حيدر الخيكاني

جديد

#على_لحن_هاي_الخيل_شد_واشتد_يميمرها

رووس اعداك يبني ياعلي احصدها
///////////////////////////////////////////

تشبه جدك الكرار بالحومه
خلي الجيش يعرف ساعته ويومه
بيهم كربله خليها مهدومه
موش ارگاب كون اسيوف مثلومه
والقاده الچبيره اتعنى واگصدها

///////////////////////////////////////////

زلزلها الطفوف وعيد خيبرها
ذكرها بمجدنا وسيف حيدرها
رايد كربله مايصفى كل برها
خلصنا يبويه من العدا وشرها
والثارات يبني الراحت اتردها

///////////////////////////////////////////

روح وخلي سيفك بالضرب حاسم
وبيمناك رد ابراس ابن غانم
امك بالخيام اتصيح ياعالم
يالرديت يوسف رد علي سالم
تدعي بالدموع الله يساعدها

///////////////////////////////////////////

كلك زود من تعود والعدوان رجعها
ياچتال والابطال راويها مصارعها
جدك ياعلي كرار ذيچ الباب قالعها
هاي اعداك دمر كل مجامعها
فوگ الغاضريه ابطال وسدها

///////////////////////////////////////////

ياخيال گوم المهرك اسرجها
هاذي مشكله وانته التعالجها
گبل النار ابنارك ياعلي احرچها
بالهامات يبني الضربه غمچها
هاذي ساعتك لازم تخلدها

///////////////////////////////////////////

ياذخري ويضهري ويابعد بيتي
يالماخذ الواهس عگب عافيتي
قبلك ميت وماعايش امنيتي
ياشوفي وهواي اليدخل ابريتي
آمالي ابرحيلك تمشي وتهدها
///////////////////////////////////////////
الشاعر سيد حسين ال بو صلوات الاشبال الحسيني

وانه مجـتوفه قريت الفاتحه
من رخصـتك ياابوفاضـل رايحـه


———

من رخصتك هاي اول مـره اعـوفـك
من رخصتك هاي اخره مـره اشوفـك
العشره ماگطعوها من گطعو چفوفك
أنـت جرحي وأنه أحـبك - ما أروفـك

الدنيا حلوه وانته يمي  البارحه
من رخصتك ياابوفاضل رايـحه


——-

طـشروك اوصله وصله اعليه عينك
كلشي مات وبعده ماميـت حنيـنك
گمت اكضن گلبي لو سألوني وينك
الدنيا ثگلت ياابوفاضل مـد يميـنك

بالمصايب خويه عيني امصابحه
من رخصتك ياابوفاضل رايـحه

الوداع - الوداع

——

غربه خويه اوين اروحن ضمني يمك
حيره الــمن بالـيــتـامـه لـو ألـمـك
حتـه أشدن حيلي خويه أذكر اسمك
ياجبل شو باقي هسه اشويه جسمك

چان راسك غيم يحلم لايـحـه
من رخصتك ياابوفاضل رايـحه

———

انطـونـه ماي ومانريده ابلايه وجهك
ابــلايه راس ولا چفـوف وما أتـيهـك
أنـت واحد مـاكـو بالـدنـيا اليشبهك
الخيل تركض وانت ميت جيت انبـهك

بعيني خوف ودمعه كلش واضحه
من رخصتك ياابوفاضل رايـحـه


الشاعر حيدر العماري


https://telegram.me/aabas78
قصائد لكل ايام محرم اشترك بالقناة

اادفن

ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها وحيل تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول ساگي اوليدي ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
الوحده دافن ابني لو وي الحسين
والگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صاير زغير
ما امـّيز بيـن الاول والاخـير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
ايرد اهلنه هناك سكنت بيدها

ثائر الربيعي

https://telegram.me/aabas78
قصائد لكل ايام محرم اشترك بالقناة

شــوف ياليث النزل للحومة
ابجفه أجـــال الكفرمحتومة
.......
غضب صال وزلزل بوادي الطفوف
عيـــونه عالحسين وبسيفه يشــوف
كبـــال ســيفه دنكــت كــل الــسيوف
يقسم أبعبـــاس مكطـــوع الجفـــوف
الـــيوم يسكي كـــربلة مـن دمـــومة
......
كـــلهـم انـــه القــاسم ونجل الحسن
وانه ابن حـــيدر عــلي الرد الزمــن
مــا تهمني خيـــولــكم خــلهن يـجـن
انـــه مــن عمي تـــرى مـــأخــذ إذن
تنعــرف ضــربــاتي لـــن مختــــومة
.....
مــــا يهــمه الجيــش كــله والشسع
اعـــزل يقــــاتـل ومـــا لابـــس درع
ومــثــل الأكـــبربالحرب مــا ينجرع
أي وحـق حــيدر علي وكسـر الضلع
لــــوحه بيـــده كربــلة ومــرســـومة
......
صاح بيهم قـــاســم وعنده الجـــواب
هــاي ساعة من الــزمن قبل المصاب
بيــدي اراويـكـم انـه فــنــون العــذاب
أيسح دمكم عـالـثرة يرفـــضه التـراب
وانـــه قـــاســم سيـفي هــاذه يـــومة
......
صفــرت الــدنية ونــزل بيهه الظلام
أبعمر جاسم هــاي لحظــات الخــتام
ونـــت ونـــاحت على جسمه الحمام
صاح يـــا عــمـي ألك مــني الــسلام
والوصية من الحسن مضمومة
.....
الشاعر
أياد الفرح التميمي

الشاعر سيدناصرالموسوي:
في شجاعة مسلم ابن عقيل عليه السلام
—----------------
طوعه صاحت ياهله ومية هله
يبن اخو الكرار راعي المرجله
—---------------
يبن اخو الكرار راعي المفخره
گوم هاي الگوم اجتك غايره
اليوم اريد اتصول صولة حيدره
وصارمك بيهه ابعزيمه اتنزله
—---------------
گلهه عد عيناچ يا بنت الاصول
آنه عمي حيدره فحل الفحول
اليوم اذكرهم ابحيدر من اصول
اليوم انزل برض كوفه زلزله
—------------—
اليوم يومي وآنه فنان الضرب
آنه تلميذ الصميده بلحرب
طلع للجيمان واگلبهه گلب
وبيهه قانون الحرايب بدله
—------------—
بدل القانون و اهوه منفرد
والفرد لازم يحارب وي فرد
لچن مسلم الف ياخذهم طرد
شبه ليث الغاص بخشوف الفله
—------------—
غاص ابو طاهر ابعرصات الوغه
وضيگ اعله الگوم ساحات الفضه
الهرب منه ابراس رمحه علگه
والوگف عل گاع سيفه ايجندله
—------------—
ايجندل الابطال واغليهه يدوس
چنه غزرائيل يحصد بلنفوس
مسلم العريس والحومه العروس
انزف عليهه وهلهلت لمهلهله
—---------—
هلهلت لمهلهله والطرب طاب
وهوه يحصد روس بيهه ومايهاب
لچن گلبه ايفكر ابسيد الشباب
ولجل حال احسين دمعه يهمله
—---------------
لجل ابو اليمه دمع عينه همل
اشلون يگصد هلديار اويه الاهل
شنهو يجري اعليه لوبيهه نزل
من تحيطه الخاينه ابطف كربله
—---------------
ايريد يرسل خبر لحسين الشهيد
ايگله خانت بيك كوفه ياعميد
لچن مسلم ما اله امعين او وحيد
كلهه ضده صايره ومحد اله
—------------—
كلهه ضده وحاطته من كل كتر
كوفه معروفه ابمكرهه والغدر
ريت ابوفاضل ابهل ساعه ايحظر
ايعين ابن عمه ويكف عنه البله
—------------—
لچن وسفه مسلم ابعيده اخوته
لايجيبو و لا يسمعو النخوته
ياهظيمه طاح مرمي ابغربته
ولا اكو واحد حظرله من هله
—------------------------------------------------
سيد ناصرالموسوي

(( الوفّــاي))


سـيــف أبــو فــاضـــل لــمــــع بــيــمــيــنــــه
وصــاح أنــه الــوفـّـــاي يـابـــو أســكـيـنــــه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صـاح أنـه الـوفـّــاي يـا خـويـه الـولـي ولـمـثـل هـلـيــوم ذاخـــرنــــي عــلـــي
هـالـعـسـاكـر كـون أهـدهـه وتـنـجـلــي الـيــوم أكَـلـب هـالـعــدو صــوبــيــنـــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يــــوم أبـو فـاضــل لـبـس درع الــحـــرب وأمـتلـه من الـغـيـض عـالـعسكـر غـضـب
شـافـتــه الـعـــدوان صــابــاهــا الـرعـــب مـثـل حـيــدر مـن دخـــــل صــفـّـيــنـــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زلـزل الـحـومـه أبـن حــامــي الــدخـيــل ورجـفـت الفـرسان من صـوت الـصـلـيـل
خـلّـه دم أركَــــاب عــدوانــه يــســيــــــل غـيـره تـجـري مـن الــزغــر بـجـبـيـنـــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طــب عـلـى الـعــدوان راواهــا الأجـــل جـدحـت أعـيـونـه جـمــر يــوم الـزعــل
أربــات أبـو الحـسـنيـن عـباس الـفـحـل مـن دمـه الـشـريــان وافــه أحــسـيـنــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وفّـه لـحـسـيـن الـسـبـط دم ركَـبـتـــه وهـالـعـسـاكـر مـن أجـت مـا هـزّتــــه
عـلـى شـاطـي الـمـاي طـاحـت رايـتـه مـن بـعــد مــا كَــطـّـعــــو جــفـيـنــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طـاح الـمـشـيّــم وكَـــــع عـالـمـشّـرعــــه ومـن وكَـع راح أبـو الـيـمّـه لـمـصـرعــه
شـافـه يـنـزف والـجـفــوف أمـكَـطـّـعـــــه طـايــح وســهــــم الـمــنــيّـــــه بـعــيــنـه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صـاح يـم راسـه وجـمـر كَـلـبـه أسـتـعـــر بـطـيحـتـك يابـو الـفـظـل ظـهـري أنـكسـر
صـدّعــت كَـلـبـي يـبـن فـــارس مـضـــــر ســهــم الـبـعـيـنـــك يـخـــي عـامـيــنـــــه


السيد علاء الحيدري

ابو فـاضل من دخـل ميدانها
سيفة رحه ويطحن بأكوانها
........
ابو فـاضل لـو نزل للحـومة
لوحة بـيدة كـربله مرسومة
من عـلي ماخـذه كل علومة
ضربته وحدة لان محسومة
بالـفخـر مذخـورهـاذه يومة
وكـربلة هـوه رمز عنوانها
.......
بالطفوف الموت صار بكيفه
من عـلي ماخـذ اذن تكـليفه
شمرت الفقار شمرت سيفه
بالركـاب يصير حـد تنظيـفه
من بني سفيـان ياخـذ حيفه
زلزل جيوش ويهد اركانها
.......
تـشرد ابطـال الـزلم كـدامه
سيفة ما يبتر يدور الهـامه
القصاص مطـبقة بأسـلامه
الحرب مقبوله بس احكامه
يحـكم يقـرر ينـفـذ اعـدامه
مايكابل شرط بس فرسانها
.......
سيفة رحه ضربته جن زلزله
شهب لو صعـقة عليهم نازله
سيفه يقبض روح ليحل اجله
بيـدة مـلك الموت سلمهه اله
بسيفه اية عالحـسيـن منـزله
اية بالحـق والعـدل برهـانها
.........
سيفه بالميدان عصة موسىه
كل سحرهم يبطل من يدوسه
يلغـف سيـوف ويكطع روسه
سجدت اركاب الزلم لدروسه
صار بالحـومة يأدي طقوسه
وشعـل بيهم بالذعـر بركانها
......
سيفة قـطعه الجهـنم بالارض
العذاب الهـم بده اصبح فرض
حل قدرهم منو بيهم يعـترض
اليشوف السيف منه ينـقرض
دخل بيهم طول ياكل بالعرض
ويـدخل وبيـدة يـسـد بيـبانها
.......
الشاعر
اياد الفرح التميمي

فصيح ((  #من_هذا_الفتى ))  للقاسم ع

…………………………………………………………

صاحَت الفرسانُ مَن هذا الفتى
هل مِنَ الفردوسِ للارضِ أَتى
قالَ للجيشِ اعلموا •• أنا الشبلُ القاسمُ

……………………………………………………………


صارَ كُلُ الجيشِ مَسحورَ النظر
في النهارِ كيفَ قد بانَ القمر
هل مِنَ العرشِ ملاكٌ قَد حضر
هذا حتماً ليسَ من صِنفِ البشر

مِنَ الشَمسِ الضوءُ أم من وَجهِهِ
خٌلُقَ الوردُ لنا مِن حُسنِهِ
يوسفٌ ذا قادمُ •• أنا الشبلٌ القاسمُ

……………………………………………………………


نازلٌ في الطفِ ليثٌ يزأرُ
حَتى قالَ القومُ هذا حيدرُ
وغدا الخوفُ قلوبناً يعصرٌ
سيفُ كالحَبِ رؤوساً ينثرُ

لم يَهُم بالجيشِ لا في جمعِهِ
لا يُبالي يَخصِفُ في نعلِهِ
بثباتٍ حازِمُ •• انا الشبلُ القاسمُ

……………………………………………………………


انا ابنُ المُجتبى السبطِ الحسن
هُوَ للدِينِ حفيظُ مُإِتَمن
هُوَ للجودِ رئيسُ و وَطن
نكِراتٌ أَنتمُ اولادُ لِمن

انا حرٌ فَقط للباري عَبد
يا عبيدٌ للسفيهِ إبنِ هند
اسمعي يافاطمُ •• انا الشبلُ القاسمُ

……………………………………………………………


يا حسينٌ عَمي يا باقِي الأهل
دونكَ الموتُ اراهُ كالعَسل
عَني يا أُماهُ لو شابٌ سأل
قولي إِبني في حِما الدينِ إِنقتل

الدينُ يا أُماهُ قد صَار ضَمي
فأنا مضّيافٌ أرويهُ دمي
بحسينٍ هائمُ •• أنا الشبلُ القاسمُ

……………………………………………………………


أُمي لا تبكينَ للعُرسِ أبد
فالحسينُ أغلى مِن كلِ وَلد
ذا غريبٌ ليسَ يُفديِهُ أحد
أُمي ثوبُ العرسِ عَن جِسمي أبتعد

و على الحنّاءِ أُم لا تحزني
في يَدي الرملُ و لا مِن كفنِ
ومكانٌ مظلمُ •• انا الشبلُ القاسمُ

……………………………………………………………


كَدُخولِ الذئبِ وَسطَ الغنمِ
هكذا صالَ الغُلامُ الهاشمي
قادةٌ ما بينَ خَيلٍ تَحتمي
تحتَ رجلَيّهِ رؤوسٌ تَرتمي

عطِشَ السيفُ رِقاباً يشربُ
وعلى الفرسانِ ضاقَ المَهربُ
في يديِهِ الصارمُ •• أنا الشبلُ القاسمُ

……………………………………………………………


أيُّها الشابُ فخُذْ منهُ الدرس
حامي عنِ الدينِ كاللَيثِ الشرس
كُن شُجاعاً كُن عزيزاً بالنفس
قاسمٌ و أشترى موتاً بالعرس

لا تُجامِلْ احداً في المُعتقد
ليسَ نعّامةٌ كُن أنتَ الاسد
للحسينِ خادمُ •• أنا الشبلُ القاسمُ

…………………………………………………
✍️ ( سيد خضر الزاملي  )


https://telegram.me/aabas78
قصائد لكل ايام محرم اشترك بالقناة

رثائيه فصيح
حماسيه
.....................
مصرعُ الأمام
الحُسين عليه السلام
.....................
يا قتيلَ العبرات
لكَ في القلبِ حياة
يعتلي صوت الأنين
ياحبيبي ياحُسين
نور عيني ياحُسين
.....................
داميُ الأوداجُ والخدِ تريب
مهشمُ الأضلاعُ والجسمِ سليب
وعلى سنَ القنا رأساً خضيب
يعتلي العلياءُ فجراً ومغيب
رغمَ كلِ العاديات
لكَ في القلبِ حياة
يعتنق عمرَ السنين
ياحبيبي ياحُسين
نور عيني ياحُسين
.....................
روضةُ الأخلاقُ عنوانَ الأباء
دَمُكَ الزاكيا قدس كربلاء
فعتاةْ القومِ في هذا المساء
وئدوا الخلقَ وباتو لُعناء
كيدهم باتَ فتات
لكَ في القلبِ حياة
عن ثباتٍ ويقين
ياحبيبي ياحُسين
نور عيني ياحُسين
.....................
تطلبُ الأنامُ رضوانَ الرسول
وعليُ الدرُ والبضعه البتول
وهنيئاً ثم هنيئاً من يقول
عشقكَ الوهاجُ نوراً للعقول
أنتَ دونَ المغريات
لكَ في القلبِ حياة
دونما أيُ قرين
ياحبيبي ياحُسين
نور عيني ياحُسين
.....................
جادتْ الأرواحُ عمراً وشعور
أدعت الطغيانُ مقصوم الظهور
ثورةٌ عصماءُ من دونِ ظمور
دُرك لله معصوماً غيور
أضحى للعزِ نواة
لكَ في القلبِ حياة
ياحبيبي ياحُسين
نور عيني ياحُسين
.....................
كوكبُ الأنصافُ مرئاةَ الظمير
كنتَ للدينِ نذيراً وبشير
وئدَ اللهُ يزيداً في سعير
تصدحُ الأصواتُ والقلبَ مرير
مئتمٌ لمَ الشتات
لكَ في القلبِ حياة
هيَ كلنهرُ المعين
ياحبيبي ياحُسين
نور عيني ياحُسين
.....................
خادم أهل البيت
الشاعر : أسماعيل الجوراني
السبت : 30/9/2017

https://t.me/joinchat/AAAAAD7f0FNmkN2JjlNIBw

شجاعت مسلم ج.pdf

موشح
...

گوم يامهــدي العـــجل مولانه
يــــاوكتهه الــ تــــلتقي ويـانه

🕸️🕸️🕸️

گوم ياركن السـمه وشيل اللوه
شــد حربـهه الهاشمي المستوه
واتبع الثـــارات مــالـــت نينوه

تدري ابــوالسجاد هــــم يتنانه
یاوکتهه ال تلتقی ویانه

🕸️🕸️🕸️

گوم يـــا بدر الـهواشم يانجيب
تدري مـن زينب عله اه ونحيب
قاتـل العـــدوان ياروح الحبيب

وجمّع الشيـــعه التـكر باعدانه
یاوکتهه ال تلتقی ویانه

🕸️🕸️🕸️

يمته تــــظهر يا محبنه الغالي
والله يــــانسمة هـوانه العالي
وانــــته ماكو مثلك اليحلالي

یاذخر طــــه النبــي وملجانه
یاوکتهه ال تلتقی ویانه

🕸️🕸️🕸️

اظهـــر و ثبـــت دولتـــك بيهه
ناسك انتـــه اعلي المجد دليهه
علی درب الله ورسوله اهديهه

واحنه بصفوفك حــشد تلگانه
یاوکتهه ال تلتقی ویانه

🕸🕸🕸

هايبن فاطمنه طالت غيبتك
احنه مشتاگين والله الهيبتك
وكربله امصيبتهه والله امصيبتك

تاخذ الثار من ابن مرجانه
یاوکتهه ال تلتقی ویانه

🕸🕸🕸

تاخذ الثارات واتبرد الجمر
وثورتك بلدنيا كلهه تستمر
اتبدل الرايات من چانن حمر

وترفع اعلي الكون والله الوانه
یاوکتهه ال تلتقی ویانه

🕸🕸🕸

محمد حسين السحاگي

قصيده لمولاتنا زينب عليها السلام
تراثيه
ع لحن
المرحوم ياسين الرميثي

   بزينب والفرق معروف   يامريم   يبت عمران
  طحتي بلرطب والخير   زينب طاحت بعدوان
_
يامريم تشوفي شلون        زينب  والفرق  بينچ
اجاچ من الرزق مولود       قري  بهل ولد  عينچ
هزي  بلجذع   ناداچ         الله   بقدرته   يعينچ
               وزينب من تشوفيها
               يفطر الصخر طاريها
              اجا  البلطف   يناديها
عطاشه ولاتظوگ الماي     لابد تعطش النسوان
_
يامريم  اجاچ اوليد       عطره من الجنان  يفوح
عيسى من الاه نطاه      من روحه ونفخها  الروح
زينب سلماها حسين      عبدلله   بسهم    مذبوح
                حسين الفاگد أعظيده
                 اجاها  وشايل  وليده
                  متحني بدمه أوريده
أصعب من تشوف حسين    عاري موسد التربان
_
راح ومارجع عباس         زينب  بلظعن  حارت
يامريم لفته جيوش      عليها بكل  كتر  دارت
محروگه الخيم بلنار      خيل   ولسحگ  غارت
       
                يا  مريم   نفذ   صبرچ
               صرتي بحيره من امرچ
                ولامره   نسلب  خدرچ
مارحتي بحبل بلسوگ    انتي ولا ثلث بلدان
_
كل هذه  الدلا ل وياچ        گلبچ  خايف  شويه
تلومين عله عمرچ كون    قبل كل  هذه  منسيه
وتمنيتي  العمر ماچان      صبرچ    خابط  النيه
     
                زينب والصبر عدها
                ولا واحد يساعدها
               راحت كلها من عدها
جميل الشافته ودكول      ربي أتقبل القربان
_
مصيبه ولاتجي بلبال       يا   عملت    مصيبتها
مهظومه أفگدت زينب     تبچي لشوفت اخوتها
وحيده بهودج العدوان     ما ظل من  يساعدها
           من هول الوظع ملت
            مابين   العدا ظلت
           فوگ المشرعه خلت
اخوها اعله النهر مذبوح   يامريم كمر عدنان
_
الشاعر الحسيني ستار الخفاجي

جديد

ياشهر لاتهل -- مانسينه الهزل
لايهلال نحلفك -- لا يهلال <><><><><>

اه ياشهر المصايب بيك أشوفن چم جرح
يلي بيك أطفال رضع تنسحگ لو تنذبح
موفقط ليلك سواد وداعتك حتى ألصبح
تدري يهلال ألمصايب صرت أشوفنك رمح

يارمح بالسمه -- لونه يگطر دمه
لا يهلال نحلفك -- لايهلال
×=×=×=×=×=×

من أسولفلك عليك هواي أطول بالكلام
من تهل بيك نتذكر زينب وحرگ الخيام
توگف أعله التل تحشم وينك أفزع ياأمام
من يگوم حسين يوگع تدخل زياده السهام

راح أگلك بعد -- يامصاب الأشد
لايهلال نحلفك -- لايهلال
××~××~××~××

عالهزل زينب سبيه وألشمر يحدي ألضعن
هيه وسكينه ورقيه من ألطفوف من أطلعن
شحچي يهلال وشگلك شافن أشكال ألمحن
بس حرم وبلايه والي وبدواوين وگفن

ماكو غيره وشرف ،، عنده ذاك الطرف
لايهلال نحلفك -- لايهلال
<><><><><><>

ياشهر عنك شگول ومدري شذكر يامصاب
چم گمر بيك ليطيح ويطفه نوره عله التراب
ياشهر نوح ومصايب ياشهر فگد الشباب
بياذنب يهلال أنشدك ينذبح طفل ألرباب

ضامي وينكتل -- شنهي ذنب الطفل
لايهلال نحلفك -- لايهلال

××÷××÷××÷××

بياوجه گلي من أشوفك ياشهر وبيا وضع
سوده أيامك علينه ومايضويها الشمع
ياشهر سيل ألمصايب ياشهر سيل ألدمع
زينب بلايه محامي وطالعه أبين الفزع

والله موقف صعب -- كلها وادم غرب لايهلال نحلفك -- لايهلال

==×==××==×==

ياشهر لمن تشوف هلالك عيون ألبتول راح تتذكر أبنها ألطحنت عظامه ألخيول
تصيح يالمهدي ييمه لياوكت صبرك يطول
گوم أخذ ثارك يمهدي من ألذبح سبط ألرسول

أنهض برايتك -- وأفزع لعمتك
لايهلال نحلفك -- لايهلال
×=×=×=×=×=×
علي عگاب ألعمري

عـودت زيـنب لعـد وليانهـا
تشكي هظمتها وتبين أحزانها
~~----~~------~~

ام الأيتام ارجعت بايتامها
للطفوف وروسكم جدامها
رجعت من الشام تشتكي الامها

من أميه ومن هظم ديوانها
----~~~----~~~ ----

رجعت الكم وبحزنها مگبعه
دموعها من تلمها تملي المشرعه
غاليتكم من دهرها ملوعه

فرت الدنيه وكثر بلدانها
~~----~~----~~ ----

بدون هودج من مشت ذاك الدرب
وروسكم جدامها ودمهن يصب
اجت وياكم ورجعت وي غرب

عگب الصگور أحكمت غربانها
-------~~~------~~~

يوم عشرين بصفر يلفي الضعن
تزوركم وتسولف الكم عالمحن
ياعيوني من عسى عيوني نعمن

ولا شفت طف كربله اوديانها

~~~------~~~---------

ياخواني لاتنشدوني اشفت
ريت لا جابتني امي ولاصرت
مدلـلــه ومخدره وياكم چنت

صارت بغربه تحس بأوطانها

~~~-----~~~------
بالحصل بالكوفه ما عدكم علم
كلها شافت طولي نسوان وزلم
عاينت للناس مابيهم شهم

الزلم هم تشبه النسوانها

~~~~-------~~~~~
للشاعر علـي عگـاب العمـري

نزلة عزاء للأنصار

انصار انصار. موقف ثبات بكربله
انصار انصار. بالموت صاحوا ياهله
==========
هز حبيب الرايه بيده وصاح لاوين المفر
كربله ضاگت عليهم لاح بجفوفه الخطر
حسين هذا اليدنه يمه والله اكسرله الظهر
سيفي عطشان اعل دمكم يشرب بدم النحر

انصار انصار. تسمع دويهم بالفله
انصار انصار. بالموت صاحوا ياهله
===========
يازهير يگله انزل وانت اخذها الميسره
الميمنه عليه وزلمها عالذبح تلزم سره
الا اخلي الطف دمايه والجثث متطشره
منين تشرد وين تشرد والاعادي حايره

انصار انصار. جلماته تدوي اعل المله
انصار انصار. بالموت صاحوا ياهله
==========
گله انزل للمعاره خل اشوفك ياوهب
موقفك ثابت اعرفه وانت اصفه من الذهب
سيفك اليحجي برگبهم خل يشوفون العجب
ازرع الطف موت بيدك صير للموته سبب

انصار انصار ليل الحرب من انجله
انصار انصار. بالموت صاحوا ياهله
==========
عيد الانصار الحرايب وكفوا بوگفت زلم
الواحد بمية تعده يطشر بكيفه ويلم
نصرة حسين العقيده بس الحسين المهم
من ابو فاظل عزمهم منه اخذوا هالعزم

انصار انصار صوته حبيب من اعتله
انصار انصار. بالموت صاحوا ياهله
==========
بالطفوف الناس موقف ينشره الموقف تره
والانصار بيوم عاشر كلمن لموقف شره
عابس المزگ قميصه ونزل قدم منحره
الفوز وي حسين والله فوز دنيا واخره

انصا انصار. غالي ابن عقد الوله
انصار انصار. بالموت صاحوا ياهله
==========
ابن ظاهر غيض دخن رفرف بجفه العلم
الجيش ألاف ويگلهم الزلمه يگرب للخيم
اليوم اغرگها المعاره اليوم اخلي الحومه دم
الجيش اسحگه ومايهمني الجيش كله ماسلم

انصار انصار. والطف بالادموم انمله
انصار انصار. بالموت صاحوا ياهله
==========
الشاعر علي النائلي


https://telegram.me/aabas78
قصائد لكل ايام محرم اشترك بالقناة

قصیدة:زود أنصارک
ـــــــــــــــــــــــــــــــــــــــــــ
خل تشوف أنظارک..هذه زود انصارک
بـینه یازود اعتله...خل تـسجل کربله

هذه زود أنصارک
ــــــــــــــــــــــــــــــــــــــــــــــ
احنه سبعینک یبن حامي الدخیل
من تـمیل الــگاع بیــنه ما نمــیل
احــنه بالــعایـل اذا جـدّم نعــیل
کلشي احنه و ماعرفنه المستحیل

مانطخ للحومه....والشیّم معلومه
الیطب أنجندله...خل تسجل کربله

هذه زود أنصارک
ــــــــــــــــــــــــــــــــــــــــــــــ
هیّه هاي الساحه وأنتاني السیوف
نغــسل الــگاع ابدمـانه بالـطفوف
یاحســین ارواحــنه یمـک تطـوف
هذه زود انصارک و عینـک تشوف

مستوانه واحد....وانته بینه القائد
نحکم ابهاي الفله...خل تسجل کربله

هذه زود أنصارک
ــــــــــــــــــــــــــــــــــــــــــــــ
احنه عفـنه الدنیا من أجل الثــبات
حیث شفنه الموت یمک بس حیات
نوفي ویّـاک ابجمــیع التضــحیات
دمنه ما یــغلیٰ اعله دمــک للممات

مایــردنه اللایم...بالمــعاره انهاجم
اسمک احنه انرتّله...خل تسجل کربله

هذه زود أنصارک
ــــــــــــــــــــــــــــــــــــــــــــــ
رایتــک لازمــها چــف لا ما تطــیح
و الیــحب احســین لا میهــزّه ریح
بینه نصـراني ویحب دین المـسیح
لچن هسه ایصیح بس انته الصحیح

وهب جون وعابس...عدهم اشگد واهس
کل فرد زود أمتله...خل تسجل کربله

هذه زود أنصارک
ــــــــــــــــــــــــــــــــــــــــــــــ
عدنه شیبه اویه الصحابه المخلصین
والنــعم من ابن الظــاهر بالــعرین
صــاح فدوه الدنیـا لعـیون الحسین
کثــر شیــباته الــک یملــک حنــین

اجنه جینه انوافي...والعدد مو کافي
هالحرب ما أجمله...خل تسجل کربله

هذه زود أنصارک
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصری...المحمره


https://telegram.me/aabas78
قصائد لكل ايام محرم اشترك بالقناة