Памёр паэт Леанід Пятрэнка, лаўрэат прэміі Францішка Аляхновіча 2017 года за кнігу "Камерныя сны".

Леанід быў асуджаны на 10 год, з іх адседзеў шэсць, недажыўшы да вызвалення. Нашыя спачуванні блізкім і сябрам паэта.
***
Пределов — нет!
Посылы ложные
о рамках — бред (сказал Басё).
В стране по кличке Невозможное
лежит Нетронутое. Всё!

Метнувшись камнем из пращи —
там и ищи.

21 студзеня 2021 года ў 19.00 Дзяржаўны музей гісторыі беларускай літаратуры запрашае на літаратурна-музычнае мерапрыемства “Мой Багдановіч”, падрыхтаванае сумесна з Літаратурным тэатрам “Слова”

https://lit-bel.org/news/spektakl-moy-bagdanovich-prem-era-21-studzenya/

Падрыхтавалі для вас першы выпуск дайджэста культурнага супраціву ў 2021 годзе🤓

🌊Пачатак студзеня ў Беларусі падобны на марскі адплыў пасля шторму: схлынула хваля масавых рэпрэсій, трэба разабраць выкінутыя на бераг гушчары судоў, звальненняў і забарон. Але музыка не змаўкае, пэндзаль макнуты ў фарбу, аловак крануўся паперы, дух вольнага народа кружыць у карагодзе.

https://pen-centre.by/2021/01/12/a-hto-tam-idze-novy-god-represii-usyo-tyya-zh-vypusk-14.html

У студзені выйшла аўдыёкніга Зараславы Камінскай “Калядны стол”🎉

Кніга заняла 3️⃣ месца ў сёлетняй прэміі Гедройца, а прызам быў запіс кнігі ў аўдыяфармаце ад "Радыё Свабода".

"Калі я аддавала “Калядны стол” Змітру Вішнёву ў выдавецтва "Галіяфы", я і не магла ўявіць, што яе чакае такі лёс: мне проста хацелася ажыццявіць задуму, якая была са мной некалькі год, каб, нарэшце, вызваліцца для новых задум", - кажа Зараслава.

▶️▶️▶️ Слухаць кнігу

Дызайнера Анатоля Лазара, вядомага як Wiecier Mechaniczny, раніцай 13 студзеня забралі ў фінансавую міліцыю разам з кампутарам. Жонцы сказалі — каб праверыць, ці сплаціў падаткі.

Вецер — культавы дызайнер. Ён працаваў над дзясяткамі прабеларускіх праектаў, ад цішотак да сайтаў. Ён аўтар вокладкі кнігі "Беларуская нацыянальная ідэя" вядоўцы @euroradio Змітра Лукашука і філосафа Максіма Гарунова.

Прыйші таксама да Генадзя Вінярскага (выдавецтва «Кнігазбор») - забралі кампутар, тэлефон, самога Генадзя. Паводле нашай інфармацыі, прыйшоў АБЭП.

Новы выпуск праграмы "Кантэкст". Госць — Андрэй Хадановіч

https://youtu.be/Fp9lWSum-5s

На свабоду адпусцілі дызайнера Анатоля Лазара, вядомага як Wiecier Mechaniczny, і выдаўца Генадзя Вінярскага.

Яны пад падпіскай аб неразгалошванні. У іх забралі тэхніку (кампутары, смартфоны).

Праваабаронцы прызналі палітвязнямі заснавальніцу "Прэс-клуба” Юлію Слуцкую, праграмную дырэктарку Алу Шарко, дырэктара Сяргея Альшэўскага, аператара Пятра Слуцкага, а таксама Ксенію Луцкіну – экс-супрацоўніцу “Белтэлерадыёкампаніі”, звязаную з медыяпраектам, да якога мела дачыненне Акадэмія «Прэс-клуба».

https://pen-centre.by/2021/01/14/zajava-pres-klub.html

Як паведамляюць сябры кнігараспаўсюдніка Алеся Яўдахі, да яго ў дзверы званілі невядомыя. На цяперашні момант тэлефон спадара Алеся адключаны.

⚡️Таксама не выходзяць на сувязь Сяргей Макарэвіч і Андрэй Янушкевіч з выдавецтва "Янушкевіч".

Выдаўца Андрэя Янушквіча забралі на допыт у ДФР. Сяргей Макарэвіч на волі.

"Прыйшлі 4 супрацоўнікі ДФР ў выдавецтва "Янушкевіч". Яны правялі агляд і забралі кампутар і ноўтбукі выдавецтва. Флэшку, зьнешні дыск. Андрэя Янушкевіча забралі на допыт", - расказаў Свабодзе Макарэвіч, які ў гэты час быў у выдавецтве.

Андрэя Янушкевіча адпусцілі, паведамляе @nashaniva

Адпусцілі таксама Алеся Яўдаху.

Ганна Хітрык, якую многія любяць за творчасць гурта “Детидетей” і Sounduk, напісала песню на верш Андрэй Хадановіча пра навагоднюю паштоўку, якую можна было б смела даслаць бальшыні беларусаў. Паслухайце: гэта творчы поспех!

https://youtu.be/03oCqiYHg14

❗️Затрымалі перакладчыцу Вольгу Калацкую.

"Мяне затрымалі, прышлі дамоў і павезлі ў Фрунзенскі РУУС на размову..." —паспела паведаміць спадарыня Вольга.

Вольга Калацкая - выкладчыца англійскай мовы, перакладчыца кнігі "Пенелапіяда" Маргарэт Этвуд, а таксама твораў Вірджыніі Вулф, Тэнэсі Ўільямса, Ўільяма Голдынга. Займаецца перакладам фільмаў і мультфільмаў на беларускую мову.

🔶 Адвакату затрыманай учора перакладчыцы Вольгі Калацкай паведамілі, што яна затрымана Следчым камітэтам у межах крымінальнай справы.

Артыкул пакуль невядомы.

Вядомую перакладчыцу Вольгу Калацкую абвінавачваюць паводле 342 арт. Крымінальнага кодэкса («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»).

Пра гэта яе адвакату сёння паведамілі ў Фрунзенскім РУУС. Але пакуль невядома, якая частка гэтага артыкула.

Вольгу Калацкую сёння павезлі на следчыя дзеянні.

Вольга Калацкая жыве з 89-гадовай мамай, якой патрабуецца догляд.

Вольга Калацкая пераклала на беларускую мову дзясяткі фільмаў, серыялаў і кніг, у тым ліку Вірджыніі Вулф, Тэнэсі Ўільямса, Уільяма Голдынга, Пола Остэра, Тоні Парсанза, Артура Голдэна, "Гладыятар”, “Шрэк”, “Сямейку Смітаў” ды іншыя.

ПЭН Амерыка патрабуе неадкладнага вызвалення перакладчыцы Вольгі Калацкай
https://pen.org/press-release/pen-america-demands-immediate-release-of-belarusian-translator-volha-kalackaja/

Да патрабавання далучылася пісьменніца Маргарэт Этвуд, якую, сярод іншага, перакладала на беларускую Вольга Калацкая:

-- Жахліва бачыць, што беларускія ўлады працягваюць свае жорсткія напады на тых, чыё адзінае жаданне - жыць у дэмакратычнай краіне, дзе паважаюць іх правы, - сказала сусветна вядомая пісьменніца Маргарэт Этвуд. - Асабліва цяжка даведвацца пра пераслед маіх калег-пісьменнікаў і чальцоў літаратурнай супольнасці. Я шчыра спадзяюся, што Вольга і ўсе несправядліва затрыманыя ў Беларусі будуць неадкладна вызваленыя.

«Словы мацней»: Галіна Казіміроўская чытае твор Міхася Чарота

https://pen-centre.by/2021/01/18/slovy-macznej-galina-kazimirouskaya-chytae-tvor-mihasya-charota.html