Мен Каримов ҳақида доим ижобий фикрда бўлганман.
Аммо Қорақалпоқдаги вазият Каримов даврига тўғри келганда вазият умуман бошқача бўлар эди.

Сепаратистларнинг омади улар Мирзиёев даврида шу ишни қилганликлари, чунки Мирзиёев барибир бу вазиятга юмшоқ ёндашди.
Агар кечаги воқеалар Каримов даврида бўлганида шу ишда иштирок этганларни ҳатто ўз қабри ҳам топа олмасди.
Бу Мирзиёевга пахта ёки Каримовга нисбатан негатив эмас, бу шунчаки ҳақиқат☝️

👉@Otabek

Бир кунлик армия

Блогер бўлиш меззада, ҳамма 1 йил ҳеч бўлмаганда, бир ой ҳарбий хизмат ўтаса блогерлар 1 кунгина ўтайди😁

Эртага бир гуруҳ блогерларни Қашқадарё вилояти ёшлар иттифоқи ташаббуси билан бир кунлик ҳарбий хизматга чақиришди.
Дўппи ва соқолда хизмат ўтаган энг биринчи аскар ўзим бўлсам керак😁
8 йил бўлибди ҳарбий хизматни ўтаганимга, автоматни йиғишда ўша вақтда ҳам қийналардим эртага ҳам роса маккилласам керак...

Хуллас эртага бува армияда бўлади, хизматда вақтимда тўполон қилманглар.
Хизматдан дембл бўлиб қайтсам ёмон гаплашаман лекин😂

👉@Otabek

Хуллас мен армияга кетяппан.
Тишлаб кетай десам, уйда нон йўқ экан.
Шунга блинчикни тишлаб кетяппан.

Армияга кўп блогерлар чақирилганди, аммо аксарияти бормайдиган бўлибди. Кимнидир иши чиқиб қолибди, яна кимдир кўзимга автомат кириб кетмасин деб қўрққан шекилли хуллас бугун озгинаю-созгина жамоа бўлиб ватан учун "узоқ" муддатли ҳарбий хизматга йўл оламиз.

Армияга духи етоккон блогерлар бўлса кутовуза☝️

👉@Otabek

Ҳабикатура братга айтинглар мана шу қайчини кейин айбдорларни бир жойига тиқиб қўйилганини ҳам чизсинла😂

👉@Otabek

Ер керакми, муаммосиз.

Қорақалпоғистон ерларини бўлиб олмоқчи бўлгaн ғараз ва мараз ниятли кимсалар, сизларга ер керакми?
Биз сизларга 1 хона 1 даҳлизи бор 2 метрлик салқин ерларни текинга таклиф қиламиз.

©Ҳурмат билан Майда қишлоқ қабристони

👉@Otabek

Ватан тинчлигини сотилиш нархлари билан танишинглар.

Қорақалпоғистондаги тартибсизликларни бошқарган ташқи кучларнинг лайчалари бўлган мана бу қизил футболкаликлар ватан тинчлигини шу арзимаган пулга пулламоқчи бўлишган.

Фитна қурбонига айланманглар, эътиборли бўлинглар.

Тинчликни арзон нархга сотишингиз мумкин, аммо кейин миллиардлаб долларга ҳам сотиб ололмайсизлар☝️.

👉@Otabek

Виждон ва оқибат сотилади, яп-янги бир марта ҳам ишлатилмаган☝️

👉@Otabek

Юртимизга ДРОН билан келган Туристжонларим.
ХУШ КЕЛИБСИЗ.
Х@й қайтариб олиб кетасиз...

👉@Otabek

#МУРОЖААТ

"Мен Олмалиқ шаҳар 80-сонли кар ва заиф эшитувчи болалар учун ихтисослаштирилган мактаб интернатида ишлайман. Бошланғич синф ўқитувчилари, бу йил 4-синфни чиқариб янги синф олиши керак. Лекин кар-соқов болалар сони саноқли бўлганлиги учун ўзинглар ўқувчи топинглар деган топшириқ беришяпти, агар ўқувчи топмасак дарс соатларимизни қисқартириб беришаркан.

Давлатимиз шунақа болаларни тақсимлаши, ёки ҳеч бўлмаганда рўйхатга олишни иложи йўқмикан?
Ҳеч бўлмаганда битта жойга бориб шундай болаларни топиш имкони бўлса ҳам майли эди. Уйма-уй, вилоятма-вилоят юриб ёзи билан кимни кар-соқов боласи бор деб излаб юрмайдику ўқитувчилар..."

P.S. ХТВ бунга нима деркин?

👉@Otabek

Бир кунлик армияга кетганим ҳақида айтгандим.
Аслида бу бир кунлик армия “Ёш ватанпарварлар йиғини“ тадбири эди.

Ёшлар иттифоқи ва Ёшлар ишлари агентлиги ҳомийлигида профилактик рўйхатда турувчи ёшларни жамиятга қайтариш ва уларнинг фойдали ишлар билан шуғулланиши таъминлаш мақсадида ҳарбий қисмда улар учун 10 кунлик ҳарбий хизмат ташкил этилган.

Мени суюнтирган нарса ҳукумат бу болаларни жиноятчи деб ажратиб қўймади, уларни тўғри йўлга қайтариш учун мана шундай лойиҳани ишга туширди.
Профилактик рўйхатда турувчи бу ёшлар орасида ажойиб иқтидор эгаларини ҳам кашф этдик.

Бу лойиҳа менга ёқди, жамиятдан ажралиб қолган ёшларни чеккага чиқариб ташлаш эмас улар билан мана шундай тартибда ишлаш керак.
Асосийси ёшлар бундан мамнун.

👉@Otabek

Мендан нега армияда сиз ҳарбий форма киймадингиз деб сўрашди, мен 8 йил аввал хизмат қилганимда мени бўйимга мос келадиган ҳарбий кийимлар топиш муаммо бўлмаганди аммо ундан бери ўсибман шекилли 46 размерли патинка ҳам, мени бўйимга мос келадиган форма ҳам топилмади.

Кичикроқ формани кияй десам шими менга шортик бўлиб қоларди ана унда ҳиндистон полициясидан фарқим қолмасди ва мени кўрган одамлар намасте Оташ соҳиб дерди😁

👉@Otabek

Битта нарсани тан олиш керак.
Қорақалпоғистондаги воқеалар авж олганда Ўзбекистон медиаси (интернетда) ахборот урушида душман томонга бир бурда ҳам нон қолдирмади.
Ҳоккей ҳисобида "шаққиллатиб" ташлади.

Тўғри вазият бир ёқлик бўлгунча туяқуш режимида каллани қумга тиқиб ўтирган фаоллар ҳам бўлди, аммо ўзбек медиаси жангга шунақа шиддат билан кириб келдики фитначилар тарқатаётган фейк ахборотлар пўчоқдек сочилиб кетди.

"Ҳукумат ичимлик сувини заҳарлади" "Кўчалар қон" "Тошкент бугун ухламайди" номли фейк хабарлар бир неча дақиқага бормай бўҳтон экани фош қилиб ташланди.

Ўзбек медиасида ҳатто умуман бир-бирини қўлламайдиганлар ҳам елкама-елка туриб бир томон учун "жанг" қилишди.
Биз ахборот урушида мутлақ ғалаба қилдик, камчилигимиз эса бундай ҳолатларга доимий шай турмаганимиз.
Биз аҳолига бундай вaзиятларда факт-чеккинг қила олиши учун кўп ишлар қилишимиз кераклиги маълум бўлди.

Ахборот катта майдон, унда номард "жанг" қилувчилар кўп.
Аммо ишонаманки ўзбек медияси доим "жанговор" ҳолатда туради.

Яна бир нарса аниқки Президент ОАВга хусусан блогерларга билдирган ишончи мана шу жойида ўзини буткул оқлади деб ўйлайман.
ОАВга эркинлик бериш қийин вазиятларда яхши натижалар беришига бундан ортиқ исбот бўлмаса керак...

ИМҲО...

👉@Otabek

Олмалиқ шаҳридаги 80-махсус ихтисослаштирилган мактабдан келган мурожаат бўйича Халқ таълими вазирлиги расмий муносабат берибди:

"Олмалиқ шаҳридаги 80-сонли ихтисослаштирилган мактаб интернатида ўқитувчиларга ўқувчи топиш топширилгани юзасидан

Олмалиқ шаҳридаги 80-сонли ихтисослаштирилган мактаб интернати — Тошкент вилоятидаги кар ва заиф эшитувчи болалар учун ихтисослаштирилган ягона мактаб интернати ҳисобланади. Мактаб интернатига болалар Тошкент вилояти халқ таълими бошқармасининг йўлланмаси асосида қабул қилинади.
Шунингдек, Сирдарё вилоятида ҳам бу йўналишдаги ихтисослаштирилган муассаса мавжуд бўлмаганлиги сабабли ушбу вилоятдаги эшитишида нуқсони бўлган болаларни ҳам таълим билан қамраб олади.

Кар ва заиф эшитувчи болаларни таълимга жалб қилиш ва тўлиқ қамраб олиш учун микроҳудуд (Тошкент вилояти) бўйича шаҳар ва туманлар Соғлиқни сақлаш бўлимларидан шу тоифадаги болалар рўйхати олинади ва мактаб ёшидаги болалар таълимга жалб қилинади.

Педагог ходимларга дарс тақсимоти амалдаги норматив-ҳуқуқий ҳужжатлар асосида ўқувчилар сонидан келиб чиқиб, шакллантирилган синфлар сонидан келиб чиқиб тақсимланади.

Эшитишида нуқсони бўлган болаларни таълимдан четда қолишини олдини олиш мақсадида ушбу тоифадаги фарзандлари бор ота-оналарга умумий ўрта таълим мажбурийлигини ва бу болаларнинг таълим олишлари учун етарли шароитлар мавжудлигини тарғиб қилиш ҳамда тушунтириш ишларини олиб бориш ижобий натижа беради.

Ўрганишлар натижасида мактаб раҳбарияти томонидан ўқитувчиларга ўқувчи топиш юзасидан топшириқ берганлиги ўз тасдиғини топмаганлигини маълум қиламиз."

ХТВ матбуот хизмати

Кўкдала тумани ҳокими ташаббуси билан матбуот хизмати учун замонавий фото камера харид қилинди.

Туман тарихини келажакка мана шу камера билан муҳрлашдан бошлаймиз энди.

👉@Otabek

Чоқ 100 доллар, шақ 200 доллар, чақ 500 доллар...

Мен жмотларнинг жмотиман😂

@Otabek

Биласиз, мамлакатнинг бош қонунига ўзгартириш киритиляпти. Бугун ўтириб қайси моддаларга, қандай ўзгартиришлар киритилаётгани билан қизиқдим. Хусусан, 44-моддада ҳар ким Ўзбекистон Республикасининг қонунчилигига ва халқаро шартномаларига мувофиқ ўз ҳуқуқлари, эркинликлари ҳамда қонуний манфаатларини ҳимоя қилиш учун инсон ҳуқуқлари бўйича миллий ва халқаро институтларга мурожаат қилишга ҳақли эканлиги белгиланяпти экан.

Ўйлаб қолдим, аслида, мазкур ўзгартириш инсон ҳуқуқлари ҳимоясини конституция даражасида кафолатлаш эҳтиёжидан келиб чиқар экан. Бундай қўшимчалар киритишга инсон ҳуқуқларини таъминлаш борасидаги миллий амалиёт ва халқаро нормалар, хорижий давлатлар Конституциялари, шунингдек фуқаролардан келиб тушган таклиф ва тавсиялар асос бўлди. Шунингдек, инсон ҳуқуқларини тўлароқ кафолатлаш имкониятларини кенгайтиради.

Мазкур нормага ўхшаш нормалар, яъни миллий институтларнинг вазифаларига, жумладан, Ўзбекистон Республикасининг “Судлар тўғрисида”ги, “Прокуратура тўғрисида”ги, “Омбудсман тўғрисида”ги, “Ички ишлар тўғрисида”ги қонунларнинг 2-моддларида ўз аксини топган.

#MeningKonstitutsiyam #YangiQomus

Мени кафтимда холим бор.
Иримчи кампирларнинг ББC хабарларига кўра кафтида холи бор одам кўп пул топармуш...

Бюджетдаги кўп-кўп пулларни еб юбораётган АМалдорларни шунда томоғида холи борми?
Э томоғингга оёғим...

👉@Otabek

Доллар кўтарилди, кўтарилди дейсизлар ана бир танишим бозордан бир жуфт долларни 5000 сўмга олибди.
Доллар текинакану...

👉@Otabek