KTV က ပြန်လာတဲ့ ဆင်ပေါင်ဝဲက အကျဉ်းဦးစီးအရာရှိနဲ့ ထောင်တန်းစီးကို PDF ပစ်ခတ်ရှင်းလင်း

ဇွန် -၃၊၂၀၂၆။မိုမို/People's Spring

ကာလာအိုကေဆိုင်(KTV)က ပြန်လာတဲ့ မကွေးတိုင်း၊ ဆင်ပေါင်ဝဲမြို့နယ်က အကျဉ်းဦးစီးအရာရှိနဲ့ ထောင်တန်းစီးကို ပစ်ခတ်ရှင်းလင်းခဲ့တယ်လို့ သရက်ခရိုင်တပ်ရင်း(၅)က ဒီကနေ့ ဇွန်လ ၅ရက်မှာ ထုတ်ပြန်ပါတယ်။

သာဂရ-ကိုးပင် လမ်းပိုင်းတနေရာမှာ ရှောင်တခင်စစ်ဆေးမှုအတွင်း ဘဝသစ်အကျဉ်းထောင် အကျဉ်းဦးစီးအရာရှိ သက်စိုးနဲ့ ထောင်တန်းစီးကိုယ်တိုင် မောင်းနှင်လာတဲ့ကားကို မေလ ၁ ရက်မှာ ပစ်ခတ်ခဲ့တာလို့ ဆိုပါတယ်။

" မိမိတို့သရက်ခရိုင် အမှတ်(၅)တပ်ရင်းမှ PDF SOLDIERS များသည် ၁ ရက် ၅ လ ၂၀၂၆ ခုနှစ်တွင် မကွေးတိုင်း သရက်ခရိုင် ဆင်ပေါင်ဝဲမြို့နယ် သာဂရ ကိုးပင်လမ်းတွင်းပိုင်း တစ်နေရာ KTV မှ ပြန်လာကြသော ဘဝသစ် ထောင်ဦးစီးအရာရှိ နှင့် ထောင်တန်းစီး ကိုယ်တိုင်မောင်းနှင်လာသော ကားအား လမ်းကြုံတာနဲ့ စစ်ဆေးရာ အတင်းမောင်းနှင်ထွက်ပြေးသွားသောကြောင့် •••••• MA5 အတိုတစ်လက် bx3 လက်ခံရရှိခဲ့ပါတယ်"လို့ သရက်ခရိုင်တပ်ရင်း (၅) တာ၀န်ရှိသူက ပြောပါတယ်။

ဘ၀သစ်အကျဉ်းထောင်ဟာ ကိုးပင်-သာစည် စိုက်ပျိုးမွေးမြူရေးနဲ့ အသက်မွေးမှုအတတ်သင်စခန်း (ယခင်အခေါ် ရဲဘက်စခန်း) ဖြစ်ပြီး ကိုးပင်-သာဂရလမ်းပိုင်း အနီးမှာရှိတာ ဖြစ်ပါတယ်။

လက်ရှိ သရက်ခရိုင်က မင်းတုန်းနဲ့ သရက်မြို့နယ်တွေမှာလည်း စစ်တပ်က စစ်ကြောင်းထိုး အင်အားဖြည့်တာတွေကြောင့် ထိတွေ့တိုက်ပွဲတွေ ဖြစ်နေတယ်လို့ သိရပါတယ်။

မင်းတုန်းမြို့နယ်က စစ်တပ်စစ်ကြောင်းကို ကြားဖြတ်တိုက်ခိုက်မှုတွေမှာ ဗိုလ်မှူးနဲ့ ဗိုလ်ကြီးအပါအဝင် သုံ့ပန်း ၁၈ ဦး ဖမ်းမိပြီး လက်နက်ခဲယမ်းတွေရရှိထားတယ်လို့ ပြည်သူ့ကာကွယ်ရေးတပ်မတော်(PDF) စစ်ရုံးချုပ်က ဇွန်လ ၄ရက်မှာ ထုတ်ပြန်ထားပါတယ်။

(အကျဉ်းဦးစီးအရာရှိနဲ့ ထောင်တန်းစီးကို ပစ်ခတ်ရှင်းလင်းမှုအတွင်း သိမ်းရတဲ့ လက်နက်နဲ့ စာရွက်စာတန်းတွေ။ ဓာတ်ပုံ - သရက်ခရိုင်တပ်ရင်း-၅)

သူ့နာမည်က ပြည့်စုံအောင်တဲ့။ အသက်က ၈ နှစ်ပဲရှိသေးတယ်။ အရှေ့ဒဂုံ ၁၃ ရပ်ကွက်က ကျူးတဲတွေထဲ နေရတဲ့ သူ့သားကလေးကို အမေက နောင်တချိန် ပြည့်ပြည့်စုံစုံနေရအောင် ပြည့်စုံအောင်လို့ ပေးခဲ့သလားပဲ။ တကယ်တော့ ပြည့်စုံအောင်တို့ မပြည့်စုံပါဘူး။ အဖေရယ်၊ အမေရယ်၊ မောင်နှမ ၃ ယောက်ရှိတဲ့ သူတို့ ဘဝဟာ နုံချာလှပါတယ်။

အများတကာ မိခင်တွေလိုပါပဲ အမေက ပြည့်စုံအောင်ကို ပညာတတ်ကြီးဖြစ်စေချင်ပုံရတယ်။ မေတ္တာသင်္ဂဟပရဟိတအသင်းမှာဖွင့်တဲ့ နွေရာသီစာသင်ဝိုင်းမှာ ထားပေးတယ်။ ဒီနှစ်ကျောင်းဖွင့်ရင် ကျောင်းစထားပေးမယ်တဲ့။

ပြည့်စုံအောင်က ညဆို အမေနဲ့အတူ ပလုံကောက်ထွက်တယ်။ အမှန်တော့ ပလုံကနေ့ခင်းကောက်လို့ရတာပဲ။ မနက်ခင်းစောစောလည်း ကောက်လို့ရတာပဲ မှန်ပါတယ်။ ဒါပေမဲ့ ရန်ကုန်လို မြို့ကြီးမှာပလုံကောက်ရတာ ရိုးရှင်းမနေခဲ့ပါဘူး။

တကယ်တော့ အများသူငါမြင်နေရတဲ့ အမှိုက်ကန်တွေမှာ ပလုံက ကောက်ချင်တိုင်းကောက်မရပါဘူး။ စည်ပင်အချိတ်အဆက်တွေနဲ့ ဘယ်သူကဘယ်ကန်ဆိုတာ ရှိပြီးသား။ အမှိုက်ကန်အတွက် ငွေစကြေးစ ပေးလိုကပေးရနဲ့။

မရှိလို့မှ ပလုံကောက်စားရတဲ့ ပြည့်စုံအောင်တို့အတွက် အမှိုက်ကန်ပေါ်တက်ခွင့်ရဖို့က အဝေးကြီးပေါ့။ ဒါ့ကြောင့် ညကြီးအချိန်မတော်ထပြီး ပလုံကောက်ကြရတယ်။

အဲဒီ မေ ၃၀ရက်ညက ပြည့်စုံအောင်အတွက် ဘဝတစ်သက်စာ မေ့မရတော့မယ့်ညပေါ့။ ည ၁၂ နာရီလောက်မှာ ဒဂုံမြို့သစ်မြောက်ပိုင်း ဦးဝိစာရလမ်းပေါ်မှာ အမေနဲ့ ပလုံတွေကောက်ရင်း လှည်းကလေးကို တွန်းလာခဲ့တယ်။ တွန်းလာရင်း ကားတစ်စီးက သူတို့နှစ်ယောက်လုံးကိုကော လှည်းကလေးကိုကော အရှိန်ပြင်းပြင်းဝင်တိုက်သွားတယ်။

လမ်းပေါ်မှာ ပြည့်စုံအောင်တို့ခက်ခက်ခဲခဲ ကောက်လာတဲ့ ဘူးခွံပုလင်းခွံတွေ ပြန့်ကျဲသွားတယ်။ အရှိန်ဟာ ဘယ်လောက်ပြင်းတယ်မပြင်းတယ် သူတို့လှည်းကလေးဟာဇောက်ထိုးဖြစ်သွားပြီးလှည်းဘီးတွေဟာ မိုးပေါ်ထောင်နေခဲ့တယ်။ ပြည့်စုံအောင်လည်း ဒဏ်ရာအနည်းငယ်ရပေမဲ့ လူးလဲထပြီး အမေ့ကိုကြည့်လိုက်တော့ အမေဟာ လှည်းဘေးနားမှာ ခွေခွေလေး လဲနေခဲ့တာ။ အ​မေအ
သက်တော့ ရှိသေးတယ်။

https://www.ludunwayoo.com/feature-mm/2026/06/04/158957/

စစ်တပ်က မြစ်​​​ခြေမြို့မှာ ပြည်သူ လေးဆယ်​ကျော်ကိုသတ်ဖြတ်

ဇွန်-၅၊၂၀၂၆။ဇော်ရမ်း/People's Spring

အာဏာသိမ်းစစ်တပ်ကမြစ်ခြေမြို့မှာကလေးငယ်တွေအပါအဝင်အရပ်သား၄၀ကျော်သတ်ဖြတ်
ခံထားရတယ်လို့ ဒေသခံတွေက ပြောပါတယ်။

အင်အား ၄၀၀ ကနေ ၅၀၀ နီးပါးရှိတဲ့စစ်တပ်စစ်
ကြောင်းတွေဟာ မေလ ၁၀ ရက်နေ့ကနေစတင်ပြီး မြစ်ခြေမြို့ကို အကြမ်းဖက်စီးနင်းခဲ့တာပါ။ စစ်တပ်စစ်​ကြောင်း​တွေဝင်လာကတည်းက​သောင်းနဲ့ချီတဲ့ပြည်သူ​တွေဟာ ​ဘေးလွတ်မယ့်ထင်တဲ့​နေရာ​တွေကိုထွက်​ပြေးတိမ်း​ရှောင်ကြ​ပေ
မယ့်​ဒေသခံအချို့က​တော့ထွက်မ​ပြေးခဲ့ပါဘူး။

စစ်တပ်စစ်ကြောင်းတွေတခြားနေရာ​တွေသွားနေတုန်း မြို့ထဲကိုဝင်ကြည့်တဲ့အခါ သတ်ဖြတ်ခံရတဲ့ အလောင်းတွေ ဆယ်နဲ့ချီပြီးတွေ့တာလို့ ဒေသခံ
အချို့ကပြောပါတယ်။

"အသတ်ခံရတာ ၄၀ ကျော်တယ်။၂၅လောင်းကို တွေ့ရပြီ။ စစ်ကြောင်းက ရှိနေသေးပြီး ဒေသခံတချို့ကတော့ ဝင်လို့ရသလောက် ပြန်ဝင်နေတယ်" လို့ ၎င်းက ပြောပါတယ်။

မြစ်ခြေမြို့ကို စီနင်းတဲ့ စစ်တပ်စစ်ကြောင်းတွေဟာပခုက္ကူတပ်မ (၁၀၁)နဲ့ ညောင်ဦးအခြေစိုက် ခြေလျင်တပ်ရင်း (ခလရ – ၄၁၅) တို့ဖြစ်တယ်လို့ အညာမြေတပ်ပေါင်းစုက ထုတ်ပြန်ထားပါတယ်။
ပျူစောထီးတွေပါ ပါဝင်တဲ့အဆိုပါ စစ်ကြောင်းက မေလ (၁၀)ရက်တွင် ပခုက္ကူဘက်က​နေ စတင်ရောက်ရှိလာပြီး မေလ(၃၁)ရက်အထိသုံးပါတ်အတွင်း​တေအိမ်​ပေါင်း အိမ်၂၀၀ထက်မနည်းကို မီးရှို့ခဲ့ပါတယ် ။ ဒါ့အပြင် ပြည်သူ(၂၅)ဦးထက်မနည်းကို ဖမ်းဆီးသတ်ဖြတ်ခဲ့တယ်လို့ အညာမြေတပ်ပေါင်းစုက မေလ ၃၁ရက်မှာထုတ်ပြန်ထားပါတယ်။

မြစ်ခြေမြို့မဈေးကြီးတစ်ခုလုံးအပြင်မြို့ပေါ်ရပ်ကွက်တွေနဲ့ အနီးနားရှိ မိုးနတ်ကုန်း၊ ဆွဲကြီး၊ ထနောင်းကုန်း၊ ရွာသာအေး၊ကြောင်ပန်းခုံ၊ဖိုလ်ကုန်း၊ ထနောင်းကုန်း ၊မကျီးကုန်း၊ထန်းတော
ချောက်၊ကူကျွန်း၊လက်ပံပင်၊ညောင်ပင်၊နံဂါတ်
စတဲ့ ကျေးရွာ/ရပ်ကွက် ပေါင်း (၁၁) ခုထက်မနည်းကို စစ်တပ်ကနေ့ရော၊ညပါ မီးရှို့ဖျက်ဆီးခဲ့လို့ လူနေအိမ်​ပေါင်းထောင်နဲ့ချီပျက်စီးခဲ့သလို ဒေသခံ ရှစ်သောင်းခန့်လည်း ထွက်ပြေးနေရတယ်လို့ ထုတ်ပြန်ထားပါတယ်။နောက်ဆက်တွဲ အသေး
စိတ်အခြေအနေတွေကို ဆက်လက်စုံစမ်းနေတယ်လို့ အသိပေးထားပါတယ်။

မကွေးတိုင်း၊ ပခုက္ကူမြို့နယ်ထဲမှာပါတဲ့ မြစ်ခြေမြို့ဟာ ယူနက်စကိုစာရင်းဝင် ရှေးဟောင်းယဉ်ကျေး
မှုနယ်မြေ ဖြစ်တဲ့ ပုဂံနဲ့ ဧရာဝတီမြစ်ခြားပြီးတည်ရှိပါတယ်။ ပုဂံနဲ့ ၆မိုင်၊၇မိုင်ခန့်သာ ဝေးပါတယ်။ အဲ့ဒီနေရာကို စစ်တပ်က အကြမ်းဖက်ဖျက်ဆီးနေတာဖြစ်ပါတယ်။

စစ်တပ်ကမြစ်​ခြေက​နေအိမ်​တွေကို မီးရှိူ့ဖျက်
ဆီးခဲ့တာ​ကြောင့် မီး​လောင်ပျက်စီးခဲ့တဲ့​နေအိမ်နဲ့ ဘုရားစင်ကို ​တွေ့ရစဥ်။ဓါတ်ပုံ-​ဒေသခံ

မြန်မာ့ ဒီမိုကရေစီအရေးအတွက် လက်တွေ့ကျတဲ့ လုပ်ဆောင်မှုတွေပြသဖို့အမေရိကန်ကိုBRI တိုက်
တွန်း

ဇွန်-၅၊၂၀၂၆။People's Spring

မြန်မာ့ဒီမိုကရေစီအရေးနဲ့ပတ်သက်လို့ ပိုပြီး ထိရောက် အားကောင်းတဲ့ လက်တွေ့ လုပ်ဆောင်မှုတွေ ပြသပေးဖို့ အမေရိကန်အစိုးရကို Burma Research Institute (BRI)ကတိုက်တွန်းလိုက်ပါတယ်။

ဇွန်လ ၃ ရက်နေ့တုန်းက အမေရိကန် လွှတ်တော် ကြားနာမှု အစီအစဉ်မှာ အထက်လွှတ်တော်အမတ် မစ်ချ်မက်ကော်နဲလ်က မြန်မာ့ ဒီမိုကရေစီရေးကို အကူအညီပေးဖို့ရည်ရွယ်ထားတဲ့ဘားမားအက်
ဥပဒေပြဋ္ဌာန်းချက်တွေအတိုင်းရန်ပုံငွေတွေ ထောက်ပံ့ဖို့ နှောင့်နှေးနေတာနဲ့ ပတ်သက်ပြီး နိုင်
ငံခြားရေး ဝန်ကြီး မာကို ရူဘီရိုကို မေးခွန်းထုတ်
ခဲ့ပါတယ်။ ပြီးတော့မြန်မာ့ ဒီမိုကရေစီအရေး လှုပ်ရှားမှုမှာ အမေရိကန်ရဲ့ အားပေး ထောက်ခံမှု လျော့ကျလာသလားဆိုတဲ့ သူ့ရဲ့ စိုးရိမ်စိတ်ကိုလည်း အသိပေးခဲ့ပါတယ်။

ရူဘီရိုကမြန်မာနိုင်ငံမှာတရုတ်ကကျောထောက်
နောက်ခံ ပေးထားတဲ့ စစ်တပ် အုပ်ချုပ်နေတဲ့အ
စား အရပ်သား ဒီမိုကရေစီ အစိုးရတစ်ရပ် အာ
ဏာရလာတာကို ပိုမိုလိုလားကြောင်း၊ အမေရိကန် အစိုးရဟာ မြန်မာ့ အနာဂတ်ကို ပုံဖော် ပြောင်းလဲနိုင်မယ့် ဒီမိုကရေစီ မိတ်ဖက်တွေကို ရှာဖွေနေကြောင်း တုံ့ပြန် ဖြေကြားသွားပါတယ်။

BRIရဲ့ ဥက္ကဋ္ဌနဲ့ အမှုဆောင်ချုပ်ဖြစ်တဲ့ ဇိုတွမ်မှုန်ကတော့ မြန်မာ့ ဒီမိုကရေစီနဲ့ လူ့အခွင့်အရေး ကိစ္စတွေမှာ နှစ်ရှည်လများ တက်တက်ကြွကြွ အာရုံ
စိုက်ထားပေးခဲ့တဲ့ မစ်ချ်ကော်နဲလ်ကို ကျေးဇူးတင်ကြောင်း၊ ပြီးတော့ မြန်မာ့ ဒီမိုကရေစီကို အမေရိကန် အစိုးရ ဆက်လက် အားပေး ထောက်ခံနေမယ်ဆိုတဲ့ ရူဘီရိုရဲ့ သဘောထားကိုလည်း ကြိုဆိုကြောင်း ပြောကြားခဲ့ပါတယ်။

ဒါပေမဲ့ သူကအမေရိကန် အစိုးရ အနေနဲ့ စကား
လုံးတွေနဲ့အညီ လေးနက်တဲ့ လက်တွေ့ လုပ်ဆောင်မှုတွေကိုလည်း အာရုံစိုက်ပေးဖို့လိုကြောင်း ထောက်ပြခဲ့ပါတယ်။ ၂၀၂၁ ခုနှစ်မှာ မင်းအောင်
လှိုင် ဦးဆောင်တဲ့ စစ်တပ်က အာဏာသိမ်းခဲ့ပြီးချိန် ကတည်းက ဆုတ်ယုတ် ကျဆင်းသွားတဲ့ မြန်မာ့ဒီမိုကရေစီ ရုန်းကန်မှုတွေဟာပိုပြီး အားကောင်း
တဲ့ ထောက်ပံ့မှုတွေ လိုအပ်နေကြောင်း ဇိုတွမ်မှုန်က ဆိုပါတယ်။

ဒါ့အပြင် မတ်လ ၃၀ ရက်နေ့မှာ ဖွဲ့စည်းခဲ့တဲ့ ဖက်ဒရယ် ဒီမိုကရေစီ ပြည်ထောင်စု ပေါ်ထွန်းရေး ဦး
ဆောင်ကောင်စီ (SCEF)ကို အသိအမှတ်ပြုပြီး ပူးပေါင်း အလုပ်လုပ်ဖို့ အမေရိကန် အစိုးရကို BRIက အကြံပြု တောင်းဆိုခဲ့ပါတယ်။ SCEFမှာတော့ အမျိုးသား ညီညွတ်ရေး အစိုး (NUG)၊ ပြည်ထောင်စုလွှတ်တော် ကိုယ်စားပြုကော်မတီ (CRPH)၊ ကချင် လွတ်လပ်ရေးအဖွဲ့ (KIO)၊ ကရင် အမျိုးသား အစည်းအရုံး (KNU)၊ ချင်းအမျိုးသား တပ်ဦး (CNF)၊ ကရင်နီ အမျိုးသား တိုးတက်ရေးပါတီ (KNPP)တို့ ဖွဲ့စည်း ပါဝင်ပါတယ်။

မြန်မာနိုင်ငံမှာ အာဏာသိမ်းမှု ဖြစ်ပွားခဲ့တဲ့နောက် အမေရိကန် အစိုးရက ထိန်းချုပ်ထားတဲ့ မြန်မာပိုင် နိုင်ငံခြားငွေကြေး ဒေါ်လာ ၁ ဘီလီယံနဲ့ ဆက်စပ် အတိုးနှုန်းတွေကိုလည်း SCEFကို လွှဲပေးဖို့ BRI
က ထည့်သွင်း တိုက်တွန်းခဲ့ပါတယ်။ ဒါ့အပြင် ၂၀၂၆ ဘဏ္ဍာရေးနှစ်မှာ မြန်မာအတွက် အကူ
အညီပေးဖို့ ခွဲတမ်းသတ်မှတ်ထားတဲ့ ဒေါ်လာ ၁၂၁ သန်းကိုလည်း SCEFကနေ ခွဲဝေပေးဖို့၊ တိုင်း
ရင်းသားတွေနဲ့ လူနည်းစု ခရစ်ယာန်တွေအပေါ် စစ်တပ်က ရက်စက်ကြမ်းကြုတ်တဲ့ လုပ်ရပ်တွေနဲ့ ပတ်သက်ပြီး စစ်ရာဇဝတ်မှု၊ လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေအဖြစ် သတ်
မှတ်ပေးဖို့၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ခရစ်ယာန် ဓမ္မဆရာတွေနဲ့ တခြား မတရား ဖမ်းဆီးခံထားရတဲ့ နိုင်ငံရေး အကျဉ်းသားတွေအားလုံး အမြန်ဆုံး လွတ်
မြောက်လာအောင် ဖိအားပေးဖို့လည်း BRIက တောင်းဆိုထားပါတယ်။

BRIဟာ အမေရိကန်နိုင်ငံ၊ မေရီလန်းပြည်နယ်မှာ အခြေစိုက်ပြီး မြန်မာနိုင်ငံရဲ့ ဘာသာရေး လွတ်
လပ်ခွင့်၊ လူ့အခွင့်အရေး၊ ဒုက္ခသည်အရေး၊ စစ်ရှောင်အရေးတွေမှာ ပါဝင်နေတဲ့ တက်ကြွလှုပ်
ရှားမှုနဲ့ သုတေသန အဖွဲ့အစည်း တစ်ခုဖြစ်ပါတယ်။ ပြီးတော့ အမေရိကန် အခြေစိုက်ချင်းလူ့အဖွဲ့အစည်းကိုလည်း အကူအညီတွေ ပေးနေပါတယ်။

ကိုးကား- BRI

အ​မေရီကန်နိုင်ငံခြား​ရေးဝန်ကြီး မာကိုရူဘီရို။
ဓါတ်ပုံ-AP

ရန်ကုန်က မြို့နယ်အချို့ နေအိမ်တွေအထိရေဝင်

ဇွန်-၅၊၂၀၂၆။ရောင်နီ/People's Spring

ရန်ကုန်မြို့ရဲ့ မြို့နယ်‌တချို့မှာ မိုးသည်းထန်စွာရွာသွန်းမှုကြောင့် နေအိမ်တွေအထိ ရေဝင်တာတွေ ဖြစ်ခဲ့တယ်လို့ ဒေသခံတွေက ပြောပါတယ်။

စမ်းချောင်း၊ ကြည့်မြင်တိုင် ၊အလုံစတဲ့ မြို့နယ်တွေမှာ နေထိုင်သူတွေက ဇွန်လ ၅ ရက်နံနက် ၂ နာရီလောက်မှာ အိမ်တွေထဲအထိ ရေဝင်တာကြုံခဲ့ရတဲ့အ‌ကြောင်း လူမှုကွန်ရက်စာမျက်နှာတွေမှာ ဓာတ်ပုံတွေနဲ့ တင်ထားကြပါတယ်။

"ဒီအခေါက် စမ်းချောင်း မိုးရွာရေကြီးတာအတော်ဆိုးဝါးတယ်။ညသန်း‌ခေါင်ကျော်ကြိး ရေဝင်တဲ့သူတွေအတော်ဒုက္ခတွေ့ရတယ်" လို့ ဒေသခံတစ်ဦးက ပြောပါတယ်။

ဇွန်လ ၅ ရက် နံနက် ၁ နာရီလောက်က မိုးသည်းထန်းစွာ ရွာခဲ့တာဖြစ်ပြီး ယခင်က ရေဘေးမကြုံခဲ့ဖူးတဲ့ နေရာတွေမှာပါ ရေကြီးတာတွေ ကြုံခဲ့ရတာလို့ ဆိုပါတယ်။

"ရေဘေး က တော့ မထင်မှတ်ပဲ တရေးနိုး ခံစား ရပီလေ။ ရေလျှံနေတာ က နာဂစ် တုန်း က လိုပဲ အလုံ ရေ။နှစ် ၂၀ နီးပါး အကြာမှာ ဒီလို ပြန်လည် ရေကြီးခြင်း ပါ။" လို့ အလုံမြို့နယ်မှာနေထိုင်သူတစ်ဦးက ဓာတ်ပုံနဲ့အတူတင်ထားပါတယ်။

ကြည့်မြင်တိုင်မြို့နယ်မှာလည်း ရေကြီးရေလျှံမှုတွေဖြစ်ခဲ့ပြီး ကွန်ဒိုအဆောက်အဦးတွေရဲ့ ကားပါကင်တွေမှာရေဝင်တာတွေကိုသွားရောက်ကူညီခဲ့ရတယ်လို့ လူမှုကူညီရေးအသင်းတွေက အသိပေးထားပါတယ်။

"ညကမိုးများတယ်။ ကြည့်မြင်တိုင်မှာ မြောင်းကရေလျှံလို့ ရေဝင်တာမဟုတ်ဘူး။ အမိုးပေါ်ကကျတဲရေ နောက်ဖေး ကွန်ကရစ်ပေါ်ကျပြီး ရေပြန်စင်တာ။ အဲ့ရေတံခါးကြားကပြန်ဝင်တာတောင် မနည်းခပ်ထုတ်ရတယ်။ ရေတံခွန်လိုပဲ" လို့ ဒေသခံတစ်ဦးကသူကြုံခဲ့ရတဲ့ အတွေ့အကြုံကိုရင်ဖွင့်ထားပါတယ်။

ရန်ကုန်မြို့မှာ စစ်တပ်လက်အောက်ခံ စည်ပင်ဌာနက လမ်းပြုပြင်မှုတွေ ပြုလုပ်နေကြပေမယ့်လည်း ရေကြီးရေလျှံမှုတွေက တစ်နှစ်ထက်တစ်နှစ် ပိုမိုဆိုးရွားလာခဲ့တာပါ။

ဒီလိုဖြစ်တာက စည်ပင်တွေရဲ့ လုပ်ဆောင်မှုစနစ်မကျတာလည်း ဖြစ်သလို စည်းကမ်းမဲ့ အမှိုက်ပစ်နေသူတွေကြောင့် ကြုံနေရတာလို့ ဒေသခံတွေကပြောပါတယ်။

မြန်မာနိုင်ငံကို ပြီးခဲ့တဲ့မေလလယ်ကစတင်ကာ အနောက်တောင်မုတ်သုံ‌လေဝင်ရောက်နေပြီး ဒေသများအပြားမှာ နေရာကွက်၍မိုးကြီးခြင်းနဲ့အတူ လေပြင်းတိုက်ခတ်ခြင်း၊ လျှပ်စီးလက်ခြင်း၊ မိုးကြိုးပစ်ခြင်း၊ ရုတ်တရက် ရေကြီးရေလျှံခြင်းခြင်းတွေ ဖြစ်ပေါ်နိုင်လို့ အထူးသတိပြု နေထိုင်ကြဖို့ အမျိုးသားညီညွတ်ရေးအစိုးရ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA )က သတိ‌ပေးထားပါတယ်။

(ရန်ကုန်မြို့ အလုံမြို့နယ်က နေအိမ်တစ်အိမ်အတွင်း ရေဝင်လာတာကို တွေ့ရစဉ်။ ဓာတ်ပုံ - Thura Lin/ Fb)

ပြည်သူတွေရဲ့ မြစ်ဆုံစီမံကိန်းကန့်ကွက်မှု အားပေးကြောင်း KIO တာဝန်ရှိသူပြော

ဇွန် ၅၊ ၂၀၂၆။ ထားမြတ်/People’s Spring

ကချင်ပြည်နယ်၊ မြစ်ကြီးနားမြို့နယ်က မြစ်ဆုံရေကာတာ စီမံကိန်းကို အာဏာသိမ်းစစ်တပ်က ပြန်လည်စတင်နိုင်ရေး ကြိုးပမ်းမှုတွေအပေါ် ပြည်သူလူထုတွေက ကန့်ကွက်ဆန္ဒပြမှုတွေ လုပ်ဆောင်လျက်ရှိရာ စီမံကိန်းကန့်ကွက်တဲ့ ပြည်သူတွေကို အားပေးကြောင်း ကချင်လွတ်လပ်ရေးအဖွဲ့(KIO/KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောကြားပါတယ်။

၂၀၂၅ ဒီဇင်ဘာကစပြီး စစ်တပ်က မြစ်ဆုံစီမံကိန်း ပြန်စမယ်ဆိုတဲ့ ပြောဆိုချက်တွေ၊ လူထုတွေဆုံပွဲတွေ ဆက်တိုက်ပြုလုပ်တာတွေ လုပ်ဆောင်နေတဲ့အပေါ် ကချင်ပြည်နယ် မြစ်ကြီးနားမြို့နယ်၊ ၀ိုင်းမော်မြို့နယ် အပါအဝင် ဒေသခံပြည်သူတွေကလည်း စီမံကိန်း ကန့်ကွက်ကြောင်း ဆန္ဒထုတ်ဖော်မှုတွေ၊ သဘောထား ထုတ်ပြန်တာတွေ လုပ်ဆောင်လျက်ရှိပါတယ်။

ဒီလို လူထုရဲ့ လှုပ်ရှားမှုတွေနဲ့ပတ်သက်ပြီး KIO အဖွဲ့ရဲ့ သဘောထားကို မေးမြန်းရာ ဗိုလ်မှူးကြီးနော်ဘူက “မြစ်ဆုံစီမံကိန်းနဲ့ ပတ်သက်လို့ကတော့ အခုလောလောဆယ်ကတော့ သိပ်ပြီးမှ အကောင်အထည်ဖော်လှုပ်ရှားတာတော့ မတွေ့ရဘူး။ ပြည်သူလူထုတွေ ကန့်ကွက်တာကတော့ ကျနော့်အနေနဲ့တော့ အားပေးပါတယ်” လို့ ပြောကြားပါတယ်။

အာဏာသိမ်းစစ်တပ်က မြစ်ဆုံရေကာတာစီမံကိန်းပြန်လည်လုပ်ဆောင်ဖို့ ကြိုးပမ်းနေတာကို အပြီးဖျက်သိမ်းဖို့ မြစ်ကြီးနားဒေသခံ လူငယ်တွေက မေလ ၂၅ရက်မှာ ဆန္ဒထုတ်ဖော်ခဲ့ကြသလို ကချင်ပြည်နယ် ဒေသခံတွေနဲ့ ကချင်အရပ်ဘက်အဖွဲ့အစည်းပေါင်း(၄၉)ဖွဲ့ကလည်း မေလ ပထမပတ်မှာ ပူးတွဲကြေညာချက် ထုတ်ပြန်ပြီး မြစ်ဆုံစီမံကိန်း ကန့်ကွက်ကြောင်း အသိပေးထားပါတယ်။

ကချင်လူ့အခွင့်အရေးစောင့်ကြည့်အဖွဲ့(KHRW) အပါအဝင် အဖွဲ့ ၆ဖွဲ့နဲ့ စုဖွဲ့ထားတဲ့ လူ့အခွင့်အရေး ကာကွယ်စောင့်ရှောက်သူများကွန်ရက်ကလည်း ဧပြီ၁ရက်မှာ ကြေညာချက် ထုတ်ပြန်ပြီး မြစ်ဆုံရေကာတာစီမံကိန်း အပြီးဖျက်သိမ်းဖို့ တောင်းဆိုထားပါတယ်။ မြစ်ဆုံအနီးကျေးရွာတွေက ဒေသခံတွေအနေနဲ့လည်း စီမံကိန်း ပြန်စလာရင် ကန့်ကွက်မှုတွေ လုပ်ဆောင်ဖို့ဆုံးဖြတ်ထားကြောင်း မြစ်ဆုံအနီးကျေးရွာတခုမှ ဒေသခံတဦးက ပြောပါတယ်။

ကချင်နဲ့ စစ်ကိုင်း ဒေသခံအချို့ကလည်း မြစ်ဆုံစီမံကိန်း ကန့်ကွက်ကြောင်း ဖော်ပြတဲ့ ဆန္ဒပြပွဲအချို့ အခုနှစ်အတွင်းမှာ ပြုလုပ်ခဲ့ပါတယ်။

ဘူမိသိပ္ပံပညာရပ်ဆိုင်ရာ အသက်မွေးဝမ်းကြောင်းပညာနဲ့ ကမ္ဘာအရပ်ရပ်တွင် အသက်မွေးဝမ်းကြောင်းပြုနေကြတဲ့ ပညာရှင်တွေနဲ့ ဖွဲ့စည်းထားတဲ့ မြန်မာ ဘူမိသိပ္ပံပညာရှင်တွေက ဇန်နဝါရီ ၁၅ရက်မှာ မြစ်ဆုံစီမံကိန်းနဲ့ ပတ်သက်တဲ့ သဘောထား ထုတ်ပြန်ခဲ့ရာ မြစ်ဆုံစီမံကိန်း လုပ်ရင် မြစ်ဆုံဒေသအပြင် ကချင် ပြည်နယ်နဲ့ မြန်မာပြည် တစ်ပြည်လုံးအတွက် ကြီးမားတဲ့ ဆိုးကျိုးအန္တရာယ်တွေ ကျရောက် နိုင်ကြောင်း သတိပေးထားပါတယ်။

မြစ်ဆုံကဲ့သို့သောနေရာမှာ ကြီးမားတဲ့ ရေကာတာတည်ဆောက်ပါက ရေကာတာကြီး ကြောင့် ဖိအားပြောင်းလဲမှုတွေ ဖြစ်ပေါ်လာပြီး အင်အားကြီး ငလျင်တွေ ဖြစ်ပေါ်လာနိုင်တာ၊ သိရှိပြီးသော ဘူမိဗေဒဆိုင်ရာ အချက်အလက်များအရ မြစ်ဆုံဒေသရဲ့ မေခနဲ့ မလိခမြစ်ဝှမ်းတစ်လျှောက်ဟာ တန်ဖိုးကြီးပြီး စီပွားဖြစ်ထုတ်လုပ်နိုင်မယ့် ရွှေနဲ့ မြေရှား သတ္ထုသိုက်ကြီးတွေ အပါအဝင် အဖိုးတန်သယံဇာတတွေ တွေ့ရှိနိုင်မယ့် ဒေသ ဖြစ်တာ၊ မြစ်ဆုံဒေသမှာ မိုးသည်းထန်ခြင်း၊ မတ်စောက်သော တောင်တန်းများရှိခြင်းနဲ့ မတည်ငြိမ် သော ဘူမိဗေဒအနေအထားတွေကြောင့် မြေပြိုမှုကြီးများဖြစ်ပေါ်လာနိုင်တာ တွေကို ပညာရှင်တွေရဲ့ ထုတ်ပြန်ချက်မှာ ဖော်ပြထားပါတယ်။

အဓိက မြစ်ကြီးတလျှောက် ရေစီးနှုန်းကို ထိန်းချုပ်ခြင်းဟာ သဘာဝ အတိုင်း ဖြစ်ပေါ်နေတဲ့ အနည်ပို့ချမှုစနစ်ကို ပြောင်းလဲစေကာ နှုံးတင်မြေနု အပေါ်မှီခိုနေရတဲ့ မြစ်ဝှမ်း တလျှောက် ကိုင်းကျွန်းလုပ်ငန်းတွေနဲ့ ဧရာဝတီမြစ်ဝကျွန်းပေါ်ရဲ့ စိုက်ပျိုးရေးကို ထိခိုက် နိုင်တာကိုလည်း ထောက်ပြထားပါတယ်။
ဒါ့အပြင် နိုင်ငံတော်လုံခြုံရေးအရ မြစ်ဆုံဒေသမှာ ဆည် ၇ ခု ဆောက်လုပ်ပြီး၊ အခြေအနေ အကြောင်းကြောင်းကြောင့် တစ်ပြိုင်နက် ပျက်စီးမယ်ဆိုရင် မြစ်ဆုံဒေသအပြင် ကချင် ပြည်နယ်နဲ့ မြန်မာပြည် တစ်ပြည်လုံးအတွက် ကြီးမားသော ဆိုးကျိုးအန္တရာယ်တွေ ကျရောက် နိုင်တာကို သတိပေးထားပါတယ်။

မြစ်ဆုံကဲ့သို့ ကြီးမားတဲ့ ဆည်ကြီးများ ဆောက်လုပ်ရင် ဖော်ပြပါ ဘူမိဗေဒ အချက်အလက်များ၊ နည်းပညာဆိုင်ရာ အချက်အလက်များအရ ဖွံ့ဖြိုးပြီးနိုင်ငံတွေ အပါအဝင် မမျှော်လင့်သော ရေကာတာ ကျိုးပေါက်ပျက်စီးခြင်းများ ဖြစ်ပေါ်နိုင်ကြောင်း ဥပမာပေး ဖော်ပြပါတယ်။ဒီလို ဥပမာပေးရာမှာ မြစ်ဆုံဆည်လုပ်ဖို့ လိုလားနေတဲ့ တရုတ်နိုင်ငံတွင် ၁၉၅၄ မှ ၂၀၂၃ အထိ နှစ်ပေါင်း ၇၀နီးပါးအတွင်း ရေကာတာပေါင်း ၃၆၀၀ ကျိုးကျ ပျက်စီး ခဲ့တာရယယ် အဲဒီအထဲမှာ ဘန်ချောင်ဆည်( Banqiao ရေကာတာ) ကျိုးကျမှုကြောင့် လူပေါင်း နှစ်သိန်းသုံးသောင်း – ၂၃၀၀၀၀ သေဆုံးခဲ့တာကို မြန်မာဘူမိပညာရှင်တွေရဲ့ ထုတ်ပြန်ချက်မှာ ဥပမာပေး ဖော်ပြထားပါတယ်။အဲဒီလို အချက်အလက်တွေကြောင့် မြစ်ဆုံရေကာတာဆောက်လုပ်ရေး စီမံကိန်းဟာ “လုံးဝ” မလုပ်သင့်သော စီမံကိန်းဖြစ်တယ်လို့ သဘောထား ထုတ်ပြန်ထားပါတယ်။

အမျိုးသားညီညွတ်ရေးအစိုးရ(NUG)ကလည်း မြစ်ဆုံစီမံကိန်း လုပ်ရင် အစားထိုးမရတဲ့ သဘာ၀ ပတ်ဝန်းကျင် ဆိုးကျိုးတွေကြုံရမယ်လို ဇန်နဝါရီ ပထမပတ်မှာ အစိုးရရဲ့ သဘောထားကို ဖော်ပြပြီးသတိပေးပါတယ်။

(မြစ်ဆုံစီမံကိန်းရပ်တန့်ပေးဖို့ မြစ်ကြီးနားနဲ့ ဝိုင်းမော်ဒေခံပြည်သူ ၈၀ ကျော်ဟာ၂၀၂၆ ဧပြီ ၂၉ ရက်ကဧရာဝတီမြစ်ကမ်းတနေရာမှာ ဆန္ဒပြတောင်းဆိုနေစဉ်။ ဓာတ်ပုံ - KHRW)

ရခိုင်ရိုးမ တက်လာတဲ့ စစ်တပ်စစ်ကြောင်း တိုက်ခိုက်ခံရပြီး အထိနာနေ

ဇွန် -၅ ၊၂၀၂၆။ဖိုးသား/People's Spring

မကွေးတိုင်း၊ မင်းတုန်းမြို့နယ်ကနေ ရခိုင်ရိုးမဆီ တက်လာတဲ့ စစ်တပ်စစ်ကြောင်း တိုက်ခိုက်ခံရပြီးအထိနာနေတယ်လို့ ဒေသခံစစ်ရေးသတင်းရင်းမြစ်နဲ့ တော်လှန်ရေးအဖွဲ့ တာ၀န်ရှိသူတချို့က လူထုနွေဦးကို ပြောပါတယ်။

သရက်မြို့အခြေစိုက် အမှတ်(၄၄)ခြေလျင်တပ်ရင်း (ခလရ-၄၄)၊အမှတ် (၁၂)ကာကွယ်ရေးပစ္စည်းစက်ရုံ (ကပစ-၁၂) ၊ အလယ်ပိုင်းတိုင်းစစ်ဌာနချုပ်လက်အောက်ခံတပ်တွေက အင်အား ၁၀၀၀ ကျော်နဲ့စစ်ကြောင်း ၃ကြောင်းခွဲပြီး မင်းတုန်းမြို့နယ်အနောက်ခြမ်းနဲ့ ရခိုင်ရိုးမကို ထိုးစစ်ဆင်နေတာလို့ ဆိုပါတယ်။

" မင်းတုန်းအနောက်ခြမ်းကို အင်အား ၁၀၀၀ကျော်နဲ့ စစ်ကြောင်း ၃ကြောင်းခွဲပြီးတော့ထိုးနေတာရှိပါတယ်။အဲဒီမှာ စစ်ကြောင်း တစ်ကြောင်းက ရိုး(ရခိုင်ရိုးမ)ကို ဦးတည်ထိုးနေတာပေါ့။အဲဒီအတွက် တိုက်ပွဲ တွေ ဖြစ်နေတာရှိတယ်။တိုက်ပွဲ ပြင်းပြင်းထန်ထန်ဖြစ်ခဲ့တာတွေလည်း ရှိတယ်။စစ်တပ်ဘက်က လေကြောင်းအကူအညီသုံးပြီး တိုက်ခိုက်ခဲ့တာတွေလည်းရှိတယ်။စစ်တပ်က အထိနာနေတဲ့အနေအထားမှာလည်းရှိပါတယ်။ဘာဖြစ်လို့လဲဆိုတော့ အခု နှစ်ရက်သုံးရက်မှာ တိုက်ပွဲတွေ ငြိမ်နေတယ်"လို့ ပြည်သူ့ကာကွယ်ရေးတပ်၊ သရက်ခရိုင် တာ၀န်ရှိသူက ပြောပါတယ်။

ဒါ့အပြင် မေလ နောက်ဆုံးပတ်နဲ့ အခုဇွန်လ ၃ ရက်က မင်းတုန်းမြို့နယ်တိုက်ပွဲတွေနဲ့ သရက်ခရိုင်အတွင်းမှာ စစ်တပ်ရဲ့ ဗိုလ်မှူးနဲ့ ဗိုလ်ကြီးအပါအဝင် သုံ့ပန်း ၁၈ဦး ဖမ်းမိထားတယ်လို့ PDF စစ်ရုံးချုပ် ထုတ်ပြန်ထားပါတယ်။

မေလ ၂၂ရက်ကစပြီး သရက်မြို့နယ်ကတဆင့် မင်းတုန်းမြို့ကို စစ်တပ်စစ်ကြောင်း၀င်ရောက်ပြီးနောက် မြို့အနောက်ဘက်ခြမ်းက ကျေးရွာတွေကို ကနဦး ၀င်ရောက်ခဲ့ပြီး ရခိုင်ရိုးမတောင်ခြေအထိ စစ်တပ်က တပ်ဖြန့်ခဲ့တာဖြစ်ပါတယ်။

အဲဒီနောက် ရခိုင်ရိုး‌ခြေက ပြောင်းကျေးရွာကို တပ်စွဲပြီး အနီးပတ်၀န်းကျင်က ကျေးရွာတွေကိုလည်း စစ်ကြောင်းထိုးတာ အပြင် ဆန်အပါအဝင် စားနပ်ရိက္ခာသယ်ယူခွင့် မပြုတာ နဲ့ ကျေးရွာဝင်ထွက်ခွင့်ကို စစ်တပ်ကကန့်သတ်ထားပါတယ်။

စစ်တပ်ဟာ မင်းတုန်းမြို့နယ်က တော်လှန်ရေးအင်အားစုတွေရဲ့ နေရာတွေကို ပြန်လည်စိုးမိုးထိန်းချုပ်ရေးနဲ့ ရခိုင်ရိုးမနဲ့ ဆက်နေတဲ့ လမ်းတွေကိုပိတ်ဆို့ဖို့ အင်အားအလုံးအရင်းနဲ့စစ်ကြောင်းထိုးလာတာလို့ ဒေသတွင်း စစ်ရေးတာ၀န်ရှိသူတွေက သုံးသပ်ပါတယ်။

"မင်းတုန်းအနောက်ခြမ်း ရခိုင်ရိုးနဲ့ဆက်စပ်နေတဲ့နေရာ တွေကို စစ်ကြောင်းထိုးလာတယ်။အဲဒီတော့ ဒေသခံတော်လှန်ရေးအဖွဲ့တွေက ခုခံကြတယ်တိုက်ခိုက်ကြတယ်။အဲဒီအပြင် ရခိုင်ရိုး နဲ့ ရခိုင်ရိုးအနောက် AA(အာရက္ခတပ်တော်)နဲ့ထိစပ်နေတဲ့ ဒေသတွေ ဖြစ်တဲ့အတွက် စစ်ရေးအရ ပူးပေါင်းဆောင်ရွက်မှုတွေက ရှိမှာပါ"လို့ ဒေသခံစစ်ရေးသတင်းရင်မြစ်က ပြောပါတယ်။

မင်းတုန်းမြို့နယ်အနောက်ဘက်မှာ ရခိုင်ပြည်နယ်တောင်ကုတ်မြို့ရှိပြီး အာရက္ခတပ်တော်(AA)က ၂၀၂၄ နိုဝင်ဘာကတည်းက သိမ်းပိုက်ထားတာဖြစ်ပါတယ်။

(ပြည်သူ့ကာကွယ်ရေးတပ်မတော် (PDF) မကွေးတိုင်းစစ်ဌာနက ပြီးခဲ့တဲ့ ၁လအတွင်း စစ်တပ်ကို တိုက်ခိုက်တဲ့ တိုက်ပွဲအကြိမ်ရေ ၄၀ကျော် ဖော်ဆောင်ခဲ့ပါတယ်။ ဓာတ်ပုံ - PDF)

စစ်ကိုင်းမြို့မှာ လဝကရုံး ဗုံးပေါက်၊ စစ်တပ်ယာဉ်တန်း တိုက်ခိုက်ခံရ

ဇွန်-၅၊၂၀၂၆၊ကတ်သရင်းနှင်း/People's Spring

စစ်ကိုင်းမြို့ တပ်မ (၃၃)ပြန်လာတဲ့ စစ်တပ်ယာဉ်တန်း မိုင်းဆွဲခံရပြီး ထိခိုက်မှုရှိတယ်လို့ ဒေသခံတွေက ပြောပါတယ်။

စစ်ကိုင်းမြို့ လူဝင်မှုကြီးကြပ်ရေးရုံး(လဝက)အတွင်း ဗုံးပေါက်ကွဲပြီး မိနစ်ပိုင်းအကြာမှာ စစ်ကိုင်း- မုံရွာလမ်း၊ညောင်ပင်ဝန်းရွာက သံပြားကာ စစ်ကား ၅စီးဟာ တပ်မ (၃၃) ပြန်ဝင်ဖို့ထွက်လာချိန် စစ်ကိုင်းမြို့အဝင်နားက ကျောက်ဆည်နဲ့ ကုန်းကျေးရွာကြားမှာ ဒေသကာကွယ်ရေးတပ်ဖွဲ့က မိုင်းဆွဲခဲ့တာလို့ သိရပါတယ်။

"ကားတစ်စီးကတော့ တော်တော်လေးစုတ်ပျက်သွားတယ်။ဖြစ်ပြီးတော့ အတူတူလာတဲ့ ကားတွေက သေနတ်တွေနဲ့ လျှောက်ပစ်နေလို့ အနားကပ်မရခဲ့ဘူး။အထိခိုက် အသေးစိတ်ကိုမသိရဘူး"လို့ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ဖြစ်စဉ်ကို သိရှိထားသူ တဦးက ပြောပါတယ်။

စစ်တပ်က သေနတ်တွေနဲ့ အချိန်တော်ကြာ ပစ်ခတ်ပြီး မိုင်းဆွဲခံရတဲ့ကားကို နေရာမှာထားခဲ့ပြီး ဒဏ်ရာရတဲ့ စစ်သားတွေကို ခေါ်ဆောင်ကာ တပ်မ(၃၃)အတွင်း ဝင်သွားတယ်လို့ သိရပါတယ်။

စစ်တပ်က စစ်မှုထမ်းတပ်သားသစ်အင်အားတွေသုံးကာ နယ်မြေအများစုကို အင်အားအများအပြားနဲ့ စစ်ကြောင်းထိုးနေစဉ် စစ်ကိုင်းမြို့ပေါ်နဲ့ မြို့အနီးဝန်းကျင်မှာ ပြောက်ကျားတိုက်ခိုက်ခံရမှုတွေ ပြန်ဖြစ်လာခဲ့တာလို့ သိရပါတယ်။

(စစ်တပ်အာဏာသိမ်းပြီးနောက် မန္တလေးမြို့၌ ကန့်ကွက်ဆန္ဒပြနေသောပြည်သူများအား တပ်မ(၃၃)တပ်သားများက ပစ်ခတ်ဖြိုခွင်းနေစဉ်။ ဓာတ်ပုံ - CJ)

အမျိုးသမီးငယ်တွေကို လိင်ကျွန်ပြု နှိပ်စက်ခဲ့တဲ့ ရွှေရိုးရာ KTV ပိုင်ရှင်ကို လူကုန်ကူးမှုနဲ့ အမှုဖွင့်

ဇွန်-၄၊ ၂၀၂၆။ ခိုင်မြတ်/People's Spring

အမျိုးသမီးငယ်တွေကို အတင်းအဓမ္မလိင်ကျွန်ပြု၊ နှိပ်စက်ပြီး ငွေကြေးခေါင်းပုံဖြတ်ခဲ့တဲ့ မြောက်ဦးမြို့ရှိ ရွှေရိုးရာ KTV မှ ပိုင်ရှင်အပါအဝင် တာဝန်ရှိအမျိုးသမီးသုံးဦးကို အာရက္ခတပ်တော်(AA)ရဲ့တပ်ဖွဲ့က ထောင်ဒဏ်တသက်ထိ ချမှတ်နိုင်တဲ့ လူကုန်ကူးမှုနဲ့ ဖမ်းဆီး၊ အရေးယူထားတယ်လို့ ထုတ်ပြန်ပါတယ်။

AA ရဲတပ်ဖွဲ့ဟာ ပြီးခဲ့တဲ့ မေလ ၂၄ ရက်မှာ ရွှေရိုးရာ KTV ပိုင်ရှင် ဒေါ်ခင်မိုးမိုးဝင်း(၅၆နှစ်)၊ မန်နေဂျာ ဒေါ် လှလှဝင်း(ခ)မေခ (၄၅နှစ်)နဲ့ ဒု-မန်နေဂျာ ဒေါ်ပြည့်ပြည့်ဝင်း(ခ)ထိပ်ထား(၄၁နှစ်)တို့ကို ဖမ်းဆီးကာ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ နဲ့ အမှုဖွင့်ခဲ့တာပါ။

“ရမန်ကြီးနှစ်ပတ်ယူထားတာ ရုံးမှာတော့ မစစ်သေးဘူး။ တရားရုံးကလည်း ဥပဒေအတိုင်း ထိထိရောက်ရောက် အရေးယူမှာပါ။ ဒီလိုအမှုတွေက လျှော့ပေ့ါလို့ မရဘူးလေ”လို့ အာရက္ခတပ်တော်လက်အောက်ခံ မြောက်ဦးခရိုင် ရဲဌာနမှ ဝန်ထမ်းတစ်ဦးက ပြောပါတယ်။

ရွှေရိုးရာ KTV ပိုင်ရှင်တွေဟာ KTV လို့ အမည်ခံထားပြီး ဝန်ထမ်းအမျိုးသမီးတွေကို KTV မှာ သီချင်းဆို၊ ဝန်ဆောင်မှုပေးရုံမကဘဲ ပြည့်တန်ဆာအဖြစ် အတင်းအဓမ္မလုပ်ခိုင်းတာ၊ ရိုက်နှက်နှိပ်စက်တာတွေလုပ်တဲ့အပြင် ရလာတဲ့ ငွေတွေကိုလည်း ခေါင်းပုံဖြတ်အမြတ်ထုတ်တာတွေ လုပ်နေခဲ့တာဖြစ်တယ်လို့ AA ရဲတပ်ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် အဲဒီ KTV ကနေ ထွက်ပြေးလွတ်မြောက်လာတဲ့ လိင်ကျွန်ပြုခံခဲ့ရသူအမျိုးသမီးတစ်ဦးကလည်း သူနှိပ်စက်၊ လိင်ကျွန်ပြုခံခဲ့ရတဲ့အကြောင်း ထုတ်ဖော်ထားပါတယ်။ သူမဟာ ပေါက်တောမြို့နယ်က ဖြစ်ပြီး အသက် ငါးနှစ်အရွယ် သားတစ်ဦးရှိကာ စစ်တွေမြို့မှ စစ်ဘေးရှောင်အမျိုးသမီးတစ်ဦးရဲ့ ချိတ်ဆက်မှုနဲ့ ရွှေရိုးရာ KTV မှာ အလုပ်စလုပ် ဖြစ်ခဲ့တာလို့ ဆိုပါတယ်။

ရွှေရိုးရာ KTV ကို မြောက်ဦးမြို့၊ ထမ္မရာဇ်ရပ်ကွက်၊ အမ်း-ကျောက်တော်ကားလမ်းမဘေးမှာ ဖွင့်လှစ်ထားတာပါ။

ရွှေရိုးရာ KTV ဝင်ရောက်စီးနင်းဖမ်းဆီးတဲ့အခါ ပြည့်တန်ဆာအဖြစ် ဝန်ဆောင်မှုပြုလုပ်ပေးနေကြရတဲ့ အမျိုးသမီး (၁၀)ဦး ၊ ပြည့်တန်ဆာလုပ်ငန်းဆီ ပျော်ပါးဖို့ ရောက်ရှိနေတဲ့ ယောင်္ကျားများနဲ့အတူ ပိုင်ရှင်ဖြစ်သူ ဒေါ် ခင်မိုးမိုးဝင်း၊ မန်နေဂျာ ဒေါ် လှလှဝင်းနဲ့ ဒု-မန်နေဂျာ ဒေါ်ပြည့်ပြည့်ဝင်းတို့ကို တွေ့ခဲ့ရပြီး တခြားအသုံးအဆောင်ပစ္စည်းတွေကိုလည်း သိမ်းဆည်းရမိခဲ့တယ်လို့ ဆိုပါတယ်။

အဲဒီ ဖမ်းဆီးခံထားရသူသုံးဦးဟာ အမျိုးသမီးငယ်တွေ ဘဝရပ်တည်ရေးခက်ခဲနေတဲ့ အခြေအနေတွေကို အခွင့်ကောင်းယူပြီး KTV မှာ လုပ်ကိုင်ဖို့ အကြောင်းပြကာ မသိနားမလည်သူတွေကို ပြည့်တန်ဆာအဖြစ် အလုပ်လုပ်ဖို့ အတင်းအဓမ္မခိုင်းစေတာ၊ ကာမဆိုင်ရာကိစ္စအတွက် တနည်းနည်းနဲ့ အဓမ္မဝန်ဆောင်မှုပေးစေတာ၊ ငွေ ကြေးခေါင်းပုံဖြတ်တာတွေကို လုပ်ခဲ့ကြတယ်လို့ ရဲဌာနအစီရင်ခံစာက ဆိုပါတယ်။

လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၅ မှာ မည်သူမဆို အမျိုးသမီးတွေနဲ့ ကလေးသူငယ်တွေကို လူကုန် ကူးမှုကျူးလွန်ကြောင်း ပြစ်မှုထင်ရှားစီရင်ခြင်းခံရရင် ထိုသူကို အနည်းဆုံး ထောင်ဒဏ်ဆယ်နှစ်မှ အများဆုံး ထောင်ဒဏ်တသက်အထိ ချမှတ်ရမယ့်အပြင် ငွေဒဏ်လည်း ချမှတ်နိုင်တယ်လို့ ပြဌာန်းထားပါတယ်။

ရခိုင်ပြည်နယ်အတွင်းမှာ စစ်တပ်အာဏာသိမ်းပြီးနောက်ပိုင်းနဲ့ ဒေသတွင်းတိုက်ပွဲတွေဖြစ်ပြီးနောက်ပိုင်း စားဝတ်နေရေးကြပ်တည်းမှုဒဏ်ကြောင့် ပြည့်တန်ဆာအလုပ်ကို ရွေးချယ်ခဲ့ရတဲ့ အမျိုးသမီးငယ်တွေများစွာ ရှိလာခဲ့ပြီး အချို့ဆိုရင် လိင်ပိုင်းဆိုင်ရာ ကျွန်ပြု၊ အတင်းအဓမ္မစေခိုင်းခံခဲ့ကြရတာပါ။

“ရခိုင်မှာ KTV နာမည်ခံတွေ ပေါလာတယ်။ ဒီအတိုင်းဆိုရင် KTV ပဲပေါ့၊ ဒါပေမဲ့ မာဆတ်ရော၊ တခြား လိင်ကိစ္စတွေရောရတယ်။ အဲဒီမှာ ဝန်ထမ်းတွေကလည်း ကြပ်တည်းတော့ အကုန်လုပ်ကြရတာ။ ရခိုင်က KTV အများစုက နာမည်ခံတွေပဲ။ ရွှေရိုးရာလိုပဲ။ နာမည်မထွက်လို့ မဖမ်းကြတာ”လို့ ပုဏ္ဏားကျွန်းမြို့နယ်မှ လူငယ်တစ်ဦးက ပြောပါတယ်။

ဒေသတွင်းတိုက်ပွဲတွေ ဖြစ်ပွားလာပြီးနောက်ပိုင်း ရခိုင်မှာ လူဦးရေခြောက်သိန်းဝန်းကျင် နေရပ်စွန့်ခွာ စစ်ဘေးရှောင်နေကြရပြီး လမ်းဘေးဝဲယာ တဲအိမ်တွေ၊ ဘာသာရေးအဆောက်အဦးတွေနဲ့ စစ်ဘေးရှောင်စခန်းတွေမှာ ခိုလှုံနေကြရကာ စစ်ဘေးရှောင်အပါအ၀င် နေရပ်မစွန့်ခွာရတဲ့ ဒေသခံတွေဟာလည်း စားဝတ်နေရေးအကြပ်အတည်းတွေနဲ့ ကြုံတွေ့နေကြရပါတယ်။

စစ်ကိုင်းမြို့အဝင်မှာစစ်တပ်ယာဉ်တန်း တိုက်ခိုက်ခံရ

ဇွန်-၅၊၂၀၂၆၊ကတ်သရင်းနှင်း/People's Spring

စစ်ကိုင်းမြို့အ​ခြေစိုက်၊တပ်မ(၃၃)ကိုပြန်လာတဲ့ စစ်တပ်ယာဉ်တန်း ဒီက​နေ့မှာမိုင်းဆွဲခံရပြီးထိခိုက်မှုရှိတယ်လို့ ဒေသခံတွေက ပြောပါတယ်။

စစ်ကိုင်း- မုံရွာလမ်း၊ညောင်ပင်ဝန်းရွာက သံပြားကာ စစ်ကား ၅စီးဟာ တပ်မ (၃၃) ပြန်ဝင်ဖို့ထွက်လာချိန် စစ်ကိုင်းမြို့အဝင်နားက ကျောက်ဆည်ရွာနဲ့ ကုန်းကျေးရွာကြားမှာ ဒေသကာကွယ်ရေးတပ်ဖွဲ့က မိုင်းဆွဲခဲ့တာလို့ ​ဒေသခံအချို့က​ပြောပါတယ်။
အဲဒီ စစ်ကား​တွေဟာ ဇွန် ၅ ရက်​​၊​နေ့ခင်းပိုင်းမှာစစ်ကိုင်းမြို့ လူဝင်မှုကြီးကြပ်ရေးရုံး(လဝက)အတွင်း ဗုံးပေါက်ကွဲပြီး မိနစ်ပိုင်းအကြာမှာ ​ညောင်ပင်ဝန်းရွာက​နေ စစ်ကိုင်းမြို့ကိုပြန်လာစဥ် မိုင်းဆွဲတိုက်
ခိုက်ခံရတာဖြစ်ပါတယ်။

"ကားတစ်စီးကတော့ တော်တော်လေးစုတ်ပျက်သွားတယ်။ဖြစ်ပြီးတော့ အတူတူလာတဲ့ ကားတွေက သေနတ်တွေနဲ့ လျှောက်ပစ်နေလို့ အနားကပ်မရခဲ့ဘူး။အထိခိုက် အသေးစိတ်ကိုမသိရဘူး"လို့ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ဖြစ်စဉ်ကို သိသူတဦးက ပြောပါတယ်။

စစ်တပ်က ကားတန်းမိုင်းဆွဲခံရပြီး​တော့သေနတ်တွေနဲ့ အချိန်တော်ကြာအနီးဝန်းကျင်ကို ပစ်ခတ်ပြီး မိုင်းဆွဲခံရတဲ့ကားကိုထားခဲ့ကာ ဒဏ်ရာရတဲ့ စစ်သားတွေကို ခေါ်ဆောင်ကာ တပ်မ(၃၃)အတွင်း ဝင်သွားတယ်လို့ စုံစမ်းသိရပါတယ်။

စစ်တပ်က စစ်မှုထမ်းတပ်သားသစ်တွေကိုသုံးပြီးဆုံးရှုံးထားတဲ့ နယ်မြေ​တွေကို အင်အားအများအပြားနဲ့ စစ်ကြောင်းထိုးနေစဉ် စစ်ကိုင်းမြို့အနီးဝန်းကျင်မှာ မိုင်းဆွဲတိုက်ခိုက်ခံခဲ့ရတာဖြစ်ပါတယ်။