Рақобат билан ривожланиш сари

Таниқли хитойлик тадбиркор, AliBaba компаниясининг асосчиси Жек Ма шундай деган эди: "Рақобат бу худди шахмат ўйини каби, ютқазиб қўйсанг яна бир партия ўйнашинг мумкин, муштлашиш эса шарт эмас."

Инсоният тарихига назар соладиган бўлсак, бутун бошли бугунги кун цивилизацияси айнан рақобатлар орқали шаклланган ва ривожланган. Қадимга Спарта ва Афина рақобати, Қадимги Рим ва Карфаген рақобати вҳк.

Нима деб ўйлайсиз, жуда кўплаб географик кашфиётлар қандай яратилган? Айнан рақобат сабабли. Тасаввур қилинг, 19 аср охири, -70 даражагача совуқ Арктикада иккита гуруҳ инсонлар изғиб юришибди. Британиялик Роберт Скотт ва норвегиялик Руаль Амундсенларни бу гадой топмас музли саҳрога нима етаклаб келди? Ҳа бу қутб марказига ким биринчи етиб бориш бўйича бўлган рақобат эди.

Агар ака ука Адольф ва Рудольф Дасслерлар ўртасида рақобат юзага келмаганида бугунги кунда энг зўр бўлган иккита спорт кийимлари компанияси Adidas ва Puma вужудга келган бўлармиди? Менимча йўқ, чунки ишни яхши бошлаган битта компания ўзига рақобатчи йўқлигини хис қила бошлаган кундан бошлаб унда сифат туша бошлайди, замонга мослашмайди ва инновацияларга қўл урилмайди.

Рақобат инсонларга танлов имкониятини беради, монополия эса битта нарсани танлашга мажбур қилади, бошқа йўл қолдирмайди. Демак монополия сени стрессга солса, рақобат инсонларни бахтли қилиши мумкин. Ахир ўзингга ёққан, ўзинг истаган нарсани сотиб олиш яхши-ку!

Рақобат инсониятни буюк кашфиётларга, технологик инқилобларга олиб келди. Генри Форд ўз автомобилларини конвейер усулида йиғишни бошлади ва автомобилсозлик эрасида янги замон яратди. Бунга сабаб ҳам айнан бошқалар билан рақобат эди.

Месси ва Роналду рақобатини эсланглар, уларнинг қай бири кучлилиги муҳим эмас, улар ушбу рақобат туфайли миллионлаб оддий футбол мухлисларига унутилмас онларни хадя қилдилар.

Демак ҳар бир соҳа, футбол, бизнес, ижтимоий ҳаёт, фан ва бошқаларда ҳам рақобатнинг ўрни беқиёсдир. Рақобат бор жойдагина ривожланиш ва инновациялар бўлиши мумкин. Рақобат йўқ ерда шиддат билан бошланган ривожланиш ўз нуқтасига бориб тўхтайди ва ортга кетади, рақобат муҳитида эса чўққининг қаердалиги номаълум, яна яна ва яна баландроқ парвоз қилиш мумкин. Шундай экан, рақобатдан қўрқма, бу ривожланиш йўлидаги ягона эффектив йўлдир.

@nurbekalimov

Андижон вилояти ҳокимининг қариндоши "Йил аёли" мукофотига сазовор бўлди

Андижонда ўтган “Йил аёли” танловининг вилоят босқичида вилоят ҳокими Шуҳрат Абдураҳмоновнинг қариндоши эканлиги айтилаётган “Alsaeda” ўқув маркази раҳбари Гавҳарой Ҳасанова 1-ўринга муносиб кўрилди. Бу ҳақда "Rost24" интернет нашри маълум қилмоқда.

Абдураҳмоновга қариндошлиги айтилган аёл Гавҳарой Ҳасанова энди “Йил аёли” танловининг Республика босқичига йўл олди.

Маълумот учун, 2020 йилда Андижон вилоят ҳокимлиги шу аёлга тегишли бўлган "ALSAEADA" МЧЖдан бир донаси 760 минг сўмдан "Андижон меҳр маскани" номли китоб сотиб олган. Ҳокимият "ALSAEADA" МЧЖга 290 та китоб учун жами 220 миллион 400 минг сўм ўтказиб берган.

👉 @fayzboguz