(မိုးဗြဲ PDFက ရဲဘော်တွေကို စစ်မြေပြင်တခုအတွင်း တွေ့ရစဉ်။ ဓာတ်ပုံ - Mobye PDF)

ဆောမြို့ဝင်ရောက်လာတဲ့ စစ်တပ်က ဒေသခံ ၂၀ကျော် ဖမ်းဆီး

မေ ၁၅၊ ၂၀၂၆။ ထားမြတ်/People’s Spring

မကွေးတိုင်း၊ ဆောမြို့ကို ဝင်ရောက်လာတဲ့ စစ်တပ်စစ်ကြောင်းက ဒေသခံ လူငယ်နဲ့ လူလတ်ပိုင်း ၂၀ ကျော်ကို မေလ ၁၄ရက်မှာ ဖမ်းဆီးခဲ့ကြောင်း ဒေသခံက ပြောပါတယ်။

လောင်းရှည်မြို့နယ်အခြေစိုက် ကပစ(၂၅)ကထွက်လာတဲ့ အင်အား ၃၅၀ ခန့်ပါ စစ်ကြောင်းဟာ မနေ့က မေလ ၁၄ရက်မှာ ဆောမြို့ကို ဝင်ရောက်ခဲ့ပြိးနောက် ဒေသခံတွေကို ဖမ်းဆီးခဲ့တာဖြစ်ပါတယ်။

" မနေ့ကတော့ ရွာသားတယောက် ဆောဘက်သွားတာ ဆိုင်ကယ်နဲ့သွားတာ။ စစ်ကြောင်းဝင်နေတာကို ပေပြီးသွားတဲ့ အတွက် လူငယ်လေးတယောက်အဖမ်းခံရတယ်။ ညတုန်းကတော့ လူ ၂၀လောက်ဖမ်းတယ်လို့ သတင်းရပါတယ်"လို့ ဒေသခံက ပြောပါတယ်။

ချင်း-မကွေးအစပ် ဒေသသတင်းတွေကို ဖော်ပြနေတဲ့ သတင်းရင်းမြစ်တစ်ဦးကလည်း မနေ့က ဖမ်းဆီးခံရတာ လူငယ်၊ လူလတ်ပိုင်း ၂၅ဦးခန့်ရှိပြီး ဒီကနေ့မနက်မှာ အချို့ကို ပြန်လွှတ်ပေးတယ်လို့ သိရကြောင်း လူမှုကွန်ရက်မှာ ရေးသားအသိပေးထားပါတယ်။

ဆောမြို့ကို ရောက်နေတဲ့ စစ်တပ်က အင်အား ၃၀လောက်ဟာ အကြည်ကတင်းကျေးရွာဘက်ကို ရှေ့ပြေးအဖြစ်ထွက်လာတယ်လို့ ဒေသခံသတင်းရင်းမြစ်က ပြောပါတယ်။

ဆော၊ ကျောက်ထုလမ်းပိုင်းအတွင်းရှိ ကျေးရွာနေ ပြည်သူတွေ အထူးဂရုစိုက်ဖို့ စစ်တပ်ရဲ့ စစ်ကြောင်း ၊ လေကြောင်းသတင်းတွေနားစွန့်ဖို့လည်း ဒေသခံတွေက အသိပေးထားပါတယ်။

စစ်တပ်ဟာ ချင်းတောင်ပိုင်းနဲ့ မကွေးအစပ်ဒေသရှိ ဆောမြို့နယ်ကို စစ်အင်အားတွေအလုံးအရင်းဖြည့်တင်းတာ လေကြောင်းတိုက်ခိုက်တာတွေ ဆက်တိုက်ပြုလုပ်လျက်ရှိပါတယ်။

ဆောမြို့ကို ဝင်လာတဲ့ စစ်တပ်ကို ဒေသခံ တော်လှန်ရေးတပ်တွေက ခုခံတိုက်ခိုက်ကြပေမယ့် လူအင်အားလက်နက်အင်အား မမျှတာတဲ့ အခြေအနေကြောင့် စစ်တပ်စစ်ကြောင်းတွေကို ဟန့်တားနိုင်ခြင်းမရှိခဲ့ဘူးလို့ ဒေသခံတော်လှန်ရေး သတင်းရင်းမြစ်က ပြောပါတယ်။

စစ်တပ်ဟာ လေကြောင်း ပစ်ကူအပြင် နည်းပညာမြင့်ဒရုန်းနဲ့ ဂျန်ဘာတွေအသုံးပြု လာသလို စစ်အင်အားအများအပြားနဲ့ စစ်ကြောင်းထိုးလာတာလို့ ပြောပြပါတယ်။

ပုဏ္ဏားကျွန်းမြို့ကို စစ်တပ် ဗုံးကြဲ

မေ-၁၅၊၂၀၂၆။ဇော်ရမ်း/People's Spring

အာရက္ခတပ်တော်(AA)ထိန်းချုပ်ထားတဲ့ ပုဏ္ဏားကျွန်းမြို့ကို စစ်တပ်က ဒီကနေ့ မေလ ၁၅ရက်မနက်ပိုင်းမှာ ဂျက်ဖိုက်တာ ၂စီးနဲ့ ဗုံးကြဲတိုက်ခိုက်သွားတယ်လို့ ဒေသခံတွေက ပြောပါတယ်။

ပုဏ္ဏားကျွန်းမြို့ပေါ်နဲ့ပုဏ္ဏားကျွန်း-ရသေ့တောင် လမ်းဆုံကို မနက် ၉နာရီခန့်မှာ ဗုံးကြဲသွားတာဖြစ်ပြီး အရပ်သားထိခိုက်သေဆုံးမှုတွေရှိနိုင်တယ်လို့ ဒေသခံတစ်ဦးက ပြောပါတယ်။

"မနက် ဈေးရောင်းစျေးဝယ်သွားလာနေတဲ့အချိန်မှာဗုံးကြဲသွားတာပါ။ Y12 ကမနက်ကတည်းကဝဲတာပါ။ ပြီးတော့ ဂျက်ဖိုက်တာလာကြဲတာ။ အထိအခိုက်သေချာပေါက်ရှိမှာပါ။ လူတွေ သွားလာနေတဲ့အချိန်ကြီးဗျ။ ရာသီဥတုအခြေအနေမကောင်းရတဲ့အထဲ ကြဲတာ"လို့ ပုဏ္ဏားကျွန်းမြို့ခံတစ်ဦးက ပြောပါတယ်။

ဘင်္ဂလားပင်လယ်အော်မှာ လေဖိအားနည်းရပ်ဝန်းအရှိန်ကြောင့် ရခိုင်ပြည်နယ်မှာ ယခုရက်ပိုင်းပုံမှန်ထက်မိုးကောင်းနေလို့ ဒေသခံတွေအနေနဲ့ ရေဘေးကိုသတိထားနေရတဲ့အချိန်မှာ စစ်တပ်ကလေကြောင်းကနေ ဗုံးကြဲတာဖြစ်ပါတယ်။

မေလ ၇ရက်ကလည်း မင်းပြားနဲ့ ကျောက်တော်မြို့ကို စစ်တပ်က ဂျက်ဖိုက်တာ၊ Y-12 လေယာဉ်တွေနဲ့ ဗုံးအလုံးရေ ရာချီကြဲခဲ့လို့ ကလေးတစ်ဦးအပါအဝင် ၃ဦးသေဆုံးပြီး ၁၀ဦးထက်မနည်း ဒဏ်ရာရခဲ့ပါတယ်။

အရပ်သားတွေအပေါ်ပစ်မှတ်ထားတိုက်ခိုက်တာဟာ အလွန်ပြင်းထန်တဲ့ လူသားချင်းစာနာထောက်ထားမှုဆိုင်ရာ စိုးရိမ်စရာ ကိစ္စဖြစ်တယ်လို့ အာရက္ခတပ်တော် (AA) စစ်ဦးစီးချုပ် ဗိုလ်ချုပ် ထွန်းမြတ်နိုင်ကမေလ၄ရက်က ထုတ်ပြန်လာတဲ့ The Diplomat သတင်းဌာနနဲ့ အင်တာဗျူးမှာ ပြောကြားထားပါတယ်။

လေကြောင်းတိုက်ခိုက်မှုတွေကြောင့်အရပ်သားတွေ ဘေးကင်းရေးအတွက် ဖြစ်နိုင်သမျှနည်းလမ်းမျိုးစုံစဉ်းစားနေသလို ဒီလေကြောင်းဗုံးကြဲမှုတွေကို မှတ်တမ်းတင်နိုင်ဖို့ နိုင်ငံတကာအသိုက်အဝန်းနဲ့ ပူးပေါင်းလုပ်ဆောင်နေပေမဲ့ ထိရောက်မှုသိပ်မရှိသေးဘူးလို့လည်းအသိပေးထားပါတယ်။

စစ်တပ်က ယခုရက်ပိုင်း နေပြည်တော်နဲ့ ရန်ကုန်တိုင်းကလွဲလို့ ကျန်တဲ့တိုင်းနဲ့ပြည်နယ်တွေမှာ လေကြောင်းကနေ ဗုံးကြဲနေပါတယ်။ အရပ်သားပြည်သူတွေကိုပစ်မှတ်ထားသတ်ဖြတ်နေတဲ့ စစ်တပ်ကို အရေးယူပေးဖို့ အမျိုးသားညီညွတ်ရေးအစိုးရနဲ့ တော်လှန်ရေးအင်အားစုတွေက နိုင်ငံတကာကိုတောင်းဆိုနေကြပါတယ်။

ဆောမြို့ဝင်ရောက်လာတဲ့ စစ်တပ်က ဒေသခံ ၂၀ ကျော် ဖမ်းဆီး

■ဖမ်းဆီးခံရတဲ့လူငယ်တဦးကိုစစ်သား​တွေကဝိုင်းနှိပ်စက်ခြိမ်း​ခြောက်ပြီးဗီဒီယိုဖိုင်ကိုလူမှုကွန်ယက်မှာတင်

မေ ၁၅၊ ၂၀၂၆။ ထားမြတ်/People’s Spring

မကွေးတိုင်း၊ ဆောမြို့ကို ဝင်ရောက်လာတဲ့ စစ်တပ်စစ်ကြောင်းက ဒေသခံ လူငယ်နဲ့ လူလတ်ပိုင်း ၂၀ ကျော်ကို မေလ ၁၄ရက်မှာ ဖမ်းဆီးခဲ့ကြောင်း ဒေသခံက ပြောပါတယ်။

လောင်းရှည်မြို့နယ်အခြေစိုက် ကပစ(၂၅)ကထွက်လာတဲ့ အင်အား ၃၅၀ ခန့်ပါ စစ်ကြောင်းဟာ မနေ့က မေလ ၁၄ရက်မှာ ဆောမြို့ကို ဝင်ရောက်ခဲ့ပြိးနောက် ဒေသခံတွေကို ဖမ်းဆီးခဲ့တာဖြစ်ပါတယ်။

"မနေ့ကတော့ ရွာသားတယောက် ဆောဘက်သွားတာ ဆိုင်ကယ်နဲ့သွားတာ။ စစ်ကြောင်းဝင်နေတာကို ပေပြီးသွားတဲ့ အတွက် လူငယ်လေးတယောက်အဖမ်းခံရတယ်။ ညတုန်းကတော့ လူ ၂၀လောက်ဖမ်းတယ်လို့ သတင်းရပါတယ်"လို့ ဒေသခံက ပြောပါတယ်။

​မေ ၁၄ ရက်​နေ့မှာ ​ဆောမြို့မှာ လူငယ်တဦးကိုဖမ်းဆီးပြီး စစ်သား​တွေက ခြိမ်း​ခြောက် နှိပ်စက်​နေတဲ့ ဗီဒီယိုဖိုင် တဖိုင်ကိုလည်း စစ်သား တဦးက တစ်​တော့(Tiltok) မှာတင်ထားပါတယ်။

"ကျွန်​တော်အဖွဲ့ထဲမှာ မပါဘူး ။ကျွန်​တော့အ​မေးကငါး​ရောင်းစား​နေတာလို့" လက်​နောက်ပြန်ကြိုးတုပ်ရက်အဖမ်းခံရတဲ့လူငယ်က ငိုရင်းစစ်သား​တွေကို​ပြောတာကို မြင်​တွေ့ရပါတယ်။

အဲဒီလူငယ်ကိုစစ်သား​တွေက ကင်မရာကိုကြည့်ပြီး​ပြောဖို့ခြိမ်း​ခြောက်တာကိုကြားရသလို စစ်သားချင်း ဓါးယူခဲ့ဖို့​ပြောတာကိုလည်း​ကြားရပါတယ်။ "ဟိတ်​ကောင် မင်းတို့ကြုံခဲ့တဲ့ တပ်​တွေမဟုတ်ဘူး​နော် " ဆိုပြီး လူငယ်ကို ​ပြောဆိုခြိမ်း​ခြောက်တာကို​တွေ့ရပါတယ် ။အဖမ်းခံရတဲ့ လူငယ်က သူဟာဘယ်မှ မပါ​ကြောင်းအ​ကြိမ်ကြိမ်​ပြောရင်ငိုး​နေတာကို မြင်ရပါတယ်။

စစ်သား​တွေက လူငယ်ကို " ငိုတာမျက်ရည်မကျဘူးမင်းအ​မေ ... လား"လို့ဆဲဆို​ပြီး ထိုးကြိတ်ကန်​ကြောက်​နေတာကို ဗီဒီယိုဖိုင်မှာ​မြင်​တွေ့ရပါတယ်။

အဲဒီဗီဒီယိုဖိုင်တင်တဲ့စစ်သားကပဲ လူငယ်ကိုနှိပ်စက်တဲ့ဖိုင်တင်ပြီး နာရီအနည်းငယ်အကြာမှာစစ်သား ၅ ဦးက အရပ်သားလိုဝတ်ပြီး ​အရက်​သေစာ​သောက်စားပြီး တစ်​တော့ကစားတာကိုလည်း​တွေ့ရပါတယ် ။ ဒါအပြင် အဲဒီစစ်သားရဲ့ တစ်​တော့က​ပဲ ​မေ ၁၅ ရက် နံနက်အ​စောမှာ စစ်ယူနီ​ဖောင်းဝတ်လျက် သီချင်းအချို့နဲ့ တစ်​တော့​ဆော့ထားတာကို​တွေ့ရပါတယ် ။

ချင်း-မကွေးအစပ် ဒေသသတင်းတွေကို ဖော်ပြနေတဲ့ သတင်းရင်းမြစ်တစ်ဦးကလည်း ​မေ ၁၄ ရက်မှာဖမ်းဆီးခံရတာ လူငယ်၊ လူလတ်ပိုင်း ၂၅ဦးခန့်ရှိတယ်လို့​ပြောပါတယ်။မေ ၁၅ ရက်မနက်မှာ အချို့ကို ပြန်လွှတ်ပေးတယ်လို့ သိရကြောင်း လူမှုကွန်ရက်မှာ ရေးသားအသိပေးထားပါတယ်။ဒါ​ပေမယ့် ဖမ်းဆီးခံရတဲ့ လူငယ်အချို့ ပြန်လွတ်ခဲ့တယ်ဆို တဲ့သတင်းကို သီးခြားအတည်မပြုရ​သေးပါဘူး။

ဆောမြို့ကို ရောက်နေတဲ့ စစ်တပ်က အင်အား ၃၀ လောက်ဟာ အကြည်ကတင်းကျေးရွာဘက်ကို ရှေ့ပြေးအဖြစ်ထွက်လာတယ်လို့ ဒေသခံသတင်းရင်းမြစ်က ပြောပါတယ်။

ဆော၊ ကျောက်ထုလမ်းပိုင်းအတွင်းရှိ ကျေးရွာနေ ပြည်သူတွေ အထူးဂရုစိုက်ဖို့ စစ်တပ်ရဲ့ စစ်ကြောင်း ၊ လေကြောင်းသတင်းတွေနားစွန့်ဖို့လည်း ဒေသခံတွေက အသိပေးထားပါတယ်။

စစ်တပ်ဟာ ချင်းတောင်ပိုင်းနဲ့ မကွေးအစပ်ဒေသရှိ ဆောမြို့နယ်ကို စစ်အင်အားတွေအလုံးအရင်းဖြည့်တင်းတာ လေကြောင်းတိုက်ခိုက်တာတွေ ဆက်တိုက်ပြုလုပ်လျက်ရှိပါတယ်။

ဆောမြို့ကို ဝင်လာတဲ့ စစ်တပ်ကို ဒေသခံ တော်လှန်ရေးတပ်တွေက ခုခံတိုက်ခိုက်ကြပေမယ့် လူအင်အားလက်နက်အင်အား မမျှတာတဲ့ အခြေအနေကြောင့် စစ်တပ်စစ်ကြောင်းတွေကို ဟန့်တားနိုင်ခြင်းမရှိခဲ့ဘူးလို့ ဒေသခံတော်လှန်ရေး သတင်းရင်းမြစ်က ပြောပါတယ်။

စစ်တပ်ဟာ လေကြောင်း ပစ်ကူအပြင် နည်းပညာမြင့်ဒရုန်းနဲ့ ဂျန်ဘာတွေအသုံးပြု လာသလို စစ်အင်အားအများအပြားနဲ့ စစ်ကြောင်းထိုးလာတာလို့ ပြောပြပါတယ်။

ကနီ ဒေသခံ အမျိုးသား ၁၀ဦးကို စစ်တပ် ဖမ်းဆီးသွားပြီးနောက် သတင်းအစ ပျောက်နေ

မေ-၁၅၊ ၂၀၂၆။ ရှိန်း/People's Spring

စစ်ကိုင်းတိုင်း၊ ကနီမြို့နယ် သမင်ခြံရွာကို ဝင်ရောက်ခဲ့တဲ့ စစ်တပ်စစ်ကြောင်းဟာ ဒေသခံ အမျိုးသား၁၀ဦးကို ဖမ်းဆီးသွားပြီး အခုအထိ ဖမ်း‌ဆီးခံရသူတွေရဲ့သတင်းအစအန ပျောက်နေတယ်လို့ ဒေသခံတွေ‌က ပြောပါတယ်။

ကနီမြို့နယ် သမင်ခြံရွာကို အာဏာသိမ်းစစ်တပ်က မေလ ၁၁ ရက်မှာ ဝင်ရောက်မီးရှို့ခဲ့တာလို့ သိရပါတယ်။ အဲဒီနောက် ရွာထဲက နေအိမ်တွေကို မွှေနှောက်ကာ ဒေသခံအမျိုးသား ၁၀ဦးကို ဖမ်းဆီးသွားတယ်လို့ ဒေသခံတစ်ဦးက ပြောပါတယ်။

"ဖမ်းဆီးသွားတာ အမျိုးသားချည်း၁၀ဦးပါ။ ဘယ်ဘက်ခေါ်သွားမှန်း အခုထိ မသိရသေးပါဘူး"လို့ ဒေသခံက ပြောပါတယ်။

အဲဒီစစ်ကြောင်းဟာ မေလ၁၃ ရက် မနက်ပိုင်းမှာ နေအိမ်တချို့ကို ထပ်မံမီးရှို့ခဲ့ပြီးတဲ့နောက် ညနေပိုင်းမှာ ကနီမြိုပေါ်ကို တကြောင်းခွဲထွက်ကာ ယင်းမာပင်မြို့နယ်အတွင်းကိုလည်း တကြောင်းခွဲထွက်သွားတယ်လို့ သိရပါတယ်။

ယင်းမာပင်မြို့နယ်ထဲကို ထွက်သွားတဲ့ စစ်ကြောင်းဟာ ပြည်သူပိုင်ပစ္စည်းတွေကို လှည်း ၁၈စီးနဲ့ သယ်သွားပြီး ကား၊ဆိုင်ကယ်တွေကိုပါ ယူသွားတယ်လို့ ဒေသခံတွေက ပြောပါတယ်။ ဒါ့အပြင် စစ်တပ်ရဲ့ မီးရှို့ဖျက်ဆီးမှုကြောင့် နေအိမ် ၄လုံးလည်း မီးလောင်ပျက်စီးခဲ့တယ်လို့ ဆိုပါတယ်။

သမင်ခြံရွာကို စစ်အုပ်စုက ၂၀၂၅ ခုနှစ် ဩဂုတ်နဲ့ စက်တင်ဘာလတွေမှာ လေကြောင်းတိုက်ခိုက်မှုတွေ ဆက်တိုက်ပြုလုပ်ခဲ့တာကြောင့် ပြည်သူ ၆ဦး သေဆုံးခဲ့ပါတယ်။

ရှမ်းတောင်မှာ မိုးကြီးမှု‌နောက်ဆက်တွဲ မြေပြိုမှုကြုံတွေ့လာ

မေ-၁၅၊၂၀၂၆။ဇော်ရမ်း/People's Spring

ရှမ်းပြည်နယ်တောင်ပိုင်းမြို့နယ်အချို့မှာ မိုးကြီးပြီး လူထိခိုက်သေဆုံးစေတဲ့အထိ မြေပြိုမှုတွေစတင်ကြုံတွေ့လာရတယ်လို့ ဒေသခံတွေက ပြောပါတယ်။

ရှမ်းပြည်တောင်ပိုင်းမှာ မေလ ၁၀ရက်ကတည်းက မိုးရွာသွန်းခဲ့ပြီး မေလ ၁၂ရက်မှာ‌တော့ ပင်းတယမြို့က မြို့မဈေးအနီးမှာ အုတ်တံတိုင်းပြိုကျခဲ့ပါတယ်။ အဲဒီဖြစ်စဉ်မှာ စျေးသည်တစ်ဦးသေဆုံးပြီး တစ်ဦးဒဏ်ရာရခဲ့ပါတယ်။

မေလ ၁၃ရက်မှာတော့ တောင်ကြီးမြို့၊တောင်ပြိုကျေးရွာမှာ မြေပြိုမှုထပ်မံဖြစ်ပွားခဲ့တယ်လို့ ဒေသခံတွေက ပြောပါတယ်။

" ကုန်းမြင့်ဒေသဆိုတော့ မိုးများလာတဲ့အခါ တောင်ကမူတွေက ပဲ့ကျနေတာ။ ဒီရက်ပိုင်းဖြစ်နေတဲ့ပုံကအန္တရာယ်ကြီးတယ်။ မိုးက မရပ်သေးဘဲ ဆက်ပြီးတော့ရွာနေတယ်"လို့ တောင်ကြီးမြို့ခံတစ်ဦးက ပြောပါတယ်။

မြေပြိုမှုတွေဖြစ်လာပေမယ့် စစ်တပ်ရဲ့အုပ်ချုပ်ရေးပိုင်းက ကြိုတင်ကာကွယ်ရေးအစီအမံတွေလုပ်ဆောင်တာမတွေ့ရဘူးလို့ ဒေသခံတွေက ပြောပါတယ်။

ဘင်္ဂလားပင်လယ်အော်မှာ ယခုရက်ပိုင်း လေဖိအားနည်းရပ်ဝန်းဖြစ်နေပါတယ်။လေဖိအားနည်း ရပ်ဝန်းအရှိန်ကြောင့် မြန်မာနိုင်ငံဒေသအနှံ့မှာ မိုးရွာနိုင်ပြီး ကချင်ပြည်နယ်၊ စစ်ကိုင်းတိုင်း (အထက်ပိုင်း)၊ မကွေးတိုင်း၊ ရခိုင်ပြည်နယ်၊ မွန်ပြည်နယ်၊ ရန်ကုန်တိုင်းနဲ့ရောဝတီတိုင်းတို့မှာ နေရာကွက်ပြီး မိုးကြီးနိုင်တယ်လို့အမျိုးသားညီညွတ်ရေးအစိုးရ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MOHADM)က ထုတ်ပြန်ထားပါတယ်။

ရှမ်းပြည်နယ်တောင်ပိုင်းမှာ ၂၀၂၄ မိုးရာသီကာလက ရာဂီမုန်တိုင်းအရှိန်ကြောင့် မိုးကြီးခဲ့ပြီး ဆိုးရွားတဲ့ရေဘေးနဲ့ မြေပြုမှု ဘေးအန္တရာယ်ကိုရင်ဆိုင်ခဲ့ရပါတယ်။

(၂၀၂၅ မိုးရာသီက ပင်းတယမြို့ကုန်းဇောင်းရွာမှာ မြေပြိုမှုကြုံတွေ့ရစည်။ ဓာတ်ပုံ - CJ)

SCEFနဲ့ မန္တလေးဒေသ လွှတ်တော်၊ အုပ်ချုပ်ရေးကောင်စီ တွေ့ဆုံ၊ စုဖွဲ့မှုပါဝင်ရေး ဆွေးနွေး

မေ ၁၅၊ ၂၀၂၆။ ထားမြတ်/People’s Spring

ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ(SCEF) နဲ့ မန္တလေးဒေသလွှတ်တော်၊ ကြားကာလအုပ်ချုပ်ရေးကောင်စီတို့ မေလ ၁၄ရက်မှာ ညှိနှိုင်းအစည်းအဝေးပြုလုပ်ခဲ့ပြီး မန္တလေးဒေသအနေနဲ့ SCEF စုဖွဲ့မှုမှာ ပါဝင်ရေးဆွေးနွေးခဲ့တယ်လို့ SCEF အဖွဲ့ဝင် အဖွဲ့အစည်းတွေက သတင်းထုတ်ပြန်ပါတယ်။

အွန်လိုင်းက ပြုလုပ်ခဲ့တဲ့ တွေ့ဆုံမှုကို SCEF အတွင်းရေးမှူး အဖွဲ့ဝင်များ၊ ကောင်စီဝင်များ၊ မန္တလေးဒေသမှ လွှတ်တော်ဥက္ကဋ္ဌ၊ ဒုတိယဥက္ကဋ္ဌ၊ CRMH အတွင်းရေးမှူး၊ ကြားကာလ အုပ်ချုပ်ရေးကောင်စီ ဥက္ကဋ္ဌ၊ ဒုတိယဥက္ကဋ္ဌ၊ အတွင်းရေးမှူးများ၊ ဌာနကြီးမှူးများတက်ရောက်ခဲ့ကြောင်း ဖော်ပြထားပါတယ်။

SCEF ဟာ မဏ္ဍိုင်သုံးခုနဲ့ ဖွဲ့စည်းတည်ထောင်ထားတာနဲ့အညီ မဏ္ဍိုင်တစ်ခုဖြစ်တဲ့ ပြည်နယ်/ ဖက်ဒရယ်ယူနစ်/ ERO ကိုယ်စားပြုမဏ္ဍိုင်အတွက် မန္တလေးဒေသအနေဖြင့် ပါဝင်မှုနဲ့ ဆက်စပ်ပြီး ဆွေးနွေးခဲ့ကြောင်း သတင်းထုတ်ပြန်ထားပြီး ဆွေးနွေးမှု အသေးစိတ် အခြေအနေတွေ ဖော်ပြမထားပါဘူး။

SCEFဟာ မေလ ၁၃ရက်မှာ စစ်ကိုင်းဖက်ဒရယ်ယူနစ်လွှတ်တော်၊ ကြားကာလအစိုးရတို့နဲ့ တွေ့ဆုံပြီး အခုလိုပဲ SCEF စုဖွဲ့မှုမှာ ပါဝင်ရေးကိစ္စ ဆွေးနွေးခဲ့ပါတယ်။

အမျိုးသားညီညွတ်ရေးအစိုးရ(NUG)၊ ပြည်ထောင်စုလွှတ်တော်ကိုယ်စားပြုကော်မတီ(CRPH)၊ ကရင်အမျိုးသား အစည်းအရုံး(KNU)၊ ကချင်လွတ်လပ်ရေးအဖွဲ(KIO)၊ ကရင်နီအမျိုးသားတိုးတက်ရေးပါတီ(KNPP)၊ချင်းအမျိုးသားတပ်ဦး(CNF) တို့နဲ့ ကနဦး ဖွဲ့စည်းထားတဲ့ SCEF စုဖွဲ့မှုကို ဖက်ဒရယ်ယူနစ်၊ တိုင်းရင်းသားလက်နက်ကိုင်အဖွဲများ မဏ္ဍိုင် ၊ ပြည်သူ့လူထုကိုယ်စားပြုမဏ္ဍိုင်၊ အမျိုးသမီး ကိုယ်စားပြုမဏ္ဍိုင်စတဲ့ ထောက်တိုင်သုံးရပ် ဖွဲ့စည်းသွားမယ်လို့ အသိပေးထားပြီး အဖွဲ့ဝင်သစ်တွေ ပါဝင်လာရေးကို နှစ်လအတွင်း ကြိုးပမ်းလုပ်ဆောင်မယ်လို့ SCEF ခေါင်းဆောင်တွေက ပြောကြားထားပါတယ်။

စစ်တပ်က စစ်မှုထမ်းအကျုံးဝင်သူအားလုံး မှတ်ပုံတင်ဖို့ စီစဉ်နေ

မေ ၁၅၊၂၀၂၆။ဟာနာဆန်/People's Spring

အာဏာသိမ်းစစ်တပ်က လူတင်မှူကြီးကြပ်ရေးဦးစီးဌာန(လဝက)နဲ့ပေါင်းပြီး စစ်မှုထမ်း အကျုံးဝင်သူအားလုံးကို မှတ်ပုံတင်ဖို့ စီစဉ်နေပြီး အလှည့်ကျဆင့်ခေါ်ဖို့ စီစဥ်နေကြောင်း သတင်းရရှိပါတယ်။

မနေ့က မေလ ၁၄ ရက် နေပြည်တော်မှာ အာဏာသိမ်း စစ်တပ်ရဲ့ စစ်မှုထမ်းဆင့်ခေါ်ရေးဗဟိုအဖွဲ့က အစည်းအဝေးပြုလုပ်ခဲ့ပါတယ်။ အဲဒီအစည်းအဝေးမှာ စစ်မှုထမ်းဆင့်ခေါ်ရေးဗဟိုအဖွဲ့ ဥက္ကဋ္ဌ ဗိုလ်ချုပ်ကြီး တင်အောင်စန်းက စစ်မှုထမ်းရမယ့် အင်အားအချက်အလက်အမှန်ရရှိရေး၊ နယ်မြေအတွင်း အကျုံးဝင်သူအင်အားစာရင်းကို သက်ဆိုင်ရာလူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်သူ့အင်အားဦးစီးဌာနနဲ့ ပေါင်းပြီး စာရင်းပြုစု မှတ်ပုံတင်ထားဖို့ မှာခဲ့တာပါ။

ဒါ့အပြင် မှတ်ပုံတင်ထားသူတွေကို အလှည့်ကျစနစ်နဲ့ ဆင့်ခေါ်နိုင်ရေး စီမံထားရှိရမယ်လို့ ၎င်းက ထပ်မံမှာကြားခဲ့တယ်လို့ နိုင်ငံပိုင်သတင်းစာတွေမှာ ဖော်ပြပါတယ်။

စစ်ကိုင်းတိုင်း၊ စစ်ကိုင်းမြို့ပေါ်မှာတော့ ပြီးခဲတဲ့ ဧပြီအတွင်းက အသက်(၁၀)နှစ်နဲ့ (၁၈)နှစ်ပြည့်သူတွေကို စစ်တပ်က မှတ်ပုံတင်လုပ်ပေးခဲ့ပြီး ယခုအခါ စစ်မှုထမ်းစာရင်းတွေကို လိုက်ကပ်နေကြောင်း မြို့ခံတွေက ပြောပါတယ်။

"မြို့ပေါ်ရပ်ကွက်တွေမှာ အကုန်လိုက်ကပ်နေတာ။"လို့ စစ်ကိုင်းမြို့ခံ လူငယ်တစ်ဦးက ပြောပါတယ်။

စစ်တပ်ဟာ လက်ရှိမှာ စစ်မှုထမ်း အပတ်စဥ် (၂)ခု တပြိုင်တည်း ပြုလုပ်နေတယ်လို့ သိရပါတယ်။

စစ်သင်တန်းဆင်း လူငယ်တွေဟာ စစ်မြေပြင်သို့ အကာအကွယ်မဲ့ ပို့ဆောင်ခံနေရပြီး အသက်ဆုံးရှုံးမှုများပြားနေတယ်လို့ တော်လှန်ရေး အင်အားစုတွေက ပြောပါတယ်။

(စစ်တပ်က မတရာစုဆောင်းခေါ်ထားတဲ့ စစ်မှုထမ်းတပ်သားတွေကို တွေ့ရစဉ်။ ဓာတ်ပုံ - စစ်ကောင်စီ)

မြန်မာ့ကျွန်းကို ဇိမ်ခံရွက်လှေ ဆောက်လုပ်မှုမှာ တရားမဝင်အသုံးပြုခဲ့တဲ့ ကုမ္ပဏီကို အမေရိကန်တရားရေးဝန်ကြီးဌာန

​မေ-၁၅၊၂၀၂၆။People's Spring

အမေရိကန် ရွက်လှေ လုပ်ငန်းတစ်ခုဟာ မြန်မာ
နိုင်ငံကနေ ယူဆောင်လာတဲ့ ကျွန်းသစ်တွေကို ဇိမ်ခံရွက်လှေ တည်ဆောက်မှုတွေမှာ တရားမဝင် အသုံးပြုခဲ့ကြောင်း ဝန်ခံခဲ့ပါတယ်။

ဗြိတိန် ရွက်လှေ လုပ်ငန်းစုကြီး Sunseeker International ရဲ့ အမေရိကန် လုပ်ငန်းခွဲဖြစ်တဲ့ Sunseeker USA Salesက အဲဒီ လုပ်ရပ်မျိုး ကျူးလွန်ခဲ့တယ်လို့ ဝန်ခံခဲ့တာကို အမေရိကန်ရဲ့ သဘာဝ ပတ်ဝန်းကျင်ဆိုင်ရာ စုံစမ်းရေးဌာန (EIA)က ကြိုဆိုလိုက်ပါတယ်။ မြန်မာနိုင်ငံက တရားမဝင် ထုတ်လုပ်တဲ့ ကျွန်းသစ်တွေကို ထုတ်
ကုန်အတွက်အသုံးပြုခြင်းဟာအမေရိကန်မှာ ဥပ
ဒေ ချိုးဖောက်မှု မြောက်ပါတယ်။

EIAရဲ့ အဆိုအရ ကျွန်းသစ်တွေကို မြန်မာနိုင်ငံကနေတရားမဝင်နည်းလမ်းတွေနဲ့ ထုတ်လုပ် ရယူခဲ့တာဖြစ်ပြီးအမေရိကန်မှာရောင်းချတဲ့ဇိမ်ခံ တန်ဖိုးကြီး ရွက်လှေတွေ တည်ဆောက်ရာမှာ ထည့်သွင်း အသုံးပြုခဲ့ကြောင်း သိရပါတယ်။ အမေရိကန်ရဲ့ လေဆီ အက်ဥပဒေဟာ သားရိုင်းတိရစ္ဆာန်၊ ငါးမျိုးစိတ်တွေနဲ့ သဘာဝသယံဇာတတွေကိုတရားမဝင် ရောင်းဝယ် ဖောက်ကားမှုတွေကို တားမြစ်ထားပါတယ်။

အမေရိကန်တရားရေးဝန်ကြီးဌာနက Sunseeker
USAဟာ လေဆီအက်ဥပဒေကို ချိုးဖောက်ခဲ့ကြောင်း ဝန်ခံပြီး ဒဏ်ကြေး ဒေါ်လာ ၂ သိန်း ပေးဆောင်ဖို့ သဘောတူခဲ့တယ်လို့ပြောပါတယ်။အဲဒီ ဒဏ်ငွေပြစ်ဒဏ်ကိုဩဂုတ်၂၀ ရက်မှာတရားဝင် ချမှတ်မှာဖြစ်ပြီး ကုမ္ပဏီဘက်က်က လေးစားလိုက်နာမယ်လို့ အစိုးရ ရှေ့နေတွေနဲ့ ညှိနှိုင်း အသိ
ပေးထားပါတယ်။

ဒီဖြစ်ရပ်ဟာတရားမဝင်သစ်ထုတ်လုပ်မှုတွေနဲ့ နောက်ဆက်တွဲ အလွဲသုံးစားမှုတွေကိုထိထိရောက်ရောက်တားဆီးနိုင်ဖို့အတွက် အားကောင်းတဲ့ ဥပ
ဒေစည်းမျဉ်းတွေလိုအပ်နေတယ်ဆိုတာ မီးမောင်းထိုးပြနေကြောင်း EIAက ဆိုပါတယ်။

နောက်ပြီး မြန်မာနိုင်ငံရဲ့ကျွန်းသစ်တွေ ထုတ်
လုပ်မှုဟာ ဆိုးရွားတဲ့ လူ့အခွင့်အရေး ချိုးဖောက်မှုတွေကို သွယ်ဝိုက် အားပေးနေတယ်လို့လည်း EIAက ဆိုပါတယ်။ ဘာကြောင့်လဲဆိုတော့ ၂၀၂၁ မှာ အာဏာသိမ်းခဲ့ပြီး လူ့အခွင့်အရေး ချိုးဖောက်မှုတွေ ကျူးလွန်နေတဲ့ မြန်မာစစ်တပ်ဟာ ကျွန်းသစ်တွေ ပြည်ပကို တင်ပို့ရောင်းချမှုကနေ ဝင်ငွေ ရှာဖွေနေတာကြောင့် ဖြစ်ပါတယ်။

မိခင်ကုမ္ပဏီ Sunseekerဟာလည်း ကုန်ကြမ်း ကွင်းဆက်ထဲမှာ မြန်မာ့ကျွန်းသစ်တွေ အသုံးပြုနေကြောင်း စစ်ဆေးတွေ့ရှိလို့ ၂၀၂၄ ခုနှစ်တုန်းက ဗြိတိန်မှာ ဒဏ်ရိုက်ခံခဲ့ရပြီးလည်းဖြစ်ပါတယ်။

အနောက်နိုင်ငံတွေရဲ့ လေ့လာသူတွေက မြန်မာ့ကျွန်းသစ်ဟာ တရားမဝင် သစ်ခုတ်မှု၊ အဂတိမှု၊ စစ်တပ်အတွက် ရန်ပုံငွေ ရှာဖွေပေးမှုတွေနဲ့ နက်
နက်ရှိုင်းရှိုင်း ပတ်သက် ဆက်နွှယ်နေတယ်လို့ ပြောပါတယ်။လက်ရှိ စစ်တပ်လက်​အောက်​ရောက်​​​နေတဲ့မြန်မာ့သစ်လုပ်ငန်း (MTE)ဟာလည်း အမေရိကန်၊ ဥရောပ သမဂ္ဂ (EU)နဲ့ ဗြိတိန်တို့ရဲ့ စီးပွားရေး ပိတ်ဆို့ အရေးယူမှုတွေကို ခံထားရပါတယ်။

ကိုးကား- EIA

မြန်မာ့ကျွန်းသစ်ကို အသုံးပြုပြီး ရွက်​လှေတည်​ဆောက်တာမှာအသုံးပြုထားမှု။ဓါတ်ပုံ-EIA

ပေါင်းတည်မှာ စစ်တပ် စစ်ကြောင်းတိုက်ခိုက်ခံရ

မေ-၁၅၊၂၀၂၆။ဒလပန်း/People's Spring

ပဲခူးတိုင်း၊ပြည်ခရိုင်၊ပေါင်းတည်မြို့နယ်အတွင်းကို နယ်မြေရှင်းလင်းဖို့ ဝင်ရောက်လာတဲ့ စစ်တပ် စစ်ကြောင်းတိုက်ခိုက်ခံခဲ့ရပြီးစစ်တပ်တပ်ဖွဲ့ဝင်
၂ ဦးသေဆုံးခဲ့တယ်လို့ ပဲခူးတိုင်းစစ်ဌာနက ဒီက
နေ့ ထုတ်ပြန်ပါတယ်။​

ပြီးခဲ့တဲ့မေလ ၁၁ ရက် မနက်ပိုင်းမှာ ပေါင်းတည်မြို့နယ်အတွင်းကို နယ်မြေရှင်းလင်းဖို့ ဝင်ရောက်
လာတဲ့ အင်အား (၆၀)​ ဝန်းကျင်ပါ စစ်တပ် စစ်
ကြောင်းကို ‌‌‌‌‌‌‌‌‌‌‌အမှတ် (၂) စစ်ဆင်ရေးနယ်မြေ၊ ပဲခူး
တိုင်းစစ်ဌာန၊ ဗျူဟာ(၂၁) ကွပ်ကဲမှုအောက်မှာရှိတဲ့ အမှတ်(၃၆၀၁) တပ်ရင်း၊ တပ်ခွဲ(၂) က မိုင်းဆွဲ တိုက်ခိုက်ခဲ့တာလည်းဖြစ်ပါတယ်။

စစ်တပ် စစ်ကြောင်းကို (၇)ကြိမ် မိုင်းဆွဲတိုက်ခိုက်ခဲ့ရာမှာ စစ်တပ်တပ်ဖွဲ့ဝင် (၂)ဦးသေဆုံးပြီး (၂)ဦးမှာထိခိုက်ဒဏ်ရာရရှိခဲ့တယ်လို့တော်လှန်ရေးတပ်
ဖွဲ့ဝင်တွေက​ပြောပါတယ်။

စစ်တပ်စစ်ကြောင်းကလက်နက်ကြီး၊လက်နက်
ငယ်တွေနဲ့ ပစ်ခတ်ခဲ့တဲ့အပြင်ကျေးရွာအတွင်းကပြည်သူပိုင်ဆိုင်ကယ် (၆)စီး၊ နွား (၂)ကောင်ကို လုယက်ခိုးယူကာ လူနေအိမ် ( ၉ ) လုံးကိုလည်း မီးရှို့ဖျက်ဆီးခဲ့တယ်လို့ဖော်ပြထားပါတယ်။

"ပေါင်းတည်မြို့နယ်၊ပေါက်တောကျေးရွာ ခမရ ၁၀ တပ်ထဲက ထွက်လာတဲ့ စစ်ကြောင်းပါ။ မိုင်းဆွဲပြီးတဲ့နောက်မှာတော့ သူတို့က သေဆုံးလူနာတွေကို ကောက်သွားပြီး တပ်ထဲပြန်ဝင်သွားကြတယ်" လို့ ပြည်ခရိုင်တပ်ရင်း ၁ စစ်ထောက်လှမ်းရေးနဲ့ သတင်းပြန်ကြားရေးတာဝန်ခံရဲဘော် Shadow ကပြောပါတယ်။

မိုင်းဆွဲတိုက်ခိုက်မှုအတွင်းတော်လှန်ရေးတပ်ဘက်က အထိအခိုက်မရှိဘဲ အောင်မြင်စွာ စစ်ဆင်ရေး ဖော်ဆောင်နိုင်ခဲ့တယ်လို့ ပဲခူးတိုင်းစစ်ဌာနက ထုတ်ပြန်ထားပါတယ်။

မိုင်းဆွဲခံရပြီးပေါက်တောကျေးရွာခမရ(၁၀)တပ်ထဲပြန်ဝင်သွားတဲ့ စစ်တပ်စစ်ကြောင်းဟာ အင်
အားပြန်လည်ဖြည့်တင်းပြီးမေလ၁၅ရက်မှာ ပေါင်းတည်မြို့နယ်၊ အဂ္ဂရာပြည့်ကွက်သစ်ကျေးရွာကို ရောက်ရှိနေတယ်လို့ တော်လှန်ရေးတပ်ဖွဲ့ဝင်တွေဆီကသိရပါတယ်။

ပဲခူးတိုင်းမှ PDF ​​တွေကို အခန်းအနားတစ်ခုမှာ​တွေ့ရစဥ်။ဓါတ်ပုံ-ပဲခူးPDF