نزله/ دكت ابواق الحرايب 


دكت ابواق الحرايب      حي حي اعله القتال 

حشم العباس الأكبر            يالله يالله للنزال

*****************

صرخة العباس جنها         نفخه بالصور وصدى 

حيرت كل العساكر                   شتت كل العده 

ابو فاضل من تحزم               نار يجدح ساعده  

مشهد الغيره ابو فاضل         منهو ينكر مشهده 


جسدوا أروع بطوله         علي وعمه بالنضال 

حشم العباس الأكبر               يالله يالله للنزال 

*******************

من تكابل علي وعمه       والله صارت مجزره 

شافوا الاكبر يقاتل           كالوا الطب حيدره 

لازم ايمين المعاره          وعمه ماخذ ميسره 

اثنين جنهم اسد خيبر         جنها ردت خيبره 


هم شجاعه وهم بطوله      علي شايل هم جمال 

حشم العباس الأكبر               يالله يالله للنزال 

******************* 

دكو اعلان اعله خيمه        علي الأكبر والعلم 

الرايد الموت ايتدنه           خله يكرب عالخيم 

علي الأكبر شال سيفه     وابو فاضل حط سهم 

اترادمت خيل ويه خيل     ولبست الخوف الزلم  


كمر هاشم وابن اخيه        حيروا أعظم سؤال 

حشم العباس الأكبر              يالله يالله للنزال 

******************* 

ابو فاضل صاح زينب      انتي بس حسبي العدد 

كطم الروس ابيمينه               بعد عباس اوعد 

يذبح ورتله آيه                      قل هو الله احد 

يقره فاتحته اعله روحه     الطاح بيده وما شرد 


حته ملج الموت حيا       ابو فاضل عالمنال 

حشم العباس الأكبر           يالله يالله للنزال 

******************* 

خادم اهل البيت عليهم السلام 

زيد الشمري

🔸🔸🔸🔸🔸🔸🔸
💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://t.me/joinchat/CApOYURwqL2W_R_06oYO8w

كمر هاشم تحزم كمر هاشم
صاحت الكوفه دخيلك كمر هاشم


سبع وتعرفه الكتايب والأسد من هل اسد
هذا شاله هذا حاله والبرق من هل رعد
أنبياء الله ورسوله محمد من هذا اضمد
للمجد راية محمد دوم ما تنزل ابد
وين عبد المطلب يفرح بذيته
.......
صاح وكلوب العصات بهل تراب مرمرت
صاح بوجو الكتايب من فزعها تكدرت
صاح وعيون الفواطم والخيام سامنت
صاح وامواج الفرات تسابكت وتلاطمت
كسر خشمه العلكمي ابو فاضل بيده
........
وصل بيهم للنخيله من كثر صوت العزم
هذا سيف الله الصغير الباشط لما يثلم
هاي تربيتك يا حيدر ونعم فوك نعم
كربلاء بيوم القيامه حرب ما تعرف زلم
حرب حتى الانتصار كربلاء ليل ونهار
.......
انتصار لدم العقيله والعقيله بهل دماء
كربلاء بلا حسين تخيل انته كربلاء
والحسين بلا زينب يعني ثوره بلا فداء
انتصار دم كتب عل نهر تاريخه
..........
كتب بيثاق شهاده وكتب بيثاق الوفاء
رسم خالق كل بساله واشلع عين الادعياء
وقع المحضر بسيفه وصارت جفوف فداء
علم الأجيال تحيه لا حياة الانحياء
هكذا الا فنا اشوفه تبقا كربلاء
.......

اشحال زينب بالطفوف اشحالها
اگبال زينب ينذبح كفالــــــــــــها
____
اشحالها ابيوم الطفوف اتحيرت
و المصايب عالعقيله هـــــودرت
يوم عاشر زينب ابحيره بـقــــت
ماجرت عالناس هيـــــچ ماجرت

امچتفين ايمينها اويه اشمـــالها
اشحال زينب بالطفوف اشحالها
____
اربعين اصبــــــاح ما نامت تره
زينب ابلايه كفيل امــــــحيره
نار بگليب العــــقيله امـــوجره
شافت الخوان نومه اعله الثره

تمشي زينب والعدو يـــــبرالهـــا
اشحال زينب بالطفوف اشحالها
___
تمشي ويه الروس ومچتفينه
عالهزل مسبـــيه ومگـــــيدينه
تنخه لاچن محد الها ايــعـينها
او بالخرايب زينب امخلــينـها

بالرمح راس الكفــــيل اگــــبالها
اشحال زينب بالطفوف اشحالها
___
باتت ابديران ما مسكونه ابد
بالخرايب ما يمر بـــــيها احد
ولد ماعده او تلوذن بالولــــد
والتراب اشلون للشيله صـعد

هيه تسكت من يسكت اعـــيالها
اشحال زينب بالطفوف اشحالها
____
من بعد خوانها ابدرب اليـسر
ريت گالت ما يطولن هالعــمر
انه والشمات من كتر الكـــــتر
عذبوني اهواي ياشيعه اشكثر

هزل النوگ او صعدنها جــــمالها
اشحال زينب بالطفوف اشحالها
____

ياعباس يمكد خواطرها
شر أكشر عليها الموت ناحرها


كدرها الخواطر من برز عباس
من الخوف كامت تشهك الانفاس
من كثر العجاج ادوس ناس بناس
هاي الخيل داستهم حوافرها


من يزعل فلا يلتم عليه إحزام
ذب اعمامته وبجفه الصمصام
تنطي الوجوه منين وطبهم شيها الظرغام
كل هاي الجيوش بسيفه طشرها


مرعوبه الزلم ماتدري وين تروح
عزرائيل نازل وأخذ منها الروح
ماضلت زلم خيرهم المذبوح
وحراس الشريعه بجفه شامرها


وكفوا عالشريعه وحاسبين بهاي
لو شاف العدد بالجن يغير رآي
ماهمه العدد حاصرهم عله الماي
بين الموت وذل هو خيرها


قادت هل كتايب خوف غاطيها
قاده وجيش ماواحد سلم بيها
ذل وموت اخو زينب مراويها
وصولت والده بصفين كررها


رد من الشريعه مدرع ومهتم
ومن كثر الذبح مهره انترس بس دم
صاح حسين تكفه وتسلم وتنعم
ياعباس يمطشر عساكره


محد يوصل إخيمك وأنه الموجود
وأنه ابن الوصي الكرار راعي الزود
وصاني ابوي وكال تنطي زنود
وهاي جيوشهم بسيف كاسرها

       نعي استقبال محرم
____
گرب  عاشور  هل  مجبل علينه
وهنيال  العدل   وتشوفه   عينه
اله نحسب ليالي  ونحسب  ايام
ونخاف الموت  من نغفل يجينه
خل نشبع لطم ونواسي الحسين
ونكسر  اصدورنه  ونلطم بدينه
حرگ بگلوبنه وجمره من الخيام
وشما عبر بينه  الزمن يكثر بجينه
__
الشاعر الحسيني ستار الخفاجي

        نعي   عن لسان زينب ع
             تنعي الحسين ع
_
.     ياخيل  اعله   كيفچ لاتدوسين

      تراه من السحگ تعبان الحسين

      ومن جده الرسول ولا تخافين

    أثر دوس  الفرس ظلت نياشين

      يشريان الگلب  ياثمرة   اسنين

      ومنك  هيبتي  ياخويه يحسين

    ا خلافك يلولي  تخلص  بلونين

    و باچر عل هزل ياخويه ماشين

     باچر عل  هزل   تمشي اليتامه

     وعليك ولانمت   ليلي  واانامه

     تره بدونك نظل موش  بسلامه

    وبقى الراس برمح منك  علامه


     راسك  عل رمح   ينظر نشوفه

     تدگ بيه الشمس  بلحر يعوفه

   ويفر بيه النذل   تلعب  چفوفه
  كلبها اختك يبس نار  وتطوفه
_
الشاعر الحسيني ستار الخفاجي

نعي محاوره بين زينب ع والامام الحسين ع
__
صد عينك   عليه أتباصر  وياك
گلي بلمشى و ياهو البقى وياك
وخوي  الكفلني   ويحمل ألواك
أشو راح  بجربته  ومارد   عليه
               *
خويه ولاواحدعدل كلهم رميه
وهاي الگوم كلها   أتحلفت بيه
يبس كلبي أنفطرماشارب أميه
وظن موتي أقترب ياخيتي اليه
               **
هل موتي گرب  وتغمض العين
وباجر   لسبي  ياخويه تمشين
برفگة   شرذمه وكلهم  ملاعين
وينادون  بحقد    هاي  السبيه
               *
___
يأبا الفضل ع 👇🤲
قتاله بكل بصيره  وبيده  رايه
بطل عباس  ماغير بيده   رايه
تهج طفال لو رفت بيده رايه
ويجيب الماي  لسكينه   ورقيه
━──➸➽❥💔❥━─

الشاعر الحسيني ستار الخفاجي

مسلم ابن عقيل
( سفير الامام الحسين ع)

انته ياهو الواگف بابي أجيب
هايطوعه بديرتج انه الغريب
___
يلي شفتك واگف بطول المدار
انه حرمه واله حرمته الديار
روح لهلك وستقل وگت النهار
روح لهلك گبل لاشمسك تغيب
___
شافته مدنگ يكفكف بلدموع
هلت عيونه مثل دمع الشموع
لالي ديره وطايفه بهاي الجموع
مالي غير الله عوين ولامجيب
____
كسر خاطرها بشجن ردت سلام
بخجل طوعه تناشدت وين العمام
جني شفتك تشبه الوجه الامام
تشبه الكرار حيدر ياعجيب
____
كله مسلم انه مبعوث الحسين
انه من بيت الوحي وصدق اليقين
وهذه كوفه والغدر طول السنين
گبلي عمي طبرته وشيبه الخضيب
__
بيتيني اليله ونطيج الضمان
الج تشفع فاطمه ورب الجنان
هذي اخر ليله من هذه الزمان
والحگ بعمي علي وجدي الحبيب
_
بات يم طوعه وبزغ وجه الفجر
شافت العسكر اجه المسلم يجر
من عبيد الله وشمرها والزجر
نادته أنهض خل جرح عمك يطيب
__
كله مسلم انه اشدنه الجرح
اشتري السيفي وبيعن للذبح
صفت دنيه واخره المسلم ربح
موقفه من حسين موقف يارهيب
__
━──➸➽❥💔❥━─

الشاعر الحسيني ستار الخفاجي

قصيده  الى ابا الفظل العباس واخوته من امه وابيه اولاد ام البنين ع   وزن موشح
___
  صارت الشده وركض ناداهم
    اخوانه گبله للحرب  وداهم
_
نادا  يركض يلهب  بعينه الجمر
و الله  ساتر لو صدر  منه الامر
ها يخوتي  وفزع أخوانه الگمر
فدوه لحسين   ودرع   خلاهم
.
  صارت الشده وركض ناداهم
   اخوانه گبله للحرب  وداهم
_
وركظو بغيره وعزم كلهم  سوه
غبره صارت وختنگ حته الهوه
وبلظهر  الهم سند   راعي  الواه
و عل شجاعه  المرتظى  رباهم
.
   صارت الشده وركض ناداهم
   اخوانه گبله للحرب  وداهم
___
عبدلله يسره وجعفر بكتراليمين
عثمان اخيهم بلگلب كلش حنين
وتفتخر  حگها لولدها ام البنين
وبخوانه  عباس  الكفر  ذلاهم
.
   صارت الشده وركض ناداهم
   اخوانه گبله للحرب  وداهم
____
ولاتغرك   معركه  وكثر  السهام
خربط الگوم انشبچ بيه النظام
تبرت  خوان ونست حته العمام
من دخل  سيف  الكفل  وياهم
.
   صارت الشده وركض ناداهم
   اخوانه گبله للحرب  وداهم
___
ترسو ازلام  الارض والدم يسيل
والسلم طافح ركض  منهم ذليل
طارت الروس الزلم وين الثگيل
ولشدد   حيدر  علي    جاباهم .


صارت الشده وركض ناداهم
اخوانه گبله للحرب  وداهم
___
الشاعر الحسيني ستار الخفاجي

يوم الكفـيل.ع.

يوم سابع هذا يوم الموزمه
أتسمّه بسم الحيد سگّاي الضمه
الماي جابه أوّ وصّله
هله أبـفارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوم سابع صال عباس البطل
عالشريعه أبزود أبو الغيره حمل
وصل شاطي النهر هوّس ورتجل
صاح أنة العباس أبن ذاك الفحل
الهوسه بس أتلوگ ألـه
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العلم جابه الحيد دگّه أعله النهر
ترس جوده وگام يمشي أبكل فخر
صنته والآلاف حصّتها النظر
الشال راسه أيطير راسه من الگمر
الوصل يمّه أيجندّله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أربعة آلاف چن كلهم خِرِس
واحد أيخوّف الثاني أيگلّه أس
صفنه للجيمان ما تسمع نفس
ياهو ليخزره چن ميّت من أمس
صوته بس أهوه العله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طبها أبو الكلفات مغضب مستميت
أجه أوفصّلها أعله گدّه وأجت فيت
طب عليها المشرعه أوصارلها صيت
أدخيل بخته هذا جوده أشگد بخيت
يروي كـل الـعايلـه
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الماي جابه أوّ وصّله الحد الخيم
أگبال زينب أجه أوهوّس بالعلم
يبوالغيره ريت هذا الچف سلم
يبو الكلفه سوري لولاك أنهدم
أتباهى مابين المله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يا كفيلي المثله أبداً مايصح
يالبنيت الخوّتك أعظم صرح
أوياك ماتحصل خساره أوبس ربح
يلّي أسمك بلسم أيطيّب الجرح
أبزودك آنه أمدلـله
هله أبفـارس كربـله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي


https://telegram.me/aabas78
قصائد لكل ايام محرم اشترك بالقناة

جاسم العريس هاي افعاله
ومثل ابوه بالطف تفور دلاله
****
هذا شاب ويمتلك عزت نفس
ومن جماله ضلت تغار الشمس
اليوم هاشم سوت الجاسم عرس
طلع للحومه ولبس اجمل لبس

بصدره ما خله درع   ورمله علكتله الشمع
اوصيه عندي امن الحسن كلاله
ومثل ابوه بالطف تفور ادلاله
**
هجم هجمه وضلت اطيح الزلم
ومن يمد اجفوفه توصل للنجم
غاص بيها ولازم الحومه لزم
العافه درعه وشرد بس اليفتهم

ضهضب وذب الركب   بسيفه عالحومه شطب
اتراجعت من شافته الخياله
مثل ابوه بالطف تفور ادلاله
**

كلها صاحت للحرب عاد الحسن
وشافو القاسم عيونه اتجادحن
من يصول وبالوغه ايجر الرسن
الميمنه والميسره يتراجفن

وصوت ابو فاضل عله   هله بالقاسم هله
وابن اخوه بالطف تحيه اداله
مثل ابوه بالطف تفور ادلاله
****
هذا ابن ذاك التصدق بالرغيف
والفقيره يجيبه يم صدر المضيف
الحسن جان ايضوج لو ما يلكه ضيف
ال هاشم بالشجاعه كلهم سيف

وللحرب طب ابن ابوه  وحده اخذهم ما خذوه
زعل جاسم والزعل يحلاله
مثل ابوه بالطف تفور ادلاله
**

الخيل جفلت والزلم طمها التراب
وقائد القائد يصيح انطي انسحاب
حاصراها وللمفر ما خله باب
سيطره اعله المعركه وحز الركاب

سيفه ناصب محكمه  وغرك الطف بالدمه
جنه حيدر والفرس ما شاله
مثل ابوه بالطف تفور ادلاله
***
طشراها وضيع اعليها الدرب
وهوه مو ياهو اليجي ويدخل حرب
ماتت الفرسان من كثر الرعب
ضلت اتحير الكتايب من تطب

بيده تخفك رايته   ومثل حمزه خزرته
ماكو فارس يوصل ويدناله
مثل ابوه بالطف تفور ادلاله
**
تمت
تحسين الخفاجي


https://telegram.me/aabas78

التاريخ: 10‏/06‏/2024


يوم طب الاكبر الميدانها
العساكر صار خالي مجانها

__


صار للعدوان ضجه من حمل
علي الاكبر شبل من ذاك الفحل
شي ختنگت شي الرشدت والامل


النار مثوئ العادته ودخانها
العساكر صار خالي مجانها

~~


قسم گالو علي حماي الدخيل
قسم من الخوف ما ضل بيها حيل
زلم تردم بالزلم خيل اعلى خيل


بليس مرعوب وانسها وجانها
العساكر صار خالي مجانها

~~

بكر ابن غانم برز من شافه حيد
گال حصتي الاكبر افجع بي اريد
حسين بس حسين يتلفت وحيد


صوب امه البقت في صيوانها
العساكر صار خالي مجانها

~~~~

لحضه لن راس ابنه غانم جابه الي
اليشبه المختار ذل الجاهلي
لافتى تنگال مثلك يا علي


صرخه ضد فرعونها وشيطانها
العساكر صار خالي مجانها


~~~~

رجع للميدان بس ثكل الحديد
اجهده ومن باوعه حسين الشهيد
لونه كله اتغير الاكبر وحيد


ضامي بس طر سوه في شجعانها
العساكر صار خالي مجانها

~~~~

حيف طاح الدم على اعيون الفرس
راح بل اكبر لعدونه الحرس
تگطع اتگطع مهو نبته نغرس


فرحت اموته كفر عدوانها
العساكر صار خالي مجانها

~~~~

اسرع امن السهم ابو اليمه اجاه
مختنگ بس ياكتر طايح لگاه
عالوجه وتمدد بجنبه ونعاه


وجابه حطه ويه اخوته شبانها
العساكر صار خالي مجانها

~~~~

اجت ليله وعلي جثه هامده
كبل راسه عجبه تقره المائده
شلون تصور نعاوي الفاگده



يبني من تنعه جمر احزانها
العساكر صار خالي مجانها

~

لخادم خدام الحسين عليه السلام

عمار المنصوري

---
https://telegram.me/aabas78
قصائد لكل ايام محرم اشترك بالقناة

علي الاكبر عطوه ما ينطيها
الدنيه مطرت روس من طب ليها
*
من تعنه اعشوشها وطب للقتال
كلها ظمت روسها اشباه الرجال
تكول حيدر نازل وعالحومه صال
كام من الخيل يشمر بيها

من هجم ضاع الهوه. وشمر كل عشره سوه

وجابه وياه الطف كص ايده
*
شهر سيفه وكامت اطير الركاب
زلزلاها وسوت القاده انسحاب
للحرب فرحان طب شيخ الشباب
وكبل بالطف محد مسويها

صوته بالحومه اعتله. وهوستله كربله
ويبن حسين اسحك شاربهم
*
هجم والعسكر تراجع  ليوره
وكلها بالطف عالذبح لزمت سره
بيده ذب الميمنه اعله الميسره
وصاح اله امن الوجود امحيها

الجيش بسمه من سمع. غير الخطه ورجع
وحنه الكاع بدم القاده

*
يكلب الدنيه الأكبر لو زعل
جنه ابو الحسنين عالعسكر حمل
حته ملك الموت يم زينب دخل
كام مثل الماي يغرف بيها

سوه شط امن الدمه. جنه حماي الحمه
وحته الماي ادخيلك كله
**
ضلت امن الخوف محتاره الألوف
بس يصد اعليهم اطيح السيوف
صبغ كاع المعركه وهز الصفوف
ورايته بعلو السمه امعليها

وبالحرب من ارتجز. وبكر ابن غانم برز
وجاب الراس الأمه بشاره
***
ناس تسحك ناس والكون نكلب
والفرات يصيح حضروله الركب
خطبة العباس بالعسكر خطب
حالف بسبع الشدد يفنيها

هذا راعي الغانمه حمره خلاها السمه
وجوه الخيل مدافع صارو
**

تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة

نزلة / عبدالله الرضيع عليه السلام 2024

بيدي اهز مهدك ويرجع خالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بياذنب عطشان يبني تصرخ يشوفونك
يمه عبدالله حبيبي ضامي ويذبحونك
يبني مو بالماي بالدم رادو يسكتونك
حرمله بسهمه يويلي طفه نور عيونك

صوره من ذبحك تظل ابالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني ابوك حسين لية منذبح من جابك
ركبتك مكطوعه يبني ومتّشح بخضابك
اشلع النبله بوريدك لو اشدّ صوابك
طحت من هول المصيبه وشيّبت بمصابك

منذبح رديت الي يالغالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني محتاره شسوي منذبح بحضاني
ريت گبلك صاب گلبي حرمله السفياني
شلون اجر النبله يبني يبّست شرياني
خاف اجرحك يا حبيبي منظرك اذّاني

راح أظل ابچي واون للتالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گمت الوليلك ييُمّه بلكي تفتح عينك
بكثر ما مذهوله آنه بحضني وصرخ وينك
ما شربت الماي يُمّه ضامي ومأذّينك
الله لا ينطي اللي فرّق يبني بيني وبينك

لا حياة ولا عُمُر يحلالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
النبله يا عبدالله يبني غيّرت اوصافك
ذابل امن الموت يبني والسهم ما عافك
يبسن امن الضمه ويلي مفطرات شفافك
ينهدم حيله بمصابك يبني كلمن شافك

نحرك المذبوح اشوفه گبالي
يُمّه يا عبدالله ارحم حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اموت امن البواچي والحزن واللوعه
ريت ميته وياك يبني ولااظل مفجوعه
رتّ احضنك ياحبيبي ورگبتك مكطوعه
الفاگد اوليده ييُمّه ما تفيده دموعه

والرماك بسهمه ظل يبرالي
يُمّه يا عبدالله ارحم حالي

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://telegram.me/aabas78
قصائد لكل ايام محرم اشترك بالقناة

#مجلس_عبدالله_الرضيع_ع نزال

موشح نجفي في حق الطفل عبدالله الرضيع (عليه السلام)

طفل بعده ازغير ما يحمل سهم
شـنهـو ذنبه والعمر منه انعدم
....................
جان عبدالله طـفـل مـالـه ذنب
نوره عن الكون وسفه ينحجب
بالانامل عمره بالطف ينحسب
بالسهم ذبحوو حثالات الامم
....................
ازغير واهله انتظروا يرد من ضمه
تالي رد الهم نــجـيــع من الدمه
هــاي أُمـــه مـاكو بيهه المرحمه
والنـبـي رحـمـه رُفع الهم علم
....................
مارعو حرمة نبيهم بالطفل
منذبح من عدهم ايرد بالنبِل
ركَبته ازغيره وحسافه ينجتل
ينذبح عبدالله بمثلث سهم
....................
رف مثل طير احترك عشه وهوه
ابحضن ابوه مد ايده والنوب التوه
ابنحره بعده النَفَس مسموع الهوه
والحسين ايحس نزل بابنه الالم
....................
شحال كَلب حسين شافه منذبح
من الاذن حد الاذن لا مو جرح
ابركَبته النشاب جن زركَة رمح
من ايد حاقد حيل عبدالله انثلم
....................
صعب هالموقف عالعيال واضِن
كَوه صابر كَلب امه من الحزن
راح تبقه هالعمر كله تون
اشتنسه من ذيج الليالي وتبجي دم
...................
جان عبدالله رضيع ابنص غُرب
عادة الاطفال ما ألهه ابحرب
بيا زمن هالماي ممنوع الشرب
ضامي يمه الطفل بسهام انفطم

الشاعر ياسر العارضي


https://telegram.me/aabas78
قصائد لكل ايام محرم اشترك بالقناة

عبدالله الرضيع.ع.

يبني عبدالله أو أعز كل غالي
يمّه حاچيني أنفطر دلّالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يبني عبدالله ينور أعيوني
يابعد عمري أوحياتي أولوني
ليش منك يالولد حرموني
أنفطر گلبي أوصار تايه بالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنفطر گلبي أبروحتك يمّه الولد
عگب عينك عايشه ألمن بعد
أشلون أصد لمچانك أوخالي المهد
چنت أنت دنيتي أو آمالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
چنت أنت دنيتي وأنت الأمل
گلت تكبر يمّه ودّاوي العلل
ماحسبت أحساب يلفيك الأجل
وبيك هيك أنفجع وتشل حالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بيك هيچ أنفجع لا ما حسّبت
ياحلم عن عيني وبلحظه غبت
ريت گبلك كون صابوني أو متت
ولا أشوفنّك ذبيح أگبالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ولا أشوفنّك تلوع من الألم
ريت شلّت يمنته الصابك سهم
والله من شفتك أحس گلبي أنجسم
الموت بغيابك ييمّه أشوالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الموت بغيابك ييمّه أرحم ألي
ألك فدوه الروح والبيت أوهلي
أعليك دمع العين للموت إيهلي
ويضل طيفك كل وكت يبرالي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

كلمات الشاعر والرادود عدي البصراوي

https://telegram.me/aabas78
قصائد لكل ايام محرم اشترك بالقناة

نزلة عزاء

الخيل طاحت عالارض فرسانها
علي الاكبر من نزل ميدانها
==========
علي الاكبر بالحرب شد اللثام
الفارس من الخوف جن هد اللجام
طاحت الفرسان وتدور السلام
علي الاكبر بيده كص لسانها
==========
اشتدت وماجت ومالت ظل يدوس
عصفت ودخنت وضاكت عالنفوس
كرها كرار اليكر كر الرؤس
ياعبيد وبس علي سلطانها
==========
شَلّها شال اشلاء من شَلْ الزلم
صفها صف اصفوف صفه المنتقم
دمها دم ادموم فيضها بعزم
ال هاشم والفخر عنوانها
==========
دار در وجن علي بسيفه يدور
حار حر ونار بس وجه ينور
علي قمة وهم بالوادي صخور
وبدت عالعسكر لهب نيرانها
==========
شدها شد اشداد والطف انطوه
ظِلها ظَل اظلال والظالم هوه
سيراها وسار سارت نينوه
وين مايأمر تكف بردانها
==========
فخر يفخر بالفخر من يفتخر
جرها جرات المجره من يجر
شد زلمها وجرها بعنان المهر
الزلم جن لبست عبي نسوانها
==========
الشاعر علي النائلي

https://telegram.me/aabas78
قصائد لكل ايام محرم اشترك بالقناة

موشح
باجر بيا حال زينب حالها
لا حسين ولا كمر يبرالها
..................................
تعيش باجر زينب بأصعب وضع
تنشف أعيون العقيله من الدمع
جان عدها حسين نور الله اليشع
يصير جثه بلايه راس أكبالها
...................................
أمنين باجر زينب تجيب الصبر
والسهام بجسم أخوها بكل كتر
من تشوف اتربع بصدره الشمر
وراسه عن جسمه فصلها وشالها
..................................
يختلف باجر يزينب عن أمس
والظهر يصبح ظلام بلا شمس
للمخيم توصل أحقاد الرجس
تحرك اليمنه وترد لشمالها
....................................
باجر تشوف الكمر فوك الثره
عالنهر تلكه الجفوف أمشمره
الفرات بجود سبع الكنطره
بعينه وبجود السقايه أنبالها
...................................
أم الخدر باجر تصير أم الحزن
تبجي يوم العاشر بحسره وتون
لا أخو يظل للعقيله و لا إبن
ويمها عطشانه وتنوح أطفالها
...................................
باجر الحره العقيله تنسبي
ويشتم أمها بكل صلافه الناصبي
هاي بنت المرتضى و جدها النبي
عالهزل تصعد بديها أحبالها
................................
باجر تبات بخرابه بلا سكف
زينب تعيش بوضع ما ينوصف
بسوط يضربها اللعين ومايكف
الماكو واحد شاف حتى أخيالها
.................................
زينب الما دنكت هامه البشر
باجر أهل الشام يرموها بحجر
يمها تبجي أطفال تشعر بالخطر
ورمح عالي يشيل كل آمالها
................................
حيدر مطر العبادي


https://telegram.me/aabas78
قصائد لكل ايام محرم اشترك بالقناة

ليلة 8 محرم

شبيها مكلوبه الأرض ويالسمه
علي الأكبر زعل لو حامي الحمه

1
عجت أرض الحومة واهتز الفله
وشردت امن الخوف أهل المرجلة
الدنيا مالت مدري مالت كربله

كلها صاحت هي هاي الخاتمة

2
نزل واحد صوته بالحق يعتلي
وينه اليكول آنه زلمه يدنه إلي
ناس كالت شنهو رد حيدر علي

مادروا لأكبر ظهر بالموزمه


3
من وصل صوب الشمر هذا الخبر
رجع للخيمة وبديه ضم النحر
شاف مو واحد على مد البصر

شاف جيش بأكمله وشوفه أنعمه


4
بالمعسكر من ترك موطئ قدم
رفعه سيفه وشخص واحد ماسلم
جاب ابن غانم هديه للخيم

رأسه للحسين وعمامه قدمه



5
حين كله بيمنته الجيش أنطوه
عالجماجم أذن ودك اللوه
ناده بعد السيف ضامي وماروه

يريد يملي الحومة طوفان الدمه


6
سيفه كراري حصد بيهم حصد
والمراجل منه ظلت تبتعد
للمخيم ماقبل لاكبر يرد

اله يكضيها الجيوش الآثمه



7
قاتل وذل الزلم وأهل البدع
والشمر بالخيمة باقي وماطلع
الهوى والماي عالجيش انكطع

لعب بيهم لعب ضنوه فاطمة

8
كال لو بالحومة اظلن وحدي
ماعوفن عهدي واترك والدي
آنه وي جدي الصميدة موعدي

بالشهادة العمر رايد اختمه

شطره
امجد صاحب الشطري


https://telegram.me/aabas78
قصائد لكل ايام محرم اشترك بالقناة