Отабек Артиков

Хабарларга кўра, Самарқанд вилояти Нарпай туманида бир авжига чиққан "рэкет" пайдо бўлибди. ХТБ мудири лавозимида фаолият юритаётган Мирзоҳид Йўлдошев деган шахс маҳаллий мактаб директорларини уришиб, уриб (32 мактаб директори мудир унга қўл кўтаргани
ҳақида вилоят бошқарма бошлиғига хат ёзган), ҳаммани мактаб ҳожатхонасини таъмирлаб беришга мажбур қилган.

Мана бу ерда эълон қилинган аудиога кўра, ХТБ раҳбари мактаб ошхоналари ва ҳожатхоналаридаги қурилиш ва таъмирлаш ишларини ходимлар керак бўлса ўз ҳисобида якунига етказиши кераклигини айтган. Сўров давомида 37-мактаб назоратчисига керак бўлса директор қурилиш ишларини ўз чўнтагидан амалга оширади деб таъкидлаган. Берган топшириғини бажармаган ходимлардан бирига унинг «кўзини ўйиш» билан таҳдид қилган; вазифаларни бажармаганларни прокуратурага топшириш билан қўрқитган.

У 22-мактабдаги ҳолатга тўхталиб, ходимларга «эртанинг ўзида бири болта, бири болға олиб» ҳожатхонани бузишни, бузишдан чиққан қурилиш материалларини бошқа мактабларга топширишни буюрган. «Эртага ҳамманг бориб бузасан. Эрталаб 6:00 дан шу ерда бўласан», — деган Мирзоҳид Йўлдошев.

Шунингдек, М.Йўлдошев мактаб директорларидан «Саховат ва кўмак» ҳаракати учун 100 минг сўмдан пул ўтказишни талаб қилган.

Бундан ташқари, М.Йўлдошев мактаб директорларининг эътиқодини ҳам калака қилиш ҳолатлари кузатилган. Бу ҳақда мана бу ерда эълон қилинган аудиохабарда батафсил маълумот олишингиз мумкин.

Бизга келган мурожаатларда айтилишича, Нарпай тумани мактаб директорлари бу ходимдан безор бўлиб, унинг истеъфосини талаб қилишяпти. Бу иш юзасидан ХТВ шахсан шуғулланишига умид билдириб қоламиз.

«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w

257 viewsОтабек Артиков (official), 07:06