(نزال )

#قصيدة_لسيدي_مسلم_ابن_عقيل

هله بمسلم يا ثجيل عنانهه
كوم طيح خيلهه وفرسانهه
وطوي ضهر المعركه بزودك
عليهه شد من تعرك زنودك
هله بمسلم *هله بمسلم
**************************

يبو طاهر على الزلم تنعد جذب
الله واحد ونته واحد من تشب
كلف ياشيخ الحرب ما تنجهب
كوم لجل حسين بيهه العب لعب

ولو طفح غيضك على متونك
كاع الله حركهه بعيونك
هله بمسلم هله بمسلم
**************************

يا شهم يهديب يا غيره وعزم
الطولك يلوك الدرع ذبه الهدم
كوم يربات الحسين اردم ردم
وكحل عيون الكمر وذبح زلم

صير موت شما كبر صيتك
عتبر زينب جنهه ناخيتك
هله بمسلم*********هله بمسلم
***************************

لكابلك مو واحد يشوفك الف
الكون لو يهتز ابد ما ترتجف
حار دومك يل جبت نصهم زحف
دخيل رب الخالقك شكد كلف

يدوخ كلمن شاهد علومك
من العطش ما غارت رسومك
هله بمسلم********* هله بمسلم
****************************

يا جبير الكوفه يل شكلك علي
يلمعطش خيلهه شما تنثني
تعارك وتصرخ ياطوعه هلهلي
اليوم اخليهه بشرط كل تنحني

هاج شهدي وشوفي افعالي
وحك ذني جفوفي وخيالي
هله بمسلم**********هله بمسلم
****************************

يلي من عباس بيك احلى صفه
مفيي على الوادم ولا عدك عفه
نكرتك ناس شكثر ابلا صفه
ونته طبعك واضح من هل الوفه

هاشمي انته وحلوه تربيتك
كوم ونكثهم بخاجيتك
هله مسلم******هله بمسلم

عبد سيد الشهداء (ع)
انور السهلاني

موشح نزال الليله الاولى
...............................

يبو صالح ع لعهد تلگينه
________________

يبو صالح جينه هالليله ابعزم
للعزه يا سيدي انشد الحِزم
عهد عاهدنه ابدمعنه نِلتزم
هلّ مُحرّم والدمع هلّ بينه

________________

جينه والدمعات جبناها نهر
يلي گلبك منترس هم او قهر
آه شمسوي ابدليلك هالشهر
يامن ابوسِع الوسيعه اونينه
________________

مدري شنهو ابخاطرك هذا المِسه
هوا لو دخان هل تتنفسه
ايعينك الله يا نسل خير النسه
اشحال گلبك عل فرات او بِينه
________________

شفت الهلال ايتعلّه بالسمه
ايذكّرك بالنحر مدري بالضمه
دمعك احمر والجفون امورمه
العمّتك . لو صدر المسحگّينه
________________

ابيا عزه هالليله انت مستچن
تستمع للناعي يالمهدي او تحن
ونّتك اتطر الچبد لمن تون
او حالتك من الجزع مو زينه
________________

اوياك امك فاطمه اتون للذبيح
يبو فاضل يا اخو زينب تصيح
امباده واحد يبچي واحد يستريح
او وين يرتاح الدمعته ابعينه
________________

شفت الهلال او تذكّرت البلا
كربله يا كربله يا كربله
اجروح بيها ايخضرن من حرمله
ها يراعي الثار يا مهدينه
________________

عظم الله اجرك ابهذا الالم
عظم الله اجرك ابراعي العلم
عظم الله اجرك ابحرگ الخيم
او خدر عمتك يوم ال امسلبينه
________________

يا شهر عاشور ذوّب مهجتك
اوساعه ما تنشف يمهدي دمعتك
يمن فدوه اتروح لسمك شيعتك
اقبل ادموع الذي هلينه
________________

هاي چلمه او بالحناجر باقيه
يبو صالح بالشفاه الضاميه
قسم . منعوف اللطم والتعزيه
بالدمه وقعنه مو بيدينه
________________
ابوفاطمـه الطــائـی
💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://t.me/joinchat/CApOYURwqL2W_R_06oYO8w

نزال شجاعة لقمر العشيرة

ابوفاضل هـذا سبع الكنطرة
عالمنايه الجيش لزمهم سره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الحومه صنته وتسمع بطك الضرس
الجيش من الخوف خـالسهم خلس
طگته تـوجع حـــيل وتكطع النفس
واليلوحه السيف شاف الاخره

كلمات واداء
غازي الساعدي

نزال شجاعة لقمر العشيرة

ابوفاضل هـذا سبع الكنطرة
عالمنايه الجيش لزمهم سره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الحومه صنته وتسمع بطك الضرس
الجيش من الخوف خـالسهم خلس
طگته تـوجع حـــيل وتكطع النفس
واليلوحه السيف شاف الاخره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

والله اخلاها الـزلم تبچي الـزلم 
يفضها ساعه المعركة وساعه يلم
شحده واحد يوصل لحد الخيم
يعتبر دمه يصب من منحره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الفرس رحـــى وحيله بشد الرسن
جيمه جيمه گــــام يطحنهم طحن 
والله خـــلاههم چثث بالطف تون
تشوف هيج تلول صارت عالثره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

ابـــــــد ما همه الجمع وشما وصل
يركض الجيش عله ايده بتك رجل
بسيفه اوزعــهــا المناية ابن الفحل
الزلم من الخوف ترجع ليورى

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

شـــــبه حــماي الحمه لمن يـهـد
توسط الجيش وبده بيهم حصد
قــــسـم يفنيها الكتايب مـا يرد
صاحت الوادم أضنه حيدره
٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

بكيفه صـــــار ايدير هاي الملحه
واخله بيها الروس توصل للسمه
الحومه خــــلاها نهر يجري دمه
ما يهاب الجمع يوم الزمجره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

هد عله الماي وكشفها المشرعة
راسـه حـار ونـزل يقره القارعة
بعزمــه تـرجمها رمـــوز الواقعة
ابن حامي الجار ياهو اليگدره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

سيفه ملك الموت بس تسمعله طگ
الغوث صاح الجيش لو بيهم وهگ
الشرد ســـالم والتلاكه وياه شهگ
الخير البيهم لبس شيلت مره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الخادم غازي الساعدي

نزال بحق علي الاكبر
****
المــــواقف تــــــنعرف بــــــرجالها
والــــــزلم تنــــقاس مــن افعالها
----------------------------------------------
جــــرد البــــــتار والــــوة عــــــــنانها
علي الاكبر يطرد بــــــــشجعانها
الموش كَدها لا يطب ميدانها
هاي ساحتــــنا ومنــــو اليدنالها
------------------------------------------------
احــــــنه منــــــزلنه عظــــيم وشانه
مانسولف تحچي بــس افعالنه
مايظل واكَف عــــدو جــــــدامنه
احنه بالحــــومة نصــير ابطالها
------------------------------------------------
يكَلب الحومة بحملتة وسيفه
علي الاكبر مـــــــن يطبها بكيفه
اليوم ملك المــوت نازل ظيفه
وال هاشــــــم تـــــكرم الطــــــبالها
------------------------------------------------
اينعت للمــــوت روس ازلامها
وللحصاد اينوش بيها ولامها
حزماها حــــزام مــــن اعلامها
ال مــــية المــــوت ظل يبرالها
------------------------------------------------
الكَاع من رمح الفرس مخسوفة
الجــــيش بالميــدان مات بخــوفة
صولتة اعلى الكَوم ما مشــيوفة
بيدة يعــــصرها ويطــــشر وشالها
------------------------------------------------
عــــود فارسهم بكر يتــــــقاوة
وي ابن حيدر يطب يتلاوة
صار نصين بظربتة مــساوة
ظــــــــربــــتة فــــــقار ما ثــــــنالها
------------------------------------------------
كَام تــــتلاهب غــــــضب نيــــرانة
بالحــــــــرب كــــرار ما يتــــــــــــوانة
حــــوطاهم بالوســــط عــــدوانة
وين تطي الوجه شل احوالها
------------------------------------------------
بالوسط خــــــيل وزلم حــــطاها
اشــبه النقــــــطة ابــــحر خــــلاها
راح طشــــــــرها ورجع لــــــــماها
الجيش ميمنتة تطكَ بشمالها
------------------------------------------------
أسالكم الدعاء رائد الاسدي

جديد محرم الحرام ١٤٤١
نزال ملمع بحق العباس عليه السلام

ان هو العباس يغدو بالسُقا
لا يهاب الموت يوم المُلتقا
ء..........................................
برتبة العباس نازل ....... للحرب
من يطب الحومة يكلبها ... كلب
عيونه تتجادح غضب منها يصب
ان هو الوعد فقد حان اللقا
ء..........................
شد عله الخيل وسحك روس الزلم
ومن أزيز السيف خيرهم ..... سلم
بيده جود ويهد رف بيده .... العلم
هذا عباساً على الجمع أرتقا
ء............................... ..................
عاد صولت حيدرة عالمشرعة
بالحسام الزلم كلها ... مكطعه
يرفعة بالزلزله ينزل ... قارعة
كل فعلاً شاهداً فيه بقا
ء.................................................
زاد خوف الجيش من رف اللوه
الكاع ماجت ضايك عليها الهوه
من تعدهم همه والمامش سوه
ويلكم أتباع ابن الطلقا
ء................................................
سيفه ملك الموت يقبضهم سره
والكتايب كلها رجعت .... ليوره
بصوت صاحوا هذا سبع الكنطره
سيفه ُ من ذاقه ُ حتماً شقا
ء.....................................
من تعده بالف فارس من تعد
ترس جوده وابد ما همه العدد
للمخيم صار كل همه ..... يرد
الكف والعين إلى السبط وقا

ء@@@@@@@@@
✍.....الخادم غازي الساعدي

.

نزله/ دكت ابواق الحرايب 


دكت ابواق الحرايب      حي حي اعله القتال 

حشم العباس الأكبر            يالله يالله للنزال

*****************

صرخة العباس جنها         نفخه بالصور وصدى 

حيرت كل العساكر                   شتت كل العده 

ابو فاضل من تحزم               نار يجدح ساعده  

مشهد الغيره ابو فاضل         منهو ينكر مشهده 


جسدوا أروع بطوله         علي وعمه بالنضال 

حشم العباس الأكبر               يالله يالله للنزال 

*******************

من تكابل علي وعمه       والله صارت مجزره 

شافوا الاكبر يقاتل           كالوا الطب حيدره 

لازم ايمين المعاره          وعمه ماخذ ميسره 

اثنين جنهم اسد خيبر         جنها ردت خيبره 


هم شجاعه وهم بطوله      علي شايل هم جمال 

حشم العباس الأكبر               يالله يالله للنزال 

******************* 

دكو اعلان اعله خيمه        علي الأكبر والعلم 

الرايد الموت ايتدنه           خله يكرب عالخيم 

علي الأكبر شال سيفه     وابو فاضل حط سهم 

اترادمت خيل ويه خيل     ولبست الخوف الزلم  


كمر هاشم وابن اخيه        حيروا أعظم سؤال 

حشم العباس الأكبر              يالله يالله للنزال 

******************* 

ابو فاضل صاح زينب      انتي بس حسبي العدد 

كطم الروس ابيمينه               بعد عباس اوعد 

يذبح ورتله آيه                      قل هو الله احد 

يقره فاتحته اعله روحه     الطاح بيده وما شرد 


حته ملج الموت حيا       ابو فاضل عالمنال 

حشم العباس الأكبر           يالله يالله للنزال 

******************* 

خادم اهل البيت عليهم السلام 

زيد الشمري

🔸🔸🔸🔸🔸🔸🔸
💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://t.me/joinchat/CApOYURwqL2W_R_06oYO8w

كمر هاشم تحزم كمر هاشم
صاحت الكوفه دخيلك كمر هاشم


سبع وتعرفه الكتايب والأسد من هل اسد
هذا شاله هذا حاله والبرق من هل رعد
أنبياء الله ورسوله محمد من هذا اضمد
للمجد راية محمد دوم ما تنزل ابد
وين عبد المطلب يفرح بذيته
.......
صاح وكلوب العصات بهل تراب مرمرت
صاح بوجو الكتايب من فزعها تكدرت
صاح وعيون الفواطم والخيام سامنت
صاح وامواج الفرات تسابكت وتلاطمت
كسر خشمه العلكمي ابو فاضل بيده
........
وصل بيهم للنخيله من كثر صوت العزم
هذا سيف الله الصغير الباشط لما يثلم
هاي تربيتك يا حيدر ونعم فوك نعم
كربلاء بيوم القيامه حرب ما تعرف زلم
حرب حتى الانتصار كربلاء ليل ونهار
.......
انتصار لدم العقيله والعقيله بهل دماء
كربلاء بلا حسين تخيل انته كربلاء
والحسين بلا زينب يعني ثوره بلا فداء
انتصار دم كتب عل نهر تاريخه
..........
كتب بيثاق شهاده وكتب بيثاق الوفاء
رسم خالق كل بساله واشلع عين الادعياء
وقع المحضر بسيفه وصارت جفوف فداء
علم الأجيال تحيه لا حياة الانحياء
هكذا الا فنا اشوفه تبقا كربلاء
.......

اشحال زينب بالطفوف اشحالها
اگبال زينب ينذبح كفالــــــــــــها
____
اشحالها ابيوم الطفوف اتحيرت
و المصايب عالعقيله هـــــودرت
يوم عاشر زينب ابحيره بـقــــت
ماجرت عالناس هيـــــچ ماجرت

امچتفين ايمينها اويه اشمـــالها
اشحال زينب بالطفوف اشحالها
____
اربعين اصبــــــاح ما نامت تره
زينب ابلايه كفيل امــــــحيره
نار بگليب العــــقيله امـــوجره
شافت الخوان نومه اعله الثره

تمشي زينب والعدو يـــــبرالهـــا
اشحال زينب بالطفوف اشحالها
___
تمشي ويه الروس ومچتفينه
عالهزل مسبـــيه ومگـــــيدينه
تنخه لاچن محد الها ايــعـينها
او بالخرايب زينب امخلــينـها

بالرمح راس الكفــــيل اگــــبالها
اشحال زينب بالطفوف اشحالها
___
باتت ابديران ما مسكونه ابد
بالخرايب ما يمر بـــــيها احد
ولد ماعده او تلوذن بالولــــد
والتراب اشلون للشيله صـعد

هيه تسكت من يسكت اعـــيالها
اشحال زينب بالطفوف اشحالها
____
من بعد خوانها ابدرب اليـسر
ريت گالت ما يطولن هالعــمر
انه والشمات من كتر الكـــــتر
عذبوني اهواي ياشيعه اشكثر

هزل النوگ او صعدنها جــــمالها
اشحال زينب بالطفوف اشحالها
____

ياعباس يمكد خواطرها
شر أكشر عليها الموت ناحرها


كدرها الخواطر من برز عباس
من الخوف كامت تشهك الانفاس
من كثر العجاج ادوس ناس بناس
هاي الخيل داستهم حوافرها


من يزعل فلا يلتم عليه إحزام
ذب اعمامته وبجفه الصمصام
تنطي الوجوه منين وطبهم شيها الظرغام
كل هاي الجيوش بسيفه طشرها


مرعوبه الزلم ماتدري وين تروح
عزرائيل نازل وأخذ منها الروح
ماضلت زلم خيرهم المذبوح
وحراس الشريعه بجفه شامرها


وكفوا عالشريعه وحاسبين بهاي
لو شاف العدد بالجن يغير رآي
ماهمه العدد حاصرهم عله الماي
بين الموت وذل هو خيرها


قادت هل كتايب خوف غاطيها
قاده وجيش ماواحد سلم بيها
ذل وموت اخو زينب مراويها
وصولت والده بصفين كررها


رد من الشريعه مدرع ومهتم
ومن كثر الذبح مهره انترس بس دم
صاح حسين تكفه وتسلم وتنعم
ياعباس يمطشر عساكره


محد يوصل إخيمك وأنه الموجود
وأنه ابن الوصي الكرار راعي الزود
وصاني ابوي وكال تنطي زنود
وهاي جيوشهم بسيف كاسرها

       نعي استقبال محرم
____
گرب  عاشور  هل  مجبل علينه
وهنيال  العدل   وتشوفه   عينه
اله نحسب ليالي  ونحسب  ايام
ونخاف الموت  من نغفل يجينه
خل نشبع لطم ونواسي الحسين
ونكسر  اصدورنه  ونلطم بدينه
حرگ بگلوبنه وجمره من الخيام
وشما عبر بينه  الزمن يكثر بجينه
__
الشاعر الحسيني ستار الخفاجي

        نعي   عن لسان زينب ع
             تنعي الحسين ع
_
.     ياخيل  اعله   كيفچ لاتدوسين

      تراه من السحگ تعبان الحسين

      ومن جده الرسول ولا تخافين

    أثر دوس  الفرس ظلت نياشين

      يشريان الگلب  ياثمرة   اسنين

      ومنك  هيبتي  ياخويه يحسين

    ا خلافك يلولي  تخلص  بلونين

    و باچر عل هزل ياخويه ماشين

     باچر عل  هزل   تمشي اليتامه

     وعليك ولانمت   ليلي  واانامه

     تره بدونك نظل موش  بسلامه

    وبقى الراس برمح منك  علامه


     راسك  عل رمح   ينظر نشوفه

     تدگ بيه الشمس  بلحر يعوفه

   ويفر بيه النذل   تلعب  چفوفه
  كلبها اختك يبس نار  وتطوفه
_
الشاعر الحسيني ستار الخفاجي

نعي محاوره بين زينب ع والامام الحسين ع
__
صد عينك   عليه أتباصر  وياك
گلي بلمشى و ياهو البقى وياك
وخوي  الكفلني   ويحمل ألواك
أشو راح  بجربته  ومارد   عليه
               *
خويه ولاواحدعدل كلهم رميه
وهاي الگوم كلها   أتحلفت بيه
يبس كلبي أنفطرماشارب أميه
وظن موتي أقترب ياخيتي اليه
               **
هل موتي گرب  وتغمض العين
وباجر   لسبي  ياخويه تمشين
برفگة   شرذمه وكلهم  ملاعين
وينادون  بحقد    هاي  السبيه
               *
___
يأبا الفضل ع 👇🤲
قتاله بكل بصيره  وبيده  رايه
بطل عباس  ماغير بيده   رايه
تهج طفال لو رفت بيده رايه
ويجيب الماي  لسكينه   ورقيه
━──➸➽❥💔❥━─

الشاعر الحسيني ستار الخفاجي

مسلم ابن عقيل
( سفير الامام الحسين ع)

انته ياهو الواگف بابي أجيب
هايطوعه بديرتج انه الغريب
___
يلي شفتك واگف بطول المدار
انه حرمه واله حرمته الديار
روح لهلك وستقل وگت النهار
روح لهلك گبل لاشمسك تغيب
___
شافته مدنگ يكفكف بلدموع
هلت عيونه مثل دمع الشموع
لالي ديره وطايفه بهاي الجموع
مالي غير الله عوين ولامجيب
____
كسر خاطرها بشجن ردت سلام
بخجل طوعه تناشدت وين العمام
جني شفتك تشبه الوجه الامام
تشبه الكرار حيدر ياعجيب
____
كله مسلم انه مبعوث الحسين
انه من بيت الوحي وصدق اليقين
وهذه كوفه والغدر طول السنين
گبلي عمي طبرته وشيبه الخضيب
__
بيتيني اليله ونطيج الضمان
الج تشفع فاطمه ورب الجنان
هذي اخر ليله من هذه الزمان
والحگ بعمي علي وجدي الحبيب
_
بات يم طوعه وبزغ وجه الفجر
شافت العسكر اجه المسلم يجر
من عبيد الله وشمرها والزجر
نادته أنهض خل جرح عمك يطيب
__
كله مسلم انه اشدنه الجرح
اشتري السيفي وبيعن للذبح
صفت دنيه واخره المسلم ربح
موقفه من حسين موقف يارهيب
__
━──➸➽❥💔❥━─

الشاعر الحسيني ستار الخفاجي

قصيده  الى ابا الفظل العباس واخوته من امه وابيه اولاد ام البنين ع   وزن موشح
___
  صارت الشده وركض ناداهم
    اخوانه گبله للحرب  وداهم
_
نادا  يركض يلهب  بعينه الجمر
و الله  ساتر لو صدر  منه الامر
ها يخوتي  وفزع أخوانه الگمر
فدوه لحسين   ودرع   خلاهم
.
  صارت الشده وركض ناداهم
   اخوانه گبله للحرب  وداهم
_
وركظو بغيره وعزم كلهم  سوه
غبره صارت وختنگ حته الهوه
وبلظهر  الهم سند   راعي  الواه
و عل شجاعه  المرتظى  رباهم
.
   صارت الشده وركض ناداهم
   اخوانه گبله للحرب  وداهم
___
عبدلله يسره وجعفر بكتراليمين
عثمان اخيهم بلگلب كلش حنين
وتفتخر  حگها لولدها ام البنين
وبخوانه  عباس  الكفر  ذلاهم
.
   صارت الشده وركض ناداهم
   اخوانه گبله للحرب  وداهم
____
ولاتغرك   معركه  وكثر  السهام
خربط الگوم انشبچ بيه النظام
تبرت  خوان ونست حته العمام
من دخل  سيف  الكفل  وياهم
.
   صارت الشده وركض ناداهم
   اخوانه گبله للحرب  وداهم
___
ترسو ازلام  الارض والدم يسيل
والسلم طافح ركض  منهم ذليل
طارت الروس الزلم وين الثگيل
ولشدد   حيدر  علي    جاباهم .


صارت الشده وركض ناداهم
اخوانه گبله للحرب  وداهم
___
الشاعر الحسيني ستار الخفاجي

يوم الكفـيل.ع.

يوم سابع هذا يوم الموزمه
أتسمّه بسم الحيد سگّاي الضمه
الماي جابه أوّ وصّله
هله أبـفارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم سابع صال عباس البطل
عالشريعه أبزود أبو الغيره حمل
وصل شاطي النهر هوّس ورتجل
صاح أنة العباس أبن ذاك الفحل
الهوسه بس أتلوگ ألـه
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العلم جابه الحيد دگّه أعله النهر
ترس جوده وگام يمشي أبكل فخر
صنته والآلاف حصّتها النظر
الشال راسه أيطير راسه من الگمر
الوصل يمّه أيجندّله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أربعة آلاف چن كلهم خِرِس
واحد أيخوّف الثاني أيگلّه أس
صفنه للجيمان ما تسمع نفس
ياهو ليخزره چن ميّت من أمس
صوته بس أهوه العله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طبها أبو الكلفات مغضب مستميت
أجه أوفصّلها أعله گدّه وأجت فيت
طب عليها المشرعه أوصارلها صيت
أدخيل بخته هذا جوده أشگد بخيت
يروي كـل الـعايلـه
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الماي جابه أوّ وصّله الحد الخيم
أگبال زينب أجه أوهوّس بالعلم
يبوالغيره ريت هذا الچف سلم
يبو الكلفه سوري لولاك أنهدم
أتباهى مابين المله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا كفيلي المثله أبداً مايصح
يالبنيت الخوّتك أعظم صرح
أوياك ماتحصل خساره أوبس ربح
يلّي أسمك بلسم أيطيّب الجرح
أبزودك آنه أمدلـله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي


https://telegram.me/aabas78
قصائد لكل ايام محرم اشترك بالقناة

جاسم العريس هاي افعاله
ومثل ابوه بالطف تفور دلاله
****
هذا شاب ويمتلك عزت نفس
ومن جماله ضلت تغار الشمس
اليوم هاشم سوت الجاسم عرس
طلع للحومه ولبس اجمل لبس

بصدره ما خله درع   ورمله علكتله الشمع
اوصيه عندي امن الحسن كلاله
ومثل ابوه بالطف تفور ادلاله
**
هجم هجمه وضلت اطيح الزلم
ومن يمد اجفوفه توصل للنجم
غاص بيها ولازم الحومه لزم
العافه درعه وشرد بس اليفتهم

ضهضب وذب الركب   بسيفه عالحومه شطب
اتراجعت من شافته الخياله
مثل ابوه بالطف تفور ادلاله
**

كلها صاحت للحرب عاد الحسن
وشافو القاسم عيونه اتجادحن
من يصول وبالوغه ايجر الرسن
الميمنه والميسره يتراجفن

وصوت ابو فاضل عله   هله بالقاسم هله
وابن اخوه بالطف تحيه اداله
مثل ابوه بالطف تفور ادلاله
****
هذا ابن ذاك التصدق بالرغيف
والفقيره يجيبه يم صدر المضيف
الحسن جان ايضوج لو ما يلكه ضيف
ال هاشم بالشجاعه كلهم سيف

وللحرب طب ابن ابوه  وحده اخذهم ما خذوه
زعل جاسم والزعل يحلاله
مثل ابوه بالطف تفور ادلاله
**

الخيل جفلت والزلم طمها التراب
وقائد القائد يصيح انطي انسحاب
حاصراها وللمفر ما خله باب
سيطره اعله المعركه وحز الركاب

سيفه ناصب محكمه  وغرك الطف بالدمه
جنه حيدر والفرس ما شاله
مثل ابوه بالطف تفور ادلاله
***
طشراها وضيع اعليها الدرب
وهوه مو ياهو اليجي ويدخل حرب
ماتت الفرسان من كثر الرعب
ضلت اتحير الكتايب من تطب

بيده تخفك رايته   ومثل حمزه خزرته
ماكو فارس يوصل ويدناله
مثل ابوه بالطف تفور ادلاله
**
تمت
تحسين الخفاجي


https://telegram.me/aabas78

التاريخ: 10‏/06‏/2024


يوم طب الاكبر الميدانها
العساكر صار خالي مجانها

__


صار للعدوان ضجه من حمل
علي الاكبر شبل من ذاك الفحل
شي ختنگت شي الرشدت والامل


النار مثوئ العادته ودخانها
العساكر صار خالي مجانها

~~


قسم گالو علي حماي الدخيل
قسم من الخوف ما ضل بيها حيل
زلم تردم بالزلم خيل اعلى خيل


بليس مرعوب وانسها وجانها
العساكر صار خالي مجانها

~~

بكر ابن غانم برز من شافه حيد
گال حصتي الاكبر افجع بي اريد
حسين بس حسين يتلفت وحيد


صوب امه البقت في صيوانها
العساكر صار خالي مجانها

~~~~

لحضه لن راس ابنه غانم جابه الي
اليشبه المختار ذل الجاهلي
لافتى تنگال مثلك يا علي


صرخه ضد فرعونها وشيطانها
العساكر صار خالي مجانها


~~~~

رجع للميدان بس ثكل الحديد
اجهده ومن باوعه حسين الشهيد
لونه كله اتغير الاكبر وحيد


ضامي بس طر سوه في شجعانها
العساكر صار خالي مجانها

~~~~

حيف طاح الدم على اعيون الفرس
راح بل اكبر لعدونه الحرس
تگطع اتگطع مهو نبته نغرس


فرحت اموته كفر عدوانها
العساكر صار خالي مجانها

~~~~

اسرع امن السهم ابو اليمه اجاه
مختنگ بس ياكتر طايح لگاه
عالوجه وتمدد بجنبه ونعاه


وجابه حطه ويه اخوته شبانها
العساكر صار خالي مجانها

~~~~

اجت ليله وعلي جثه هامده
كبل راسه عجبه تقره المائده
شلون تصور نعاوي الفاگده



يبني من تنعه جمر احزانها
العساكر صار خالي مجانها

~

لخادم خدام الحسين عليه السلام

عمار المنصوري

---
https://telegram.me/aabas78
قصائد لكل ايام محرم اشترك بالقناة