စစ်တပ်ကမင်းပြားနဲ့ကျောက်တော်မြို့ကိုဂျက်ဖိုက်တာ၊ Y-12 လေယာဉ်တွေနဲ့ ဗုံးအလုံးရေ ရာချီကြဲ

​မေ-၉၊၂၀၂၆။ဇော်ရမ်း/People's Spring

ရခိုင်ပြည်နယ်၊ မင်းပြား နဲ့ ကျောက်တော်မြို့ကို အာဏာသိမ်းစစ်တပ်ကဂျက်ဖိုက်တာ၊ Y-12 လေ
ယာဉ်တွေနဲ့ ဗုံးအလုံးရေ ရာချီကြဲခဲ့ပြီး ကလေးတစ်ဦးအပါအဝင် သုံးဦးသေဆုံးပြီး ဆယ်ဦးထက်မနည်း ဒဏ်ရာရခဲ့ပါတယ်။

မင်းပြားမြို့နယ်၊ကျောက်ခုတ်ကျေးရွာ အရှေ့
တောင်ဖက်ရှိကင်းမွန်ချောင်းဂျိုင်နဲ့ပတ်ဝန်းကျင်ရှိကျေးရွာတွေကိုမေလ (၇) ရက်၊ နေ့ခင်းပိုင်းနဲ့ ကျောက်တော် မြို့နယ်၊သုံးခွအနီးပတ်ဝန်းကျင်ကို ညပိုင်းမှာဗုံးကြဲခဲ့တာလို့ AAကမေလ ၈ရက်ညမှာ သတင်းထုတ်ပြန်ပါတယ်။

အဲ့ဒီနေရာတွေကို "တရစပ်မရပ်မနားဗုံးကြဲတိုက်
ခိုက်"ခဲ့သလို Cluster Boomb တွေလည်း ကြဲသွားတယ်လို့ AAက ထုတ်ပြန်ထားပါတယ်။

"ပေါင်၅၀၀တွေရော Cluster Boomb တွေပါ ရာချီကြဲတာပါ။ဒါတွေကစစ်ရာဇဝတ်မှုပါ။ လူသတ်နေတာပါ" လို့ ရခိုင်‌စစ်ရှောင်တွေကို ကူညီနေသူ
တဦးကပြောပါတယ်။

ကျောက်တော်မြို့ကိုဗုံးကြဲတိုက်ခိုက်မှုမှာ အရပ်
သားပြည်သူတစ်ဦး၊ အကျဉ်းထောင်ဆေးဝန်ထမ်း တဦး၊ ကလေးတစ်ဦး သေဆုံးခဲ့ပြီးဒဏ်ရာရသူ (၁၀) ဦးခန့်ရှိခဲ့တယ်လို့ AA က​ဖော်ပြပါတယ်။လူထိခိုက်သေဆုံးမှုတွေအပြင် လူနေအဆောက်အအုံတချို့ပျက်စီးမှု၊ ကျွဲ၊ နွား၊ တိရစ္ဆာန် တချို့သေ
ဆုံးမှု၊ဗုံးစထိမှန်မှုတို့ရှိခဲ့တယ်လို့ ထုတ်ပြန်ထားပါတယ်။

စစ်တပ်က ဧပြီလထဲမှာလည်း ရခိုင်ပြည်နယ်အ
တွင်း သံတွဲ၊ ငပလီ၊မြောက်ဦး၊ ပုဏ္ဏားကျွန်း၊ ကျောက်တော်နဲ့ရသေ့တောင်မြို့နယ်တွေကို လေ
ကြောင်းကနေဗုံးကြဲတိုက်ခိုက်ခဲ့ပြီး လက်ရှိမေလထဲမှာလည်း ဆက်လက် ဗုံးကြဲနေတာဖြစ်ပါတယ်။

ရခိုင်ပြည်နယ်အတွင်းစစ်တပ်ကလေကြောင်းတိုက်ခိုက်မှုတွေမှာ ပိုပြီးပြင်းထန်တဲ့ပုံစံပြောင်း
လာပြီး ပိုပြီးသတိပြုကြဖို့ အာရက္ခတပ်တော်
( AA)နဲ့ အရပ်ဖက်လူမှုကယ်ဆယ်ရေးအဖွဲ့တွေက သတိပေးထားပါတယ်။လေကြောင်းတိုက်ခိုက်ရာမှာဂျက်တိုက်လေယာဉ်နှစ်စီးအထက်နဲ့ ကင်း
ထောက်လေယာဉ်တွေတစ်ပြိုင်တည်းသုံးတိုက်
ခိုက်နေတာကြောင့်ဒေသခံပြည်သူတွေ အနေနဲ့ ပိုမို သတိရှိကြဖို့ AAက သတိပေးထားပါတယ်။

အရပ်သားတွေအပေါ်ပစ်မှတ်ထားတိုက်ခိုက်တာဟာ အလွန်ပြင်းထန်တဲ့ လူသားချင်းစာနာထောက်
ထားမှုဆိုင်ရာ စိုးရိမ်စရာ ကိစ္စဖြစ်တယ်လို့ အာရက္ခတပ်တော် (AA) စစ်ဦးစီးချုပ် ဗိုလ်ချုပ် ထွန်းမြတ်နိုင်ကမေလ၄ရက်နေ့က ထုတ်ပြန်လာတဲ့ The Diplomat သတင်းဌာနနှင့် အင်တာဗျူးမှာ ပြောကြားထားပါတယ်။

လေကြောင်းတိုက်ခိုက်မှုတွေကြောင့်အရပ်သားတွေ ဘေးကင်းရေးအတွက် ဖြစ်နိုင်သမျှနည်းလမ်းမျိုးစုံစဉ်းစားနေသလိုဒီလေကြောင်းဗုံးကြဲမှုတွေကို မှတ်တမ်းတင်နိုင်ဖို့ နိုင်ငံတကာအသိုက်
အဝန်းနဲ့ ပူးပေါင်းလုပ်ဆောင်နေပေမဲ့ ထိရောက်မှုသိပ်မရှိသေးဘူးလို့လည်းအသိပေးထားပါတယ်။

စစ်တပ်က ရခိုင်ပြည်နယ်​မြောက်ဦးမြို့နယ်က ​ပြည်သူ့ဆေးရုံကို ၂၀၂၅ ဒီဇင်ဘာ ၁၀ ရက်ကဗုံးကြဲခဲ့ပြီး​နောက်​တွေ့ရစဥ်။
ဓါတ်ပုံ-​ဝေဟင်​အောင်

ခုချိန်ထိ မြန်မာနိုင်ငံမှာ ဆင်ဖြူတော်အကောင်ရေ ၉ကောင်ရှိပါတယ်တဲ့။ဒါတောင်သေသွားတဲ့ ဆင်
ဖြူတော်တွေရဲ့အရေအတွက်မပါသေးဘူး။

ဘုန်းတံခိုးကြီး၊မကြီးနဲ့ မင်းကောင်းမင်းမြတ်ဖြစ်၊ မဖြစ်တော့ သေချာမသိပေမယ့် ဆင်ဖြူတော်တွေကတော အဲကွန်းခန်းထဲမှာ သံကြိုးခတ်ခံထားရသလို၊ တိုင်းပြည်ကလည်း မွဲပြာကျပြီး ဘာမှရစရာမရှိအောင် ပျက်စီးနေပါပြီ။

တကယ်တော့ ဒါတွေဟာ ဝါဒဖြန့်တာတွေပါပဲ။ အာဏာရှင်တွေဟာ ကုန်ဈေးနှုန်းတွေ အဆမတန် တက်နေတာကိုမမြင်စေချင်ဘူး။ မြန်မာကျပ်ငွေ တန်ဖိုးကမ္ဘာ့အောက်ဆုံး ရောက်နေတာကို မေ့ထားစေချင်တယ်။ စစ်မြေပြင်မှာ ရှုံးနိမိတ်ပြနေတာတွေကို ဖုံးကွယ်ချင်တယ်။


https://www.ludunwayoo.com/opinion-mm/2026/05/09/156659/

KNUဖမ်းမိတဲ့ ကျပ်သိန်းငါးထောင်နီးပါးတန်ဖိုးရှိ မူးယစ်ဆေးတွေ ထိုင်းအာဏာပိုင်တွေကို စစ်ဆေးစေပြီး မီးရှို့ဖျက်ဆီး

▪️မူးယစ်တိုက်ဖျက်ရေးတိုးမြှင့်ဖို့ သံသယဖြစ်ဖွယ်လှုပ်ရှားမှုတွေကို အကြောင်းကြားပေးဖို့ KNU ဖိတ်ခေါ်

မေ ၉၊ ၂၀၂၆။ ထားမြတ်/People’s Spring

ကရင်အမျိုးသားအစည်းအရုံး(KNU) တပ်မဟာ (၅)နယ်မြေမှာ ဖမ်းမိ မူးယစ်ဆေးဝါးတွေကို မီးရှို့ဖျက်ဆီးခဲ့ကြောင်း KNUက ထုတ်ပြန်ခဲ့ပြီး ကော်သူးလေဒေသအတွင်း မူးယစ်ဆေးဝါး တိုက်ဖျက်ရေးလုပ်ငန်းများကို ဆက်လက်တိုးမြှင့် ဆောင်ရွက်သွားမယ်လို့ အသိပေးပါတယ်။

ဒါကြောင့် ပြည်သူတွေအနေနဲ့လည်း သံသယဖြစ်ဖွယ် လှုပ်ရှားမှုတွေကို သက်ဆိုင်ရာ အဖွဲ့တွေဆီ အကြောင်းကြားပေးဖို့ တိုက်တွန်းဖိတ်ခေါ်ထားပါတယ်။

ကရင်အမျိုးသားအစည်းအရုံး(KNU) တပ်မဟာ(၅)နယ်မြေ ဖာပွန်ခရိုင် အတွင်း ဖမ်းမိ မူးယစ်ဆေးဝါးတွေကို မေလ ၇ရက်မှာ မီးရှို့ဖျက်ဆီးခဲ့တာပါ။တပ်မဟာ(၅)နယ်မြေမှာ မီးရှို့ခဲ့တဲ့ မူးယစ်ဆေးဝါးပမာဏဟာ ကျပ်သိန်း ၅၀၀၀ နီးပါး((၄၉၆,၅၀၀,၀၀၀ ကျပ်) တန်ဖိုးရှိတဲ့ မူးယစ်ဆေးဝါးတွေလို့ အသိပေးထားပါတယ်။

KNU တပ်မဟာ(၅)နယ်မြေ ဖာပွန်ခရိုင်(မူတြော်ခရိုင်) သံလွင်မြစ်မှာ ဆီပုံးတွေ အသွင်ယူ သယ်လာတဲ့ မူးယစ်ဆေးဝါးတွေကို ကရင်အမျိုးသားနယ်စပ်လုံခြုံရေးတပ်ဖွဲ့တွေက ၂၀၂၅ ဒီဇင်ဘာ ၁၈ရက်မှာ ဖမ်းမိခဲ့ရာ မေလ ၇ရက်မှာ မီးရှို့တာလို့ဆိုပါတယ်။

ဖမ်းဆီးရမိသော မူးယစ်ဆေးဝါးများမှာ အတောင့်ကြီး (၉၉၃) တောင့်၊ အတောင့်ငယ် (၄၄၅) တောင့်၊ အထုပ်ကြီး (၄၉,၆၅၀) ထုပ်ဖြင့် စုစုပေါင်း အလုံးရေ ၉,၉၃၀,၀၀၀ (၉၉သိန်း ၃သောင်း) လုံး ဖြစ်တယ်လို့ အသိပေးထားပါတယ်။

ကရင်အမျိုးသားနယ်စပ်လုံခြုံရေးတပ်ဖွဲ့များက သံလွင်မြစ်ပေါ်တွင် သွားလာနေသည့် လှေတစ်စီး ကို သံသယရှိလို့ စစ်ဆေးခဲ့ရာမှ စိတ်ကြွဆေးပြားများကို စက်သုံးဆီ ပုံးများအသွင်နဲ့ သယ်လာတာ ဖြစ်တယ်လို့ ဆိုပါတယ်။

ကရင်အမျိုးသားရဲတပ်ဖွဲ့မှအဆိုပါမူးယစ်ဆေးဝါး တရားမဝင် ရောင်းချသူများကို ဆက်လက်အရေးယူကိုင်တွယ်သွားမယ်လို့ ထုတ်ပြန်ပါတယ်။

သံလွင်မြစ်ကဲ့သို့ နယ်စပ်နဲ့ ဆက်စပ်တဲ့ ဒေသများမှာ မူးယစ်ဆေးဝါး တရားမဝင် သယ်ယူပို့ဆောင်မှုများ မကြာခဏ ဖြစ်ပွားလေ့ရှိလို့ စောင့်ကြည့်စစ်ဆေးမှုများကို တိုးမြှင့်ဆောင်ရွက်နေတယ်လို့ KNU မူတြော်ခရိုင်တာဝန်ရှိခေါင်းဆောင်တစ်ဦးက ပြောကြားထားပါတယ်။

မူးယစ်ဆေးဝါးများကို သက်ဆိုင်ရာ ကော်သူးလေ မူးယစ်ဆေးဝါးတိုက်ဖျက်ရေးကော်မတီ မှ ဥပဒေစည်းမျဉ်းများနဲ့ အညီ တာဝန်ရှိသူတွေရဲ့ ကြီးကြပ်မှုဖြင့် မီးရှို့ဖျက်ဆီးခဲ့ပြီး မီးမရှို့မီတွင်လည်း ထိုင်းတာဝန်ရှိခေါင်းဆောင်များမှ စစ်ဆေးအတည်ပြုခဲ့ကြောင်း ဖော်ပြပါတယ်။
အရင်ကလည်း KNUက ဖမ်းမိမူးယစ်ဆေးဝါးတွေ မီးရှို့ဖျက်ဆီးရာမှာ ထိုင်းအာဏာပိုင်တွေကို စစ်ဆေး အတည်ပြုပြီးမှ မီးရှို့တာတွေ လုပ်ဆောင်ခဲ့ဖူးပါတယ်။

အခမ်းအနားကို KNU ဖာပွန်(မူတြော်)ခရိုင်တာဝန်ရှိခေါင်းဆောင်များ၊ ကရင်အမျိုးသားကာကွယ်ရေးတပ်ဖွဲ့ (KNDO)၊ ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသားရဲတပ်ဖွဲ့ (KNPF)၊ကရင်နယ်စပ်ရေးရာကော်မတီ (မူတြော်ခရိုင်)၊ ကော်သူးလေသစ်တောဌာန (မူတြော်ခရိုင်)၊ ကရင်အမျိုးသမီးအစည်းအရုံး( KWO)၊ ထိုင်းနယ်စပ်ရေးရာတာဝန်ရှိခေါင်းဆောင်များ၊ ထိုင်းသတင်းမီဒီယာများနဲ့ မူးယစ်ဆေးဝါး တိုက်ဖျက်ရေးအဖွဲ့ဝင်များ တက်ရောက်ခဲ့ကြောင်း ထုတ်ပြန်ပါတယ်။

ရန်သူကို နိုင်အောင်တိုက်မယ့် တိုက်ပွဲဝင်စိတ်နဲ့ ရှေ့ဆက်သွားမယ့် နှစ် ၉၀ ပြည့်ဗကသ

မေ-၉၊၂၀၂၆။ သတိုး/People's Spring

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်အနေနဲ့ မိတ်ဆွေတွေကြားက ပဋိပက္ခတွေ၊ အဆင်မပြေတာတွေကို ဆက်လက်သယ်ဆောင်မသွားဘဲ ရန်သူကို နိုင်အောင်တိုက်မယ့် တိုက်ပွဲဝင်စိတ်နဲ့ ရှေ့ဆက်သွားမယ်လို့ မေ ၈ ရက်မှာ ကျရောက်တဲ့ နှစ် (၉၀) ပြည့်အထိမ်းအမှတ်မှာ ထုတ်ပြန်လိုက်ပါတယ်။

“အခုလို နှစ် (၉၀) ပြည့် အချိန်မှာတော့ အဲဒီအဆင်မပြေမှုတွေနဲ့ မကျေလည်မှုတွေအားလုံးကို ချန်ထားခဲ့ချင်ပါပြီ။ ဗကသများအဖွဲ့ချုပ်အနေနဲ့ အမှားအယွင်းတွေရှိခဲ့ရင် ခွင့်လွှတ်ပေးဖို့ သက်ဆိုင်သူအားလုံးကို လေးလေးနက်နက် တောင်းပန်အပ်ပါတယ်။ ဗကသများအဖွဲ့ချုပ်အပေါ်ရှိတဲ့ အမှားအယွင်းတွေ အားလုံးကိုလည်း ခွင့်လွှတ်ပြီး ချန်ထားခဲ့ပါပြီ။ မိတ်ဆွေတွေကြား ပဋိပက္ခတွေ အဆင်မပြေတာတွေကို ဆက်လက် သယ်ဆောင်မသွားဘဲ ရန်သူကို နိုင်အောင်တိုက်မယ်ဆိုတဲ့ တိုက်ပွဲဝင်စိတ်ကိုပဲ ဗကသရဲ့ မျိုးဆက်သစ်အားလုံးကို လက်ဆင့်ကမ်းခဲ့ချင်ပါတယ်။ လက်ရှိအချိန်မှာ တော်လှန်ရေးအင်အားစု အားလုံးအနေနဲ့လည်း ဒီလိုညီညွတ်ရေးစိတ်ဓာတ်နဲ့ ပြင်ဆင်စုစည်းနေကြလိမ့်မယ်လို့ မျှော်လင့်ပါတယ်”လို့ ထုတ်ပြန်ချက်မှာဖော်ပြထားပါတယ်။

ဖြတ်သန်းခဲ့ရတဲ့ နှစ် ၉၀ ကာလမှာ မြန်မာပြည်ရဲ့ ပြင်းထန်လွန်းတဲ့ တော်လှန်ရေးအခြေအနေနဲ့ သူတို့ရဲ့ မရင့်ကျက်မှုတွေကြောင့် တော်လှန်ရေးတာဝန်တွေလုပ်ဆောင်ရင်း မိတ်ဖက်အဖွဲ့အစည်းတွေ ခေတ်ပြိုင်အဖွဲ့အစည်းတွေ လူထုလူတန်းစားအဖွဲ့အစည်းတွေနဲ့ လူပုဂ္ဂိုလ်တွေကြားမှာ အထိအရှတွေ၊ ပွတ်တိုက်မှုတွေ၊ အားပြိုင်မှုတွေနဲ့ မကျေလည်မှုတွေ ရှိခဲ့တယ်လို့ ဆိုပါတယ်။

"အဖွဲ့အစည်းတခုအနေနဲ့ ပေးဆပ်စွန့်လွှတ်ရမှုတွေနဲ့ ရထားတဲ့ ဒဏ်ရာတွေက များတယ်ဆိုပေမဲ့ လူမျိုးပေါင်းစုံ ပြည်သူလူထုတရပ်လုံး လိုလားတောင့်တတဲ့ နိုင်ငံတော်သစ်တရပ် ဖြစ်ထွန်းပေါ်ပေါက်အောင် မဆောင်ရွက်နိုင်သေးတဲ့အတွက် တာဝန်မကျေသေးဘူးလို့ပဲ ခံယူပါတယ်။" လို့ ဗကသအဖွဲ့ချုပ်က ထုတ်ပြန်ထားပါတယ်။

အဖွဲ့ချုပ်‌အနေနဲ့ စစ်အာဏာရှင်စနစ်ကို အမြစ်ပြတ်ချေမှုန်းနိုင်ဖို့ ဆက်လက်တိုက်ပွဲဝင်သွားမှာဖြစ်ပြီး အဲဒီအတွက် ဘယ်လို စွန့်လွှတ်ပေးဆပ်ရမှုမျိုးမဆို ရဲရဲဝံ့ဝံ့ ရင်ဆိုင်သွားဖို့ အသင့်ဖြစ်နေတယ်လို့လည်းဆိုပါတယ်။

"ဗကသများအဖွဲ့ချုပ်ရဲ့ အလံတော်ကို တမိနစ်၊ တစက္ကန့် သယ်ဆောင်ခဲ့သူကအစ ဘဝတလျှောက်လုံး သယ်ဆောင်ခဲ့သူအလယ် ကျဆုံးကွယ်လွန်ပြီးချိန် ဘဝတွေ၊ အမည်နာမတွေ၊ ဂုဏ်သိက္ခာတွေနဲ့ ဆက်လက်သယ်ဆောင်သူများအဆုံး ရဲဘော်များအားလုံးရဲ့ ဂုဏ်ကျေးဇူးကို အလေးအမြတ် ဦးညွှတ်ဂုဏ်ပြုအပ်ပါတယ်။ အဲဒီ ရဲဘော်တွေမရှိဘဲ ဗကသများအဖွဲ့ချုပ်ဆိုတာ မရှိနိုင်လို့ပါပဲ။" လို့ ထုတ်ပြန်ချက်မှာဖော်ပြထားပါတယ်။

ဗိုလ်ချုပ်ထွန်းမြတ်နိုင်နဲ့ The Diplomat သတင်းဌာန ​မေးမြန်းခန်း (အပိုင်း ၁)


https://www.ludunwayoo.com/interviews-mm/2026/05/07/156368/

ဒေါ်အောင်ဆန်းစုကြည်အပါအဝင် နိုင်ငံရေးအကျဥ်းသားအားလုံးကို ပြန်လွှတ်ပေးဖို့ အာဆီယံ တောင်းဆို

မေ-၉၊ ၂၀၂၆။ People’s Spring

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်အပါအဝင် နိုင်ငံရေးအကျဥ်းသားအားလုံးကို ပြန်လွှတ်ပေးဖို့ အာဆီယံခေါင်းဆောင်တွေက တောင်းဆိုလိုက်ပါတယ်။

ဖိလစ်ပိုင်နိုင်ငံ စီဘူးမှာ ကျင်းပပြုလုပ်ခဲ့တဲ့ ၄၈ ကြိမ်မြောက် အာဆီယံထိပ်သီးညီလာခံအပြီး အလှည့်ကျဥက္ကဋ္ဌရဲ့ ကြေညာချက်ကို မေလ ၈ရက် မနေ့က ထုတ်ပြန်ရာမှာ မြန်မာနိုင်ငံမှာ ကျန်ရှိနေတဲ့ နိုင်ငံရေးအကျဥ်းသားတွေကို ပြန်လွှတ်ပေးဖို့ အာဆီယံခေါင်းဆောင်တွေရဲ့ တောင်းဆိုမှုကို ထပ်လောင်းအတည်ပြုကြောင်း ဖော်ပြထားတာပါ။

အာဆီယံခေါင်းဆောင်တွေက နိုင်ငံတော်သမ္မတဦးဝင်းမြင့်အပါအဝင် အကျဥ်းသား ၄,၀၀၀ ကျော် ပြန်လွှတ်ပေးမှု၊ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို သတ်မှတ်နေအိမ်ကို ပြောင်းရွှေ့မှုနဲ့ အကျဥ်းသား ၁,၅၀၀ ကျော် ပြန်လွှတ်ပေးမှုကို ကြိုဆိုကြောင်း ဖော်ပြပါတယ်။ အာဆီယံအလှည့်ကျဥက္ကဋ္ဌရဲ့ ကြေညာချက်မှာတော့ နိုင်ငံတော်သမ္မတရာထူးနဲ့ နိုင်ငံတော်အတိုင်ပင်ခံပုဂ္ဂိုလ်ရာထူးတွေကို ဖော်ပြခြင်းမရှိဘဲ ဦးဝင်းမြင့်၊ ဒေါ်အောင်ဆန်းစုကြည်လို့သာ ဖော်ပြထားတာ တွေ့ရပါတယ်။

အာဏာသိမ်းစစ်ခေါင်းဆောင်မင်းအောင်လှိုင်ကို ဆက်လက်တက်ရောက်ခွင့်မပြုခဲ့တဲ့ ဒီတစ်ကြိမ် အာဆီယံထိပ်သီးညီလာခံမှာ ခေါင်းဆောင်တွေက မြန်မာ့နိုင်ငံရေးအကျပ်အတည်းဖြေရှင်းရာမှာ ဘုံသဘောတူညီချက် ၅ရပ်ကိုပဲ အဓိက ရည်ညွှန်းကိုးကားချက်အဖြစ် တညီတညွတ်တည်း ရပ်တည်ကိုင်စွဲသွားမယ်လို့ ထပ်လောင်းအတည်ပြုပါတယ်။

မြန်မာနိုင်ငံမှာ ပဋိပက္ခ၊ လူသားချင်းစာနာမှုအခြေအနေတွေ ဆက်လက်ကျယ်ပြန့်လာတာနဲ့ အာဆီယံခေါင်းဆောင်တွေရဲ့ဘုံသဘောတူညီချက် ၅ရပ် အကောင်အထည်ဖော်ရာမှာ တိုးတက်မှု အနည်းငယ်သာရှိတဲ့အပေါ် အာဆီယံခေါင်းဆောင်တွေက အလွန်အမင်းစိုးရိမ်တယ်လို့ ဆိုပါတယ်။

အာဆီယံခေါင်းဆောင်တွေက အရပ်သားတွေနဲ့ အများပြည်သူနေရာတွေအပေါ် အကြမ်းဖက်လုပ်ရပ်တွေ ဆက်လက် လုပ်ဆောင်နေမှုကို ပြစ်တင်ရှုတ်ချလိုက်ပြီး သက်ဆိုင်တဲ့အဖွဲ့အစည်းအားလုံးအနေနဲ့ အဆင်ခြင်မဲ့အကြမ်းဖက်မှုတွေကို ချက်ချင်းရပ်တန့်ဖို့၊ အမြင့်ဆုံး ထိန်းသိမ်းဆောင်ရွက်ဖို့၊ အရပ်သားတွေနဲ့ အရပ်သားအဆောက်အအုံအားလုံးကို လုံခြုံစိတ်ချစွာ အကာအကွယ်ပေးဖို့ စတဲ့အချက်တွေကိုလည်း တိုက်တွန်းထားပါတယ်။ ဒါ့အပြင် လူသားချင်းစာနာမှုအကူအညီ ပေးအပ်နိုင်ဖို့နဲ့ အားလုံးပါဝင်တဲ့ နိုင်ငံလုံးဆိုင်ရာတွေ့ဆုံဆွေးနွေးပွဲ ဖြစ်ပေါ်လာဖို့ အခြေအနေကောင်းတွေ ဖန်တီးလုပ်ဆောင်ကြဖို့ အာဆီယံခေါင်းဆောင်တွေက တိုက်တွန်းထားပါတယ်။

နောက်ပြီး အာဆီယံခေါင်းဆောင်တွေက အလှည့်ကျဥက္ကဋ္ဌရဲ့ အထူးကိုယ်စားလှယ်၊ ဖိလစ်ပိုင်နိုင်ငံခြားရေးဝန်ကြီး မစ္စစ်လာဇာရိုရဲ့ကြိုးပမ်းအားထုတ်မှုတွေကို ချီးကျူးဂုဏ်ပြုပါတယ်။ တဖက်မှာလည်း အာဆီယံရဲ့ မြန်မာနိုင်ငံဆိုင်ရာ ရေရှည်အထူးကိုယ်စားလှယ်တစ်ဦး ခန့်အပ်ဖို့ ကိစ္စနဲ့ပတ်သက်လို့ အာဆီယံအဆင့်မြင့်အရာရှိကြီးများရဲ့ ဆွေးနွေးမှုတွေကနေ အဖြေတစ်ခုထွက်လာဖို့ မျှော်လင့်ကြောင်းလည်း ဖော်ပြပါတယ်။

(၂၀၁၈ ခုနှစ်က အာဆီယံစီးပွားရေးနဲ့ ရင်းနှီးမြှုပ်နှံမှုညီလာခံမှာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် မိန့်ခွန်းပြောကြားနေစဥ်။ ဓာတ်ပုံ - EPA)

ထိုင်းလူသားစာနာတာဝန်ရှိသူတစ်ဦးရဲ့ကားကို KTLAကော်လာဖိုးအဖွဲ့က ထိုင်းပိုင်နက်အတွင်းမှာ တိုက်ခိုက်ပြီး ကားမီးရှို့ဖျက်ဆီး

မေ ၉၊ ၂၀၂၆။ထားမြတ်/People’s Spring

ထိုင်းနိုင်ငံက လူသားချင်းစာနာထောက်ထားမှုလုပ်ငန်းတွေနဲ့ ပတ်သက်ပြီး လုပ်ကိုင်နေတဲ့ တာဝန်ရှိသူ တစ်ဦး လိုက်ပါလာတဲ့ကားကို ဗိုလ်ကော်လားဖိုးဦး‌ဆောင်တဲ့ KTLAအဖွဲဝင်တွေက ထိုင်းပိုင်နက် နယ်မြေအတွင်းမှာ ချောင်းမြောင်းပစ်ခတ်ခဲ့တယ်လို့ မြန်မာ-ထိုင်းနယ်စပ် သတင်းရင်းမြစ်တဦးက ပြောပါတယ်။

ကရင်အမျိုးသားအစည်းအရုံး(KNU) မြိတ်ထားဝယ်ခရိုင်နဲ့ ကရင်အမျိုးသားလွတ်မြောက်ရေးတပ်မတော်(KNLA) ရဲဘော်တွေနဲ့ တော်လှန်ရေးအင်အားစုတွေကို မကြာခဏခြုံခိုတိုက်ခိုက်နေတဲ့ ဗိုလ်ကော်လာဖိုးရဲ့ KTLAဟာ အခုတခါ ထိုင်းနယ်မြေထဲမှာ အခုလို တိုက်ခိုက်မှု ထပ်မံ ကျူးလွန်ခဲ့တာလည်းဖြစ်ပါတယ်။

ဖြစ်စဉ်မှာ မေလ ၈ရက် ညနေပိုင်းမှာ ထားဝယ်ခရိုင် နယ်စပ်ဒေသ ညာပလားခီး(ငါးရံနီ)ဒေသအနီး၊ ထိုင်းနိုင်ငံဘက်ခြမ်းမှာ ဖြစ်ခဲ့တာလို့ဆိုပါတယ်။

တိုက်ခိုက်ခံရတဲ့ ထိုင်းလူသားစာနာက တာဝန်ရှိသူနဲ့ ယာဉ်မောင်းဟာထွက်ပြေးလွတ်မြောက်ခဲ့ပေမယ့် သူတို့စီးလာတဲ့ကားကို KTLA က မီးရှို့ဖျက်ဆီးခဲ့တာလို့သတင်းရင်းမြစ်က ပြောပါတယ်။

" ဒီကိစ္စနဲ့ ပတ်သက်ပြီးတော့ကျနော်တို့နယ်မြေထဲမှာ မဟုတ်ဘူး။ထိုင်းနယ်မြေထဲမှာ ဖြစ်တဲ့အတွက်ကြောင့် ထိုင်းအာဏာပိုင်နဲ့ ထိုင်းတာဝန်ခံတွေပဲ တာဝန်ရှိတယ်ပေါ့” လို့ နယ်စပ်ဒေသသတင်းရင်းမြစ်က ပြောပါတယ်။

ဗိုလ်ကော်လာဖိုးအဖွဲ့ဟာ စစ်တပ်ထံ ၂ကြိမ်အလင်းဝင်ခဲ့ဖူးပြီး ၂၀၂၁ စစ်တပ်အာဏာသိမ်းပြီးနောက် KNLA တပ်မဟာ(၄) တပ်ဖွဲ့တွေကို မကြာခဏ တိုက်ခိုက်မှု လုပ်ဆောင်နေတဲ့ အဖွဲ့လည်းဖြစ်ပါတယ်။ ဒါ့အပြင် KTLAဟာ အရပ်သားပြည်သူတွေကို တိုက်ခိုက်တာတွေ လုပ်ဆောင်ခဲ့လို့ဒေသတွင်း အရပ်ဖက်အဖွဲ့တွေရဲ့ ကန့်ကွက်မှု ကြုံခဲ့ရပါတယ်။

KNLAနဲ့ တော်လှန်ရေးအင်အားစုတွေ အရပ်သားတွေကို တိုက်ခိုက်နေတာကြောင့် KTLAကို စစ်ကောင်စီရဲ့ မိတ်ဖက်အဖွဲ့အစည်းအဖြစ် KNU မြိတ်ထားဝယ်ခရိုင်က အခုနှစ်ဆန်းမှာ သတ်မှတ်ကြေညာထားပါတယ်။

KTLAဟာ ထိုင်းနိုင်ငံအတွင်းမှာလည်း လှုပ်ရှားသွားလာနေတဲ့ အဖွဲ့ဖြစ်ပြီး အခု လို ထိုင်းတာဝန်ရှိသူကို တိုက်ခိုက်တာဟာ ပထမဆုံးအကြိမ်ဖြစ်တယ်လို့ ဆိုပါတယ်။ KTLAဟာ ထိုင်းငံနိုင်ငံဘက်မှာ လက်နက်များ သိုလှောင်ထားရှိပြီး မြန်မာ-ထိုင်းနယ်စပ်ဒေသများတွင် မိုင်းများထောင်တာ၊ ခြုံခိုတိုက်ခိုက်တာတွေ လုပ်ဆောင်လျက်ရှိတယ်လို့လည်း သတင်းရင်းမြစ်က ပြောပါတယ်။

KNU မြိတ်ထားဝယ်ခရိုင်ရဲ့ သတင်းထုတ်ပြန်ချက်အရ ဗိုလ်ကော်လားဖိုးရဲ့ KTLAဟာ မတ်လ ၇ရက် မနက်မှာမြိတ်ထားဝယ်ခရိုင်၊ ကစယ်ဒို(သရက်ချောင်း( မြိုနယ်၊ ပေါခလိုးဒေသ(ဘန်းချောင်းကျေးရွာအုပ်စု)မှာ နယ်မြေလုံခြုံရေးအတွက် လိုအပ်တဲ့ ဆက်သွယ်ရေး အလုပ်လုပ်နေတဲ့ KNLA ရဲဘော် ၁ဦးနဲ့ မြိုနယ် လုပ်သား ၁ဦးကို ဖမ်းဆီးသတ်ဖြတ်ခဲ့တယ်လို့ ဆိုပါတယ်။ ဒါ့အပြင် မတ်လ ၄ရက် ညနေပိုင်းကလည်း KNU မြိတ်ထားဝယ်ခရိုင်၊ ကစယ်ဒို(သရက်ချောင်း)မြိုနယ် သမီးပေါ်သောကျေးရွာနဲ့ ကနဲဃော‌(ပျားသားချောင်း)ကျေးရွာကြားမှာ KNLA ရဲဘော်တွေကို KTLAက တိုက်ခိုက်ခဲ့ရာ KNLA တပ်ရင်း(၁၂)က ရဲဘော် ၅ဦး ဒဏ်ရာရခဲ့ကြောင်း ထုတ်ပြန်ပါတယ်။

မတ်လ ၁၀ရက်မှာလည်း ကစယ်ဒိုမြို့နယ် ဖိုးလမိုင်း ဒေသမှာ KTLA တပ်ထောင်ထားတဲ့ မိုင်းနင်းမိပြီး ဒေသခံ တစ်ဦး ထိခိုက်ဒဏ်ရာရရှိခဲ့ကြောင်းလည်း အသိပေးထားပါတယ်။ ဒါ့အပြင် မတ်လ ၁၄ရက်မှာလည်း တနင်္သာရီမြို့နယ် မောတောင်မြို့သိမ်း စစ်ဆင်ရေးမှာ တာဝန်ထမ်းဆောင်ပြီး ပြန်လာတဲ့ ကရင်အမျိုးသားလွတ်မြောက်ရေးတပ်မတော်(KNLA)ရဲ့ မဟာမိတ် ဗထူးတပ်ဖွဲ့ရဲ့ ရဲဘော်တွေကို ဗိုလ်စောအယ်ခွီး (ခ) ကော်လားဖိုး ဦးဆောင်တဲ့ KTLA တပ်ဖွဲက ခြုံခိုတိုက်ခိုက်ခဲ့လို ရဲဘော် ၄ဦး ကျဆုံးကာ ၅ဦး ဒဏ်ရာရခဲ့ပါတယ်။

(ထိုင်းလူသားစာနာတာဝန်ရှိသူတစ်ဦးရဲ့ကားကို KTLAကော်လာဖိုးအဖွဲ့က မီးရှို့ဖျက်ဆီးပြီးနောက် တွေ့ရစဉ်။ ဓာတ်ပုံ - ပေးပို့)

မုံရွာမှာ ဒီကနေ့ညနေပိုင်း လူငယ် ၂၀ကျော် ပေါ်တာဆွဲခံရ

မေ-၉၊ ၂၀၂၆။ ဇေအောင်/People's Spring

စစ်ကိုင်းတိုင်း၊ မုံရွာမြို့ပေါ်မှာ စစ်တပ်က ဒီကနေ့ မေလ ၉ရက် ညနေပိုင်းမှာ လူငယ် ၂၀ကျော် ဖမ်းဆီးပေါ်တာဆွဲသွားကြောင်း ဒေသခံတွေက ပြောပါတယ်။

ဒီကနေ့ ညနေပိုင်းက မုံရွာမြို့၊ ကျောက္ကာလမ်းမီးပွိုင့်က မျိုးဆက်သစ် လျှပ်စစ်ပစ္စည်းရှေ့မှာ လူငယ် ၁၀ဦးခန့်၊ ရွှေဝါရောင်လမ်းနဲ့ အေးရိပ်သာလမ်းမှာ ရှစ်ဦးကို စစ်တပ်က အိမ်စီးကားနှစ်စီးနဲ့ ခွဲတင်ကာ ဖမ်းဆီးပေါ်တာဆွဲသွားကြောင်း Monywa Revolution က အသိပေးပါတယ်။

ဒါ့အပြင် အောင်မဟာလမ်းပေါ်မှာလည်း လမ်းကိုပိတ်ပြီး ပေါ်တာဆွဲလို့ ၅ ဦးထက်မနည်း ဖမ်းဆီးခံလိုက်ရကြောင်း Monywa Revolution က ထပ်မံ အသိပေးပါတယ်။

"တော်တော်ဆွဲတယ်။ စီမံချက်နဲ့ ဆွဲနေတာလို့ ကြားတယ်။ မနက်ခင်းပဲထွက်ပြီး နေ့လယ်ဆို အပြင်မထွက်တော့ဘူး"လို့ မုံရွာမြို့ခံ လူငယ်တစ်ဦးက ပြောပါတယ်။

စစ်တပ်ဟာ ပြီးခဲ့တဲ့ မေလဆန်းကလည်း မုံရွာမြို့ပေါ်က နေအိမ်တွေအထိတက်ပြီး ပေါ်တာဆွဲလို့ လူငယ်အများအပြား ဖမ်းဆီးခံလိုက်ရပါသေးတယ်။ မုံရွာမြို့ပေါ်မှာ စစ်တပ်ရဲ့ပေါ်တာဆွဲ ဖမ်းဆီးမှုတွေကြောင့် ဒေသခံပြည်သူတွေဟာ စိုးရိမ်ထိတ်လန့်မှုတွေ မြင့်တက်နေပြီး အလုပ်သမားတွေ အလုပ်သွားဖို့ကို ခက်ခဲနေကြောင်း သိရပါတယ်။

စစ်တပ်ဟာ ပြီးခဲ့တဲ့ ဧပြီလကုန်ပိုင်းမှာ စစ်မှုထမ်းအပတ်စဥ် (၂၄)ကို စတင်နေပြီဖြစ်ပါတယ်။