စစ်တပ်လေကြောင်းတိုက်ခိုက်မှုအတွင်း အသက်ဘေးကလွတ်မြောက်ခဲ့တဲ့ ကသာမြို့ မဟာလေးထပ်ကျောင်းထိုင်ဆရာတော်က သေဆုံးသူတွေအတွက် အမျှဝေပေး

မတ်-၂၈၊၂၀၂၆။မိုမို/People's Spring

စစ်တပ်ကလေကြောင်းကနေ ဗုံးကြဲတိုက်ခိုက်လို့ ပြည်သူဆယ်နဲ့ချီ သေဆုံးသွားရတဲ့ စစ်ကိုင်းတိုင်း၊ကသာမြို့ မဟာလေးထပ်ဘုန်းကြီးကျောင်းဖြစ်စဥ်မှာ အသက်ဘေးက လွတ်မြောက်ခဲ့တဲ့ ကျောင်းထိုင်ဆရာတော်က အမျှဝေပေးခဲ့တယ်လို့ ဒေသခံတွေက ပြောပါတယ်။

မတ်လ ၂၀ ရက် ၁၁နာရီဝန်းကျင်က ကသာမြို့၊ရပ်ကွက်(၃)က လေးထပ်ကျောင်းကို စစ်တပ်က ဗုံးကြဲခဲ့တာကြောင့် စစ်ရှောင်တွေ အများစု သေဆုံးထိခိုက်ခဲ့တာဖြစ်ပြီး မတ်လ ၂၇ရက်က ရက်လည်မှာ အမျှဝေပြီးပျက်စီးခဲ့တဲ့ ကျောင်းဆောင်ကို ကြည့်ရှုခဲ့တယ်လို့ ဆိုပါတယ်။

"လေးထပ်ကျောင်းဆရာဘုရားကြီးနဲ့ တပည့်ဦးဒေဝိန္ဒ က ထိခိုက်ဒဏ်ရာ မစိုးရိမ်ရခဲ့တယ်။ဒါပေမယ့် ကျောင်းက ဆရာတော်တစ်ပါးက ဦးခေါင်းပြတ်ထွက် ပျံလွန်တော်မူခဲ့တယ်"လို့ ဖြစ်စဥ်ကိုသိရှိတဲ့ ကသာမြို့က ဘုန်ကြီးတစ်ပါးက မိန့်ကြားပါတယ်။

လေးထပ်ကျောင်း ဗုံးကြဲခံရတဲ့ဖြစ်စဥ်မှာ သေဆုံးခဲ့တဲ့ သံဃာနဲ့ပြည်သူ ၅၀ကျော်ရဲ့ ရုပ်အလောင်းတွေကို မထုတ်နိုင်ခဲ့ဘဲ အဲဒီနေရာမှာပဲ သဂြိုလ်ခဲ့ရတယ်လို့ ကူညီကယ်ဆယ်ရေးနဲ့ မြေပြင်မှာရှိနေသူအချို့က ပြောထားပါတယ်။

ဒဏ်ရာရတဲ့ပြည်သူ ၆၀ခန့်ကို ကသာမြို့အမှတ်(၂)ရဲစခန်းကို စစ်တပ်က သယ်ဆောင်သွားတယ်လို့ သိရပါတယ်။

ကသာမြို့က စစ်တပ် တပ်စွဲထားတဲ့နေရာတွေကို ဒီဇင်ဘာ၂၈ရက်မနက်အစောပိုင်းမှာ ပြည်သူ့ကာကွယ်ရေးတပ်ဖွဲ့တွေက တိုက်ခိုက်ပြီး မြို့သိမ်းတိုက်ပွဲ ဖော်ဆောင်ခဲ့ပါတယ်။

အဲဒါကြောင့် မြို့တွင်းနေပြည်သူတွေအနေနဲ့ စစ်ရှောင်ဖို့ ကာကွယ်ရေးတပ်တွေက တိုက်တွန်းခဲ့တာရှိပေမယ့် စစ်တပ်က ဒေသခံတွေကို မြို့တွင်းကထွက်ခွင့် တားဆီးပိတ်ပင်တာတွေရှိခဲ့ပါတယ်။

ဘုန်ကြီးကျောင်းတွေမှာ ခိုလှုံရင် ဘေးကင်းတယ်လို့ ယူဆကြပေမယ့် စစ်တပ်ဟာ မတ်လ ၂၀ ရက်မှာ လေးထပ်ကျောင်းကို ဗုံးကြဲခဲ့တာကြောင့် အဲဒီမှာရှိတဲ့ စစ်ရှောင်ပြည်သူ ၁၀၀ ထက်မနည်းထိခိုက်သေဆုံးခဲ့ကြရတာဖြစ်ပါတယ်။

လက်ရှိမှာ တိုက်ပွဲတွေလည်းဆက်ဖြစ်နေပြီး စစ်တပ်က လေကြောင်း၊လက်နက်ကြီးတွေနဲ့ ပစ်ခတ်ဗုံးကြဲတာတွေရှိနေဆဲလို့ သိရပါတယ်။

"ကသာမြို့မှာ ကျန်ရှိနေသူများ ကိုယ့်ကိုယ်ကို တန် ဖိုးထားတယ်ဆိုရင် ကသာမြို့ထဲကနေ အပြီးထွက်ပေးကြပါ။ အကြမ်းဖက်စစ်တပ်ဟာ စစ်ရှောင်တွေရှိနေမှန်း သိသိကြီးနဲ့ ရက်ရက်စက်စက်ကို လေယာဥ်နဲ့ ဗုံးကြဲ သတ်ဖြတ်ပြခဲ့ပါတယ်။ တိုက်ပွဲကလည်း ရှေ့ဆက်ပြီး မြို့ရဲ့ နေရာအနှံ့အပြား ပြင်းထန်လာဖို့ရှိပါတယ်"လို့ ကသာမြို့နယ်ကာကွယ်ရေးတပ်ဖွဲ့ဝင်တစ်ဦးက တိုက်တွန်းထားပါတယ်။

ကသာမြို့မှာ စစ်တပ်ရဲ့ အမှတ်(၃၀၉)ခြေမြန်တပ်ရင်း အခြေစိုက်ထားပြီး မြေပေါ်ရပ်ကွက် ၁၁ ခုရှိကာ မြို့ပေါ်ရပ်ကွက်တွေကလွဲလို့ ကျေးရွာတွေကို တော်လှန်ရေးတပ်တွေက ထိန်းချုပ်ထားပါတယ်။

စစ်ကိုင်းတိုင်းအတွင်း စစ်အာဏာရှင်ဆန့်ကျင်ရေးလှုပ်ရှားမှုတွေ ပြုလုပ်

မတ်-၂၈၊၂၀၂၆။ သုည/People's Spring

စစ်ကိုင်းတိုင်းက သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေးနဲ့ တော်လှန်ရုပ်ရှင်ပြသတဲ့ လှုပ်ရှားမှုတွေ ဒီကနေ့ (မတ်လ ၂၈)မှာ ပြုလုပ်ခဲ့ပါတယ်။

စစ်ကိုင်းတိုင်း၊ ရွှေဘိုမြို့နယ်မှာ သပိတ်အင်အားစုနဲ့ ကျောင်းသား/သူ လူငယ်တွေက "တပ်မတော်နေ့မဟုတ်ဘူးတော်လှန်ရေးနေ့"၊ "ဖက်ဆစ်ကို မြေလှန်..ဒို့..တော်လှန်ရေးအောင်လံ" စာသားပါ လက်ကမ်းစာစောင်တွေနဲ့ စစ်အာဏာရှင်ကို ဆန့်ကျင်ကြောင်း ဆန္ဒထုတ်ဖော်ခဲ့ပါတယ်။

အလားတူ ရွှေဘိုမြို့နယ် ကျေးရွာတစ်ရွာမှာလည်း သပိတ်အင်အားစုက ဦးဆောင်ပြီး တော်လှန်ရေးနေ့ အထိမ်းအမှတ် တော်လှန်ရုပ်ရှင်ပြပွဲ ပြုလုပ်ခဲ့ကြပါတယ်။

ရွှေဘိုမြို့နယ်သပိတ်အင်အားစုက တော်လှန်ရုပ်ရှင်ပြသရင်း ပြည်သူလူထုကို ခွန်အားပေးစကားပြောကြားတာ ဒေသခံတော်လှန်လူငယ်တွေနဲ့အတူ သွေးသစ္စာ၊ ဒေါင်းကတဲ့နေ့၊ ရောင်နီသီချင်းတွေ သီဆို ကပြဖျော်ဖြေကာ စစ်အာဏာရှင်ဆန့်ကျင်ရေး ကြွေးကြော်ဆန္ဒထုတ်ဖော်ပွဲ ပြုလုပ်ခဲ့ကြပါတယ်။

ယင်းမာပင်မြို့နယ်မှာလည်း သပိ​တ်​အင်အားစုနဲ့ ဆန္ဒပြတော်လှန်ပြည်သူတွေက "အောင်လံလွှင့်မည် ရွှေရေကြည် လူထုသပိတ်" စာသားကိုင်ဆွဲပြီးတော့ စစ်အာဏာရှင်ကို ဆန့်ကျင်ကြောင်း ကြွေးကြော်ဆန္ဒပြခဲ့ပါတယ်။

ဝက်လက်မြို့နယ်မှာလည်း တော်လှန်ရေးမှာ ပြည်သူတွေပါဝင်တာ ပြန်အားကောင်းလာစေဖို့နဲ့ ပြည်သူတွေရဲ့ ဘဝအမောတွေ ပြေပျောက်စေဖို့ ဝက်လက်သပိတ်ကော်မတီဟာ တော်လှန်ဖျော်ဖြေရေးအစီအစဉ်တွေနဲ့ စည်းရုံးရေး ပြုလုပ်ခဲ့ပါတယ်။

တော်လှန်ခရီး ကြာရှည်လာတာနဲ့အမျှ ပြည်သူတွေပါဝင်တာ အားနည်းလာပြီး စစ်အုပ်စုက လေကြောင်းကနေ ဗုံးကြဲသတ်ဖြတ်လို့ ပြည်သူတွေ နေ့စဉ်နဲ့အမျှ ကြောက်ရွံ့ ထိတ်လန့်နေကြရတာကြောင့် အခုလို ဖျော်ဖြေတာလို့ ဝက်လက်သပိတ်အင်အားစုက ဆိုပါတယ်။

ဝက်လက်မြို့နယ် ပညာရေးဘုတ်အဖွဲ့ဝင်တွေ၊ ကျေးရွာ ပအဖ၊ ပကဖ တာဝန်ခံတွေနဲ့ ကျေးရွာပညာရေးတာဝန်ခံတွေ ပူးပေါင်းလုပ်ဆောင်ခဲ့တာဖြစ်ပါတယ်။

တကယ်တော့ ငလျင်ဒဏ်သင့်ခဲ့ရသူတွေရဲ့ စိတ်ပိုင်းဆိုင်ရာ ပြန်လည်နာလန်ထူရေးဟာ လမ်းတံတားတွေ၊အဆောက်အဦတွေ ပြန်ပြင်တာ၊ အသစ်ပြန်ဆောက်တာထက် မလျော့တဲ့ အရေး
ကြီးမှုမျိုး ရှိသင့်ပါတယ်။

ဒါပေမယ့် အခုချိန်ထိ စနစ်တကျ လေ့ကျင့်ပေးထားတဲ့ စိတ်ပိုင်းဆိုင်ရာ အကြံပေးပညာရှင်တွေ၊ နှစ်သိမ့်ဆွေးနွေးပေးမယ့် အစီအစဉ်တွေကို ရပ်ကွက်တွေအထိ ထဲထဲဝင်ဝင်ရောက်အောင် ထိထိရောက် လုပ်ပေးနေတာမျိုးက မရှိသလောက်ပါပဲ။ ရုပ်ပိုင်းဆိုင်ရာပျက်စီးတာတွေကိုပဲ အနည်းကျဥ်း ကူညီရုံ၊ စာရင်းကောက်ရုံ၊ ပြုပြင်ပေးရုံလောက်သာ တွေ့ရပါတယ်။

မန္တလေးမြို့ကြီးဟာအခုအချိန်ထိရုပ်ပိုင်းရော စိတ်ပိုင်းပါ ဒဏ်ရာတွေ မကျက်သေးပါဘူး။ စစ်​ကောင်စီက ငလျင်ဒဏ်ကပြန်လည်ထူ​ထောင်​ရေးကို လုံ​လောက်​အောင် မလုပ်​ပေးနိုင်တာ​ကြောင့်ပြည်သူ​တွေဟာ အခက်အခဲမျိုးစုံကြားကိုယ်ထူကိုယ်ထလုပ်ခဲ့ကြရပါတယ် ။အခုချိန်ထိ အပျက်အစီး​တွေကို စနစ်တကျမရှင်းလင်းနိုင်​သေးတာလည်းရှိ​နေဆဲပါ ။


https://www.ludunwayoo.com/opinion-mm/2026/03/23/152027/

“ဒီနေ့ဘာဖြစ်ခဲ့လဲ”

ဒီနေ့(မတ်လ ၂၈ ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

◾️စစ်ကိုင်းပြတ်ရွေ့သဘာ၀အရ နောက်ဆက်တွဲ ဘေးအန္တရာယ်သတိပြု နေထိုင်ဖို့ အပြန်အလှန် ဖေးမစောင့်ရှောက်ဖို့ NUG မေတ္တာရပ်ခံ

စစ်ကိုင်းပြတ်ရွေ့သဘောသဘာဝအရ နောက်ဆက်တွဲ သဘာဝ ဘေးအန္တရာယ်များနဲ့ ပတ်သက်ပြီး အမြဲမပြတ် အထူးသတိပြုနေထိုင်ကြဖို့နဲ့အပြန်အလှန် စာနာဖေးမကာ ကူညီစောင့်ရှောက်ကြဖို့ မေတ္တာရပ်ခံကြောင်း အမျိုးသားညီညွတ်ရေးအစိုးရ(NUG) က ဒီနေ့ ထုတ်ပြန်ပါတယ်။ လူဦးရေ ထောင်ချီအသက်ဆုံးရှုံးခဲ့ရတဲ့ ၂၀၂၅ ခုနှစ်၊ မတ်လ ၂၈ ရက် စစ်ကိုင်း ငလျင် တနှစ်ပြည့် ကြေညာချက်မှာ အခုလို မေတ္တာရပ်ခံခဲ့တာပါ။ ငလျင်ဒဏ်ကြောင့် အသက်ဆုံးရှုံးခဲ့ရသူများ၊ မိသားစုနဲ့ ခွဲခွာခဲ့ရသူများ၊ ထိခိုက်ဒဏ်ရာရရှိခဲ့သူများ၊ အိုးအိမ်မဲ့ဖြစ်ခဲ့ရတဲ့ ပြည်သူများအားလုံးနဲ့အတူ ထပ်တူထပ်မျှ အထူး ဝမ်းနည်းကြေကွဲကြောင်းလည်း ဖော်ပြပါတယ်။တဖက်မှာ စစ်အုပ်စုအနေနဲ့ ငလျင်ဘေးကြုံနေရချိန်မှာပင် လေကြောင်း တိုက်ခိုက်တာတွေ လုပ်ဆောင်ခဲ့လို့ ဘေးသင့်ပြည်သူတွေ ဒုက္ခနဲ့ ထပ်မံ ရင်ဆိုင်ခဲ့ရတယ်လို့ အသိပေးပါတယ်။ ဒါ့အပြင် စစ်အုပ်စုဟာ နိုင်ငံတကာက ပေးပို့တဲ့ ရှာဖွေကယ်ဆယ်ရေးနဲ့ လူသားချင်းစာနာမှု အကူအညီများကို ကန့်သတ်ပိတ်ပင်ခဲ့ခြင်း၊ ဘေးသင့်ပြည်သူများအပေါ် ခွဲခြား ဖယ်ကြဉ်မှုများ ပြုလုပ်ခဲ့ခြင်းတို့ကြောင့် အမှန်တကယ် အကူအညီလိုအပ်နေသူများစွာ ဒုက္ခရောက် ခဲ့ရကြောင်း ဖော်ပြပါတယ်။

◾️ငလျင်ဘေးသင့်ပြည်သူတွေ လောင်စာဆီနဲ့ စားနပ်ရိက္ခာပြတ်တောက်မှုဒဏ်တွေပါ ထပ်ဆင့်ခံစားနေရ

စစ်ကိုင်းငလျင်ကြီးကြောင့် ဒုက္ခရောက်ရသူတွေဟာ ကမ္ဘာ့အရှေ့အလယ်ပိုင်းက ပဋိပက္ခကဖြစ်ပေါ်လာတဲ့ လောင်စာဆီအခက်အခဲနဲ့အတူ စားနပ်ရိက္ခာနဲ့ မြေဩဇာဈေးနှုန်းကြီးမြင့်မှု ဒဏ်တွေကိုပါ ထပ်ဆင့်ခံစားနေရတယ်လို့ ကမ္ဘာ့စားနပ်ရိက္ခာအစီအစဉ် (WFP)က ဒီနေ့ မတ်လ ၂၈ရက်မှာ ထုတ်ပြန်ပါတယ်။ WFPရဲ့ နောက်ဆုံးစောင့်ကြည့်ချက်အရ စစ်ကိုင်းငလျင်ကြီးဒဏ်သင့်ခဲ့တဲ့ စစ်ကိုင်းတိုင်းနဲ့ မန္တလေးတိုင်းက မိသားစုတွေဟာ အခြေအနေ ပြန်ကောင်းဖို့ ကြိုးစားနေရတုန်းပဲ ရှိသေးတယ်လို့ ဆိုပါတယ်။ စားနပ်ရိက္ခာ မလုံလောက်မှုတွေမှာ အိမ်ထောင်စု ခြောက်ခုမှာ တစ်စုက စားနပ်ရိက္ခာ အခက်အခဲကို အပြင်းအထန် ရင်ဆိုင်နေရသလို တနေ့စာ တနေ့ ဖြေရှင်းနေရပြီး နောက်ထပ် ဘယ်လို အခက်အခဲမျိုးကိုမှ ထပ်ပြီးတောင့်ခံနိုင်စွမ်းမရှိတော့ပါဘူးလို့ ဖော်ပြပါတယ်။ ငလျင်ဒဏ်ကနေ အနိုင်နိုင် ပြန်ရုန်းထနေရတဲ့ သူတွေဟာ အခု ကမ္ဘာ့အခြေအနေတွေကြောင့် နောက်ထပ် ရိုက်ခတ်မှုတစ်ခုကို အဆိုးရွားဆုံး အချိန်မှာ ထပ်ကြုံနေရတာလို့ WFP ရဲ့မြန်မာနိုင်ငံဆိုင်ရာ ညွှန်ကြားရေးမှူး မိုက်ကယ်ဒန်ဖို့က ပြောပါတယ်။

◾️မြ၀တီဒေသမှာ ရာမတီးအမည်နဲ့ မြို့နယ်သစ်တစ်ခု KNU တိုးချဲ့ဖွဲ့စည်း

ကရင်အမျိုးသားအစည်းအရုံး(KNU) ဒူးပလာယာခရိုင်၊ တပ်မဟာ(၆)နယ်မြေမှာ မြို့နယ်အသစ်တခု ထပ်မံဖွဲ့စည်းလိုက်ကြောင်း KNU ဗဟိုက သတင်းထုတ်ပြန်ခဲ့ပြီး မြို့နယ်အမည်ကို ရာမတီးမြို့နယ်လို့ အမည်ပေးထားကြောင်း ထုတ်ပြန်ပါတယ်။ KNU အနေနဲ့ ခရိုင် ၇ခု၊ တပ်မဟာ ၇ခု ရှိပြီး ခရိုင်တွေမှာ မြို့နယ်တွေ ဖွဲ့စည်းထားပါတယ်။ KNU ရဲ့ အုပ်ချုပ်နယ်မြေ သတ်မှတ်ချက်အရ မြို့နယ်တွေကိုလည်း သီးခြားအမည်ပေး ဖွဲ့စည်းထားတာပါ။ KNU ဒူးပလာယာခရိုင်မှာဆိုရင် အရင်က ဝင်းရေးမြို့နယ်၊ နို့တကောမြို့နယ်၊ ကျုံဒိုးမြို့နယ်နဲ့ ကော့ကရိတ်မြို့နယ်စတဲ့ မြို့နယ်လေးခုရှိပြီး အခု ရာမတီးအမည်နဲ့ မြို့နယ်ထပ်တိုးဖွဲ့စည်းခဲ့တာပါ။ အခု မြို့နယ်အသစ်စုဖွဲ့မှုမှာ ပါဝင်တဲ့ဒေသတွေဟာ ကရင်အမျိုးသားအစည်းအရုံး(KNU)ပူးပေါင်းတပ်တွေက စစ်ကောင်စီ တပ်စခန်းတွေကို တိုက်ခိုက်သိမ်းပိုက် ထိန်းချုပ်ထားတဲ့ဒေသတွေ ပါဝင်ပါတယ်။ ရာမတီး မြို့နယ် ပထမအကြိမ် ကွန်ကရက်မှာ ကိုယ်စားလှယ် ၁၉၅ဦး ပါဝင် ရွေးကောက်ခံခဲ့ရာ မြို့နယ်အမြဲတမ်း ကော်မတီဝင် ၃၁ဦး ရွေးကောက်တင်မြှောက်ခံရပြီး အဲဒီထဲကမှ ဥက္ကဋ္ဌအဖြစ် ပဒိုစောဖာတယား ၊ ဒုဥက္ကဋ္ဌအဖြစ် ဒု-ဗိုလ်မှူးကြီး စောကိုကို (ခ)စောဒါဘော အတွင်းရေးမှူးအဖြစ် ပဒိုစောဟဲခု၊ တွဲဖက်အတွင်းရေးမှူးအဖြစ် ပဒိုနော်အဲ့ထူးစေ တို့ တာဝန်ယူကာ တရားသူကြီးမှာ ပဒိုစောအဲ့ကော်သော ဖြစ်တယ်လို့ ထုတ်ပြန်ပါတယ်။

◾️ထိုင်း-မြန်မာနယ်စပ်အနီးက ဖလူးကြီးရွာ ဗုံးကြဲခံရပြီး မီးလောင်