Даламда каламушлар пайдо бўлибди, бир ов қилиб келай😄

🇺🇿@Otabek

Агар 48 соат ичида Хормуз бўғози очилмаса АҚШ Эроннинг муҳим энергетика тизимига зарба бераман деди.

Эрон бунга жавобан глобал интернет кабелларини узмоқчи.
Афтидан АҚШмас Эрон душманларни тош асрига қайтармоқчи.

🇺🇿@Otabek

Дунёда сиёсат қоидалари ўзгармоқда.

Аввал ҳамма АҚШни чексиз қудрат эгаси ва феноменал даражадаги ҳарбий куч соҳиби деб ҳайиқиб турарди ва АҚШ қоидалари билан ўйин ўйнар эди.

Аммо Эронга қарши урушда АҚШ ҳам ҳеч қандай феномен эмаслиги, Венесуэла президентини фантастик тарзда ўғирлаб келган давлат аслида ожиз эканини дунё кўрди. Кўплаб Европа етакчи давлатлари АҚШдан қўл узишди.

Ишонган “качок” акалари шунчаки каша еб фигура қилган, лекин 3 раундлик спаррингда тили осилиб йиқилиб тушадиган қуруқ гавда эканини тушунишди.

Россия Украина билан банд, Европанинг ҳам бор кучи Украина урушига қаратилган. АҚШ Исроилни ҳимоя қиламан деб ўзини иштонини йиртган.

Бундай вазиятда ҳозирда энг қудратли давлат номини сақлаб турган Хитой Тайванни босиб олиши учун ҳеч қандай тўсиқ йўқ. Туркия эса Ироқнинг Курдистон қисмини босиб олиш эҳтимолдан холи эмас.

Хуллас, дунё тартиби қайта тузилиш арафасида, олдинда иқтисодий инқирозлар навбат кутиб турибди.

Эртанги дунё бугунгидек осон бўлмайди.

🇺🇿@Otabek

Анжанда вилоят ҳокими ўринбосари 50 минг дўллир пора билан тушибди.

🇺🇿@Otabek

Қадрли кузатувчим Жамшид Акбаров илтимосимни ерда қолдирмадилар. Бу шеър солиқдан қочган санъаткорларга аталади.

🇺🇿@Otabek

О мани ёрим, мани мани ёрим
О мани дайди, дайди ёрим
Ҳаёлида нималардур борим
Сенла ман лайли, дайди ёрим

©Олмазор ИИБ

🇺🇿@Otabek

Асакабанкда бирорта каттакон қизини узатмаяптими?
100 долларлик ручка, 1.5 миллион сўмлик зонтикдан туфтиллионта сотиб олишмоқчи экан, куёв навкарга совға шекилли😄

Менимча бу қиммат ручка ўзи дарс тайёрлаб, зонтик ўзи автоматик равишда эгасини кўтариб юрса керакда😁

🇺🇿@Otabek

Трамп Эронга қарши ўта мудҳиш ва аянчли ваъдалар пакети билан курашмоқда...

🇺🇿@Otabek

У домдан, бу домга кўчиб юрадиган қуёш панеллар ҳақида эшитганмисизлар?

Баъзи ҳокимликлар тадбиркор билан келишиб, дом қурилиб фойдаланишга топширилгунга қадар унга қуёш панел қўйиб турар экан, дом сотиб бўлинди кейин секин қуёш панел бошқа янги қурилган дом тепасига ўрнатилар экан.

Ўзбеклар бунақа идеаларни ўйлаб топишда планетада тенгсиз😂

🇺🇿@Otabek

Гулистон шаҳар ҳокимлигига мана шу бекатдек катта раҳмат.

Аҳолини соғлом турмуш тарзига тарғиб қилиб, бекатга ўтиш жойини панжара билан ёпиб қўйишибди.

Автобус келганида панжарадан сакраб ўтган йўловчиларнинг еган овқати ҳазм бўлиб кетади, қўқонлик табибга бориш ҳам шарт бўлмайди.
Спорт соғлик гарови.

Энновация НАСИНЭМСИН...

🇺🇿@Otabek

Гулистондаги бекат бошқа жойга кўчирилибди.

Ишқилиб аввалги жойга яқинроқ ҳудудга қўйишган бўлса бўлди...

🇺🇿@Otabek

Трамп ҳар қанча Эронни йўқ қилиш ҳақида гапириб, гўё ядро қуролидан фойдаланишга шама қилиб вайсамасин, АҚШ Эронга қарши ядро қуролидан фойдалана олмайди.

Агар бирорта давлат биринчи бўлиб ядро қуролидан фойдаланса, бу бошқаларга ҳам “сигнал” бўлиши мумкин (Россия Украинага, Шимолий Корея Жанубий Корея ёки Японияга қарши) ва глобал мувозанат издан чиқади.

Шунинг учун айнан шу хавф туфайли ядро қуролини ишлатиш қарорлари жуда қатъий тизим билан чекланган.
Ядро зарбаси бериш бўйича якуний қарорни давлат раҳбари қабул қилса-да, бу шунчаки бир тугмани босиш билан ядро бомбалари ишга тушиб кетади дегани эмас.

Президент буйруқ берди дейлик. Бу буйруқ ҳарбий қўмондонлик занжири орқали текширилади. Ҳарбийлар эса бу буйруқнинг қонунийлигини текширади. Агар буйруқ ноқонуний деб топилса (бунда ядро доктринаси ва халқаро ҳуқуқий меъёрлар инобатга олинади), бу буйруқ бажарилмайди.

АҚШ ҳарбий доктринаси бўйича ҳарбийлар ноқонуний буйруққа бўйсунмасликка мажбур.

Шунинг учун, анави сариқ ақлдан озган сассиқ чол мағлубият аламидан ҳар хил таҳдидлар қилиши мумкин, аммо ядро қуролидан фойдалана олмайди.

АҚШнинг айни пайтда Эронга қарши ядро қуролидан фойдаланиш эҳтимолидан кўра, Трампнинг илон чақиб ёки юрак хуружидан вафот этиш эҳтимоли баландроқ...

🇺🇿@Otabek

Қашқадарё вилояти қурилиш ва уй-жой коммунал хўжалиги бош бошқармасига атаб 2025-йил 30-ноябрда бошқарув сервис компанияси (ширкат) аҳолидан ортиқча тўловлар олаётгани ҳақида пост қўйдим, кейин вилоят ҳокимлиги қурилиш бўлимидан эртакчи масъуллар мен билан боғланиб "январь ойида ширкатни сайлов масаласини ҳал қиламиз ва алмаштириб берамиз, қарздорлик эса музлатилади" деб қулоғимизга бир қозон лағмон илиб чиппа-чиройли қилиб алдаб кетишди.

Мана 2026-йил апрель ойи ҳам келди, ширкат эса ҳамон қилмаган иши учун одамларга қарздорлик ёзиб МИБга ошириб юрибди.

Биз Буратиноларни ёлғон ваъдаларига ишониб юраверамиз, бир иш қилмайдиган паразит ширкатлар бизга ҳаводан олиб қарздорлик ёзаверади. Ёзнинг жазирамасида ана кейин чироқсиз елпиғичда ўзимизни ўзимиз совутиб ўтираверамиз.

"Ҳурматли" қурилиш бўлими, ноябрда айтиб ишонтириб кетган чўпчакларни амалда исботини кўрсатасизларми ёки мен сизларга атаб замонавий достон битишни бошлайверайми?

Қашқадарё вилояти ҳокимлиги қурилиш бўлими масъуллари қайси бошқарув сервис компанияси сизларни қайси йўл билан тилингизни қисиб, ўзингизни муттаҳам қилиб қўйганидан мен бехабарман, лекин сизлар аҳолини очиқчасига талаётган бошқарув компаниясини ёнини олиб Трампга ўхшаб қуруқ ваъда бериб алдаб кетишларинг у бошқа жойларда эффект бериши мумкин лекин мени ёнимда эффект бермайди.

Эртагаёқ келиб ширкат-пиркатларингни тарақа-туруқлари билан қўшиб маҳалладан кўчириб кетмасанглар ўзим кўчириб юбораман.

Келасизлар, аҳоли олдида у ширкат қайси тартиб асосида нарх белгилаганини ва нима ишни қойиллатганини одамларга битта-битталаб ҳисобини берасизлар...

🇺🇿@Otabek

Валийнеъмати паноҳида нархларни асоссиз оширган бошқа бошқарув сервис компаниялари ҳақида ҳам мурожаатлар келмоқда.

Қарши шаҳрида фаолият юритаётган бу ширкатларни вилоят қурилиш ва уй-жой коммунал хўжалиги бош бошқармаси "крышевать" қилиб, соясида халқни талатаётган валломат кимлиги менга жуда ҳам қизиқ.

Бошқа маҳаллалардаги ширкатларда нима гап, яна кимларга асоссиз оширилган нархда қарздорлик ёзилган?

🇺🇿@Otabek

БАА: Биз Эрон ва АҚШ ўртасидаги урушда ғалаба қозондик.
Россия: Наҳотки?..

🇺🇿@Otabek

АҚШнинг сассиқ товонини ялаш, унинг чизган чизиғида юришнинг охири нима билан тугашини Яқин шарқдаги араб давлатлари кўрсатиб қўйди.

Ривожланиб зўр давлат бўлиш учун ўзингдан қудратли давлатни этигини ялаш шарт эмас, олтин ўрталиқни йўқотмай аста секин ривожланса ҳам бўлади.

Тўғри араб давлатлари каби тез бойиб кетмассан, "за то" оғанг қилган ҳарбий жиноятлар учун товон ҳам тўламайсан...

🇺🇿@Otabek

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ҳамда Ўзбекистон Республикаси Рақобат қўмитасидан Қашқадарё вилояти, Қарши шаҳридаги кўп қаватли уйларга хизмат кўрсатувчи бошқарув сервис компаниялари фаолиятини чуқурроқ ўрганишингизни сўрайман.

Қашқадарё вилояти қурилиш ва уй-жой коммунал хўжалиги бош бошқармаси буларга қарши чора кўрмайди, кўрмаган ва кўролмайди ҳам.
Чора кўриш учун тил қисиқ бўлмаслиги ҳам керак-да...

Хуллас, баъзи бошқарув компаниялари аҳоли билан ўзаро шартнома тузмаган (демак, уларнинг қўлидаги шартномалар сохта). Шу билан бирга, нархлар аҳоли билан келишилмаган. Дунё яралгандан бери Қарши шаҳридаги бирорта ширкат ёки бошқарув компанияси аҳолини йиғиб, “Бу йил мана бу ишларни қилдик ёки қиламиз ва нархни шунчадан белгилаймиз”, деб айтмаган. Бирортаси аҳоли билан йиғилиш ўтказиб, уларнинг розилигини ҳам сўрамаган.
Энг ачинарлиси, маҳаллада бирор тадбиркор ёки хонадон эгаси нимадир ободонлаштириш ишларини амалга оширса, ширкат раислари уни суратга олиб, худди ўша ишни ўзи бажаргандек ҳужжат қилиб қўяди.
Ундан ҳам ёмони, баъзи ширкатларда бир нечта одам ишчи сифатида ҳужжатда рўйхатга олинган, лекин аслида бор-йўғи бир киши ишлайди, қолганлари “ўлик жон”.

Департамент ҳамда Рақобат қўмитасидан мазкур бошқарув сервис компанияларининг фаолиятини обдон, фуқаролар билан муҳокама қилган ҳолда ўрганишингизни сўрайман.

Иложи бўлса, нима учун вилоят ҳокимлиги қурилиш бўлими шу кунгача бирор чора кўрмаганини ҳам атрофлича текширишингизни сўрайман.

🇺🇿@Otabek

Қашқадарё вилояти қурилиш ва уй-жой коммунал хўжалиги бош бошқармасидагилардан бошқа ҳаммага хайрли кун.

Қурилиш бўлими масъуллари гарангни қўшиб, кўрмаганга олиб юрсак тинчиб кетади деб ўйласанглар адашасизлар.

Мен не-не гаранг ва забонсиз одамларни гапиртирганман, сизлар ҳам тилга кирасизлар ишонаверинглар.

🇺🇿@Otabek

Бугун буюк давлат асосчиси, енгилмас саркарда Амир Темур таваллуд топган кун.

У дунёнинг учдан бир қисмига эгалик қилган, қатъий тартиб-интизом, кучли ирода ва адолат тимсоли бўлган буюк шахс эди.

Юртимизда Амир Темурдек буюк сиймолар кўпаяверсин!

🇺🇿@Otabek

Жуда тўғри айтилди: шаҳарни режасиз кенгайтириш эмас, балки оқилона ривожлантириш керак. Баланд бинолар ва кенг яшил ҳудудларнинг уйғунлиги замонавий шаҳарсозликнинг асосий йўналишидир. Бу нафақат қулайлик, балки тартиб ва эстетика ҳам дегани.

🇺🇿@Otabek

Қашқадарё вилояти қурилиш ва уй-жой коммунал хўжалиги бош бошқармаси берган ёлғон ваъдангиз ва менга ўқиб кетган бир пулга қиммат эртакларинг учун қилаётган танқидларимни кўрмаганга-эшитмаганга олиб юрганингиз билан мен бир бекорчи одамман ҳар куни ёлғонингизни эслатиб туравераман.

Эшитмаганликка оласизларми менга деса ўзингизни ўлганга солмайсизларми мен гапиравераман.

🇺🇿@Otabek