"Tiktok သုံးစွဲတဲ့အခါ လုံခြုံရေး သတိရှိပါ"

‣ အကောင့်ကို Private လုပ်ထားပါ။ သင့်ကို Follow လုပ်ထားတဲ့သူတွေသာ သင့်ဗီဒီယိုတွေကို ကြည့်ရှုနိုင်မှာဖြစ်ပါတယ်။

‣ သင့်အကောင့်ကို တခြားသူတွေဆီ Suggest မလုပ်အောင်ပိတ်ပါ။
သင့်ဖုန်း Contact list ထဲက မိတ်ဆွေတွေ သို့မဟုတ် Facebook သူငယ်ချင်းတွေဆီ သင့်အကောင့်ကို Tiktok က လိုက်ပြပေးနေတတ်ပါတယ်။ ဒါကို ပိတ်လို့ရပါတယ်။

‣ သင့်ဗီဒီယိုတွေကို သူများ Download ဆွဲလို့မရအောင်ပိတ်ပါ။
အကယ်၍ သင်က ဗီဒီယိုတွေကို လူအများကြည့်စေချင်ပေမယ့် လုံခြုံရေးလည်း စိတ်ပူတယ်ဆိုရင်တော့ Public အကောင့် ပဲထားပြီး Privacy Setting ထဲမှာ Comment ပေးနိုင်သူ ဒါမှမဟုတ် Message ပို့နိုင်သူတွေကို "Friends Only" ပြောင်းထားတာက ပိုပြီး မျှတတဲ့ နည်းလမ်းဖြစ်ပါလိမ့်မယ်။

‣ Interaction များကို ကန့်သတ်ပါ။
သူစိမ်းတွေ သင့်ကို Message ပို့တာ၊ သင့်ဗီဒီယိုကိုယူပြီး Duet/Stitch လုပ်တာတွေကို ပိတ်ထားနိုင်ပါတယ်။
Privacy အောက်က Comments, Mention and Tags, Direct Messages, Duet, Stitch စတဲ့အပိုင်းတွေမှာ "Everyone" အစား "Friends" သို့မဟုတ် "No one" လို့ ပြောင်းထားပါ။

‣ Active Status ကို ပိတ်ပါ။
သင် အွန်လိုင်းတက်နေတာကို သူငယ်ချင်းတွေ မသိစေချင်ရင် ပိတ်ထားလို့ရပါတယ်။ ​

‣ Profile View ကို ပိတ်ပါ။
သင်က သူများ Profile ကို သွားကြည့်ရင် သူတို့သိသွားတတ်သလို၊ သင့်ကို ဘယ်သူလာကြည့်လဲဆိုတာကိုလည်း မြင်နေရတတ်ပါတယ်။ ဒါကို မလိုချင်ရင် ပိတ်ထားပါ။

‣ Ad Personalization ကို ပိတ်ပါ။
​TikTok က သင့်ရဲ့ အပြုအမူတွေပေါ်မူတည်ပြီး ကြော်ငြာပြတာကို သဘောမကျရင် ပိတ်ထားနိုင်ပါတယ်။

​တခုအကြံပြုချင်ပါသေးတယ်။ သင့်ရဲ့ Location (တည်နေရာ) ကိုလည်း TikTok က အမြဲမသိနေအောင် ဖုန်းရဲ့ System Setting ထဲမှာ TikTok အတွက် Location Access ကို "Never" သို့မဟုတ် "Ask Next Time" ပြောင်းထားဖို့ မမေ့ပါနဲ့။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA #tiktok #တစ်တော့ #လုံခြုံရေး

နမ့်စန်မြို့နယ်မှာ ဗိုလ်ချုပ်ကြီးယွက်စစ် ဒေသခံတွေနဲ့တွေ့ဆုံစဉ် စစ်တပ်က တိုက်လေယာဉ်ပျံသန်း ခြိမ်းခြောက်ဟု RCSS ထုတ်ပြန်

မေ-၂၈၊ ၂၀၂၆။ ထားမြတ်/People’s Spring

ရှမ်းပြည်နယ်တောင်ပိုင်း၊ နမ့်စန်မြို့နယ် ခိုလမ်ဒေသ ခိုအွတ်ကျေးရွာအုပ်စု ဝမ့်နန်းကျေးရွာကို ရှမ်းပြည်ပြန်လည်ထူထောင်ရေးကောင်စီ(RCSS) ဥက္ကဋ္ဌ ဗိုလ်ချုပ်ကြီးယွက်စစ်နဲ့အဖွဲ့ ရောက်ရှိပြီး ဒေသခံတွေနဲ့ တွေ့ဆုံစဉ် စစ်တပ်က တိုက်လေယာဉ်နဲ့ အနီးကပ်ပျံသန်းခြိမ်းခြောက်ခဲ့ကြောင်း RCSSက ဒီကနေ့ မေလ ၂၈ရက်မှာ ထုတ်ပြန်ပါတယ်။

မေလ ၂၇ရက် မနက် ၁၀နာရီမှာ ဝမ့်နန်းကျေးရွာကိုရောက်နေတဲ့ RCSS ဥက္ကဋ္ဌနဲ့ အဖွဲ့ကို တိုက်လေယာဉ် တစင်းဖြင့် အနီးကပ် ပျံသန်းမှု ခြောက်ကြိမ်ပြုလုပ် ခြိမ်းခြောက်ခဲ့တာလို့ ဖော်ပြထားပါတယ်။

“စစ်ကောင်စီက လေ့ကျင့်ပျံသန်းမှုဟု ပြန်လည်ချေပပြောဆိုချက်များကြားသိ ရသော်လည်း လက်တွေ့တွင် လေ့ကျင့်ပျံသန်းမှုပုံသဏ္ဍာန်လုံးဝမရှိပဲ တမင် သက်သက်ခြိမ်းခြောက်မှုကိုပြသသော စော်ကားပျံသန်းမှုတရပ်မျှသာဖြစ်ကြောင်း မျက်မြင်များကပြောဆိုကြသည်”လို့ RCSS သတင်းပြန်ကြားရေးဌာနက ဖော်ပြပါတယ်။

RCSS ဥက္ကဋ္ဌဟာ မိုင်းပန်မြို့နယ်၊ နားဝွမ်ကျေးရွာ စေတီထီးတော်တင်ပွဲပြုလုပ်အပြီး ထိန်းချုပ်နယ်မြေဒေသများအတွင်းရှိ ဒေသခံပြည်သူလူထုတွေနဲ့ တွေ့ဆုံဖို့ ဝမ့်နန်းရွာကို မေလ ၂၆ရက်ကတည်းက ရောက်ရှိလာတာလို့ ဆိုပါတယ်။

အဲဒီလို လာရောက်စဉ် နမ့်စန်လေတပ်မှဟုယူဆရသော စစ်ကောင်စီတိုက်လေယာဉ်တစင်းက အစပိုင်းမှာ ရွာအထက်ဝေဟင် ခပ်လှမ်းလှမ်း လှည့်ပတ်ပျံသန်းပေမယ့် နောက်ပိုင်း တဖြည်းဖြည်း နီးကပ် ပျံသန်း ကာ ခြိမ်းခြောက်မှု လက္ခဏာတွေကို ပြသခဲ့တာလို့ ထုတ်ပြန်ပါတယ်။

RCSS ဥက္ကဌအနေနဲ့ ငြိမ်းချမ်းရေး သဘောတူညီချက်တွေ ထောက်ရှုတာ၊ အုပ်ချုပ်ရေးနယ်မြေတွင်း ဒေသခံတိုင်းရင်းသားပြည်သူများအား တွေ့ဆုံဆွေးနွေးရေး ခရီးစဉ်ဖြစ်တာ၊ စစ်ရေး ပြင်ဆင်မှု မပြုလုပ်ထားတာကြောင့် စစ်ကောင်စီရဲ့ ခြိမ်းခြောက်မှုကို တုန့်ပြန်ခဲ့ခြင်းမရှိဟုလည်း အသိပေးပါတယ်။

အာဏာသိမ်းစစ်ခေါင်းဆောင်မင်းအောင်လှိုင်(RCSSရဲ့ ထုတ်ပြန်ချက်မှာ သမ္မတကြီး ဦးမင်းအောင်လှိုင် ဟု ဖော်ပြထား)က ရက်(၁၀၀) ငြိမ်းချမ်းရေးစီမံချက်ကို တရား ဝင်ကမ်းလှမ်းထားပေမယ့် ငြိမ်းချမ်းရေးတည်ဆောက်မှုနဲ့ မကိုက်ညီတဲ့ လုပ်ရပ်တွေကြောင့် နှစ်ဦးနှစ်ဖက်အကြား ယုံကြည်နားလည်မှုများ ထိခိုက်ပျက်စီးစေနိုင်ကြောင်းလည်း RCSS ဥက္ကဋ္ဌက ပြောကြားခဲ့တယ်လို့ ဖော်ပြထားပါတယ်။

RCSSဟာ အာဏာသိမ်းစစ်တပ်နဲ့ တိုက်ပွဲဖြစ်ပွားခြင်းမရှိဘဲ စစ်ခေါင်းဆောင် မင်းအောင်လှိုင်နဲ့ ထိတွေ့ဆွေးနွေးမှုတွေ လုပ်ဆောင်ခဲ့တဲ့ အဖွဲ့အစည်းတစ်ခုလည်းဖြစ်ပါတယ်။

အဖွဲ့ ဥက္ကဋ္ဌ ဗိုလ်ချုပ်ကြီး ယွက်စစ်အနေနဲ့လည်း တခါတရံ အာဏာသိမ်းစစ်တပ်ကြောင့် တိုင်းပြည်အတွင်း နိုင်ငံရေး ရှုပ်ထွေးမှုတွေ အကျပ်အတည်းတွေ ပေါ်ပေါက်လာတယ်လို့ ပြောဆိုတာ ရှိသလို တခါတရံမှာတော့ တော်လှန်ရေးအဖွဲ့တွေဟာ တော်လှန်ရေးနည်းပညာ တက်သိနားလည်မှုမရှိ၊ တော်လှန်ရေး မဟာဗျူဟာမရှိ ဆိုကာ တော်လှန်ရေးအဖွဲ့တွေကို အပြစ်ဖို့တာတွေလည်း ပြုလုပ်လေ့ရှိတဲ့ ရှမ်းတပ်ဖွဲ့ ခေါင်းဆောင်လည်းဖြစ်ပါတယ်။

(စစ်တပ် ခြိမ်းခြောက်လာတဲ့ တိုက်လေယာဉ်ကို တွေ့ရစဉ်။ ဓာတ်ပုံ - Tai Freedom - Burmese Version)

■​ဆောင်းပါး

မန္တ​လေးကိုဖျက်ဆီး​နေတဲ့စစ်တပ်အ​စေခံပျူ​​တွေ

​ကတ်သရင်း​နှင်း/People's Spring

စီးပွါးရေးသမားချင်း လူမှုရေးပြသနာဖြစ်ရာကနေ TikTok ဆယ်လီ ဇော်ဝင်းမောင်က ​မေလလယ်ပိုင်းမှာ မန္တလေးမြို့ခံ ပျူစောထီးတွေကိုခေါ်ပြီး မိုက်ကြေးခွဲ စိန်ခေါ်ပြခဲ့တဲ့ ရုပ်သံဖိုင်​​ကြောင့် မန္တ​လေးမြို့မှာ စစ်တပ်လက်​အောက်ခံပျူ​စောထီး​တွေ ဘယ်​​​လောက်​သောင်းကျန်း​နေတယ်ဆိုတာ လူအများအာရုံစိုက်စရာဖြစ်လာပါတယ်။

တစ်​တော့ဆယ်လီ​ဇော်ဝင်း​မောင် အားကိုးတကြီး ပွဲထုတ်သူတွေဟာ စစ်တပ်လက်​အောက်ခံ ပျူစောထီး​တွေဖြစ်တဲ့ ပြည်ကြီးတံခွန်မြို့နယ်က ရပ်ကွက်ခေါင်းဆောင်လည်းဖြစ်ပျူတွေလည်းဖြစ်တဲ့ ချိုကြီး၊ကျော်သက်ရှည် (​ခေါ်) နှုတ်ခမ်း​မွေး၊ သင်ပန်းကုန်း ဘိုဘို တို့ဖြစ်ပါတယ်။

Tiktok ဆယ်လီ ဇော်ဝင်းမောင်ဟာ အာဏာသိမ်းကာလအစောပိုင်းက စစ်ခေါင်းဆောင်ကို လှောင်ပြောင်တဲ့ တစ်တော့ဗွီဒီယိုရိုက်လို့ဆိုပြီး ၂၀၂၃ ဇူလိုင်က ဖမ်းဆီးခံခဲ့ရဖူးပါတယ်။ နောက်ပိုင်းမှာတော့ စစ်တပ် အလိုကျနေထိုင်ပြီး စစ်တပ်နဲ့ ပူးပေါင်းနေလို့ ဝေဖန်ခံနေရသူ ဖြစ်ပါတယ်။

ဒီဖြစ်ရပ်ဟာ မန္တ​လေးမြို့မှာ စစ်တပ်လက်​အောက်
ခံ ပျူ​စောထီး​တွေရဲ့ ခြိမ်း​ခြောက်မှုဘယ်​လောက်ဆိုးဝါးတယ်ဆိုတာ၊ စစ်တပ်လက်​အောက်မှာ တ
ရားဥပ​ဒေစိုးမိုးမှု မရှိ​တော့ဘဲ ဖြစ်ချင်သလိုဖြစ်​နေတာ​တွေကို မီး​မောင်းထိုးပြခဲ့ပါတယ်။

စစ်အာဏာသိမ်းပြီးတဲ့နောက်ပိုင်း အရင်က ရပ်
ကွက်​တွေမှာ သောက်စားရမ်းကားအုပ်စုဖွဲ့ လု
ယက်မှုတွေကျူးလွန်ခဲ့ကြတဲ့ လူတွေ၊ တနည်းအားဖြင့် မ​ကောင်းမှုအကုန်လုပ်တဲ့ ဇိုး​တွေကို စစ်တပ်က ပျူစောထီး​တွေ ပြည်သူ့စစ်​တွေဆိုပြီး လက်နက်​တပ်ဆင်ပေးခဲ့ရာက​နေ ပြသာနာ​တွေ
စခဲ့ပါတယ်။

အဲဒီနောက် မန္တလေးမြို့မှာ ပျူစောထီး အဖွဲ့ပေါင်းစုံ ပေါ်ပေါက်လာခဲ့ပါတယ်။

စစ်တပ်အမာခံ​ထောက်ခံသလို စစ်တပ်အတွက်အလုပ်လုပ်​နေတဲ့ သက်န်းဝတ်ပေါက်ကိုယ်တော်ကလည်း “ဇရှိတဲ့ဇိုး တော်တော်များများကို စည်း
ရုံးနိုင်ခဲ့တယ်။မန္တလေးတကြော ဇိုးတော်တော်များများကို ကဲ မင်းတို့မဟုတ်တောင်မှ ဓားတရမ်းရမ်းနဲ့ မဟုတ်တောင်မင်းတို့ ရန်ဖြစ် နေသေးတယ်။အဲဒီတော့ တိုင်းပြည်အတွက် အကျိုးရှိရှိ သေနတ်ကိုင်”လို့ လူမိုက်​တွေကို စစ်တပ်လက်​အောက်ခံပျူ​တွေဖြစ်​အောင်လုပ်ပေးခဲ့တာကိုဂုဏ်ယူစွာ​​​မေလတတိယပါတ်မှာပြောပါတယ်။

အရင်ကတည်းက ဓားတရမ်းရမ်းနဲ့ ရမ်းကား နေတဲ့ လူရမ်းကားတွေဟာ သေနတ်ရပြီးတဲ့ နောက် မြို့ပေါ်မှာ မျောက်လက်ထဲမီး တုတ်ထည့်ပေးသ
လိုဖြစ်ခဲ့ပါတယ်။စစ်အာဏာသိမ်းပြီး ၂၀၂၃ခုနှစ်အတွင်းပျူစောထီးယူနီဖောင်း၊နဲ့ဦးထုပ်ဆောင်း
ကာ လုယက်မှုတွေ အကြိမ်ကြိမ်ဖြစ်လာပါတယ်။

ပျူ​တွေမှာတူညီတဲ့အချက်​တွေက​တော့ အာဏာ
သိမ်းစစ်တပ်ခိုင်းတာကိုလုပ်တာ ၊ပြည်သူကိုဖိနှိပ်တာ ၊ဆပ်​ကြေး​ကောက်တာ ၊စစ်တပ်အတွက်စစ်သားသစ်စု​ပေးတာ ၊​ပေါ်တာဆွဲတာ စတာ​တွေပဲဖြစ်ပါတယ် ။ဒါ့အပြင် အများစုက ပ​လေကပ် ပုဆိုး​တွေဝတ်တာ ၊​ဆေးမင်​ကြောင်ထိုးတာ၊Tiktok မှာကရတာ ၊ပရဟိတသမားလိုလို ဘုရားဒါကာလိုလို လုပ်ရတာကိုကြိုက်နှစ်သက်ကြတာကို​တွေ့ရပါတယ် ။

သေနတ်ပြဆိုင်ကယ်လုယက်မှု အပါအဝင် ၂၀၂၅ ခုနှစ်အတွင်း အရက်ဘားတခုမှာ လူငယ်ချင်းပြသနာဖြစ်ကြရာကနေ သေနတ်ထုတ်ပြပြီး ဆိုင်ကယ်
မရပ်ရင် ပစ်မယ်လို့ဆိုကာ ကားနဲ့လိုက်တိုက်လို့ လူငယ်အမျိုးသားတဦးသေကာ ၂ ဦးအပြင်း
အထန်ဒဏ်ရာရခဲ့တဲ့ဖြစ်ရပ်တွေရှိခဲ့ပါတယ်။ဒီဖြစ်ရပ် တွေမှာ ဒီနေ့အထိ စစ်ကောင်စီ တရားခံဖမ်းဆီးနိုင်ခြင်းမရှိ သေးတဲ့ အမှု တွေဖြစ်ပါတယ်။

အာဏာသိမ်းစစ်တပ်နဲ့​ပေါင်းပြီး ပြည်သူ​တွေကိုဖိနှိပ်ရမ်းကား​နေတဲ့ မန္တ​လေးမြို့ကပျူစောထီးတချို့အကြောင်း လေ့လာကြည့်ကြရအောင်ပါ။

●ရဲမွန်တောင်ပြည်သူ့စစ်

တော်လှန်ရေးတပ် တွေက တိုက်ခိုက်မှု များလာပြီးတဲ့ နောက် မဘသ ဘုန်းကြီး ဦးဝီရသူဟာ စစ်တပ်ကို ဝေဖန်လာခဲ့ပါတယ်။မန္တလေး-မင်းကွန်းလမ်းကို လုံခြုံရေးမပေးနိုင်တာကြောင့် ဦးဝီရသူရဲ့ မင်းကွန်းမှာရှိတဲ့ မဘသ (ဘက)ကျောင်းသားတွေ ရေကြောင်းက နေ စာမေးပွဲလာဖြေရတာကြောင့် မရမ်းခြံဆိပ်ကမ်းမှာ Video ရိုက်ကာ စစ်တပ်က ဝေဖန်ခဲ့တာပါ။ဒီရုပ်သံဖိုင်ဟာ တော်လှန်ရေးကာ
လအတွင်း ဦးဝီရသူရဲ့ နောက်ဆုံးအကြိမ် စစ်တပ်ကို ဝေဖန်တဲ့ရုပ်သံဖိုင်ဖြစ်ပါတယ်။

အဲဒီနောက် ဦးဝီရသူရဲ့တပည့်အရင်းဖြစ်သလို ၊စစ်တပ်က​မွေးထားတဲ့ပါတီတစ်ခုဖြစ်တဲ့တိုင်းရင်း
သားစည်းလုံးညီညွတ်​ရေးပါတီ(တစည)အမတ် နေမျိုးကျော်ဟာ ၂၀၂၃ခုနှစ်မှာ ရဲမွန်တောင်ပြည်
သူ့စစ်ကိုစတင်ဖွဲ့စည်းခဲ့ပါတယ်။

​ရွေး​ကောက်ခံအရပ်သားအစိုးရ လက်ထက်မှာ ​ခေါင်းစဥ်အမျိုးမျိုးနဲ့ ဆန္ဒပြတဲ့ အမျိုးသား​ရေးအစွန်း​ရော မဘသ ​တွေ ၊ စစ်တပ်အာဏာသိမ်းပြီး​တော့ PDF နဲ့​တော်လှန်​ရေးတပ်တွေကို ဆန္ဒပြတဲ့ သူတွေနဲ့စတင်ဖွဲ့စည်းခဲ့ပါတယ်။ ပြည်သူ​တွေက​တော့သူတို့က မဘသ​တွေ ၊ငါး​ထောင်စား​တွေလို့​ခေါ်ခဲ့ကြတာပါ။

နေမျိုးကျော်ဟာ ပေါက်ကိုယ်တော်ထက် ဦးဝီရသူနဲ့ပိုရင်းနှီးတဲ့ ဆက်ဆံရေးရှိပါတယ်။ အရင်ကတည်းက အမျိုးသားရေးလှုပ်ရှားမှုလို့နာမည်တပ်ပြီး လက်ပတ်နီလူရမ်းကားအဖွဲ့အစည်း​တွေကို ကိုင်တွယ်ခဲ့သူ​တွေထဲကတစ်ဦးပါ။

ရဲမွန်တောင်ပြည်သူ့စစ်လို့နာမည်တပ်ပြီးကာကွယ်
ရေးဦးစီးချုပ်ရုံး(ကြည်း)-ကက(ကြည်း)မှာနာ
မည်ပေါက်ဖြစ်ဖို့ တိုက်ပွဲတွေမှာ ပါဝင်ခဲ့ပါတယ်။တပ်ဖွဲ့အင်အား၆၀၊အရံအင်အား၃၀နဲ့ စတင်ဖွဲ့စည်းခဲ့တယ်လို့ မီဒီယာတခုနဲ့အင်တာဗျူးမှာတော့ ရဲမွန်တောင်ပြည်သူ့စစ်အဖွဲ့ခေါင်း ဆောင် နေမျိုးကျော်က ပြောထားပါတယ်။

၁၀၂၇စစ်ဆင်ရေး ပထမလှိုင်းမှာ မတ္တရာမြို့နယ်၊အရှေ့ခြမ်းက ကျောက်တံတားရွာ အနီးမှာ ဒီအဖွဲ့ကနာမည်အကြီးဆုံးခေါင်းဆောင် ဗိုလ်ဟိန်း သေ
ဆုံးခဲ့ပါတယ်။အဲဒီနောက် ဒေသခံမဘသတွေကို
ရဲမွန်တောင်ပြည်သူ့စစ်က ထပ်မံခေါ်ယူခဲ့ပြီး ရှေ့
တန်းပို့ခဲ့ပါတယ်။

၁၀၂၇စစ်ဆင်ရေးတလျှောက် ရဲမွန်တောင်ပြည်
သူ့စစ်တပ်ဖွဲ့ဝင် ၃၀ ​ကျော်သေဆုံးခဲ့တယ်လ်ို့ နေမျိုးကျော်ကပြောထားပါတယ်။

လက်ရှိ အင်အား ၃၀၀ နဲ့ ၅၀၀ကြားရှိတယ်လို့ ဆိုပါတယ်။ဒီအဖွဲ့ဟာ တော်လှန်ရေးတပ်တွေ နယ်
မြေ စိုးမိုးနိုင်ချိန်မှာ မြို့အဝင်အထွက်စစ်ရေး ဂိတ် တွေမှာ စစ်ဆေးရေးတာဝန်ယူခဲ့ပါတယ်။
ငွေညှစ်ရာမှာ နာမည်အကြီးဆုံး မန္တလေး-ပြင်ဦးလွင်လမ်းမှာ ရဲမွန်တောင်ပြည်သူ့စစ်ဂိတ်ထိုင်ခဲ့ပြီး လမ်းတလျှောက် နာမည်ဆိုးနဲ့ အကျော်ကြားဆုံး ဂိတ်ဖြစ်ပါတယ်။

ရဲမွန်တောင်ပြည်သူ့စစ်ပျူတွေဟာ အိမ်စီးကားနဲ့ ပေါ်တာဆွဲတာ၊လူငယ်ချင်းစကားများရာမှာ အုပ်စုဖွဲ့ သတ်ဖြတ်တာတွေမှာ နာမည်ဆိုးနဲ့ ကျော်ကြားပါတယ်။

●ပြည်ကြီးတံခွန် ပြည်သူ့စစ်

ပေါက်ကိုယ်တော် တပည့်အရင်းစံရှားဦးဆောင်ပြီး ခိုး၊ဆိုး၊လုယက်လူပေါင်းများစွာ ပျူအဖွဲ့များစွာရှိတဲ့ မြို့နယ်ဖြစ်ပါတယ်။

ပြည်သူ နေအိမ်တွေကို ရပ်ကွက်အလိုက် ဖျက်ဆီးကာ မြေအကွက်ရိုက်ရောင်းချတာ၊စလစ်မြေတွေကို စည်ပင်နဲ့ ပေါင်းဂရံထုတ်တာ ပြန်လည်ရောင်း
ချမှု ကို အများအပြားလုပ်ပါတယ်။ပြည့်တန်ဆာ လုပ်ငန်းကို ခြံဝန်းတွေနဲ့ အများပြားလုပ်သလိုလိင်
အမြတ်ထုတ်မှု၊လောင်းကစားမှုတွေမှာ နာမည်အကြီးဆုံးပါ။

ရပ်ကွက်အလိုက်စစ်မှုထမ်းကြေးလစဉ်တောင်းသလို သားယောကျာ်းလေး မွေးထားတဲ့ လုပ်ငန်းရှင် တွေဆီရာနဲ့ချီငွေတောင်းကာ တမြို့လုံးအနှံ့ ပေါ်တာဆွဲတဲ့အဖွဲ့အစည်းဖြစ်တယ်လို့မြို့ခံ တွေက ပြောပါတယ်။

စံရှားဟာ အငြိမ်းစားဗိုလ်မှူးကြီး တဦးရဲ့မြေကိုလုယက်ကြရာကနေ လက်ရှိဖမ်းဆီးခံထားရသူပါ။
စံရှားဖမ်းခံရပြီးတဲ့နောက် သူ့တပည့် တံခွန်တိုင်ပြည်သူ့စစ်ခေါင်းဆောင် အောင်သက်ထွေး(ခ)
နှုတ်ခမ်းမွှေးအဖွဲ့လည်း စစ်တပ်အရာရှိသားကိုပေါ်တာဆွဲမှုနဲ့ နောက်ထပ်မြေယာအမှု အတွက် စစ်တပ်ကလက်နက်ဖြုတ်သိမ်းတဲ့ သတင်းတွေထွက်ခဲ့ပါသေးတယ်။

စံရှားဖမ်းဆီးခံရပြီးတဲ့နောက် ပျူအဖွဲ့ကို သားဖြစ်သူ ကျော်သက်ရှားက ပြန်လည်ဦး ဆောင်ခဲ့ပြီး လက်ရှိ ပြည်ကြီးတံခွန်မြို့နယ်ထဲမှာ ပြည့်တန်ဆာလုပ်ငန်း၊မူးယစ်ဆေးနဲ့ လောင်းကစားဝိုင်းတွေလုပ်ကိုင် နေတာပါ။

ပြည်ကြီးတံခွန်ပြည်သူ့စစ်နဲ့ ရဲမွန်တောင်ပြည်
သူ့စစ်တို့က ဆရာတူတပည့် တွေဖြစ်ပြီး သူတို့လက်အောက်မှာ ရပ်ကွက် တွေအလိုက် ချိုကြီး၊သင်ပန်းကုန်းဘိုဘို၊အောင်နိုင်ထွေး(ခ)နှုတ်ခမ်းမွှေး၊ဂူဂူးဆိုပြီး ရပ်ကွက် ခေါင်းဆောင် တွေပြန်ထားထားတယ်လို့သိရပါတယ်။

ဒီလူတွေရဲ့ အောက်မှာ အသက်မပြည့်သေးတဲ့ ကလေးတွေအပါအဝင် အရင်က ပလုံကောက်တဲ့ကလေးတွေကိုပါအဖွဲ့ထဲဝင်ခိုင်းထားပြီး ပျူအုပ်စုတွေ ဖွဲ့ထားတာလို့ စုံစမ်းသိရပါတယ်။

ဒီပျူအုပ်စုတွေဟာ မန္တလေးမြို့မှာ ပေါ်တာဆွဲတာ၊လမ်းသွားလာနေတဲ့ လူငယ်တွေကို စိန်ခေါ်ပြီး ပျူအုပ်စုကို ပြန်ခေါ်ကာ အုပ်စုနဲ့ရိုက်နှက်တာ တွေလုပ်လေ့ရှိတယ်လို့ မြို့ခံ တွေက ပြောပါတယ်။
ဒီလို ပျူတွေအုပ်စုဖွဲ့ရမ်ကားတာနဲ့လပတ်သက်ပြီး
"အားလုံးကထိခိုက်တာပါဘဲဆပ်ကြေးကောက် တာမထင်ရင်မထင်သလို မိုက်ကြေးခွဲပေါ်တာဆွဲ"တယ်လို့ဒေသခံတဦးကပြောပါတယ်။

●ဗိုလ်စနေ

မန္တလေးမြို့မှာပျူစောထီးတွေမ​ပေါ်ခင်ကတည်း
ကစစ်တပ်နဲ့ရဲပါမထိရဲတဲ့ မူးယစ်ရာဇာတဦးရှိပါတယ်။သူ့သားကတော့ မန္တလေးမှာ မသိတဲ့သူမရှိတဲ့ မြောက်ပြင်လူဆိုးခေါင်းဆောင် ဗိုလ်စနေပါ။

ဗိုလ်စနေရဲ့ဖခင်ဟာမြို့ခံတွေကြားထဲ မသိတဲ့သူရှားပြီး အရင်က မူးယစ်ဆေးဝါးကို အထက်မြန်မာပြည်တခုလုံးဖြန့်ဖြူးခဲ့လို့ မန္တလေးရဲ့ စံပါယ်ပွင့်ကြီးလို့ပါအမည်​ပြောင်​ပေးထားကြပါတယ်။

မန္တလေးမြို့၊အောင်မြေ သာစံမြို့နယ်၊၁၉လမ်း၊၈၆ လမ်းနဲ့၈၇လမ်းကြားမှာ နံကပ်တိုက်နဲ့ သစ်စက် စီးပွားရေးလုပ်ငန်း အပြထားပြီး ကမ်းနားလမ်းတလျှောက်က မူးယစ်ဆေးဘိတွေ ရဲ့ ခေါင်းကိုင်ပါ။

အရပ်သားအစိုးရလက်ထက်ဖမ်းဆီးဖို့လုပ်တာ​ကြောင့် ပျောက်သွားခဲ့တဲ့ ဗိုလ်စနေဟာ အာဏာ
သိမ်းစစ်တပ်လက်​အောက်မှာ လောင်းကစား
ဝိုင်း၊တကျော့ပြန်လာတဲ့ မူးယစ် မျိုးစုံနဲ့ ပြန်ပေါ်လာပါတယ်။

“၂၀၀၉လောက်ကတည်း ဗိုလ်စနေက အခုထိ မြောက်ပြင် တကျော်စိုးမိုးထားတုန်းပဲ။အခုထိလည်း မြောက်ပြင်မှာဗိုလ်စနေလူမိုက်အဖွဲ့နဲ့ ပုသိမ်
ကြီး မြို့မပြည်သူ့စစ်အဖွဲ့က သောင်းကျန်းနေတုန်းပဲ”လို့ အောင်မြေသာစံမြို့နယ်က ပြည်သူတဦးက ပြောပါတယ်။

ဗိုလ်စနေကိုတော့ ပေါက်ကိုယ်တော်က မိတ်ဖက်ဖွဲ့စည်းခဲ့ပြီး ဗိုလ်စနေအဖွဲ့က အရက်ဘားတွေကိုလုံခြုံရေးယူတာ၊မူးယစ်ဆေးပို့ပေးတာ၊ရောင်းချတာနဲ့ ဒီနောက်ပိုင်း ပေါ်တာဆွဲတညတွေကို လုပ်​နေတယ်လို့ စုံစမ်းသိရပါတယ်။

ဒီအဖွဲ့ဟာ အောင်မြေသာစံပြည်သူ့စစ်ယူနီဖောင်း
(အစိမ်းရောင်တွေ)ဝတ်လေ့လည်းရှိတယ်လို့သိရပါတယ်။

ဒီအဖွဲ့ဟာ ၆ကောင်ဂျင်(ပုံဝိုင်း)တွေ အများဆုံးရှိတဲ့ အောင် မြေသာစံမြို့နယ်၊ညောင်ကွဲရပ်ကွက်မှာ ရုံးအထိုင်ပုံစံမျိုး နေအိမ်တခုရှိပြီး အဲဒီနေရာကို စုရပ် သဘောမျိုးနေထိုင်တယ်လို့ သိရပါတယ်။

ဒီလိုလူတွေစုပေါင်းပြီးဥပဒေမဲ့လူမိုက်ဂိုဏ်းအဖြစ်
ဖွဲ့စည်းပြီးဒုစရိုက်လုပ်ငန်း တွေလုပ် နေမယ့် စစ်
တပ်ကအရေးယူခြင်းမရှိပါဘူး။

စစ်တပ်အရာရှိအကြီးပိုင်းနဲ့ ညိတဲ့ မြေယာကိစ္စလောက်ကိုသာ လက်ဝါးချင်းရိုက်အရေးယူခဲ့ပြီး
ဒီလူတွေဟာအကျဉ်းထောင်ထဲမှာလည်း အခွင့်ထူးခံဖြစ်နေပြန်ပါတယ်။ ​​ထောင်ကျတဲ့ပျူ​တွေကလည်း​ထောင်ထဲမှာ ​ထောင်အာဏာပိုင်​တွေနဲ့​ပေါင်းပြီး ​နေရာ​ရောင်းစားတာ ၊နိုင်ငံ​ရေးအကျဥ်းသား​တွေကို နှိပ်စက်တာ လုပ်​နေတယ်လို့ အကျဥ်း​ထောင်နဲ့ နီးစပ်သူအချို့က​ပြောပါတယ်။

ဒီပျူအုပ်စုတွေဟာ အိမ်စီးကားနဲ့ ပေါ်တာဆွဲတာတွေကို လစဉ်ပြုလုပ် နေပြီး ယခုလည်း မန္တလေးမြို့က လမ်းတွေပေါ်မှာ လိုင်စင်မဲ့ကားနဲ့ ဆက်
တိုက်ပေါ်တာဆွဲတာတွေထပ်မံပြုလုပ်နေပါတယ်။

စစ်တပ်ရဲ့အ​စေခံ ပျူ​စောထီး​တွေ နဲ့ပတ်သက်လို့
စစ်ကိုင်းတိုင်းအခြေစိုက် နိုင်ငံရေးလှုပ်ရှားနေသူတစ်ဦးက "တိုင်းပြည်က တဖြေးဖြေးနဲ့ကြောက်စရာကောင်းလာပြီ။ မြို့ပြမှာ အာဏာရှင်လက်
သပ်မွေးထားတဲ့လူဆိုးလူမိုက်သူခိုးဂျပိုးကောင်တွေက ပရဟိတသမားတွေသယောင် သူတော်
ကောင်းတွေဖြစ်လို့ လူမိုက်ကွန်ယက်တွေချိတ်
ဆက်ပြီး ခြိမ်းခြောက်မိုက်ကြေးခွဲပြနေကြတဲ့ ခေတ်ကိုရောက်နေပြီ။ ကျနော်တို့က စစ်အာ
ဏာရှင်ကိုတော်လှန်ရတာတမျိုး သူတို့ရဲ့လက်
ပါးစေ လူဆိုးလူမိုက်သူခိုးဂျပိုးတွေပါ မနှိမ်နင်းနိုင်ရင်တော့ ပြည်သူတွေဘဝက မတွေးရဲစရာပါပဲ"လို့လူမှုကွန်ရက်မှာ ရေးသားထားပါတယ်။ ။

ဒေါ်အောင်ဆန်းစုကြည် သက်ရှိထင်ရှားရှိကြောင်းသက်သေပြပေးဖို့ ဗြိတိန်ရောက်မြန်မာတွေဆန္ဒထုတ်​ဖော်

မေ-၂၈၊၂၀၂၆။ သုည/People's Spring

ဗြိတိန်နိုင်ငံ၊လန်ဒန်မြို့မှာ ဗြိတိန်​ရောက်မြန်မာနိုင်ငံသားတွေ စုပေါင်းပြီး လူထုခေါင်းဆောင် ဒေါ်အောင်ဆန်းစုကြည် သက်ရှိထင်ရှားရှိနေကြောင်းသက်သေပြပေးဖို့ အတွက် "PROOF OF LIFE" လှုပ်ရှားမှုကို မေ ၂၆ရက်က ပြုလုပ်ခဲ့ပါတယ်။

"PROOF OF LIFE" လှုပ်ရှားမှုကို လန်ဒန်မြို့ရှိ မြန်မာစစ်သံရုံး၊ ထိုင်းသံရုံး နဲ့ ရုရှားသံရုံးရှေ့တို့မှာ ဆန္ဒပြခဲ့ပြီး Myanmar Unity Movement အဖွဲ့က ဦးဆောင်ကာ ​​ဗြိတိန်နိုင်ငံရောက် မြန်မာ့ဒီမိုကရေစီရေးလှုပ်ရှားသူတွေ ပူးပေါင်းပါဝင်ခဲ့ပါတယ်။

"ငါတို့အမေ ငါတို့ပိုင်တယ်ငါတို့အမေငါတို့ပြန်ပေး ငါတို့အမေ ငါတို့ပြန်ရအောင်ယူမယ်"ဆိုတဲ့ ကြွေး
ကြော်သံတွေနဲ့ ဗြိတိန်ရောက်မြန်မာတွေကက တောင်းဆိုဆန္ဒပြခဲ့ပါတယ်။

ဆန္ဒပြမြန်မာတွေက "Proof of Life Right Now" စာသားနဲ့ ဒေါ်အောင်ဆန်းစုကြည် ရုပ်ပုံတွေ ကိုင်ဆောင်ပြီး နိုင်ငံတော်အတိုင်ပင်ခံပုဂ္ဂိုလ် လူထုခေါင်းဆောင် ဒေါ်အောင်ဆန်းစုကြည် သက်ရှိထင်ရှားရှိကြောင်း ခိုင်လုံတဲ့သက်သေပြပေးဖို့ တောင်းဆိုခဲ့တဲ့အပြင် မြန်မာစစ်အုပ်စုအား နိုင်ငံ
တကာက ဖိအားပေးဖို့အတွက် ဆန္ဒထုတ်ဖော်ခဲ့ပါတယ်။

ဒါ့အပြင် ထိုင်း နဲ့ ရုရှား နိုင်ငံအနေနဲ့ အာဏာသိမ်းခေါင်းဆောင်မင်းအောင်လှိုင် အသက်ဆက်ရန်ကြိုးစားနေမှုကို ဆန့်ကျင်ကန့်ကွက်ရန်၊ ထိုင်းရောက် ခေတ္တခိုလှုံရာ မြန်မာတွေအတွက် စာနာနားလည်မှုရှိနေပေးရန်နဲ့ စစ်အုပ်စုကို ထောက်ပံ့ပြုနေခြင်းကို အခြားနည်းလမ်းတွေနဲ့ ပံ့ပိုးကူညီနေမှု ရပ်တန့်စေဖို့ရန် တိုက်တွန်းဆန္ဒပြခဲ့ပါတယ်။

ဒေါ်အောင်ဆန်းစုကြည် ကျန်းမာကြောင်း သက်
သေပြပေးဖို့ တောင်းဆိုတဲ့ Proof of Life ကမ်ပိန်းကို ဧပြီ ၂၁ ရက်က စတင်ခဲ့တာ ဖြစ်ပါတယ်။

ဒေါ်အောင်ဆန်းစုကြည်ကို အာဏာသိမ်းစစ်တပ်က မတရားဖမ်းဆီးခဲ့တဲ့ အချိန်ကတည်းက ပြင်ပနဲ့ အဆက်အသွယ်ဖြတ်တောက်ခဲ့ပြီး သတင်းဖုံးထားတာကြောင့် သားဖြစ်သူ ကိုထိန်လင်း(ခ) ကင်မ်အဲရစ်အပါအဝင် ပြည်သူတွေက စိုးရိမ်နေကြတာပါ။

Proof Of Life ကမ်ပိန်းမှာ ပါဝင်လိုသူတွေအနေနဲ့ ဒေါ်အောင်ဆန်းစုကြည် ကျန်းမာကြောင်း သက်
သေပြပေးဖို့ ဆိုရှယ်မီဒီယာကနေ ကိုယ့်ရဲ့ခံစားချက်တွေအတိုင်း တောင်းဆိုဖို့နဲ့ ကိုယ်နေထိုင်တဲ့ နိုင်ငံတွေက သက်ဆိုင်ရာအစိုးရဌာနတွေကနေ ဒေါ်အောင်ဆန်းစုကြည် အသက်ရှင်ကြောင်း အထောက်အထားတစ််ခုခု စစ်တပ်ကထုတ်ပြန်ပေးဖို့ အကူအညီတောင်းဆိုမှု လုပ်ဆောင်နေတာ ဖြစ်ပါတယ်။

ရုပ်သံ - Myanmar Unity Movement

စစ်တွေမှာ ရိုဟင်ဂျာအပါအဝင် ဒေသခံတွေကို စစ်တပ် ဖမ်းဆီးမှုကြမ်းနေ

၂ပတ်အတွင်း ဖမ်းဆီးခံရသူ ၁၆ ဦးထက်မနည်းရှိပြီ

မေ ၂၈၊ ၂၀၂၆ ။ခိုင်မြတ်/People’s Spring

အာဏာသိမ်းစစ်တပ် ထိန်းချုပ်ထားတဲ့ ရခိုင်ပြည်နယ်မြို့တော် စစ်တွေမြို့မှာ ရိုဟင်ဂျာဒုက္ခသည်တွေအပါအဝင် ဒေသခံအရပ်သားပြည်သူတွေကို စစ်တပ်က ဖမ်းဆီးမှုတွေ ဆက်တိုက်လုပ်နေပြီး အခု ၂ပတ်အတွင်း ဖမ်းဆီးခံရသူ ၁၆ ဦးထက်မနည်း ရှိသွားခဲ့ပြီလို့ မြို့ခံတွေက ပြောပါတယ်။

ဖမ်းဆီးခံရသူတွေမှာ ရိုဟင်ဂျာ ၁၃ ဦး၊ ရခိုင်လူငယ် ၃ ဦးတို့ပါဝင်ပြီး ပြီးခဲ့တဲ့ မေလ ၁၆ ရက်ကနေ မေလ ၂၇ ရက်ထိ စစ်တပ်ရဲ့ ဖမ်းဆီးခံခဲ့ရတာဖြစ်ပါတယ်။

“မနေ့က မင်းဂံမှာ သားဖနှစ်ယောက်အဖမ်းခံရတယ်။ ဘေးတွဲမောင်းစားနေတဲ့ မိသားစုတွေ။ အဲဒါ အိမ်ကို ဝင်ဖမ်း တာ။ အခုနောက်ပိုင်းအဖမ်းအဆီးတွေ အရမ်းများလာတယ်။ ညဆိုရင် လဗွီ(ALP)နဲ့ စစ်တပ်ကကောင်တွေ ကားနဲ့ တမြို့လုံးပတ်ပြီး ဧည့်စာရင်းစစ်တယ်၊ ဖမ်းတယ်လုပ်နေတာ” လို့ စစ်တွေမြို့ မင်းဂံရပ်ကွက်မှာ နေထိုင်တဲ့ အမျိုးသားတစ်ဦးက ပြောပါတယ်။

မနေ့က မေလ ၂၇ ရက် ညပိုင်းမှာ ဖမ်းဆီးခံခဲ့ရတဲ့သူတွေဟာ အသက် (၆၀)ဝန်းကျင်အရွယ်ဖခင်ဖြစ်သူနဲ့ အသက် (၂၀)ဝန်းကျင်အရွယ်သားဖြစ်သူတို့ဖြစ်ပြီး နာမည်တွေကိုတော့ မသိရသေးပါဘူး။

ဒါ့အပြင် ပြီးခဲ့တဲ့ မေလ ၂၃ ရက်နဲ့ ၂၄ ရက်တို့ကလည်း စစ်တွေမြို့ သဲချောင်း၊ အုန်းတောကြီး၊ သက်ကယ်ပြင် ရို ဟင်ဂျာဒုက္ခသည်စခန်းတို့မှာနေထိုင်တဲ့ ရိုဟင်ဂျာ ၄ဦးကို စစ်တပ်က ဖမ်းဆီးသွားခဲ့ပါတယ်။ စစ်တပ်ဟာ အင်အားအများအပြားနဲ့ ဒုက္ခသည်စခန်းနေအိမ်ထဲထိ အင်အားသုံးဝင်ရောက်ပြီး သေနတ်တွေနဲ့ ခြိမ်းခြောက်ဖမ်းဆီး သွားခဲ့တာပါ။

“မူဆလင်တွေကို အငြိုးထားတယ်။ မတရားဝင်ဖမ်းတယ်။ အရင်တုန်းကလည်းက အဖမ်းခံရတဲ့သူတွေ အခုထိ ပြန်မလွှတ်။ တခါတည်း စစ်တပ်ကို ပို့ထားတယ်။ တရားရုံးလည်း မတင်ဘူး။ လူငယ်ပိုင်းတွေဆိုရင် စစ်မှုထမ်းပို့ တယ်” လို့ စစ်တွေမြို့ သက်ကယ်ပြင်ရိုဟင်ဂျာဒုက္ခသည်စခန်းမှာ နေထိုင်တဲ့ ရိုဟင်ဂျာလူငယ်တစ်ဦးက ပြောပါ တယ်။

ပြီးခဲ့တဲ့ မတ်လ ၁၆ ရက်ကနေ ၁၈ ရက်အတွင်းမှာလည်း စစ်တွေမြို့နယ် ဒါးပိုင်၊ အုန်းတောကြီးရိုဟင်ဂျာ ဒုက္ခသည်စခန်းတွေမှ ရိုဟင်ဂျာအမျိုးသမီးတွေအပါအဝင် ၉ဦးကိုလည်း ဖမ်းဆီးသွားကာ အခုထိ ပြန်မလွှတ် သေးပါဘူး။

အလားတူပဲ မေလ ၂၁ ရက်ကလည်း စစ်တွေမြို့ ဆတ်ရိုးကျရပ်ကွက်က ရခိုင်လူငယ် ၁ဦးဖြစ်တဲ့ ကိုချစ်လှိုင်ဆို သူကိုလည်း အာဏာသိမ်းစစ်တပ်က ဖမ်းဆီးသွားခဲ့ပါတယ်။

အာဏာသိမ်းစစ်တပ်ဟာ ရခိုင်ဒေသတိုက်ပွဲတွေစဖြစ်ခဲ့တဲ့ ၂၀၂၃နှောင်းပိုင်းကတည်းက စစ်တွေမြို့ပေါ်နဲ့ အနီးဝန်းကျင်ကျေးရွာမှ ရိုဟင်ဂျာတွေအပါအဝင် ဒေသခံအရပ်သားပြည်သူ ရာချီကို ဖမ်းဆီး၊ သတ်ဖြတ်မှုတွေ ဆက် တိုက်လုပ်လာခဲ့တာဖြစ်ပြီး အချို့ကို တရားရုံးတင်အမှုဖွင့်ပေမယ့် အချို့ကိုတော့ စစ်သင်တန်းပေး၊ ရှေ့တန်းပို့တာ တွေ ဆက်တိုက်လုပ်လာခဲ့တာပါ။

ဖမ်းဆီးခံရသူတွေထဲမှာ ရိုဟင်ဂျာတွေအများစုပါဝင်ပြီး ရခိုင်ဒေသတိုက်ပွဲစဖြစ်ချိန်ကနေအခုထိ စစ်တွေမြို့နယ် အတွင်းမှ အသက်မပြည့်သေးသူတွေအပါအဝင် ဖမ်းဆီး၊ စစ်မှုထမ်းပို့ခံရတဲ့ ရိုဟင်ဂျာတရာကျော်ရှိပြီလို့ စစ်တွေ မြို့ ဘုမေရပ်ကွက်မှာ နေထိုင်တဲ့ ရိုဟင်ဂျာလူငယ် ၁ဦးက သူသိထားတဲ့အချက်အလက်တွေကို ပြောပြပါတယ်။

“ဖမ်းရင်လည်း ဘာကြောင့်ဖမ်းတယ်ဆိုတာ ပြောပြရမယ်။ ဥပဒေမဲ့လုပ်လို့မရဘူး။ စစ်ကောင်စီနဲ့ ပေါင်းနေတဲ့သူ တွေကိုဆိုရင် စစ်တပ်က အခွင့်အရေးတွေပေးထားတယ်။ သူတို့နဲ့ မပေါင်းတဲ့သူတွေကို ဖမ်းတယ်။ ငါးဖမ်းခွင့်တွေ တောင် မပေးဘူး။ ငတ်နေကြတာ စစ်တွေက ရိုဟင်ဂျာတွေက” လို့ ၎င်းက ဆိုပါတယ်။

လက်ရှိမှာ စစ်တွေမြို့အနီး ရွှေမင်းဂံရေတပ်စခန်းနဲ့ ကျားမသောက်တပ်ရင်းတွေအနီးမှာ တိုက်ပွဲတွေဖြစ်ပွားနေပြီး စစ်တွေမြို့ပေါ်မှာလည်း ညမထွက်ရအမိန့်ထုတ်ထားကာ စစ်ကားတွေနဲ့ ညစဉ်ညတိုင်း ကင်းလှည့်၊ စစ်ဆေး၊ ဖမ်းဆီးမှုတွေ လုပ်နေတယ်လို့ မြို့ခံတွေက ပြောပါတယ်။

ဒါ့အပြင် အာဏာသိမ်းစစ်တပ်ဟာ ခြံစည်းရိုးကာရံထားတဲ့ စစ်တွေမြို့ ကမ်းနားလမ်းမှာလည်း ဘန်ကာတွေ ဆောက်နေပြီး မြို့ပတ်လည် မြစ်၊ ချောင်းကမ်းစပ်တွေမှာလည်း မြေမြှပ်မိုင်းတွေ ထောင်ထားပါတယ်။ အာဏာ သိမ်းစစ်တပ်ဟာ ရခိုင်ပြည်နယ်အတွင်းက မြို့တွေ သိမ်းပိုက်ခံရပြီးနောက် စစ်တွေမြို့အနီးရှိ ဗျိုင်းဖြူရွာမှ ရွာသား ၇၆ ဦးကို ဖမ်းဆီး၊ ပစ်ခတ်သတ်ဖြတ်ခဲ့ပြီး ရွာသားတရာကျော်ကို အမှုဖွင့်တရားစွဲဆိုခဲ့ပါတယ်။

ဒါ့အပြင် စစ်တပ်ဟာ စစ်တွေမြို့အနီးပတ်လည်က ကျေးရွာပေါင်း ၂၀ဝန်းကျင်ကိုလည်း ဖျက်ဆီး၊ လူတွေ နှင်ထုတ်ပြီးနောက် စစ်စခန်းလုပ်ထားပါတယ်။

(စစ်တွေမြို့ အစိုးရအဖွဲ့ရုံးရှေ့မှာ သွားလာနေတဲ့ စစ်တပ်ကားတစ်စီး၊ ဓာတ်ပုံ - CJ)

●အမှားပြင်ဆင်ချက်

People's Spring သတင်းဌာနက ​မေလ ၂၈ ရက်မနက်ပိုင်းမှာ "KIA ကို စိန်ခေါ်ထားတဲ့ ဝါရာ
ဇွပ်ပြည်သူ့စစ်တပ်သားကို KIA အရှင်ဖမ်းဆီး"
ဆိုပြီး သတင်း​မှားကိုဖော်ပြမိခဲ့ပါတယ်။ သတင်းမှားယွင်း​ဖော်ပြမှုအတွက် စာဖတ်ပရိတ်နဲ့ ပြည်သူ​တွေကို ​တောင်းပန်အပ်ပါတယ်။

ပြည့်တန်ဆာလုပ်ငန်းကို ရာဇဝတ်မှု အဖြစ်ကနေ ပယ်ဖျက်ပေးဖို့ ဥပဒေမူကြမ်းကို ထိုင်းမှာ အဆိုတင်

​မေ -၂၈ -၂၀၂၆။ People's Spring

ထိုင်းမှာ ပြည့်တန်ဆာ လုပ်ငန်းကို ရာဇဝတ်မှုအဖြစ် သတ်မှတ်ခြင်းကနေ ဖယ်ရှားဖို့၊ လိင်လုပ်သားတွေအပေါ် အကာအကွယ်တွေ တိုးမြှင့်ပေးဖို့ အဆိုကြမ်း တစ်ခုကို လွှတ်တော်ဆီ တင်ပြထားခဲ့ပါတယ်။

အဲဒီ အဆိုကြမ်း တင်သွင်းနိုင်ရေးကို ထိုင်းနိုင်ငံမှာရှိတဲ့ လိင်လုပ်သားတွေအရေး တက်ကြွလှုပ်ရှားတဲ့ ဖောင်ဒေးရှင်း တစ်ခုက ဦးဆောင် စည်းရုံးခဲ့တာ ဖြစ်ပါတယ်။ မေလ ၂၈ ရက်နေ့မှာတော့ Empower ဖောင်ဒေးရှင်းဟာ ထိုင်းအောက်လွှတ်တော် အမတ်တွေဆီကို လိင်လုပ်သားများ ကာကွယ်ရေး အက်ဥပဒေကို အောင်အောင်မြင်မြင် ပို့ဆောင်နိုင်ခဲ့တာ ဖြစ်ပါတယ်။

အဲဒီ ဥပဒေမူကြမ်းကို လက်ခံရရှိခဲ့ပြီး ညှိနှိုင်းဆွေးနွေးသွားမယ်လို့ အောက်လွှတ်တော် ဥက္ကဋ္ဌ ဆိုဖွန် ဇာရွမ်ကိုယ်စား သူ့ရဲ့ ပြောရေးဆိုခွင့်ရ အရာရှိက အတည်ပြုခဲ့ပါတယ်။

အောက်လွှတ်တော်ရဲ့ ဥပဒေ၊ တရားစီရင်ရေးနဲ့ လူ့အခွင့်အရေး ကော်မတီ ကိုယ်စားလှယ်တွေ၊ ပြည်သူ့ပါတီနဲ့ ဖျူထိုင်းပါတီ ကိုယ်စားလှယ်တွေဟာလည်း အဲဒီ အဆိုကြမ်း တင်သွင်းမှု အစီအစဉ်မှာ ရှိနေခဲ့ကြပါတယ်။

၁၉၉၆ ခုနှစ်မှာ ပြဋ္ဌာန်းခဲ့ပြီး လက်ရှိ ကျင့်သုံးနေတဲ့ ပြည့်တန်ဆာ တိုက်ဖျက်ရေးနဲ့ တားဆီးရေး ဥပဒေဟာ ခေတ်မမီတော့ကြောင်း၊ ကိုယ်ပိုင် စိတ်ဆန္ဒအရ အဲဒီ အလုပ်နဲ့ အသက်မွေးတဲ့ လိင်လုပ်သားတွေဟာ ဒီဥပဒေကြောင့် အမြတ်ထုတ်ခံရတာ၊ စော်ကားခံရတာ၊ ခွဲခြားဆက်ဆံ ခံရတာတွေ ကြုံနေကြောင်း ဖောင်ဒေးရှင်းရဲ့ကိုယ်စားလှယ် တစ်ဦးက ပြောကြားခဲ့ပါတယ်။

အခု ဥပဒေ မူကြမ်းဟာ ပြည့်တန်ဆာ အလုပ်ကို အားပေး အားမြှောက်တာ မဟုတ်ကြောင်း၊ ဒါပေမဲ့ ကိုယ်ပိုင် ခံယူချက်နဲ့ ဆုံးဖြတ် ရွေးချယ်ခဲ့သူတွေအပေါ် လေးစားမှု ပြသဖို့၊ သူတို့တွေဟာ တခြားသူ အားလုံးနဲ့တန်းတူ အခြေခံ အခွင့်အရေးတွေ ရရှိနိုင်ဖို့ ရည်ရွယ်ထားတာ ဖြစ်တယ်လို့လည်း သူက ဆိုပါတယ်။

ပြည့်တန်ဆာ ကိစ္စနဲ့ ပတ်သက်ပြီး ဝန်ဆောင်မှု ပေးသူတွေနဲ့ ဖောက်သည်တွေကြားမှာ ရှိနေတဲ့ မတူညီတဲ့ စိုးရိမ်မှုတွေနဲ့ ပတ်သက်ပြီးလည်း ထိရောက်တဲ့ ဥပဒေဘောင် စည်းမျဉ်းတွေနဲ့ ကာကွယ်ပေးသင့်ကြောင်း ဖောင်ဒေးရှင်းဖက်က သဘောထားမှတ်ချက် ပေးထားပါတယ်။

ပြည်တွင်းမှာ ပြည့်တန်ဆာ လုပ်ငန်းတွေဟာ အတိုင်းအတာ တစ်ခုထိ ပွင့်လင်းပေမယ့် ထိုင်းနိုင်ငံရဲ့ လူ့အဖွဲ့အစည်းဟာ သာမန်အားဖြင့်တော့ ရှေးရိုးစွဲဆန်တဲ့ ကွန်ဆာဗေးတစ်တွေ များပြားပါတယ်။

ကိုးကား: Khaosod

ဓါတ်ပုံ: Khaosod

ခေတ်အဆက်ဆက် စစ်အာဏာရှင်တွေရဲ့ဒါဏ်ကြောင့် ကမ္ဘာကို အချိန်အတိုင်းအတာတခုသာချပြနိုင်ခဲ့တဲ့ မြန်မာ့” UNESCO World Heritage Sites တွေ၊ ရှေးဟောင်းယဉ်ကျေးမှုတွေနဲ့ အင်ပါယာအဆက်ဆက်ရဲ့ခိုင်မာတဲ့ သမိုင်းကြောင်းတွေ၊ သဘာဝအလှအပတွေနဲ့ တိုင်းရင်းသားမျိုးစုံရဲ့ ဓလေ့တွေ” စတဲ့ခရီးသွားလုပ်ငန်းဆိုင်ရာ ပြယုဂ်ပမာဏဟာ တကယ်တော့ အရှေ့တောင်အာရှနိုင်ငံတွေထဲမှာ မြန်မာဟာ အင်ဒိုနီးရှားပြီးရင် နံပါတ် “ နှစ်” နေရာမှာ ရှိ‌ခဲ့ပါတယ်။

၂၀၂၀ ပြည့်နှစ် Covid-19 ကပ်ရောဂါကြောင့် မြန်မာ့ခရီးသွားလုပ်ငန်း ရပ်တန့်ခဲ့ရပေမဲ့ Covid ကာလ အလွန်မှာတော့ အိမ်နီးချင်းနိုင်ငံတွေလို အချိန်တိုအတွင်း ပြန်လည်နာလန်မထူလာနိုင်ဘဲ “ဘုံးဘုံးလဲ” သွားစေခဲ့တဲ့ အဓိကအချိုးအကွေ့က ၂၀၂၁ ခုနှစ် စစ်အာဏာသိမ်းမှုနှင့် နောက်ဆက်တွဲ နိုင်ငံရေးမတည်ငြိမ်မှုများကြောင့်ပါဘဲ။

အိမ်နီးချင်းနိုင်ငံတွေက ထိရောက်တဲ့ မဟာဗျူဟာတွေနဲ့ ခရီးသွားကဏ္ဍကို ပြန်လည်ဆွဲတင်နိုင်ခဲ့ကြပေမဲ့ မြန်မာနိုင်ငံကတော့ စစ်အာဏာသိမ်းခံရမှုကြောင့်တိုးတက်မှုလမ်းကြောင်းပေါ်ကနေ ချောက်ထဲကို တွန်းချခြင်း ခံလိုက်ရတာပါ။


https://www.ludunwayoo.com/opinion-mm/2026/05/27/158223/

ACC ရှယ်ယာတွေကို မြန်မာစစ်တပ်လက်နက်ပွဲစား ဝယ်ယူဖို့ကိစ္စ ထိုင်း ဆိုင်းငံ့

မေ-၂၈၊ ၂၀၂၆။ တေဇ/People's Spring

မြန်မာစစ်တပ်လက်နက်ပွဲစား ကျော်မင်းဦးရဲ့ကုမ္ပဏီတွေကို ထိုင်းစတော့အိတ်ချိန်းစာရင်းဝင်ကုမ္ပဏီ Advanced Connection Corporation Public Company Limited (ACC)ကရှယ်ယာရောင်းမယ့်ကိစ္စကို ထိုင်းနိုင်ငံရဲ့ ‌ချေးငွေသက်သေခံလက်မှတ်နှင့် လဲလှယ်ရေးကော်မရှင် (SEC)က ဆိုင်းငံ့လိုက်တဲ့အပေါ် Justice For Myanmar (JFM) က ကြိုဆိုလိုက်ပါတယ်။

“ရှယ်ယာရှင်များအစည်းအဝေး ခေါ်ယူသည့်အသိပေးစာအတွင်း ACC ၏ ရှင်းလင်းတင်ပြ၊ ထုတ်ဖော်ပြောဆိုချက်များတွင် အရေးပါ‌သော အချက်အလက်များ ပါဝင်နေခြင်း မရှိသည့်အပြင်၊ အရင်းအနှီးဈေးကွက်ကွပ်ကဲရေးဘုတ်အဖွဲ့၏ အသိပေးထုတ်ပြန်ချက်အမှတ် Tor Jor. 73/2558 ၏ ပုဒ်မ ၅ (၂) (ခ)၊ ပုဒ်မ ၅ (၄)၊ ပုဒ်မ ၇ (၂) ပါ သတ်မှတ်ချက်များနှင့်လည်း ကိုက်ညီမှုမရှိ‌နေကြောင်း SEC က တွေ့ရှိခဲ့သည်” လို့ SEC ရဲ့ ထုတ်ပြန်ချက်မှာ ဖော်ပြထားပါတယ်။

မြန်မာစစ်တပ် လက်နက်ပွဲစား ကျော်မင်းဦး ရဲ့Sky Aviator ကွန်ရက် ကုမ္ပဏီတွေကို ACC ရဲ့ ရှယ်ယာရှင်အစည်းအဝေးက ရှယ်ယာရောင်းချဖို့ ဆုံးဖြတ်ခဲ့တာကြောင့် JFM က ACC ၊ SEC ၊ ငွေကြေးခဝါချမှုတိုက်ဖျက်ရေးရုံး (AMLO) နဲ့ စီးပွားရေးလုပ်ငန်းများ ဖွံ့ဖြိုးတိုးတက်ရေးဌာန (DBD) တွေကို Sky Aviator ကွန်ရက်အကြောင်းနဲ့ ငွေကြေးခဝါချမှုဆိုင်ရာ စိုးရိမ်ဖွယ်ရာတွေ ဖြစ်ပေါ်စေကြောင်း သတိပေးစားပေးပို့ခဲ့ပြီးနောက် အခုလို ဆိုင်းငံ့ခဲ့တာလို့ ထုတ်ပြန်ချက်မှာ ဖော်ပြထားပါတယ်။

ACC ဘက်က SEC ရဲ့ ထုတ်ပြန်ချက်အပေါ် သူတို့အနေနဲ့ ရှယ်ယာဝယ်ယူမှုအတွက် ငွေပေးချေမှုတွေကို လက်ခံထားပြီး လက်ရှိအချိန်မှာ သီးသန့်ရှယ်ယာလွှဲပြောင်းရောင်းချမှုအစီအစဥ်နဲ့ ကုမ္ပဏီရဲ့ မတည်ရင်းနှီးငွေ တိုးမြှင့်ခြင်းလုပ်ငန်းစဉ်ကို ဆက်လက်ဆောင်ရွက်နိုင်မှာ မဟုတ်ကြောင်း ပြောကြားခဲ့တယ်လို့ဆိုပါတယ်။

ဒါ့အပြင် မေ ၁၈ ရက်မှာ ACC ရဲ့ဒါရိုက်တာအစည်းအဝေးကာ SEC ရဲ့ ရှယ်ယာရောင်းချမှု ဆိုင်းငံ့မိန့်ကို အယူခံဝင်ဖို့ ဆုံးဖြတ်ခဲ့ပြီး SEC အနေနဲ့ ထပ်မံသုံးသပ်နိုင်ဖို့ တင်ပြသင့်တဲ့ နောက်ထပ်အချက်အလက်များနဲ့ အထောက်အထားများ ရှိနေတယ်လို့ ယူဆတယ်လို့ ACC ကထုတ်ပြန်ထားပါတယ်။

မြန်မာစစ်တပ်လက်နက်ပွဲစား ကျော်မင်းဦး ပိုင်ဆိုင်တဲ့ Sky Aviator ကွန်ရက် ရဲ့ ကုမ္ပဏီ‌တွေဖြစ်တဲ့ စင်ကာပူ အခြေစိုက် Sky Avia Trading နဲ့ Heli Asia Trading ကုမ္ပဏီတွေကို ACC ရဲ့ အစုရှယ်ယာ ၂၃.၂၅ ရာခိုင်နှုန်း အတွက် ဘတ် ၃၀၀ မီလီယံ (အမေရိကန်ဒေါ်လာ ၉.၃ သန်း)နဲ့ရောင်းချပေးဖို့ ဧပြီ ၂၇ ရက်က အတည်ပြုထားတာပါ။

Sky Aviator ကွန်ရက်ရဲ့ဦးဆောင်သူ ကျော်မင်းဦးက မြန်မာစစ်တပ်ရဲ့ အဓိက လက်နက်ပွဲစား တွေထဲမှ တစ်ဦးဖြစ်ပြီး ရုရှားနိုင်ငံထုတ် Yak-130၊ MiG-29၊ Mi-35 ၊Su-30 စစ်လေယာဉ် နဲ့ ရဟတ်ယာဥ်တွေ ပြုပြင်ထိန်းသိမ်းရေးအတွက် လိုအပ်တဲ့ အစိတ်အပိုင်း တွေအပါအဝင် မြန်မာစစ်တပ်အတွက် စစ်လက်နက်ပစ္စည်းဝယ်ယူမှု တွေကို ဆောင်ရွက်ပေးနေသူဖြစ်ပါတယ်။

ဒါကြောင့် ကျော်မင်းဦးကို အမေရိကန်၊ ဗြိတိန်၊ အီးယူနဲ့ ကနေဒါနိုင်ငံ‌ တွေကဒဏ်ခတ်ပိတ်ဆို့မှုတွေ ချမှတ်ထားပြီး သူ့ရဲ့ မြန်မာစီးပွားရေးလုပ်ငန်းအချို့ကိုလည်း ထပ်မံပိတ်ဆို့မှုတွေ ချမှတ်ထားပါတယ်။

ဒါပေမဲ့ လက်ရှိ ဒဏ်ခတ်ပိတ်ဆို့မှုတွေက Sky Aviator ကွန်ရက်တစ်ခုလုံး နဲ့ အဓိကလူပုဂ္ဂိုလ်‌ အားလုံးအပေါ် တစ်ပြေးညီဖြစ်မနေဘဲ ဟာကွက်‌ တွေရှိနေတာကြောင့် အဲဒီ့ဟာကွက် တွေကို အခွင့်ကောင်းယူကာ ထိုင်းနိုင်ငံမှာ ရင်းနှီးမြှုပ်နှံမှုပြုလုပ်ဖို့ ကြိုးစားနေတာလို့ JFM ကထောက်ပြထားပါတယ်။

ဒါကြောင့် အမေရိကန်ပြည်ထောင်စု၊ ယူကေ၊ အီးယူ၊ ကနေဒါနဲ့ ဩစတြေးလျနိုင်ငံတွေအနေနဲ့ Sky Aviator ကုမ္ပဏီကွန်ရက်တစ်ခုလုံးမှာရှိတဲ့ ကုမ္ပဏီတွေနဲ့ လူပုဂ္ဂိုလ်အားလုံးအပေါ် ပစ်မှတ်ထား ဒဏ်ခတ်ပိတ်ဆို့မှု တွေကို ညှိနှိုင်းချမှတ်ဖို့ JFM က တိုက်တွန်းထားပါတယ်။

ဓာတ်ပုံ - JFM

3 Body Problemစီးရီးထုတ်လုပ်သူ ဘီလီယံနာ သူဌေးအားအဆိပ်ခတ်သတ်ခဲ့သူကိုတရုတ်ကွပ်မျက်

​မေ-၂၈၊၂၀၂၆။People's Spring

တရုတ်မှာ ဘီလီယံနာ သူဌေးတစ်ဦးကို အဆိပ်ခတ်လုပ်ကြံခဲ့တဲ့ရှေ့နေတစ်ဦးကိုသေဒဏ်ပေး ကွပ်မျက်လိုက်ကြောင်း သိရပါတယ်။

Netflixရဲ့ နာမည်ကြီး စီးရီးတစ်ခုဖြစ်တဲ့ 3 Body Problem ထုတ်လုပ်မှုမှာ အကူအညီ ပေးခဲ့ဖူးတဲ့ ဂိမ်းလုပ်ငန်းရှင် ဘီလီယံနာ သူဌေးကြီး လင်းရှီဟာ ၂၀၂၀ ပြည့်နှစ်၊ ခရစ္စမတ်နေ့မှာ ကွယ်လွန်သွားခဲ့ပါတယ်။ ထုတ်လုပ်ရေးပိုင်းမှာ သူအစပျိုး ကူညီပေးခဲ့ဖူးတဲ့3 Body Problemစီးရီးကတော့
နောက်ထပ် ၄ နှစ်လောက် အကြာမှာ Netflixရဲ့ အအောင်မြင်ဆုံး စာရင်းဝင်စီးရီးတစ်ခုအဖြစ် ရုပ်လုံးပေါ်လာခဲ့ပါတယ်။

လင်းဟာ အဲဒီနှစ်၊ ဒီဇင်ဘာ ၁၆ ရက်နေ့တုန်းက နာမကျန်း ဖြစ်လာတဲ့နောက် ကိုယ့်အစီအစဉ်နဲ့ကိုယ်ဆေးသောက်ခဲ့ပါတယ်။ဒါပေမဲ့ အခြေအနေ တိုးတက်မလာတဲ့အခါ ဆေးရုံတက်ခဲ့ရပြီး ဆရာ
ဝန်တွေကလူနာမှာအဆိပ်မိထားတယ်လို့ ကောကချက်ချခဲ့ပါတယ်။သူနဲ့အတူ 3 Body Problemရဲ့ အမှုဆောင် ပရိုဂျူဆာ ဖြစ်လာမယ့် ကျောက်ကျိလောင်နဲ့ ဇနီးဖြစ်သူတို့လည်း အဆိပ်ခတ် ခံခဲ့ရပေမယ့် အသက်မသေခဲ့ပါဘူး။

လင်ကွယ်လွန်သွားတဲ့နောက် ရဲတွေက သေမှုသေခင်း စစ်ဆေးမှုတွေ ပြုလုပ်ခဲ့ပြီး အဆိပ်ခတ်တဲ့ လက်သည်ကို ရှာဖွေခဲ့ပါတယ်။ နောက်ဆုံးမှာတော့ သူ့အတွက် အလုပ်လုပ်ပေးခဲ့ဖူးတဲ့ ရှေ့နေ
ရှုယောင် ကိုခြေရာခံမိသွားခဲ့ပါတယ်။ရှုဟာ အား
ဆေးလို့ လိမ်ညာထားတဲ့ ဆေးတောင့်ဘူးကို လက်
ဆောင်ပေးခဲ့ပါတယ်။တကယ်တော့အဲဒီ ဆေးတွေဟာ dark webကနေ သူရှာဖွေဝယ်ယူပြီးကိုယ်
ပိုင် ဓာတ်ခွဲခန်းမှာ ပြုပြင်ထားတဲ့ အဆိပ်တွေ ဖြစ်ပါတယ်။

ရှုဟာ စာရေးဆရာ လျုစီရှင်းရဲ့ နာမည်ကျော် သုံးအုပ်တွဲ ဝတ္ထုဖြစ်တဲ့ 3 Body Problem မူပိုင်ခွင့်တွေလင် ဝယ်ယူနိုင်အောင် ကူညီပေးခဲ့ဖူးပါတယ်။ ရှုကို ရဲတွေက ဖမ်းဆီးပြီးတဲ့နောက် လူသတ်မှုနဲ့ တရားစွဲဆိုခဲ့ပြီး ၂၀၂၄ ခုနှစ်မှာတော့ ရှန်ဟိုင်း တ
ရားရုံး တစ်ခုက ပြစ်မှုထင်ရှားကြောင်း ဆုံးဖြတ်ပြီး သေဒဏ် စီရင်ချက် ချမှတ်ခဲ့ပါတယ်။

စီရင်ချက်ချမှတ်ပြီး ၂ နှစ်အကြာ ပြီးခဲ့တဲ့ သီတင်း
ပတ်မှာတော့ ရှုကို သေဒဏ်စီရင် ကွပ်မျက်ခဲ့ပြီး ဖြစ်တယ်လို့ တရုတ် အစိုးရ သတင်းဌာန တစ်ခုက မေလ ၂၆ ရက်နေ့မှာ စတင် ဖော်ပြခဲ့ပါတယ်။ ဒီသတင်းကို ကြားသိပြီးတဲ့နောက် တစ်ချိန်က လင်း
ပိုင်ဆိုင်ခဲ့ဖူးတဲ့ 3 Body Universe ကုမ္ပဏီက တရားမျှတမှုကို အမှန်တကယ် ဆောင်ကြဉ်းနိုင်ခဲ့တဲ့အတွက် ဝမ်းမြောက်မိကြောင်း ထုတ်ပြန်ခဲ့ပါတယ်။

Netflixက 3 Body Problemကိုစီးရီးအဖြစ် ရိုက်
ကူးထုတ်လုပ်မယ်လို့ ကြေညာပြီး လအနည်းငယ် အကြာမှာပဲ လင်းဟာ အဆိပ်ခတ်လုပ်ကြံခံခဲ့ရတာပါ။ သူကွယ်လွန်ချိန်မှာ အသက် ၃၉ နှစ်ပဲ ရှိခဲ့ပါသေးတယ်။

တရားရုံးစစ်ဆေးချက်တွေအရလင်း နဲ့ ရှုတို့ဟာ ကုမ္ပဏီ စီမံခန့်ခွဲမှုနဲ့ ပတ်သက်လို့ သဘောထား ကွဲလွဲတာတွေ ဖြစ်ခဲ့တဲ့နောက် အခုလို လုပ်ကြံမှု ဖြစ်ပေါ်လာတာလို့ သိရပါတယ်။တရုတ်မှာ မီဒီယာ ဆင်ဆာဖြတ်မှုတွေအရမ်းကြမ်းတမ်းတဲ့တိုင်
အောင် အဲဒီ လုပ်ကြံမှု သတင်းကိုလူအများ အထူး
စိတ်ဝင်စားခဲ့သလို ရှုရဲ့ အကြံအစည် အသေးစိတ်တွေ အကြောင်းကိုလည်းလူမှုကွန်ရက်တွေမှာ ရေးသားခဲ့ပါတယ်။

ရှုဟာ ရှန်ဟိုင်း ဆင်ခြေဖုံးမှာ ဓာတ်ခွဲခန်းတစ်ခု တည်ဆောက်ပြီ dark webကနေ မှာယူထားတဲ့ အဆိပ် အမျိုးပေါင်း ၁၀၀ ကျော်ကို ရောစပ်ပြီး စမ်းသပ်ခဲ့ကြောင်း၊ အဲဒီ အဆိပ်တွေကို ကြောင်တွေ၊ ခွေးတွေနဲ့ တခြားတိရစ္ဆာန်တွေမှာ လက်တွေ့ စမ်းသပ်တာတွေ လုပ်ခဲ့ကြောင်း သိရပါတယ်။

သူက လင်း ကိုသာမကဘဲ ကျောက်နဲ့ ဇနီးဖြစ်သူ၊ ဒါ့အပြင် သူနဲ့ အစေးမကပ်တဲ့ တခြား ကုမ္ပဏီ အမှုဆောင် ၂ ဦးကိုပါ အဆိပ်ခတ်ခဲ့ပေမယ့် လင်းကလွဲပြီး ကျန်တဲ့ ၄ ဦးကတော့ အသက်ရှင်ခဲ့ပါတယ်။

သူဟာ ၂၀၂၀ ပြည့်နှစ် စက်တင်ဘာကနေ ဒီဇင်
ဘာလအတွင်း ပစ်မှတ်ဖြစ်သူတွေ သောက်လေ့ရှိတဲ့ ကော်ဖီကပ်ဆူးတောင့်တွေ၊ ဝီစကီ ပုလင်းတွေ၊ ရေပုလင်းတွေထဲမှာ မီသိုင်းမာကျူရီ အဆိပ်တွေ ခတ်ထားခဲ့တယ်လို့ဆိုပါတယ်။ အဲဒီ ဓာတ်ပစ္စည်းဟာ ပြင်းထန်တဲ့ အဆိပ်တစ်မျိုးဖြစ်ပြီး မျိုချမိရင်၊ ရှူရှိုက်မိရင်၊ နောက်ဆုံး ထိမိကိုင်မိရင်တောင် အသက်ဆုံးရှုံးနိုင်ပါတယ်။

လင်းကိုတော့ သူက အဆိပ်ကို ဆေးတောင့်တွေထဲ ထည့်ပြီး အားဆေးအဖြစ် လိမ်လည် လက်ဆောင်ပေးခဲ့တာ ဖြစ်ပါတယ်။

ကိုးကား- CNN