(၂၀၂၂က ချောင်းဦးမြို့နယ်၊ ငါးလုံးတင်ကျေးရွာရှိ မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Chaung U Revolution)

၁၉၃၄ ကမ္ဘာ့ဖလားပွဲဟာအီတလီမှာကျင်းပခဲ့ပြီး၊အာဏာရှင်မူဆိုလီနီကဖက်ဆစ်ဝါဒကိုမီးရှူးမီးပန်း ဖေါက်ဖို့ဆင်နွှဲခဲ့တာဖြစ်ပါတယ်။ထုံးစံအတိုင်းသပိတ်မှောက်တဲ့နိုင်ငံတွေရှိပါတယ်။ဒုတိယကမ္ဘာစစ်ဖြစ်ခါနီးကာလဖြစ်ပြီးဒိုင်လူကြီးတွေကိုခြိမ်းခြောက်တာတွေ၊ဖိအားပေးတာတွေရှိပါသတဲ့။အများမျှော်လင့်ထားသလိုပဲအိမ်ရှင်အီတလီကဗိုလ်စွဲခဲ့ပါတယ်။

၁၉၅၄ ကမ္ဘာ့ဖလားကိုတော့ဆွစ်ဇာလန်နိုင်ငံမှာကျင်းပခဲ့ပါတယ်။ဆိုဗီယက်ခေါင်းဆောင်တဲ့လက်ဝဲနိုင်ငံတွေ နဲ့ အမေရိကန်ဦးဆောင်တဲ့အနောက်ဒီမိုကရေစီနိုင်ငံတွေကြားမှာ စစ်အေးတိုက်ပွဲအင်မတန်ပြင်းထန်နေတဲ့ခေတ်ကာလပါ။ဖိုင်နယ်မှာဆိုဗီယက်ဩဇာခံ ဟန်ဂေရီ နဲ့အနောက်အုပ်စုကအနောက်ဂျာမဏီထိပ်တိုက်တွေ့ပါတယ်။စစ်ပွဲတစ်ပွဲပါပဲ။အနောက်ဂျာမဏီကအနိုင်ရခဲ့ပါတယ်။

၁၉၇၈ ကမ္ဘာဖလားကတော့အာဂျင်တီးနားမှာစစ်အာဏာသိမ်းပြီး ၂ နှစ်အကြာမှာကျင်းပတာပါ။နိုင်ငံအတွင်းမှာလူ့အခွင့်အရေးချိုးဖေါက်မှုတွေအဆိုးဆုံးရောက်နေတဲ့အချိန်ဖြစ်ပါတယ်။စစ်အာဏာရှင်ဟာ သူ့အစိုးရရဲ့သိက္ခာကိုအဖတ်ဆယ်ဖို့ ဒီပွဲကိုမဖြစ်မနေပြုလုပ်ခဲ့ပါတယ်။အားကစားကွင်းတွေရဲ့အနီးအနားမှာပဲအကျဉ်းသားတွေကိုနှိပ်စက်တဲ့စခန်းတွေရှိနေခဲ့ပါတယ်။ နိုင်ငံတကာကအော့ကြောလန်ခဲ့ပါတယ်။အိမ်ရှင်အာဂျင်တီးနာကပဲဗိုလ်စွဲခဲ့ပါတယ်။

၁၉၉၈ ကမ္ဘာ့ဖလားပွဲကတော့သမိုင်းမှာထူးထူးခြားခြားပဲငြိမ်းချမ်းရေး ဖေါ်ဆောင်ခဲ့ပါတယ်။ပြင်သစ်မှာ ကျင်းပတဲ့ဒီပွဲမှာ ကမ္ဘာ့ရန်ဘက်တွေဖြစ်တဲ့အမေရိကန်ပြည်ထောင်စု နဲ့ အီရန်တို့ဆုံတွေ့ကြပါတယ်။ပွဲမစခင်မှာအီရန်ကစားသမားတွေကအမေရိကန်ကစား
သမားတွေကိုနှင်းဆီဖြူလေးတွေလက်
ဆောင်ပေးပြီးနှစ်သင်းအတူဓါတ်ပုံတွဲရိုက်ခဲ့ကြပါတယ်။ဒီပွဲကို Mother of All Games လို့တင်စားခဲ့ကြတယ်။အီရန်က ၂ – ၁ နဲ့အနိုင်ရခဲ့ပါတယ်။



https://www.ludunwayoo.com/opinion-mm/2026/04/24/155137/

“ဒီနေ့ဘာဖြစ်ခဲ့လဲ”

ဒီနေ့(ဇွန်လ ၁၁ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️AA ထိုးစစ် စစ်တွေ ဒကစနဲ့ အနီးဆုံးကျေးရွာ ရောက်လာ

စစ်တွေမြို့အနီးဝန်းကျင်က စစ်တပ်စခန်း​တွေကို အာရက္ခတပ်တော်(AA)က ထိုးစစ်ဆင်တာဟာ ရွှေမင်းဂံရေတပ်စခန်းနားကနေ ဒေသကွပ်ကွဲမှုစစ်ဌာနချုပ်(ဒကစ)နဲ့အနီးဆုံးမှာရှိတဲ့ နာရီကန်ကျေးရွာနားထိ ရောက်လာခဲ့ပြီး တိုက်ပွဲပြင်းထန်နေတယ်လို့ မြေပြင်သတင်းရင်းမြစ်တွေက ပြောပါတယ်။ စစ်တွေမြို့နဲ့ လေးမိုင်ဝန်းကျင်အကွာ စစ်တွေ -ရန်ကုန် ပြည်ထောင်စုလမ်းမပေါ်ရှိ နာရီကန်ကျေးရွာအနီးဝန်းကျင်က အာဏာသိမ်းစစ်တပ်ရဲ့ တပ်ရင်းကာကင်းစခန်းတွေကို AA က အဝေးပစ်လက်နက်ကြီးတွေနဲ့ရော မြေပြင်ကနေပါ ထိုးစစ်ဆင်တိုက်ခိုက်နေတာပါ။ နာရီကန်တံတားနားမှာတိုက်ပွဲဖြစ်နေကြပြီး အဲဒီနေရာတွေက ပါဒလိတ်၊ ကျားမသောက်တပ်ရင်းတွေနဲ့ နီးသလို ဒကစနဲ့ဆိုလည်းသိပ်မဝေးတော့ဘူးလို့ AAနဲ့ နီးစပ်တဲ့ မြေပြင်သတင်းရင်းမြစ်တစ်ဦးက ပြောပါတယ်။ နာရီကန်ကျေးရွာအနီးဝန်းကျင် ပါဒလိတ်ရွာအနီးဝန်းကျင်နဲ့ တောကန်ကျေးရွာအနီးဝန်းကျင်တို့မှာ တိုက်ပွဲ ပြင်းထန်နေတာဖြစ်ပါတယ်။ လက်ရှိမှာ စစ်တွေ-ရန်ကုန်ပြည်ထောင်စုလမ်းမအနီး နာရီကန်ကျေးရွာဝန်းကျင်မှာ တိုက်ပွဲဖြစ်ပွားနေသလို စစ်တွေမြို့ရဲ့ အနောက်ဘက် မယူမြစ်အရှေ့ဘက်ကမ်းမှာရှိတဲ့ အမြင့်ကျွန်း၊ ကြွီတဲကျေးရွာတို့အနီးနဲ့ စစ်တွေမြို့ အရှေ့ဘက် ရွှေမင်းဂံရေတပ်စခန်းဝန်းကျင်မှာပါ တိုက်ပွဲတွေရှိနေတယ်လို့ ဒေသခံစစ်ရေးသတင်းရင်းမြစ်တွေက ပြောပါတယ်။

◾️မြန်မာ-အိန္ဒိယနယ်စပ် စစ်ဘေးရှောင်ရွာကို စစ်တပ်မီးရှို့

မြန်မာ-အိန္ဒိယနယ်စပ် စစ်ကိုင်းတိုင်း၊ တမူးမြို့နယ်ထဲက ရန်လင်းဖိုင်ရွာ နဲ့ ပတ်ဝန်းကျင်ကို စစ်တပ်စစ်ကြောင်းတွေက ဝင်ရောက်စီးနင်းပြီး စစ်ဘေးရှောင်တွေရဲ့ နေအိမ်တွေကို မီးရှို့ဖျက်ဆီးသွားတယ်လို့ ဒေသခံ​တွေက​ ပြောပါတယ်။ ခါမ်းပတ်မြို့ဆီကို အာဏာသိမ်းစစ်တပ်က ကလေးနဲ့ တမူးမြို့တွေဘက်ကနေ တပြိုင်နက်စစ်ကြောင်းထိုးလာလို့ တိုက်ပွဲတွေ ဖြစ်ပွားနေချိန်မှာ ရန်လင်းဖိုင်ရွာကို စစ်အုပ်စုက ဇွန်လ ၁၀ရက်‌ မနေ့က ဝင်ရောက်လာပြီး မီးရှို့ဖျက်ဆီးခဲ့တာလို့ တမူးမြို့ခံတွေက ပြောပါတယ်။ ရန်လင်းဖိုင်ရွာနဲ့ အိန္ဒိယ နယ်နိမိတ်စည်းဘေးမှာတင် မီးရှို့နေတာလို့ စစ်ဘေးရှောင်တွေကို ကူညီပေးနေသူတစ်ဦးက ပြောပါတယ်။ အရင်ကတိုက်ပွဲတွေကြောင့် အဲဒီနေရာမှာ စစ်ရှောင်နေရသူတွေက အခုက နှစ်ထပ်ကွမ်းစစ်ရှောင်နေကြရတယ်လို့ စစ်ရှောင်အရေးကူညီနေသူက ဆိုပါတယ်။ ကလေး-ခါမ်းပတ်-တမူးလမ်းပိုင်းကို စစ်တပ်က ထိန်းချုပ်နိုင်ဖို့ ကြိုးပမ်းနေပြီး ပြည်သူ့ကာကွယ်ရေးတပ်တွေ ထိန်းချုပ်ထားတဲ့ ခါမ်းပတ်မြို့ဆီ ဦးတည်ပြီး စစ်ကြောင်း​တွေ ထိုးလာလို့ ဇွန်လ ၈ရက်ကစပြီး တိုက်ပွဲတွေဖြစ်နေပါတယ်။ ခါမ်းပတ်မြို့ဆီကို ကလေးနဲ့ တမူးမြို့တွေဘက်ကအပြင် မော်လိုက်မြို့ကနေပါ စစ်ကြောင်းသုံးကြောင်းခွဲပြီး ဝင်လာတာလို့ စစ်‌ရေးသတင်းမြစ်တွေက ပြောပါတယ်။

◾️မြစ်ခြေရဲစခန်းကို တော်လှန်ရေးတပ်တွေသိမ်းပိုက်ပြီးနောက် စစ်တပ်စစ်ကြောင်းပြန်​ရောက်လာ

မကွေးတိုင်း၊ ပခုက္ကူမြို့နယ် မြစ်ခြေမြို့ ရဲစခန်းကို တော်လှန်ရေးတပ်တွေ သိမ်းပိုက်ခဲ့ပြီးတဲ့နောက် စစ်တပ်စစ်ကြောင်းပြန်ထိုးလာကာ မြို့ထဲကို စစ်ကြောင်းပြန်ရောက်လာတယ်လို့ ​ဒေသတွင်းစစ်​ရေးသတင်းရင်းမြစ်တွေက ပြောပါတယ်။ မြစ်ခြေရဲစခန်းကို ဇွန်လ ၁၀ရက် မနေ့ မနက်ပိုင်းမှာ တော်လှန်ရေးတပ်တွေက သိမ်းပိုက်ခဲ့ပြီးတဲ့နောက် ညနေပိုင်းမှာတော့ မြို့တောင်ဘက်ကနေ စစ်တပ်စစ်​ကြောင်းဝင်လာတာလို့ သိရပါတယ်။ မြစ်ခြေမြို့ကဒေသခံတွေကတော့ မြို့ထဲမနေကြဘဲ ရှောင်တိမ်းနေကြဆဲဖြစ်တယ်လို့ ​ဒေသခံအချို့က​ ပြောပါတယ်။

◾️မင်းတပ်မြို့ကာကွယ်နေကြတဲ့ ရဲဘော်တွေကို ပံ့ပိုးကြဖို့ ပအဖတိုက်တွန်း

ချင်းပြည်နယ်၊ မင်းတပ်မြို့ကို ကာကွယ်နေကြတဲ့ ရဲဘော်တွေကို အဖက်ဖက်မှ ကူညီပံ့ပိုးပေးဖို့ လိုအပ်နေကြောင်း ကြားကာလ မင်းတပ်မြို့နယ် ပြည်သူ့အုပ်ချုပ်ရေးအဖွဲ့က အသိပေးလိုက်ပြီး မင်းတပ်မြို့နယ်အတွက် ကူညီပံ့ပိုးလိုပါက ဆက်သွယ်နိုင်ကြောင်း ထုတ်ပြန်ထားပါတယ်။ အာဏာသိမ်းစစ်တပ်က မင်းတပ်မြို့ ပြန်သိမ်းနိုင်ဖို့ အင်အားအလုံးအရင်း၊ လေကြောင်း ပစ်ကူ အများအပြား အသုံးပြုတိုက်ခိုက်နေတဲ့ အခြေအနေမှာ ခုခံတိုက်ပွဲဝင် ရဲဘော်တွေကို ကူညီပေးဖို့ အခုလို ဖိတ်ခေါ်လာတာဖြစ်ပါတယ်။ မင်းတပ်မြို့နယ်ကို ရဲဘော်တွေက အသက်ကို ပဓာနမထားဘဲ ခုခံတိုက်ပွဲဝင်နေကြတာ ရပ်နီး၊ရပ်ဝေးက ညီအစ်ကိုမောင်နှမများအားလုံး အသိပင်ဖြစ်သလို အကူအညီတွေ လိုအပ်နေတာ သိကြမှာဖြစ်ကြောင်း မင်းတပ်ပအဖက ဖော်ပြပါတယ်။ ရှေ့တန်းမှာ အသက်ကိုစွန့်ကာ ကာကွယ်နေကြတဲ့ ရဲဘော်လေးတွေရဲ့ လိုအပ်ချက်များကို နောက်တန်းကနေ အုပ်တစ်ချပ် သဲတစ်ပွင့် ပါဝင်ကူညီအားဖြည့်ပေးကြဖို့ ကြားကာလမင်းတပ်ပအဖက တောင်းဆိုထားပါတယ်။

◾️မကွေးထောင်မှာ နိုင်ကျဉ်းတွေ နှိပ်စက်ခံနေရပြီး ၁၂ ဦး အသက်အန္တရာယ် စိုးရိမ်ရ

​မကွေးအကျဉ်းထောင်အတွင်းမှာ နိုင်ငံရေးအကျဉ်းသား ၄၂ ဦး နှိပ်စက်တိုက်ပိတ်ခံထားရပြီး ၁၂ ဦးဟာ အသက်အန္တရာယ် စိုးရိမ်နေရကြောင်း နွေဦးနိုင်ငံရေးအကျဉ်းသားများအစည်းအရုံးရဲ့ ဦးဆောင်အဖွဲ့ဝင် ကိုရှင်းသန့်က ပြောပါတယ်။ မကွေးအကျဥ်းထောင်မှာ နိုင်ငံရေးအကျဥ်းသားတွေအပါအဝင် အကျဉ်းသားအားလုံး လူ့အခွင့်အရေး ချိုးဖောက်ခံနေရပြီး ရုပ်ပိုင်းနဲ့ စိတ်ပိုင်းဆိုင်ရာ ပြင်းထန်စွာ နှိပ်စက်ညှင်းပန်းခံနေရကြောင်း နွေဦးနိုင်ငံရေးအကျဉ်းသားများ အစည်းအရုံးက ဇွန်လ ၁၁ ရက်မှာ ထုတ်ပြန်ပါတယ်။ မကွေးအကျဥ်းထောင်မှာ ထောင်ပိုင်ကြီး ဝင်းနိုင်နဲ့ ထောင်ပိုင်လေး အောင်မြင့်သန်းကြည်တို့ ဦးဆောင်တဲ့ အကျဉ်းထောင်အာဏာပိုင်တွေဟာ နိုင်ငံရေးအကျဉ်းသားတွေ အပါအဝင်အကျဉ်းသားတွေ ပိုင်ဆိုင်တဲ့ ခြုံစောင်၊ အဝတ်အစား၊ အသုံးအဆောင်ပစ္စည်းများနဲ့ အစားအသောက်တွေကို မတရားသိမ်းယူခဲ့ကြောင်း၊ ဒါ့အပြင် အကျဉ်းသားတွေကို အခင်းမပါဘဲ သံမံတလင်း ကြမ်းပြင်ပေါ်မှာ နေထိုင်စေခဲ့တဲ့အပြင်၊ သောက်သုံးရေကိုလည်း ကန့်သတ်ကာ တစ်နေ့လုံး ထမင်းစားပြီးချိန်မှ ရေတစ်ခွက်သာ သောက်သုံးခွင့်ပေးထားကြောင်း သိရှိရပါတယ်။ ထောင်အာဏာပိုင်တွေက အကျဉ်းသားတွေကို ရိုက်သတ်လို့ရတယ်လို့ ခြိမ်းခြောက်ပြောဆိုတာ၊ ခဏခဏ ပုံစံထိုင်ခိုင်းတာ စတဲ့ စိတ်ပိုင်းနဲ့ ရုပ်ပိုင်းဆိုင်ရာ ညှင်းပန်းနှိပ်စက်မှုတွေ အဆက်မပြတ် ပြုလုပ်နေကြောင်း ထုတ်ပြန်ချက်တွင် ဖော်ပြထားပါတယ်။

◾️ဗျူဟာ(၂၂)ဗျူဟာမှူး ရဲဘော်စောဂျိမ်းစ် ကျဆုံး

အမျိုးသားညီညွတ်ရေးအစိုးNUG၊ ကာကွယ်ရေးဝန်ကြီးဌာနလက်အောက်မှာရှိတဲ့ တောင်ပိုင်းတိုင်းစစ်ဒေသ၊ ပဲခူးအနောက်ရိုးမ ဗျူဟာ -၂၂ ရဲ့ဗျူဟာမှူး ရဲဘော်စောဂျိမ်း လေယာဉ်ဗုံးစထိမှန် ကျဆုံးခဲ့တယ်လို့ ကာကွယ်ရေးတပ်ဖွဲ့ဝင်တွေက​ ပြောပါတယ်။ လေယာဉ်ဗုံးစထိမှန်မှုကြောင့်ရရှိထားတဲ့ ဒဏ်ရာတွေကို ဆေးကုသနေရင်း ဇွန်လ ၉ ရက်မှာ ကျဆုံးခဲ့တာလည်း ဖြစ်ပါတယ်။ ကျဆုံးသွားတဲ့ ဗျူဟာမှူး ရဲဘော်စောဂျိမ်းရဲ့ နာရေးကို ဇွန်လ ၁၀ ရက်မှာ ပြုလုပ်ခဲ့ပါတယ်။ ပြီးခဲ့တဲ့ မေလလကုန်ပိုင်းကစပြီး ပဲခူးတိုင်းအနောက်ခြမ်း၊ သာယာဝတီခရိုင် ၊ အုတ်ဖိုမြို့နယ်မှာ စစ်တပ်နဲ့ ကာကွယ်ရေးတပ်တွေကြား တိုက်ပွဲပြင်းထန်ခဲ့တာလည်းဖြစ်ပါတယ်။ စစ်တပ်က တိုက်ပွဲဖြစ်ပွါးရာနေရာတွေကို လေကြောင်းကနေ ဗုံးကြဲခဲ့ပါတယ်။ မေလ ကုန်ပိုင်းတိုက်ပွဲတစ်ခုမှာ စစ်တပ်က လေကြောင်းကနေ ဗုံးကြဲမှုကြောင့် ဗျူဟာမှူး ရဲဘော်စောဂျိမ်းထိခိုက်ဒဏ်ရာရရှိခဲ့တာလည်း ဖြစ်ပါတယ်။

◾️ချောင်းဦးနယ်က ဆင်မြေရွာကို စစ်တပ်က ၃ ရက်ဆက် မီးရှို့

စစ်ကိုင်းတိုင်း၊ချောင်းဦးမြို့နယ်က ဆင်မြေကျေးရွာကို အာဏာသိမ်းစစ်တပ်က ၃ ရက်ဆက် မီးရှို့ဖျက်ဆီးရာ အိမ်ခြေ ရာနဲ့ချီပြာကျနိုင်ကြောင်း ဒေသခံတွေက ပြောပါတယ်။ ချောင်းဦးမြို့နယ်တောင်ပိုင်းကို စစ်ကြောင်းထိုးနေတဲ့ အာဏာသိမ်းစစ်တပ်ဟာ ဇွန်လ ၉ ရက်ကနေ ဒီနေ့ ဇွန်လ ၁၁ ရက်အထိ မီးရှို့ဖျက်ဆီးခဲ့ရာ အိမ်ခြေရာချီ မီးလောင်ပျက်စီးနိုင်ကြောင်း ဒေသခံတွေက ပြောပါတယ်။ စစ်တပ်ကတော့ ဆင်မြေရွာနဲ့ ငါးလုံးတင်ကျေးရွာက PDF စခန်းတွေကို သိမ်းနိုင်ခဲ့ပြီး PDF ရဲဘော် ၂ ဦးကျဆုံးတယ်လို့ ဝါဒဖြန့်နေပါတယ်။ တိုက်ပွဲဖြစ်ပွားမှုတွေ ရှိခဲ့ပေမယ့် အဲဒီစခန်းတွေဟာ စခန်းဟောင်းတွေသာဖြစ်ပြီး PDF ၂ ဦးကျဆုံးရတာကလည်း အသေခံဒရုန်းတွေကြောင့်သာဖြစ်ကြောင်း၊ တိုက်ပွဲမှာ စစ်တပ်ကသာ အထိနာခဲ့ကြောင်း ဒေသခံတွေက ပြောပါတယ်။ ချောင်းဦးမြို့နယ်တောင်ပိုင်းကို အာဏာသိမ်း စစ်တပ်က ဇွန်လ ၁ ရက်ကတည်းက စစ်ကြောင်းထိုးနေတာဖြစ်ပြီး လေကြောင်းတိုက်ခိုက်မှုတွေပါ ပြုလုပ်နေတာကြောင့် ကျေးရွာ ၁၁ ရွာထက်မနည်း တိမ်းရှောင်နေရပါတယ်။

◾️မိုးမိတ်မြို့နယ် သစ်ဆိမ့်ကုန်းရွာ စစ်တပ်မီးရှို့

ရှမ်းပြည်နယ်မြောက်ပိုင်း၊ မိုးမိတ်မြို့နယ်က သစ်ဆိမ့်ကုန်းကျေးရွာကို စစ်တပ်က မီးရှို့ဖျက်ဆီးခဲ့ပြီး အနည်းဆုံး နေအိမ် ၅လုံး မီးလောင်ပျက်စီးခဲ့တယ်လို့ ဒေသခံတွေက ပြောပါတယ်။ ဇွန်လ ၁၀ ရက် မနေ့က သစ်ဆိမ့်ကုန်းရွာကို မီးရှို့ဖျက်ဆီးကာ လက်နက်ကြီးတွေနဲ့ပါ ပစ်ခတ်ခဲ့သေးတယ်လို့ ဒေသခံတွေက ပြောပါတယ်။ အဲဒီစစ်ကြောင်းဟာ ခလရ(၃၄၈)တပ်ရင်းက ဖြစ်ပြီး တော်လှန်‌ရေးတပ်တွေရဲ့ ပစ်ခတ်ခြင်းခံရကာ အထိနာပြီး မီးရှို့ခဲ့တာလို့ သိရပါတယ်။

◾️ရန်ကုန်မှာ ငလျင်ထပ်လှုပ်

ရန်ကုန်မြို့မှာ ဇွန်လ ၁၁ရက် နေ့လယ် ၁၂နာရီ ၁၈မိနစ်ခန့်က ငလျင်လှုပ်သွားပြီး အထပ်မြင့်အဆောက်အအုံတွေ သိသိသာသာ ခံစားလိုက်ရတယ်လို့ မြို့ခံတွေက ပြောပါတယ်။ စမ်းချောင်း၊ လှိုင်၊ ကမာရွတ်၊ လသာ၊ ဒေါပုံ၊ သာကေတ၊ တောင်ဥက္ကလာ၊ မြောက်ဥက္ကလာ၊ ကြည့်မြင့်တိုင်မြို့နယ်တွေမှာ ငလျင်လှုပ်တာကို သိသိသာသာခံစားလိုက်ရတယ်လို့ မြို့ခံတွေက လူမှုကွန်ယက်မှာ ရေးသားထားကြပါတယ်။ လှုပ်ခတ်မှုသိသာတယ်လို့လည်း ပြောကြပါတယ်။ ငလျင်သတင်းတွေထုတ်ပြန်ပေးနေတဲ့ Earthquake Applicationမှာတော့ ရန်ကုန်တိုင်းနဲ့ဆက်စပ်နေတဲ့ ပင်လယ်ဝအနီးမှာ ရစ်ခ်တာစကေး ၄အဆင့် ငလျင်လှုပ်သွားတယ်လို့ ဖော်ပြထားပါတယ်။

◾️KIO ဝန်ထမ်း ၉၀ကျော်တက်ရောက်တဲ့ လ၀က သင်တန်းဆင်းပွဲ ကျင်းပ

ကချင်လွတ်လပ်ရေးအဖွဲ့(KIO) လူဝင်မှုကြီးကြပ်ရေးသင်တန်းကျောင်းဆင်းပွဲကို ဌာနချုပ် လိုင်ဇာမြို့မှာ မနေ့က ကျင်းပခဲ့တယ်လို့ ကချင်သတင်းရင်းမြစ်က ပြောပါတယ်။ KIO အစိုးရ ပြည်သူ့အုပ်ချုပ်ရေးဌာန၊ ဗဟိုလူဝင်မှုကြီးကြပ်ရေးရုံးက ကြီးမှူးတဲ့ အမှတ်စဥ် (၁၆) လ၀က သင်တန်းကျောင်းဆင်းပွဲကို သင်တန်းသား ၉၆ဦး တက်ရောက်ခဲ့တာဖြစ်ပြီး သင်တန်းဆင်းပွဲကို သက်ဆိုင်ရာ ဌာနဆိုင်ရာ တာဝန်ရှိသူတွေ တက်ရောက်ဂုဏ်ပြုခဲ့တယ်လို့ ပြောပါတယ်။ KIO အနေနဲ့ အုပ်ချုပ်ရေး နယ်မြေကျယ်ပြန့်လာတာနဲ့အမျှ ဝန်ထမ်းလိုအပ်ချက်ရှိတဲ့အပေါ် ဌာနအသီးသီးက သင်တန်းတွေ ပြုလုပ်လျက်ရှိတယ်လို့ သတင်းရင်းမြစ်က ပြောပါတယ်။ လက်ရှိ မြန်မာ့နိုင်ငံရေးအခြေအနေတွေအရ လူမျိုးရေးအစွန်းမရောက်ကြဖို့ အရေးကြီးသလို နိုင်ငံရေးသဘောထားကြီးပြီး ဘုံရန်သူဖြစ်တဲ့ မတရားအာဏာသိမ်းယူထားတဲ့ အာဏာသိမ်း စစ်တပ်ကို တက်ညီလက်ညီ ပူးပေါင်းတွန်းလှန်ရန်လိုအပ်ကြောင်း သတင်းရင်းမြစ်က တိုက်တွန်းပါတယ်။

■​ဆောင်းပါး

စစ်တပ်ဗုံးကြဲတာခံခဲ့ရတဲ့ ပျူ​စောထီးရွာ

ဖိုးသား/People's Spring

"လေယာဥ်ဗုံးကြဲချိန် ကူကယ်ရာ မဲ့နေတဲ့ ကလေးငယ်နဲ့ အမျိုးသမီးတွေ၊ ထွက်ပြေးရာ ရွာလမ်းတလျှောက် ဗုံးထိလို့ သေဆုံးသွားတဲ့ အဖိုးအဖွားတချို့။ဒါဏ်ရာရပြီး အသက်ရှင်နေသူတွေပါ မြင်ရပေမယ့် လေယာဉ်ဗုံးကြဲနေလို့ ကိုယ်လွတ်ရုန်း ထွက် ပြေးရတဲ့ စိတ်ခံစားချက်။အခုလို မြင်ကွင်းမျိုးနဲ့
အကြောက်တရား၊စိတ်ခံစားချက်တွေ ဘယ်သောအခါမှသူတို့ထံ ရောက်လာလိမ့်မယ်မထင်ခဲ့"

ပေါက်မြို့နယ်က စစ်တပ်လက်အောက်ခံပျူ​စောထီး​ (ခေါ် )ပြည်သူ့စစ်ရွာ ဖြစ်တဲ့ကုက္ကိုလ်စုရွာသားတွေ ကြုံခဲ့ရတဲ့အ​ခြေအ​နေကို
အရှင်ဥဒါယီ ကပြန်​ရေးသားမျှ​ဝေထားတာဖြစ်ပါတယ်။

အရှင်ဥဒါယီတို့ဖွဲ့စည်းထားတဲ့ သံဃမေတ္တာပြည်သူ့စောင့်ရှောက်အဖွဲ့က ကုက္ကိုလ်စုရွာ
သားတွေကို စားနပ်ရိက္ခာ ဝေမျှရင်း တွေ့
ဆုံခဲ့ကြတာပါ။

စစ်တပ်တပ်စွဲထားတဲ့ ကုက္ကိုလ်စုရွာကို ဒေသ
ခံတော် လှန်ရေးအဖွဲ့တွေကဇွန်လ ၄ ရက်နေ့မှာ ထိုးစစ်ဆင်သိမ်းပိုက်ခဲ့ပါတယ်။လက်နက်
ခဲယမ်း​တွေသိမ်းဆည်းပြီး ပျူ​စောထီး​တွေ၊ ရဲ နဲ့စစ်သား စတဲ့ သုံ့ပန်းတွေကို စစ်ဥပဒေနဲ့အညီ ထိန်းသိမ်းထားတယ်လို့ ထုတ်ပြန်ထားပါတယ်။ ဒါ​ပေမယ့် စစ်ရာဇဝတ်မှုကျူးလွန်သူ​တွေကို​တော့ ဥပ​ဒေ နဲ့အညီ အ​ရေးယူမယ်လို့ အသိ​ပေးထားပါတယ် ။

Operation Su အမည်နဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ မတရားဖမ်းဆီးအကျဥ်းချခံရမှုကနေ လွတ်မြောက်ဖို့ရည်မှန်းပြီး ပခုက္ကူခရိုင်တွင်း မြို့နယ် (၅) ခုက ပြည်သူ့ကာကွယ်ရေးအဖွဲ့တွေ ပူးပေါင်းပြီး ကုက္ကိုစုရွာ နဲ့ ရေပြာရဲစခန်းတို့ကိုသိမ်းပိုက်တဲ့အညာမြေ စစ်ဆင်ရေးကို ဖော်ဆောင်ခဲ့ပါ။

အညာမြေ စစ်ဆင်ရေးရဲ့ ပထမအဆင့် Operation ငယ် တစ်ခုအနေနဲ့ Operation 9 (4+5) ကို ဇွန်လ ၂ ရက်နေ့မှာ စတင်ခဲ့တာပါ။ ပြည်သူ့စစ်မဟာဗျူဟာအရ အချက်အချာမြေ နဲ့ မဟာဗျူဟာ လမ်းပိုင်း ထိန်းချုပ်ရေးမှာ အဓိက အရေးပါတဲ့ ပုသိမ် - မုံရွာလမ်းပိုင်းနဲ့ ပခုက္ကူ - ပေါက် - မင်းတပ်လမ်းတို့ စိုးမိုးနိုင်ဖို့ လိုအပ်တဲ့ ရေပြာလမ်းဆုံ ကအ​ရေးကြီးပါတယ်။ ဒါ​ကြောင့်ဇွန်လ ၂ ရက်နေ့ ညနေပိုင်းမှာ ရေပြာရဲစခန်းကို သိမ်းပိုက်ခဲ့ပါတယ်။

ဇွန်လ ၄ ရက်နေ့ နေ့လယ်ပိုင်းမှာ စစ်တပ်အခြေစိုက်တဲ့ ပျူ​စောထီးရွာ ကုက္ကိုလ်စုကိုသိမ်းပိုက်ခဲ့ပါတယ်။

စစ်တပ်ကတံတားဦးလေတပ်၊ မကွေးလေ
တပ်၊ မိတ္ထီလာလေတပ်ကနေ Jet Fighter ကိုးစီး၊အခြားတိုက်ခိုက်ရေးလေယာဉ်ငါးစီး နဲ့ ဗုံးပေါင်း ၃၀၀ ၀န်းကျင်ဗုံကြဲခဲ့တာပါ။စစ်တပ်က ပျူ​စောထီးရွာကစစ်စခန်းမကျ​အောင် ပစ်ကူ​ပေးတဲ့အ​နေနဲ့ ဗုံးကြဲခဲ့တယ်ဆို​ပေမယ့် သူ့လူ ၊ကိုယ့်လူမခွဲပဲ ရွာထဲဗုံးကြဲခဲ့တာ​ကြောင့် ကုက္ကိုစုက ရွာသူ၊ရွာသား​တွေပါ​သေဆုံး ခဲ့တာပါ။

ဒါ့အပြင်ကာကွယ်ရေးပစ္စည်းစက်ရုံ ကပစ - ၂၄ ကနေ ဟောင်ဝှစ်ဇာ လက်နက်ကြီးနဲ့ ပစ်​ခေတ်တိုက်ခိုက်ခဲ့တယ်လို့ သိရပါတယ်။

ကုက္ကိုလ်စုရွာကို တိုက်ခိုက်သိမ်းပိုက်မှုမှာ စစ်
တပ်ရဲ့ သတ်ကွင်းဖြစ်တဲ့ လယ်ကွင်းပြင် ဟင်းလင်းပြင်နေရာတွေကို ပကဖ ရဲဘော်တွေနဲ့ ပူးပေါင်းတပ်တွေက ရဲရဲဝံ့ဝံ့ ဖြတ်ကျော် တိုက်ခိုက်ပြီး ရရှိခဲ့တာလို့ အသိပေးပါတယ်။တိုက်ခိုက်မှုအတွင်း ကျဆုံးထိခိုက်တဲ့ ရဲဘော်တွေရှိပါတယ်။

တိုက်ပွဲတွေအတွင်း စစ်တပ်နဲ့ ပျူ​တွေဘက်ကသေဆုံးသူ သုံးဆယ်ကျော်၊ သုံ့ပန်း ၆၅ ဦး၊ လက်နက်ချ အလင်းဝင် ‌ခြောက် ဦး၊ ပြည်သူ့စစ်ရွာက ပြည်သူ (၂၄၆) ဦးကို ထိန်းသိမ်းခဲ့ပါတယ်။

လက်နက်ငယ် (၅၅) လက်၊ လက်နက်ကြီး (၄) လက်၊ ကျည်မျိုးစုံ (၃၄၆၅) တောင့် နဲ့ စစ်အသုံး အဆောင် ပစ္စည်းတွေကို သိမ်းဆည်းရရှိပြီး အမျိုးသားညီညွတ်ရေးအစိုးရရဲ့ မူဝါဒ လမ်းညွှန်ချက်၊ လူသားချင်း စာနာထောက်ထားမှု၊ လူ့အခွင့်အရေးများနဲ့ အညီ စစ်သုံ့ပန်း‌တွေနဲ့ ပြည်သူတွေကို ထိန်းသိမ်း စောင့်ရှောက်ထားတယ်လို့ အသိပေးပါတယ်။

စစ်ဆင်ရေးဟာ အမျိုးသားညီညွတ်ရေး အစိုးရ၊ ကာကွယ်ရေးဝန်ကြီးဌာန၊ ပကဖ ရုံးချုပ်နဲ့ ပြည် ထောင်စုရဲ့ထောက်ပံ့ညွှန်ကြားမှုတွေ၊မကွေးဖက်ဒရယ်ယူနစ်၊ ကာကွယ်ရေးဝန်ကြီးရဲ့လမ်းညွှန်ကူညီမှုတွေ နဲ့ အခြား မဟာမိတ်တပ်တွေရဲ့ စုပေါင်းတိုက်ခိုက်နိုင်ခဲ့မှုလို့လည်းဖော်ပြပါတယ်။

တော်လှန်ရေးတပ်တွေရွာထဲ၀င်မစီးခင်က
တည်းက စစ်ကောင်စီတပ်သားတွေနဲ့ ပျူခေါင်းဆောင်ဟာ ရွာခံအများစုကိုချန်ရစ်ပြီး အရင်ထွက်ပြေး‌သွားခဲ့ကြပါတယ်။

တိုက်ပွဲ ကာလအတွင်း စစ်တပ်က ဒေသခံ တွေရာနဲ့ချီရှိ‌တဲ့ ရွာထဲကိုပါနာရီနဲ့ချီပြီး ​လေယာဥ်​တွေနဲ့ ဗုံးအကြိမ်ကြိမ်ကြဲခဲ့ပါတယ်။ဒါဟာ စစ်တပ်က နိုင်ငံတ၀န်းလေယာဉ်တွေသုံးပြီး နေ့စဉ် ပြည်သူ​တွေကို ဘယ်လို ဗုံးကြဲသတ်ဖြတ်​နေလဲဆိုတာကို ကုက္ကိုလ်စုရွာခံတွေ အသက်နဲ့ရင်းပြီး သိ​ရတဲ့ ပထမဆုံးသင်ခန်းစာ ဖြစ်ပါတယ်။

ပခုက္ကူမြို့နဲ့ ပေါက်မြို့ကို ဆက်သွယ်ထားတဲ့ မုံရွာ-ပုသိမ်လမ်းမကြီးပေါ်က လူဦးရေ ၅၀၀ ၀န်း‌ကျင်လောက်ရှိတဲ့ ကုက္ကိုလ်စုရွာလေးဟာ စစ်တပ်အာဏာမသိမ်းခင်ကအထိ မိရိုးဖလာ စိုက်ပျိုးရေးလုပ်ငန်းတွေနဲ့ အေးအေးချမ်းချမ်းရှိခဲ့ပါတယ်။

ဒါပေမယ့် ပေါက်မြို့အတွက် စစ်ရေးအရ အရေးပါတဲ့ လမ်းပေါ်မှာရှိနေတာကြောင့် ၂၀၂၁ ခုနှစ် နှစ်ကုန်ပိုင်းမှာ စစ်တပ်က တပ်စွဲပြီးပြည်သူ့စစ်(ပျူစောထီး)ရွာအဖြစ် သိမ်း
သွင်းခဲ့ပါတယ်။

"ပြည်သူ့စစ်ရွာအဆင့်မပြောနဲ့ တပ်ရင်း တွေ တက်သိမ်းတုန်းက စစ်တပ်က ကိုယ့်လူသူ့လူမကြည့်ဘူးအကုန်ဗုံးကြဲတာ။စစ်ခေါင်း
ဆောင်တွေဟာ ဘယ် တုန်းကမှ သူတို့အကျိုးကလွဲရင်ဘယ်သူမျက်နှာ မထောက်ဘူးဆိုတာ ပေါက်မြို့နယ်ရော တခြားမြို့နယ်က ပြည် သူ့စစ်နဲ့စစ်တပ်လက်ပါးစေတွေ သိစေချင်တယ်"လို့ ရှမ်းပြည်နယ်မြောက်ပိုင်းမြို့သိမ်းတိုက်ပွဲမှာ ပါ၀င်ခဲ့တဲ့ အညာသားတော်လှန်ရေးရဲဘော်တစ်ဦးကပြောပါတယ်။

၂၀၂၁ ခုနှစ် ဖေဖော်ဝါရီလကနေ ၂၀၂၆ ခုနှစ်မတ်လအထိစစ်တပ်ကနိုင်ငံအနှံ့လေ
ကြောင်းတိုက်ခိုက်မှု ပေါင်း ၇,၀၀၀ ကျော်
လုပ်ခဲ့တယ်လို့ အရပ်ဘက်အဖွဲ့အစည်းတွေက ထုတ်ပြန်ထားပါတယ်။

အဲဒီဗုံးကြဲတိုက်ခိုက်မှုကြောင့် သေဆုံးတဲ့ အရပ်သား ၄,၅၀၀ ၀န်းကျင်နဲ့ ဒဏ်ရာရတဲ့သူ ၈,၀၀၀ နီးပါးရှိပါတယ်။ဒါကြောင့် တစ်ရက်
ပျှမ်းမျှ လေ ကြောင်းတိုက်ခိုက်မှု လေးကြိမ်မှာ သေဆုံးသူ နှစ်ဦးကျော်နဲ့ ဒဏ်ရာရသူ လေးဦးနီးပါးရှိပါတယ်။

ဇွန်လ ၄ ရက်နေ့က စစ်တပ်က ပျူရွာဖြစ်တဲ့ကုက္ကိုလ်စုရွာ‌ထဲကို ဗုံးပြန်ကြဲခဲ့တဲ့ ဖြစ်စဉ်မှာဆိုရင် သေဆုံးထိခိုက်သူက ဆယ်ဂဏန်းထက်မနည်းဘူးလို့ သိရပါတယ်။

ဗုံးကြဲနေတဲ့အချိန် နေအိမ်ထဲက ထွက်ပြေးတဲ့
ကုက္ကိုလ်စုရွာကျောင်းထိုင်ဘုန်းကြီးရဲ့ အစ်
ကို မိသားစု ငါးဦးစလုံးဟာ လမ်းမပေါ်မှာပဲ အစုလိုက်သေဆုံးခဲ့ရတယ်လို့ ဖြစ်စဉ်ကို မျက်မြင်တွေ့ရှိခဲ့သူတွေက ပြောပါတယ်။

လက်ရှိမှာ တော်လှန်ရေးအဖွဲ့တွေဘက်က ထမင်းက အစ ဆေးဝါးအဆုံး စောင့်ရှောက်မှုပေးပြီး အဆင် ပြေပြေ နေရ ပေမယ့် စစ်တပ်ကလေယာဥ်​တွေလာပြီးဗုံးကြဲခံရမှာတော့
ကုက္ကိုလ်စုရွာသူရွာသားတွေကြောက်‌နေဆဲ
ဖြစ််လို့ သံဃမေတ္တာပြည်သူ့စောင့်ရှောက်အဖွဲ့က ဆရာတော်တွေထံလျှောက်ထားကြပါတယ်။

တချိန်က လေကြောင်းတိုက်ခိုက်မှုဆိုတာ ဘယ်လိုမျိုးလဲဆိုပြီးသိခွင့်မရခဲ့တဲ့ပျူရွာကပြည်သူတွေဆီကအသက်၀င်လာမယ့် စာနာနားလည်မှု လမ်းစ တစ်ခုဖြစ်ပါတယ်။

"အဖြစ်ခြင်းတူမှ လူတွေဟာ ကိုယ်ချင်းစာတတ်ကြတဲ့သဘောရှိကြလေတယ်"လို့ အရှင်ဥဒါယီ က မိန့်ပါတယ်။ ။

■​ဆောင်းပါး

စစ်တပ်ဗုံးကြဲတာခံခဲ့ရတဲ့ ပျူ​စောထီးရွာ

ဖိုးသား/People's Spring

"လေယာဥ်ဗုံးကြဲချိန် ကူကယ်ရာ မဲ့နေတဲ့ ကလေးငယ်နဲ့ အမျိုးသမီးတွေ၊ ထွက်ပြေးရာ ရွာလမ်းတလျှောက် ဗုံးထိလို့ သေဆုံးသွားတဲ့ အဖိုးအဖွားတချို့။ဒါဏ်ရာရပြီး အသက်ရှင်နေသူတွေပါ မြင်ရပေမယ့် လေယာဉ်ဗုံးကြဲနေလို့ ကိုယ်လွတ်ရုန်း ထွက် ပြေးရတဲ့ စိတ်ခံစားချက်။အခုလို မြင်ကွင်းမျိုးနဲ့
အကြောက်တရား၊စိတ်ခံစားချက်တွေ ဘယ်သောအခါမှသူတို့ထံ ရောက်လာလိမ့်မယ်မထင်ခဲ့"

ပေါက်မြို့နယ်က စစ်တပ်လက်အောက်ခံပျူ​စောထီး​ (ခေါ် )ပြည်သူ့စစ်ရွာ ဖြစ်တဲ့ကုက္ကိုလ်စုရွာသားတွေ ကြုံခဲ့ရတဲ့အ​ခြေအ​နေကို
အရှင်ဥဒါယီ ကပြန်​ရေးသားမျှ​ဝေထားတာဖြစ်ပါတယ်။

အရှင်ဥဒါယီတို့ဖွဲ့စည်းထားတဲ့ သံဃမေတ္တာပြည်သူ့စောင့်ရှောက်အဖွဲ့က ကုက္ကိုလ်စုရွာ
သားတွေကို စားနပ်ရိက္ခာ ဝေမျှရင်း တွေ့
ဆုံခဲ့ကြတာပါ။

စစ်တပ်တပ်စွဲထားတဲ့ ကုက္ကိုလ်စုရွာကို ဒေသ
ခံတော် လှန်ရေးအဖွဲ့တွေကဇွန်လ ၄ ရက်နေ့မှာ ထိုးစစ်ဆင်သိမ်းပိုက်ခဲ့ပါတယ်။လက်နက်
ခဲယမ်း​တွေသိမ်းဆည်းပြီး ပျူ​စောထီး​တွေ၊ ရဲ နဲ့စစ်သား စတဲ့ သုံ့ပန်းတွေကို စစ်ဥပဒေနဲ့အညီ ထိန်းသိမ်းထားတယ်လို့ ထုတ်ပြန်ထားပါတယ်။ ဒါ​ပေမယ့် စစ်ရာဇဝတ်မှုကျူးလွန်သူ​တွေကို​တော့ ဥပ​ဒေ နဲ့အညီ အ​ရေးယူမယ်လို့ အသိ​ပေးထားပါတယ် ။

Operation Su အမည်နဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ မတရားဖမ်းဆီးအကျဥ်းချခံရမှုကနေ လွတ်မြောက်ဖို့ရည်မှန်းပြီး ပခုက္ကူခရိုင်တွင်း မြို့နယ် (၅) ခုက ပြည်သူ့ကာကွယ်ရေးအဖွဲ့တွေ ပူးပေါင်းပြီး ကုက္ကိုစုရွာ နဲ့ ရေပြာရဲစခန်းတို့ကိုသိမ်းပိုက်တဲ့အညာမြေ စစ်ဆင်ရေးကို ဖော်ဆောင်ခဲ့ပါ။

အညာမြေ စစ်ဆင်ရေးရဲ့ ပထမအဆင့် Operation ငယ် တစ်ခုအနေနဲ့ Operation 9 (4+5) ကို ဇွန်လ ၂ ရက်နေ့မှာ စတင်ခဲ့တာပါ။ ပြည်သူ့စစ်မဟာဗျူဟာအရ အချက်အချာမြေ နဲ့ မဟာဗျူဟာ လမ်းပိုင်း ထိန်းချုပ်ရေးမှာ အဓိက အရေးပါတဲ့ ပုသိမ် - မုံရွာလမ်းပိုင်းနဲ့ ပခုက္ကူ - ပေါက် - မင်းတပ်လမ်းတို့ စိုးမိုးနိုင်ဖို့ လိုအပ်တဲ့ ရေပြာလမ်းဆုံ ကအ​ရေးကြီးပါတယ်။ ဒါ​ကြောင့်ဇွန်လ ၂ ရက်နေ့ ညနေပိုင်းမှာ ရေပြာရဲစခန်းကို သိမ်းပိုက်ခဲ့ပါတယ်။

ဇွန်လ ၄ ရက်နေ့ နေ့လယ်ပိုင်းမှာ စစ်တပ်အခြေစိုက်တဲ့ ပျူ​စောထီးရွာ ကုက္ကိုလ်စုကိုသိမ်းပိုက်ခဲ့ပါတယ်။

စစ်တပ်ကတံတားဦးလေတပ်၊ မကွေးလေ
တပ်၊ မိတ္ထီလာလေတပ်ကနေ Jet Fighter ကိုးစီး၊အခြားတိုက်ခိုက်ရေးလေယာဉ်ငါးစီး နဲ့ ဗုံးပေါင်း ၃၀၀ ၀န်းကျင်ဗုံကြဲခဲ့တာပါ။စစ်တပ်က ပျူ​စောထီးရွာကစစ်စခန်းမကျ​အောင် ပစ်ကူ​ပေးတဲ့အ​နေနဲ့ ဗုံးကြဲခဲ့တယ်ဆို​ပေမယ့် သူ့လူ ၊ကိုယ့်လူမခွဲပဲ ရွာထဲဗုံးကြဲခဲ့တာ​ကြောင့် ကုက္ကိုစုက ရွာသူ၊ရွာသား​တွေပါ​သေဆုံး ခဲ့တာပါ။

ဒါ့အပြင်ကာကွယ်ရေးပစ္စည်းစက်ရုံ ကပစ - ၂၄ ကနေ ဟောင်ဝှစ်ဇာ လက်နက်ကြီးနဲ့ ပစ်​ခေတ်တိုက်ခိုက်ခဲ့တယ်လို့ သိရပါတယ်။

ကုက္ကိုလ်စုရွာကို တိုက်ခိုက်သိမ်းပိုက်မှုမှာ စစ်
တပ်ရဲ့ သတ်ကွင်းဖြစ်တဲ့ လယ်ကွင်းပြင် ဟင်းလင်းပြင်နေရာတွေကို ပကဖ ရဲဘော်တွေနဲ့ ပူးပေါင်းတပ်တွေက ရဲရဲဝံ့ဝံ့ ဖြတ်ကျော် တိုက်ခိုက်ပြီး ရရှိခဲ့တာလို့ အသိပေးပါတယ်။တိုက်ခိုက်မှုအတွင်း ကျဆုံးထိခိုက်တဲ့ ရဲဘော်တွေရှိပါတယ်။

တိုက်ပွဲတွေအတွင်း စစ်တပ်နဲ့ ပျူ​တွေဘက်ကသေဆုံးသူ သုံးဆယ်ကျော်၊ သုံ့ပန်း ၆၅ ဦး၊ လက်နက်ချ အလင်းဝင် ‌ခြောက် ဦး၊ ပြည်သူ့စစ်ရွာက ပြည်သူ (၂၄၆) ဦးကို ထိန်းသိမ်းခဲ့ပါတယ်။

လက်နက်ငယ် (၅၅) လက်၊ လက်နက်ကြီး (၄) လက်၊ ကျည်မျိုးစုံ (၃၄၆၅) တောင့် နဲ့ စစ်အသုံး အဆောင် ပစ္စည်းတွေကို သိမ်းဆည်းရရှိပြီး အမျိုးသားညီညွတ်ရေးအစိုးရရဲ့ မူဝါဒ လမ်းညွှန်ချက်၊ လူသားချင်း စာနာထောက်ထားမှု၊ လူ့အခွင့်အရေးများနဲ့ အညီ စစ်သုံ့ပန်း‌တွေနဲ့ ပြည်သူတွေကို ထိန်းသိမ်း စောင့်ရှောက်ထားတယ်လို့ အသိပေးပါတယ်။

စစ်ဆင်ရေးဟာ အမျိုးသားညီညွတ်ရေး အစိုးရ၊ ကာကွယ်ရေးဝန်ကြီးဌာန၊ ပကဖ ရုံးချုပ်နဲ့ ပြည် ထောင်စုရဲ့ထောက်ပံ့ညွှန်ကြားမှုတွေ၊မကွေးဖက်ဒရယ်ယူနစ်၊ ကာကွယ်ရေးဝန်ကြီးရဲ့လမ်းညွှန်ကူညီမှုတွေ နဲ့ အခြား မဟာမိတ်တပ်တွေရဲ့ စုပေါင်းတိုက်ခိုက်နိုင်ခဲ့မှုလို့လည်းဖော်ပြပါတယ်။

တော်လှန်ရေးတပ်တွေရွာထဲ၀င်မစီးခင်က
တည်းက စစ်ကောင်စီတပ်သားတွေနဲ့ ပျူခေါင်းဆောင်ဟာ ရွာခံအများစုကိုချန်ရစ်ပြီး အရင်ထွက်ပြေး‌သွားခဲ့ကြပါတယ်။

တိုက်ပွဲ ကာလအတွင်း စစ်တပ်က ဒေသခံ တွေရာနဲ့ချီရှိ‌တဲ့ ရွာထဲကိုပါနာရီနဲ့ချီပြီး ​လေယာဥ်​တွေနဲ့ ဗုံးအကြိမ်ကြိမ်ကြဲခဲ့ပါတယ်။ဒါဟာ စစ်တပ်က နိုင်ငံတ၀န်းလေယာဉ်တွေသုံးပြီး နေ့စဉ် ပြည်သူ​တွေကို ဘယ်လို ဗုံးကြဲသတ်ဖြတ်​နေလဲဆိုတာကို ကုက္ကိုလ်စုရွာခံတွေ အသက်နဲ့ရင်းပြီး သိ​ရတဲ့ ပထမဆုံးသင်ခန်းစာ ဖြစ်ပါတယ်။

ပခုက္ကူမြို့နဲ့ ပေါက်မြို့ကို ဆက်သွယ်ထားတဲ့ မုံရွာ-ပုသိမ်လမ်းမကြီးပေါ်က လူဦးရေ ၅၀၀ ၀န်း‌ကျင်လောက်ရှိတဲ့ ကုက္ကိုလ်စုရွာလေးဟာ စစ်တပ်အာဏာမသိမ်းခင်ကအထိ မိရိုးဖလာ စိုက်ပျိုးရေးလုပ်ငန်းတွေနဲ့ အေးအေးချမ်းချမ်းရှိခဲ့ပါတယ်။

ဒါပေမယ့် ပေါက်မြို့အတွက် စစ်ရေးအရ အရေးပါတဲ့ လမ်းပေါ်မှာရှိနေတာကြောင့် ၂၀၂၁ ခုနှစ် နှစ်ကုန်ပိုင်းမှာ စစ်တပ်က တပ်စွဲပြီးပြည်သူ့စစ်(ပျူစောထီး)ရွာအဖြစ် သိမ်း
သွင်းခဲ့ပါတယ်။

"ပြည်သူ့စစ်ရွာအဆင့်မပြောနဲ့ တပ်ရင်း တွေ တက်သိမ်းတုန်းက စစ်တပ်က ကိုယ့်လူသူ့လူမကြည့်ဘူးအကုန်ဗုံးကြဲတာ။စစ်ခေါင်း
ဆောင်တွေဟာ ဘယ် တုန်းကမှ သူတို့အကျိုးကလွဲရင်ဘယ်သူမျက်နှာ မထောက်ဘူးဆိုတာ ပေါက်မြို့နယ်ရော တခြားမြို့နယ်က ပြည် သူ့စစ်နဲ့စစ်တပ်လက်ပါးစေတွေ သိစေချင်တယ်"လို့ ရှမ်းပြည်နယ်မြောက်ပိုင်းမြို့သိမ်းတိုက်ပွဲမှာ ပါ၀င်ခဲ့တဲ့ အညာသားတော်လှန်ရေးရဲဘော်တစ်ဦးကပြောပါတယ်။

၂၀၂၁ ခုနှစ် ဖေဖော်ဝါရီလကနေ ၂၀၂၆ ခုနှစ်မတ်လအထိစစ်တပ်ကနိုင်ငံအနှံ့လေ
ကြောင်းတိုက်ခိုက်မှု ပေါင်း ၇,၀၀၀ ကျော်
လုပ်ခဲ့တယ်လို့ အရပ်ဘက်အဖွဲ့အစည်းတွေက ထုတ်ပြန်ထားပါတယ်။

အဲဒီဗုံးကြဲတိုက်ခိုက်မှုကြောင့် သေဆုံးတဲ့ အရပ်သား ၄,၅၀၀ ၀န်းကျင်နဲ့ ဒဏ်ရာရတဲ့သူ ၈,၀၀၀ နီးပါးရှိပါတယ်။ဒါကြောင့် တစ်ရက်
ပျှမ်းမျှ လေ ကြောင်းတိုက်ခိုက်မှု လေးကြိမ်မှာ သေဆုံးသူ နှစ်ဦးကျော်နဲ့ ဒဏ်ရာရသူ လေးဦးနီးပါးရှိပါတယ်။

ဇွန်လ ၄ ရက်နေ့က စစ်တပ်က ပျူရွာဖြစ်တဲ့ကုက္ကိုလ်စုရွာ‌ထဲကို ဗုံးပြန်ကြဲခဲ့တဲ့ ဖြစ်စဉ်မှာဆိုရင် သေဆုံးထိခိုက်သူက ဆယ်ဂဏန်းထက်မနည်းဘူးလို့ သိရပါတယ်။

ဗုံးကြဲနေတဲ့အချိန် နေအိမ်ထဲက ထွက်ပြေးတဲ့
ကုက္ကိုလ်စုရွာကျောင်းထိုင်ဘုန်းကြီးရဲ့ အစ်
ကို မိသားစု ငါးဦးစလုံးဟာ လမ်းမပေါ်မှာပဲ အစုလိုက်သေဆုံးခဲ့ရတယ်လို့ ဖြစ်စဉ်ကို မျက်မြင်တွေ့ရှိခဲ့သူတွေက ပြောပါတယ်။

လက်ရှိမှာ တော်လှန်ရေးအဖွဲ့တွေဘက်က ထမင်းက အစ ဆေးဝါးအဆုံး စောင့်ရှောက်မှုပေးပြီး အဆင် ပြေပြေ နေရ ပေမယ့် စစ်တပ်ကလေယာဥ်​တွေလာပြီးဗုံးကြဲခံရမှာတော့
ကုက္ကိုလ်စုရွာသူရွာသားတွေကြောက်‌နေဆဲ
ဖြစ််လို့ သံဃမေတ္တာပြည်သူ့စောင့်ရှောက်အဖွဲ့က ဆရာတော်တွေထံလျှောက်ထားကြပါတယ်။

တချိန်က လေကြောင်းတိုက်ခိုက်မှုဆိုတာ ဘယ်လိုမျိုးလဲဆိုပြီးသိခွင့်မရခဲ့တဲ့ပျူရွာကပြည်သူတွေဆီကအသက်၀င်လာမယ့် စာနာနားလည်မှု လမ်းစ တစ်ခုဖြစ်ပါတယ်။

"အဖြစ်ခြင်းတူမှ လူတွေဟာ ကိုယ်ချင်းစာတတ်ကြတဲ့သဘောရှိကြလေတယ်"လို့ အရှင်ဥဒါယီ က မိန့်ပါတယ်။ ။