အာဏာသိမ်း (၅)နှစ်ကျော်ကာလအတွင်း စစ်တပ်က အရပ်သားနေအိမ် တစ်သိန်းကျော် မီးရှို့ဖျက်ဆီး
ဧပြီ−၃၊ ၂၀၂၆/People's Spring
အာဏာသိမ်းပြီးနောက်ပိုင်း (၅)နှစ်ကျော်ကာလအတွင်း စစ်တပ်နဲ့ ၎င်းရဲ့လက်အောက်ခံအဖွဲ့အစည်းတွေရဲ့ မီးရှို့ဖျက်ဆီးမှုကြောင့် အရပ်သားနေအိမ်ပေါင်း ၁ သိန်း ၂ သောင်းကျော် ပြာကျပျက်စီးခဲ့ရကြောင်း Data for Myanmar ရဲ့ နောက်ဆုံးထုတ်ပြန်ချက်အရ သိရပါတယ်။
၂၀၂၁ မေလမှ ၂၀၂၆ ဖေဖော်ဝါရီလကုန်အထိ ကောက်ယူထားတဲ့ စာရင်းတွေအရ တစ်နိုင်ငံလုံးအတိုင်းအတာနဲ့ မီးရှို့ဖျက်ဆီးခံရတဲ့ နေအိမ်စုစုပေါင်း ၁၂၅,၃၂၈ လုံး ရှိခဲ့ကြောင်း၊ ယင်းအနက် ၁၂၁,၄၈၅ လုံးမှာ စစ်ကောင်စီတပ်ဖွဲ့ဝင်များနဲ့ ၎င်းတို့နဲ့ ပတ်သက်တဲ့ အဖွဲ့အစည်းများကြောင့် ဆုံးရှုံးခဲ့ရခြင်းဖြစ်ကြောင်း Data for Myanmarရဲ့ အစီရင်ခံစာက အသိပေးပါတယ်။
ဒေသအလိုက် ကြည့်မယ်ဆိုပါက စစ်ကိုင်းတိုင်းဟာ နေအိမ် ၇၈,၈၉၆ လုံးအထိ ဆုံးရှုံးခဲ့ရပြီး တစ်နိုင်ငံလုံး မီးလောင်ကျွမ်းမှုရဲ့ ၆၃ ရာခိုင်နှုန်းနဲ့ ထိပ်ဆုံးတွင် ရှိနေကြောင်း၊ ၎င်းနောက်မှာ မကွေးတိုင်းက ၁၈,၅၅၂ လုံးနဲ့ ဒုတိယအများဆုံးဖြစ်ကာ မန္တလေးတိုင်းနဲ့ ရခိုင်ပြည်နယ်တွေမှာလည်း ထိခိုက်ပျက်စီးမှုတွေ သိသိသာသာ မြင့်တက်နေတယ်လို့ Data for Myanmar က ဆိုပါတယ်။
ပြီးခဲ့သည့် ၃ လတာ ၂၀၂၅ ဒီဇင်ဘာမှ ၂၀၂၆ ဖေဖော်ဝါရီအတွင်း တိုင်းနဲ့ ပြည်နယ် ၆ ခုရှိ ကျေးရွာပေါင်း ၈၉ ရွာမှ နေအိမ် ၄,၇၄၈ လုံး ထပ်မံမီးရှို့ခံခဲ့ရကြောင်း၊ အထူးသဖြင့် မန္တလေးတိုင်း၊ မြင်းခြံမြို့နယ်ရှိ အိုင်မကျေးရွာ မှာ နေအိမ် ၅၀၀ ကျော် မီးရှို့ခံခဲ့ရပြီး ၃ လတာအတွင်း ထိခိုက်မှုအများဆုံး ကျေးရွာအဖြစ် မှတ်တမ်းဝင်ခဲ့ကြောင်း Data for Myanmar ထုတ်ပြန်ချက်အရ သိရပါတယ်။
ဒါ့အပြင် စစ်ကောင်စီဟာ ၂၀၂၅ ရွေးကောက်ပွဲကျင်းပဖို့ လျာထားတဲ့ ဒေသတွေမှာ လုံခြုံရေးတိုးမြှင့်ခဲ့သလို၊ ရွေးကောက်ပွဲမကျင်းပနိုင်တဲ့ ကျေးရွာတွေမှာ "နယ်မြေရှင်းလင်းရေး" အကြောင်းပြကာ စစ်ကြောင်းထိုးပြီး အရပ်သားနေအိမ်တွေကို မီးရှို့ဖျက်ဆီးတာ၊ ပြည်သူပိုင် အဖိုးတန်ပစ္စည်းတွေကို မွှေနှောက်ယူဆောင်တာ၊ ဒေသခံတွေကို ဖမ်းဆီးသတ်ဖြတ်တာတွေ ပြင်းလုပ်ဆောင်ခဲ့တယ်လို့ သိရပါတယ်။
တစ်ဖက်မှာလည်း တော်လှန်ရေးအဖွဲ့များနဲ့ စစ်ကောင်စီတပ်များအကြား ထိတွေ့တိုက်ပွဲတွေ ပိုမိုများပြားလာတာကလည်း မီးရှို့ဖျက်ဆီးခံရမှု အခြေအနေကို ပိုမိုဆိုးရွားစေခဲ့တယ်လို့ Data for Myanmar က ဆိုပါတယ်။
ယခုထုတ်ပြန်ထားတဲ့ ကိန်းဂဏန်းတွေဟာ စစ်ကောင်စီဘက်က ကျူးလွန်တဲ့ မီးရှို့မှုတွေကိုသာ အဓိကထား ဖော်ပြထားခြင်းဖြစ်ပြီး လက်နက်ကြီး၊ လေကြောင်းတိုက်ခိုက်မှုကြောင့် ပျက်စီးခြင်းနဲ့ အခြားအဆောက်အအုံများ ပျက်စီးဆုံးရှုံးမှုတွေကိုတော့ ထည့်သွင်းရေတွက်ထားခြင်း မရှိသေးဘူးလို့ Data for Myanmarက အသိပေးထားပါတယ်။
ဧပြီ−၃၊ ၂၀၂၆/People's Spring
အာဏာသိမ်းပြီးနောက်ပိုင်း (၅)နှစ်ကျော်ကာလအတွင်း စစ်တပ်နဲ့ ၎င်းရဲ့လက်အောက်ခံအဖွဲ့အစည်းတွေရဲ့ မီးရှို့ဖျက်ဆီးမှုကြောင့် အရပ်သားနေအိမ်ပေါင်း ၁ သိန်း ၂ သောင်းကျော် ပြာကျပျက်စီးခဲ့ရကြောင်း Data for Myanmar ရဲ့ နောက်ဆုံးထုတ်ပြန်ချက်အရ သိရပါတယ်။
၂၀၂၁ မေလမှ ၂၀၂၆ ဖေဖော်ဝါရီလကုန်အထိ ကောက်ယူထားတဲ့ စာရင်းတွေအရ တစ်နိုင်ငံလုံးအတိုင်းအတာနဲ့ မီးရှို့ဖျက်ဆီးခံရတဲ့ နေအိမ်စုစုပေါင်း ၁၂၅,၃၂၈ လုံး ရှိခဲ့ကြောင်း၊ ယင်းအနက် ၁၂၁,၄၈၅ လုံးမှာ စစ်ကောင်စီတပ်ဖွဲ့ဝင်များနဲ့ ၎င်းတို့နဲ့ ပတ်သက်တဲ့ အဖွဲ့အစည်းများကြောင့် ဆုံးရှုံးခဲ့ရခြင်းဖြစ်ကြောင်း Data for Myanmarရဲ့ အစီရင်ခံစာက အသိပေးပါတယ်။
ဒေသအလိုက် ကြည့်မယ်ဆိုပါက စစ်ကိုင်းတိုင်းဟာ နေအိမ် ၇၈,၈၉၆ လုံးအထိ ဆုံးရှုံးခဲ့ရပြီး တစ်နိုင်ငံလုံး မီးလောင်ကျွမ်းမှုရဲ့ ၆၃ ရာခိုင်နှုန်းနဲ့ ထိပ်ဆုံးတွင် ရှိနေကြောင်း၊ ၎င်းနောက်မှာ မကွေးတိုင်းက ၁၈,၅၅၂ လုံးနဲ့ ဒုတိယအများဆုံးဖြစ်ကာ မန္တလေးတိုင်းနဲ့ ရခိုင်ပြည်နယ်တွေမှာလည်း ထိခိုက်ပျက်စီးမှုတွေ သိသိသာသာ မြင့်တက်နေတယ်လို့ Data for Myanmar က ဆိုပါတယ်။
ပြီးခဲ့သည့် ၃ လတာ ၂၀၂၅ ဒီဇင်ဘာမှ ၂၀၂၆ ဖေဖော်ဝါရီအတွင်း တိုင်းနဲ့ ပြည်နယ် ၆ ခုရှိ ကျေးရွာပေါင်း ၈၉ ရွာမှ နေအိမ် ၄,၇၄၈ လုံး ထပ်မံမီးရှို့ခံခဲ့ရကြောင်း၊ အထူးသဖြင့် မန္တလေးတိုင်း၊ မြင်းခြံမြို့နယ်ရှိ အိုင်မကျေးရွာ မှာ နေအိမ် ၅၀၀ ကျော် မီးရှို့ခံခဲ့ရပြီး ၃ လတာအတွင်း ထိခိုက်မှုအများဆုံး ကျေးရွာအဖြစ် မှတ်တမ်းဝင်ခဲ့ကြောင်း Data for Myanmar ထုတ်ပြန်ချက်အရ သိရပါတယ်။
ဒါ့အပြင် စစ်ကောင်စီဟာ ၂၀၂၅ ရွေးကောက်ပွဲကျင်းပဖို့ လျာထားတဲ့ ဒေသတွေမှာ လုံခြုံရေးတိုးမြှင့်ခဲ့သလို၊ ရွေးကောက်ပွဲမကျင်းပနိုင်တဲ့ ကျေးရွာတွေမှာ "နယ်မြေရှင်းလင်းရေး" အကြောင်းပြကာ စစ်ကြောင်းထိုးပြီး အရပ်သားနေအိမ်တွေကို မီးရှို့ဖျက်ဆီးတာ၊ ပြည်သူပိုင် အဖိုးတန်ပစ္စည်းတွေကို မွှေနှောက်ယူဆောင်တာ၊ ဒေသခံတွေကို ဖမ်းဆီးသတ်ဖြတ်တာတွေ ပြင်းလုပ်ဆောင်ခဲ့တယ်လို့ သိရပါတယ်။
တစ်ဖက်မှာလည်း တော်လှန်ရေးအဖွဲ့များနဲ့ စစ်ကောင်စီတပ်များအကြား ထိတွေ့တိုက်ပွဲတွေ ပိုမိုများပြားလာတာကလည်း မီးရှို့ဖျက်ဆီးခံရမှု အခြေအနေကို ပိုမိုဆိုးရွားစေခဲ့တယ်လို့ Data for Myanmar က ဆိုပါတယ်။
ယခုထုတ်ပြန်ထားတဲ့ ကိန်းဂဏန်းတွေဟာ စစ်ကောင်စီဘက်က ကျူးလွန်တဲ့ မီးရှို့မှုတွေကိုသာ အဓိကထား ဖော်ပြထားခြင်းဖြစ်ပြီး လက်နက်ကြီး၊ လေကြောင်းတိုက်ခိုက်မှုကြောင့် ပျက်စီးခြင်းနဲ့ အခြားအဆောက်အအုံများ ပျက်စီးဆုံးရှုံးမှုတွေကိုတော့ ထည့်သွင်းရေတွက်ထားခြင်း မရှိသေးဘူးလို့ Data for Myanmarက အသိပေးထားပါတယ်။
🤬21👍10👎2🔥1👏1🤣1
(မတ်လတတိယပတ်အတွင်းက မြင်းခြံမြို့နယ်၊ နဘူးအိုင်ရွာကို စစ်တပ်က မီးရှို့ဖျက်ဆီးသွားပြီးနောက် တွေ့ရစဥ် ဓာတ်ပုံ − CJ)
🤬36👎3👏3❤2🤣1
ရန်ကုန်မှာ မီးပြတ်တဲ့နောက်ဆက်တွဲ YBS ခရီးသည်တွေ အခက်ကြုံ
ဧပြီ-၃၊၂၀၂၆။ရောင်နီ/People's Spring
ရန်ကုန်မြို့မှာ လျှပ်စစ်မီးပြတ်တောက်မှုတွေကြောင့် CNGကားတွေ Gas အလုံအလောက်မရလို့ တချို့YBS ယာဉ်လိုင်းတွေက ကားအရေအတွက်နည်းပြီး ခရီးသည်တွေအခက်ကြုံနေရပါတယ်။
စစ်တပ်လွှတ်တော်စတင်တဲ့ မတ်လလယ်မှာ လျှပ်စစ်မီးပေးချိန်တွေကန့်သတ်လိုက်တာဖြစ်ပြီး CNG ဆိုင်တွေက လျှပ်စစ်မီးရရှိချိန်မှသာ Gas ဖြည့်ပေးနိုင်တာကြောင့် ဒီအခက်အခဲကို ကြုံနေတာပါ။
စစ်တပ်ရဲ့ လျှပ်စစ်ဝန်ကြီးဌာနက ရန်ကုန်မြို့မှာ တစ်ရက် ရှစ်နာရီ အလှည့်ကျနဲ့မီးဖြတ်မယ်လို့ ကြေညာထားပေမယ့် လက်ရှိမှာတော့ လျှပ်မီးဖြတ်တောက်ချိန်က သတ်မှတ်ထားတာထက် ပိုများနေတာပါ။
ပြီးခဲ့တဲ့ဧပြီ ၁ရက် နဲ့ ၂ရက်မှာဆိုရင် System Breakdown ဖြစ်တယ်အကြောင်းပြပြီး နေ့လည်ပိုင်းတွေမှာ တစ်နိုင်ငံလုံးမီးပြတ်တယ်လို့ လျှပ်စစ်ဝန်ကြီးဌာနက သတင်းထုတ်ပြန်ထားပါတယ်။
အဲဒါကြောင့် ဧပြီ ၂ ရက်မှာ ရန်ကုန်မြို့က တချို့မြို့နယ်တွေက နာရီအနည်းငယ်သာ ရရှိတယ်လို့ ဒေသခံတွေကပြောပါတယ်။
စက်သုံးဆီပြဿနာတွေကြောင့် မတ်လကစတင်ပြီး YBS စီးနင်းသူတွေ ပိုမိုများပြားလာပြီး လက်ရှိမှာတော့ YBS ယာဉ်လိုင်းတွေက Gas မရလို့ အစီးရေအပြည့် မပြေးဆွဲနိုင်တာကြောင့် ခရီးသည်တွေ က အခက်အခဲတွေပိုကြုံနေရတာပါ။
YBS ယာဉ်လိုင်းအချို့က အစီးရေအပြည့်မပြေးဆွဲနိုင်တာကြောင့် ကားဂိတ်တွေမှာ အချိန်အကြာကြီးစောင့်ရသလို ရုံးဆင်း ရုံးတတ်ချိန်တွေမှာလည်း ခရီးသည်တွေ ရတဲ့ကားတွေကို အလုအယက်စီးနေကြရတာပါ။
“အရင်ဆို ကျွန်တော်တို့ သာကေတဘက်ကို လှိုင်ကနေ အလုပ်ပြန်ဖို့ ကားအကြာကြီး မစောင့်ရဘူး။ အခုက လိုင်းကားတွေက တော်တော်နဲ့ မလာတော့ ကားစီးဖို့ကို ၁ နာရီနီးပါးလောက် စောင့်ရတယ်။ လာတော့လဲ ကားလိုင်းက တစ်စီးထဲဆိုတော့ ခရီးသည်တွေကို ပြည့်ကြပ်နေအောင် မနည်းတက်စီးရပါတယ်။ အဓိကကတော့ လိုင်းကားတွေ CNG ရဖို့ တန်းစီနေရလို့ အစီးရေအပြည့် မထွက်နိုင်တာလို့ သိရပါတယ်။ အခုက မီးတွေက ပျက်နေတော့ CNG Gas ဆိုင်တွေက Gas ကို အလွယ်တကူ မရောင်းပေးနိုင်တာပါ။ လူတွေမှာ တနေ့တနေ့ ဆီတန်းစီရ၊ Gas တန်းစီရနဲ့ ဘာမှကို အလုပ်လုပ်လို့ မရပါဘူး။ ကုမ္ပဏီက ဖယ်ရီတွေ အရင်ပေးပေမယ့် ခုက စုံ၊ မ စနစ်ကြောင့် ဖယ်ရီလည်း မစီစဉ်နိုင်တော့ဘူး။ ဘာမှမလုပ်တတ်တဲ့ လူတစ်ယောက် တိုင်းပြည်အုပ်ချုပ်နေတော့ တတိုင်းပြည်လုံး ဒုက္ခရောက်ရတာပါပဲ” လို့ ရန်ကုန်မြို့နေ ကုမ္ပဏီဝန်ထမ်းတစ်ဦးက ဆိုပါတယ်။
“အခု မီးက တော်တော်ပျက်နေတော့ Gas ဆိုင်မှာ Gas တစ်ခါဖြည့်ကို အကြာကြီး တန်းစီရပါတယ်။ အလုံကမ်းနားလမ်းမှာဆို ဆီတန်းစီတာရော Gas တန်းစီတာရောကြောင့် ကားလမ်းတွေလည်း ပြည့်ကျပ်နေပါတယ်။ လိုင်းကားတွေဆိုလည်း Gas ဆိုင်မှာတင် အချိန်ကုန်နေတော့ မှတ်တိုင်တွေမှာ လူတွေလည်း ပုံနေပါတယ်။ ကိုယ့်အိမ်ကိုယ်ပြန်ဖို့တောင် အားလုံးမှာ ဒုက္ခကြုံနေရပါတယ်” လို့ ရန်ကုန်မြို့တွင်း CNG Gas လိုင်းနဲ့ မောင်းနှင်တဲ့ အဌားယာဉ်မောင်းတစ်ဦးက ပြောပါတယ်။
ဧပြီ-၃၊၂၀၂၆။ရောင်နီ/People's Spring
ရန်ကုန်မြို့မှာ လျှပ်စစ်မီးပြတ်တောက်မှုတွေကြောင့် CNGကားတွေ Gas အလုံအလောက်မရလို့ တချို့YBS ယာဉ်လိုင်းတွေက ကားအရေအတွက်နည်းပြီး ခရီးသည်တွေအခက်ကြုံနေရပါတယ်။
စစ်တပ်လွှတ်တော်စတင်တဲ့ မတ်လလယ်မှာ လျှပ်စစ်မီးပေးချိန်တွေကန့်သတ်လိုက်တာဖြစ်ပြီး CNG ဆိုင်တွေက လျှပ်စစ်မီးရရှိချိန်မှသာ Gas ဖြည့်ပေးနိုင်တာကြောင့် ဒီအခက်အခဲကို ကြုံနေတာပါ။
စစ်တပ်ရဲ့ လျှပ်စစ်ဝန်ကြီးဌာနက ရန်ကုန်မြို့မှာ တစ်ရက် ရှစ်နာရီ အလှည့်ကျနဲ့မီးဖြတ်မယ်လို့ ကြေညာထားပေမယ့် လက်ရှိမှာတော့ လျှပ်မီးဖြတ်တောက်ချိန်က သတ်မှတ်ထားတာထက် ပိုများနေတာပါ။
ပြီးခဲ့တဲ့ဧပြီ ၁ရက် နဲ့ ၂ရက်မှာဆိုရင် System Breakdown ဖြစ်တယ်အကြောင်းပြပြီး နေ့လည်ပိုင်းတွေမှာ တစ်နိုင်ငံလုံးမီးပြတ်တယ်လို့ လျှပ်စစ်ဝန်ကြီးဌာနက သတင်းထုတ်ပြန်ထားပါတယ်။
အဲဒါကြောင့် ဧပြီ ၂ ရက်မှာ ရန်ကုန်မြို့က တချို့မြို့နယ်တွေက နာရီအနည်းငယ်သာ ရရှိတယ်လို့ ဒေသခံတွေကပြောပါတယ်။
စက်သုံးဆီပြဿနာတွေကြောင့် မတ်လကစတင်ပြီး YBS စီးနင်းသူတွေ ပိုမိုများပြားလာပြီး လက်ရှိမှာတော့ YBS ယာဉ်လိုင်းတွေက Gas မရလို့ အစီးရေအပြည့် မပြေးဆွဲနိုင်တာကြောင့် ခရီးသည်တွေ က အခက်အခဲတွေပိုကြုံနေရတာပါ။
YBS ယာဉ်လိုင်းအချို့က အစီးရေအပြည့်မပြေးဆွဲနိုင်တာကြောင့် ကားဂိတ်တွေမှာ အချိန်အကြာကြီးစောင့်ရသလို ရုံးဆင်း ရုံးတတ်ချိန်တွေမှာလည်း ခရီးသည်တွေ ရတဲ့ကားတွေကို အလုအယက်စီးနေကြရတာပါ။
“အရင်ဆို ကျွန်တော်တို့ သာကေတဘက်ကို လှိုင်ကနေ အလုပ်ပြန်ဖို့ ကားအကြာကြီး မစောင့်ရဘူး။ အခုက လိုင်းကားတွေက တော်တော်နဲ့ မလာတော့ ကားစီးဖို့ကို ၁ နာရီနီးပါးလောက် စောင့်ရတယ်။ လာတော့လဲ ကားလိုင်းက တစ်စီးထဲဆိုတော့ ခရီးသည်တွေကို ပြည့်ကြပ်နေအောင် မနည်းတက်စီးရပါတယ်။ အဓိကကတော့ လိုင်းကားတွေ CNG ရဖို့ တန်းစီနေရလို့ အစီးရေအပြည့် မထွက်နိုင်တာလို့ သိရပါတယ်။ အခုက မီးတွေက ပျက်နေတော့ CNG Gas ဆိုင်တွေက Gas ကို အလွယ်တကူ မရောင်းပေးနိုင်တာပါ။ လူတွေမှာ တနေ့တနေ့ ဆီတန်းစီရ၊ Gas တန်းစီရနဲ့ ဘာမှကို အလုပ်လုပ်လို့ မရပါဘူး။ ကုမ္ပဏီက ဖယ်ရီတွေ အရင်ပေးပေမယ့် ခုက စုံ၊ မ စနစ်ကြောင့် ဖယ်ရီလည်း မစီစဉ်နိုင်တော့ဘူး။ ဘာမှမလုပ်တတ်တဲ့ လူတစ်ယောက် တိုင်းပြည်အုပ်ချုပ်နေတော့ တတိုင်းပြည်လုံး ဒုက္ခရောက်ရတာပါပဲ” လို့ ရန်ကုန်မြို့နေ ကုမ္ပဏီဝန်ထမ်းတစ်ဦးက ဆိုပါတယ်။
“အခု မီးက တော်တော်ပျက်နေတော့ Gas ဆိုင်မှာ Gas တစ်ခါဖြည့်ကို အကြာကြီး တန်းစီရပါတယ်။ အလုံကမ်းနားလမ်းမှာဆို ဆီတန်းစီတာရော Gas တန်းစီတာရောကြောင့် ကားလမ်းတွေလည်း ပြည့်ကျပ်နေပါတယ်။ လိုင်းကားတွေဆိုလည်း Gas ဆိုင်မှာတင် အချိန်ကုန်နေတော့ မှတ်တိုင်တွေမှာ လူတွေလည်း ပုံနေပါတယ်။ ကိုယ့်အိမ်ကိုယ်ပြန်ဖို့တောင် အားလုံးမှာ ဒုက္ခကြုံနေရပါတယ်” လို့ ရန်ကုန်မြို့တွင်း CNG Gas လိုင်းနဲ့ မောင်းနှင်တဲ့ အဌားယာဉ်မောင်းတစ်ဦးက ပြောပါတယ်။
👍30❤5🔥2🤬1😢1
သမ္မတဦးဝင်းမြင့်နဲ့ ဒေါ်အောင်ဆန်းစုကြည်တို့ကို နိုင်ငံ့ခေါင်းဆောင်တွေအဖြစ် ကုလ ဆက်လက် အသိအမှတ်ပြု
ဧပြီ-၃၊ ၂၀၂၆။ သော်မွန်/People’s Spring
ကုလသမဂ္ဂက အဖွဲ့ဝင်နိုင်ငံပေါင်း ၁၉၀ ကျော်ရဲ့ နိုင်ငံ့အကြီးအကဲ၊ အစိုးရခေါင်းဆောင်၊ နိုင်ငံခြားရေးဝန်ကြီးတွေကို အသိအမှတ်ပြုစာရင်းထုတ်ပြန်ရာမှာ မြန်မာနိုင်ငံရဲ့ နိုင်ငံ့အကြီးအကဲနေရာမှာ သမ္မတဦးဝင်းမြင့်၊ နိုင်ငံခြားရေးဝန်ကြီးနေရာမှာ နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ကို ဆက်လက်ထားရှိပါတယ်။
မနေ့က ဧပြီ ၂ရက် နေ့စွဲနဲ့ အများပြည်သူသိရှိအောင် ထုတ်ပြန်လိုက်တဲ့ ကုလသမဂ္ဂရဲ့ ထုတ်ပြန်ချက်အရ ၂၀၂၀ အထွေထွေရွေးကောက်ပွဲ အနိုင်ရ အရပ်သားအစိုးရခေါင်းဆောင်တွေဖြစ်တဲ့ နိုင်ငံတော်သမ္မတဦးဝင်းမြင့်၊ နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ကို မြန်မာနိုင်ငံရဲ့နိုင်ငံ့ခေါင်းဆောင်၊ အကြီးအကဲတွေအဖြစ် ဆက်လက်အသိအမှတ်ပြုထားတာလည်း ဖြစ်ပါတယ်။
လက်ရှိ နယူးယောက်မြို့ရှိ ကုလသမဂ္ဂဌာနချုပ်မှာ ပြည်သူလူထုရွေးကောက်တင်မြှောက်ထားတဲ့ အရပ်သားအစိုးရလက်ထက်က ခန့်အပ်ခဲ့တဲ့ အမြဲတမ်းကိုယ်စားလှယ်သံအမတ်ကြီး ဦးကျော်မိုးထွန်းကို ကုလသမဂ္ဂက မြန်မာနိုင်ငံကိုယ်စားပြုအဖြစ် ဆက်လက် အသိအမှတ်ပြုထားပါတယ်။
ဒီနေ့(ဧပြီ ၃ရက်) နေပြည်တော်မှာ အာဏာသိမ်းစစ်ခေါင်းဆောင် စိတ်ကြိုက်ဖွဲ့စည်းထားတဲ့ လွှတ်တော်ကနေ စစ်ခေါင်းဆောင်မင်းအောင်လှိုင်ကို သမ္မတအဖြစ် တင်မြှောက်ခဲ့ပါတယ်။ ၂၀၂၁ ဖေဖော်ဝါရီ ၁ ရက်မှာ စစ်ခေါင်းဆောင်မင်းအောင်လှိုင်က ဒီမိုကရေစီနည်းကျ ရွေးကောက်ခံအရပ်သားအစိုးရခေါင်းဆောင်တွေကို ဖမ်းဆီးပြီး အာဏာသိမ်းယူခဲ့ပါတယ်။ လက်ရှိထိလည်း လူထုခေါင်းဆောင် ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့ကို စစ်တပ်က ဖမ်းဆီးချုပ်နှောင်ထားဆဲပါ။
စစ်တပ်အာဏာသိမ်းမှုကို ကုလသမဂ္ဂအပါအဝင် ကမ္ဘာ့နိုင်ငံအများအပြားက ကန့်ကွက်ရှုတ်ချပြီး စစ်ခေါင်းဆောင်မင်းအောင်လှိုင်အပါအဝင် အာဏာသိမ်းမှုမှာပါဝင်ပတ်သက်သူတွေကို အမေရိကန်၊ ဗြိတိန်၊ ကနေဒါ၊ ဥရောပသမဂ္ဂ၊ သြစတြေးလျ၊ နယူးဇီလန် စတဲ့နိုင်ငံတွေက ပိတ်ဆို့အရေးယူဒဏ်ခတ်မှုတွေ ပြုလုပ်ခဲ့ကြပါတယ်။
အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီး ဒေါ်ဇင်မာအောင်က နိုင်ငံတော်သမ္မတဦးဝင်းမြင့်ဓာတ်ပုံနဲ့အတူ ‘OUR PRESIDENT’(ငါတို့ရဲ့သမ္မတကြီး)လို့ လူမှုကွန်ရက်မှာ ရေးသားဖော်ပြပါတယ်။
ရန်ကုန်မြို့နေ ပြည်သူတစ်ဦးကလည်း နေပြည်တော်မှာ စစ်ခေါင်းဆောင်သမ္မတလုပ်တာကို စိတ်မဝင်စားကြောင်းနဲ့ သူ့ကို နိုင်ငံ့ခေါင်းဆောင်အဖြစ် ပြည်သူတွေက မသတ်မှတ်ကြောင်း မှတ်ချက်ပြုပါတယ်။
အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့(Amnesty International)က ‘ပြည်သူကို မတရားဗုံးကြဲ၊ သတ်ဖြတ်သူကို သမ္မတအဖြစ် ရွေးကောက်၍ မရ၊ တရားခွင်သို့သာ ပို့ရမည်’လို့ နေပြည်တော်မှာ မင်းအောင်လှိုင် သမ္မတဖြစ်အပြီး ထုတ်ပြန်ပါတယ်။
ဧပြီ-၃၊ ၂၀၂၆။ သော်မွန်/People’s Spring
ကုလသမဂ္ဂက အဖွဲ့ဝင်နိုင်ငံပေါင်း ၁၉၀ ကျော်ရဲ့ နိုင်ငံ့အကြီးအကဲ၊ အစိုးရခေါင်းဆောင်၊ နိုင်ငံခြားရေးဝန်ကြီးတွေကို အသိအမှတ်ပြုစာရင်းထုတ်ပြန်ရာမှာ မြန်မာနိုင်ငံရဲ့ နိုင်ငံ့အကြီးအကဲနေရာမှာ သမ္မတဦးဝင်းမြင့်၊ နိုင်ငံခြားရေးဝန်ကြီးနေရာမှာ နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ကို ဆက်လက်ထားရှိပါတယ်။
မနေ့က ဧပြီ ၂ရက် နေ့စွဲနဲ့ အများပြည်သူသိရှိအောင် ထုတ်ပြန်လိုက်တဲ့ ကုလသမဂ္ဂရဲ့ ထုတ်ပြန်ချက်အရ ၂၀၂၀ အထွေထွေရွေးကောက်ပွဲ အနိုင်ရ အရပ်သားအစိုးရခေါင်းဆောင်တွေဖြစ်တဲ့ နိုင်ငံတော်သမ္မတဦးဝင်းမြင့်၊ နိုင်ငံတော်ရဲ့အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ကို မြန်မာနိုင်ငံရဲ့နိုင်ငံ့ခေါင်းဆောင်၊ အကြီးအကဲတွေအဖြစ် ဆက်လက်အသိအမှတ်ပြုထားတာလည်း ဖြစ်ပါတယ်။
လက်ရှိ နယူးယောက်မြို့ရှိ ကုလသမဂ္ဂဌာနချုပ်မှာ ပြည်သူလူထုရွေးကောက်တင်မြှောက်ထားတဲ့ အရပ်သားအစိုးရလက်ထက်က ခန့်အပ်ခဲ့တဲ့ အမြဲတမ်းကိုယ်စားလှယ်သံအမတ်ကြီး ဦးကျော်မိုးထွန်းကို ကုလသမဂ္ဂက မြန်မာနိုင်ငံကိုယ်စားပြုအဖြစ် ဆက်လက် အသိအမှတ်ပြုထားပါတယ်။
ဒီနေ့(ဧပြီ ၃ရက်) နေပြည်တော်မှာ အာဏာသိမ်းစစ်ခေါင်းဆောင် စိတ်ကြိုက်ဖွဲ့စည်းထားတဲ့ လွှတ်တော်ကနေ စစ်ခေါင်းဆောင်မင်းအောင်လှိုင်ကို သမ္မတအဖြစ် တင်မြှောက်ခဲ့ပါတယ်။ ၂၀၂၁ ဖေဖော်ဝါရီ ၁ ရက်မှာ စစ်ခေါင်းဆောင်မင်းအောင်လှိုင်က ဒီမိုကရေစီနည်းကျ ရွေးကောက်ခံအရပ်သားအစိုးရခေါင်းဆောင်တွေကို ဖမ်းဆီးပြီး အာဏာသိမ်းယူခဲ့ပါတယ်။ လက်ရှိထိလည်း လူထုခေါင်းဆောင် ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့ကို စစ်တပ်က ဖမ်းဆီးချုပ်နှောင်ထားဆဲပါ။
စစ်တပ်အာဏာသိမ်းမှုကို ကုလသမဂ္ဂအပါအဝင် ကမ္ဘာ့နိုင်ငံအများအပြားက ကန့်ကွက်ရှုတ်ချပြီး စစ်ခေါင်းဆောင်မင်းအောင်လှိုင်အပါအဝင် အာဏာသိမ်းမှုမှာပါဝင်ပတ်သက်သူတွေကို အမေရိကန်၊ ဗြိတိန်၊ ကနေဒါ၊ ဥရောပသမဂ္ဂ၊ သြစတြေးလျ၊ နယူးဇီလန် စတဲ့နိုင်ငံတွေက ပိတ်ဆို့အရေးယူဒဏ်ခတ်မှုတွေ ပြုလုပ်ခဲ့ကြပါတယ်။
အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီး ဒေါ်ဇင်မာအောင်က နိုင်ငံတော်သမ္မတဦးဝင်းမြင့်ဓာတ်ပုံနဲ့အတူ ‘OUR PRESIDENT’(ငါတို့ရဲ့သမ္မတကြီး)လို့ လူမှုကွန်ရက်မှာ ရေးသားဖော်ပြပါတယ်။
ရန်ကုန်မြို့နေ ပြည်သူတစ်ဦးကလည်း နေပြည်တော်မှာ စစ်ခေါင်းဆောင်သမ္မတလုပ်တာကို စိတ်မဝင်စားကြောင်းနဲ့ သူ့ကို နိုင်ငံ့ခေါင်းဆောင်အဖြစ် ပြည်သူတွေက မသတ်မှတ်ကြောင်း မှတ်ချက်ပြုပါတယ်။
အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့(Amnesty International)က ‘ပြည်သူကို မတရားဗုံးကြဲ၊ သတ်ဖြတ်သူကို သမ္မတအဖြစ် ရွေးကောက်၍ မရ၊ တရားခွင်သို့သာ ပို့ရမည်’လို့ နေပြည်တော်မှာ မင်းအောင်လှိုင် သမ္မတဖြစ်အပြီး ထုတ်ပြန်ပါတယ်။
❤54👍25🥰4🤣3🖕1