ငွေကြေးမတတ်နိုင်သူတွေကို အလောင်းထုတ်
ပေးဖို့ အထပ်ထပ်ရစ်နေတဲ့ မြောက်ဥက္ကလာပဆေးရုံရဲ့ ရင်ခွဲရုံ

ဇွန်-၂၊၂၀၂၆။ရောင်နီ/People's Spring

ရန်ကုန် ‌မြောက်ဥက္ကလာပမြို့နယ် ဆေးရုံရဲ့ ရင်ခွဲရုံက သေဆုံးသွားသူရဲ့ အလောင်းထုတ်ပေးဖို့ အ
ကြောင်း အမျိုးမျိုးပြနေတာကြောင့် အခက်အခဲကြုံရတဲ့ အကြောင်းကို ဝန်းရံမှူးလူမှုကူညီရေးအသင်း ဥက္ကဌဦးထွန်းမြတ်ညွှန့်က သူ့ရဲ့ ဖေ့စ်ဘွတ်ခ်မှာ Live လွှင့်ပြောထားပါတယ်။

သေဆုံးသူက မေ ၃၀ ည သန်းခေါင်ယံအချိန် ဒဂုံမြို့သစ်မြောက်ပိုင်းမြို့နယ် ဦးဝိစာရ လမ်း‌ပေါ်မှာ ယာဉ်တိုက်မှုကြောင့်သေဆုံးသွားရတဲ့ပလုံကောက်
တဲ့ အမျိုးသမီးပါ။

သားဖြစ်သူကျောင်းတတ်ဖို့ ပလုံကောက်ရင်းသေ
ဆုံး ခဲ့ရတဲ့အမျိုးသမီးအတွက်လူထုကသနားဂရု
ဏာသက်ခဲ့ပေမယ့် မြောက်ဥက္ကလာပဆေးရုံ ရင်
ခွဲရုံက‌တော့ ဘယ်သူသေသေ ငတေမာရင်ပြီးရောဆိုတဲ့ စိတ်နဲ့ ဆက်ဆံခံနေရတဲ့ အကြောင်း ဦးထွန်းမြတ်ညွှန့်က မျှဝေထားတာပါ။

ပလုံကောက်တဲ့ အမျိုးသမီးက ‌ယာဉ်တိုက်ခံရတဲ့နေရာမှာ အသက်ရှင်နေသေးတာကြောင့် ဆေးရုံကို ပို့ဆောင်ပေးခဲ့ပြီး ဆရာဝန်တွေဘက်က ကြိုး
စားကုသပေးခဲ့ပေမယ့် သေဆုံးသွားခဲ့တာ‌‌ ကြောင့် ရင်ခွဲရုံမှာ အပ်ထားခဲ့တယ်လို့ ဆိုပါတယ်။

"နောက်နေ့ အလောင်းထုတ်ပြီး သင်္ဂြိုလ်မယ်လုပ်တော့ စရစ်တော့တာပဲ။ အခေါင်းဝယ်မှာလား ၊ သရဏဂုံတင်ပေးရမလား၊ body သယ်ပေးရမလား၊ မီးသင်္ဂြိုလ်ပေးရမလား၊ ဘယ်ရွေ့ဘယ်မျှကျမယ်ဆိုပြီးအလောင်းကိုထုတ်မပေးသေးပဲ မသာပွဲစားစလုပ်တော့တာပဲ။ ဒါတောင် ပလုံကောက်သူတွေမို့မတတ်နိင်ပါဘူး ၊ ပရဟိတအသင်းက တာဝန်ယူမှာပါဆိုလို့ ၇၅၀၀၀ နဲ့ သရဏဂုံတင်ပေးပါမယ် အလောင်းပြင်ပေးပါမယ်ဆိုပြီး ရသလောက်ယူကြသေးတယ်။ပြီးတော့မှ စာရွက်စာတမ်းကစ္စ ၊ အလောင်းထုတ်မဲ့သူကိစ္စ တစ်ခုချင်းကိုရစ်တာ။" လို့ ဦးထွန်းမြတ်ညွန့်က ရေးသားထားပါတယ်။

ရင်ခွဲရုံတာဝန်ရှိသူက သေဆုံးသူရဲ့ မိသားစုတွေကို ရဲစခန်းထောက်ခံစာယူဖို့ပြောတာကြောင့် ယာဉ်တိုက်မှုဖြစ်ခဲ့တဲ့ ဒဂုံမြို့သစ်မြောက်ပိုင်းမြို့နယ် ကိုသွားယူခဲ့တယ်ပါတယ်။ ဒါပေမယ့် ရဲစခန်းကိုရောက်ချိန်မှာ ‌ သေဆုံးသူက ဒဂုံမြို့သစ်အရှေ့ပိုင်းမြို့နယ်မှာ နေထိုင်တာကြောင့် အဲဒီ့ရဲစခန်းကို ညွန်ခဲ့တယ်လို့ ဆိုပါတယ်။

အရှေ့ဒဂုံမြို့နယ်ရဲစခန်းကထောက်ခံစာရချိန်မှာ အချိန်နောက်ကျနေတာကြောင့် သင်္ဂြိုလ်ဖို့ သုံးရက်စောင့်ခဲ့ရပါတယ်လို့ သိရပါတယ်။

ဒီအကြောင်းအရာတွေကို ရင်ခွဲရုံမှာပြောကြားခဲ့တဲ့ အခြေအနေကို ဦးထွန်းမြတ်ညွှန့်က Live လွှင့်ထားခဲ့ပြီး ရင်ခွဲရုံတာဝန်ရှိသူက ယာဉ်ထိန်းရုံးကို သွားခိုင်းတာလို့ ငြင်းခဲ့ပါသေးတယ်။

ဒါပေမယ့်လည်း သေဆုံးသူမိသားစုဝင်က သူတို့ကို မဝတ ရဲစခန်းကိုသွားခဲ့ခိုင်းတာဖြစ်ကြောင်း ပြန်လည်ချေပခဲ့ပါတယ်။

"မနေ့က(ဇွန်၁) (၃) ရက်ပြည့်လို့ အလောင်းထုတ်မယ်၊ မီးသင်္ဂြိုလ်မယ် ၊ သူတို့ မနက်၁၀ နာရီလောက်လာမယ် ၊ ဆရာကူညီပေးပါဆိုလို့ ကျွန်
တော်လည်းလိုက်သွားခဲ့တယ်။ ဟိုရောက်လို့ အ
လောင်းထုတ်မယ်လည်းဆိုရော ရဲစခန်းထောက်
ခံစာကမှာနေတယ်။ ယာဉ်ထိမ်းဆီက ယူရမှာတဲ့။ ထုတ်ပေးလို့မရဘူးတဲ့။ နာရေးလိုက်ပို့တဲ့သူတွေကလည်း စုံနေပြီ။ မင်းတို့ ဘာဖြစ်လို့ စောစောက
တည်းက ယာဉ်ထိမ်းရဲလို့ ဘာကြောင့်မပြောတာလည်းဆိုပြီးမေးတော့ သူကယာဉ်ထိမ်းရဲကိုလှမ်းပြောပြီးပြီတဲ့။ မင်း ယာဉ်ထိမ်းရဲကို ထောက်ခံစာလာယူလိမ့်မယ်။ ကျွန်တော်တစ်ယောက်လွှတ်
လိုက်တယ်ဆိုပြီးပြောရမှာမဟုတ်ဘူး။ နာရေးရှင်ကို ဘယ်စခန်းဘယ်ရဲဆီမှာ ထောက်ခံစာယူပေးပါလို့ပြောရမှာလေဆိုတော့ ဟိုလိုလို ဒီလိုလို လုပ်နေတယ်။" လို့ ဦးထွန်းမြတ်ညွှန့်ကပြောပါတယ်။

သူတို့ယူခိုင်းတဲ့ ယာဉ်ထိန်းဆီကထောက်ခံစာယူပြီးချိန်မှာလည်း အလောင်းထုတ်‌ပေးဖို့ ဧည့်စာရင်း စာအုပ်နဲ့ သေဆုံးသူရဲ့ လက်ရှိယောက်ျားတင်မဟုတ်ပဲ ပထမယောက်ျားနဲ့ သမီးတွေကိုပါခေါ်ခဲ့ဖို့ ရင်ခွဲရုံတာဝန်ရှိသူကပြောတယ်လို့ ဆိုပါတယ်။

"ရပ်ကွက်အုပ်ချုပ်ရေးမှူးက ဧည့်စာရင်းနဲ့နေထိုင်ကြောင်း ထောက်ခံစာလည်းပါတယ်။ ရဲစခန်းရဲ့ထပ်ဆင့်ထောက်ခံစာလည်းပါရဲ့သားနဲ့ ဧည့်စာရင်းစာအုပ်က ဘာဖြစ်လို့လိုတာလည်းဆိုတော့ အကြောင်းပြချက်မရှိဘူး။ မရဘူးလိုတယ်သွားယူပေးတဲ့။" လို့ ကြုံခဲ့ရတဲ့ အကြောင်းကို ဦးထွန်းမြတ်ညွှန့်က ပြောထားပါတယ်။

ငွေကြေးမတတ်နိုင်တာကြောင့် ပရဟိတအသင်းက ကူညီပေးနေတာတောင် အာဏာပါဝါပြ ဟိန်း
ဟောက်ကာ မသာပွဲစားလုပ်ပြီး အပူသည်တွေဆီက ပိုက်ဆံညှစ်ထုတ်နေတာလို့ ဦးထွန်းမြတ်ညွှန့်က ဝေဖန်ထားပါတယ်။

"ဆေးရုံအုပ်ပြောတာတောင်မရဘူးဆိုတဲ့သူတွေ။ဆေးရုံမှာဆေးရုံအုပ်ထက် အာဏာပိုရှိသူတွေ။" လို့ ဦးထွန်းမြတ်ညွန့်က သူကြုံခဲ့ရတဲ့ အခြေအနေကို ပြောပြပါတယ်။

နောက်ဆုံးတော့ သေဆုံးသူရဲ့ အလောင်းကို ထုတ်
ယူနိုင်ခဲ့ပြီးသင်္ဂြိုလ်ခဲ့တဲ့အကြောင်းဓာတ်ပုံမှတ်
တမ်းနဲ့ ဖော်ပြထားပါတယ်။

ဒီဖြစ်စဉ်တွေကိုတင်ထားတဲ့ ဦးထွန်းမြတ်ညွှန့်ကို မနက်ဖြန် (ဇွန်၃ ) ရက်မှာ မြောက်ဥက္ကလာပဆေး
ရုံ ဒုဆေးရုံအုပ်က လာရောက်တွေ့ဆုံဖို့ ပြောထားတယ်လို့ သိရပါတယ်။

ပြည်သူ​တွေကလည်းရင်ခွဲရုံကတာဝန်ရှိသူ​တွေကိုအပြင်းအထန်​ဝေဖန်​နေကြပါတယ် ။
"သူတို့နဲ့ တခါထဲ အပြီးအစီး မအပ်တဲ့ အလောင်းမှန်သမျှကို အာ့လို ရစ်တာ ဝန်ထမ်းဆိုးတွေ" လို့ ပြည်သူတစ်ဦးက ဒီဖြစ်စဉ်အပေါ် မှတ်ချက်ရေး
သားထားပါတယ်။

ရန်ကုန်မြို့မှာ ဒီလိုကြုံနေရတာက မြောက်ဥက္ကလာပဆေးရုံတစ်ခုတည်းမဟုတ်ပဲ ရန်‌ကုန်ဆေးရုံကြီးက အဲဒီ့ထက်ဆိုးတယ်လို့ ပရဟိတအသင်းတာဝန်ရှိသူတစ်ဦးကလည်း ​ပြောထားပါတယ်။

"မြောက်ဥက္ကလာ ဆေးရုံကြီး ရင်ခွဲရုံ ဆိုးတယ်ဆိုတာရန်ကုန်ဆေးရုံကြီးရင်ခွဲရုံကအိပ်နေသလောက်
ဘဲရှိတယ်။ဆေးရုံအုပ်ကြီးတွေက သူတို့ကိုမနိုင်ဘူးကြောက်ရတယ် မသိကြေးကျွန် ပြုနေရတယ်ဆိုရင် အာဏာပိုင်တွေနဲ့ ဆွေးနွေးသင့်တယ် ခုကတော့ သူတို့မင်းမူ တောင်းသမျှ ပြည်သူတွေက ပေးနေရတာ မဟုတ်သေးဘူး။မဟုတ်ဘူးလာငြင်းရင် သက်သေ နာရေးရှင်တွေ ခေါ်လာလိုက်မယ် ဘာမှတ်လဲ "လို့ရောင်စဉ်မဲ့ လူမှုကူညီရေးအသင်း
ဥက္ကဌ ဦးသန်းထိုက်အောင်ရဲ့ ဖေ့စ်ဘွတ်ခ်မှာရေး
ထားပါတယ်။

ဆောမြို့ပေါ်ရောက်စစ်တပ်စစ်ကြောင်းကအမျိုး
သမီးတွေကိုပစ်မှတ်ထားအကြမ်းဖက်ဖို့ကြိုးစားနေ

ဇွန်-၂၊၂၀၂၆။ဇော်ရမ်း/People's Spring

ဆောမြို့နယ်အတွင်းရောက်ရှိနေတဲ့စစ်တပ်စစ်
ကြောင်းက ​ဒေသခံအမျိုးသမီးတွေကိုပစ်မှတ်ထားပြီး ဆိုးရွားတဲ့ လိင်ပိုင်းဆိုင်ရာ ညစ်ညမ်းမှုတွေ ကျူးလွန်ဖို့ကြိုးစားနေတယ်လို့ တော်လှန်‌ ရေးတပ်ဖွဲ့တွေကပြောပါတယ်။

မကွေးတိုင်းယောဒေသဖြစ်တဲ့ဆောမြို့နယ်မှာစစ်ကောင်စီတပ်ဖွဲ့ဝင်တစ်ထောင်ကျော်ရှိနေပြီး မြို့‌
ပေါ်ရပ်ကွက်တွေကိုပါ စစ်ကြောင်းထိုးနေတယ်လို့ သိရပါတယ်။

ဇွန်လ၁ရက်နေ့က စစ်ကောင်စီတပ်ဖွဲ့ဝင်အချို့ဟာမြို့ပေါ်မှာနေတဲ့ သားအမိနှစ်ဦးကို အဓမ္မပြုကျင့်ဖို့ကြိုးပမ်းမှုဖြစ်ပွားခဲ့တယ်လို့ ဂန့်ဂေါခရိုင် ပြည်သူကာကွယ်ရေးတပ်ရင်းက တာဝန်ရှိသူတစ်ဦးက အသိပေးထားပါတယ်။စစ်ကြောင်းထိုးရာ လမ်းပိုင်းအတွင်းရှိ နေအိမ်များမှာ ချိတ်ဆွဲ ထားတဲ့ အမျိုးသမီး‌တွေရဲ့ဓာတ်ပုံတွေပေါ်မှာလည်း မဖွယ်
မရာတွေ လုပ်သွားခဲ့တယ်လို့ ပြောထားပါတယ်။

"စကားနဲ့တောင်ပြောဖို့ခက်ခက် လုပ်ရပ်တွေလုပ်နေတာ။အခုရောက်နေတဲ့စစ်ကြောင်းတွေနဲ့ ထိပ်
တိုက်တိုးလို့ကိုလုံးဝမဖြစ်နိုင်ဘူး။တော်တော်အန္တ
ရာယ်ကြီးတဲ့ အခြေအနေဖြစ်တယ်"လို့ယောဒေသ
ခံအမျိုးသမီးတဦးကပြောပါတယ်။

ဆောမြို့နယ်အတွင်းမှာ စစ်တပ်စစ်ကြောင်းတွေကို ပြည်သူ့ကာကွယ်ရေးတပ်ဖွဲ့တွေကတိုက်ခိုက်နေပြီး ထိခိုက်ကျဆုံးမှုတွေလည်းရှိနေတယ်လို့
​တော်လှန်​ရေးတပ်​တွေ​ပြောပါတယ်။

စစ်တပ်က ယောဒေသမှာ စစ်အင်အားတွေတိုးချဲ့ထားသလို ယောဒေသကနေတဆင့် ချင်ပြည်နယ်ကိုစစ်ကြောင်းထိုးဖို့ ကြိုးစားနေပါတယ်။ဆော -ကန်ပက်လက်လမ်း နဲ့ ကျောက်ထု -မင်းတပ်လမ်းကနေ စစ်ကြောင်းနှစ် ကြောင်းနဲ့ထိုးဖို့ကြိုးပမ်းနေပြီး တိုက်ပွဲတွေလည်းဆက်တိုက်ဖြစ်ပွားနေတယ်လို့သိရပါတယ်။

ယောဒေသ နဲ့ ချင်းပြည်နယ်ကို စစ်တပ်ကလေ
ကြောင်းကနေ ဗုံးကြဲနေပြီး လက်ရှိစစ်ရေးအခြေ
အနေတွေကြောင့် လုံခြုံရေးသတိပြုနေထိုင်ကြဖို့ တော်လှန်ရေးတပ်တွေကသတိပေးထားပါတယ်။

တော်လှန်ရေးတပ်ဖွဲ့တွေထိန်းချုပ်ထားတဲ့မြို့နယ်တွေကို စစ်ကောင်စီက စစ်မှုထမ်းသင်တန်းဆင်းအင်အားတွေအများအပြားသုံးပြီး စစ်ကြောင်းထိုးဖို့ကြိုးစားနေတာဖြစ်ပါတယ်။ အဲဒီစစ်ကြောင်းတွေက အရပ်သားပြည်သူတွေကိုဖမ်းဆီးသတ်
ဖြတ်တာ၊နေအိမ်တွေကိုမီးရှို့ဖျက်ဆီးတာနဲ့ အမျိုး
သမီးတွေကို အဓမ္မပြုကျင့်တာတွေ ကျူးလွန်နေပါတယ်။

တစ်ဖက်မှာလည်း စစ်တပ်စစ်​ကြောင်း​တွေကို​တော်လှန်​ရေးတပ်ဖွဲ့​တွေက​ဖြတ်​တောက်တိုက်ခိုက်တာ၊​ပြောက်ကျားနည်းနဲ့တိုက်ခိုက်တာ​တွေ​
ကြောင့်စစ်တပ်က​သေဆုံးထိခိုက်မှုများ​နေပါတယ်။​သေဆုံးသူအများစုဟာ စစ်မှုထမ်းသင်တန်း
ဆင်းစစ်သားသစ်​​တွေဖြစ်တာ​ကြောင့်​​တော်လှန်​ရေးတပ်​တွေကပြည်သူ​တွေစစ်သားသစ်စု​ဆောင်း
မခံရ​အောင်၊ ​ပေါ်တာဆွဲမခံ ဂရုပြုပြီး ပါးပါးနပ်နပ်​နေထိုင်ကြဖို့ ​တော်လှန်​ရေးတပ်​တွေက တိုက်တွန်း​နေကြပါတယ် ။

စစ်တပ်စစ်​ကြောင်း​တစ်ခုကို​တွေ့ရစဥ်
(ပုံအ​​ဟောင်းဖြစ်ပါတယ်) ။ဓါတ်ပုံ-File

စစ်အာဏာရှင်ဆန့်ကျင်ရေးနဲ့ ဒေါ်အောင်ဆန်းစုကြည်သက်ရှိထင်ရှားရှိကြောင်းသက်သေပြဖို့ ဗြိတိန်ရောက်မြန်မာတွေ အိန္ဒိယ၊တရုတ်၊အင်ဒိုနီးရှားသံရုံးနဲ့ မြန်မာစစ်တပ်သံရုံး​ရှေ့​တွေမှာ ဆန္ဒပြ

ဇွန်-၂၊၂၀၂၆။ သုည/People's Spring

ဗြိတိန်နိုင်ငံ လန်ဒန်မြို့မှာ ပြည်ပရောက်မြန်မာတွေ စုပေါင်းပြီး စစ်အာဏာရှင်ဆန့်ကျင်ရေးနဲ့ လူထုခေါင်းဆောင် ဒေါ်အောင်ဆန်းစုကြည် သက်ရှိထင်ရှားရှိနေကြောင်း သက်သေပြပေးဖို့ အတွက် "PROOF OF LIFE" လှုပ်ရှားမှုတွေကို ဒီကနေ့ (ဇွန် ၂) ပြုလုပ်ခဲ့ပါတယ်။

ဗြိတိန်နိုင်ငံ လန်ဒန်မြို့ရှိ မြန်မာစစ်သံရုံး၊ အင်ဒိုနီးရှားသံရုံး၊ အိန္ဒိယသံရုံး နဲ့ တရုတ်သံရုံးရှေ့တို့မှာ ဆန္ဒထုတ်​ဖော်ခဲ့ကြပါတယ်။

Myanmar Unity Movement အဖွဲ့က ဦး
ဆောင်ကာ ​​"မေတ္တာလှိုင်း လှုပ်ရှားမှု"၊ "Proof Of LOVE" ဟု တင်စားသတ်မှတ်ပြီး ဒေါ်အောင်ဆန်းစုကြည်အတွက် မွေးနေ့လက်ဆောင်အဖြစ် လှုပ်ရှားခြင်း ဖြစ်ကြောင်း ဖော်ပြထားပါတယ်။

ဗြိတိန်နိုင်ငံရောက် မြန်မာ့ဒီမိုကရေစီရေး လှုပ်ရှားသူတွေက "Proof of Life" ၊ "Free Daw Aung San Su Kyi and All Political Prisoners" စတဲ့ စာသားတွေနဲ့ ဒေါ်အောင်ဆန်းစုကြည်ပုံတွေ ကိုင်ဆောင်ပြီး ဒေါ်အောင်ဆန်းစုကြည အပါအဝင် နိုင်ငံရေးအကျဥ်းသားတွေ အားလုံးလွှတ်ပေးဖို့ တောင်းဆိုဆန္ဒပြခဲ့ပါတယ်။

ဒါ့အပြင် အင်ဒိုနီးရှား၊ အိန္ဒိယနဲ့ တရုတ်နိုင်ငံ အနေနဲ့ အာဏာသိမ်းခေါင်းဆောင်မင်းအောင်လှိုင် အသက် ဆက်ဖို့ကြိုးစားနေတာကို ဆန့်ကျင်ကန့်ကွက်ဖို့နဲ့ စစ်အုပ်စုကို ထောက်ပံ့ပြုနေခြင်း၊ အခြားနည်းလမ်းတွေနဲ့ ပံ့ပိုးကူညီနေခြင်းတို့ကို
ရပ်တန့်စေဖို့လည်းတိုက်တွန်းဆန္ဒပြခဲ့ပါတယ်။

Myanmar Unity Movement အဖွဲ့အနေနဲ့ ပြီးခဲ့တဲ့ ရက်ပိုင်းကလည်း ဗြိတိန်နိုင်ငံ လန်ဒန်မြို့ရှိ ထိုင်းသံရုံးနဲ့ ရုရှားသံရုံး​ရှေ့တို့မှာလည်း ဆန္ဒပြခဲ့
ကြပါတယ်။

ရုပ်သံ-Myanmar Unity Movement

ကျောက်ကြီးမြို့နယ်ကို စစ်တပ် လက်နက်ကြီး ပစ်ခတ်လို့ ကလေးငယ် အပါအဝင် ပြည်သူ ၃ဦးသေဆုံး

▪️မောတောင်မြို့ကို ပြန်ထိန်းချုပ်ထားတဲ့ စစ်တပ်က မြို့ခံတွေကို ဖမ်းဆီးနှိပ်စက်နေ

ဇွန်-၃၊ ၂၀၂၆။ ထားမြတ်/People’s Spring

ကရင်အမျိုးသားအစည်းအရုံး(KNU) ညောင်လေးပင်ခရိုင် တပ်မဟာ(၃)နယ်မြေ ကျောက်ကြီးမြို့နယ်(လယ်ဒိုမြို့နယ်)မှာ အာဏာသိမ်းစစ်တပ်က လက်နက်ကြီးနဲ့ ပစ်ခတ်လို့ (၉)နှစ်အရွယ် မိန်းကလေးငယ် အပါအဝင် ပြည်သူ ၃ဦးသေဆုံးကာ အမျိုးသမီး ၁ဦး ဒဏ်ရာရရှိခဲ့ကြောင်း KNUက ဇွန်လ ၂ရက်မှာ သတင်းထုတ်ပြန်ပါတယ်။

မေလ ၃၀ရက်က စစ်တပ်ရဲ့ ခမရ(၂၆၄)တပ်ရင်းက ၁၅၅ ဟောင်ဝှစ်ဇာ လက်နက်ကြီးနဲ့ ကျောက်ကြီးမြို့နယ် အင်တိုင်းကုန်းကျေးရွာကို ပစ်ခတ်ခဲ့ရာ ကျေးရွာအတွင်း ကျရောက်ပေါက်ကွဲပြီး (၉)နှစ်အရွယ်မိန်းကလေးငယ် ၁ဦး၊ အသက် (၄၅)နှစ်အရွယ်အမျိုးသမီး ၁ဦးနဲ့ အသက် (၄၇)နှစ်အရွယ် အမျိုးသား ၁ဦး သေဆုံးကာ အသက် (၁၈)နှစ်အရွယ် မိန်းကလေး ၁ဦး ဒဏ်ရာရရှိခဲ့တာလို့ ဆိုပါတယ်။

အာဏာသိမ်းစစ်တပ်ဟာ ကျောက်ကြီးမြို့နယ်က ကျေးရွာတွေကို ပစ်မှတ်ထားပြီး လေကြောင်း၊ လက်နက်ကြီး၊ ဒရုန်း တိုက်ခိုက်မှုတွေ မကြာခဏ လုပ်ဆောင်ခဲ့လို့ ပြည်သူလူထု သေဆုံးထိခိုက်မှုတွေ အများအပြားရှိခဲ့ပါတယ်။

မေလ ၂၆ ရက်ကလည်း ခလရ(၂၆၄) တပ်ရင်းကပဲ ၁၅၅ မမ ဟောင်ဝှစ်ဇာ လက်နက်ကကြီးနဲ့ ကျောက်ကြီးမြို့နယ် ကျွန်းကြီးကျေးရွာကို ပစ်ခတ်ခဲ့လို့ အမျိုးသမီး ၁ဦး အပါအဝင် ၃ဦး ဒဏ်ရာရရှိခဲ့ပါတယ်။

ဒါ့အပြင် အဲဒီနေ့မှာပဲ ငဖယ်အင်းကျေးရွာကို လေယာဉ် ဗုံး ၂လုံး ကြဲချတိုက်ခိုက်ခဲ့လို့ ပြည်သူလူထုပိုင် နေအိမ်အဆောက်အဦး ပျက်စီးမှုတွေရှိခဲ့ပါတယ်။

စစ်တပ်ဟာ ကျောက်ကြီးမြို့နယ်ကို အင်အားအလုံးအရင်းနဲ့ စစ်ကြောင်းထိုးနေပြီး လက်နက်ကြီး၊ ဒရုန်း၊လေကြောင်း တိုက်ခိုက်မှုတွေ နေ့စဉ်နီးပါး လုပ်ဆောင်နေလို့ ပြည်သူတွေ ဘေးလွတ်ရာ တိမ်းရှောင်နေကြရပြီး ဒုက္ခများစွာ ကြုံနေရကြောင်း KNUက ထုတ်ပြန်ပါတယ်။

အာဏာသိမ်းစစ်တပ်က ပြန်လည်ထိန်းချုပ်ထားတဲ့ တနင်္သာရီတိုင်း တနင်္သာရီမြို့နယ် မောတောင်မြို့မှာလည်း အရပ်သားပြည်သူတွေကို ဖမ်းဆီးနှိပ်စက်တာတွေ ပြုလုပ်နေကြောင်း KNUက ဇွန်လ ၂ရက်မှာ အသိပေးထားပါတယ်။

၂၀၂၅ နိုဝင်ဘာမှာ KNU သိမ်းပိုက်ထားတဲ့ မောတောင်မြို့ကို စစ်တပ်က မေ ၁၉ရက်မှာ ပြန်လည်ထိန်းချုပ်နိုင်ခဲ့ရာ မြို့ခံ ပြည်သူတွေကို ဖမ်းဆီးတာတွေ လုပ်ဆောင်နေတာဖြစ်ပါတယ်။
စစ်တပ်က မေလ ၃၁ရက်မှာ မောတောင်မြို့ခံ အမျိုးသား  ၁ဦးကို ဖမ်းဆီး ညှင်းပမ်းနှိပ်စက်ပြီး တော်လှန်ရေးတပ်ဖွဲ့တွေရှိတဲ့နေရာကို လမ်းပြပေးဖို့ စေခိုင်းခဲ့တယ်လို့ KNUက ထုတ်ပြန်ပါတယ်။

အဲဒီ အမျိုးသားဟာ ဇွန်လ ၁ရက်မှာ ထွက်ပြေးခဲ့လွတ်မြောက်ခဲ့ပြီး ၎င်းဖမ်းဆီးခံထားရစဉ်ကသူ နဲ့အတူ အခြား အမျိုးသား ၂ဦးနဲ့ အမျိုးသမီး ၁ဦးကိုလည်း စစ်တပ်ကဖမ်းဆီးထားတာ တွေ့ရတယ်လို့ KNU ထံ ထွက်ဆိုပါတယ်။

 အာဏာသိမ်းစစ်တပ်ဟာ အာဏာတည်မြဲရေးအတွက် အပြစ်မဲ့ ပြည်သူတွေကို ရက်စက်စွာ ညှင်းပမ်းနှိပ်စက်သတ်ဖြတ်နေကြောင်းလည်း KNUက ထုတ်ပြန်ပါတယ်။