■​ဆောင်းပါး

MNDAA နဲ့ စစ်တပ်ရဲ့ အာဏာပြိုင်ပွဲ

ကဖေး/People's Spring

နေပြည်တော်ကလာတဲ့ အမိန့်ကို ဂရုမစိုက်တတ်တဲ့၁၀၂၇စစ်ဆင်ရေးဖိုက်တာMNDAA
က ရှမ်းမြောက်မှာ စစ်တပ်နဲ့ အုပ်ချုပ်ရေးအာဏာပြိုင်ပွဲကို အသံတိတ်စစ်မျက်နှာဖွင့်လှစ်လိုက်ပါတယ်။

နေပြည်တော်ကိုဗဟိုပြုအာဏာတည်ထားတဲ့ အာဏာသိမ်းစစ်တပ်နဲ့ အထူးဒေသ(၁)ရဲ့ အဓိပတိ MNDAA တို့ ဒီတကြိမ်ထိပ်တိုက်တွေ့တာက ရှမ်းစော်ဘွားတွေရဲ့ ဘူမိနက်သန် သီပေါနယ်မှာပါ။ရှီကျင့်ဖျင်ငြိုငြင်မှာစိုးကြတဲ့အတွက် နှစ်ဖက်စလုံးက သေနတ်ပြောင်းဝကနေ ကျည်မထွက်ရဲပေမယ့် နယ်မြေစိုးမိုးရေးကိုကျိတ်လုပ်ရင်း အသံတိတ်ဗုံးတစ်လုံးစီကိုင်ထားကြပါတယ်။

စစ်တပ် အရှက်ကွဲခဲ့တဲ့ ၁၀၂၇ စစ်ဆင်ရေးအလွန် စစ်တပ်နဲ့ MNDAAကြားက ပြဿနာပေါင်းများစွာထဲက အခုနောက်ဆုံးတစ်ခုက ဩဂုတ်လဆန်းမှာ စတင်ပါတယ်။ သီပေါမြို့နယ်ထဲက စာသင်ကျောင်း ၁၇ ကျောင်းကို လုံခြုံရေး စိတ်မချရဘူးဆိုတဲ့အကြောင်းပြချက်နဲ့ သြဂုတ်လဆန်းပိုင်းမှာ စစ်အုပ်စုကပိတ်လိုက်ပါတယ်။အဲ့ဒီထဲမှာMNDAAထိန်း
ချုပ်ဒေသထဲက ကျောင်း ၁၀ကျောင်းပါဝင်ပါတယ်။

ဒီအမိန့်ဟာ တိုင်းမှူးအဆင့်ကမဟုတ်ဘဲ နေ
ပြည်တော်က တိုက်ရိုက်လာတာလို့ ကိုးကန့်သတင်းရင်းမြစ်တွေက ပြောပါတယ်။ ဒါကို MNDAA က အာခံလိုက်ပြီး ကျောင်းတွေကို ပြန်ဖွင့်ဖို့ စီစဉ်ပါတယ်။ အဲ့ဒီခြေအနေမှာပဲ စစ်တပ်ကသြဂုတ်လ၂၉ရက်နေ့မှာ ကျောင်းတွေလာဖွင့်ပြန်ပါတယ်။ ဒါတွေကို သီပေါမြို့က အမတ်ဦးဆောင်ပြီး ဆောင်ရွက်ခဲ့တာလို့ဒေသခံတွေကပြောပါတယ်။

သြဂုတ်လ၃၁ရက်နေ့မှာတော့ သီပေါမြို့နယ်ထဲကဆွတ်လန်း၊မြို့ဟောင်း၊ နမ့်ပျဉ်၊ကောင်းလန်း၊နားညု၊ပန်ညု၊ ဆောင်ကြဲ စတဲ့ အခြေ
ခံပညာအထက်တန်းကျောင်း (၇) ကျောင်းကို ဖွင့်လှစ်မယ်လို့ MNDAAက တရားဝင်ထုတ်ပြန်လာပါတယ်။အထူးဒေသ(၁) ပညာရေးဌာနက ဒေသတွင်း ပညာသင်ကြားမှု အဆက်
မပြတ်စေရေးအတွက် သိန္နီခရိုင်အတွင်းရှိ အခြေခံပညာကျောင်း တွေဆက်လက်ဖွင့်လှစ်နေတယ်လို့ ဆိုပါတယ်။

၂၀၂၅-၂၀၂၆ ပညာသင်နှစ်မှာအလက
(စံလောင်း)၊ အလက (ကုန်းသာ) နဲ့ အလက (နမ့်အွန်) ကျောင်းတွေ ဖွင့်လှစ်ပေးနိုင်ခဲ့ပြီး ယခု ၂၀၂၆-၂၀၂၇ ပညာသင်နှစ်မှာ ကုံးမုံ၊ ကွန်ခိုက်၊ မြို့ဟောင်း၊ ဆွတ်လန်းနှင့် ပန်ညု ဒေသရှိ အခြေခံပညာကျောင်းတွေကို ဆက်
လက်ဖွင့်လှစ်သွားမယ်လို့ ကြေညာပါတယ်။ အဲဒီကျောင်းတွေကို လက်ရှိသင်ရိုးညွှန်းတန်းအတိုင်းသင်ဖို့MNDAA ကစီစဉ်ထားပါတယ်။

"စစ်တပ်က ပြန်ဖွင့်လိုက်တဲ့ကျောင်းတွေကို မနေ့က ကိုးကန့်အရာရှိတွေ၊ ကျောင်းဆရာတွေရောက်လာတယ်။ ဒီကျောင်းတွေကို သူတို့ဆက်ဖွင့်မယ်လို့ပြောတယ်။ ကျတော်ထင်တယ်။ စစ်တပ်ဖက်က ပညာရေးဝန်ထမ်းတွေ ပြန်ထွက်ရလိမ့်မယ်"လို့ သီပေါမြို့ခံတဦးကပြောပါတယ်။

စစ်ကောင်စီရွေးကောက်ပွဲမှာဝင်ရောက်ယှဉ်
ပြိုင်ခဲ့တဲ့သီပေါအမတ်ကလည်း မနေ့က ကျောင်းတွေဖွင့်ခဲ့ပေမယ့် ဒီနေ့တော့ အခက်
အခဲတချို့ရှိနေပြီး ညှိနှိုင်းနေတယ်လို့ လူမှုကွန်ရက်မှာရေးသားထားပါတယ်။ လက်ရှိဖြစ်ပွားနေတဲ့အခြေအနေတွေနဲ့ပတ်သက်လို့ စစ်ကောင်စီရဲ့လုပ်ကိုင်ဆောင်ရွက်ပုံတွေဟာ ဒေသခံပြည်သူတွေအပေါ် စေတနာမဲ့တယ်လို့မြို့ခံတွေကဝေဖန်ပါတယ်။

"အဲဒီဒေသကကိုးကန့် ထိန်းချုပ်ထားတာဆိုပေမယ့် စစ်တပ်ကကျောင်းတွေဖွင့်ခွင့်ရထားတာကနေ လုံခြုံရေးအကြောင်းပြပြီးပိတ်လိုက်တာ။ ကလေးတွေအကုန်ဒုက္ခရောက်ကုန်တယ်။အဲ့ဒီတော့ ကိုးကန့်က ပြန်ဖွင့်မယ်လို့လုပ်ခါမှ စစ်တပ်က ‌ရောက်လာပြန်တယ်။ စေတနာရှိလို့ ကျောင်းလာဖွင့်ပေးတာမဟုတ်ဘူး။ နယ်မြေတွေလက်လွှတ်ရမှာစိုးလို့ လာဖွင့်တာ"လို့ သီပေါဒေသခံတစ်ဦးကပြောပါတယ်။

ဒီဖြစ်ရပ်ကတရုတ်အစိုးရရဲ့ ဖိအားကြောင့် အပစ်ရပ်ပြီး နယ်မြေတွေကိုထိန်းချုပ်နိုင်ရေးအတွက် တိုးတိုးကြိတ်ကြိတ်ဆွေးနွေး နေတာကနေ နှစ်ဘက်ကြား ပြဿနာတွေရှိနေတာကို လူသိရှင်ကြားဖြစ်စေတဲ့ ဒုတိယမြောက် ဖြစ်
ရပ်ပါ။လူသိခဲ့တဲ့ပထမဖြစ်ရပ်ကသီပေါ-လား
ရှိုးလမ်းပိုင်းမှာရှိတဲ့ ဒုဌဝတီတံတား နယ်‌မြေလုပွဲပါ။

တရုတ်နယ်စပ်ကုန်သွယ်ရေးလမ်းကြောင်းပေါ်က ကျောက်မဲနဲ့ လားရှိုးမြို့ကြားမှာရှိတဲ့ သီပေါမြို့ကို တအာင်းအမျိုးသားလွတ်
မြောက်ရေးတပ်မတော်(TNLA)က ၂၀၂၃ ခုနှစ် အောက်တိုဘာလ၂၇ရက်နေ့ကစတင်တဲ့ ၁၀၂၇ စစ်ဆင်ရေးနဲ့အတူ သိမ်းယူခဲ့တာပါ။

၂၀၂၅ အောက်တိုဘာလမှာတော့ တရုတ်အစိုးရရဲ့ ဖိအားကြောင့် TNLAက ဆုတ်ခွာရပြီးစစ်တပ်က ပြန်ဝင်လာခဲ့ပါတယ်။ဒါပေမယ့် ၁နှစ်နီးပါးကြာတဲ့အထိစစ်ကောင်စီအုပ်
ချုပ်ရေးယန္တရားမလည်ပတ်နိုင်သေးသလို မြို့ပြင်ပကကျေးရွာတွေကို MNDAA အပြင် ရှမ်းပြည်တိုးတက်ရေးပါတီ ၊ ရှမ်းပြည်တပ်မတော် (SSPP/SSA)ကပါထိန်းချုပ်ထားပါတယ်။ လားရှိူးနဲ့ သီပေါမြို့ကြားကကျေး
ရွာတွေကိုလည်း MNDAAက ထိန်းချုပ်ထားပြီး မြို့ထဲက ဒုဌဝတီတံတားကိုတောင် စစ်
တပ်က တစ်ခြမ်းပဲ ထိန်းချုပ်နိုင်ပါတယ်။ ဒုဌဝတီတံတားရဲ့သီပေါမြို့ဘက်ခြမ်းကိုစစ်ကောင်စီက တပ်စွဲထားပြီး လားရှိုးမြို့ဘက်ကိုထွက်တဲ့အခြမ်းကို MNDAAက တပ်စွဲထားပါတယ်။

ပြီးခဲ့တဲ့၂၀၂၅ခုနှစ်နိုဝင်ဘာလမှာ လားရှိုးမြိို့အနီးနဲ့ ပြည်‌ထောင်စုလမ်းပိုင်းမှာတပ်စွဲထားတဲ့ MNDAAတပ်တွေဆုတ်ပေးဖို့ စစ်တပ်က တောင်းဆိုခဲ့ပါတယ်။MNDAAက လက်မခံလို့ ဆွေးနွေးပွဲပျက်ခဲ့ပါတယ်။ အဲဒီနောက်ပိုင်း တရုတ်နယ်စပ်နဲ့ MNDAA ထိန်းချုပ် ဒေသတွေကို ဖြတ်လာတဲ့ကုန်ကားတွေကို စစ်တပ်ကဖမ်းဆီးသလို ဒုဌဝတီမြစ်ကူး တံတားကိုလည်း နှစ်ဘက်စလုံးက ပိတ်လိုက်ပါတယ်။ ဒေသခံတွေဟာမြစ်ကူးတံတားရှိလျက်အသုံး
ပြုလို့မရ​တော့ဘဲ စက်လှေနဲ့ ဖြတ်နေကြရပါတယ်။ပြီးခဲ့တဲ့ဇူလိုင်လမှာတော့ ဒုဌဝတီမြစ်
ဆိပ် နှစ်နေရာမှာ ‌သုံးရက်အတွင်း စက်လှေနဲ့ ဖောင်နစ်မြုပ်မှုနှစ်ကြိမ်ဖြစ်ခဲ့ပြီးဒေသခံ
ငါးဦးထက်မနည်း သေဆုံးခဲ့ပါတယ်။

တံတားပြန်ဖွင့်ဖို့ သီပေါအမတ်က စစ်တပ်လွှတ်တော်မှာတင်ခဲ့ပါတယ်။ဒါပေမယ့်လက်
ရှိအချိန်အထိပြန်မဖွင့်ပါဘူး။ တံတားမဖွင့်သေးသလို ကျောင်းတွေဖွင့်ရေးလည်း အ
ခြေအနေတွေရှုပ်ထွေးနေဆဲဖြစ်ပါတယ်။

စစ်တပ်က ပိတ်ခဲ့တဲ့စာသင်ကျောင်းတွေပြန်ဖွင့်ပြီဆိုပြီး သီပေါအမတ်ရဲ့ ပြောဆိုချက်တွေဟာ ဟာသပဲလို့ MNDAA ပြန်ကြားရေးသတင်းရင်းမြစ်က လူမှုကွန်ရက်ပေါ်မှာ လှောင်ပြောင်ထားပါတယ်။ လက်ရှိမှာတော့ ကျောင်းသားအများစု ကျောင်းမတက်ကြသေးဘဲ အခြေအနေကိုစောင့်ကြည့်နေဆဲလို့ သိရပါတယ်။

MNDAAဟာ ၂၀၂၃ အောက်တိုဘာလ ၂၇
ရက်မှာတွင် အာရက္ခတပ်တော်(AA)၊TNLA တို့နဲ့အတူ ရှမ်းပြည်နယ်မြောက်ပိုင်းမှာ ၁၀၂၇
စစ်ဆင်ရေးစတင်ခဲ့ပြီး လားရှိုး၊ လောက်ကိုင်၊ ချင်းရွှေဟော်၊မုန်းကိုး၊ဖောင်းဆိုင်၊ကုန်းကြမ်း
၊ ပန်လုံ၊ ကွမ်းလုံ၊ သိန္နီ၊ တာမိုးညဲ၊ပန်ဆိုင်းမြို့တွေကိုသိမ်းပိုက်ခဲ့ပါတယ်။ တရုတ်အစိုးရရဲ့ဖိအားကြောင့် လားရှိုးမြို့ကို ၂၀၂၅ ခုနှစ် ဧပြီ
လမှာကျည် ၁ ချက်မ​ဖောက်ဘဲ စစ်ကောင်စီထံ ပြန်လွှဲပေးခဲ့ရပါတယ်။

သိန္နီမြို့နဲ့TNLA ဆီကနေပြန်ယူထားတဲ့ကွတ်
ခိုင်မြို့ကိုလည်း ပြန်ပေးဖို့ စစ်ကောင်စီက ဖိအားပေးနေပါတယ်။MNDAAကထိန်းချုပ်မြို့နယ်တွေမှာ အချိန်တိုတိုအတွင်းအုပ်ချုပ်ရေး ယန္တရားတည်​ဆောက်နိုင်ဖို့ အခိုင်အမာပြင်ဆင်ပါတယ်။စစ်ကောင်စီတပ်တွေ လုံးဝကင်းစင်သွားပြီဖြစ်တဲ့အတွက် ကိုးကန့်ဒေသကို အထူးဒေသ(၁) အဖြစ် သတ်မှတ်ထားပြီး မြို့တော်အဖြစ် လောက်ကိုင်နဲ့ ကွတ်ခိုင်၊ သိန္နီ၊လောက်ကိုင်၊ မုံးကိုးခရိုင်ဆိုပြီးခရိုင် (၄) ခု၊ မြို့တော် (၁) ခုအဖြစ် ဖွဲ့စည်းလိုက်တာလို့ ကြေညာထားပါတယ်။

စစ်ကောင်စီကလည်းတရားဝင်သတင်းမထုတ်ပြန်တဲ့ဆွေးနွေးပွဲလမ်းကြောင်းကနေမြို့တွေကိုပြန်တောင်းနေသလို ရှမ်းပြည်နယ်မြောက်ပိုင်းမှာ တိုက်ခိုက်ရေးလေယာဉ်နဲ့ဗုံး
ကြဲလေယာဉ်တွေပျံသန်းပြီး ခြိမ်းခြောက်တာတွေလည်းရှိနေပါတယ်။

ဒါအပြင်စစ်တပ်ကမန္တလေး-မူဆယ်ပြည်
ထောင်စုလမ်းပိုင်းကို ပြန်ထိန်းချုပ်လိုပေမယ့် တော်လှန်ရေးတပ်တွေကလက်မခံတဲ့အတွက်အခြေအနေတွေပိုမိုရှုပ်ထွေးလာလိမ့်မယ်လို့ ရှမ်းမြောက်သတင်းရင်းမြစ်တွေကပြောပါတယ်။မန္တလေး- မူဆယ်ပြည်ထောင်
စုလမ်းပိုင်းမှာ နောင်ချို၊သီပေါ၊ လားရှိုး၊သန္နီ၊ကွတ်ခိုင်၊မူဆယ်မြို့တို့ပါဝင်ပါတယ်။စစ်တပ်က နောင်ချို၊သီပေါ၊ကျောက်မဲ၊ လားရှိုးနဲ့
မူဆယ်မြို့ကိုပဲထိန်းချုပ်ထားနိုင်ပါတယ်။

လားရှိုးမြို့ပတ်ဝန်းကျင်ကကျေးရွာတွေနဲ့သန္နီ၊ကွတ်ခိုင်မြို့ကို MNDAA၊နမ့်ဖက်ကာမြို့ကို ကချင်လွတ်လပ်ရေးတပ်မတော်(KIA)၊
မူဆယ်မြို့နယ်ထဲကနယ်စပ်ကုန်သွယ်ရေးဂိတ်ဖြစ်တဲ့ ကျင်စန်းကျော့နဲ့၁၀၅ မိုင်ကုန်
သွယ်ရေးဇုန်ကိုမြောက်ပိုင်းမဟာမိတ်သုံးဖွဲ့ကထိန်းချုပ်ထားပါတယ်။

မြို့တွေကိုပြန်တောင်းပေမယ့်မရတဲ့အတွက်စစ်တပ်က ကျိတ်မနိုင်ခဲမရဖြစ်နေတာပါ။ နယ်စပ်ကုန်သွယ်ရေးဟာအစိုးရအချင်းချင်းဆောင်ရွက်ရတာဖြစ်လို့ ဘယ်ကြားခံ အဖွဲ့အစည်းမှ မလိုအပ်ဘူးလို့ ပြီးခဲ့တဲ့ ဇူလိုင် ၉ ရက်မှာ စစ်ခေါင်းဆောင်မင်းအောင်လှိုင်က မှုန်ကုတ်ကုတ်မျက်နှာပေးနဲ့ ထုတ်ပြောလာတဲ့အထိပါပဲ။ အဲဒီနောက်ပိုင်းရှမ်းပြည်နယ်မြောက်ပိုင်းက မြို့နယ်တွေမှာ ကင်းထောက်လေယာဉ်နဲ့ဂျက်ဖိုက်တာပျံသန်းမှုတွေ ပိုများလာတယ်လို့ဒေသခံတွေကပြောပါတယ်။

လက်ရှိမှာတော့ သီပေါမြို့နယ်ရဲ့ ဒေသတွင်းအခြေအနေဟာ တိုက်ပွဲခေါ်သံနဲ့ ဆိတ်ငြိမ်မှုကြားမှာ ခေါင်းပန်းလှန်အကဲဖြတ်တဲ့ အကြွေစေ့လိုဖြစ်နေပါတယ်။ ဘောလုံးပွဲတစ်ပွဲမှာ ဘယ်အသင်းက စပေး ဘော အရင်စတင်မလဲဆိုတာကို ဒိုင်လူကြီးက လေထုထဲအကြွေစေ့ပစ်ပြီးဆုံးဖြတ်ပါတယ်။ လေထဲက အ
ကြွေစေ့ ဒိုင်လူကြီးလက်ထဲ ရောက်ပြီး ခေါင်းပန်းသိရဖို့ စက္ကန့်ပိုင်းပဲကြာပါတယ်။ရှမ်းစော်
ဘွားတွေရဲ့ ဟော်နန်းအရိပ်ရှိရာ သီပေါနယ်မှာတော့ ခေါင်းပန်းဆုံးဖြတ်မယ့် အကြွေစေ့ဟာ လေထဲလည်နေဆဲဖြစ်ပါတယ်။ ။

မက်ဆီ အာဂျင်တီးနားလက်​ရွေးစဥ်အသင်းမှအနားယူ​​

သြဂုတ်-၃၁၊၂၀၂၆။People's Spring

ကမ္ဘာ့အ​ကောင်းဆုံး​​ဘောလုံးသမားအဖြစ်
ဘလွန်းဒီ​​​အောစံချိန်တင် ၈ ကြိမ် နဲ့ ၂၀၂၂ ကမ္ဘာ့ဖလား ဆွတ်ခူးထားတဲ့ ကမ္ဘာ​ကျော်​ဘော
လုံးသမားမက်ဆီကနိုင်ငံလက်​ရွေးစင်အ
သင်းက​နေ အနားယူလိုက်ပြီဖြစ်​ကြောင်း​ကြေညာလိုက်ပါတယ် ။

အာဂျင်တီးနားနဲ့ ၂၀၂၆ ကမ္ဘာ့ဖလားဗိုလ်
လုပွဲပြီးတဲ့နောက် အချိန်အများကြီးစဉ်းစားခဲ့ပြီးမှ အနားယူဖို့ဆုံးဖြတ်ခဲ့တာလို့ မက်ဆီက သူရဲ့ ​ဖေစ်ဘွခ် နဲ့ အစ်စတာဂရမ်က​နေအသိ​ပေးပါတယ် ။

"အခုတော့ အာဂျင်တီးနားနိုင်ငံအသင်းကနေ အနားယူတော့မယ်ဆိုတာ အားလုံးကို အသိ
ပေးချင်ပါတယ်။ဒီဆုံးဖြတ်ချက်က ကျွန်တော့်အတွက် အရမ်းနာကျင်ရပါတယ်။ အခုထိလည်း ရင်ထဲမှာ နာကျင်နေဆဲပါ။ ဒါပေမယ့် အနားယူရမယ့်အချိန် ရောက်လာပြီဆိုတာကိုတော့ နားလည်ပါတယ်။ကျွန်တော် ဒီဂျာစီအတွက် အမြဲတမ်း အားကုန်ကြိုးစားခဲ့ပါတယ်။ နောက်ဆုံးနှစ်တွေမှာ အောင်မြင်မှုတွေရခဲ့တဲ့အချိန်တွေမှာတင် မဟုတ်ပါဘူး။ နှစ်ပေါင်းများစွာ ဒီဂျာစီကို ဝတ်ဆင်ပြီး အာဂျင်တီးနားသားတွေ ပျော်ရွှင်ဂုဏ်ယူနိုင်အောင် အစွမ်းကုန်ပေးဆပ်ခဲ့ပါတယ်"လို့မက်ဆီက​ရေးသားထားပါတယ် ။

ခရီးတစ်ခုရဲ့ အဆုံးကို ရောက်လာခဲပြီး ဒီအခန်းကို ပိတ်လိုက်ရတဲ့အတွက်အရမ်းနာကျင်ရတယ်လို့လည်း​ရေးသားထားပါတယ် ။ နိုင်ငံအသင်းနဲ့အတူ ရှိခဲ့ရတာကို အရမ်းချစ်ခဲ့သလို၊ အခုလည်း ချစ်နေဆဲဖြစ်ပြီး နောင်လည်း အမြဲချစ်နေမှာပါလို့​လည်းဆိုပါတယ်။

"ကျွန်တော့်မှာ ထပ်ပေးစရာ ဘာမှမကျန်တော့တဲ့အထိ အားကုန်ပေးဆပ်ခဲ့ပြီးပါပြီ။ အခုလည်း ဒီနေရာနဲ့ထိုက်တန်တဲ့ လူငယ်ကစားသမားကောင်းတွေ ပေါ်လာနေပြီဖြစ်လို့ သူတို့အတွက် နေရာပေးရမယ့်အချိန် ရောက်
လာပါပြီ" လို့သူက​ရေးသားထားပါတယ်။

လက်​ရွေးစင်ကစားသမားဘဝ နှစ် ၂၀​ကျော် အတွင်းချစ်ခင်အားပေးခဲ့ကြတဲ့ အားလုံးကို ကျေးဇူးတင်​ကြောင်းလည်း​ဖော်ပြထားပါတယ်။

ပရိတ်သတ်​တွေရဲ့အားပေးသံတွေကိုအရမ်းလွမ်းနေမှာဖြစ်သလို အခုကစပြီးတော့ မက်ဆီကိုယ်တိုင်လည်းအပြင်ကနေ အာဂျင်တီးနားအသင်းကို အမြဲအားပေးနေမဲ့ပရိတ်သတ်ဖြစ်တော့မယ်လို့လည်း ​ရေးထားပါတယ်။အာဂျင်တီးနားကို အကောင်းဆုံးအချိန်တွေမှာရော၊ ခက်ခဲတဲ့အချိန်တွေမှာပါ အမြဲတမ်း အားပေးနေမှာဖြစ်တယ်လို့လည်း ​ရေးထားပါတယ်။

"ဒီလှပပေမယ့် ခက်ခဲခဲ့တဲ့ခရီးတစ်လျှောက် ကျွန်တော့်အနားမှာ အမြဲရှိပေးခဲ့တဲ့ မိသားစုကို ကျေးဇူးတင်ပါတယ်။ ကျွန်တော်နဲ့အတူ ခရီးတစ်လျှောက် ဖြတ်သန်းပေးခဲ့ကြတဲ့ နည်းပြတွေ၊ အသင်းဖော်တွေနဲ့ တာဝန်ရှိသူတွေအားလုံးကိုလည်း ကျေးဇူးတင်ပါတယ်။ မမေ့နိုင်တဲ့ အမှတ်တရတွေနဲ့ အချိန်ကောင်းတွေကို အမြဲသိမ်းထားမှာပါ"လို့ မိသားစု​တွေကိုအသိအမှတ်ပြု​ရေးထားပါတယ် ။

ဒါအပြင် အသင်း​ဖော်​တွေအတွက်ကိုလည်း
"အသင်းဖော်တွေနဲ့အတူ မင်းတို့အတွက် အိပ်မက်လိုဖြစ်ခဲ့တဲ့ အချိန်တွေကို ဖန်တီးပေးနိုင်ခဲ့တာအတွက် ဂုဏ်ယူပါတယ်။ မင်းတို့နဲ့အတူ ဒီအရာအားလုံးကို ဖြတ်သန်းခွင့်ရခဲ့တာ တကယ်ကို မယုံနိုင်လောက်အောင် အံ့သြစရာကောင်းခဲ့ပါတယ်။အားလုံးကို ချစ်ပါတယ်"လို့​ရေးထားပါတယ်။

အာဂျင်တီးနားသားတစ်ယောက်အဖြစ် မွေးဖွားခွင့်ပေးခဲ့တဲ့ ဘုရားသခင်ကိုလည်းကျေးဇူးတင်ပါသိလို အာဂျင်တီးနား အမြဲ
တမ်းအောင်မြင်ပါစေလို့စာကိုအဆုံးသတ်ထားပါတယ် ။

မက်ဆီဟာဒီစာကိုဗိုလ်လုပွဲပြီး နှစ်ရက်အကြာ၊ ဇူလိုင် ၂၁ ရက်နေ့မှာကတည်းကသူကိုယ်တိုင် ရေးထားတာပါ။ မက်ဆီရဲ့ဖခင်ဟာ သြဂုတ် ၇ ရက်မှာကွယ်လွန်ခဲ့ပြီး ဖခင်မရှိ​တော့တဲ့နောက် လက်​ရွေးစင်အသင်းက​နေ အနားယူမယ့်ဆုံးဖြတ်ချက်ဟာအရင်ကထက် ပိုပြီးခိုင်မာလာတယ်လို့ အသိ​ပေးပါတယ်။

မက်ဆီဟာအာဂျင်တီးနားအသင်းအတွက် ၂၀၇ ပွဲကစားပြီး ၁၂၅ ဂိုးသွင်းယူ​ပေးထားပါတယ် ။ မက်ဆီဟာ​ဘလွန်ဒီ​အောဆု အများဆုံး ၊FIFA ရဲ့ကမ္ဘာ့အ​ကောင်းဆုံး​ဘောလုံးသမားဆုအများဆုံး ၊ ချန်ပီယံဆုဖလား စုစု​ပေါင်း ၄၇ ခု စတဲ့ စံချိန်မှတ်တမ်းများစွာစိုက်ထူထားတဲ့ ဂန္တဝင် ကစားသမားဖြစ်ပါတယ်။
​

မက်ဆီဟာလက်ရှိ​ အ​မေရီကန်က ​မေဂျာလိဂ် ကလပ်အင်တာမိုင်ယာမီမှာ ဆက်ကစား​နေပြီး ကလပ်အသင်းမှာ​တော့ဆက်ကစားဦးမှာဖြစ်ပါတယ်။မက်ဆီဟာ ပ​ရော်ဖက်ရှင်နယ်ကစားသမားဘဝမှာ သွင်းဂိုးစုစု​ပေါင်း ၉၂၇ ဂိုးသွင်းယူထားပြီး ဂိုးဖန်တီးမှု ၄၂၁ ကြိမ်ပြုလုပ်ထားကာ ​ဘောလုံးသမိုင်းတ​လျှောက်
ဂိုးရဖို့ ပါဝင်ပတ်သက်မှု ၁၃၈၄ ဂိုး နဲ့အများဆုံးစံချိန်ရှင်ဖြစ်ပါတယ် ။

ဓါတ်ပုံ-Getty ,Sports illustrated ,leo messi's FB

“ဒီနေ့ဘာဖြစ်ခဲ့လဲ”

ဒီနေ့(သြဂုတ် ၃၁ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️စစ်တပ်ခြေကုပ်စခန်းကုန်းကို KIA ပူးပေါင်းတပ် သိမ်းပိုက်

ကချင်ပြည်နယ်၊ ရွှေကူမြို့နယ်က စစ်တပ် ခြေကုပ်စခန်းကုန်း တစ်ခုကို ကချင်လွတ်လပ်ရေးတပ်မတော်(KIA)ပူးပေါင်းတပ်က တိုက်ခိုက်သိမ်းပိုက်ခဲ့ကြောင်း ကချင်စစ်ရေးသတင်းရင်းမြစ်က ပြောပါတယ်။ ဩဂုတ် ၃၀ရက် မနေ့က ရွှေကူမြို့နယ် ဇင်းဘုံကျေးရွာအနီးရှိ စစ်တပ် ခြေကုပ်စခန်းကုန်းကို KIA ပူးပေါင်းတပ်က သိမ်းပိုက်နိုင်ခဲ့တာလို့ ဆိုပါတယ်။အခုသိမ်းရခဲ့တာဟာ စစ်တပ်က ယာယီခြေကုပ်ယူထားတဲ့နေရာဖြစ်တယ်လို့လည်း ကချင်စစ်ရေးသတင်းရင်းမြစ်က ပြောပါတယ်။ တိုက်ပွဲမှာ ကျဆုံးထိခိုက်နဲ့ လက်နက်ခဲယမ်းရရှိမှု ရှိ၊မရှိ အခြေအနေတွေကိုတော့ လတ်တလော မသိရသေးပါဘူး။

◾️မြောင်နယ် တရားစခန်းလေကြောင်းတိုက်ခိုက်မှု သေဆုံးသူ ၁ဦးထပ်တိုး

စစ်ကိုင်းတိုင်း၊ မြောင်မြို့နယ် ဆွဲလွဲအိုကျေးရွာ တရားစခန်း လေကြောင်းတိုက်ခိုက်ခံရမှုမှာ သေဆုံးသူ ၁ဦးထပ်တိုးပြီး သေဆုံးသူ စုစုပေါင်း ၁၆ ဦးအထိ ရှိလာတယ်လို့ ဒေသခံတွေက ပြောပါတယ်။ ပြီးခဲ့တဲ့ သြဂုတ် ၂၁ရက် ဥပုသ်နေ့ မနက်ပိုင်းမှာ ဆွဲလွဲအိုရွာ ဘုန်းကြီးကျောင်းမှာ ဖွင့်ထားတဲ့ တရားစခန်းကို အာဏာသိမ်းစစ်တပ်က လေကြောင်းတိုက်ခိုက်ခဲ့ရာ အမျိုးသား ၁၁ ဦးနဲ့ အမျိုးသမီး ၃ဦး စုစုပေါင်း ၁၄ ဦး သေဆုံးကာ ၂၈ ဦးလောက် ထိခိုက်ဒဏ်ရာရခဲ့ပါတယ်။ သြဂုတ် ၂၃ ရက်မှာ အမျိုးသမီး ၁ဦးထပ်မံသေဆုံးလို့ သေဆုံးသူ ၁၅ ဦးအထိ ရှိခဲ့ပါတယ်။ သြဂုတ် ၂၉ ရက်မှာတော့ ဒဏ်ရာရထားတဲ့ လူငယ်အမျိုးသား ၁ဦး ထပ်မံသေဆုံးခဲ့တယ်လို့ ဒေသခံတစ်ဦးက ပြောပါတယ်။ ထပ်မံသေဆုံးတာက အသက် ၂၁ နှစ်ဝန်းကျင်အရွယ်ရှိပြီး သူက ဗုံးစမှန်ကာ ဗိုက်ပွင့်သွားခဲ့တာလို့ ဒေသခံက ပြောပါတယ်။ အူဖြတ်ဆက်ထားရာကနေ အသက်ဆုံးရှုံးသွားတာလို့ ဒေသခံက ရှင်းပြပါတယ်။ ဒါ့အပြင် ကျန်တဲ့ ဒဏ်ရာရသူ ၂၆ ဦးဝန်းကျင်ကလည်း ဒီနေ့အထိ ဆက်လက်ဆေးကုသနေရဆဲလို့ သိရပါတယ်။

◾️မင်းတပ်မြို့အနီး စစ်တပ်ဗုံးကြဲမှု ကလေးငယ်တွေ အပါအဝင် ၈ဦး သေဆုံး

ချင်းပြည်နယ်၊ မင်းတပ်မြို့အနီးက ကျေးရွာကို အာဏာသိမ်းစစ်တပ်က ဩဂုတ် ၃၀ရက် မနေ့ ညနေပိုင်းမှာ လေကြောင်းကနေ ဗုံးကြဲခဲ့ရာ မူလတန်းကလေးငယ်အပါအဝင် ပြည်သူ ၈ဦးသေဆုံးကာ ၁၀ဦးကျော် ဒဏ်ရာရရှိခဲ့တယ်လို့ ဒေသခံက ပြောပါတယ်။ စစ်တပ်ဟာ လတ်တလော မင်းတပ်ဒေသမှာ တိုက်ပွဲမရှိဘဲ အကြောင်းမဲ့ဗုံးကြဲတိုက်ခိုက်ခဲ့တာလို့ ဒေသခံက ဆိုပါတယ်။ စစ်တပ်ဟာ ဖျက်အားပြင်း ပေါင် ၅၀၀ ဗုံးလို့ ယူဆရတဲ့ ဗုံး ၄လုံး ကြဲချခဲ့တာဖြစ်ပြီး သေဆုံးသူ ၈ဦးထဲမှာ KG တန်းတက်နေတဲ့ ကလေးငယ်၊ ၉တန်းတက်နေတဲ့ ကလေး နဲ့ သက်ကြီးပိုင်းအဖိုးအဖွားတွေ ပါဝင်တယ်လို့ သိရပါတယ်။ လေကြောင်းတိုက်ခိုက်မှုကြောင့် ပြည်သူလူထုနေအိမ် ၂၀ ခန့် ထိခိုက်ပျက်စီးကာ အချို့ မီးလောင်ပြာကျသွားတယ်လို့ ဆိုပါတယ်။

◾️စစ်တပ်က ရှုံးမဲမဲပြီး ပြည်သူကို ဗုံးကြဲ​လို့ ချင်းတပ်ထုတ်ပြန်

ချင်းပြည်တောင်ပိုင်း မြေပြင်တိုက်ပွဲတွေမှာ အထိနာနေတဲ့ အာဏာသိမ်းစစ်တပ်ဟာ ရှုံးမဲမဲတဲ့အနေနဲ့ အရပ်သားပြည်သူလူထုတွေအပေါ် သူရဲဘောကြောင်စွာ နေ့ညအချိန်မရွေး လေကြောင်းကနေ ဗုံးကြဲတိုက်ခိုက်နေလို့ ထိန်းချုပ်နယ်မြေအတွင်း ပြည်သူတွေအနေနဲ့ လေကြောင်းရန် အထူးဂရုစိုက်ကြဖို့ ထပ်မံ တိုက်တွန်းကြောင်း ချင်းပြည်သူ့အစည်းအရုံး/ချင်းပြည်သူ့တပ်မတော်(CPU/CPA)က သတင်းထုတ်ပြန်ပါတယ်။ ဩဂုတ် ၃၀ရက် ညနေပိုင်းမှာ စစ်တပ်က မင်းတပ်မြို့နယ်၊ ဝုမ်းခုမ်ရွာကို လေကြောင်းတိုက်ခိုက်ခဲ့တာနဲ့ ပတ်သက်ပြီး အသိပေးထုတ်ပြန်ရာမှာ အရပ်သားပြည်သူအများအပြား သေဆုံးထိခိုက်ခဲ့ရကြောင်းအသိပေးထားပါတယ်။ ဝုမ်းခုမ်ရွာမှာ စစ်တပ်လေကြောင်းဗုံးကြဲမှုကြောင့် မူလတန်းကျောင်းသား ၂ဦး ၊ ၉တန်းကျောင်းသူ ၁ဦး ၊ စစ်ရှောင် ၂ဦး၊ သက်ကြီးရွယ်အို အဘိုးအဘွား တွေအပါအဝင် ဒေသခံ ပြည်သူ ၈ဦး သေဆုံးကာ ၁၅ဦးခန့် ဒဏ်ရာရခဲ့တယ်လို့ ထုတ်ပြန်ပါတယ်။ လူနေအိမ်အများအပြား ထိခိုက်ပျက်စီးပြီး အခြားပျက်စီးဆုံးရှုံးမှုများလည်းရှိကြောင်း ဖော်ပြထားပါတယ်။

◾️မလှိုင်မြို့နယ် စစ်တပ် အုပ်ကြီး အပါအဝင် ဒေသခံ ၁၂ဦးအသတ်ခံရပြီးနောက် စစ်ကြောင်း ဝင်လာ

မန္တလေးတိုင်း၊ မလှိုင်မြို့နယ် ထမ္မကြီးရွာမှာ စစ်တပ်ခန့်အုပ်ချုပ်ရေးမှူးလည်းဖြစ်၊ ပျူ​စောထီး​ခေါင်း​ဆောင်လည်းဖြစ်သူ အပါအဝင် ဒေသခံ ၁၂ ဦး ဒီနေ့ သတ်ဖြတ်ခံရပြီး​နောက် စစ်တပ်စစ်​ကြောင်းဝင်ရောက်လာတဲ့အတွက် ဒေသခံတွေ ရှောင်တိမ်းနေရတယ်လို့ ဒေသခံတွေက ပြောပါတယ်။ ဩဂုတ် ၃၁ရက် မနက်မှာ ကား ၄စီးနဲ့ လက်နက်ကိုင်ဆောင်ထားသူတွေ ဝင်လာပြီး ထမ္မကြီးရွာက စစ်တပ်ခန့်အုပ်ချုပ်ရေးမှူး စိုးလင်းထိုက်အပါအဝင် အမျိုးသား၁၀ဦးနဲ့ အမျိုးသမီး၂ ဦးကို သတ်ဖြတ်ခဲ့တာလို့ သိရပါတယ်။ ဒီဖြစ်စဉ်ဖြစ်ပြီးတဲ့နောက် မလှိုင်မြို့ကနေ စစ်တပ်က ကားတွေနဲ့​ ရောက်လာပြီး ရွာထဲဝင်ရောက်လာတာမို့ ဒေသခံပြည်သူတွေ ထွက်ပြေးနေကြတယ်လို့ သိရပါတယ်။ သေဆုံးသူ စိုးလင်းထိုက်ဟာ ၂၀၂၄ခုနှစ်ကတည်းက စစ်တပ်ဖွဲ့စည်းထားတဲ့ ပြည်သူ့စစ်အဖွဲ့ခေါင်းဆောင်တစ်ဦးဖြစ်တယ်လို့ ​ဒေသခံအချို့က​ ပြောပါတယ်။

◾️မြိတ်နယ်မှာ စစ်တပ်စစ်ကြောင်းက အရပ်သား ၂ဦးကို သတ်ဖြတ်

တနင်္သာရီတိုင်း၊ မြိတ်မြို့နယ် မဇောကျေးရွာအုပ်စုကို စစ်တပ်က စစ်ကြောင်းထိုးပြီး အရပ်သား ၂ဦးကို သတ်ဖြတ်ကာ နေအိမ်တွေကို မီးရှို့ဖျက်ဆီးခဲ့ကြောင်း ကရင်အမျိုးသားအစည်းအရုံး(KNU) မြိတ်ထားဝယ်ခရိုင်က သတင်းထုတ်ပြန်ပါတယ်။ ဩဂုတ် ၂၇ရက်မှာ စစ်တပ်က မဇောကျေးရွာအုပ်စုအတွင်း စစ်ကြောင်းထိုးကာ ငါးရပ်အင်းရွာနေ ပြည်သူ အမျိုးသား ၂ဦး သတ်ဖြတ်ခဲ့သလို တုံးဗျောရွာရှိ ပြည်သူလူထု နေအိမ် ၈လုံး မီးရှို့ဖျက်ဆီးခဲ့တယ်လို့ ဆိုပါတယ်။ ဩဂုတ် ၂၈ရက်မှာလည်း ရေခမ်းချောင်းရွာက ပြည်သူလူထုနေအိမ် ၁လုံးကို စစ်တပ်က ထပ်မံမီးရှို့ဖျက်ဆီးခဲ့ကြောင်း ဖော်ပြပါတယ်။ စစ်တပ်ဟာ မဇောကျေးရွာအုပ်စုက ငါးရပ်အင်းကျေးရွာ၊ တုံး‌ဗျောကျေးရွာ၊ ရေခမ်းချောင်းကျေးရွာ၊ ဒူးကျိုးကျေးရွာတွေကို စစ်အုပ်ချုပ်ရေး သတ်မှတ်ထားတာလို့ ဆိုပါတယ်။ အဲဒီအထဲက တုံးဗျောရွာကို အရင်က စစ်တပ်က တပ်စွဲထားတာဖြစ်ပါတယ်။ အဲဒီတပ်စွဲထားတဲ့ စစ်တပ်စခန်းကို KNU မြိတ်ထားဝယ်ခရိုင် တပ်မဟာ(၄)လက်အောက်ခံ ကရင်အမျိုးသားကာကွယ်ရေးတပ်(KNDO) က ဩဂုတ် ၂၄ရက်မှာ ဝင်ရောက်တိုက်ခိုက်ခဲ့ပါတယ်။

◾️ပြည်မနဲ့ ပြည်ပကို ပို့ပေးနေတဲ့ ပွဲစားတွေကို AA ရဲတပ်ဖွဲ့က လူကုန်ကူးမှုနဲ့ အရေးယူ

ရခိုင်ပြည်နယ်မှာ၂၀၂၆ ခုနှစ် ဇန်နဝါရီကနေ ဇူလိုင်အထိ ခုနစ်လအတွင်း လူကုန်ကူးမှုအပါအဝင် ပြည်ပအလုပ်အကိုင် ဆိုင်ရာ ဥပဒေချိုးဖောက်မှုပုဒ်မတွေနဲ့ အမှုပေါင်း ၃၅ မှုကို ဖမ်းဆီးအရေးယူခဲ့တယ်လို့ အာရက္ခတပ်တော်(AA)ရဲ့ ရဲတပ်ဖွဲ့ (DLEPS)က ထုတ်ပြန်ပါတယ်။ ရက္ခိုင်အမျိုးသားအဖွဲ့ချုပ်/အာရက္ခတပ်တော်(ULA/AA)ရဲ့ အမျိုးသားကာကွယ်ရေးဆိုင်ရာအရေးပေါ်ပြဌာန်းချက် (NDEP)ကြောင့် စစ်မှုထမ်းရမှာ စိုးရိမ်တာ၊ ဒေသတွင်း အလုပ်အကိုင်ရှားပါးတာတို့ကြောင့် ပွဲစားတွေရဲ့အကူအညီနဲ့ တောတောင်၊ ချောင်းမြောင်းတွေ ဖြတ်ကျော်ကာ ရခိုင်ပြည်အပြင်ဘက် ထွက်ခွာဖို့ ကြိုးစားရင်း လူကုန်ကူးခံရတာတွေအပြင် စစ်တပ်ရဲ့ ဖမ်းဆီးခံရမှုတွေနဲ့ပါ ကြုံနေကြရတာဖြစ်ပါတယ်။ ရခိုင်ပြည်နယ်အတွင်းက ရန်ကုန်အပါအဝင် ရခိုင်ပြည်ပြင်ပနေရာတွေကို သွားလိုသူတွေနဲ့ ရခိုင်ပြည်ပြင်ပက ရခိုင်ပြည်တွင်းသို့ပြန်လာလိုသူတွေဟာ ပွဲစားတွေနဲ့တဆင့် ချိတ်ဆက်ပြီး သွားလာနေကြပြီး လူတစ်ဦးအတွက် ရခိုင်ကနေ ရန်ကုန်အရောက် ပွဲစားခ ကျပ်သိန်းလေးဆယ်ဝန်းကျင် စျေးရှိနေတယ်လို့ သိရပါတယ်။

◾️မောင်တောတောင်ပိုင်းမှာ AA နဲ့ ARSA တို့ တိုက်ပွဲဖြစ်

ရခိုင်ပြည်နယ်၊ မောင်တောမြို့နယ်တောင်ပိုင်း ကျောက်ပန္ဒူကမ်းခြေအနီး မယူတောင်တန်းပေါ်မှာ ရိုဟင်ဂျာလက်နက်ကိုင်တပ်ဖွဲ့(ARSA)နဲ့ အာရက္ခတပ်တော်(AA)တို့ တိုက်ပွဲဖြစ်ပွားနေပြီး ARSA တပ်ဖွဲ့ဝင်အချို့ကို အရှင် ဖမ်းဆီးရမိထားတယ်လို့ AA သတင်းရင်းမြစ်တွေက ပြောပါတယ်။ ဩဂုတ်၂၉ ရက်က စပြီးမောင်တောမြို့နယ်တောင်ပိုင်း ဂြင်းတောချောင်း၀ရွာအနီးဝန်းကျင်မှာ တိုက်ပွဲစဖြစ်နေခဲ့တာဖြစ်ကာ ဒီနေ့ သြဂုတ် ၃၁ရက်အထိ ပစ်ခတ်မှုတွေ ရှိနေသေးတယ်လို့ သိရပါတယ်။ တိုက်ပွဲအတွင်း ARSA တပ်ဖွဲ့ဝင် ဆယ်ဦးဝန်းကျင်ကို သေနတ်၊ဖောက်ခွဲရေးပစ္စည်းတွေနဲ့အတူ ဖမ်းဆီးရမိခဲ့တယ်လို့လည်း ဒေသခံတွေက ပြောပါတယ်။ အခုတိုက်ပွဲဖြစ်တဲ့ နေရာအနီးဝန်းကျင်မှာ ပြီးခဲ့တဲ့ ၂၀၂၃ ခုနှစ် အစောပိုင်းတုန်းကလည်း ARSA အဖွဲ့ လှုပ်ရှားမှုတွေရှိခဲ့ပြီး AAနဲ့တိုက်ပွဲ ဖြစ်ခဲ့ဖူးပါတယ်။

◾️AAPP ပူးတွဲတည်ထောင်သူ ဦးဘိုကြည် ၂၀၂၆ ရာမွန်မက်ဆေဆေဆု ရရှိ

ဖိလစ်ပိုင်နိုင်ငံ၊ မနီလာမြို့အခြေစိုက် Ramon Magsaysay Award Foundation က ဂုဏ်ပြုချီးမြှင့်တဲ့ ၂၀၂၆ ခုနှစ် ရာမွန်မက်ဆေဆေဆုကို နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP)ပူးတွဲတည်ထောင်သူ ဦးဘိုကြည် ရရှိခဲ့ပါတယ်။ AAPPရဲ့ တွဲဖက်အတွင်းရေးမှူးလည်းဖြစ်သူ ဦးဘိုကြည်ဟာ ၂၀၂၆ ခုနှစ် ရာမွန်မက်ဆေဆေဆု(Ramon Magsaysay Award)ဂုဏ်ပြုချီးမြှင့်ခံရတဲ့အတွက် ဝမ်းမြောက်ဂုဏ်ယူကြောင်း AAPP က ဒီနေ့ သြဂုတ် ၃၁ရက်မှာ ထုတ်ပြန်ပါတယ်။ ဖိလစ်ပိုင်သမ္မတဟောင်း ရာမွန်မက်ဆေဆေကို ဂုဏ်ပြုပြီး ပေးအပ်ချီးမြှင့်တဲ့ Ramon Magsaysay Award ကို ၁၉၅၈ ခုနှစ်မှာ စတင်ခဲ့ပြီး အာရှတိုက်ရဲ့ နိုဗယ်ငြိမ်းချမ်းရေးဆုအဖြစ် တင်စားကြပါတယ်။၂၀၂၆ ခုနှစ်အတွက် ရာမွန်မက်ဆေဆေဆုကို စင်ကာပူနိုင်ငံက တွန်မီကို၊ ဘင်္ဂလားဒေ့ရှ်နိုင်ငံက ရူနာခမ်း၊ မြန်မာနိုင်ငံက ဦးဘိုကြည်တို့ ရရှိကြောင်း ရာမွန်မက်ဆေဆေဆုဖောင်ဒေးရှင်းဥက္ကဋ္ဌ အက်ဂါချူးက ဒီနေ့ ကြေညာပါတယ်။ ရာမွန်မက်ဆေဆေဆုဖောင်ဒေးရှင်းဆုရွေးချယ်ရေးအဖွဲ့ဟာ ၈၈ မျိုးဆက် နိုင်ငံရေးအကျဥ်းသားဟောင်းလည်း ဖြစ်သူ ဦးဘိုကြည်ရဲ့ ဘဝတလျှောက် လုပ်ဆောင်ချက်များကို အမှန်တရား၊ တာဝန်ခံမှုနဲ့ တရားမျှတမှုတို့အတွက် မယိမ်းမယိုင်းဘဲ ကြိုးပမ်းရှာဖွေမှုအဖြစ် အသိအမှတ်ပြုထားကြောင်း ဖော်ပြပါတယ်။

◾️ငါးသိုင်းချောင်း-အိုင်သပြုလမ်းမှာ​​ လှေမှောက်၊ ဒေသခံနှစ်ဦးပျောက်ဆုံးနေ

ဧရာဝတီတိုင်း၊ ငါးသိုင်းချောင်း-အိုင်သပြုလမ်းမှာ ဒီနေ့ မနက်ပိုင်းက ဒေသခံတွေ လိုက်ပါလာတဲ့ လှေတစ်စီးတိမ်းပြီး နှစ်ဦး ပျောက်ဆုံးနေပါတယ်။ ငါးသိုင်းချောင်း-အိုင်သပြုလမ်းဟာ ရေမြုပ်နေပြီး ကား၊ဆိုင်ကယ်တွေ ဖြတ်လို့မရလို့ ဒေသခံတွေဟာ ‌လှေတွေနဲ့သာ သွားလာနေကြတာပါ။ ​လှေ​ပေါ်ပါသူ တစ်ဦးကို ကယ်တင်နိုင်​ပေမယ့် ပျောက်ဆုံးနေသူ ၂ ဦးနဲ့ပတ်သက်တဲ့ အသေးစိတ်အချက်အလက်ကို မသိရသေးပါဘူး။ ဒေသခံလူမှုကူညီ ရေးအဖွဲ့ဖြစ်တဲ့ ကရုဏာကမ်းလက်အဖွဲ့ကလည်း ပျောက်ဆုံးနေသူနှစ်ဦးကို ရှာဖွေနေတယ်လို့ လူမှုကွန်ရက်ကတဆင့် အသိပေးထားပါတယ်။

◾️မိုးကြီးနိုင်လို့ စက်တင်ဘာလဆန်းမှာ ရေဘေးအန္တရာယ်ဆက်ရှိ

အနောက်တောင်မုတ်သုံလေအားကောင်းနေတာနဲ့ လေဖိအားနည်းရပ်ဝန်းအရှိန်ကြောင့် စက်တင်ဘာလဆန်းမှာ မိုးကြီးနိုင်တဲ့အတွက် ရေဘေးအန္တရာယ်ဆက်လက်သတိပြုဖို့ အမျိုးသားညီညွတ်ရေးအစိုးရ NUG လူမှုရေးရာ၊ အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနက ထုတ်ပြန်ပါတယ်။ သြဂုတ် ၃၁ရက်ကနေ စက်တင်ဘာ ၆ရက်အထိ မြန်မာနိုင်ငံဒေသအများအပြားမှာ မိုးရွာနိုင်ပြီး စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်နဲ့ ရခိုင်ပြည်နယ်တို့မှာ နေရာကွက်ပြီး မိုးကြီးနိုင်တယ်လို့ သတိပေးထားပါတယ်။ ဘင်္ဂလားပင်လယ်အော်မှာ ဖြစ်နေတဲ့ လေဖိအားနည်းရပ်ဝန်းလည်း ပိုအားကောင်းလာနိုင်သလို တချိန်တည်းမှာ အနောက်တောင်မုတ်သုံလေ အားကောင်းရာကနေ အားအလွန်ကောင်းနိုင်ပြီး နေရာကွက် မိုးကြီးနိုင်တယ်လို့ သတိပေးထားပါတယ်။ လက်ရှိရာသီဥတုအခြေအနေအရ နောက်ဆက်တွဲ ရေကြီးရေလျှံခြင်း၊ တောင်ကျချောင်းရေစီးဆင်းခြင်း၊ ကမ်းပါးပြိုမြေပြိုခြင်းနဲ့ လျှပ်တစ်ပြက် ရေကြီးခြင်းတွေ ဖြစ်ပေါ်နိုင်တဲ့အတွက် အထူးသတိပြုနေထိုင်ဖို့လည်း တိုက်တွန်းထားပါတယ်။

◾️စစ်ကိုင်း-မြစ်ကြီးနားလမ်းပိုင်းမှာ စစ်တပ်က ပေါ်တာဆွဲကြမ်းနေ

စစ်ကိုင်း-‌ ရွှေဘို-မြစ်ကြီးနားလမ်းပိုင်းမှာ စစ်တပ်က ပေါ်တာဆွဲတာတွေ ကြမ်းနေလို့ အခုရက်ပိုင်းတွေမှာ လူငယ်အမျိုးသား၊ အမျိုးသမီးတွေ သွားလာဖို့ မသင့်သေးဘူးလို့ ကားသမားတွေက ပြောပါတယ်။ ကောလင်းနဲ့ ရွှေဘိုမြို့နယ်ကြားမှာ စစ်တပ်က စစ်ဆေးရေး ၇ဂိတ်ဆက်တိုက်ရှိတဲ့ ပေကြီးလမ်းပိုင်းမှာ ကားပေါ်ပါလာတဲ့ ခရီးသည်လူငယ်အမျိုးသား၊ အမျိုးသမီးတွေကို ပေါ်တာဆွဲနေတာလို့ ယာဥ်မောင်းတွေက ပြောပါတယ်။ ပေကြီးလမ်းပိုင်းမှာ အခုတလော ပေါ်တာ အရမ်းဆွဲနေပြီး မိန်းကလေးတွေပါ ဆွဲတာလို့ ယာဥ်မောင်းသူတစ်ဦးက ပြောပါတယ်။

◾️မဟာအောင်မြေမှာ ပျူစောထီးတွေက ပစ္စည်းပို့သမားဆီက ငွေလု

မန္တလေးမြို့၊ မဟာအောင်မြေမြို့နယ်မှာ စစ်တပ်လက်အောက်ခံ ပျူစောထီးတွေက ပစ္စည်းပို့သမား (Delivery)တစ်ဦးဆီကနေ ငွေနဲ့ ဖုန်းတွေ ခြိမ်းခြောက်လုယူသွားကြောင်း Voice Of Mandalay အဖွဲ့က ပြောပါတယ်။ သြဂုတ် ၂၉ ရက် ည ၁၁နာရီဝန်းကျင်က မန္တလေးမြို့၊ မဟာအောင်မြေမြို့နယ်၊ စိန်ပန်းရပ်ကွက်၊ ၃၅ လမ်း၊ ၉၀ လမ်းနဲ့ ကန်ပတ်လမ်းကြား၊ မဟာစည်ဘုန်းကြီးကျောင်းအရှေ့ဘက်လမ်းသစ်မှာ နံပတ်ပြားမပါတဲ့ အဖြူရောင် Mark II ကားနဲ့ ကားပေါ်မှာ သေနတ်တွေ ၊ ဓါးတွေပါတဲ့ ပျူစောထီး ၅ဦး ရောက်ရှိလာကြောင်း၊ အဲဒီနောက် ပစ္စည်းပို့သမား အသက် ၂၀ အရွယ် လူငယ်ဆီကနေ ငွေကျပ် (၄) သိန်းကျော်နဲ့ဖုန်း (၂) လုံး ခြိမ်းခြောက် လုယူသွားကြောင်း မန္တလေးမြေပြင်ကင်းထောက်အဖွဲ့ ဖြစ်တဲ့ Voice Of Mandalay အဖွဲ့က ပြောပါတယ်။ အဲဒီပျူစောထီးတွေဟာ ဘယ်မြို့နယ်ကအဖွဲ့ ဆိုတာတော့ မသိရသေးပါဘူး။ မန္တလေးမြို့မှာ အာဏာသိမ်းစစ်တပ်လက်အောက်ခံ ပျူစောထီးတွေဟာ လိုင်းကြေးတောင်းတာ၊ လူငယ်တွေကို ပေါ်တာဆွဲတာ၊ ပစ္စည်းလုယက်တာတွေ လုပ်နေပါတယ်။

◾️မုံရွာ မီးလောင်မှု အဘိုးအို ၁ဦး သေဆုံး

မုံရွာမြို့မှာ ဩဂုတ်၃၀ရက် ညက မီးလောင်ကျွမ်းမှုဖြစ်ပွားခဲ့ရာ အသက် ၈၀ ကျော်အရွယ် အဘိုးအို ၁ ဦး နေအိမ်အတွင်းပိတ်မိပြီး မီးလောင်သေဆုံးခဲ့ကြောင်း ဒေသခံတွေက ပြောပါတယ်။ မနေ့က ည ၁၁နာရီခန့်က မုံရွာမြို့၊ ချမ်းမြဝတီရပ်ကွက်၊ မနောသုခလမ်းမှာ မီးလောင်မှုဖြစ်ပွားခဲ့တာလို့ ဒေသခံအချို့က ပြောပါတယ်။ အဘိုးကတော့ တစ်ကိုယ်လုံးနီးပါး လောင်သွားတယ်လို့ ကြားသိရကြောင်းနဲ့ မုံရွာအခြေအနေက ဆိုးနေတော့ အပြင်ထွက်မကြည့်ရဲကြောင်း မြို့ခံတစ်ဦးက ပြောပါတယ်။