နေပြည်တော်ကငလျင်ဘေးသင့်ယာယီတည်း
ခိုရေးစခန်းမှာ တောကြီးမြွေဟောက်တွေ့

စက်တင်ဘာ-‌၃၊၂၀၂၆။သတိုး/People's Spring

နေပြည်တော်၊ဇမ္ဗူသီရိမြို့နယ်ကငလျင်ဘေးသင့်ပြည်သူတွေရဲ့ယာယီတည်းခိုရေးစခန်းမှာ တောကြီးမြွေဟောက်တွေ့တာကြောင့် သွားရောက်ဖမ်းဆီးပေးခဲ့ရတယ်လို့ မီးသတ်တပ်ဖွဲ့က ထုတ်ပြန်ပါတယ်။

ဒီနေ့(စက်တင်ဘာ၃) ညနေ ၄နာရီခွဲလောက်မှာ ဇမ္ဗူသီရိမြို့နယ်၊ဗလသိဒ္ဓိဘောလုံးကွင်းအတွင်းမှာ ဖွင့်ထားတဲ့ငလျင်ဘေးသင့်ပြည်သူတွေရဲ့ယာယီတည်းခိုရေးစခန်းမှာ တော
ကြီးမြွေဟောက်တွေ့တာကြောင့်သွားရောက်ကူညီခဲ့တာကို မီးသတ်တပ်ဖွဲ့က မှတ်တမ်းဓာတ်ပုံတွေနဲ့အတူ ထုတ်ပြန်ထားတာပါ။

ဒီဖြစ်စဉ်ကို ဗလသိဒ္ဓိနယ်မြေမီးသတ်စခန်းက မီးငြှိမ်းသတ်ယာဉ်(၁)စီး၊ ဗဟိုမီးသတ်စခန်းက ရှာဖွေကယ်ဆယ်ရေးယာဉ်(၁)စီးနဲ့ သန္ဓေမီးသတ်တပ်ဖွဲ့ဝင်တွေက သွားရောက်ဖမ်းဆီးပေးခဲ့တာလို့ဆိုပါတယ်။

ပြီးခဲ့တဲ့ တစ်နှစ်ကျော် ၂၀၂၅ မတ်လက စစ်ကိုင်းမြို့အနီးကို ဗဟိုပြုပြီး လှုပ်ခတ်ခဲ့တဲ့ ငလျင်ကြီးမှာ နေပြည်တော်ကပျက်စီးဆုံးရှူံးမှုတွေကြီးကြီးမားမားကြုံခဲ့ရတာပါ။ဒါပေမယ့် စစ်တပ်ရုံးစိုက်တဲ့မြို့ဖြစ်တာ‌နဲ့အညီ သတင်းထိန်းချုပ်ထားတာတွေကြောင့် ​သေ
ဆုံးထိခိုက်ပျက်စီးမှုအ​ခြေအ​နေမှန်တွေကို အတိအကျမသိခဲ့ရပါဘူး။

အဲဒီ့အချိန်ကတည်းက ငလျင်ဘေးသင့် ပြည်သူတွေအတွက် ကယ်ဆယ်ရေးစခန်းတွေ ဖွင့်ပေးခဲ့ရတာဖြစ်ပြီး ငလျင်အတွက် ပြည်ပက အလှူငွေတွေရခဲ့ပေမယ့် မင်းအောင်လှိုင် ဦးဆောင်တဲ့ အာဏာသိမ်းစစ်တပ်ရဲ့ ညံ့ဖျင်းတဲ့ စီမံခန့်ခွဲမှုတွေကြောင့် ပြည်သူတွေကယာယီကယ်ဆယ်ရေးစခန်းနေရာမှာ လက်ရှိအချိန်အထိ နေထိုင်နေရတာဖြစ်တယ်လို့​ဒေသခံအချို့က​ပြောပါတယ်။

(ငလျင်ကယ်ဆယ်​ရေးစခန်းကို​ရောက်လာတဲ့ ​တောကြီး​မွေ​ဟောက်နဲ့ မီးသတ်တပ်ဖွဲ့ဝင် ၂ ဦး ။ဓါတ်ပုံ-မီးသတ်တပ်ဖွဲ့)

စလော့ဂိမ်းရှုံးရာမှ လူငယ်တစ်ဦး
လူသတ်မှုကျူးလွန်

စက်တင်ဘာ-၃၊၂၀၂၆။တာရာ/People's Spring

စလော့ဂိမ်းကစားပြီးငွေလိုနေတဲ့လူငယ်တစ်ဦးက သူငယ်ချင်းရဲ့မိခင်ဖြစ်သူကို သတ်
ဖြတ်ပြီး ​ရွှေ​​ငွေနဲ့အဖိုးတန် ပစ္စည်း​​တွေကိုခိုးယူမှု ရန်ကုန်မြို့မှာဖြစ်ပွားခဲ့ပါတယ် ။

ဩဂုတ်လ ၂၈ ရက်နေ့ ညနေပိုင်းက ဒေါ်သန်းသန်းနုက ဗဟန်းမြို့နယ်၊ ဆရာစံတောင်ရပ်
ကွက်၊မင်္ဂလာသိဒ္ဓိလမ်း နဲ့ ဓမ္မပါလလမ်း
ထောင့်ရှိ တိုက်အမှတ် (၄၅)၊ ပထမထပ်နေတဲ့ သူငယ်ချင်းဖြစ်သူ အသက် ၅၄ နှစ်အရွယ် ဒေါ်ခင်မိုးကြည်နေအိမ်သို့သွားရောက်ခဲ့ပါတယ်။ဒေါ်ခင်မိုးကြည်ကို ခေါ်ရာ ခေါ်မရသဖြင့် အိမ်နီးချင်း​တွေနဲ့အတူ အခန်းရဲ့ သံပန်းတံခါးအားဖျက်ပြီး ဝင်ရောက်ကြည့်ရှုခဲ့ရာ အခန်းဝမှာပဲ သွေးအိုင်ထဲမှောက်ခုံအနေအ
ထားနဲ့ စောင်ခြုံလျက်ဒဏ်ရာ ​တွေနဲ့ သေဆုံးနေတဲ့ ​ဒေါ်ခင်မိုးကြည်အ​လောင်းကို​တွေ့ရတာလို့သိရပါတယ် ။

​ဒေါ်ခင်မိုးကြည်ကို သတ်သူဟာ တောင်ဥက္ကလာပမြို့နယ်၊ (၁၂)ရပ်ကွက်နေ အသက် ၂၀ နှစ်အရွယ် ဉာဏ်စိုး ဖြစ်ပြီး ပြင်ဦးလွင်မြို့
နယ်၊(၆)ရပ်ကွက်ရှိ The Waiting Lodge
ဟိုတယ်မှာ စက်တင်ဘာ ၁ ရက်ကဖမ်းဆီးရမိခဲ့တာဖြစ်တယ်လို့ စစ်တပ်လက်​အောက်ခံရဲတပ်ဖွဲ့ကထုတ်ပြန်ပါတယ် ။

ဥာဏ်စိုးဟာ ​ဒေါ်ခင်မိုးကြည်ရဲ့သားဖြစ်သူနဲ့သူငယ်ချင်းဖြစ်ပြီးသားဖြစ်သူရှိစဥ်ကအိမ်ကိုလာဖူးသူဖြစ်တယ်လို့ဆိုပါတယ် ။ ​ဒေါ်ခင်မိုးကြည်ခင်ပွန်းဖြစ်သူဟာ ကွယ်လွန်သွားပြီး
သားဖြစ်သူဟာမ​လေးရှားနိုင်ငံကိုသွား​ရောက်
အလုပ်လုပ်​နေတာ​ကြောင့်တစ်​ယောက်တည်း
ရှိ​နေစဥ် အသတ်ခံခဲ့ရတာပါ ။​ဒေါ်ခင်မိုးကြည်ဟာ ရခိုင်တိုင်းရင်းသူဖြစ်ပါတယ်။

သူ့ကိုစစ်ဆေးမေးမြန်းရာအွန်လိုင်းစလော့
ဂိမ်းရှုံး၍ ငွေလို​​​နေတာ​ကြောင့် သူငယ်ချင်း
မိခင်ထံမှလုယက်ရန်ဩဂုတ်လ ၂၈ ရက်နေ့ ညနေပိုင်းက အခင်းဖြစ်နေအိမ်သို့ သွားခဲ့ကြောင်း၊ နေအိမ်သို့ရောက်ရှိပြီး ဒေါ်ခင်မိုးကြည်မှ တံခါးဖွင့်ပေးစဉ် အသင့်ယူလာတဲ့ ဓားနဲ့ထိုးသတ်ခဲ့တယ်လို့ထွက်ဆိုတယ်လို့ဆိုပါတယ် ။အဲဒီ​နောက်အခန်းအတွင်းရှိ စားပွဲပေါ်မှ သော့နဲ့ဗီရိုအားဖွင့်ကာ အတွင်းမှ ရွှေထည်ပစ္စည်း​တွေကို လုယက်ယူဆောင်သွားခဲ့တာဖြစ်တယ်လို့ စစ်​ကောင်စီကထုတ်ပြန်ထားပါတယ်။

"အဲဒီစလော့ဂိမ်းက လူငယ်တွေတင်မကဘူး မိသားစုပေါင်းများစွာရဲ့ဘဝတွေကိုပါ ဖျက်
ဆီးနေတာ။အယောက် ၁၀၀ မှာ ၉၉ ယောက်လောက်ကစလော့ဂိမ်းကိုဆော့နေတာ။ တချို့ဆိုကုန်းကောက်စရာမရှိလောက်အောင်ကို မွဲသွားကြတယ်။ သတ်သေသွားတဲ့သူတွေတောင်ရှိတယ်။ ဒီဟာကို ထိန်းချုပ်ဖို့လိုနေပြီ။ မဟုတ်ရင်အကုန်ဘဝတွေပျက်တော့မှာ"လို့ ကုမ္ပဏီဝန်ထမ်းတစ်ဦးကပြောပါတယ်။

အွန်လိုင်း​ငွေလိမ်လုပ်ငန်း-ကျားဖြန့်ဖြစ်တဲ့ ဆ​လော့ဂိမ်းကို စစ်တပ်အာဏာသိမ်းပြီး​နောက်ပိုင်း ကစားသူများလာ​တာဖြစ်သလို
စစ်အုပ်စုကလည်းကျားဖြန့်​တွေကိုအ​ယောင်ပြသာနှမ်နင်းဟန်ပြုပြီး စစ်အုပ်စုကိုယ်တိုင်ပါဝင်ပတ်သက်​နေတာ​ကြောင့်ကျားဖြန့်လုပ်ငန်း​တွေပိုမိုကြီးထွား ပျံ့နှံ့လာ​နေတယ်လို့ ကျားဖြန့်လုပ်ငန်း​တွေမှာလုပ်ဖူးသူအချို့က​ပြောပါတယ် ။

ဗဟန်းမြို့နယ်၊ ဆရာစံတောင်ရပ်ကွက်
၊မင်္ဂလာသိဒ္ဓိလမ်းနဲ့ဓမ္မပါလလမ်းထောင့်
ကို Google Map မှာ​တွေ့ရစဥ်

အာဏာသိမ်းခေါင်းဆောင်ကိုဖိတ်ကြားတဲ့ ဗီယက်နမ်အစိုးရရဲ့ လုပ်ရပ်ကို JFM ရှုတ်ချ

■စစ်အုပ်စုကို ကူညီ​နေတဲ့ ကုမ္ပဏီနဲ့ ပုဂ္ဂိုလ်​တွေဟာ စစ်ရာဇဝတ်မှုအား​ပေးသူ​တွေဖြစ်တာ​ကြောင့်အ​ရေးယူ​ပေးဖို့တိုက်တွန်း

စက်တင်ဘာ-၃၊၂၀၂၆။တေဇ/People's Spring

အာဏာသိမ်းခေါင်းဆောင် မင်းအောင်လှိုင်ကို တရားဝင်ဖိတ်ကြားခဲ့တဲ့ ဗီယက်နမ်အစိုးရရဲ့လုပ်ရပ်ကို ရှုတ်ချကြောင်း Justice For Myanmar-JFM ကထုတ်ပြန်ပါတယ်။

“တရားမဝင် စစ်အုပ်စုကို မှားယွင်းတဲ့ တရား
ဝင်မှုပေးအပ်ဖို့ဗီယက်နမ်နိုင်ငံရဲ့ဆုံးဖြတ်
ချက်နဲ့ စီးပွားရေးပတ်သက်မှုတွေကတဆင့် စစ်အုပ်စုနဲ့ ကြံရာပါပတ်သက်နေမှုကို ပိုမိုနက်နက်ရှိုင်းလာအောင် လုပ်ဆောင်နေမှုတွေအပေါ် Justice For Myanmar က ရှုတ်ချပါတယ်။" လို့ JFM ရဲ့ ပြောရေးဆိုခွင့်ရှိသူ မရတနာမောင်ကပြောပါတယ်။

ဗီယက်နမ်နိုင်ငံအနေနဲ့ မြန်မာစစ်တပ်ကို စစ်ရေးသုံးပစ္စည်းကိရိယာ‌တွေ၊နည်းပညာနဲ့ ဘဏ္ဍာငွေတွေ လွှဲပြောင်းပေးနေမှုအားလုံးကို ချက်ချင်းရပ်တန့်ဖို့နဲ့ စစ်အုပ်စုရဲ့ နိုင်ငံတကာရာဇဝတ်မှုတွေမှာ ကြံရာပါပတ်သက်နေမှုတွေကို အဆုံးသတ်ဖို့ JFM က တိုက်တွန်းထားပါတယ်။

ဒီခရီးစဉ်ကစက်တင်ဘာ ၄ ကနေ ၆ ရက်အ
ထိ စီစဉ်ထားတာဖြစ်ပြီး မင်းအောင်လှိုင်က မြန်မာ-ဗီယက်နမ် စီးပွားရေး ဖိုရမ်ကိုတတ်ရောက်မယ်လို့ဆိုပါတယ်။ ဒီဖိုရမ်က ဗီယက်
နမ်စီးပွားရေးလုပ်ငန်းတွေနဲ့ စစ်အုပ်စု ကြားက ပတ်သတ်မှုကို ပိုမိုနက်ရှိုင်းစေဖို့လို့ ဆိုပါတယ်။

ခရီးစဉ်မှာဆက်သွယ်ရေးလုပ်ငန်း၊လေယာဉ်
ဆီ၊ စစ်ဘက်ဆိုင်ရာပစ္စည်းတွေ ထောက်ပံ့တာနဲ့ စစ်ရေးလေ့ကျင့်မှု‌ တွေအပါအဝင် ဗီ
ယက်နမ်နဲ့ မြန်မာစစ်တပ်ကြားက ကာလရှည်တည်ရှိလာတဲ့ စီးပွားရေးနဲ့ ကာကွယ်ရေးဆိုင်
ရာ ဆက်ဆံရေးတွေကို ဆက်လက်ခိုင်မာစေဖို့ဖြစ်နိုင်တယ်လို့ JFM က သုံးသပ်ထားပါတယ်။

မြန်မာနိုင်ငံမှာ ဗီယက်နမ်ရဲ့ အကြီးဆုံးရင်း
နှီးမြှုပ်နှံမှုကစစ်တပ်ပိုင်စီးပွားရေးလုပ်ငန်းဖြစ်တဲ့ Mytel မှာဖြစ်ပါတယ်။ ဗီယက်နမ်ကာကွယ်ရေးဝန်ကြီးဌာနပိုင် Viettel Global Investment နဲ့ မြန်မာစစ်တပ်ပိုင် စီးပွားရေးလုပ်ငန်းစု မြန်မာ့စီးပွားရေးကော်ပိုရေးရှင်း (MEC) နဲ့ မြန်မာခရိုနီတွေကြားက ဖက်စပ်စီမံကိန်းဖြစ်ပါတယ်။

"Mytel မှတစ်ဆင့် ဗီယက်နမ်က ပေးအပ်နေတဲ့ ဝင်ငွေတွေ၊ နည်းပညာနဲ့ စောင့်ကြည့်ထောက်လှမ်းရေးဆိုင်ရာ အထောက်အပံ့တွေက မြန်မာစစ်တပ် လက်ရှိကျူးလွန်နေတဲ့ စစ်ရာဇဝတ်မှုတွေနဲ့ လူသားမျိုးနွယ်အပေါ် ကျူး
လွန်တဲ့ ရာဇဝတ်မှုတွေကို ကူညီပေးနေတာ ဖြစ်ပါတယ်။"လို့မရတနာမောင်ကပြောပါတယ်။

ဒါ့အပြင် အရပ်သားပြည်သူတွေကို သတ်
ဖြတ်တာတွေ၊ မုဒိမ်းမှုနဲ့ လိင်ပိုင်းဆိုင်ရာ နှိပ်စက်ညှင်းပမ်းတာတွေ ၊လူအစုလိုက်အပြုံလိုက် အိုးအိမ်စွန့်ခွာ ထွက်ပြေးရတာတွေ နဲ့ နိုင်ငံဖြတ်ကျော် ရာဇဝတ်မှုတွေကတစ်ဆင့် ဒေသတွင်းမတည်ငြိမ်မှုကို ဖြစ်ပေါ်စေတဲ့ စစ်အုပ်စုကို ဗီယက်နမ်အနေနဲ့ ထောက်
ပံ့နေတာတွေကို ရပ်တန့်ဖို့ မရတနာမောင်က တိုက်တွန်းထားပါတယ်။

"ဩစတြေးလျ၊ ကနေဒါ၊ အီးယူ၊ ယူကေနဲ့ အမေရိကန်ပြည်ထောင်စုတို့အနေနဲ့ စစ်အုပ်စုရဲ့ အကြမ်းဖက်မှုတွေကို ဆက်လက်လုပ်ဆောင်နိုင်အောင် ထောက်ပံ့ပေးနေတဲ့ ကုမ္ပဏီနဲ့ လူပုဂ္ဂိုလ် ကွန်ရက်တစ်ခုလုံးအပေါ် ဒဏ်ခတ်ပိတ် ဆို့မှုတွေ ချမှတ်ခြင်းဖြင့် အကြမ်းဖက်စစ်အုပ်စု ကျူးလွန်နေတဲ့ နိုင်ငံတကာရာဇ
ဝတ်မှုတွေမှာဗီယက်နမ်ရဲ့ကြံရာပါနေမှုအ
ပေါ် တုန့်ပြန်အရေးယူဆောင်ရွက်ရပါမယ်" လို့မရတနာမောင်က နိုင်ငံတကာအစိုးရတွေကို တောင်းဆိုထားပါတယ်။

ပြည်သူတွေအပေါ် ‌လေကြောင်းတိုက်ခိုက်မှု‌တွေပြုလုပ်နေတဲ့ စစ်တပ်အတွက် ဗီယက်
နမ် နိုင်ငံ အခြေစိုက်ကုမ္ပဏီတွေက လေယာဉ်ဆီတွေရောင်းချပေးနေတာကြောင့်အဲဒီ့ကုမ္ပ
ဏီတွေနဲ့ သက်ဆိုင်သူတွေကိုလည်း အရေးယူမှူတွေလုပ်ဆောင်ဖို့ JFM ကတောင်းဆိုထားပါတာ်။

Telecom International Myanmar၊ Viettel Global Investment၊ Hai Linh၊ Allsea Management၊ Legendsea၊ OSB Investment and Technology တို့နဲ့အဆိုပါကုမ္ပဏီ​တွေရဲ့အဓိကတာဝန်ရှိသူ​တွေအပါ
အဝင် စစ်အုပ်စုကို ဘဏ္ဍာငွေ၊ စစ်ရေးသုံးပစ္စည်းကိရိယာများနဲ့လေယာဉ်ဆီ​​တွေထောက်ပံ့ပေးနေတဲ့ ကုမ္ပဏီ​တွေနဲ့ လူပုဂ္ဂိုလ်​တွေ ပါဝင်တဲ့ကွန်ရက်တစ်ခုလုံးအပေါ် ဒဏ်
ခတ်ပိတ်ဆို့မှုများ ချမှတ်ရန် Justice For Myanmar က ဆက်လက်တောင်းဆိုထားပါတယ်။

မင်းတပ်မြို့နယ်ကို စစ်တပ်က ထပ်ဗုံးကြဲ

စက်တင်ဘာ ၄၊ ၂၀၂၆။ ထားမြတ်/People’s Spring

ချင်းပြည်နယ်၊ မင်းတပ်မြို့နယ်အရှေ့ခြမ်းတနေရာကို အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့ကြောင်း ဒေသခံ သတင်းရင်းမြစ်က အသိပေးပါတယ်။

စက်တင်ဘာ ၃ရက် ညနေပိုင်းမှာ တိုက်လေယာဉ်နဲ့ ဗုံး ၄လုံး ကြဲချတိုက်ခိုက်ခဲ့တာလို့ ဆိုပါတယ်။

လေကြောင်းတိုက်ခိုက်တဲ့နေရာဟာ ရှေ့တန်းနယ်မြေဖြစ်လို့ အထိအခိုက် သတင်းတွေ မသိရသေးဘူးလို့ ဒေသခံက ပြောပါတယ်။

စစ်တပ်ဟာ ဩဂုတ် ၃၀ရက် ညနေပိုင်းကလည်း မင်းတပ်မြို့အနီးရှိကျေးရွာ ၁ရွာကို လေကြောင်းဗုံးကြဲတိုက်ခိုက်ခဲ့ရာ ကလေးငယ်တွေအပါအဝင် ပြည်သူ ၈ဦးသေဆုံးကာ အများအပြား ဒဏ်ရာရခဲ့ပါတယ်။

မင်းတပ်မြို့အပါအဝင် ချင်းတောင်ပိုင်းကို ထိန်းချုပ်ထားတဲ့ ချင်းပြည်သူ့အစည်းအရုံး(CPU/CPA) ရဲ့ ထုတ်ပြန်ချက်အရ ဩဂုတ် ၃၀ရက် ညနေ မင်းတပ်မြို့နယ် ဝုမ်းခုမ်ရွာ ဗုံးကြဲခံရမှုမှာ သေဆုံးခဲ့တဲ့ ပြည်သူ ၈ဦးအနက် မူလတန်းကျောင်းသား ၂ဦး၊ ၉တန်းကျောင်းသူ ၁ဦး နဲ့ သက်ကြီးရွယ်အိုတွေ ပါဝင်တယ်လို့ ဆိုပါတယ်။

စစ်တပ်ဟာ ချင်းတောင်ပိုင်းတိုက်ပွဲတွေမှာ အထိနာနေတာကြောင့် ရှုံးမဲမဲနေတာဖြစ်ပြီး လေကြောင်းဗုံးကြဲတာတွေ အချိန်မရွေး ပြုလုပ်နေလို့ ပြည်သူတွေ အနေနဲ့ လေကြောင်းရန် အထူးဂရုစိုက်ဖို့ CPU/CPAက တိုက်တွန်းထားပါတယ်။

စစ်တပ်ဟာ မင်းတပ်၊ ကန်ပက်လက် အပါအဝင် ချင်းတောင်ပိုင်းဆုံးရှုံးနယ်မြေတွေ ပြန်ရဖို့ ၂၀၂၆ မေလက စတင်ထိုးစစ်ဆင်နေရာ တိုက်ပွဲတွေ ပြင်းထန်ခဲ့ပြီး တိုက်ပွဲ ၃လကျော်ကြာနေပြီဖြစ်ပါတယ်။

(မင်းတပ်မြို့နယ်က ကျေးရွာကို စစ်တပ်ကဗုံးကြဲအပြီး တွေ့ရစဉ်။ ဓာတ်ပုံ - ချင်းပြည်သူ့တပ်မတော်)

■​ဆောင်းပါး

အာဏာရှင်အတွက် အသက်ပေးမယ့်အစား အသက်ရှင်ဖို့ ရွေးချယ်လာသူများ

●အလံဖြူနောက်ကွယ်က စစ်သား​တွေရဲ့ ဆုံးဖြတ်ချက်

- ခါဂါဘို ရေးသားသည်။

စစ်သားတစ်ယောက်ဟာ “ငါဘာအတွက် တိုက်နေတာလဲ”ဆိုတဲ့ မေးခွန်းကို မိမိကိုယ်
တိုင် မေးလာတဲ့အချိန်မှာ အဲဒီစစ်တပ်ရဲ့ အင်
အားဟာ အပြင်က မြင်ရတာထက် ပိုမိုအား
နည်းလာနေပြီဖြစ်ပါတယ်။စစ်ပွဲတစ်ခုရဲ့ အ
နိုင်အရှုံးဟာ လက်နက်နဲ့ လူအင်အားပေါ်မှာသာ မတည်သလို၊ စစ်သားတစ်ယောက်ချင်းစီရဲ့ယုံကြည်ချက်နဲ့စိတ်ဓာတ်အပေါ်မှာလည်း များစွာ မူတည်နေပါတယ်။တိုက်ပွဲရဲ့ အဓိ
ပ္ပာယ်ကို စတင်သံသယဝင်လာတဲ့ အခိုက်အ
တန့်ဟာစစ်ပွဲရဲ့အလှည့်အပြောင်းကိုစတင်
စေတတ်ပါတယ်။
၂၀၂၆ ခုနှစ်စက်တင်ဘာ ၂ ရက်နေ့က ကချင်
ပြည်နယ် ရွှေကူ နဲ့ ဗန်းမော်ကြား ဧရာဝတီမြစ်
ကြောင်းမှာ ဖြစ်ပွားခဲ့တဲ့ ဖြစ်ရပ်ဟာ စစ်ပွဲတစ်ခုရဲ့ နောက်ကွယ်က အင်အားအစစ်အမှန်ကို ထင်ရှားစွာ သက်သေပြ နေပါတယ်။

ရွှေကူမြို့မှ ဗန်းမော်ဘက်သို့ ဆန်တက်လာတဲ့ စစ်သင်္ဘောအုပ်စုကို ကချင်လွတ်လပ်ရေးတပ် (KIA) နှင့် ပူးပေါင်းတပ်​တွေက ဧရာဝတီဒုတိယမြစ်ကျဉ်းအနီးမှာ တိုက်ခိုက်ခဲ့ပြီး စစ်သင်္ဘောများ ထိခိုက် ပျက်စီးခဲ့သလို၊ စစ်သင်္ဘော ၂ စီး‌ပေါ်မှ ရာချီတဲ့စစ်သားများ လက်နက်ချခဲ့ကြကြောင်း သတင်းများက ဖော်ပြထားပါတယ်။

ဒီဖြစ်ရပ်ကို နားလည်ဖို့ဆိုရင် စစ်တပ်တစ်ခုရဲ့ တိုက်ခိုက်နိုင်စွမ်းကို ဘာတွေကသတ်မှတ်ပေးသလဲဆိုတာကြည့်ဖို့လိုပါတယ်။

စစ်ပညာမှာတပ်တစ်တပ်ရဲ့တိုက်ခိုက်နိုင်စွမ်းကို လက်နက်နဲ့ လူအင်အားတင်မကဘဲ “Morale” လို့ခေါ်တဲ့ စိတ်ဓာတ်၊ “Unit Cohesion” လို့ခေါ်တဲ့ တပ်ဖွဲ့အတွင်း စည်းလုံးမှု၊ “Command Trust”လို့ခေါ်တဲ့ အထက်ကခေါင်းဆောင်မှုအပေါ် ယုံကြည်မှုတွေနဲ့ တိုင်း
တာကြပါတယ်။

စစ်သားတစ်ယောက်ဟာ အသက်အန္တရာယ်ကြားမှာဆက်တိုက်နိုင်ဖို့အတွက်သူ့မှာခိုင်မာတဲ့ယုံကြည်ချက်တစ်ခုရှိကိုရှိဖို့လိုအပ်ပါတယ်။

“ငါတို့တိုက်နေတာ မှန်တယ်”

“ငါတို့ခေါင်းဆောင်တွေက ငါတို့အသက်ကို တန်ဖိုးထားတယ်”

“ငါတို့ရဲ့ စွန့်လွှတ်မှုဟာ နိုင်ငံနဲ့ ပြည်သူ ကောင်းကျိုးအတွက်"

“ငါတို့ရဲ့ စွန့်လွှတ်မှုဟာအဓိပ္ပာယ်ရှိတယ်”ဆိုတဲ့ယုံကြည်ချက်တွေဖြစ်ပါတယ်။

ဒါပေမယ့် ၂၀၂၁ ခုနှစ် ပြည်သူက ရွေးချယ်တင်မြှောက်ထားတဲ့ အစိုးရကို အာဏာသိမ်းပြီးနောက်ပိုင်းမှာတော့နှစ်ပေါင်းများစွာနိုင်ငံရဲ့အင်အားအကြီးဆုံးအဖွဲ့အစည်းတစ်ခုအ
ဖြစ် အာဏာရှင်အဆက်ဆက်က မွေးမြူလာခဲ့တဲ့ မြန်မာစစ်တပ်ဟာ ပြည်သူတွေအပေါ် အင်အားသုံးတိုက်ခိုက်မှုတွေကိုကျယ်ကျယ်
ပြန့်ပြန့် ဆောင်ရွက်လာခဲ့တဲ့အတွက်ပြည်သူ
လူထုရဲ့မယုံကြည်မှု၊မုန်းတီးမှုနဲ့ ရွံရှာမှုကို ပိုမိုရင်ဆိုင်လာခဲ့ရပါတယ်။

တစ်ဖက်မှာအာဏာသိမ်းမှုကို ဆန့်ကျင်တဲ့ ပြည်သူရဲ့ခုခံမှုတွေပေါ်ပေါက်လာခဲ့ပြီး၊ အ
ခြားတစ်ဖက်မှာလည်း တိုင်းရင်းသားလက်
နက်ကိုင်တွေနဲ့ တော်လှန်ရေးအင်အားစုတွေက ဆယ်စုနှစ်များစွာ တည်ရှိခဲ့တဲ့ တပ်စခန်းအများအပြားကို ဆက်တိုက် သိမ်းပိုက်လာခဲ့ပါတယ်။

ရခိုင်မှာအာရက္ခတပ်တော်AA ရဲ့ထိုးစစ်တွေ၊ ကချင်မှာKIAနဲ့ပူးပေါင်းတပ်တွေရဲ့တိုက်ခိုက်
မှုတွေ၊ ကရင်ဒေသမှာ KNLA နဲ့ မဟာမိတ်တပ်ဖွဲ့တွေနဲ့ လှုပ်ရှားမှုတွေ၊စစ်ကိုင်း-မ​ကွေး
-မန္တ​လေးတိုင်းက အညာPDF ​တွေရဲ့ခုခံတွန်း
လှန်မှု​တွေ ၊ KNDF နဲ့ကရင်နီတပ်​ပေါင်းစုရဲ့​တော်လှန်စစ် ၊ရှမ်းမြောက်မှာ ၁၀၂၇ စစ်ဆင်
ရေး နောက်ပိုင်း ဖြစ်ပေါ်လာတဲ့ အခြေအနေတွေဟာစစ်တပ်ကိုတစ်ချိန်တည်းမှာ စစ်မျက်
နှာများစွာ ရင်ဆိုင်ရစေခဲ့ပါတယ်။

ဒီလို နိုင်ငံတစ်ဝန်း စစ်မျက်နှာများစွာ ဖွင့်ထားရတဲ့ အခြေအနေမှာ စစ်သားတွေအ
တွက် တိုက်ပွဲရဲ့ ရည်ရွယ်ချက်နဲ့ အနာဂတ်အပေါ် ယုံကြည်ချက်တွေဟာ တဖြည်းဖြည်း မေးခွန်းထုတ်စရာ ဖြစ်လာပါတယ်။ တကယ်တော့စစ်တပ်တစ်ခုရဲ့အင်အားလျော့နည်းလာမှုဟာစစ်မြေပြင်မှာသာမဟုတ်ဘဲစစ်သား
တွေရဲ့စိတ်ဓာတ်နဲ့ခေါင်းဆောင်မှုအပေါ် ယုံ
ကြည်မှု ယိမ်းယိုင်လာတဲ့ အချိန်မှာလည်း စတင် ပေါ်လွင်လာပါတယ်။

၂၀၂၃ ခုနှစ် အောက်တိုဘာ ၂၇ ရက် စတင်ခဲ့တဲ့ ၁၀၂၇ စစ်ဆင်ရေးနဲ့ ရခိုင်မှာ အာရက္ခတပ်​တော်ရဲ့ထိုးစစ်​မှာ ဒီအခြေအနေကို ထင်ရှား
စွာ ပြသခဲ့တဲ့ ဖြစ်ရပ်များ ဖြစ်ခဲ့ပါတယ်။ ရှမ်းမြောက်ဒေသမှာ မြောက်ပိုင်းမဟာမိတ်အဖွဲ့များရဲ့ ထိုးစစ်ကြောင့် တပ်စခန်း​တွေ ၊တပ်
ရင်း​တွေ၊ တပ်ရင်းဌာနချုပ်​တွေအ​မြောက်အ
များ ဆုံးရှုံးခဲ့ပြီး၊ရခိုင်မှာလည်းမြို့ရွာ​ပေါင်း
များစွာ စစ်စခန်းက​နေ တိုင်းစစ်ဌာနချုပ် အ
ထိအာရက္ခတပ်တော် AA က ထိုးစစ်ဆင် သိမ်းပိုက်ချိန် စစ်တပ်ရဲ့ အရာရှိအဆင့်ဆင့်မှ အောက်ခြေတပ်သားများအထိ တပ်ဖွဲ့ဝင်များ လက်နက်ချခြင်း၊ အဖမ်းခံရခြင်း၊ တပ်စွန့်ခွာခြင်း စတဲ့ ဖြစ်ရပ်တွေ ပေါ်ပေါက်ခဲ့ပါတယ်။

အဲဒီဖြစ်ရပ်တွေဟာ စစ်ရေးအရသာမက စစ်တပ်အတွင်း စိတ်ဓာတ်ပိုင်းဆိုင်ရာ ယိမ်း
ယိုင် လာမှုကိုလည်း ပြသခဲ့ပါတယ်။

ဒါပေမယ့် ဒီလိုလက်နက်ချမှုတွေကို နားလည်ဖို့အတွက် “ဘယ်သူတွေ လက်နက်ချလာကြတာလဲ” ဆိုတာ ထည့်သွင်းစဉ်းစားဖို့ လိုပါတယ်။

မြေပြင်မှာ တိုက်ခိုက်နေတဲ့ စစ်သားတိုင်းဟာ တူညီတဲ့ ရွေးချယ်မှုနဲ့ အဲဒီစစ်ပွဲထဲကို ရောက်
လာခဲ့တာ မဟုတ်ပါဘူး။ တချို့ဟာ အမိန့်ချမှတ်သူများ ဖြစ်သလို၊ တချို့ကတော့ အဲဒီအမိန့်များကို လိုက်နာပြီး အကောင်အထည်
ဖော်ရသူများ ဖြစ်ပါတယ်။ တချို့ဟာ ပြည်သူတွေအပေါ် ကျူးလွန်ခဲ့တဲ့ ရာဇဝတ်မှုတွေမှာ ကိုယ်တိုင် ပါဝင်ခဲ့သူတွေ ဖြစ်နိုင်သလို၊ တချို့ကတော့ အတင်းအကျပ် စစ်မှုထမ်း ခေါ်ယူခံရပြီးမရွေးချယ်ခဲ့တဲ့စစ်ပွဲထဲကို တွန်း
ပို့ခံလိုက်ရတဲ့ လူငယ်များ ဖြစ်ပါတယ်။

ဒါကြောင့် လက်နက်ချလာတဲ့ စစ်သားတစ်ယောက်ကို ကြည့်တဲ့အခါ အပြစ်ကင်းသူလို့လည်း မဆိုနိုင်သလို၊အသက်ရှင်ဖို့ နောက်ဆုံး
ကြိုးစားနေတဲ့ လူတစ်ယောက်ဆိုတဲ့ အချက်ကိုလည်း လျစ်လျူရှုထားလို့ မရပါဘူး။ တာ
ဝန်ယူရမယ့်သူက တာဝန်ယူရမှာ ဖြစ်သလို၊ အာဏာရှင်စနစ်အတွက်အဓိပ္ပာယ်မရှိတဲ့ သေ
ဆုံးမှုကို ငြင်းဆန်ပြီး အသက်ရှင်ဖို့ ရွေးချယ်လာသူရဲ့ ဆုံးဖြတ်ချက်ကိုလည်း သီးခြားမြင်ဖို့ လိုပါတယ်။

ဒီနေရာမှာ အောက်ခြေစစ်သားတွေ၊ အမိန့်ပေးကွပ်ကဲတဲ့ အရာရှိတွေ၊ ထိပ်ပိုင်းခေါင်း
ဆောင်တွေကို ခွဲခြားပြီး ကြည့်ဖို့ လိုပါတယ်။ အကြောင်းကတော့ စစ်တပ်ရဲ့ မူဝါဒနဲ့ အမိန့်တွေကို ချမှတ်တဲ့သူတွေနဲ့ အဲဒီအမိန့်တွေကို လက်တွေ့အကောင်အထည်ဖော်ရတဲ့သူတွေဟာ တာဝန်အဆင့် မတူကြလို့ပါ။ ဒါပေမယ့် အမိန့်ကို လိုက်နာခဲ့သူတစ်ဦးချင်းစီရဲ့ ကိုယ်
ပိုင်လုပ်ရပ်နဲ့ တာဝန်ယူမှုကိုတော့ သီးခြားစဉ်း
စားဖို့ လိုပါတယ်။

ဒီလို တာဝန်အဆင့်ကွာခြားမှုတွေ ရှိနေပေမယ့်လည်း၊ စစ်တပ်တစ်ခုရဲ့ အားနည်းချက်ဟာ အမိန့်ပေး စနစ်နဲ့ ခေါင်းဆောင်မှုအရည်
အသွေးမှာလည်း အဓိက သက်ရောက်မှုရှိပါတယ်။

အာဏာရှင်အဆက်ဆက်ရဲ့ အဓိကအင်အားတစ်ခုအဖြစ် ရပ်တည်ခဲ့တဲ့ မြန်မာစစ်တပ်အတွင်းက စစ်အရာရှိအများစုဟာ ရာထူး၊ အခွင့်ထူး၊ အာဏာနဲ့ အကျိုးအမြတ်တွေကို မျှော်ကိုးပြီး စစ်တပ်ထဲ ဝင်ရောက်လာသူများ ဖြစ်ကြပါတယ်။ အဲဒီလို ကိုယ်ပိုင်အကျိုး
စီးပွားနဲ့ ရာထူးတက်လမ်းကိုသာ အဓိကထားကြတဲ့ အရာရှိများအနေဖြင့် တကယ့်စစ်ပွဲမှာ လိုအပ်တဲ့ တာဝန်ယူမှု၊ စစ်ရေးကျွမ်းကျင်မှု၊ ခေါင်းဆောင်မှုအရည်အချင်းနဲ့ ဆုံးဖြတ်နိုင်စွမ်းတို့ကို မပြသနိုင်ကြပါဘူး။

အောက်ခြေတပ်သားအများစုမှာတော့ ၂၀၂၄ ခုနှစ်ကစပြီးပြဌာန်းလိုက်တဲ့ စစ်မှုထမ်းဥပဒေနောက်ပိုင်း မိမိတို့ဆန္ဒမပါဘဲအတင်းအဓမ္မ ခေါ်ဆောင်ခြင်းခံရတဲ့လူငယ်‌များ ပါဝင်ပါတယ်။

ဒီလို မတူညီတဲ့ အခြေအနေတွေ ရှိနေတဲ့ တပ်
ဖွဲ့တစ်ခုမှာ စစ်ပွဲရဲ့အခက်ခဲဆုံး ဆုံးဖြတ်ချက်
ဟာ ဆက်လက်တိုက်ခိုက်ခြင်းက အဓိပ္ပာယ်
မရှိတော့တဲ့ အချိန်မှာ ရပ်တန့်ဖို့ ရွေးချယ်ရခြင်း ဖြစ်နိုင်ပါတယ်။

အဲဒီဆုံးဖြတ်ချက်ရဲ့ နောက်ကွယ်မှာတော့ မိခင်၊ ဖခင်၊ ဇနီး၊ သားသမီးတွေဆီ ပြန်ချင်တဲ့ ဆန္ဒ၊ မိမိအသက်၏ တန်ဖိုးကို ပြန်လည်နားလည်လာခြင်းနဲ့ ကိုယ်မရွေးချယ်ခဲ့တဲ့ စစ်
ပွဲတစ်ခုအတွက်ဆက်ပြီးအာဏာရှင်ရဲ့အသုံး
ချခံမနေလိုတော့ခြင်းတို့ ရှိနေနိုင်ပါတယ်။

လက်နက်ကိုင်ထားတဲ့လူတစ်ယောက်အ
တွက် လက်နက်ချခြင်းဟာလွယ်ကူတဲ့ ရွေး
ချယ်မှု မဟုတ်ပါဘူး။ အထူးသဖြင့် နှစ်ပေါင်းများစွာ စစ်တပ်အတွင်းတစ်သွေး၊ တစ်သံ၊ တစ်မိန့်အောက်မှာ “နောက်မဆုတ်ရ”၊ “အမိန့်ကို လိုက်နာရမယ်”ဆိုတဲ့စည်းမျဉ်းတွေနဲ့ ကြီး
ပြင်းလာသူတွေအတွက် ပိုခက်ခဲပါလိမ့်မယ်။

ဒါပေမယ့် လူတစ်ယောက်အတွက် အသက်ရှင်ခြင်း၊မိသားစုနဲ့ အနာဂတ်ကိုပြန်လည်ရွေး
ချယ်နိုင်ဖို့ နောက်ဆုံးအခွင့်အရေး ဖြစ်နေပြီဆိုတာ နားလည်လာတဲ့အခိုက်အတန့်မှာတော့ စစ်မြေပြင်ရဲ့ အဓိပ္ပာယ်ဟာ အနိုင်အရှုံးထက် ပိုမိုနက်ရှိုင်းတဲ့အသက်ရှင်မှုရဲ့တန်ဖိုးကိုနောက်ဆုံး ရွေးချယ်ခွင့်ရတဲ့ နေရာအဖြစ် ပြောင်းလဲသွားနိုင်ပါတယ်။

အထူးသဖြင့် အဲဒီစစ်ပွဲကြောင့် ပြည်သူတွေ အသက်ဆုံးရှုံးခဲ့ရ၊ နေအိမ်တွေ ပျက်စီးခဲ့ရ၊ မိသားစုတွေ ကွဲကွာခဲ့ရတဲ့ အခြေအနေမှာ “ဘယ်သူ့အတွက်၊ ဘာအတွက် တိုက်ခဲ့သလဲ” ဆိုတဲ့မေးခွန်းဟာပိုပြီးအရေးကြီးလာပါတယ်။

အာဏာရှင်တွေဟာ စစ်သားတွေကို သူတို့ရဲ့ အာဏာသက်တမ်းရှည်ဖို့ အသက်ပေးစေချင်ကြပါတယ်။ ဒါပေမယ့် စစ်သားတစ်ယောက်အတွက် အလံဖြူထောင်ဖို့ ဆုံးဖြတ်ခြင်းဟာ မိမိကိုယ်ကို ကယ်တင်နိုင်ဖို့ ရရှိလာတဲ့ နောက်
ဆုံးအခွင့်အရေးကို လက်မလွှတ်လိုက်ခြင်းပဲ ဖြစ်ပါတယ်။ အဲဒီအခိုက်အတန့်မှာ "အလံဖြူဆိုတာ အာဏာရှင်အတွက်တိုက်ပေးရတဲ့ စစ်
ပွဲထဲမှာ ပျောက်ဆုံးနေခဲ့တဲ့ မိမိရဲ့ လူသားဘဝကို ပြန်လည်ရယူဖို့၊ မိသားစုနဲ့ အနာဂတ်ကို ကာကွယ်ဖို့၊ မိမိ ရွေးချယ်မှုတွေကို ပြန်လည်သုံးသပ်ဖို့ ရဲဝံ့စွာ ဆုံးဖြတ်နိုင်တဲ့ သတ္တိရဲ့ သင်္ကေတတစ်ခု"လည်းဖြစ်လာပါတယ်။ ။

ကျောက်ပန်းတောင်းနဲ့ တောင်သာမှာလည်း လူငယ်တွေကို ပေါ်တာဆွဲနေ

စက်တင်ဘာ ၄၊၂၀၂၆။ ဟာနာဆန်/People's Spring

မန္တလေးတိုင်း၊ ကျောက်ပန်းတောင်းမြို့ပေါ်နဲ့ တောင်သာမြို့နယ်တွေမှာ အာဏာသိမ်းစစ်တပ်က စစ်မှုထမ်းခေါ်ဆောင်ဖို့ လူငယ်တွေကို အဓမ္မပေါ်တာဆွဲဖမ်းဆီးနေတယ်လို့ ဒေသခံတွေက ပြောပါတယ်။

ကျောက်ပန်းတောင်းမြို့ပေါ်မှာ အာဏာသိမ်းစစ်တပ်က နေ့ခင်းဘက်မှာတင် လူငယ်တွေကို စစ်မှုထမ်းဖို့ အဓမ္မဖမ်းဆီးပေါ်တာဆွဲနေလို့ လူငယ်အများအပြား နေ့စဥ် ဖမ်းဆီးခံနေရကြောင်း ဒေသခံအချို့က ပြောပါတယ်။

"ပက်ကားတွေနဲ့ဆွဲနေတာမြို့ထဲကို။ ဘယ်မှကိုမသွားရဲဘူး"လို့ ကျောက်ပန်းတောင်းမြို့ခံ လူငယ်အမျိုးသားတစ်ဦးက ပြောပါတယ်။

ဒါ့အပြင် ခရီးသွားယာဥ်တွေ၊ ကုန်တင်ယာဥ်တွေပေါ်က လူငယ်တွေ၊ ယာဥ်မောင်းသူနဲ့ ယာဥ်နောက်လိုက်တွေပါမကျန် ဖမ်းဆီးနေတာကြောင့် ယာဥ်အချို့ ရပ်တန့်ထားရတဲ့အထိ ဆိုးရွားနေကြောင်း မြို့ခံအချို့က ပြော​ပါတယ်။

အလားတူ တောင်သာမြို့နယ်အတွင်းရှိတဲ့ မြင်းခြံ-ညောင်ဥိးလမ်းပိုင်းက တမိုက်သာရွာ၊ ကျောဇိရွာ၊ မာလာရွာကျောက်ခွဲစက်အနိးရှိ စစ်ကောင်စီတပ်ဂိတ်တွေကလည်း အသက်၁၈နှစ်မှ၃၅နှစ်ကြား လူငယ်တွေပါလာရင် စစ်မူထမ်းဖို့ ကားပေါ်ကနေဆွဲချကာ ပေါ်တာဆွဲနေကြောင်း ဖြတ်သန်းသွားလာခဲ့သူအချို့က ပြောပါတယ်။ ဒါ့အပြင် အသက်၃၅နှစ်ကျော်ရင်လည်း စစ်မူထမ်းကြေး ကောက်ခံနေလို့ ခရီးသွားပြည်သူတွေ သတိပြုသွားလာကြဖို့ ဒေသခံတွေက အကြံပြုပါတယ်။

အာဏာသိမ်းစစ်တပ်ဟာ ယခုလအတွင်း စတင်မယ့် စစ်မှုထမ်းအပတ်စဥ် (၂၈)အတွက် မန္တလေးမြို့ပေါ်မှာပါ စစ်မှုထမ်းမဲနှိုက်တာ၊ အဓမ္မဖမ်းဆီးတာတွေပါ ပြုလုပ်နေကြောင်း ဒေသခံတွေက ပြောပါတယ်။ ဒါ့အပြင် မန္တလေးတိုင်းထဲက ဝမ်းတွင်းမြို့နယ်၊ ကျောက်ပန်းတောင်းမြို့နယ်၊ တောင်သာမြို့နယ်နဲ့ ညောင်ဦးမြို့နယ်တွေမှာပါ လဆန်းရက်နဲ့ လကုန်ရက်တွေတိုင်း ပေါ်တာဆွဲဖမ်းဆီးနေပါတယ်။





𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar
#စစ်မှုထမ်းပေါ်တာဆွဲ#တောင်သာ#ကျောက်ပန်းတောင်း
#စစ်တပ်

(ရန်ကုန်မြို့က တပ်ရင်းတစ်ခုတွင် စစ်မှုထမ်းသင်တန်းပို့ရန် လူစုထားသော လူငယ်များအား တွေ့ရစဥ် ဓာတ်ပုံံ-Screen Grab)

အိန္ဒိယနယ်စပ်တစ်လျှောက်ကိုကြည့်မယ်ဆိုရင် စစ်ကိုင်းတိုင်းဘက်မှာ တမူး–မိုးရေး နယ်စပ်ဂိတ်ကိုတော့စစ်ကောင်စီကဆက်ပြီး ထိန်းချုပ်ထားပေမယ့် အဲဒီလမ်းတစ်လျှောက်က ကျေးရွာတွေနဲ့ နယ်မြေအများစုကို တော်
လှန်ရေးတပ်ဖွဲ့တွေကပဲ စိုးမိုးထားတာ ဖြစ်ပါတယ်။ချင်းပြည်နယ်ဘက်မှာလည်း ရိခေါ်ဒါရ်၊ တွန်းဇံနဲ့ နယ်စပ်ဒေသအများစုကို ချင်းတော်လှန်ရေးအဖွဲ့တွေက ထိန်းချုပ်ထားတာ ဖြစ်ပါတယ်။ အိန္ဒိယရဲ့အဓိကကုလားတန် ဘက်စုံပို့ဆောင်ရေး စီမံကိန်း ဖြတ်သန်းရာ ရခိုင်–ပလက်ဝဒေသတစ်ခုလုံးကိုလည်း အာရက္ခတပ်တော်(AA)က စိုးမိုးထားသူ ဖြစ်ပြီး၊ ဒီဒေသတွေမှာတော့ စစ်ကောင်စီရဲ့ အုပ်ချုပ်ရေးအာဏာ သက်ရောက်မှု မရှိတော့ပါဘူး။

ဒီအခြေအနေကမြန်မာ-အိန္ဒိယနယ်စပ်တစ်လျှောက် မြေပြင်မှာ စစ်ကောင်စီရဲ့ ထိန်းချုပ်နိုင်မှု အလွန်ကန့်သတ်သွားပြီဆိုတာကို ပြသနေပါတယ်။

အိန္ဒိယအနေနဲ့ နယ်နိမိတ်ပြဿနာကိုအပြီး
သတ်ရှင်းလင်းဖို့ခိုင်မာတဲ့လုံခြုံရေးအ
ကြောင်းအရင်းတွေရှိတယ်လို့ဆိုထားပါတယ်။မြန်မာနိုင်ငံရဲ့ မတည်ငြိမ်မှုတွေကြောင့် မီဇိုရမ်နဲ့ မဏိပူရ်ပြည်နယ်တွေကို စစ်ဘေးဒုက္ခသည်တွေ စီးဝင်လာစေခဲ့သလို၊ အိန္ဒိယ သောင်းကျန်းသူ အဖွဲ့အစည်းတွေအတွက်လည်းနယ်စပ်ကျော်လွန်ပြီးလှုပ်ရှားဖို့ အခွင့်
အရေးတွေ ရသွားစေတယ်လို့ ထောက်ပြထားပါတယ်။

ဒီအကြောင်းပြချက်တွေနဲ့အတူ ၂၀၂၄ ခုနှစ်မှာ နယူးဒေလီဟာမြန်မာနယ်စပ်တစ်လျှောက် ခြံစည်းရိုးခတ်ရေး အစီအစဉ်တွေကို တိုးချဲ့လာခဲ့ပြီး၊ သမိုင်းအစဉ်အဆက် နယ်စပ်နေ ပြည်သူတွေကို လွတ်လပ်စွာ ကူးလူးသွားလာခွင့်ပြုထားတဲ့ Free Movement Regime – FMRကိုပါရုတ်သိမ်းခဲ့ပါတယ်။

အိန္ဒိယက၂၀၁၅ခုနှစ်မှာဘင်္ဂလားဒေ့ရှ်နဲ့ ချုပ်ဆိုခဲ့တဲ့ကုန်းဘက်နယ်နိမိတ်သဘောတူညီချက်ဟာ ပဋိပက္ခဖြစ်နေတဲ့ နယ်မြေပြဿနာတွေကို သံတမန်ရေးနည်းလမ်းနဲ့ ရေရှည်ဖြေရှင်းနိုင်ကြောင်း ပြသခဲ့တဲ့ နမူနာတစ်ခု ဖြစ်ပါတယ်။ဒါပေမယ့်မြန်မာနိုင်ငံအတွက်တော့ စိန်ခေါ်မှုက ပိုမိုရှုပ်ထွေးနေပြီး၊ နေပြည်တော်စစ်အစိုးရနဲ့ရရှိတဲ့သဘောတူညီချက်တစ်ခုတည်းနဲ့ ဒီနယ်စပ်မျဉ်းတစ်လျှောက်မှာ စာ
ချုပ်အတိုင်းလက်တွေ့ အကောင်အထည်ဖော်နိုင်ဖို့ဆိုတာ ဖြစ်နိုင်ခြေ အလွန်နည်းပါးတယ်လို့ သုံးသပ်ကြပါတယ်။

ဒီလိုအခြေအနေမျိုးမှာ အိန္ဒိယအနေနဲ့ မြန်မာပြည်သူများ၊ အာဆီယံနဲ့ နိုင်ငံတကာအသိုင်း
အဝိုင်းက အသိအမှတ်မပြုထားတဲ့အပြင်ပြည်သူတွေအပေါ် နေ့စဉ်အကြမ်းဖက်သတ်
ဖြတ်မှုတွေ ကျူးလွန်နေတဲ့စစ်အစိုးရနဲ့ နယ်
နိမိတ်အလဲအလှယ်လို နိုင်ငံတစ်နိုင်ငံရဲ့ အနာ
ဂတ်အတွက် အလွန်အရေးကြီးတဲ့ ကိစ္စရပ်မျိုးမှာ သဘောတူညီချက်ရယူဖို့ ကြိုးပမ်းတာဟာ သင့်လျော်တဲ့ လုပ်ရပ်တစ်ခု မဟုတ်သလို၊ ဒီလို စာရွက်ပေါ်က သတ်မှတ်ချက်မျိုးကလည်း ရခိုင်နဲ့ ချင်းပြည်သူများသာမက ဒေသခံ‌ တော်လှန်ရေး အဖွဲ့အစည်းတွေအ
တွက် လက်ခံနိုင်ဖွယ် မရှိနိုင်ဘူးလို့ ဆိုကြပါတယ်။

မြေပြင်အာဏာစိုးမိုးမှုမရှိတဲ့စစ်အစိုးရနဲ့ ချုပ်ဆိုထားတဲ့ စာချုပ်ဟာ လက်တွေ့အခြေအနေမှာ အဓိပ္ပာယ်မရှိနိုင်သလို၊ အိန္ဒိယရဲ့ရေရှည် လုံခြုံရေးနဲ့ အကျိုးစီးပွားတွေကိုလည်း အမှန်တကယ် အာမခံပေးနိုင်မှာ မဟုတ်ပါဘူး။

ဒီအတွက်လူသားချင်းစာနာမှုဆိုင်ရာအကူအ
ညီတွေ၊အခြေခံအဆောက်အအုံနဲ့လုံခြုံရေးဆိုင်ရာကိစ္စတွေအတွက်မြေပြင်မှာတကယ်
တမ်း ဩဇာရှိတဲ့အဖွဲ့အစည်းတွေကို နိုင်ငံရေး
အရ တရားဝင် အသိအမှတ်ပြုမှု မပေးနိုင်သေးတောင် လက်တွေ့ကျကျ ထိတွေ့ဆက်
ဆံမှုများ ပြုလုပ်ရန် လိုအပ်ကြောင်း The Interpreter က ထောက်ပြထားပါတယ်။


https://www.ludunwayoo.com/feature-mm/2026/09/03/167295/

စစ်တပ်က ကပစ(၂၂)အခြေပြုပြီး ဆောနဲ့ ပေါက်မြို့နယ်ကို အင်အားနဲ့ လက်နက်ခဲယမ်း ပို့နေ

စက်တင်ဘာ -၄၊၂၀၂၆။ဖိုးသား/People's Spring

မကွေးတိုင်း၊ ဆိပ်ဖြူမြို့နယ်က အမှတ်(၂၂)ကာကွယ်ရေးပစ္စည်းစက်ရုံ (ကပစ−၂၂ )ကို အခြေပြုပြီး အာဏာသိမ်းစစ်တပ်က ဆောနဲ့ ပေါက်မြို့နယ်တွေကို အင်အားနဲ့ လက်နက်ခဲယမ်းတွေထောက်ပို့နေတယ်လို့ စစ်ရေးသတင်းရင်းမြစ်တချို့က ပြောပါတယ်။

ဆောမြို့နယ်၊ကျောက်ထုမြို့က စစ်တပ်စစ်ကြောင်းနဲ့ ပေါက်မြို့နယ်က စစ်တပ်လက်အောက်ခံ ပြည်သူ့စစ်ရွာတွေအတွက် ကပစ (၂၂)ကနေ ထောက်ပံ့မှုတွေရောက်ရှိဖို့နဲ့ ဖြတ်တောက်မခံရစေဖို့ ထောက်ပို့ယာဥ်တွေ အတွက် မြေပြင်နဲ့ ဝေဟင်ကပါ နေ့စဥ် နီးပါး ကာကွယ်လျက်ရှိတယ်လို့ ဆိုပါတယ်။

"ချေမှုန်းနိုင်ရေးအတွက် နည်းပညာ၊ရန်ပုံငွေ၊စုစည်းညီညွတ်မှုများစွာလိုနေသေးတာကြောင့် မြေပြင် ထောက်ပို့ကားတွေကိုပါ မတားဆီးနိုင် ဖြစ်နေပါတယ်"လို့ ဆိပ်ဖြူမြို့နယ် စစ်ရေးသတင်းရင်းမြစ်က ပြောပါတယ်။

ဒါ့အပြင် အခုရက်ပိုင်းမှာ ကပစ (၂၂)ကနေ ထောက်ပို့ ယာဉ်တန်းတချို့ထွက်လာဖို့ရှိတာကြောင့် စစ်တပ်က မြေပြင်စစ်ကြောင်းတွေ နဲ့ ကင်းချတပ်စွဲထားတာတွေရှိနေတယ်လို့ အသိပေးပါတယ်။

"ပြီးခဲ့တဲ့နှစ်လကတည်းက ဆိပ်ဖြူကပစ (၂၂)ထဲကို အင်အား ၅၀၀ ၀န်းကျင်လောက်ရောက်နေတယ်။အဲဒီ အင်အားတွေနဲ့ ကင်းချတာ စစ်ကြောင်းထိုးတာ တွေလုပ်နေတယ်"လို့ ဆိပ်ဖြူမြို့နယ် တော်လှန်ရေးရဲဘော်တစ်ဦးက ပြောပါတယ်။

ဆိပ်ဖြူနယ်က ပုသိမ်-မုံရွာ ၊ဆော-ဆိပ်ဖြူ နဲ့ ဆိပ်ဖြူ- ပေါက် လမ်းပိုင်းတွေကို ထိန်းချုပ်ဖို့ စစ်တပ်က ကြိုးပမ်းနေတယ်လို့လည်း သူက ဆက်ပြောပါတယ်။

လက်ရှိ အာဏာသိမ်းစစ်တပ်က ဆောမြို့နယ်၊ကျောက်ထု မြို့ကနေ ချင်းပြည်နယ် မင်းတပ်မြို့ကို ထိုးစစ်ဆင်နေသလို ထီးလင်းမြို့နယ်က ချင်းတောင်ပိုင်းနယ်စပ်ကုန်သွယ်ရေးရှိရာနေရာကို ထိန်းချုပ်ဖို့ စစ်ကြောင်းထိုးနေတာရှိပါတယ်။

မကွေးတိုင်းမှာ မကွေးမြို့အခြေစိုက် တပ်မ(၈၈)နဲ့ ပခုက္ကူမြို့က တပ်မ(၁၀၁)တပ်တွေရှိပေမယ့် စစ်တပ်ရဲ့သီးသန့်တိုင်းစစ်ဌာနချုပ်တွေမရှိဘဲ အနောက်မြောက်တိုင်းစစ်ဌာနချုပ် (နမခ) နဲ့ အလယ်ပိုင်းတိုင်းစစ်ဌာနချုပ် (လပခ)က ခွဲဝေ ထိန်းချုပ်ထားတာဖြစ်ပါတယ်။

ဆိပ်ဖြူမြို့နယ်မှာက စစ်တပ်ရဲ့ကာကွယ်ရေးပစ္စည်းရုံး ကပစ (၂၁၊ ၂၂) နဲ့ အမှတ်(၉)လေကြောင်းရန်ကာ ကွယ်ရေးကွပ်ကဲမှုစစ်ဆင်ရေးဌာနချုပ်(လစခ) တို့ရှိပါတယ်။

အမှတ်(၂၁) ကာကွယ်ရေးပစ္စည်းစက်ရုံ(ကပစ -၂၁)က လေတပ်သုံးဗုံးတွေထုတ်ပြီး အမှတ် (၂၂) ကာကွယ်ရေးပစ္စည်းစက်ရုံ(ကပစ−၂၂ )မှာ လက်နက်တွေ ထုတ်နေတာဖြစ်ပါတယ်။




𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar
#ကပစ(၂၂)#ဆိပ်ဖြုူမြို့#စစ်တပ်စစ်ကြောင်း
#စစ်တပ်

(ဆိပ်ဖြူမြို့နယ်က အမှတ်(၂၂)ကာကွယ်ရေးပစ္စည်းစက်ရုံ (ကပစ−၂၂ )ကို ပစ္စည်းပို့တဲ့ စစ်တပ် ကား၁စီးကို တွေ့ရစဉ်။ ဓာတ်ပုံ − Seikphyu Media)

မင်းတုန်းမြို့နယ်အနောက်ခြမ်းမှာ တိုက်ပွဲဆက်ဖြစ်နေ

စက်တင်ဘာ−၄၊၂၀၂၆။ဖိုးသား/People's Spring

ရခိုင်ရိုးမပေါ်တက်မယ့် မင်းတုန်းမြို့နယ်အနောက်ခြမ်းက စစ်တပ်စစ်ကြောင်းနဲ့ တော်လှန်ရေးတပ်တွေ တိုက်ပွဲဆက်ဖြစ်နေတယ်လို့ မင်းတုန်းမြို့နယ်စစ်ရေးသတင်းရင်း မြစ်တချို့က ပြောပါတယ်။

စစ်ကြောင်းတွေက ရိုးအခြေကျေးရွာတွေကတဆင့် စစ်ကြောင်းထိုးတက်နိုင်ဖို့ ကြိုးစားနေတာကြောင့် ပြည်သူ့ကာကွယ်ရေးတပ်မတော် ခရိုင်တပ်ရင်းတွေနဲ့ ပကဖ ရဲဘော်တွေက ခုခံ၊ကြားဖြတ်တိုက်ခိုက်နေတယ်လို့ ဆိုပါတယ်။

"စခ တွေဘက်ကလည်း မင်းတုန်းမြို့ဘောလုံးကွင်းမှာ ထိုင်ထားတဲ့ လက်နက်ကြီးနဲ့ ပစ်နေတာတွေရှိတယ်"လို့ မင်းတုန်းမြို့နယ်စစ်ရေးသတင်းရင်းမြစ်က ပြောပါတယ်။

ဒါ့အပြင် ရိုးခြေတစ်လျှောက်မှာ အာဏာသိမ်းစစ်တပ်က စစ်ကြောင်း ၃ခု ဖြန့်ခွဲပြီးထိုးနေတယ်လို့ သူက အသိပေးပါတယ်။

ဩဂုတ် နောက်ဆုံးပတ်က မင်းတုန်းမြို့အနောက်ခြမ်းကို ရောက်လာတဲ့ စစ်တပ်စစ်ကြောင်း ၁ခုကို သရက်ခရိုင်အမှတ်(၄)တပ်ရင်းက ကြားဖြတ်တိုက်ခိုက်ခဲ့ပြီး စစ်သုံ့ပန်း ၅ဦး ဖမ်းမိကာ လက်နက်ခဲယမ်းနဲ့အလောင်းတချို့ သိမ်းဆည်းရရှိတယ်ခဲ့ပါတယ်။

အာဏာသိမ်းစစ်တပ်က မတရားပေါ် တာဆွဲထားတဲ့ စစ်မှုထမ်း(ပစ)အများအပြားကို အသုံးချထားတယ်လို့ ဆိုပါတယ်။

အာဏာသိမ်းစစ်တပ်က စစ်ရေးအသာစီးရယူဖို့အတွက် လေကြောင်း၊ လက်နက်ကြီး နဲ့ ဒရုန်းတွေကို အသုံးပြုနေတဲ့အပြင် စစ်မှုထမ်း(ပစ) အားတွေအသုံးပြုနေပေမယ့် လက်တွေ့စစ်မြေပြင်တွင် အမြဲအထိနာကျရှူံးနေတယ်လို့ အသိပေးပါတယ်။

"ပစ တွေ အရမ်းများတယ်။စစ်တပ်က အသုံးချနေတာပေါ့။နေတိုင်းထွက်ပြေးလာတဲ့သူတွေရှိသလို ဖမ်းမိတဲ့သူတွေလည်းရှိတယ်"လို့ မင်းတုန်းမြို့နယ်စစ်ရေးသတင်းရင်းမြစ်က ဩဂုတ် ၃၀ ရက်က ပြောထားပါတယ်။

အာရက္ခတပ်တော် (AA) သိမ်းပိုက်ထားတဲ့ ရခိုင်ပြည်နယ်၊ တောင်ကုတ်မြို့ကို ပြန်ထိန်းချုပ်ဖို့ အနီးစပ်ဆုံးနေရာဖြစ်တဲ့ မင်းတုန်းမြို့နယ်အနောက်ဘက်ကနေတဆင့် စစ်တပ်က ၀င်ရောက်ဖို့ ဒုတိယအကြိမ် အင်အားအလုံးအရင်းနဲ့ ကြိုးပမ်းနေတာ ဖြစ်ပါတယ်။

မင်းတုန်းမြို့နယ်အနောက်ခြမ်းက ရခိုင်ရိုးမနဲ့ အနီးစပ်ဆုံးနေရာတွေဆီ စစ်တပ်ရဲ့ စစ်ကူအင်အား ၁,၅၀၀ ၀န်းကျင်ရောက်ရှိပြီး ရခိုင်ရိုးခြေရွာတွေဖြစ်တဲ့ ပြောင်းကျေးရွာ၊ထန်းပင်ကုန်းကျေးရွာ၊ဖြူကန်ကျေးရွာ၊ထိန်ကိုင်းနဲ့ တမာကျေးရွာတွေမှာ တပ်စွဲထားပါတယ်။

စစ်တပ်က ဗျူဟာမှူးအဆင့် ဗိုလ်မှူးကြီး အောင်ဇော်မင်းဦးစီးပြီး အင်အား ၁၀၀၀ ခန့်နဲ့ ရခိုင်ရိုးမကို ဇွန်လဆန်းပိုင်းကတည်းက ထိုးစစ်ဆင်ခဲ့ပါတယ်။

ဒါပေမယ့် ရိုးမပေါ်တက်တဲ့တိုက်ပွဲတွေမှာ အသေများနေတာကြောင့် ရိုးခြေက ကျေးရွာတွေထဲမှာပဲ ပြန်ပြီး တပ်စွဲနေခဲ့ရပါတယ်။

နောက်ထပ်စစ်ကူအင်အားတွေက အောင်လံမြို့ကတဆင့် ရေယာဉ်တွေနဲ့ သရက်မြို့အခြေစိုက် အမှတ် (၁၂)ကာကွယ်ရေးပစ္စည်းစက်ရုံ(ကပစ ၁၂ )ကို ပို့ဆောင်ပြီးနောက် ဩဂုတ် ၂၂ ရက် မှာ မင်းတုန်းမြို့ကို ၀င်ရောက်ခဲ့တာဖြစ်ပါတယ်။




𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar
#ကပစ(၁၂)#ရခိုင်ရိုးမ#စစ်တပ်စစ်ကြောင်း
#မင်းတုန်းမြို့နယ်အနောက်ခြမ်း

(မင်းတုန်းမြို့နယ်တနေရာမှာ တွေ့ရတဲ့ သရက်ခရိုင်အမှတ်(၄)တပ်ရင်းက ရဲဘော်တွေကို တွေ့ရစဉ်။ ဓာတ်ပုံ − သရက်ခရိုင်အမှတ်(၄)တပ်ရင်း)