Ёшлар иттифоқидан байрамга креатив ёндашув👏

14-январь Ватан ҳимоячилари куни муносабати билан Ёшлар иттифоқи Қашқадарё вилояти кенгаши шундай табрикнома ва қўлда чизилган суратимни байрамга совға сифатида юборишибди (энди суратимни кўрсатиб, ажина башарам бирлан юракларингизни ёргим келмади)
Ёшлар иттифоқига эътибор учун бўйимдек баланд ва гавдамдек катта раҳмат, бу албатта мени ҳам байрамим чунки мен ҳам заҳирадаги аскарман, ватан олдидаги бурчимни адо этиб, ҳарбий хизматни ўтаб келганман.
Барчага байрам муборак🫡

🇺🇿@Otabek

Bitcoin ilk sotuvga chiqqan vaqtda narxi arzimagan sent bo'lgan, hozir esa bir donasini narxi 50.000 dollar.
Crypto pullarning narxi doim oshib boradi.

💎 Telegram jamoasi va Pavel Durov ham yangi Cryptopul loyihasini ishga tushirdi NOTCOIN

🌉Bu o'yin o'ynash orqali pul topish mumkin bo'lgan telegramdagi yangi va hozircha yagona loyiha👛.
Hozircha tangalar birja savdosiga chiqmadi, demak savdoga chiqqunicha talaygina tangalar to'plab olishingiz mumkin, savdoga chiqqandan keyin uni topish ham hozirgidek oson bo'lmasligi aniq.

👛Bu haqiqiymi?
Albatta bot menusidagi tasdiqlash belgisi 👉 bu botning haqiqiy ekanini tasdiqlaydi❤️

📱Notcoin pullarini qanday olish mumkin:

— Botga kiring va tokenlarni bepul oling.
— Topgan tangalaringiz yordamida tanga beruvchi tugmachalarni yangilab boring, kuchaytiring🥷
— bu daromad olish jarayonini tezlashtiradi🚀.
— Frens tugmasini bosish orqali loyihani yaqinlaringiz bilan baham ko'rishingiz mumkin.
Taklif qilgan do'stlaringiz orqali daromadingiz oshib boradi (agar premium akkauntlar taklif qilsangiz 10 barobar bonus beradi) o'yin o'ynash orqali pul ishlashni hoziroq boshlang🐶
Men boshladim...

🌉Crypto pullarni ishlash uchun @Notcoin_bot ga kiring🌉
Bugun va erta a'zo bo'lganlarga bot tomonidan 500.000 tagacha tanga bepulga beriladi.

🛩@notcoin_bot

Бугун 15-январь "ХАЛҚАРО КЕЧАГИ БАЙРАМДА СОВҒАГА ТУШГАН ПАЙПОҚЛАРНИ САНАШ КУНИ" деб эълон қиламан.

Муҳр| Имзо| Сана|

🇺🇿@Otabek

Тошкентдаги телеминорага рус блогери ўз-ўзидан чиқиб қолмаган, кимдир унга рухсат берган.

Ўша рухсат берган одамни топиб, энг қалин ва телеминорадек узун бармоқни туфламай бир жойига ботириб олиш керак.
Ё қайтиб телеминорага ҳеч кимни чиқармайдиган бўлади, ёки бармоққа ўрганиб қолади...

🇺🇿@Otabek

Мана бу йигитларни тарбия берган ота-онасига раҳмат🫡

Давлат қилиб берган йўлни ўзининг энг қиммат мулкидек асраш ҳаммага ҳам эмас.
Бюджетни талаб юрганларга намуна қилиб мана шу йигитларни кўрсатинглар☝️

🇺🇿@Otabek

Мен ҳам блогерларни суратга олишни уни ижтимоий тармоққа тарқатишни чеклаш ҳақида қонун талаби билан чиқсамми?
Тўғри бу мантиқсизлик, энди МАНТИқсизликми, ХОНИМ ё ЧУЧВАРАсизликми барибир шу усулни бошқа соҳаларда қўллашмоқчику.
Ундан кўра келинглар умуман барча соҳа вакилларини суратга олиб, тармоққа жойлашни қонунан чеклаб қўямиз.
Буёғи МЕЗЗА бўлади, эсеплерингиз дем олади😁

🇺🇿@Otabek

Ҳинд футболчиларига энди "Ҳонуман" соҳиб ҳам ёрдам беролмасалар керак.
Намасте🙏

🇺🇿@Otabek

Огоҳ бўлинг қўйлар учун ажойиб тузоқ🐑

Мана бунга ўхшаган текин даромад хабари келса ишoниб баааааа деб иловани ишга туширманглар, бу ВИРУС.
Бу шундай вируски маскаям, резинкаям ёрдам бермайди.

Бу вирус ишга тушиши билан профилингиз ухлайди, картангиздаги барча пуллар ечилади ва сизнинг контактингиздаги ҳаммага шу вирус сизнинг номингиздан боради.
Натижада ВИРУСга чалиниб, хонавайрон бўладиганлар ва вирусни тарқатувчилар сони кўпаяди.
Карантин қоидаларига амал қилинг, лох бўлманг.
Фаросатда қолинг, лохликдан масофа сақланг.
Сиз бизга фаросатингиз билан кераксиз, амал қилмаганлар ҳақига эса дуодамиз🤲

🇺🇿@Otabek

Кеча Самарқандлик қиз КЕМБРИДЖ ва ГАРВАРД грантини ютиб олгани ҳақида хабар тарқалганди.
Ёшлар ишлари агентлиги раҳбари ҳам Мактаб ва мактабгача таълим вазирлиги ҳам бу ҳақида ёзганди.
Бугун эса у хабар фейк бўлиб чиқди.
Мана шу нарсани ўзи бизда бемалол исталган мавзуда сохта хабар тарқатиш, оммани бемалол алдаш мумкинлигини исботлайди.
Ҳатто вазирлик ахборотни текширмай босгандан кейин "ғишмат" ва "кесакмурод"лар тарқатаётган ёлғонлардан гина қилмасак ҳам бўлади.
Қидирув тизимидан "Секис килип" деб ёзиб, излашдан бошқасига ярамайдиган оммани алдашдан осони йўқ аслида...

🇺🇿@Otabek

Бир ойда 621 минг сўмга яшаш мумкин деган одамга шон-шарафлар бўлсин ва бу оламшумул кашфиёти учун уларни бир ойлик меҳнат ҳақи 621 минг сўм этиб белгилаб, умрбод шу миқдордаги ойлик иш ҳақи тўлансин.
Адолат опа хурсанд бўладилар...

🇺🇿@Otabek

Божхоначилар ҳақидаги янги миллий сериалда янги йилда отилган пақилдоқлар ҳақида ҳам кўрсатишармикан Девона ака?

🇺🇿@Otabek

Чукоткадаги бир туғруқхонада туғилиши биланоқ ҳамширанинг қўлидан кетма-кет саксон беш олти марта тушиб кетган чақалоқ Иванжон Иванжонович баланд овозда бақира бошлади:
"-Бир кунга 20 минг 700 копейкага бемалол яшаса бўлади"

🇺🇿@Otabek

Дунёдаги энг қиммат каллалар бизда бўлса керак а?
Яп-янги ҳали бирор марта ишлатилмаган энг қиммат каллаларни бари биздаку...

🇺🇿@Otabek

Кеча Қарши шаҳрида "Қашқадарё аҳли" телеграм каналида ўтказилган "Йил эътирофи" танлови ғолибларини тақдирлаш маросимига меҳмон сифатида иштирок этдим (лекин тақдирланганлардан кўп совға олиб кетдим🤣)

Тадбир давомида меҳмонлар орасида совринли савол-жавоб ўтказилди, хум калламни ишлатиб индамай битта совғани ютиб олдим, бироз ўтиб тадбирга меҳмон сифатида қатнашаётган хонанда Алижон Исоқов ўзи кашф қилган "Шахмат плюс" ўйини доскасини ҳам бир саволнинг жавобини тўғри топган одамга бераман деб қолди, яна елкадаги жун тўрвани ишлатиб шахмат доскасини ҳам ютиб олдим (текин берса вагонни ют деган шиор асосинда😜), меҳмон сифатида келиб, тақдирланиб чиқиб кейин бир кафега нишонлашга бордик, у ерда кафе эгаси ҳам таниб қолиб у ҳам бир совға бериб юборди😄 Хуллас 3 та совға билан минг қўйи бор бойдек уйга келсам, қўлимдагиларни кўрган онам: "-Болам ҳамма ишни йиғиштириб энди олиб сотарликни бошладингизми?" деб қолдилар😂

Менимча мени энди бирорта ҳам совринли тадбирга чақиришмаса керак, оббо меней, оббо меней...

P.S. Суратда Алижон Исоқов янги Шахматни анъанавий шахматдан фарқини жон куйдириб менга тушунтиряптилар, мен эса тезроқ шу шахмат доскасини олиб, уйга сурсам деб турибман (барибир доскани олдим😅)

🇺🇿@Otabek

Ер жуда кўп қимирлаяпти, ўша ерни қимирлатаётган братга айтинглар жим ухласин бугун пайшанба эмас, душанбаку🤨...

🇺🇿@Otabek

"Слово пацана" (Йигит сўзи) сериали ҳақида кўпчилик ёзди, мен ҳам бефарқ ўтиб кетолмадим сабаби ушбу сериални кўриб, ўсмирлик даврим эсимга тушди, 1:1 худди мен яшаб ўтган ўсмирликдаги жамиятга ўхшайди.

Ўйлаб қарасам бизнинг ўсмирлик давримизда қонун у қадар кучли бўлмаган экан, биргина Қарши шаҳрида ҳам "Эски шаҳар", "Аэропорт", "Масло завод" ва ҳоказо каби маҳалла ва ҳудудларни бўлиб олган ўсмирлар тўдалари бўларди.
Бозорларда киссовурлардан тортиб лохотрон ўйнатиб сизни ё ўйинда ёки куч ишлатиб таловчи тўдалар бемалол кезиб юрарди.

Қайси мактабнинг "шепи" қайси мактаб "шепи"ни бемалол ура олиши, қайси зални боласи, қайси зал боласидан устунроқ эканини доим кўча орқали ҳал этилар, бировнинг ҳудудига бошқа ҳудуд вакили бемалол юролмас эди.

Тез-тез тўдалар ўртасида муштлашувлар ҳам одатий ҳол эди, гоҳ у ҳудуднинг "пацан"лари зўр бўлса гоҳ бошқа ҳудуд "пацан"лари зўрликка даъво қиларди.
Бизнинг ҳудуд "Эски шаҳар"га туташ бўлганлиги сабабли ҳам бизда айнан шу тўда "крутить" қиларди.
"Кўча" одамларнинг бизнесигача аралашиб кетган эди.
Мен шундай муҳитда ўсганим учун буни нормаль қабул қилганман, чунки кўчада фалончи амалдор ёки фалончи бойни боласи эмас, балки тўдалар тепасида турган "катта ака"лар ҳамма нарсани "решать" қиларди.
Менимча барча жойда худди шу муҳит ҳукмрон бўлган, таъсири кучли бўлганлиги учун ҳам омма орасида "Бригада", "Шайтанат", "Чўқинтирган ота", "Қашқирлар макони" каби "Слова пацана" сериали мавзусига ўхшаш "кўча" қоидаси акс этган кино ва сериаллар доим оммабоп бўлган.
Ўша вақтларда ҳам оммабоп бўлгани каби.

Зўравонлик табиий ҳолдек эди назаримда.
Ҳозир оғриқли, қўрқинчли туюлган ўша воқеалар ўз вақтида барча томонидан нормаль қабул қилинган.
Ҳозир ўша вақтлар ёки у вақтларда қилинган ишлар ҳақида гапирсанг ёшлар эртак айтяпти деб энса қотиради, аммо бутун атроф худди "Слова пацана" сериалидагидек эди.
Менимча бу сериалнинг оммалашишига сабаб ҳам шундай жамиятни кўриб ўсган авлодлар борлиги бўлса керак?..

Вақт ўтгани сайин кўчадагилар кўчада ўла бошлади, тириклари қамалди, қамалишни истамаганлар кўчани тарк этиб, тинч ҳаётни танлашди.
Менимча барча шундай кино ва сериаллар охири ҳам шундай бўлиши керак, чунки кундан-кунга қонун кўчани сиқиб чиқариб ташлади, қонун устуворлиги ошиб борди.
Рости ўсмирлик давримда ҳозиргидек қонунлар бўлмаганидан ҳам афсусланаман ҳам шукр қиламан.
Афсусланишим сабаби шу қонунлар аввал бўлганида кўп қадрдонларим кўчада ўлмасди, шукр қилишим сабаби эса бу қонунлар аввал бўлганида барчамиз қамоқда чириган бўлардик.
Кўча барча ўсмир ёшдаги йигитларни ўзига оҳанрабодек тортади, азарти бошқача аммо кўчадан яхши ҳаёт топган одамларни кўрмадим, албатта кўчани тарк этиб ҳаётини яхшилаганлар бундан мустасно.
Афсуски "Слова пацана" сериалидан "руҳланиб" тўда йиғаётган ёшлар ҳам йўқ эмас, аммо сериал сўнггида ҳам бу ишларни оқибати яхши бўлмаслиги ҳақидаги тушунча билан якунланган, аслида ҳаётда ҳам шундай.

Спортчимисан кучингни жаҳон аренасида кўрсат, ишон ҳар қандай чемпионни бир дақиқада оқизиб қўядиган кучлиларни танирдим аммо уларни ҳеч ким танимай ё қамалиб ё ўлиб кетишди.
Кучини жаҳон аренасида кўрсатганларни эса дунё таниди, соққани қилди.

Ёшларга маслаҳатим сизларга яхшилик олиб келмайдиган ишлардан йироқ бўлинг.
Ўқинг, ҳунар ўрганинг, спорт билан шуғулланиб ўзингизни аренада кўрсатинг.
Кўчада сизни бутун шаҳар таниши қорнингизни тўйдирмайди ва фалокатлардан асрамайди.
Сериал ёки кинодаги зўравонликдан эмас унинг охирида бўладиган якунидан хулоса қилинглар☝️

🇺🇿@Otabek

​​Бир муддат аввал Россиянинг Самара вилоятида салонида юртдошларимиз бўлган "Лада" русумли автомашина автоҳалокатга учраган эди, кўп ўтмай тармоқларда автоҳалокатга учраб вафот этганларни жасадини ватанга қайтариш ва уларни даволатиш учун пул тўплаш мақсадида хайрия ташкил этилганлиги ҳақида норасмий хабарлар тарқалди(аслида бу харажатларни давлат ўз зиммасига олган ва барчаси бепул давлат томонидан амалга оширилган)

Хайриялар қандай тартибда ташкил этилиши кераклиги борасида "MigrantUz" лойиҳаси муаллифи Баҳром Исмоилов батафсил мана бу ерда тушунтириб ўтганлар.

Ўша автоҳалокатда вафот этганларни жасадини ватанга қайтариш борасида ФВВ саъй-ҳаракатларни бошлаган бир вақтда бир гуруҳ фуқароларнинг ушбу масалада пул йиғишни бошлашгани ортиқча саволларни келтириб чиқарган: Хўш ҳукумат бу ишлар учун пул ажратган бўлса, фуқаролар нега бундай хайрия ташкил этди деб ва бу ҳолат илк ўрганишлар натижасига кўра ҳамда фуқароларни огоҳликка чақириш мақсадида фирибгарлик ҳолати дея ҳисобланган ва ОАВ орқали огоҳлантириш берилган.

Кейинчалик хайрия ташкил этган фуқароларнинг шахсига аниқлик киритилганда хайрия ташкилотчиси айнан вафот этганларни Россияда ишлаш учун чақирган қишлоқдоши эканлиги ҳамда у ҳалокатга учраганларга ёрдам бериш мақсадида хайрия эълон қилгани аниқланган.

Улар билан масалага ўзаро аниқлик киритилгандан кейин фуқарога тегишли пластик карта сурати эълон қилинган расмий каналлардан олиб ташланган, аммо одамларни кулфатидан ўз манфаати йўлида бошқа бировлар фойдаланмаслиги учун фирибгарлик ҳолатидан огоҳлантириб ёзилган хабар ўчирилмаган.

Кўриб турганингиздек эълоннинг хато берилиши иккинчи бир хатони келтириб чиқарган.
Хайрия ташкилотчилари давлат томонидан текинга бажарилаётган ишларга пул йиғамиз деб тушунмай берган хато эълони ортидан тушунмовчиликлар келиб чиққан.
Худди шу вазиятда "МигрантУз" лойиҳаси ҳам биринчилардан бўлиб фуқароларни огоҳликка чақириб, видео мурожаат билан чиқади, бу ерда Баҳром Исмоилов расмий манбааларга таянади, иккинчи хато кетидан уже учинчи хатога йўл қўйилади.
Шу сабаб хайриялар ташкил этишда билиб-билмай, кўр-кўрона оғизга келган гап билан эълон бермаслик фойдадан ҳоли эмас.

Ҳозирда ушбу автоҳалокатда вафот этганлар жасадлари давлат томонидан бепул ватанга қайтарилган бўлиб, туман ҳокимлиги томонидан 3 нафар вафот этган фуқароларнинг оиласига 10 млн сўмдан жами 30 млн сўм ва жароҳатланганларнинг 4 нафарига ўз уйига қайтиб келиши учун 5 миллион сўмдан жами 20 миллион, умумий ҳисобда барча жабр кўрганларга 50 миллион сўм пул маблағлари ажратилган ва уларнинг оилаларига тегишли тартибда етказилган.

Шу ўринда ушбу масалага аралашиб қолган "УзМигрант" лойиҳаси муаллифига холислик учун алоҳида миннатдорчилик билдираман.
Умуман олганда хайрия ташкилотчиларининг ҳам нияти ёмон бўлмаган, шунчаки улар эълон беришдан аввал маслаҳат қилишмагани ва эълон сўзларига эътибор беришмагани масалани баттар чигаллаштирган.

Хулоса ўрнида ўзингиз билмаган ишга бу ишни тушунадиганлар билан маслаҳатлашмай туриб қўл урманг, шунда бош оғриғи ҳам камроқ бўлади.

Яна бир текин маслаҳат, сиз иш топиб бераман деб ўзга юртга чақириб олаётган ҳар бир ватандош учун жавобгарсиз. Шу сабаб уларни узоқ йўлга оддий автомашинада эмас, жамоат транспортида (масалан поездда) келишини талаб қилишингиз унинг эсон-омон етиб бориш кафолатини оширади.
Ўзбекистон ҳудудида қиш деярли ёғингарчиликларсиз келишини ҳисобга олсак 99 фоиз ҳолатда ўзбекистонлик ҳайдовчилар машиналарига қишки шиналардан фойдаланмайди, қишки шиналарсиз ҳақиқий қиш уфуриб турган Россияга бориш эса бу жуда катта таваккал.
Бу таваккалнинг сабабчиси бўлиб қолмаслигингиз учун ҳам ҳар бир ишга чақирилган юртдошимизга Россияга бориши учун хавфсиз жамоат транспортидан фойдаланишни тавсия этинг...

🇺🇿@Otabek

Энг ачинарлиси айнан Самара вилоятида автоҳалокатга учраган ЛАДА автомашинаси эгаси ҳам шу ёзда деҳқончилик ортидан топган пулига ушбу автомашинани сотиб олган бўлган, яъни у аввал узоқ масофали йўлда юрган профессионал ҳайдовчи бўлмаган.

Бир эътиборсизлик, лоқайдлик катта муаммоларга сабаб бўлишини ушбу ҳолатлардан ҳам ҳис қилиш қийин эмас, шу учун қайтараман; СИЗ ИШ БЕРИШ ВАЖИ БИЛАН ЧЕТ ЭЛГА ЧАҚИРИБ ОЛАЁТГАН ҲАР БИР ФУҚАРО УЧУН ЖАВОБГАРСИЗ, У УЙИДАН ЭСОН-ОМОН МАНЗИЛИГА ЕТИБ БОРИШИ УЧУН УНИНГ ҲАЁТИНИ КЕЧАГИНА РУЛГА ЎТИРГАН ЯНГИ ҲАЙДОВЧИГА ИШОНИШИГА ЙЎЛ ҚЎЙМАНГ.☝️

🇺🇿@Otabek

Бугун Қашқадарё вилояти Косон тумани марказидаги бозорда ОАВ вакиллари ҳамда туман масъуллари билан махсус рейд ўтказдик.

Рости бозорнинг ичкарисида бўш расталар бўла туриб, одамлар кўчада тартибсиз жойлашиб қатновга ҳалақит қилгани етмагандек санитария қоидалари бир чеккада нос чекиб, кайфдан думалаб ётибди.

Масъуллар огоҳлантириш ва жарималар ҳам бу кўча савдогарларига таъсир қилмаётганини таъкидлашди.

Энг аламлиси давлат қуриб берган бозорга қонуний пул тўлаб савдо қилишдан кўра савдо дўконлари қаршисидаги давлатга тегишли ер учун у ерга умуман алоқаси бўлмаган тадбиркорларга ноқонуний ижара тўлаб савдо-сотиқ қилишаётгани, яширин иқтисодга очиқчасига қўл уришаётгани ҳазм қилиб бўлмайдиган ҳолат.

Ундан ҳам қизиқ жойи янги қурилган бозорни автомобиллар учун "стоянка" қилиб, стоянка ва йўлларни савдо расталарига айлантириб олишган, тескари жамият🤦‍♂

Ушбу тадбиркорлар қатъий огоҳлантирилди, энди натижасини кутамиз ишонаманки туман масъуллари ушбу ҳолатга бефарқ қарамайди...

🇺🇿@Otabek

Болалигимни бир қисми ўтган Тошкент шаҳрида ширин хотираларим қолган.

Ҳар доим пойтахт менинг ҳам иккинчи уйим деб билганман, жондан яқин жигарларим билан бирга мени ҳам бағрига олган, сўлим дарахтзор кўчаларидаги салқин ва нам ҳаво ҳиди кечагидек эсимда.
Тошкентда ҳаловат топардим, у ерда ўйнаб ўсган ўртоқларим билан бирга юрган йўлларимиз тафти ҳам ҳамон эсимда.
Унда Тошкент бошқача эди, борган одам кетишни истамасди, ҳавосидан тўйиб нафас олгиси, ям-яшил дарахтлар соясида соатлаб ўтиргиси келар эди.
Мана вақт ўтиб, дарахтларга қирғин келтиришди, ҳамма жойда қурилиш қилиб баланд осмонга етар дарахтлар ўрнини қуёштўсар биноларга алиштиришди.
Йўллар шу қадар тиқилинч бўлдики тошкентга кирган одам тавбасига таяниб чиқадиган ва тошкент деса 3-4 кун ёмон туш кўрадиган даражага келтириб ҳам қўйишди.

Доим ўзим ўсган маҳаллага боришни интиқиб кутардим, бориб атрофдан ором олардим, аммо охирги борганимда юрагим сиқди.
Охирги борганимга ҳам ярим йилча бўлибди, афсуски шу билан қайта боришни истамадим, жонажон кўчаларимни қайта соғинмадим.

Иш билан пойтахтга борсам ҳам энди мен учун қадрдон бўлган шаҳарни эмас, бегона, тиқлинч, ноқулай ва чангга булғанган нотаниш бир жойга боргандек ўзимни ноқулай ҳис қиладиган бўлдим.
Ҳатто охирги 2-3 марта пойтахтга боришга мажбур бўлганимда ҳам иш билан борган манзилимдан тўғри қаршига қайтдим.
Бошқа бирор жойга қайрилмадим, чунки юрагим шу қадар сиқдики тезроқ бу "бегона" шаҳардан чиқиб кетишдан ўзга истагим йўқ эди, жонажон маҳаллам, ўқиган синфларимни ҳам кўришни истамадим.
Чунки биз севган сўлим тошкентни бизга "бегона" бўладиган даражага олиб келишди.

Бир нарсани биламан, тошкентни ҳозир ҳам асраб қолиш мумкин агар истак бўлса албатта.
Қурилишларга мораторий эълон қилиш, транспорт ҳаракатини тартибга солиш ва дарахтларни кўпайтириш орқали ҳали ҳам тошкентни қутқариш мумкин.
Йўқса жонажон пойтахтни бегоналаштирган одамларни келажак авлод умрбод кечирмайди.
Бир вақтлар энг гўзал ва сўлим гўша бўлган тошкентни, чангзорга айлантирмайлик.
Ҳали ҳам вақт бор....

🇺🇿@Otabek