■အ​တွေးအမြင်

ကပ်ဘေးတွေ ဘယ်လိုကျော်ကြမလဲ

ဗေဒါ/People's Spring

ဗုဒ္ဓဘာသာမှာ ကပ်ကြီး သုံးပါးဆိုတာ ရှိပါတယ်။ ဒုဗ္ဘိက္ခန္တရကပ်၊ သတ္ထန္တရကပ်၊ ရောဂန္တရကပ်တဲ့။ အဓိပ္ပါယ်ကတော့ အများသိပြီးသား ငတ်မွတ်ခေါင်းပါးခြင်းဆိုတဲ့ ဒုဗ္ဘိက္ခန္တရကပ်၊ စစ်မက်ဘေး၊ အချင်းချင်း သတ်ဖြတ်ခြင်းဆိုတဲ့ သတ္ထန္တရကပ်၊ ကူးစက်ရောဂါဘေးဆိုတဲ့ ရောဂန္တရကပ်တွေပါ။

ကျနော်တို့ပထမဆုံး စတင်ရင်ဆိုင်ခဲ့ရတာက ရောဂန္တရကပ်ပါ။၂၀၂၀ ပြည့်နှစ်က တစ်ကမ္ဘာလုံးဆိုင်ရာ ကပ်ဘေးတစ်ခုဖြစ်တဲ့ ကို
ဗစ်ရောဂါဆိုးကြီး ကျနော်တို့နိုင်ငံကိုလည်း ရောက်ရှိလာခဲ့ပါတယ်။ ကိုဗစ် ပထမလှိုင်းနဲ့ ဒုတိယလှိုင်းတွေမှာ အဲဒီအချိန်က အုပ်ချုပ်တဲ့ NLD အစိုးရအစီအမံနဲ့ ပြည်သူတွေရဲ့ ပူးပေါင်းပါဝင်မှုတွေကြောင့် တခြားနိုင်ငံတွေနည်းတူ အသေအပျောက်ရှိပေမယ့် ဆိုးဆိုး
ရွားရွားကြီး ဖြစ်မသွားခဲ့ပါဘူး။

၂၀၂၁ ခုနှစ် စစ်တပ်အာဏာသိမ်းပြီးချိန်မှာတော့ ကိုဗစ်တတိယလှိုင်းက ဝင်ဆောင့်ပါပြီ။ စစ်တပ်က နိုင်ငံဘအာဏာလုရေးကိုပဲ စိတ်
ဝင်စားခဲ့တာကြောင့်ပြည်သူတွေကိုဗစ်
ကြောင့် အဖိတ်အစင် များခဲ့ရတယ်။ စစ်တပ်သာအာဏာမလုခဲ့ရင်ပြည်သူတွေအဲလောက် မဆုံးရှုံးနိုင်ဘူး။

စစ်တပ်အာဏာသိမ်းပြီးချိန်ကနေ ဒီကနေ့အထိ ပြည်သူတွေ နောက်ထပ်ရင်ဆိုင်နေရတာက သတ္ထန္တရကပ်ပါ။တိုက်ပွဲ​တွေကြားညပ်လို့သေတဲ့ပြည်သူထက် အာဏာသိမ်းစစ်တပ်က တမင်ကို ရည်ရွယ်ချက်ရှိရှိ သတ်
ဖြတ်လို့ သေဆုံးခဲ့ရတဲ့ပြည်သူတွေက ထောင်​သောင်းချီရှိခဲ့တယ်။ ဒီကနေ့အထိလည်း ရှိနေဆဲပဲ။

ဒီကြားထဲမှာလည်း သဘာဝဘေးဆိုးအမျိုးမျိုး ကြုံနေရပါတယ်။ စစ်ကိုင်းငလျင်ကြီးဆို
မြန််မာ့သမိုင်းတ​လျှောက် ​လူ​သေဆုံးပျက်
စီးဆုံးရှုံးမှု အများဆုံး စံချိန်တင်ပြီးကြုံလိုက်ကြရတယ်။ အပျက်အစီးပုံ​တွေရဲ့အောက်မှာ
ကူပါကယ်ပါတစာစာ အကူအညီ​တောင်းခံ​ပေမယ့် အာဏာသိမ်းစစ်တပ်က ပြည်သူ​တွေကယ်ဖို့ထက် ဗုံးကြဲဖို့ ၊ငလျင်အ​ကြောင်းပြုနိုင်ငံ​ရေးအမြတ်ထုတ်ဖို့ပဲ လုံးပမ်း​နေတာ​ကြောင့်အဖိုးတန်အသက်​တွေအများကြီးဆုံးရှုံးခဲ့ရတယ် ။

ဒီကြားထဲ မီးဘေး၊ ရေဘေး၊ မုန်တိုင်းဘေး နှစ်စဥ် မပျက်မကွက် ခံနေကြရတယ်။ သူခိုးဓါးပြဘေးကလည်း ပေါမှပေါ။ ဒီခေတ်လောက် ရန်သူမျိုးငါးပါးဘေးစုံတာ ရှိပါဦးမလား။ မကြားဖူးတဲ့ လူသေဆုံးမှုတွေ၊ သတ်
ဖြတ်မှုတွေ နေ့စဥ် ကြုံနေကြရတယ်။ လက်ရှိလည်း ရေဘေးကြောင့် စစ်ကိုင်း၊ မကွေး၊ ဧရာဝတီ စတဲ့ဒေသတွေမှာ လူပေါင်းသိန်းချီရေဘေးသင့်နေတယ်။ စိုက်ပျိုးသီးနှံပေါင်း ဧကသိန်းချီ ပျက်စီးတယ်။

ငတ်မွတ်ခေါင်းပါးတဲ့ ဒုဗ္ဘိက္ခန္တရကပ်ကလည်း လာနေပါပြီ။
မြန်မာနိုင်ငံမှာ ပဋိပက္ခတွေ၊ နေရပ်စွန့်ခွာရမှုတွေ၊ စီးပွားရေးကျပ်တည်းမှု၊ စားနပ်ရိက္ခာဈေး နှုန်းမြင့်တက်မှုတွေနဲ့ ထပ်ခါတလဲလဲဖြစ်ပေါ်နေတဲ့ သဘာဝဘေးအန္တရာယ်တွေကြောင့် လူဦးရေ ၁၂ ဒသမ ၄ သန်းခန့် ဆာလောင်မွတ်သိပ်မှုနဲ့ ရင်ဆိုင်နေရတယ်လို့ ကုလ သမဂ္ဂ ကမ္ဘာ့စားနပ်ရိက္ခာအစီအစဉ် (WFP) က သတိပေးထားတယ်။

စစ်တပ်အာဏာသိမ်းတာကကော ဒီကပ်တွေကို ပိုပြီးဆိုးသွားစေပါသလားလို့မေးလာရင် ဟုတ်ပါတယ်လို့ ဖြေရမှာပါ။

နံပါတ် တစ်အချက်။ အရေးပေါ် တုံ့ပြန်နိုင်စွမ်းနဲ့ ကြိုတင်ပြင်ဆင်မှု အားနည်းသွားပါတယ်။ အာဏာသိမ်း စစ်တပ်ဟာ လူထုအ
ကျိုးပြု လုပ်ငန်းတွေ၊ သဘာဝဘေး ကြိုတင်ပြင်ဆင်ရေးနဲ့ ကျန်းမာရေးစနစ်တွေထက် စစ်တိုက်ဖို့ ၊ဗုံးကြဲဖို့ နဲ့ သူတို့လုံခြုံရေးပိုင်းကိုသာ အဓိက ဦးစားပေး သုံးစွဲလာကြပါတယ်။

သတင်းအချက်အလက် ပွင့်လင်းမြင်သာမှု
မရှိတော့ပါဘူး။ ဘေးအန္တရာယ်တစ်ခု ကျရောက်တော့မယ် သို့မဟုတ် ရောဂါပိုးမွှား ကူးစက်ပျံ့နှံ့နေပြီဆိုတဲ့ အချက်အလက်တွေကို အချိန်မီ ထုတ်ပြန်ပေးဖို့ ပျက်ကွက်တာ၊ ဖုံးကွယ်တာတွေကြောင့် ပြည်သူတွေအနေနဲ့ ကြိုတင်ကာကွယ်မှုတွေ အချိန်မီ မလုပ်နိုင်ကြတော့ပါဘူး။ အနီးစပ်ဆုံး ဥပမာပေးရရင် စစ်ကိုင်းတိုင်းရေဘေးဖြစ်စေခဲ့တဲ့သဖန်းဆိပ်ဆည်က ရေဖောက်ချမယ်ဆိုတာကို အာဏာ
သိမ်းစစ်တပ်က ပြည်သူကို လုံးဝ ကြိုတင်အသိပေးတာ မရှိခဲ့ပါဘူး။

နံပါတ် ၂အချက်။ လူသားချင်းစာနာထောက်
ထားမှုဆိုင်ရာ အကူအညီတွေ ပေးအပ်ဖို့ ခက်
ခဲသွားပါတယ်။​လမ်းပန်းဆက်သွယ်ရေးနဲ့ လုံခြုံရေး အတားအဆီးတွေကြောင့် ပဋိပက္ခဒေသတွေနဲ့သဘာဝဘေးဒဏ်(ဥပမာ- ရေကြီးတာ၊ မုန်တိုင်းတိုက်တာ) ခံရတဲ့နေရာတွေကို နိုင်ငံတကာ အကူအညီတွေ၊ ဒေသန္တရ လူမှုကူညီရေးအသင်းအဖွဲ့တွေ သွားရောက်ကူညီဖို့ အဟန့်အတားတွေ များပြားစေပါတယ်။ စစ်ကိုင်းရေဘေးမှာဆိုရင် စစ်တပ်က တား
မြစ်ထားလို့ ရေဘေးအကူအညီတွေ ရောက်သင့်သလောက်မရောက်ခဲ့ပါဘူး။

​ဒုက္ခသည်နဲ့ အိုးအိမ်စွန့်ခွာရသူတွေ မြင့်တက်လာစေခဲ့ပါတယ်။ တိုက်ပွဲတွေကြောင့် နေရပ်စွန့်ခွာ ထွက်ပြေးရသူတွေနဲ့ စစ်ဘေးရှောင်တွေ တိုးပွားလာတာဟာ ကျပ်တည်းတဲ့ အ
ခြေအနေမှာ ကပ်ဘေးဒဏ်ကို ပိုမိုခံရလွယ်စေပြီး ကျန်းမာရေးနဲ့ စားနပ်ရိက္ခာ အကျပ်
အတည်းတွေကိုပါ ဆက်စပ်ဖြစ်ပေါ်စေပါတယ်။

နံပါတ် ၃ အချက်။ ကျန်းမာရေးနဲ့ စီးပွားရေးစနစ်ပြိုလဲသွားတာပါ။နိုင်ငံရေးကြောင့် ကျန်း

မာရေးစနစ် ရပ်တန့်သွားတာ၊ ဆေးဝါးပြတ်
လပ်တာ၊ ဆေးရုံဆေးခန်းတွေနဲ့ ကျန်းမာရေးဝန်ထမ်းတွေ မရှိတော့တာက ကပ်ရောဂါတွေသို့မဟုတ် ကျန်းမာရေးကပ်ဘေးတွေကို ပိုမိုဆိုးရွာစေပါတယ်။လတ်တ​လောမှာကို ရန်ကုန်မြို့နဲ့ ​ဒေသအချို့မှာ ဝမ်း​ရောဂါ​တွေဖြစ်ပွားပြီး လူ​သေဆုံးမှု​​တွေရှိ​နေပါတယ် ။

​နောက်ပြီး စီးပွားရေး ကျဆင်းလာတာနဲ့အမျှ ပြည်သူတွေရဲ့ နေ့စဉ် ရပ်တည်ရေး ကျပ်
တည်းလာပြီး၊ ကပ်ဘေးတစ်ခု ကျရောက်
လာချိန်မှာ ကိုယ်တိုင် ရင်ဆိုင်ဖြေရှင်းနိုင်စွမ်းလုံးဝ မရှိတော့ပါဘူး။

စစ်တပ်အာဏာသိမ်းထားတဲ့ ကျနော်တို့နိုင်ငံ ဒီကပ်ဆိုးကြီးတွေကို ဘယ်လိုကျော်ကြမလဲ။ နောက်ထပ်လည်း ကပ်ဘေးတွေက ထပ်ခါကျော့ကာ လာဖို့ ပြင်ဆင်နေကြပြီ။ ကျနော်တို့ ဘယ်လိုရင်ဆိုင်ကြမလဲ။

ရှင်းပါတယ်။ပြည်သူကိုတန်ဖိုးထား ပြည်သူကိုကာကွယ်​ပေးပြီး ၊ တရားသဖြင့်အုပ်ချုပ်
မယ့် အစိုးရတစ်ရပ် ပေါ်ထွန်းလာဖို့ပါ။ မင်းကျင့်တရားနဲ့အညီ အုပ်ချုပ်မယ့်သူ ရမှသာ ကပ်ဘေးတွေ ပိုဆိုးမလာအောင်၊ နောက်ဆုံး ရပ်တန့်သွားအောင် လုပ်နိုင်မှာဖြစ်ပါတယ်။

ဂေါတမဗုဒ္ဓက ဟောခဲ့တာကတော့ ကပ်​ဘေးတွေဖြစ်တာဟာ လူသားတွေ စိတ်ဓာတ်နဲ့ အ
ကျင့်တရားတွေယိုယွင်းလာတဲ့အခါ၊ လောဘ
ဒေါသမောဟ ဖုံးလွှမ်းလာတဲ့အခါ ဖြစ်ပွားလာတတ်ပါသတဲ့။ မင်းကျင့်တရားနဲ့အညီ အုပ်ချုက်မယ့်သူကိုရဖို့ ကျနော်တို့ကိုယ်တိုင်သည်လည်း ပြည်သူ့ကျင့်ဝတ်တွေ လိုက်နာမှသာ ကျနော်တို့နဲ့တန်တဲ့ အစိုးရတစ်ရပ်ကို ရရှိလာမှာဖြစ်ပါတယ်။ပြည်သူ​တွေဟာ ကိုယ်နဲထိုက်တန်တဲ့ အစိုးရသာရတယ်ဆိုတဲ့ ​ဆိုရိုးကလည်းရှိပါတယ် ။ဒါကြောင့် ကျွန်​တော်တို့မြန်မာပြည်သူ​တွေနဲ့ ထိုက်တန်တာဟာ ကိုယ်ပြည်သူကိုနေ့စဥ်သတ်ဖြတ်ပြီး ပြည်သူကိုဒုက္ခ​ပေးဖို့အမြဲကြံစည်​​နေတဲ့ မင်း​အောင်လှိုင်ဖက်ဆစ် စစ်အုပ်စုလို ကမ္ဘာ့အယုတ်ညံဆုံးစစ်အာဏာရှင်​တွေ မဟုတ်ဘူးဆိုတာ သက်​သေပြနိုင်ဖို့ ပြည့်သူတာဝန်​တွေကို ကိုယ်နိုင် ရာထမ်းကြဖို့လိုပါတယ် ။

​သေချာတာက​တော့ ကျွန်​တော်တို့ပြည်သူ​တွေ အ​ကြောက်ကြီးလို့​တော့မဖြစ်ပါဘူး။ အ​ကြောက်တရားက ​အောင်မြင်မှုဆီကိုဘယ်​တော့မှမပို့​ဆောင်​ပေးနိုင်ပါဘူး။ ​လူတန်ဖိုးနဲ့အညီ ​နေထိုင်ရှင်သန်ရတဲ့ ဘဝ​​တွေရဖို့ဆိုရင် ရည်မှန်းချက်​မြင့်မားဖို့လိုသလို အဲတာကိုအရယူနိုင်ဖို့ ကျွန်​တော်တို့ရဲရင်ကြဖို့လည်းလိုပါတယ် ။ ။

အာဏာသိမ်းစစ်တပ်က သြဂုတ် ၂၄ ရက် နံနက်မှာ ပလက်ဝမြို့နယ် ၊စိမ်းညှင်းဝရွာကိုဗုံးကြဲခဲ့ရာ မူလတန်းက​လေးငယ်များစာသင်​နေ​တဲ့ ဘုန်းကြီး​ကျောင်းကိုပါ ဗုံးကြဲခဲ့တာ​ကြောင့်က​လေးငယ်​တွေအပါအဝင် ၅ ဦး​သေဆုံး၊ ၁၇ ဦးဒဏ်ရာခဲ့ပါတယ်။စစ်တပ်ဗုံးကြဲလို့ ဘုန်းကြီး​ကျောင်းရှိ ဂေါတမဗုဒ္ဓက
ပဉ္စဝဂ္ဂီ ၅ ပါးကို တရား​ဟောကြား​နေဟန်ရုပ်ပွား​တော်များဗုံးထိမှန်ပျက်စီးစဥ်။
ဓါတ်ပုံ-AA Infodesk

လင်းလင်း နဲ့ ချစ်သုဝေ တို့ရဲ့ Theatre 21

ဩဂုတ်-၂၅၊၂၀၂၆။ဆဏ်း/People's Spring

နွေဦးတော်လှန်ရေးမှာ ကျဆုံးသွားသူတွေရဲ့ မိသားစုတွေကိုမမေ့လျော့ကြဖို့အဓိကရည်
ရွယ်တဲ့ Theatre 21 (ပြဇာတ် ၂၁)ဖျော်ဖြေပွဲကို အောက်တိုဘာ ၁၀ရက်မှာ အမေရိကန်နိုင်ငံမေရီလန်းမှာ ပြုလုပ်မယ်လို့​​ကြေညာပါတယ်။

ဒီပွဲက နွေဦးတော်လှန်‌ရေးမှာ ကျဆုံးသူ‌တွေရဲ့ မိသားစုတွေအပါအဝင် CDM မိသားစုတွေနဲ့ ပညာရေးရင်းနှီးမြှုပ်နှံဖို့ ရည်ရွယ်ပြုလုပ်တာဖြစ်ပြီး တော်လှန်အနုပညာရှင် လင်းလင်း နဲ့ ချစ်သုဝေတို့ ပါဝင်ဖျော်ဖြေမှာပါ။

ဒီပွဲရဲ့ ပိုစတာမှာ နွေဦးတော်လှန်‌ရေး စတင်ခဲ့ချိန်ကနေ ဒီနှစ် ဇွန် ၁၆ အထိပြုစုထားတဲ့ ကျဆုံးသူ ၈၀၀၀ ကျော်ရဲ့ နာမည် ၊ အသက်တွေကိုရေးသားထားတယ်လို့ ပွဲစီစဉ်တဲ့ Maryland Music Concert က အသိပေးထုတ်ပြန်တာဖြစ်ပါတယ်။

"Theatre 21 Album ထဲက သီချင်းတွေ တခွေလုံးဆိုမှာပါ။ရိုက်ကူးရေးလုပ်ပါမယ်။ ဖုန်းနှင့်ရိုက်ခွင့်မပြုပါ။ ရှိုးပွဲပြီး မကြာခင်မှာ လက်မှတ်နှင့် Onlineပြသပါမယ်။ပြသပြီး
မကြာခင် ခွေထုတ်ရောင်းပါမယ်။ သေတဲ့အထိ သိမ်းဆည်းရမယ့် ပစ္စည်းအချို့ပါပါမယ်။" လို့ ဒီဖျော်ဖြေပွဲ နဲ့ ပတ်သက်ပြီး လင်းလင်းက ရေးသားထားပါတယ်။

Theatre 21 ခေါင်းစဉ်နဲ့ ပြုလုပ်တဲ့ ပွဲတွေ အွန်လိုင်း ပြသမှုတွေကနေ ရရှိလာတဲ့ အကျိုး
အမြတ်‌တွေအားလုံးကို ကျဆုံးရဲဘော်တွေရဲ့ ကျန်ရစ်မိသားစုတွေ ၊ ခပ်မာမာ ဖြတ်သန်းနေဆဲ CDM မိသားစုတွေနဲ့ ပညာရေးအတွက် ရင်းနှီးမြှုပ်နှံမယ်လို့ လင်းလင်းက တရားဝင်အသိပေးထားပါတယ်။

ကျဆုံးရဲဘော်တွေရဲ့မိသားစုတွေနဲ့ CDM မိ
သားစုတွေအတွက် မြေပြင်က မိတ်ဆွေတွေရဲ့ အကူအညီနဲ့ စာရင်းပြုစုပြင်ဆင်နေတယ်လို့ ဆိုပါတယ်။

"တော်လှန်ရေးမြေပြင်ထဲက ပညာတော်ပြီး ဘွဲ့ရတဲ့အထိဆက်လက်သင်ယူခါ နိုင်ငံအ
တွက် တာဝန်ပြန်ထမ်းမယ့် လူငယ်၃ ဦးကို နိုင်ငံခြားပညာတော်သင်လွှတ်မှာပါ။တိုင်းရင်းသားတဦး၊ ယောက်ျားလေးတဦး၊ မိန်းကလေးတဦးပါ။ ကျနော်ထိစပ်ယုံကြည်ရတဲ့ မြေပြင် ပညာရေးCDM လူကြီးသူမများက လူငယ် ၂၀၀ကျော်ထဲကနေ ရွေးချယ်ထားတာပါ။" လို့ ပညာရေးရင်းနှီးမြှုပ်နှံမှုနဲ့ ပတ်
သက်ပြီး လင်းလင်းက အသိပေးထားပါတယ်။

Theatre 21 က လင်းလင်းရဲ့ ခြောက်ခွေမြောက် တစ်ကိုယ်တော်ခွေ ဖြစ်ပြီး ပြီးခဲ့တဲ့နှစ် အောက်တိုဘာ ၂ ရက်ကဖြန့်ချိခဲ့တာပါ။

ဒီအခွေထွက်တဲ့ အချိန်ကလည်းExclusive Package ရောင်းချရာမှာ ကျဆုံးရဲဘော်တွေရဲ့ နာမည်တွေရေးထိုးထားတဲ့ ပဝါတွေထည့်ပေးခဲ့ပါတယ်။

ကျဆုံးရဲဘော်တွေရဲ့ နာမည်တွေကို လင်းလင်းကိုယ်တိုင်လည်း သူ့ရဲ့ခန္ဓာကိုယ်ပေါ်မှာ တတ်တူးတွေရေးသားထားတာပါ။

လင်းလင်း နဲ့ ချစ်သုဝေတို့က ၂၀၂၅ မှာ ရောင်နီ နာမည်နဲ့ အမေရိကန်နိုင်ငံ က မြို့ ၁၁ မြို့မှာ ဖျော်ဖြေပွဲတွေပြုလုပ်ပြီး အမေရိကန်ဒေါ်လာ ၇သိန်းခွဲကျော်ကို အရေးပေါ်သဘာဝဘေးနဲ့စစ်ရှောင်များ ၊ ကျန်းမာရေး ၊ ပညာ
ရေး နဲ့ တောင်ပေါ်တောင်အောက် လူ့အခွင့်
အရေးလှုပ်ရှားမှု တွေအတွက်ပံ့ပိုးခဲ့တယ်လို့ ထုတ်ပြန်ထားပါတယ်။

လက်ရှိမှာလည်း လင်းလင်းက သူ့ရဲ့ YouTube ‌Members တွေနဲ့ Facebook Subscriptions Groupကရရှိတဲ့ ငွေတွေကို မြေပြင်ကCDM တွေအတွက် ပို့ဆောင်ပေးနေပါတယ်။

လီဒိုလမ်းပိုင်းမှာ စစ်တပ်ယာဉ်တန်းကို KIA ကြားဖြတ်တိုက်ခိုက်၊ စစ်တပ်ထိခိုက်မှုရှိ

ဩဂုတ်၂၆၊၂၀၂၆။ ထားမြတ်/People’s Spring

ကချင်ပြည်နယ်၊ မြစ်ကြီးနား-တနိုင်းသွား လီဒိုလမ်းမပေါ်မှာ စစ်တပ်ယာဉ်တန်းကို ကချင်လွတ်လပ်ရေးတပ်မတော်(KIA)က ကြားဖြတ်တိုက်ခိုက်ခဲ့ရာ ထိခိုက်မှုရှိခဲ့တယ်လို့ ကချင်စစ်ရေးသတင်းရင်းမြစ်က ပြောပါတယ်။

လီဒိုလမ်းမပေါ်က နောင်းမီကျေးရွာအဝင်မှာ စစ်တပ် ယာဉ် ၆ စီးပါ ယာဉ်တန်းကို KIA ပူးပေါင်းတပ်က ကြားဖြတ်တိုက်ခိုက်ခဲ့ရာ စစ်တပ်က ၁၀ဦး သေဆုံးခဲ့ကြောင်း ကချင်စစ်ရေးသတင်းတွေ ဖော်ပြနေတဲ့ 7Stars News ရဲ့ သတင်းနဲ့ပတ်သက်ပြီး အခုလို အတည်ပြုပေးတာပါ။

စစ်တပ်ယာဉ်တန်းဟာ ဩဂုတ် ၂၅ရက်မနက်မှာ မြစ်ကြီးနားမြို့က ထွက်ခွာလာတာဖြစ်ပြီး တနိုင်းဒေသအခြေစိုက် KIA တပ်မဟာ(၂) တပ်ရင်း(၁၄) တပ်ဖွဲ့ဝင်တွေက ကြားဖြတ်တိုက်ခိုက်ခဲ့တာလို့ ဆိုပါတယ်။

အဲဒီတိုက်ခိုက်မှုနဲ့ပတ်သက်ပြီး ကချင်သတင်းရင်းမြစ်အချို့ကလည်း လူမှုကွန်ရက်မှာ ရေးသားထားရာ စစ်တပ်ဘက်က ခမရ (၃၁၈)တပ်ရင်းမှူးကိုယ်တိုင် လိုက်ပါလာတဲ့ ယာဉ်တန်းလို့ ဖော်ပြထားပါတယ်။

KIA တပ်မဟာ(၂) တပ်ရင်း(၁၄)ဟာ ဩဂုတ် ဒုတိယပတ်ကလည်း လီဒိုလမ်းမပေါ်က စစ်တပ် လက်အောက်ခံ မင်းဇေသန့်ဦးဆောင်တဲ့ ဝါရာဇွပ်ပြည်သူ့စစ်တပ်ဖွဲ့ နေရာကို တိုက်ခိုက်ခဲ့ရာ စစ်ကောင်စီလက်ပါးစေအချို့ ထိခိုက်မှုရှိခဲ့ပါတယ်။

KIAနဲ့ စစ်တပ်ဟာ ကချင်ပြည်နယ် ရွှေကူမြို့နယ်မှာလည်း တိုက်ပွဲတွေ နေ့တိုင်းဖြစ်ပွားနေပြီး အခု ရက်ပိုင်း တိုက်ပွဲတွေမှာ စစ်တပ်ဘက်က အထိနာလျက်ရှိတယ်လို့ စစ်ရေးသတင်းရင်းမြစ်အချို့က ပြောပြပါတယ်။

(ကချင်လွတ်လပ်ရေးတပ်မတော်(KIA)က ရဲဘော်တစ်ဦး ပစ်ခတ်နေတာကို တွေ့ရစဉ်။ ဓာတ်ပုံ - Padang Nsen/FB)

◾️Photo News

ဩဂုတ်၂၆၊၂၀၂၆/People’s Spring

ကချင်ပြည်နယ်၊ မြစ်ကြီးနား-တနိုင်းသွား လီဒိုလမ်းမပေါ်မှာ စစ်တပ်ယာဉ်တန်းကို ကချင်လွတ်လပ်ရေးတပ်မတော်(KIA)ပူးပေါင်းတပ်က ကြားဖြတ်တိုက်ခိုက်ခဲ့ရာ မီးလောင်ပျက်စီးသွားတဲ့ စစ်တပ်ယာဉ်တန်းက ကား ၁စီး ဖြစ်ပါတယ်။

လီဒိုလမ်းမပေါ်က နောင်းမီကျေးရွာအဝင်မှာ စစ်တပ် ယာဉ် ၆ စီးပါ ယာဉ်တန်းကို KIA ပူးပေါင်းတပ်က ကြားဖြတ်တိုက်ခိုက်ခဲ့ရာ စစ်တပ်က ၁၀ဦး သေဆုံးခဲ့ကြောင်း ကချင်စစ်ရေးသတင်းရင်းမြစ်က ပြောပါတယ်။

စစ်တပ်ယာဉ်တန်းဟာ ဩဂုတ် ၂၅ရက်မနက်မှာ မြစ်ကြီးနားမြို့က ထွက်ခွာလာတာဖြစ်ပြီး တနိုင်းဒေသအခြေစိုက် KIA တပ်မဟာ(၂) တပ်ရင်း(၁၄) တပ်ဖွဲ့ဝင်တွေက ကြားဖြတ်တိုက်ခိုက်ခဲ့တာလို့ ဆိုပါတယ်။

ဓာတ်ပုံ - Lung Jung LA N/FB

မြိတ်မြို့နယ်က တုံးဗျောရွာစစ်တပ်စခန်း KNDO တိုက်ခိုက်မှု စစ်သားတွေ လက်နက်ထား ထွက်ပြေး

ဩဂုတ် ၂၆၊ ၂၀၂၆။ ထားမြတ်/People’s Spring

တနင်္သာရီတိုင်း၊ မြိတ်မြို့နယ် မဇောကျေးရွာအုပ်စု တုံးဗျောရွာမှာ တပ်စွဲထားတဲ့ စစ်တပ်ကို ကရင်အမျိုးသားအစည်းအရုံး(KNU) တပ်မဟာ(၄)လက်အောက်ခံ ကရင်အမျိုးသားကာကွယ်ရေးတပ်(KNDO) က ဝင်ရောက်တိုက်ခိုက်ခဲ့ရာ လက်နက် ၄လက် သိမ်းရခဲ့တယ်လို့ KNU မြိတ်ထားဝယ်ခရိုင်က သတင်းထုတ်ပြန်ပါတယ်။

ဩဂုတ် ၂၄ရက် မွန်းလွဲပိုင်းမှာ တုံးဗျောရွာအတွင်း တပ်စွဲထားတဲ့ စစ်ကောင်စီတပ်သားတွေကို KNDO တပ်ရင်း(၇) တပ်ခွဲ(၃)က ဝင်ရောက်တိုက်ခိုက်ခဲ့တာလို့ ဆိုပါတယ်။

“ပြောက်ကျားနည်းနဲ့ ဝင်တိုက်တာ” လို့ KNU မြိတ်ထားဝယ်ခရိုင် သတင်းရင်းမြစ်က ပြောပါတယ်။ စစ်သားတွေ လက်နက်ထားထွက်ပြေးသွားတာဖြစ်ကြောင်း အသိပေးပြီး တိုက်ပွဲမှာ ထိခိုက်ကျဆုံးမရှိဘူးလို့ ပြောပါတယ်။

အဲဒီ စစ်ဆင်ရေးမှာ စစ်သားတွေဆီက MA1(၁) လက်၊ MA2(၂)လက်၊ MA11(၁)လက်နဲ့ ခဲယမ်းအချို့ သိမ်းရခဲ့ကြောင်း KNU မြိတ်ထားဝယ်ခရိုင်က ထုတ်ပြန်ပါတယ်။

အခု တိုက်ပွဲဖော်ဆောင်ခဲ့တဲ့ တုံးဗျောရွာဟာ KNU အုပ်ချုပ်နယ်မြေ သတ်မှတ်ချက်အရ မြိတ်ထားဝယ်ခရိုင် လယ်မူလားမြို့နယ်အတွင်းမှာ တည်ရှိတာပါ။

KNU တပ်မဟာ(၄) တပ်ဖွဲ့ဟာ အခုနှစ်မေလကုန်ပိုင်းကလည်း လယ်မူလားမြို့နယ် လယ်ဖဒို(ကျောက်လုံးကြီး)ရွာ အခြေစိုက် စစ်တပ်စခန်းကို တိုက်ခိုက်သိမ်းပိုက်ခဲ့ပါတယ်။ အဲဒီတုန်းကလည်း အင်အား ၈၀ ကျော်ရှိတဲ့ စစ်ကောင်စီတပ်ဖွဲ့ဝင်အားလုံးနီးပါး ထွက်ပြေးသွားလို့ စခန်းကို သိမ်းနိုင်ခဲ့တာလို့ တပ်မဟာ(၄) သတင်းရင်းမြစ်က ပြောကြားထားပါတယ်။

ဓာတ်ပုံ - KNU - Mergui-Tavoy District

တနင်္သာရီမှာ တိုက်ပွဲဖြစ်နေ

ဩဂုတ်-၂၆၊၂၀၂၆။မိုမို/People's Spring

တနင်္သာရီမြို့နယ်မှာ အာဏာသိမ်းစစ်တပ်နဲ့ တော်လှန်ရေးပူးပေါင်းတပ်တွေ တိုက်ပွဲဖြစ်နေတယ်လို့ မြိတ်ခရိုင်အမှတ် (၃)တပ်ရင်းက ထုတ်ပြန်ပါတယ်။

လက်ရှိစစ်ရေးနယ်‌မြေတွေဖြစ်တဲ့ ဗောဓိကမ်း၊ ဘန်လင်၊ ဘန်လော၊ ငါးမိုင်၊ ခြောက်မိုင်၊ ကျွဲထိန်းကုန်း၊ ဆင်ခေါင်း၊ သကျက် နဲ့ တောင်ဘီးရွာ စတဲ့ ကျေးရွာတွေက ဒေသခံတွေအနေနဲ့ ဘေးလွတ်‌ရာကြိုတင်ရှောင်တိမ်းဖို့လည်း တိုက်တွန်းထားပါတယ်။

စစ်တပ်စစ်ကြောင်းထိုးနေတာကြောင့် စစ်ရေးတင်းမာနေတာဖြစ်ပြီး စစ်တပ်က ပြည်သူတချို့ကို လူသားဒိုင်းအနေနဲ့ ဖမ်းဆီးခံထားတယ်လို့ အသိပေးပါတယ်။

ဒါ့အပြင် နှစ်ဖက်တိုက်ပွဲဖြစ်ချိန်မှာ ပြည်သူတွေ ထိခိုက်မှုမရှိစေဖို့လည်း သတိပေးပါတယ်။

"အကြမ်းဖက်စစ်တပ်မှ ခေါ်ယူပြီး လူသားဒိုင်းအဖြစ် အသုံးပြုနေသည့်အထဲတွင် သာမန်ပြည်သူအနည်းငယ်သာပါရှိပြီး စစ်တပ်သတင်းပေး ဒေါက်တိုင်များ ပိုမိုများပြားပါနေကြောင်း သိရှိထားရ"လို့ မြိတ်ခရိုင်အမှတ် (၃)တပ်ရင်းတာ၀န်ရှိသူက ပြောပါတယ်။

အာဏာသိမ်းစစ်တပ်စစ်ကြောင်းထိုးနေတဲ့ နေရာတွေဟာ တနင်္သာရီမြစ်အနီးအောက်ဘက်ခြမ်းဒေသတွေ ဖြစ်ပြီး ခမရ(၅၆၁)တပ်ရင်းနဲ့ ဆက်စပ်တဲ့နေရာတွေလို့ သိရပါတယ်။

တနင်္သာရီမြစ်ကနေတဆင့် ညောင်ပင်ကွင်းကျေးရွာက ခမရ (၅၆၁)တပ်ရင်းကို စစ်တပ်က ရိက္ခာလမ်းကြောင်းပို့ နေရတာဖြစ်ပါတယ်။အခုနှစ် ၂၀၂၆ မေလကလည်း အဲဒီလမ်းပိုင်းမှာ တိုက်ပွဲဖြစ်ခဲ့တာရှိပါတယ်။

တနင်္သာရီမြို့မှာ အာဏာသိမ်းစစ်တပ်လက်‌အောက်ခံ အမှတ်(၁၃)စစ်ဆင်ရေးကွပ်ကဲမှု ဌာနချုပ် ခမရ -၅၅၇ ၊ ၅၅၈ နဲ့ ၅၆၁ တပ်ရင်းတွေ အခြေစိုက်ထားပါတယ်။

ဓာတ်ပုံ - People's Defence Force - မြိတ်ခရိုင်တပ်ရင်း ၃

စစ်တပ်ကို အရေးယူမှုတွေ တိုးမြှင့်ဖို့ ဩစတြေးလျအစိုးရကို FSU တိုက်တွန်း

သြဂုတ်-၂၆၊ ၂၀၂၆။ People’s Spring

အာဏာသိမ်းမြန်မာစစ်တပ်အပေါ် အရေးယူမှုတွေ မြှင့်တင်ပေးဖို့ ဩစတြေးလျအစိုးရကို ကမ္ဘာလုံးဆိုင်ရာအလုပ်သမားသမဂ္ဂများအဖွဲ့ချုပ် (UNI Global Union)အဖွဲ့ဝင်ဖြစ်တဲ့ ဘဏ္ဍာရေးကဏ္ဍအလုပ်သမားသမဂ္ဂ (FSU)က တောင်းဆိုလိုက်ပါတယ်။

အာဏာသိမ်းမှုကြောင့် ပေါ်ပေါက်လာတဲ့ နောက်ဆက်တွဲ ၅ နှစ်ကြာ ပြည်တွင်းစစ်မှာ လူသန်းပေါင်းများစွာ အိုးအိမ်စွန့်ခွာ ထွက်ပြေးရတာ၊ စားနပ်ရိက္ခာ အခက်အခဲ ကြုံတာ၊ လူသားချင်း စာနာမှုဆိုင်ရာ အကျပ်အတည်းတွေနဲ့ ရင်ဆိုင်ရတာတွေ ခံစားနေရကြောင်း FSUက ဆိုပါတယ်။ အဲဒီ အခြေအနေတွေကို ရပ်တန့်နိုင်ဖို့အတွက် ဩစတြေးလျ အစိုးရ အနေနဲ့ အာဏာသိမ်း မြန်မာစစ်တပ်အပေါ် ပိုမိုတင်းကျပ်တဲ့ အရေးယူမှုတွေ ဆောင်ရွက်ပေးဖို့ FSUက တောင်းဆိုခဲ့တာပါ။

ဩဂုတ် ၁၈ ရက်နေ့တုန်းက FSUရဲ့ ထုတ်ပြန်ချက်ထဲမှာတော့ မြန်မာနိုင်ငံရဲ့ ဗဟိုဘဏ်အပေါ် စီးပွားရေးအရ ပိတ်ဆို့ အရေးယူဖို့လည်း ပါဝင်ခဲ့ပါတယ်။ FSUရဲ့ အတွင်းရေးမှူး ဂျူလီယာ အန်ဂရီဆာနိုက မကြာသေးခင်က ဩစတြေးလျ အလုပ်သမားပါတီ (ALP)က ကြီးမှူးခဲ့တဲ့ အစည်းအဝေး တစ်ခုမှာ မြန်မာ စစ်အာဏာရှင်တွေအပေါ် ဩစတြေးလျ အခြေစိုက် အဖွဲ့အစည်းတချို့နဲ့ ဘဏ်တွေက ဘယ်လိုဘယ်ပုံ ထောက်ပံ့ကူညီပေးနေသလဲ ဆိုတာကို FSUက တင်ပြ ဆွေးနွေးခဲ့ကြောင်း ပြောပါတယ်။

ဥပမာ ဩစတြေးလျနှင့် နယူးဇီလန် ဘဏ်လုပ်ငန်းအုပ်စု (ANZ)က မြန်မာနိုင်ငံမှာ လုပ်ငန်းတွေ ဆက်လည်ပတ်နေတာမျိုးကို ထောက်ပြခဲ့ပြီး ပိုမိုတင်းကျပ်တဲ့ စီမံကိုင်တွယ်မှုတွေ ရှိသင့်တယ်လို့ ALPကို အကြံပြုခဲ့ကြောင်း သူက ဆိုပါတယ်။

အစည်းအဝေးမှာတုန်းကတော့ အလုပ်သမား သမဂ္ဂတွေက ဘဏ်လုပ်ငန်းဆိုင်ရာ မူဝါဒတွေမှာ ဝင်မပါသင့်ဘူးဆိုတဲ့ ဝေဖန်မှုတွေ ရှိခဲ့ပေမယ့် FSUဟာ အခြေခံကျကျ ဆွေးနွေး ထောက်ပြခဲ့တာ ဖြစ်ကြောင်း၊ ဘဏ်လုပ်ငန်း စနစ်တွေဟာ ဒီမိုကရေစီ တည်တံ့ရေးကို အားပေးနိုင်သလို တခြားမျက်နှာစာမှာတော့ အာဏာရှင် အစိုးရတွေ ဆက်လက် တည်တံ့နိုင်အောင်လည်း ပံ့ပိုးပေးနိုင်တယ်လို့ အက်ဂရီဆာနိုက ပြောကြားသွားပါတယ်။

မြန်မာနိုင်ငံ ဗဟိုဘဏ်ဟာ အာဏာသိမ်း စစ်တပ်ရဲ့ ဝင်ငွေလမ်းကြောင်းတွေအတွက် ပင်မ နှလုံးသွေးကြော ဖြစ်နေပြီး စစ်အာဏာရှင်တွေအတွက် ငွေကြေး အရင်းအမြစ်တွေ ရှာဖွေပေး၊ စီမံခန့်ခွဲပေးနေတာကြောင့် ထိထိရောက်ရောက် အရေးယူပေးဖို့ အစိုးရကို FSUက တောင်းဆိုခဲ့တာဖြစ်ကြောင်း သူက ဆိုပါတယ်။

FSUဟာ မြန်မာစစ်တပ်နဲ့ စစ်ခေါင်းဆောင်တွေ ပိုင်ဆိုင်တဲ့ စီးပွားရေးလုပ်ငန်းတွေနဲ့ ဘဏ္ဍာရေး ကွန်ရက်တွေကို ပိုမို ဖိအားပေး ပိတ်ဆို့အရေးယူဖို့၊ စစ်တပ်အတွက် လေယာဉ်ဆီ ဝယ်ယူရရှိနိုင်မယ့် လမ်းကြောင်းတွေကို ဖြတ်တောက်ဖို့၊ မြန်မာနဲ့ ပတ်သက်လို့ စောင့်ကြည့် လေ့လာနေတဲ့ အပြည်ပြည်ဆိုင်ရာ အလုပ်သမား အဖွဲ့ ယန္တရားတွေကို ထောက်ခံဖို့၊ ယုံကြည်စိတ်ချရတဲ့ ပြည်တွင်းပြည်ပ မိတ်ဖက် အဖွဲ့အစည်းတွေကနေတဆင့် မြန်မာနိုင်ငံကို လူသားချင်း စာနာမှု အကူအညီတွေ ပေးပို့ဖို့၊ မြန်မာ့ဒီမိုကရေစီ ရုန်းကန် လှုပ်ရှားမှုကို အားပေး ကူညီဖို့လည်း ဩစတြေးလျ အစိုးရကို တိုက်တွန်းသွားခဲ့ပါတယ်။

ကိုးကား: UNI Global Union

ရသေ့တောင်က စစ်တပ်ဗုံးကြဲတဲ့နေရာအနီးက နွားတွေ ရုတ်တရက် သေဆုံးနေ

▪️မသင်္ကာဖွယ်ရာဖြစ်ရပ်အဖြစ် သတ်မှတ်ပြီး စစ်ဆေးနေကြောင်း AA ကျန်းမာရေးဌာန ထုတ်ပြန်

ဩဂုတ် ၂၄၊ ၂၀၂၆။ ခိုင်မြတ်/ People's Spring

ရသေ့တောင်မြို့နယ်အတွင်း စစ်တပ်က ဗုံးကြဲချခဲ့တဲ့ နေရာတွေနဲ့ ပတ်ဝန်းကျင်အနီး စားကျက်တွေမှာ လွှတ်ထားတဲ့ နွားတွေအကြောင်းအရင်းမရှိဘဲ ရုတ်တရက် တကောင်ပြီး တကောင် သေဆုံးနေတာကြောင့် အကြောင်းအရင်းကို စစ်ဆေးနေတယ်လို့ အာရက္ခတပ်တော် (AA)ရဲ့ကျန်းမာရေးဌာနက ဩဂုတ် ၂၅ ရက်မှာ ထုတ်ပြန်ပါတယ်။

အရင်က အဲဒီနေရာတွေမှာ အခုလို တိရစ္ဆာန်တွေ သေဆုံးတဲ့ ဖြစ်စဉ်မျိုးမရှိခဲ့ဘဲ စစ်တပ်ဗုံးကြဲပြီးနောက်မှသာ အဲဒီ ဝန်းကျင်စားကျက်တွေမှာ တွေ့လာရတာလို့ ဆိုပါတယ်။

အခုလို နွားတွေသေဆုံးနေရတာနဲ့ပက်သက်လို့ AA ကျန်းမာရေးဌာန၊ မှုခင်းရေးရာ ဆေးပညာဌာနခွဲအနေနဲ့ ထူး ခြားဖြစ်စဉ်၊ မသင်္ကာဖွယ်ရာ ဖြစ်ရပ်တခုအဖြစ်သတ်မှတ်ပြီး အထူးဂရုပြုစစ်ဆေးနေကာ သေဆုံးရတဲ့အကြောင်းအ ရင်းကို စစ်ဆေးအဖြေရှာဖွေ၊ ထုတ်ပြန်သွားမယ်လို့ AA ကျန်းမာရေးဌာနက ဆိုပါတယ်။

“ဗုံးကနေတဆင့် ဓါတုအဆိပ်သင့်တာ ဖြစ်နိုင်တယ်။ ဗုံးကြဲပြီး ကျန်ခဲ့တဲ့ အဆိပ်ငွေ့တွေ လေထဲပြန့်သွားတာ၊ ယမ်း မှုန့်တွေ၊ ခဲဓါတ်တွေ စားကျက်ထဲပြန့်သွားတာတွေပေ့ါ။ နောက် အစာအိမ်လမ်းကြောင်းဆိုင်ရာရောဂါတွေကြောင့် လည်း သေနိုင်တယ်။ မြက်နုတွေထဲမှာ နိုက်ထရိတ်ဓါတ်အလွန်များပြီးတော့ အဆိပ်သင့်တာမျိုး” လို့ တိရိစ္ဆာန် ဆေးကုဆရာဝန်တဦးက ပြောပါတယ်။

လက်ရှိမှာ စစ်တပ်က ရခိုင်ပြည်နယ်ကို လေကြောင်းကနေ ဗုံးကြဲတိုက်ခိုက်တာ၊ လက်နက်ကြီးနဲ့ပစ်ခတ်တာတွေနေ့စဉ်နဲ့အ မျှ လုပ်ဆောင်နေပြီး ဗုံးကြဲချခံရတဲ့နေရာတွေမှာ ဗုံးသီးထဲ ပါဝင်တဲ့ ယမ်းတွေဟာ မိုးရာသီဖြစ်တဲ့အတွက် မိုးရေနဲ့ အတူ ပတ်ဝန်းကျင်နေရာတွေကိုပျံ့နှံ့ ရောက်ရှိသွားတတ်ကြောင်း၊ ဗုံးကြဲဖြစ်စဉ်တွေဖြစ်ပြီးတဲ့နောက် အဆိပ် သင့် မှုဖြစ်စဉ်တွေ ဖြစ်လေ့ဖြစ်ထရှိတတ်ကြောင်း AA ကျန်းမာရေးဌာန ထုတ်ပြန်ချက်မှာ ပါရှိပါတယ်။

အခုလိုမျိုး ကျွဲ၊နွား တိရစ္ဆာန်တွေသေဆုံးနေတာတွေ့ခဲ့ရင် နီးစပ်ရာအုပ်ချုပ်ရေးဌာန၊ DLEPS(ရဲ)ဌာနတို့ကို ချက် ချင်း အကြောင်းကြားကြဖို့နဲ့ လေကြောင်းတိုက်ခိုက်ခံရတဲ့နေရာအနီးတဝိုက်က အသီးအနှံ၊ စားသောက်ဖွယ်ရာ တွေကို စားသောက်တာ၊ ကျွဲ၊ နွား၊ ဆိတ်၊ ဝက်၊ ကြက်စတဲ့တိရစ္ဆာန်တွေကို ဗုံးကြဲခံရတဲ့နေရာတွေအနီး လွှတ် ကျောင်းတာ မလုပ်ကြဖို့လည်း တိုက်တွန်းထားပါတယ်။
စစ်တပ်ဟာ ရခိုင်ပြည်နယ်အတွင်းက မြို့နယ်တွေကို နေ့စဉ်နီးပါး လေကြောင်းကနေ ဗုံးကြဲတာတွေ လုပ်နေပြီး အပြစ်မဲ့အရပ်သားတွေနဲ့ ကျွဲ၊ နွားတိရစ္ဆာန်သေဆုံးရမှုတွေ ဆက်တိုက်ရှိနေတာပါ။

ကရင်နီပြည်နယ် ဒီမော့ဆိုမြို့နယ်အနောက်ခြမ်းမှာလည်း ပြီးခဲ့တဲ့ ၂၀၂၅ မေလအတွင်းက စစ်တပ်ဗုံးကြဲမှု ကြောင့် ဗုံးကြဲပြီးနာရီပိုင်းအတွင်း ဒေသခံအချို့ မူးဝေတာ၊ အန်တာစတဲ့ အဆိပ်သင့်မှုတွေ ခံစားခဲ့ကြရတယ်လို့ ဒေသခံတွေက ပြောထားကြပါတယ်။

ဒ့ါအပြင် ရှမ်းပြည်နယ်တောင်ပိုင်း မိုးဗြဲမြို့တိုက်ပွဲအတွင်းမှာလည်း စစ်တပ်က အဆိပ်ငွေ့ဗုံးတွေအသုံးပြုတိုက် ခိုက်ခဲ့တဲ့အပြင် မြို့အနီးချောင်းနဲ့ မြောင်းတွေမှာ အဆိပ်ရည်တွေထည့်ထားခဲ့တယ်လို့ ကရင်နီပူးပေါင်းတပ်ဖွဲ့ဝင်တွေက ပြောထားပါတယ်။

(ရသေ့တောင်မှာ သေဆုံးနေတဲ့ နွားတွေကို တွေ့ရစဉ်။ ဓာတ်ပုံ - APM)

သရက်ချောင်းမြို့နယ်က ဒေသခံတွေရဲ့ ကားနဲ့ ဆိုင်ကယ်တွေ စစ်တပ် သိမ်းယူ၊ နေအိမ်တွေ မီးရှို့

ဩဂုတ် ၂၆၊ ၂၀၂၆။ ထားမြတ်/People’s Spring

တနင်္သာရီတိုင်း၊ သရက်ချောင်းမြို့နယ်က ကျေးရွာတွေကို စစ်ကြောင်းထိုးလာတဲ့ စစ်တပ်ဟာ ဒေသခံတွေပိုင်ဆိုင်တဲ့ ကားအချို့နဲ့ ဆိုင်ကယ်တွေကို ယူဆောင်သွားသလို နေအိမ်အချို့ကိုလည်း မီးရှို့ဖျက်ဆီးခဲ့ကြောင်း ကရင်အမျိုးသားအစည်းအရုံး(KNU) မြိတ်ထားဝယ်ခရိုင်က သတင်းထုတ်ပြန်ပါတယ်။

ဩဂုတ် ၁၀ရက်ကနေ ၂၀ရက် အတွင်း စစ်တပ်က သရက်ချောင်းမြို့နယ်က ကျေးရွာတွေကို စစ်ကြောင်းထိုး တာ၊ လူ့အခွင့်အရေးချိုးဖောက်မှုတွေ ကျူးလွန်တာ စတဲ့ အခြေအနေတွေကို အသိပေးဖော်ပြထားတာဖြစ်ပါတယ်။

စစ်တပ်ဟာ သရက်ချောင်းမြို့နယ် တောင်ဇင်းကျေးရွာအုပ်စုအတွင်းရှိ ရှင်မုတ္ထီး၊ ရောင်းမော်ရွာမှတစ်ဆင့် ဆေးဖြတ်ကုန်းရွာ၊ ကင်းရှေ့ရွာ၊ မိုးရွှေကုန်းရွာ၊ စော်ဖျားရွာ၊ ကျောက်လှေကားရွာ၊ ကထီးဝရွာ၊ ထီးဖဒို(ပဒတ်ချောင်း)ရွာ၊ လော်မူဖ(လောင်းမင်းဘ)ရွာ တို့အတွင်းသို့ စစ်ကြောင်းထိုး ဝင်ရောက်လာခဲ့ပြီး ပြည်သူလူထုများအား ရန်သူ သဖွယ်ပစ်မှတ်ထားတိုက်ခိုက်တာ၊ လူသားဒိုင်းအဖြစ် ဖမ်းဆီးတာတွေ လုပ်ဆောင်ခဲ့ကြောင်း ဖော်ပြပါတယ်။

ပြည်သူတွေကို ဖမ်းဆီးပြီး လမ်းပြခိုင်းတာ၊ ထမင်းချက်ခိုင်းတာတွေ စစ်တပ်က လုပ်ဆောင်ခဲ့တယ်လို့ ဆိုပါတယ်။

ဒါ့အပြင် ထီးဖဒို(ပဒတ်‌ ချောင်း)ရွာအတွင်းရှိ ပြည်သူပိုင် ကား ၂စီး၊ ထော်လာဂျီ ၂စီး၊ ဆိုင်ကယ် အစီး (၃၀)တို့အား ယူဆောင်သွားသလို ကထီးဝကျေးရွာ အတွင်းရှိ နေအိမ် (၁)လုံးနဲ့ ကျောက်လှေကားကျေးရွာအတွင်းရှိ နေအိမ် (၄)လုံး တို့အား မီးရှို့ဖျက်ဆီးခဲ့ကြောင်း ထုတ်ပြန်ပါတယ်။

စစ်တပ် လက်နက်ကြီးပစ်ခတ်မှုကြောင့် ကျောက်လှေကားရွာက နေအိမ် ၁လုံး ပျက်စီးခဲ့ကြောင်းလည်း ဖော်ပြပါတယ်။

အာဏာသိမ်းစစ်တပ်ဟာ အာဆီယံဘုံသဘောတူညီချက်ကို လိုက်နာဆောင်ရွက်ခြင်း မရှိဘဲ နိုင်ငံတစ်၀န်းရှိ အပြစ်မဲ့ အရပ်သားပြည်သူများကို လေယာဉ်များ၊ ဒရုန်းများ၊ လက်နက်ကြီးများဖြင့် တိုက်ခိုက်တာ၊ အရပ်သားပြည်သူတွေကို ဖမ်းဆီးသတ်ဖြတ်တာတွေ နေ့စဉ်နဲ့အမျှ ကျူးလွန်လျက်ရှိကြောင်းလည်း KNUက ထုတ်ပြန်ပါတယ်။

ဓာတ်ပုံ - KNU - Mergui-Tavoy District

ပုသိမ်ကြီးမှာ ကိုရင်နဲ့သံဃာအပါး ၇၀ ကျော် အစာအဆိပ်သင့်

သြဂုတ် ၂၆၊ ၂၀၂၆။ မေရီ/People's Spring

မန္တလေးမြို့၊ ပုသိမ်ကြီးမြို့နယ်၊ ပေါက်စိမ်းသာမဏေကျော်စာသင်တိုက်မှာ အစာအဆိပ်သင့် မှုဖြစ်လို့ ကိုရင်တွေနဲ့သံဃာအပါး ၇၀ ကျော် ဆေးရုံပို့ထားရ​ကြောင်း ဒေသခံတွေက ပြောပါတယ်။

ဒီကနေ့ သြဂုတ် ၂၆ ရက် မနက်ပိုင်းက မန္တလေးမြို့၊ ပုသိမ်ကြီးမြို့နယ်၊ အုန်းချောကျေးရွာရှိ ပေါက်စိမ်းသာမဏေကျော်ကျောင်းမှာ စာသင်သား ကိုရင်တွေနဲ့ သံဃာတော်တွေ ဆွမ်းဘုဥ်းပေးစဥ် အစာအဆိပ်သင့်မှုဖြစ်ပွားခဲ့ကြောင်း ဒေသခံတွေက ပြောပါတယ်။

"ဆေးရုံပို့ရတဲ့အထဲ ကိုရင်အပါး ၃၀ ကျော်ပါတယ်။ တစ်ကျောင်းလုံးနီးပါး ဖြစ်တာပြောတယ်"လို့ ဒေသခံတစ်ဦးက ပြောပါတယ်။

အဲဒီအစာအဆိပ်သင့်မှုကြောင့် မန္တလေးဆေးရုံကြီးကို အပါး၃၀၊ ကျောက်မီးတိုက်နယ်ဆေးရုံမှာ ၄၆ပါး ပို့ထားရပြီး မစိုးရိမ်ရဘူးလို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေး)ထံက သိရပါတယ်။

အဆိုပါ စာသင်တိုက်မှာ စာသင်သား ၁၆၀ ကျော်ရှိတယ်လို့ သိရပါတယ်။ အစာအဆိပ်သင့်မှူ ဖြစ်ပွားရတဲ့အကြောင်းရင်းကိုတော့ မသိရသေးပါဘူး။