မေလဆန်းကစတင်ပြီ ပဲခူးတိုင်း ပန်းတောင်းမြို့က ကပစ(၁၆)ရဲ့ ကာကင်းစခန်းတွေကို လေ
ကြောင်းအပြင်းအထန်တိုက်ခိုက်မှုတွေကြားကနေ အာရက္ခတပ်တော်(AA)နဲ့မဟာမိတ်တွက ဆက်တိုက်သိမ်းယူနေပါတယ်။

၆၆၆ပွိုင့်ကုန်းကို AAနဲ့မဟာမိတ်တွက ပြီးခဲ့တဲ့ ဇန်နဝါရီလမှာသိမ်းယူခဲ့ပြီးတဲ့နောက် တိုက်ပွဲတွေဖြစ်နေတာကနေ မေလဆန်းကစတင်ပြီး စခန်းသိမ်းတိုက်ပွဲထိုးစစ်တွေ ဖော်ဆောင်ခဲ့တာလို့ စစ်ရေးသတင်းရင်းမြစ်ကပြောပါတယ်။

“ဒီရက်ဖြစ်နေတာကတော့ အရင်ကမကြားဖူးမမြင်ဖူးတာတွေဖြစ်နေတာ။စစ်တပ်လေကြောင်းက နေ့ရော၊ညပါလာပစ်နေတာပါ။ဒီရက်ထဲတင်နော် ကပစ ရဲ့ ကာကင်း ၄ ခု သိမ်းတယ်။ကပစ(၁၆)။ စစ်တပ်က ဖြည့်ဖို့ကြိုးစားနေတဲ့အင်အားတွေကိုပါ ဖြတ်ဆော်နေတာ” လို့ပန်းတောင်းမြို့ခံသတင်းရင်းမြစ်တဦးကပြောပါတယ်။

၆၆၆ပွိုင့်ကုန်းကို AAနဲ့မဟာမိတ်တွက ပြီးခဲ့တဲ့ ဇန်နဝါရီလ ၂၈ရက်မှာသိမ်းယူခဲ့တာပါ။ အဲ့ဒီနောက်ပိုင်း နေ့စဉ်နီးပါးတိုက်ပွဲတွေဖြစ်ခဲ့ပြီး ယခုရက်ပိုင်းမှာအပြင်းထန်ဆုံးဖြစ်နေတာလို့ AAနဲ့ပူးပေါင်းပြီးစစ်ရေးဖော်ဆောင်နေတဲ့ တော်လှန်
ရေးသတင်းရင်းမြစ်ကပြောပါတယ်။ စစ်ရေးအခြေအနေအသေးစိတ်ကိုတော့၎င်းက မပြောလိုဘူးလို့ဆိုပါတယ်။

မေလ၄ရက်ကနေမေလ ၇ရက်အတွင်းတိုက်ပွဲတွေမှာ ကပစ(၁၆)အနီးက ပွိုင့် ၅၀၀ကုန်းရဲ့ ကာကင်းစခန်းလေးခုကို AAနဲ့မဟာမိတ်တွက သိမ်းယူခဲ့ပြီး စစ်ကောင်စီဘက်ကသေဆုံးသူ၂၀ထက်မနည်းရှိခဲ့တယ်လို့ AAရဲ့ စစ်ရေးသတင်းတွေကိုဖော်ပြပေးနေတဲ့ Arakan Princess Media က ဓာတ်ပုံမှတ်တမ်းတွေနဲ့ထုတ်ပြန်ထားပါတယ်။

https://www.ludunwayoo.com/feature-mm/2026/05/11/156782/

တဖြည်းဖြည်းနဲ့ပိုပြီးမငြိမ်းချမ်းလာတဲ့ကမ္ဘာကြီးကိုသရုပ်ဖေါ်ပြတဲ့ဝေါဟာရတစ်ခုပေါ်ထွက်လာခဲ့ ပါတယ်။ဒီဘန်းစကားဟာ၂၀၂၅ ခုနှစ်မှာစတင်ပေါ်ပေါက်လာတာဖြစ်ပြီးလန်ဒန်အခြေစိုက်BMJ Global Health Journal မှာစတင်သုံးစွဲခဲ့တာပါ။

’Healthocide’ ဆိုတဲ့စကားဖြစ်ပြီး’ ကျန်းမာရေးကဏ္ဏကို လုပ်ကြံသတ်ဖြတ်ခြင်း’လို့ဘာသာပြန်ရမယ်ထင်ပါတယ်။

Health (ကျန်းမာရေး)နဲ့ Homicide (သတ်ဖြတ်ခြင်း)ဆိုတဲ့စာကားလုံးနှစ်လုံးကိုပေါင်းစပ်ထားတာပါ။အဓိပ္ပါယ်ကတော့စစ်ပွဲနဲ့ပဠိပက္ခတွေမှာကျန်းမာရေးဆိုင်ရာအခြေခံအဆောက်အဦတွေကိုပစ်မှတ်ထားပြီးတိုက်ခိုက်တာဖြစ်ပါတယ်။ဆေးရုံးတွေ၊ဆေးခန်းတွေကိုဗုံးကြဲတာ၊လူနာတင်ကားတွေကိုပစ်ခတ်တာ၊ဆရာဝန်၊သူနာပြုနဲ့ကြက်ခြေနီတွေကိုတိုက်ခိုက်တာ၊ဆေးဝါးနဲ့ကျန်းမာရေးဆိုင်ရာအထောက်အပံ့လမ်းကြောင်းတွေကိုပိတ်ဆို့ချေမှုန်းတာ၊ဇီဝလက်နက်တွေသုံးစွဲတာတွေဖြစ်ပါတယ်။

လူသားမဆန်တဲ့စစ်ရာဇဝတ်မှုတွေထဲမှာအကြီးမားဆုံးပြစ်မှုတစ်ခုဖြစ်ပါတယ်။ဝမ်းနည်းစရာကောင်းတာကတော့စစ်ပွဲတိုင်းလိုလိုမှာဒီလုပ်ရပ်တွေကိုတွေ့နေရတာပါပဲ။လက်ရှိရုရှ-ယူကရိန်းစစ်ပွဲ၊အစ္စရေး -ဟားမာ့စ် (ဂါဇာ)၊လက်ဘနွန်၊အမေရိကန် -အစ္စရေးနဲ့အီရန် ၊မြန်မာပြည်တွင်းစစ်တွေအထိ ဒီပြစ်မှုတွေ ကိုတွေ့နေရပါတယ်။

စစ်ရေးမှာအနိုင်ရဖို့အတွက်တစ်ဖက်ရန်သူရဲ့အားအနည်းဆုံးနေရာကိုထိုးနှက်တာပါ။နယ်မြေထိန်းချုပ်ဖို့တိုက်ခိုက်ရုံမဟုတ်တော့ပဲလူ့အဖွဲ့
အစည်းတစ်ခုလုံးကိုအမြစ်ဖြုတ်ဖို့လုပ်တာဖြစ်ပါတယ်။


https://www.ludunwayoo.com/opinion-mm/2026/05/04/156097/

လေးကေစခန်းသိမ်းတိုက်ပွဲပြန် PDFရဲဘော်တွေကို နောက်တန်းက ရဲဘော်တွေ၊ မိသားစုတွေ ကြိုဆို

မေ ၁၁၊ ၂၀၂၆။ ထားမြတ်/People’s Spring

မွန်ပြည်နယ်၊ ဘီးလင်းမြို့နယ် လေးကေ စစ်တပ်စခန်းသိမ်းပိုက်ပြီး ပြန်လာတဲ့ Rangoon Warriors PDF တပ်ရင်းက တိုက်ပွဲဝင်ရဲဘော်တွေကိုနောက်တန်းမှာ ကျန်နေတဲ့ ရဲဘော်တွေ၊ တပ်ရင်းမိသားစုတွေက အောင်သပြေနဲ့ ကြိုဆိုခဲ့ကြောင်း အဆိုပါတပ်ရင်းက ရုပ်သံမှတ်တမ်း ထုတ်ပြန် ပါတယ်။

လေးကေစခန်းကို ကရင်အမျိုးသားအစည်းအရုံး(KNU)နဲ့ PDF ပူးပေါင်းတပ်က ဧပြီ ၁၂ရက်မှာ သိမ်းပိုက်ခဲ့တာဖြစ်ပြီး အဲဒီ စစ်ဆင်ရေးမှာပါတဲ့ Rangoon Warriors PDF ရဲဘော်တွေကို ဂုဏ်ပြု ကြိုဆိုတဲ့ ရုပ်သံကို မေလ ၁၀ရက်ညပိုင်းမှာ ဖော်ပြခဲ့တာပါ။

လေးကေစခန်းသိမ်းတိုက်ပွဲမှာ Rangoon Warriors PDF တပ်ရင်းက ဒုတပ်ရင်းမှူး ဦးဆောင်တဲ့ ချေမှုန်းရေး ရဲဘော်တွေ၊ ဒရုန်း လက်ရုံးတပ်ဖွဲ့ဝင် ရဲဘော်တွေ စနိုက်ဘာ ရဲဘော်တွေ ပါဝင်ဆင်နွှဲခဲ့တာလို့ ဆိုပါတယ်။

ပြည်သူအတွက် အောင်ပွဲ တွေရဖို့ ဆက်လက်တိုက်ပွဲဝင်သွားမယ်လို့လည်း Rangoon Warriors PDF က ထုတ်ပြန်ပါတယ်။

စစ်ခေါင်းဆောင်မင်းအောင်လှိုင်တပ်ရင်းမှူးဘ၀က တာဝန်ယူခဲ့ဖူးတဲ့ လေးကေ တပ်စခန်းကို ဧပြီ ၇ရက်မှာ တော်လှန်ရေး ပူးပေါင်းတပ်က စတင်ထိုးစစ်ဆင်ခဲ့ရာ ဧပြီ ၁၂ရက်မှာ သိမ်းပိုက်နိုင်ခဲ့တာဖြစ်ပါတယ်။ စခန်းသိမ်း စစ်ဆင်ရေးမှာ စစ်ကောင်စီရဲ့ ဒုတပ်ရင်းမှူး အောင်သော်နဲ့ အခြားဆင့်တစ်ဦး အရှင်ဖမ်းဆီးရမိခဲ့ပြီး စစ်ကောင်စီဘက်က သေဆုံးထိခိုက်သူတွေလည်း ရှိခဲ့ပါတယ်။ လေးကေတပ်စခန်းက လက်နက်ကြီး လက်နက်ငယ်အချို့ သိမ်းရခဲ့သလို ထွက်ပြေးသွားတဲ့ စစ်ကောင်စီတပ်သားတွေကိုလည်း လိုက်လံရှင်းလင်းရာ စစ်ကောင်စီတပ်က ထပ်မံ သေဆုံးတာ လက်နက်တွေ သိမ်းရတာ ရှိခဲ့ပါတယ်။

လေးကေစခန်းသိမ်း KNUတပ်မဟာ (၁)ရှိ KNLA တပ်ရင်းများ၊ KNDO၊ ABSDF၊ အထူးတိုင်းစစ်ဌာန နည်းဗျူဟာ (၂၇) ကွပ်ကဲမှုအောက်ရှိတပ်ရင်းများ၊ နည်းဗျူဟာ (၃၇) ကွပ်ကဲမှုအောက်ရှိတပ်ရင်းများ၊ အထူးစစ်ဆင်ရေးတပ်ဖွဲ – SOF၊ ရန်ကုန်တိုင်းပကဖ တိုက်ခိုက်ရေးစစ်ကြောင်း၊ UOC စစ်ကြောင်း၊ FFD ဒရုန်းတပ်ဖွဲ၊ ရောင်နီဒရုန်းတပ်ဖွဲ၊ Cloud Wings ဒရုန်းတပ်ဖွဲ၊ FFDF ဒရုန်းတပ်ဖွဲ၊ Rangoon Warriors ဒရုန်းတပ်ဖွဲ ၊ KRF ဒရုန်းတပ်ဖွဲတို ပူးပေါင်း တိုက်ခိုက်သိမ်းပိုက်ခဲ့ခြင်းဖြစ်ပါတယ်။

ရုပ်သံ - Rangoon Warriors PDF

ဒေါ်​အောင်ဆန်းစုကြည်အသက်ရှင်လျက်ရှိ​ကြောင်း​သက်​သေပြ​ပေးဖို့ လှုပ်ရှားမှု​တွေပိုမိုကြီးမားကျယ်ပြန့်လာတာနဲ့ အမျှ စစ်အုပ်စုက လူထုကို အာရုံ​ပြောင်းဖို့ ကြိုးစားတဲ့ဖြစ်စဥ်​တွေပိုများလာပါတယ် ။

ရန်ကုန်မှာ ပုဏ္ဏကတိုက်ပြီး ပန်းချီကားထဲက ဘီလူးးကအပြင်​ရောက်လာတာ ၊ ​ညောင်ရွက်​တွေ ​ရွှေအိုရောင်​​ပြောင်းကုန်လို့ စစ်တပ်ဝန်ထမ်း​တွေ သွားဖူးခိုင်းတာ ၊ ဘုန်းကြီးက ကိုရင်​လေးကို နှိပ်စက်ညှင်းပန်းတဲ့ ဗီဒီယိုဖိုင် အ​ဟောင်းတင်ပြီး အခုမှ ဖြစ်သလို လုပ် အ​ရေးယူပြတာ​တွေ ၊ စစ်တပ်ထိန်းချုပ်မှု​အောက်က မယ်ပြိုင်ပွဲမှာ မယ်သီလရှင် ဝတ်ရုံဝတ်တယ်ဆိုပြီး အ​ရေးယူ
တာ​တွေ စတဲ့ ဇာတ်လမ်းမျိုးစုံကို တစ်ခုပြီးတစ်ခု
​ပေါ်​နေပါ​တော့တယ် ။ ဒါ​ပေမယ့် စစ်တပ်ထိန်းချုပ်မှု​အောက်က မီဒီယာ​တွေ​ရော၊ စစ်တပ်ဝါဒဖြန့် မီဒီယာ​တွေ​ရောက ​​ဒေါ်​အောင်ဆန်းစုကြည် အသက်ရှင်လျက်ရှိ​ကြောင်းသက်​သေပြဖို့
​တောင်းဆိုတဲ့ လူထုလှုပ်ရှားမှု​တွေ အ​ကြောင်ူကို​တော့ တစ်လုံးမျှ မ​ဖော်ပြကြပါဘူး ။

ရှစ်​လေးလုံး​တော်လှန်​​ရေးက​နေ အခု​နွေဦး​တော်လှန်​ရေးအထိ့ ပြည်သူနဲ့အတူရပ်ခဲ့တဲ့ ​တော်လှန်​ရေးသမားတဦးဖြစ်တဲ့ ဦးမင်းကိုနိုင်ကလည်း
ပြည်သူ​တွေအ​နေနဲ့ စစ်တပ်ရဲ့ဝါဒဖြန့်ချီ​ရေး​တွေကို သတိထားကြဖို့ အာရုံမပြန့်ဖို့ တိုက်တွန်းပါတယ်။ အရင်းအမြစ်​တွေ​ပေါများတဲ့စစ်အုပ်စုက ဝါဒဖြန့်ချီ​ရေးအတွက် ​ငွေ​ကြေးအများကြီးအသုံး
ပြုပြီး ပုံစံမျိုးစုံလုပ်နိုင်တာကိုသူက​​ထောက်
ပြပါတယ် ။

"ပြည်သူတွေရှင်းလင်းနေအောင်လို့ ဒီတော်
လှန်ရေးကို တာဝန်အသီးသီးယူထားတဲ့သူတွေကလည်း ကောင်းစွာရှင်းတဲ့ သတင်းစကားတွေကို ပြောဖို့လိုသလို ပြည်သူလူထုကလည်း ကိုယ်ဘယ်လိုအရာမျိုးကို ‌ရွေးချယ်ယုံကြည်ရမလဲဆိုတာကို တစ်သက်စာ အတွေ့အကြုံတွေနဲ့ရွေးပါ။ ပြီးတော့ နားထောင်ပြီးတော့မှ မိမိဉာဏ်ပညာနဲ့ ပိုင်းခြားပြီးတော့ ဆုံးဖြတ်ပါ။ အတူချီတတ်ကြပါမယ်။ အတူပန်းတိုင်ရောက်အောင်လည်း သွားရမယ်လို့မြင်ပါတယ်ဗျ"လို့ ဦးမင်းကိုနိုင်က တိုက်
တွန်းပါတယ် ။


https://youtu.be/pWCZxaydsvw?si=RRPJuVjdjgGL9GdL

စစ်ကောင်စီလေကြောင်းတိုက်ခိုက်မှုကြောင့် ဧပြီမှာ ပြည်သူ ၁၄၀နီးပါး သေဆုံးရဟု NUGထုတ်ပြန်

မေ ၁၁၊ ၂၀၂၆။ ထားမြတ်/People’s Spring

အကျဉ်းသားတွေ လွှတ်ပေးတာအပါအဝင် ဟန်ပြလုပ်ရပ်တွေလုပ်နေတဲ့ စစ်ကောင်စီက အရပ်သားတွေကို ပစ်မှတ်ထားတဲ့ လေကြောင်းတိုက်ခိုက်မှုတွေ ဆက်လက်လုပ်ဆောင်နေလို့ ဧပြီအတွင်းမှာ အရပ်သား ပြည်သူ ၁၃၈ ဦးသေဆုံးခဲ့ရကြောင်း အမျိုးသားညီညွတ်ရေးအစိုးရ(NUG) လူ့အခွင့်အရေးဆိုင်ရာ ဝန်ကြီးဌာနက ထုတ်ပြန်ပါတယ်။

ရွေးကောက်ပွဲအတု လုပ်၊ အတုအယောင်အစိုးရ ဖွဲ့ထားတဲ့ စစ်ကောင်စီက ဧပြီလမှာ လူ့အခွင့်အရေးချိုးဖောက်မှုပေါင်း ၄၅၆ခု ကျူးလွန်ခဲ့ရာ လေကြောင်း တိုက်ခိုက်မှု ၁၇၈ ကြိမ်ပြုလုပ်ခဲ့ပြီး ပြည်သူ ၁၃၈ ဦးသေဆုံးကာ ၂၀၃ ဦး ဒဏ်ရာရခဲ့တယ်လို့ ဆိုပါတယ်။

“အစိုးရအတု၊ လွှတ်တော်အတုတွေနဲ့ နိုင်ငံတကာကို လှည့်စားဖို့ ကြိုးစားနေတဲ့ အကြမ်းဖက်စစ်အုပ်စုက တခြားတစ်ဖက်မှာ အရပ်သားပြည်သူတွေကို ရက်စက်ကြမ်းကြုတ်တဲ့ လူ့အခွင့်အရေးချိုးဖောက်မှုတွေကို ဘယ်လောက်တောင် ကျူးလွန်နေသလဲဆိုတာကို အောက်ဖော်ပြပါ Video ကနေ အသေးစိတ် လေ့လာကြည့်ရှုနိုင်ပါတယ်” လို့ ဝန်ကြီးဌာနက စစ်ကောင်စီရဲ့ တိုက်ခိုက်မှုတွေကြောင့် အရပ်သား ပြည်သူ အသက်အိုးအိမ်စည်းစိမ်ပျက်စီးဆုံးရှုံးရမှု အခြေအနေ မြင်ကွင်း ရုပ်သံကို ဖော်ပြ အသိပေးပါတယ်။

ဧပြီလအတွင်း အစုလိုက်၊အပြုံလိုက် သတ်ဖြတ်မှုတွေ ကျူးလွန်တာ၊ နေအိမ်အဆောက်အအုံတွေ ဖျက်ဆီးတာတွေ စစ်အုပ်စုက ဆက်လက်လုပ်ဆောင်ခဲ့ပြီး စစ်အုပ်စု လက်ချက်ကြောင့် အိမ် ၅၈၉လုံး၊ စာသင်ကျောင်း ၁၁ကျောင်း၊ ဘာသာရေးအဆောက်အအုံ ၁၈ခု၊ ကျန်းမာရေးအဆောက်အအုံ ၇ခု ပျက်စီးခဲ့ရတယ်လို့ ဖော်ပြထားပါတယ်။

ဧပြီလအတွင်း အဆိုးရွားဆုံး ဖြစ်ရပ်အချို့ကို ဖော်ပြခဲ့ရာ ဧပြီ ၁ရက်ကနေ ၄ရက်အထိ မန္တလေးတိုင်း မြင်းခြံမြို့နယ် ဖက်ပင်အိုင်ရွာကို စစ်ကောင်စီက ဝင်ရောက်စီးနင်းပြီး ပြည်သူတွေ သတ်ဖြတ်တာ၊ အိမ်တွေ အပါအဝင် ပြည်သူပိုင်ပစ္စည်းတွေ မီးရှို့ဖျက်ဆီးတာ ကျူးလွန်ခဲ့တာကို မီးမောင်းထိုး ပြသခဲ့ပါတယ်။

စစ်ကောင်စီနဲ့ ပျူစောထီးအင်းအာ ၃၀၀နဲ့ ဖက်ပင်အိုင်ရွာကို ဝင်ရောက်စီးနင်းပြီး အပြစ်မဲ့ ပြည်သူ ၈ဦး၊ ရဲဘော် ၃ဦး ကို သတ်ဖြတ်ခဲ့သလို ပစ်သတ်ခံရတဲ့ ပြည်သူတွေကို မိသားစုဝင်တွေဆီ ပြန်မပေးဘဲ မီးပုံရှို့ဖျက်ဆီးခဲ့တယ်လို့ ဆိုပါတယ်။ ဒါ့အပြင် သေဆုံးခဲ့တဲ့ မိခင်ရုပ်အလောင်းကို သယ်ဆောင်လာတဲ့ မိသားစုဝင်တွေကို စစ်တပ်က ဒရုန်းနဲ့ တိုက်ခိုက်ခဲ့လို့ သားဖြစ်သူထပ်မံ သေဆုံးခဲ့ရမှုကိုလည်း အသိပေးထားပါတယ်။ စစ်အုပ်စုက ပြည်သူလူထု နေအိမ် ၂၀၀ ကျော်အပါအဝင် ပြည်သူလူထုပိုင် ပစ္စည်းတွေကို မီးရှို့ဖျက်ဆီးခဲ့တယ်လို့ ဖော်ပြထားပါတယ်။

တဖက်မှာလည်း စစ်ကောင်စီဟာ နိုင်ငံတကာအသိအမှတ်ပြုမှု ရဖို့ အကျဉ်းသား တွေ လွတ်ငြိမ်းချမ်းသာခွင့်ပေးခဲ့ပေမယ့် နိုင်ငံရေးအကျဉ်းသားအနည်းငယ်သာ ပါဝင်ပြီး အများစုဟာ ရာဇဝတ် အကျဉ်းသားတွေဖြစ်တယ်လို့ ထုတ်ပြန်ထားပါတယ်။

ဒါ့အပြင် စစ်ကောင်စီဟာ မေလအတွင်းမှာလည်း အရပ်သားတွေကို ပစ်မှတ်ထားတဲ့ လေကြောင်း တိုက်ခိုက်မှုတွေ ဆက်လက်ကျူးလွန်ခဲ့ပါတယ်။

ကချင်ပြည်နယ်၊ ဖားကန့်မြို့နယ် လုံးခင်းဒေသ တိုက်ပွဲမှာဆိုရင် စစ်ကောင်စီဟာ အရပ်သား နေထိုင်ရာ ပစ်မှတ်တွေကို လေကြောင်း ဗုံးကြဲတာ၊ လက်နက်ကြီးနဲ့ ပစ်တာ၊ လေကြောင်းက စက်သေနတ်နဲ့ ပစ်တာ တွေ လုပ်ဆောင်ခဲ့ပါတယ်။ ဒီလို လုပ်ဆောင်မှုတွေဟာ စိုးရိမ်ဖွယ်ရာဖြစ်လို့ အရပ်သားတွေကို ပစ်မှတ်ထားတိုက်ခိုက်တာတွေ ရပ်တန့်ဖို့လိုအပ်ကြောင်း ကချင်လူ့အခွင့်အရေးစောင့်ကြည့်အဖွဲ့(KHRW) ပြောရေးဆိုခွင့်ရှိသူ ကိုဂျေကော့က ပြောထားပါတယ်။

(ကရင်အမျိုးသားအစည်းအရုံး၊ ကော်သူးလေအုပ်ချုပ်နယ်မြေမှာ မေလပထမအပတ်က စစ်ကောင်စီ လေကြောင်းတိုက်ခိုက်မှုကြောင့် ဒေသခံရဲ့နေအိမ် ပျက်စိးနေတာကို တွေ့ရစဉ်။ ဓာတ်ပုံ - KNU)

"(မြစ်ဆုံစီမံကိန်းက)ကျွန်မ တို့က ကချင်ပြည်နယ်ဒေသ တခုကိုပဲ ဆိုးကျိုးသက်ရောက်စေတာ မဟုတ်တဲ့အတွက်မြန်မာနိုင်ငံ အလယ်ပိုင်းမှာရှိတဲ့ ပြည်သူတွေကိုလည်း အရင်တချိန်က သမ္မတ သိန်းစိန် ခေတ်တုန်းကလိုပဲ အားလုံးပါဝင်ပေးဖို့ မြစ်ဆုံစီမံကိန်းကို အပြီးအပိုင် ဖျက်သိမ်းပေးဖို့ တောင်းဆိုတဲ့ လှုပ်ရှားမှုတွေကို ဆက်ပြီးတော့ အတူတူ လုပ်သွားဖို့လည်းဖိတ်ခေါ်ချင်ပါတယ်။
ကျေးဇူးတင်ပါတယ်"

●မြစ်ဆုံစီမံကိန်းကန့်ကွက်တဲ့ ဒေသခံတွေ နဲ့ အရပ်ဘက်အဖွဲ့ ၄၉ဖွဲ့ရဲ့ ပြောခွင့်ရ မဆိုင်းမိုင်နဲ့ မေးမြန်းခန်း


https://youtu.be/1CaWYGg4qIc?si=2B4pTvht3zsSvpI6

ဒေါ်အောင်ဆန်းစုကြည်သက်ရှိထင်ရှားရှိနေကြောင်း သက်သေပြပေးဖို့ "အမေများနေ့"မှာ အမေရိကန်ရောက်မြန်မာတွေ တောင်းဆို

မေ-၁၁၊၂၀၂၆။ သုည/People's Spring

အမေရိကန်ပြည်ထောင်စု ကာလီဖိုးနီးယားပြည်နယ် ဆန်ဖရန်စစ္စကိုဗေးဧရိယာမှာ ပြည်ပရောက်မြန်မာတွေ စုပေါင်းပြီး နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သက်ရှိထင်ရှားရှိနေကြောင်း သက်သေပြဖို့ "Proof of life" ဆန္ဒပြတောင်းဆိုမှုကို မေလ ၁၀ ရက်မှာကျရောက်တဲ့ "အမေများနေ့"မှာ ပြုလုပ်ခဲ့ပါတယ်။

ယင်းလှုပ်ရှားမှုကို Free Burma Action Committee-Northern California အဖွဲ့နဲ့ အမေရိကန်နိုင်ငံရောက် နွေဦးတော်လှန်ရေးတိုက်ပွဲဝင်အင်အားစုတွေ၊ တိုင်းရင်းသားအင်အားစုတွေ၊ တက်ကြွလှုပ်ရှားသူတွေနဲ့ ကျောင်းသူ၊ ကျောင်းသားတွေ ပူးပေါင်းပါဝင်ခဲ့ပါတယ်။

ဆန္ဒပြသူတွေက ဒေါ်အောင်ဆန်းစုကြည် သက်ရှိထင်ရှားရှိနေကြောင်း သက်သေပြပေးဖို့ (Proof of life) လှုပ်ရှားမှု၊ ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားအားလုံး ခြွင်းချက်မရှိ အမြန်ဆုံးပြန်လွှတ်ပေးဖို့ (Blue Shirt Movement -Myanmar) လှုပ်ရှားမှု၊ US government အနေနဲ့ စစ်အကြမ်းဖွဲ့ အဖွဲ့ ၊ မဆက်ဆံဖို့နဲ့ တွေ့ဆုံဆွေးနွေးမှုတွေမလုပ်ဖို့နဲ့ ဘာကြောင့် မလုပ်သင့်သလဲ ဆိုတဲ့ အချက်တွေရေးထားပြီး Congress ကို ပို့မဲ့စာမှာ ပါဝင် လက်မှတ်ရေးထိုးသော Advocacy လှုပ်ရှားမှု တို့ကို ပြုလုပ်ခဲ့ပါတယ်။

ဒါ့အပြင် ၂၇ ကြိမ်မြောက်နွေဉီးတော်လှန်ရေးရန်ပုံငွေစျေးပွဲတော်နဲ့အတူ အထူးအစီအစဉ်တွေကိုလည်း လုပ်ဆောင်ခဲ့ကြောင်း Free Burma Action Committee-Northern California အဖွဲ့က ဆိုပါတယ်။

ဒေါ်အောင်ဆန်းစုကြည် ကျန်းမာကြောင်း သက်သေပြပေးဖို့ တောင်းဆိုတဲ့ Proof of Life ကမ်ပိန်းကို ဧပြီ ၂၁ ရက်က စတင်ခဲ့တာ ဖြစ်ပါတယ်။

ဒေါ်အောင်ဆန်းစုကြည်ကို အာဏာသိမ်းစစ်တပ်က မတရားဖမ်းဆီးခဲ့တဲ့ အချိန်ကတည်းက ပြင်ပနဲ့ အဆက်အသွယ်ဖြတ်တောက်ခဲ့ပြီး သတင်းဖုံးထားတာကြောင့် သားဖြစ်သူ ကိုထိန်လင်း(ခ) ကင်မ်အဲရစ်အပါအဝင် ပြည်သူတွေက စိုးရိမ်နေကြတာပါ။

Proof Of Life ကမ်ပိန်းမှာ ပါဝင်လိုသူတွေအနေနဲ့ ဒေါ်အောင်ဆန်းစုကြည် ကျန်းမာကြောင်း သက်သေပြပေးဖို့ ဆိုရှယ်မီဒီယာကနေ ကိုယ့်ရဲ့ခံစားချက်တွေအတိုင်း တောင်းဆိုဖို့နဲ့ ကိုယ်နေထိုင်တဲ့ နိုင်ငံတွေက သက်ဆိုင်ရာအစိုးရဌာနတွေကနေ ဒေါ်အောင်ဆန်းစုကြည် အသက်ရှင်ကြောင်း အထောက်အထားတစ််ခုခု စစ်တပ်ကထုတ်ပြန်ပေးဖို့ အကူအညီတောင်းဆိုမှု လုပ်ဆောင်နေတာ ဖြစ်ပါတယ်။

စစ်ရေးတင်းမာနေတဲ့ ဖားကန့်မှာ အရပ်သားတွေလုံခြုံရေး KIAသတိပေး

မေ-၁၁၊၂၀၂၆။ဇော်ရမ်း/ People's Spring

ကချင်ပြည်နယ်၊ ဖားကန့်မြို့နယ်ကို စစ်တပ်စစ်ကြောင်းတွေ ထပ်မံဝင်ရောက်လာပြီး စစ်ရေးဆက်လက် တင်းမာနေသလို တိုက်ပွဲတွေပိုပြင်းထန်လာနိုင်တဲ့အခြေအနေကြောင့် ဒေသခံပြည်သူတွေအနေနဲ့ လုံခြုံရေးကို ပိုပြီးသတိပြုနေထိုင်ကြဖို့ ကချင်လွတ်လပ်ရေးတပ်မတော်(KIA) ပြောရေးဆိုခွင့်ရှိသူ ဗိုလ်မှူးကြီးနော်ဘူက သတိပေးပါတယ်။

" ဖားကန့်မှာတိုက်ပွဲတွေ ပိုပြင်းထန်လာနိုင်တယ်ဆိုတာ ဒေသခံပြည်သူတွေ ပိုပြီးသိရှိထားဖို့လိုတယ်။ သူတို့ အင်အားတွေ ထပ်ပြီး တိုးနေတယ်။ စစ်ကြောင်းတွေဝင်လာရင်ထွက်ပြီးမကြည့်ကြဖို့၊ ဘေးကင်းတဲ့နေရာကို သွားနေဖို့ အရေးကြီးပါတယ်"လို့ ဗိုလ်မှူးကြီးနော်ဘူက ပြောပါတယ်။

လုံးခင်းကျေးရွာအုပ်စုမှာတပ်စွဲထားတဲ့ စစ်တပ်စစ်ကြောင်းတွေဟာ ဖားကန့်မြို့ဘက်ကို ပိုတိုးလာပြီး လုံးခင်းနဲ့ ဖားကန့်ကြားမှာရှိတဲ့ နမ္မဖြစ်‌ရွာက ဘုရားကျောင်းမှာ တပ်စွဲထားတယ်လို့ ဒေသခံတွေကပြောပါတယ်။

ဖားကန့်မြို့ကို မေလ၁၀ရက်မှာ စစ်တပ်မြေပြင်စစ်ကြောင်းတွေဝင်လာစဉ် ဒရုန်းနဲ့ ဗုံးကြဲပြီး လမ်းရှင်းတဲ့အတွက် ဒေသခံတစ်ဦးသေဆုံးပြီး ကလေးငယ်တစ်ဦး ဒဏ်ရာရသွားတယ်လို့ သိရပါတယ်။

တိုက်ပွဲတွေဖြစ်ပွားနေတဲ့ ဖားကန့်ဒေသမှာ စစ်ရေးပစ်မှတ်မဟုတ်တဲ့နေရာတွေကို စစ်တပ်ကလေကြောင်းကနေ ဗုံးကြဲသွားလို့ အရပ်သားထိခိုက်သေဆုံးမှုတွေရှိတယ်လို့ ဒေသခံတွေက ပြောပါတယ်။

မေလ ၆ရက်က လုံးခင်းကျေးရွာအုပ်စု၊ ရပ်ကွက်(၄)ကို စစ်တပ်ကလက်နက်ကြီးနဲ့ပစ်ခတ်လို့ အရပ်သားနှစ်ဦး ဒဏ်ရာရခဲ့ပါတယ်။မေလ၇ရက်ကလည်း လုံးခင်းကျေးရွာအုပ်စုထဲမှာ မိုင်းပေါက်ကွဲပြီး ကလေးငယ်တစ်ဦး သေဆုံးခဲ့ပါတယ်။

မေလ ၈ရက်မှာ လုံးခင်းကျေးရွာအုပ်စု၊ မလောင်ရွာက ကျောက်စိမ်းကုမ္ပဏီလုပ်ကွက်တစ်ခုနဲ့ လုံးခင်းဂေါက်ကွင်းလမ်း၊ကုဋေလမ်းဆုံအနီးကို ဂျက်ဖိုက်တာနဲ့ ဗုံးကြဲသွားလို့ ထိခိုက်ပျက်စီးမှုတွေရှိခဲ့ပါတယ်။

ဖားကန့်မှာ ဧပြီ၂ရက်ကစတင်ပြီး စစ်ရေးတင်းမာနေတာကနေ လုံးခင်းကျေးရွာအုပ်စုအတွင်း စစ်တပ်စွဲထားတဲ့နေရာတွေကို KIA၊KPDFက ဒရုန်းနဲ့ ဗုံးကြဲတိုက်ခိုက်ခဲ့ပါတယ်။ စစ်တပ်ကလည်း လက်နက်ကြီး၊ဒရုန်းတွေသုံးပြီး တိုက်ခိုက်ခဲ့ပါတယ်။မေလ ၄ရက် မနက်ပိုင်းမှာ KIA၊KPDFက တကျော့ပြန်ထိုးစစ်ဆင် တိုက်ခိုက်ခဲ့ပြီး ဒီနေ့ဆို မြေပြင်တိုက်ပွဲ ၈ရက်မြောက်ဖြစ်ပါတယ်။

ဖားကန့်ဒေသကို ရောက်ရှိနေတဲ့စစ်ကြောင်းမှာ စစ်တပ်နဲ့အတူ ရှမ်းနီတပ်၊ ဝါရာဇွပ်ပြည်သူ့စစ်တပ်ဖွဲ့ဝင်တွေ အင်အားထောင်ချီပြီးပါဝင်တယ်လို့ သတင်းရရှိပါတယ်။ အဲဒီစစ်ကြောင်းတွေက အရပ်သားပြည်သူတွေကိုဖမ်းဆီးမှုတွေ၊ သတ်ဖြတ်မှု ‌ တွေလည်းရှိနေပြီး ဒေသခံတွေ ထွက်ပြေးတိမ်းရှောင်နေကြရပါတယ်။လူမှုကယ်ဆယ်ရေးရုံးခန်းအချို့မှာလည်း စစ်ကောင်စီကတပ်စွဲထားလို့ နာရေးကူညီမှုတွေအပါအဝင် တခြားလူမှုကယ်ဆယ်ရေးလုပ်ငန်းတွေကို ရပ်တန့်ထားကြရပါတယ်။

ဒါအပြင် စစ်တပ်က လမ်းသွားလမ်းလာတွေစစ်ဆေးပြီး ပါလာတဲ့ငွေကြေးတွေကို လုယက်ယူဆောင်နေတယ်လို့ ဒေသခံတွေက ပြောပါတယ်။

(၂၀၂၅မေလက ဖားကန့်မြို့အတွင်း ဝင်ရောက်လာသော စစ်ကြောင်းမှ စစ်သားတချို့။ ဓာတ်ပုံ- Tarlin Mg)

■​မေးမြန်းခန်း

"သူတို့(တရုတ်အစိုးရ)အကျိုးအမြတ်အတွက် ဒီလို(မြန်မာမှာ) မတည်ငြိမ်မှုကိုသူတို့အနေနဲ့လည်းအခွင့်ကောင်းယူပြီးတော့ဒီဟာ(မြစ်ဆုံစီမံကိန်း)ကို အပေးအယူလုပ်နေတယ်လို့မြင်ပါတယ်"

●မြစ်ဆုံစီမံကိန်းကန့်ကွက်တဲ့ ဒေသခံတွေ နဲ့ အရပ်ဘက်အဖွဲ့ ၄၉ဖွဲ့ရဲ့ ပြောခွင့်ရ မဆိုင်းမိုင်နဲ့ မေးမြန်းခန်း

ကချင်ပြည်နယ်၊ မြစ်ကြီးနားမြို့နယ် မြစ်ဆုံရေကာတာစီမံကိန်း ပြန်စဖို့ အာဏာသိမ်းစစ်တပ်က အရှိန်မြှင့်လုပ်လာပါတယ် ​။ မြန်မာနိုင်ငံ​မြောက်ဖျားမှ မြစ်ဝကျွန်း​ပေါ်အ​ထိ မိုင်​ပေါင်း ၁၃၀၀​ကျော် ဖြတ်သန်းစီးဆင်းရင်း တစ်နိုင်ငံလုံးကိုအကျိုးပြု ​နေတဲ့ မြန်မာ့အသက်​သွေး​​ကြော
ဧရာဝတီ မြစ်မှာ တရုတ်အစိုးရနဲ့ စစ်တပ်ပူး​ပေါင်းပြီး မြစ်ဆုံစီမံကိန်းလုပ်မယ့်အပေါ် ကချင်ဒေသခံတွေနဲ့ အရပ်ဘက်အဖွဲ့အစည်း ၄၉ဖွဲ့တို့ကကန့်ကွက်ကြောင်း ကြေညာချက် ထုတ်ပြန်ခဲ့ပါတယ်။ ဧရာဝတီမြစ်ဆုံစီမံကိန်း ကို ကန့်ကွက်ခဲ့တဲ့
ကချင်ဒေသခံတွေနဲ့ အရပ်ဘက်အဖွဲ့ ၄၉ဖွဲ့ရဲ့ ကြေ
ညာချက် ပြောရေးဆိုခွင့်ရှိသူ မဆိုင်းမိုင်ကို လူထု​နွေဦးက​မေးမြန်းထားပါတယ် ။

-ရွက်ဝါ/People’s Spring

မေး- မြစ်ဆုံစီမံကိန်းနဲ့ပတ်သက်တဲ့ သဘောထား ကြေညာချက် ထုတ်ပြန်ရတဲ့ အခြေအနေ ကို အရင်ဆုံး ရှင်းပြပေးပါလား။

ဖြေ-မြစ်ဆုံရေကာတာ စီမံကိန်း သဘောထား ထုတ်ပြန်တဲ့ ကိစ္စနဲ့ ပတ်သက်ပြီးတော့ ကျမတို့ ကချင် အရပ်ဘက် အဖွဲ့အစည်းပေါင်း ၄၉ ဖွဲ့နဲ့အတူ ကချင်ဒေသခံတွေ ပူးပေါင်းပြီး ထုတ်ပြန်လိုက်တဲ့ ကြေညာချက်ဖြစ်တယ်။ ဒီဟာက ကျမတို့ အနေနဲ့ လက်ရှိ ဒီစစ်အစိုးရကနေ သူ့ရဲ့ အပေါင်းအပါတွေ သူ့ရဲ့ လက်အောက်ခံ အဖွဲ့တွေက နေပြီးတော့ ဒီမြစ်ဆုံရေကာတာ ပြန်လည်စတင်နိုင်ဖို့အတွက် စည်းရုံးရေးတွေ စဉ်ဆက်မပြတ် လုပ်ဆောင်လာတဲ့ဟာကို တွေ့ရတယ်။ ဒီလို လုပ်ဆောင်တဲ့ အချိန်မှာ သူတို့တွေက တဖက်မှာက မြစ်ဆုံရေကာတာ စီမံကိန်းကို ဆန့်ကျင် ရင် တည်ဆဲဥပဒေနဲ့ အရေးယူမယ်ဆိုပြီး ခြိမ်းခြောက်ပြီးတော့ တဖက်မှာကျတော့ သူတို့ကကျတော့ လွတ်လွတ်လပ်လပ်နဲ့ အခွင့်အာဏာတွေ အသုံးပြုပြီး စည်းရုံးရေးတွေ လုပ်နေတယ်။ လူတွေကို မတက်မနေရ ဖိတ်ပြီးတော့ တက်ရောက်စေတဲ့ ဟာမျိုးတွေ တွေ့ရတယ်။ ဒီလိုမျိုး လုပ်ရပ်က ဒီ လက်ရှိ ကချင်ပြည်နယ်က ပြည်သူတွေဟာ စစ်ပွဲ ပဋိပက္ခကြောင့်မို့ သိန်းနဲ့ ချီပြီးတော့ ပြည်သူတွေ များစွာက စစ်ပြေးဒုက္ခသည် အဖြစ်အနေနဲ့ IDP Camp တွေမှာနေနေရတယ်။ သူတို့ သွားတွေ့တဲ့နေရာတွေဆိုလည်း ဝိုင်းမော်တို့မှာဆိုလည်း မြစ်ဆုံအထက်ဘက်က ပြည်သူတွေပေါ့။ အထူး
သဖြင့် တိုက်ပွဲကြောင့် ထွက်ပြေးတိမ်းရှောင်လာရတဲ့ပြည်သူတွေများတယ်။ ဒီလိုမျိုး ခက်ခဲ ကျဉ်းထဲ ကြပ်ထဲရောက်နေတယ် အသက်ရှင်ရပ်တည်ခွင့်ကို ရဖို့ အတွက် သူတို့ခမျာထွက်ပြေးတိမ်း
ရှောင်လာရတဲ့ အခြေအနေမှာ တနေ့စာ တနေ့ စားဖို့တောင် ခက်ခဲနေတယ်။ အားလုံးသိတဲ့အတိုင်း အခုအချိန်မှာ IDP Campမှာ စားနပ်ရိက္ခာမဖူလုံမှုတွေအများကြီးကြုံရတယ်။ဒီလိုအခက်အခဲကြား
မှာနေရတဲ့အထဲမှာ ထပ်ပြီးတော့မြစ်ဆုံရေကာတာပြန်လည်စဖို့ အတွက် သူတို့တွေ သွားပြီးတော့ ရှင်းလင်းပွဲကို တက်ရောက်ခိုင်းတယ်။ ဆိုတော့ လူထု စည်းရုံးရေး ဆန္ဒခံယူပွဲ ဆိုပေမယ့် သူတို့ဟာ ကျတော့ သူတို့ရဲ့ ဝါဒဖြန့်နေတယ်။ မြစ်ဆုံရေကာတာ ပြန်လုပ်မယ် ဒါလုပ်ရင် အလုပ်အကိုင်ရမယ် မီးရမယ် ဖွံ့ဖြိုးမယ် ဆိုတဲ့ အရာတွေနဲ့ပဲ သူတို့ ဒီလိုမျိုး ပြောပြီးတော့ ပြည်သူတွေကို အတင်း
အကြပ် တက်ရောက်စေတာမျိုးတွေ လုပ်ဆောင်နေတာကို လုံး၀ ရပ်တန့်ပါ။ ပြီးရင် စီမံကိန်းကြီးကိုလည်း အပြီးတိုင် ဖျက်သိမ်းပေးပါလို့ ထုတ်ပြန်လိုက်ခြင်းဖြစ်ပါတယ်။

မေး- စစ်အုပ်စုက ၂၀၂၅ နှစ်ကုန်လောက်ကစပြီး စီမံကိန်းပြန်စနိုင်ဖို့ ဆက်တိုက်ကြိုးပမ်းလာတဲ့ အခြေအနေ တွေ့ရပါတယ်။ ၂၀၂၅ နှစ်ကုန်ပိုင်းက​နေ အခုအထိ မြစ်ဆုံစီမံကိန်း ပြန်လုပ်ဖို့ စစ်အုပ်စုကဘာ​တွေလုပ်လာတာသတိပြုမိပါသလဲ။

ဖြေ- မြစ်ဆုံ ရေကာတာနဲ့ပတ်သက်ပြီးတော့ဒီလို စည်းရုံးရေးအပြင် အခြား ဘာတွေရှိလဲဆိုတော့ မြင်သာထင်သာရှိတာက ဒီ ကချင်ပြည်နယ်မှာ မြစ်ကြောင်းတလျှောက်မှာ ရွှေတူးတဲ့ဟာ အကြီးအကျယ် လုပ်ခွင့်တွေ ပေးနေတာ တွေ့ရတယ်။ ဒီလိုပေးတဲ့အထဲမှာ ဆိုရင်လည်း ဒေသ က သူတို့နဲ့ အကျိုးတူ သူတို့ မြစ်ဆုံရေကာတာ စီမံကိန်းကြီးကို သူတို့နဲ့ အကျိုးပါ သူတို့နဲ့ သဘောတူတဲ့ အုပ်စုတွေ ခရိုနီတွေ ဒီလူတွေက အကြီးအကျယ် ရွှေတူးတဲ့ စီမံကိန်းကြီးတွေ လုပ်နေတဲ့ဟာတွေကို မြင်တွေ့ရတယ်။ တဖက်မှာလည်း သူတို့က ဒီလို စည်းရုံးရေး လုပ်ဆောင်တဲ့အခါမှာ အခုက သူတို့က ကချင်ပြည်သူတွေကို အချင်းချင်း ပြန်လည်ပြီးတော့ အငြင်းပွားစရာ အချင်းချင်း ရန်တိုက်ပေးတဲ့ အနေနဲ့ ဒေသခံက လူတစုပေါ့ တဦးကောင်းစားရေးကို အကျိုးမျှော်တဲ့ သူ တဦးတစုနဲ့ပဲ သူတို့ ပြန်ပြီး အသုံးချလုပ်ဆောင်နေရတာမြင်ရတယ်။ စီမံကိန်း ဆိုဒ်ထဲမှာက သူတို့တွေ ဘာတွေ လုပ်နေလဲ ဆိုတဲ့ဟာက ကျမတို့ မမြင်ရပါဘူး။ သူတို့ တွေက ဂိတ်တွေ အဆင့်ဆင့်ချထားတယ် သူတို့ သွားလာခွင့်တွေ ပိတ်ပင်ထားတဲ့နေရာတွေ ဖြစ်တယ်။ ဆိုတော့ ပြောနိုင်တာ တခုကတော့ ဒီကချင်ပြည်နယ် မြစ်ဆုံအထက်ဘက်ကနေတဆင့် နယ်စပ်ကို သွယ်တန်းထားတဲ့လမ်းတလျှောက်ဘက်မှာ ဒေသတလျှောက်တွေကတော့ လက်နက်ကိုင်အဖွဲ့တွေ အများဆုံး ခြေရှုပ်တဲ့နေရာဖြစ်တယ်။ အခု

မာရှယ်လောထုတ်ထားတဲ့ နေရာတွေထဲမှာ အကျုံးဝင်တဲ့ နေရာတွေဖြစ်တယ်ပေါ့နော်။ ဆိုတော့ ဒီလို အခြေအနေ ရှိတဲ့ နေရာမှာ မြစ်ဆုံစီမံကိန်းကြီးကို အကောင်အထည်အတင်းအဓမ္မ ဖော်ဆောင်မယ်ဆိုရင် ဖြစ်နေတဲ့ တိုက်ပွဲကို မီးစထိုးပေးသလို လောင်စာဓာတ်ဆီ လောင်းလိုက်သလို အရှိန်အဟုန်ပိုပြီးတော့ ပြင်းထန်လာစေမယ်လို့ ကျမတို့ အနေနဲ့ စိုးရိမ်ပါတယ်။ ကျမတို့ မျှော်လင့်နေတဲ့ ငြိမ်းချမ်းရေးနဲ့ နိုင်ငံရေးဆွေးနွေးမှု လုပ်ငန်းစဉ်တွေ ဖြစ်စဉ်တွေ အမြန်ဖြစ်လာဖို့ မျှော်လင့်နေတယ်။ သို့သော်ငြားလည်း ဒီလိုမျိုး အကြီးစား စီမံကိန်းတွေ အတင်းအဓမ္မ ဖော်ဆောင်မှုတွေ ကို ဆက်တိုက်လုပ်နေမယ်ဆိုရင် ငြိမ်းချမ်းရေးဆွေးနွေးမှုဟာကလည်း အလှမ်းဝေးနေအုံးမှာ ဖြစ်ပါတယ်လို့ ကျမတို့ အနေနဲ့ သဘောထား ထုတ်ပြန်လိုက်ပါတယ်။

မေး -အာဏာသိမ်းစစ်တပ် အလိုကျ မြစ်ဆုံ လုပ်ဖို့ စည်းရုံးပေးနေတဲ့ ကချင်ဒေသခံ အချို့နဲ့ နိုင်ငံ
ရေးသမားအချို့ကို ​ရော ဘာ​ပြောချင်ပါသလဲ။ အထူးသဖြင့် အရင်က မြစ်ဆုံ မလုပ်ဖို့ ကန့်ကွက်ခဲ့ကြဖူးတဲ့ ဦးခက်ထိန်နန်နဲ့ ဒေါ်ဒွဲဘူလို့တို လူတွေ အပါအဝင် စစ်အုပ်စုအလိုကျလုပ်ဆောင်နေသူတွေကိုပါ။

ဖြေ - စစ်အုပ်စုရဲ့ အစိုးရ ယန္တရားတွေမှာ ဝင်ရောက်သွားတဲ့ နိုင်ငံရေးအဖွဲ့အစည်းတွေ ပါတီတွေ ကိုယ်စားလှယ်တွေ အများကြီးမျှော်လင့်စရာတော့ မရှိဘူးလေ။ဘာလို့လဲဆိုတော့ သူတို့က ဒီခိုင်းတာပဲ လုပ်တဲ့အနေအထားမှာ မြင်ရတယ်။ ဘာဖြစ်လို့လဲဆို ဦးခက်ထိန်နန်တို့ ဒေါ်ဒွဲဘူတို့ဆိုတာ အရင်က မြစ်ဆုံအရေးကို မီဒီယာမှာထွက်ပြီးတော့ဟစ်ခဲ့တဲ့ သူတွေ ဆန့်ကျင်ခဲ့တဲ့ သူတွေဖြစ်တယ်။ အခုကျမှ သူတို့ ဘက်ပြောင်းပြီးတော့ ရောက်သွားကတည်းက သူတို့ရဲ့ ဆန္ဒက ပြည်သူနဲ့အတူမရှိဘူးဆိုတာ အတိအလင်းပဲလေ။ အဲဒါ ကြောင့်လည်းပဲ သူတို့ ဒီလုပ်ငန်းတွေကို လုပ်နေတာ။ တကယ်ပဲ ပြည်သူတွေကို မျက်နှာမူတဲ့ အစိုးရ ပြန်လည်မျက်နှာမူလာမယ်ဆိုရင်ကတော့ ပြည်သူတွေ အခု စစ်ပြေးဒုက္ခသည်တွေ များစွာသော စစ်ပြေးဒုက္ခသည်တွေ စားဝတ်နေရေးတွေ အင်မတန်မှ ခက်ခဲနေတယ်။ သူတို့တွေ ကိုလည်း ကာကွယ်ပေးဖို့ ထောက်ပံ့ပေးဖို့ အတင်းအဓမ္မ နေရပ်ပြန်မှုတွေ မလုပ်ဖို့ ဒီ မြစ်ဆုံရေကာတာ စီမံကိန်းကြီးကို စဖို့ မစဉ်းစားနဲ့ ဧရာ၀တီမြစ် ရေကြီးရေလျှံမဖြစ်ဖို့ အရင်ဆုံး ကြိုတင်ကာကွယ်တဲ့ လုပ်ငန်းစဉ်တွေအတွက် လုပ်ပေး ပြည်သူတွေရဲ့ လုံခြုံရေး စားဝတ်နေရေး အရမ်းခက်ခဲနေတယ်။ ဒီဟာတွေကို အရင်ဖြေရှင်းပေးပါ။ အခု နေ့တဓူ၀ မြစ်ကြီးနားမှာ လူသတ်မှုတွေ ဒီတနှစ်ထဲမှာ ယဉ်တိုက်မှုတွေ ခိုးဆိုလုယက်မှုတွေ မရေနိုင်တော့ဘူး ဒီလို အခြေအနေ တွေတောင်မှ ဘာမှ မထိန်းချုပ်နိုင်တဲ့ ဒီအစိုးရက စီမံကိန်းတွေကိုပဲ မျှော်ကိုးပြီး ခေါင်းကျက် ခေါင်းစား အမြီးကျက် အမြီးစား လုပ်မယ်ဆိုရင် ဒီအစိုးရကလည်း စစ်တပ် ရဲ့ လက်ပါးစေတွေပဲဖြစ်တယ်။

မေး- စီမံကိန်းကို ပြည်သူတရပ်လုံးကန့်ကွက်နေတဲ့ ကြားက စစ်အုပ်စုက ပြန်စဖို့ ကြိုးပမ်းတာ ဘာကြောင့်လို့ သုံးသပ်ပါသလဲ။

ဖြေ-ကျမတို့ အစီရင်ခံစာမှာလည်း ထည့်သွင်းဖော်ပြထားသလို စစ်အစိုးရက တရုတ်ကရောပေါ့ စီမံကိန်းမှာ ရင်းနှီးမြှုပ်နှံထားတဲ့ အရာတွေ သူတို့ ယူထားတဲ့ ပိုက်ဆံတွေ အကြွေးတွေ အဆမတန် ဒီအကြွေးတွေကို ပြန်လည်ချေနိုင်ဖို့အတွက်သူတို့ အနေနဲ့ ဒါကို အကောင်အထည်ဖော်နေတယ် အ
လျင်စလို အကောင်အထည်ဖော်ပြီးတော့ ဒီလိုမျိုး ကျဉ်းထဲကြပ်ထဲ ရောက်နေတဲ့အချိန်မှာ ပြည်သူတွေ ခေါင်းမထောင်နိုင်တဲ့ အချိန်မှာ သူတို့ ဒါကို အခွင့်ကောင်းယူပြီးတော့ ဒါကို အကောင်အ
ထည်ဖော်နေတယ်လို့မြင်တယ်။တဖက်မှာလည်း သူတို့ အနေနဲ့ လက်နက် ပဋိပက္ခ တိုက်ပွဲအတွင်းမှာ သုံးတဲ့ စစ်အသုံးစရိတ်တွေဆိုရင်လည်း များ
သောအားဖြင့် သယံဇာတက ရတဲ့ ပိုက်ဆံတွေပဲလေ။ ဆိုတော့ ဒီဟာတွေအတွက် စစ်အသုံးစရိတ်တွေ ပြီးလို့ရှိရင် လက်ရှိတင်နေတဲ့ ကြွေးမြီတွေ ပေးနိုင်ဖို့ သူတို့ အလျင်စလို ဖြစ်နေတယ်လို့လည်းမြင်တယ်။ နောက် နိုင်ငံရေးအရကတော့ လက်ရှိ မြန်မာစစ်အစိုးရမှာက သူအားကိုးလို့ရတယ် သူအနေနဲ့ သူ့ကို ကာကွယ်ပေးပေးဖို့ သူ့အနေနဲ့ စကားပြောလို့ရတဲ့ အရာက သူထိုးကျွေးလို့ရတဲ့ အရာက ဒီသဘာ၀သယံဇာတကို ထိုးကျွေးဖို့ပဲ သူမှာ ရှိတယ်။ ကျန်တဲ့ နည်းပညာ အတက်ပညာ သူ့မှာ ဘာမှ မရှိဘူး။ သူ့ကို ကာကွယ်ပေးနေတဲ့ ရုရှားနဲ့ တရုတ်ဆိုတာကလည်း ဒီဟာတွေ ရနေသေးလို့သာ သူ့ကို ကာကွယ်ပေးနေတယ်လို့ ကျမအနေနဲ့ မြင်တယ်။ ဒီလိုမျိုးသာ မရလို့ရှိရင် စစ်အစိုးရက ဂျောင်းသွားတာ ကြာလှပြီ။

မေး- တရုတ်အစိုးရ အနေနဲ့လည်း သဲကြီးမဲကြီး စီမံကိန်းကို လုပ်ချင်​နေတာ ဘာကြောင့်လဲ။

ဖြေ- မြစ်ဆုံရေကာတာ စီမံကိန်းအပြင် ဂက်စ်ပိုက်လိုင်းတွေ အခုဆိုရင် ရထားလမ်းတွေ ဖောက်လုပ်ရေးတွေ အတွက် သူတို့က အရမ်း push လုပ်နေတယ်။သူတို့ရဲ့sustainable energy resources တွေရဖို့အတွက် ခြေကုပ်ယူထားတဲ့ အနေအထားမှာလို့ မြင်တယ်။ သူတို့အတွက် မြန်မာနိုင်ငံက အရမ်းအရေးကြီးတဲ့ အခန်းကဏ္ဍမှာ ရှိနေတယ်။ ဒါကို သူတို့ အနေနဲ့ သိတယ်။ မြန်မာအစိုးရကို စေတနာရှိလို့ ကူညီတာ မဟုတ်ဘူး။ သူတို့ အ
ကျိုးအမြတ်အတွက် ဒီလို မတည်ငြိမ်မှုကိုသူတို့အနေနဲ့လည်းအခွင့်ကောင်းယူပြီးတော့ဒီဟာကို အပေးအယူလုပ်နေတယ်လို့မြင်ပါတယ်။