​​#sarhisob #iyun
Oy sarhisobi: Iyunda Panda Books qaysi kitoblarni o'qidi?

- Mart sarhisobi
- Aprel sarhisobi
- May sarhisobi

Bugun oyning oxirgi kuni demak, ushubu oyni qisqacha sarhisob qilamiz.
Odatdam menda yoz boshlanishi bilan kitob o'qish sekin pasayib, hordiq chiqarishga bo'lgan ishtiyoq ortib boradi. Shunga qaramay, iyun oyi mutolaa uchun chakki o'tmadi deb aytishim mumkin.

Yaqinda mendan botda so'rashdi: "Ishlaysizmi, agar ishlasangiz, mutolaaga qanday vaqt topasiz?"
javob: Bunga o'zim ham hayronman) Ha, ishlayman. Uyga kech boraman, tunda ba'zida ko'proq, ba'zida kamroq o'qiyman. Haftaning dam olish kunlarida sayrga chiqaman, do'stlarim bilan uchrashaman, ishlarimni bitirib kelib, imkon bo'lsa, yana bir necha o'n varaqcha mutolaa qilishga harakat qilaman. Muhimi, kam bo'lsa-da, muntazam davom ettirishga harakat qilaman. Menimcha, savolingizga javob bera oldim.

📕Aleksandr Grin - "Alvon yelkanlar" ✅ Done!
Ochig'i, bu asar motivi asosida ishlangan film oyimning eng sevimli filmlaridan biri hisoblanadi. Yoshligimizda ko'rardik. Va menimcha ham, bu film Disney ertaklaridan sira qolishmaydi. Pozitiv va chuqur ma'noga ega bayramona bu asar Insonni hayotda doimo mo'jizalar sodir bo'lishiga ishonishga va senga yomonlik qilishsa-da, ularga yaxshilik bilan javob berishga undovchi, hayotda yashashga turtki beradigan kuchli kitob.

Asarga taqrizim👉 shu yerda

📘Jianna Molinari - "Bu yerda hamma narsa bo'lishi mumkin" ✅ Done!
Zamonaviy yevropa adabiyoti bu shunchaki bomba. Bu asarni bir nafasda o'qib chiqdim. Juda ramzlarga boy va odamni sira zeriktirib qo'ymaydigan yoqimli asar. Asarni o'qib sizda hech qanday negativ tug'ilmaydigan "dobriy" kitobcha. Bo'sh vaqtni maroqli o'tkazishga yordam beradi.

Asarga taqrizim👉 shu yerda

📗Larisa Burakova - "Gruziya muvaffaqiyatga qanday erishdi" ✅ Done!
Jamiyatdagi ildiz otgan illatlar: korrupsiya, byurokratiya va soliq kabi kamchiliklarni yechishda Gruziya tajribasini o'rganib chiqishni ilgari suradigan foydali asar. Unda M.Saakashvili davrida Gruziya olib borilgan bir qator islohotlar haqida batafsil so'z yuritiladi. Asosan, davlat boshqaruvi va jamoatchilik nazoratiga qiziquvchilar uchun tavsiya qilaman.

Asarga taqrizim👉 shu yerda

📙Abdurauf Fitrat - "Rahbari Najot"
✅ Done!
Rosti, yaqin orada miriqib o'qigan va o'zim uchun olam-olam yangi fikrlar olgan eng yaxshi risola shu bo'ldi. Fitrat men uchun qayta kash etildi desam ham sira yanglishmayman. Endilikda boshqa jadidlar adabiyotini ham o';qib chiqishga jazm qildim. Bu kitobni esa ilm-dan va mutolaaga qiziquvcji barcha o'g'il-qiz hayotida bir bora bo'lsin varaqlab chiqishini istab qolardim.

Asarga taqrizim👉 shu yerda

📕Andrey Platonov - "Jon" 🔄 Processing...
Kitobni boshlab olishga ancha vaqt ketdi, natijada uni bu oy tugata olmasligim oydinlashdi. Kitobga yozilgan ba'zi reviewlarni ko'rib chiqdim. Asar hozircha meni o'ziga tortishda davom etmoqda. Turkmanlarning Jon xalqi haqida hikoya qiluvchi bu asarni nasib qilsa, yaqin kunlarda tugatish niyatidaman.

Kitobdan iqtibos👉 shu yerda

📗Rendall Manro - "Agar mabodo? yoxud bema'ni nazariy savollarga jiddiy ilmiy javoblar" 🔄 Processing...

Kitob haqida👉 shu yerda

Menda hozircha shunaqa gaplar, o'zingiz bu oy qaysi kitoblarni o'qib tugatdingiz?

@panda_books

#sarhisob #iyun

Oy Sarhisobi.

Iyun oyi men uchun qandaydir uzoq vaqt davom etgandek tuyuldi. Ishga sho'ng'ib ketdik, lekin orada dam olishga vaqt topa oldik. Issiq havo mutolaaga qattiq ta'sir qiladi degan fikrim o'z isbotini topmoqda.

Demak, bu oy Patrik Zyuskindning "ifor" (Парфюмер) o'qib chiqdim. Agar o'zgacha asar qidirayotgan bo'lsangiz, bu kitob ayni muddao. Keyin yaponiyalik Kotaroning detektivini o'qib chiqdim. Va o'zim uchun uni kashf etdim. Super!

Oy so'ngida jadidchi Fitratni tugatdim. Uning ko'plab teran fikrlari haligacha dolzarb, qanday ajib zamon a! Biz qayerda edigu, yuz yildan keyin qayergacha keldik, bilmoqchi bo'lsangiz, shu qisssani o'qib chiqing.

Bu oyda Zakovatda ishtirok etganim yorqin voqea bo'ldi. Bu oyda o'zim uchun kichik haqiqatlarni tushundim.
1. Hammasi o'tkinchi, hech narsaga qattiq iztirob chekishga arzimaydi.
2. Oila eng muhimi, hech qanday ish uning o'rnini bosa olmaydi.
3. Ba'zan "yetarlicha yaxshi" yetarli bo'lmaydi. Zo'r bo'lish kerak.

♻️ Patrik Zyuskind — "Ifor"
Taqriz - https://t.me/Panda_books/3107

♻️ Paolo Koelo — "Alkimyogar"
Taqriz - https://t.me/Panda_books/3126

♻️ Kotaro Isaka — "Killerlar poyezdi"
Taqriz - https://t.me/Panda_books/3202

♻️ Abdurauf Fitrat — "Hind sayyohining qissasi"
Taqriz - https://t.me/Panda_books/3213

Oyning eng qiziqarli postlari:
👉 Serviy Talliy haqida
👉 Cargo cult haqida
👉 Jon Tolkin va Uzuklar hukmdori
👉 Ruanda genotsidi
👉 Otaning roli haqida
👉 "Bukchayma! Egilma! To'g'ri tur..!"
👉 Anti-kutubxona
👉 The Atomic Cafe
👉 Madaniyat, ilm, kitobxonlik...
👉 "Hind sayyohining qissasi"dan parcha

Yoqimli mutolaa!

Siz-chi, bu oy qaysi kitoblarni mutolaa qildingiz?

@panda_books

Instagram | Youtube | Tiktok

#sarhisob #iyun

Oy Sarhisobi.

Bu oy ta'til olishga qaror qildim. Uzoq vaqtdan beri bitta tempda yurishga majolim ham, xohishim ham qolmagandi. Istaganim kabi dam oldim deya olaman, garchi barchasi rejalarim amalga oshmagan bo'lsa-da.

Hozir o'tgan oyda aytarli hech nima o'qimadim, yozmadim degan xayol bilan sarhisob qilarkanman, nazarimda yetarlicha narsa topa oldim. O'qimadim degandayam bitta ocherk tugatibman, 2 ta kitobni boshlab qo'yibman. Tarjimasiga qo'l urgan ishim ham tugay deb qoldi. Xullas, Panda Books hech bo'sh o'tirmaydi, hatto ta'tilda ham!

Yozda kitoblar olamini ham qizdirib tashlaymiz hali...

♻️ Tomas Xarris — "Qo'zichoqlar sukunati"
Taqriz 👉 ko'k yozuvni bosing

♻️ Lyuk Mogelson — "Two Weeks at the Front in Ukraine"
Taqriz 👉 ko'k yozuvni bosing

Oyning eng qiziqarli postlari:

👉 Nostalgiya
👉 Hikikomori
👉 Yer tekismi?
👉 Buzilgan Imperiya modeli
👉 Kelajak kutubxonalari

Yoqimli mutolaa!

Siz-chi, bu oy qaysi kitoblarni mutolaa qildingiz?

@panda_books

Instagram | Youtube | Tiktok

#sarhisob #iyun

Oy Sarhisobi.

Bu oy oilamiz uchun nihoyatda voqealarga boy bo'ldi. Ikkinchi marta ota bo'ldim. Ko'pgina loyihalar boshlab qo'ydim. Ish faoliyatimda o'sish va muhim sinovlar kuzatildi.

Shu bois kam o'qidim, ko'proq o'yladim, reja tuzdim, Endi oylardan ularning ijrosiga kirishaman. Menda iyun shunday o'tdi.

O'qilgan kitoblar:
♻️ Lyu Sizin – "Death's End"
Taqriz 👉 ko'k yozuvni bosing

Oyning eng qiziqarli postlari:
👉 O'smirlarga yozgi mutolaa uchun TOP 7 kitob tavsiya
👉 Aktivizm
👉 Lakoniya
👉 Zamonaviy terrorizm

Siz-chi, bu oy qaysi kitoblarni mutolaa qildingiz?

@panda_books

Instagram | Youtube | Tiktok