Мамлакатимизда тадбиркорликни, айниқса, кичик ва ўрта бизнесни ривожлантириш энг устувор вазифалардан бири. Тадбиркорлик ривожи давлат равнақида муҳим аҳамиятга эга.

Бугун бозорларга сифатли ва рақобатбардош маҳсулотлар билан кирган, юқори даромадли корхоналар фаолиятини йўлга қўйган бизнес вакиллари кўплаб топилади. Савдо-саноат палатаси тадбиркорларнинг ҳаёт йўли билан таништириш мақсадида яхши бир лойиҳани ташкил қилибди.

Маълум қилинишича, Палата яқин кунларда МТРК билан ҳамкорликда "ТАДБИРКОРЛИК –ТАҚДИРИМДА" туркум кўрсатувларини намойиш эта бошлайди. Теледастурда муваффақиятли бизнесменлар ўз ҳикоялари ҳақида сўзлаб беришади. Тадбиркорлар ҳақида фильмлар ишланаётгани эътиборга моликдир. Ўйлайманки, уларнинг фаолият йўли айниқса бизнесга энди кириб келган соҳа вакиллари учун айни муддао.

Волонтёр бўлгим келди...

Бугун Қашқадарё вилояти волонтёрлар маркази аъзолари билан биргаликда Кўкдала туманида бўлиб, ҳудуддаги ногиронлиги бор, боқувчисини йўқотган ёшлар ва ижтимоий муҳофазага муҳтож оилаларга "Янги йил" кайфияти улашдик.

Жуда самимий жамоа экан, тортиниш, ийманиш ҳисси йўқ, жуда киришимли жамоа экан.
Улар билан қайси хонадонга кирмайлик ёш-у катта барчани бирдек кўнглини олишга, уларга хурсандчилик улашишга ҳаракат қилишаётганини кўриб уларга ҳавасим келди.
Энг қизиғи улар бу ишлардан ҳеч қандай моддий манфаат кўришмайди.
Ҳозир манфаат учун ота-ўғил юз кўрмас бўладиган бир замонда ҳеч қандай шартларсиз ва моддий манфаатларсиз туманлардаги энг чекка ҳудудларгача болажонларга қувонч улашиб юриш унча-бунча одамни қўлидан келмайди.
Ўсмир ёшда бўлганимда ҳеч иккиланмай мен ҳам уларни жамоасига қўшилиб олган бўлардим.
Сизларга ҳавасдаман "Қашқадарё волонтёрлар жамоаси" менда жуда яхши таассурот қолдирдинглар🫡

@Kukdala_uz

АҚШдаги собиқ элчимиз Марказий Осиё халқаро институти директорига айланди

Жавлон Ваҳобов дипломатия бўйича яхши тажрибага эга мутахассис ҳисобланади. У шу пайтга қадар Президент ҳузуридаги Миллий хавфсизлик кенгаши, Президент ҳузуридаги Стратегик ва минтақалараро тадқиқотлар институтида турли лавозимларда, шунингдек, Ташқи ишлар вазирининг ўринбосари, Ташқи ишлар вазирининг биринчи ўринбосари, Ўзбекистоннинг АҚШ, Канада ва Бразилиядаги фавқулодда ва мухтор элчиси сифатида фаолият юритган.

Олдин АҚШ элчиси бўлиб ишлаган сиёсат олами вакиллари юртимизга қайтгач, фаолиятини Ташқи ишлар вазирлигида давом эттирарди. Бироқ Жавлон Ваҳобов билан бундай ҳол кузатилмади. Эндиликда у Марказий Осиё халқаро институти директори бўлиб ишлайди.

Собиқ ТИВ раҳбари Абдулазиз Комиловнинг шогирди Жавлон Ваҳобов кучли аналитик сифатида кўрилади, унинг элчилик даврида АҚШ билан муносабатлар юқори босқичга кўтарилган. Президант икки марта АҚШга сафар қилган бўлса, америкалик жуда кўп катта ваколатли шахслар юртимизга келган ва мамлакатимиз билан яқин алоқалар ўрнатган.

Маълумот ўрнида, Марказий Осиё халқаро институти минтақавий ҳамкорлик истиқболлар бўйича экспертлар муҳокамаси ва турли соҳалардаги кўп томонлама лойиҳалар бўйича илмий асосланган таклифлар ишлаб чиқиш учун платформа бўлиб хизмат қилади.

Истардимки 2024-йилда бутун дунё болалари тинч осмон остида ҳар бир кунини байрамдек қувончда ўтказсин.
Ҳар бир бола ҳар бир инсон уруш нима эканини фақат киноларда кўрсин.
Шифохона, болалар уйлари, қамоқхоналар бўшаб қолсин.

Барчангизга байрам муборак 2024-йилдаги ҳар бир кунингиз айнан мана бугунгидек тўкин-сочин ва албатта байрамдек қувончли бўлиб, юртимиз тинч ва осойишта бўлсин.🤲

@Otabek