موشح للانصار



انتو  انصار العقيده وشانها
انتو  امجاد الوغى وفرسانها

١

يارجال العزه والحق والثبات
يا أسود الغانمه ومعنى الحياة
كل أسم من ينذكر بالصلاوات
لون رادت تشتعل نيرانها
٢

ودارت المعركه بنيران وسهام
والأنصار الحرسو احدود الخيام
قدمو اعمار  ومناحر  والكلام
ترجمو أهل الوفه وعنوانها
٣

اول الاسماء قاتل بأقتدار
عاصب عيوني نزل والراس حار
والنعم منه برز  شيخ الأنصار
ياحبيب الچان عزها وشانها
٤

اتقاتل وعالم فقه يابن خضير
وسيد القراء انته يا برير
بروح وحده تنزل انته وي زهير
والهوه انسد بوسط ميدانها
٥

ومسلم بهمه نزل بن عوسجه
من نزل للزمن گام ايحاججه
محد اتقدم ومن سيفه نجه
من توسطها ارتفع دخانها
٦

دارت المعركه واتفرج تعال
من تقدم بيها نافع بن هلال
والحسين ايشاهد بعينه الرجال
ياهو خان العشره ياهو الصانها

٧

شوذب وجون الرجل يم الرجل
ثابتين بمعركه ودگو رجل
الموت طوقهم مثل طوق الحجل
وشجرة المعركه همه اغصانها

٨

وآخر الانصار نازل مدري وين
مزگ اثيابه وصرخ ياسامعين
انه عابس انه مجنون الحسين
صوتي يوصل للسمه واعنانها


لاتنسون والدي وابني عباس من الرحمه والغفران
خادمكم رياض الرسل الجابري

موشح (للانصار )
……………………………………………………
اليــوم يــوم أنــصــارك الــوفــايه
والحــرب لاجــلك معتنيها عنــايه
…………………………………………………………………
أنصارك أحنه وللحرب هل گاصدين
بغيــــره واخلاص وحمـيـه معتنيـن
أنصارك أحنــه وعالشهاده مـوقعـين
للمــــــوت والله مانعــوفك ياحسين
انصارك وبالــحــرب شــالوا رايـــــــه
…………………………………………………………………
مايهابون المنايا ومـايخافون الزلم
بزودهـم هالطبوا الحــــــومه بعزم
الگابلاهم بالحـــــــرب ماضـن سلم
الجيش مــن شافاهم بسرعه انهزم

أنصارك وبالـحــومه دگـــــــوا ثايــه
…………………………………………………………………
بـــــــزودنه نطب الحــرب وبــزودك
ونمنـــــــع الرايـد يعـــدي احــدودك
مانعـــــــوفك والله نقســم بمعبودك
زنـــــــــــودنه نگطعها گبل زنــــودك

منطينك أحنـــــــه ياحسين حجــايه
…………………………………………………………………
أنـــــــصارك أحنــــه وعالعده هـدينـه
لاجلك احـنـــــــــه أعـمــارنه نــذرينه
هيهــات مـــــــن الـــــــذله هل نادينه
لخـاطــرك كلشي يـغــــــــالي أنطيـنه

والمــــــــوت لاجلك نشــتـريه شـرايه
……………………………………………………
الخادم عماد محمد الدراجي

موشح بحق مسلم



مسلم اتعنه ومشه بحاديها
رايته لمن مشه ايهز بيها

1

راية الحق حمل مسلم رايته
ترف بيده والملائك شافته
اتوكل اعله الباري وانوه برحلته
راد يلقي الحجه من يرويها

2

راح للكوفه وتعنه بكل يقين
ماخذ وياه كتب كتبوها لحسين
من وصل چنه امير المؤمنين
اچفوفه محد يگدر ايلاويها

3

وصل للكوفه ولقه اعليهم الصار
ابن عم حسين شايل ذوالفقار
كلها ويا صارت ولاچن احتار
بعد ما بيها انخدع تاليها

4

گوم ماعدها ضمير ولا شرف
انخدع مسلم بيها تالي للأسف
المال والدينار غايتها وهدف
زلم تگدر لو ردت تشريها

5

هذه مسلم قاتل بهمه وثبات
ورسم لوحه بكل مفاهيم الحياة
مثل عباس الوگع يم الفرات
رايته اترفرف يضل ساريها

6

بسم مسلم نهتف الليله ونگول
كون تتقبل عزانه ام الرسول
فاطمه الزهره ونريد احنه القبول
والحوايج يمها وانخليها


شاعر اهل البيت (ع)
رياض الرسل الجابري

قصائد محرم الحرام( الليله الاولى )
موشح
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب بعاشور تبدي احزانها
لان فكــدت بـيه كل وليانها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينب بعــاشور ماعـــدها ولي
زيـنـب بـعـاشــور بلوه تبـتـلي
تزداد والله هـمومها وماتنجلي
بنــتـك لـوحـده تبـقــى يـاعلي
لان فكــدت بـيــه كل اخــوانها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينــب بعــاشور مــاعدها اهـل
زينــب بــعـاشور مــاعــده امل
زينــب لوحـدها ياوسفــه تضل
تبجــي بـحركه ومـدامعــها تهل
الحــــزن والنوح ضل عنـــوانها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينـــب بــعـاشور وسفه تنسبي
الابيــه الطاهـــره بـــت الابـي
وبضعنها يحـدي وسفه الاجنبي
وبسوطه يضربها يوسفه الناصبي
الشمر ياوسفه يحـــدي اضعانها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
زينــب بعـاشور مــدمعــها يسيل
تبجي عالعباس ياوسفـه الكـفـيل
غيــر ابـــ وفاضل فلا عدها خليل
مااضــــــــن تنـساه هي مستحيل
لان هـــي بجــــاله عالـــي شانها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الخادم عماد محمد الدراجي

موشح للعباس عليه السلام

ابيوم اخو زينب دخل ميدانها
ترادمت يم النـــــهر فرسانها

ابيوم ابوفاضل هجم عالمشرعه
خله روس الحرس كلهه مكطعه
والجثث فـــــوكـ الارض متوزعه
وكسَّر خشوم العـــــده وجيمانها

صاح انا العباس بن خير الورى
والدي مسميني ســــبع الكنطره
بالوغى معروف يوم الزمـــجره
الزلم ماخــــــــــلي تظل بمجانها

اقسم باخــــتي العقيله والحسين
راح اكلــــــبها اليسار اعاليمين
ارد اعيد ابكـــــربله بدر وحنين
وبيدي افر المـــــعركه وسكانها

مايهاب الكلفه يمشي اعالجمر
كل لابــو الاحرار انطيني الامر
خل اراوي الويل لجموع الكفر
وصرعى انثرهم علـى تربانها

هذا ابوفاضـــــل ابد ماله مثيل
يعدل الكون ابيمينه مـن يميل
ضمه للعاشر علي حامي الدخيل
خالقه النيـــــــنوى رب اكوانها

الكمر سيـــــــفه ابيمينه لازمه
جن غضن ليهم نزل من السمه
غرك ارض طـــفوفها من الدمه
اتحولت دم كـــــــربله ووديانها


الشاعر ابو محمد العاشور

شو ثكيله اجدامك// مو بعيده اخيامك
شي احس بيك انكسر// جنه ضايعلك كمر
◇◇◇◇◇◇◇◇◇◇◇◇◇◇◇◇◇
تأخرت شو من رحت _ هواي اشوفك تلتفت
محني ظهرك خويه ومغير مشيتك
شكد قريبات الخيم _ طولك اهلاال انرسم
فاجئتني من شفت شيب بلحيتك
الشمس تجوي.. وانته رايح مدري راجع
حمره عينك .. بجي عالعباس شابع
يبو اليمه .. الهوه بريتك جنه ظايع
شعرك ابيض لونه // كلي اخوي شلونه
راجع النه بلا ظهر // جنه ضايعلك كمر
◇◇◇◇◇◇◇◇◇◇◇◇◇◇◇◇◇
مبين اعليك التعب _ ها يبو حجي الذهب
تأشر آمن بعيد الي مبحوح صوتك
ترجف ايدك راقبت _ كمت جم مره وطحت
ما الومك فاركت كشخت اخوتك
خويه زينب .. الجربه متطشر حلمهه
خفت اسحبه.. وتجي عينه وي سهمهه
بيج زينب .. ريحت العباس اشمهه
بسهمه حار حسينه// خاف اجرن عينه
سهام مطرت عالنهر // جنه ضايعلك كمر
◇◇◇◇◇◇◇◇◇◇◇◇◇◇◇◇◇
خطوه خطوه جاي الي _ وانه اصيحن ياعلي
عمامت العباس شابكهه اعله صدرك
يدفعك بكيفه الهوه _ وما اشوفنكم سوه
الشاطي كله تكول زينب ماعذرك
شكد صحتلك.. خذني للعباس اشوفه
بداعت اختك .. رد لخيك لا تعوفه
شلون طايح .. عله صدره بلا جفوفه
اجفوفه لو مكطوعه // طايح اعله اظلوعه
كصته لايحهه الحجر // جنه ضايعلك كمر
◇◇◇◇◇◇◇◇◇◇◇◇◇◇◇◇◇
راجع مفرفح ضمه _ وعينك ابعين السمه
ويه روحك تمشي وتسولف دخيلك
خويه لا زمني الفشل _ جا دقيقه مااضل
انه لو بيدي ركض يحسين اجيلك
لا تجيني.. شويه واوصلهن خيامي
وروح امي .. انه عالعباس ضامي
خويه كلي .. وصل الزينب سلامي
جووت وجهي انفاسه// لزم جفي وباسه
فوك كل هذا اعتذر // جنه ضايعلك كمر
◇◇◇◇◇◇◇◇◇◇◇◇◇◇◇◇◇
بس المضيع اخو _ يفهم ابوجهي شكو
انطبعن اجفوفي يزينب عالخواصر
انصدمن اعيوني صدك _ خلصن ظلوعه سحك
شيبقه منه النايم بدرب الحوافر
شويه منه .. بالدرب كل ساعه الكه
صدره ماهو .. حاير انه شلون اشبكه
شوفي حالي .. هذا شيبي شيب حركه
بحظني من خليته// ما رضه حسيته
الصار هذا بمختصر// جنه ضايعلك كمر
◇◇◇◇◇◇◇◇◇◇◇◇◇◇◇◇◇
جر نفس خويه استراح _ ادري حيلك كله راح
خيمت العباس ظل يهتز عمدهه
حسين يالميت قهر _ محني لو طولك كصر
من وصلت الخيمه شو طاحت وحدهه
الخيمه فهمت .. حسين طاحت من خجلهه
يعني زينب .. بحسره ظلت عالكفلهه
مات إخونه .. سكنه كلي شراح اكلهه
صوت بيني وبينك// ياابو فاضل وينك
جدمي وي جدمك عثر // جنه ضايعلك كمر
◇◇◇◇◇◇◇◇◇◇◇◇◇◇◇◇◇

قصيدة (( البعد طال))
مولاتي أم البنين ( ع).. (( نزلة))

البعد طــــال والآمـــــال سالم ترد يحسيني
......................................

أتانيـــــك يمــــولاي شو طولت بغيابك
الفضا ضاگ بالاحزان روحي حزينه ببابك
ضوه العين رحت وين أسأل أريد اجوابك

بالعيون هالظنون والكربله توديني
البعد طال والآمال سالم ترد يحسيني
...................................

مراسيل بالدموع تبعثهه الك أنفاسي
أتانيك والجروح تلچم صفت احساسي
يباريك ردت عود يبن الولي عباسي

أحاچيك وأتانيك وأتأمل تحاچيني
البعد طال والآمال سالم ترد يحسيني
.....................................................

مواعيد للجروح تلچمني وأعرف بيهه
بالآهات والظنون محتاجه من يشفيهه
يالحسين والحسين ما غيرك يداويهه

الگلب ذاب والغياب يتعبني ويأذيني
البعد طال والآمال سالم ترد يحسيني
.....................................................

إذا اتعود على الروح هذا النذر يالغالي
هالدروب بالورود أزرعهه الك من تالي
العمر ضاع بلاياك وحشه ومكانك خالي

حزن زاد ولافاد دمعي وثگيل اونيني
البعد طال والآمال سالم ترد يحسيني
......................................................

يرجواي اذا يوم مرني وتضاعف وني
شنو اتگول والفراگ رايد يبعدك عني
خذ الروح يمولاي أهديهه وإقبل مني

نذر هاي يمولاي روحي وجميع اسنيني
البعد طال والآمال سالم ترد يحسيني
......................................................

يمولاي والعيون تترقبك بالدمعه
تره الروح على نار مشتاگه يبن البضعه
يسلواي تأذيت مر الهجر شيجرعه

ولا حيل على الليل عندي وردت توفيني
البعد طال والآمال سالم ترد يحسيني
.....................................................

نزال للإمام العباس (ع) :




بروس عـزب من دخل واديها

يذبـــح وينــطي لجـهنم بيـها

〰️ 〰️〰️〰️

جـفـه رج زلــزاله عفيه طف وشاله
حــار مثـل ادلاله فار غيض عيونه

مثل فر مـسباحه فرهم بلا راحــــه
العالي منهم لاحه حگـهم ايـملـونه


الحومه عجت من دخل راعيها

يذبـــح وينــطي لجـهنم بيـها

〰️〰️〰️〰️

يا ثكــل طــكـاته تعـور احجـايــاته
يرهب ابنـظــراته شمر رد اسباعه

تـوزّر ابــن السـاده يا دخـيل اعناده
گـط رگـــاب القاده ثگل طك اذراعه


عرفـو العبـــاس طب يطـويـها

يذبـــح وينــطي لجـهنم بيـها

〰️ 〰️〰️〰️

حيد كد احجايته الموت نز ابرايته
الگمر سوه سوايته عزب ابفقاره

شيخ وبديـــوانه فارس ابمــيدانه
جاب حك لخوانه مــــن لزم بتاره


عــــــزب بروس الثگل طـاريها

يذبـــح وينــطي لجـهنم بيـها

〰️〰️〰️〰️

الگال انـه وانــه احجايته نعسانه
شرد من امجانه شاف لوي اجفوفه


الوكف ضل شحده معلم اعله الشرده
طلع يشبه جــــده نزع بلـكي يعـوفه

بلا برد رجفت زلم طب ليها

يدبح وينطي لجـــنهم بيها

〰️〰️〰️〰️

واللذيذه اسوالفه لو زعل ما شايفه
نصها ماتت خايفه من يكف اردانه

روس عزب بــــيها الموت ضل شاريها
كلمة ضل يحجيها وينكم هذا انه

بخزرة عيـــونه الــــزلم يعميها

يذبـــح وينــطي لجـهنم بيـها

〰️〰️〰️〰️

ضلو يهابونه رادو يغـدرونه
فكرو بمتونه يطلعلهم حـيله

اليفز من اخياله الكمر يتراواله
الشمر بيّد حـاله سوه بيهم ميله


رفع سافــــلهه وگــلب عاليــها

يذبـــح وينــطي لجـهنم بيـها

〰️〰️〰️〰️

✍️حيدر عبدالله السعيدي



https://telegram.me/aabas78
قصائد لكل ايام محرم اشترك بالقناة

قصيدة نزال بحق مسلم ابن عقيل عليه السلام


وية مسلم لو حظرعباسها
چا الكوفة اختنكَت ابانفاسها
------------------------------------------------
مسلم وعباس لو حظروا ســـــوة
اعلى الزلم من خوفهة ايظع الهوة
وابو فاضل سيفة من دمهم روة
وجا برجلة جيوش امية داسها
-----------------------------------------------
مسلم وعباس تربيت الــــــــولي
وهالشجاعة كلها من حيدر علي
من يطبون العساكر تبتـــــــــلي
كبار امية تشرد وحراســــــها
---------------------------------------------
مسلم وعباس لو متجمعــــــــــــين
للرچاب ايصير دم الظالمــــــين
وكَلبوا الكوفة بهلها اجمعـــــــــين
اتظل تدوس الخيل فوكَ ارجاسها
----------------------------------------------
مسلم وعباس ما هابوا خطر
بالحرب لوحطوا الظهر ابظـهر
اشما يصير الجيش الاف البشر
ما يهم اشما كثر مقياســــــــها
---------------------------------------
مسلم وعباس جــــيش لوحدة
لو حمل واحد الثانـــي ايساندة
شلون لو طــبوا تكَابـــلهم عدة
عروش امية تنهدم من ساسها
----------------------------------------
مسلم وعباس للشدة ظـــــخر
حزام ظهر حسين بيهم يفتخر
العمر لجل الدين نذرولة نـذر
وراية الاسلام محد جاســها
-----------------------------------------
مسلم وعباس وفوا بالعهـد
بالبشر بالكون مامنهم احــد
ظل ذكر هم دوم خالد للابد
تاج للامة وبقوا نوماســها
--------------------------------------------
مسلم وعباس كتبوا عالــسنين
احنة فدوة انروح بس يبقى الحسين
نفدي لجلة الروح احنا امعاهـدين
ولجلة فدوة الدنيا هية وناســـــها
------------------ ------------------
أسألكم الدعاء رائد الاسدي


https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://t.me/joinchat/AAAAAD7f0FNmkN2JjlNIBw

جديد محرم الحرام هـــــ1444ـــــ
نزال للانصار

يالله شيـــلوو الرايه •• يالله شيلوو الرايه
احنه أنصار الحسين •• وكلنه ألك وفــايه
«««««««««««« ❀✿❀»»»»»»»»»»»»

ياحبيب انتفض ساعات القتال
ياعـجيد الگوم يا شيخ الرجال
انت سيفك حـار وتحب النزال
ذوله انصارك اجوو عنايه

«««««««««««««•»»»»»»»»»»

بالمعسكر ضجه صـــارت ضغبرة
انتخه العباس سبـــــــع الگنطرة
وين اخوتي ليوث ضنوة حيدرة
گالت الانصار نبدي بهايه
««««««««««•»»»»»»»»»»
دگـــو الظهر بظهر جون وهلال
جيش اميه گبالهم أصبح خيال
نذر هاي ارواحنا لاشرف عيال

انموت دونك ياحسين هيه الغايه
««««««««««•»»»»»»»»»»
( عبد الرحمن بن عبدالله اليزني )

هــــــذا ابن عبدالله ابن آل اليزن
جننه حسين انــــــطلق من اليمن
شد عله المهره وسبگ بيها الزمن

روحه رفت مثل رفت الرايه

««««««««««•»»»»»»»»
صوت ابن مسروق أذن للحرب
بسيفه أبــن القين يگلبها گـلب
يحلف بــحيدر يسويهم حطب
حسين خطنا ومانزل عن رايه

««««««««««•»»»»»»»»»»

اجه (الحر ) يم الحسين ويرتعد
گـلـه يا مـولاي حـاظر مـستـــعد
اليوم اوفي الدين مـاهاب العدد
فدوه الك ارواحنه أخذ حجايه
««««««««««•»»»»»»»»»»

شتد وطيس الگوم والحومه حمت
خــــــــــيولهم وي المناية تشابكت
دمـــــــومهم وي الحسين تخالطت
أرواح صعدت للسمه مشايه
«««««««««««❀❀❀»»»»»»»»»»
#الخادم_غازي_الساعدي

جديد محرم الحرام هـــــــ1444ــــــــــ
نزال شجاعة لقمر العشيرة

ابوفاضل هـذا سبع الكنطرة
عالمنايه الجيش لزمهم سره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الحومه صنته وتسمع بطك الضرس
الجيش من الخوف خـالسهم خلس
طگته تـوجع حـــيل وتكطع النفس
واليلوحه السيف شاف الاخره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

والله اخلاها الـزلم تبچي الـزلم
يفضها ساعه المعركة وساعه يلم
شحده واحد يوصل لحد الخيم
يعتبر دمه يصب من منحره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الفرس رحـــى وحيله بشد الرسن
جيمه جيمه گــــام يطحنهم طحن
والله خـــلاههم چثث بالطف تون
تشوف هيج تلول صارت عالثره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

ابـــــــد ما همه الجمع وشما وصل
يركض الجيش عله ايده بتك رجل
بسيفه اوزعــهــا المناية ابن الفحل
الزلم من الخوف ترجع ليورى

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

شـــــبه حــماي الحمه لمن يـهـد
توسط الجيش وبده بيهم حصد
قــــسـم يفنيها الكتايب مـا يرد
صاحت الوادم أضنه حيدره
٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

بكيفه صـــــار ايدير هاي الملحه
واخله بيها الروس توصل للسمه
الحومه خــــلاها نهر يجري دمه
ما يهاب الجمع يوم الزمجره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

هد عله الماي وكشفها المشرعة
راسـه حـار ونـزل يقره القارعة
بعزمــه تـرجمها رمـــوز الواقعة
ابن حامي الجار ياهو اليگدره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

سيفه ملك الموت بس تسمعله طگ
الغوث صاح الجيش لو بيهم وهگ
الشرد ســـالم والتلاكه وياه شهگ
الخير البيهم لبس شيلت مره

٭ ٭ ٭ ٭ ❀ ❀ ✿ ❀ ❀ ٭ ٭ ٭ ٭

الخادم غازي الساعدي

💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

✋السلام على من خفي قبرها

https://t.me/+9QOvTMysKgE1OWM6