■ဆောင်းပါး

သေနတ် ၁၀ သန်းကြားက ထိုင်းနိုင်ငံ၏ လုံခြုံရေး

- သီဟံ ရေးသားသည်။

အသက် ၁၄ နှစ်အရွယ်ကလေးတစ်ယောက် လက်ထဲက သေနတ်တစ်လက်ကြောင့် ထိုင်းနိုင်ငံမှာ လူ ၉ ဦး သေဆုံးခဲ့ပြီးတဲ့နောက် သေ
နတ်တွေ ဘယ်လောက်အထိလွယ်လွယ်ကူကူလက်လှမ်းမီနေသလဲဆိုတာနဲ့ နိုင်ငံအတွင်း လက်နက်တွေ ပျံ့နှံ့နေမှု အခြေအနေအပေါ် စိုးရိမ်ပူပန်မှုတွေ မြင့်တက်လာကြပါတယ်။

ဒီဖြစ်ရပ်အပြီးမှာဝန်ကြီးချုပ်အနူတင်ချန်ဗီရာကူလ် (Anutin Charnvirakul)က သေနတ်ပိုင်ဆိုင်ခွင့်၊ဝယ်ယူခွင့်နဲ့ သယ်ဆောင်ခွင့် လိုင်
စင်အသစ်တွေ ထုတ်ပေးတာကို ယာယီရပ်
ဆိုင်းဖို့ ပြည်ထဲရေးဝန်ကြီးဌာနနဲ့ ရဲတပ်ဖွဲ့ကို ညွှန်ကြားခဲ့ပါတယ်။ သေနတ်ထိန်းချုပ်ရေး ဥပဒေသစ်မပြဋ္ဌာန်းမချင်းဒီအစီအစဉ်ကို ဆက်ထားမယ်လို့လည်းအစိုးရဘက်က ပြော
ထားပါတယ်။

ဒါပေမဲ့ ဒီဖြစ်ရပ်ဟာ ကလေးတစ်ဦးရဲ့ လုပ်
ရပ်တစ်ခုတည်း မဟုတ်ပါဘူး။ ထိုင်းနိုင်ငံမှာ သေနတ်တွေဘယ်လောက်အထိပျံ့နှံ့နေသ
လဲ၊ တရားမဝင်သေနတ်တွေကို
ဘယ်လိုထိန်းချုပ်မလဲဆိုတဲ့ ပိုကြီးမားတဲ့ ပြဿနာကို ဖော်ထုတ်လိုက်တာပါ။

ပြီးခဲ့တဲ့သောကြာနေ့ကအသက်၁၄နှစ်အရွယ် ကလေးတစ်ဦးဟာ သူ့အဘိုးအဘွားနှစ်ဦးကို အိမ်မှာ ပစ်သတ်ပြီးနောက်ကျောင်းမှာ ဆရာ၊ ဆရာမ နဲ့ ဝန်ထမ်းတွေကို ဆက်လက်ပစ်ခတ်ခဲ့ပါတယ်။ဒဏ်ရာရခဲ့တဲ့အသက်၁၂နှစ်အ
ရွယ် မိန်းကလေးတစ်ဦးလည်း နောက်ပိုင်းမှာ သေဆုံးခဲ့ပါတယ်။ ရဲတပ်ဖွဲ့အဆိုအရ အသုံး
ပြုခဲ့တဲ့ သေနတ်ဟာ သူ့အဘိုးပိုင် သေနတ်ဖြစ်ပါတယ်။

ဒီအချက်ကသေနတ်တွေကိုဘယ်လိုသိမ်း
ဆည်းထားသလဲ၊လူငယ်တွေလက်ထဲမရောက်အောင် ဘယ်လိုကာကွယ်ထားကြသလဲဆိုတာကိုပါ ပြန်ပြီး စဉ်းစားလာရပါတယ်။

ထိုင်းနိုင်ငံမှာ ဒီလိုဖြစ်ရပ်မျိုးက ပထမဆုံးတော့ မဟုတ်ပါဘူး။ ၂၀၂၃ ခုနှစ်ကလည်း အသက် ၁၄ နှစ်အရွယ် ကလေးတစ်ဦးက ဘန်ကောက်ဈေးဝယ်စင်တာမှာ လူနှစ်ဦးကို ပစ်သတ်ခဲ့ပါတယ်။ အဲဒီနောက် အစိုးရက သေနတ်လိုင်စင်နဲ့ တင်သွင်းမှုတွေကို တင်း
ကျပ်ခဲ့ပေမယ့် ပစ်ခတ်မှုတွေက ဆက်ရှိနေခဲ့ပါတယ်။

အဓိကပြဿနာကတော့ ဥပဒေတင်းကျပ်မှုနဲ့ လက်တွေ့အခြေအနေကြားကကွာဟချက်ပါ။ Small Arms Survey(လက်နက်ငယ်များဆိုင်
ရာ သုတေသနအဖွဲ့)ရဲ့ ၂၀၁၇ ခုနှစ် အချက်
အလက်အရထိုင်းနိုင်ငံမှာအရပ်သားပိုင် သေ
နတ်၁၀သန်းကျော်ရှိပြီး ၄ သန်းကျော်က မှတ်
ပုံတင်ထားခြင်းမရှိတဲ့ သေနတ်တွေ ဖြစ်ပါတယ်။

ဒါကြောင့် လိုင်စင်အသစ်ထုတ်ပေးတာ ရပ်လိုက်ရုံနဲ့ ပြဿနာက ပြီးသွားမှာမဟုတ်ပါဘူး။ရှိပြီးသားတရားမဝင်သေနတ်တွေကို ဘယ်လိုပြန်လည်စုဆောင်းမလဲ၊ အွန်လိုင်းက သေနတ်ရောင်းဝယ်မှုတွေကို ဘယ်လိုတား
ဆီးမလဲ၊ အိမ်တွင်းမှာရှိတဲ့ သေနတ်တွေကို ဘယ်လိုလုံခြုံစွာ သိမ်းဆည်းစေမလဲဆိုတာက ပိုအရေးကြီးလာပါတယ်။

အစိုးရကတော့ တရားမဝင်သေနတ်တွေပြန်အပ်နိုင်ဖို့ သတ်မှတ်ကာလထားပေးဖို့၊ အွန်လိုင်းသေနတ် ရောင်းဝယ်မှုကို တင်းကျပ်စွာ နှိမ်နင်းဖို့ စီစဉ်နေပါတယ်။ ကျောင်းတွေမှာလည်း လုံခြုံရေး စစ်ဆေးမှုတွေ ပိုတင်းကျပ်ဖို့နဲ့ ကျောင်းသားတွေအတွက် စိတ်ကျန်း
မာရေး အထောက်အပံ့တွေ တိုးမြှင့်ဖို့ ပြင်
ဆင်နေပါတယ်။

နွန်ထဘူရီ (Nonthaburi) ဖြစ်ရပ်က သေ
နတ် ၁၀ သန်းကျော် ပျံ့နှံ့နေတဲ့ ထိုင်းနိုင်ငံမှာ ဥပဒေသစ်တွေ ထပ်ထုတ်ဖို့ထက် ရှိပြီးသားဥပဒေတွေကို ထိထိရောက်ရောက် အကောင်
အထည်ဖော်နိုင်ဖို့၊ သေနတ်တွေ ဘယ်လိုလက်လှမ်းမီနေသလဲနဲ့ ပိုင်ရှင်တွေက ကိုယ်
ပိုင်သေနတ်တွေကို ဘယ်လောက်တာဝန်ယူပြီး လုံခြုံစွာ ထိန်းသိမ်းထားသလဲဆိုတာက ပိုအရေးကြီးနေပြီဆိုတာ ပြသနေပါတယ်။

သေနတ်တစ်လက်ကို ပိုင်ဆိုင်ခွင့်ရှိတာနဲ့အတူ အဲဒီသေနတ်အတွက် တာဝန်ယူမှုလည်း ရှိ
ရမှာ ဖြစ်ပါတယ်။ ။

ကိုးကား - The Guardian

ဘန်​ကောက်မြို့အနီးရှိ နွန်ထဘူရီ​ကကျောင်းမှာ အသက် ၁၄ နှစ်အရွယ်​ကျောင်းသားပစ်
ခတ်ခဲ့တဲ့​သေနတ် ။ဓါတ်ပုံ-ဘန်​ကောက်ပိုစ်

မဘိမ်းနဲ့ မိုးမိတ်ကို စစ်တပ်က နေ့စဉ် ဗုံးကြဲနေ၊ အရပ်သား ၄ဦး သေဆုံးပြီး ဘုန်းကြီးအပါအဝင် ၉ ဦး ဒဏ်ရာရ

ဩဂုတ်−၁၃၊၂၀၂၆။ဇော်ရမ်း/People's spring

စစ်တပ်က ရှမ်းပြည်နယ် မြောက်ပိုင်း၊ မဘိမ်းနဲ့ မိုးမိတ်မြို့နယ်ကို လေကြောင်းကနေ နေ့စဉ် ဗုံးကြဲနေပြီး ၁၂ရက်အတွင်း အရပ်သား ၄ဦး သေဆုံးခဲ့သလို ဘုန်းကြီး ၁ပါးအပါအဝင် ၉ဦး ဒဏ်ရာရခဲ့ပါတယ်။

ဒေသတွင်းမှာ ရေကြီးနစ်မြုပ်မှုကြုံတွေ့နေစဉ် စစ်တပ်က လေကြောင်းကနေဗုံးကြဲပြီး လက်နက်ကြီးတွေနဲ့လည်း ပစ်ခတ်နေတာ ဖြစ်ပါတယ်။

မဘိမ်းမြို့မှာ ဇူလိုင် ၂၈ ရက်ကနေ သြဂုတ် ၈ရက်အထိ လေကြောင်းတိုက်ခိုက်မှုကြောင့် အရပ်သား ၄ ဦး သေဆုံးပြီး ၈ဦးဒဏ်ရာရရှိခဲ့တယ်လို့ ရှမ်းလူ့အခွင့်အရေးမဏ္ဍိုင်(SHRF)က သြဂုတ် ၁၂ရက်မှာ ထုတ်ပြန်ပါတယ်။

ဘိမ်းမြို့နယ်အတွင်း ရွှေလီမြစ်ရေလွှမ်းမိုးနေချိန်မှာ စစ်တပ်ကပစ်ခတ်တာဖြစ်ပြီး သြဂုတ် ၆ ရက် ည ၁၁ နာရီခန့်က ဗုံးကြဲတိုက်ခိုက်မှုမှာလည်း မဘိမ်းမြို့ဆေးရုံကြီးက အဆောက်အအုံ ၃လုံး ပျက်စီးခဲ့တယ်လို့ ထုတ်ပြန်ထားပါတယ်။

မဘိမ်းမြို့မှာ ပြီးခဲ့တဲ့ ဇူလိုင်လကုန်ကစပြီး ရွှေလီမြစ်ရေကြီးမှုနဲ့အတူ မိုးလည်းသည်းထန်စွာရွာခဲ့တဲ့အတွက် ဒေသခံတွေရေ ဘေးကြုံတွေ့ခဲ့ပါတယ်။

မဘိမ်းမြို့နဲ့ ဆက်စပ်နေတဲ့မိုးမိတ်မြို့နယ်မှာလည်း တိုက်ပွဲဖြစ်နေပြီး စစ်တပ်က လေကြောင်းကနေ ဗုံးကြဲနေပါတယ်။

မိုးမိတ်မြို့နဲ့ (၂)မိုင်ခန့်အကွာ ညောင်နီကျေးရွာမှာ ဩဂုတ် ၁၁ရက် နေ့လယ်၁နာရီခန့်ကစပြီး တိုက်ပွဲဖြစ်ခဲ့တာကနေ စစ်ရေးတင်းမာနေတာပါ။

မိုးမိတ်မြို့နယ်ကို စစ်တပ်က ဩဂုတ် ၁၁ရက်နဲ့ ၁၂ရက်မှာ ဗုံးကြဲလို့ စာသင်ကျောင်းနဲ့ ဘုန်းကြီးကျောင်းတချို့ပျက်စီးပြီး သံဃာတော် ၁ပါးဒဏ်ရာရခဲ့တယ်လို့ သိရပါတယ်။

တိုက်ပွဲဟာ မိုးမိတ်မြို့အနီးမှာ တပ်စွဲထားတဲ့ ကချင်လွတ်လပ်ရေးတပ်မတော်(KIA) စခန်းကို တိုက်ခိုက်ဖို့နဲ့ မတိုက်ရင် ဖယ်ပေးဖို့ စစ်တပ်က ရှမ်းပြည်တိုးတက်ရေးပါတီ ၊ ရှမ်းပြည်တပ်မတော် (SSPP/SSA) ကို ဖိအားပေးတာကနေ စတင်တာလို့ ဒေသခံသတင်းမြစ်တွေက ပြောပါတယ်။

ညောင်နီရွာမှာ ဖြစ်တဲ့တိုက်ပွဲမှာ စစ်​ကြောင်းထိုးလာတဲ့ စစ်တပ်ကို KIA ၊SSPP ၊PDF စတဲ့ပူး​ပေါင်းတပ်​​တွေက ခုခံတိုက်ခိုက်ခဲ့တာဖြစ်ပါတယ် ။တိုက်ပွဲဖြစ်တဲ့ သြဂုတ် ၁၁ ရက်မှာ စစ်တပ်စစ်​ကြောင်းက ဒုတပ်ရင်းမှူးနဲ့ ရဲ​ဘော်အချို့ ​သေဆုံးခဲ့တယ်လို့ စစ်​ရေးသတင်းရင်းမြစ်အချို့က ​ပြောပါတယ်။

သြဂုတ် ၁၂ ရက်တိုက်ပွဲမှာ SSPP/SSA တပ်ဖွဲ့ဝင် ၁ဦးကျဆုံးခဲ့ပြီး စစ်တပ်က ဗုံးကြဲလို့ ​ညောင်နီရွာ​ကျောင်း ထိမှန်ပျက်စီးခဲ့တယ်လို့ စစ်​ရေးရင်းမြစ်အချို့က​ပြောပါတယ်။

SSPP/SSA ဟာ ဝပြည်သွေးစည်းညီညွတ်ရေးတပ်မတော် (UWSA) ဦးဆောင်တဲ့ ပြည်ထောင်စုငြိမ်းချမ်းရေး ဆွေးနွေးမှုကော်မတီ(FPNCC)မှာ ပါဝင်ပြီး စစ်တပ်နဲ့ငြိမ်းချမ်းရေးဆွေးနွေးဖို့ နေပြည်တော်ကို ရောက်ရှိနေတာပါ။

လက်ရှိဖြစ်ပွားနေတဲ့တိုက်ပွဲနဲ့ပတ်သက်လို့ SSPP/SSA က သတင်းမထုတ်ပြန်သေးပါဘူး။

KIA ကတော့ ဒေသခံတွေ လေကြောင်းအန္တရာယ်သတ်ပြုကြဖို့ သတိပေးထားပါတယ်။

သဖန်းဆိပ်ဆည် ရေထပ်လွှတ်နေလို့ မူးမြစ်ရေကြီးနိုင်ဟု ရွှေဘိုခရိုင် ပကဖ သတိပေး

ဩဂုတ် ၁၃၊၂၀၂၆။ ဇေအောင်/People's Spring

သဖန်းဆိပ်ဆည် ရေပြည့်မှတ်ကျော်လွန်နေလို့ ရေလွှတ်နေတာကြောင့် မူးမြစ်ဘေးနေ ပြည်သူတွေ ရေဘေး ထပ်မံသတိပြုကြဖို့ ရွှေဘိုခရိုင် ပကဖက သတိပေးထုတ်ပြန်ပါတယ်။

စစ်ကိုင်းတိုင်း၊ ကျွန်းလှမြို့နယ်ရှိ သဖန်းဆိပ်ဆည်ကြီးရဲ့ကန်ရေပြည့်မှတ်မှာ ၅၄၅ ပေခန့်သာ ဝင်ဆံ့ပြီး ယခုလက်ရှိ ရေပမာဏဟာ ၅၄၅.၇၅ ပေ ရောက်ရှိနေတာကြောင့် ဆည်ကြံ့ခိုင်မှုရှိစေဖို့အတွက် ဒီကနေ့မှာ ရေလွှတ်နှုန်း (၆၇၇၀၉ကျူ့ဆက်) ကုဗပေ/စက္ကန့် အထိ လွှတ်ထားကြောင်း ရွှေဘိုခရိုင် ပကဖ ထုတ်ပြန်ပါတယ်။

အဲဒိီလို လွှတ်ထားတဲ့ ရေတွေဟာ ကာဘိုးဆည်အတွင်း ဒီကနေ့ညပိုင်း ၊ မနက်ဖြန်မနက်ပိုင်းမှာ ရောက်ရှိမှာဖြစ်ကြောင်း၊ ကာဘိုးဆည် မူးမြစ် ရေတံခါးအားလုံး ဖွင့်လှစ်ထားတာကြောင့် အထက်ကနေ စုန်ဆင်းလာတဲ့ ရေတွေဟာ အထိန်းအကွပ်မရှိ အောက်ဘက်ကို ဆက်လက်ဆင်းလာမှာဖြစ်ကြောင်း ရွှေဘိုခရိုင်ပကဖက ထပ်မံအသိပေးပါတယ်။

"စစ်ကိုင်းတိုင်းအထက်ပိုင်းမှာတော့ လက်ရှိအချိန်ထိ မိုးများနေဆဲ‌လို့ သိရပါတယ်။"လို့ ရွှေဘိုခရိုင်ပကဖ တာဝန်ရှိသူက ပြောပါတယ်။

ဒါ့ကြောင့် မူးမြစ်ရေဟာ လက်ရှိ ရေပြင်ထက် ပိုပြီး တက်လာနိုင်တာကြောင့် မူးမြစ်ဘေးကျေးရွာတွေမှာ နေထိုင်ကြတဲ့ ပြည်သူတွေ ရေဘေးအန္တရာယ်ကို သတိပြုဂရုစိုက်ကြဖို့နဲ့ မွေးမြူရေးတိရစ္ဆာန်တွေနဲ့ ကောက်ပဲသီးနှံတွေကို ရေလွတ်ရာသို့ အချိန်မီ ရွှေ့ပြောင်းကြဖို့ အသိပေးကြေညာပါတယ်။

​ရေ​ဘေးဒဏ် အဆိုးဆုံးရင်ဆိုင်​နေရတဲ့ စစ်ကိုင်းတိုင်းမှာ ရေ​ဘေး​ကြောင့် သေဆုံးသူ ၂၃ ဦးထိရှိလာပြီး ၂ ဦး​ပျောက်ဆုံး​နေတယ်လို့ အမျိုးသားညီညွတ်ရေးအစိုးရ(NUG)၊ လူမှုရေးရာ၊အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနက သြဂုတ် ၁၁ရက် မနေ့ညပိုင်းမှာ ထုတ်ပြန်ခဲ့ပါတယ်။

သဖန်းဆိပ်ဆည်က ​ရေလွှတ်တာ၊ မိုးသည်းထန်စွာရွာသွန်းတာ​တွေ​ကြောင့် သဖန်းဆိပ်ဆည်​အောက်ဘက် မူးမြစ်ကမ်းတ​လျှောက်မြို့နယ်​တွေမှာ ​သြဂုတ် ၆ ရက်ကစပြီး ရေ​ဘေးရင်ဆိုင်​နေရတာဖြစ်ပါတယ်။ ​

ရေ​ဘေး​ကြောင့် ​သေဆုံးသူအ​ရေအတွက်ဆက်တိုက်တိုး​နေရာ NUGရဲ့ သြဂုတ် ၁၁ ရက် စာရင်း​တွေအရ ​ကျွန်းလှမြို့နယ်မှာ ၈ ဦး၊ ဒီပဲယင်းမြို့နယ်မှာ ၇ ဦး၊ ကောလင်းမြို့နယ်မှာ ၃ ဦး​သေဆုံး၊ ၂ ဦး​ပျောက်ဆုံး၊ တန့်ဆည်မြို့နယ်မှာ ၂ ဦး၊ ရွှေဘိုမြို့နယ်မှာ ၁ ဦး၊ ကန့်ဘလူမြို့နယ်မှာ ၁ ဦး၊ ခင်ဦးမြို့နယ်မှာ ၁ ဦး ​သေဆုံးခဲ့တယ်လို့ ထုတ်ပြန်ထားပါတယ်။

ဒါပေမဲ့ တန့်ဆည်မြို့နယ်မှာပဲ အမျိုးသမီးတစ်ဦးအပါအဝင်​ရေ​ဘေး​ကြောင့် ပြည်သူ ၄ဦးသေဆုံးခဲ့တယ်လို့ တန့်ဆည်မြို့နယ် ပြည်သူ့လုံခြုံရေးအဖွဲ့က သြဂုတ် ၁၁ ရက်မှာ ပြောပါတယ်။

အလားတူ ကောလင်းမြို့နယ်မှာ CDM ကျောင်းဆရာတစ်ဦးအပါအဝင် ရေဘေးကြောင့် သေဆုံးသူ ၆ဦးရှိပြီး ပျောက်ဆုံးနေသူ ၂ ဦးရှိတယ်လို့ ကောလင်းမြို့နယ် ပြည်သူ့ကာကွယ်ရေးအဖွဲ့ တာဝန်ရှိသူတစ်ဦးက​ ပြောပါတယ်။

ဒါ​ကြောင့် ​သေဆုံးသူ အ​ရေအတွက်တိုးလာဖို့ ရှိ​နေပါတယ်။

စစ်ကိုင်းတိုင်းမှာ မြို့နယ် ၁၃ မြို့နယ်မှာ ရေ​ကြီး​ရေလျှံ​နေပြီး ​ရေသင့်ပြည်သူ ၂၂၆,၀၀၀ ကျော်ရှိ​နေပါတယ်။ ဒါ့အပြင် ကလေးနဲ့ မြောင်မြို့နယ်ရှိ ရွာအချို့မှာ ရေဝင်ရောက်နေတဲ့အတွက် အခြေအနေကို ဆက်လက်စောင့်ကြည့်ပြီး လိုအပ်သလို အရေးပေါ် တုံ့ပြန်မှုလုပ်ငန်း​တွေကို ဆောင်ရွက်​နေတယ်လို့ ဆိုပါတယ်။

(ရွှေဘိုခရိုင်အတွင်း ရေကြီးနေစဥ် ပြည်သူများအား ရွှေ့ပြောင်းပေးနေသော ပကဖရဲဘော်များအား တွေ့ရစဥ်။ ဓါတ်ပုံံ − ရွှေဘိုခရိုင်ပကဖ)

ရေးမြို့နယ်တိုက်ပွဲ စစ်တပ် ၆ဦးသေ၊ တော်လှန်ရေးရဲဘော် ၂ဦး ကျဆုံးဟု YGF ထုတ်ပြန်

ဩဂုတ် ၁၃၊ ၂၀၂၆။ ထားမြတ်/People’s Spring

မွန်ပြည်နယ်၊ ရေးမြို့နယ်က အောင်သပြေရွာဟောင်းအနီး စစ်ကြောင်းထိုးလာတဲ့ စစ်တပ်ကို မဟာမိတ်ပူးပေါင်းတပ်တွေက တိုက်ခိုက်ခဲ့ရာ စစ်တပ်က ၆ဦး သေဆုံးကာ ၃ဦး ဒဏ်ရာရရှိခဲ့ကြောင်း ရေးပြောက်ကျားတပ်ဖွဲ့(YGF)က ထုတ်ပြန်ပါတယ်။

စစ်တပ်ရဲ့ ခမရ(၅၈၈)၊အမတ(၃၁၇)၊ခလရ(၁၀၆)တပ်ရင်းတို့က အင်အား ၁၀၀ခန့်ပါ စစ်ကြောင်းဟာ ဒေသတွင်းကို စစ်ကြောင်းထိုးလာလို့ ဩဂုတ် ၈ရက်မှာ တိုက်ပွဲဖြစ်ခဲ့တာလို့ အသိပေးပါတယ်။

အဲဒီတိုက်ပွဲဟာ မိနစ် ၂၀ခန့် ကြာမြင့်ခဲ့ပြီး စစ်တပ်က ထိခိုက်မှုရှိသလို မဟာမိတ် ပူးပေါင်းတပ်ဘက်က ရာမညမွန်တပ်တော်(RMA) ရဲဘော် ၂ဦးလည်း ကျဆုံးခဲ့ရတယ်လို့ ထုတ်ပြန်ပါတယ်။

စစ်တပ်ကို တိုက်ခိုက်ရာမှာ YGFအမှတ်(၈၀၀၁)တပ်ရင်း/တပ်ခွဲ(၁)နဲ့ ချေမှုန်းရေးတပ်ဖွဲ့၊မွန်ပြည်တော်လှန်ရေးတပ်(MSRF)၊ရာမညမွန်တပ်တော်(RMA)(၉၀၁)တပ်ရင်းတို့ ပူးပေါင်းဆောင်ရွက်ခဲ့တာဖြစ်ပါတယ်။

RMAကလည်း အဲဒီတိုက်ပွဲဖြစ်စဉ်ကို သတင်းထုတ်ပြန်ထားရာ တော်လှန်ရေးပူးပေါင်းတပ်က လက်ဦးမှုရယူပြီး စစ်တပ်စစ်ကြောင်းကို တိုက်ခိုက်ခဲ့ပေမယ့် စစ်တပ်က လက်နက်ကြီး၊ လက်နက်ငယ်များ ပြန်လည်ပစ်ခတ်ရာ RMA ရဲဘော် ကျော်စွာဝင်း(ခ)ဂျေကြီးနဲ့ ရဲဘော်သော်ဇင်(ခ)ဧရာ တို့ ကျဆုံးခဲ့ရတယ်လို့ ဖော်ပြထားပါတယ်။

(ရေးပြောက်ကျားတပ်ဖွဲ့(YGF)က ရဲဘော်တွေကို တွေ့ရစဉ်။ ဓာတ်ပုံ − Ye Guerrilla Force)

မတ္တရာမှာပြည်သူတွေ​ရေ​ဘေးသင့်ချိန် စစ်
တပ်ပစ်ခတ်ဗုံးကြဲ​​လို့ ပြည်သူ ၁ဦး ဒဏ်ရာရ

ဩဂုတ် ၁၃၊၂၀၂၆၊ကတ်သရင်း/ People's Spring

ပြည်သူတွေ ရေဘေးသင့်နေချိန် မတ္တရာမြို့နယ်အတွင်းတပ်စွဲထားတဲ့ စစ်တပ်က လက်နက်ကြီးတွေ၊ ဒရုန်းတွေ နဲ့ ပစ်ခတ်ဗုံးကြဲနေလို့ စစ်ကိုင်းမြို့နယ်၊တောင်ရင်းကျေးရွာက အမျိုးသား ၁ဦး ထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်။

မန္တ​လေးတိုင်း၊မတ္တရာမြို့နယ်အနောက်ခြမ်း၊ သဖန်း‌ဒေါင့်ရွာကနေ အနောက်ဘက်ကို စစ်တပ်က လက်နက်ကြီးတွေနဲ့ သြဂုတ် ၁၃ ရက် တစ်ရက်လုံး နီးပါးပစ်ခတ်နေပါတယ် ။ အဲဒီထဲကလက်နက်ကြီး ၄လုံးဟာ စစ်ကိုင်းမြို့နယ်၊ တောင်ရင်းရွာကိုကျရောက်ပြီးအသက် (၈၄)နှစ်အရွယ် ဦးစိန်မြိုင်ရဲ့‌ ခြေ
ထောက်မှာ ကျည်စထိမှန်ဒဏ်ရာ ရခဲ့တာဖြစ်ပါတယ်။

မတ္တရာမြို့နယ် နဲ့ စစ်ကိုင်းတိုင်းက စစ်ကိုင်းမြို့နယ်အရှေ့ခြမ်း၊ ဝက်လက်မြို့နယ်၊
စဉ့်ကူးမြို့နယ်တို့မှာဆည်ကရေလွှတ်တာ၊ဧရာဝတီမြစ် ရေတက်လာတာတွေကြောင့် ကျေးရွာတွေအတွင်း ရေဝင်ပြီး ဒေသခံတွေ ရေဘေး ဒုက္ခရောက်နေချိန်မှာပဲ စစ်တပ်က မတ္တရာမြို့ကို အင်အားတွေတိုးကာ ဒရုန်းနဲ့ဗုံးကြဲတာ၊ဟောင်ဝစ်ဆာတွေပစ်တာ၊လက်
နက်ကြီး ပစ်တာတွေ ဆက်တိုက်လုပ်နေတယ်လို့ ဒေသခံတွေက ပြောပါတယ်။

စဉ့်ကူးမြို့နယ်၊ရွှေဂုံတိုင်ရွာနဲ့ ထုံးကြီးရွာက စစ်တပ်ကလည်းရေဝင်နေတဲ့ရွာတွေကို ဒရုန်းတွေနဲ့ ဆက်တိုက် ဗုံးကြဲနေတယ်လို့ ဒေသခံတွေက ပြောပါတယ်။

"ဒီနေ့လည်းဆက်တိုက်ကိုဒရုန်းတွေဝဲနေတာ။အရင်နေ့ကလည်း ရေဘေး၊စစ်ဘေးရှောင်တွေရှိတဲ့ ရွှေဘယက်ရွာကို ချတာ ၃လုံး။လူတွေဝေးတင် ကံကောင်းလို့ မသေကြတာ။လက်နက်ကြီးကလည်းနေ့တိုင်းပစ်နေတာ"လို့ ဒေသခံတစ်ဦးက ပြောပါတယ်။

ဩဂုတ် ၁၁ရက်ကလည်း ရေဘေးသင့်နေတဲ့ ခင်ဦးမြို့နယ်ကိုစစ်တပ်ကဗုံးကြဲတာ​ကြောင့်
အမျိုးသမီး ၁ဦးဒဏ်ရာရခဲ့ပြီး အိမ်​မွေးတိရိစ္ဆာန်အကောင်၂၀ ကျော် သေဆုံးခဲ့ပါတယ်။

(စစ်တပ် ပစ်ခတ်မှုကြောင့် တောင်ရင်းရွာက ဒဏ်ရာရနေတဲ့ ပြည်သူ ၁ဦးကို တွေ့ရစဉ်။ ဓာတ်ပုံ − Wetlet information Network)

တောင်မော်ဦး​ရေတပ်စခန်း​တိုက်ပွဲပြင်ထန်

■စစ်တပ်ကဆယ်ချီထပ်မံသေဆုံးပြီးအင်အားဆက်တိုက်ဖြည့်နေ

ဩဂုတ်-၁၃၊၂၀၂၆။ခိုင်မြတ်/ People's Spring

ကျောက်ဖြူမြို့နယ်၊တောင်မော်ဦးရေတပ်စခန်းရဲ့ နောက်ဆုံးကာကင်းတွေရှိတဲ့ အ၀
တောင်ရွာအနီး အာဏာသိမ်းစစ်တပ်နဲ့ အာရက္ခတပ်တော်(AA)တို့ နှစ်ဖက်တိုက်ပွဲအပြင်း
အထန်ဖြစ်ပွားနေပြီး စစ်တပ်ဘက်က ဆယ်ချီသေ ဆုံးကာ နောက်ထပ်တကြိမ်တပ်ဆုတ်သွားခဲ့ရတယ်လို့ မြေပြင်သတင်းရင်းမြစ်တွေက ပြောပါတယ်။

တောင်မော်ဦးရေတပ်စခန်းကနေ တဆင့် အ၀တောင်စခန်းတွေဆီအင်အားဖြည့်ပြီး စစ်
ကြောင်းထိုးလာတဲ့ စစ်တပ်နဲ့ AA တို့ တိုက်ပွဲဖြစ်ပွားနေတာဖြစ်ပြီးဩဂုတ်လ ၁၁ ရက်နေ့တိုက်ပွဲမှာ စစ်တပ်ဘက်က ဆယ်ချီသေဆုံး၊ ထိခိုက်ခဲ့တာလို့ သိရပါတယ်။

“အင်အား နှစ်ရာကျော်လောက်နဲ့ စစ်ကြောင်းတက်လာလို့ တိုက်ပွဲဖြစ်ကြတာ။ ဟိုရက်က တိုက်ပွဲမှာဒီကောင်တွေ တော်တော်ထိသွားတယ်။အလောင်းနှစ်ဆယ်လောက်ရတယ် ကိုယ့်ဘက်က။အခုတော့တပ်ဆုတ်သွားကြပြီ။ကိုယ့်ဘက်ကလိုက်တိုက်နေတယ်။ တိုက်
ပွဲ ပြင်းနေတုန်း”လို့ မြေပြင်မှာ ရှိနေတဲ့ ဒေသ
ခံစစ်ရေးသတင်းရင်းမြစ်တဦးကပြောပါတယ်။

ရှေ့တန်းမှာအထိနာနေတဲ့စစ်တပ်ဟာဒရုန်းနဲ့ ဂျိုင်ရိုကော်ပတာတွေ ပိုအသုံးပြုလာပြီး ကျောက်ဖြူလေဆိပ်မှာအခြေစိုက်ကာ တိုက်ခိုက်ရေးလေတပ်စခန်းအသွင် ပြင်ဆင်ထားတယ်လို့လည်း ဒေသခံတွေက ပြောပါ တယ်။

“ကျောက်ဖြူလေဆိပ်ကို လေတပ်စခန်းလို လုပ်နေတာတော့နည်းနည်းကြာပြီ။အခုက တရုတ်ကနည်းပညာအဖွဲ့ ထပ်ရောက်တယ် ကြားတယ်။ဒရုန်းအသစ်တွေရောထပ်ရောက်နေတယ်သတင်းရတယ်”လို့ကျောက်ဖြူမြို့ခံတဦးက ပြောပါတယ်။

တောင်မော်ဦးရေတပ်စခန်းကနေ ကျောက်ဖြူ - ရမ်းဗြဲဆုံရာစနဲမြို့ထိ ပြန်ထိန်းချုပ်နိုင်ဖို့ ရည်ရွယ်ချက်နဲ့ထိုးစစ်ဆင်လာ တဲ့ စစ်တပ်ဟာ အင်အားအများအပြားသုံး တန်ပြန်ထိုးစစ်ဆင်ခဲ့ပေမယ့် တပ်ဦးကျိုးပြီး အကြိမ်ကြိမ်ပြန်လှည့်ခဲ့ရတာ အခုနဲ့ဆို သုံးကြိမ် တိုင်ရှိသွားပြီဖြစ်တယ်လို့ စစ်ရေးသတင်းရင်းမြစ်တွေက ပြောကြပါတယ်။

“ရှေ့ကိုမရောက်ဘူး။စနဲ နားထိ တက်ဖို့လုပ်တာ။ဒီတခေါက်လည်းတော်တော်ထိသွားတယ်ပြောတယ်။ဒီလို ထိတိုင်းလေယာဉ်တွေလာတတ်လို့ကြောက်နေကြရတယ်”လို့ ကျောက်ဖြူဒေသခံ အမျိုးသမီးတဦးက ပြောပါတယ်။

စစ်တပ်ဟာ တောင်မော်ဦးရေတပ်စခန်းကနေ စစ်ကြောင်းထိုးနေသလိုမင်းပြင်၊ ဇိုင်ချောင်း၊ သိုင်းချောင်းနဲ့ တရုတ် ရဲ့ကုန်းတွင်းပိုင်းဓါတ်
ငွေ့သိုလှောင်စက်ရုံ(OGT)ရှိရာ လိပ်ခမော်ရွာအနီးဝန်းကျင်၊ အမှတ်(၃၂)ရဲ တပ်ရင်းအနီးဝန်း ကျင်တို့ကိုလည်း အင်အားဖြည့်ထားပြီး တိုက်ပွဲဖြစ်နေပါတယ်။

မင်းပြင်နားတဝိုက်တိုက်ပွဲမှာလည်းဇူလိုင်လကုန်ပိုင်းက စစ်သားတဆယ်ဝန်းကျင်ရဲ့အ​လောင်း​တွေခဲ့ပါတယ်။ စစ်တပ်ဟာ လိပ်ခမော်အနီးဝန်းကျင်ကို ကျောက်ဖြူမြို့ထဲရှိ ခလရ(၃၄)၊ ခမရ ၅၄၃၊ ခမရ ၅၄၂ တို့ကနေ ကားနဲ့ အင်အားဖြည့်ပြီး တောင်မော်ဦးအနီးစခန်းအနီးကိုတော့ စစ်သင်္ဘောတွေကတဆင့် အင်အားဖြည့်နေတာဖြစ်တယ်လို့ ဒေသခံသ
တင်းရင်းမြစ်တွေက ပြောကြပါတယ်။

ကျောက်ဖြူ နဲ့ ဓည၀တီရေတပ်စခန်းဆီသွား
ရာလမ်း မင်းတက်တောင်လမ်းဆုံအနီးဝန်း
ကျင်တွေကို လက်လွှတ်ခဲ့ရ ပြီး ကုန်းလမ်းဆက်သွယ်ရေးပြတ်တောက်နေခဲ့တဲ့ စစ်တပ်ဟာ၂၀၂၅ ခုနှစ်မှာ အင်အားအလုံးအရင်းနဲ့ တန်ပြန် ထိုးစစ်ဆင်ကာ သိုင်းချောင်း၊ မင်းပြင်အနီးဝန်းကျင်တွေကို ပြန်လည်သိမ်းယူခဲ့တာပါ။အဲဒီနေရာတွေထဲက အချို့ကို AA က ထပ်မံသိမ်းပိုက်ခဲ့ပြီး တိုက်ပွဲတွေ ရပ်နေခဲ့ရာကနေ အခုအခါ တိုက်ပွဲပြန်ဖြစ်ပြီးAAက ထပ်
မံသိမ်းပိုက်ဖို့ကြိုးစားနေတာဖြစ်ပါတယ်။

ကျောက်ဖြူမြို့နယ်အတွင်း အာဏာသိမ်းစစ်တပ်ရဲ့ ရှေ့တန်းစခန်းတွေကို အာရက္ခတပ်တော်(AA)ကအဝေးပစ်လက်နက်ကြီး၊ စနိုက်ပါတို့နဲ့ တိုက်ခိုက်နေတာကြောင့်စစ်တပ်ဘက်က ထိခိုက်၊ သေဆုံးသူတွေ နေ့စဉ်နီးပါးရှိ နေတယ်လို့ မြေပြင်သတင်းရင်းမြစ်တွေက ပြောကြပါတယ်။

ကျောက်ဖြူမြို့နယ်အတွင်းကရှေ့တန်းစစ်
မျက်နှာတွေမှာ စစ်တပ်ဘက်က အထိနာ၊ အ
ကျအဆုံးများနေသလို လက်နက်ချ၊ အလင်း
ဝင်လာသူတွေလည်း အများအပြားရှိနေတယ်လို့ စစ်ရေးသတင်းရင်းမြစ်တွေက ပြောကြပါ တယ်။ အထိနာ​နေတဲ့စစ်တပ်ဟာ ကျောက်
ဖြူမြို့နယ်အတွင်းက အရပ်ဘက်လူနေကျေးရွာတွေကို လေကြောင်း၊ လက်နက်ကြီးတွေနဲ့ နေ့စဉ်နီးပါး ပစ်ခတ်တိုက်ခိုက်နေပြီး အရပ်သားထိခိုက်၊ သေဆုံးမှုတွေ ရှိနေပါတယ်။ ဒါ့အပြင် ကျောက်ဖြူပင်လယ်ပြင်အတွင်း သွားလာနေကြတဲ့ ကုန်တင်၊ ခရီး
သည်တင်စက်လှေတွေ၊ ငါးဖမ်းစက်လှေတွေကို လည်း ဖမ်းဆီးတာတွေ လုပ်နေပါတယ်။

လက်ရှိမှာ AA က ကျောက်ဖြူမြို့နယ်အတွင်း အာဏာသိမ်းစစ်တပ်ရဲ့ ဓည၀တီရေတပ်စခန်း၊ တောင်မော်ဦးရေတပ်စခန်း ၊ အမှတ်(၃၂)ရဲတပ်ရင်း၊ ခမရ ၅၄၂၊ ခမရ ၅၄၃၊ ခလရ ၃၄ တို့ကိုသိမ်းပိုက်ဖို့ကျန်နေပါသေးတယ်။

AA တပ်မှူးချုပ် ဗိုလ်ချုပ်ထွန်းမြတ်နိုင်က
တော့ ရခိုင်ပြည်နယ်အတွင်းက လက်ကျန်၃ မြို့ဖြစ်တဲ့ ကျောက်ဖြူ၊ စစ်တွေ နဲ့ မာန်အောင်မြို့နယ်တွေကို ၂၀၂၆ နဲ့ ၂၀၂၇ တို့မှာ အပြီးပြတ်သိမ်းပိုက်သွားမှာဖြစ်ပြီး မပြီး
ပြတ်ခဲ့ ရင်လည်း မီးကုန်ယမ်းကုန်ကြိုးစားသွားမယ်လို့ ​ပြောထားပါတယ်။

စစ်အာဏာရှင်စနစ်က လွတ်မြောက်ဖို့ ညီညွတ်စွာနဲ့တော်လှန်ရေးဆက်ဆင်နွှဲရမယ်လို့ KNU မြိတ်ထားဝယ်ခရိုင် အတွင်းရေးမှူးပြော

ဩဂုတ် ၁၃၊ ၂၀၂၆။ ထားမြတ်/People’s Spring

လူမျိုးများ၊ ပြည်သူလူထုများအားလုံး စည်းလုံးညီညွတ်ကြရမှာ ဖြစ်ပြီး စစ်အာဏာရှင်စနစ်မှ လွတ်မြောက်ကာ လွတ်လပ်ရေးနဲ့ ဖက်ဒရယ်ဒီမိုကရေစီစနစ် ဖြစ်ပေါ်လာတဲ့အထိ တော်လှန်ရေးကို ဆက်လက်ဆင်နွှဲသွားကြရမယ်လို့ ကရင်အမျိုးသားအစည်းအရုံး(KNU) မြိတ်ထားဝယ်ခရိုင် အတွင်းရေးမှူး ပဒိုစောအယ်နားက ပြောပါတယ်။

KNU မြိတ်ထားဝယ်ခရိုင်မှာ ဩဂုတ် ၁၂ရက်က ကရင့်အာဇာနည်နေ့အခမ်းအနား ကျင်းပခဲ့တာနဲ့ပတ်သက်ပြီး ပဒိုစောအယ်နားကို ဆက်သွယ်မေးမြန်းရာ အသက်ပေးလှူခဲ့ကြတဲ့ အာဇာနည်တွေကို ဂုဏ်ပြုကြောင်း ပြောကြားကာ အထက်ပါအတိုင်း အသိပေးခဲ့တာပါ။

လွတ်လပ်ရေး ကရင်လူမျိုးအခွင့်အရေး နဲ့ စစ်အာဏာရှင်စနစ်မှ လွတ်မြောက်ရေးတို့အတွက် အသက်ပေးခဲ့သော ကရင်ရဲ‌ဘော်များ၊ ကရင်ခေါင်းဆောင်များနဲ့ ကရင် ပြည်သူ့ များ အာဇာနည်များကို ဂုဏ်ပြုအလေးပြုအပ်ကြောင်းနဲ့ အာဇာနည်များအတွက် လွတ်လပ်ရေးဟာ သူတို့ရဲ့ အသက်ထက်ပင် ပိုတန်ဖိုးထားကြကြောင်းပဒိုစောအယ်နားက ပြောပါတယ်။

" လွတ်လပ်ရေးအတွက် ၎င်းတို့၏ အသက်ပေးလှူခဲ့ကြခြင်း ကို ကျွန်ုပ်တို့ မမေ့နိုင်ပါ” လို့ ပဒိုစောအယ်နားက ပြောပါတယ်။

ဒါ့အပြင် ကရင်တော်လှန်ရေးနဲ့အတူ ပူးပေါင်းတိုက်ပွဲ ဝင်ရင်း အသက်ပေးလှူခဲ့ကြတဲ့ မဟာမိတ်တပ်ဖွဲ့ဝင်များနဲ့ အရပ်သားပြည်သူများအား လေးစားဂုဏ်ပြုကြောင်းလည်း ပဒိုစောအယ်နားက ပြောပါတယ်။

KNU မြိတ်ထားဝယ်ခရိုင်မှာ မနေ့က ကျင်းပတဲ့ ကရင်အာဇာနည်နေ့အခမ်းအနားကို KNU အုပ်ချုပ်ရေးနဲ့ စစ်ရေးဆိုင်ရာ တာဝန်ရှိသူတွေတက်ရောက်ခဲ့ကြပြီး ဒဏ်ရာရ ရဲဘော်တွေကို ဆုငွေပေးအပ်တာတွေ ပြုလုပ်ခဲ့ပါတယ်။

(ကရင့်အာဇာနည်နေ့အခမ်းအနားမှာ မိန့်ခွန်းပြောကြားနေတဲ့ KNU မြိတ်ထားဝယ်ခရိုင် အတွင်းရေးမှူး ပဒိုစောအယ်နား။ ဓာတ်ပုံ − KNU)

ပြင်းထန်ဝမ်းရောဂါကြောင့် ၁၉လမ်း ညဈေးတန်း ပိတ်ထား

ဩဂုတ်-၁၃၊၂၀၂၆။ရောင်နီ/People's Spring

ရန်ကုန်မြို့မှာ ဖြစ်ပွားနေတဲ့ ပြင်းထန်ဝမ်းပျက်ဝမ်း‌လျှော ရောဂါကြောင့် ၁၉ လမ်း ညဈေးတန်းက ဆိုင်တွေအကုန်ပိတ်ထားရပါတယ်။

"ယာယီပိတ်ဖို့ပြောတယ်။ ဘယ်လောက်ကြာမလဲတော့ မသိဘူး" လို့ ၁၉လမ်းမှာ နေထိုင်သူတစ်ဦးကပြောပါတယ်။

ဆိုင်တွေအကုန်ပိတ်ထားရတာကြောင့် အမြဲတမ်းစည်ကားနေတဲ့ ၁၉ လမ်းဟာ ဒီကနေ့ ညပိုင်းမှာတော့ တိတ်ဆိတ်နေပါတယ်။

လမ်းထဲမှာ ရှင်းလင်းနေတာကြောင့် နေထိုင်သူတချို့က လမ်းမပေါ်မှာထွက်ပြီး ဆော့ကစားနေကြတာတွေ့ရပါတယ်။

လမ်းသွားလမ်းလာအချို့ကလည်း ရှင်းလင်းနေတဲ့ ၁၉ လမ်းနဲ့ ဓာတ်ပုံရိုက်နေကြတာကို တွေ့ရပါတယ်။

ရန်ကုန်မြို့ရဲ့ မြို့နယ်အများစုမှာ ဝမ်းပျက်ဝမ်းလျောရောဂါ ဖြစ်ပွားမှု မြင့်မားနေတာကြောင့် လမ်းဘေးဆိုင်တွေကို တစ်ပတ်လောက်ပိတ်ထားဖို့ ညွှန်ကြားထားတယ်လို့ သိရပါတယ်။

လူစည်ကားရာနေရာတစ်ခုဖြစ်တဲ့ ကမာရွတ်မြို့နယ် လှည်းတန်းတဝိုက်မှာတော့ လမ်းဘေးဈေးဆိုင်တွေ ပုံမှန်ဖွင့်ထားတာကို တွေရပါတယ်။

ရန်ကုန်မြို့ဆေးရုံကြီးမှာ ဩဂုတ် ၉ ကနေ ၁၂ ရက်အတွင်း ဝမ်းပျက်ဝမ်းလျှောလူနာ ၁၈၀ ကျော်တက်ရောက်ကုသနေပြီး အသက်၉၂ နှစ်အရွယ်အမျိုးသားတစ်ဦးသေဆုံးခဲ့ကာ ပြင်းထန် ဝမ်းပျက်ဝမ်းလျှောရောဂါခံစားရသူ ငါးဆယ်ကျော်ရှိ တယ်လို့ စစ်တပ်က သတင်းထုတ်ပြန်ထားပါတယ်။

( နာမည်ကျော် ၁၉လမ်း ဈေးလမ်းကို ဒီကနေ့ ညပိုင်းမှာ တွေ့ရစဉ်။ ဓာတ်ပုံ - PS)

မြန်မာ့ရေဘေး WFP ကူညီမှု မျှမျှတတရှိဖို့ ဘေးသင့်သူတွေ တောင်းဆို

သြဂုတ်-၁၃၊၂၀၂၆။ကဖေး/People's Spring

ကုလသမဂ္ဂ ကမ္ဘာ့စားနပ်ရိက္ခာအစီအစဉ်
(WFP)ကရေဘေးအရေးပေါ်တုံ့ပြန်ရေးလုပ်ငန်းတွေကို စတင်ဆောင်ရွက်​နေပြီလို့
ဒီနေ့ ဩဂုတ်လ ၁၃ရက်မှာကြေငြာလိုက်ပြီး အကူအညီတွေ မျှတဖို့ ​ရေဘေးသင့်ပြည်သူတွေက တောင်းဆိုပါတယ်။

WFP ရဲ့ အရေးပေါ်တုံ့ပြန်ရေးလုပ်ငန်းတွေကို ဧရာဝတီတိုင်း၊ လေးမျက်နှာမြို့နယ်မှာ စတင်ဆောင်ရွက်ခဲ့တာလို့ ရေဘေးနဲ့ပတ်သက်ပြီး ပထမဆုံး ထုတ်ပြန်ချက်မှာ အသိပေးထားပါတယ်။

ရေဘေးသင့်ပြည်သူ ၁၀,၀၀၀ အတွက် လုံ
လောက်တဲ့အာဟာရဖြည့်ဘီစကွတ်မက်ထ
ရစ်တန်ချိန် ၂၀ ကို ဒေသခံမိတ်ဖက်အဖွဲ့အ
စည်း​တွေထံ ပေးပို့ထားပြီးဖြစ်တယ်လို့ ​ဖော်
ပြပါတယ်။ဘီစကွတ်​တွေ ပို့​ပေးတဲ့ရက်ကို​တော့ ထုတ်ပြန်ချက်မှာ​ဖော်ပြမထားပါဘူး။

လက်ရှိမှာ ဧရာဝတီတိုင်းအပြင် မကွေးတိုင်း၊ မန္တလေး‌တိုင်း၊ စစ်ကိုင်းတိုင်းနဲ့ ရခိုင်ပြည်နယ်မှာရေဘေကြုံနေတာပါ။စစ်ကိုင်းတိုင်းဟာရေဘေးအဆ်ိုးဆုံးရင်ဆိုင်နေရတဲ့ဒေသဖြစ်ပါတယ်။

"ရေဘေးကိုလာလှူတယ်ဆိုမျှတဖို့လိုပါတယ်။WFP ထုတ်ပြန်ချက်ကို ‌တွေ့ပါတယ်။ ဒါပေမယ့် ကျမတို့လက်ထဲဘာဘီစကွတ်မှ
မရောက်ပါဘူး။ နောက်ပြီး မှားနေတယ်။ အခုလိုနေတာ အရေးပေါ် ရိက္ခာမျိုး မဟုတ်ဘူး။ ပြန်လည်ထူထောင်ရေးအတွက် လိုနေတာ"လို့ ဧရာဝတီတိုင်း၊ လေးမျက်နှာ မြို့ခံတစ်ဦးကပြောပါတယ်။

ဧရာဝတီတိုင်း၊လေးမျက်နှာမြို့မှာပြီးခဲ့တဲ့ဇူ
လိုင်လ၃၀ရက်နေ့ကငဝန်မြစ်ရေကာတာကျိုးကျခဲ့ပါတယ်။ လေးမျက်နှာမြို့နယ်အပြင် ဘေးပတ်ဝန်းကျင်ဒေသတွေဖြစ်တဲ့ အိုင်သပြု၊ ဟင်္သာတ၊ ရေကြည်၊ ကျုံကျော်နဲ့ ငါးသိုင်းချောင်းမြို့နယ်တွေထဲကကျေးရွာတွေပါ ရေဝင်နေပါတယ်။လက်ရှိမှာအရေးပေါ်အခြေအနေကို ကျော်လွန်ခဲ့ပြီလို့ အရပ်ဖက်ကူညီကယ်ဆယ်ရေးအဖွဲ့တွေက ပြောပါတယ်။

"အရေးပေါ် ကယ်ထုတ်ပြီးနေပြီ။လိုနေတာကပြန်လည်ထူထောင်ရေး။စပါးတွေပျက်တယ်။လယ်တွေ ပျက်တယ်။ ဒီအတွက် အကူ
အညီလိုတယ်"လို့ ဧရာဝတီတိုင်း၊ ရေကြည်မြို့ခံတစ်ဦးက ပြောပါတယ်။

ရေဘေးအဆိုးဆုံးရင်ဆိုင်နေရတဲ့ စစ်ကိုင်း
တိုင်းကို ကူညီထောက်ပံ့မယ့်အစီအစဉ် WFP ထုတ်ပြန်ချက်မှာ မတွေ့ရသေးပါဘူး။WFP အနေနဲ့ ရေဘေးအခြေအနေကို ဆက်လက်စောင့်ကြည့် အကဲဖြတ်နေပြီး အခြားတိုင်းနဲ့ ပြည်နယ်တွေက အလိုအပ်ဆုံးဒေသတွေမှာ အကူအညီတွေတိုးချဲ့ပေးဖို့အသင့်ရှိနေကြောင်းနဲ့ ရေဘေးသင့်မိသားစုတွေဆီ အကူ
အညီတွေ အချိန်မီရောက်ရှိနိုင်ဖို့ လူသားချင်းစာနာထောက်ထားမှုဆိုင်ရာ သွားလာခွင့်နဲ့ အရေးပေါ်ရန်ပုံငွေတွေ အရေးတကြီး လိုအပ်နေတယ်လို့လည်း ထုတ်ပြန်ချက်မှာ ဖော်ပြထားပါတယ်။

"စစ်တပ်အလိုကျ ထောက်ပံ့တာမျိုးမဖြစ်စေချင်ဘူး။ကျွန်မတို့ စစ်ကိုင်းတိုင်းကို လာဖို့ တောင်းဆိုပါတယ်။စစ်တပ်ကကျမတို့အညာကို ပိတ်ဆို့ထားတယ်။ လူသားချင်းစာနာမှုခေါင်းစဉ်အတိုင်းဆို အညာကိုပါ ကူညီပါ"လို့ စစ်ကိုင်းတိုင်း တန့်ဆည်မြို့ခံတစ်ဦးက ပြောပါတယ်။

ပြီးခဲ့တဲ့ ဇူလိုင်လကုန်မှာအထက်ပိုင်းဒေသတွေ မိုးကြီးပြီး ကျွန်းလှမြို့နယ်က သဖန်းဆိပ်ဆည် ရေလျှံခဲ့ပါတယ်။ဩဂုတ်လဆန်းမှာစစ်တပ်က လူထုကို အသိမပေးဘဲသဖန်းဆိပ်ဆည်ရေကို ဖောက်ချပြီးတဲ့နောက်ပိုင်း ဆည်အောက်ပိုင်းမြို့နယ်တွေမှာ ဆိုးရွားတဲ့ရေ‌ ဘေးကြုံတွေ့နေတာဖြစ်ပါတယ်။

စစ်ကိုင်းတိုင်းအတွင်းရေဘေးကြောင့် ထိ
ခိုက်ဆုံးရှုံးမှု အဆိုးရွားဆုံး ခံစားနေရပြီး ဩဂုတ်လ ၁၂ ရက်နေ့အထိ စာရင်း တွေအရ မြို့နယ်ပေါင်း ၁၄ ခုရှိ အိမ်ထောင်စု ၅၁,၈၅၉ စုမှ လူဦးရေ ၂၂၇,၄၉၁ ဦး ရေဘေးသင့်နေတယ်လို့အမျိုးသားညီညွတ်ရေးအစိုးရ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA)ကထုတ်ပြန်ထားပါတယ်။

မြန်မာနိုင်ငံအထက်ပိုင်းဒေသတွေမှာ နေ့စဉ်
ရက်ဆက် မိုးသည်းထန်စွာ ရွာသွန်းခြင်းနဲ့ ဆည်ရေတွေ ဖောက်ထုတ်ခြင်းတို့ကြောင့် စစ်ကိုင်းယူနစ်၊ မန္တလေးယူနစ်၊ မကွေးယူနစ်နှင့် ဧရာဝတီတိုင်းတို့ရှိ မြို့နယ်ပေါင်း ၂၁ ခုမှာ ရေလွှမ်းမိုးမှုများ ဖြစ်ပေါ်နေပြီး သေဆုံးသူ ၂၅ ဦး၊ ပျောက်ဆုံးသူ ၈ ဦးနဲ့ လူဦးရေ စုစု
ပေါင်း ၄၅၂,၆၆၃ ဦးခန့် ရေဘေးကြုံနေတယ်လို့MoSLHAကထုတ်ပြန်ထားပါတယ်။

WFP ကတော့ မြန်မာနိုင်ငံမှာ ရေကြီးရေလျှံမှုကြောင့်အကျိုးသက်ရောက်မှု တွေကို စောင့်ကြည့်လေ့လာလျက်ရှိပြီးရေဘေးသင့် ပြည်
နယ်နဲ့တိုင်းအားလုံးရှိ လိုအပ်ချက်တွေကို အ
ကဲဖြတ်ဆန်းစစ်နေတယ်လို့ အသိပေးထားပါတယ်။ရန်ပုံငွေအရင်းအမြစ်များအပေါ် မူ
တည်ပြီး အကူအညီအလိုအပ်ဆုံး နေရာတွေကို စားနပ်ရိက္ခာထောက်ပံ့မှု တိုးချဲ့လုပ်
ဆောင်သွားမယ်လို့ ထုတ်ပြန်ထားပါတယ်။WFP ဟာ ကမ္ဘာ့အကြီးမားဆုံး လူသားချင်းစာနာထောက်ထားမှု အကူအညီပေးအပ်ရေး အဖွဲ့အစည်းဖြစ်ပါတယ်။

ဓါတ်ပုံ-WFP

“ဒီနေ့ဘာဖြစ်ခဲ့လဲ”

ဒီနေ့(သြဂုတ် ၁၃ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️တောင်မော်ဦး​ရေတပ်စခန်း​ တိုက်ပွဲ ပြင်းထန်

ကျောက်ဖြူမြို့နယ် တောင်မော်ဦးရေတပ်စခန်းရဲ့ နောက်ဆုံးကာကင်းတွေရှိတဲ့ အ၀တောင်ရွာအနီး အာဏာသိမ်းစစ်တပ်နဲ့ အာရက္ခတပ်တော်(AA)တို့ နှစ်ဖက်တိုက်ပွဲအပြင်းအထန်ဖြစ်ပွားနေပြီး စစ်တပ်ဘက်က ဆယ်ချီသေဆုံးကာ ထပ်မံ တပ်ဆုတ်သွားခဲ့ရတယ်လို့ မြေပြင်သတင်းရင်းမြစ်တွေက ပြောပါတယ်။ တောင်မော်ဦးရေတပ်စခန်းကနေ အ၀တောင်စခန်းတွေဆီ အင်အားဖြည့်ပြီး စစ်ကြောင်းထိုးလာတဲ့ စစ်တပ်နဲ့ အာရက္ခတပ်တော်AA တို့ တိုက်ပွဲဖြစ်ပွားနေတာဖြစ်ပြီး ဩဂုတ် ၁၁ ရက် တိုက်ပွဲမှာ စစ်တပ်ဘက်က ဆယ်ချီ သေဆုံးထိခိုက်ခဲ့တာလို့ သိရပါတယ်။ အာဏာသိမ်းစစ်တပ်က အင်အား ၂၀၀ကျော်လောက်နဲ့ စစ်ကြောင်းတက်လာလို့ တိုက်ပွဲဖြစ်ကြပြီး စစ်တပ်ဘက်က အထိအခိုက်များကာ အလောင်း ၂၀ လောက် ရလိုက်တယ်လို့ မြေပြင်မှာရှိနေတဲ့ ဒေသခံသတင်းရင်းမြစ်က ပြောပါတယ်။ စစ်တပ်က တပ်ဆုတ်သွားပြီး AA တပ်ဖွဲ့ဝင်တွေက လိုက်လံတိုက်ခိုက်နေတာကြောင့် တိုက်ပွဲ ဆက်လက်ပြင်းထန်နေတယ်လို့ ဆိုပါတယ်။ ရှေ့တန်းမှာ အထိနာနေတဲ့ စစ်တပ်ဟာ ဒရုန်းနဲ့ ဂျိုင်ရိုကော်ပတာတွေ ပိုမိုအသုံးပြုလာပြီး ကျောက်ဖြူလေဆိပ်မှာ အခြေစိုက်ထားတယ်လို့ ဒေသခံတွေက ပြောပါတယ်။ အဲဒီနေရာမှာ တိုက်ခိုက်ရေးလေတပ်စခန်းအသွင် ပြင်ဆင်ထားတယ်လို့လည်း ဆိုပါတယ်။

◾️ရန်ကုန်မြို့မှာ ဝမ်း​ရောဂါ​ကြောင့် ၁ဦး​ သေဆုံး

ရန်ကုန်မြို့မှာ လေးရက်အတွင်း ဝမ်းပျက်ဝမ်းလျှောလူနာ ၁၈၀ ကျော်အထိ ရှိပြီး ၁ဦး သေဆုံးခဲ့တယ်လို့ စစ်တပ် လက်အောက်ခံ ကျန်းမာရေးဝန်ကြီးဌာနက ဒီနေ့ သြဂုတ် ၁၃ရက်မှာ ထုတ်ပြန်ပါတယ်။ သြဂုတ် ၉ ရက်ကနေ ၁၂ ရက်အထိ ဝမ်းပျက်ဝမ်းလျှောလူနာ စုစုပေါင်း ၁၈၂ ဦး ရှိပြီး ရန်ကုန်ဆေးရုံကြီးမှာ ဆေးကုသမှုခံယူနေတယ်လို့ ဆိုပါတယ်။ အဲဒီထဲက အသက်(၉၂)နှစ်အရွယ် သက်ကြီး လူနာ ၁ ဦး သေဆုံးတယ်လို့ ​ဖော်ပြထားပါတယ်။ လူနာတွေထဲက ပြင်းထန်ဝမ်းပျက်နဲ့ ဝမ်းလျှောရောဂါပိုးတွေ့သူ ၅၄ ဦး ရှိတယ်လို့လည်း ဆိုပါတယ်။ ဝမ်းပျက်ဝမ်းလျှောရောဂါဟာ ကူးစက်မြန်ပြီး အစားအသောက်တွေကြောင့် အများဆုံးဖြစ်တာလို့ ဆရာဝန်တစ်ဦးက ပြောပါတယ်။ လက်ရှိ ရန်ကုန်ဆေးရုံကြီးမှာ ဆရာဝန်တွေက အချိန်ပြည့် လှည့်နေရပြီး ဆရာဝန်အင်အားနည်းနေတယ်လို့ ဆိုပါတယ်။ ဒါ့အပြင် ရောဂါဖြစ်ပွားတဲ့ လမ်းမတော်၊ လသာ၊ ပန်းပဲတန်း၊ ကျောက်တံတားမြို့နယ်တို့မှာ စစ်တပ်ပူးပေါင်းအဖွဲ့တွေက စစ်ဆေးမှုတွေ လုပ်နေတယ်လို့ သိရပါတယ်။

◾️ပြင်းထန်ဝမ်းရောဂါကြောင့် ၁၉လမ်း ညဈေးတန်း ပိတ်ထား

ရန်ကုန်မြို့မှာ ဖြစ်ပွားနေတဲ့ ပြင်းထန်ဝမ်းပျက်ဝမ်း‌လျှော ရောဂါကြောင့် ၁၉ လမ်း ညဈေးတန်းက ဆိုင်တွေအကုန်ပိတ်ထားရပါတယ်။ ယာယီပိတ်ဖို့ ပြောပေမယ့် ဘယ်လောက်ကြာမလဲတော့ မသိဘူးလို့ ၁၉လမ်းမှာ နေထိုင်သူတစ်ဦးက ပြောပါတယ်။ ရန်ကုန်မြို့ရဲ့ မြို့နယ်အများစုမှာ ဝမ်းပျက်ဝမ်းလျှောရောဂါ ဖြစ်ပွားမှု မြင့်မားနေတာကြောင့် လမ်းဘေးဆိုင်တွေကို တစ်ပတ်လောက်ပိတ်ထားဖို့ ညွှန်ကြားထားတယ်လို့ သိရပါတယ်။

◾️သဖန်းဆိပ်ဆည် ရေထပ်လွှတ်နေလို့ မူးမြစ်ရေဆက်ကြီးနိုင်

သဖန်းဆိပ်ဆည် ရေပြည့်မှတ်ကျော်လွန်နေလို့ ရေလွှတ်နေတာကြောင့် မူးမြစ်ဘေးနေ ပြည်သူတွေ ရေဘေး ထပ်မံသတိပြုကြဖို့ ရွှေဘိုခရိုင် ပကဖက သတိပေးထုတ်ပြန်ပါတယ်။ စစ်ကိုင်းတိုင်း၊ ကျွန်းလှမြို့နယ်ရှိ သဖန်းဆိပ်ဆည်ကြီးရဲ့ကန်ရေပြည့်မှတ်မှာ ၅၄၅ ပေခန့်သာ ဝင်ဆံ့ပြီး လက်ရှိ ရေပမာဏဟာ ၅၄၅.၇၅ ပေ ရောက်ရှိနေတာကြောင့် ဆည်ကြံ့ခိုင်မှုရှိစေဖို့အတွက် ဒီနေ့ သြဂုတ် ၁၃ရက်မှာ ရေဆက်လွှတ် လွှတ်ထားကြောင်း ရွှေဘိုခရိုင် ပကဖ ထုတ်ပြန်ပါတယ်။ အဲဒိီလို လွှတ်ထားတဲ့ ရေတွေဟာ ကာဘိုးဆည်အတွင်း ဒီနေ့ညပိုင်း နဲ့ မနက်ဖြန်မနက်ပိုင်းမှာ ရောက်ရှိမှာလို့ ဆိုပါတယ်။ ကာဘိုးဆည် မူးမြစ် ရေတံခါးအားလုံး ဖွင့်လှစ်ထားတာကြောင့် အထက်ကနေ စုန်ဆင်းလာတဲ့ ရေတွေဟာ အထိန်းအကွပ်မရှိ အောက်ဘက်ကို ဆက်လက်ဆင်းလာမှာဖြစ်ကြောင်းလည်း ရွှေဘိုခရိုင်ပကဖက ထပ်မံအသိပေးပါတယ်။ စစ်ကိုင်းတိုင်းအထက်ပိုင်းမှာတော့ လက်ရှိအချိန်ထိ မိုးများနေဆဲ‌လို့ သိရကြောင်း ရွှေဘိုခရိုင်ပကဖ တာဝန်ရှိသူက ပြောပါတယ်။ ဒါ့ကြောင့် မူးမြစ်ရေဟာ လက်ရှိ ရေပြင်ထက် ပိုပြီး တက်လာနိုင်တာကြောင့် မူးမြစ်ဘေးကျေးရွာတွေမှာ နေထိုင်ကြတဲ့ ပြည်သူတွေ ရေဘေးအန္တရာယ်ကို သတိပြုဂရုစိုက်ကြဖို့နဲ့ မွေးမြူရေးတိရစ္ဆာန်တွေနဲ့ ကောက်ပဲသီးနှံတွေကို ရေလွတ်ရာသို့ အချိန်မီ ရွှေ့ပြောင်းကြဖို့ အသိပေးကြေညာပါတယ်။ ​ရေ​ဘေးဒဏ် အဆိုးဆုံးရင်ဆိုင်​နေရတဲ့ စစ်ကိုင်းတိုင်းမှာ ရေ​ဘေး​ကြောင့် သေဆုံးသူ ၂၃ ဦးထိရှိလာပြီး ၂ ဦး​ပျောက်ဆုံး​နေတယ်လို့ အမျိုးသားညီညွတ်ရေးအစိုးရ(NUG) လူမှုရေးရာ၊အလုပ်သမားနဲ့ လူသားချင်းစာနာထောက်ထားရေးဝန်ကြီးဌာနက သြဂုတ် ၁၁ရက် ညပိုင်းမှာ ထုတ်ပြန်ထားပါတယ်။ ဒါ့အပြင် စစ်ကိုင်းတိုင်း ဝက်လက်မြို့နယ်အနောက်ခြမ်းမှာ ရေဘေးကြောင့် (၁၈)နှစ်အရွယ် လူငယ် ၁ဦး ရေမျောပါသေဆုံးခဲ့ပြီး ကျေးရွာ ၁၅ရွာ ရေနစ်မြုပ်နေတယ်လို့ ရွှေပန်းကုန်းတိုက်နယ်၊ပြည်သူ့အုပ်ချုပ်ရေးအဖွဲ့(ပအဖ)က ပြောပါတယ်။

◾️ပြည်သူတွေ​ ရေ​ဘေးသင့်ချိန် စစ်တပ်က ပစ်ခတ်ဗုံးကြဲ​​

ပြည်သူတွေ ရေဘေးသင့်နေချိန် မတ္တရာမြို့နယ်အတွင်းတပ်စွဲထားတဲ့ စစ်တပ်က လက်နက်ကြီးတွေ၊ ဒရုန်းတွေနဲ့ ပစ်ခတ်ဗုံးကြဲနေလို့ စစ်ကိုင်းမြို့နယ်၊ တောင်ရင်းကျေးရွာက အမျိုးသား ၁ဦး ထိခိုက်ဒဏ်ရာရခဲ့တယ်လို့ ဒေသခံတွေက ပြောပါတယ်။ မန္တ​လေးတိုင်း၊ မတ္တရာမြို့နယ်အနောက်ခြမ်း သဖန်း‌ဒေါင့်ရွာကနေ အနောက်ဘက်ကို စစ်တပ်က လက်နက်ကြီးတွေနဲ့ သြဂုတ် ၁၃ ရက် တစ်ရက်လုံး နီးပါးပစ်ခတ်ခဲ့ပါတယ်။ အဲဒီထဲက လက်နက်ကြီး ၄လုံးဟာ စစ်ကိုင်းမြို့နယ်၊ တောင်ရင်းရွာထဲ ကျရောက်ပြီး အသက်(၈၄)နှစ်အရွယ် ဦးစိန်မြိုင် ကျည်စထိမှန်ဒဏ်ရာရခဲ့တာဖြစ်ပါတယ်။ မတ္တရာမြို့နယ် နဲ့ စစ်ကိုင်းတိုင်းက စစ်ကိုင်းမြို့နယ်အရှေ့ခြမ်း၊ ဝက်လက်မြို့နယ်တို့မှာ ဆည်ကရေလွှတ်တာ၊ ဧရာဝတီမြစ် ရေတက်လာတာတွေကြောင့် ကျေးရွာတွေအတွင်း ရေဝင်ပြီး ဒေသခံတွေ ရေဘေး ဒုက္ခရောက်နေချိန်မှာပဲ စစ်တပ်က မတ္တရာမြို့ကို အင်အားတွေတိုးကာ ဒရုန်းနဲ့ဗုံးကြဲတာ၊ ဟောင်ဝစ်ဆာအပါအဝင် လက်နက်ကြီး ပစ်တာတွေ ဆက်တိုက်လုပ်နေတယ်လို့ ဒေသခံတွေက ပြောပါတယ်။ ဒါ့အပြင် မန္တလေးတိုင်း၊ စဉ့်ကူးမြို့နယ် ရွှေဂုံတိုင်ရွာနဲ့ ထုံးကြီးရွာက စစ်တပ်ကလည်း ရေဝင်နေတဲ့ရွာတွေကို ဒရုန်းတွေနဲ့ ဆက်တိုက် ဗုံးကြဲနေတယ်လို့ ဒေသခံတွေက ပြောပါတယ်။

◾️မြန်မာ့ရေဘေး WFP ကူညီမှု မျှမျှတတရှိဖို့ ဘေးသင့်သူတွေ တောင်းဆို

ကုလသမဂ္ဂ ကမ္ဘာ့စားနပ်ရိက္ခာအစီအစဉ်(WFP)က ရေဘေးအရေးပေါ်တုံ့ပြန်ရေးလုပ်ငန်းတွေကို စတင်ဆောင်ရွက်​နေပြီလို့ ဒီနေ့ ဩဂုတ် ၁၃ရက်မှာ ကြေညာလိုက်ပြီး အကူအညီတွေ မျှတဖို့ ​ရေဘေးသင့်ပြည်သူတွေက တောင်းဆိုပါတယ်။ WFP ရဲ့ အရေးပေါ်တုံ့ပြန်ရေးလုပ်ငန်းတွေကို ဧရာဝတီတိုင်း၊ လေးမျက်နှာမြို့နယ်မှာ စတင်ဆောင်ရွက်ခဲ့တာလို့ ရေဘေးနဲ့ပတ်သက်ပြီး ပထမဆုံး ထုတ်ပြန်ချက်မှာ အသိပေးထားပါတယ်။ ရေဘေးသင့်ပြည်သူ ၁၀,၀၀၀ အတွက် လုံလောက်တဲ့အာဟာရဖြည့် ဘီစကွတ်မက်ထရစ်တန်ချိန် ၂၀ ကို ဒေသခံမိတ်ဖက်အဖွဲ့အစည်း​တွေဆီ ပေးပို့ထားပြီး ဖြစ်တယ်လို့ ​ဖော်ပြပါတယ်။ ဘီစကွတ်​တွေ ပို့​ပေးတဲ့ရက်ကို​တော့ ထုတ်ပြန်ချက်မှာ​ဖော်ပြမထားပါဘူး။ လက်ရှိမှာ ဧရာဝတီတိုင်းအပြင် မကွေးတိုင်း၊ မန္တလေး‌တိုင်း၊ စစ်ကိုင်းတိုင်းနဲ့ ရခိုင်ပြည်နယ်မှာရေဘေးကြုံနေတာပါ။ စစ်ကိုင်းတိုင်းဟာ ရေဘေးအဆ်ိုးဆုံးရင်ဆိုင်နေရတဲ့ ဒေသဖြစ်ပါတယ်။

◾️မဘိမ်းနဲ့ မိုးမိတ်ကို စစ်တပ်က နေ့စဉ် ဗုံးကြဲနေ၊ အရပ်သား ၄ဦး သေဆုံး

စစ်တပ်က ရှမ်းပြည်နယ် မြောက်ပိုင်း မဘိမ်းနဲ့ မိုးမိတ်မြို့နယ်ကို လေကြောင်းကနေ နေ့စဉ် ဗုံးကြဲနေပြီး ၁၂ရက်အတွင်း အရပ်သား ၄ဦး သေဆုံးခဲ့သလို ဘုန်းကြီး ၁ပါးအပါအဝင် ၉ဦး ဒဏ်ရာရခဲ့ပါတယ်။ ဒေသတွင်းမှာ ရေကြီးနစ်မြုပ်မှုကြုံတွေ့နေစဉ် စစ်တပ်က လေကြောင်းကနေဗုံးကြဲပြီး လက်နက်ကြီးတွေနဲ့လည်း ပစ်ခတ်နေတာ ဖြစ်ပါတယ်။ မဘိမ်းမြို့မှာ ဇူလိုင် ၂၈ ရက်ကနေ သြဂုတ် ၈ရက်အထိ လေကြောင်းတိုက်ခိုက်မှုကြောင့် အရပ်သား ၄ ဦး သေဆုံးပြီး ၈ဦးဒဏ်ရာရရှိခဲ့တယ်လို့ ရှမ်းလူ့အခွင့်အရေးမဏ္ဍိုင်(SHRF)က သြဂုတ် ၁၂ရက်မှာ ထုတ်ပြန်ပါတယ်။ မဘိမ်းမြို့နယ်အတွင်း ရွှေလီမြစ်ရေလွှမ်းမိုးနေချိန်မှာ စစ်တပ်ကပစ်ခတ်တာဖြစ်ပြီး သြဂုတ် ၆ ရက် ည ၁၁ နာရီခန့်က ဗုံးကြဲတိုက်ခိုက်မှုမှာလည်း မဘိမ်းမြို့ဆေးရုံကြီးက အဆောက်အအုံ ၃လုံး ပျက်စီးခဲ့တယ်လို့ ထုတ်ပြန်ထားပါတယ်။

◾️စစ်အာဏာရှင်စနစ်က လွတ်မြောက်ဖို့ ညီညွတ်စွာနဲ့တော်လှန်ရေးဆက်ဆင်နွှဲရမယ်လို့ KNU မြိတ်ထားဝယ်ခရိုင် အတွင်းရေးမှူးပြော

လူမျိုးများ၊ ပြည်သူလူထုများအားလုံး စည်းလုံးညီညွတ်ကြရမှာ ဖြစ်ပြီး စစ်အာဏာရှင်စနစ်မှ လွတ်မြောက်ကာ လွတ်လပ်ရေးနဲ့ ဖက်ဒရယ်ဒီမိုကရေစီစနစ် ဖြစ်ပေါ်လာတဲ့အထိ တော်လှန်ရေးကို ဆက်လက်ဆင်နွှဲသွားကြရမယ်လို့ ကရင်အမျိုးသားအစည်းအရုံး(KNU) မြိတ်ထားဝယ်ခရိုင် အတွင်းရေးမှူး ပဒိုစောအယ်နားက ပြောပါတယ်။ KNU မြိတ်ထားဝယ်ခရိုင်မှာ ဩဂုတ် ၁၂ရက်က ကရင့်အာဇာနည်နေ့အခမ်းအနား ကျင်းပခဲ့တာနဲ့ပတ်သက်ပြီး ပဒိုစောအယ်နားကို ဆက်သွယ်မေးမြန်းရာ အသက်ပေးလှူခဲ့ကြတဲ့ အာဇာနည်တွေကို ဂုဏ်ပြုကြောင်း ပြောကြားကာ အထက်ပါအတိုင်း အသိပေးခဲ့တာပါ။ လွတ်လပ်ရေး၊ ကရင်လူမျိုးအခွင့်အရေး နဲ့ စစ်အာဏာရှင်စနစ်မှ လွတ်မြောက်ရေးတို့အတွက် အသက်ပေးခဲ့သော ကရင်ရဲ‌ဘော်များ၊ ကရင်ခေါင်းဆောင်များနဲ့ ကရင် ပြည်သူ့ များ အာဇာနည်များကို ဂုဏ်ပြုအလေးပြုအပ်ကြောင်းနဲ့ အာဇာနည်များအတွက် လွတ်လပ်ရေးဟာ သူတို့ရဲ့ အသက်ထက်ပင် ပိုတန်ဖိုးထားကြကြောင်း ပဒိုစောအယ်နားက ပြောပါတယ်။

◾️ရေးမြို့နယ်တိုက်ပွဲ စစ်တပ် ၆ဦးသေ၊ တော်လှန်ရေးရဲဘော် ၂ဦး ကျဆုံး