ဖက်ဒရယ်ဦးဆောင်ကောင်စီမှာ ကျန်တော်လှန်ရေးအဖွဲ့တွေပါဝင်ရေး ကြိုးပမ်းဖို့ စစ်ကိုင်းဖက်ဒရယ်ယူနစ်ကြားကာလအစိုးရ တိုက်တွန်း

ဧပြီ ၂၊ ၂၀၂၆။ထားမြတ်/People’s Spring

ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ ဖွဲ့စည်းတဲ့အပေါ် ထောက်ခံကြိုဆိုကြောင်းနဲ့ ကျန်တိုင်းရင်းသားတော်လှန်ရေးအဖွဲ့တွေ ပါဝင်လာရေး ဆက်ကြိုးပမ်းဖို့ စစ်ကိုင်းဖက်ဒရယ်ယူနစ် ကြားကာလအစိုးရက ထုတ်ပြန်ပါတယ်။

ဖက်ဒရယ်ဦးဆောင်ကောင်စီကို အမျိုးသားညီညွတ်ရေးအစိုးရ(NUG)၊ ပြည်သူ့လွှတ်တော်ကိုယ်စားပြုကော်မတီ(CRPH) ၊ ကရင်အမျိုးသားအစည်းအရုံး(KNU)၊ ကချင်လွတ်လပ်ရေးအဖွဲ့(KIO)၊ ကရင်နီအမျိုးသားတိုးတက်ရေးပါတီ(KNPP)၊ ချင်းအမျိုးသားတပ်ဦး(CNF) တို့ ပါဝင်တဲ့ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF) ကို မတ်လ ၃၀ရက်မှာဖွဲ့စည်းကြောင်းကြေညာတဲ့အပေါ် တော်လှန်ရေးအဖွဲ့အစည်းတွေက ထောက်ခံကြိုဆိုကြောင်း ထုတ်ပြန်မှုတွေ ပြုလုပ်လျက်ရှိပါတယ်။

ဦးဆောင်ကောင်စီအနေနဲ့ ကျန်ရှိနေသေးတဲ့ ဖက်ဒရယ်ဒီမိုကရေစီကို လိုလားတဲ့ တိုင်းရင်းသားလက် နက်ကိုင်တော်လှန်ရေးအဖွဲ့အစည်းတွေ (EROs) ပူးပေါင်းပါဝင်လာနိုင်ရေးအတွက် ဆက်လက်ညှိနှိုင်းကြိုးပမ်းသွားဖို့ တိုက်တွန်းကြောင်း စစ်ကိုင်းဖက်ဒရယ်ယူနစ် ကြားကာလအစိုးရက ထုတ်ပြန်ပါတယ်။

" ကျန်ရှိနေသေးသော တိုင်းရင်းသားလက်နက်ကိုင် အဖွဲ့များအနေဖြင့်လည်း ပြည်သူလူထုတစ်ရပ်လုံး၏ ဆန္ဒဖြစ်သော စစ်အာဏာရှင်စနစ် အမြစ်ပြတ်ဖယ်ရှားရေးနှင့် ဖက်ဒရယ်ပြည်ထောင်စုသစ်တည်ဆောက် ရေးတို့အတွက် အလေးထားစဉ်းစားကာ ဤသမိုင်းဝင် ခရီးစဉ်တွင် အတူတကွ ပူးပေါင်းပါဝင်လာကြပါရန် လေးနက်စွာ တိုက်တွန်းအပ်ပါသည်” လို့လည်း ဖော်ပြထားပါတယ်။

ဖက်ဒရယ်ဦးဆောင်ကောင်စီ ခေါင်းဆောင်တစ်ဦးဖြစ်တဲ့ KNPP ဥက္ကဋ္ဌ ခူဦးရယ်က ကောင်စီကို ပြည်နယ်ယူနစ် EROများ၊ ပြည်သူကိုယ်စားပြုနဲ့ အမျိုးသမီးကိုယ်စားပြုမှုစတဲ့ မဏ္ဍိုင်ကြီး သုံးခုကို အခြေခံထားပေမယ့် အခြေအနေနဲ့ စိန်ခေါ်မှု အမျိုးမျိုးကြောင့် ကနဦးအနေနဲ့ စတင်ဆွေးခဲ့ကြတဲ့ အဖွဲ ၅ဖွဲ(NUG၊ KNU၊ KIO၊ KNPP၊ CNF) နဲ့ CRPH အားလုံး ခြောက်ဖွဲနဲ့ အစပြု တာထွက်ဖို ဖြစ်လာခဲ့ကြောင်း အသိပေးပါတယ်။

" မဏ္ဍိုင်သုံးခု စုံစုံလင်လင် မပါနိုင်သေးတာနဲ့ မဏ္ဍိုင်တခုဆီမှာ ပါသင့်ပါထိုက် သူအားလုံး ပါမနေသေးတာကလည်း အချိန်နဲ့ စိန်ခေါ်မှုနဲ့ ဖိအားကို မကျော်လွှားနိုင်တဲ့ ကျနော်တိုရဲ့ အားနည်းချက်တခုတော့ ဖြစ်ခဲ့ပါတယ်။ ဒီအတွက်လည်း လာမယ့် ရက် ၆၀ အတွင်း အမြန်ဆုံး ပြင်ဆင် ဖြည့်စွက်နိုင်ဖို ကြိုးစားသွားမှာ ဖြစ်ပါတယ်"လို့ ခူဦးရယ်က ပြောပါတယ်။

အခုဖွဲ့စည်းလိုက်တဲ့ ဦးဆောင်ကောင်စီဟာ လက်ရှိတော်လှန်ရေးကို အရှိန်အဟုန်မြှင့်တင်၍ အသွင်ကူးပြောင်း ရေးကာလ အစီအမံများကို အတည်ပြုနိုင်ဖို့၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးကို လက်တွေ့အကောင်အထည်ဖော်ဖို့ ရည်ရွယ်တာဟာ စစ်ကိုင်းဖက်ဒရယ် ယူနစ်ရဲ့ ရည်မှန်းချက်တွေနဲ့ ထပ်တူကျတယ်လို့လည်း စစ်ကိုင်းဖက်ဒရယ်ယူနစ် ကြားကာလအစိုးရက ထုတ်ပြန်ပါတယ်။ အထူးသဖြင့် ဦးဆောင်ကောင်စီမှ ချမှတ်ထားသော နိုင်ငံရေး ဦးတည်ချက် တွေဟာ မြန်မာနိုင်ငံရေးပြဿနာများကို ဖြေရှင်းနိုင်ဖို့ အတွက်လက်တွေ့လိုအပ်တဲ့ အချက်များဖြစ်လို့ အပြည့်အဝထောက်ခံကြိုဆိုကြောင်း ဖော်ပြထားပါတယ်။

ဦးဆောင်ကောင်စီအနေဖြင့် လုပ်ငန်းစဉ်များ ဆောင်ရွက်ရာတွင် ကျင့်သုံးမည့် "မျှဝေသုံးစွဲသော အချုပ်အခြာအာဏာ (Shared Sovereignty)" မူနဲ့ "စုပေါင်းခေါင်းဆောင်မှု (Collective Leadership)" မူဝါဒများ၊ ပြည်နယ်နဲ့ ဖက်ဒရယ်ယူနစ်များအကြား ယုံကြည်မှုတည်ဆောက်ရေးအတွက် အလွန် အရေးကြီးသော အုတ်မြစ်များ ဖြစ်ကြောင်းလည်း ထုတ်ပြန်ပါတယ်။

စစ်ကိုင်းဖက်ဒရယ်ယူနစ် ကြားကာလအစိုးရအနေနဲ့လည်း ဦးဆောင်ကောင်စီနဲ့ အတူ လက်တွဲပြီး တော်လှန်ရေး အမြန်ဆုံးအောင်မြင်သည်အထိ ဆက်လက်တိုက်ပွဲဝင်သွားမယ်လို့ ထုတ်ပြန်ကာ ဖက်ဒရယ်ဒီမိုကရေစီတည်ဆောက်ရေးအတွက်လုပ်ငန်းစဉ်များတွင် အပြည့်အဝပူးပေါင်းဆောင်ရွက်သွားဖို့ အသင့်ရှိကြောင်း ကြေညာပါတယ်။

ဝက်လက်မြို့နယ်ကို စစ်တပ် လေကြောင်းတိုက်၊ နေအိမ် ၁၀လုံးကျော် မီးလောင်

ဧပြီ−၂၊၂၀၂၆၊ရှိန်း/People's Spring

စစ်ကိုင်းတိုင်း၊ဝက်လက်မြို့နယ်က မင်းကုန်းကျေးရွာကို စစ်တပ်က လေကြောင်းကနေဗုံးကြဲတိုက်ခိုက်ရာ နေအိမ် ၁၀လုံး ကျော်မီးလောင်ပျက်စီးပြီး ပြည်သူတွေ ဘေးလွတ်ရာရှောင်တိမ်းနေရတယ်လို့ ဒေသခံတွေက ပြောပါတယ်။

ဧပြီ ၁ရက် နေ့လည် ၁နာရီ ၄၈မိနစ်မှာ ဗုံးသီး၂လုံးကြဲချပြီး လေကြောင်းတိုက်ခိုက်မှုပြုလုပ်ခဲ့သလို ညနေ ၃နာရီခွဲမှာ နောက်တစ်ကြိမ် ဗုံး၂လုံးကြဲတိုက်ခိုက်တယ်လို့ သိရပါတယ်။

လေကြောင်းတိုက်ခိုက်မှုအတွင်း ပြည်သူတွေထိခိုက်မှုမရှိပေမယ့် ကျေးရွာအရှေ့ပိုင်းက နေအိမ် ၁၀လုံး မီးလောင်ပျက်စီးခဲ့တယ်လို့ သိရပါတယ်။

"‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ရှင်းလင်းရေး လုပ်နိုင်မယ့်အချိန်ကို နောက်တကြိမ်လာကြဲတာဖြစ်မယ်။နာရီပိုင်းခြားပြီးမှ ထပ်လာကြဲတာ။ညကလည်း ပြည်သူတွေ အကုန်ရွာပြင်ထွက်အိပ်ရတယ်။ဒီနားမှာ တိုက်ပွဲမရှိဘူး။ရွာရဲ့အရှေ့ဘက်တစ်ရွာကျော် လောက်မှာပြီးခဲ့တဲ့ရက်ပိုင်းက တိုက်ပွဲတော့ဖြစ် သေးတယ်။အခုငြိမ်မှလာကြဲတာ"လို့ ဝက်လက်ဒေသခံတစ်ဦးက ပြောပါတယ်။

ဝက်လက်မြို့နယ်အရှေ့ခြမ်းမှာ မြစ်ကမ်းအနီးက သစ်ဆိမ့်ကျေးရွာကို စစ်တပ်က တပ်စွဲပြီး ဗျူဟာလမ်းပိုင်းနဲ့မြို့နယ်အရှေ့ခြမ်းကို နယ်မြေစိုးမိုးမှုရယူဖို့ကြိုးစားနေတာကြောင့် တော်လှန်ရေးတပ်တွေနဲ့မကြာခဏတိုက်ပွဲဖြစ်နေတာလို့ သိရပါတယ်။

အဲဒီစစ်ကြောင်းကို ကူညီဖို့ စစ်တပ်က ခလရ(၁၂)တပ်ရင်း (ကျောက်မြောင်းတပ်)နဲ့ ရွှေဘိုလေ့ကျင့်ရေး (၈)တို့ကလည်း ဒေသခံတွေရဲ့ ကျေးရွာတွေကို အသေခံဒရုန်းတွေနဲ့ ဗုံးကြဲတိုက်ခိုက်တာတွေ လုပ်နေတယ်လို့ ဒေသခံတွေက ပြောပါတယ်။

ရုပ်သံ − Wetletinformationalnetwork

■အ​တွေး အမြင်

မင်းအောင်လှိုင့် သြဇာခံမယ့် ဟန်ပြလွှတ်တော်

-ကိုပါဝဲလ်​ရေးသားသည်။

၂၀၂၅ ခုနှောင်းပိုင်းမှာ စစ်ကောင်စီက စိတ်တိုင်း
ကျ ခဲ့တဲ့ စစ်တပ်ရွေးကောက်ပွဲပြီး ပေါ်ပေါက်လာတဲ့ စစ်တပ်ရဲ့ ပြည်သူ့လွှတ်တော်နဲ့ အမျိုးသားလွှတ်တော်အသစ်တွေဟာ မြန်မာ့နိုင်ငံရေး သမိုင်းကြောင်းတလျှောက်မှာ သြဇာအာဏာအမဲ့ဆုံး လွှတ်တော်တွေသာ ဖြစ်လာဖွယ်ရှိတယ်လို့ နိုင်ငံရေး လေ့လာသုံသပ်သူတွေက မှတ်ချက်ပေးကြပါတယ်။

ဒီလွှတ်တော်တွေဟာ ပြည်သူ့အသံကို နားထောင်ဖို့ထက် ဗိုလ်ချုပ်မှူးကြီး မင်းအောင်လှိုင်ရဲ့ အလိုကျ ဥပဒေတွေကို အတည်ပြုပေးရမယ့် ရော်ဘာတံ
ဆိပ် တခုလောက်ပဲ ဖြစ်နေမယ်ဆိုတာကို လွှတ်
တော်တွေ မစတင်ခင် လွှတ်တော်ဥက္ကဌတွေ၊ ဒုဥက္ကဌတွေ ရွေးချယ်ကတည်းက အထင်အရှား တွေ့မြင်နေရပါတယ်။

မြန်မာ့လွှတ်တော်တွေ ရဲ့ သမိုင်းကို ပြန်ကြည့်ရင် ၂၀၁၀ ခု စစ်အာဏာရှင် ဗိုလ်ချုပ်မှူးကြီး သန်းရွှေ ကျင်းပပေးတဲ့ ရွေးကောက်ပွဲအပြီး ပေါ်လာတဲ့ လွှတ်တော်တုန်းကတောင် ဒီလောက်ထိ ရုပ်ဆိုးကျည်းတန်တာမျိုး မဖြစ်ခဲ့ပါဘူး။ အဲဒီတုန်းက
အငြိမ်းစား ဗိုလ်ချုပ်ကြီးသိန်းစိန်က သမ္မတဖြစ်ပြီး အငြိမ်းစား ဗိုလ်ချုပ်ကြီး သူရရွှေမန်းက ပြည်သူ့လွှတ်တော်ဥက္ကဌ လုပ်ခဲ့ကြပါတယ်။ ဦးသိန်းစိန်က ပါတီဥက္ကဌရာထူးကို သူရရွှေမန်းထံ လွှဲပေးခဲ့ပြီးတဲ့နောက်မှာ အုပ်ချုပ်ရေးမဏ္ဍိုင်နဲ့ ဥပဒေပြုရေးမဏ္ဍိုင်ကြား သိသိသာသာ ပွတ်
တိုက်မှုတွေ ရှိခဲ့ပါတယ်။

သမ္မတမဖြစ်ခဲ့တဲ့သူရရွှေမန်းဟာလွှတ်တော်ဘက်ကနေ အုပ်ချုပ်ရေးပိုင်းကို အပြန်အလှန် ထိန်း
ကျောင်းဖို့ ကြိုးစားခဲ့လို့ ပါတီတွင်း အာဏာသိမ်းတဲ့အထိ ပြင်းထန်တဲ့ အားပြိုင်မှုတွေ ဖြစ်ခဲ့တာ အားလုံးအသိပဲ ဖြစ်ပါတယ်။

သမ္မတရူး ရူးခဲ့တဲ့ အာဏာသိမ်းခေါင်းဆောင်
ဗိုလ်ချုပ်မှူးကြီး မင်းအောင်လှိုင်ဟာ မကြာမီ ရက်
ပိုင်းအတွင်း အ​ရေခွံလဲပြီး သမ္မတ ဖြစ်လာတော့မှာပါ။ မတ်လ ၃၀ ရက်နေ့ကပဲ စစ်တပ်ရဲ့ပြည်
သူ့လွှတ်တော်ကနေ ဒုတိယသမ္မတလောင်း အဖြစ် ရွေးပေးလိုက်ပါပြီ။

သမ္မတရာထူးနေရာ အတင်းဝင်ထိုင်တဲ့ ဗိုလ်ချုပ်မှူးကြီး မင်းအောင်လှိုင်ဟာ ဦးသိန်းစိန်နဲ့ ဦးရွှေမန်းတို့ ပွတ်တိုက်ခဲ့တဲ့ သမိုင်းသင်ခန်းစာကို ယူပြီး သူ့အာဏာကို ဘယ်သူမှ မလှန်နိုင်အောင်၊ ကန့်လန့်မတိုက်နိုင်အောင် အသေအချာ စီမံထားတာ တွေ့ရပါတယ်။အာဏာသိမ်း​ခေါင်း​ဆောင် မင်းအောင်
လှိုင်ဟာ ရွေးကောက်ပွဲအနိုင်ရ ကြံ့ဖွံ့ပါတီဥက္ကဌကို သမ္မတရာထူး မပေးတော့ဘဲ ပြည်သူ့လွှတ်တော်ဥက္ကဌအဖြစ်ပဲ ထားရှိပါတယ်။

ဒါတင်မကဘဲ လွှတ်တော်နှစ်ရပ်စလုံးရဲ့ အရေး
ကြီးတဲ့ နေရာတွေမှာ သူ့ရဲ့ သစ္စာအရှိဆုံး လူယုံတွေကိုပဲ ရွေးချယ်ခန့်အပ်ထားပါတယ်။ ပြည်သူ့
လွှတ်တော်ဒုတိယဥက္ကဌနေရာမှာဗိုလ်ချုပ်အငြိမ်း
စား မောင်မောင်အုန်းကို ထားသလို၊ အမျိုးသားလွှတ်တော် ဥက္ကဌနေရာမှာလည်း သူ့ရဲ့ လက်ရုံးတဆူဖြစ်တဲ့ ဗိုလ်ချုပ်ကြီး ညိုစောကို ယူနီ​ဖောင်းအမြန်လဲ ထိုင်ခိုင်းထားတာပါတယ်။ဒါ​တွေဟာလွှတ်တော်ကို အပြည့်အဝ ချုပ်ကိုင်ထားမယ်ဆိုတာ ပြနေတာပဲ ဖြစ်ပါတယ်။

ဒီနေရာမှာ ထူးခြားတာကလွှတ်တော်ထဲမှာ ရောက်
နေတဲ့သူတွေဟာ စစ်ယူနီဖောင်းသာ ချွတ်ထားတာ ဖြစ်ပေမယ့် စစ်တပ်ရဲ့ အမိန့်နာခံမှု ယဉ်ကျေးမှုအောက်ကနေ လုံးဝ ရုန်းမထွက်နိုင်ကြသူတွေ ဖြစ်ပါတယ်။ဒါကြောင့်လည်း ဒီလွှတ်တော်ဟာ ဗောင်းတော်ညိတ် စိတ်တော်သိ ဆိုသလိုမျိုး ဗိုလ်ချုပ်မှူးကြီး မင်းအောင်လှိုင် စိတ်တိုင်းကျ ပြဌာန်းချင်တဲ့ ဥပဒေမှန်သမျှကို ဆွေးနွေးချင်ယောင်ဆောင်ပြီး အမြန်ဆုံး အတည်ပြုပေးရမယ့် ယန္တရားတခု ဖြစ်သွားတော့မှာပါ။

လွှတ်တော်တွေဟာ ပြည်သူတွေတွက် တကယ်အရေးပါတဲ့ ကိစ္စရပ်တွေကို ဆွေးနွေးငြင်းခုံတာမျိုး၊ ဥပဒေပြဌာန်းတာ၊ ပြင်ဆင်တာမျိုးထက် သမ္မတ တဖြစ်လဲ ဗိုလ်ချုပ်မှူးကြီး မင်းအောင်လှိုင် ရဲ့လမ်းညွှန်ချက်တွေကို အကောင်အထည်ဖော်ဖို့ပဲ အာရုံစိုက်နေကြမှာ ဖြစ်ပါတယ်။တကယ်တော့ လွှတ်တော်ဆိုတာ နိုင်ငံတနိုင်ငံရဲ့ ဥပဒေပြုရေး မဏ္ဍိုင်ဖြစ်ပြီး အုပ်ချုပ်ရေးပိုင်း၊ တရားစီရင်ရေးပိုင်းတွေရဲ့ အမှားအယွင်းတွေကို ထောက်ပြဝေဖန်နိုင်ရမယ့် နေရာမျိုးပါ။ ဒါပေမယ့် အခုလက်ရှိ မြင်တွေ့နေရတဲ့ အခင်းအကျင်းတွေအရတော့ ဒီလွှတ်တော်တွေဟာ သွားမရှိတဲ့ ကျားတစ်ကောင် (Toothless Tiger) လို ဖြစ်နေပါတယ်။

ဗိုလ်ချုပ်မှူးကြီး မင်းအောင်လှိုင်ဟာ လွှတ်တော်တွေကျင်းပမယ့်ရက်ပိုင်းအတွင်းမှာတင်ကို ဥပ
ဒေအဟောင်းကို ပြင်ဆင်တဲ့ ဥပဒေ ၆ ခု နဲ့ ဥပဒေအသစ်၂ ခုထုတ်ပြန်ခဲ့ပါတယ်။မတ်လ ၁၆ ရက်
နဲ့ ၁၈ ရက်တွေက စပြီး ပြည်သူ့လွှတ်တော်နဲ့ အ
မျိုးသားလွှတ်တော်အစည်းအဝေးတွေအသီးသီး
ကျင်းပနေခဲ့တာ‌တောင် မတ်လ ၁၇ ရက်နေ့မှာ မြန်မာနိုင်ငံကူးလက်မှတ်ဆိုင်ရာ ဥပဒေအသစ်နဲ့ မတ် လ ၁၈ ရက်မှာ ပြည်ထောင်စု တရားစီရင်ရေး ဥပဒေကို ပြင်ဆင်တဲ့ ဥပဒေ တို့ကို ဗိုလ်ချုပ်မှူးကြီး မင်းအောင်လှိုင်က လက်မှတ်ထိုး ထုတ်ပြန်လိုက်ပါသေးတယ်။

ချက်ချင်းလက်ငင်းထုတ်ပြန်စရာမလိုသေးတဲ့ ဥပဒေကိုတောင် တက်သုတ်ရိုက်ကာ ပြဌာန်းလိုက်တာဟာလွှတ်တော်ရဲ့သြဇာအာဏာဘယ်လောက်

ရှိသလဲ ဆိုတာကို ညွှန်ပြနေပါတယ်။မြန်မာ့ခေတ်
သစ် သမိုင်းတလျှောက်မှာ လွှတ်တော်တွေ ရှိခဲ့ဖူးပေမယ့် အခု ၂၀၂၅ ခု အလွန် ပေါ်လာတဲ့ စစ်တပ်လွှတ်တော်ဟာ ဗိုလ်ချုပ်မှူးကြီး မင်းအောင်လှိုင်ရဲ့ သြဇာခံဟန်ပြလွှတ်တော်တခုပဲ ဖြစ်လာဖို့ အသေအချာပဲဖြစ်ပါတယ်။ ။

ဖားကန့်မှာ စစ်တပ်ရဲ့ကာကင်းစခန်းတစ်ခုကို​တော်လှန်​ရေးတပ်​တွေသိမ်းယူ

■တိုက်ပွဲပြင်းထန်​နေပြီးစစ်တပ်က လေကြောင်းက ဗုံးကြဲ

ဧပြီ-၂၊၂၀၂၆။ဇော်ရမ်း/People's Spring

ကချင်ပြည်နယ်၊ ဖားကန့်ဒေသမှာ ဒီနေ့(ဧပြီ၂ ရက်) မနက်ပိုင်းကဖြစ်တဲ့တိုက်ပွဲမှာ စစ်ကောင်စီတပ် ရှေ့တန်းစခန်းကို ကချင်လွတ်လပ်ရေးတပ်မတော်(KIA)၊KPDFက သိမ်းယူထားကြောင်း သတင်းရရှိပါတယ်။

ဒီနေ့မနက်အစောပိုင်းကစပြီး ဖားကန့်ဒေသမှာစစွတပ်ရဲ့​ရှေ့တန်းကာကင်းစခန်းတစ်ခုကို KIA နဲ့KPDF တပ်ဖွဲ့ဝင်​တွေက ထိုးစစ်ဆင်သိမ်းပိုက်ခဲ့တယ်လို့စစ်​ရေးသတင်းရင်းမြစ်အချို့က​ပြောပါတယ်။

​ရှေ့တန်းကာကင်းစခန်းတစ်ခုသိမ်းပိုက်ခံရပြီး​
ဖားကန့်မှာတိုက်ပွဲပြင်းထန်​နေပြီး​နောက် မွန်းလွဲ ၁၂နာရီခွဲခန့်မှာ စစ်တပ်ကလေကြောင်းကနေ ဗုံးကြဲတိုက်ခိုက်ပါတယ်။

"အမှိုက်ပုံဘက်ကိုကြဲတာ။ အဲ့ဘက်မှာ စစ်တပ်ကုန်းရှ်ိတယ်။ စခန်းတချို့ KIAနဲ့ PDFတွေ သိမ်းတယ်"လို့ ဒေသခံသတင်းရင်းမြစ်က ပြောပါတယ်။

ဟုမ္မလင်းလေတပ်ကနေတက်လာတဲ့ ဂျက်ဖိုက်တာနဲ့ ဗုံးကြဲတာဖြစ်ပြီး နောက်ထပ်လည်း လေ
ကြောင်းသတိပေးချက်တွေ ရှိနေတယ်လို့ ဒေသခံတွေက ပြောပါတယ်။

ဖားကန့်ဒေသမှာ ပြီးခဲ့တဲ့ဖေဖော်ဝါရီလလယ်နဲ့ မတ်လဆန်းကလည်း တိုက်ပွဲတွေအပြင်းအထန် ဖြစ်ပွားခဲ့ပါတယ်။

လုံးခင်းရဲစခန်းအပါအဝင် လုံးခင်းကျေးရွာအုပ်စုက စစ်ကောင်စီတပ်စွဲထားတဲ့နေရာတွေကို KIA၊KPDFက ဖေဖော်ဝါရီ ၁၄ရက် မနက်အစောပိုင်းမှာ တိုက်ခိုက်ခဲ့ပြီး ရဲစခန်းနဲ့ ခွန်ဆာကုန်းကိုသိမ်းယူနိုင်ခဲ့ပါတယ်။

စစ်ကောင်စီတပ်က ဗျူဟာကုန်းကနေလက်နက်ကြီးတွေပစ်ခဲ့သလို လေကြောင်းကလည်းဗုံးကြဲခဲ့တဲ့အတွက် အရပ်သားထိခိုက်သေဆုံးမှုတွေရှိခဲပြီး ဒေသခံတွေလည်း ပိတ်မိနေတဲ့အတွက် KIAနဲ့ KPDF ပူးပေါင်းတပ်က ပြန်ဆုတ်ခွာခဲ့ပါတယ်။

ဒီနေ့မှာလည်း နေကြောင်းကနေ ဗုံးကြဲတဲ့အပြင် ဖားကန့်ဗျူဟာကုန်းအပါအဝင်လက်နက်ကြီးတပ်ဆင်ထားတဲ့နေရာတွေကနေ စစ်ကောင်စီတပ်က ရမ်းသမ်းပစ်ခတ်နေတယ်လို့ သိရပါတယ်။

ဒီနေ့မနက်ပိုင်း တိုက်ပွဲပြင်းထန်နေချိန်မှာ ဖားကန့်မြို့ပေါ်ကို စစ်ကောင်စီတပ်ပစ်တဲ့ လက်နက်ကြီးကျရောက်ပေါက်ကွဲလို့ ကလေးငယ်အချို့ပါဝင်ဒေသခံငါးဦးဝန်းကျင်ဒဏ်ရာရခဲ့ပါတယ်။

လတ်တလော စစ်ရေးအခြေအနေအရ လုံးခင်း
နဲ့ ဖားကန့်ဒေသသွားတဲ့ လမ်းပိုင်းကို အသုံးမပြုကြဖို့နဲ့ လေကြောင်းနဲ့လက်နက်ကြီးအန္တရာယ်သတိပြုကြဖို့ KIA၊KPDFက သတိပေးထားပါတယ်။

KIA နဲ့ KPDF တပ်ဖွဲ့ဝင်​တွေ။ဓာတ်ပုံ -CJ

PDFဇိုလဲန်း စစ်သင်တန်းဆင်းရဲဘော်တွေကို ချင်းညီနောင်ဘက်တံဆိပ် စတင်တပ်ဆင်

ဧပြီ-၂၊ ၂၀၂၆။ ထားမြတ်/People’s Spring

ချင်းညီနောင်အဖွဲ့ဝင်ချင်းဒေသကာကွယ်ရေးတပ်ဖွဲ့တခုဖြစ်တဲ့ PDF ဇိုလဲန်းတပ်ရဲ့ အခြေခံ စစ်ပညာသင်တန်းဆင်းပွဲက သင်တန်းဆင်းရဲဘော်တွေကို ချင်းညီနောင်ဘက်တံဆိပ်စတင်တပ်ဆင်ခဲ့တာကို PDF ဇိုလဲန်းက ထုတ်ပြန်တဲ့ ဓာတ်ပုံမှတ်တမ်းတွေအရ တွေ့ရပါတယ်။

PDF ဇိုလဲန်း အပတ်စဉ်(၁၈) အခြေခံစစ်ပညာသင်တန်းဆင်းပွဲကို မတ်လ ၃၀ရက်က ပြုလုပ်ခဲ့ရာ ဧပြီ ၁ရက်မှာ သင်တန်းဆင်းပွဲ မှတ်တမ်းတွေ ထုတ်ပြန်ခဲ့တာပါ။

" ကျနော်တို့ အခုမှစပြီးမှ တပ်နေတာပါ။ ကျနော်တို့ CBဘက်တံဆိပ်တပ်ရခြင်းက နောက်ပိုင်းမှာ one cammand နဲ့ သွားနိုင်အောင် ဒါက ပထမ ခြေလှမ်းလှမ်းတဲ့ ပုံစံဖြစ်ပါတယ်။” လို့ PDF ဇိုလဲန်း စစ်ဦးစီးချုပ် ကိုဂိဒွန်က ချင်းညီနောင်ရဲ့ ဘက်တံဆိပ်အသုံးပြုမှု နဲ့ပတ်သက်တဲ့ မေးမြန်းမှု အပေါ် ဖြေကြားပါတယ်။

PDF ဇိုလဲန်းဟာ ချင်းပြည်နယ်မြောက်ပိုင်း တီးတိန်မြို့နယ် အခြေစိုက် ဒေသကာကွယ်ရေးတပ်ဖွဲ့ဖြစ်ပြီး ၂၀၂၅ နှစ်ကုန်ပိုင်းကစတင်ပြီး ထိုးစစ်ဆင်လာတဲ့ စစ်ကောင်စီရဲ့ ထိုးစစ်ကို ခုခံတိုက်ခိုက်နေတဲ့အပြင် စစ်ကောင်စီ တပ်စခန်းကို ပြန်လည်တိုက်ခိုက်သိမ်းပိုက်တဲ့ စစ်ဆင်ရေးတွေလည်း ဖော်ဆောင်ခဲ့ပါတယ်။

ဒါ့အပြင် တီးတိန်မြို့ကို သိမ်းပိုက်နိုင်ရေး ပြင်ဆင်နေကြောင်းလည်း အသိပေးပါတယ်။

" ကိုယ့်ကံကြမ္မာ ကိုယ်ဖန်တီးဖို့ ငါတို့မြို့(တီးတိန်မြို့) ငါတို့ ကိုယ်တိုင် တိုက်ယူဖို့ ကြိုးစားပြင်ဆင်နေပါတယ်။ တော်လှန်ရေး အောင်ပွဲတွေ ယူဆောင်လာပေးနေသော ချင်းညီနောင် စစ်ဆင်ရေးတခုဖြစ်သော တီးတိန်စစ်ဆင်ရေးကို အောင်လံအတူတူ စိုက်ထူဖို့ ပြည်တွင်း ပြည်ပမှာရှိတဲ့ ပြည်သူအားလုံးက ပါဝင်အားဖြည့်ပေးပါရန် တိုက်တွန်းအပ်ပါသည်”လို့ PDF ဇိုလဲန်း ရဲ့ စစ်ဆင်သတန်း ဆင်းပွဲ ထုတ်ပြန်ချက်မှာ ရေးသားထားပါတယ်။

ချင်းညီနောင်ခေါင်းဆောင်တွေကလည်း သိမ်းပိုက်ဖို့ ကျန်နေတဲ့ တီးတိန်မြို့ကို အခု ၂၀၂၆အတွင်း သိမ်းပိုက်သွားမှာဖြစ်ကြောင်း ထုတ်ဖော်ပြောကြားထားပါတယ်။

(PDFဇိုလဲန်းတပ်ရဲ့ ရဲဘော်တွေကို တွေ့ရစဉ်။ ဓာတ်ပုံ - PDF ဇိုလဲန်း)

မြင်းခြံက ဖက်ပင်အိုင်ရွာကို စစ်အုပ်စု ပစ်ခတ်စီးနင်း၊ ပြည်သူတွေထိခိုက်မှုများပြီး ပိတ်မိနေ

ဧပြီ−၂၊၂၀၂၆၊ရှိန်း/People's Spring

မန္တလေး‌‌တိုင်း၊ မြင်းခြံမြို့နယ်၊ဖက်ပင်အိုင်ကျေးရွာကို စစ်တပ်နဲ့ ပျူစောထီးတွေက ဒရုန်းနဲ့ဗုံးကြဲပြီး စီးနင်းပစ်ခတ်လို့ ပြည်သူတွေ ထိခိုက်မှုရှိကာ ပိတ်မိနေတယ်လို့ ဒေသခံတွေက ပြောပါတယ်။

ဧပြီ ၂ရက် မနက် ၇နာရီလောက်က ဆုံကျေးရွာက ပျူစောထီးနဲ့ စစ်တပ်ဟာ ဖက်ပင်အိုင်ကျေးရွာကို ဒရုန်းနဲ့ ဗုံးချပြီးနောက် ဝင်ရောက်စီးနင်းပစ်ခတ်ခဲ့ရာ သေဆုံးဒဏ်ရာရတဲ့ ပြည်သူတွေရှိနေပြီး ရွာကိုလည်းမီးရှို့နေတယ်လို့ ဒေသခံတွေက ပြောပါတယ်။

" သေဆုံးထိခိုက်တွေလည်းရှိတယ်။ဒဏ်ရာရတွေလည်းအကုန်အထဲမှာ ပိတ်မိနေတယ်။အခြေအနေကဘာမှန်းမသိ သေးဘူး"လို့ ဒီနေ့ နေ့လည်ပိုင်းမှာ ဒေသခံတစ်ဦးက ပြောပါတယ်။

နဘူးအိုင်ရွာကို စစ်အုပ်စုက ပြီးခဲ့တဲ့ မတ်လနောက်ဆုံးပတ်ကလည်း စီးနင်းမီးရှို့ဖျက်ဆီးမှုတွေ လုပ်ခဲ့ပါသေးတယ်။

မြင်းခြံမြို့နယ်မှာ စစ်တပ်က ကျေးရွာတွေကို ဝင်ရောက် ပစ္စည်းတွေယူ မီးရှို့ဖျက်ဆီးနေပြီး မြင်းခြံ နဲ့ ငါးဇွန်မြို့နယ်အစပ်က နဘူးအိုင်ကျေးရွာကိုလည်း စစ်တပ်က ဒရုန်းနဲ့ ဗုံးကြဲကာ ရွာလုံးကျွတ် မီးရှို့ဖျက်ဆီးခဲ့တယ်လို့ သိရပါတယ်။

ဖေဖော်ဝါရီ၂၆ရက်ကနေ ဒီနေ့ ဧပြီု ၂ရက်အထိ မြင်းခြံမြို့နယ်က သင်္ဘောကျင်း၊ပတ္တရာ၊ပြည်တော်သာ၊ဒါးကျွန်း၊တန်ဆောင်း၊နတ်ညွှန်း၊သက်ကယ်ကျင်း၊‌‌‌ တောင်ကျွန်း၊မြောက်ကျွန်းရွာနဲ့ကမ်းပါးနီရွာတွေ မီးရှို့ခံထားရပြီး သက်ကြီးရွယ်အို တွေအပါအဝင် ပြည်သူ ၅ဦးထပ်မနည်း မီးရှို့သတ်ဖြတ်ခံထားရတယ်လို့ သိရပါတယ်။

ဖားကန့်တိုက်ပွဲ KIA၊KPDFက စစ်တပ်စခန်းသုံးခုကို သိမ်းပိုက်

ဧပြီ−၂၊၂၀၂၆။ဇော်ရမ်း၊ထားမြတ်/People's Spring

ကချင်ပြည်နယ်၊ ဖားကန့်ဒေသမှာ ဒီကနေ့(ဧပြီလ၂ ရက်)ဖြစ်ပွားနေတဲ့တိုက်ပွဲအတွင်း စစ်ကောင်စီတပ် ရှေ့တန်းစခန်း ၃ခုကို ကချင်လွတ်လပ်ရေးတပ်မတော်(KIA)၊KPDF ပူးပေါင်းတပ်က သိမ်းယူထားပြီး တိုက်ပွဲဆက်လက် ပြင်းထန်နေတယ်လို့ သတင်းရရှိပါတယ်။

ဒီနေ့ မနက် ၅ နာရီကစပြီး စစ်ကောင်စီတပ်ရဲ့စခန်းတွေကို KIA၊KPDFက တိုက်ခိုက်ခဲ့ပြီး ညနေ ၃နာရီခန့်အထိ တိုက်ပွဲအတွင်း အင်မားယန်၊ သုသာန်နေရာနဲ့ ဆွတ်ဘွမ်ကျေးရွာက တပ်စခန်းတွေကို သိမ်းယူခဲ့တာလို့ KIA၊KPDFနဲ့ နီးစပ်တဲ့ သတင်းရင်းမြစ်က ပြောပါတယ်။

" သိမ်းရတာ ၃ခုလို့ကြားတယ်။ ကျန်စခန်း ၃ခုတော့ မကြားရသေးဘူး။ သိမ်းရတာ အရေးပါတဲ့ စခန်းတွေပါ။လောလောဆယ်တော့ ငြိမ်နေတယ်"လို့ KIA စစ်ရေး သတင်းရင်းမြစ်က ဧပြီ ၂ရက်ညပိုင်းမှာ ပြောပါတယ်။

ဒီကနေ့တိုက်ပွဲဖြစ်နေချိန်မှာ စစ်တပ်က လေကြောင်းကနေ ဗုံးကြဲတဲ့အပြင် ဖားကန့်ဗျူဟာကုန်းအပါအဝင်လက်နက်ကြီးတပ်ဆင်ထားတဲ့နေရာတွေကနေ ပစ်ခတ်လို့ ကလေးငယ်အချို့ပါဝင် ဒေသခံ ၆ဦး ဒဏ်ရာရခဲ့တယ်လို့ သတင်းရရှိပါတယ်။

" စခန်းတွေပေးရတော့ လေယာဉ်တအားကြဲတာ။ ဒီနေ့ ၆ကြိမ်ကြဲတယ်"လို့ အဲ့ဒီသတင်းရင်းမြစ်က ပြောပါတယ်။

ဖားကန့်ဒေသမှာ ပြီးခဲ့တဲ့ဖေဖော်ဝါရီလလယ်နဲ့ မတ်လဆန်းကလည်း တိုက်ပွဲတွေ အပြင်းအထန်ဖြစ်ပွားခဲ့ပါတယ်။

လုံးခင်းရဲစခန်းအပါအဝင် လုံးခင်းကျေးရွာအုပ်စုမှာ စစ်ကောင်စီတပ်စွဲထားတဲ့နေရာတွေကို KIA၊KPDF က ဖေဖော်ဝါရီ ၁၄ရက်မနက်အစောပိုင်းမှာ တိုက်ခိုက်ခဲ့ပြီး ရဲစခန်းနဲ့ ခွန်ဆာကုန်းကို သိမ်းယူနိုင်ခဲ့ပါတယ်။

စစ်ကောင်စီတပ်က လက်နက်ကြီးနဲ့ရော လေကြောင်းကပါ ဗုံးကြဲခဲ့တဲ့အတွက် အရပ်သားထိခိုက်သေဆုံးမှုတွေရှိလာလို့ KIA၊KPDFပူးပေါင်းတပ်က ပြန်ဆုတ်ခွာခဲ့ပါတယ်။

ဒီနေ့မနက်မှာတော့ KIA၊KPDF ပူးပေါင်းတပ်က ထိုးစစ်ဆင်တိုက်ခိုက်တာ ဖြစ်ပါတယ်။ သတင်းကြိုရတဲ့ စစ်တပ်က မတ်လဆန်းကတည်းက လက်နက်ကြီး‌တွေ ပစ်ခတ်နေခဲ့တာပါ။ မတ်လ ၄ရက်က တိုက်ပွဲမှာ စစ်ကောင်စီဗျူဟာကုန်းကနေ ပစ်ခတ်တဲ့လက်နက်ကြီး ကျရောက်ပေါက်ကွဲပြီး အသက်(၇၀)ကျော် အဖွားအိုတစ်ဦးနဲ့ အသက် (၁၅)နှစ်အရွယ် မိန်းကလေးတစ်ဦး ဒဏ်ရာရခဲ့ပါတယ်။

ဒါ့အပြင် မတ်လ ၃ရက်မနက်မှာလည်း စစ်တပ်က ဒရုန်းနဲ့ ဗုံးကြဲလို့ အရပ်သားတစ်ဦး သေဆုံးခဲ့ပါတယ်။

ဒီနေ့တိုက်ပွဲအပေါ် စစ်ကောင်စီကတော့ KIA၊KPDF ပူးပေါင်းတပ်ဟာ ဖားကန့်မြို့ကို သိမ်းယူဖို့အထိ စစ်ရေးဖော်ဆောင်လာတယ်လို့ ပြောဆိုနေကြပါတယ်။

လတ်တလော စစ်ရေးအခြေအနေကို KIAက သတင်းထုတ်ပြန်ထားခြင်းမရှိသေးပါဘူး။

တိုက်ပွဲအတွင်း စစ်တပ်က ထိခိုက်သေဆုံးမှုများသလို KIA၊KPDFပူးပေါင်းတပ်က တစ်ဦး ကျဆုံးခဲ့ပါတယ်။

ယခုရက်ပိုင်းမှာ လုံးခင်းနဲ့ ဖားကန့်မြို့သွားတဲ့လမ်းပိုင်းကို အသုံးမပြုကြဖို့နဲ့ လေကြောင်းနဲ့လက်နက်ကြီးအန္တရာယ် သတိပြုကြဖို့ KIA၊KPDFက သတိပေးထားပါတယ်။

ရှေ့တန်းတ​နေရာမှ KIA တပ်ဖွဲ့ဝင်တစ်ဦး ။ ဓာတ်ပုံ − Screengrab/ပုံအ​ဟောင်းဖြစ်ပါတယ်

မင်း​အောင်လှိုင် သမ္မတရာထူးမ​ယူခင် တစ်ရက်အလိုမှာ လူမျိုးတုံးသတ်ဖြတ်မှုနဲ့ အင်ဒိုနီးရှားတရားရုံးမှာတရားစွဲမယ့်သတင်းထုတ်ပြန်

ဧပြီ-၂၊၂၀၂၆။​နေ့သစ်/People's Spring

အာဏာသိမ်း​ခေါင်း​ဆောင်ဗိုလ်ချုပ်မှူးကြီးမင်း​အောင်လှိုင် သမ္မတရာထူး မရယူခင်တစ်ရက်အလိုမှာပဲ ရိုဟင်ဂျာ​တွေအ​ပေါ် လူမျိုးတုံးသတ်ဖြတ်မှုနဲ့ အင်ဒိုနီးရှားနိုင်ငံမှာ တရားစွဲဆိုမယ်လို့ Myanmar Accountability Project ကသတင်းထုတ်ပြန်လိုက်ပါတယ်။

ရိုဟင်ဂျာမျိုးတုံးသတ်ဖြတ်မှုကနေ လွတ်မြောက်လာတဲ့ ယက်စ်မင်းအူလာ(Yasmin Ullah)နဲ့ အင်ဒိုနီးရှားနိုင်ငံက ထင်ရှားကျော်ကြားသူ ၁၀ ဦးက
ဧပြီ ၆ ရက်မှာ ဂျာကာတာမြို့က အစိုးရရှေ့နေရုံးကို သွားရောက်ပြီး မင်း​အောင်လှိုင် နဲ့စစ်တပ်ကျူးလွန်ခဲ့သူ​တွေကို ရာဇဝတ်မှုဆိုင်ရာတိုင်ကြားစာတစ်စောင်တင်သွင်းကြမှာဖြစ်ပါတယ်။

တိုင်ကြားသူတွေထဲမှာ အင်ဒိုနီးရှား ရှေ့နေချုပ်ဟောင်း မာဇူကီဒါရုစမန် (Marzuki Darusman) နဲ့ အင်ဒိုနီးရှားရဲ့ အကြီးဆုံးမွတ်စလင် ပရဟိတအဖွဲ့ဖြစ်တဲ့ မူဟာမဒီယာ (Muhammadiyah) ဥက္ကဋ္ဌ ဘူရှရို Busyro Muqoddas တို့လည်း ပါဝင်ပါတယ်။

တိုင်ကြားစာ​ထဲမှာ ရိုဟင်ဂျာ​တွေအ​ပေါ်လူမျိုးတုံးသတ်ဖြတ်မှုကျူးလွန်ခဲ့တဲ့ စစ်တပ်ရဲ့ ခြေလျင်
တပ်မအသီးသီးကို အမည်​တွေကိုပါ ဖော်ပြထားတယ်လို့သိရပါတယ်။

လူမျိုးတုံးသတ်ဖြတ်မှုတွေအတွက် အမိန့်ပေးစေခိုင်းသူဟာ အာဏာသိမ်းစစ်​ခေါင်း​ဆောင်
မင်းအောင်လှိုင် ဖြစ်တယ်ဆိုတာကို တိုင်ကြားစာမှာ ရှင်းလင်းဖော်ပြထားတယ်လို့သိရပါတယ်။

ရိုဟင်ဂျာလူမျိုး​တွေကို လူမျိုးတုံးသတ်ဖြတ်မှု ကျူးလွန်ခဲ့တဲ့အတွက် မင်း​အောင်လှိုင်နဲ့ စစ်​ခေါင်း​ဆောင်​တွေကို အာဂျင်တီးနားတရားရုံးတစ်ခုက ၂၀၂၅ ခုနှစ်မှာ ဖမ်းဝရမ်း ထုတ်ပြန်ခဲ့ပါတယ် ။

အလားတူချင်းလူ့အခွင့်အ​ရေးအဖွဲ့ကလည်း တီမောလက်စတေး နိုင်ငံမှာ မင်း​အောင်လှိုင်နဲ့ စစ်ခေါင်းဆောင်​တွေကိုချင်းပြည်နယ်မှာကျူးလွန်ခဲ့တဲ့ စစ်ရာဇဝတ်မှု​တွေအတွက် တရားစွဲဆိုထားပြီး
အင်ဒိုနီးရှားတရားရုံးကအမှုကိုလက်ခံထားပါတယ်။

ဒါအပြင် ICC မှာလည်း မင်း​အောင်လှိုင်နဲ့စစ်​ခေါင်း​ဆောင်​တွေကို ဂျုဟင်ဂျာ​တွေအ​ပေါ်လူမျိုးတုံးသတ်ဖြတ်မှုနဲ့ ဖမ်းဝရမ်းထုတ်​ပေးဖို့ ​လျှောက်
ထားတာရှိပါ​သေးတယ်။

ဒါ​ကြောင့်အာဏာသိမ်း​ခေါင်း​ဆောင်ဟာ အာဂျင်တီးနားတရားရုံးက ဖမ်းဝရမ်းထုတ်တာခံရတဲ့အပြင် နိုင်ငံတကာတရားရုံး ၃ ခုမှာတရားစွဲဆိုခံရမယ့်အ​ခြေအ​နေဖြစ်ပါတယ် ။

အာဏာသိမ်း​ခေါင်း​ဆောင်ကို စစ်တပ်လွှတ်​တော်​တွေက ဧပြီ ၃ ရက်မှာ သမ္မတ​ရွေး​ကောက်တင်​မြှောက်တယ်ဆိုပြီး ​ကြေညာမှာဖြစ်ပါတယ်။စစ်
တပ်က စိတ်တ်ိုင်းကျ စီစဥ်ခဲ့တဲ့ ​​ရွေး​ကောက်ပွဲအပြီးမှာစစ်တပ်လွှတ်​တော်​တွေက အာဏာသိမ်း​ခေါင်း​ဆောင်ကို သမ္မတရာထူး​​ပေးဖို့ ၊ စစ်တပ်ကယူနီ​ဖောင်း​ပြောင်းအရပ်သားအစိုးရဆိုပြီးတရား
ဝင်မှုရဖို့ကြိုးစား​နေတာဖြစ်ပါတယ်။တစ်ချိန်တည်းမှာ ​တော်လှန်​ရေးအား​ကောင်းတဲ့​ဒေသ​တွေကို စစ်တပ်က​လေယာဥ်အုပ်စုလိုက်ဗုံးကြဲပြီးလူအစုလိုက်အပြုံလိုက်သတ်ဖြတ်မှု​တွေဆက်တိုက်ကျူးလွန်​နေပါတယ် ။