ဒါဟာ မြို့ပြမိခင်တစ်ယောက်ရဲ့ ဘဝပါ။ စစ်ပွဲတွေကြားမှာ သူမဟာ လက်နက်မကိုင်ထားပါဘူး။ နိုင်ငံရေးအာဏာလည်း မရှိပါဘူး။ မကျေနပ်မှုတွေ၊ မခံချင်စိတ်တွေထဲကနေ သူမမှာ ရှိနေတာ သားသမီးအတွက် ပူပန်တတ်တဲ့ မိခင်နှလုံးသားပါ။ပြီး‌ တော့ “ဒီနေ့လည်း ဘေးကင်းပါစေ” ဆိုတဲ့ ဆုတောင်းတစ်ခုပဲ ရှိပါတယ်။ ။

■​ဆောင်းပါး

၆၂ လမ်းက စောင့်နေတဲ့​မေ​မေ

ထွန်းညိုဦး၊ People's Spring

ကုန်တင်ယာဥ်ကြီးတွေ တဝုန်းဝုန်းသွားလို့ ဖုန်တွေ တဝေါဝေါထလေ့ရှိတဲ့ မန္တလေးမြို့၊ ၆၂ လမ်းနဲ့ ထုံးဘို-မြစ်ငယ်လမ်းထောင့်အနီးကို အမျိုးသမီးတစ်ယောက် ရောက်လာပြီး ဖုန်းထုတ်ကာ Tiktok ရိုက်ပါတယ်။ တခြား Tiktok ရိုက်သူတွေလို ကခုန်ပြီးရိုက်တာ မဟုတ်ပါဘူး။ "ကျမသားလေး မန္တလေးမှာ ပျောက်သွားပါတယ်။အမြန်ဆုံးသတင်းအကြောင်းကြားပေးပါ။ ၆၂ လမ်းကြားမှာပါ"တဲ့။ သူ့သားလေး ပျောက်ဆုံးသွားတဲ့နေရာမှာ Tiktok လာရိုက်ပြီး အကူအညီတောင်းနေရှာတာပါ။

ပျောက်ဆုံးကြောင်းကိုသာတွင်တွင်ပြောနေပြီး သားရဲ့အချက်အလက်တွေ၊ ပျောက်ဆုံးနေရာအတိအကျတွေ၊ ဘယ်လိုပျောက်ဆုံးသွားခဲ့တယ်ဆိုတာတွေကို ထည့်မပြောနိုင်လောက်အောင် မိခင်ဟာ သားဇောနဲ့ ပျာယာခပ်နေရှာပါတယ်။ သူနဲ့ နီးစပ်သူတွေက Comment ကနေ ရှင်းပြကြတယ်။

သူ့သားဟာ သြဂုတ်လ ၁၀ ရက်ဝန်းကျင်က မန္တလေးမြို့၊ အမရပူရမြို့နယ်၊ ၆၂ လမ်း၊ ထုံးဘို-မြစ်ငယ်လမ်းက ဆောက်တောဝရွာ အောင်စီကားဂိတ်အနီးမှာ ပျောက်ဆုံးသွားတာလို့ သိရတယ်။ သားဟာ မုံရွာအလုံကနေ မန္တလေးမြို့မှာ ယာဥ်နောက်လိုက် လာလုပ်နေတုန်း ပျောက်ဆုံးသွားခဲ့တာပါ။ ကားမော​င်းတဲ့သူဖုန်းဆက်တော့မှ ပျောက်တဲ့အကြောင်း သိရတော့ မိခင်လည်း မန္တလေးကို အပြေး
အလွှား ရောက်လာခဲ့ရတယ်။ မိခင်ရောက်တော့လည်း ဘာလုပ်တတ်မှာတုန်း။ Tiktok ရိုက်ပြီး တင်ရတော့တာပေါ့။

Tiktok သုံးစွဲသူတွေကလည်း Share ပေးကြပါတယ်။ သို့ပေမဲ့ ကလေးသတင်း အစအနမရခဲ့ဘူး။ သားကို ခုထိမတွေ့သေးဘူး။ မိခင်ရင်ကွဲရပြီ။

အဲဒါနဲ့တင်မပြီးဘဲ ကလေးကို တွေ့ထားတယ်။ ပိုက်ဆံနဲ့ရွေးရမယ်ဆိုပြီး မက်ဆေ့တွေပို့၊ ဖုန်းတွေဆက်ပြီး သားပျောက်မိခင်ကို လိမ်ကြတော့တာပါ။ "ခဏခဏ အလိမ်ခံနေရပါတယ်။ သားလေးကို ပြန်တွေ့ပြီဆိုပြီးတော့မှ ပြန်ပြီးသတင်းလွှင့်ခိုင်းပြီးတော့မှ မဟုတ်ဘဲ တွေ့လည်းမတွေ့ဘဲနဲ့ ကျမတို့ကို ခဏခဏငွေညှစ်ညှစ်နေပါတယ်။ စိတ်ညစ်လှပါပြီ ကျမလည်း။ စစ်မှုထမ်းဆွဲသွားရင်လည်း အမြန်ဆုံးအကြောင်းကြားပါ။"လို့ သားပျောက်မိခင်က Tiktok ကနေ ရင်ဖွင့်ခဲ့ပါတယ်။

တကယ်တော့ စစ်တပ်အာဏာသိမ်းပြီး စစ်မှုထမ်းပေါ်လာပြီးနောက်ပိုင်း ပေါ်တာဆွဲတာတွေ ဆိုးဆိုးရွားရွားဖြစ်လာခဲ့တယ်။ ပေါ်တာဆွဲရောင်းစားသူတွေအပြင် ပျောက်ဆုံးသူရဲ့မိသားစုဝင်တွေဆီကိုလည်း လိမ်လည်ငွေညှစ်တာတွေ မကြာခဏ ဖြစ်ပေါ်လာခဲ့တယ်။ ပျောက်ဆုံးမိခင်ရဲ့ Post မှာ တစ်ယောက်ပြောပြထားတာဆိုရင် ရင်နာစရာပါ။

ရွာဘက်မှာ လူငယ်လေးတွေကို မန္ဆလေးကနေ ဆေးသုတ်ဖို့ဆိုပြီး လာခေါ်သွားတယ်။ စစ်တပ်ထဲ စစ်မှုထမ်း ရောင်းစားခံလိုက်ရတယ်။ မိဘတွေဆီကိုလည်း ဖုန်းဆက်ပြီး ပိုက်ဆံပေးရင် လွှတ်ပေးမယ်ဆိုလို့ မိဘတွေခမျာ ရှိသမျှ အိမ်တွေဝိုင်းတွေ ရောင်းချပေးလိုက်ကြတာ။ သို့ပေမဲ့ ပိုက်ဆံတွေသာ ပေးလိုက်ရပေမဲ့ လူတွေကတော့ ပြန်ရောက်မလာတော့ဘူးတဲ့။

စစ်မှုထမ်းနဲ့ပတ်သက်ပြီး တစ်တိုင်းပြည်လုံးက မိခင်တွေ သောကတွေ ဘယ်လောက်ရောက်ရောက်၊ မျက်ရည်တွေဘယ်လောက်ကျကျ အာဏာသိမ်း စစ်တပ်ကတော့ အဓမ္မစစ်မှုထမ်းခိုင်းလို့ ကောင်းတုန်းပါ။

အာဏာသိမ်းစစ်တပ်က တရုတ်အကူအညီနဲ့ ရှမ်းပြည်နယ်​မြောက်ပိုင်းက မြို့တချို့ပြန်​တောင်းရခဲ့သလို ၊တရုတ်-ရုရှား-အိန္ဒိယတို့ရဲ့ စစ်​ရေး၊သံတမာန်​ရေး၊ဘဏ္ဍာ​ရေး အကူအညီ​
တွေ လက်နက်နဲ့နည်းပညာအကူအညီ​တွေနဲ့ စစ်မှုထမ်းဥပ​ဒေကိုအဓမ္မပြဌာန်းပြီး ၂၀၂၄ ​ဖေ​ဖော်ဝါရီကစကာလူငယ်​တွေ ဖိအား​ပေးစစ်မှုထမ်းခိုင်းလို့ရတဲ့ စစ်သားသစ်အင်အားနဲ့ ဆုံးရှုံးနယ်​မြေ​တွေကို တန်ပြန်ထိုးစစ်ဆင်ပြန်သိမ်းဖို့ကြိုးစား​​နေပါတယ် ။မြို့​ပေါင်း ၂၀
ခန့်ပြန်ထိန်းချုပ်နိုင်​ပေမယ့် ရှမ်းပြည်နယ်​မြောက်ပိုင်းမှအပ နိုင်ငံတစ်ဝန်းခုခံမှု​ကောင်းတဲ​​ဒေသ​​တွေမှ ​တော်လှန်​ရေးအဖွဲ့​တွေက ခုခံစစ်၊တန်ပြန်ထိုးစစ် ဆင်နွှဲတာ​ကြောင့် စစ်တပ်ဟာ တိုက်ပွဲကာလရှည်ကြာလာတာနဲ့အမျှစစ်သား​တွေ​သေဆုံးတာ ၊ဒဏ်ရာရတာ၊ထွက်​ပြေးတာ ၊အလင်းဝင်တာလည်းများ​နေပါတယ်။

ဒါ့​ကြောင့် စစ်တပ် အခုနှစ်ဆန်းပိုင်းကစ စစ်သားသစ်စု​ဆောင်းတာ၊​ပေါ်တာဆွဲတာကို ရန်ကုန်လို ၊မိတ္ထီလာလိုမြို့​ စတဲ့မြို့တွေမှာပါ ​ပေါ်တာဆွဲတာကို အတင့်ရဲစွာလုပ်လာပါတယ်။ ရခိုင်ပြည်နယ် ၊ချင်းပြည်နယ် ၊ စစ်ကိုင်း-ကချင်ပြည်နယ်အစပ် ၊မ​ကွေးတိုင်း ၊ကရင်ပြည်နယ် ၊ ရခိုင်နဲ့ဆက်စပ်​နေတဲ့ ဧရာဝတီ-ပဲခူး-မ​ကွေး ​ စတဲ့​​​ဒေသကတိုက်ပွဲ​တွေမှာ စစ်သားသစ်​တွေကိုအဓိကသုံးပြီး အခုလပိုင်းအတွင်းတိုက်ပွဲ​တွေမှာ စစ်သားသစ်​တွေ​သေဆုံး ဒဏ်ရာရတာ ထွက်​ပြေးတာ​​တွေအလွန်များ​နေတယ်လို့ ​တော်လှန်​ရေးအင်အားစု​တွေက​ပြောပါတယ်။ဒါ​ကြောင့်စစ်တပ်က ပြည်သူ့စစ်လို့​ခေါ်တဲ့ စစ်သားသစ်လိုအပ်ချက်ပိုများလာတာ​​ကြောင့် စစ်သားသစ်စု​ဆောင်းတာ ၊​ပေါ်တာဆွဲတာ​တွေကိုတိုးလုပ်လာပါတယ် ။ ဒီအ​ခြေအ​နေမှာ ပြည်သူ​တွေအ​နေနဲ့ လူငယ်​တွေကို စစ်သားသစ်စု​ဆောင်းမခံရ​အောင် ၊​ပေါ်တာဆွဲမခံရ​အောင်ပါးနပ်စွာ​နေကြဖို့ ​တော်လှန်​ရေးအင်အားစု​တွေက နှိုး​ဆော်​​​​နေကြပါတယ် ။တဖက်မှာလည်း ပြည်သူ​တွေဟာ စစ်တပ်အာဏာသိမ်းပြီး​​နောက်ပိုင်း စားဝတ်​​နေ​ရေးပိုကြပ်တည်းလာတာ​ကြောင့် အလုပ် လုပ်​နေရင်း အ​ပေါ်က သားဖြစ်သူလို​ စစ်အုပ်စုရဲ့ ပေါ်တာဆွဲခံရတာ​ကြုံရပြန်ပါတယ် ။

လာမယ့် စက်တင်ဘာလမှာဆိုရင် အပတ်စဥ် (၂၈)ကို စဖို့ ကြိုးစားနေပါပြီ။ ရန်ကုန်က အပါအဝင် စစ်တပ်ထိန်းချုပ်ထားတဲ့ ဒေသအသီးသီးမှာလည်း ပေါ်တာဆွဲတာတွေ၊ အိမ်​ပေါ်တက်ဆွဲတာတွေကို စစ်အုပ်စုက အတင့်ရဲပြီးပိုလုပ်လာပါတယ် ။အသက်မပြည့်​သေးသူ​တွေ​ေ​ရော ၊အသက်ကြီးသူ​တွေကိုယ်ပါ ကိုယ်​ရေးအချက်အလက်နဲ့အသက်ကို ပြင်ပြီး ​ပေါ်တာဆွဲ​နေတာပါ ။ ဒါ့​ကြောင့် သားပျောက်မိခင်တွေလည်း များသထက်များလာခဲ့ပါပြီ။

မုံရွာအလုံက သားပျောက်မိခင်ကတော့ သားပြ​န်အလာကို ၆၂ လမ်းကနေ စောင့်နေတုန်းပါ။ "ကျမစောင့်နေပါတယ်။ သားကို အမြဲတမ်း မျှော်နေပါတယ်"လို့ မိခင်က ၆၂ လမ်းဘေးကနေ Tiktokကတဆင့် ပြောလိုက်ပါတယ်။ ။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA #၆၂လမ်းကစောင့်နေတဲ့မေမေ
#မန္တလေး၆၂လမ်း #စောင့်မျှော်နေသောမိခင် #MotherWaitingAt62ndStreet
#62ndStreetMandalay #StoryOfHope #WaitingMother #MandalayStories

ဆားလင်းကြီးမြို့နယ် စစ်တပ် ဗုံးကြဲမှု အမျိုးသမီး ၂ဦး သေဆုံး၊ ၅ ဦးဒဏ်ရာရ

ဩဂုတ်၁၉၊၂၀၂၆၊ကတ်သရင်း/ People's Spring

စစ်ကိုင်းတိုင်း၊ဆားလင်းကြီးမြို့နယ်၊ဆားခါးကျေးရွာကို စစ်တပ်က ဂျက်ဖိုက်တာ၂စီးနဲ့ လေကြောင်းတိုက်ခိုက်ခဲ့မို့ အမျိုးသမီး ၂ဦး ထိမှန်သေဆုံးပြီး ပြည်သူ ၅ဦးဒဏ်ရာရခဲ့တယ်လို့ ဒေသခံတွေကပြောပါတယ်။

ဩဂုတ် ၁၈ရက် မနေ့က ညနေ ၃နာရီခွဲမှာ ဆားခါးကျေးရွာလယ်ခေါင်ကို ဂျက်ဖိုက်တာ၂စီးနဲ့ဗုံးကြဲခဲ့တာမို့ အမျိုးသမီး ၂ဦး ထိမှန်သေဆုံးခဲ့တာလို့ သိရပါတယ်။

"ကိုယ့်အလုပ် ကိုယ်လုပ် နေကြချိန်ပေါ့။ရှောင်ချိန်ကို မရလိုက်ဘူး။အရင်ကလိုတောင်မဝဲဘူး။တန်းကြဲသွားတာ။ရွာလည်ခေါင်ကိုပါ။အမျိုးသမီးနှစ်ဦးသေပြီး ဒဏ်ရာရတာက ၅ယောက် လောက်ရှိတယ်"လို့ ဒေသခံတစ်ဦးက ပြောပါတယ်။

ဂျက်ဖိုက်တာ ၂စီးနဲ့ ဗုံးကြဲပြီးနောက် ဝမ်ပေါင်စီမံကိန်းဘက်ကနေ လက်နက်ကြီးတွေနဲ့ ကျေးရွာတွေကို ဆက်တိုက်ပစ်ခတ်ခဲ့တယ်လို့ သိရပါတယ်။

"လက်နက်ကြီး ၆လုံးပြီးမှ ရှောင်ရတာ။အဲတာကျ ရွာကမီးလောင် နေပြီ။မီးဝင်ငြိမ်းပြီးမှ ဒေသခံတွေထုတ်ရတာ"လို့ ဒေသခံတစ်ဦးက ပြောပါတယ်။

မီးလောင်မှုမှာ နေအိမ်၆လုံးဆုံးရှုံးခဲ့တယ်လို့ သိရပါတယ်။

တိုက်ပွဲမရှိသလို စစ်ရေးလှုပ်ရှားမှု မရှိဘဲ စစ်တပ်က ကျေးရွာကို ဗုံးကြဲခဲ့တာဖြစ်ပြီး ဒေသခံတွေဟာ ထပ်မံဗုံးကြဲမှာ ကြောက်ပြီးရွာထဲကနေ ရှောင်တိမ်း နေကြတယ်လို့ သိရပါတယ်။

(ဆားလင်းကြီးမြို့နယ်၊ဆားခါးကျေးရွာကို စစ်တပ် ဗုံးကြဲမှုကြောင့် ပျက်စီးမှုများ။ ဓာတ်ပုံ - မုံရွာမြို့နယ်သတင်းမှန်ပြန်ကြားရေး)

■​ဆောင်းပါး

ငမိုးရိပ်ရေလှောင်တမံ၊ ရန်ကုန်ရေပေးဝေရေးနှင့် ရေလွှမ်းမိုးမှု

-နောင်နာင် ရေးသားသည်

ငမိုးရိပ်တမံဟာ ရန်ကုန်တိုင်းဒေသကြီး၊ လှည်းကူးမြို့နယ်မှာ တည်ရှိပြီး ငမိုးရိပ်ချောင်းနဲ့ ဆက်စပ်တဲ့ ရေလှောင်တမံတစ်ခု ဖြစ်ပါတယ်။တမံဟာအမြင့် ၇၅ ပေ၊ အလျား ၁၅,၅၀၀ပေရှိပြီးရေလှောင်နိုင်စွမ်း ၁၈၀,၀၀၀ ဧကပေခန့်ရှိတယ်လို့ သိရပါတယ်။

ငမိုးရိပ်တမံက စိုက်ပျိုးမြေဧက ၃၀,၅၆၇ ခန့်ကို ရေပေးဝေသလို ရန်ကုန်မြို့အတွက်လည်း တစ်နေ့ကို ရေဂါလန် သန်း ၁၃၀ ခန့် ပေးဝေနေတယ်လို့ ထုတ်ပြန်ချက်တွေမှာ ဖော်ပြထားတာကိုတွေ့ရပါတယ်။သောက်သုံးရေပေးဝေရာမှာ အရေးကြီးတဲ့ ရေအရင်းအမြစ်တစ်ခုဖြစ်တယ်လို့လည်း ဖေါ်ပြထားတာကို တွေ့ရ ပါတယ်။

စစ်ကောင်စီရဲ့ စိုက်ပျိုး‌ရေး၊ မွေးမြူရေးနှင့် ဆည်မြောင်းဝန်ကြီးဌာန ရဲ့ Ngamoeyeik ID Facebook account က ၁၇.၈.၂၀၂၆ တင်ထားတဲ့ မှတ်တမ်းအရ ငမိုးရိပ်တမံရဲ့ရေပြည့်
မှတ် ၁၀၇ ပေ၊လက်ရှိရေမှတ် ၁၀၅.၄၀ ပေ၊
ကွာဟချက် ၁.၆၀ ပေ၊ ရေလှောင်ထားမှု ၁၆၄၀၀၀ ဧကပေ၊ မူလ ၁၈၀၀၀၀ ဧကပေ၊
ရေဝင်နှုန်း ၄၉၇၅ ကုဗပေ/စက္ကန့်
သြဂုတ် ၁၈ တင်ထားတဲ့ မှတ်တမ်းအရရေပြည့်မှတ် ၁၀၇ ပေ
လက်ရှိရေမှတ် ၁၀၅.၇၀ ပေ
ရေပြည့်ဖို့ ကျန် ၁.၃၀ ပေ
ရေလှောင်ပမာဏ ၁၆၇၀၀၀ ဧကပေ
မိုးရေချိန် ၁.၀၄ လက်မ
ရေမှတ်က တက်လာပါတယ်။

တစ်ရက်အတွင်း ၀.၃၀ ပေ (၃.၆ လက်မ) တက်လာတာကို‌တွေ့ရပါတယ်။ရေပြည့်မှတ်က ၁၀၇ ပေ ဖြစ်တဲ့အတွက် အခုရေပြည့်ဖို့ ၁.၃၀ ပေပဲ ကျန်တော့ပါတယ်။ရေလှောင်ထားတဲ့ပမာဏလည်း တိုးလာပါတယ်။ ၃၀၀၀ ဧကပေ တိုးလာတာကိုတွေ့ရပါတယ်။

​ရေပြည့်ပမာဏ ၁၈၀၀၀၀ ဧကပေကို ရာခိုင်
နှုန်းနဲ့တွက်ရင် အခု ၉၂.၈ ရာခိုင်နှုန်းခန့် ရောက်နေပါပြီ။အပြည့်ရောက်ဖို့ ၁၃,၀၀၀ ဧကပေခန့် ကျန်ပါတယ်။မိုးကလည်း ရွာထားပါတယ်။ အဲဒီကိန်းဂဏန်းတွေကို အခြေခံရင် လက်ရှိဟာ ရေပြည့်မှတ်နဲ့ တော်တော်နီးလာတဲ့အခြေအနေ ဆိုတာကို မြင်ရပါတယ်။

ငမိုးရိပ်ရဲ့ရေကူဆည်ဖြစ်တဲ့ မဟူရာတမံရဲ့ ရေပြည့်မှတ် ၂၁၆ ပေ၊ လက်ရှိရေမှတ် ၂၁၂.၁၀ လို့လည်း သိရပါတယ်။ဒီအခြေ
အနေကအခုလက်ရှိတမံအပေါ်ပိုင်းကရေအခြေအနေ ပါ။

၂၀၂၃ ခုနှစ်မှာ ငမိုးရိပ်တမံ ရေကျော်လို့ ရေ
ဘေးသင့်ဖူးပါတယ်။အဲဒီတုန်းက ငမိုးရိပ်တမံနဲ့ ပတ်သက်ပြီး လူမှုကွန်ရက်မှာ “ရေဖောက်ချတော့မယ်” ဆိုတဲ့ သတင်းတွေ ပေါ်ပေါက်ခဲ့ပါတယ်။ငမိုးရိပ်တမံရဲ့ ရေပိုလွှဲမှာ ၂၀၂၃ အောက်တိုဘာ ၈ ရက် ည ၉ နာရီခန့်မှာ ရေ ၆.၁ ပေအထိ ကျော်စီးခဲ့တယ်လို့ သတင်းတွေက သိရပါတယ်။ အောက်တိုဘာ ၆ ရက်ကနေ ၁၁ ရက်အထိ တမံရေဆင်းဧရိယာနဲ့ တမံအောက်ပိုင်းမှာ မိုးများစွာရွာခဲ့ပြီး စုစုပေါင်းမိုးရေချိန် ၁၄.၉ လက်မ အထိ ရှိခဲ့ပါတယ်။ အောက်တိုဘာ ၈ ရက်နေ့ သတင်းတချို့မှာ တမံရေမှတ်ဟာ ရေပြည့်မှတ် ၁၀၇ ပေကနေ ၁၁၁ ပေအထိ တက်လာခဲ့တယ်လို့ ဖော်ပြခဲ့ပါတယ်။ အောက်တိုဘာ ၈ ရက်က စပြီး ငမိုးရိပ်ချောင်းအနီး လှည်းကူးမြို့ပေါ်ရပ်ကွက်တွေနဲ့ ဖောင်ကြီးဘက်မှာ ရေဝင်ခဲ့ပြီး၊ အောက်တိုဘာ ၉ ရက်မှာ တမံရေပိုလွှဲ ၆ ပေ ၁၀ လက်မခန့် အထိ ရောက်ခဲ့တဲ့အချိန်မှာ ချောင်းတလျှောက်မှာရှိတဲ့ နေရာတချို့မှာ ရေအနက် ၃ ပေခွဲခန့်အထိ ဝင်ရောက်ခဲ့တယ်ဆိုတဲ့ သတင်းတွေသိခဲ့ရပါတယ်။

အောက်တိုဘာ ၁၀ ရက်မှာတော့လှည်းကူးမြို့
နယ်အတွင်း ရပ်ကွက်နဲ့ ကျေးရွာ ၂၅ ခုအထိ ရေကြီးခဲ့ပြီး အိမ်ထောင်စု ၁,၀၀၀ ကျော် ရေ
ဘေးသင့်ခဲ့ပါတယ်။လှည်းကူးမြို့ပေါ်တင် မဟုတ်ဘဲ ငမိုးရိပ်ချောင်းအနီးနား အနိမ့်ပိုင်းနေရာတွေ ကိုပါ ထိခိုက်ခဲ့ပါတယ်။

ရေလှောင်တမံမှာ ရေကို သိုလှောင်ထားတဲ့ ရေလှောင်ကန်၊ ရေထုတ်ပေါက်နဲ့ ရေပိုလွှဲလို အစိတ်အပိုင်းတွေ ပါဝင်ပါတယ်။ မိုးများလာလို့ ရေလှောင်ကန်ထဲကို ရေဝင်များလာရင် ရေအဆင့်တက်လာနိုင်ပါတယ်။ ရေက သတ်
မှတ်အဆင့်ထက် ပိုလာတဲ့အခါ ပိုလျှံတဲ့ရေကို ရေပိုလွှဲကနေ အောက်ဘက်ကို စီးဆင်းစေပါတယ်။ ဒါကြောင့် ရေပိုလွှဲကနေ ရေကျနေတယ်ဆိုတာနဲ့ တမံပေါက်နေပြီလို့ သတ်မှတ်ရမှာမျိုးတော့မဟုတ်ဘူးလို့ သိရပါတယ်။ ရေပိုလွှဲကနေ ရေကျတာက ရေလှောင်ကန်ထဲမှာ ရေများလာတဲ့အခါ ပိုလျှံတဲ့ရေကို ထိန်းချုပ်ပြီး ထုတ်တဲ့ လုပ်ငန်းစဉ် ဖြစ်နိုင်ပါတယ်။

တမံပေါက်တယ်ဆိုတာကတော့တမံကိုယ်
ထည် ပျက်စီးပြီး ရေလှောင်ထားတဲ့ရေပမာ
ဏအများအပြားကို ထိန်းမထားနိုင်တော့ဘဲ အောက်ဘက်ကို ရုတ်တရက်စီးဆင်းသွားတဲ့ အခြေအနေ ဖြစ်ပါတယ်။

ရေလှောင်တမံတစ်ခုအတွက် ရေသိုလှောင်နိုင်စွမ်းကို ထိန်းသိမ်းဖို့ကလည်း အရေးကြီးပါတယ်။ဒီအတွက်နှုန်းအနည်ကျမှုကလည်း သတိထားရမယ့်အချက်တခုဖြစ်ပါတယ်။ ရေ
ဝေရေလဲဒေသကနေ မြေဆီလွှာနဲ့ နှုန်းတွေ ရေထဲပါလာပြီးရေလှောင်ကန်နဲ့ရေစီးကြောင်း
တွေမှာ အနည်ကျလာရင် ရေလှောင်နိုင်စွမ်းနဲ့ ရေစီးဆင်းနိုင်စွမ်းကို ထိခိုက်နိုင်ပါတယ်။

JICA (ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ) ရဲ့ Greater Yangon Water Supply လေ့လာချက်မှာလည်းငမိုးရိပ်ရေလှောင်ကန်က ရေသန့်စင်စက်ရုံတွေကို ပို့တဲ့ ရေစီးကြောင်းမှာသဲ၊ရွှံ့နဲ့ အနည်အနှစ်တွေ စုလာနိုင်ပြီးရေစီးနိုင်စွမ်း လျော့နည်းနိုင်တာကြောင့်တမံအတွင်းအနယ်
အနှစ်တူးဖော်ရှင်းလင်းတာတွေ လုပ်ဖို့ လိအပ်နိုင်ကြောင်း ဆွေးနွေးထားပါတယ်။

ငမိုးရိပ်တမံကနေ ဒဂုံမြို့သစ် (အရှေ့ပိုင်း) မြို့နယ် ငမိုးရိပ်ရေထိန်းတံခါးအထိ ငမိုးရိပ်ချောင်းက ၄၇ မိုင်ခန့်ရှိတာမှာ အထက် ၂၂ မိုင်ကို၂၀၂၄ခုနှစ်မှာနှုန်းအနယ်တွေရှင်းလင်း
ခဲ့တယ်လို့ စစ်ကောင်စီက ဖေါ်ပြထားတာကို တွေ့ရပါတယ်။

ငမိုးရိပ်တမံအောက်က ရေဘယ်ဘက်ကို စီးသွားမလဲဆိုရင် တမံအောက်ပိုင်းက ရေဟာ
ငမိုးရိပ်ချောင်းရဲ့ ရေစီးကြောင်းနဲ့ ဆက်စပ်ပါတယ်။ ရန်ကုန်မြို့ရဲ့ရေလွှမ်းမိုးမှုနဲ့ ပတ်သက်
တဲ့ JICA ရဲ့ Greater Yangon လေ့လာချက်မှာလည်း ငမိုးရိပ်ချောင်းရဲ့ အလယ်ပိုင်းတစ်လျှောက်ကို ဖြစ်နိုင်ခြေရှိတဲ့ ရေလွှမ်းမိုးဧရိယာအဖြစ် လေ့လာထားပြီး ဒီရေမြင့်တက်မှုကလည်းရေလွှမ်းမိုးမှုအခြေအနေကိုအ
ကျိုးသက်ရောက်စေနိုင်ကြောင်းဖော်ပြထားပါတယ်။

ငမိုးရိပ်ချောင်းဟာငမိုးရိပ်တမံဘက်ကနေ အောက်ဘက်ကို စီးပြီးရန်ကုန်မြို့ထဲရောက်
လာတဲ့အခါငမိုးရိပ်ချောင်း၊ပုဇွန်တောင်ချောင်းအဖြစ် ဆက်စပ်နေပါတယ်။ JICA ရဲ့ ရေအရင်းအမြစ်ဆိုင်ရာလေ့လာချက်မှာလည်းငမိုးရိပ်ချောင်း နဲ့ ပုဇွန်တောင်ချောင်းတို့ဟာရန်ကုန်မြစ်ထဲကို ဝင်ရောက်တဲ့ ချောင်း
စနစ်ဖြစ်ပြီး ရန်ကုန်ရဲ့ မြစ်တွေဟာဒီရေသက်
ရောက်တဲ့ မြစ်ဖြစ်ကြောင်း ဖော်ပြထားပါတယ်။ဒီရေကတော့အောက်ပိုင်း ရန်ကုန်မြစ်/ချောင်းစနစ်ဘက်က ရေအခြေအနေ ဖြစ်ပါတယ်။

ပုံမှန်အခြေအနေမှာ အပေါ်ပိုင်းမိုးရေ တွေဟာငမိုးရိပ်ချောင်းကနေ အောက်ဘက် ရန်ကုန်မြစ်ဆိုပြီး ရေစီးဆင်းပါတယ်။ ဒါပေမယ့် ပင်လယ်ဘက်က ဒီရေတက်လာတဲ့အချိန် မှာ အောက်ဘက်ရန်ကုန်မြစ်ရဲ့ ရေမျက်နှာပြင် မြင့်လာပါတယ်။ အဲဒီအချိန်မှာ အပေါ်ကနေ ငမိုးရိပ်ချောင်းထဲကို ရေများများဝင်လာရင် အောက်က ဒီရေကလည်း ရေမျက်နှာပြင်ကို မြင့်စေတဲ့အတွက် ချောင်းရေက ပုံမှန်လို အလွယ်တကူ မထွက်နိုင်တော့ပါဘူး။

ဒါကြောင့် မိုးရေ၊ ချောင်းရေ၊ ဒီရေ သုံးခု နဲ့အတူ မြို့ပြရေမြောင်းစနစ်ပါ ပေါင်းပြီး ရန်ကုန်ဟာ ရေလွှမ်းမိုးမှု ပိုဆိုးလေ့ရှိတာပါ။ တမံရေကျော်တာမပါခင်ကတည်းက ရေ
လွှမ်းလေ့ရှိတဲ့ရန်ကုန်အတွက် တမံရေပြည့်တော့မယ့်ကိစ္စက တကယ်ကို စိုးရိမ်စရာပါ။

တမံရေမှတ် ၁၀၅.၄၀၊ ၁၀၆၊ ၁၀၇ ပေ ဘယ်
လောက်မြန်မြန်တက်သလဲ၊ ရေဝင်နှုန်း ၄၉၇၅ ကုဗပေ/စက္ကန့် က တိုးလာလား၊ လျော့လာလား၊ ငမိုးရိပ်ချောင်းရေ အောက်ပိုင်းမှာ ချောင်းရေ မြန်မြန်တက်လာလား၊ ဒီရေအခြေ
အနေ - ရန်ကုန်မြစ်ဘက်မှာ ဒီရေမြင့်နေသ
လား။ ဒီ ၄ ခုထဲက အားလုံး မြင့်လာတာ ဆိုရင် ရေလွှမ်းမိုးမှုအတွက် စိုးရိမ်ရမှုက ပို လာပါလိမ့်မယ်။ မိုးလေဝသပညာရှင် ဦးဝင်းနိုင် နဲ့ တခြား မိုးလေဝသတွေကလည်း သြဂုတ်လ ၂၀ ရက်နေ့အထိ မိုးသည်းထန်မယ်လို့ ပြောထားပြီး မြို့ပြမြေနိမ့်ပိုင်း ရေဝပ်နိုင်မယ်လို့ ပြောထားပါတယ်။

JICA ရဲ့ လေ့လာချက်မှာလည်း ငမိုးရိပ်တမံရဲ့ ရေအပြည့် သိုလှောင်နိုင်စွမ်းဟာ ကုဗမီ
တာ ၂၂၂ သန်းခန့်ရှိတယ် လို့ တွေ့ရပါတယ်။ ငမိုးရိပ်တမံဟာ တမံအကြီးစားတစ်ခု ဖြစ်ပါတယ်။ဒါကြောင့် လက်ရှိအခြေအနေကို မထိတ်လန့်သင့်သေးပေမယ့် ပေါ့ဆမနေသင့်တဲ့ သတိထားရမယ့် အခြေအနေလို့ ယူဆရပါတယ်။ ။

ကိုးကား - Ngamoeyeik ID, JICA (ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ)

ကာလဝမ်းရောဂါသည် ရုတ်တရက်ဖြစ်ပွားသော ဝမ်းပျက်ရောဂါဖြစ်ပြီး Vibrio cholerae ဘက်တီးရီးယားပိုး ပါဝင်သည့် အစားအစာ သို့မဟုတ် ရေကို စားသောက်မိခြင်းကြောင့် ဖြစ်ပွားသည်။ ကာလဝမ်းရောဂါသည် ပြည်သူ့ကျန်းမာရေးကဏ္ဍအတွက် ကမ္ဘာလုံးဆိုင်ရာ ခြိမ်းခြောက်မှုအဖြစ် ရှိနေဆဲဖြစ်ပြီး လူမှုကဏ္ဍဖွံ့ဖြိုးရေးကင်းမဲ့မှုနှင့် မညီမျှမှု ညွှန်းကိန်းအဖြစ်လည်း ရှိနေဆဲဖြစ်သည်။

🔴 ရောဂါလက္ခဏာများ

ကာလဝမ်းရောဂါသည် မသန့်ရှင်းသော အစားအစာ သို့မဟုတ် ရေကို စားသောက်ရာမှ ကူးစက်သည့် အလွန်ပြင်းထန်သော ရောဂါဖြစ်သည်။ ကာလဝမ်းရောဂါသည် ပြင်းထန်ပြီး ရေကဲ့သို ဝမ်းများ ရုတ်တရက်သွားသည့် ဝမ်းရောဂါဖြစ်သည်။ ရောဂါပြင်းထန်လျှင် ကုသမှုမရရှိပါက နာရီပိုင်းအတွင်း သေဆုံးနိုင်သည်။

V. cholera ပိုးရှိသည့် လူအများစုမှာ ၎င်းတို့၏ မစင်တွင် ရောဂါကူးစက်ခံရပြီးနောက် (၁) ရက်မှ (၁၀) ရက်အကြား ပိုးရှိနေသော်လည်း ရောဂါလက္ခဏာ ခံစားရခြင်းမရှိပါ။ ထိုပိုးများသည် ပတ်ဝန်းကျင်သို့ ရောက်ရှိပြီး အခြားသူများကို ရောဂါကူးစက်စေနိုင်သည်။

ရောဂါလက္ခဏာရှိသူအများစုမှာ အပျော့စား သို့မဟုတ် အတန်အသင့်ဖြစ်ပွားသော လက္ခဏာများ ခံစားရသည်။ ရောဂါလက္ခဏာပြရန် ၁၂ နာရီမှ ၅ ရက်အကြား ကြာတတ်သည်။ လူနာအနည်းစုသာ အပြင်းအထန် ရေဓာတ်ခမ်းခြောက်သည့် ရေကဲ့သို့ ဝမ်းများ ရုတ်တရက်သွားသည့် ဝမ်းရောဂါ ဖြစ်ပွားသည်။ ကုသမှုမရရှိပါက သေစေနိုင်သည်။



https://www.ludunwayoo.com/feature-mm/2026/08/15/165663/

စစ်ကိုင်းမြို့၊ငါးထပ်ကြီးဘုရားအနီးတိုက်ပွဲဖြစ်

ဩဂုတ်-၁၉၊၂၀၂၆။နှင်း/People's Spring

စစ်ကိုင်းမြို့၊ငါးထပ်ကြီးဘုရားအနီးမှာ ဒီနေ့မနက်ပိုင်းကစပြီး အခုသတင်း​ရေးသားချိန်အထိ တိုက်ပွဲပြင်းထန်နေတယ်လို့ တော်
လှန်ရေးတပ် တွေက ပြောပါတယ်။

သြဂုတ် ၁၉ ရက်မနက်ပိုင်းကစပြီး စစ်ကိုင်းမြို့တွင်းကငါးထပ်ကြီးဘုရားအနီးမှာစစ်ကိုင်းPDFဦးဆောင်တဲ့တော်လှန်ရေးပူး ပေါင်း
တပ် တွေနဲ့ စစ်တပ်တို့ တိုက်ပွဲဖြစ်ပွားနေတာလို့ စုံစမ်းသိရပါတယ်။

"အဲဒီနေရာကမြို့ထဲပဲလေ။စစ်ကောင်စီအထိုင်ဂိတ်တွေရှိတယ်။ပတ်ကင်းလည်းအမြဲရှိတဲ့ နေရာပဲ။မြို့ထဲဝင်ပစ်တဲ့ ပုံစံမျိုးပေါ့"လို့ တော်လှန်ရေးတပ်ဖွဲ့ဝင်တဦးကပြောပါတယ်။

ဒီ​​နေ့ ​နေ့လည်၁၂နာရီအထိ တိုက်ပွဲဖြစ် နေဆဲဖြစ်ပြီး နှစ်ဖက်ထိခိုက်ကျဆုံးမှု​တွေရှိတယ်လို့ တော်လှန်ရေးတပ်တွေကဖြေကြားထားပါတယ်။

စစ်ကိုင်းPDFခေါင်းဆောင်ကိုစစ်ငြိမ်းနိုင်ကလည်း တိုက်ပွဲဖြစ်နေတာမို့ ပြည်သူ တွေစစ် ရေးသတိ ရှိကြဖို့ အသိပေးထားပါတယ်။

စစ်ကိုင်းမြို့၊ငါးထပ်ကြီးဘုရားဟာ စစ်တပ်ရဲ့ တပ်မ၃၃၊အုန်း‌​တော-တကရ၆၀၀၅ အ
မြောက်တပ် တို့နဲ့လည်း အလှမ်းမဝေးဘူးလို့ သိရပါတယ် ။အဲဒီနေရာကိုတော်လှန်ရေးတပ်
တွေတိုက်ပွဲဖော်ဆောင်နေတာဖြစ်ပါတယ်။

စစ်ကိုင်း PDF တပ်ဖွဲ့ဟာ ​နွေဦး​တော်လှန်​ရေးတပ်​ပေါင်းစု-SRA မှာပါဝင်တဲ့ တပ်ဖွဲ့ဖြစ်ပါတယ် ။စစ်ကိုင်းမြို့မှာ စစ်တပ်ရဲ့ တပ်မ (၃၃) အထိုင်မြို့ဖြစ်သလို ၊တပ်မ (၃၃)လက်​အောက်ခံတပ်ရင်း​တွေဟာ ဇူလိုင်လမှာ စစ်ကိုင်းတိုင်းကပြန်လာပြီး ပြန်စုဖွဲ့ကာဒီ​နေ့မနက်မှာပဲ တပ်ဖွဲ့အချို့ဟာသပိတ်ကျင်းမြို့နယ် ၊တွင်းငယ်ဘက်ကို ကားအစီး ၃၀ ခန့်နဲ့ထွက်သွားတယ်လို့ စစ်​အုပ်စုပတွင်းကသတင်းရရှိပါတယ် ။

စစ်ကိုင်း PDF တပ်ဖွဲ့ဝင်အချို့(ပုံအ​ဟောင်းဖြစ်ပါတယ်) ။ဓါတ်ပုံ-စစ်ကိုင်းPDF

ဧရာဝတီရေဘေး လူ ၂ဦး ထပ်မံသေဆုံး၊ ပျောက်ဆုံးနေသူတွေလည်းရှိ

ဩဂုတ်- ၁၉၊၂၀၂၆။ မိထက်/People's Spring

ဧရာဝတီတိုင်းအတွင်းရေကြီးမှုမှာ ရေနစ်မြုပ်တဲ့ မြို့ပိုများလာပြီ သေဆုံးသူဦးရေလည်း တိုးလာသလို ပျောက်ဆုံးနေသူအချို့လည်းရှိနေပါတယ်။

ဟင်္သာတမြို့နယ်က လဟာပကျေးရွာမှာ သြဂုတ် ၁၇ရက် ညပိုင်းမှာ ရေတွေရုတ်တရက်ဝင် ရောက်လာတဲ့အတွက် လူ ၁ဦးရေနစ်သေဆုံးခဲ့သလို သြဂုတ် ၁၈ရက်မှာလည်း ငါးသိုင်းချောင်းမြို့နယ်အတွင်း လူ ၁ဦးရေနစ်ပြီး ထပ်မံသေဆုံးခဲ့ပါတယ်။

" ရေတွေက အခုဆို အဝေးပြေးလမ်းတွေမှာလည်းကျော်ကုန်ပြီ။။ ရေကြည်၊ ငါးသိုင်းချောင်းဘက်လည်း မြို့ပေါ်ရပ်ကွက်တွေအထိ ရေမြုပ်တာ။ လူသေဆုံးတဲ့သတင်းတွေ ကြားနေရတယ်။ ပျောက်နေတာတွေလည်းရှိတယ်"လို့ ရေကြည်မြို့ခံတစ်ဦးက ပြောပါတယ်။

ဧရာဝတီတိုင်း လေးမျက်နှာမြို့မှာ ပြီးခဲ့တဲ့ဇူလိုင် ၃၀ရက်က ငဝန်မြစ်ရေကာတာကျိုးကျခဲ့ပြီး လေးမျက်နှာမြို့နယ်အပြင် ဟင်္သာတ၊ ရေကြည်၊ ကျုံ ပျော်နဲ့ ငါးသိုင်းချောင်းမြို့နယ်တွေထဲကကျေးရွာတွေပါ ရေကြီးခဲ့ပါတယ်။ ဒေသတွင်းမှာ ဩဂုတ်လ ၃ရက်ကစပြီး ရေအနည်းငယ်ပြန်ကျနေတာကနေ မိုးကြီးမှုနဲ့ မြစ်ရေလည်း ပြန်တက်လာလို့ ဩဂုတ်လ ၁၃ရက်ကစပြီး ရေပြန်တက်လာတာပါ။ မူလကယ်ဆယ်ရေးစခန်းတွေမှာ နေလို့မရတော့တဲ့အတွက် လေးမျက်နှာ၊ ရေကြည်၊ ကျုံပျော်နဲ့ ငါးသိုင်းချောင်းမြို့နယ်တွေထဲက ရေဘေးကယ်ဆယ်ရေးစခန်းအချို့ကို နေရာရွှေ့နေရပါတယ်။တာကျိုးပေါက်ကို ဌာနဆိုင်ရာတွေက စက််ယန္တရားတွေနဲ့ ပိတ်ဆို့နေပေမယ့် အလုပ်မတွင်ဘဲ မပိတ်နိုင်သေးဘူးလို့ ဒေသခံတွေကပြောပါတယ်။

ရေဘေးကြောင့် သေဆုံးသူစာရင်းကို စစ်တပ်က တရားဝင်ထုတ်ပြန်ခြင်းမရှိပါဘူး။

ဒေသတွင်းအရပ်ဖက်အဖွဲ့အစည်းတွေနဲ့ဒေသခံတွေဆီက ရရှိတဲ့ အချက်အလက်အရ ရေ‌ဘေးမှာ သြဂုတ် ၁၈ရက်အထိ ၄ဦးသေဆုံးထားပြီး ၂ဦးထက်မနည်း ပျောက်ဆုံးနေတယ်လို့ သိရပါတယ်။

ယမန်‌နေ့ ဩဂုတ် ၁၈ရက်ကလည်း လေးမျက်နှာမြို့နယ်မှာ ၁၀နှစ်အရွယ်ကလေးငယ် ၁ဦး ရေနစ်ပျောက်ဆုံးနေလို့ ရှာဖွေကယ်ဆယ်ရေးလုပ်ဆောင်နေရတယ်လို့ ဒေသခံတွေကပြောပါတယ်။ အိုင်သပြုရဲစခန်းရှေ့မှာလည်း လူ ၄ဦး ရေစီးနှင့်မျောပါသွားခဲ့ပြီး ဒေသခံတွေအချင်းချင်း အချိန်မီကယ်ဆယ်နိုင်ခဲ့ပါတယ်။

ပြီးခဲ့တဲ့ဩဂုတ် ၈ရက်နဲ့ ၉ရက်မှာ အာဏာသိမ်းစစ် ခေါင်းဆောင် မင်းအောင်လှိုင် ဧရာဝတီတိုင်းကို လာရောက်ခဲ့စဉ်က ဧရာဝတီတိုင်းစစ်ကောင်စီ အဖွဲ့ဟာ ရေဘေးကြိုတင်ကာကွယ်ရေးကို သေချာလုပ်ဆောင်နိုင်ခဲ့တယ်လို့ ပြောသွားခဲ့ပါတယ်။ ဒါပေမယ့် ရေဘေးဟာပိုမို ဆိုးရွားလာပြီး လေးမျက်နှာမြို့နယ်မှာ တာကျိုးစဉ်ကထက် ရေပိုများနေသလို ဟင်္သာတ၊ရေကြည်၊ငါးသိုင်းချင်း၊ ကျုံပျော်၊ ကျောင်းကုန်းမြို့နယ်တွေအထိ ရေတွေဝင်ရောက်လာလို့ ရေကြီးနှစ်မြုပ်တဲ့ဧရိယာ ပိုမိုကျယ်ပြန့်နေပါတယ်။

လက်ရှိမှာ နိုင်ငံအထက်ပိုင်းဒေသတွေမှာလည်း ရေဘေးကြုံတွေ့နေပါတယ်။ အထက်ပိုင်းဒေသတွေမှာ မိုးသည်းထန်ပြီး ဆည်တွေကနေရေလွှတ်ချတဲ့အတွက် စစ်ကိုင်းယူနစ်၊ မန္တလေးယူနစ်နှင့် ဧရာဝတီတိုင်းက မြို့နယ်ပေါင်း ၂၃ ခုမှာ အိမ်ထောင်စုပေါင်း ၁၁၁,၆၇၂ စု (သို့မဟုတ်) လူဦးရေ ၄၇၀,၆၄၈ ဦးခန့် ရေဘေးကြုံတွေ့နေတယ်လို့အမျိုးသားညီညွတ်ရေးအစိုးရ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA)က ဒီနေ့ သြဂုတ်လ၁၉ရက်နေ့မှာ ထုတ်ပြန်ထားပါတယ်။

ရေဘေးအတွင်း သေဆုံးသူ ၂၈ ဦး၊ပျောက်ဆုံးသူ ၂ ဦးရှိတယ်လို့ MoSLHA က ထုတ်ပြန်ထားပါတယ်။

(ငါးသိုင်းချောင်းမြို့ပေါ် ရေကြီးနေတာကို တွေ့ရစဉ်။ ဓာတ်ပုံ - CJ)

မြန်မာနိုင်ငံမှာ စာသင်ကျောင်းဆောင်သစ် လာရောက်လှူဒန်းခဲ့တဲ့ ဂျပန် MMA ဖိုက်တာ တာခဲရု

သြဂုတ် ၁၉၊၂၀၂၆။သုည/People's Spring

One Championship ရဲ့ ဂျပန် ကစ်ဘောင်ဆင် ဖိုက်တာ တာခဲရုဟာ မြန်မာနိုင်ငံ တောင်ကြီးမြို့က အေးသာယာရပ်ကွက် ရွှေတောင်တန်းပရဟိတ ဘုန်းတော်ကြီးသင် ပညာရေးကျောင်းတိုက်မှာ စာသင်ကျောင်းဆောင်သစ် လှူဒါန်းခဲ့တယ်လို့ ဒေသခံပြည်သူတွေက ပြောပါတယ်။

တာခဲရုဟာ ပြီးခဲ့တဲ့ ၂၀၂၅ က ရွှေတောင်တန်းပရဟိတ ဘုန်းတော်ကြီးသင် ပညာရေးကျောင်းတိုက်ရဲ့ စာသင်ကျောင်းဆောင် ၃ ဆောင်တွဲ ဆောက်လုပ်ဖို့ လှူဒါန်းခဲ့တာ ဖြစ်ပြီး ၂၀၁၆ ဩဂုတ် ၁၈ ရက်က ပြုလုပ်တဲ့ ကျောင်းဆောင်သစ်ဖွင့်ပွဲ အခမ်းအနားကို တာခဲရု ကိုယ်တိုင်လာရောက်ခဲ့တာပါ။

“တာခဲရုက မနှစ်ထဲက ရွှေတောင်တန်းပရဟိတ ဘုန်းတော်ကြီး စာသင်ကျောင်း ဆောက်လုပ်ဖို့ ဆိုပြီး ဂျပန်ဖောင်‌ဒေးရှင်းနဲ့ ပူးပေါင်း လှူထားတာပါ။ မနေ့က လုပ်တဲ့ ကျောင်းဆောင်သစ်ဖွင့်ပွဲကိုလည်း သူကိုယ်တိုင် လာရောက်ခဲ့တာ ဖြစ်ပါတယ်။ သူက အရင်လည်း အာရှဘက်မှာ အခြားစာသင်ကျောင်းတွေ လှူဖူးတယ်လို့ သိရတယ်။ ပညာရေးနဲ့ ပတ်သက်ပြီး အမြဲလှူနေကြလို့ ကြားဖူးပါတယ်။ တကယ့်ကို စိတ်ထားကောင်းတဲ့ ဖိုက်တာတစ်ယောက်ပါ” လို့ တောင်ကြီးမြို့ခံ ပြည်သူတစ်ဦးက ဆိုပါတယ်။

တာခဲရုဟာ ဘုန်းတော်ကြီးသင် ကျောင်းမှာရှိတဲ့ ကလေးတွေနဲ့ စိတ်ခွန်အားဖြစ်အောင် တိုက်ခိုက်ရေးနည်းလမ်းအချို့ မျှဝေပေးခဲ့ပြီး အမှတ်တရလက်ဆောင်တွေလည်း ပေးအပ်ခဲ့တယ်လို့ တောင်ကြီးမြို့ခံအချို့က ပြောပါတယ်။

တာခဲရုအနေနဲ့ ယခင်က ဗီယက်နမ်၊ လာအို စတဲ့ အရှေ့တောင်အာရှ နိုင်ငံတွေက မရှိနွမ်းပါးတဲ့ မြို့တွေမှာ စာသင်ကျောင်းတွေ ဆောက်လုပ် လှူဒါန်းခဲ့ဖူးကြောင်း ဂျပန်မီဒီယာတွေက ဖော်ပြရေးသားခဲ့ပါတယ်။

MMA ဖိုက်တာတစ်ယောက်အနေနဲ့ ရှာဖွေရရှိတဲ့ ငွေကြေးတွေနဲ့ ကလေးငယ်တွေရဲ့ အိမ်မက်တွေ အကောင်အထည်ဖော်နိုင်မယ့် ပတ်ဝန်းကျင်တစ်ခုကို ဖန်တီးပေးနိုင်ဖို့က ၎င်းဆန္ဒဖြစ်ကြောင်း တာခဲရုက ဂျပန်မီဒီယာတစ်ခုနဲ့ အင်တာဗျုးမှာ ဖြေကြားခဲ့ပါတယ်။

အသက် ၃၅ နှစ်အရွယ် တာခဲရုဟာ One Championsh ရဲ့ ဖလိုင်းဝိတ်ကစ်ဘောက်ဆင် ချန်ပီယံဟောင်း တစ်ဦးဖြစ်ပြီး မြန်မာဖိုက်တာ သန့်စင်နဲ့ ထိုးသတ်ခဲ့ဖူးပါတယ်။ လက်ရှိမှာတော့ ကစားသမားဘ၀မှ အနားယူသွားခဲ့ပြီ ဖြစ်ပါတယ်။