“Боқий Бухоро” тарихий-этнографик боғи қурилиши кутиляпти экан. Лойиҳага қизиқаётганлар бўлса, озроқ гапириб берай. Ўзи бу мажмуа қурилиши ҳақида гап-сўзлар 1 йил олдинам қулоққа чалинган, лекин ўша пайт лойиҳа хом-хатала бўлганига журналист ва блогерлар кўп саволлар ёғдиришган, эътирозли ўринлар кўп бўлган. Энди эса 1 йил давомида камчиликлар устида иш олиб борилиб, изчил ва пухта лойиҳа ишлаб чиқилибди.

Энди, бир савол: қурилиш ишларига ЮНЕСКО розилик берганми? Аввало, ҳудудда ЮНЕСКО маданий мерослари рўйхатидаги объектлар бўлмагани учун, ташкилот розилиги шарт эмаскан. Фақат биттагина талаб бор, қурилишни 1972 йил 16 ноябрда қабул қилинган Умумжаҳон маданий ва табиий мероси муҳофазаси бўйича конвенцияга риоя қилиб олиб бориш керак, холос.

Яна, кўпчилик у ердаги дарахтларнинг кейинги тақдирига қизиқаётган бўлиши мумкин. Айтишларича, 32,6 гектар ерда дарахтларга зарар етказилмайди, аксинча, кўпайтирилади. Чунки боғнинг асоси — кўкаламзорлик бўлиши ва асосий фокус аҳоли ва меҳмонларнинг бемалол сайр қилиб, кўнгил ёзишига қаратилиши керак. Бундан ташқари, янги бинолар эскиларининг ўрнига қурилади. Ҳудуднинг 70 фоизида боғ-роғлар ва сайлгоҳ, сув ҳавзалари бўлади.

Бу ердаги стадион ҳам жуда ёмон ҳолатда эканлиги сир эмас. Унинг ўрнига 20 минг кишилик замонавий стадион қурилар экан. Унда турли спорт иншоотлари бўлиб, битгунича спортчилар машғулотлар ўтказиш учун муносиб шароит билан таъминланади, дейишяпти.

Қурилиш ишларини молиялаштириш тендерда ҳал қилинар экан. Тендерда энг зўр ва мақбул таклиф берган компания ютади. Давлат ва маҳаллий бюджетдан бир тийин ҳам олинмайди.

АҚШлик журналист Такер Карлсоннинг Россия Федерацияси Президенти Владимир Путин билан қилган интервьюси бир кунда 50 млн.дан ортиқ кўрилган.
Ушбу шов-шувларга сабаб бўлган видеони биринчилардан бўлиб "Тошкент24" жамоаси сунъий интеллект ёрдамида ўзбек тилига таржима қилишибди.
Энди робот бироз қўполроқ оҳангда таржима қилганини ҳисобга олмаса қолгани жойида, қолаверса ўзбекча субтитрлар ҳам қўшишибди.

Ушбу машҳур интервьюни излаб юрганлар мана шу ҳавола орқали кириб видеони бемалол кўришлари мумкин.

Ютуб учун ҳам ҳавола қолдираман👉 https://youtu.be/HFvhnHHBlhs?si=SpxfrTWk_vEGAbUk