سێشەممە ، ۲٦ی۱۱ی۲۰۲٤:هەولێر

رێزدار" مەسرور بارزانی" سەرۆکی حکومەتی هەرێمی کوردستان، ئامادەیی(ئەحمەد ڕێکانی) لە هەولێر کردەوە، کە یەکێکە لە (9) باڵەخانەی نوێی باخچە و قوتابخانەی حکومی لە سنووری بەڕێوەبەرایەتی گشتی پەروەردەی هەولێر، کە چوار هەزار و پێنجسەد قوتابی لەو باڵەخانە نوێیانەی ئەمڕۆ کرانەوە، سوودمەند دەبن.
کە بەم شێوەیەی خوارەوەن:

یەکەم : 3 باڵەخانەی نوێی قوتابخانەی 18 پۆلی لەسەر بودجەی حکوومەتی هەرێمی کوردستان لە قەزای بنەسڵاوە- گەڕەکی ڕۆشنبیری- گەڕەکی زاگرۆس.

دووەم: 3 باڵەخانەی نوێی قوتابخانەی 18 پۆلی لە شاری پێشەنگ (هەولێر) و قوتابخانەیەکی 12 پۆلی لە شاری ئازادی نوێ (هەولێر) و باخچەیەکی منداڵان لە شاری ئەتلەنتیک (هەولێر) لە پرۆژەکانی وەبەرهێنان .

سێیەم : 2 باڵەخانەی نوێی قوتابخانەی 18 پۆلی لە قەزای بەحرکە و هیوا ستی ( هەولێر).

چوارەم: 1 باڵەخانەی نوێی 9 پۆلی لە گوندی دوزتەپە لە ناحیەی شەمامک.