بەپەلە| ئەمریکا: هێزەکانمان دەستیان بە بۆردومانکردنی پێگەکانی سوپای پاسداران لە ناوخۆی ئێران کرد

فەرماندەیی ناوەندیی ئەمریکا رایگەیاند، هێزەکانیان لە کاتژمێر (07:00ـی ئێوارەی ئەمڕۆ بە کاتی هەولێر)، دەستیان بە هێرشی سەربازی کردووە بۆ سەر ئامانج و پێگەکانی سوپای پاسداران لەناو خاکی ئێراندا.

فەرماندەییەکە دەشڵێت، کە ئەم بۆردومانانە وەک وەڵامدانەوەیەکن بۆ هەوڵە دوژمنکارییەکانی ئەم دواییەی سوپای پاسداران کە مەبەستیان بووە هێرش بکەنە سەر کەشتییە بازرگانییەکانی ناو گەرووی هورمز و هەروەها هەڕەشەکردن لەو سەربازە ئەمریکییانەی کە لە ناوچەکەدا جێگیرن.

بەپەلە| فۆکس نیوز: هێرشەکانی ئەمریکا بۆ سەر ئێران هێشتا بەردەوامن

بەپەلە| ترەمپ: ئەگەر ئێران وەڵامی هێرشەکانمان بداتەوە زۆر بە توندتر لێیان دەدەین

ئەم قسەی ترەمپ لەدوای ئەمەوە دێت کە هێزەکانی ئەمریکا لە کاتژمێر 07:00ـی ئێوارەی ئەمڕۆ بە کاتی کوردستان دەستیان بە هێرشی سەربازی کرد بۆ سەر ئامانج و پێگەکانی سوپای پاسداران لەناو خاکی ئێراندا.

سەعاتی سفر؛ ئەو شەڕەی میسر ئیسرائیلی تێدا وێران کرد و ئەمریکا نەبووایە ئیسرائیل دەسڕایەوە؛ ورد و درشتی شەڕی نێوان ئەم دوو وڵاتە

https://www.facebook.com/share/v/1BDQM6vRof/

ئەو رۆژەی میسر ئیسرائیلی وێران کرد و ئەمریکا نەبووایە ئیسرائیل دەسڕایەوە و رۆڵی عێراق تێیدا

میسر چۆن ئیسرائیل و دەزگای مۆسادی هەڵخەڵەتاند و گورزێکی کوشندەی لە ئیسرائیل دا؟

عەقید سەلام باسی ئەو شەڕە 19 رۆژییە دەکات کە لە ئۆکتۆبەری 1973 لە نێوان ئیسرائیل و میسر هەڵگیرسا

میدیاکانی ئێران چەند ڤیدیۆیەکیان بڵاوکردووەتەوە و دەڵێن: ئەمانە دیمەنی هێرشی موشەکی ئێرانە بۆ سەر ئوردن

سێنتکۆم: کۆتاییمان بە شەپۆلی هێرشەکان بۆ سەر ئێران هێنا

فەرماندەیی ناوەندیی ئەمریکا دەڵێت، لەو هێرشانەدا هێزەکانی ئەمریکا چەندین پێگەی سەر بە سوپای پاسدارانی ئێرانیان بۆردومان کرد، کە پێکهاتبوون لە، بنکەکانی بەرگریی ئاسمانی، سیستەمەکانی رادار، دامەزراوە و کەلوپەلە دەریاییەکان، توانا و ئامێرەکانی مینڕێژکردن، لەگەڵ بنکەکانی پەیوەندیکردن.

دەشڵێت، ئەم شەپۆلە هێرشانە وەک وەڵامێک بوون بۆ ئەو هەوڵانەی کە ئەم دواییە لەلایەن سوپای پاسدارانەوە درابوون بۆ هێرشکردنە سەر کەشتییە بازرگانییەکان لە گەرووی هورمز و هەروەها هەڕەشەکردن لە هێزە ئەمریکییەکان.

بە ڤیدیۆ: ساتی هاویشتنی موشەکی 'تۆماهۆک' لەلایەن هێزەکانی ئەمریکاوە بەرەو ئێران دوێنێ شەو.

📍ئەگەر دوێنێ شەو ئاگات لە رووداوەکانی ناوخۆ و هێرشەکانی ئێران و ئەمریکا نەبووە، بێ خەمبە ئێمە بە کورتی پێت دەڵێین چی روویداوە:

📌هەرزوو سێنتکۆم کاتژمێر 07:00 دەستپێکردنی گورزێکی تری هێرشەکانی بۆ سەر ئێران راگەیاند

📌وەزارەتی دەرەوەی ئەمریکا هاوڵاتیانی لە رۆژهەڵاتی ناوەڕاست ئاگادارکردەوە لە سەرهەڵدانەوەی گرژییەکان و داخستنی ئاسمانی ناوچەکە

📌میدیاکانی ئێران: دەنگی چەند تەقینەوەیەک لە بەندەرعەباس و چابەهار و کێنارەک و قەشم بیسترا

📌دوای دەستپێکردنی هێرشەکانی سێنتکۆم ترەمپ وتی: ئەگەر ئێران وەڵام بداتەوە توندتر لێیان دەدەین

📌ئەمریکا فڕۆکەخانەی جیرۆفتی لە پارێزگای کرمان لە باشووری رۆژهەڵاتی ئێران کردە ئامانج

📌لە ئاسمانی کرماشان و تەورێز مووشەک دەبینرا و هێزەکانی ئێران وەڵامی هێرشەکانی ئەمریکایان دەدایەوە

📌دوای دەستپێکردنی هێرشەکان ئاسمانی ئێران چۆڵ بوو و فڕۆکەی پێوە نەما

📌ئێران لە وەڵامی هێرشەکانی ئەمریکادا بە موشەک هێرشی کردە سەر ئامانجەکانی ئەمریکا لە ئوردن

📌ئەمریکا لە هێرشەکانیدا ئاهەنگێکی بوک گواستنەوەی لە ئێران کردە ئامانج و بووە هۆی کوژرانی چوار کەس و برینداربوونی 70 کەس

📌سێنتکۆم کاتژمێر 02:00ـی درەنگانی شەو کۆتایی بە شەپۆلی هێرشەکانی بۆ سەر ئێران راگەیاند

📌سێنتکۆم: 50 هەزار سەربازمان لە رۆژهەڵاتی ناوەڕاستدا جێگیر کردووە

📌سێنتکۆم: ئەو شوێنانەی سەر بە سوپای پاسدارانن کردمانە ئامانج، لەوانەش بەرگری ئاسمانی و سیستەمی رادار

📌ئاکسیۆس: لە هێرشەکەی شەوی رابردوودا ئەمریکا هێرشیکردووەتە سەر 100 ئامانجی ئێران

📌ترەمپ: هەرگیز بەزۆر هەوڵ نادەم ئێران بهێنمە سەر مێزی دانوستان

📌ترەمپ: نزیکین لە کۆنترۆڵکردنی تەواوەتی گەرووی هورمز

📌کوەیت: سیستەمی بەرگری ئاسمانی بەرپەچی هێرشە موشەکییەکانی ئێرانی دایەوە

📌ئاکسیۆس: رۆژی سێشەممە 40 کەشتی بازرگانی بە ملیۆنان بەرمیل نەوتەوە بە گەرووی هورمزدا تێپەڕیوە

📌سوپای پاسداران: بە موشەک بنکەیەکی ئاسمانیمان لە کوەیت کردە ئامانج

📌 درەنگانی شەو چەند دەنگێکی بەهێز لە هەولێر بیسترا

📌سوپای پاسداران هێرشەکەی شەوی رابردووی سەر هەولێری لەئەستۆ گرت و دەڵێت، لە وەڵامی هێرش کردنەسەر ئاهەنگێکی بوک گواستنەوە، بە موشەک و درۆن هێرشمان کردەسەر پێگەکانی ئەمریکا لە هەولێر


📌باڵەخانەیەکی تەواونەکراو لە لەنگەی نوێی هەولێر رووخا و سێ کرێکار برینداربوون

📌پۆلیسی سلێمانی: کاتژمێر 12:00ـی شەو هێڵی گەرمی فریاکەوتن (104) لەکار دەکەوێت

شەوی رابردوو ئۆتۆمبێلێک خۆیکرد بەناو لایەنگرانی حکومەت لە بولواری وەکیل ئاباد لە مەشهەد، میدیای ئێران دەڵێت، لە رووداوەکەدا چوار کەس گیانیان لەدەستداوە و 10 کەسی دیکەش برینداربوون.

لەسەر رووداوەکە پۆلیسی مەشهەد دەڵێت، ئۆتۆمبێلێک لە جۆری هیۆندا بەهۆی خێراییەوە کۆنتڕۆڵی لەدەستداوە و خۆی کێشاوە بە ئۆتۆمبێلێکی دیکەدا و دواتر پەڕیوەتە ناو ئەو کەسانەی کە بۆ پشتیوانی لە حکومەت هاتوونەتە سەر جادە.

کردوویەتی بە وێرانە

میدیاکانی ئێران ڤیدیۆی ئەو هۆڵی بوک گواستنەوەیان بڵاوکردەوە، کە دوێنێ شەو ئەمریکا کردییە ئامانج و دەڵێن، بەهۆیەوە چوار کەس گیانیان لەدەستداوە و 70 کەسیش برینداربوون

پەیوەندییە گشتییەکانی سوپای پاسدارانی پارێزگای کرماشان رایگەیاند، لە هێرشێکی ئەمریکا بۆ سەر چەند شوێنێکی ئەو پارێزگایە، چوار ئەندامی هێزی ئاسمانی بەناوەکانی رەزا محەمەدی، شەهرام جەعفەری، عەلیڕەزا شەکیبا و جەعفەر کەهریزی کوژراون.

ببینە بێئاگایی شۆفێرێک چی بەسەر ئەم فڕۆکە زەبەلاحە هێنا

لە فڕۆکەخانەی نیویۆرک، تانکەرێکی سووتەمەنی لەناکاو دەجوڵێت و خۆی دەکێشێت بە فڕۆکەیە هێڵی ئاسمانیی چین لە جۆری بۆینگ 747-8. بەهۆیەوە سووتەمەنییەکی زۆر دەڕژێت و گەشتەکە پەکدەخات.

ئەم فڕۆکەیە لای ئاشقانی فڕۆکەوانی بە "شاژنی ئاسمان" ناسراوە و یەکێکە لە دەگمەنترین ئەو فڕۆکانەی تا ئێستا لە هێڵە ئاسمانییەکاندا ماونەتەوە

"میسر ئیسرائیلی هەڵخەڵەتاند"

هەڵەکانی شەڕی ئیسرائیل و میسر چی بوو؟ عەقید سەلام وەڵامەکەیتان پێ دەڵێت

بەپەلە نیشتەوە و درەختەکانی بڕییەوە و کەوتە چاڵەوە

هێلیکۆپتەرێکی سەربازیی رووسی لە جۆری Mi-8 لە کاتی گەڕانەوەی لە ئەرکێکی پەیوەندیدار بە رێکخستنی دەنگدانی پێشوەختە لە ناوچە دوورەدەستەکانی ساخالین، تووشی کێشەی تەکنیکی دەبێت.

لە کاتی نزیکبوونەوەی لە فڕۆکەخانە، فڕۆکەکە بە خێرایی نزم دەبێتەوە و فڕۆکەوانەکە ناچار بوو لە شەقامێکی سەرەکی بنیشێتەوە، بەهۆیەوە کەوتە چاڵی قەراغی شەقامەکە و زیانی بە درەختەکانیش گەیاند.

چۆن 500 تانکی ئیسرائیلی توانییان میسر وێران بکەن؟ عەقید سەلام باسی دەکات

هێڵی بارلیڤی ئیسرائیل 248 ملیۆن دۆلاری تێچوو کەچی میسر تێیپەڕاند
عەقید سەلام باسی شکستە گەورەکەی مۆساد دەکات

دۆناڵد ترەمپ پاش هێرشەکەی شەوی رابردوو رایگەیاند: بەهۆی هێرشەکەی ئێمەوە 28 کەشتی بە گەروو هورمز تێپەڕین و کۆنترۆڵی لە دەستی ئێمەدایە بێگومان، ئێران ئازار دەچێژێت و ئێمە سەرکەوتنی گەورەمان بەدەستهێنا.

لە بارەی بوون بە خاوەنی چەکی ئەتۆمی سەرۆکی ئەمریکا دەڵێت، ئێران شێتە و ئەگەر رێگەمان بدایە ببنە خاوەنی چەکی ئەتۆمی بەکاریاندەهێنا و نیوەی جیهانیان وێران دەکرد.