هذا المغزى من وجودنا

رمضان هذا غريب!
قلتها قبل كم يوم وحد سألني غريب ليش ما عرفتش شن نجاوبه..هو شعور لكن مش قادرة نحدد أسبابة

ديما نخاف نكون معميه أو بمعنى أخر شخص بلا بصيرة..

ونحس فيه من أكبر الابتلاءات ، تضل لدرجة تفقد القدرة على الفهم والإدراك معش تميز بين الحق والباطل!

الخوف شعور سيء بشكل!
وملازم ما تقدرش تتخلص منه لأنه كل شي له احتمالات ويمكن يصير..لكن يظل نوع من الحماية والرهبة عشن ضميرك

ف تلقى مش مصبرك شي الا يقينك بالله
والحمدالله الأقدار تتغير بالدعاء وربي عالم بالنوايا
الصبر عبادة صعبة جداً والدعاء من أيسر العبادات
اللجوء لله في السراء والضراء وتفويض الأمر إليه

I just want to sit by the ocean..

"البطل يضحي بك لأجل العالم و الشرير يضحي بالعالم لأجلك"

!

السياسة - العلاقات العاطفية - المقارنات بين الناس والتقليل منهم…

At this point the topic is either morally wrong or simply low quality to me!

شي غريب كيف تقعد تقرا في مقال طويل وتكمله وانت مش فاهم ولا تندري على حاجه فيه والسبب لانه عقلك ما كانش معاك انت تقرا ومكمل لكن تفكيرك في مكان أخر تماماً ومش بس لقلة التركيز لكن كيف يمكن فكرة تستحوذ على عقلك حتى وانت مستمر في الفعل!

-

كلنا بدون شك، محد يشارك في الصورة كاملة
مهما ادعينا الوضوح أو حاولنا نكونوا شفافين، في أشياء صعب تشاركها أو هي اصلا مش للمشاركة حاجات بينك وبين نفسك يعلم بيها الله وحتمشي بيها للقبر كنوع من الحماية والصدق مع الذات ولاني مقتنعه اغلب الي تشاركة يتم تشويها بصوره أو بأخرى بعيدًا عن انه الشي شنو أو شن يشكلك المهم…يظل التعبير عن الأشياء الأخرى (المسموح بها من طرفك) وسيلة للتنفيس أو مهرب لإنه الكبت النفسي يجيب المرض

وبرضو في سبب أخر والي هو الانسان ديما يحب يبان في أحسن صورة …ف من طبيعي جداً تشوف لحظات جميلة في حياتي والحزينة ما نحكش عليها ولا نمسك الكاميرا ونصورها..مش حتى هي ذكريات تتخلد كيفها كيف لحظات الفرح؟ و الفعل هذا يبان على مواقع التواصل الاجتماعي (النسخة المفلترة منا) وهذا يخلي الصورة العامة عن حياتنا نسبية جداً