Аслида мана бундай ҳолатлар ҳақида ёзмасдан жим кетолмайман.
Мен аввал ҳам пиёдалар ўтиш жойларида тўхтамаган ҳайдовчиларга жазо чораларини энг максимал даражада оширилишини сўраганман.
Тан олиш керак бизда деярли бирорта ҳайдовчи пешеxодга йўл бермайди.
Йўл беришга ўргатиш учун эса бургани қанотидек жаримача эмас ҳақиқий жазо керак.
Тўхтамадими жазолаш керак бизда жазоламасдан туриб ҳайдовчиларни тарбиялаб бўлмайди.
Жазони кучайтиринглар токи болалар йўлда ўлмасин...☝️

🇺🇿@Otabek

Шуларни мияси ишламайдида.

Эски моделми мана бизга бер, биз унга пулини олдиндан 2 баравар қилиб тўлаб қўйиб, яна 1 йил ғинг демай кутамиз.
Магнитафони бўлмаса ҳам майли, олаверамиз😁

🇺🇿@Otabek

Халқни пулига олинган 90 млн сўмлик гиламчада ўтириш кайф бўлса керак а?

Зато к@тинг яғир бўлмайди.
Биз бечоралар метри 5 минглик палосда ўтиравериб ўша жойимиз тошбақани косасидек мазол бўлиб кетгандира😁

🇺🇿@Otabek

Яхши гумонда бўлларинг ичқора негативлар, балки у Аловуддиннинг учар гиламидир😁

🇺🇿@Otabek

Кеча 14-июнь Халқаро Раҳматлилар э йўғе блогерлар куни муносабати билан asaxiy.uz жамоаси ушбу ажойиб китобни совға тариқасида юборибди.
"Энди мени вкусимдаги китоб дўмбоқ бўлсада маззада" деб каттагина китоб экан.
Ўзи мени байрамларда ҳеч ким эсламаса ҳам Фируз Аллаев ва Asaxiy.uz жамоаси йўқлаб, шу ялангоёқ ҳам ўқиб одам бўлсин деб яхши китоблар жўнатиб туришади, доимий эътибор ва ажойиб китоблар учун Asaxiy.uz жамоасига раҳмат🫡

🇺🇿@Otabek

Санкт-Петербурглик бир Дмитрий (Дима дейман) исмли дастурчи ўртоғим бор.
Бир гал у Ўзбекистонга меҳмон бўлиб келди.
У билан шаҳар айланиб юрганимизда у пиёдалар ўтиш жойи (пешеход)дан бемалол юриб ўтмоқчи бўлди мен уни ушлаб қолдим, бир Малибулик КАТТАККАЛЛА бола мингга қўйиб пиёдага ҳам йўл бермай ўтиб кетди.
Дима (Дмитрий) ҳайрон, "йўл қоидасига амал қилмадику бу террорчи" деди, мен унга бизда одатда йўл қоидасига эмас вазиятга қараб пешеходдан ўтилади дедим.
У нега бунақа деди, мен унга тушунтиришга ҳаракат қилдим, ҳозирги машинада ўтган "кўрпачани четига тўкилиб кетгуров" Малибуда юрибди, бу бизда у бой дегани, бизда баъзи бойни боллари шунақа юради дедим.
Дима яна ҳайрон, "Chevrolet жахон бозорида Econom Class" машина ҳисобланади яъни у бойлар учун эмас ўртаҳол аҳоли вакиллари учун чиқарилган машинаку, бойлар "Premium Class"да юради.
Бу сен бой деганинг шу камбағаллар учун ишлаб чиқилган машинада ўзини бой деб ҳисоблаб пиёдага йўл бермай юрган бола агар Premium Class типидаги машинада юрса кўчада одам қолмай босиб кетса керак а деди.
Роса кулишдик.
Аслида машина бу бойлик белгиси эмас, машинани бойлик белгиси деб ўйлаб камига мана бундай қоидаларни менсинмай юриш шунчаки қашшоқлик белгиси холос деди.
Ростдан ҳам буюм билан керилиш, у биланн кибрланиб одамларни устига ҳайдаш учун мия ичи қашшоқ ва бўм-бўш бўлиши кифоя.
Бизда энг кўп автоҳалокатда қурбон бўладиган пиёдалар айнан пешеходдан ўтаётган бечоралар бўлса керак.
Машинаси бор тарбияси қашшоқларни эса қаттиқ жазолаш керак, калласига катак билан уриб бўлса ҳам даволаш ШАРТ☝️

🇺🇿@Otabek

📺Youtube 📱Instagram 📹TikTok

Сарлавҳани қара😂😂😂

Ҳалиям ёшболасизда Баҳодиржон ака😂

🇺🇿@Otabek

📺Youtube 📱Instagram 📹TikTok

Ҳоким мактаб директорини бўшата олмайди.

Мактабда ремонтга пул йиғиш мумкин эмас.

GMдан навбатларсиз мошина олса бўлади.

Қизил чироқда ҳеч ким ўтиб кетмайди

(Ким давом эттиради)😂

🇺🇿@Otabek

📺Youtube 📱Instagram 📹TikTok

"Кунингдан бир кунинг қолса ҳам ош е, минг кунинг қолса ҳам ош е" деган қорин ғамидаги нақлни бироз ўзгартирамиз.

Йилдан-йил жазирамалашиб, иқлим кун сайин исиб боряпти, келажак авлодни зиғир ёғида бўлган ош ҳам, ошни куя босган катта қозони ҳам бўлажак иссиқлардан асрай олмайди.

Энди кунимиздан бир кун қолса ҳам минг кун қолса ҳам дарахт экишимиз керак, дарахт экиш дегани бу вагонлаб сосна экиш деганимас.
Павлонияга ўхшаб тез ўсадиган чидамли ва соя берадиган дарахтни кўпроқ экиш керак.
Агар биз табиатга мана шу дарахтлар билан ёрдам бермас эканмиз яна 5 йиллардан кейин иссиқ шунақа иттаради оғриғи абадий давом этади.
Тур жиян қошиқ ва лаганни жойига қўй, дарахтни эк ва соясида ош е ўзбегим, йўқса келажакда иссиқдан бекинишга қозон сояси минг танга бўлади.

🇺🇿@Otabek

📺Youtube 📱Instagram 📹TikTok

Жангда ўлган рус аскарининг ёнидан телефонини топиб олган украин аскари марҳум рус аскарининг онасига телефон қилиб уни ўғлини ўлдиришганини айтиб масхара қилмоқда.
Ўзбек блогосферасида бундай видеоларни қўйишмайди, чунки биздаги аксарият медиа учун Украина армияси мазлум қилиб кўрсатилади, сабабини тушунмайман.
Аслида урушда оқ томон бўлмайди, урушда ҳар икки томондан ҳам бу каби тубан ишлар амалга оширилади.
Тинчлик мана нима учун керак, урушни ким бошлаши аҳамиятсиз.
Шунчаки уруш ёмон, унда инсонийлик йўқ, қоидалар йўқ.
Тинчликни қадрланг...

🇺🇿@Otabek

Моно постимни ТIКТОКка видео кўринишда жайлаб келдим.
Блогер бўлиб кўрсичқонни кўзини ҳам ўёлмадим ТIКТОКда ўярманда ҳеч бўлмаса😁
👉https://vt.tiktok.com/ZSLrbXVco/

📺Youtube 📱Instagram 📹TikTok

Мушукни ёқиб юборган "мўйловсиз гитлер" ҳақида ўқимаган одам қолмагандир.
Ҳайвонлар ва табиатга зарар етказувчи бундай "мини террористлар" асосан ёшлигидан ҳаммани диққат марказидан четда бўлган, эътиборсиз ўсган болаларда кузатилади одатда.
Мен кўп марта гувоҳ бўлганман кимнидир уйи ёнида ўсиб турган гулни узиб ташлаётган ёки дарахт шохига осилиб синдираётган болаларни ота-онаси бу нарсага эътиборсиз телефон ўйнаб ёки маҳаллада кимларни 2чи хотини бор, кимни уйига қанча бозорлик кираётгани ҳақида ғийбатлашиб ўтиришади.
Уйига кириб қолган дайди мушукни боласидан аввал ўзи бақир-чақир қилиб тепиб ҳайдаётган қанча аёлларни кўрганман, хўш табиатга ва ҳайвонларга бундай шақатсиз муносабатда бўладиган ота-оналардан қандай бола тарбия оларди?
Болаларга ҳар бир тирик жон ва ҳар бир ўсимлик (зарарли бўлмаса) яшашга ҳақли эканини ҳамма ҳар куни тушунтириш керак.
Ҳеч кимга зарари тегмаган дарахт шохини синдирадиган ёки ҳайвонларга озор берадиган болаларни ҳозирдан тарбия қилишмаса бу "мини гитлерча"ларнинг жамият ва табиатга зарари катта бўлади.
Менга ўхшаган одам бунақа тарбиясиз болаларни кўрганда доим эмг машҳур "O NINE SKY SEEN LEARNING" деган инглизча таронани баралла қўйиб кетавераман.
Табиатни ва ҳайвонларни асранг, "Мини гитлерча"ларга тарбия беринг☝️

🇺🇿@Otabek

Қишлоқдаги 2 га 2 чайламни тошкент ситидаги  5 хонали евро ремонт пент ҳаусга алмашаман.
Зато бизни чайлада иссиқ сув ўчоқда бўлса ҳам бор, свет ўчмайди😁

🇺🇿@Otabek

-Бўлажак куёвни даромади қанча?
-Кунига 14666 сўм топади.
-Қизим ўшаники олиб кетаверсин...

🇺🇿@Otabek

Китоб хайрияси бошласак нима дейсизлар?

Мен ишлайдиган Кўкдала туманидаги туман марказидан 10 километрча узоқликда жойлашган бир нечта маҳалла ёшлари учун кичик кутубхона ташкил этмоқчиман.
Чунки сентябр ойида туман марказига кўчамиз у ерда замонавий кутубхона ҳам бор, аммо бу ердаги ёшларга ҳам нимадир қолдириб кетишни истардим.
Барибир бу ерда узоқ йиллар қолмайман, қолаверса китоб ўқийдиганлар камайиб кетган бир даврда китобга меҳр қўйган ёшларга шароит яратишни бурч деб биламан.

Кимдадир ўқиб бўлинган бадиий ёки илмий асарлар бўлса ва у сизга керак бўлмаса мўжаз кутубхонамиз учун ушбу китобларни бизга юборсангиз жуда хурсанд бўлар эдим (Китоблар эски, йиртилган, уриниб қолган бўлса ҳам майли)
Китобларни Ўзбекистоннинг ҳар қандай ҳудудидан юборишингиз мумкин ва бу янги туманнинг ёшлари учун ажойиб совға бўларди.
Китоб юбориш истагида бўлганлар @Artikov_bot га ёзинглар.
Ишонаманки бизни қўллаб-қувватлайсизлар🦾

🇺🇿@Otabek

Дунё ҳаммага етади, ҳамма унга сиғишади.
Саноқли сиёсатчилардан ташқари.

Мени ҳеч қандай уруш хурсанд қилмайди, ҳатто бу уруш душманимга қарши очилган бўлса ҳам.
Чунки дунёга тинчлик керак, тинчлик мавжуд эканлигида мутлақо текин, тарк этгандан кейин эса қайтиши жуда қиммат нарса.☝️

🇺🇿@Otabek

Мана бугундан китоблар кела бошлади

Бир муддат аввал Кўкдалалик ёшлар учун кутубхона ташкил этмоқчилигимни айтгандим, раҳмат ҳаммага кўпчилик бу ташаббусни қўллаб-қувватлади.
Биринчилардан бўлиб Кўкдала тумани ҳокими Хуррам Джураев 100 дона бадиий асарлар тупламини совға қилиб хайрияни бошлаб бердилар, уже мана блогим кузатувчиларидан ҳам китоблар кела бошлади Жиззах вилоятидан Шаҳло опага ҳамда Кўкдалалик Гулсеварга катта раҳмат.
Қолаверса Хивадан 100 дан ортиқ китоб келиши керак бундан ташқари "Асахий" асосчиси Фируз Аллаев ҳамда "BookUz" лойиҳаси ходимлари ҳам алоқага чиқиб китоб совға қилишларини маълум қилишган.
Насибамиз бўлса жуда кўп китоб йиғамиз.
Бизга китоб юборишини айтиб жуда кўпчилик алоқага чиққан агар барча китоблар Кўкдалагача етиб келса бу ҳудуд ёшлари учун ажойиб совға бўлар эди.
Бизни қўллаб-қувватлаган барчага раҳмат🫡
Хайрия давом этади...

🇺🇿@Otabek