ဒီလေဟာနယ် ရှစ်ခုဟာ တခုနဲ့တခု အပြန်အလှန် စစ်ကူပေး အားဖြည့်ပေး နေကြပါတယ်။ ဘေဂျင်းဟာ မြန်မာနိုင်ငံရဲ့ အကွဲကွဲအပြားပြား နိုင်ငံရေးနယ်ဝန်းထဲကို မတော်တဆ ဝင်ရောက်ဆက်ဆံနေတာ မဟုတ်ပါဘူး၊ ဒီလိုကွဲပြားနေတဲ့ အနေအထားကို အသုံးချပြီးတော့ကို အလုပ်လုပ်နိုင်နေတာပါ။ ပွင့်နေတဲ့လေဟာနယ်တခုစီတိုင်းဟာတရုတ်နိုင်ငံ
တော်ပါဝါ၊ နိုင်ငံတော်ကျောထောက်နောက်ခံပြု အရင်းအနှီး၊ မြန်မာ စစ်တပ်-အရင်းရှင်စနစ်တွေကို မြန်မာရဲ့ ရုပ်ဝတ္ထုပိုင်းနဲ့ နယ်မြေပိုင်းဆိုင်ရာ စနစ်တွေကို (တော်လှန်ရေးဘက်က ငြင်းဆန်ဖို့ ဒါမှမဟုတ် ပြန်လည်ပုံသွင်းဖို့ စနစ်တကျစုပေါင်းစုဖွဲ့ပါဝါ မတည်ဆောက်နိုင်ခင်မှာတင်) ပုံသွင်းခွင့် ပေးထားပါတယ်။

●အခု ဘာဆက်လုပ်မလဲ

ပုံမှန်အခြေအနေအဖြစ်သွတ်သွင်းခြင်း ဆိုတာ အနာဂတ်ကနေ လာမှာ မဟုတ်ဘဲ၊ အခုကို စတင်နေပါပြီ။

စစ်ကောင်စီဦးဆောင်တဲ့ လုပ်ငန်းစဉ်ကို ကျော
ထောက်နောက်ခံပြုမှု၊ အပစ်အခတ်ရပ်စဲရေး ဖိအားတွေ၊ နယ်မြေ နေရာချထား ကြီးကြပ်မှုတွေ၊ နယ်စပ် အစီအမံတွေ၊ အခြေခံအဆောက်အအုံဆိုင်ရာ ဆွေးနွေးညှိနှိုင်းမှုတွေ၊ ကာလရှည်ကြာ အငြင်းပွားနေရတဲ့ စီမံကိန်းကြီးတွေ တကျော့ပြန်ခေါင်းထောင်မှုတွေ၊ အစရှိတာတွေ အပါအဝင် မြန်မာနိုင်ငံရဲ့ နိုင်ငံရေးအနာဂတ်ကို ကျဉ်းမြောင်းစေတာတွေ ဖြစ်ပေါ်နေပါတယ်။ သီးခြားစီခွဲကြည့်ရင်တော့၊ တခုချင်းစီဟာ နည်းပညာပိုင်းဆိုင်ရာ ကိစ္စတွေ ဒါမှမဟုတ် ယာယီအစီအမံတွေအဖြစ် မြင်ရနိုင်ပါတယ်။ ဒါပေမဲ့ စုပေါင်းကြည့်လိုက်ရင်တော့၊ (သက်ရောက်မှုခံရတဲ့ ကာယကံရှင် လူမှုအသိုက်အဝန်းတွေက ကန့်ကွက်နိုင်တဲ့ ပါဝါ မရှိခင်မှာတင်) အဲဒါတွေက နိုင်ငံရေးဆိုင်ရာမေးခွန်းတွေကို အဆုံးအဖြတ်ပေးနိုင်စွမ်း ရှိနေပါတယ်။

တော်လှန်ရေးအင်အားစုတွေအနေနဲ့ ဒီအချိန်ကာ
လကို “တရုတ်ကမင်းအောင်လှိုင်ကို ထောက်ခံတယ်” လို့သာ မရှုမြင်သင့်ပါဘူး။အဲဒါဟာ မပြည့်
စုံပါဘူး။ ဘေဂျင်းဟာ နေပြည်တော်ရဲ့ အာဏာ
ရှင်မဟာမိတ်ချည်းသက်သက် မဟုတ်နေသလို၊
မြန်မာ့တော်လှန်ရေး ရဲဘော်ရဲဘက်လည်း မဟုတ်နေပါဘူး။ မြန်မာနိုင်ငံရဲ့နိုင်ငံရေးစနစ်ကို သူ့ရဲ့ရေရှည် လုံခြုံရေး၊ စီးပွားရေးနဲ့ ပထဝီနိုင်ငံရေး ဦးစားပေးတွေအတွက် အသုံးဝင်လာစေဖို့ ကြိုးပမ်းနေတဲ့ နိုင်ငံတော်-အရင်းရှင် ပါဝါတရပ် ဖြစ်ပါတယ်။

နေပြည်တော်က ဦးဆောင်တဲ့ လုပ်ငန်းစဉ်အပေါ် သူ့ရဲ့လောင်းကြေးထပ်မှုမှာပေးဆပ်ရမယ့်တန်ဖိုး၊ ယုတ္တိတန်မှုနဲ့ ကန့်သတ်ချက်တွေ ရှိပါတယ်၊ အဲဒီကန့်သတ်ချက်တွေကပဲ စနစ်တကျစုဖွဲ့ထားတဲ့ တော်လှန်ရေးအင်အား အရေးပါနေသေးတဲ့ နေရာတွေဖြစ်ပါတယ်။

အန္တရာယ်ကတော့ နေပြည်တော်နဲ့ ဘေဂျင်းဟာ တော်လှန်ရေးအင်အားစုတွေအနေနဲ့ သူတို့ရဲ့သတ်
မှတ်ချက်တွေကို ကန့်ကွက်ဖို့ ဒါမှမဟုတ် ငြင်းဆန်ဖို့ လုံလောက်တဲ့ စုပေါင်းပါဝါ မတည်ဆောက်နိုင်ခင်မှာတင် မြန်မာနိုင်ငံရဲ့ နောက်ထပ်နိုင်ငံရေးစနစ်ကို ပုံသွင်းသွားနေတာပါ။ လက်ရှိ အင်အားချိန်ခွင်
လျှာအရ၊ တော်လှန်ရေးအင်အားစုတွေအနေနဲ့ ဘေဂျင်းကို သူ့ရဲ့ မြန်မာမူဝါဒကို ပြောင်းလဲဖို့ အ
တင်းအကျပ် ဖိအား ပေးနိုင်စွမ်း မရှိပါဘူး။ ဒါပေ
မဲ့ ဘေဂျင်း တွက်ချက်ရမယ့် မြေပြင်အခင်းအ
ကျင်းကိုတော့ ပြောင်းလဲနိုင်ပါသေးတယ်။ အဲဒါကတော့တော်လှန်ရေးအင်အားစုအချင်းချင်းကြား
မှာ အနိမ့်ဆုံး ကြမ်းခင်း ဘုံစံနှုန်းတွေကို တည်
ဆောက်နိုင်ခြင်းပါပဲ။တဖွဲ့ချင်းစီ သီးခြား ရှင်သန်ရေးအပေးအယူတွေဟာ မြန်မာနိုင်ငံရဲ့ နိုင်ငံရေးအနာဂတ် ဖြစ်မလာအောင် တားဆီးပေးမယ့် အနိမ့်ဆုံး စည်းတားချက်တွေပါ။

ဒီဘုံစံနှုန်းတွေဟာ တိတ်တဆိတ် အပေးအယူတွေကို မြင်သာထင်သာ ရှိစေရပါမယ်၊ အရေးပေါ် ရှင်သန်ရေးနဲ့ စနစ်အဆောက်အအုံဆိုင်ရာလိုက်
လျောမှု နှစ်ခုကို ခွဲခြားရပါမယ်၊ ပြီးတော့ ဆုံးဖြတ်
ချက်တွေ မြေပြင်မှာ အမှန်တကယ် ခိုင်မာမသွားခင်မှာ သက်ရောက်မှုခံရတဲ့ လူမှုအသိုက်အဝန်းတွေကို ဆုံးဖြတ်ချက်တွေအပေါ် ကန့်ကွက်နိုင်တဲ့ ပါဝါကို ပေးအပ်ရမှာပါ။

မြန်မာနိုင်ငံရဲ့အနာဂတ်ကိုသတ်မှတ်မယ့်အစီအမံ
တွေကိုအခုအချိန်မှာပြုလုပ်နေကြပါပြီ။အနာ
ဂတ်ကိုပြည်သူလူထုရဲ့ အထက်ကနေ ဆုံးဖြတ်သွားတာကနေ ကာကွယ်ဖို့အတွက် တော်လှန်ရေးအင်အားစုတွေဟာ စနစ်တကျ စုဖွဲ့ထားတဲ့ပါဝါနဲ့ ဘုံသတ်မှတ်ချက်တွေကို တည်ဆောက်ကြရမှာပါ။ မေးခွန်းကတော့ ဒီအနာဂတ်ကို ဘယ်သူက ဖန်တီးနေသလဲ၊ ပြီးတော့ ဘယ်သူ့သတ်မှတ်ချက်တွေနဲ့ဖန်တီးနေသလဲဆိုတာသာဖြစ်ပါတယ်။ ။

(ငြိမ်းငြိမ်းပြည့်ဟာ မြန်မာနိုင်ငံက ဂျာနယ်လစ်၊ တော်လှန်ရေးသမား၊ မှတ်တမ်းရုပ်ရှင်ဖန်တီးသူတဦးဖြစ်ပါတယ်။)

ဒေါ်အောင်ဆန်းစုကြည် သက်ရှိထင်ရှားရှိကြောင်း ခိုင်မာတဲ့သက်သေပြပေးဖို့ပြည်သူတွေတောင်းဆိုဆန္ဒပြ

မေ ၁၀၊၂၀၂၆။သုည/People's Spring

စစ်ကိုင်းတိုင်း၊ယင်းမာပင်နဲ့ရွှေဘိုမြို့နယ်ကသ
ပိတ်အဖွဲ့တွေ၊ ဒေသခံတော်လှန်ပြည်သူတွေဟာ နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သက်ရှိထင်ရှားနဲ့ ကျန်းကျန်းမာမာရှိကြောင်း ခိုင်လုံတဲ့ သက်သေပြပေးဖို့ "Proof of Life" လူထုလှုပ်ရှားမှုတွေကို ဒီကနေ့ (မေ ၁၀) မှာ ပြုလုပ်ခဲ့ပါတယ်။

စစ်ကိုင်းတိုင်း၊ယင်းမာပင်မြို့နယ်ထဲက ကျေးရွာ တစ်ရွာမှာ သပိတ်ကော်မတီဝင်တွေနဲ့ ဒေသခံပြည်သူတွေ ပူးပေါင်းပြီး လူထုခေါင်းဆောင်ဒေါ်အောင်ဆန်းစုကြည် ကျန်းကျန်းမာမာရှိနေကြောင်းသက်
သေပြပေးဖို့အတွက် "Proof of Life" လူထုလှုပ်ရှားမှုတရပ်ကို ပြုလုပ်ခဲ့ကြပါတယ်။

ဒေသခံပြည်သူတွေဟာ "Proof of Life" စာသားနဲ့ ဒေါ်အောင်ဆန်းစုကြည်ပုံတွေကို ကိုင်ဆောင်ပြီး ဒေါ်အောင်ဆန်းစုကြည်ကျန်းကျန်းမာမာနဲ့အသက်
ရှင်နေကြောင်းခိုင်လုံတဲ့သက်သေပြပေးဖို့ တောင်း
ဆိုခဲ့ကြပါတယ်။

ဒါ့အပြင် ဒေါ်အောင်ဆန်းစုကြည် အပါအဝင် နိုင်
ငံရေးအကျဥ်းသားအားလုံး လွှတ်ပေးဖို့ကိုလည်း တောင်းဆိုဆန္ဒပြခဲ့ကြပါတယ်။

နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် ကျန်းမာကြောင်းသက်သေပြပေးဖို့ တောင်း
ဆိုတဲ့ Proof of Life ကမ်ပိန်းကို ဧပြီ ၂၁ ရက်က စတင်ခဲ့တာ ဖြစ်ပါတယ်။

ဒေါ်အောင်ဆန်းစုကြည်ကို အာဏာသိမ်းစစ်တပ်က မတရားဖမ်းဆီးခဲ့တဲ့ အချိန်ကတည်းက ပြင်ပနဲ့ အဆက်အသွယ်ဖြတ်တောက်ပြီး သတင်းအ​မှောင်ချထားတာကြောင့် သားဖြစ်သူ ကိုထိန်လင်း
(ခ) ကင်မ်အဲရစ်အပါအဝင် ပြည်သူတွေက စိုးရိမ်ခဲ့ကြတာပါ။

Proof Of Life ကမ်ပိန်းမှာ ပါဝင်လိုသူတွေအနေနဲ့ ဒေါ်အောင်ဆန်းစုကြည် ကျန်းမာကြောင်း သက်
သေပြပေးဖို့ ဆိုရှယ်မီဒီယာကနေ ကိုယ့်ရဲ့ ခံစားချက်တွေအတိုင်း တောင်းဆိုဖို့နဲ့ ကိုယ်နေထိုင်တဲ့ နိုင်ငံတွေက သက်ဆိုင်ရာအစိုးရဌာနတွေကနေ ဒေါ်အောင်ဆန်းစုကြည် အသက်ရှင်ကြောင်း အထောက်အထားတစ််ခုခု စစ်တပ်ကထုတ်ပြန်ပေးဖို့ အကူအညီတောင်းဆိုမှု လုပ်ဆောင်နေတာ ဖြစ်ပါတယ်။

“ဒီနေ့ဘာဖြစ်ခဲ့လဲ”

ဒီနေ့(မေလ ၁၀ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️မဘိမ်းမြိုနယ်မှာ KIA နဲ့ စစ်တပ်ကြားလက်နက်ကြီး၊ ဒရုန်းတိုက်ပွဲ ပြင်းထန်နေ

မဘိမ်းမြို့နယ်ထဲမှာ လက်နက်ကြီး၊ ဒရုန်းတွေနဲ့တိုက်ပွဲအပြန်အလှန်ဖြစ်ပွားနေပြီး ဒေသခံတွေအနေနဲ့လုံခြုံရေးသတိပြုနေထိုင်ကြဖို့ ကချင်လွတ်လပ်ရေးတပ်မတော်(KIA) ပြောရေးဆိုခွင့်
ရှိသူ ဗိုလ်မှူးကြီးနော်ဘူကပြောပါတယ်။ KIA သိမ်းပိုက်ထိန်းချုပ်ထားတဲ့ ရှမ်းပြည်နယ် မြောက်ပိုင်းကမဘိမ်းမြို့နယ်အတွင်းလက်ရှိ စစ်ရေးအခြေအနေကို​မေးမြန်းတဲ့အခါ ဗိုလ်မှူးကြီးနော်ဘူက မေလ‌၉ရက် ညနေပိုင်းမှာ အသိပေးတာဖြစ်ပါတယ်။ မဘိမ်းမှာ မြေပြင်တိုက်ပွဲတွေမဖြစ်ပွားသေးပေမယ့်လက်ရှိစစ်ရေးအခြေအနေအရ စိုးရိမ်စရာဖြစ်တယ်လို့ ဒေသခံတစ်ဦးကပြောပါတယ်။

◾️ထိုင်းကို တရားမဝင်နယ်စပ်ကသွားတဲ့ မြန်မာတွေ ဆက်တိုက်ဖမ်းဆီးခံနေရ

ထိုင်းနိုင်ငံကို နယ်စပ်ဝင်ပေါက်တွေကနေ တရားမဝင်နည်းလမ်းနဲ့ ဝင်ရောက်လာတဲ့ မြန်မာတွေ ဒီရက်ပိုင်းဆက်တိုက်ဖမ်းဆီးခံနေရပြီး မြန်မာတွေ ရာနဲ့ချီဖမ်းဆီးခံနေရပါတယ်။ မေလ ၈ရက်က တာချီလိတ်မြို့ကနေ ထိုင်းနိုင်ငံ မယ်ဆိုင်မြို့နယ်စပ်ကနေ နယ်စပ်ဖြတ်ကျော်လက်မှတ်(Border Pass)တွေကိုင်ဆောင်ပြီး အိမ်ကားစီးကား ၁၀စီးနဲ့ဝင်ရောက်လာတဲ့ မြန်မာ ၁၄၅ဦးကို နယ်ကျော်ဖြတ်ဝင်ရောက်လာမှုနဲ့ ထိုင်းရဲတပ်ဖွဲ့က ဖမ်းဆီးခဲ့ပါတယ်။ Border Passကိုင်ဆောင်သူတွေဟာ သတ်မှတ်ထားတဲ့ နယ်မြေအတွင်းသာ သွားလာခွင့်ရှိတာကြောင့် ၎င်းတို့ကို တရားမဝင်ဝင်ရောက်
လာမှုနဲ့ ထိုင်းရဲတပ်ဖွဲ့ရဲ့ ဖမ်းဆီးခံရတာ ဖြစ်ပါတယ်။ ထိုင်းနိုင်ငံ၊ ဖရုမ်ဖီယမ်မြို့နယ် အမြန်လမ်းပေါ်မှာ ကား ၁၀စီးနဲ့ တင်ဆောင်လာတဲ့ မြန်မာလုပ်သား ၁၀၀ကျော်ဟာ အဝေးပြေးရဲတပ်ဖွဲ့ရဲ့ ဖမ်းဆီးမှုခံခဲ့ရပါတယ်။

မြန်မာလုပ်သား ၁၁၀တင်ဆောင်လာတဲ့ ကားတွေဟာ ထိုင်းရဲတပ်ဖွဲ့ရဲ့ စစ်ဆေးမှုမခံယူဘဲ တောတွင်းတနေရာမောင်းပြေးရာ မလွတ်မြောက်ခဲ့ပဲ ဖမ်းဆီးခံရတာ ဖြစ်ပါတယ်။ အဲဒီဖမ်းဆီးခံရတဲ့ မြန်မာတွေဟာလည်း မယ်ဆိုင်နယ်စပ်ကနေ ဝင်ရောက်လာကြတာလို့ ဆိုပါတယ်။ ဒါ့အပြင် မေလ ပထမပတ်ကလည်း ထိုင်းနိုင်ငံ၊ ရတ်ဘူရီခရိုင်ရဲ့ အဝေးပြေးလမ်းမမှာ အလုံပိတ်ကားအတွင်း တင်ဆောင်လာတဲ့ မြန်မာလုပ်သား ၂၆ဦးဟာ ထိုင်းရဲတပ်ဖွဲ့ရဲ့ စစ်ဆေးဖမ်းဆီးမှုခံခဲ့ရပါတယ်။ မေလ ၆ရက်မှာလည်း တာ့ခ်ခရိုင် ၊ မဲဆောက်မြို့နယ်မှာ တရားမဝင်နယ်စပ်ဖြတ်ကျော်လာတဲ့ မြန်မာ ၁၉ဦးဟာ ထိုင်းရဲတပ်ဖွဲ့ရဲ့ ဖမ်းဆီးမှုခံခဲ့ရပါတယ်။အမျိုးသား ၆ ဦးနဲ့ အမျိုးသမီး ၁၃ ဦးဟာ မဲဆောက်မြို့ကို ဝင်ရောက်လာစဉ်မှာ ထိုင်းရဲတပ်ဖွဲ့ရဲ့ ဖမ်းဆီးမှုခံရတာ ဖြစ်ပါတယ်။

◾️AAကယ်ဆယ်ထားတဲ့ဘင်္ဂလားဒေ့ရှ်ရေလုပ်
သားတွေအပါအဝင်၁၄ဦးကို ပြန်လွှဲပေး

ရခိုင်ပြည်နယ် ရေပိုင်နက်အတွင်းမှာ အာရက္ခတပ်တော်(AA) ကယ်ဆယ်ခဲ့တဲ့ ဘင်္ဂလားဒေ့ရှ် နိုင်ငံသား ရေလုပ်သား၁၀ဦး အပါအဝင် ၁၄ဦးကို ဘင်္ဂလားဒေ့ရှ်အစိုးရထံ ပြန်လွှဲပြောင်းပေးလိုက်တယ်လို့ သတင်းရရှိပါတယ်။ မေလ၃ရက်မှာ ဘင်္ဂလားဒေ့ရှ်နယ်ခြားစောင့်တပ် (BGB)ထံသို့ ပြန်လည် လွှဲပြောင်းပေးလိုက်တာလို့ မောင်တော‌ဒေသခံ သတင်းရင်းမြစ်က ပြောပါတယ်။ အဲ့ဒီရေလုပ်သားတွေပြန်လွှဲပေးရေးအတွက် ဘင်္ဂလားဒေ့ရှ်နိုင်ငံ၊ ကော့ဘဇားဒေသBGB တာဝန်ရှိသူတွေနဲ့ အာရက္ခတပ်တော် (AA)ကာလရှည်ကြာ ဆွေးနွေးညှိနှိုင်းခဲ့ရပြီးနောက်ပိုင်းအကောင်အ
ထည်ဖော်နိုင်ခဲ့တာလို့ဘင်္ဂလားဒေ့ရှ်သတင်းဌာနတွေက ရေးသားထားပါတယ်။ လွှဲ‌ပေးသူ၁၄ ဦးအနက် ၁၀ဦးကဘင်္ဂလားဒေ့ချ် နိုင်ငံ ရေပိုင်နက်မှာ ငါးဖမ်းစဉ် စက်လှေပျက်ပြီး ရခိုင်ရေပိုင်နက်ကို ဝင်ရောက်လာလို့ ကယ်ဆယ်ခဲ့သူတွေဖြစ်ပြီး လေးဦးကတော့ ရခိုင်ပြည်နယ်ကို ကုန်ပစ္စည်းလာပို့စဉ် စစ်တပ်ရဲ့ဖမ်းဆီးခံရပြီး ပြန်လွတ်လာသူတွေဖြစ်တယ်လို့ AAရဲ့ သတင်းတွေကို ဖော်ပြပေးနေတဲ့ Arakan Princess Mediaက ဖော်ပြပါတယ်။

◾️လွိုင်ကော်မြို့နယ်မှာ မောင်နှမသုံးဦးချောင်းအတွင်းရေချိုးရင်း ရေနစ်သေဆုံး

ကရင်နီပြည်နယ်၊လွိုင်ကော်မြို့နယ်မှာ မောင်နှမသုံးဦး ချောင်းအတွင်း ရေချိုးရင်း ရေနစ်သေဆုံးမှုဖြစ်ပွားခဲ့တယ်လို့ ဒေသခံတချို့နဲ့ ကူညီကယ်
ဆယ်ရေးဆောင်ရွက်ခဲ့သူတွေက ပြောပါတယ်။
ဒီကနေ့(မတ်လ ၁၀ ရက်) မနက် ၁၁နာရီဝန်းကျင်ကမထောခူကျေးရွာအနီးကသဲချောင်းမှာ ရေဆင်းချိုးရင်း ရေနစ်ပြီး မောင်နှမသုံးဦးလုံး သေဆုံးခဲ့တာလို့ ဆိုပါတယ်။ ရေနစ်သေဆုံးသူတွေဟာ အသက်(၁၈)နှစ်အရွယ်မတင်တင်စန်းဦး၊ အသက်
(၁၉)နှစ်အရွယ်မောင်စိုးသီးဟနဲ့ အသက် (၂၀)အ
ရွယ် မောင်ရဲလင်းအောင်တို့ ဖြစ်ပြီး ရုပ်အလောင်းတွေကို နေ့လယ် ၁ နာရီခွဲဝန်းကျင်မှာ ရှာဖွေတွေ့ရှိတယ်လို့ အသိပေးပါတယ်။

◾️နတ်မောက်မှာ အင်အာဖြည့်တင်းနေတဲ့ စစ်တပ်ကို ဗိဿနိုးတပ်တိုက်ခိုက်

မကွေးတိုင်း၊နတ်မောက်မြို့နယ်မှာ စစ်တပ်က အင်အားနဲ့ ခဲယမ်းတွေထပ်ဖြည့်နေပြီး စစ်ကြောင်းပြန်ထိုးနေတယ်လို့ ဗိဿနိုးပြည်သူ့ကာကွယ်ရေးတပ်မတော်က ဒီကနေ့ မေလ ၁၀ရက်မှာ ထုတ်ပြန်ပါတယ်။ စစ်ကြောင်းထိုးလာတဲ့စစ်တပ်ကို နတ်မောက်မြို့နယ်အရှေ့ခြမ်းမှာ သုံးကြိမ်ထက်မနည်းမိုင်းဆွဲတိုက်ခိုက်ခဲ့ပြီး ဒဏ်ရာရရှိသူတွေရှိတယ်လို့ ဆိုပါတယ်။ အခု မေ၈ ရက် မနက် ၈ နာရီခွဲက လဲဘူးကျေးရွာက

ထွက်ခွာလာတဲ့ စစ်ကြောင်းကို သပွတ်ပင်ရွာနဲ့ ကျောက်အိုးကျေးရွာကြားမှာ မိုင်းဆွဲတိုက်ခိုက်ခဲ့တာကြောင့် စစ်တပ်က အထိနာပြီး ကျောက်အိုးရွာကနေပြန်ဆုတ်သွားရတယ်လို့ ဖော်ပြပါတယ်။ ဒါ့အပြင် လျှော်ချောင်းလေးရွာက ထွက်ခွာလာတဲ့ နောက်ထပ်စစ်ကြောင်းကိုလည်း ထန်းပင်မျှောင်နဲ့ ကန်သာရွာကြားမှာ နှစ်ကြိမ်မိုင်းဆွဲတိုက်ခိုက်ခဲ့တယ်ပြီး ထိခိုက်ဒဏ်ရာရသူများပြားလို့ လက်ရှိမှာ ကန်သာကျေးရွာမှာ တပ်စွဲနားနေရတယ်လို့ အသိပေးပါတယ်။

◾️အရပ်သားနေထိုင်ရာတွေ ပစ်မှတ်ထားတိုက်
ခိုက်နေမှု ရပ်တန့်ဖို့ ကချင်လူ့အခွင့်အရေးအဖွဲ့ KHRW ပြော

အရပ်သားပြည်သူနေထိုင်ရာနေရာတွေကို ပစ်မှတ်ထားပြီး လေကြောင်း၊ လက်နက်ကြီး တိုက်ခိုက်နေမှု လုပ်ရပ်တွေ ရပ်တန့်ဖို့လိုအပ်ကြောင်း ကချင်လူ့အခွင့်အရေးစောင့်ကြည့်အဖွဲ့(KHRW) ပြောရေး
ဆိုခွင့်ရှိသူ ကိုဂျေကော့က ပြောပါတယ်။ မေလ ၈ရက် ဖားကန့်မြို့နယ် တိုက်ပွဲမှာ အာဏာသိမ်းစစ်တပ်က ပြည်သူနေထိုင်ရာနေရာတွေကိုပါ တိုက်လေယာဉ်နဲ့ဗုံးကြဲတာ၊ လေယာဉ်ပေါ်ကနေ စက်သေနတ်နဲ့ ပစ်ခတ်တာ ပြုလုပ်ခဲ့တဲ့ ရုပ်သံတွေ ထွက်ပေါ်လာတဲ့အပေါ် အခုလို ပြောကြားတာဖြစ်ပြီး အဲဒီ လုပ်ရပ်တွေဟာ စိုးရိမ်ဖွယ်ရာဖြစ်တယ်လို့ ဆိုပါတယ်။ အာဏာသိမ်းစစ်တပ်ဟာ ဖားကန့်မြို့နယ် လုံးခင်းဒေသကို စစ်ရေးလှုပ်ရှား ထိုးစစ်ဆင်လာလို့ ကချင်လွတ်လပ်ရေးတပ်မတော်(KIA) ပူးပေါင်းတပ်နဲ့ တိုက်ပွဲတွေ ပြင်းထန်ခဲ့ပါတယ်။ မေလ ၆ရက်နေ့ကနေ ၈ရက်နေ့အတွင်း တိုက်ပွဲတွေမှာ စစ်ကောင်စီတပ် အထိနာခဲ့ပြီး သေဆုံးထိခိုက် ၂၀ဦးကျော်ရှိကာ လက်နက်တွေ သိမ်းရခဲ့တယ်လို့ ကချင်စစ်ရေး သတင်းရင်းမြစ်က ပြောပါတယ်။

◾️မင်းအောင်လှိုင်ရဲ့စစ်တပိုင်းအစိုးရကို လုံး၀အ
သိအမှတ်မပြုဟု ရှမ်းကျောင်းသားသမဂ္ဂကြေညာ

အတုအယောင်ရွေးကောက်ပွဲကျင်းပပြီး အစိုးရဟုသတ်မှတ်သော မင်းအောင်လှိုင်ဦးဆောင်တဲ့ စစ်တပိုင်းအစိုးရကို လုံးဝအသိအမှတ်မပြုကြောင်း ရှမ်း(သျှမ်း)ကျောင်းသားသမဂ္ဂကထုတ်ပြန်ကြေ
ညာပါတယ်။ သျှမ်းကျောင်းသားသမဂ္ဂ နှစ်ပတ်
လည် ညီလာခံထုတ်ပြန်ကြေညာချက် ကို မေလ ၉ရက် နေ့စွဲနဲ့ ထုတ်ပြန်ခဲ့ပြီး အခုလို အသိပေးခဲ့တာဖြစ်ပါတယ်။ သုံးရက်ကြာကျင်းပခဲ့တဲ့ နှစ်ပတ်
လည် စုံညီအစည်းအဝေးမှာ လက်ရှိဖြစ်ပျက် နေသော နိုင်ငံရေး၊ တော်လှန်ရေး လုပ်ငန်းစဉ်တွေကို ဆွေးနွေးတိုင်ပင်ခဲ့ပြီး ဆုံးဖြတ်ချက်၊ တောင်း
ဆိုချက်တွေ ချမျတ်နိုင်ခဲ့တယ်လို့ အသိပေးပါတယ်။ဆုံးဖြတ်ချက်တွေထဲမှာ စစ်အာဏာရှင်
စနစ်၊ နယ်ချဲ့ကျူးကျော်အရင်းရှင်စနစ်ကို အပြင်းအထန်ဆန့်ကျင်ကန့်ကွက်ပြီး အဲဒီစနစ်တွေ ချုပ်ငြိမ်းရေး ကြိုးပမ်းသွားမယ်လို့ ဖော်ပြထားပါတယ်။ ဒါ့အပြင် နည်းမျိုးစုံဖြင့်အတိဒုက္ခရောက်နေကြသော အဖိနှိပ်ခံ ရှမ်းလူထုတွေနဲ့အတူ ရပ်တည်တိုက်ပွဲဝင်မယ်လို့ ဆိုပါတယ်။ လက်ရှိသျှမ်းတော်လှန်ရေး၊ နိုင်ငံရေးအဖွဲ့အစည်းများမှ တည်ဆောက်လုပ်ကိုင်နေသော ဒေသန္တရ အုပ်ချုပ်ရေးစနစ် (Local Goverance )များကို ထောက်ခံပြီး ပူးပေါင်းပါဝင်ကူညီသွားမယ်လို့လည်း ဖော်ပြထားပါတယ်။

◾️ဗန်က ဂျပန်ဖိုက်တာကို နောက်ဆုံးအချီမှာ အလဲထိုပြီး ချန်ပီယံခါးပတ်ကာကွယ်

ဒီကနေ့မနက်က အမေရိကန်မှာ ထိုးသတ်ခဲ့တဲ့ UFC ဖလိုင်းဝိတ်တန်း ချန်ပီယံခါးပတ်ကာကွယ်ပွဲမှာ ချင်းတိုင်းရင်းသား ဂျိုရှုအာဗန်က ပြိုင်ဘက်ဂျပန်ဖိုက်တာ တက်ဆူရိုကို နောက်ဆုံးအချီမှာ ဒိုင်ပွဲရပ်နဲ့ အနိုင်ရခဲ့ပါတယ်။ ဂျိုရှုအာဗန်နဲ့ တက်ဆူရိုတိုင်ရာတို့ဟာ ဒီကနေ့ မနက်ပိုင်းက အမေရိကန်နိုင်ငံနယူးဂျာစီပြည်နယ်Newarkမြို့ရှိ Prudential Centerမှာ ကျင်းပတဲ့ UFC 328 ပြိုင်ပွဲရဲ့ ဒုခေါင်ပွဲအဖြစ် ဖလိုင်းဝိတ်တန်းချန်ပီယံခါးပတ်ကာကွယ်ပွဲ ထိုးသတ်ခဲ့တာ ဖြစ်ပါတယ်။ ပွဲအစ ပထမအချီမှာ တက်ဆူရိုဟာ ၎င်းအားသာတဲ့ ချုပ်ကွက်နဲ့ ဗန်ကို အနိုင်ယူဖို့ ကြိုူစားခဲ့ပေမယ့်လည်း ဗန်က နှစ်ကြိမ်လုံး ရုန်းထွက်နိုင်ခဲ့ပါတယ်။ ဒုတိယအချီပြီးခါနီးမှာတေ့ ဗန်ရဲ့ ညာထောက်လက်သီးချက်ကြောင့် တက်ဆူရို လဲကျခဲ့တဲ့အချိန် ပွဲကို အဆုံးသတ်ဖို့ ဗန် ကြိုးစားခဲ့ပေမယ့်လည်း ပွဲချိန်ပြည့်သွားလို့ တက်ဆူရို ကံကောင်းခဲ့ပါတယ်။တတိယအချီမှာတော့ ဗန်က အသာစီး ထိုးသတ်နိုင်ခဲ့ပြီး ဘယ်၊ ညာ လက်သီးတွဲလုံးတွေကြောင့် တက်ဆူရို လဲကျချိန် လည်ပင်းသိုင်းဖတ်ကာ ဂျူဂျစ်ဆုနည်းနဲ့ အနိုင်ယူဖို့ ကြိုးစားခဲ့ပေမယ့် တက်ဆူရိုက ပြန်ရုန်းထွက်နိုင်ခဲ့ပါတယ်။ ဒါပေမယ့်လည်း ဗန်ရဲ့ လက်သီးချက်တွေကြောင့် တက်ဆူရိုရဲ့ မျက်နှာတစ်ခုလုံး ဖူးယောင်ခဲ့ပါတယ်။စတုတ္ထအချီတွေမှာတော့ တက်ဆူရိုဟာ ဗန်ကို ချုပ်ဖို့ ကြိုးစားပေမယ့်လည်း အားမပါနိုင်တော့ဘဲ ဗန်ရဲ့ ထိုးသတ်ချက်တွေသာ အလူးအလဲခံခဲ့ရပါတယ်။ နောက်ဆုံးအချီမှာတော့ဗန်ရဲ့ ဘယ်၊ညာ လက်သီး
ချက်တွေကြောင့် တက်ဆူရို ဒူးထောက်ကျခဲ့ချိန် ဒိုင်က ဆက်ပြိုင်ခွင့်မပေးတော့ဘဲ ဗန်ကို အနိုင်
ပေးခဲ့ပါတယ်။

◾️ပေါက်မြို့နယ်စစ်ကြောင်းထိုးလာတဲ့တပ်မ
(၉၉)ပါစစ်ကြောင်းကို တော်လှန်‌ရေးတပ်တွေ တိုက်ခိုက်

မကွေးတိုင်း၊ ပေါက်မြို့နယ် စစ်ကြောင်းထိုးလာတဲ့ စစ်တပ်ရဲ့တပ်မ(၉၉)ပါ စစ်ကြောင်း ကြားဖြတ်တိုက်ခိုက်ခဲ့ရာ ထိခိုက်သေဆုံးသူတွေရှိတယ်လို့ ပြည်သူ့ကာကွယ်ရေးတပ်မေတာ်၊ ပခုက္ကူခရိုင်အမှတ် (၁၂)က ဒီကနေ့ မေလ၉ရက်မှာ ထုတ်ပြန်ပါတယ်။ စစ်တပ်က ဗိုလ်မှူးစိုးသူရ ဦးဆောင်ပြီး တပ်မ(၉၉)နဲ့ ခမရ(၅၇၃၊ ၅၇၂၊ ၃၁၆တပ်ရင်းတွေက စုစုပေါင်းအင်အား ၅၀၀ကျော်ပါတဲ့ စစ်ကြောင်းကို ကြားဖြတ်တိုက်ခိုက်ခဲ့တာလို့ ဆိုပါတယ်။ ဆိပ်ဖြူမြို့အခြေစိုက် အမှတ်(၂၂)ကာ
ကွယ်ရေးပစ္စည်းစက်ရုံ(ကပစ-၂၂)ကနေ စစ်
ကြောင်းထိုးဝင်လာတဲ့ စစ်ကြောင်းနဲ့ အခု မလ ၄ ရက်က ပေါက်မြို့နယ်တောင်ပိုင်းမှာ ၂နာရီကြာတိုက်ပွဲဖြစ်ခဲ့ပြီး စစ်တပ်က လေးဦး သေဆုံးတယ်လို့ အသိပေးပါတယ်။ဒါ့အပြင် မေလ ၅ရက်က ပေါက်မြို့နယ် ပုသိမ်- မုံရွာလမ်းပိုင်းမှာလည်း တိုက်ပွဲ ၃ကြိမ်ဖြစ်ပွားခဲ့ပြီး စစ်တပ်က ငါးဦးသေ
ဆုံးကာ ၁၀ဦးထက်မနည်း ဒဏ်ရာရခဲ့တယ်လို့ ဖော်ပြပါတယ်။

◾️ရန်ကုန်မြို့လယ် Night Run အ​ပြေးပြိုင်ပွဲကြောင့် ယာဥ်ကြောပိတ်ဆို့ပြီး ပြည်သူတွေ အခက်ကြုံ

အာဏာသိမ်းစစ်တပ်နဲ့ နီးစပ်တဲ့ Atom ဆက်သွယ်ရေးအော်ပရေတာက စီစဥ်ပြုလုပ်တဲ့ ရန်ကုန်မြို့လယ်ခေါင် Yangon Heritage Night Run မာရသွန်အပြေးပြိုင်ပွဲကြောင့် မေလ ၉ ရက် ည​နေပိုင်းမှာ ယာဥ်ကြောပိတ်ဆို့မှုတွေ ဖြစ်ပေါ်ခဲ့ပြီး ပြည်သူတွေ သွားလာရေး အခက်ကြုံခဲ့ရတယ်လို့ သိရပါတယ်။ အပျော်တမ်းအပြေးပြိုင်ပွဲကို Night Run လို့ အမည်ပေးထားပေမယ့် ပြိုင်ပွဲစတင်ချိန်က ညနေပိုင်းဖြစ်တာကြောင့် ညနေရုံးဆင်းချိန် အိမ်ပြန်တဲ့ အခြေခံပြည်သူတွေ ဒုက္ခရောက်ခဲ့ကြရတယ်လို့ ရုံးဝန်ထမ်းတချို့က ပြောပါတယ်။ ပြိုင်ပွဲကို မြို့တွင်းခြောက်မြို့နယ်အပါအဝင် ဆူး
လေဘုရားလမ်း၊ ဗိုလ်ချုပ်အောင်ဆန်းလမ်း၊ ပြည်လမ်း၊​ အလုံလမ်း၊ ဦးထောင်ဘိုလမ်း၊ ဗဟန်းလမ်း၊ နတ်မောက်လမ်း၊ ကန်ရိပ်သာလမ်း၊ အထက်ပန်းဆိုးတန်းလမ်း၊ မဟာဗန္ဓုလလမ်း၊ ဗိုလ်တထောင်ဘုရားလမ်းနဲ့ ကမ်းနားလမ်းပိုင်းတို့မှာ ပြုလုပ်ခဲ့ပြီး ကြေညာချက်တစ်စုံတစ်ရာမရှိဘဲ အဲဒီလမ်းပိုင်းတွေ ပိတ်ခဲ့တာကြောင့် သွားလာသူတွေ ဒုက္ခရောက်ခဲ့တာလို့ သိရပါတယ်။

◾️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ်ထဲက ကျေးရွာ တစ်ရွာမှာ သပိတ်ကော်မတီဝင်တွေနဲ့ ဒေသခံပြည်သူတွေ ပူးပေါင်းပြီး ဒေါ်အောင်ဆန်းစုကြည် ကျန်းကျန်းမာမာရှိနေကြောင်းသက်သေပြပေးဖို့အတွက် "Proof of Life" လူထုလှုပ်ရှားမှုတရပ်ကို ပြုလုပ်ခဲ့ကြပါတယ်။ဒေသခံပြည်သူတွေဟာ "Proof of Life" စာသားနဲ့ ဒေါ်အောင်ဆန်းစုကြည်ရုပ်ပုံတွေ ကိုင်ဆောင်ပြီး ဒေါ်အောင်ဆန်းစုကြည် ကျန်းကျန်းမာမာနဲ့ အသက်ရှင်နေကြောင်း ခိုင်လုံတဲ့ သက်သေပြပေးဖို့ တောင်းဆိုခဲ့ကြပါတယ်။
ဒါ့အပြင် ဒေါ်အောင်ဆန်းစုကြည် အပါအဝင် နိုင်ငံရေးအကျဥ်းသားအားလုံး လွှတ်ပေးဖို့ကိုလည်း တောင်းဆိုဆန္ဒပြခဲ့ကြပါတယ်။

မေလဆန်းကစတင်ပြီ ပဲခူးတိုင်း ပန်းတောင်းမြို့က ကပစ(၁၆)ရဲ့ ကာကင်းစခန်းတွေကို လေ
ကြောင်းအပြင်းအထန်တိုက်ခိုက်မှုတွေကြားကနေ အာရက္ခတပ်တော်(AA)နဲ့မဟာမိတ်တွက ဆက်တိုက်သိမ်းယူနေပါတယ်။

၆၆၆ပွိုင့်ကုန်းကို AAနဲ့မဟာမိတ်တွက ပြီးခဲ့တဲ့ ဇန်နဝါရီလမှာသိမ်းယူခဲ့ပြီးတဲ့နောက် တိုက်ပွဲတွေဖြစ်နေတာကနေ မေလဆန်းကစတင်ပြီး စခန်းသိမ်းတိုက်ပွဲထိုးစစ်တွေ ဖော်ဆောင်ခဲ့တာလို့ စစ်ရေးသတင်းရင်းမြစ်ကပြောပါတယ်။

“ဒီရက်ဖြစ်နေတာကတော့ အရင်ကမကြားဖူးမမြင်ဖူးတာတွေဖြစ်နေတာ။စစ်တပ်လေကြောင်းက နေ့ရော၊ညပါလာပစ်နေတာပါ။ဒီရက်ထဲတင်နော် ကပစ ရဲ့ ကာကင်း ၄ ခု သိမ်းတယ်။ကပစ(၁၆)။ စစ်တပ်က ဖြည့်ဖို့ကြိုးစားနေတဲ့အင်အားတွေကိုပါ ဖြတ်ဆော်နေတာ” လို့ပန်းတောင်းမြို့ခံသတင်းရင်းမြစ်တဦးကပြောပါတယ်။

၆၆၆ပွိုင့်ကုန်းကို AAနဲ့မဟာမိတ်တွက ပြီးခဲ့တဲ့ ဇန်နဝါရီလ ၂၈ရက်မှာသိမ်းယူခဲ့တာပါ။ အဲ့ဒီနောက်ပိုင်း နေ့စဉ်နီးပါးတိုက်ပွဲတွေဖြစ်ခဲ့ပြီး ယခုရက်ပိုင်းမှာအပြင်းထန်ဆုံးဖြစ်နေတာလို့ AAနဲ့ပူးပေါင်းပြီးစစ်ရေးဖော်ဆောင်နေတဲ့ တော်လှန်
ရေးသတင်းရင်းမြစ်ကပြောပါတယ်။ စစ်ရေးအခြေအနေအသေးစိတ်ကိုတော့၎င်းက မပြောလိုဘူးလို့ဆိုပါတယ်။

မေလ၄ရက်ကနေမေလ ၇ရက်အတွင်းတိုက်ပွဲတွေမှာ ကပစ(၁၆)အနီးက ပွိုင့် ၅၀၀ကုန်းရဲ့ ကာကင်းစခန်းလေးခုကို AAနဲ့မဟာမိတ်တွက သိမ်းယူခဲ့ပြီး စစ်ကောင်စီဘက်ကသေဆုံးသူ၂၀ထက်မနည်းရှိခဲ့တယ်လို့ AAရဲ့ စစ်ရေးသတင်းတွေကိုဖော်ပြပေးနေတဲ့ Arakan Princess Media က ဓာတ်ပုံမှတ်တမ်းတွေနဲ့ထုတ်ပြန်ထားပါတယ်။

https://www.ludunwayoo.com/feature-mm/2026/05/11/156782/