​​«Ходимим Андижонга борди. Марҳумнинг оиласида бўлди. Оила аъзолари ундан нимани сўрашганини биласизми? «Бизни блогерлар қийнаб юборишди. Бизнинг қайғумиздан улар нима қилишмоқчи эканини биласизми? Нима қилишмоқчи эканликларини билмаймиз. Бизларни блогерлардан ҳимоя қилинг». Бу марҳум оила аъзоларининг сўзлари», дебди Акмал Саидов. Ваҳоланки, унинг ўзи блогерлар томонидан кўплаб маротаба муҳокама қилинганидан сўнггина Андижондаги воқеа ҳақида билиб олганини айтмоқда. "Бу ҳақида ижтимоий тармоқлар орқали эшитишим билан Ўзбекистон Республикаси Бош прокурори, Ички ишлар вазирига мурожаат қилдим", дейди Инсон ҳуқуқлари миллий маркази раҳбари.

Ушбу кучли резонанснинг вужудга келиши, яъни блогерларнинг муҳокамалари бу муаммонинг ҳал бўлишига хизмат қилди, десак муболаға бўлмайди. Буни марҳумнинг яқинлари ҳам истаганликлари аниқ, акс ҳолда улар ўша маълум ва маъшум видеони ижтимоий тармоқларда тарқатмаган бўлардилар.

Бундай "булшит" гапни гапириш номи улуғ ташкилот раҳбарига ярашмабди. Хотя, аксинча, жуда ҳам ярашган. Бундан кўпроғини кутганимиз бизнинг айбимиз.

Шундай қилиб, "Тахтлар ўйини"нинг янги мавсуми қачон қайта суратга олинадиган бўлди?


«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w

​​"Сеҳргар" Акмал Саидов ҳақида

Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов шундай гапларни айтиб ўтибди:

«Ходимим Андижонга борди. Марҳумнинг оиласида бўлди. Оила аъзолари ундан нимани сўрашганини биласизми? «Бизни блогерлар қийнаб юборишди. Бизнинг қайғумиздан улар нима қилишмоқчи эканини биласизми? Нима қилишмоқчи эканликларини билмаймиз. Бизларни блогерлардан ҳимоя қилинг». Бу марҳум оила аъзоларининг сўзлари»

Мен шаҳсан Акмал Саидовни бир неча ўн йиллар давомида ғарбни кўзи учун йўқ нарсаларни бор қилиб, бор нарсаларни йўқ қилиб келган "юридический сеҳргар"лардан бири деб биламан. Ўша машъум Жаслиқни ғарбга болалар оромгоҳи каби кўрсатишга уринишларингизни биламиз. Ўзбекистон болалар меҳнатидан фойдаланилмаслигини жаҳл билан гапирганингизни ўша пайтда ноябрь ойида пахта даласида қўллари совуққотган болалар пахта билан банд бўлиб ўқишмаган бўлсада, биз ўқиганмиз.

Агар блогерлар бўлмаганида ўша Андижондаги кейснинг қопқоғи ёпиқлигича қолиб кетарди деб ҳам ишонаман. Ўша марҳум йигитнинг оила аъзоларини шу видеони чиқариб беринглар деб ўзлари ёзган гапларининг скринлари ҳам бор.

Балки улар ростдан ҳам шундай гап айтишгандир, безор бўлишгандир саволлар бера бошлаган блогеру журналистлардан. Аммо, ишни оммага ёяр экансан охиригача туриб беришни ҳам ўйлаш керак.

Умуман Акмал Саидовнинг ушбу даҳшатли ишга алоқадор нутқида, алоҳида урғу бериб блогерларни қоралаб ўтиб кетиши бир нечта саволлар қолдириб кетяпти. Блогерлар блогерлик қилса майлими Акмал Саидов?

Каналга уланиш 👉@nurbekalimov

Биз бир кемада бир манзил томон ҳаракатдамиз ёҳуд биринчи пост

Ассалому алайкум ҳурматли юртдошлар.
Телеграм каналим очилганига бир неча кун бўлган бўлса-да айнан шу кунни, шу постни кутиб ҳеч нарса ёзмаётган эдим.

Биринчи постимни муҳим воқеага, муносиб одамларга боғлиқ бўлишини истадим. Айтишади-ку, манзил сари ташланган биринчи қадам қолган масофани қандай босиб ўтишимизни белгилаб беради.

Ушбу постимни ҳам эътироф, ҳам табрик, ҳам муносабат тарзида қабул қилинг. Бу сизнинг фикрлаш ва ахборотни қабул қилиш эркинлигингиз, конституциявий ҳуқуқингиз. Айтишим мумкин-ки сўнгги йилларда ислоҳотлар натижасида эришган энг катта ютуқларимиздан бири ҳам шу. Тарозининг бир палласига амалга оширилган ислоҳотларнинг барчасини, иккинчи палласига сўз ва фикрлаш эркинлиги бўйича қилинган ўзгаришларни қўйсангиз, мен иккинчи тарафни оғирроқ деб ҳисоблайман.

Боиси айнан сўз эркинлиги туфайли барча ислоҳотларимизга тўсиқ бўлаётган омиллар кўзбўямачилик учун бажарилаётган ишлар, кимгадир ёқиш учун қилинаётган харакатлар, коррупция, таниш-билишчилик, давлат мулкини талон-тарож қилиш ҳолатлари ОАВда ва интернет тармоқларида фош этилмоқда.

Ўз-ўзидан маълум бўлади-ку бу ишни амалга ошираётган блогерлар, журналистлар, фаол фуқаролар кимлардир ўйлаётганидек, айтаётганидек бошқа кемада бошқа манзил томон эмас, биз билан бир кемада, бир манзил томон ҳаракатланяпти. Уларнинг манзилга етиш учун қилаётган ҳаракатлари орамиздаги айримларнинг фаоллигидан самаралироқ бўлаётганини ҳам ҳаммамиз кўриб турибмиз.

Ким нима деса, десин-ку, шахсан мен учун адолат ва ҳақиқат тантанаси учун курашаётган журналист, блогерлар бугунги кунимизнинг ҳақиқий ҚАҲРАМОНларидир.

“Адолат” социал-демократик партияси ва унинг депутатлари сизларни энг яқин ҳаммаслаги сифатида билади ва мамлакат тараққиёти учун қилаётган ҳалол меҳнатларингизни эътироф этади.

БАЙРАМИНГИЗ БИЛАН ДЎСТЛАР!