ليلة الوحشة ١١ محرم

ليلة الوحشه ثكَيله اعله الحرم
لا زلم بالغربه ضلن لا خيم
.......................................
وحشه موعالطاح ضامي بكربله
عالنسا وايتام ذيج القافله
هالارامل واليتامه ابمشكله
من بعد عباس سبع المرجله
هيه هاي الوحشه من سوره انهدم
لا زلم بالغربه ضلن لا خيم
.......................................
مغربيه وجيش مابي مرحمه
انصبغت اثياب اليتامه من الدمه
ليله جانت حيل بيهم مظلمه
وزينب ابلا والي ياهو اتحشمه
هاي أكبر وحشه من هذا الالم
لا زلم بالغربه ضلن لا خيم
.......................................
زلم طاحو ما أضن يستاحشون
بالاطفال الوحشه مرت ماكو عون
شربو الماي ودمعهم يذرفون
خايفين من الاعادي ينظرون
وبالرجوع الحرم للموطن تهِم
لا زلم بالغربه ضلن لا خيم
.......................................
بعد ما جلجلت ليلة وحشته
حسين ضل عالغبره هوه وصحبته
امدد ابلا راس ما بين واخوته
زينب بهالليل طلعت كَصدته
وتحجي من ابعيد للشال العلم
لا زلم بالغربه ضلن لا خيم
.......................................
صعبه تبقه الحرمه لا والي وأهل
بهاي تتمنه يوافيهه الاجل
ساعد الله الحره بالبيهم نزل
ضلت ابلا والي من بعد الكفل
بين ديره اجيوش ماعدهم ذِمم
لا زلم بالغربه ضلن لا خيم

الشاعر ياسر العارضي


https://telegram.me/aabas78
قصائد لكل ايام محرم اشترك بالقناة

نزال___ للقاسم ابن الحسن ع
<<<<<<>>>>>>>>>>>>>>>

بيده يعگدهه العده ويفنيهه
شيخ وابن المرجله  راعيهه

حي الله جاسم.....حي الله جاسم
***
اتبسم   القاسم   عليهم   بالنزال
سوه  بيها الما يصير اروع قتال
يخطف الارواح يگضيهه ارتجال

بيده يگلب كربله  وحاديها
***
تذهل  الفرسان   طب  ميدانهه
قاسم   العريس   شد   اعنانهه
جندل  الشجعان من  فرسانهه

بسيفه  دم ارگابهه  ايحنييهه
***
صار  يوم  الزلزله  وطب الحرب
شرده بيهم چانت شگد تنحسب
ایميل بركان الغضب بيهم يطب

شوف عزمه ابكربله يگضيهه
***
صارت الجيمان  چنهه  العنكبوت
وچن يحط بيها الرحه لمن يفوت
اشر  ابيده  وفرض بيها   سكوت

بيده شبل الحسن چن يطويهه
***
شاع  واديهه   وطواهه  كربله
هاي  اول  حمله يقره  البسمله
يشبه   العباس   يوم    الزلزله

صار مصدر للغضب  يرويهه
***
دنگت فرسانهه   وشاع النزاع
فرت  اگباله  الزلم  فر السباع
صار بالميدان مرعوبه الضباع

فارس الحومه خمد طاريهه
***
ظنوا    العباس   راجع     للقتال
اتفاجئت فرسانهه وصار الجدال
صارت الشرده  مثل ماي  الزلال

هاي    اول   حملته يحچيهه
***
تمت بعون الله تعالى

الشاعر___يوسف_الفتلاوي


https://telegram.me/aabas78
قصائد لكل ايام محرم اشترك بالقناة

فصيح ((  #من_هذا_الفتى ))  للقاسم ع

…………………………………………………………

صاحَت الفرسانُ مَن هذا الفتى
هل مِنَ الفردوسِ للارضِ أَتى
قالَ للجيشِ اعلموا •• أنا الشبلُ القاسمُ

……………………………………………………………


صارَ كُلُ الجيشِ مَسحورَ النظر
في النهارِ كيفَ قد بانَ القمر
هل مِنَ العرشِ ملاكٌ قَد حضر
هذا حتماً ليسَ من صِنفِ البشر

مِنَ الشَمسِ الضوءُ أم من وَجهِهِ
خٌلُقَ الوردُ لنا مِن حُسنِهِ
يوسفٌ ذا قادمُ •• أنا الشبلٌ القاسمُ

……………………………………………………………


نازلٌ في الطفِ ليثٌ يزأرُ
حَتى قالَ القومُ هذا حيدرُ
وغدا الخوفُ قلوبناً يعصرٌ
سيفُ كالحَبِ رؤوساً ينثرُ

لم يَهُم بالجيشِ لا في جمعِهِ
لا يُبالي يَخصِفُ في نعلِهِ
بثباتٍ حازِمُ •• انا الشبلُ القاسمُ

……………………………………………………………


انا ابنُ المُجتبى السبطِ الحسن
هُوَ للدِينِ حفيظُ مُإِتَمن
هُوَ للجودِ رئيسُ و وَطن
نكِراتٌ أَنتمُ اولادُ لِمن

انا حرٌ فَقط للباري عَبد
يا عبيدٌ للسفيهِ إبنِ هند
اسمعي يافاطمُ •• انا الشبلُ القاسمُ

……………………………………………………………


يا حسينٌ عَمي يا باقِي الأهل
دونكَ الموتُ اراهُ كالعَسل
عَني يا أُماهُ لو شابٌ سأل
قولي إِبني في حِما الدينِ إِنقتل

الدينُ يا أُماهُ قد صَار ضَمي
فأنا مضّيافٌ أرويهُ دمي
بحسينٍ هائمُ •• أنا الشبلُ القاسمُ

……………………………………………………………


أُمي لا تبكينَ للعُرسِ أبد
فالحسينُ أغلى مِن كلِ وَلد
ذا غريبٌ ليسَ يُفديِهُ أحد
أُمي ثوبُ العرسِ عَن جِسمي أبتعد

و على الحنّاءِ أُم لا تحزني
في يَدي الرملُ و لا مِن كفنِ
ومكانٌ مظلمُ •• انا الشبلُ القاسمُ

……………………………………………………………


كَدُخولِ الذئبِ وَسطَ الغنمِ
هكذا صالَ الغُلامُ الهاشمي
قادةٌ ما بينَ خَيلٍ تَحتمي
تحتَ رجلَيّهِ رؤوسٌ تَرتمي

عطِشَ السيفُ رِقاباً يشربُ
وعلى الفرسانِ ضاقَ المَهربُ
في يديِهِ الصارمُ •• أنا الشبلُ القاسمُ

……………………………………………………………


أيُّها الشابُ فخُذْ منهُ الدرس
حامي عنِ الدينِ كاللَيثِ الشرس
كُن شُجاعاً كُن عزيزاً بالنفس
قاسمٌ و أشترى موتاً بالعرس

لا تُجامِلْ احداً في المُعتقد
ليسَ نعّامةٌ كُن أنتَ الاسد
للحسينِ خادمُ •• أنا الشبلُ القاسمُ

…………………………………………………
✍️ ( سيد خضر الزاملي  )


https://telegram.me/aabas78
قصائد لكل ايام محرم اشترك بالقناة

شد حزام ،،،،ياضرغام،،، كوم وطشر العسكر
000000000000000
يبن الحيد هاي الكوم غيرك محد إيردها
شد حزام ورفع هام ياعباس قائدها
كلها تريد نصر يزيد وإنته ابن الفحل كدها
رج الكون بالميدان خل خيولهم تعثر
000000000000000
هاي وهاي تاه الراي منها ودوم ماتندل
يبن حيود كلك زود شابعهم مرار وذل
لمها وصول شد وجول وجن الموت بيهم حل
إفزع فزعت الكرار لوصال عله أهالي الشر
00000000000000
يل معروف بين الناس من هاشم نسل طيب
حكها تلوذ من إصول نار وبالحرب تلهب
يا فرسان بالميدان فنها التوصله إوتكرب
شابعهم مرار الموت محد يوصله يكدر
00000000000000000
جن كرار بالميدان طبها وضل يخز بيها
سد حلوك ذيجه الكوم واحد بس يلاويها
راس إبراس حطها وداس دون حسين افديها
فدوه تصير الك يحسين هاي جموعها التفتر
0000000000000000
سيف ونار تطلب ثار من حيدر ابو اليمه
يدري حسين لصعبات نشمي والحرب ضمه
همه وزود مثل العود لقنهم درس خصمه
راعي السيف ياخذ حيف طشاها عله كبر البر
0000000000000000
تجامل عليه تريد هو وحيد كون محمد يحضره
بس بعيد عنه عباس لويدري يجي ينصره
صار الصار والمحتوم والباري نفذ أمره
لاكن مثل هذا اليوم زينب فشله تتيسر

00000خالد الناصري 0000000

رجـه صـارت بـالارض مـن داسها
الحومه ضاگت من دخل عباسها
<=><=><=><=><=>

ضاكت الحومه وكطع منها النفس
كسر ضهر الكاع موضهر الفرس
وينها الچانت على الشاطي حرس

الشـريعه تبخـرو حـراسها
--------------

ضاگت الحومه لمن هز العلم
گـطها جدامـه مثـل گط الغنم
كـرت الكـــرار لوكــر وهـــجم

المـــنيه ولايلـحگ كـاســها
<=><=><=><=><=>

ضاگت الحومه على السبعين الف
كــربله يگــــولون راحـت تنخـسف
جرحو أحساسه ابو حساس الترف

راح ادفنها ويضل بس راسها
-----------------

ريـح طـب لمعـركه وهمه رمـاد
الگمر غاضب نزل لرض السواد
صاح وسط الحومه حي أعله الجهاد

انه موت وراح اكض انفاسها
------------------

ها أنـا العـباس سبع الگـنطره
انــه بالمــيدان  وارث حيــدره
اليوم يومي وانه ليث الزمجره

مرورت الحومه أنه محماسها
---------------------
علي عگاب ألعمري

يحـزام اخــوك لـدوم لازم  ضهره 
راوي العساكر شنهي عين الحمره 
<©©><©©><©©>

بيــــهم جهـــنم تنــــترس خلـيها 
زلزلها ولمــــوت لـحمر راويها 
الحومه والحومه اطلبت راعيها
حانت يخـويـه الساعه التانـــيها 

عباس اجه اليـوم الچـنت تنــتضره 
راوي العساكر شنهي عين الحمره 

×~×~×~×~×~× 

يـاوارث الكــــــــرار ياعـــباسـه 
ياهـيبته وعــزمـه ويـشدت باسـه 
بـوق الحرب صاح ويدور ناسـه 
جيب النهر واسحگ خشم حراسه 

لـوح بضهرها وخــل تغير الشكره 
راوي العساكر شنهي عين الحمره

&&&&**

شمر زلمها وعله النخل سوها عثوگ 
راعيها انت وللــــــــحرب دوم تلوگ
سبـعين  الف مـاهم زلـم بـس حلـوگ
گـط العـساكــــر ياشــهم گـط النـوگ 

أيمــوت البـعيـنك يخــوي تخــزره 
راوي العساكر شنهي عين الحمره 
••••••••••••••••••••••

بيـدك يبـو فاضل عـگدها وحلـها 
يـالماتهــمك هـــــالعـساكـر كلـها 
تالي الكـــتايب خـل يصيـر أولها 
ومن الشوارب يبن ابوي أسحلها 

ياب الفضل عالجيش أخذلك نضره 
راوي العساكر شنهي عين الحمره 
<©©><©©><©©> 
عـلي عگـاب ألــعمري 

. قصيده طور موشح
. لمولاتنا زينب عليها السلام
_______
. اه ياصوره الشفتها بعيني
. بكربلا صورت حبيبي حسيني
_________
. بكربله زينب شوصف ياصور
. حجة الله وشفته مگطوع النحر
. والسهام تناثرت مثل المطر
. كلها صاحت منه اخذ ديني
________
. كلها صاحت ونفرد بين السيوف
. وابوفاضل مايصد لينه ويشوف
. شرد اوصف من حزن يوم لطفوف
. فاجعه ما تنمحي أمن أسنيني
_________
. شلون انسى الفاجعه وذاك المصاب
. قدم المضلوم ريحان الشباب
. ولي منهم ويل من الله العذاب
. و انه زينب بت علي و شتموني
______
. شتموني وصحته يحسين انوليت
. لون ادري مارحت يمه وشكيت
. من سهم حاير لگيته و شلگيت
. لگيت الشمر بينه وبيني
______
. راد ينهض ونتزع من السهام
. بلمثل شفته محتار الامام
. وصى بعياله والچ مني السلام
. گلي يازينب طحت عذريني
______
الشاعر الحسيني ستارالخفاجي

حسين طارش وده لم صحبانه
وحنه ذكرك من يمر لمانه
___
حسين طارش وده للهيبه حبيب
يكله افزع تدري بلحومه غريب
شال درعه ونتحب ليه ويجيب
كلهم احنه نطيح كبل اخوانه
__
ياقميص نشمه ويفتش العيون
سيدي حبك  وصل بينه الجنون
الك ترخص مال وارواح وبنون
يل بيك الله والنبي وصانه
__
جان ضنك تخفي جرمك يايزيد
تخفي أسمه وتصبح الوادم عبيد
كل سنه عاشور يرجع من جديد
وحسين توه منكطع شريانه
___
شلون ننسى مصابك وتهدى جروح
ياذبيح وعاري وبدمك تفوح
حته كون العرش لمصابك ينوح
حسين   ذكره من يمر بجانه
___
حسين ايه ونزلت بارض الطفوف
وابو فاضل رخص عيون وجفوف
صبح كعبه الوادم تزور وتطوف
حاشه وبيوم الحشر ينسانه
__
━──➸➽❥💔❥━─

الشاعر الحسيني ستار الخفاجي

حيدر الخيكاني

جديد

#على_لحن_هاي_الخيل_شد_واشتد_يميمرها

رووس اعداك يبني ياعلي احصدها
///////////////////////////////////////////

تشبه جدك الكرار بالحومه
خلي الجيش يعرف ساعته ويومه
بيهم كربله خليها مهدومه
موش ارگاب كون اسيوف مثلومه
والقاده الچبيره اتعنى واگصدها

///////////////////////////////////////////

زلزلها الطفوف وعيد خيبرها
ذكرها بمجدنا وسيف حيدرها
رايد كربله مايصفى كل برها
خلصنا يبويه من العدا وشرها
والثارات يبني الراحت اتردها

///////////////////////////////////////////

روح وخلي سيفك بالضرب حاسم
وبيمناك رد ابراس ابن غانم
امك بالخيام اتصيح ياعالم
يالرديت يوسف رد علي سالم
تدعي بالدموع الله يساعدها

///////////////////////////////////////////

كلك زود من تعود والعدوان رجعها
ياچتال والابطال راويها مصارعها
جدك ياعلي كرار ذيچ الباب قالعها
هاي اعداك دمر كل مجامعها
فوگ الغاضريه ابطال وسدها

///////////////////////////////////////////

ياخيال گوم المهرك اسرجها
هاذي مشكله وانته التعالجها
گبل النار ابنارك ياعلي احرچها
بالهامات يبني الضربه غمچها
هاذي ساعتك لازم تخلدها

///////////////////////////////////////////

ياذخري ويضهري ويابعد بيتي
يالماخذ الواهس عگب عافيتي
قبلك ميت وماعايش امنيتي
ياشوفي وهواي اليدخل ابريتي
آمالي ابرحيلك تمشي وتهدها
///////////////////////////////////////////
الشاعر سيد حسين ال بو صلوات الاشبال الحسيني

وانه مجـتوفه قريت الفاتحه
من رخصـتك ياابوفاضـل رايحـه


———

من رخصتك هاي اول مـره اعـوفـك
من رخصتك هاي اخره مـره اشوفـك
العشره ماگطعوها من گطعو چفوفك
أنـت جرحي وأنه أحـبك - ما أروفـك

الدنيا حلوه وانته يمي  البارحه
من رخصتك ياابوفاضل رايـحه


——-

طـشروك اوصله وصله اعليه عينك
كلشي مات وبعده ماميـت حنيـنك
گمت اكضن گلبي لو سألوني وينك
الدنيا ثگلت ياابوفاضل مـد يميـنك

بالمصايب خويه عيني امصابحه
من رخصتك ياابوفاضل رايـحه

الوداع - الوداع

——

غربه خويه اوين اروحن ضمني يمك
حيره الــمن بالـيــتـامـه لـو ألـمـك
حتـه أشدن حيلي خويه أذكر اسمك
ياجبل شو باقي هسه اشويه جسمك

چان راسك غيم يحلم لايـحـه
من رخصتك ياابوفاضل رايـحه

———

انطـونـه ماي ومانريده ابلايه وجهك
ابــلايه راس ولا چفـوف وما أتـيهـك
أنـت واحد مـاكـو بالـدنـيا اليشبهك
الخيل تركض وانت ميت جيت انبـهك

بعيني خوف ودمعه كلش واضحه
من رخصتك ياابوفاضل رايـحـه


الشاعر حيدر العماري


https://telegram.me/aabas78
قصائد لكل ايام محرم اشترك بالقناة

اادفن

ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها وحيل تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول ساگي اوليدي ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
الوحده دافن ابني لو وي الحسين
والگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صاير زغير
ما امـّيز بيـن الاول والاخـير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
ايرد اهلنه هناك سكنت بيدها

ثائر الربيعي

https://telegram.me/aabas78
قصائد لكل ايام محرم اشترك بالقناة

شــوف ياليث النزل للحومة
ابجفه أجـــال الكفرمحتومة
.......
غضب صال وزلزل بوادي الطفوف
عيـــونه عالحسين وبسيفه يشــوف
كبـــال ســيفه دنكــت كــل الــسيوف
يقسم أبعبـــاس مكطـــوع الجفـــوف
الـــيوم يسكي كـــربلة مـن دمـــومة
......
كـــلهـم انـــه القــاسم ونجل الحسن
وانه ابن حـــيدر عــلي الرد الزمــن
مــا تهمني خيـــولــكم خــلهن يـجـن
انـــه مــن عمي تـــرى مـــأخــذ إذن
تنعــرف ضــربــاتي لـــن مختــــومة
.....
مــــا يهــمه الجيــش كــله والشسع
اعـــزل يقــــاتـل ومـــا لابـــس درع
ومــثــل الأكـــبربالحرب مــا ينجرع
أي وحـق حــيدر علي وكسـر الضلع
لــــوحه بيـــده كربــلة ومــرســـومة
......
صاح بيهم قـــاســم وعنده الجـــواب
هــاي ساعة من الــزمن قبل المصاب
بيــدي اراويـكـم انـه فــنــون العــذاب
أيسح دمكم عـالـثرة يرفـــضه التـراب
وانـــه قـــاســم سيـفي هــاذه يـــومة
......
صفــرت الــدنية ونــزل بيهه الظلام
أبعمر جاسم هــاي لحظــات الخــتام
ونـــت ونـــاحت على جسمه الحمام
صاح يـــا عــمـي ألك مــني الــسلام
والوصية من الحسن مضمومة
.....
الشاعر
أياد الفرح التميمي

الشاعر سيدناصرالموسوي:
في شجاعة مسلم ابن عقيل عليه السلام
—----------------
طوعه صاحت ياهله ومية هله
يبن اخو الكرار راعي المرجله
—---------------
يبن اخو الكرار راعي المفخره
گوم هاي الگوم اجتك غايره
اليوم اريد اتصول صولة حيدره
وصارمك بيهه ابعزيمه اتنزله
—---------------
گلهه عد عيناچ يا بنت الاصول
آنه عمي حيدره فحل الفحول
اليوم اذكرهم ابحيدر من اصول
اليوم انزل برض كوفه زلزله
—------------—
اليوم يومي وآنه فنان الضرب
آنه تلميذ الصميده بلحرب
طلع للجيمان واگلبهه گلب
وبيهه قانون الحرايب بدله
—------------—
بدل القانون و اهوه منفرد
والفرد لازم يحارب وي فرد
لچن مسلم الف ياخذهم طرد
شبه ليث الغاص بخشوف الفله
—------------—
غاص ابو طاهر ابعرصات الوغه
وضيگ اعله الگوم ساحات الفضه
الهرب منه ابراس رمحه علگه
والوگف عل گاع سيفه ايجندله
—------------—
ايجندل الابطال واغليهه يدوس
چنه غزرائيل يحصد بلنفوس
مسلم العريس والحومه العروس
انزف عليهه وهلهلت لمهلهله
—---------—
هلهلت لمهلهله والطرب طاب
وهوه يحصد روس بيهه ومايهاب
لچن گلبه ايفكر ابسيد الشباب
ولجل حال احسين دمعه يهمله
—---------------
لجل ابو اليمه دمع عينه همل
اشلون يگصد هلديار اويه الاهل
شنهو يجري اعليه لوبيهه نزل
من تحيطه الخاينه ابطف كربله
—---------------
ايريد يرسل خبر لحسين الشهيد
ايگله خانت بيك كوفه ياعميد
لچن مسلم ما اله امعين او وحيد
كلهه ضده صايره ومحد اله
—------------—
كلهه ضده وحاطته من كل كتر
كوفه معروفه ابمكرهه والغدر
ريت ابوفاضل ابهل ساعه ايحظر
ايعين ابن عمه ويكف عنه البله
—------------—
لچن وسفه مسلم ابعيده اخوته
لايجيبو و لا يسمعو النخوته
ياهظيمه طاح مرمي ابغربته
ولا اكو واحد حظرله من هله
—------------------------------------------------
سيد ناصرالموسوي

(( الوفّــاي))


سـيــف أبــو فــاضـــل لــمــــع بــيــمــيــنــــه
وصــاح أنــه الــوفـّـــاي يـابـــو أســكـيـنــــه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صـاح أنـه الـوفـّــاي يـا خـويـه الـولـي ولـمـثـل هـلـيــوم ذاخـــرنــــي عــلـــي
هـالـعـسـاكـر كـون أهـدهـه وتـنـجـلــي الـيــوم أكَـلـب هـالـعــدو صــوبــيــنـــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يــــوم أبـو فـاضــل لـبـس درع الــحـــرب وأمـتلـه من الـغـيـض عـالـعسكـر غـضـب
شـافـتــه الـعـــدوان صــابــاهــا الـرعـــب مـثـل حـيــدر مـن دخـــــل صــفـّـيــنـــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زلـزل الـحـومـه أبـن حــامــي الــدخـيــل ورجـفـت الفـرسان من صـوت الـصـلـيـل
خـلّـه دم أركَــــاب عــدوانــه يــســيــــــل غـيـره تـجـري مـن الــزغــر بـجـبـيـنـــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طــب عـلـى الـعــدوان راواهــا الأجـــل جـدحـت أعـيـونـه جـمــر يــوم الـزعــل
أربــات أبـو الحـسـنيـن عـباس الـفـحـل مـن دمـه الـشـريــان وافــه أحــسـيـنــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وفّـه لـحـسـيـن الـسـبـط دم ركَـبـتـــه وهـالـعـسـاكـر مـن أجـت مـا هـزّتــــه
عـلـى شـاطـي الـمـاي طـاحـت رايـتـه مـن بـعــد مــا كَــطـّـعــــو جــفـيـنــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طـاح الـمـشـيّــم وكَـــــع عـالـمـشّـرعــــه ومـن وكَـع راح أبـو الـيـمّـه لـمـصـرعــه
شـافـه يـنـزف والـجـفــوف أمـكَـطـّـعـــــه طـايــح وســهــــم الـمــنــيّـــــه بـعــيــنـه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صـاح يـم راسـه وجـمـر كَـلـبـه أسـتـعـــر بـطـيحـتـك يابـو الـفـظـل ظـهـري أنـكسـر
صـدّعــت كَـلـبـي يـبـن فـــارس مـضـــــر ســهــم الـبـعـيـنـــك يـخـــي عـامـيــنـــــه


السيد علاء الحيدري

ابو فـاضل من دخـل ميدانها
سيفة رحه ويطحن بأكوانها
........
ابو فـاضل لـو نزل للحـومة
لوحة بـيدة كـربله مرسومة
من عـلي ماخـذه كل علومة
ضربته وحدة لان محسومة
بالـفخـر مذخـورهـاذه يومة
وكـربلة هـوه رمز عنوانها
.......
بالطفوف الموت صار بكيفه
من عـلي ماخـذ اذن تكـليفه
شمرت الفقار شمرت سيفه
بالركـاب يصير حـد تنظيـفه
من بني سفيـان ياخـذ حيفه
زلزل جيوش ويهد اركانها
.......
تـشرد ابطـال الـزلم كـدامه
سيفة ما يبتر يدور الهـامه
القصاص مطـبقة بأسـلامه
الحرب مقبوله بس احكامه
يحـكم يقـرر ينـفـذ اعـدامه
مايكابل شرط بس فرسانها
.......
سيفة رحه ضربته جن زلزله
شهب لو صعـقة عليهم نازله
سيفه يقبض روح ليحل اجله
بيـدة مـلك الموت سلمهه اله
بسيفه اية عالحـسيـن منـزله
اية بالحـق والعـدل برهـانها
.........
سيفه بالميدان عصة موسىه
كل سحرهم يبطل من يدوسه
يلغـف سيـوف ويكطع روسه
سجدت اركاب الزلم لدروسه
صار بالحـومة يأدي طقوسه
وشعـل بيهم بالذعـر بركانها
......
سيفة قـطعه الجهـنم بالارض
العذاب الهـم بده اصبح فرض
حل قدرهم منو بيهم يعـترض
اليشوف السيف منه ينـقرض
دخل بيهم طول ياكل بالعرض
ويـدخل وبيـدة يـسـد بيـبانها
.......
الشاعر
اياد الفرح التميمي

فصيح ((  #من_هذا_الفتى ))  للقاسم ع

…………………………………………………………

صاحَت الفرسانُ مَن هذا الفتى
هل مِنَ الفردوسِ للارضِ أَتى
قالَ للجيشِ اعلموا •• أنا الشبلُ القاسمُ

……………………………………………………………


صارَ كُلُ الجيشِ مَسحورَ النظر
في النهارِ كيفَ قد بانَ القمر
هل مِنَ العرشِ ملاكٌ قَد حضر
هذا حتماً ليسَ من صِنفِ البشر

مِنَ الشَمسِ الضوءُ أم من وَجهِهِ
خٌلُقَ الوردُ لنا مِن حُسنِهِ
يوسفٌ ذا قادمُ •• أنا الشبلٌ القاسمُ

……………………………………………………………


نازلٌ في الطفِ ليثٌ يزأرُ
حَتى قالَ القومُ هذا حيدرُ
وغدا الخوفُ قلوبناً يعصرٌ
سيفُ كالحَبِ رؤوساً ينثرُ

لم يَهُم بالجيشِ لا في جمعِهِ
لا يُبالي يَخصِفُ في نعلِهِ
بثباتٍ حازِمُ •• انا الشبلُ القاسمُ

……………………………………………………………


انا ابنُ المُجتبى السبطِ الحسن
هُوَ للدِينِ حفيظُ مُإِتَمن
هُوَ للجودِ رئيسُ و وَطن
نكِراتٌ أَنتمُ اولادُ لِمن

انا حرٌ فَقط للباري عَبد
يا عبيدٌ للسفيهِ إبنِ هند
اسمعي يافاطمُ •• انا الشبلُ القاسمُ

……………………………………………………………


يا حسينٌ عَمي يا باقِي الأهل
دونكَ الموتُ اراهُ كالعَسل
عَني يا أُماهُ لو شابٌ سأل
قولي إِبني في حِما الدينِ إِنقتل

الدينُ يا أُماهُ قد صَار ضَمي
فأنا مضّيافٌ أرويهُ دمي
بحسينٍ هائمُ •• أنا الشبلُ القاسمُ

……………………………………………………………


أُمي لا تبكينَ للعُرسِ أبد
فالحسينُ أغلى مِن كلِ وَلد
ذا غريبٌ ليسَ يُفديِهُ أحد
أُمي ثوبُ العرسِ عَن جِسمي أبتعد

و على الحنّاءِ أُم لا تحزني
في يَدي الرملُ و لا مِن كفنِ
ومكانٌ مظلمُ •• انا الشبلُ القاسمُ

……………………………………………………………


كَدُخولِ الذئبِ وَسطَ الغنمِ
هكذا صالَ الغُلامُ الهاشمي
قادةٌ ما بينَ خَيلٍ تَحتمي
تحتَ رجلَيّهِ رؤوسٌ تَرتمي

عطِشَ السيفُ رِقاباً يشربُ
وعلى الفرسانِ ضاقَ المَهربُ
في يديِهِ الصارمُ •• أنا الشبلُ القاسمُ

……………………………………………………………


أيُّها الشابُ فخُذْ منهُ الدرس
حامي عنِ الدينِ كاللَيثِ الشرس
كُن شُجاعاً كُن عزيزاً بالنفس
قاسمٌ و أشترى موتاً بالعرس

لا تُجامِلْ احداً في المُعتقد
ليسَ نعّامةٌ كُن أنتَ الاسد
للحسينِ خادمُ •• أنا الشبلُ القاسمُ

…………………………………………………
✍️ ( سيد خضر الزاملي  )


https://telegram.me/aabas78
قصائد لكل ايام محرم اشترك بالقناة

رثائيه فصيح
حماسيه
.....................
مصرعُ الأمام
الحُسين عليه السلام
.....................
يا قتيلَ العبرات
لكَ في القلبِ حياة
يعتلي صوت الأنين
ياحبيبي ياحُسين
نور عيني ياحُسين
.....................
داميُ الأوداجُ والخدِ تريب
مهشمُ الأضلاعُ والجسمِ سليب
وعلى سنَ القنا رأساً خضيب
يعتلي العلياءُ فجراً ومغيب
رغمَ كلِ العاديات
لكَ في القلبِ حياة
يعتنق عمرَ السنين
ياحبيبي ياحُسين
نور عيني ياحُسين
.....................
روضةُ الأخلاقُ عنوانَ الأباء
دَمُكَ الزاكيا قدس كربلاء
فعتاةْ القومِ في هذا المساء
وئدوا الخلقَ وباتو لُعناء
كيدهم باتَ فتات
لكَ في القلبِ حياة
عن ثباتٍ ويقين
ياحبيبي ياحُسين
نور عيني ياحُسين
.....................
تطلبُ الأنامُ رضوانَ الرسول
وعليُ الدرُ والبضعه البتول
وهنيئاً ثم هنيئاً من يقول
عشقكَ الوهاجُ نوراً للعقول
أنتَ دونَ المغريات
لكَ في القلبِ حياة
دونما أيُ قرين
ياحبيبي ياحُسين
نور عيني ياحُسين
.....................
جادتْ الأرواحُ عمراً وشعور
أدعت الطغيانُ مقصوم الظهور
ثورةٌ عصماءُ من دونِ ظمور
دُرك لله معصوماً غيور
أضحى للعزِ نواة
لكَ في القلبِ حياة
ياحبيبي ياحُسين
نور عيني ياحُسين
.....................
كوكبُ الأنصافُ مرئاةَ الظمير
كنتَ للدينِ نذيراً وبشير
وئدَ اللهُ يزيداً في سعير
تصدحُ الأصواتُ والقلبَ مرير
مئتمٌ لمَ الشتات
لكَ في القلبِ حياة
هيَ كلنهرُ المعين
ياحبيبي ياحُسين
نور عيني ياحُسين
.....................
خادم أهل البيت
الشاعر : أسماعيل الجوراني
السبت : 30/9/2017

https://t.me/joinchat/AAAAAD7f0FNmkN2JjlNIBw

شجاعت مسلم ج.pdf