او تاذيه بكلمة

لما تسالو وحدة ليه مش حامل طب شو دخلك ليه ما درستي ليه ما اشتغلتي ليه ما تجوزتي ليه بعيدة عن اهلك ليه بتحكيش مع اختك ليه بتحكيش مع اخوكي

شو دخلكم انتو عايشين معهم مريتو بالي مروا فيه شفتوهم وهما يصارعوا تعبهم واذاهم شفتوهم كم مرة وقعوا وكم مرة قاموا

شفتو اهلها اخوها اختها صاحبتها صاحبو شو عملولهم لحتى تسالو ليه وليه وليه

ولما بدكم تدعوا لحدا ادعوا بالسر والخفاء ولما حدا يقلكم ادعيلي بكون مليون بالمية متاكد راح تدعيلو بالخير

لانو ما شاف منك ولا شفت منو الا كل خير لانو كنت سبب بضحكتو بفرحوا بقيامو انو يصير افضل

وممكن برضو بيوم اذينا ناس واحنا مش عارفين ومرات بنكون عارفين بس بندعي ربنا دائما انو يهدينا ويصلح حالنا

لانو صلاحي وصلاحك وصلاحنا كلنا يعني صلاح الامة

اذا الامة كانت صالحة الخير والفرح والهداية والجبر بيجي

وللعلم هاد الحكي بحكيه عن تجربة لاول مرة بحكي حكي بكون عايشتو وبتمنى الناس تعرفوا وتشعر في بعضها

لانو الأجل ما بعرف كل حدا فينا متى ربنا بوخد امانته قبل ما تصلي وتصوم كونوا حنونين

الناس مش بحاجة وجع قلب ولا أذى نفسي بزيادة فوق حياتها

زي ما بحكوا الكلمة الحلوة طالع والكلمة السيئة طالعة وهيك هيك حاكيين

ليه ما نخبي الكلمة السيئة ونستبدلها بكلمة حلوة شو بنخسر يعني

شو بتستفيدوا اذا ضايقتوا حدا اذا جرحتوا حدا طب ممكن كلمة وحدة منيح تكون سبب لحدا كان يفكر بالانتحار لا سمح الله وانت حكيتها وربنا هداه وقربتو من ربنا اكثر

شايف عظمة هاد الاجر؟

اجر كبيير عند ربنا تكون سبب هداية حدا

الله يجبر قلوبكم ويحنن عليكم ويرضى عنكم ويراضيكم ويبعد عنكم كل شر ويجعل القادم من حياتكم كل خير واذا كان أحد منكم او من أحبائكم مريض الله يشفيه ويشفيكم ويعافيكم وأسال الله لكم الراحة وإن كان أسيرا ففك الله قيد أسره وجعل ظلمة السجن عليه نورً ومن كان مهموماً ففرج الله عنه وهون الدنيا عليه ومن كان ميتاً أو شهيداً رحمه الله وغفر له وتقبله في جنات النعيم مع النبيين والصديقين💚

‏﴿إِذ نادى رَبَّهُ نِداءً خَفِيًّا﴾
‏قال قتادة:
‏"إنَّ الله يحبُ الصوت الخفيّ .."

• قيام الليل، ولا تنسوا إخوانكم المستضعفين في غزّة والضّفة ولُبنان والعراق والسودان وإيران وكل مكان من الدُّعاء.. رَحِم الله شهدائنا وفكّ أسرانا ومسرانا وثبت أقدامنا وانتصر لنا 🤍

الله يرضى عن أصحاب القناة ويحمي جنين وأهلها ويفرج همهم ويرحم الشهداء ويفك أسر جميع الاسرى ويشافي الجرحى .