ရန်ကုန်မှာ ၆တန်းကျောင်းသား ၁ဦး သတ်ဖြတ် ရုပ်အလောင်းဖျောက်ခံရ

ဇွန်-၁၀၊၂၀၂၆။စိုင်းနောင်/People's Spring

ရန်ကုန်မြို့၊ မြောက်ဒဂုံမြို့နယ်မှာ ဇွန်လ ၈ရက်က ပျောက်ဆုံးသွားတဲ့ (၁၃)နှစ်အရွယ် ၆တန်းကျောင်းသားလေးဟာ အသတ်ခံထားရပြီး ရေကန်ထဲမှာ စွန့်ပစ်ထားတဲ့ရုပ်အလောင်းကို တွေ့ရှိခဲ့တယ်လို့ သိရပါတယ်။

မြောက်ဒဂုံမြို့နယ်၊ (၃၉/A) ရပ်ကွက်မှာ နေထိုင်တဲ့ မောင်မင်းခန့်ဇော်ဟာ ဇွန်လ ၈ရက် ညနေ ၄နာရီခန့်က နေအိမ်က ထွက်သွားပြီး ပြန်ရောက်မလာဘဲ ပျောက်ဆုံးသွားခဲ့တာ ဖြစ်ပါတယ်။

မိသားစုဝင်တွေနဲ့ ဆွေမျိုးတွေက လူမှုကွန်ရက်ပေါ်မှာ ဓာတ်ပုံတွေတင်ပြီး အကူအညီတောင်းခဲ့သလို ရဲစခန်းမှာလည်း အမှုဖွင့်ခဲ့ပါတယ်။ ဒါပေမယ့် ဒီနေ့ ဇွန်လ ၁၀ရက် မနက်ပိုင်းမှာတော့ ရေကန်တစ်ခုအတွင်း သေဆုံးနေတဲ့ ရုပ်ရုပ်အလောင်းကိုပြန်တွေ့ရတာလို့ မြောက်ဒဂုံမြို့နယ်၊ (၃၉/A) ရပ်ကွက်မှာ နေထိုင်သူတစ်ဦးက ပြောပါတယ်။

" ကျနော်တို့လည်းလိုက်ရှာတာပဲ ဘယ်လိုမှ စုံစမ်းလို့မရဘူး။ ရေကန်ထဲမှာပေါ်နေလို့ သွားကြည့်တော့မှတွေ့တာ။ ဒဏ်ရာတွေရှိတယ်ပြောကြတယ်။ အသတ်ခံထားရတာတဲ့"လို့ ၎င်းက ဆိုပါတယ်။

မောင်မင်းခန့်ဇော်ရဲ့ ဆွေမျိုးတော်စပ်သူတစ်ဦးက" တူလေးဆုံးပြီ။ ရေကန်ထဲမှာ။ အသတ်ခံထားရပါတယ်။လုပ်ရက်လိုက်ကြတာ "လို့ လူမှုကွန်ရက်ပေါ်မှာ ရေးသားထားပါတယ်။

ပျောက်ဆုံးသွားတဲ့ညနေကစပြီး မိသားစုဝင်တွေက " ပြည်သူတွေရဲ့ အကူအညီကို အရေးတကြီး လိုအပ်နေပါသည်"လို့ဆိုပြီး လူမှုကွန်ရက်စာမျက်နှာတွေကတစ်ဆင့် ဆက်တိုက်အကူအညီတောင်းခဲ့ကြပါသေးတယ်။

စစ်တပ်အာဏာသိမ်းပြီးတဲ့နောက်ပိုင်း ရန်ကုန်အပါအဝင်မြို့ကြီးတွေမှာ တရားဥပဒေစိုးမိုးမှုမရှိတော့ဘဲ လူပျောက်မှုတွေ၊ အတင်းအဓမ္မစစ်သားစုဆောင်းမှုတွေ၊ လုယက်မှုတွေနဲ့လူသတ်မှုတွေ မကြာခဏဖြစ်ပွားနေပါတယ်။

ယခုရက်ပိုင်းမှာပဲ နေပြည်တော်က ကိုယ်ပိုင်ကျောင်းတစ်ခုမှာ ကလေးချင်းဖြစ်ပွားတဲ့ ပြဿနာကနေ လူကြီးချင်းသတ်ဖြတ်တဲ့အထိ ဖြစ်ပွားခဲ့သလို ပဲခူးတိုင်း၊ကဝမြို့မှာလည်း ကလေးငယ် ၂ဦးအပါအဝင် ၄လောင်းပြိုင် လူသတ်မှုဖြစ်ပွားခဲ့တယ်လို့ သိရပါတယ်။

ရေစကြိုမှာ စစ်တပ် လက်နက်ကြီးကျည်ထိမှန်ပြီး အရပ်သား ၂ဦး သေဆုံး

ဇွန်-၁၀၊၂၀၂၆။မိုမို/People's Spring

မကွေးတိုင်း၊ ရေစကြိုမြို့နယ်မှာ စစ်တပ်က လက်နက်ကြီးနဲ့ပတ်ခတ်လို့ အရပ်သား ၂ဦး ထိမှန်သေဆုံးတယ်လို့ ဒေသခံသတင်းရင်းမြစ်အချို့က ပြောပါတယ်။

မနေ့က(ဇွန် ၉ ရက်)ည ၉ နာရီ၀န်းကျင်က ရေစကြိုမြို့ပေါ်မှာ စစ်တပ်အခြေစိုက်ထားတဲ့ ရုံးပေါင်းစုံနဲ့ စစ်မှုထမ်းဟောင်းရုံးတွေကနေ လက်နက်ကြီးနဲ့ ပစ်ခတ်ခဲ့တာလို့ ဆိုပါတယ်။

"ပစ်တာတော့ ပတ်ပတ်လည်ကို ရမ်းပစ်တာပဲ။ သေဆုံးတဲ့ ၂ ယောက်ကတော့ ရေစကြိုမြို့တောင်ဘက် သမန္တပို့ရွာက သိရတယ်။ အသေးစိတ်တော့ ဖုန်းဆက်မရလို့ မသိရသေးဘူး"လို့ ရေစကြိုမြို့နယ် သတင်းနဲ့အချက်အလက်ကော်မတီတာ၀န်ရှိသူက ပြောပါတယ်။

စစ်တပ်ရဲ့လက်နက်ကြီးနဲ့ပစ်ခတ်မှုက ဇွန်လ ၈ရက်မှာ ရေစကြိုမြို့နယ် အမှတ်(၄)ရပ်ကွက်က အုပ်ချုပ်ရေးမှူးနဲ့ သားဖြစ်သူတို့ကို ရှင်းလင်းခံရတာနဲ့ ဆက်စပ်နိုင်တယ်လို့ ရေစကြိုမြို့နယ်သတင်းရင်းမြစ်က
အသိပေးပါတယ်။

"အဲလိုမပစ်တာကြာပြီဆိုတော့ ဆက်စပ်နိုင်ပါတယ်"လို့ သူက ပြောပါတယ်။

စစ်တပ်အတွက် တပ်သားသစ်စုဆောင်းပေးတာ၊လူထုအပေါ်အနိုင်ကျင့်မှုတွေရှိနေတယ်ဆိုတဲ့ (၄) ရပ်ကွက်အုပ်ချုပ်ရေးမှူး လွင်မျိုးအောင်(ခ)ငလွင်နဲ့ သားဖြစ်သူ ပျူစောထီးရဲမာန်တို့ကို ဖမ်းဆီးစဉ် ထွက်ပြေးတာကြောင့် ပစ်ခတ်ရှင်းလင်းလိုက်တယ်လို့ ရေစကြိုမြို့နယ်ပြည်သူ့ကာကွယ်ရေးတပ်ဖွဲ့(ပ.က.ဖ)က ထုတ်ပြန်ထားပါတယ်။

ဒါ့အပြင် စစ်တပ်နဲ့ပတ်သက်တဲ့ ဘယ်သူ့ကိုမဆို အရေးယူတာတွေ ဆက်လုပ်မယ်လို့လည်း ပကဖ က သတိပေးပါတယ်။

ရေစကြိုမြို့အနောက်ဘက် (၂)မိုင်၀န်းကျင်အကွာက ဖူလုံရွာအနီးမှာ စစ်တပ်ရဲ့ အမှတ် (၂၅၆)၊(၂၅၈)၊(၂၅၈)ခြေလျင်တပ်ရင်းတွေရှိပါတယ်။ ဒါ့အပြင် ပခုက္ကူမြို့နယ်နဲ့ ဆက်စပ်နေတာကြောင့်လည်း တပ်မ (၁၀၁)ကနေ ရေစကြိုမြို့နယ်ကို မကြာခဏ စစ်ကြောင်းထိုး မီးရှို့သတ်ဖြတ်တာရှိပါတယ်။

တိုင်းရင်းသားတော်လှန်ရေးအဖွဲ့တွေနဲ့ တွေ့ဆုံဖို့ရှိတယ်လို့ ဖိလစ်ပိုင်နိုင်ငံခြားရေးဝန်ကြီးပြော

ဇွန်-၁၀၊ ၂၀၂၆။ People’s Spring

တိုင်းရင်းသားတော်လှန်ရေးအုပ်စုတွေနဲ့ မကြာခင်တွေ့ဆုံဖို့ရှိတယ်လို့ ဖိလစ်ပိုင်နိုင်ငံခြားရေးဝန်ကြီးက ဒီနေ့ ဇွန်လ ၁၀ရက်မှာ ပြောကြားပါတယ်။

လာမယ့်ရက်ပိုင်းအတွင်း တိုင်းရင်းသားတော်လှန်ရေးအုပ်စုတွေနဲ့ တွေ့ဆုံဖို့ စီစဥ်ထားပြီး အခြေအနေတွေကို လေ့လာဖို့နဲ့ အဖြေတွေ ရှာဖွေဖို့အတွက် ရည်ရွယ်တယ်လို့ ဖိလစ်ပိုင်နိုင်ငံခြားရေးဝန်ကြီး လာဇာရိုက ဆိုပါတယ်။

လက်ရှိ အာဆီယံအလှည့်ကျဥက္ကဋ္ဌ ဖိလစ်ပိုင်သမ္မတရဲ့ မြန်မာ့အရေးအထူးကိုယ်စားလှယ် နိုင်ငံခြားရေးဝန်ကြီးလာဇာရိုက “တိုင်းရင်းသားလက်နက်ကိုင်အဖွဲ့တွေနဲ့ တွေ့ဆုံဖို့ရှိပြီး အခြေအနေသိရှိဖို့ နဲ့ ကျွန်မတို့ အမှန်တကယ်ဘယ်လိုကူညီနိုင်မလဲဆိုတာ ရှာဖွေဖို့ဖြစ်ပါတယ်”လို့ ပြောပါတယ်။ ဖိလစ်ပိုင်နိုင်ငံခြားရေးဝန်ကြီးက ဂျပန်နိုင်ငံ တိုကျိုမြို့မှာ Nikkei က စီစဥ်တဲ့ ဖိုရမ်တစ်ခုကို တက်ရောက်လာရင်း ပြောဆိုခဲ့တာပါ။

ဒါပမဲ့ ဘယ်သူတွေနဲ့တွေ့မယ်၊ ဘယ်မှာတွေ့ဆုံမယ်ဆိုတဲ့ အချက်အလက်တွေကိုတော့ နိုင်ငံခြားရေးဝန်ကြီး လာဇာရိုက အသေးစိတ်ထုတ်ဖော်မပြောပါဘူး။

“ဘယ်လောက်အလုပ်ဖြစ်မလဲဆိုတာ ကျွန်မတို့ ကြည့်ကြတာပေါ့”လို့ သူမက ဆက်ပြောပါတယ်။

မြန်မာနိုင်ငံမှာ စစ်အာဏာသိမ်းမှုကို ဆန္ဒပြသူတွေကို စစ်တပ်က ရက်ရက်စက်စက်ဖိနှိပ်ခဲ့ချိန် ၂၀၂၁ ကစလို့ ပဋိပက္ခဒဏ်ကို ဆိုးရွားစွာခံစားခဲ့ရပြီး တိုင်းရင်းသားတော်လှန်ရေးအဖွဲ့တွေရဲ့ ပူးပေါင်းပါဝင်မှုနဲ့အတူ ပြည်တွင်းစစ် ပိုအားကောင်းလာခဲ့ပါတယ်။

အာဆီယံထိပ်သီးအစည်းအဝေးတွေမှာ အာဏာသိမ်းခေါင်းဆောင်ပိုင်းကို တက်ရောက်ခွင့်ပိတ်ပင်ထားပေမယ့် ပြီးခဲ့တဲ့ ဧပြီမှာ အရပ်သားအစိုးရအမည်ခံ စစ်ခေါင်းဆောင်မင်းအောင်လှိုင် ဦးဆောင်တဲ့ အစိုးရအဖွဲ့အသစ် ပြန်ဖွဲ့ချိန်ကစလို့ အာဆီယံဟာ နေပြည်တော်နဲ့ ပြန်လည်ထိတွေ့ဖို့ နည်းလမ်းတွေ ရှာဖွေလာပါတယ်။

သမ္မတအမည်ခံ အာဏာသိမ်းစစ်ခေါင်းဆောင်မင်းအောင်လှိုင်ကလည်း သူ့အစိုးရအဖွဲ့သစ်ဟာ အာဆီယံ ပုံမှန်ဆက်ဆံရေးပြန်လည်ရရှိဖို့ ကြိုးပမ်းသွားမယ်လို့ ဆိုထားပါတယ်။

တဖက်မှာလည်း အာဆီယံအလှည့်ကျဥက္ကဋ္ဌ ဖိလစ်ပိုင်က မြန်မာ့ပဋိပက္ခကို ဖြေရှင်းနိုင်ဖို့ တိုင်းရင်းသားတော်လှန်ရေးအဖွဲ့များစွာပါဝင်တဲ့ ပါဝင်ပတ်သက်သူများအစည်းဝေးကို ကျင်းပခဲ့ပါတယ်။

ကိုးကား - Reuters

ဓာတ်ပုံ - Reuters

မြောင်မှာ စစ်တပ် လေကြောင်းတိုက်ခိုက်လို့ ပြည်သူ ၁ဦး သေဆုံး၊ ၇ ဦး ဒဏ်ရာရ

ဇွန် ၁၀၊ ၂၀၂၆။ဟာနာဆန်/People's Spring

စစ်ကိုင်းတိုင်း၊ မြောင်မြို့နယ်မှာ အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်လို့ ပြည်သူ ၁ဦးသေဆုံးကာ ၇ ဦး ဒဏ်ရာရခဲ့ပါတယ်။

ဒီကနေ့ ဇွန် ၁၀ ရက် မနက် ၁၁ နာရီဝန်းကျင်က ​မြောင်မြို့နယ်၊ ပေါက်တောကျေးရွာကို အာဏာသိမ်းစစ်တပ်က တိုက်ပွဲဖြစ်ပွားခြင်းမရှိဘဲ ဂျက်ဖိုက်တာ ၁စီးနဲ့ လေကြောင်းတိုက်ခိုက်သွားကြောင်း ဒေသခံတွေက ပြောပါတယ်။

"ပြည်သူ ၇ ယောက်အထိအခိုက်ရှိပါတယ်။ သေဆုံးသူ ၁ ယောက်ရှိပါတယ်"လို့ မြောင်မြို့နယ် T. G. R. သတင်းမှန် ပြန်ကြားရေးအဖွဲ့ တာဝန်ရှိသူက ပြောပါတယ်။

ထိခိုက်သေဆုံးသူတွေရဲ့ အသေးစိတ်အချက်အလက်တွေတော့ မသိရသေးပါဘူး။

အာဏာသိမ်းစစ်တပ်ဟာ မြောင်နယ်နဲ့စပ်ဆက်နေတဲ့ ချောင်းဦးမြို့နယ်ကို စစ်ကြောင်းထိုးနေပြီး ရေစကြို- ချောင်းဦးလမ်းကို စိုးမိုးနိုင်ဖို့ ကြိုးစားနေတယ်လို့ ဒေသခံတွေက ပြောပါတယ်။

ပြီးခဲတဲ့ ဖေဖော်ဝါရီနဲ့ မတ်လအတွင်းကလည်း မြောင်မြို့နယ်က ကျေးရွာတွေကို စစ်တပ်က လေကြောင်းတိုက်ခိုက်လို့ ပြည်သူထိခိုက်သေဆုံးမှုတွေရှိခဲ့ပါသေးတယ်။

(ဖေဖော်ဝါရီလအတွင်းက မြောင်မြို့နယ်၊ နဘတ်ရွာကို စစ်တပ်လေကြောင်းတိုက်ခိုက်ပြီးနောက် တွေ့ရစဥ်။ ဓါတ်ပုံ-မြောင် TGR)

ကနေဒါခရီးစဉ် လူသားစာနာအကူအညီများ ပူးပေါင်းဆောင်ရွက်မှု ပိုအားကောင်လာစေဟု ဖက်ဒရယ်ဦးဆောင်ကောင်စီ ထုတ်ပြန်

ဇွန် ၁၀၊ ၂၀၂၆။ ထားမြတ်/People’s Spring

ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီ(SCEF) ကိုယ်စားလှယ်အဖွဲ့ရဲ့ ကနေဒါနိုင်ငံ ခရီးစဉ် အောင်မြင်စွာပြီးဆုံးကြောင်း SCEFက ထုတ်ပြန်ခဲ့ပြီး အခု ခရီးစဉ်ဟာ မြန်မာနိုင်ငံရဲ့ လူသားချင်းစာနာထောက်ထားမှုဆိုင်ရာ အကူအညီများနဲ့ ဖက်ဒရယ် ဒီမိုကရေစီ၊ လူ့အခွင့်အရေးတို့အတွက် ကနေဒါနိုင်ငံရဲ့ အရေးပါမှုကို ပေါ်လွင်ထင်ရှားစေပြီး ပူးပေါင်း ဆောင်ရွက်မှုကို ပိုမိုအားကောင်းလာစေ ကြောင်း ဖော်ပြပါတယ်။

အမျိုးသားညီညွတ်ရေးအစိုးရ(NUG) နိုင်ငံခြားရေးဝန်ကြီး ဒေါ်ဇင်မာအောင်၊ ကရင်အမျိုးသားအစည်းအရုံး(KNU) မှ စောနီးမရော့ဒ်၊ ကရင်နီအမျိုးသားတိုးတက်ရေးပါတီ(KNPP)မှ နဲနယ်ပလို တို့ ပါဝင်တဲ့ အဖွဲ့ဟာ ကနေဒါနိုင်ငံသို့ စည်းရုံးလှုံ့ဆော်ရေးနဲ့ ဆက်ဆံရေး တည်ဆောက်ရေး အတွက် ခရီးသွားရောက်ခဲ့တာဖြစ်ပါတယ်။ ခရီးစဉ်မှာ NUG သမ္မတရုံး အကြံပေး ဦးကျော်ဇော်လည်း ကိုယ်စားလှယ်အဖွဲ့နဲ့ ပူးပေါင်းခဲ့တယ်လို့ ဆိုပါတယ်။

ကနေဒါနိုင်ငံခရီးစဉ်မှာ SCEF ကိုယ်စားလှယ်အဖွဲ့ဟာ ကနေဒါနိုင်ငံခြားရေးဝန်ကြီးရဲ့ ပါလီမန်အတွင်းဝန်ဖြစ်သူ ဂုဏ်ထူးဆောင် ရော့ဘ် အိုလီဖန့် ၊ ဝန်ကြီးများ၊ ပါလီမန်အမတ်များ ဖြစ်ကြတဲ့ ဂါးနက် ဂျဲနူးစ် ၊ အာဒမ် ချိန်ဘာစ် အပါအဝင် ကနေဒါနိုင်ငံရေးသမားတွေနဲ့ အပြုသဘောဆောင်တဲ့ ဆွေးနွေးမှု တွေ လုပ်ခဲ့တယ်လို့ အသိပေးပါတယ်။ သူတို့ဟာ မြန်မာ့ဒီမိုကရေစီအရေး ပါလီမန်မိတ်ဆွေများအဖွဲ့ ရဲ့ ကိုယ်စားလှယ်များဖြစ်တယ်လို့လည်း ဖော်ပြပါတယ်။

အဲဒီလို တွေ့ဆုံရာမှာ ဆက်ဆံရေး ပိုမိုနက်ရှိုင်းစေမယ့် အခွင့်အလမ်းများ၊ ပူးပေါင်း ဆောင်ရွက်ရမယ့် ကဏ္ဍများ၊ ထိရောက်သော လူသားချင်းစာနာထောက်ထားမှု ဆိုင်ရာ အကူအညီပေးအပ်မှုများနဲ့ မြန်မာနိုင်ငံတွင် ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး အတွက် ပံ့ပိုးကူညီမှုများ ကို ထုတ်ဖော်ဆွေးနွေးခဲ့ကြောင်း SCEFက ထုတ်ပြန်ပါတယ်။

ဒါ့အပြင် အရပ်သားပြည်သူများအပေါ် ဆက်လက် ကျူးလွန်နေတဲ့ အကြမ်းဖက်မှု များအပေါ် ကနေဒါနိုင်ငံအနေဖြင့် အလွန်အမင်း စိုးရိမ်ပူပန်ကြောင်း ထပ်လောင်း အတည်ပြုခဲ့ကြောင်းလည်း ဖော်ပြပါတယ်။

SCEF ကိုယ်စားလှယ်အဖွဲ့ဟာ ကနေဒါနိုင်ငံ အော့တဝါမြို့ရှိ လူမှုအခြေပြု အဖွဲ့အစည်းများ နဲ့လည်း တွေ့ဆုံ ဆွေးနွေးခဲ့ပြီး မြန်မာနိုင်ငံ အတွက် လူသားချင်းစာနာမှုဆိုင်ရာ အကူအညီများ ပေးအပ်ဖို့၊ ဖက်ဒရယ်စနစ် ဖော်ဆောင်ရန် ပူးပေါင်းဆောင်ရွက်နိုင်မယ့် နည်းလမ်းများကို ဖော်ထုတ်ခဲ့ကြကြောင်း ထုတ်ပြန်ပါတယ်။

ကနေဒါနိုင်ငံ တိုရွန်တိုမြို့တွင် ကုလသမဂ္ဂဆိုင်ရာ ကနေဒါသံအမတ်ကြီးဟောင်းနြ့ အွန်တေးရီးယိုးပြည်နယ် ဝန်ကြီးချုပ်ဟောင်းဖြစ်သူ ဂုဏ်ထူးဆောင် ဘော့ဘ်ရေး နဲ့ တွေ့ဆုံခဲ့ပြီး နိုင်ငံရေးဖြစ်ပေါ် တိုးတက်မှုများ၊ ဖက်ဒရယ်စနစ်နဲ့ လူသားချင်းစာနာမှုဆိုင်ရာ ကိစ္စရပ်များအပေါ် အမြင်ချင်းဖလှယ် ဆွေးနွေးခဲ့ကြတယ်လို့ အသိပေးပါတယ်။

တိုရွန်တိုတက္ကသိုလ်ရှိ မြန်မာ့မူဝါဒနဲ့ လူထုအသိပညာပေး ဗဟိုဌာန (MyPACK Hub) နဲ့လည်း ဆွေးနွေးပွဲ တရပ်လုပ်ဆောင်ခဲ့တယ်လို့ ဆိုပါတယ်။

SCEF ကိုယ်စားလှယ်တို့ဟာ ကနေဒါရောက် မြန်မာ့ဒီမိုကရေစီရေး လှုပ်ရှားသူ အဝေးရောက် မြန်မာ အသိုင်းအ၀ိုင်းနဲ့ လူထုတွေ့ဆုံပွဲတွေ အောင်မြင်စွာ ပြုလုပ်နိုင်ခဲ့တယ်လို့လည်း အသိပေးထုတ်ပြန်ပါတယ်။
SCEFဟာ အာဏာသိမ်းစစ်တပ်ကို စစ်ရေးနိုင်ငံရေးအရ ထိရောက်စွာ တွန်းလှန်ဖို့ အမျိုးသားညီညွတ်ရေးအစိုး၊ ပြည်ထောင်စုလွှတ်တော်ကိုယ်စားပြုကော်မတီ(CRPH)၊ ကချင်လွတ်လပ်ရေးအဖွဲ့(KIO)၊ ကရင်အမျိုးသားအစည်းအရုံးKNU ၊ KNPP၊ ချင်းအမျိုးသားတပ်ဦး (CNF) တို့ စုဖွဲ့ထားတာဖြစ်ပါတယ်။

(SCEF ကိုယ်စားလှယ်အဖွဲ့ ဇွန်လ ၆ရက်က ကနေဒါနိုင်ငံ ဗန်ကူးဗားမြို့မှာ လူထုတွေ့ဆုံပွဲပြုလုပ်ဖို့ ရောက်လာစဉ်။ ဓာတ်ပုံ - SCEF)

ရခိုင်ရိုးမဆီ စစ်ကြောင်းထိုးတက်လာတဲ့ စစ်တပ် တိုက်ခိုက်ခံရပြီး နောက်ပြန်ဆုတ်

ဇွန် -၁၀၊၂၀၂၆။ဖိုးသား/People's Spring

မကွေးတိုင်း၊မင်းတုန်းမြို့နယ်အနောက်ခြမ်းကနေ ရခိုင်ရိုးမဆီ စစ်ကြောင်းထိုးတက်လာတဲ့ စစ်တပ်အထိနာပြီး နောက်ပြန်ဆုတ်သွားတယ်လို့ ဒေသခံစစ်ရေးသတင်းရင်းမြစ်နဲ့ တော်လှန်ရေးအဖွဲ့ တာ၀န်ရှိသူတချို့က လူထုနွေဦးကို ပြောပါတယ်။

သရက်မြို့အခြေစိုက် စစ်တပ်ရဲ့ အမှတ်(၄၄)ခြေလျင်တပ်ရင်း (ခလရ-၄၄)၊အမှတ်(၁၂)ကာကွယ်ရေးပစ္စည်းစက်ရုံ (ကပစ-၁၂)၊ အလယ်ပိုင်းတိုင်းစစ်ဌာနချုပ်လက် အောက်ကတပ်တွေက အင်အား ၁၀၀၀ ကျော် နဲ့စစ်ကြောင်း သုံးခုခွဲပြီး မင်းတုန်းမြို့နယ်အနောက်ခြမ်းနဲ့ ရခိုင်ရိုးမဆီ ထိုးစစ်ဆင်နေတာဖြစ်ပါတယ်။

"ရခိုင်ရိုးပေါ်ကို တက်နေတဲ့ စစ်ကြောင်းကတော့ ရှေ့မှာတိုက်ပွဲတွေ လကုန်ရက်နဲ့ လကုန်ပြီ တရက်နှစ်ရက် ဖြစ်ခဲ့တဲ့ တိုက်ပွဲတွေနောက်ပိုင်းမှာတော့ ဆက်ပြီး တိုက်ပွဲ ဖြစ်တာမရှိပါဘူး။ငြိမ်နေတယ်သူတို့လည်းနောက်ကို ဆုတ်သွားတယ်။အဲဒီလို အနေအထားမျိုးပါ။ရိုးအခြေမှာပဲ ပြန်တပ်စွဲနေတယ်"လို့ ပြည်သူ့ကာကွယ်ရေးတပ်မတော်၊ သရက်ခရိုင် တာ၀န်ရှိသူက ပြောပါတယ်။

ဒါ့အပြင် စစ်တပ်ရဲ့နောက်ထပ်စစ်ကြောင်းနှစ်ခုမှာ ဖြူကန်ကျေးရွာနဲ့ ကျွဲဒွန်ကျေးရွာမှာရှိနေပြီး တပ်စွဲထားတယ်လို့ သူက ပြောပါတယ်။

"မင်းတုန်း‌မြို့မြောက်ဘက်ခြမ်းကိုလည်း စစ်တပ်စစ် ကြောင်းတွေ ခွဲရောက်နေတာရှိတယ်။တိုက်ပွဲလည်းဖြစ်တယ်"လို့ ဒေသခံသတင်းရင်းမြစ်က ပြောပါတယ်။

စစ်တပ်ဟာ မင်းတုန်းမြို့နယ်က တော်လှန်ရေးအင်အားစုတွေရဲ့ နေရာတွေကို ပြန်လည်စိုးမိုးထိန်းချုပ်ရေးနဲ့ ရခိုင်ရိုးမနဲ့ ဆက်နေတဲ့ လမ်းတွေကို ပိတ်ဆို့ဖို့ အင်အားအလုံးအရင်းနဲ့စစ်ကြောင်းထိုးလာတာလို့ ဒေသတွင်း စစ်ရေးတာ၀န်ရှိသူတွေက သုံးသပ်ပါတယ်။

အဲဒီနောက် ရခိုင်ရိုး‌ခြေအနီးက ပြောင်းကျေးရွာကို တပ်စွဲပြီး အနီးပတ်၀န်းကျင်က ကျေးရွာတွေကိုလည်း စစ်ကြောင်းထိုးတာအပြင် ဆန်အပါအဝင် စားနပ်ရိက္ခာသယ်ယူခွင့် မပြုတာ နဲ့ ကျေးရွာဝင်ထွက်ခွင့်ကို စစ်တပ်ကကန့်သတ်ထားပါတယ်။

စစ်တပ်စစ်ကြောင်းဟာ မေလ နောက်ဆုံးပတ်နဲ့ အခုဇွန်လ ၃ ရက်က မင်းတုန်းမြို့နယ်တိုက်ပွဲတွေအတွင်း စစ်တပ်ရဲ့ ဗိုလ်မှူးနဲ့ ဗိုလ်ကြီးအပါအဝင် သုံ့ပန်း ၁၈ဦးကို တော်လှန်ရေးတပ်တွေက ဖမ်းမိခဲ့ပါတယ်။

မေလ ၂၂ ရက်ကစပြီး သရက်မြို့နယ်ကတဆင့် မင်းတုန်းမြို့ကို စစ်တပ်စစ်ကြောင်း၀င်ရောက်ပြီးနောက် မြို့အနောက်ဘက်ခြမ်းက ကျေးရွာတွေကို ကနဦး ၀င်ရောက်ခဲ့ပြီး ရခိုင်ရိုးမ တောင်ခြေအထိ စစ်တပ်က တပ်ဖြန့်ခဲ့တာဖြစ်ပါတယ်။


မင်းတုန်းမြို့နယ်အနောက်ဘက်မှာ ရခိုင်ပြည်နယ်တောင် ကုတ်မြို့နဲ့ထိစပ်ပြီး အာရက္ခတပ်တော် (AA) က ၂၀၂၄ နိုဝင်ဘာကတည်းက သိမ်းပိုက်ထားတာဖြစ်ပါတယ်။

(မင်းတုန်းမြို့နယ်နဲ့ သရက်မြို့နယ်မှာ စစ်ရေးလှုပ်ရှားနေတဲ့ တော်လှန်ရေးရဲဘော်တွေ။ ဓာတ်ပုံ - သရက်ခရိုင်တပ်ရင်း-၄)

ထိန်းချုပ်ဒေသတွင်း ဆက်သွယ်ရေးလမ်းပိုင်းတွေကို ဟုမ္မလင်း-ပအဖ ယာယီပိတ်

ဇွန်-၁၀၊၂၀၂၆။‌စိုင်းနောင်/People's Spring

ဟုမ္မလင်းမြို့နယ်ကပြည်သူ့ကာကွယ်ရေးတပ်ဖွဲ့တွေရဲ့ထိန်းချုပ်နယ်မြေအတွင်း ကုန်း
လမ်းနဲ့ရေလမ်းဖြတ်သန်းသွားလာခွင့်ကို ဒီနေ့(ဇွန်လ၁၀) ကစပြီးပိတ်ပင်လိုက်တယ်လို့ ပြည်သူ့အုပ်ချုပ်ရေးအဖွဲ့ (ပအဖ) က ထုတ်ပြန်ပါတယ်။

ထိန်းချုပ်နယ်မြေအတွင်းရှိ အဝင်အထွက်ဂိတ်တွေ၊ ကုန်းလမ်းနဲ့ ရေလမ်းဂိတ်တွေ၊ အ
ခွန်ဂိတ်တွေအားလုံးကို ပိတ်ပင်လိုက်တာဖြစ်ပြီး နောက်ထပ်ကြေညာချက်မထွက်ခင်အထိ အတည်ဖြစ်တယ်လို့ဇွန်လ ၈ ရက်နေ့ကထုတ်
ပြန်ချက်မှာဖော်ပြထားပါတယ်။

ဟုမ္မလင်းမြို့နယ်ထဲမှာပြီးခဲ့တဲ့ဇွန်လဆန်းပိုင်းကတိုက်ပွဲဖြစ်ပွားခဲ့ပြီး စစ်တပ်နဲ့ ရှမ်းနီတပ်
(SNA) ပူးပေါင်းစစ်ကြောင်းတွေ စစ်ရေးလှုပ်ရှားမှုရှိနေတယ်လို့ ဒေသခံသတင်းမြစ်တွေကပြောပါတယ်။ဇွန်လဆန်းပိုင်းက တိုက်
ပွဲတွေမှာ စစ်တပ်ကလက်နက်ကြီးအင်အားသုံးပစ်ခတ်တိုက်ခိုက်ခဲ့တယ်လို့ မြို့ခံတွေကပြောပါတယ်။

ဟုမ္မလင်းမြို့နယ်ဟာ ခန္တီးခရိုင်ထဲမှာပါဝင်ပြီး နာဂကိုယ်ပိုင်အုပ်ချုပ်ခွင့်ရဒေသနဲ့လည်းဆက်စပ်နေပါတယ်။ဟုမ္မလင်းမြို့နယ်ထဲမှာပါဝင်တဲ့ ရွှေပြည်အေးမြို့ကို ပြည်သူ့ကာကွယ်‌ ရေးတပ်ဖွဲ့တွေကသိမ်းပိုက်ထိန်းချုပ်ထားပါတယ်။

ဒေသတွင်းမှာ ချင်းတွင်းမြစ်နဲ့ရေကြောင်းကုန်သွယ်ရေးရှိသလိုကုန်းလမ်းကုန်သွယ်ရေးလမ်းကြောင်းလည်းရှိပါတယ်။လက်ရှိမှာ ကုန်းလမ်းနဲ့ရေလမ်းကုန်သွယ်ရေးလမ်း
ကြောင်းတွေကို ပိတ်ပင်ထားမယ်ဆိုတဲ့ကြေ
ညာချက်ကြောင့် ဒေသတွင်း ကုန်စည်စီးဆင်ရေးအတွက်အခက်အခဲတွေရှိတယ်လို့ ပြည်သူ့ကာကွယ်ရေးတပ်ဖွဲ့တွေထိန်းချုပ်ထားတဲ့ကျေးရွာတစ်ရွာကဒေသခံတဦးကပြောပါတယ်။

လက်ရှိဒေသတွင်းအခြေအနေအရဒေသတွင်းဆက်သွယ်ရေးလမ်းပိုင်းတွေ ဖြတ်သန်းသွားလာခွင့်ပိတ်ပင်ထားတဲ့အပြင် ဟုမ္မလင်းမြို့နယ် ရွှေပြည်အေးမြစ်ပြင်တလျှောက် နဲ့ သောင်သွပ်တိုက်နယ်အတွင်း အသုံးပြုနေတဲ့ စတားလင့် ၊ အင်တာနက်၊ ဝိုင်ဖိုင်အသုံးပြုမှုအားလုံးကိုလည်းဒီနေ့ကစပြီး အသုံးပြုခွင့် ပိတ်ပင်သွားမယ်လို့ ပြည်သူ့အုပ်ချုပ်ရေးအဖွဲ့ (ပအဖ) က ထုတ်ပြန်ပါတယ်။

လက်ရှိမှာဟုမ္မလင်းမြို့နယ်နဲ့ဆက်စပ်နေတဲ့ တမူးမြို့နယ်မှာလည်းစစ်တပ် နဲ့ ပြည်သူ့ကာ ကွယ်ရေးတပ်ဖွဲ့တွေ စစ်ရေးတင်းမာနေပါတယ်။

ဟုမ္မလင်းမြို့နယ်အတွင်းတော်လှန်ရေးတပ်တွေထိန်းချုပ်ထားတဲ့ဒေသတွေမှာ ဒေသခံပြည်သူတွေအတွက် ကာကွယ်ဆေးတိုက်ကျွေးမှုကို ဇွန်လဆန်းပိုင်းမှာပြုလုပ်ခဲ့စဉ်။ ဓါတ်ပုံ-ဟုမ္မလင်းပအဖ

ရမ်းဗြဲမြို့နယ်အတွင်းပင်လယ်ပြင်မှာ ကုန်တင်စက်​လှေတစ်စီးနဲ့ လူခုနစ်ဦးကို စစ်တပ် ဖမ်းဆီး

ဇွန်-၁၀၊၂၀၂၆ ။ခိုင်မြတ်/People’s Spring

ရခိုင်ပြည်နယ်၊ကျောက်တော်မြို့နယ်ကနေ စက်သုံးဆီနဲ့ စက်ပစ္စည်းတွေတင်လာတဲ့​လှေ တစ်စီးဟာရမ်းဗြဲမြို့နယ်၊မင်းကြောင်းချောင်းရွာအနီး ပင်လယ်ပြင်မှာ အာဏာသိမ်းစစ်တပ်ရဲ့ ဖမ်းဆီးခြင်းခံခဲ့ရပြီး ​လှေပေါ် ပါ
လာသူ ခုနစ်ဦးပါ ထိန်းသိမ်းခံထားရတယ်လို့ ဒေသခံတွေက ပြောပါတယ်။

အဲဒီစက်​လှေဟာ ကျောက်တော်ကနေ ဓါတ်ဆီ၊ ဒီဇယ်၊အင်ဂျင်ဝိုင်၊စက်ပစ္စည်းတွေ သွားဝယ်ပြီး ရမ်းဗြဲမြို့ကို အပြန် ပင်လယ်ပြင်မှာ ဇွန်လ ၈ ရက် ညနေပိုင်းမှာ ဖမ်းဆီးခံခဲ့ရတာလို့သိရပါတယ်။

“ကျောက်ဖြူသံဇစ်မြစ်ထဲမှာကနေဗီ(Navy)
တွေ သုံးစီးလောက်ရှိတယ်။ အဲဒီကနေ Speed Boat တွေနဲ့ ထွက်လာပြီး ဘုတ်ကို လိုက်ဖမ်းတာ။အရင်ဆုံး သေနတ်နဲ့ ပစ်သေးတယ်။ဘုတ်တောင် သေနတ်ကျည် ထိသွား သေးတယ်။ဘုတ်မှာပါတဲ့သူအကုန်အဖမ်းခံရတယ်။အခုထိဘယ်ရောက်နေတယ်မသိရဘူး”လို့ ရမ်းဗြဲမြို့ခံတဦးက ပြောပါတယ်။

ဖမ်းဆီးခံရတဲ့စက်​လှေဟာ ရမ်းဗြဲမြို့မှ ဦးရွှေခဲရဲ့ စက်​လှေဖြစ်ပြီး အခုဖမ်းဆီးခံရသူတွေဟာ ဦးရွှေခဲနဲ့ သူ့စက်​လှေမှာ လိုက်ပါလာတဲ့ အလုပ်သမားတွေဖြစ်ပါတယ်။ စက်​လှေမှာပါတဲ့ ကုန်ပစ္စည်းတွေဟာ ကာလ ပေါက်စျေးနဲ့ဆိုရင် ကျပ်သိန်းထောင်ဂဏန်းထိ ရှိနိုင်တယ်လို့ ဆိုပါတယ်။

“အခု ဆီစျေးတက်နေတော့ တန်ဖိုးက မနည်းဘူး။ မရှိရင်တောင်သိန်းသုံးထောင်နီးပါးဖိုးရှိမယ်”လို့ အထက်ပါရမ်းဗြဲမြို့ခံကပြောပါတယ်။

အာရက္ခတပ်​တော်က ရမ်းဗြဲမြို့ နဲ့ ရမ်းဗြဲမြို့နယ်ကို ၂၀၂၄ မတ်လမှာအပြီးသတ်သိမ်းပိုက်နိူင်ခဲ့တာဖြစ်ပါတယ်။

အာဏာသိမ်းစစ်တပ်က အရင်က ဓည၀တီ၊ တောင်မော်ဦးရေတပ်စခန်းတို့အနီးပတ်လည်ပင်လယ်ပြင်မှာပဲ စစ်သင်္ဘောတွေ ချထားခဲ့ပေမယ့် အခုအခါ ရမ်းဗြဲမြို့နယ်အပိုင် ပင်
လယ်ပြင်ထိပါတိုးချ၊ နေရာယူထားပြီး ဖြတ်
သန်းသွားလာတဲ့ အရပ်သား​တွေရဲ့စက်​လှေတွေကို ပစ်ခတ်တာ၊ ဖမ်းဆီးတာ၊ လူနေကျေး
ရွာတွေကို လက်နက်ကြီးနဲ့ လှမ်းပစ်တာတွေ လုပ် လာခဲ့တယ်လို့ ဒေသခံတွေက ပြောပါတယ်။

ပြီးခဲ့တဲ့ ဇွန်လ ၇ ရက်နေ့ကလည်းရမ်းဗြဲမြို့
နယ်မှထွက်ခွာလာတဲ့စက်လှေတစီးကိုတောင်မော်ဦးရေတပ်စခန်းနဲ့ အလှမ်းဝေးတဲ့ မင်းကြောင်းချောင်းအလွန်မှာစစ်တပ်က Speed Boat နဲ့ လိုက်လံပစ်ခတ်တဲ့အတွက် စက်​လှေမှာပါလာတဲ့ အမျိုးသားနှစ်ဦး ထိခိုက်ဒဏ်ရာရခဲ့ပါတယ်။စက်​လှေမှာပါတဲ့သူတွေကတော့ စစ်တပ်ရဲ့ ဖမ်းဆီးခြင်းကို မခံခဲ့ရဘဲ လွတ်
မြောက်သွားခဲ့ပါတယ်။

“ဒီကောင်တွေက တိုက်ပွဲမနိုင်တော့ ပြည်သူတွေကို အကုန်လိုက်ပြီး ဒုက္ခပေးနေတာပါ။ ရေကြောင်းမှာတခုမှလုပ်စားလို့မရတော့ဘူး။ ငါးဖမ်းထွက်ရင်လည်း လိုက်ပစ်တယ်။ အရင်ကဆို သူတို့ သင်္ဘောနားရောက်မှပဲ ပစ်တာ။ အခု Speed Boat လေးတွေနဲ့ အနားကပ်ပြီးတောင်လာပစ်တယ်”လို့ကျောက်ဖြူမြို့နယ်မှ မြေပြင်အခြေအနေတွေ သိတဲ့ လူငယ်တဦးက ပြောပါတယ်။

တောင်မော်ဦးရေတပ်စခန်းကနေ ကမ်းတက်ပြီး ကျောက်ဖြူနဲ့ ရမ်းဗြဲကြားလမ်းဆုံဖြစ်တဲ့ စနဲမြို့ဆီ တန်ပြန်ထိုးစစ်ဆင်ဖို့ ထိန်းချုပ်ဖို့ကြိုးစားခဲ့တဲ့စစ်တပ်ဟာအာရက္ခတပ်တော်
(AA)ရဲ့ ကြားဖြတ်တိုက် ခိုက်မှုကြောင့် အထိ
နာခဲ့ပါတယ်။ ကျောက်ဖြူ၊ ရမ်းဗြဲကမ်းခြေတလျှောက် စစ်သင်္ဘောတွေတိုးချပြီးရေ
ကြောင်းကနေပါကမ်းတက်ဖို့၊ တန်ပြန်ထိုးစစ်ဆင်ဖို့ ကြိုးစားနေပါတယ်။

အဲဒီလိုရေပြင်မှာနေရာယူထားတဲ့ စစ်သင်္ဘော
တွေက အရပ်သားပြည်သူတွေကို လိုက်လံ ပစ်ခတ်၊ ဖမ်းဆီးမှုတွေ လုပ်နေတာဖြစ်တယ်လို့ ဒေသခံတွေက ပြောကြပါတယ်။စနဲမြို့ကိုစစ်​ကြောင်းထိုးတဲ့တိုက်ပွဲ​ နဲ့ ​တောင်​မော်ဦး​ရေတပ်စခန်းနားတိုက်ပွဲတွေမှာအထိနာ​နေတဲ့စစ်တပ်ဟာအရပ်သားလူနေကျေးရွာတွေကို
ဒရုန်းနဲ့ ဗုံးကြဲတာ၊ ရေကြောင်းကနေ လက်
နက်ကြီး ၊ လက်နက်ငယ်တွေနဲ့ အရပ်သားတွေကို ပစ်ခတ် သတ်ဖြတ်တာတွေ ဆက်
တိုက်လုပ်လာခဲ့တာပါ။

လက်ရှိမှာ AA ရဲ့တန်ပြန်ထိုးစစ်​ကြောင့် ​တောင်​မော်ဦး​ရေတပ်စခန်းနားမှာကာကင်းတစ်ခုပဲကျန်​​တော့ပါတယ်။စစ်တပ်ကလေ​ကြောင်းကိုအဓိကသုံးပြီးခုခံ​နေသလို တပ်မိသားစုတွေ နဲ့ အရာရှိပိုင်းတွေကို ​စစ်​ရေ
ယာဥ်တွေနဲ့ ရွှေ့ပြောင်းနေကာစစ်ကူတွေလည်း ထပ်ဖြည့်​နေပါတယ် ။

ရမ်းဗြဲကျွန်းပေါ်ရှိ ရမ်းဗြဲမြို့နယ်အားလုံးနဲ့ ကျောက်ဖြူမြို့နယ်အတွင်းကနေရာအများစုကိုသိမ်းပိုက်ထားတဲ့ အာရက္ခတပ်တော်(AA)
ဟာ ကျောက်ဖြူမြို့နယ်အတွင်းကအာဏာ
သိမ်းစစ်တပ်ရဲ့ဓည၀တီရေတပ်စခန်း၊အမှတ်
(၃၂) ရဲတပ်ရင်းတို့ကို ဝန်းရံပိတ်ဆို့၊ ထိုးစစ်ဆင်နေပြီး မြို့နီးပတ်လည်က တပ်ရင်းတွေကိုလည်း ထိုးစစ်ဆင်ဖို့ ပြင်ဆင်နေပါတယ်။

လက်ရှိမှာကျောက်ဖြူမြို့နယ်အတွင်း အာ
ဏာသိမ်းစစ်တပ်ရဲ့ဓည၀တီရေတပ်စခန်း၊ တောင်မော်ဦးရေတပ်စခန်း၊အမှတ်(၃၂)ရဲတပ်ရင်း၊ ခမရ ၅၄၂၊ ခမရ ၅၄၃၊ ခလရ ၃၄ တို့ကျန်နေသေးပါတယ်။

AAတပ်မှူးချုပ်ဗိုလ်ချုပ်ထွန်းမြတ်နိုင်ကတော့ ရခိုင်ပြည်နယ်အတွင်းက လက်ကျန်မြို့တွေဖြစ်တဲ့ကျောက်ဖြူ၊စစ်တွေ နဲ့ မာန်အောင်မြို့
နယ်တွေကိုအခု၂၀၂၆ နဲ့ ၂၀၂၇ တို့မှာအပြီးပြတ်သိမ်းပိုက်သွားမှာဖြစ်ပြီး မပြီးပြတ်ခဲ့ ရင်လည်း မီးကုန်ယမ်းကုန်ကြိုးစားသွားမယ်လို့ ​ပြောထားပါတယ်။

စစ်တွေမြို့နယ်မှာ တွေ့ရတဲ့ ကုန်တင်စက်လှေတစီး။ဓါတ်ပုံ-​ဒေသခံ

ရေပြာရဲစခန်း နဲ့ ပျူရွာသိမ်းတဲ့ စစ်ဆင်​ရေးကို "Operation Su "ဟုအမည်ပေးပြီးထိုးစစ်ဆင်၊ လက်နက်မျိုးစုံ ၆၀ ခန့်နဲ့ စစ်သုံ့ပန်း ၆၅ဦးဖမ်းမိ

ဇွန်-၁၀၊ ၂၀၂၆။ရဲခေါင်/People's Spring

"Operation Su "အဖြစ် အညာ‌မြေစစ်ဆင်
ရေးဖော်ဆောင်ကာ စစ်တပ်စခန်း နဲ့ ပြည်
သူ့စစ်ရွာကို သိမ်းပိုက်ပြီး စစ်သုံ့ပန်း ၆၅ ဦးနဲ့ လက်နက်ကြီး၊လက်နက်ငယ် ၆၀ နီးပါး သိမ်း
ဆည်းရရှိတယ်လို့ တော်လှန်ရေးတပ်ဖွဲ့အသီးသီးက ဒီကနေ့ ထုတ်ပြန်ပါတယ်။

လူထုခေါင်းဆောင် ဒေါ်အောင်ဆန်းစုကြည်ရဲ့ မတရားဖမ်းဆီး အကျဥ်းချခံရမှုကနေလွတ်
မြောက်ဖို့ရည်မှန်းပြီး ပခုက္ကူခရိုင်တွင်း မြို့
နယ် (၅)ခုက ပြည်သူ့ကာကွယ်ရေးအဖွဲ့တွေ ပူးပေါင်းပြီး အညာမြေ စစ်ဆင်ရေးကို ဖော်ဆောင်ခဲ့တာလို့ မကွေးတိုင်းပြည်သူ့ကာကွယ်
ရေးအဖွဲ့(ပကဖ)က အသိပေးပါတယ်။

အဲဒီစစ်ဆင်ရေးတွေကို မကွေးပြည်သူ့ကာ
ကွယ်ရေးတပ်မတော်၊ ပခုက္ကူခရိုင် ပကဖ ၊ KG တပ်ဖွဲ့ ၊ ပေါက်ပကဖတပ်ရင်း ၊ BLY တပ်ဖွဲ့ ၊ မြိုင်ပကဖ ၊ YRF တပ်ဖွဲ့ ၊ ပြည်သူ့ကာကွယ်ရေးတပ်မတော် ပခုက္ကူခရိုင်အမှတ် ( ၂ /၆/၇ /၁၂ /၁၄/၁၇ / ၁၈ ) တပ်ရင်းများ ၊ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး( ABSDF) ၊မကွေးဖက်ဒ
ရယ်ယူနစ်ကာကွယ်ရေးစစ်ကြောင်းများ ၊
ပခုက္ကူပကဖ၊ ကမ္မတပ်ပေါင်းစု+ပြည်သူ့လုံ
ခြုံရေးအင်အားစု(ကမ္မ)၊ PLC တပ်ပေါင်းစု ၊ အညာမြေတပ်‌ပေါင်းစု ၊ PDO/PDA တပ် ၊ မကွေးတိုင်းလှုပ်ရှားစစ်ကြောင်း အမှတ် ၄ ၊ ပေါက်မြို့နယ် ဆေးတပ်ဖွဲ့ ၊ ပေါက်မြို့နယ် ပအဖ နဲ့ တော်လှန်ပြည်သူများက စည်းစည်း
လုံးလုံး ပူးပေါင်းဆောင်ရွက်ခဲ့တာလို့ မကွေးပြည်သူ့ကာကွယ်ရေးတပ်မတော်က ထုတ်ပြန်ပါတယ်။

ဒါ့အပြင် ပြင် အမျိုးသားညီညွှတ်ရေးအစိုးရ MOD ပကဖရုံးချုပ်နဲ့ မကွေးဖက်ဒရယ်ယူနစ်ကာကွယ်ရေးဝန်ကြီးရဲ့ လမ်းညွှန်ပူးပေါင်းကူညီမှုကိုလည်း ရရှိခဲ့တယ်လို့ မကွေးပြည်သူ့ကာကွယ်ရေးတပ်မတော်က ထုတ်ပြန်ထားပါတယ်။

အညာမြေ စစ်ဆင်ရေးရဲ့ ပထမအဆင့် Operation ငယ်တစ်ခုအနေနဲ့ Operation 9 (4+5) ကို ဇွန်လ ၂ ရက်မှာ စတင်တိုက်ခိုက်ခဲ့ပြီး ပြည်သူ့စစ်မဟာဗျူဟာအရ အချက်
အချာမြေနဲ့ မဟာဗျူဟာလမ်းပိုင်း ထိန်းချုပ်ရေးမှာ အဓိကအရေးပါတဲ့ ပုသိမ် - မုံရွာလမ်းပိုင်းနဲ့ ပခုက္ကူ - ပေါက် - မင်းတပ် လမ်းတို့ စိုးမိုးနိုင်ဖို့ လိုအပ်တဲ့ ရေပြာလမ်းဆုံ ဖြစ်တယ်လို့ ဆိုပါတယ်။

ဇွန်လ ၂ ရက်နေ့ ညနေပိုင်းမှာ ရေပြာရဲစခန်းကိုသိမ်းပိုက်ပြီး ဇွန်လ ၄ ရက် နေ့လယ်ပိုင်းမှာ စစ်တပ်အခြေစိုက်တဲ့ပျူစောထီး(ပြည်သူ့
စစ်)ကျေးရွာဖြစ်တဲ့ ကုက္ကိုစုရွာကို သိမ်းပိုက်ခဲ့ပါတယ်။

အဲဒီတိုက်ပွဲတွေအတွင်းစစ်တပ်ကတံတားဦးလေတပ်၊ မကွေးလေတပ်၊ မိတ္ထီလာလေတပ်ကနေ Jet Fighter ၉ စီး၊အခြားတိုက်ခိုက်ရေးလေယာဉ် ၅စီးနဲ့ ဗုံးပေါင်း ၃၀၀ ၀န်းကျင် လေကြောင်းပစ်ကူပေး တိုက်ခိုက်ခုခံခဲ့တယ်လို့ ဆိုပါတယ်။

ဒါ့အပြင် ကာကွယ်ရေးပစ္စည်းစက်ရုံကပစ
( ၂၄)ကနေ ဟောင်ဝှစ်ဇာ လက်နက်ကြီးနဲ့ တိုက်ခိုက်ခဲ့တယ်လို့ သိရပါတယ်။

ကုက္ကိုစုရွာကို တိုက်ခိုက်သိမ်းပိုက်မှုမှာ စစ်
တပ်ရဲ့သတ်ကွင်းဖြစ်တဲ့လယ်ကွင်းပြင် ဟင်း
လင်းပြင်နေရာတွေကို ပကဖ ရဲဘော်တွေနဲ့ ပူးပေါင်းတပ်တွေကရဲရဲဝံ့ဝံ့ဖြတ်ကျော်တိုက်
ခိုက်ပြီးရရှိခဲ့တာလို့ အသိပေးပါတယ်။တိုက်
ခိုက်မှုအတွင်း ကျဆုံးထိခိုက်တဲ့ ရဲဘော်တွေရှိပါတယ်။

တိုက်ပွဲတွေအတွင်း စစ်တပ်ကသေဆုံးသူ ၃၀ကျော်၊စစ်သုံ့ပန်း၆၅ ဦး၊လက်နက်ချ အ
လင်းဝင်လာသူ ၆ ဦး၊ ပြည်သူ့စစ်ရွာက ပြည်သူ ၂၄၆ ဦးကို ထိန်းသိမ်းခဲ့တယ်လို့ ဆိုပါတယ်။

ဒါ့အပြင် လက်နက်ငယ် (၅၅) လက်၊ လက်
နက်ကြီး (၄) လက်၊ ကျည်မျိုးစုံ (၃၄၆၅) တောင့် နဲ့ စစ်အသုံး အဆောင် ပစ္စည်းတွေကို သိမ်းဆည်းရရှိပြီး အမျိုးသားညီညွတ်ရေးအစိုးရရဲ့ မူဝါဒ လမ်းညွှန်ချက်၊ လူသားချင်း စာနာထောက်ထားမှု၊ လူ့အခွင့်အရေးများနဲ့ အညီ စစ်သုံ့ပန်း‌တွေနဲ့ ပြည်သူတွေကို ထိန်း
သိမ်း စောင့်ရှောက်ထားတယ်လို့ အသိပေးပါတယ်။

စစ်ဆင်ရေးဟာအမျိုးသားညီညွတ်ရေးအ
စိုးရ၊ ကာကွယ်ရေးဝန်ကြီးဌာန၊ ပကဖ ရုံးချုပ်နဲ့ ပြည်ထောင်စုရဲ့ထောက်ပံ့ညွှန်ကြားမှုတွေ၊မကွေးဖက်ဒရယ်ယူနစ်၊ ကာကွယ်ရေးဝန်ကြီးရဲ့လမ်းညွှန်ကူညီမှုတွေနဲ့ အခြား မ
ဟာမိတ်တပ်တွေရဲ့ စုပေါင်းတိုက်ခိုက်နိုင်ခဲ့မှုလို့လည်း ထုတ်ပြန်ချက်မှာ ဖော်ပြပါတယ်။

ပြီးခဲ့တဲ့မေလ၂၃ ရက်ကမြိုင်မြို့နယ် သရက်
ကန် ပျူစောထီးကျေးရွာကို သိမ်းပိုက်ရရှိမှုကလည်း ပခုက္ကူခရိုင် ပကဖနဲ့ မြို့နယ် ၅ခုက ပကဖတွေရဲ့ တမာမြေစစ်ဆင်ရေး အနေနဲ့ ပူးပေါင်းတိုက်ခိုက်ခဲ့တာလို့ သိရပါတယ်။