျိုးသားတွေကို အတင်း
အကြပ်ဖမ်းဆီးပြီး စစ်သင်တန်းကိုပို့ဆောင်နေတာတွေရှိလို့ သတိပြုနေထိုင်သွားလာကြဖို့ တော်လှန်ရေးအင်အားစုတွေကသတိပေးထားပါတယ်။



#ညောင်တုန်းရေကာတာ #စစ်မှုထမ်း
#သေနတ်ထောက်စေခိုင်း
#Peoplesspring #ludunwayoo

(​​​​ညောင်တုန်း​ရေကာတာပိတ်ဖို့ ​စစ်တပ်ကဒေသခံ​တွေကို​​​ခေါ်လာပြီး ခိုင်း​စေခဲ့စဥ်။
ဓါတ်ပုံ-CJ

စင်းခန်းနဲ့ ဇင်းဘုံမှာ တိုက်ပွဲပြင်းထန်

▪️တပ်ရင်းမှူး အပါအဝင် စစ်တပ် အလောင်းတွေနဲ့ လက်နက်တွေ KIA ပူးပေါင်းတပ် သိမ်းရ

စက်တင်ဘာ ၉၊ ၂၀၂၆။ ထားမြတ်/People’s Spring

ကချင်ပြည်နယ်၊ ဗန်းမော်မြို့နယ်က စင်းခန်းဒေသနဲ့ ရွှေကူမြို့နယ်က ဇင်းဘုံဒေသမှာ ကချင်လွတ်လပ်ရေးတပ်မတော်(KIA) ပူးပေါင်းတပ်နဲ့ စစ်တပ်အကြား တိုက်ပွဲတွေ ပြင်းထန်နေပြီး စစ်တပ်က တပ်ရင်းမှူး အပါအဝင် သေဆုံးထိခိုက်သူများသလို လက်နက်တွေ သိမ်းရခဲ့ဟု ကချင်စစ်ရေး သတင်းရင်းမြစ်အချို့က အသိပေးပါတယ်။

စစ်တပ်က စင်းခန်းတံတား ပြန်ထိန်းချုပ်နိုင်ဖို့ ကြိုးပမ်းနေသလို ဧရာ၀တီမြစ်ကြောင်း လုံခြုံရေး အရေးပါတဲ့ ဇင်းဘုံဒေသ အခြေချတပ်စွဲနိုင်ရေး ကြိုးပမ်းနေလို့ တိုက်ပွဲတွေ ပြင်းထန်နေတာ ရက်အတော်ကြာပြီဖြစ်ပါတယ်။

ဩဂုတ်နောက်ဆုံးပတ်နဲ့ စက်တင်ဘာ ပထမပတ်အတွင်း ရွှေကူ-ဗန်းမော် ဧရာ၀တီ မြစ် ဘေးပတ်ဝန်းကျင်မှာ မြေပြင်တိုက်ပွဲတွေ ပြင်းထန်နေသလို စစ်တပ်က ဗန်းမော်ကိုလာတဲ့ စစ်သင်္ဘောတွေကိုလည်း KIA ပူးပေါင်းတပ်က တိုက်ခိုက်ခဲ့လို့ စစ်တပ် အထိနာခဲ့ပါတယ်။

“စင်းခန်းဘက်မှာ တိုက်ပွဲက နေ့တိုင်းရှိတယ်။ ဇင်းဘုံဘက်မှာ လည်း တော်တော်ပြင်းထန်တယ်။ မနေ့ကရော မနေ့ညကရော တညလုံးပဲ မိုးလင်းပေါက်တိုက်ပွဲပြင်းထန်တယ်။ ပြီးတော့ ဇင်းဘုံက ထိုးစစ်ဆင်နေတဲ့ စခတပ် တပ်မ (၃၃)က ခမရ(၁၂)က တပ်ရင်းမှူးက သေသွားတာ။ အလောင်းက ကျနော်တို့ ရထားတယ်။ ပြီးတော့ ခမရ(၁၁၉)က တပ်ရင်းမှူးလည်း ဒဏ်ရာရတယ်။ လက်နက်တွေလည်းအများကြီးရတယ် မနေ့ညက” လို့ ကချင်စစ်ရေး သတင်းရင်းမြစ်တစ်ဦးက ပြောပါတယ်။

အခြား သတင်းရင်းမြစ်တစ်ဦးကလည်း စက်တင်ဘာ ၉ရက် စင်းခန်းတံတား ဝန်းကျင်တိုက်ပွဲမှာ စစ်တပ်က အထိနာခဲ့တယ်လို့ ပြောပါတယ်။

တံတားဝန်းကျင်ကို ချဉ်းကပ်လာတဲ့ စစ်တပ်ဟာ KIA ပူးပေါင်းတပ်ရဲ့ တိုက်ခိုက်မှုကြောင့် သေဆုံးထိခိုက်များခဲ့ပြီး စစ်တပ်က ၁၈ဦးရဲ့ ရုပ်အလောင်းတွေနဲ့ လက်နက် ၉လက် သိမ်းရခဲ့တယ်လို့ အသိပေးပါတယ်။

စစ်တပ်စစ်ကြောင်း ဖရိုဖရဲ ဆုတ်ခွာသွားတယ်လို့လည်း သတင်းရင်းမြစ်က အသိပေးထားပါတယ်။

လက်ရှိ စင်းခန်းဒေသ မြေပြင်စစ်ရေး အခြေအနေဟာ ဆက်လက်တင်းမာနေဆဲ အနေအထားလို့လည်း သတင်းရင်းမြစ်က ပြောပြပါတယ်။

စစ်တပ်ဟာ စင်းခန်းတံတား ပြန်ရဖို့ နဲ့ ဗန်းမော်ကို စစ်အင်အားဖြည့်ဖို့ ကြိုးပမ်းနေတာဖြစ်ပြီး KIA ပူးပေါင်းတပ်ဘက်ကလည်း အပြင်းအထန် ခုခံတိုက်ခိုက်နေတာဖြစ်ပါတယ်။

လက်ရှိမျာ စစ်တပ်ဝါဒဖြန့်သူအချို့က စင်းခန်းတံတားကို သိမ်းရထားတယ်လို့ ဝါဒဖြန့်နေပေမဲ့ ကချင်စစ်ရေး သတင်းရင်းမြစ်က မြေပြင်အခြေအနေဟာ စစ်တပ်ဝါဒဖြန့်သူတွေရဲ့ ပြောကြားချက်နဲ့ ပြောင်းပြန် အနေအထားဖြစ်တယ်လို့ ပြောပါတယ်။

စစ်တပ်ဟာ လက်ရှိမှာ ဗန်းမော်မြို့ကို ရေကြောင်းကနေ စစ်အင်အားဖြည့်ဖို့ ရွှေကူကို သင်္ဘော ၆စင်း ဆိုက်ကပ်ထားပါတယ်။ စစ်သင်္ဘောတွေအပါအဝင် စစ်သင်္ဘော ၆စီးဟာ စက်တင်ဘာ ၈ရက်မှာ ကသာကနေ ရွှေကူကို ရောက်လာတာဖြစ်ပြီး ဒီကနေ့ စက်တင်ဘာ ၉ရက်မနက်မှာတော့ ရပ်ထားတဲ့ သင်္ဘောတွေထဲက ၂စီးကို KIA ပူးပေါင်းတပ်က တိုက်ခိုက်ခဲ့လို့ မီးလောင်ခဲ့ကြောင်း သတင်းရင်းမြစ်က ပြောကြားထားပါတယ်။

(စစ်တပ် ဗုံးကြဲဖျက်ဆီးခဲ့တဲ့ ဗန်းမော်မြို့နယ်က စင်းခန်းတံတား။ ဓာတ်ပုံ - Screengrab)

ဗိုလ်တထောင်မြို့နယ်မှာ အဘွားအို ၁ဦး အသတ်ခံရ

စက်တင်ဘာ-၉၊၂၀၂၆။ရောင်နီ၊တာရာ/People's Spring

ရန်ကုန်မြို့ ဗိုလ်တထောင်မြို့နယ်မှာ အသက် (၇၁)နှစ်အရွယ် အမျိုးသမီး ၁ဦး အသတ်ခံရမှု ဖြစ်ပွားခဲ့တယ်လို့ ဒေသခံတွေက ပြောပါတယ်။

စက်တင်ဘာ ၇ ရက် ညက ၄၁ လမ်းအပေါ် ဘလောက်မှာနေထိုင်တဲ့ အဘွားအို ၁ဦးကို နေအိမ်မှာ အတူနေတဲ့ အိမ်အကူက သတ်ခဲ့တာလို့ ဗိုလ်တထောင်မြို့နယ်မှာနေထိုင်သူတစ်ဦးက ပြောပါတယ်။

"အိမ်ဖော်တွေက ခေါင်းအုံးနဲ့ ဖိသတ်တာလို့ ကြားတယ်။ သတ်တဲ့သူက ထွက်ပြေးပေမယ့် မနေ့က ဖမ်းမိတယ်လို့ ကြားတယ်" လို့ ‌အဆိုပါဒေသခံကပြောပါတယ်။

အခင်းဖြစ်ပွားရာအနီး နေထိုင်သူတစ်ဦးကလည်း " အိမ်ဖော်က ခေါင်းအုံးနဲ့ဖိသတ်တာလို့ သိရတယ်။ ဘာကြောင့်သတ်သွားတာလဲဆိုတာတော့မသိဘူး။ ကောင်မလေးကို ရဲတွေက လိုက်ရှာနေကြတယ်။ ပစ္စည်းတွေလည်း ပါသွားတယ်လို့ ကြားတယ်" လို့ ပြောပါတယ်။

ခေတ်ကာလအခြေအနေအရ အသက်ကြီးပိုင်း မိဘတွေကို အိမ်အကူတွေနဲ့ စိတ်ချပြီးထားတာမျိုးထက် မိဘတွေရဲ့ အခြေအနေကို စောင့်ကြည့်ကင်မရာတွေနဲ့ပဲဖြစ်ဖြစ်စောင့်ကြည့်သင့်တယ်လို့ ဖေ့စ်ဘွတ်ခ်အသုံးပြုသူတစ်ဦးက အကြံပြုထားပါတယ်။

ဩဂုတ် ၂၈ ရက်ကလည်း ရန်ကုန်မြို့ ဗဟန်းမြို့နယ်မှာ စလော့ဂိမ်းကစားပြီးငွေလိုနေတဲ့ လူငယ် ၁ဦးက သူငယ်ချင်းရဲ့ မိခင်ကိုသတ်တဲ့ ဖြစ်စဉ်ဖြစ်ခဲ့ပါတယ်။

စစ်အာဏာသိမ်းပြီး‌နောက်ပိုင်း ကုန်ဈေးနှုန်းတွေတက်လာတာနဲ့အမျှ ရန်ကုန်မြို့မှာ လူသတ်မှူတွေ လုယက်မှု ခိုးမှုတွေ များပြားလာတာကြောင့် ပြည်သူလူထုတွေအနေနဲ့ မလုံခြုံမှုတွေ ခံစားနေရတယ်လို့ ရင်ဖွင့်ထားကြပါတယ်။

၂၀၂၅ မှာလည်း ရန်ကုန်မြို့လယ်ဖြစ်တဲ့ ပန်းပဲတန်းမြို့နယ်က Beauty Land Hotel အခန်းအမှတ် (၅၀၂၀ မှာ အမျိုးသမီး ၁ ဦး အပိုင်းပိုင်းခုတ်ထစ် အသတ်ခံရမှုဖြစ်ပွားခဲ့ပါတယ်။

ဗန်းမော်က ပြန်ဆင်းလာတဲ့ စစ်သင်္ဘော ၃စီး KIA ပူးပေါင်းတပ် ထပ်မံတိုက်ခိုက်ဖျက်ဆီး

■တိုက်ခိုက်ရေးသင်္ဘော ၂စီး နစ်မြုပ်၊ ကုန်သင်္ဘော မီးလောင်၊

စက်တင်ဘာ ၉၊ ၂၀၂၆။ ထားမြတ်/People’s Spring

ကချင်ပြည်နယ်၊ ဗန်းမော်မြို့ကို စစ်ကူ၊လက်နက်ခဲယမ်းနဲ့ရိက္ခာ​တွေ ပို့ဆောင်ပြီး ပြန်
လာတဲ့ စစ်သင်္ဘော ၃စီးကို ကချင်လွတ်
လပ်ရေးတပ်မတော်(KIA) ပူးပေါင်းတပ်က ဒီကနေ့ (စက်တင်ဘာ ၉ရက်)မှာထပ်မံ တိုက်
ခိုက်ဖျက်ဆီးခဲ့ကြောင်းကချင်စစ်ရေးသတင်း
ရင်းမြစ်​တွေက ပြောပါတယ်။

စက်တင်ဘာ ၂ရက်မှာ ရွှေကူကနေ ဗန်းမော်မြို့ကို စစ်အင်အားခဲယမ်း ပို့ဆောင်တဲ့ စစ်သင်္ဘောအုပ်စုကို KIAက တိုက်ခိုက်ခဲ့ရာ သင်္ဘောအချို့သာ ဗန်းမော်မြို့ကို ရောက်ရှိခဲ့ပြီး အဲဒီကနေ ပြန်ဆင်းလာတဲ့ သင်္ဘောတွေကို KIAက ထပ်မံ တိုက်ခိုက်ခဲ့တာပါ။

“ ဗန်းမော်ကို လူအင်အားနဲ့ ရိက္ခာခဲယမ်းတွေ ပို့ပြီးမှ ပြန်ဆင်းလာတဲ့ သင်္ဘောတွေကို ကျနော်တို့ KIAနဲ့ ပူးပေါင်းတွေက ကြားမှာ စောင့်ကြိုပြီးမှ တိုက်ခိုက်တာ။ ကုန်တင်သင်္ဘော ၁ စီးက မြလယ်အထက်နားလေးမှာ အားလုံးမီးလောင်ပျက်စီးသွားတယ်။ပြီးတော့ တိုက်
သင်္ဘော ၂ စီးကတော့ဇင်းဘုံအောက်ဝဲမကြီးမှာ မြုပ်သွားပြီ။ တိုက်ခိုက်ရေးသင်္ဘော ၁စီးကလုံး၀ မြုပ်သွားတယ်။ နောက်၁ စီးက တဝက်မြုပ် တဝက်ပေါ် ဖြစ်နေပြီ။ ဒီနေ့ ဆင်းလာတဲ့ သင်္ဘော ၃စီးပေါ့ ။အဲဒီ ၃စီးကို တိုက်
ခိုက်နစ်မြုပ်နိုင်ခဲ့တယ်” လို့ ကချင်စစ်ရေးသတင်းရင်းမြစ်ကရှင်းပြပါတယ်။

အခု စစ်သင်္ဘော ၃စီးကို ထပ်မံတိုက်ခိုက်နစ်မြှုပ်နိုင်ခဲ့တာကြောင့် ကချင်ပြည်နယ် ဗန်းမော်ကို ပထမအသုတ် စစ်အင်အားဖြည့်လာတဲ့ စစ်တပ်ရဲ့ သင်္ဘောအုပ်စုက သင်္ဘော စုစုပေါင်း ၁၁ စီးအထိ တိုက်ခိုက်ဖျက်ဆီးနိုင်ခဲ့တာဖြစ်တယ်လို့ အသိပေးပါတယ်။

KIA ပူးပေါင်းတပ် တိုက်ခိုက်ခဲ့လို့ ထိခိုက် မီးလောင်နေတဲ့ စစ်တပ်သင်္ဘောအချို့ရဲ့ အခြေအနေနဲ့ သင်္ဘောပေါ်ကသူတွေ ရေထဲခုန်ချ ရေထဲမျောပါနေတဲ့ ရုပ်သံအချို့ကိုလည်း ကချင်စစ်ရေးသတင်းရင်းမြစ်က ပြောပါတယ်။

“ဒီမှာ ပေါက်ကွဲကုန်ပြီ။ လူတွေလည်း ရေပေါ် ခုန်ချကုန်ပြီ။ အဲဒီမှာကူးနေတယ်။ဟိုက ကောင်ကကြိုချင်နေတာ။အများကြီးပဲကွာ” လို့ ရုပ်သံမှာ တော်လှန်ရေးရဲဘော်အချို့ရဲ့ ပြောကြားသံကို ကြားရပါတယ်။

KIA ပူးပေါင်းတပ်ရဲ့ တိုက်ခိုက်မှုကြောင့် ဩဂုတ် ၂၇ရက်ကနေ စက်တင်ဘာ ၉ရက်အထိ နှစ်ပတ်တာအတွင်း စစ်သင်္ဘော ၁၁စီး ထိခိုက်ပျက်စီး နစ်မြုပ်ခဲ့ရာအဲဒီအထဲမှာ စစ်တပ်ရဲ့ တိုက်ခိုက်ရေး သင်္ဘော ၃စီး၊ ကုန်တင်သင်္ဘော ၈စီး ပါဝင်တယ်လို့ သတင်းရင်းမြစ်က ပြောပါတယ်။

ဒါ့အပြင် စက်တင်ဘာ ဒုတိယပတ်မှာ က
ချင်ပြည်နယ်ကို ဒုတိယ အသုတ်အဖြစ်ထပ်တက်လာတဲ့ စစ်တပ်ရဲ့ သင်္ဘော ၆စင်းထဲက ၂စီးကိုလည်း KIA ပူးပေါင်းတပ်ကစက်တင်
ဘာ ၉ရက်မနက်မှာပဲရွှေကူမြို့နယ်မှာ ကမ်းကပ်ရပ်နားထားစဉ် ဒရုန်းနဲ့ တိုက်ခိုက်ခဲ့လို့ သင်္ဘော ၂စီး မီးလောင်ခဲ့ကြောင်းလည်း ကချင်စစ်ရေးသတင်းရင်းမြစ်က ပြောပါတယ်။

ဒါကြောင့် နှစ်ပတ်အတွင်း စစ်တပ်သင်္ဘော စုစုပေါင်း ၁၃စီးထက်မနည်းကို KIA ပူးပေါင်းတပ်က တိုက်ခိုက်ဖျက်ဆီးထားတာဖြစ်ပါတယ်။စင်တင်ဘာ ၉ ရက်တစ်​နေ့တည်း အခုည​နေပိုင်းအထိ့စစ်စစ်သင်္ဘော ၅ စီးကိုတိုက်ခိုက်ဖျက်ဆီးထားနိုင်တာလည်းဖြစ်ပါတယ်။

ကချင်ပြည်နယ်ကို စစ်တပ်က အင်အားဖြည့်ဖို့ ကြိုးပမ်းလျက်ရှိရာ ဩဂုတ်လကုန်ပိုင်းနဲ့ စက်တင်ဘာလအတွင်းမှာ ဗန်းမော်နဲ့ ရွှေကူမြို့နယ်တွေမှာ မြေပြင်တိုက်ပွဲနဲ့ ရေကြောင်း တိုက်ပွဲတွေ ပြင်းထန်ခဲ့ပါတယ်။

ရွှေကူမြို့နယ် ဇင်းဘုံဒေသနဲ့ ဗန်းမော်မြို့နယ် စင်းခန်းတံတား ဝန်းကျင်တိုက်ပွဲတွေဟာ ပြင်းထန်ခဲ့ပြီး စစ်တပ်ဘက်က အရာရှိတွေအပါအဝင် သေဆုံးထိခိုက်များကာ လက်နက်ခဲယမ်းတွေ အလောင်းတွေ သိမ်းရခဲ့တယ်လို့ ကချင်စစ်ရေးသတင်းရင်းမြစ်က ပြောပါတယ်။

ဒါအပြင် ရေကြောင်းတိုက်ပွဲအတွင်း စစ်တပ်ဘက်က သေဆုံးထိခိုက်များခဲ့ပြီး လက်နက်
ချ အလင်းဝင်ရောက်သူလည်း ရာချီရှိခဲ့ပါတယ်။

ရုပ်သံ - ကချင်စစ်ရေးသတင်းရင်းမြစ်

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #ဗန်းမော်စစ်သင်္ဘော #KIAပူးပေါင်းတပ် #စစ်သင်္ဘောတိုက်ခိုက်ခံရမှု #ကချင်စစ်ရေးသတင်း

စစ်တပ်ရဲ့ စုံ၊မ ကားစနစ် ၆လအကြာမှာ ပြန်ဖျက်သိမ်း

စက်တင်ဘာ-၉၊၂၀၂၆။သတိုး/People's Spring

စက်သုံးဆီခြိုးခြံချွေတာဖို့ အကြောင်းပြချက်နဲ့ ထုတ်ပြန်ခဲ့ပေမယ့် စစ်တပ် ၊ ယာဉ်ထိန်းရဲ နဲ့ အုပ်ချုပ်ရေး အဖွဲ့တွေအတွက် ဝင်ငွေရလမ်းဖြစ်ခဲ့တဲ့ စုံ/မ ကားစနစ်ကို ဒီနေ့(စက်တင်ဘာ၉)မှာ ဖျက်သိမ်းလိုက်ပြီလို့ စစ်တပ်က ထုတ်ပြန်ပါတယ်။

အရှေ့အလယ်ပိုင်း ပဋိပက္ခတွေကြောင့် စက်သုံးဆီချွေတာရေး အကြောင်းပြချက်နဲ့ စစ်တပ်က ပြီးခဲ့တဲ့ မတ်လ ဆန်းပိုင်းမှာ ‌ကားတွေကို နံပါတ်စဉ်အလိုက် စုံရက်၊ မရက်ခွဲပြီး အပြင်ထွက်ဖို့ ထုတ်ပြန်ခဲ့တာပါ။

ကားတွေကို ပုံမှန်အတိုင်း မောင်းနှင်ခွင့်ပေးပေမယ့် ဆီ‌ဆိုင်တွေမှာတော့ စုံ၊မ ရက်စနစ်နဲ့ QR Code သတ်မှတ်ချက်တွေနဲ့ ဆက်လက်ရောင်းချသွားမယ်လို့ ဆိုပါတယ်။

"ထူးခြားပြီးဝမ်းသာမှုမရှိသလို ဘယ်သူ့ကိုမှလည်း ကျေးဇူးတင်စရာမရှိပါဘူး။လုပ်ပိုင်ခွင့်တခုရှိရင် လုပ်စားသွားကြတာတွေပဲ ပြည်သူ့မေတ္တာခံယူသွားကြရတာပါ" လို့ ယာဉ်မောင်းတစ်ဦးက စုံမ ကိစ္စဖျက်သိမ်းတဲ့အပေါ် မှတ်ချက်ပေးပါတယ်။

စစ်တပ်က စုံ ၊ မ စနစ် ပြဌာန်းဆိုတဲ့ကာလမှာ မလိုက်နာသူတွေကို ဒဏ်ကြေးငွေ ၊ ထောင်ဒဏ်စတာတွေနဲ့ ခြိမ်းခြောက်ခဲ့ပြီး စစ်တပ် ၊ ယာဉ်ထိန်းရဲ နဲ့ အုပ်ချုပ်ရေး အဖွဲ့တွေပါဝင်တဲ့ စုပေါင်းအဖွဲ့က စုံရက်မှာ ထွက်တဲ့ မကား ၊ မရက်မှာ ထွက်တဲ့ စုံကားတွေကို ငွေတောင်းတဲ့ ကိစ္စတွေရှိခဲ့ပါတယ်။

စုံ၊မ ဖမ်းဆီးတဲ့အဖွဲ့ကို ပြည်သူတွေက အသုတ်စုံလို့ နာမည်ပေးထားပြီး အဲဒီအဖွဲ့ရှိတဲ့နေရာကို ရှောင်ရှားသွားလာဖို့ အချင်းချင်းအကူအညီပေးခဲ့ကြတာတွေရှိပါတယ်။

စုံ၊မ စနစ်က အဆင်မပြေမှုတွေကြုံနေရတာကြောင့် ပြီးခဲ့တဲ့လတွေကတည်းက ဖျက်သိမ်းဖို့ တောင်းဆိုခဲ့ကြတာဖြစ်ပေမယ့် စစ်တပ်က ၆လအကြာမှ ဖျက်သိမ်းပေးခဲ့တာဖြစ်ပါတယ်။