Ҳамза Жумаев ўта юқори даражадаги юмор устасида.
Бугун тадбирдан сўнг хайрлашаётгандик пойтахтдан келган меҳмонлардан бири "Отабек тармоқлардаги суратига қараганда бўйи анча баланд экан а" деди, шунда Ҳамза ака "Буни бўйи ҳам духи ҳам жуда баланд!" деб кулди мени ичимдаги иплос одамча эса "Оббо меней-оббо меней" деб турди😂

🇺🇿@Otabek

Беҳаё қилиқлар қилаётган санъаткорларни ҳаракати ЭРКИНЛИК дейилар экан.
Маданият вазири айтибди.

ЭРКИНЛИК, ДЕМОКРАТИЯ деган важ билан ғарб пропагандасини йиллар давомида сингдириб келишгани етади.

Агар бу каби ЭРКИНЛИК деб аталадиган ахлоқсизлик миллий қадриятларни оёқости қиладиган бўлса майли чекланглар бу каби эркинликни, додлаганни оғзига ўзим 46-размерли сассиқ калишим билан ураман...

Масалан сийиш ҳам биологик табиий жараён, ҳеч ким одамларни сийиш ҳуқуқини, ЭРКИНЛИГИНИ чеклай олмайди, аммо у сийғоқ ҳаммани олдига чиқиб олиб пожарныйни шлангасини чиқариб сув сепгандек омма олдида шланггини ушлаб сийиши бу маданиятсизлик дейилади ЭРКИНЛИК эмас ОЗОД ака...

🇺🇿@Otabek

Уят бўлмас иштон киймай юрса ҳам😂

Тасаввур қилинг бизда ҳам шунақа бўлса ва беҳаёликни эркинлик деб атаган вазир шортикча силанси шиппакда сиёсий тадбирда юрса😁

🇺🇿@Otabek

Трампни отмоқчи бўлган брат сал қолса бутун дунёни хурсанд қиларди😂

🇺🇿@Otabek

Яна бир яхши кадр ишдан олинганмуш...🤦‍♂

Одатда кадрлар масаласида аралашишни ёмон кўраман. Ҳатто ўз туғишган укамни ҳам ишга олишларини сўраб илтимос ёки буйруқ қилмайдиган даражадаги принципли одамман.

Мен ҳатто ўзим учун ҳам бирор бир киши олдига иш сўраб бормаганман ва ишда қолишни сўраб илтимос ҳам қилмаганман. Мени яқиндан танийдиганлар буни жуда яхши билади.
Шу сабаб ҳозир ёзадиган гапларимни ҳам кадрлар сиёсатига аралашув деб қабул қилмасликларингни сўраган бўлар эдим.

Қашқадарё вилояти ёшлар ишлари агентлиги Қарши шаҳар бўлинмаси раҳбари Алиханова Малика опа ишдан олинганини эшитиб рости ҳайрон қолдим (аслида шу кунгача бу опадан олдин шаҳар бўлим бошлиғи бўлган бирортаси бирор ишни эплай олмаган) опани шахсий ҳаёти, шахсий қарашларига қизиқмаганман, (менга абсолют бирор бир тирик жонни шахсияти қизиқ эмас) мен у опани ёшлар сиёсатидаги жонкуяр шахс сифатида таниганман.
Блогерлик фаолиятимни бошлаганимдан бери у опа билан кўп тадбирларда юзма-юз келганмиз ва ҳар доим унча-бунча эркак қилолмайдиган шижоатни кўрсатиб, чин юракдан ишлаганини гувоҳи бўлганман.

Бу опани ишдан кетиши кимнинг симпатияси эканини билмайман, аммо бу жуда жиддий хато бўлгани аниқ.

Қолаверса давлатимиз раҳбари раҳбар кадрлар орасида ҳам гендер тенглигини таъминлаш борасида ҳаракат қилиб, тенгликни таъминлайман деб турган вақтида қайсидир бир амалдор аёл кадр ва асосийси шунчаки аёл эмас балки керакли кадрни ишдан олиши бу билмадим нима дейилади?...

Вилоят шаҳар туман ёшлар ишлари агентлиги ҳудудий бўлинмалари раҳбарларининг бирортаси бу опачалик жон куйдириб ишлаганини мен билмайман 90 фоизини даже ким эканини билмайман (қойиллатиб ишлаганида танирдимда)

Хуллас бу ишни тепасида ким турган бўлса ҳам бу хато. Бу хато жабрини эса тез орада кўрасизлар мен буни аниқ биламан...

🇺🇿@Otabek

"-Ёшлар ишлари агентлиги қарши шаҳар бўлими раҳбари Малика опани, ишдан четлатиш ёки бошқа лавозимга ўтказишни режалаштирмаяпмиз. Малика Алиханова ўз лавозимида фаолият юритмоқда..."

Алишер Саъдуллаев Ёшлар ишлари агентлиги раҳбари

Тезкорлик учун Алишер акага миннатдорчилик билдираман🫡

🇺🇿@Otabek

Қашқадарё вилояти ёшлар ишлари ҳудудий бошқармаси раҳбари Аброр ака ҳам алоқага чиқдилар;
"-Малика опа бугун ҳам Қарши шаҳар ҳудудий бўлим раҳбари сифатида тадбирларга иштирок этди, ишдан олинганлиги ҳақидаги хабарлар ҳеч қандай асосга эга эмас ва бундай режаларимиз йўқ!"

Ростдан тезкорсизлар🫡

🇺🇿@Otabek

Қашқадарёда 6-синф мактаб ўқувчиси IELTSдан 7.5 олибди.

Шаҳрисабз тумани 45-сонли мактабнинг 6-"Б" синф ўқувчиси Раҳматова Меҳрибон Илёсиддин қизи халқаро IELTS имтиҳонидан 7.5 балл натижани қайд этган.

Listening — 8.0
📖 Reading — 8.5
✍️ Writing — 6.5
🗣 Speaking — 7.0

Қашқадарё ММТБ раҳбари Убайдулла Ориповнинг айтишича бундай натижа ҳозирча вилоятда ягона экан.

6-синфда бундай натижа ростдан ҳайратланарли...

🇺🇿@Otabek

Меҳнат фаҳрийси, Ички ишлар ва божхона тизимида узоқ йиллар фаолият юритган полковник Ниёзмурод Рўзимуродов 87 ёшда вафот этди.

У 1983 йилда "Йўл ҳаракати қоидалари"нинг рус тилидан ўзбек тилига таржима қилиниб нашр этилишида раҳбарлик қилган.

Ниёзмурод Рўзимуродов 1939 йил, 5 ноябрь куни Жейнов қишлоғида таваллуд топди. Саккиз ёшгача ота меҳрини кўрмай улғайди. Боиси, у туғилганда Рўзимурод ота ҳарбий хизматга отланади. Орадан кўп ўтмай машъум иккинчи жаҳон уруши бошланади. Урушнинг охирги кунига қадар жангоҳларда жон олиб жон берган ота уйга қайтганида ўғли Ниёзмурод илк бора унинг дийдорига туйди.
Рўзимурод бобо ва унинг оиласи тақдир тақозоси билан маълум бир муддат Туркманистон Республикаси Саят туманида яшаб истиқомат қиладилар. 1953 йилда эса Рўзимурод бобо оиласи ва фарзандлари билан Жейнов қишлоғига қайтиб келишади.
Ниёзмурод Рўзимуродов ўрта мактабни еттинчи синфини тугатгач 1955-1959-йилларда Қўқон шаҳридаги автомобиль йўллари техникумида таҳсил олди.
Уйидан олисда оғир шароитда бўлса-да, устозларидан касб сирларини пухта ўрганиб, техникумни битиргач ички ишлар идорасининг йўл-патруль хизматига ишга кирди.
Меҳнат фаолиятини 1960 йилда дастлаб Ғузор туманида ИИБ ЙПХ катта нозири лавозимидан бошлади, ҳамда ўз устида тинимсиз ишлаши, билим ва тажрибасини ошириб бориши раҳбарлар назарига тушди. Уч йиллик хизмат давомида соҳанинг пасту-баландини пухта эгаллаган Ниёзмурод Рўзимуродов 1963 йилда Қарши шаҳар ИИБ ЙПХ бўлими бошлиғи лавозимига тайинланди. Ўша йили Қарши шаҳридаги марказий чорраҳада илк бора ҳаракатни тартибга солувчи светофор ўрнатилишида унинг хизматларини алоҳида таъкидлаш жоиз. Хизмат фаолияти билан бир вақтда Тошкент автомобиль йўллари институтида сиртдан таҳсил олди. 1964-1969-йилларда вилоят ЙҲХБ да бўлинма бошлиғи, бошқарма бошлиғи ўринбосари лавозимида хизмат қилди. Айниқса, вилоят ИИБ йўл ҳаракати хавфсизлиги бошқармаси бошлиғи лавозимида фаолият кўрсатган 1969-1979-йилларда ўнлаб бунёдкорлик ишларини амалга оширишга жумладан, вилоят ИИБ ЙҲХБ нинг айни кезларда фойдаланилаётган биносининг барпо этилишида раҳбарлик қилди. Соҳани малакали кадрлар билан таъминланишида алоҳида эътибор қаратди. Ходимларга хизмат ўташ учун ҳар томонлама қулай бўлган ЙПХ масканлари қурдирди.
1979-1982-йилларда эса Қашқадарё вилоят ички ишлар бошқармаси бошлиғининг ўринбосари лавозимида фаолият кўрсатди.
Ниёзмурод Рўзимуродов 1982-1985-йилларда Республика ички ишлар вазирлиги йўл ҳаракати хавфсизлиги бош бошқармаси бошлиғи лавозимида фаолият кўрсатган кезларда унинг бевосита ташаббуси ва раҳбарлигида вилоятларда замонавий ЙПХ масканлари қуриб фойдаланишга топширилди. Соҳага ҳар томонлама етук, билимли мутахассисларни жалб этиб, ўзига хос тажриба мактабини яратди. Республика ички ишлар вазирлигидаги фаолияти даврида – 1983 йилда "Йўл ҳаракати қоидалари"нинг рус тилидан ўзбек тилига таржима қилиниб (ўша вақтда бир қадар нозик ва машаққатли бўлса-да), нашр этилишида раҳбарлик қилди.
Сўнгра 1985-1991-йилларда Жиззах ва Сирдарё вилоятларида турли раҳбарлик лавозимларида ишлаган чоғлари ҳам севимли касби йўл-патруль хизматини такомиллаштириш бўйича ўз тажрибаларидан келиб чиқиб, таклиф ва лойиҳалар тайёрлашда фаол иштирок этди.
1991-1993-йилларда Қашқадарё вилоятида "Товар-моддий бойликларни Республикадан ташқарига олиб чиқиб кетишни назорат қилиш" Давлат инспекцияси бошлиғи, 1993-1994-йилларда эса Қашқадарё вилоят давлат божхона хизмати бошқармаси бошлиғи лавозимида фаолият кўрсатди.
Ички ишлар идораларининг турли соҳаларида самарали фаолият кўрсатган бу инсон юзлаб шогирдлар етиштирди.

Бу инсон дадамга тоға, бизга эса бобо эдилар.
Узоқ, шарафли ва албатта намунали меҳнат ҳамда ҳаёт йўли учун бу инсонга🫡

Охиратлари обод бўлсин🤲

🇺🇿@Otabek

Тошкентда ўртача ойлик 12 млн экан.

Тошкентда 2-3 млн ойликка ишлаб юрган жигарлар менимча бу умуман бошқа тошкент бўлса керак, чалғимасдан ишни қиловурийлар...

🇺🇿@Otabek

Яқинда сунъий интеллект орқали қўшиқ яратаётганимни айтган эдим.
Қисқа вақт ичида шу қўшиқлар биргина "youtube"да 250 минг марта тингланди.

Мен яратган қўшиқлар шу қисқа вақт ичида "Spotify" "Apple music" платформаларида ҳам кўринди.
"SHAZAM" ва "Vkmbot" каби қидирув тизимларида ҳам бу қўшиқларни бемалол топиш мумкин.

20 кун ичида менга умуман бегона бўлган соҳадаги бу натижалар менимча жуда яхши.
Қўллаб қувватлаганларинг учун сизларга каттакон раҳмат.

Ҳозирда "Youtube"да 800 га яқин кузатувчи бор, сизлардан шу рақамларни 1000 тага етишида ҳам ўз ҳиссангизни қўшишингизни сўрамоқчи эдим.

Бир қўллаб юборсанглар ажаб эмас бошқа лойиҳаларим каби бу йўналишда ҳам юксак марраларни эгалласам.
Ваъда бераман қўшиқчи бўлиб кетмайман😂

Ушбу ҳавола орқали кириб, подписка бўлсанглар етади жуда меҳрларинг жўшиб кетса майли лайк босиб изоҳ ҳам ёзинглар😜

👉https://youtube.com/@hypenmusic

✈️@HypenMusic
📸Instagram
📹Youtube
🎵Spotify

🇺🇿@Otabek

Тез ёрдам

Эрталаб ишга шошиб келаётсам тез ёрдам машинаси сирена қўшиб, мигалкаларини ёқиб шошилиб келаётган экан, шеригим жуда фаросатли ҳайдовчи шартта йўлни бўшатди, баъзи ҳайдовчилар ҳам фаросат билан йўл берган бўлса баъзилари йўл беришни истамади.
"Бизда ҳали жамият тез ёрдамни қўллайдиган даражада оқибатли эмасда, йўл беришни билмайди" деб йўл бермаган ҳайдовчиларни онасини дилимдаги ширин сўзлар билан сийлаб келаётсам тез ёрдам шу тезликда тўхтамай заправкага кириб кетди.

Иплос заправкага кириш учун шошилаётган экан.
Мана шунақа ўз иши билан шошиб юрадиганлар кўплиги учун ҳам кўп ҳайдовчилар тез ёрдамга йўл бермайдида.

Тез ёрдамчи брат агар шу хабарни ўқиётган бўлсангиз бундан кейин салонда оғирроқ бемор бўлмаса сиренани қўшманг, менга ўхшаган иплос волидангизни йўқлаб кетиши мумкин...

🇺🇿@Otabek

Ғузорда яна бир катта лойиҳа: “Янги Ўзбекистон” массиви қурилиши бошланди

Қашқадарё вилояти Ғузор туманида “Янги Ўзбекистон” массиви қурилишига расман старт берилди. Тадбирда вилоят ҳокими Муротжон Азимов, нуронийлар ва кенг жамоатчилик вакиллари иштирок этишди.

Лойиҳа оддий қурилиш эмас бу келажак учун асос.
Массив ҳудудида кўп қаватли уйлар, ижтимоий объектлар, савдо марказлари, яшил ҳудудлар ва замонавий инфратузилма барпо этилади. Бу эса Ғузорнинг янги босқичга чиқишига хизмат қилади.

Ташриф давомида вилоят раҳбари таълим йўналишига ҳам алоҳида эътибор қаратди. 3-сон техникумда Pearson BTEC дастури асосида ёшлар қандай замонавий касбларни эгаллаётгани билан танишилди.
Шунингдек, “TIMII ITC Learning Centre”да ёш дастурчилар билан очиқ мулоқот бўлиб ўтди.

Уларнинг IT соҳасига қизиқиши ва билим даражаси ижобий баҳоланди.
Якунда ёшларга эсдалик совғалари топширилди — бу эса уларга қўшимча мотивация бўлди.

🇺🇿@Otabek

Шу тадбирда Қашқадарё вилояти ҳокими IT соҳасида янгилик яратаётган ёшларни ёнига борди, сездим ҳозир совға берилади, ҳоким ёшларга қараб;
-Қайсингни ноутбукинг йўқ?
Мен: -Мени ноутбуким йўқ ҳоким бува😁

План ўхшамади😂

🇺🇿@Otabek

Иккинчи жаҳон уруши қатнашчиларига 9-май куни муносабати билан 30 млн сўмдан пул берилар экан.

Мен ҳам иккинчи жаҳон урушида фаол қатнашганман, бир нечта ғалабали юришлар сабабчиси ҳам бўлганман "Call of Duty" ўйинида...

Мени пулим қани?

🇺🇿@Otabek

Фарғона вилояти Фурқат туманидаги 10-мактаб ўқитувчилари вазирликдан улар ишлаб турган мактабга текширув жўнатишини сўраб мурожаат юборишмоқда.
Улар даъво қилаётган муаммолар ҳақиқатда долзарб.

Ҳурматли вазир опа Фурқат тумани РайОнодан бошлаб мактаблар фаолиятини яхшилаб текширтирсангиз Фурқат тумани ўқитувчилари ҳаққингизга дуо қиларди.

Ишонаманки бефарқ бўлмайсизлар, бефарқлик бу касаллик....

🇺🇿@Otabek

Астанадаги экологик саммит: Марказий Осиё учун янги экологик кун тартиби шаклланмоқда

2026 йил 22–24 апрель кунлари Астана шаҳри Марказий Осиёда экологик масалаларга бағишланган муҳим сиёсий ва эксперт мулоқотлар марказига айланди. Бу ерда Регионал экологик саммит — RES 2026 ҳамда Оролни қутқариш халқаро жамғармаси (МФСА) давлат раҳбарлари кенгаши йиғилиши бўлиб ўтди. Ушбу тадбирлар минтақа давлатларининг экологик муаммоларни якка тартибда эмас, балки биргаликда ҳал қилишга тайёр эканини кўрсатди.

Сўнгги йилларда Марказий Осиё иқлим ўзгаришларига энг сезгир ҳудудлардан бирига айланиб бормоқда. Сув ресурсларининг камайиши, музликларнинг эрий бошлаши, қишлоқ хўжалигидаги муаммолар ва ҳаво ифлосланиши каби омиллар минтақа давлатларини янада яқин ҳамкорликка мажбур қилмоқда. Шу нуқтаи назардан, Астанадаги саммит нафақат рамзий, балки амалий аҳамиятга эга бўлди.

Қозоғистон мезбон сифатида нафақат ташкилий жиҳатдан, балки мазмунан ҳам фаол позицияни эгаллади. Расмий Астана томонидан “яшил иқтисодиёт”га ўтиш, қайта тикланувчи энергия манбаларини кенгайтириш ва трансчегаравий экологик мониторинг тизимларини жорий этиш бўйича таклифлар илгари сурилди. Бу эса Қозоғистоннинг минтақада экологик кун тартибини шакллантирувчи давлат сифатидаги ролини мустаҳкамламоқда.

RES 2026 саммитида муҳокама қилинган масалалар орасида паст углеродли тараққиётга ўтиш, саноат чиқиндиларини камайтириш, сувни тежаш технологияларини жорий қилиш ва “яшил” молиялаштириш механизмларини ишлаб чиқиш каби йўналишлар алоҳида ўрин тутди. Халқаро ташкилотлар иштирокида эришилган келишувлар минтақада инновацион ечимларни жорий қилишга замин яратмоқда.

МФСА доирасида ўтган йиғилиш эса Оролбўйи муаммосини ҳал қилишда янги босқич бошланаётганини кўрсатди. Астана декларациясининг қабул қилиниши ва 26 мартни Халқаро Орол куни сифатида белгилаш ташаббусининг қўллаб-қувватланиши минтақа давлатларининг умумий экологик меросни сақлашга бўлган сиёсий иродасини намоён қилди.

Шу билан бирга, саммитда сув дипломатияси масаласи ҳам марказий ўринни эгаллади. Амударё ва Сирдарё ҳавзаларида сувдан фойдаланиш, гидроэнергетика ва қишлоқ хўжалиги манфаатлари ўртасидаги мувозанатни таъминлаш каби мураккаб масалалар юзасидан мулоқотлар ўтказилди. Бу эса келгусида эҳтимолий низоларнинг олдини олишда муҳим аҳамият касб этади.

Экспертлар фикрича, Астанадаги тадбирлар Марказий Осиёда “экологик дипломатия”нинг янги босқичини бошлаб берди. Энди асосий вазифа — қабул қилинган қарорларни қоғозда қолдирмасдан, амалий лойиҳаларга айлантиришдир. Бу эса молиявий ресурслар, сиёсий ирода ва шаффоф механизмларни талаб қилади.

Албатта, муаммолар ҳали кўп. Айрим давлатларда экология масалалари ҳали ҳам иқтисодий манфаатлар ортида қолиб кетмоқда. Бироқ Астанадаги мулоқотлар шуни кўрсатдики, умумий хавф давлатларни бирлаштирмоқда ва бу жараённи орқага қайтариб бўлмайди.

Хулоса қилиб айтганда, Астанада бўлиб ўтган RES 2026 ва МФСА йиғилишлари Марказий Осиё учун янги экологик кун тартибини белгилаб берди. Энди савол битта: бу келишувлар реал натижаларга айланадими ёки навбатдаги декларациялар сифатида қолиб кетадими? Вақт бу саволга жавоб беради.

🇺🇿@Otabek

Энергетика тизимида қора ўлат тарқаётгандек...

Тизимда соққа қилиб юрган баъзи бывший соққаменларга шу 1 йил ичида сразу қора ўлат тегди.

Ҳудудгаз ва ҲЭТ раҳбарларини кўпчилигига иш очилган, тизим ростакамига тозаланмоқда.

Сизлар билиб таниб юрган газ раҳбари ёки электр тармоқлари раҳбарлари қамалиб кетса ҳайрон бўлманглар, шунчаки уларга ҳам қора ўлат теккан бўлади.

Ўзи шу энергетика тизими ислоҳга муҳтож эди ва бу жараён ҳозир бошланган.

Талон-тарожликка йўл қўйган раҳбарлар эслаб қолинглар қора ўлат сизгача ҳам етиб боради, бугун қайсидир туман ёки обл (рай)газ раҳбарига иш очилган бўлса эртага бу сиз бўлишингиз мумкин.

Қора ўлат сизларни ҳам албатта топиб боради.
Жойингиз қора қафасда бўлсин🤲

🇺🇿@Otabek

Бугун Октагон лигада Камиль Каратэ деган бачча Сатурн деган баччани Бекниёз билан Бақай тоғани қувлаб ургандек уради.
Ёзиб қўйинглар...

🇺🇿@Otabek

"Cobalt" сотилмаяпти экан, бу кетишда яқин орада "Cobalt"ларни килолаб сотишни бошлашади, лекин мен UzAM машиналари пайпоқ пулига тенг бўлса ҳам сотиб олмайман.
Ўзимга ваъда берганман...

🇺🇿@Otabek