يعطيكم العافية ،، و كذا راح نعتمد اول ثلاث نقاط 👏🏻

سنابات حلى من الليمون الاسود اللومي و البرتقال ! كيف تتخيل الطعم ! حلو ؟ و الا مو حلو ؟ النتيجة مكس كان لذيذ و غريب حموضة على حلاوة و نكهة اللومي معطية طعم رهيب ،، فيها مرارة ؟ لااااا ،، الوصفة كريمة موس خلطت معها سيرب اللومي ( ٢٠٠ مل ماء ٢٠٠ جرام سكر ملعتين كبيرة لومي مطحون و عصرة و بشرة برتقالة ) ينطبخ ٢٠ دقيقة على نار وسط حتى يكون قوامه ثقيل ( ١٤٠ مؤية ) و الباقي سهل شوكولاتة و بسكويت سويناها كثيييير

طريقة عمل الايسكريم ف البيت

ايسكريم سيقان الدجاج

سنابات كميات السكر و الدهون ف منتجات نستهلكها كثير

القصة و ما فيها قررنا نسوي حلاوة بقر ،، رحت المزرعة بجيب حليب ،، لعل ام الخير 🐄 زعلانة ،، سألنا عنها و جت تركض ،، و فعلاً صارت جدا زعلانة لا تسألوني ليش ،، المهم حاولت اقنعها و اراضيها الى ما رضت و و ابشركم عطتنا حليب ،، بعدها ودعناها و رحنا نكمل الوصفة ،، اللي هي حلاوة بقر اللي هو فدج الكراميل ،،
الوصفة كالتالي :
٦٠٠ مل حليب طازج او مبخر
٤٥٠ ج سكر بني
٢٠٠ ج سكر ابيض
١١٥ ج زبدة
ملعقة صغيرة فانيلا مركز
ملعقة صغيرة ملح

نطبخ المكونات مع بعض على نار متوسطة و نحرك حتى نوصل درجة حرارة ١٢٠ مؤية او ٢٥٠ فهرنهايت ،، بعدها نصبها على صينية و نتركها تبرد في الثلاجة و بعدها نقطعها حسب الشكل اللي نبي ،،

اذا تبيها كريمية اطبخها الى حرارة ٩٥ مؤية او ٢٠٣ فهرنهايت

تخيل تنام و تصحى تحصل نفسك في عام ١٩٨٢ !! انا حصل معي هالشي و بس مااااااش مع ذلك ما وقفنا الطبخ و قلنا الجود من الموجود و سوينا حلا بسر برحي بحليب الماعز 🤤

فكرت و فكرت و فكرت 🤔
وش نسوي وصفة !
قلنا ليه مانسوي كيكة أفندي بما انه موسم الأفندي
تطورت الفكرة قلنا نطورها و نسويها محاكاة صندوق فندي كامل و سويناها ،،
🔸القالب : سيليكون آمن للغذاء نوعين تخلطهم مع بعض و تصبهم على اي شكل تبيه و بعد يوم يجمد تستخدمه ،، وين موجود اكتب ف قوقل ( سيلكون ل قوالب الشوكولاتة و يطلع لك اقراب المتاجر حولك )
🔸جدار الفندي اللي ف القالب : شوكولاتة بيضاء خلطت معها لونين اصفر و احمر بودرة عشان يطلع برتقالي صبيتها ف القالب بحرارة ٢٨مؤية ،،
🔸جدار الفندي اللي رشيناها : ٥٠٪؜ شوكولاتة بيضاء و ٥٠٪؜ زبدة كاكاو ،، و خلطت معه خلطة اللون البرتقالي ،، و رشيناها على مسدس الرش بحرارة ٣٤ مؤية
🔸 الحشوة : حطيت خلطة موس كيك او كريمة تحط خلطة كريمة التراميسو ايهم تحب انت و ذوقك و حطيت بسكويت ليدي فنقر مغطس بعصير الفندي ،، و لفيتهم دخلتهم داخل الكريمة ،،
🔸 شبك الفندي : شوكولاتة بيضاء و بنية و لون اصفر عشان يعطي اللون قريب و بعدها ب فرشة حديد عطيته خدوش و صارت معنا كذا كانه خشب بلاكاش 😎
🔸 المسامير : شوكولاتة اي لون عليهم ورق فضة خفييييييف ،،
🔸 الاستكرات : صممتهم على برنامج الالستريتور و الصور من موقع free pik ,, و اطبعهم عند اي مطابع ديجتال ،، زيج . فكرة . جزف . و غيرهم ،،

و 😋