Аҳоли муаммолари қачон ҳал этилади?!

Қарши шаҳри Бош режасига асосан Амир Темур кўчасини қайта реконструкция қилиш ва режалаштирилган янги кўп-қаватли турар-жой бинолари қуриш учун 2016 йилда 8 та, 2017 йилда 28 та ер участкалари тадбиркорлик субъектларига ажратилган. Лекин танланган тадбиркорлик субъектлари етарлича ўрганилмасдан, яъни бузилиш (снос) масаласини ҳал қилишлари учун маблағи ҳамда молиявий имкониятлари ҳисобга олинмаганлиги сабабли ҳозиргача шаҳар Бош режаси бажарилмай, қурилиш ишларининг кечиктирилиши аҳоли эътирозларини келтириб чиқармоқда.

Ўрганиш жараёнида Амир Темур кўчасини қайта ихтисослаштириш ва реконструкция лойиҳа таклифига биноан бузилиш (снос)га тушган уй-жой бинолари ўрнидан турар-жой бинолари қурилиши мўлжалланган жами 36 та ер участкасидан ҳозирги кунгача 2 та ер учаткасида турар-жой биноси қуриб фойдаланишга топширилган, 7 та ер участкасида қурилиш ишлари тугалланмаган, 27 та ер участкасида компенсация тўловлари бўйича юзага келган муаммолар сабабли қурилиш ишлари бошланмаган.

Молиявий имконияти ва салоҳияти бўлмаган тадбиркорлик субъектларини аниқлаб қонун-ҳужжатларида белгиланган тартибда уларнинг ер майдонидан доимий фойдаланиш тўғрисидаги Қарши шаҳар ҳокимлиги қарорларини бекор қилиш, шу билан бирга шаффоф, холис очиқ танлов (аукцион)лар ўтказиш орқали тадбиркорлик субъектларига ер участкаларини қайта ажратиш бўйича Халқ депутатлари Қарши шаҳар Кенгашига таклиф киритилди.

Каналга уланиш👇
👉@farxod_zayniyev

Яна аҳоли айбдорми?

Марказий банк бошқаруви раиси Мамаризо Нурмуратовнинг фикрига кўра, гўштни нархи кескин ошиб кетишига сабаб аҳолига кўп миқдорда кредитлар берилгани экан.

Роппа-роса бир йил олдин Актам Хайитов гўшт нархи қимматлаб кетишини «биз жуда кўп гўшт емоқдамиз» деб изоҳлаган эди.

@fayzboguz

Оғир ижтимоий аҳволга тушиб қолган хотин-қизларга имтиёзли уй-жойлар бериш тўғрисида Ҳукумат қарори қабул қилинган.

ҚАРОРГА КЎРА КИМЛАР УЙ-ЖОЙГА ДАЪВО ҚИЛИШИ МУМКИН?

Ногирон, кам таъминланган, фарзандларини тўлиқсиз оилада тарбиялаётган, уй-жой шароитини яхшилашга муҳтож оналар уй-жойга муҳтож хотин-қизлар деб белгиланган. Хусусан, қуйидаги тоифадаги аёллар ушбу имтиёзга даъво қилишлари мумкин:

мулк ҳуқуқи асосида (яъни номида) турар жойи йўқ, ижарада ёки яшаш учун яроқсиз уйда яшайди;

бошқа оила (оилалар) билан бир уйда (бир хонадонда) яшайди;

кўп болали (уч ва ундан ортиқ);

оиласининг даромади кам;

касаллиги туфайли алоҳида хонада яшаши керак (сил, тери-таносил касалликларининг оғир кўриниши, қандли диабетнинг йирингли яллиғланиши, псориаз) (туман тиббиёт бирлашмасининг хулосаси ва фуқароларнинг ўзини ўзи бошқариш органи (маҳалла) маълумотномаси асосида);

оила аъзолари орасида биринчи гуруҳ ногиронлиги бўлган шахслар мавжуд;

уй-жой майдони ижтимоий нормага мувофиқ эмас (бир шахс учун 16 кв. метрдан кам, курси-коляскадаги ногиронлар учун 23 кв. метрдан кам);

биринчи гуруҳ ногиронлиги бўлган ёлғиз аёллар;

оғир ногиронликка олиб келувчи касалликка чалинган боласини парваришлаётган аёллар (туман (шаҳар) хотин-қизлар қўмитаси маълумотномаси ва тиббиёт бирлашмаси хулосаси асосида);

кам таъминланган оилада ёлғиз ўзи икки ва ундан ортиқ вояга етмаган фарзандларини тарбиялаётган аёллар (маҳалла фуқаролар йиғини маълумотномаси асосида).

Ушбу ижтимоий нормалар ариза берувчининг аҳволини баҳолашда асосий мезон бўлиб хизмат қилади. Талабгор аёлнинг аҳволи ҳар бир пункт бўйича баҳолаб чиқилади ва энг кўп балл тўплаганлар биринчи навбатда тавсия оладилар.

Қарор ва унга илова қилинган низомда уй-жойни олишга ким талабгорлигидан тортиб қандай ҳужжатлар кераклигию, жараён қай тартибда кечишигача батафсил ёзилган.

Батафсил:👉https://lex.uz/docs/3682704

Аъзо бўлинг:👉@Zafarbek_Solijonov

Кун фотоси 😅

@avtobloguz